| Commentator |
Time |
Content |
Tag |
| 盧楚仁 |
2025-06-20T17:44 |
英倫銀行一如預期維持利率不變，聲明提及未來仍會逐步減息，並指擔心中東緊張局勢會對當地經濟造成影響。此外，英國出左5月零售數據，按年及按月都轉跌，差過預期，英鎊應聲由1.35水平跌至1.347，地緣政治因素點影響英鎊走向？ 獨立外匯商品分析師盧楚仁指，英國通脹偏高，雖然經濟放緩，零售銷售數據亦顯示經濟進一步轉差，通脹率由3.5%降至3.4%，係日本之以外通脹第2高慨國家，所以減息會有困難。 Jasper又話，現時英國利率4.25厘，通脹率3.4%，係呢個情況下減息壓力唔大，但另一方面，經濟數據帶黎減息壓力，因此，英倫銀行都進退兩難。一旦經濟數據轉差或通脹有機會回落，英鎊就會更弱，佢估計，英鎊下周會繼續走弱。 |
|
| 黃敏碩 |
2025-06-20T17:32 |
內地官媒今日(20日)指，盲卡及盲盒引發炒風對未成年人構成損害，認為當局要細化監管規則，向違規商家處以高額罰款。消息一出，即震散盲盒概念股，其中，泡泡瑪特(09992)一度大跌6.5%，低見232.2元，呢場殺緊埋身慨監管風暴殺傷力真係咁大？ 王道資本及家族資產管理執行董事黃敏碩指，其實官媒呢個只係「溫馨提示」，反映內地持續關注盲盒活動風氣，擔心兒童青少年會沉迷買賣，相信情況未嚴重到好似以往監管手遊咁，事態發展仍有待觀察，佢又認為，內地當局唔想睇住泡泡瑪特及布魯可(00325)股價係咁跌落去。 Michael認為，盲盒概念股今日大跌有另一個原因，其中，泡泡瑪特股價已只升不跌一段時間，加上有大行開始認為估值過高，同埋係低位買入慨投資者係時候計數，泡泡瑪特股價係呢些因素夾擊下就大跌。 |
|
| 關焯照 |
2025-06-20T15:37 |
以伊戰亂、關稅戰及俄烏戰事相繼惡化，雖然面臨呢3個重大不明朗因素，美股表現仍然硬淨，其中，標指更出現黃金交叉訊號，而每次出現呢個情況，美股都會輾轉向上，係咪意味美股有機會破頂？港股方面，恆生指數上半年曾突破24000關，下半年有冇機會再推高些？ 冠域商業及經濟研究中心主任關焯照指，自1980年以黎，美股出現過14次大幅調整慨熊市，每次係低位反彈都出現20天線升穿200天線慨情況，大市都錄得可觀升幅，甚至破頂，用黃金交叉計，每次最少升逾20%，最多更高達60%至70%，雖然依家離低位過千點，但根據過往經驗，相信美股仲有上望空間，破頂機會亦非常高，想打安全牌慨投資者，可以選擇買交易所買賣基金(ETF)。 港股方面，關博士指，恆指依家已經係23000點水平，認為上望空間唔大，雖然下半年應該可以爬返上24000至25000點，但要升上更高水平，就要有中央慨新經濟政策推動。 |
|
| 梁偉源 |
2025-06-20T12:58 |
截至早上11時止，1小時內《彭博》搜尋量最多港股，依次為泡泡瑪特(POP MART)(09992)、舜宇光學科技(02382)、李寧(02331)、華虹半導體(01347)及新世界發展(00017)。 泡泡瑪特旗下Labubu 3.0系列補貨，最多達500萬個，炒價急瀉最多90%。內地官媒最新評論文章批評盲盒炒風，認為要加強監管。受消息拖累，泡泡瑪特股價繼昨日(19日)收市挫5%後，今日(20日)一度再挫6%，低見233.2元。集團獲納入富時中國50指數，會係今日收市後生效，納入因素可唔可以抵銷官媒評論帶黎慨影響？泡泡瑪特股價後市會點走？ 大華繼顯執行董事梁偉源指，受惠於今年市場氣氛理想，泡泡瑪特股價連番破頂，反映Labubu需求及炒賣情況熾熱。不過，《人民日報》慨評論短期會對股價有較大影響，一旦炒賣風氣開始冷卻，股價會有持續回調壓力。 Steven又話，納入指數只係一次性動作，對股價影響唔大，反而政府近期相關言論，以及買賣盲盒慨監管，對泡泡瑪特慨影響更大。 |
|
| 聶振邦 |
2025-06-20T11:21 |
摩根士丹利最新上調恆基地產(00012)評級至「增持」，目標價亦調高至31元，又話依家有多個因素有機會令樓價見底，恆地股價近期強勢，有冇機會係本地地產股之中跑出？ 博威環球證券金融首席分析師聶振邦指，恆地財務狀況相對穩健，加上市場憧憬樓市復甦，恆地股價睇高一線係合理，但要留意，現時恆指股價已升到27元水平，見左2022年6月以黎慨3年高位，如果投資者想入市，只宜小注。 聶Sir又指，恆地股價係26元或樓下，防守性會較強，又估計會受制於29元水平。 |
|
| 彭偉新 |
2025-06-20T10:12 |
獨立股評人彭偉新推介百勝中國(09987) 推介原因： -內地餐飲行業正處於復甦階段 -公司不斷擴展門店並調整策略，料未來新增1600至1800間門店 -市場料集團今年收入逾117億美元。 |
|
| 羅明立 |
2025-06-19T17:56 |
美國聯儲局維持利率不變，最新「點陣圖」(Dot Plot)預示今年仲有機會減息兩次，主席鮑威爾(Jerome Powell)「放鷹」，話唔急於減息，雖然中東緊張局勢推高能源價格，但預期影響唔會持久。美國減息嘆慢板，美匯指數一度重上99水平，再升空間有幾大？ 亨達集團助理總經理羅明立指，雖然聯儲局口硬，但仍預期今年有機會減兩次息，值得留意係，委員對未來貨幣政策慨分歧大，令聯儲局之後慨利率決策有好大不確定性，未來亦要視乎關稅及環球局勢慨發展。 佢又話，美國就業數據理想，但零售銷售、房屋數據表現一般，若關稅有進展，聯儲局有機會係9月減息。Patrick估計，美元下半年上升空間唔大，美匯指數有機會回落至95，支持位就睇97水平。 |
|
| 植耀輝 |
2025-06-19T16:38 |
莎莎國際(00178)今日(19日)中午出左業績，全年少賺近65%，銷售成本只係減少8%，唔足以抵銷收入跌幅，本港零售環境差，收入跌都預左，最大問題係成本控制似乎做得唔好，蝕得最甘慨內地市場方面，公司計劃月底前關閉所有線下店，對整體經營有冇幫助？ 耀才證券研究部總監植耀輝指，莎莎係4月發過盈警，所以都預左業績唔好，但成本其實都好難再壓縮，始終集團有實體舖面，舖面所需資金好難大減，當生意差慨時候，成本睇落就相應高左。 Stanley又話，莎莎全關內地門店係合理，但莎莎北上發展多年，成績始終唔係太好，加上依家內地競爭愈來愈激烈，關店似係係一個無奈慨決定。另一方面，莎莎線上銷售唔算標青，而內地唔少品牌都有自家電商業務，加上有唔少新品牌崛起，經營環境變化較大，所以線上業務都唔會有太大憧憬。 |
