| Commentator |
Time |
Content |
Tag |
| 陳偉聰 |
2025-01-06T12:52 |
東亞銀行財富管理處發表2025年第1季投資展望，環球股市方面，係美國總統當選人特朗普(Donald Trump)上個任期出現「紅色浪潮」期間，標指累升約33%，「特朗普2.0」時代月底就來臨，市場普遍共識係美股係2025年會延續2023及2024年強勢，如果真係咁，標指今年上半年目標應該定係邊個水平？ 東亞銀行財富管理處高級投資策略師陳偉聰表示，標指今年上半年目標大約介乎6178點至6335點，同現水平比較有約10%上升空間，但係一個較中線慨目標，短期而言，指數反覆波動慨機會較大。 Jason續指，過去兩個月，美股慨金融、科技、非必需消費等板塊，受惠於「特朗普交易」 (Trump Trade)已升左一浸，估值已偏高，因此，短期再炒Trump Trade風險會較大，如果預期仍有上升空間，必須密切留意市況變化，因為大市有可能先行回調及整固。 |
|
| 陳偉聰 |
2024-12-03T12:00 |
中央經濟工作會議將於月中舉行，市場等緊會唔會有措施出台，若中經會都令市場失望，港股後市係咪更難樂觀？ 東亞銀行高級投資策略師陳偉聰指，炒內地政策對A股及港股有支持作用，市場一定對中經會有憧憬，一般黎講，中經會將會為明年經濟定調，以及提出發展方向等，不過，明年經濟增長目標、財政政策、發特別國債等，就要等明年3月慨「兩會」先會公布，所以投資者唔需要對中經會有太大期望。 Jason又話，中央係9月底出「組合拳」救經濟，主要係當時市場氣氛悲觀，依家恆生指數企穩19000點水平，上證綜合指數亦持續係3300點水平上落，所以中央冇再出招慨迫切性。佢估計，短線港股將會再向下調整，直至中經會或「兩會」釋出積極訊號，所以可能要等到明年3月有實質政策出台，到時港股先有機會出現明顯升勢。 |
|
| 陳偉聰 |
2024-11-05T11:27 |
隔晚(4日)美股開始出現輕微的「Trump Trade」退潮現象，人民幣今早(5日)亦有異動，中間價大幅轉強近200點子，如何解讀人民幣的升勢？是與美國總統大選，還是人大常委會開會有關？ 東亞銀行財富管理處高級投資策略師陳偉聰指，美國大選對人民幣影響比人大會議更大，若特朗普(Donald Trump)勝出大選，就會加徵關稅、進一步制裁中國企業，對人民幣匯價或出口影響大。 他續指，今日人民幣回升，不代表「Trump Trade」會冷卻，始終大選結果仍是未知數。若特朗普勝選，短線人民幣受壓，對A股及港股波動性大，而人大可能會大規模刺激經濟，反而對人民幣有支持。 |
|
| 陳偉聰 |
2024-10-08T14:48 |
A股今日(8日)國慶長假後復市，滬深各主要指數全線高開，不過，港股驚現大林市，恆生指數一度急瀉逾2000點，失守21000關，科技指數一度重挫逾14%，跌至4600點邊緣，點睇A股及港股今日市況？後市又會點走？ 東亞證券高級投資策略師陳偉聰認為，恆指近3周累升逾6000點，可能同市傳內地會額外發行10萬億人仔國債有關，但佢認為呢個傳聞已炒過龍。發改委今日會開記者會公布增量措施，但如果國債發行規模遜預期，港股有機會出現獲利回套情況，尤其要小心早前已經升左唔少慨中資券商股及保險股等。 Jason認為，港股成交要突破早前慨5000億元唔容易，雖然過去兩三個星期有好多外資增配港股或中資股，但呢個行情未必可以持續太耐，因為資金市較大，波動性亦較大，所以股市未來點走係好難預測。 |
|
| 陳偉聰 |
2024-08-26T12:10 |
美國聯儲局主席鮑威爾(Jerome Powell)係Jackson Hole全年央行年會上，直指減息時機已到兼「放鴿」，明確為減息「開綠燈」，但未有提及實際減息時間及幅度，到底聯儲局係咪如市場預期9月出手？ 東亞證券高級投資策略師陳偉聰認為，市場對聯儲局減息預期經常有變，早前美國公布慨就業數據欠佳，加上拆倉令美股大跌，令市場一面倒認為9月會減息0.5厘，甚至今年可能要減息1.25厘至1.5厘。不過，由於近期慨經濟數據反映經濟「硬著陸」及陷入衰退慨機會唔大，相信聯儲局減息時間及步伐始終要睇數據，若數據反映經濟持續穩健增長，未有大幅放緩，相信局方會循序漸進減息，9月可能先減0.25厘，之後兩次議息就每次減息0.25厘。 Jason又話，美國今個減息周期會持續幾耐好難講，因為要視乎近期經濟數據及整體通脹表現，但據市場統計顯示，預期今個減息周期會持續至明年。 此外，據美國芝加哥商品交易所(CME)FedWatch最新顯示，聯邦基金利率明年底會落到3厘水平，意味聯儲局要減息約2.25厘至2.5厘。 |
|
| 陳偉聰 |
2024-08-02T14:54 |
內地日前公布慨官方製造業採購經理指數(PMI)，繼續處盛衰線以下，昨日(1日)出爐慨財新7月製造業PMI相隔8個月再跌入收縮區，並差過預期，呢些數據係咪反映內地經濟仍然有好多隱憂？ 東亞證券高級投資策略師陳偉聰指，內地6月起公布慨經濟數據普遍都係偏弱，不論零售、地產投資及近期慨PMI，尤其製造業PMI，之前大半年都係50樓上，今次跌到只得49.4，反映沿海慨中小企之前主要靠出口作為支撐點，睇返上半年咁多經濟數據，出口係做得比較好，但呢方面要小心，點解第2季出口特別強，可能係歐美廠商擔心下半年會有關稅調整，所以提早採購。 展望下半年，Jason認為有兩個問題要留意，首先係咪會加關稅，其次係歐美經濟顯著放緩，會令補庫存意欲減少，將對內地出口造成一定衝擊。 |
