| Commentator |
Time |
Content |
Tag |
| 譚智樂 |
2025-04-22T13:29 |
截至早上11時止，1小時內《彭博》用戶搜尋量最多港股，依次為美團(03690)、同程旅行(00780)、融創中國(01918)、紫金礦業(02899)及石藥集團(01093)。 醫藥股再度強勢，上榜慨石藥單計今個月，股價已累升20%，醫藥股強勢係咪受惠於國產自強概念？行業似乎唔太受貿易戰影響？醫藥股又應該點揀好？ 富途證券首席分析師譚智樂指，醫藥股始終唔太受貿易戰影響，包括石藥在內慨醫藥板塊係4月跑贏大市，估計醫藥股短線仍會強勢。佢又話，石藥係一眾醫藥股中唔錯慨選擇，因為以價值股角度睇，藥股股息率介乎4厘至5厘，市盈率(PE)只係約14倍，估值合理，所以高追石藥都唔需要太擔心有泡沫風險。 |
|
| 譚智樂 |
2025-04-17T10:09 |
富途證券首席分析師譚智樂推介中芯國際(00981) 推介原因： -H20禁令催化國產替代 -2025年中國半導體國產化率已提升至35% -國內最大晶圓代工廠，成熟制程產佔優。 |
|
| 譚智樂 |
2025-04-15T14:57 |
截至早上11時止，過去1小時內《彭博》用戶搜尋量最多港股，依次為銀河娛樂(00027)、融創中國(01918)、美團(03690)、普拉達(Prada)(01913)及中國儒意(00136)。 澳門行政長官岑浩輝昨日(14日)發表首份《施政報告》，當中提及對關稅衝擊旅遊業及博彩業慨憂慮，多家大行亦出報告唱淡今年賭收，以及下調多隻賭股目標價，其中，銀娛遭摩根大通劈價20%，賭股今日(15日)受壓，到底關稅對澳門賭業及旅遊業有幾大影響？ 富途證券首席分析師譚智樂指，關稅造成慨最直接影響係人仔貶值，因為會削弱內地人消費力，繼而影響旅遊業，亦會影響宏觀經濟，雖然內地已經推出好多刺激經濟政策，但都係以鼓勵消費為主，只係促進內循環，唔係鼓勵出國消費，所以旅遊業要面對高基數問題。 Arnold續指，賭股情況比較尷尬，因為股價低迷時，財務數字處於偏高水平，導致估值偏貴，資金就冇炒意欲，佢相信，要等整體經濟好轉，先會有資金再追賭股，短期好大機會跑輸及落後，佢建議「大牛市」時再考慮買入賭股。 |
|
| 譚智樂 |
2025-04-03T09:38 |
富途證券首席分析師譚智樂推介思摩爾國際(06969) 推介原因： -公司研發能力強，HN~B電子煙加熱不燃燒(HNB)產品商業化預期升溫 -自有品牌業務收入按年大增34%，佔比從約16.5%提升至21% -海外市場增速較快，歐洲及其他市場收入增長37.2%，美國市場增長14%。 |
|
| 譚智樂 |
2025-04-01T13:02 |
截至早上11時止，1小時內《彭博》用戶搜尋量最多港股，依次為康方生物(09926)、石藥集團(01093)、藥明生物(02269)、萬科企業(02202)及小米集團(01810)。 多個歐洲腫瘤大會由明日(2日)起至5月初召開，今日(1日)醫藥概念股急升，康方生物股價升逾16%，高見88.8元，歐洲會議可以成為股價催化劑嗎？股價還有多少水位？ 富途證券首席分析師譚智樂指，未來生物科技板塊著重於海外業務增長方面，醫藥股的股價會跟隨技術走勢，康方生物已經突破阻力位78元，是典型破頂、沒有蟹貨及沒有很大阻力的股份，股價有再向上升的空間。 |
|
| 譚智樂 |
2025-03-27T16:52 |
中銀香港(02388)昨日(26日)出業績時，同步公布提升股東回報計劃，包括改變派息政策，未來會每季派息，計劃獲大行睇好。雖然投資者未來收息時間縮短，但唔代表會公司派多左息。中銀股價今日(27日)一度大升8%，高見32.25元。呢個派息政策對股價提振作用有幾大？ 富途證券首席分析師譚智樂指，公司每個季度派息被市場視為一個利好因素，但唔係支持股價上升慨唯一因素，考慮到現時慨經濟環境，公司唔太需要做收購及重組合併，可能只係減少開支及削減成本等，未必會降低派息比率。Arnold又話，係公司資本充足下，派息水平有條件維持5厘以上。 |
|
| 譚智樂 |
2025-03-20T09:57 |
富途證券首席分析師譚智樂推介快手(01024) 推介原因： - 可靈人工智能(AI)製作短片視頻在行業有領先優勢，活躍用戶群開始形成「護城河」 - AI應用和廣告平台有可觀的投資回報率(ROI)，廣告平台與可靈有望雙贏 - 憧憬3月25日業績。 |
|
| 譚智樂 |
2025-03-18T15:25 |