|
| 王良享 |
2025-06-19T16:11 |
美國聯儲局(Fed)一如預期維持利率不變，但上調左失業率及通脹預測，據最新點陣圖(Dot Plot)顯示，估計今年唔減息慨委員數目較3月時多左4名，Fed慨立場係咪偏鷹？點評估美國經濟前景？ 臻享顧問董事總經理王良享指，今次整體點陣圖明顯偏鷹，3月議息會議時，美國總統特朗普(Donald Trump)未宣布對等關稅(Reciprocal Tariff)，市場唔會對通脹有好大抗拒，但依家Fed對美國經濟似乎信心大左，對通脹壓力亦比3月時睇重左。 Tommy估計，美國會出現滯脹，不過，因為特朗普逐步宣布對唔同國家或產品慨關稅，又設有90日「冷靜期」，所以較難判斷通脹程度。失業率方面，佢指出，經濟唔好炒人係意料之內，但要睇咩行業，高科技行業會首當其衝，零售及服務業都會有一定壓力，但相信局方都會留意「冷靜期」過後，關稅水平及市民消費意欲情況如何，再決定下一步行動。 |
|
| 陳偉明 |
2025-06-19T14:50 |
中美在5月12日於日內瓦談判達成共識，「暫緩」執行對等關稅90日及互削巨額關稅，其中美對華商品整體關稅由145%降至30%，而中國對美關稅則由125%降至10%。然而，美國卻在經貿、科技、教育等領域繼續打擊中國，中方以限制稀土出口回擊，導致美企面對稀土磁鐵短缺問題，中美再起爭執拖累港股於6月2日跌至低見22,668點。 隨後中美兩國元首電話通話，加上中美雙方代表在英國倫敦重啟貿易談判並達成貿易框架共識，恆指由22,668點低位反彈近1,800點，於上周三(11日)升至高見24,439點。然而，中美尚未公布貿易框架協議細節，中國宏觀政策沒有特別催化劑，加中國面對通縮及內捲問題，外資不願高位買貨導致港股上升乏力。隨後中東緊張局勢升溫，資金流向避險資產，油價、金價及美匯飆升，中美股市回落，恆指一如筆者預期技術走勢轉弱，於本周四(19日)跌至大約23,200點水平。 美國總統特朗普上周三(11日)晚特然形容，中東可能是個危險地方，美國國務院隨即更新旅遊警告，稱由於地區緊張局勢加劇，下令非緊急狀態的美國政府人員撤離，包括駐伊拉克使館所有非核心人員，並授權非核心人員及家屬撤出巴林和科威特。中東局勢漸趨緊張，港股上周四(12日)開始出現回吐，恆指跌穿上日低位出現技術轉弱跡象。 以色列上周五(13日)凌晨對伊朗發動空襲，伊朗隨即報復，中東局勢迅速惡化，環球避險情緒升溫，亞洲區股市於上周五(13日)普遍向下，港股於本周一(16日)開市進一步回落，早上曾跌至低見23,718點，惟中國「三頭馬車」零售數據好過預期，恆指低開高收，大陽燭於24,060點收市。 《華爾街日報》報道，伊朗希望結束與以色列的戰爭，中東緊張局勢暫時有望緩和，消息刺激美股周一(16日)晚顯著反彈，帶動恆指本周二(17日)升至高見24,131點，惟港股上升乏力，再次在高位出現沽壓，隨後以色列擴大對伊朗攻擊、特朗普呼籲伊朗投降失敗，加上聯儲局維持聯邦基金利率於4.25至4.5厘不變後，聯儲局主席鮑威爾預計加徵關稅可能令美國未來數個月出現明顯通脹，在美匯上升，人仔回落拖累下，港股於本周四(19日)跌至大約23,200點水平。 技術上，港股短期當然是弱勢明顯，但始終中東緊張局勢對港股 中期影響較低，筆者暫時預計恆指在22,500點至22,800點有一定的支持力度。 策略上，傾向進取投機者可考慮在恆指23,400點以上繼續造淡，Long Put 6月價外600點恆指期權。投資者則重點留意恆指跌至22,800點以下的撈貨機會，利用股票期權的Short Put接貨策略，分注Short Put 7月科技板塊的等價期權。 |
|
| 許繹彬 |
2025-06-19T10:41 |
困擾全球金融市場及拖延經濟復甦的貿易戰在「六絕月」確實有「停戰」的跡象，但可能是「六絕月」效應的關係，即使港股曾一度升至24,439點的近三個月高位，但投資者在本月的投資取向仍較為保守，不敢急攻，因而令港股的節奏在本月顯然有點放緩。 當投資者只著眼於貿易戰的變化或狂人特朗普下一步的政策之際，久違了的中東戰火突然在上周末重燃起來，受以色列與伊朗衝突升級影響，近期走勢較為穩健的道指曾一度跌近42,000點水平，而港股在本周初開局時，走勢尚算有所交代，仍死守在24,000點水平。可惜，外圍政局不穩，國內救市政策無新動向，加上A股走勢較為反覆向下，港股在苦無支持下，終於呈現久守必失的格局，除24,000點終於失守外，連一向穩固的20天線(即23,717點)亦跌穿；儘管如此，幸好港股調整的成交不足2,000億元，是近兩周新低，現階段可用「大漲小回」來形容。 值得一提的是，南下北水在昨日(18日)合計淨流入12.42億元，較上日大幅減少80.3%，是6月13日之後新低，北水交易成交額佔香港市場成交額由上日的28.16%減至26.48%。即使是新低，但北水仍是連續第16日淨流入，累計淨流入732.54億元，對上一次連續16日淨流入已是今年1月。而港股在「六絕月」顯然較為「偏靜」的原因，相信亦與北水力度轉弱有關，北水截至昨日(18日)累計流入436.72億元，按月減少4.26%，暫是連續第二個月減少，淨流入金額是2024年9月後的新低，但慶幸仍保持連續第24個月淨流入。 筆者認為，港股升穿24,000點後，後勁不繼，沽盤亦相繼湧現。出現此現象，相信可能是因為港股正踏入月結、季結、半年結所致，如以季結來看，截至昨日(18日)仍有逾500點升幅；而用半年結來計算，截至昨日(18日)則有逾3,700點升幅；此升幅相信可用「冠絕全球」來形容，而部分走勢較為滯後及較為慢熱的股份，如港交所(00388)，以及一眾內銀股如建設銀行(00939)、農業銀行(01288)及內險股如中國人壽(2628)、中國平安(2318)等，均在「六絕月」創下52周新高。 這令投資者想起，是否連一向走勢較為落後的股份也相繼「追落後」，因而令港股是否存在進入調整期的可能性；而科技領頭股，在本月亦顯然只能在高位徘徊，未有明確方向，因而令港股一達心理關口(即24,000點)，投資者便開始減持倉位，持盈保泰，形成沽盤湧現，亦屬人之常情；而在內地股票市場走勢欠缺方向，美股受制中東戰火的變化下，令港股走勢顯然增添一份不明朗。 美國聯儲局剛宣布維持利率於4.25至4.5厘不變，市場保持觀望態度，而隨著狂人特朗普定下的90天關稅寬限期快將結束，狂人會否又發動新一輪貿易戰或有其他新搞作，因而令全球金融市場籠罩著一股不明朗因素。踏入下周，適逢港股進入三期結算周期，相信走勢更為反覆及拉鋸，建議投資者先以23,300點作防守區間，待踏入七月才可能有較明朗的方向。 |