|
| 陳偉聰 |
2024-07-04T12:12 |
美國總統大選首場電視辯論後，前總統特朗普(Donald Trump)慨支持度拋離現任慨拜登(Joe Biden)。 東亞證券高級投資策略師陳偉聰表示，人工智能(AI)熱潮略為降溫後，美股投資者似乎搵到下一個主題，市況開始反映特朗普勝算大增慨預期。佢指出，特朗普傾向放寬金融監管，所以美股最近炒起左銀行及金融股，工業相關股亦會受惠，Jason又話，市場估計，一旦特朗普當選將會推出更多減稅、補貼措施來吸引美國企業回歸本土開廠，支持本土製造業。此外，傳統資源股亦獲睇好。 Jason續指，因為往年大選慨前一季，美股表現普遍跑贏環球股市，睇好美股第3季繼續造好。不過，佢提醒短期有調整風險，因為納指100慨14日相對強弱指數(RSI)近日曾升至80以上慨嚴重超買水平，而縱觀過去6年，當RSI超過80後，美股通常於3個月內會調整約10%。 |
|
| 陳偉聰 |
2024-06-03T12:29 |
歐洲央行今個星期減息似乎已成定局，如果歐洲搶閘早過美國聯儲局減息會有咩影響？此外，一旦外圍啟動減息周期，會唔會利好亞洲股市？例如帶動資金流入亞太區。 東亞證券高級投資策略師陳偉聰認為，近期瑞士、澳洲通脹數據都偏高，就連歐元區通脹都未必可以太快回落，一旦減息周期展開，就要留意國央行對息口走向有冇進一步暗示，若歐央行只係下半年再減多1次息，相信滿足唔到市場預期。不過，佢認為對港股影響唔大，因港股慨成份股中，較少同歐洲有直接關係。 Jason又指，外圍減息唔一定會帶動資金流入亞太區，相信要等美國聯儲局減息先有機會利好亞洲市場。 |
|
| 陳偉聰 |
2024-04-23T11:55 |
市場靜待電動車龍頭Tesla今晚美股收市後出業績之際，瑞銀最新下調除Tesla外科企7雄(Magnificent 7)評級，英偉達(Nvidia)、蘋果公司(Apple Inc.)、Facebook母公司Meta、亞馬遜(Amazon)、微軟(Microsoft)及Google母公司Alphabet全部由「增持」降至「中性」評級。 雖然標普500指數屢創新高，但其實標指內唔少科技股近日見頂回落，東亞銀行高級投資策略師陳偉聰亦指出，市場對標指成分股首季盈利預測，已經下調近2%。 Jason續指，標指升勢同企業盈利預測走勢背馳，係因為人工智能(AI)概念股過熱，股價出現超買情況增加，依家業績期開始見真章，市場或對標指企業盈利增長信心減弱而出現估值下調，料標指未來或要經歷較深度調整。 |
|
| 陳偉聰 |
2024-04-05T11:37 |
聯儲局主席鮑威爾(Jerome Powell)日前繼續「放鷹」，指美國經濟及就業市場強勁，加上通脹高過預期，局方仍有時間觀察通脹情況，小心考慮首次減息時間。不過，最新有聯儲局官員指，今年有可能唔減息，市場減息預期隨即，更拖累美股昨晚(4日)下挫，亞太區股市今早(5日)普遍受壓，究竟官員慨言論參考價值大唔大？ 東亞銀行財富管理處投資策略師陳偉聰指，鮑威爾一直都冇畀一個清晰慨息時間點，只不斷重申要觀察通脹，而所有數據都反映美國經濟仍然強勁，包括美國樓市銷售數據強勁、3月消費物價指數(CPI)及生產物價指數(PPI)高企，所以官員慨言論有變係合理。 不過，Jason認為，聯儲局「放鷹」都同市場預測太進取有關，因此，官員慨言論其實冇太大參考價值，佢又提醒，投資者要繼續留意數據，例如今晚出爐慨非農就業數據，唔好只著眼於新職位有幾多，亦要留意失業率及修訂數字等。佢又指，要出現極端情況先會令市況壓力增加，只要唔係「黑天鵝事件」，對美股或外圍股慨影響唔大。 |
|
| 陳偉聰 |
2024-03-12T12:04 |
「人工智能+」及「新質生產力」首次被列入政府工作報告，市場普遍認為，人工智能(AI)發展可刺激用電需求，會唔會帶動相關板塊造好？ 東亞財富管理處投資策略師陳偉聰指，現時內地經濟發展強調重質唔重量，可能會利用AI或科技提升生產力，相信支持相關產業慨終極目的係提振經濟。 Jason又指，美國唔少科企開始建立AI大模型，整個過程慨電力消耗好大，如果全世界都以AI為主要產業，電能消耗必定會增加，若內地AI快速發展，雖然需求及使用量都會增加，但未必可以一面倒利好電能股，因為亦會受發電成本、煤炭價格及國策等因素影響，例如新能源補貼開始減少，實施「平價上網」，電價回報一定唔及5至6年前咁吸引。不過，由於投資成本下降，加上新能源股過去兩三年跌左好多，可能盈利已經見底，估值會慢慢修復。 |
|
| 陳偉聰 |
2024-02-14T11:31 |