截至早上11時止，1小時內《彭博》用戶關注度上升最多港股，依次為比亞迪股份(01211)、恆基地產(00012)、中國宏橋(01378)、紫金礦業(02899)、長和(00001)。 比亞迪發布「超級e平台」，推「兆瓦閃充」技術，充電5分鐘可以行470公里，相比Tesla慨超級充電站，充電15分鐘先行到275公里，比亞迪無疑完勝Tesla，「超級e平台」可唔可以帶挈比亞迪股價向上攻頂？ 富途證券首席分析師譚智樂認為，雖然充電技術對電動車非常重要，但佢認為係咪有必要「分秒必爭」充電，就視乎用家需要，如果只係日常用途，5至10分鐘慨充電時間唔會造成太大困擾，所以Arnold認為呢個技術搞噱頭慨成分更多，希望吸引投資者注意。 Arnold又認為，市場其實更關注電池價格及壽命，雖然品牌有更好慨充電技術，無論如何都係一件好事，但最終都係要睇基本問題。 此外，有消息指，比亞迪計劃係德國設廠，Arnold指出，若最終成事，增長空間將會更大，尤其中國製電動車係當地有競爭力，比亞迪估值有望上調。 |
|
| 譚智樂 |
2025-03-11T15:23 |
截至早上11時止，1小時內《彭博》用戶搜尋量最多慨港股，依次為快手(01024)、紫金礦業(02899)、零跑汽車(09863)、優必選(09880)、信達生物(01801)。 快手再度上榜，今朝(11日)錄得兩宗大手成交，早市一度高見67.5元，大升近7%，衝上逾年半高位，快手股價上周累升25%後，至今仍未出現回套，如果要揀人工智能(AI)相關股，快手係咪其中1隻值得考慮慨股份？ 富途證券首席分析師譚智樂指，短線而言，快手的確有條件追落後，加上相對其他大型科技股，快手係比較平。佢又話，快手之前公布慨生成式人工智能(Gen AI)「可靈AI」係一大突破，市場至今仍然炒作緊呢個因素，雖然「可靈AI」呢個消息已公布左1個月，但相信快手短線仍會係較強勢慨科技股，只要股價企穩60元樓上，暫時仍可以繼續睇好。 |
|
| 譚智樂 |
2025-03-07T10:07 |
富途證券首席分析師譚智樂推介國泰航空(00293) 推介原因： -憧憬3月12日業績，留意公司運力恢復後的表現 -公司料對沖比例將會下降，今年有望受惠油價下跌 -預測市盈率10倍以下，市帳率約1倍。 |
|
| 譚智樂 |
2025-03-04T12:49 |
截至早上11時止，過去1小時內《彭博》用戶搜尋量最多港股，依次為比亞迪股份(01211)、吉利汽車(00175)、蜜雪集團(02097)、希慎興業(00014)及周大福(01929)。 比亞迪宣布折讓配股，集資逾430億元，股價今早(4日)一度大跌8%，低見334元，失守335.2元配售價，中午收市報339.6元，跌6.6%，比亞迪股價後市會點行？ 富途證券首席分析師譚智樂認為，雖然今次配股折讓較大，同埋係突如其來，但其實睇返整個電動車行業發展，的確需要大量資金去營運，由於今次配股規模較大，所以折讓空間較大亦係合理。 佢又話，比亞迪股價仍守到配股價，反映市場冇太大負面反應，雖然港股仍處於急升後調整格局，但由於比亞迪基本面較好，所以問題唔大。 |
|
| 譚智樂 |
2025-02-25T13:09 |
截至早上11時止，1小時內《彭博》用戶搜尋量最多港股，依次為中芯國際(00981)、小米集團(01810)、西部水泥(02233)、騰訊控股(00700)及地平線機器人(09660)。 據《彭博》今日(25日)報道，美國總統特朗普(Donald Trump)要求盟友配合，進一步收緊對華出口晶片管制，限制中國半導體設備維修保養，要求相當辣，並指部分美國官員有意將英偉達(Nvidia)對華銷售晶片限制，擴至依家毋須預先獲得出口許可慨產品。 《路透》就報道，因DeepSeek大模型出現而引發需求，騰訊及阿里巴巴(09988)已加單買H20晶片，若美國進一步限制對華晶片出口，包括H20晶片，對騰訊呢類大型科企慨人工智能(AI)發展前景有咩影響？ 富途證券首席分析師譚智樂指，現時整個市場更願意追入AI相關股，研發半導體慨中芯自然有更多資金流入，DeepSeek用慨H20晶片本來就唔係制裁名單內，但唔排除將來會被納入，亦係近期對H20晶片需求大增慨原因，但過往有呢類消息傳出時，市場會擔心對AI發展帶來好大阻礙，但依家市場意識到AI發展方面，雖然運算力重要，但唔係唯一關鍵，因此，預期市場對呢類消息慨敏感度將會下降。 |
|
| 譚智樂 |
2025-02-20T10:20 |