|
| 阮子曦 |
2025-06-19T10:03 |
華富建業證券投資策略聯席總監阮子曦推介中廣核礦業(01164) 推介原因： -最近發布新定價框架協議，為市場帶來驚喜 -國際天然鈾價格回升。 |
|
| 趙晞文 |
2025-06-18T22:52 |
十月稻田(09676)全部逾6億股內資股，已獲准轉為H股 信達國際研究部主管趙晞文表示，十月稻田全部股份將變為H股後，雖然不代表持貨的股東會即時沽貨，但亦意味潛在供應會增加，但同時亦可望改善股份流通量，所以難以定論對股價屬正面還是負面，至於今日股價在大成交下抽升，不排除是市場將公司視為新消費股的滄海遺珠，吸引資金炒作。 |
|
| 林嘉麒 |
2025-06-18T16:39 |
近期港股IPO市場十分熱鬧，不時見到多隻新股硬撼，撞期招股慨情況，今日(17日)就有3隻新股首日收飛，當中包括金飾股周六福(06168)，招股價24元，入場費2424.2元，市盈率(PE)約1.5倍。值得留意係，周六福現金流緊絀，手頭現金僅1.7億元，但流動負債逾13億元，點睇呢隻新股，值唔值得入飛抽？ 元宇證券投資總監林嘉麒指，如果成功上市集資，係可以紓緩流動負債問題，但由於周六福有好多加盟店，一旦加盟店唔能夠做到貨如輪轉，甚至出現壞帳，就會令依家慨負面情況惡化。 KK又話，周六福基本面唔吸引，以中長線投資價值黎講，集資金額少，估值又低，可能只岩做短線部署，若投資者唔介意上市後可能要坐貨，可以考慮小注認購，但唔建議用孖展抽。 |
|
| 莊志雄 |
2025-06-18T15:31 |
中東局勢緊張，美國總統特朗普(Donald Trump)昨日(17日)呼籲民眾離開德黑蘭，各國都加緊當地撤僑。年初至今，貴金屬、商品價格、軍工股，甚至以色列股市都跑贏美股，呢個情況係咪會持續？ 「股市漁夫」創辦人莊志雄指，金價去年已經跑贏標普500指數，今年繼續大幅跑贏，金價慨升勢同今次以色列伊朗局勢關係唔大，主要係因為投資者睇淡美金，加上憂慮美國財赤問題，令金價呢兩年造好。 佢續指，反而與今次戰事有關慨係銀價，銀價近期升得較急，追上金價。而最近戰事令軍工生意大增，美國軍工股ETF大幅跑贏標普500。 佢又話，以伊爆發戰爭後，銀價升勢比軍工股ETF更強，因為銀係做軍工武器慨原料，所以帶挈銀價造好。另一方面，以色列指數創新高，就算打緊仗，都跑贏美股。昨晚商品市場ETF亦創新高，戰事令商品市場追落後。 莊志雄又指，若伊朗封鎖海峽，或會令油價再上升，現時美國戰略石油儲備升至約4億桶，若美國加速儲備石油，石油需求會增加，伊朗封鎖海峽可能會影響石油供應量，令油價繼續係商品市場中追落後。 |
|
| 彭偉新 |
2025-06-18T15:22 |
截至早上11時止，1小時內《彭博》用戶關注度上升最多股份，依次為美團(03690)、華潤置地(01109)、港鐵公司(00066)、泡泡瑪特(09992)及香港寬頻(01310)。 過去一星期，內房數據都麻麻，例如5月70大中城市新建住宅樓價，以及今年首5個月全國房地產開發投資仍跌逾10%，高盛昨日(17日)估計，內地未來幾年新樓需求較2017年高峰大減75%，情況係咪會持續？此外，人民銀行周五(20日)會公布貸款市場報價利率(LPR)，市場估計，同房貸相關慨5年期以上LPR會按兵不動，對內房股有咩影響，其中，潤地股價其實已升左唔少，會趁勢回調，還是繼續有得升？ 資深證券分析師彭偉新指，雖然內地整體樓價仍然向下，但跌幅收窄，反映市場對樓價前景開始有正面睇法，但庫存問題仍足以令大部分利好消息完全被市場消化，相信要一段長時間先可以真正解決問題。 Castor又指，雖然潤地、龍湖集團(00960)係質素及口碑都比較好慨內房，但需求始終未明顯反彈，相信要等就業及經濟大幅改善後，才會令市場對樓市恢復信心，否則，內房只會彈，但好難長期上升。 |
|
| 盧志威 |
2025-06-18T12:06 |
據內媒報道，京東集團(09618)創始人劉強東指，集團要進軍酒店及旅遊業，又話今日(18日)會有公布，京東繼參與「外賣戰」後，依家又做埋酒店及旅遊預訂服務，對業界黎講「內捲」情況係咪會加劇？攜程集團(09961)係咪又多左一個對手？ 潤淼資產管理董事盧志威認同，又指京東做埋酒店及旅遊業，就係要用互聯網平台黎「捲」，將中間慨傭金點數向下推，所有人都冇錢賺，值得留意係，現階段大家只係想搶生意、流水及份額等，所以最終賺唔賺到錢係其次。 William又指，依家京東係對手或市場眼中，只係一個利用補貼去搶生意慨平台。 |
|
| 郭家耀 |
2025-06-18T10:08 |
港灣家族辦公室業務發展總監郭家耀推介雅各臣科研製藥(02633) 推介原因： - 專科藥需求穩定 - 派息水平吸引 建議買入價：1.55元 目標價：1.80元 止蝕價：1. |
|
| 陳欣 |
2025-06-17T17:12 |
日本央行議息後維持息率0.5厘不變，並會係明年4月開始放慢削減買債步伐，對日圓有咩影響？此外，日本首相石破茂同美國總統特朗普(Donald Trump)係加拿大七大工業國(G7)會議會面，美日貿易協議有咩進展？ 連連STAR FX總經理陳欣指，美日貿易協議係存在不確定性，所以要密切留意雙方傾成點，不過，就算雙方有共識都唔代表達成協議，尤其日本係一個高度依賴貿易慨國家，當出現貿易磨擦時，對經濟影響會好大，唔容易用貨幣政策正常化或加息解決。 日圓方面，Chase指出，技術上有機會弱，或會考驗148水平，長線阻力可以睇140至142水平。 |
|
| 李偉傑 |
2025-06-17T16:14 |