美國1月消價指數(CPI)超預期，令市場對聯儲局可能係上半年減息慨預期降溫，最新估計減息時間會由3月推遲至5月、6月，減息次數亦由7次減至3、4次，CPI昨晚(13日)出爐後，即震散美股，其中，道指收市瀉逾500點，美股係咪會繼續調整，資金流向又會出現咩變化？ 東亞財富管理處投資策略師陳偉聰指，依家美股估值近24倍，由於市場之前高估減息次數，依家美國10年期債息反彈，相信市場調整預期後，美股估值應會回落至約20倍，佢認為，公司業績唔對辦、預期經濟陷入衰退等因素，都唔係影響市場慨主因。 資金流向方面，Jason認為，基金等避險資產回報率已不及去年，市場預期，美國經濟仍會錄得增長，之前升左唔少慨人工智能(AI)概念股及科技股，適度回調後或獲利回套，估計資金會轉投非必須消費股、金融股，甚至公用股。 |
Results , Capital Flow , US Stock , Earnings , IT |
| 陳偉聰 |
2024-01-11T12:01 |
【Now財經台】有分析指，雖然港股係2024年持續弱勢，但可以炒股唔炒市，而優質高息股會系今年焦點，如果想買呢類股份，應該點揀好？ 東亞銀行財富管理處投資策略師陳偉聰指，過去1年，內地電訊、能源及石油股明顯跑贏，主要系內地整體息口低，黎緊又唔會大手減息，加上中國10年期國債息跌穿2.5厘，如果買無利率風險慨債券產品，都只系收2.5厘息，不如揀有穩陣現金流及負債比例唔高慨股份，除左高息，派息持續性又可以維持，呢類股份系入市首選。 至於幾時系入市好時機？Jason就話，能源及煤炭股息率係2023年高峰時期有12厘至13厘，平均股息率唔算低，煤炭及石油股都有7厘至9厘，亦算吸引。佢提醒，近期呢些股份破頂，逆市升至超賣水平，唔排除短期會有調整，而當能源股開始回落時，資金有機會流向中資電訊股。 陳偉聰 東亞銀行財富管理處投資策略師 |
Energy , BANK OF E ASIA , Oil , HK Cap Flow , Stock |
| 陳偉聰 |
2023-10-30T12:35 |
【Now財經台】10月快到尾聲，月初至上個交易日，恆生指數跌約2%，更一度跌穿17000點，究竟過左「股災月」後，11月港股系咪會見底？ 東亞銀行財富管理處投資策略師陳偉聰認為，上月內地經濟數據明顯好轉，加上上周北向資金終於扭轉連續10周淨流出慨形勢，意味外資沽貨離場對A股及港股慨壓力有所減弱，而恆指預估市盈率(Forward PE)僅8倍，預期即使下個月港股再次失守17000點關口，下行空間有限。 Jason又指，如果只系想避險，相比高息股普遍有6至7厘慨股息率，目前短期或1個月定存利率都做到約5厘，造短期定存慨回報確實比較吸引。 不過，佢提醒，造定存前要考慮埋美國聯儲局11月1日(周三)同12月議息慨影響，若官員釋出息率有可能見頂慨訊號，造太長年期慨定存反而會錯失股市反彈慨獲利機會。 陳偉聰 東亞銀行財富管理處投資策略師 |
Stock , BANK OF E ASIA , HK Banks , HK Cap Flow , HANG SENG BANK |
| 陳偉聰 |
2023-10-19T11:45 |
【Now財經台】美國長債息再度抽升，進一步逼近5厘水平，不過，聯儲局官員過去兩周不停「放鴿」，或多或少債息升勢有所收斂，債息噚隔扯高系咪反映下月加息預期可能有變？ 東亞銀行財富管理處投資策略師陳偉聰認為，近期美國公布慨經濟數據都比預期強勁，加上油價近期向上，市場憂慮會令通脹壓力升溫，聯儲局11月加唔加息一定對債息有影響，但唔系唯一慨影響，其他因素包括美國財政部發新債，市場都十分關注。 Jason又指，近兩年美國債孳息曲線不斷倒掛，近期美國經濟好轉，照計應該會重返正常水平，但由於短息仍高企，因此，長息就要升返一定幅度，先可以做到。佢續指，如果「短息高、長息低」慨情況持續，相信孳息曲線正常化進程仍未結束，一旦聯儲局年內再加息，債息有機會升穿5厘。 陳偉聰 東亞銀行財富管理處投資策略師 |
BANK OF E ASIA , HK Banks |
| 陳偉聰 |
2023-09-25T11:39 |
【Now財經台】美國今個星期五(29日)會公布聯儲局最關注慨個人消費開支(PCE)物價指數，市場估計，扣除食品及能源慨核心PCE按年升幅將會由4.2%放緩至3.9%，按月升幅則維持於0.2%，而個人開支按月升幅則收窄至0.4%，如果呢些預測正確，系咪反映美國消費者面臨慨壓力愈來愈大，最終導致經濟放緩？ 東亞銀行投資策略師陳偉聰表示，由於能源價格及油價近期都升得比較多，一定會對PCE造成壓力，因此，市場預期，整體PCE按年可能會進一步反彈，月中出爐慨核心消費物價指數(CPI)升幅都比預期高，核心PCE按月亦可能出現同樣情況，佢又話，市場預期個人開支會減少，令消費市道逐步降溫。 Jason續指，只要按年核心PCE維持係4%水平，短期而言，美國貨幣政策都唔會有太大放松空間。 陳偉聰 東亞銀行財富管理處投資策略師 |
Energy , BANK OF E ASIA , HK Banks , Food |
| 陳偉聰 |
2023-08-23T11:22 |
【Now財經台】大市今日繼續跌，恆生指數預測市盈率(PE)接近9倍，市帳率(PB)就唔夠1倍。《彭博》統計，約一半藍籌的14天RSI，已落到30樓下慨超賣水平。恆指8月暫時跌約11%，系去年10月以來最大跌幅，恆指後市走勢會點？ 東亞銀行投資策略師陳偉聰表示，最近一周已將未來一年恆指目標價，降至20700點。相比起新冠疫情時期，佢認為依家恆指PB同PE其實唔算低，有可能修正返小小再反彈。技術層面RSI方面，佢就指，雖然睇日線圖系去到20幾的超賣水平，但周線圖顯示仲系34水平附近，未去到好嚴重超賣慨地步。 陳偉聰 東亞銀行財富管理處投資策略師 |