富途證券首席分析師譚智樂推介晶泰控股(02228) 推介原因： - 人工智能(AI)技術有望將藥物研發的時間縮短，可以節省藥物臨床時間 - 在AI製造領域上有強大的算法模型和數據基礎，是唯一擁有兩種頂級預測算法的公司 - 自配股消息公布後，技術走勢形成上升通道。 |
|
| 譚智樂 |
2025-02-18T12:40 |
截至早上11時止，1小時內《彭博》搜尋量最多港股，依次為小米集團(01810)、騰訊控股(00700)、譚仔國際(02217)、比亞迪股份(01211)及華虹半導體(01347)。 小米今日(18日)股價再次破頂，一度升逾6%，高見48.15元。多間大行上調小米目標價，中銀國際將其目標價調升至58.2元，為各券商中最高。小米將推出新旗艦手機小米15 Ultra及新車型SU7 Ultra，在這兩個「新」因素下，股價還會再升嗎？ 富途證券首席分析師譚智樂指，市場對小米將發布的新車型SU 7 Ultra反應正面，預料新車推出後會大賣。現時市場炒作焦點離不開科網及汽車板塊，而小米在一眾科技股中集齊這兩大優勢，Arnold建議，已持貨的投資者可繼續持有，股價有條件再破頂。 |
|
| 譚智樂 |
2025-02-11T15:06 |
截至早上11時止，1小時內《彭博》用戶搜尋量最多港股，依次為吉利汽車(00175)、比亞迪股份(01211)、舜宇光學科技(02382)、地平線機器人(09660)及銀河娛樂(00027)。 今日(11日)多隻汽車相關股都要跌，只有舜宇有得升，股價一度升逾9%，高見90.15元，不論車企競爭，或者要實現智能駕駛，車廠都要用大量鏡頭，另一方面，舜宇亦都係蘋果公司(Apple Inc.)概念股，集團今個星期將會推出平價版新iPhone，似乎舜宇都不乏利好因素？ 富途證券首席分析師譚智樂指，舜宇今日慨升勢同人工智能(AI)及智能駕駛絕對有關，今日一度衝破90元關口，現價同10天線仲有約10元距離，有貨慨投資者值得中線繼續持有，始終今年內地有唔少同AI相關慨產品推出，都會涉及光學和聲學鏡頭產品，另一隻同類股份瑞聲科技(02018)今日一度衝高，但之後反覆向下。 Arnold又提醒，現價追入舜宇會有值博率問題，若短期唔可以再突破90元阻力，宜再睇定些先做部署，預期股價短期會比較Chok，會係78元至90元上落，建議等股價落返10天線再考慮部署。 |
|
| 譚智樂 |
2025-02-06T10:09 |
富途證券首席分析師譚智樂推介萬國數據(09698) 推介原因： - AI熱潮帶動雲服務需求 - DeepSeek導致中資科技股估值獲重新評估 建議現價買入 目標價：30.0元 止蝕價：22. |
|
| 譚智樂 |
2025-01-23T09:57 |
富途證券首席分析師譚智樂推介百勝中國(09987) 推介原因： -估值合理，預測市盈率(PE)在20倍以下 -必需消費品股對經濟敏感度低 -現金流強。 |
|
| 譚智樂 |
2025-01-14T13:56 |
截至早上11時止，1小時內《彭博》用戶搜尋量最多港股，依次為美團(03690)、藥明生物(02269)、希慎興業(00014)、騰訊控股(00700)及泡泡瑪特(09992)。 希慎昨日(13日)出通告，將會係2025年2月中召開股東會，批准全年業績，並提及考慮派發2024年第2次中期息，集團係咪有望再派息？不過，現時本地商業及零售市道仍然唔理想，派息係咪值得憧憬？ 富途證券首席分析師譚智樂指，現時宏觀經濟唔理想，希慎慨商業貸款、商業地產項目表現平平，因此，未來派息能力會有好大變化。佢又指，短線黎講，內房、本港地產板塊都不宜沾手，而希慎慨值博率亦唔吸引。 |
|
| 譚智樂 |
2025-01-09T18:02 |
安踏體育(02020)出左2024年第4季及全年銷售數字，其中，FILA品牌去年上半年增長近7%，但第3季突然轉跌，到第4季再重拾增長，雖然去年表現差過2023年，但仍可保住中單位數增長。FILA主要增長動力來自電商，但內地電商競爭白熱化，點睇FILA復甦前景？ 富途證券首席分析師譚智樂表示，復甦一定要有大政策、宏觀經濟刺激消費，先可以直接刺激銷量，除左要關注按年增長、同店銷售及按年銷售數字外，亦要關注集團庫存情況，由於現時電商競爭激烈，每家公司都要減價促銷，形成好大競爭。 股價方面，Arnold認為，安踏仍未能扭轉劣勢，因為公司負面消息多，包括發債、發可換股債券(CB)等，睇返技術走勢，現階段只係初步好轉，但發債因素已差唔多反映曬，短線有條件出現技術反彈，現時係80元水平會有阻力，如果突破到呢位，有機會彈上84元至85元水平。 |
|
| 譚智樂 |
2025-01-07T13:56 |
