| Commentator |
Time |
Content |
Tag |
| 潘國光 |
2024-11-11T12:56 |
特朗普(Donald Trump)再度入主白宮，佢講明一上任就會向中國貨加關稅，中國要再跟特朗普交手，係咪已經做好充分準備，應對特朗普政府來勢洶洶慨關稅戰？中央利用人仔貶值黎抗衡關稅慨底線會擺係邊個水平？ 富邦銀行(香港)投資策略及研究部主管潘國光估計，美國向中國貨加關稅慨行動，最快要係特朗普明年上任後第2季展開，預期美國會分段加關稅，會視乎各國反應再調整稅率，所以明年上半年會有一個「窗口期」，因此，各國或會提前出口避開關稅。 人仔走勢方面，潘國光指，除受美國關稅力度影響，內地經濟前景及財政措施都會影響人子走勢，若內地全年經濟增長可以「保5」，市場就唔使擔心人仔會貶值。佢補充，中央政策係咪充足可靠，都對人仔走勢有關鍵影響。 |
|
| 潘國光 |
2024-10-07T12:29 |
恆生指數今早(7日)一度衝破23000點，高見23241點，但係高位遇阻，其後落返23000點樓下。A股明日(8日)長假後復市，不論內地當局及全球投資者都嚴陣以待，國新辦將於明早舉行發布會，介紹落實一籃子增量政策，係中央傾力救市下，港股有冇機會更上層樓？ 富邦銀行(香港)投資策略及研究部主管潘國光指，若財政政策符合及滿足市場預期，A股休市1周後，明日復市追落後，有機會比港股衝得更高。 港股方面，財政政策出台後，恆指有機會再衝高500點至600點，或回落1000點至2000點，所以呢段時間唔係太值博，佢建議投資者可以等技術指標唔再超賣，市場情緒冇咁亢奮，再分批買入會比較合適。 |
|
| 潘國光 |
2024-07-30T12:16 |
美股業績期差唔多過左一半，截至上周五(26日)止，約40%慨標普500指數成分股已出左業績，當中有78%企業每股盈利(EPS)表現好過預期，市場因而將第2季整體盈利增長預測進一步上調至9.8%。 不過，富邦銀行(香港)投資策略及研究部主管潘國光認為，美國大選選情仍未明朗，單靠盈利增長表現唔足以支撐美股走勢。佢續指，現時標指估值偏高，年初至今已累升15%，大戶已相當重倉，通常會係臨近選舉前逢高獲利回套，而過往數據反映，大選年慨7月下旬，美股普遍會波動向下，到8月先會展開新一輪升浪，並估計期間會繼續區間整固階段，上方有3至5%空間，下方最多跌5至7%。 Vicks預期，美股企業盈利表現改善起碼降低出現大調整慨風險，而美股下次創新高或要等到待11月總統大選舉後短暫慨「蜜月期」，相信無論邊個政黨上台美股都會係12月至明年第一季再衝上。 |
|
| 潘國光 |
2024-05-06T12:28 |
美國4月非農新增職位僅增17.5萬個，失業率亦爆冷升至3.9%，令聯儲局可能早返少少減息慨預期升溫，早前主席鮑威爾(Jerome Powell)暗示，因為美國經濟仍然強，減息時間可能比預期更遲，但就業數據出爐後，點估聯儲局減息時間？ 富邦銀行(香港)投資策略及研究部主管潘國光指，聯儲局除左要考慮經濟及通脹問題外，由於今年係美國大選年，局方都有一個「護盤責任」，基於選戰問題，唔排除拜登政府會透過財政部或聯儲局官員，加埋經濟數據調校，包括非農及下周公布慨通脹數據，其實都係一些初步數據，之後都會修訂，佢估計，踏入5月及6月，市場見到慨數據都會係「軟著陸」，會係靚仔慨數據，唔會出現衰退或通縮，亦唔會通脹大幅回升。 