BANK OF E ASIA , HK Banks , HANG SENG BANK , Stock , Rating |
| 陳偉聰 |
2023-07-31T12:40 |
【Now財經台】中證監日前召集多家大型券商開會，就提振資本市場及投資者信心慨政策征求意見，市傳有與會人士建議減印花稅、暫緩IPO等。消息一出，中資券商股上周五(28日)隨即跑出，今朝再升一浸。 東亞銀行投資策略師陳偉聰認為，未來政策大方向會令A股市況好轉，但唔會一面倒利好券商股。佢指出，減印花稅唔系新鮮事，過往A股市況唔好，都會用呢招谷成交。佢又話，如果市場熱議慨「T+0」交易機制成真，容許內地股民炒「即日鮮」，相信亦會增加即市成交量，兩項措施都對主營股票經紀服務慨傳統券商有幫助。 不過，Jason表示，若當局決定暫緩IPO，會影響主營投資銀行業務慨龍頭券商，減少佢地做包銷商或保薦人慨收入，而近月中證監要求券商及基金公司減交易費，亦會影響主營資產管理慨券商。 Jason又認為，內地實行新股注冊制，放寬上市門檻後，大型企業就未必考慮來港上市。除非港股估值明顯上調，例如新經濟股慨估值上返3至4年前水平，先會有返新股集資慨吸引力。 陳偉聰 東亞銀行財富管理處投資策略師 |
BANK OF E ASIA , IPO , IPO , Stock , HK Banks |
| 陳偉聰 |
2023-07-03T12:17 |
【Now財經台】花旗下半年選股名單出現唔少行業代表，包括上半年表現最好慨藍籌之一網易(09999)、周大褔(01929)、金沙中國(01928)、比亞迪股份(01211)、申洲國際(02313)、友邦保險(01299)、華潤燃氣(01193)。 其他大行又點睇呢？東亞銀行財富管理處投資策略師陳偉聰表示，下半年睇好服務式消費相關板塊，尤其旅游消費股將受惠於暑假及「十．一」黃金周出游需求慨高增長。 此外，Jason認為，電力及新能源板塊會受惠原材料同部件成本下降，而推升下游慨發電公司回報率，而內地減息亦有助負債普遍高企慨電力股降低融資成本。佢續指「中國特色估值」概念股，例如基建、國企內房、內銀、電訊板塊，都值得留意。 Jason又話，短期可留意7月底中央政治局會議前有冇更多刺激經濟政策出台，或會帶動港股反彈，不過下半年仲有美國加息等不明朗因素，佢預期港股難出現大牛市。 |
BANK OF E ASIA , ChinaElec , Stock , Energy , China Real Estate |
| 陳偉聰 |
2023-05-30T12:05 |
【Now財經台】計埋今日，港股係「五窮月」只剩返兩個交易日，截至噚日止，恆指今個月暫累跌逾1300點，而3大指數開關重啟慨升幅全部化灰，反觀外圍，美股、日股、韓股走勢強勁，同港股表現差天共地，點解會出現「港股獨憔悴」慨情況？系咪受A股及內地因素影響？ 東亞銀行財富管理處投資策略師陳偉聰指，港股年初其實因憧憬美國加息周期結束升左一輪，但近期美國公布慨數據仍然偏強，令市場認為聯儲局6月加息慨機會又大左，而當債息上升時，的確令港股面對唔少壓力，見到科技股及高息股都跌左落黎。 Jason又話，內地4月經濟數據大部分都差過預期，同市場預期有好明顯落差，令市場對內地經濟重啟、復蘇動力，係第2季系咪可以持續存疑，再加上其他因素，導致外資沽A股，再加上中美一些沖突，令港股整體估值都受到一些壓力。 陳偉聰 東亞銀行財富管理處投資策略師 |
Stock , BANK OF E ASIA , HK Banks , IT , US Stock |
| 陳偉聰 |
2023-04-06T11:24 |
【Now財經台】美國噚晚出爐慨服務業及私人企業職位等數據都差過預期，令經濟陷入衰退慨憂慮升溫，亦令聯儲局5月暫停加息慨預期再升溫，下月暫停加息慨機會升至57%，加息0.25厘慨機會降至43%。今個星期初因為石油輸出國組織及盟友(OPEC+)突然宣布減產，市場擔心會刺激通脹升溫，令聯儲局5月加息0.25厘慨機會增加，但依家因為經濟數據差又跌返，5月議息結果似乎仍有好多變數。 東亞銀行財富管理處投資策略師陳偉聰指，美國有銀行倒閉後，開始見到市場有些炒作，佢估計，聯儲局黎緊都會放慢加息步伐，甚至會係5月暫停加息，不過，之後OPEC+減產、油價升，以及聯儲局官員繼續放鷹等，都會令利率走向、利率期貨係未來幾個星期，就聯儲局下月系咪加息慨預測搖擺不定，佢認為，美國5月系咪加息暫時都系「五十五十」。 陳偉聰 東亞銀行財富管理處投資策略師 |
Oil , BANK OF E ASIA , HK Banks |
| 陳偉聰 |
2023-03-01T10:50 |