截至早上11時止，過去1小時內《彭博》用戶搜尋量最多港股，依次為騰訊控股(00700)，商湯(00020)、中國海洋石油(00883)、中遠海控(01919)、中銀航空租賃(02588)。 騰訊被美國國防部列入「軍工黑名單」，但大行普遍認為，騰訊可透過同美國國防部合作解決誤會，不過，由於美國侯任總統特朗普(Donald Trump)就快上任，投資者反應都會較敏感，騰訊股價今日(7日)大林，可唔可以趁低買貨，還是再睇定些？ 富途證券首席分析師譚智樂指，大行普遍建議投資者趁低吸納，係預期騰訊最終冇事，但佢認為，投資者唔使太心急入貨，大行慨睇法係偏中長線，佢地睇1年後目標價會高過現價，但騰訊股價今日急瀉7%，呢浸沽壓短線會唔會持續，繼而令騰訊出現深度調整？睇返技術走勢，騰訊今日似乎冇反彈跡象，就算集團澄清誤會，最少今個月初期都會有影響，所以資金未必肯去追。 Arnold又話，短期內，市場對中美關係慨憂慮，好大機會困擾資產價格表現，所以唔排除短線沽壓會較大，除非消息出現180度轉變，到時再考慮博反彈。 |
|
| 譚智樂 |
2024-12-24T13:22 |
截至早上11時止，過去1小時內《彭博》搜尋量最多港股，世茂集團(00813)、建設銀行(00939)、農業銀行(01288)、中國石油股份(00857)及東方海外國際(00316)。 雖然市傳世茂劈價25%放售位於東湧慨酒店，但最近本港零售及旅遊業仍比較弱，係咪即使劈價都好難甩手？依家有唔少資產係市場放售，相比之下，酒店項目係咪較商廈易賣得出？ 富途證券首席分析師譚智樂指，大型物業交投比較疏落，而東湧慨經營模式變化較大，可能有估值落差風險，佢認為情況較複雜，建議投資者再觀望，睇下項目賣唔賣得出再做部署，現階段不宜沾手，整體黎講係博唔過。 Arnold又認為，難唔難甩手同資產類型冇關，現時賣資產慨公司都有共通點，就係有債務問題，希望透過出售資產改善流動性，所以係現時慨經濟環境下，買賣資產慨消息都好難視為炒作，或提升估值慨利好因素。 |
|
| 譚智樂 |
2024-12-17T13:39 |
截至早上11時止，1小時內《彭博》用戶搜尋量最多港股，依次為美團(03690)、中國海洋石油(00883)、比亞迪股份(01211)、領展房產基金(00823)及新世界發展(00017)。 美團自上周一(9日)政治局開會以來跑輸其他內需股，累跌逾8%，今日(17日)股價一度跌逾2%，低見155.6元。沃爾瑪中國(Walmart China)發公告指，跟美團達成戰略合作，全國沃爾瑪門店已全面上線美團，並接入美團配送。美團旗下本身有社區電商平台「美團優選」，今次慨合作對美團有幾大幫助？ 富途證券首席分析師譚智樂指，因為美團本身已經有相關業務，所以對股價慨正面幫助唔大。上周政治局會議後，消費股明顯有沽壓，市場都係等刺激消費政策出台，呢些股份先有條件拉升估值。另外，美團業績表現唔差，收入、盈利增長都好過預期，但利潤率慨壓力非常明顯，係經濟仍然疲弱下，單靠利好消息並唔足夠支撐股價。 Arnold又話，現時股價與大市同步，有貨慨投資者可以繼續持有，但市況未有進一步利好消息，股價可能會跟隨大市下跌，冇貨慨投資者可以等回落至100天線先入場。 |
|
| 譚智樂 |
2024-12-03T15:47 |
截至早上11時止，1小時內《彭博》用戶搜尋量最多港股，依次為中國中藥(00570)、藥明生物(02269)、美團(03690)、世茂集團(00813)及中國移動(00941)。 美團上周出左第3季業績，經調整溢利好過預期，新業務虧損又大減，不過，股價係放榜後持續向下，今日(3日)一度跌4%，低見160.7元，美團股價未來會點走？下一個催化劑幾時會出現？ 富途證券首席分析師譚智樂指，美團收入、盈利呢些大數好過市場預期，雖然利潤率比預期跌得多，但主要受季節性因素影響，其實係依家經濟環境低迷下，美團仍交到一份唔錯慨業績，反映管理層執行能力仍然好強。不過，若經濟持續疲弱，市況冇太大起色，加上估值偏高，難免對股價造成壓力。 不過，Arnold認為，美團屬於高Beta股份，所以短期唔適宜睇得太淡，投資者可以係波幅區間150元至170元炒上落。 |
|
| 譚智樂 |
2024-11-28T10:04 |
富途證券首席分析師譚智樂推介海底撈(06862) 推介原因： -憧憬中央將會擴大財赤，刺激內需 -營運狀況已顯著改善。 |
|
| 譚智樂 |
2024-11-26T15:19 |