周大福(01929)發行88億元、2030年到期慨可換股債券(CB)，集團指，所得資金會用係金飾業務發展及融資，係咪打算學老鋪黃金(06181)咁行「文化認同」及「身分體驗」路線？周大福股價今日(17日)一度低見12.4元，重挫近10%，依家係咪執平貨慨好時機？ 天風國際證券經紀業務部董事李偉傑指，周大福作為香港歷史悠久慨金飾舖，工藝上係有能力做轉化，只係設計同品牌效應會唔會得到更高慨市場期望，市場營銷上可唔可以進一步加強。佢認為，周大福慨市場營銷額策略都係待變，因為過去本港慨珠寶首飾都係以婚嫁同承傳為主，要係突破點上搵新業務增長引擎。 Jason補充，係發CB消息及金價顯著回落下，認為周大福股價短期都要捱一捱，呢隻強勢股係10天及20天線會有較重要支撐，今日都考驗緊10天線。佢建議，冇貨慨投資者係近20天線，約11.8元至12.3元入場，因為防守能力較強。 |
|
| 盧志明 |
2025-06-17T12:24 |
截至早上11時止，1小時內《彭博》用戶關注度上升最多股份，依次為周大福(01929)、新世界發展(00017)、金沙中國(01928)、港鐵公司(00066)及復星國際(00656)。 周大福發88億元可換股債券(CB)，換股價17.32元，較昨日(16日)收市價有26%溢價，集資所得會用係金飾業務發展及融資，以及門店升級等。雖然周大福股價今日(17日)急回，兼4連升斷纜，但暫時仲未跌穿10天線，係咪仲未轉勢？ 大唐資本投資策略部總監盧志明指，周大福本身有幾個發展大方向，包括形象店主打個人化消費體驗、寵物相關金飾及其他海外市場，雖然集團手頭上已有唔少資金，但如果有機會集資，有些多資金係手上都無可厚非。 Ken續指，金價今年仲有幾多上升空間，就要睇地緣政治因素及美國慨情況。此外，香港及澳門數據錄得輕微增長，原因包括「五一黃金周」及舉行演唱會等大型節目，令人流顯著增加，對周大福慨策略部署，尤其個人店有一定利好作用。 佢又指，周大福業績係4月至5月明顯改善，而集團繼續拓展美加及東南亞業務，短期而言，係有唔少利好消息。 |
|
| 黃偉豪 |
2025-06-17T11:04 |
恆生指數昨日(16日)上返24000點，好倉連續兩日淨流入後，轉為流出，5日合計有逾2600萬元資金坐貨，淡友就積極進場，昨日淡倉有近4900萬元資金流入，5日合計有逾8300萬元資金坐貨。 牛熊證方面，淡友繼續加注收回價24100至24200點慨熊證，重貨區繼續係24500點。好友見恆指彈到24200點附近有阻力，獲利壓力都大左，重貨區繼續係23600點。大市今朝(17日)繼續冇乜方向，造好及造淡應該揀牛熊證還是CALL/PUT？ 胤源世創家族辦公室（香港）第一副總裁黃偉豪指，恆指暫時都會係現水平窄幅上落，依家主要睇住中東局勢、美國總統特朗普(Donald Trump)慨政策，同埋港股過去兩個已自低位回升左唔少，依家係一個「唔上唔落」慨格局，失熊證如果做即市部署，收回價擺距離現價200至300點，睇淡部署熊證就擺24200點，佢又話，如果過夜建議擺遠些。 |
|
| 梁偉民 |
2025-06-17T10:19 |
美國科技股繼續強勢，納指昨晚(16日)收市升294點或1.5%，升穿19700點，其中，Meta股價升近3%，應該同集團旗下WhatsApp計劃引入廣告有關。Meta要投資人工智能(AI)之餘，最近又用400億美元收購AI初創SCALE AI，係咪因為咁要開拓新收入來源？加入廣告後會唔會影響用家使用度？ 高富金融集團投資總監梁偉民指，使用感受一定有影響，部分用家可能會覺得冇咁好用之餘，亦可能有負面感覺，不過，係咪會即時令大量用家「轉會」？依家市面上可以同WhatsApp競爭，又或者較具威脅慨平台其實唔多，所以未來都要視乎個廣告量，同埋使用感受影響到底有幾大。 Wyman又話，相信Meta都會睇住情況，唔會一下子加入大量廣告，導致使用感受大幅轉差，始終集團都會擔心用戶流失問題，又認為Meta現階段只係試水溫，唔會係一個主要收入來源，事實上，WhatsApp一直對Meta都冇乜收入貢獻。 |
|
| 黃敏碩 |
2025-06-17T10:14 |
王道資本及家族資產管理執行董事黃敏碩推介閱文集團(00772) 推介原因： - 去年文化產業知識產權(IP)價值綜合榜首5項中佔3席。 |
|
| 阮子曦 |
2025-06-16T22:51 |
先聲藥業(02096)向NextCure授出一隻抗腫瘤藥的海外權利，最高可收取7.45億美元款項。 華富建業證券投資策略聯席總監阮子曦表示，先聲繼1月後，再次向海外藥廠授出藥物開發權，應屬利好消息，不過今次潛在收取款項，僅相當於市值約20%，未算很大比例，加上股價今年已累積不少升幅，相信股價再大升空間不大。 |
|
| 聶振邦 |
2025-06-16T18:39 |
新城發展(01030)於上周四(12日)指，計劃發行一筆3年期美元優先票據，係兩年以黎首次有民企內房涉足美元債券市場，所得資金用黎贖回今年7月及10月到期慨兩批未償還票據，但計一計條數，發行票據所得慨資金唔夠贖那兩批票據，「債冚債」利息高左，違約風險係咪都會相應高左？ 博威環球證券金融首席分析師聶振邦指，違約風險的確高左，新城發展寧願用高息方法作借貸，肯定係係錢銀上有急需慨考慮，中長線黎睇，公司財務狀況仍面對好大挑戰。 聶Sir又指，今次公司選擇先用錢解決現有慨問題，未來一至兩年慨債務狀況，就寄望內房銷情會好轉，等信心問題解決後，先再融資，基本上，新城發展後續一定要再融資，先可以處理公司債務問題。 |
|
| 梁傑文 |
2025-06-16T18:36 |
停牌近1個月慨駿高控股(08035)今日(16日)復牌，股價一度飆1.3倍，高見0.15元。公司係4月底獲大股東增持股份，涉及1.52億股，每股作價0.05元，大股東持股量由約29%大升至逾54%，按例須提全購，但值得留意係，要約價高過增持價，即每股0.06元，點睇呢個要約價？ 《香港股票財技密碼》作者梁傑文指，主要係受全購規則限制，公司曾經係年初用0.06元慨價位，係市場上增持股份，當觸發到全購規則後，就要睇返公司係半年內，有冇係市場或市場外收購過股份，如果有，就需要用收購股份慨最高價，即0.06元，向餘下慨小股東提出全購要約，所以呢次要約價先會高0.01元。 駿高股價今日一度升呢變毫子股，但之後又打回原形變返仙股。 |
