| Commentator |
Time |
Content |
Tag |
| 黃偉豪 |
2025-01-07T12:21 |
市傳小米集團(01810)係南韓成立子公司，現時有約20名員工，小米股價昨日(6日)再創新高，高見36.85元，今日(7日)暫時要回套，後市繼續調整慨機會係咪較大？還是趁強勢反手開好倉？ 獨立股評人黃偉豪指，小米基本面一直唔錯，亦持續有唔同消息帶動股價，股價受惠於汽車、人工智能(AI)及補貼政策等而大升，但估值已開始貴，股價短期有調整空間，即使睇好小米後市，都唔建議現階段部署好倉，可以等股價回穩，確認唔再向下，再考慮相關輪證，暫時支持位睇10天線，即34元水平，如果跌唔穿呢個位，好大機會再試頂部。 |
|
| 梁偉民 |
2025-01-07T11:44 |
美國基金經理昨日(6日)全面復工，令美股成功延續反彈升勢，功臣又係科技股，其中，人工智能(AI)晶片股王英偉達(Nvidia)股價創收市新高，今日市場焦點係國際消費電子展2025(CES 2025)，估計Nvidia有新產品發布，包括最新顯示卡系列，Nvidia合作伙伴台積電(TSMC)昨晚盤前亦創新高，依家係咪可以追呢類大型人工智能(AI)相關股份？大型科技股後市慨走勢又係點？ 高富金融集團投資總監梁偉民指，Nvidia係AI熱潮最實在慨公司，過去幾年慨收入及盈利都以倍數增長，雖然股價已經升左一段，但市盈率(PE)大約50左右，處於合理水平。不過，AI主題係2025年有些隱憂，因為AI相關股股價已經以倍數上升，但只有Nvidia慨收入盈利比較理想，而其他公司收入盈利增長跟唔上股價，令呢些公司慨PE會升到昂貴水平。 Wyman又話，科技巨擘過去一年對AI慨投入已經好多，即使2025年對AI慨投資唔會縮水，但係現有較高投入水平，未必會再有大幅增長，會令收入盈利增長轉弱，對晶片及半導體慨需求都會有減慢慨情況，要小心留意AI相關股慨走勢。 |
|
| 黃敏碩 |
2025-01-07T10:15 |
王道資本及家族資產管理執行董事黃敏碩推介和黃醫藥(00013) 推介原因： -出售上海和黃藥業後，進一步優化資本及債務結構。 |
|
| 阮子曦 |
2025-01-06T22:46 |
經緯天地(02477)大股東向恆峰國際出售19.9%股權，每股作價4.52元，較周一收市價折讓30.9%，套現約4.5億元。 華富建業證券投資策略聯席總監阮子曦表示，經緯天地去年1月上市，股價已累升逾5倍，大股東大折讓減持股權，理應股價會明顯受壓，不過公司累升幅度誇張，應是股權歸邊，加上恆峰國際股東星光熠熠，未來應後其他後續動作，但要驚惕股價或會非常波動。 |
|
| 聶振邦 |
2025-01-06T18:12 |
踏入2025年，港鐵公司(00066)接連傳出有集資壓力慨消息，之前有報道指，港鐵正研究融資方案，唔排除以「組合拳」方式應對資金需要，包括考慮發債融資、出售資產、抵押商場或其他物業融資等方案，暫時未有定案，仍要等董事會拍板。除左市傳慨融資方式，集團會唔會考慮供股？ 博威環球證券金融首席分析師聶振邦估計，港鐵選擇發債慨機會較大，因為2025年物業市道未必咁好，出售資產未必賣到靚價，所以預期會以發債為主。雖然美國今年有機會放慢減息步伐，但市場估計今年起碼會減兩次息，以呢個方向睇，有利港鐵降低發債成本。 聶Sir相信，除非港鐵集資達唔到目標水平，到時先會考慮供股，但暫時睇黎可能性較低。 至於配股，佢就話，依家港鐵市值逾1600億元，以一般授權配股黎講，1年最多可以配售慨股份，相當於現時股本20%，因此，集團透過配股集資200億至300億元都係可行，所以未必需要供股。 |
|
| 梁傑文 |
2025-01-06T17:35 |
優必選(09880)上周宣布主席周劍同幾名高層解除一致行動人士協議，但主席承諾延長禁售期1年，市場仍憂慮其他股東會減持，消息一出，集團股價單日急瀉逾30%，並跌足4日，累跌51%，到今日(6日)先出現反彈。依家主席以外慨一致行動人士合共持股12%，當中3名股東承諾未來1年唔減持，但2名冇表態股東會唔會係隱憂？ 《香港股票財技密碼》作者梁傑文認為，事態發展有些失控，認為股東之間協調性唔係咁好，可能係佢地係2024年12月「拆夥」後，見股價幾穩定及市場反應唔大，但冇諗過消息一出，同埋個別股東掟貨會散震股價。 Mike續指，另一方面可能係前期投資者見股價升至逾90至100元水平就有減持誘因，但冇諗過股價係短短半個月內「腰斬」，可能令原本想減持慨股東改變主意，並延長禁售承諾。 至於2名冇表態及持貨較多慨股東，Mike覺得市場解讀得比較負面。 |
|
| 郭思治 |
2025-01-06T13:56 |
踏進新的一年，不妨先稍作回顧，去年大市確已打破連續四年先高後低之弱態，即技術上已漸擺脫不斷反覆尋底之趨勢，資料如下：2020年大市在先高後低之弱態主導下，年內之下跌波幅為8,035點，到2021年，大市之形態仍屬先高後低，年內之下跌波幅為8,518點，再到2022年，大市之形態亦屬先高後低，年內之下跌波幅達10,453點，最後到2023年，大市同樣在先高後低之下，年內大市之下跌波幅為8728點，經過連續四年之跌市後，去年大市終見技術上之突破，2024年大市屬先低而後高，恆指是由1月22日之低位14,794點升至10月7日之高位23,241點，即年內之升幅為8,447點，但大市雖見技術上突破，惟由於實體經濟仍持續不明及偏弱，故資金之入市態度相當保守，在動力不足之下，大市之升勢當不能持續，且在零碎回吐沽壓主導下，大市卒反覆回調至11月26之低位19,054點，即相對升幅為8,447點計，大市已回調升幅之49.5%，而直到目前一刻止計，大市暫仍持續整固於回調低位附近，衹是情況尚不算太差，至低限度，大市雖稍見回落，惟恆指衹是反覆於去年波幅之上半段，但如19,054點之支持一旦有失，則大市將初呈浪低於浪之弱態。 從技術上看，大市經過近日之一輪急跌後，由於恆指已相繼跌穿50天線（約在19,993點左近），20天線（約在19,940點左近）及10天線（約在19,888點左近），故大市之走勢已明顯轉弱，而目前之支持亦已順勢下移至100天線（約在19,390點左近），此防線之支持相當關鍵，因一旦有失，大市可能會進一步下試去年11月26日之低位19,054點。 1月大市之形態仍未現，但以高位暫為2日之19,932點，另外低位則暫為同日之19,542點計，照目前之市況看，恆指如不能成功重越20天線及10天線並穩守其上，則本月大市可能會先下尋月內之低位。 筆者為證監會持牌人士。 |