Vicks又估計，下周出爐慨4月消費物價指數(CPI)會係market friendly慨數據，聯儲局可以唔使咁鷹，唔一定要7月或9月減息，如果睇返美股，其實對減息問題唔係咁緊張，年初至今已升逾10%，利率期貨由當初估今年減息7至8次，到依家只係估1至2次，反映股市唔係擔心減幾多次息，反而係最緊要經濟有增長，唔好陷入衰退，企業盈利繼續改善，依家聯儲局就係配合呢個「軟著陸」狀況，聯儲局可能7月或9月減息，美股大幅調整空間唔大，可能只係約3%，佢又認為，投資者會趁呢個調整買貨。 |
|
| 潘國光 |
2024-03-11T12:25 |
美國明日(12日)會出2月通脹數據，市場預期，消費物價指數(CPI)按年升維持3.1%。富邦銀行(香港)投資策略及研究部主管潘國光認為，上月通脹可能好似1月咁稍微高過預期，加上周三(13日)公布慨零售樹據亦預期表現強勁，相信屢創新高慨美股會出現短暫而輕微慨調整。佢認為，為實現經濟「軟著陸」同今年慨美國總統大選，聯儲局今年會繼續護盤，維持美股向上慨走勢。 此外，現時美國國債孳息曲線仍然倒掛，2年期及10年期債息分別約4.48厘同4.06厘。Vicks預期，聯儲局好大機會進行債市扭曲操作，令6至7月會出現返正常、向上傾斜慨孳息曲線。佢分析指，本周財政部針對地區銀行慨一年流動性措施屆滿目，但前美國地區銀行仍有流動性風險，估計聯儲局會透過沽長債、買短債黎支持短期流動性。 |
|
| 潘國光 |
2024-02-01T12:04 |
【Now財經台】中東局勢升溫，紅海航道緊張，對油價及美國通脹未來走向系咪都有關鍵影響？地緣政治因素系咪唔可以低估？ 富邦銀行(香港)投資策略及研究部主管潘國光指，中東及紅海局勢緊張令大部分航道都行唔通，對運費及時間都有好大影響，因為會令送貨期延遲及成本上升，呢些影響都會滲入未來慨通脹數字，其中又以歐洲受最大影響，對地中海一帶區域慨潛在壓力比美國更大，但估計通脹壓力要至第4季先會浮現，因此，油價現時仍十分冷靜，企穩每桶70美元水平，雖然油價暫時未受影響，但會反映係航運費用上。 美國息口方面，潘國光話，聯儲局要確保今年美國經濟「軟著陸」，令經濟穩定增長及股市向好，佢認為，投資者唔使太擔心美股今年走勢，因為聯儲局會幫手護盤，確保執政黨選情向好，但由於地緣政治慨影響會持續至第4季，所以聯儲局會有壓力提早係5月減息。 潘國光 富邦投資策略及研究部主管 |
Oil , BDI , KERRY LOG NET , USD , US Stock |
| 潘國光 |
2023-12-14T12:04 |
【Now財經台】美國聯儲局一如預期按兵不動，但點陣圖及主席鮑威爾(Jerome Powell)係會後記者會「放鴿」令市場大感意外，其中，點陣圖預示明年將合共減息0.75厘，到底機會大唔大？ 富邦銀行(香港)投資策略及研究部主管潘國光認為，美國加息周期應已完結，雖然聯儲局冇講明，但已暗示左，依家市場關注明年幾時減息，同埋減幾多次，而鮑威爾提早「轉鴿」，加上點陣圖慨預測，都釋出較強烈慨護盤訊號。 佢又話，由於明年系美國大選年，所以會提早為減息做准備，雖然局方已下調經濟增長預測為減息鋪路，但相信會盡力避免美國經濟明年陷入衰退，一旦出現呢個情況，都可以提早減息。 至於聯儲局明年會唔會減息，潘國光認為，美國經濟數據唔差，但睇返上周公布慨非農就業數據及失業率，美股噚晚唔應該夾到咁，加上最新公布慨核心消費物價指數(CPI)按月升0.3%，唔系一個好安全慨水平，睇返整體經濟數據，暫時唔足以支持聯儲局明年減息，市場相信，局方明年會堅決捍衛經濟，因此，美股表現亦唔會太差。 潘國光 富邦投資策略及研究部主管 |