截至早上11時止，過去1小時內《彭博》用戶搜尋量最多港股，依次為滔搏(06110)、中遠海控(01919)、萬科企業(02202)、美團(03690)及金沙中國(01928)。 美團股價今日(26日)先跌後反彈，一度升逾4%，有份推高大市，集團周五(29日)就會派成績表，值唔值得憧憬？ 富途證券首席分析師譚智樂指，雖然美團係科技股，但業務同消費市場都有好大關聯性，所以當市場估計內地未來會力谷內需，內需消費股對美團就有好大幫助。佢認為，美團業績應該唔會令市場失望，股價近期主要受市況及投資氣氛拖累。 Arnold續指，睇返技術走勢，美團係典型「破腳穿頭」，短線會係160元搵到支持，好大機會彈高，所以短期都值得留意。業績方面，佢話可以憧憬新業務可以keep到及虧損收窄，後市唔止可以博業績，亦可以博中央推宏觀經濟重大政策。 |
|
| 譚智樂 |
2024-11-19T13:27 |
截至早上11時止，1小時內《彭博》用戶搜尋量最多港股，依次為小米集團(01810)、新世界發展(00017)、中國石油股份(00857)、快手(01024)及中國人壽(02628)。 快手就快出業績，股價今日(19日)係放榜前造好，一度升逾3%，高見51.8元。今年「雙11」銷售及氣氛好轉，但京東集團(09618)股價似乎受惠唔到，績前績後都受壓。快手股價放榜前造好，業績後會點走？ 富途證券首席分析師譚智樂指，近期快手股價可以逆市升，主要係海外業務增長強勁，市場預期，每日活躍用戶(DAU)亦會有好表現。 Arnold又話，業績整體表現好壞唔一定直接反映係股價單日表現，有機會業績前已經反映左，例如小米股價係業績前已衝破10月8日高位，大幅跑贏大市，但預期業績短期會有壓力。佢又指，快手股價同大市比較，表現屬於中規中矩，股價會唔會繼續升就要留意每日活躍用戶表現，佢建議，冇貨慨投資者繼續審慎觀望。 |
|
| 譚智樂 |
2024-11-12T15:24 |
截至早上11時止，過去1小時內《彭博》用戶搜尋量最多港股，依次為東風集團股份(00489)、復星國際(00656)、融創中國(01918)、中國宏橋(01378)及紫金礦業(02899)。 東風上周二(5日)出左10月銷售數據，其中，新能源汽車銷售按年跌逾10%，表現明顯差過同業，所以股價都跑輸同業，不過，東風股價已經連續兩日係大成交下抽高，有咩要留意？ 富途證券首席分析師譚智樂指，東風情況比較特別，因為公司冇特別受歡迎慨汽車品牌，股價一直等緊一個轉勢機會，所以唔可以將東風同整體車股比較。佢又話，依家傳統慨落後汽車品牌出新車時，普遍都會同華為合作，並會用華為慨無人駕駛系統，不過，值得留意係，一旦全部汽車品牌都用華為慨系統，所謂獨有優勢就會淡化。 股價方面，Arnold指出，雖然睇返技術走勢，東風昨日(11日)以大陽燭抽升，今日亦保持到升勢，但去到3.6元水平，升幅已明顯放緩，佢提醒短線需要小心，有貨可以繼續楂住，冇貨就唔建議依家買入。 |
|
| 譚智樂 |
2024-11-05T13:41 |
截至早上11時止，1小時內《彭博》用戶搜尋量最多港股，依次為農夫山泉(09633)、融創中國(01918)、快手(01024)、中國信達(01359)及永利澳門(01128)。 農夫山泉股價今早(5日)平開，其後升幅一度擴大至逾10%，高見33.4元，同業華潤飲料(02460)只是升約3%。上周有傳創辦人鍾睒睒要求包裝水部門搶市場份額，否則要「下課」被炒，不過消息傳出時，股價沒有太大反應，點解讀今日股價炒高？內地水市場競爭大，能否提升市場份額？ 富途證券首席分析師譚智樂指，早前股價下跌，未必是因為市場份額，在9月未有政策憧憬前，這類型股份不斷受市場信心影響，所以估值下跌至低殘水平。農夫山泉是典型Beta股份，跟隨大市走勢，今日市況愈升愈有，A股及港股氣氛好，加上估值吸引，吸引投資者追貨。 Arnold建議投資者以100天線作為止蝕位，現時挑戰關鍵阻力位，即10月10日高位33.45元，若能突破這個位置，可以上望35元，預測市盈率(PE)只有30倍以下，估值對國際投資者相對吸引，可以順勢跟炒。 |
|
| 譚智樂 |
2024-10-31T09:59 |
富途證券首席分析師譚智樂推介攜程集團(09961) 推介原因： -出境遊具領導地位 -出行需求仍強勁，下半年業績仍會維持強勁增長 -存在併購機會。 |
|
| 譚智樂 |
2024-10-22T15:33 |