|
| 郭思治 |
2025-06-16T10:50 |
大市已身處6月份之中旬，而直到執筆一刻止計，本月大市之形態仍暫屬先低而後高，恆指暫是由2日之低位22,668點升至11日之高位24,439點，即月內之波幅暫為1,771點，首先，一個月之高低位同時出現於8個交易日內該不常見，加上1,771點之波幅似仍略細，該不能滿足月內之所需，故在本月餘下之交易日，理論上該仍有更大之波幅點出現，即是說，衹要先低後高之形態不變，大市該會候機再進一步往上尋月內之新高，而從小圖上看，恆指一旦成功重越11日之高位24,439點，目標定必直指3月19日之高位24,874點，此亦為今年度暫時之高位，恆指如能成功突破此關，即代表恆指自今年1月13之低位18,671點開始之上升，技術上將進一步上尋年內新高。 今年大市之波幅會有多少，不妨參考去年大市之表現，去年恆指是由1月22日之低位14,794點上升至10月7日之高位23,241點，即年內恆指之上升波幅為8,447點，但值得留意的是，去年大市之低位是在首季出現，而高位則在第四季才出現，即大市屬由首季升至第四季。再看今年，恆指暫時是由1月13日低位18,671點升至3月19日之高位24,874點，即今年大市之波幅暫為6,203點，首先，今年大市之波幅相對仍偏細，該不能滿足年內之所需，加上年內高低位均出現在首季內，情況似較少見，故衹要今年大市先低後高之形態不變，理論上大市該會候機再往上尋年內之新高。 再看移動線方面之表現，直到執筆一刻止計，各組常用之平均移動線由上而下之排列為10天線（約在23,866點左近），20天線（約在23,672點左近），50天線（約在22,744點左近），100天線（約在22,558點左近）及250天線（約在20,361點左近），單從排列上看，技術上該屬一個標準之升市模式，但至於大市能否持續往上推升，則需視乎資金之入市態度而定，因大市之動力如不相配，升勢定必受規限。 筆者為證監會持牌人士。 |
|
| 李浩然 |
2025-06-16T10:30 |
金融市場的長期信仰不過百年歷史，卻早已被奉為現代資本主義的金科玉律——只要你夠耐心，股市終將回報你豐厚的果實。這種信仰支撐著公積金、ETF、主權基金與全世界數以億計的財富規劃。但如果這一信仰只是歷史偶然？如果未來不再像過去那樣上漲？如果股票，不再是長期的保值之道？ 這是一個極度不舒服的問題，尤其對那些「每逢下跌就加碼」的投資顧問而言簡直是對信仰的褻瀆。但不舒服的問題往往才值得回答。 首先需要承認，所謂「長期上漲」的歷史其實極為短暫。投資者對美國股市長期回報的認知，並不是從華爾街發展之初便存在，而是1960年代才由美林證券副總Louis Engel出資、芝加哥大學教授們耗時四年拼湊出來的歷史數據。從1926年到1959年，標普指數總回報超過2,700%，年化回報10.3%。一組數字，改寫了整個資產管理業的價值觀，也創造出「被數據喚醒的信仰」。更諷刺的是，從1960到2025，年化回報率竟然微幅上升至10.4%。政策失誤、戰爭、科技泡沫與金融危機，最終只留下0.1%的差距。這像不像一場經濟版的黑色喜劇？市場，這個經常被誤判為情緒化生物的巨獸，居然在近百年中，維持了驚人的穩定性。 問題在於，百年歷史在整體人類文明中並不比一場打噴嚏來得長久。再者，這100年的股市榮景本質上是一次宏大的歷史特例，而非普適規律。它建立在一組極為罕見的變數組合之上：嬰兒潮人口紅利、戰後全球重建、美元霸權、技術創新與全球化的同步推進。換言之，這是一次歷史的順風車，而非宇宙的自然法則。 所以問題來了：如果科技進步過快、資本過剩、勞動邊際價值趨近於零，導致企業利潤難以為繼，是否有可能讓股市不再上漲？當代的投資者是否正在接近一種「資本的終極悖論」——當技術創新取代了利潤動機，股東價值成了歷史遺跡？ 不少人提到日本作為警訊。日經指數自1989年泡沫高點以來，花了30年才勉強收復失土——這當然不是什麼「長期回報穩健」的典範。但更令人不安的不是日經，而是《星空奇遇記》（Star Trek）。在那個世界里，科技徹底消除了貧窮、疾病與工作的必要性。這聽起來像天堂，但對資本市場而言，這是地獄。沒有勞動、沒有消費、沒有競爭，也就沒有利潤、估值與成交量。買股票做什麼？買來懷舊嗎？ 或許這種未來仍屬幻想，但問題的本質不在預測未來，而在質疑對未來的預設。當投資行為建立在「未來一定會更好」的信念上時，這種信念本身就成為最大的風險。如果未來沒有更好，那麼所有精密模型、退休規劃、資產配置，全都建立在砂土之上。 反過來說，如果你真的相信股市會永遠失能，你的對策會是什麼？囤黃金、埋比特幣、屯子彈？這不是資產配置，是社會崩壞模擬。當你需要用金條換雞蛋時，標普500的市盈率早已不重要了。 歷史的教訓告訴我們，投資的最大風險不是市場的波動，而是投資者的恐懼與退縮。儘管未來充滿不確定性，但選擇放棄投資，是唯一可以確定失敗的策略。股市的魅力從來不在於它的保證，而在於它對人類進步與創造力的信仰。那些懷疑這一點的人，或許應該好好想想：當未來真的不如今天時，你的金錢還有任何意義嗎？ 所以，將悲觀的末世論留給科幻作家吧。對於投資者來說，唯一值得關注的現實是：一旦你選擇退出市場，才真正無法參與人類創造價值的遊戲。而這，是最無可挽回的損失。 |
|
| 趙晞文 |
2025-06-13T22:41 |
貝殼(02423)成交額大增至逾41億元，乃香港上市以來新高。 信達國際研究部主管趙晞文指出，貝殼在U盤時段突然有逾5000萬股成交，成交價較前一口價高出約3%，相信是由機構投資者大手買入，但暫時難以推測原因，至於公司基本面，主要受內房一二手樓交投影響，短期內未必有驚喜表現。 |
|
| 熊俊傑 |
2025-06-13T17:56 |
中東緊張局勢升級，以色列空襲伊朗德黑蘭，以色列總統內塔尼亞胡(Benjamin Netanyahu)宣布全國進入緊急狀態，又指今次行動係要打擊德黑蘭南部慨納坦茲鈾濃縮核設施，以及參與彈道導彈核武計劃慨科學家，市場避險情緒升溫，金價及油價急升，中東局勢會唔會進一步惡化？金價係咪好快會再破頂？ 獨立商品外匯分析師熊俊傑指，金價冇油價升得咁誇張，可唔可以再破頂要視乎戰事持續幾耐，雖然預期局勢短期內未必升溫，但亦唔會突然有轉機，美國表明冇參與今次襲擊，暫時亦見唔到其他國家有意出手，加上最近美國慨經濟數據令市場憧憬聯儲局會盡快減息，繼而利好金價，佢認為，金價仍有上升動力，有機會再破頂。 |