KERRY LOG NET , US Stock |
| 潘國光 |
2023-11-02T11:47 |
【Now財經台】美國聯儲局一如預期連續兩次議息會議維持息率不變，有分析認為，主席鮑威爾會後講話取態偏鴿，甚至話佢暗示加息周期已見頂。 富邦銀行(香港)投資策略及研究部主管潘國光指，會後利率期貨反映市場預期，美國將於明年上半年減息，但佢預料要等到第3季先有機會減，認為聯儲局或需要6至9個月觀察數據，黎評估經濟系咪開始下行，例如非農就業數據系咪連續3個月低於10萬人，或者核心通脹回落至2.5%以下。 Vicks又認為，美國科技股將受惠美債息回落，並指美股以往由10月中起就會出現季節效應利好，目前以巴沖突帶來慨戰爭溢價(war premium)減弱，加上企業業績期後可以恢復回購，只要今年內企業盈利冇顯著轉差，標指年底前有望升至4400點水平。 潘國光 富邦投資策略及研究部主管 |
US Bonds , KERRY LOG NET , Earnings , IT , US Stock |
| 潘國光 |
2023-08-21T11:41 |
【Now財經台】美債、美股受壓，美國10年期債息曾迫近4.33厘，見2007年年底以來高位，30年債息亦見2011年以來水平。 富邦銀行(香港)投資策略及研究部主管潘國光認為，如果長債息率短時間內升至5厘水平，美國經濟未必頂得住，股市或現大幅度回套，標普500指數有可能跌穿4000點。 Vicks補充指，現時美國長期按揭利率已經升至逾7厘，若稍後升到8厘，令樓市下行，當地下季至明年初經濟將面臨更大衰退壓力，加上中國經濟或轉差，全球經濟步入衰退風險勢將上升。 潘國光 富邦投資策略及研究部主管 |
US Bonds , US Stock , KERRY LOG NET , China Econ , HK real estate |
| 潘國光 |
2023-06-21T10:41 |
【Now財經台】本港銀行同業拆息全線沖破5厘水平，其中，1個月HIBOR更升至逾15年高位，金融管理局總裁余偉文預期，港息會持續高企，甚至有機會超越美息，值得留意系，港息向上銀行股應會受惠，但除左匯豐控股(00005)及渣打集團(02888)股價近期較強外，其他本地銀行股表現只系一般，而對息口敏感慨地產股，亦唔見有太大沽壓。 富邦銀行(香港)投資策略及研究部主管潘國光指，依家慨利率環境唔系一面倒對銀行股不利，有利亦有弊，好系淨息差收入會受惠，因為拆息向上及經濟回暖，估計未來1個季度，不論大小銀行業績都會唔錯。 |
HSBC HOLDINGS , HK Banks , STANCHART , Real Estate , KERRY LOG NET |
| 潘國光 |
2023-05-08T12:14 |
【Now財經台】雖然恆指近日未有出現大突破，但中字頭板塊熱炒，因為有估值平、高息、穩陣呢些賣點，而「中國特色估值」炒起左電訊股、石油股，而內銀、內險股上星期表現都好搶鏡，後市有咩板塊值得睇高一線？ 富邦銀行(香港)投資策略及研究部主管潘國光指，有政策扶持慨板塊可以睇高一線，過去一兩年，監管及扶持措施逐漸見效，加上疫後經濟前景轉趨明朗，唔同板塊都有投資機會，佢估計，下半年新能源汽車股好大機會出現突破，開始進入國際市場，德國過往只輸出汽車畀中國，但近年形勢唔同左，德國多左輸入中國汽車，新能源汽車生產量方面，比亞迪股份(01211)更爬左Tesla頭，呢個板塊除左有本土政策扶持，係國際市場亦有一定增長爆發力，投資者不妨留意下。 |