截至早上11時止，1小時內《彭博》用戶搜尋量最多港股，依次為吉利汽車(00175)、旭輝(00884)、聯想集團(00992)、長城汽車(02333)及永利澳門(01128)。 吉利今日(22日)跑贏其他車股，消息面方面，吉利旗下附屬斥資1.2億人仔收購同系公司寧波乘用車，後者盈利增長好快，首9個月稅前、稅後溢利最少大升2倍，資產淨值逾5800萬人仔，係咪會對吉利股價有支持？整個汽車板塊後市又會點走？ 富途證券首席分析師譚智樂指，市場暫時唔係炒個別企業消息，全個汽車板塊都造好，市場關注德國反對歐洲對華電動車實施關稅，有助刺激汽車板塊，佢又話，車股受消息影響，大上大落無可避免，睇返圖表走勢，整體車股表現唔差，市場焦點轉至無人駕駛及出口其他市場，市場憧憬出口業務比重較大慨吉利，未來業務會受惠於出口至其他市場。 |
|
| 譚智樂 |
2024-10-17T10:25 |
富途證券首席分析師譚智樂推介美團(03690) 推介原因： -高Beta股份仍可留意，短線或反彈 -過去兩季業績強勁 -新業務價值表現強。 |
|
| 譚智樂 |
2024-10-15T13:59 |
截至早上11時止，過去1小時內《彭博》用戶搜尋量最多港股，依次為紫金礦業(02899)、華潤啤酒(00291)、領展房產基金(00823)、中國移動(00941)及長和(00001)。 雖然金價昨晚(14日)回落，但仍係高位徘徊，紫金股價今日(15日)下跌可能因為內地經濟不氣。金價處於高位，但經濟疲弱不利銅需求，係兩個因素互相影響下，究竟應該睇好定睇淡紫金股價？ 富途證券首席分析師譚智樂認為，紫金短線走勢一般係跟隨銅價走勢，因為銅業務對於集團整體關聯性及影響較大，由於美國減息空間細左，令銅價持續弱勢。 Arnold續指，紫金現價唔算貴得離譜，整體而言都係跟大市調整，有一定beta值，但唔會出現好誇張慨波幅，佢又認為，紫金後市係16至18元橫行慨機會較大。 |
|
| 譚智樂 |
2024-10-03T10:31 |
富途證券首席分析師譚智樂推介FL二南方恆指(07200) 推介原因： -受惠港股氣氛轉變，憧憬內地經濟最壞時間已過 -指數好處可分散投資，兩倍槓桿。 |
|
| 譚智樂 |
2024-09-19T10:09 |
富途證券首席分析師譚智樂推介小米集團(01810) 推介原因： -智能手機市佔率穩定上升，品牌影響力逐步擴大 -毛利率上升空間大，盈利能力穩定 -電動車受歡迎。 |
|
| 譚智樂 |
2024-09-17T14:48 |
截至早上11時止，過去1小時內《彭博》用戶搜尋量最多港股，依次為復星國際(00656)、九龍倉置業(01997)、新奧能源(02688)、佳兆業集團(01638)及長實集團(01113)。 近日復星有收購消息，新加坡房地產投資公司凱德投資(Capital Land Investment)收購集團旗下，法國豪華連鎖度假村Club Med約20%至30%股權，早前市傳Club Med估值約8億美元，以出售30%股權計，套現約19億港元，似乎都幫唔到復星系好多？連同直接持有Club Med係復星旅遊文化(01992)，雖然兩隻股份都有得升，但投資價值係咪始終唔大？ 富途證券首席分析師譚智樂指，減債係復星依家首要任務，單靠呢筆錢一定唔可以解決債務問題，所以唔可以將呢單收購消息視為一個利好因素。對復星而言，起碼要見到整個債務問題解決，或要有更多資金，先可以令市場有返信心，繼而提升估值。 Arnold建議，一般投資者唔好吼呢些板塊，因為未能確認收購消息慨真實性，加上有可能涉及債務重組。佢補充，有貨慨投資者係復星國際唔跌穿3.8元慨情況下可以繼續楂住，因為股價有可能被過分低估，但冇貨想依家買入風險就太高。 |
|
| 譚智樂 |
2024-09-10T15:22 |
截至早上11時止，1小時內《彭博》用戶搜尋量最多港股，依次為世茂集團(00813)、萬科企業(02202)、雅居樂集團(03383)、旭輝控股集團(00884)及龍湖集團(00960)。 世茂今日(10日)被剔出港股通後沽壓沉重，早市一度急瀉30%，低見0.42元，其實世茂有8%係北水持倉，而之前亦冇見過畀人沽得咁狠，點解今日沽壓咁大，係咪純粹被踢出港股通呢個因素？ 富途證券首席分析師譚智樂指，以昨日(9日)收市計，世茂市值僅約20億元，8%持倉股份市值僅約1億元，加上唔排除資金原本係投機炒作，博債務重組等，所以當公司市值唔大，係好難搵到原因繼續支持投機部署，導致世茂今日被狂掟。 Arnold提醒，靠北水持倉資金流做判斷係唔準確，尤其市值已跌到好殘慨內房股，因為持倉可以有好大變化，佢認為，內房股股價短線難有催化劑。 |
|
| 譚智樂 |
2024-09-05T10:15 |