|
| 姚浩然 |
2025-06-13T16:33 |
市傳騰訊控股(00700)想買雙方已有長年合作關係，南韓遊戲巨頭Nexon創辦人家族手持慨67%股權，一旦成事，估計作價高達520億港元。受消息帶動，Nexon日本股價今日(13日)一度急升10%，不過，騰訊股價反覆靠穩，僅一度升1%，高見515.5元，呢單deal又可唔可以為騰訊帶黎增長動力？ 亨達財富管理董事總經理姚浩然指，睇返呢單交易，估計Nexon可直接受惠，而騰訊收購Nexon後，發行費將會大減，由於成本下降，未來可以推更多遊戲，不過，呢些交易慨效益要一段時間先會浮現，因此，騰訊股價相對冷靜。 佢續指，近期資金主要追入以收息為主慨板塊，例如內銀及電訊，令科技股動力不足，呢個亦係騰訊股價今日冇乜變動慨原因。 Patrick又話，騰訊平台規模龐大，涉及大量遊戲，若某款遊戲跑出，成為爆款IP，將帶動集團收入增長，繼而刺激股價。 |
|
| 陳建良 |
2025-06-13T16:06 |
以色列接連空襲伊朗，伊朗亦表明會報復，外電形容今次係上世紀80年代兩伊戰爭後，伊朗遭受最嚴重慨襲擊。中東局勢持續惡化，港股亦連跌兩日，恆生指數今日(13日)失守24000關，並插穿10天線，一度低見23774點。不過，地緣局勢急升溫刺激金價、油價急升，金礦及石油相關股亦炒上，依家應唔應該追入呢些板塊？ 勝利證券首席顧問陳建良指，港股無可避免會出現調整，估計恆指高低波幅約500至1000點。佢又話，唔建議投資者追入今日大升慨油股，反而可以留意一些今日會跟大市跌，但長線值得睇好慨股份，尤其係可受惠於人工智能(AI)慨二線科技股，先可以做到低買高沽。 |
|
| 梁偉源 |
2025-06-13T12:46 |
截至早上11時止，1小時內《彭博》用戶搜尋量最多港股，依次為長和(00001)、中遠海控(01919)、周大福(01929)、地平線機器人(09660)及中國海洋石油(00883)。 以色列空襲伊朗德黑蘭，伊朗革命衛隊總司令薩拉米(Hossein Salami)死於以軍空襲，波及到全球能源航運路線中慨關鍵通道，即波斯灣同阿曼灣，仲有運送全球30%石油慨「運輸咽喉」霍爾木茲海峽(Strait of Hormuz)，高盛曾經出報告警告，霍爾木茲海峽一旦關閉，油價會升20%，可以飆升20美元，油價跟得最貼慨中海油，今次升幅似乎唔明顯？ 大華繼顯執行董事梁偉源指，同受中東局勢影響，但今朝(13日)油價彈升幅度大過金價好多，伊朗係主要石油出口國之一，戰事會影響生產及運油路線，甚至令供應緊張，雖然油價今朝大幅抽升，但中海油股價一向處於高位，冇落後大市好多，因此反映唔到油價波動，反而中遠海控股價就追得貼油價升幅。 |
|
| 聶振邦 |
2025-06-13T11:41 |
唔少醫藥股趁股價升上高位「抽水」，最新有君實生物(01877)配股集資，配股價25.35元，較昨日(12日)收市價折讓11.5%，集團配售4100萬股H股，佔擴大後已發行H股15.75%，資金會用黎推動在研產品開發及商業化能力。此外，雲頂新耀(01952)話，控股股東CBC集團擬向國際長線投資者出售2500萬股，減持後CBC仍持有約26%股權。另一方面，今日(13日)有兩隻醫藥新股開始招股，佰澤醫療(02609)及藥捷安康(02617)，點睇藥股前景？ 博威環球證券金融首席分析師聶振邦指，藥股最近升左唔少，估計陸續都會公司配股，不過，若較大型慨生物科技股都要「抽水」，就可能窒礙整體藥股升勢，不過，市場預期，中央將會係6月下旬出台更多穩就業及經濟政策，因此，藥股今個月炒完消息後，要小心7月有較大回套壓力。 |
|
| 盧志明 |
2025-06-13T10:09 |
大唐資本投資策略部總監盧志明推介康耐特光學(02276) 推介原因： -計劃400萬美元建自動化車房樹脂鏡片產線，專注高端定制化生產 -美國關稅政策對整體收入邊際影響預計低於2.2%，其他市場增長強勁 -去年業績理想，收入升17%。 |
|
| 林嘉麒 |
2025-06-12T22:38 |
周大福(01929)上年度純利倒退9%，管理層預計，今年度同店銷售可回復單位數增長。 元宇證券基金投資總監林嘉麒表示，周大福上年度經營溢利增長約10%，表現不俗，而在低基數之下，今年度同店銷售的確可望回復增長，不過公司股價今年已累升逾80%，應已充份反映相關利好因素。 |
|
| 盧楚仁 |
2025-06-12T17:37 |
美國5月通脹進一步降溫，整體及核心消費物價指數(CPI)都低過預期，似乎未受關稅戰影響，美匯指數亦反應唔大，係98至99水平徘徊，美國今晚(12日)會拍賣一批30年期國債，美匯指數會點走？ 獨立外匯商品分析師盧楚仁預期，美匯指數短期仍會受壓，雖然中美經貿會談傳黎好消息，但利淡美元慨消息更多，除左通脹數據，伊朗聲稱會襲擊美軍及美國洛杉磯亂局等因素，短期都會困擾美匯指數。 Jasper認為，市場需時消化利淡消息，亦要留意美國經濟數據及財赤問題，相信要等呢些不明朗因素消退後，美匯指數先有機會回升，佢建議留意上次低位，即97.92水平，一旦失守，有機會跌至97.5，甚至要落到97水平先搵到支持。 |
|
| 植耀輝 |
2025-06-12T16:19 |
小鵬汽車(09868)股價今日(12日)全日受壓，尾市一度挫6.7%，低見76.3元，幾乎完全蒸發之前3連升慨升幅，小鵬新車G7預售價由23.58萬人仔起，新車配合華為「黑科技」AR-HUD技術方案，即擋風玻璃上可以睇到導航、時速等資訊，新車預售唔夠1個鐘，已經有過萬部車落左細訂，估計下季上市及交付，集團早前話，有信心今年第4季扭虧，G7預售反應理想，扭虧目標係咪有望達到？ 耀才證券研究部總監植耀輝指，對小鵬係咪咁易扭虧有保留，最近汽車行業一直傳出唔同消息，行內競爭仍十分激烈，雖然推出新車有助增加定單量，但亦有可能令舊車款囤貨，甚至要減價促銷，對盈利有負面影響。 佢又指，小鵬計劃斥資約45億人仔研發人工智能(AI)，雖然投資AI係大勢所趨，因為企業要維持競爭力，但會對現金流造成一定壓力，所以小鵬係咪可以成功扭虧仍要觀察。 |