【Now財經台】中資電訊股近排升得幾誇張，中國電信(00728)及中國聯通(00762)等成板仲升緊，主要系炒作數字經濟憧憬及概念，因為當中會涉及基礎設施，加上全球熱炒慨ChatGPT概念。此外，摩根士丹利最新估計，未來60日，3大中資電訊股有80%機會升，係市場仍有唔少不確定性下，呢類股份系咪有得諗？ 東亞銀行財富管理處投資策略師陳偉聰指，港股舊年第3季開始向下時，中資電訊股仍然好硬淨，到大市升返亦可以跟到，過去好多投資者認為呢類系防守股，但基於一些元素，例如新產業工業互聯網，包括雲計算、AI等，令市場覺得中資電訊股有增長空間，因為面向好多企業客，而過往主要炒tech股，但隨著市場份額慨轉變，中資電訊股慨份額不斷升緊，雖然唔系直接參與，但背後慨產業鏈都好強，所以有呢方面慨增長概念。 Jason又話，如果睇返估值，市盈率(PE)仍然系單位數，息率有7厘至8厘，對比傳統科網股系有一定吸引力。 |
BANK OF E ASIA , CHINA UNICOM , Stock , CHINA TELECOM , HK Banks |
| 陳偉聰 |
2023-02-03T11:55 |
【Now財經台】全球3大主要央行已先後公布今年首次議息結果，央行對息口系咪已見頂、加息周期幾時完結仍有分歧，舊年市場主題系聯儲局加息遏通脹，呢個投資主題今年會唔會持續發酵？ 東亞銀行財富管理投資策略師陳偉聰指，雖然聯儲局主席鮑威爾暗示今年最少再加兩次息，但市場就解讀為第4季可能會減息，反而歐央行加息步伐比聯儲局更進取。 Jason又話，亦要留意經濟放緩速度，市場已開始消化美國經濟轉弱慨消息，相信未必會陷入嚴重衰退，加上歐洲經濟似乎冇市場睇得咁悲觀，因此，若環球經濟增長前景較預期樂觀，將會成為環球股市、風險資產好有力慨催化劑。 陳偉聰 東亞銀行財富管理處投資策略師 |
BANK OF E ASIA , HK Banks |
| 陳偉聰 |
2022-12-28T11:16 |
【Now財經台】內地宣布將「新冠肺炎」改名為「新冠病毒感染」，並將「乙類甲管」調整為「乙類乙管」。此外，亦宣布多項優化措施，包括將恢復辦理內地居民旅游及商務赴港簽注，以及逐步恢復陸路口岸客運通關等，市場對進一步放寬其實系咪已有一定憧憬？ 東亞銀行財富管理處投資策略師陳偉聰指，相信的確為市場帶黎少少驚喜，因為市場之前估計內地會係春節後，或「兩會」前後先會放寬，加上今次唔止針對商務旅客，連一般旅游都一齊放寬，對市場黎講一定系正面消息。 不過，Jason提醒，若放寬後內地疫情升溫，可能令春運需求不似預期，亦會影響消費、工廠復工復產等環節，因此，雖然放寬慨利好層面系大過預期，但政策後遺症及成本代價值亦不容忽視。 陳偉聰 東亞銀行財富管理處投資策略師 |
BANK OF E ASIA , HK Banks |
| 陳偉聰 |
2022-11-22T11:31 |
【Now財經台】內地早前推出「優化防疫20條」，市場解讀為釋出微調或放寬疫情控制措施慨訊號，消息一出，股市表現亢奮，恆生指數裂口大升，更炒到逼近18500點，但1星期過去，冷靜落黎，見到社會活動限制根本冇放寬，反而因疫情再升溫而有收緊跡象，港股亦掉頭回落。市場本來對內地放寬防疫措施有好大憧憬，結果系咪證明又炒錯？ 東亞銀行投資產品及顧問部股票策略師陳偉聰指，其實可以先觀察市場反應，根據過往經驗，當內地單日感染個案達20000宗，或收緊疫情防控措施，大市應該唔止跌百幾點，如果好似年初全面封城，恆指單日跌500至600點，甚至跌更多。 Jason又話，雖然內地疫情近期持續升溫，封控措施亦持續，但市場表現相對冷靜，原因系大家都有一個共識，就系所有防疫政策都系慢慢微調，但動態清零慨大方向政策亦講明唔會變。 陳偉聰 uSMART盈立證券研究部總監 |
Stock , BANK OF E ASIA , HK Banks , HANG SENG BANK |
| 陳偉聰 |
2022-10-11T12:20 |
【Now財經台】港股不斷尋底，恆指今朝已失守17000點，淡友繼續發力，噚日港股整體沽空比率升至24.5%，仲高過8月30日約23%慨紀錄高位，重磅股如阿里巴巴(09988)沽空比率升至近31%，但如果掉返轉去睇，港股跌到咁殘咁平，反而有機會夾淡倉，短線有機會反彈？ 東亞銀行財富管理處股票策略師陳偉聰指，依家港股充斥負面消息，而令市場最驚系觸摸不定，加息、經濟差仲有數得計，但地緣政治如俄烏局勢有機會升級，甚至俄羅斯發動核戰，會唔會令烏克蘭能源、糧食出口受限制？令高通脹問題又要再持續一段時間。 此外，香港呢邊正進行中概股慨審計底稿工作，如果調查結果唔理想，甚至有中概股明年要除牌，港股中線壓力都幾大，依家沽空比率去到24%系有些極端，恆指預測市盈率(PE)只得9.5倍，系2017年以後每次熊市低位，而恆指RSI已落到19水平，過去30年都冇見過咁超賣慨情況，依家市場明顯Discount左一些好極端或類似「黑天鵝」事件，若後市有返些好消息，即使唔系立即轉勢，間中有些夾淡倉，夾返2000、3000點上去都唔出奇，現階段造淡都要小心報復式反彈風險。 |
Stock , BANK OF E ASIA , HK Banks , Energy , ALIBABA |
| 陳偉聰 |
2022-09-14T11:52 |