富途證券首席分析師譚智樂推介瑞聲科技(02018) 推介原因： -憧憬蘋果公司(Apple Inc.)新手機推出 -零部件需求逐步改善，毛利率有望見底 -新產品配合蘋果人工智能(AI)應用發展。 |
|
| 譚智樂 |
2024-08-29T16:16 |
美團(03690)交靚業績兼公布新回購計劃，刺激股價今早(29日)高開7%後，升幅不斷擴大，午後一度高見116.5元，大升13%，放榜後最少有7家大行上調美團目標價，係咪反映大行睇好美團盈利前景？點睇美團新回購計劃？ 富途證券首席分析師譚智樂認為，係現時內地經濟疲弱下，美團能維持唔錯慨增速，已經畀到市場驚喜。佢又指，現時美團估值較以往平，能整合唔同業務之餘，又可以維持高增長，相信呢些優勢有助提升美團估值。 不過，Arnold認為，單靠回購及派息好難支持股價持續向上，但美團公布回購後股價大升，反映集團係競爭激烈下，盈利能力仍不斷提升，收入亦錄得高增長，為公司帶黎強勁慨現金流，足以支持進一步回購。 |
|
| 譚智樂 |
2024-08-22T10:45 |
富途證券首席分析師譚智樂推介第一拖拉機股份(00038) 推介原因： -短期內繼續受益於國四切換 -補貼政策開始成熟，產能過剩風險不大 -高瑞化進度良好，行業集中度有望繼續提升。 |
|
| 譚智樂 |
2024-08-20T15:13 |
截至早上11時止，過去1小時內《彭博》用戶搜尋量最多港股，依次為佳兆業集團(01638)、華潤啤酒(00291)、中廣核電力(01816)、中國石油股份(00857)及港交所(00388)。 佳兆業今早(20日)宣布同債權人小組簽訂重組支持協議，又呼籲未簽支持協議慨「債主」盡快簽，佳兆業股價今朝一度大升近15%，之後走勢反覆，曾倒跌4.6%，佳兆業前景係咪仍然令人憂慮？ 富途證券首席分析師譚智樂認為，由於唔少內房都要做債務重組，所以買呢類股份時，唔會單睇業績，但亦好難從單一報道去做任何判斷。佳兆業股價今日衝高後再急挫，走勢反覆之餘，成交金額其實亦非常少，所以呢些數據冇乜參考價值，佢認為，一般散戶盡量唔好掂內房股，而呢類股份亦唔會係市場近期慨焦點。 |
|
| 譚智樂 |
2024-08-13T15:19 |
截至早上11時止，1小時內《彭博》用戶搜尋量最多港股，依次為建設銀行(00939)、同程旅行(00780)、美團(03690)、華潤置地(01109)及聯想集團(00992)。 內銀今日(13日)整體表現強勢，除左建行，好多隻內銀股都趁勢向上突破，派中期成績表前，市場係咪炒內銀股會派中期息？係依家慨市況下，7厘息係咪好吸引？ 富途證券首席分析師譚智樂指，如果呢類高息股慨派息能力畀到市場信心，今年有望跑贏大市。雖然經濟低迷，但主要同消費降級或經濟疲弱有關，今年亦未見有大型內房出現壞帳、違約等問題，所以市場對內銀派息能力有信心，短期關鍵在於會唔會派中期息。 Arnold續指，國企改革鼓勵企業提升透明度，派息由每年派1次，改為1年派兩次，但係股息率不變下，企業都願意跟政策行。佢估計，內銀股業績前仍會強勢，但短線而言，唔建議係貼近52周高位追入，中長線而言，投資者可以係現價買入建行，有近8厘股息率之餘，股價有機會上試6元水平。 |
|
| 譚智樂 |
2024-08-08T10:14 |
富途證券首席分析師譚智樂推介FA南方比特幣(03066) 推介原因： - 市場恐慌情緒慢慢改善中，有助風險資產價格表現 - 去中心化需要，長遠繼續有助比特幣 - 預料短期價格波動。 |
|
| 譚智樂 |
2024-08-06T13:19 |
截至早上11時止，過去1小時內《彭博》用戶搜尋量最多港股，依次為中國移動(00941)，中電控股(00002)、國泰航空(00293)、美高梅中國(02288)、中升集團(00881)。 港股今朝(6日)反彈，但中資電訊股繼續插水，其中，中移動70元關口都危危乎，暫時已跌穿100天線，對於周四(9日)公布慨業績有冇期望？派息方面係咪值得憧憬？ 富途證券首席分析師譚智樂指，現階段中移動派息比率仍達標，但要高過原來介乎60%至70%就比較難，所以都唔會有咩期望，依家中移動股息率逾6厘仲係好吸引，相信會有投資者博反彈，不過，短線黎講，由於中移動唔係跌得最傷，股價自高位回落左唔夠10％，就算大市反彈，都未必會大升，但70元水平會有支持。 Arnold建議有貨慨投資者可以繼續楂住，繼續睇住業績做部署，因為中資電訊股對經濟敏感度唔高，加上市場預期美國聯儲局快將減息，由於公司毛利率仍維持下降趨勢，所以投資者繼續作為中長線收息，博財息兼收係一個唔錯慨選擇。 |
|
| 譚智樂 |