|
| 李浩然 |
2025-01-06T13:40 |
美股光是2024年就創下接近60次歷史新高，但這對於2025年的投資回報意味著什麼？坦白說，筆者也不知道。如果有人告訴你他知道答案，那他要麼是天才，要麼是在騙你（猜猜哪個更可能）。 事實是，短期內市場走向無人能控。更有趣的是，目標價這個工具，儘管屢屢出錯，卻依然讓人趨之若鶩。 目標價格的吸引力在於它提供了一個確切的數字，幫助你決定何時買賣股票。但是，聽起來不錯的理論在實踐中卻行不通。 2020年3月，一家著名的美資投行對另一個亞洲區的銀行發出了罕見的「賣出」建議，並將目標價下調；但三個月後，該投行的研究團隊竟將目標價上調46%—這恰恰暴露了目標價預測的荒謬性。這不禁讓人好奇，究竟是什麼導致了如此戲劇性的轉變？ 事實上，目標價的計算基於數學模型，分析師的假設是模型的輸入值。但公式本身沒有情緒，分析師卻有。假設樂觀，結果就是天花板的目標價；假設悲觀，則跌進谷底。這不過是「人性公式化」的結果。換句話說，目標價看似精確，其實只是帶著光環的猜測。 再以亞馬遜（Amazon）為例子。2010年，它的年收入為245億美元，主要來自於線上零售業務。然而，誰能想到，十年後，這家公司的業務將變得多麼不同？ 2015年，亞馬遜公司首次披露了其雲計算部門Amazon Web Services（AWS）的財務數據。當時，AWS的年收入已經達到了46億美元，經營利潤達到了6.6億美元。2023年，AWS的年收入已經接近900億美元，經營利潤達到了246億美元。 如果你以為這已經夠瘋狂，那還有更多驚喜。在2017年，亞馬遜披露其訂閱業務的年收入為64億美元。到了2023年，該業務的收入已飆升至402億美元。再加上廣告業務的快速崛起─2023年廣告收入達到470億美元─亞馬遜的新興業務在短短十多年內創造了1,780億美元的收入，遠超2009年的整體收入七倍。 問題是，誰能在2009年預測到這一切？答案是：沒有。這正是價值投資的魅力所在，因為它不是靠猜測未來，而是尋找能適應變化的好生意。 那麼，如果我們無法準確預測未來，是否應該放棄對股票的估值？橡樹資本（Oaktree Capital Management）聯合創始人Howard Marks曾說過一句耐人尋味的話：「我們永遠不知道未來，但我們應該知道我們當下的位置。」 這句話在估值中同樣適用。與其追逐目標價，不如看看股票當前的估值（如市盈率）與其歷史水平相比是高還是低。當然，股票估值偏高或偏低也可能有正當理由。比如，如果一家公司正在面臨重大挑戰，它的估值可能會因此被壓低。 因此，關鍵不在於估值的精確性，而在於提高投資勝算。找到優質且估值合理的公司，才是長期制勝之道。 投資有很多條路可以通向羅馬。確實，有些人單純依靠估值也能獲得成功。但對筆者來說，估值的真正意義在於幫助管理風險，而非預測未來。 需要注意的是，一家業務萎縮的公司，即使估值再低，也可能是一個投資陷阱。因此，從高質量的企業入手才是明智之舉。接下來，你可以根據企業的風險水平來調整你的投資規模和分批買入的策略。 目標價是一個有趣的心理遊戲，但它帶來的更多是精確的錯誤，而非正確的精確。投資的核心在於找到好公司，並在合理的價值範圍內買入。畢竟，時間才是投資者最好的朋友，而不是那些看似科學的目標價。 |
|
| 陳偉聰 |
2025-01-06T12:52 |
東亞銀行財富管理處發表2025年第1季投資展望，環球股市方面，係美國總統當選人特朗普(Donald Trump)上個任期出現「紅色浪潮」期間，標指累升約33%，「特朗普2.0」時代月底就來臨，市場普遍共識係美股係2025年會延續2023及2024年強勢，如果真係咁，標指今年上半年目標應該定係邊個水平？ 東亞銀行財富管理處高級投資策略師陳偉聰表示，標指今年上半年目標大約介乎6178點至6335點，同現水平比較有約10%上升空間，但係一個較中線慨目標，短期而言，指數反覆波動慨機會較大。 Jason續指，過去兩個月，美股慨金融、科技、非必需消費等板塊，受惠於「特朗普交易」 (Trump Trade)已升左一浸，估值已偏高，因此，短期再炒Trump Trade風險會較大，如果預期仍有上升空間，必須密切留意市況變化，因為大市有可能先行回調及整固。 |
|
| 植耀輝 |
2025-01-03T22:52 |
權益披露顯示，JS環球生活(01691)主席兼大東王旭寧於上月30日，場內以溢價近28%增持0.3億股。 耀才證券研究部總監植耀輝表示，JS環球大股東溢價增持，應有後續動作，不排除會仿傚同業VESYNC(02148)提出私有化。 |
|
| 關焯照 |
2025-01-03T16:24 |
美匯指數持續強勢，今日(3日)一度升穿109水平，美國總統當選人特朗普(Donald Trump)將會係2025年1月20日上任，意味加中國貨關稅慨日子愈黎愈近，呢些因素都不利人仔，究竟應該點投資好？ 冠域商業及經濟研究中心主任關焯照指，特朗普本身就係最大不明朗因素，因為佢所有政策都會推高通脹，不利股市。佢又話，美元強勢係因為長息扯高，而長息升意味通脹預期轉強，亦代表投資者沽美國長債，但仍持有美元。值得留意係，美元強勢亦同歐元疲弱有關，歐元兌美元已失守1.03。 關博士認為，短期而言，係美元強勢下，亞洲股市都應該冇乜運行，而隨著特朗普上任，好多消息及政策都會落實，政策細節會逐步曝光，睇返大環境係對港股及A股不利，因為美國係唔會「放過」中國。佢建議投資者可以考慮保守型股票，但要係內地推政策後立即行動，如果唔想跟咁貼，就可以考慮防守型板塊。 |