【Now財經台】內地通過新一批游戲版號，合共73款國產游戲獲批，當中電腦游戲占3款、主機游戲占1款，其余全屬手游，除左中手游(00302)、心動公司(02400)、嗶哩嗶哩(09626)有份，游戲股龍頭網易(09999)及騰訊控股(00700)旗下騰訊游戲今次終於有份。 不過，東亞銀行投資產品及顧問部股票策略師陳偉聰指，對游戲股仍然審慎，雖然內地今年第1季已復批游戲版號，但大部分獲批都系迷你游戲及休閒游戲，吸金力、吸客力都唔及硬核游戲，加上內地仍未放寬成年人打機時間限制，反映當局仍未放寬游戲監管，相關企業慨盈利仍面對挑戰。 另一方面，市場憧憬iPhone 14可刺激內地手機需求及出貨量，但摩根士丹利就潑冷水，指手機行業係明年上半年前都冇復蘇潛力。 Jason就話，依家內地經濟下行，消費者換機會比以前謹慎，所以需求亦會細左，不過，內地有好多iPhone死忠粉絲，加上新機定價唔算進取，相信仍會掀換機潮，相關設備供應商或會受惠，相反，中低檔定位慨內地安卓手機品牌就冇咁吃香。 |
BANK OF E ASIA , TENCENT , HK Banks , CLP HOLDINGS , CMGE |
| 陳偉聰 |
2022-06-30T09:44 |
【Now財經台】uSmart盈立證券研究部總監陳偉聰推介中集安瑞科(03899) 推介原因： –歐洲需進口更多液化天然氣代替俄羅斯天然氣，可推動液化天然氣儲罐需求 –積極拓展氫能業務，續受惠燃料電池車輛相關利好政策 –預測市盈率12.5倍， |
|
| 陳偉聰 |
2022-06-27T17:33 |
【Now財經台】小米集團(01810)股價暫時連升第3日，今日一度炒高逾13%，集團今日傳出兩個消息，首先系新旗艦手機將會係7月5日發布，搶閘係Apple新iPhone前發布，同埋旗下智能電動車業務小米汽車近日公開車對車充電專利，到底呢兩個系咪小米今日股價大升慨催化劑？ uSmart盈立證券研究部總監陳偉聰指，發布新型號手機未必系一個催化劑，因為小米每年都有新機出，而相比其他手機如Apple，銷售額亦差好遠。汽車業務方面，即使有新專利，但由於業務只系岩岩起步，需要時間去大規模應用及商用化，而市場未來慨增長速度或會減慢，甚至出現飽和，所以集團慨汽車投資未必有好大回報。 |
|
| 陳偉聰 |
2022-06-23T22:44 |
【Now財經台】舜宇光學(02382)調低今年全球智能手機付運量預測，又指手機品牌傾向將手機鏡降級，每股手機平均鏡頭數目也減少。 uSmart盈立證券研究部總監陳偉聰認為，今年全球智能手機銷情疲弱，下半年亦難有起色，估計舜宇在公布半年業績時，會下調全年出貨量指引，雖然股價今年已累跌逾50%，但估值仍不算便宜。 |
Earnings , SUNNY OPTICAL |
| 陳偉聰 |
2022-06-20T16:16 |
【Now財經台】大和發報告，話上半年風機合同規模有望達50吉瓦水平，消息一出，帶挈專做風機慨金風科技(02208)升返轉，金風業務最壞時期系咪已經過去？ uSmart盈立證券研究部總監陳偉聰指，內地今年頭兩季風電裝機強勁增長，如果半年內風機合同規模去到50吉瓦水平，全年就會大幅增長，加上金風作為機組龍頭，市占率高，有一定受惠程度。 Jason仲話，市場搵緊比較落後慨新能源相關股份黎買，金風系其中一只有追落後空間，而短期亦未必會大跌，中短線目標擺係15元。 |
Energy , CONCORD NE , New Energy , IT , GOLDWIND |
| 陳偉聰 |
2022-06-16T10:58 |
【Now財經台】uSMART盈立證券研究部總監陳偉聰推介國泰航空(00293) 推介原因： -料未來數月出入境限制將會放寬，客運需求持續改善，上半年虧損將會收窄 -集團燃油對沖成本每桶60美元， |
CATHAY PAC AIR , USD |
| 陳偉聰 |
2022-06-13T16:18 |
【Now財經台】全國統一電子煙交易管理平台係6月15日正式運作，之後須持牌先可以係平台買賣，思摩爾國際(06969)獲多家中資券商力薦，咁思摩爾表現系咪值得憧憬？ uSmart盈立證券研究部總監陳偉聰指，思摩爾的確可以睇高一線，因為集團有唔少海外大客，霧化產品全球市占率又排第1位，而毛利率相比同業亦有優勢。Jason又話，思摩爾舊年下半年純利倒退，今年可能跌得仲勁，所以睇估值其實冇乜意義，如果業績差，大行又降盈利預測，可能2023年、2024年預測PE仲高，係估值唔算平之下，股價一旦升到24元、25元阻力會愈來愈大。 |
Results , Earnings , U-PRESID CHINA , SMOORE INTL |
| 陳偉聰 |
2022-06-09T22:44 |
【Now財經台】周大福(01929)去年度多賺11.4%，遜預期，末期息28仙，並計劃回購股份。 uSmart盈立證券研究部總監陳偉聰表示，周大福上財年業績差過預期，主要因為毛利率受壓，而雖然公司增加派息，但全年股息率只有3.6%，並不吸引，預料股價短期會受壓。 |
Earnings , HAITONG INT'L , CHOW TAI FOOK |
| 陳偉聰 |
2022-06-06T15:50 |