Energy , Oil , KERRY LOG NET , BYD COMPANY , China Banks |
| 潘國光 |
2023-03-28T10:56 |
【Now財經台】中國繼續出招吸外資，繼舉行《中國發展高層論壇》後，今日開始召開一連4日係海南召開《博鰲亞洲論壇年會》，展示中國係推動全球經濟復蘇中所扮演慨角色，而係歐美相繼爆出金融危機下，系咪中國重新吸引外資慨好時機？ 富邦銀行(香港)投資策略及研究部主管潘國光指，部分企業慨生產基地，可能之前因為疫情遷離內地，搬到越南、拉美等地，隨著中國係去年底全面開放，而係「兩會」後經濟形勢比較明朗後，加上歐美爆發金融危機等，相信唔同企業及金融機構，都會重新思考資金、生產線部署，係呢個時間舉辦一些國際性會議，有助重新招攬之前離開左，或一些打算重返內地慨企業及資金，呢個時期系合適，對香港亦會有幫助，原因系... 潘國光 富邦投資策略及研究部主管 |
KERRY LOG NET |
| 潘國光 |
2023-02-02T12:09 |
【Now財經台】雖然美國多個通脹指標持續放緩，但就業市場持續強勁，美國舊年12月職位空缺量出乎市場預期增加，亦系5個月以來最多，另一方面，中國重開仍是全球通脹風險所在，點睇呢個兩可能令通脹再度升溫慨風險因素？ 富邦銀行(香港)投資策略及研究部主管潘國光指，美國就業情況方面，非農就業數據聽晚就會出爐，而前晚已出左，有「小非農」慨ADP都差左，當然，美國就業情況仍然唔錯，失業率亦比較低，所以，依家慨就業市場情況唔容許聯儲局放軟手腳。 內地方面，潘國光認為，今季復常進度都未會咁快，估計第1季GDP同舊年第4季差唔多，相信要到2月、3月，等整個中國疫情高峰過去，第2季GDP就會上返5%至6%，呢個系唔少大行慨預測。 潘國光 富邦投資策略及研究部主管 |
KERRY LOG NET |
| 潘國光 |
2022-12-15T11:41 |
【Now財經台】雖然內地已大幅度放寬防疫限制，不過，市場預期，12月及第4季零售數據仍然疲弱，到底呢段期間內地居民慨消費情況如何？內地經濟明年第1季會唔會復蘇？ 富邦銀行(香港)投資策略及研究部主管潘國光指，內地自10月後不斷放寬防疫，而支持內房慨政策亦陸續出台，加埋人民銀行降准，呢些措施都需時滲透入經濟，不過，內地疫情係冬季仍處於高水平，導致放寬防疫仲未運行得太暢順，估計直至明年第1季仍會困擾中國經濟。 Vicks估計，內地經濟好大機會係明年第2或第3季轉強，但經濟數據短期仍然較弱，因為防疫措施已經放寬左，只要疫情慢慢消退，去到明年第2季，等房地產措施開始見效，樓市穩定落黎，未埋尾慨項目完成後，買賣信心回升，相信樓價下跌趨勢就會結束。 潘國光 富邦投資策略及研究部主管 |
China Real Estate , Real Estate , KERRY LOG NET , China Econ , Real Estate |
| 潘國光 |
2022-11-07T11:00 |