|
| 梁偉源 |
2025-01-03T13:06 |
截至早上11點，過去1小時內《彭博》用戶搜尋量最多港股，依次為小米集團(01810)、紫金礦業(02899)、商湯(00020)、高鑫零售(06808)及港鐵公司(00066)。 小米係今朝(3日)升幅最大慨恆生指數及科技指數成分股，股價一度升穿36元，創新高。發改委今朝開記者會，宣布「以舊換新」政策會擴至手機等數碼產品，補貼個人消費者購買相關數碼產品，呢個消息係咪今日股價破頂慨關鍵？ 大華繼顯執行董事梁偉源指，小米近期有唔少消息，例如發展人工智能(AI)及機械人、電動車交付達標等，今朝發改委補貼消息一出，市場更加聚焦係小米身上。 Steven續指，新數碼產品慨功能有冇好大突破，以及補貼力度都會影響消費者換機意欲，若數碼產品會加入AI相關功能，而政府補貼金額又夠多，相信可以吸引消費者換機。 |
|
| 聶振邦 |
2025-01-03T10:55 |
「科技7雄」(Magnificent 7)之一慨Tesla昨晚(2日)出左2024年慨交付數據，全年僅交付178.9萬輛電動車，除少過預期及2023年，亦係集團歷來首次全年交付量出現倒退，更拖累股價一度大跌7%，Tesla前景係咪冇想像中咁樂觀？ 博威環球證券金融首席分析師聶振邦指，Tesla去年交付量減少，反映供應鏈緊張之餘，更大機會係因為小錯而流失左客戶。佢又預期，集團2025年最大挑戰仍然係交付量，因為歐洲飛機製造商空中巴士(Airbus)慨交付量都跌，所以如果供應鏈問題解決唔到，相信市場對Tesla慨業績及前景都會存疑。 聶Sir提醒，Tesla股價依家係380美元水平，之前股價大升係受惠於「Trump Trade」效應，不過，當美國總統當選人特朗普(Donald Trump)慨光環減退，Tesla股價就會有下行壓力，又估計現價仍有約10%慨調整空間。 |
|
| 彭偉新 |
2025-01-03T10:14 |
獨立股評人彭偉新推介中海油田服務(02883) 推介原因： -受惠全球能源需求回升，尤其是在新興市場的強勁需求 -預期中海油田服務的2024年及2025年每股盈利分別為0.73元及0.96元 -未來3年內。 |
|
| 盧楚仁 |
2025-01-02T17:48 |
今日(2日)係商品期貨2025年首個交易日，之前出爐慨美國聯儲局「點陣圖」，預示2025年減息次數少過預期，金價係2024年12月明顯缺少上升動力，依家金價係每盎司2630美元徘徊，如果再冇力向上突破，守唔守得住2600美元呢關？ 獨立外匯商品分析師盧楚仁指，現階段會比較睇淡金價，上到2600美元水平只係借地緣政局炒作，其實冇任何實質支持，若金價2025年開始走強，再加上債息升，相信金價過左呢輪反彈浪見頂後，就會展開新一輪跌勢。 佢又話，一旦展開新一輪跌勢，或要跌到2580美元先搵到支持，但呢個位仍有機會失守，若再跌深些，就要落到2500美元才有支持。 |
|
| 植耀輝 |
2025-01-02T17:26 |
美國電動車巨擘Tesla今晚(2日)會出2024年第4季及全年交付數據，市場估計，上季交付量約50.6萬架，呢個預測是好是壞？Tesla之前係「Trump Trade」大贏家之一，股價一度炒上480美元水平，不過，隨著「Trump Trade」熱潮近期降溫，Tesla股價亦回落至400美元水平，今晚出爐慨交付數據，對股價有冇影響？ 耀才證券研究部總監植耀輝指，如果數據唔係同預期有好大落差，應該對股價影響唔大，特朗普(Donald Trump)當選後，Tesla股價如坐火箭，加上資金炒作科技相關概念，例如近期熱炒慨機械人概念，而Tesla都有涉足呢個範疇，呢些因素都可以令Tesla維持升勢。 不過，Stanley提醒，特朗普今個月正式上任後，Tesla股價唔一定受惠，因為特朗普有部分政策存在矛盾，例如一方面要放寬自動駕駛監管，但另一方面為燃油車鬆綁，不利Tesla等電動車企發展。 佢又指，如果美股行情唔差，Tesla股價表現唔會太差，相反，如果大市氣氛轉差，加上特朗普慨政策對Tesla不利，Tesla股價好大機會調整。 |
|
| 黃麗幗 |
2025-01-02T16:19 |
Labubu的Zimomo最近現身於中環某商場的聖誕佈置，不少人批評今年的裝飾不及往年，雖然欠缺了些少聖誕氣氛，不過這個人氣的公仔品牌絕不失禮。泡泡瑪特(09992)曾出產了不少知名的公仔品牌，包括Molly、Pucky，不過論及受歡迎程度還不及Labubu，我承認自己亦是粉絲之一。 盲盒炒價逾十倍 泡泡瑪特於2020年上市，今年上半年的收入按年增長62%至45.6億元人民幣，來自海外的增長更是兩倍，毛利率高達64%。即大約是售價100元的盲盒，商家賺約64元，當中Labubu的產品無論是門市或網上銷售均長期售罄。泡泡瑪特內地門店增至374家，機械人商店數量更多達2,189店。它的成功之道在於與不同的知名的藝術家及品牌合作，盲盒就是會給人無限的驚喜感，加上產品多樣性、收藏價值及明星效應，亦成功俘虜了青少年的心。 雖然外界經常抨擊盲盒助長賭博，令人上癮。公道而言，即使拆去了銷售包裝，這些潮流公仔炒價仍達數千元。 樂高逆線增長 毋懼時代挑戰 當奢侈品牌LVMH首九個月業績出現下滑，全球玩具巨頭樂高，縱受到俄烏戰事影響，今年首6月銷售額仍增長13%至約46.5億美元，分店數目達到1,100家。樂高是一家丹麥公司，已有90年歷史，曾因電玩時代的衝擊下，一度面臨破產，後來業務成功改革，產品開始與電影聯名，開設遊樂園，並開始迎合成年人及女性市場，如名車品牌或植物的積木，還有各大卡通品牌的版權，總會找到小朋友喜歡的卡通人物。 市場研究公司Circana數據顯示，了2023年美數據，2023年美國玩具銷售額為280億美元，同比下降了8%，並出現了自2020年疫情爆發以來的首次下跌。面對人口老齡化，在11項玩具類別當中，只有3項突圍而出，包括積木、毛絨玩具及車載玩具，均解釋了泡泡瑪特及樂高不敗的原因。 |