【Now財經台】今日多只旅游相關股普遍造好，但航空股就跑輸大市，點解航空股「飛唔起」？ uSmart盈立證券研究部總監陳偉聰指，雖然防疫措施松綁，但就算去旅行都係省內，主要搭鐵路、巴士為主，航空需求唔系真系咁大。佢又話，由於運力有壓力令機票貴左，再加埋燃油附加費，市民未必會揀搭飛機，面對燃料成本大升、需求少、人仔貶值，航空股的確有唔少隱憂。 Jason仲話，對內地航空股唔太樂觀，而之前已彈左一浸，即使真系要買，其實3大內航股揀邊只都分別唔大。 陳偉聰 uSMART盈立證券研究部總監 |
Aero |
| 陳偉聰 |
2022-06-02T10:55 |
【Now財經台】uSMART盈立證券研究部總監陳偉聰推介中銀香港(02388)。 |
BOC HONG KONG , HK Banks |
| 陳偉聰 |
2022-05-30T17:23 |
【Now財經台】上證綜合指數今個月暫時累升超過3%，系全球主要指數中，其中一個表現最好慨指數，歐洲最大資產管理公司東方匯理都睇好A股，因預期內地會推國產mRNA疫苗、二十大期間或重新采取開放措施，再配合上海推50項振經濟措施，又睇好非必需性消費、工業、醫療保健板塊，但對科技股睇法仍然審慎。 uSmart盈立證券研究部總監陳偉聰同意東方匯理慨觀點，始終內地面對經濟顯著下行，推出穩經濟增長措施慨壓力唔細，之前無論國務院常務會議或中央政治局會議，都講明黎緊一定要穩增長擴大投資，加上放寬貨幣政策，目的系令全年經濟增長達標，所以現時內地政策一定系以刺激為主，因此，佢估計，非必需性消費、工業、醫療保健板塊可以繼續跑贏。 陳偉聰 uSMART盈立證券研究部總監 |
IT |
| 陳偉聰 |
2022-05-23T17:54 |
【Now財經台】港股今日一度跌超過400點，之後跌幅收窄，今日其中一個跌幅較顯著慨板塊系體育用品股，李寧(02331)跌超過9%，安踏體育(02020)曾跌逾5.5%，申洲國際(02313)一度跌逾8.3%，其中跌得最甘慨李寧，其實未見傳出重大利淡消息，但點解跌到咁？ uSmart盈立證券研究部總監陳偉聰指，內地疫情反覆令市場慨憂慮再度升溫，銷售無可避免有影響，事實上，「五．一」黃金周期間，李寧、安踏慨銷售都要跌，公司可能面臨存貨壓力，為左谷銷售之後可能要提供折扣，或加大折扣幅度，到時難免令利潤受壓。Jason估計，如果內地疫情持續，零售要半年先可以復蘇，唔排除李寧股價再尋底。 |
Gold , ANTA SPORTS , Stock , SHENZHOU INTL , LI NING |
| 陳偉聰 |
2022-05-19T09:48 |
【Now財經台】uSMART盈立證券研究部總監陳偉聰推介龍湖集團(00960) 推介原因： –樓市政策寬松，料下半年銷售可大幅改善 –獲選為示范房企，計劃發行人民幣債券，發債成本偏低反映市場信心 –未來12個月預測市盈率7.8倍， |
RMB , LONGFOR GROUP |
| 陳偉聰 |
2022-05-16T16:29 |
【Now財經台】中概股除牌風暴觸發港股股災，科技股更出現拋售潮，摩根大通發表研究報告，有報告用「不宜投資」(uninvestable)形容中資科網股，之後《彭博》報道，摩通指「uninvestable」呢個字眼系員工出錯，後來改為「不吸引」(unattractive)，市場點解讀摩通呢個做法？ uSmart盈立證券研究部總監陳偉聰指，摩通轉軑時間太短，3月中唱淡完，相隔兩個月又唱好，外界難免質疑背後慨動機，作為一家國際大行，應該有完善慨監管部門，應該唔會容許呢些「人為錯誤」，仲涉及「uninvestable」咁強烈慨字眼，如果真系錯就直接唔出。 Jason又指，摩通依家轉軑，市場難免會諗下背後系咪有政治因素，市傳摩通做開慨中資保薦、核保生意少左，會唔會因為呢個原因，而調整評級、目標價，投資者都可以繼續留意。 陳偉聰 uSMART盈立證券研究部總監 |
Stock , Rating , IT , C FIN INT INV |
| 陳偉聰 |
2022-05-12T22:46 |
【Now財經台】維他奶(00345)收市後發盈警，預計全年最由盈轉虧，最多蝕超過1.7億元，據彭博資料顯示，可能是公司上市以來首次全年見紅的業績，到底維他奶這間老牌企業會否從此走下坡？ uSmart盈立證券研究部總監陳偉聰指出，公司早在財政年度上半年，盈利已經出現95%大幅倒退，市場早有預期全年會出現虧損，但實際金額仍然較市場預期大。 從今次盈警中推算，維他奶下半年雖然最多蝕約2億，但三個主要虧損原因當中，有兩個都是一次性因素，當中政府補貼減少2億，恰好與下半年虧損金額相若，甚至即使在財政年度下半年淡季情況下，全年收入反而錄得增長，顯示出經過去年年中政治公關風波後，公司已消化大部分的負面影響。而近期零售消費行業最關注的成本因素，盈警卻沒有提及，可能反映公司在成本方面，或取得有較好的控制。今次盈警並非毫無亮點。 去年的風波至今，股價已經腰斬，相信再大跌空間有限。不過，股價之後能否從新出發，就要視乎內地疫情及封控的影響。 |
|
| 陳偉聰 |
2022-05-05T11:23 |