【Now財經台】港股上周五好似大奇跡日咁反彈，升勢亦有成交配合，依家港股要炒得上，市場重點睇內地慨清零政策，上周傳出成立左一個有條件放松政策小組後，大市炒上，但去到周末，國家衛健委又重申，堅持動態清零不動搖，究竟股市會唔會築底反彈？ 富邦銀行(香港)投資策略及研究部主管潘國光指，技術上港股屬極度超賣，技術面已經准備好反彈，只系需要刺激因素，內地清零政策放松就成為刺激反彈慨消息，但預期放寬不會是短期內慨事；預期12月初中央工作經濟會議先較大機會有相關慨討論，冇官方消息下，大市上升動力未必好大，大市上去17000點會系阻力位。 潘國光 富邦投資策略及研究部主管 |
Stock , KERRY LOG NET |
| 潘國光 |
2022-10-03T15:07 |
【Now財經台】今日系港股10月首個交易日及第4季開局，計埋剛過去慨第3季，恆指已連跌5季，累跌11000點，今季系咪會繼續尋底？股市難玩，依家港銀定存息有逾4厘，做定存收息系咪更穩陣？ 富邦銀行(香港)投資策略及研究部主管潘國光指，過去兩個月及未來兩個月，最影響市場系「股債匯三殺」，由日圓創新低，到英鎊再創新低，同一時間美匯指數就創新高，反映市場慨不安及壓力開始匯聚，令過去兩星期英國市場、歐美股市都大幅波動，唔敢講系醞釀一個完美風暴，但至少系令好多「黑天鵝」飛埋一齊，令10月或第4季會擦出好多火花，佢又話，如果聯儲局唔收手，堅持加息要加到4.25厘或4.5厘，環球股市今個月會有一股好大下跌壓力，美股短線系會彈一彈，如果冇出現反彈，股市跌勢會加劇。 至於做定存系咪好過買股票，佢就話，港元及美元定存息已經做到4厘，但好多標普500慨債息只得1.5厘至2厘左右，點解股市係加息周期有壓力，因為債息及存款息多過股息。 潘國光 富邦投資策略及研究部主管 |
Stock , HK Banks , US Stock , KERRY LOG NET , GBP |
| 潘國光 |
2022-08-26T12:19 |
【Now財經台】除左外圍加息，本港上星期都有大型銀行開始上調H按(銀行同業拆息按揭)封頂息率，令人關注本港銀行會唔會好快會加最優惠利率(P)，加息又會對港股帶黎咩影響？ 富邦銀行投資策略及研究部主管潘國光估計，隨著美國9月再次加息，港銀亦會開始加P，但最終加幅未必太大，可能半年內加2次，每次25點子至3厘水平。 Vicks又話，雖然港股噚日勁彈，但日前其實先落到5個月低位，佢認為，加息預期早已反映係樓市及股市，因此，唔會刺激到港股9月慨走勢。 潘國光 富邦投資策略及研究部主管 |
Stock , HK Banks , HK real estate , KERRY LOG NET |
| 潘國光 |
2022-07-07T11:47 |
【Now財經台】近期商品市場都反映對經濟衰退慨憂慮，例如油價大幅下滑，紐約期油及倫敦布蘭特期油價格都落返雙位數，商品價格大調整，對通脹有幾大紓緩作用？ 大富邦銀行投資策略及研究部主管潘國光指，10年期慨通脹預期最新已由3%回落至2.5%，甚至2.2%，將債息拉返落黎，但債息仍高過通脹預期，出現實質淨利率，長期債券已暗示通脹未來將會回落，但唔系未來2至3個月會發生，而聯儲局見到通脹咁高就繼續加息，到佢加完息，就會經濟衰退，CPI就會插水，油價及商品價格系先行一步，而每次經濟衰退發生時，油價及基本金屬必定跌得好犀利。 潘國光 富邦投資策略及研究部主管 |
Oil , KERRY LOG NET |
| 潘國光 |
2022-06-02T11:23 |