|
| 許繹彬 |
2025-01-02T10:49 |
踏入2025年首個交易日，在此祝願所有讀者「股」運亨通，「期」開得勝，身體健康，今年勝舊年！總結2024年，港股在最後一個交易日，即使只有半日市，最終仍能以20,059點收市，總結全年共升3,012點，擺脫四年持續下跌的局面，總算有所交代。 全年表現最好的藍籌，相信投資者不難估中，因為仍屬科技股範圍，但並非騰訊(00700)及阿里巴巴(09988)此等前列份子，而是小米集團(01810)，榮獲最佳可謂實至名歸，因為此公司在過去幾年國內經濟仍未有太大改善的情況下，仍積極開拓版圖，早已憑智能家居設備及手機設備在全球有可觀的市佔率外，去年更勇於嘗試，自行研發電動車，推出後亦深受市場歡迎及認可，從而再進一步奠定其積極進取的營商策略；獲最佳藍籌殊榮的小米集團全年股價累升超1.2倍，能在逆境中突圍，可見其付出努力，倘若國內經濟之後有所改善，相信未來前景仍有可為！ 有最佳就一定有最差，2024年在全球高通脹下，內需股的業務飽受衝擊，加上市場上代替品湧現，已經失去其獨特優勢，榮獲最差藍籌股的百威亞太(01876)全年累跌近50%，並非無跡可尋；相信未來內需股的前景，仍存在一定考驗！而一直與香港股市唇齒相依的內地股市，在2024年最後一個交易日又再一次受壓，上海綜合指數以全日低位3,351點收市，未能擺脫弱勢，只可寄望2025年有一番作為！ 筆者認為，國內股市未能承接中央於去年9月下旬使出的「連環拳」救市措施帶來的升勢，回落速度比港股還要快的原因，相信是人民幣匯價在去年第四季持續疲弱，導致「連環拳」措施所提及的「穩股市、穩樓市」來刺激資本市埸，未能達到預期成效所致。即使中國人民銀行過去一年持續強勢進行維穩匯價，但人民幣仍處極度疲弱水平。 加上，美國因踏入更換總統周期，美元在第四季再度轉強，令人民幣匯率反彈乏力，與美元掛鉤的港元當然亦是強勢，每百港元兌人民幣更一度升穿94元，人民幣匯率屬2007年12月低位的水平。在港匯強勁下，久違的港元利息再度抽升，因而令外間預料近期港元兌人民幣仍會在93.46元至95.24元之間徘徊，此水平來說，相信對北上消費人士屬天大喜訊，但對在港從事飲食及零售的商家，相信則是「笑唔出」！ 但值得慶幸的是，2024年人民幣兌每美元的中間價僅累計下跌1.49%，雖然已是持續三年回落，但跌幅較之前兩年進一步收窄，彰顯中央已盡全力維持人民幣匯價，相信有利海外投資者未來增持人民幣產品的可能，長遠而言更有利經濟復甦！ 談回港股，隨著聖誕假期完結，基金經理亦開始歸位工作，而港股在2024年最後仍守著20,000點以上收爐；從勢頭來說相信仍可維持，成交亦可能在基金經理休假後會有所回暖；如願望成真，港交所(00388)可能是2025年首季精選，不妨留意。 |
|
| 阮子曦 |
2025-01-02T10:42 |
華富建業證券投資策略聯席總監阮子曦推介攜程集團(09961) 推介原因： -近期季績表現持續超預期，預計內地旅遊消費暢旺。 |
|
| 王良享 |
2024-12-31T16:01 |
內地今朝(31日)出左12月官方製造業採購經理指數(PMI)，表現略差過預期，但非製造業商務活動表現就好過預期，應該點解讀呢些數據？製造業及非製造業表現分化情況係咪會持續？ 臻享顧問董事總經理王良享相信，製造業同非製造業分化慨情況只係受周期性因素影響，由於製造業係10月及11月已經趕工一段時間，所以12月就開始放緩，雖然數據低過預期，但情況唔算嚴重。非製造業方面，主要受樓市政策影響，其中，建築業慨商業指數升3.5%，表現較為突出。至於服務業亦出現適度反彈，都乎合明年慨經濟主軸，而市場亦關注內地居民願唔願意拿儲蓄出黎買樓、消費等。 |
|
| 聶振邦 |
2024-12-31T13:26 |
截至早上11時止，過去1小時內《彭博》用戶搜尋量最多港股，依次為中芯國際(00981)、中國神華(01088)、微盟集團(02013)、中國石油股份(00857)及建設銀行(00939)。 近日急升慨中芯及微盟今日(31日)齊齊回套，收市跌2.4%及6.3%，中芯股價今年累升60%，微盟就累升約16%，展望明年，呢兩隻股份係咪繼續可以睇好？ 博威環球證券金融首席分析師聶振邦指，中芯受美國針對晶片慨制裁，令國產晶片銷售可以受惠，佢估計，中芯升勢有望持續，如果股價可以上到33元又企得穩，2025年第1季可以睇38元，甚至40元。 微盟方面，聶Sir認為，微信新功能「送禮物」令市場睇好微盟，加上受惠於春節假期，帶動資金流入，不過，春節過後就未必再有推升股價慨催化劑。佢又估計，微盟仍有上升空間，後市留意係4元有冇阻力。 |
|
| 梁偉民 |
2024-12-31T12:49 |
美股3大指數昨晚(30日)跌約1%，《彭博》指出，有19家大行及研究機構慨分析師，都冇預期美股明年會跌，其中，標指最牛睇7100點，較昨日收市有20%上升空間，市場似乎認為美股明年將會延續今年慨樂觀情緒，到底係市場太樂觀，還是都係一個合理預測？ 高富金融投資總監梁偉民指，標普明年要見7000點以上，即係要升約20%，估值及盈利增長都要配合，呢個係比較誇張及期望較高慨預測。佢補充，由於過去兩年市場已price in左對盈利增長較樂觀慨睇法，但到依家仍未滿足到市場慨樂觀預期，因此，標指明年要大升，企業盈利就要大幅增加，或市場慨樂觀情緒進一步升溫。不過，佢認為人工智能(AI)相關慨熱度明年會降溫，因為呢類企業過去兩年慨盈利表現唔係好對辦。 Wyman又話，美股明年慨憧憬及驚喜主要來自放寬監管，但具體放寬程度、咩行業會受惠等，都要等美國總統當選人特朗普(Donald Trump)上任後先明朗化。 |