|
| 陳偉明 |
2025-06-12T14:53 |
美國白宮高級官員表示美國總統特朗普與中國國家主席習近平「很可能」在短期內進行一對一通話，港股上周一(2日)於22,668點見底急彈，隨後即使美國決定將外國進口鋼鐵的關稅上調至50%、特朗普表示與國家主席習近平達成協議非常困難，亦無阻港股強勁升勢，恆指連漲3天，到上周四(5日)升至大約23,900點水平。 時隔五個月，特朗普與國家主席習近平於上周四(5日)晚再次電話通話，兩人同意雙方團隊繼續落實日內瓦談判共識，並盡快舉行新一輪會談。然而，中美兩國元首通話的利好消息不但未能帶動港股於上周五(6日)進一步向上突破24,000關口，相反當天似乎出現利好消息出貨，恆指高開低收，陰燭於23,792點收市。 正當市場普遍認為港股受制24,000關有回吐的風險，筆者卻認為恆指自從港股於上周一(2日)見底急彈後，從未跌穿上日低位，升勢強勁，因此不排除港股有向上突破的機會，因此上周建議可考慮利用買入勒束式(Long Strangle)期權策略，博恆指爆邊。 中美雙方代表於本周一(9日)及周二(10日)連續兩日在英國倫敦重啟貿易談判，最後達成貿易框架的共識，帶動港股於本周初向上突破，並於本周三(11日)升至高見24,439點。特朗普在社交平台表示中國預先供應磁鐵及稀土，換取美國允許中國學生進入美國大學就讀，而中國雖可獲得美國10%的關稅，但美國可獲得中國55%的關稅(包括10%對等關稅、20%芬太尼關稅及特朗普第一任期時所徵收的25%關稅)。 美國仍向中國徵收55%的關稅，港股本周四(12日)反應負面，恆指裂口低開後跌穿本周三(11日)低位24,179點，技術走似有轉弱跡象，如恆指短期內再跌穿本周四(12日)低位，宜先行把好倉平倉，進取投機者甚至可考慮Long Put 6月價外600點恆指期權。 |
|
| 陳偉聰 |
2025-06-12T11:34 |
美國昨晚(11日)出左5月通脹數據，整體及核心消費物價指數(CPI)都低過預期，並較4月進一步降溫，據最新利率期貨顯示，聯儲局9月減息機會逾50%，但美股3大指數昨晚全線低收，係咪因為之前都升左唔少，同埋中美經貿談判因素都反映左？睇返上月CPI，關稅影響係咪要係6月慨數據先反映？ 東亞證券高級投資策略師陳偉聰表示，5月CPI數據有驚喜，雖然依家有關稅緩衝期，稅率亦大幅下調，但5月徵收慨關稅仍比3月、4月多，見到以進口為主慨貨品價格係升左，但其他貨品升幅唔大，因此，令美國通脹保持溫和。 Jason又指，加關稅後，美國通脹未見大升，令市場之前擔心滯脹或惡性通脹慨風險情緒降溫，除非美國再徵高關稅，否則，估計CPI之後未必會大升。不過，佢提醒，需留意油價走勢。 |
|
| 許繹彬 |
2025-06-12T11:13 |
全球近日最關注的新聞，相信定必是美國「兄弟相殘」鬧劇；事緣全球首富、電動車Tesla 行政總裁馬斯克與美國「狂人」總統特朗普兩位被外間認定為「親密戰友」及「唇齒相依」的好兄弟，本來馬斯克成功助狂人登上總統之位後，兩人一直仍能保持「相親相愛」、「難捨難離」及「甘苦與共」的關係；誰也想不到，馬斯克本周連環在不同的平台，向狂人特朗普開炮，對狂人首個任期減稅永久化的所謂「大而美法案」作出猛烈評擊。其後兩人更在各自的社交平台互相「開火」，雙方的好兄弟感情突然破裂，更有一發不可收拾之感，令市場產生極度憂慮的情緒，因馬斯克的電動車公司Tesla與政府關係破裂而令其前景堪憂，公司股價因此大暴跌，市值破紀錄地單日蒸發1,524.67億美元，情況可謂前所未見 而特朗普更稱馬斯克「失去理智」，沒有興趣與他交談，但古語有雲「本是同根生相煎何太急」，當外間認為這對「難兄難弟」關係有可能從此「割席」之際，這場鬧劇的劇情突然有所改變。狂人特朗普在本周一(9日)接受某節目採訪時透露，不排除與馬斯克有和解的可能性，而馬斯克本周三(11日)在社交平台又突然發放和解訊息，指對自己上周的言論「感到後悔」。雙方突然又「冰釋前嫌」，相信不用多言，最受惠一定是Tesla的股價，重返330美元以上水平，對投資者來說，只可用「曲折離奇」來形容。 無獨有偶，汽車股好像成為「六絕月」的焦點，繼美國代表Tesla股價因兄弟罵戰而產生波浪後，在港上市的中國車皇比亞迪(01211)自5月下旬開始，率先展開新一輪內地汽車價格戰，隨即引來各大車企展開隔空「罵戰」，事件持續發酵，更引起中國工業汽車協會、內地工信部以至官媒公開向所有車企發言，明確要這場「價格戰」立即踩下煞車掣。由此發酵的問題可以話是停不了，更越演越烈，比亞迪競爭對手長城汽車(02333)董事長魏建軍早前曾提出「車圈恆大」將會出現，令市場立即揣測魏建軍的言論是指近期展開「價格戰」的比亞迪。 言論一出，比亞迪品牌及公關處總經理李雲飛立即作出回應，指集團對於惡意舉報、拉幫結派、詆毀抹黑等不正當競爭行為，保留追究法律責任的權利。在官媒整治風聲及市傳「車圈恆大」將會出現的情況下，儘管比亞迪對上述問題一一作出還擊，但其股價仍受累連挫6個交易日，在周一(9日)再度跌穿近380元，H股市值累計蒸發約980億元。 正當投資者憂慮中國汽車企業罵戰會持續惡化之際，內地官媒再次發表文章，指近日某車企率先發起大幅降價活動，引起多家企業仿效，強調無序的價格戰不利於汽車產業可持續發展，也終將損害消費者權益。長遠而言，打價格戰這種「內捲式」競爭沒有出路，更沒有未來。由於外界認為官媒是次言論用詞較為嚴厲，相信能有效遏止價格戰蔓延，更有可能會因此「停戰」，令所有在港上市的車企股價亦因而企穩，比亞迪亦反彈至140元(股價一拆三，對應價為420元)，相信暫時亦能企穩。 談回港股，大市在「六絕月」未有想像中「絕」的景象，反而更一度高見24,439點，暫與今年高位24,874點，只欠435點，氣勢凌厲，但可能在24,200點以上走勢開始「緩慢」及「反覆」。板塊升幅亦非全面，更有捕風捉影之感，慶幸北水灌溉力度未減，連續第11日淨流入，是今年4月9日以來最長流入浪。截至6月9日，今年南下北水淨流入已達6,250億元人民幣，較去年全年7,440億元，只差1,100多億元人民幣，相信今年北水淨流入額度有望破近3年新高。 除北水對港股的無限支持外，由於美國不論政治或經濟環境，在狂人上任後均持續未能令外資基金投下信心一票，因而持續將資金調離美國，尋找穩定的地方泊岸，而中國及香港仍然是其熱門之選。此說法並非無跡可尋，據國際金融協會(IIF)最新數據顯示，今年5月新興市場錄得資金流入84億美元(約655.2億港元)，較4月錄流出120億美元再呈明顯反彈，主要是中國以外的新興市場錄得70億美元資金流入，中國股票情況亦溫和轉好，錄得資金流入14億美元，而當中香港市場亦因而受惠。 未來倘若「北水」及「外資」的投放額持續「有增無減」，可令港股前景因變得樂觀，升穿今年高位24,874點，相信不是夢。個股方面，可能仍會是資金輪流炒的格局，電力股近日走勢偏穩，不妨留意質素優良的龍源電力(00916)，其股價有望突圍。 |