【Now財經台】聯儲局近排消息多多，繼美國總統拜登星期二同聯儲局主席鮑威爾會面，話會畀空間聯儲局遏通脹後，噚晚出爐慨《褐皮書》顯示，美國經濟有放緩跡象，今年係FOMC會議有投票權慨聖路易斯聯儲行長布拉德就話，美息今年要加到3.5厘，布拉德慨言論有冇影響力？美息今年會加到邊個水平？ 富邦銀行(香港)投資策略及研究部主管潘國光指，據利率期貨顯示，美息年底大概會升到2.5厘至2.75厘，加上聯儲局6月15日就會開會議息，加息0.5厘已成定局，但佢估計，美息最盡只會加到2.75厘，所以布拉德慨睇法應該唔會成真。Vicks又話，聯儲局開會時會更新經濟預測及點陣圖(dot plot)，由於dot plot系反映聯儲局官員慨睇法，投資者要密切留意。 潘國光 富邦投資策略及研究部主管 |
KERRY LOG NET |
| 潘國光 |
2022-03-22T12:02 |
【Now財經台】聯儲局主席鮑威爾噚晚係一個演講中放鷹，已做好了5月加息0.5厘慨准備，拖累道指收市跌約200點，扭轉5日升勢，不過，係今日亞洲交易時段，道期、亞股及港股暫時微升，而係通脹升溫下，金價、油價會點走？ 富邦銀行投資策略及研究部主管潘國光指，國際社會制裁俄羅斯，會導致俄烏出口貨品去唔到歐美，尤其系歐洲市場，但歐洲十分依賴進口，因此，歐洲出現滯脹風險好大，但亞太區市場慨風險就細好多，如果想評估金價及油價走勢，可以參考整體商品指數，若小投資者只系買金風險會好大，如果真系想對沖今次滯脹，Vicks話，一籃子商品如ETF相對安全，佢又估計，油價未來將逐步向上。 潘國光 富邦投資策略及研究部主管 |
Stock , Gold , ETF , KERRY LOG NET , HSCEI ETF |
| 潘國光 |
2022-01-04T11:56 |
【Now財經台】舊年第4季開始，各國央行陸續開始加息「收水」，但人行就降准「放水」，中國慨貨幣政策同外圍背馳，對人仔今年走勢有咩影響？ 富邦銀行投資策略及研究部主管潘國光指，人仔舊年走強同貨幣政策冇關，反而系因為中美貿易順差創歷史新高、外資增加中國投資，以及中國政府債券被納入不同指數。佢預期，即使今年人仔貶值，最多都系去到6.5，而大部分時間會係6.35至6.45徘徊。 但佢提醒， 一旦人仔落到6.3樓下就要小心，因為長倉投資者可能先行獲利，因為人行都唔希望人仔太強，到時好大機會出手干預。 潘國光 富邦投資策略及研究部主管 |
US Bonds , KERRY LOG NET |
| 潘國光 |
2021-11-19T11:38 |
【Now財經台】環球通脹高企再引發市場憂慮，中國及美國上周出左通脹數據後，英國最新通脹系10年最勁，美國10年期債息沖上1.6厘樓上，但好快又落返去，依家應該點判斷全球主要央行慨加息時間？對美股又有咩影響？ 富邦香港投資策略及研究部主管潘國光指，依家美國不論核心或非核心通脹都升到6%樓上，但睇返美國短息，其實系有5、6厘實質負利率係度，依家10年期債息係1.6厘水平，但10年期慨通脹預期系2.6厘，睇到唔同年期慨債息都好似上緊，依家美股挨住歷史高位，唔少人覺得估值貴或者已經升左好多，短期出現整固系合理，但現階段美股冇崩跌風險，原因系... 潘國光 富邦投資策略及研究部主管 |
US Stock , KERRY LOG NET |
| 潘國光 |
2021-10-29T11:07 |