|
| 黃偉豪 |
2024-12-31T11:51 |
港股昨日(30日)係期指結算日窄幅上落，恆生指數反覆向下，雖然資金昨日繼續流入恆指好倉，但5日合計就有3191萬元資金離場，淡友昨日亦轉為流入， 5日合計有逾4113萬元資金坐貨。牛熊證方面，牛證重貨區上移至19700點，亦係最多人加倉慨位置，熊證重貨區繼續係21100點，最多人加倉係20400點。今日(31日)除夕港股只得半日市，恆近期持續窄幅波動，資金擺位都比較貼，20000點仍然守得住，牛證收回價19700點係咪都可以考慮？ 獨立股評人黃偉豪指，港股明日(2025年1月1日)假期休市，周四(2日)復市會點走都有變數，所以牛證收回價揀19700點似乎有些貼，亦唔係好安全，依家關鍵支持位係19900點水平，考慮到假期因素，恆指牛證收回價宜擺19500點樓下。 |
|
| 黃敏碩 |
2024-12-31T10:07 |
王道資本及家族資產管理執行董事黃敏碩推介東岳集團(00189) 推介原因： -從事製銷高分子材料、有機硅、製冷劑及專注於氟硅產業鏈的發展 -今年受家電「以舊換新」補貼刺激，空調、冰箱等全年銷售超預期 -內地對3代製冷劑開始制定配額，政策改變使3代製冷劑供應受到限制。 |
|
| 鄭家華 |
2024-12-30T22:58 |
中國中車(01766)於8至12月簽訂若干新合同，合計金額693.5億元人民幣，相當於去夫收入29.6%。 阿仕特朗資產管理董事鄭家華表示，中車不定時披露新簽合同金額，意味未來收入有一定保障，而公司近年業績亦穩定增長，目前預測市盈率約十倍，屬合理水平。 |
|
| 聶振邦 |
2024-12-30T18:20 |
優必選(09880)慨1年股份禁售期已屆滿，主席自願延長禁售期承諾12個月，但未有提及其他股東，股價今日(30日)即刻跌左落黎，股份去年底以90元上市，今年3月股價一度升至300元樓上，但其後股價反覆回落，今日大林逾30%，成交亦好誇張，成交金額高逾22億元，市場消化左禁售期相關消息後，股價會唔會有運行？ 博威環球證券金融首席分析師聶振邦指，重上返330元水平機會唔大，要大市氣氛及業務表現配合到，股價先有望推高，估計2025年重上高位機會好微。 佢又話，如果半新股過左禁售期後，股價開始跌，一般唔會一兩日就跌完，有機會持續一至兩個星期，之後先會喘定，優必選今日(30日)成交好多，有可能繼續捱沽，估計跌多一至兩日先會喘定，所以依家唔適宜撈底，可以等股價落到50元至55元喘定左再入貨。 聶Sir又話，機械人研發相關股主要以概念為主，呢些公司仍未有實際盈利，所以公司2025年成功扭虧機會唔大，如果想入市，宜做中長線部署。 |
|
| 林嘉麒 |
2024-12-30T17:36 |
思摩爾國際(06969)向主席等人發購股權，明年至2030底前，期間連續15個交易日平均市值達到或超過3000億至5000億元，就可以行使最少30%購股權。2020年底至2021年初，思摩爾股價處於89元水平，高峰時期市值近5000億元。不過，公司今年上半年只係賺逾7億人仔，假設下半年表現差唔多，即係全年賺約14億人仔，未來盈利係咪好難重返高峰？股價跌至現水平係咪入場慨好時機？ 元宇證券基金投資總監林嘉麒指，思摩爾盈利表現同2022年、2023年有一段距離，相信好難重返近5000億元市值慨高峰，現時市盈率(PE)逾40倍，除左要睇港股整體氣氛外，公司估值方面，亦要市場願意畀一個更高慨溢價，先可以做到3000億元慨市值目標，因此，思摩爾要實現呢個目標慨機會唔高。 KK又話，不論業務狀況、市場氣氛都好難令思摩爾係幾年後達標，佢建議，投資者可以留意公司未來半年至1年表現，再作部署。 |
|
| 莊志雄 |
2024-12-30T17:20 |
美股今年表現強勁，標普500指數累升約25%，主要係靠大股撐起整個升勢，高盛估計，相比標指其他股份慨股價，明年「科技7雄」(Magnificent 7)跑贏幅度將唔及今年及去年咁勁，估計只會跑贏7個百分點，而上一次出現相若情況係2018年，相比2018年，依家慨情況係好左還是更差？ 「股市漁夫」創辦人莊志雄指，依家慨情況同2018年好唔同，市寬50%係牛熊分界，現時市寬低過50%，代表有超過一半慨股票跌穿200天線，意味超過一半慨股票有「蟹貨」，睇返2018年初，市寬約65%，當時大部分股票都冇「蟹貨」，並企係200天線樓上，若2025年開局冇太大變化，2025年慨市寬將會低過2018年，反映大市明顯弱過2018年，當年「7雄」只係跑贏大市8個百分點，估計2025年「7雄」表現將會比大市更差。 Lewis又話，2018年第4季，標指迫近歷史高位，但市寬跌穿50%，當時美國聯儲局做錯決定，依家聯儲局亦有機會做錯決定，所以要小心大市及大型科技股會大跌。 |
|
| 郭思治 |
2024-12-30T10:33 |
踏進本周，大市已進入2024年之尾聲，而剩下之交易日亦只得一日半。周一(30日)是即月期指結算日，而周二(31日)是除夕日，只得半日市，是為即月場外衍生工具結算日，同時亦是2024年之年結日。從周來大市之走勢看，一眾維穩買盤及粉飾廚窗等相關活動該已漸主導大局。 即是說，只要沒有黑天鵝事件出現，即月期指該可在20,000點左近進行轉倉及結算。單從技術上看，大市如能持續緊扣著20,000點左近，即使不能作較明顯之推升，但至少會給人已回穩之感，同時亦該有利於明年一月上旬大市之發展。 再看移動線方面之表現。目前各組平均移動線之排列由上至下為50天線(約在20,041點左近)，10天線(約在19,927點左近)，20天線(約在19,871點左近)，100天線(約在19,268點左近)及250天線(約在17,996點左近)。以恆指目前正整固於20,100點左近計，既大市技術上已成功重越各組平均移動線。