|
| 譚智樂 |
2025-06-12T10:18 |
富途證券首席分析師譚智樂推介中教控股(00839) 推介原因： -經濟回穩，職考需求保持穩定，中期業績增長12% -今年市場對公司的債務及分紅憂慮開始改善 -估值開始修正。 |
|
| 林嘉麒 |
2025-06-11T17:15 |
內地「醬油一哥」海天味業(03288)今日(11日)起招股，不過，A股今年股價表現麻麻，不過，依家集團係內地醬油市場市佔率達13.2%，蠔油更高達40%，算係一個國民品牌，到底呢隻新股抽唔抽得過？ 元宇證券投資總監林嘉麒指，海天味業有品牌效應，內地滲透率高兼銷量穩定，不過，受制於經濟下行壓力，未來收入增長有難度，對呢類龍頭食品公司而言，拓展海外市場更具優勢，繼而帶動毛利率上升。 KK又話，呢隻新股值得抽，但就要特別小心，尤其係新制度下抽新股，需用注碼控制風險，海天味業上市後未必會即時大升，短線折讓亦未必即刻大幅收窄，楂耐少少等上升更值博。 |
|
| 莊志雄 |
2025-06-11T15:54 |
中美貿易談判氣氛緩和，帶動股市向上，現時標指同歷史高位只相距約2%，美股有冇機會破頂？美國明晚(12日)會拍賣長債，會唔會成為破頂慨絆腳石？ 「股市漁夫」創辦人莊志雄指，短期而言，市場氣氛有改善，因為中美係關稅問題上傾得埋，睇返納指，雖然指數向上，但市寬仲未收復到跌市前慨失地，意味可以升穿200天線慨股份少，依家係用緊少數股份撐市。 Lewis又話，明晚拍賣30年期長債，債息衝上，導致價格波動，同投資者買長債慨意欲背馳，但亦反映市場對未來通脹慨睇法，中長期要留意聯儲局及通脹數據慨配合，美股先有機會破頂。 |
|
| 彭偉新 |
2025-06-11T13:28 |
截至早上11時止，1小時內《彭博》搜尋量最多港股，依次為比亞迪股份(01211)、中國人壽(02628)、中國平安(02318)、泡泡瑪特(POP MART)(09992)及港交所(00388)。 泡泡瑪特股價今日(11日)先跌後升，一度升逾1%，升穿261元，摩根士丹利最新睇302元，又睇好集團北美、歐洲業務持續增長，現價距離大摩目標價仲有逾15%距離，係咪唔怕高追？ 資深證券分析師彭偉新指，泡泡瑪特未來數年增長已price in係股價，依家入市風險較大，雖然集團有好多知識產權(IP)，但只得1至2個IP可以帶黎巨大增長，而IP需要keep到個勢頭，集團先可以拿到較高估值。Castor估計，若泡泡瑪特股價真係升到302元，之後未必再有上升空間。 |
|
| 梁偉民 |
2025-06-11T11:21 |
內地調味料龍頭海天味業(03288)今日(11日)起招股，集團計劃發行約2.6億股，當中6%係香港公開發售，招股價介乎35至36.3元，集資最多逾95億元，每手100股，入場費約3666元。業績方面，集團去年收入按年增長近10%，其中，醬油產品收入佔比高逾51%，純利就按年增長近13%至逾63億人仔，毛利率約36%，海天味業值唔值得抽？ 高富金融集團投資總監梁偉民指，港股IPO市場持續暢旺，唔少新股上市後都有好表現，升幅甚至以倍數計，不過，投資者仍要小心新股會出現走樣慨情況，睇返最近6至7隻新股慨表現，有3隻已跌穿招股價，不過，唔代表IPO熱潮冷卻，只係新股表現其中一個隱憂。 Wyman又話，投資者可以考慮小注抽海天味業，視作分散投資慨部署，係市場氣氛帶動下，估計包括海天味業在內慨新股，上市後應該有唔錯慨升幅。 |
|
| 植耀輝 |
2025-06-11T10:17 |
耀才證券研究部總監植耀輝推介香港電訊(06823) 推介原因： - 業務穩健，未來派息亦具保證 - 料息率逾7厘。 |
|
| 李偉傑 |
2025-06-10T16:21 |
赤字城科技(09911)會針對唔同客群，將平台細分為唔同種類，單係社交業務已分為社交平台、直播平台、語音平台、遊戲平台、陪伴社交平台等，每個平台有自己慨App，盈利轉化能力強，究竟赤字城本身有咩優勢？ 天風國際證券經紀業務部董事李偉傑指，赤字城慨優勢係持續性擴展，因為每個App都係靠打賞博主，同埋傾偈帶黎盈利分成貢獻，唔同社交平台就針對性畀唔同群組使用，群組類別分得好仔細，但仍然係來自同一個客源，呢個就係赤字城成功關鍵。 Jason續指，赤字城依家仲做緊海外市場，拓展性較高，但暫時未有政策及文化上慨監管壓力，因此，可以係唔同慨社交平台，做更多迎合唔同年齡群組慨變化。佢補充，未來只會愈黎愈多平台，用戶慨生命周期或隨著年齡增長產生新群組，可持續性暫時仍然較高。 |
|
| 趙晞文 |
2025-06-10T16:13 |
毛戈平(01318)基石投資者半年禁售期今日(10日)屆滿，股價午後跌幅擴大，一度挫逾4%，低見108元，今日開市前已錄得1宗「X」盤，即賣買雙方已傾掂左交易，然後股份再上板，涉及475萬股，每股作價107.5元，較昨日(9日)收市價有4.8%折讓，涉資逾4.9億元，係咪基投一解禁即掟貨？ 信達國際研究部董事趙晞文認為，好大機會係基投沽貨，但到底係邊個就無從稽考，因為一般投資者唔會用呢種方法出售手上慨持股，所以似係機構投資者操作，不過，今次減持股數及折讓幅度唔算大，所以機投趁高位鎖定部分利潤及持倉係合理。 晞文又話，毛戈平股價過去一段時間已累積左唔少升幅，所以一旦有機投減持，股價會面臨一定壓力，不過，由於呢類新零售股仍有資金追捧，所以跌幅未至於太大。 |
|