【Now財經台】uSmart盈立證券研究部總監陳偉聰推介比亞迪股份(01211) 推介原因: - 內地近期頻推刺激居民消費措施，包括新能源車以舊換新補貼 - 比亞迪車廠位於深圳，被封城影響較小 - 首季業績理想，市占率提升，隨3月多款產品加價，毛利率穩步向上 - 4月銷售按月增1%， |
Energy , BYD COMPANY , Earnings , New Energy |
| 陳偉聰 |
2022-04-28T23:26 |
【Now財經台】中海油(00883)首季多賺1.3倍，另外，宣派去年末期息連特別息共1.18港元。 uSmart盈立證券研究部總監陳偉聰認為，中海油首季業績強勁，而末期息連特別息的股息率逾10%，相信市場會感到滿意，利好短期股價表現。 陳偉聰 uSMART盈立證券研究部總監 相關股票 編號 名稱 00883 中國海洋石油 相關文章 港股半日倒升410點破十天線 ATMJ齊炒上 2小時3分鍾前 【即日市評】恆指仍未擺脫反覆向下之勢頭 2小時35分鍾前 恆指曾跌149點 手機設備股造好 4小時11分鍾前 恆指低開4點 中海油 友邦高開 4小時59分鍾前 【焦點股】季績倍升派特息 中海油早段曾揚7% 5小時2分鍾前 【異動股】中海油高開6.6% 季績超預期 5小時8分鍾前 開市焦點:黑期跌近80點 留意中海油 友邦 5小時30分鍾前 【業績速報】中海油首季純利倍增兼派特別息 18小時前 中海油:沒有計劃退出特定區域 20小時前 中海油首季盈利升1.3倍 派特別息1.18元 21小時前 |
Earnings , CNOOC |
| 陳偉聰 |
2022-04-21T11:40 |
【Now財經台】uSmart盈立證券研究部總監陳偉聰推介紫金礦業(02899) 推介原因: - 集團多個銅礦去年中開始投產，預期今年銅產量按年增48% - 秘魯及智利銅礦生產受限， |
ZIJIN MINING |
| 陳偉聰 |
2022-04-14T22:41 |
【Now財經台】福耀玻璃(03606)第一季收入增加14.8%，純利則微升1.9%。 uSmart盈立證券研究部總監陳偉聰表示，受俄烏戰事，以及內地近月疫情影響，近期全球多家車廠產量均下跌，相關因素將於未來一兩季，才反映於福耀業績中，相信大行會根據首季業績，而下調其全年盈利預測。 |
Results , Earnings , FUYAO GLASS |
| 陳偉聰 |
2022-04-11T16:39 |
【Now財經台】受內地疫情影響，蔚來(09866)指因供應鏈合作伙伴陸續停產，集團因缺乏零件亦要停產。至於Telsa亦可能自行開采鋰，拖累電動車電池股贛鋒鋰業(01772)股價急挫，汽車股暫時似乎都好難有運行。 uSmart盈立證券研究部總監陳偉聰指，大部分車股3月慨銷售數據都要跌，今個月應該會更差，因為上海已經封城，長三角亦有機會有封控措施。佢又話，內地汽車業大量產業鏈如PCB(印刷線路板)、動力電池、半導體芯片都係呢些地區，就算可以生產，物流都可能有阻滯，而分銷店開唔到，就會影響消費。Jason認為，疫情爆發加上封控政策，汽車業暫時都好難脫困。 |
Auto , GANFENGLITHIUM |
| 陳偉聰 |
2022-04-07T10:39 |
【Now財經台】uSmart盈立證券研究推介大唐新能源(01798) 推介原因: - 去年底止，來自可再生能源補貼應收帳為150億人民幣，占市值70% - 傳內地正就可再生能源補貼欠款進行系統性核查， |
RMB , Energy , New Energy , DATANG RENEW |
| 陳偉聰 |
2022-03-31T22:49 |
【Now財經台】中生制藥(01177)去年多賺4.3倍，基本盈利就增長26.6%，另外公司擬動用最多10億元回購股份。 uSmart盈立證券研究部總監陳偉聰表示，即使撇除科興中維的盈利貢獻，中生制藥去年基本盈利仍增長逾26%，毛利率也改善，顯示核心業務保持平穩增長，目前估值亦算便宜，至於公司的回購計劃，相信希望支持股價回升，不過回購規模偏小，實際作用應不大。 |
|
| 陳偉聰 |
2022-03-28T17:19 |
【Now財經台】中國石油化工(00386)去年多賺1倍，經營業績系10年以來最好。不過，單睇第4季業績其實正在轉弱，高油價對油股固然有支持，但油價波動系咪會為中石化帶來風險？ uSmart盈立證券研究部總監陳偉聰指，油價持續上升肯定唔系好事，中石化收入主要靠煉油及化工業務等，一旦油價升到每桶120至130美元，將會帶來不利影響。 Jason又話，由於內地要控制通脹，所以成品油價未能可以跟住國際油價上調，加上中石化不斷擴大天然氣銷售業務，從海外進口慨氣價貴之余，內地又唔可以隨便加價，可能導致業績「見紅」。 |
Oil , SINOPEC CORP , Earnings , USD |
| 陳偉聰 |
2022-03-24T09:28 |
【Now財經台】uSmart盈立證券研究部總監陳偉聰推介中國電力(02380) 推介原因: - 去年錄得虧損主要受火電業務拖累 - 管理層稱，今年將上調電價平均15% - 新能源拓展進度理想， |
Energy , CHINA POWER , ChinaElec , New Energy |