只要大市能保持此形態不變，該表示大市已止跌回穩，且只要成交金額能再見暢旺，在動力配合下，大市該可再候機推上，而暫時技術性之上望目標該分別為12月3日之高位21,070點及11月8日之高位21,355點。從小圖上看，此有點似技術性小雙底。 市場目前較關注的是明年首季大市之走勢會如何。談到此點，不妨拉闊一點看。今年大市屬先低而後高，即已打破連續四年先高後低之弱態。直到執筆一刻止計，今年恆指是由1月22日之低位14,794點升至10月7日之高位23,241點，即年內之波幅是上升8,447點，其後在動力減退下，大市卒進入中期大幅急升後之技術性回吐中。大市亦自10月7日之高位23,241點持續反覆回落至11月26日之低位19,054點，即恆指共回調4,187點。相對中期升幅為8,447點計，大市共回調升幅之49.5%。單從技術上看，情況並不算太差，而直到目前一刻止計，大市仍在年內波幅之上半段拉據及整固，等待變化。 |
|
| 姚浩然 |
2024-12-30T10:25 |
亨達財富管理董事總經理姚浩然推介心動公司(02400) 推介原因： -遊戲業務增長理想 -預測市盈率(PE)約16倍。 |
|
| 植耀輝 |
2024-12-27T22:50 |
靈寶黃金(03330)約3.86億股內資股轉換為H股，並已獲聯交所批准上市買賣，該批股份佔總股本逾31%。 耀才證券研究部總監植耀輝表示，這次H股全流通的內資股當中，有1.85億股由大股東傑思偉業持有，連同本身已持有的3.2億股H股，佔總股本40.62%，雖然傑思偉業是一間投資公司，持股的平均成本價僅1.59元，但若仍看好金價前景，短期內亦未必會大手減持獲利。 |
|
| 黃敏碩 |
2024-12-27T16:42 |
理想汽車(02015)創辦人李想日前係「2024理想AI Talk」活動上指，集團已變身人工智能(AI)公司，又話未來100%會做人形機械人，更預期2030年有機會推出AI跑車，佢慨言論為市場帶黎好大憧憬，帶挈股價今日(27日)急升，一度大升7.6%，更成功晉身「紅底股」， 公司發展AI業務有咩優勢？生產工業機械人係咪一項合理投資？ 王道資本及家族資產管理執行董事黃敏碩指，理想應該會從研發方面著手，但佢認為，業務方面未必會跨界發展，依家市場最關注集團點樣引入AI產品、生態圈更普及點推廣AI，同埋係汽車市場以外搵機會。 Michael續指，全部企業都希望係工業機械人方面著手，因為可以節省人手，但亦要留意安全性及市場對產品慨信任度，佢認為，理想同其他企業唔同，因為冇包袱，可以有更大想像及創意空間，不過，品牌本身未畀到市場好大信心，所以市場只會觀望，單靠企業自己做到應用落地，始終仲係有些局限。 |
|
| 陳建良 |
2024-12-27T15:32 |
港股係年底終於收復20000關，2024年收爐時，恆生指數有機會扭轉連跌4年慨劣勢，依家市場正靜待應該係明年3月召開慨「兩會」，而「兩會」前會進入政策真空期，點睇港股2025年開局表現？係咪傾向睇淡？ 勝利瑞柏基金管理合伙人暨投資總監陳建良估計，中央將因應農曆新年期間整體消費，以及春節假後復工數據做部署，若消費數據向好，就唔需要推咁多刺激政策，反之亦然，所以的確會進入一個相對冇討談空間慨時間。 KL續指，估計恆指明年較大機會呈橫行格局，但同過往慢慢飄落去慨橫行唔同，因為外資唔會係經濟岩岩復甦後，就即刻投資港股及A股，所以佢認為港股明年唔會升好多，但亦唔會出現資金大舉流走或沽空慨情況。 佢又預期，港股明年板塊輪動會幾明顯，唔同板塊會輪流炒上，而且係短線升完一浸就跌，所以較難捕捉政策市反彈，佢建議投資者明年僅適量參與，唔好太進取。 |
|
| 梁偉源 |
2024-12-27T13:05 |
截至早上11時止，過去1小時內《彭博》用戶搜尋量最多港股，依次為聯想集團(00992)，小米集團(01810)、萬科企業(02202)、金山軟件(03888)、李寧(02331)。 聯想股價今日(27日)抽升，一度大升逾9%，高見10.58元，集團曾提及配備個人智能代理慨人工智能電腦(AI PC)，第2季佔內地筆記型電腦總出貨量14%，滲透率唔算高，未來係咪仲有提升空間？ 大華繼顯執行董事梁偉源指，投資者繼續積極追捧AI概念，雖然聯想今年出左唔少AI電腦，但佔整體比例仍唔高，加上睇唔到AI相關功能可以帶黎重大盈利貢獻，雖然外圍炒作AI已經一段時間，但內地仍有追落後慨機會，如果明年希望用高盈利增長呢個概念吸引資金，AI相關股始終都係比較重要慨板塊。 Steven又話，聯想有足夠能力將產品推向應用層面，加上集團提及會用火山引擎慨AI功能，希望係搜尋、寫作及聊天等層面協助AI發展，因此，預期聯想AI業務發展可以錄得高增長。 |
|
| 梁偉民 |
2024-12-27T10:58 |
美股過去一段時間一直靠重磅股撐，包括「科技7雄」(Magnificent 7)慨Tesla及蘋果公司(Apple.Inc)，後者更連續4個交易日破頂，依家最牛目標價睇325美元，但有分析指，美股表現同市寬唔配合，係咪市場低估左人工智能(AI)推動慨升級周期？資金會唔會繼續捧「7雄」？ 高富金融集團投資總監梁偉民指，美股市寬一直唔太理想，市場經常側重某些板塊，但整體黎講，美股應可以繼續向上，至少意味投資市場唔覺得市寬係好大問題。 Wyman續指，自特朗普(Donald Trump)勝選後，係競選期間出錢出力撐佢慨「頭號浸粉」馬斯克，旗下公司成為大贏家，帶挈股價累升逾50%，但佢認為已經升過龍，主要係集團無人駕駛的士短期未必可以推出市場，加上應該會有競爭對手。 Apple方面，已有慨AI應用唔算多亦唔算吸引，較難掀起換機潮，值得留意係，隨著大價股估值愈推愈高，如果一些憧憬唔可以落實，股價就會回調，又指靠憧憬推高股價係唔實在。 |
|
| 盧志明 |
2024-12-27T09:58 |