【Now財經台】美股業績期開展以黎，暫時有86%公司業績比預期好。美股三大指數輪流創新高，業績期系咪令美股年底繼續強勢慨主要原因？ 富邦香港投資策略及研究部主管潘國光指，業績好過預期唔系最重要慨因素，因為好多公司係過去幾個月都將預期調到好低，所以業績要超過預期系一些都唔難，相信業績消息好快會炒完，投資者會睇重中長遠發展，例如供求同央行消息等。反而影響美股最大慨因素系實質負利率，依家十年期債息系大約1.6厘，但十年年均通脹率就大約2.6%，代表市場流動性同資金仲有好多，投資者，尤其系機構投資者楂住資金唔知做乜好，放係存款又冇利率，會被實質負利率饞食，唯有投資股票、商品，甚至系加密貨幣。 Vicks又話，就算有些央行話會加息，但應該唔會加得多，即使短線加息，長息都系會跌。 潘國光 富邦投資策略及研究部主管 |
Results , HK Cap Flow , Earnings , Capital Flow , US Stock |
| 潘國光 |
2021-09-21T12:43 |
【Now財經台】評級機構標准普爾認為，內地官方最終唔會出手救中國恆大(03333)，到時將會爆發一輪違約潮。不過，大和資本唔系咁睇，認為中央好快會介入，並會公布針對恆大問題、重建內房市場秩序慨解決方案，究竟恆大危機點收科？ 富邦銀行投資策略及研究部主管潘國光指，用倒閉黎解決恆大事件，肯定唔系最好慨方法，因為會造成金融體系震蕩，尤其會為內銀帶黎巨額壞帳，要有序解決恆大危機，其中一個方法系應該分開唔同債權人，例如系買左樓但未收到樓慨買家，因為涉及較多市民，除非恆大真系倒閉，否則中央都好大機會保障佢地，反而專業投資者可能係事件中承受更大風險。佢又話，恆大最終下場需視乎政府、投資者，肯唔肯係恆大股價低迷時入市。 |
China Real Estate , China Banks , KERRY LOG NET , Rating , EVERGRANDE |
| 潘國光 |
2021-08-17T16:03 |
【Now財經台】內地經濟增長放緩，大行隨即下調全年經濟增長預測。雖然舊年中國處理疫情唔錯，但由於取采清零策略控制疫情，即出現確診就會做小區封鎖，呢種防疫策略可能會窒礙下半年經濟復蘇。 富邦銀行投資策略及研究部主管潘國光指，內地增長放緩，只系咁岩撞正內地爆疫及封關。中國第1季GDP大幅增長18.3%，由於擔心通脹、商品價格急升，內地開始收緊貨幣、信貸政策，而呢些因素就反映左係Q2，導致GDP增速顯著放慢。 Vicks又指，人行「放水」、降准步伐比外圍快，佢估計，中國全年經濟增長會係8%以下。潘國光預期，內地係9至11月可能會有好消息，例如降准，甚至減息或推出刺激措施。 潘國光 富邦投資策略及研究部主管 |
KERRY LOG NET , AEON CREDIT |
| 潘國光 |
2021-07-07T11:49 |
【Now財經台】滴滴出行慨整改風暴，唔止打殘滴滴股價，係美國上市慨中概股噚晚都遭殃，加上內地早前話，要加強中概股去海外上市慨監管，會唔會改變內地科網股到美國上市，希望拿到較高估值招股慨趨勢？滴滴事件系咪只系一個開端？ 富邦銀行投資策略及研究部主管潘國光指，大數據監管、資訊安全議題，其實歐美一直都有做，唔系由中國發起，加強監管主要因應大數據愈來愈重要，內地慨出發點系為左國家、資訊安全，未必同反擊歐美有關。 佢又認為，為保障投資者及資訊安全，呢些措施系必須，雖然短線會影響市場情緒，但中長線可以改善市場安全性、透明度及公平性。 潘國光 富邦投資策略及研究部主管 |
IPO , IPO , KERRY LOG NET |
| 潘國光 |
2021-06-01T14:26 |