大唐資本投資策略部總監盧志明推介名創優品(09896) 推介原因: -主營品牌生活家居產品市場和潮流玩具市場 -西班牙最大門店於馬德里開業 -疊紙旗下手遊《戀與深空》推出聯名毛絨玩偶。 |
|
| 譚智樂 |
2024-12-24T13:22 |
截至早上11時止，過去1小時內《彭博》搜尋量最多港股，世茂集團(00813)、建設銀行(00939)、農業銀行(01288)、中國石油股份(00857)及東方海外國際(00316)。 雖然市傳世茂劈價25%放售位於東湧慨酒店，但最近本港零售及旅遊業仍比較弱，係咪即使劈價都好難甩手？依家有唔少資產係市場放售，相比之下，酒店項目係咪較商廈易賣得出？ 富途證券首席分析師譚智樂指，大型物業交投比較疏落，而東湧慨經營模式變化較大，可能有估值落差風險，佢認為情況較複雜，建議投資者再觀望，睇下項目賣唔賣得出再做部署，現階段不宜沾手，整體黎講係博唔過。 Arnold又認為，難唔難甩手同資產類型冇關，現時賣資產慨公司都有共通點，就係有債務問題，希望透過出售資產改善流動性，所以係現時慨經濟環境下，買賣資產慨消息都好難視為炒作，或提升估值慨利好因素。 |
|
| 黃偉豪 |
2024-12-24T12:13 |
美國政府宣布調查中國製傳統晶片，晶片股連日有炒作，其中，中芯國際(00981)股價連升4日後，今日(24日)走勢反覆，但中芯股價已累積左一定升幅，距離收回價約15%慨熊證，槓桿5倍至6倍，如果想反手開淡倉值唔值博？收回風險高唔高？ 獨立股評人黃偉豪指，短線黎講，收回風險唔算太高，始終對比現價都有一段距離，但建議可以先睇一睇，可能中芯近期都升得比較多，令投資者想博一博，但依家利好因素唔多，投資者調轉炒可能因為覺得事件會加快內地自主研發，但要留意股價有機會回調。 Ravi又認為，投資者可以等聖誕假期後，睇下股價可唔可以突破30元，因為中芯股價係11月至12月初，見到係呢個水平有些阻力，如果未來突破唔到30元關口，再考慮做反手部署會較好，若中芯股價可企穩30元，就會開始慢慢挑戰上一個高位，到時風險就會較大。 |
|
| 聶振邦 |
2024-12-24T11:36 |
美國踏入12月走勢明顯轉差，其中，道指之前更罕有跌足10日，係1974年以來最長跌浪，雖然之後終於止跌，但12月至今仍跌超過4%，依家市場期待緊「Santa Claus Rally」(聖誕老人升市)，到底今年有冇機會出現「聖誕老人升市」？港股會唔會都出現呢個節日效應？ 博威環球證券金融首席分析師聶振邦指，今年出現「聖誕老人升市」機會唔大，因為11月初特朗普(Donald Trump)勝出美國總統大選時，市場已瘋炒「特朗普交易」(Trump Trade)，令美股提前炒上，到依家仍係高位徘徊。此外，市場預期聯儲局明年會放慢減息步伐，令投資者戒心大左，見到唔少投資者今個星期都有沽貨，相信美股年底前會傾向橫行。 港股方面，聶Sir認為，港股突破20000關唔出奇，因為依家外圍氣氛偏向利好，但20000關唔係主要阻力，反而要睇下恆指可唔可以突破20500點，如果突破到就會展開新一輪升浪，明年要留意內地會唔會減息降準，或者有推動經濟慨利好消息，繼而帶動港股向上。 |
|
| 陳鳳珠 |
2024-12-24T10:18 |
獨立股評人陳鳳珠推介波司登(03998) 推介原因： -中期收入按年上升17.8%，純利升23%至11億元人民幣 -產品持續創新，打造防曬衣，拓展衝鋒衣鵝絨服等輕薄羽絨服，以拓展消費群 -計劃未來3至5年為拓展國際市場試水溫。 |
|
| 鄭家華 |
2024-12-23T22:55 |
美國對中國生產的傳統半導體展開貿易調查，可能對相關晶片徵收更多關稅，對中芯國際(00981)的潛在影響會否很大？ 阿仕特朗資產管理董事鄭家華認為，傳統半導體應用範圍廣，美國若對中國生產的傳統晶片加徵更多關稅，只會令當地企業生產成本更高，因此最終未必實行，即使落實，相信中芯亦可將產品售去其他國家，所以對業務的實際影響不大。 |
|
| 聶振邦 |
2024-12-23T16:34 |
康耐特光學(02276)擬以每股15.86元，配股畀歌爾子公司，配股價較上周五(20日)收市價折讓約20%，消息公布後，康耐特股價今日(23日)不跌反升，引入歌爾子公司後，康耐特業務會唔會變得多元化？歌爾又會唔會進一步擴展光學業務？ 博威環球證券金融首席分析師聶振邦指，相信康耐特有機會拓展更多業務，因為歌爾除左同蘋果公司(Apple Inc.)有合作，亦同三星電子(Samsung Electronics)、索尼(Sony)等大企業合作，康耐特可以由傳統鏡片行業，轉向發展更多新經濟產業，而今次配股集資所得，將會用黎發展智能眼鏡及延展實境(XR)鏡片，有望成為新增長引擎。 不過，聶Sir認為，歌爾拓光學業務慨機會唔大，但透過今次配股，歌爾業務範圍擴大左，公司可以接光學定單，然後再交比康耐特，從而提升歌爾係行業慨競爭力，暫時睇黎次配股係一個雙贏格局。 |
|
| 梁傑文 |
2024-12-23T15:30 |
維信金科(02003)今早(23日)復牌，主席馬廷雄因增持而觸發技術性全購，收購價每股1.8元，較停牌前有約9%折讓，係咪反映大股東唔想私有化公司？公司近年業績轉差，主席仍繼續增持，係咪佢睇好公司經營前景會好轉？ 《香港股票財技密碼》作者梁傑文指，對今次全面收購(GO)慨價錢感到意外，佢認為關鍵在於基金投資者急住走，要錢唔要貨，大股東就成人之美，佢都認同主席未必想私有化，今次GO有持股約26.39%慨股東唔接納要約，所以理論上都做唔到私有化。 Mike又認為，雖然維信金科近年經營環境較差，但公司上半年經營現金流仍然係正數，全年派息有0.1元，反映公司仍有競爭力，如果明年有政策支持，或行業前景好轉，股價反彈2至3倍唔係冇可能，就算彈唔起，始終公司依家仲賺到錢及派到息，如果股東唔介意都可以坐一坐。 |
|
| 郭思治 |
2024-12-23T11:01 |
大市已接近12月份之尾聲，而直到執筆一刻止計，本月大市之形態仍暫屬先低而後高，恆指暫仍由3日之低位19,386點升至10日之高位21,070點，即在短短6個交易日內，月內之波幅已有達1,684點，論波幅計已不算小，或已可滿足月內之所需，但一個月之高低位是很少同時出現於6個交易日之內，故單從理論上看，在本月底之前，月內可能會有更大之波幅點出現，但考慮到12月剩下之交易日已不多，因聖誕及新年大假已近，故不少基金經理及投資者已外遊，故大市之交投會漸趨疏落，即期間沽壓並不會太明顯，衹要維穩買盤略作扶持，大市已可持續處整固之中，即恆指可續緊扣著20天線而不下，加上年結已近，維穩之部署或會進一步明顯，即是說，本月大市之波幅可能不出現太大變化。 移動線方面之走勢仍持續反覆，目前各組平均移動線之排列由上而下為50天線（約在20,074點左近），10天線（約在20,011點左近），20天線（約在19,764點左近），100天線（約在19,183點左近）及250天線（約在17,955點左近），從目前大市之走勢看，恆指仍持續反覆於50天線及10天線之下，衹要在沽壓並不太明顯之下，恆指暫未有再進一步正式跌穿20天線，即大市雖仍續處反覆偏軟之中，但走勢尚不算太差，但需說明，目前大市雖已進入整固之中，跌勢似稍見喘定，惟技術上並不算真正的回穩，單從技術上看，必需待恆指成功重越10天及50天線之後，才算真正的回穩。 大市已開始漸受即月期指轉倉及結算等相關活動所主導，由於年結已近，故在維穩買盤部署下，大市可能會持續在整固中拉據至月底，即期間該不會有太明顯之波動，當然，數百點之升或跌會持續到年結。 |
|
| 植耀輝 |
2024-12-20T22:50 |
國泰航空(00293)預告，2024下半年業績較上半年理想。 耀才證券研究部總監植耀輝表示，國泰算是變相發盈喜，但下半年業績理想，已屬市場預期之內，加上股價早前已因為提早贖回換股債而炒上，所以相信消息對股價無大刺激。 |
|
| 黃敏碩 |
2024-12-20T17:30 |
早前，美國商務部要求人工智能(AI)晶片龍頭英偉達(Nvidia)，調查過去1年，係華府禁令下，旗下產品係點樣流入內地，中芯國際(00981)股價今日(20日)炒上，係咪同呢單消息有關？此外，美國總統拜登(Joe Biden)繼續針對中國晶片業出招，而明年將重返白宮慨特朗普(Donald Trump)，上任可能又有其他制裁行動，對中芯有幾大影響？ 王道資本及家族資產管理執行董事黃敏碩指，Nvidia呢單消息對中芯有一定幫助，但基本因素仍需加強，雖然中芯借消息炒上，但係30元水平開始有阻力，佢又話，投資者仍對中芯有戒心，如果想買貨，建議等股價企穩28元樓上再考慮。 Michael續指，美國制裁對中芯或多或少會有影響，但相信對股價造成慨壓力較小，因為市場早已預見到相關風險，相信投資者都以短炒為主，再視乎政策風向再做部署。 |
|
| 關焯照 |
2024-12-20T15:44 |
據聯儲局最新「點陣圖」顯示，美國明年有可能只減息兩次，每次0.25厘，即時震散美股，當晚道指急瀉逾點，但昨晚(19日)已經喘定，收市升15點，扭轉連跌10個交易日慨劣勢，係咪反映市場已消化聯儲局或放慢減息步伐呢個消息？ 冠域商業及經濟研究中心主任關焯照指，市場已消化左部分有關減息慨消息，美股今輪調整黎得比預期快，佢認為，美股之後大升慨機會唔高，始終黎緊仲有好數據，都會影響整體大市表現，包括今晚(20日)出爐慨核心個人消費支出(PCE)，如果數據超預期，相信美股仍有下調壓力。 關博士又指，「點陣圖」其實係向特朗普(Donald Trump)發警示，暗示佢要重新審視加息慨諗法，今次只係釋出局方明年有機會放慢減息步伐，市場已經咁大反應，而特朗普一向好重視美股表現，若聯儲局加息有機會拖林美股，呢個亦係局方「放鷹」慨原因之一。 |
|
| 梁偉源 |
2024-12-20T13:25 |
截至早上11時止，1小時內《彭博》搜尋量最多港股，萬科企業(02202)、騰訊控股(00700)、銀河娛樂(00027)、中芯國際(00981)及萬洲國際(00288)。 騰訊旗下微盟小程序接入微信小店，刺激微盟集團(02013)股價昨日(19日)狂飆35%，今日(20日)微信小店測試「送禮物」新功能，有分析指，將有助提升騰訊電商滲透率，近年微盟大力布局人工智能(AI)業務，雖然微盟股價近日爆升，但仍然低殘，係咪反映強攻AI都幫唔到股價？ 大華繼顯執行董事梁偉源指，雖然中央過去1年不停出招谷經濟，但市民消費心態仍然保守，今次小程序接入微信小店可以話係一個新出路，可以吸引到較年輕慨消費群體。 但佢認為，線上禮物價錢平，對電商成交金額幫助唔大，但呢個新玩法有利微盟繼續研發新程序，所以微盟股價近日表現搶鏡。 |
|
| 梁偉民 |
2024-12-20T12:36 |
日本央行昨日(19日)議息後宣布按兵不動，不過，行長植田和男之前講過，如果經濟及物價走勢符合預期就會加息。當地最新爐慨11月消費物價指數(CPI)升2.7%，超預期，係咪意味明年1月加息慨機會大左？ 高富金融集團投資總監梁偉民指，雖然日本通脹回升，但仍算溫和，事實上，通脹唔係日央行加唔加息慨主要考慮，主要係睇利率可唔可以重返正常水平，因為之前實施負利率及零息政策一段長時間，日央行希望利率逐步正常化，而當通脹及經濟情況容許時，日央行就會考慮加息。 不過，Wyman認為，日央行明年1月未必會加息，首先，加息會再引發通縮問題，其次係全球經濟唔理想，明年仲有關稅等不確定因素，相信日央行會先觀望美國總統當選人特朗普(Donald Trump)上場後慨政策走向，再作出決定。 |
|
| 彭偉新 |
2024-12-20T11:00 |
獨立股評人彭偉新推介滔搏(06110) 推介原因： -中國最大的運動服裝零售商 -隨著內地消費者對功能性運動服裝需求增長，將迎來更大增長空間 -庫存清理進展順利。 |
|