【Now財經台】人民銀行繼2007年後，噚日宣布調高外匯存款准備金率，受消息拖累，離岸人仔應聲急挫。 富邦銀行潘國光表示，炒人民幣唔同其他貨幣，人民幣系管理式浮動貨幣，人行高度掌握人民幣價格。佢認為，如果夾硬去沖擊，就系同人行對賭，但人行可以無限印人民幣，市場系贏唔到人行。 Vicks又指，近期人民幣套息或炒賣導致氣氛熾熱，人行上調外匯准備金率，可能系想釋出唔想人民幣升值太快慨訊號。佢估計，人行唔系反對人民幣升值，只系唔想升得太急，因為會影響出口。 潘國光 富邦投資策略及研究部主管 |
RMB , KERRY LOG NET , Expo |
| 潘國光 |
2021-04-27T13:23 |
【Now財經台】美國總統拜登計劃向有錢人「開刀」，大幅上調資產增值稅，市場擔心2013年因加稅觸發有錢人拋售股票慨情況重演，不過，白宮近日又話，計劃只會影響約0.3%美國納稅人，納指及標指噚晚齊創新高，市場系咪已經消化左呢個消息？ 富邦銀行投資策略及研究部主管潘國光指，雖然華府話只會影響到0.3%美國納稅人，但依家美國逾半資產都係最有錢那1%人手上，所以市場一聽到大幅加稅，就覺得涉及慨金額好大，不過，大行計數後，發現加幅唔可能系政府所講咁大，所以市場慢慢釋除左呢個疑慮。 潘國光 富邦投資策略及研究部主管 |
KERRY LOG NET , US Stock |
| 潘國光 |
2021-03-24T11:46 |
【Now財經台】早前股市出現大調整，市場歸究債息急升，美國10年期債息由早前14個月高位1.75厘，回落至最新1.6厘水平，美股三大指數隔晚向下，港股今朝亦大跌，到底跌市黑手系邊個？ 富邦銀行投資策略及研究部主管潘國光認為，美債息回落，但股市未見有正面反應，同整個季度慨表現有關，環球股市今季累積唔少升幅，加上全球政府債跌左好多，基金經理會做資產重組，即買多些債，沽多些股票，因而影響股市表現。 佢又話，影響股市表現因素仲包括歐洲及香港疫情因素、新興市場出現震蕩、科技股及中小型股回套等。潘國光估計，股市現時慨形勢有機會持續到季尾，但投資者毋須太擔心，可先觀察市場未來兩個星期慨走勢。 潘國光 富邦投資策略及研究部主管 |
US Bonds , Stock , IT , US Stock , SUN HING VISION |
| 潘國光 |
2021-02-23T11:29 |
【Now財經台】港股慨科技指數近日顯著調整，可唔可以解讀為資金由較貴慨股份，換馬至較平慨股份？例如資源價格上漲就買入呢類股份，又或者舊經濟股、落後股，然後狂掟新經濟股，而隨著開始接種疫苗，就連賭股今朝都大升。 富邦銀行投資策略及研究部主管潘國光指，如果基金過去一年楂重新經濟股、科技股，帳面已經有好豐厚慨利潤，而基於投資組合慨考慮，都要焗住減磅，所以就會見到一個轉移情況，但基金經理都唔會沽清新經濟股，所以應理解為新經濟股獲利回套，但Vicks提醒，散戶唔好跟基金調配，宜跟大勢落注，例如睇好資源股、落後股就買少少，千其唔好沽曬某類股，再押注某個板塊，必須有一個基本平衡。 潘國光 富邦投資策略及研究部主管 Your browser does not support iframes. © PCCW OTT (Hong Kong) Limited 2012-2021 著作權所有 私隱政策 | 使用條款 | 免責及著作權聲明 | 不歧視及不騷擾聲明 所有資料或訊息僅作為參考之用。 |
|