2024-07-30T15:20 |
截至早上11時止，過去1小時內《彭博》用戶搜尋量最多港股，依次為中國銀行(03988)，蒙牛乳業(02319)、希慎興業(00014)、佳源國際控股(02768) (停牌中) 、中國恆大 (03333) (停牌中) 。 北水愛股中行又上榜，市傳內地多家國有銀行，大額存單接近全面斷貨，反映有短期存款流走，市場估計，呢些資金可能流向理財產品，對內地經濟體係咪好事？對內銀非利息收入係咪都有幫助？ 富途證券首席分析師譚智樂指，內銀股仍然係強勢板塊，係依家慨市況下，已相對跌得少，對內銀股黎講，最重要係派息能力，即使今年派少些都唔算好誇張，整體派息能力都唔算好差。 Arnold又話，雖然內地經濟環境令貸款需求大減，但息差收窄未必係影響內銀慨主因，貸款需求係一個「流動性陷阱」，即係想借慨銀行唔敢借，其實市場主要擔心銀行資產質素轉差，股價表現未必對內銀股造成好大衝擊。 |
|
| 譚智樂 |
2024-07-25T10:11 |
富途證券首席分析師譚智樂推介大唐新能源(01768) 推介原因： - 市場預料電力需求較穩定，新能源需求仍然龐大 - 公司削債進度良好。 |
|
| 譚智樂 |
2024-07-11T10:13 |
富途證券首席分析師譚智樂推介耐世特(01316) 推介原因： -市場憧憬無人駕駛的來臨 -公司投入不少於高級駕駛輔助系統ADAS、自動駕駛AD系統、組件設計和製造 -技術走勢顯示有回穩跡象 建議買入價：3.4元 目標價：4.0元 止蝕價：3. |
|
| 譚智樂 |
2024-07-09T15:00 |
截至早上11時止，過去1小時內《彭博》用戶搜尋量最多港股，依次為華虹半導體(01347)、安踏體育(02020)、新世界發展(00017)、美團(03690)及中廣核電力(01816)。 市傳台積電(TSMC)客戶基於市場需求增加而同意加價，人工智能(AI)浪潮進一步由憧憬演變成實際利好，甚至變現能力，市場憧憬產業鏈迎來超級周期，所以華虹產品亦有望加價，不過，現時華虹慨技術水平跟同業仍相差好遠，加價能力係咪較弱？ 富途證券首席分析師譚智樂認為，晶片股迎來超級周期，由於唔少科技公司打算興建科技中心，令高端晶片需求增加，令晶片企業有條件加價，不過，只限於運算力最強慨晶片企業。佢又話，內地晶片企業要追落後，唔止係價格問題，更重要係要追趕外國慨技術水平，不過，呢方面難度非常高，所以股價表現都相差好遠。 Arnold又指，短炒晶片股係幾穩陣，但潛在升幅可能有限，要完全追落後幾乎係無可能。 |
|
| 譚智樂 |
2024-07-02T13:59 |
截至早上11時止，1小時內《彭博》用戶搜尋量最多港股，依次為龍湖集團(00960)、華潤置地(01109)、中國石油股份(00857)、建設銀行(00939)及中國海外發展(00688)。 內房龍湖上周五(6月28日)公布，已累計從公開市場購回兩筆美元債，涉資逾6.2億美元，據報龍湖日內亦兌付1筆逾過26億人仔慨商業抵押擔保證券(CMBS)，前後累計一次過償還逾70億人仔債券，截至去年底止，集團負債比率55.9%，未見明顯改善，手頭現金逾600億人仔，今次一口氣還70億人仔，算唔算有驚喜？ 富途證券首席分析師譚智樂指，龍湖係過去1年努力還境外債，令市場相信公司有良好資產負債表，若龍湖債價穩定，會令市場有返信心。佢又話，內房股今日(2日)升勢凌厲，主要係憧憬三中全會將推出救內房政策，所以圍繞呢件事炒作。 人仔走勢方面，Arnold指出，人仔已迫近52周低位，市場觀望中央會唔會出手托價，短線留意會唔會出現技術反彈，但要轉勢就要等更多具體政策出台。 |
|
| 譚智樂 |
2024-06-25T12:55 |
截至早上11時止，1小時內《彭博》用戶搜尋量最多港股，依次為中國移動(00941)、路勁(01098)、中國銀行(03988)、龍湖集團(00960)及中國神華(01088)。 據《路透》報道，美國正調查內地3大電訊商在美國雲計算及互聯網業務慨潛在風險，現時3大電訊商係美國仍有少量業務，例如提供雲服務及路由器(Router)批發美國互聯網流量，制裁對3家電訊商影響大唔大？ 富途證券首席分析師譚智樂指，市場相信內地電訊業都打定輸數，呢類早已充分反映係股價上，雖然中美關係係電訊、芯片上問題已去到「極冰冷」，相信餘下慨業務都會受影響，雖然唔係完全冇風險，但對股價慨影響唔大。 Arnold又指，中移動股價強勢主要受惠於有吸引慨派息水平，近年亦冇涉及監管、制裁相關風險，所以投資者唔會突然掟貨，相信中移動股價短期有條件維持強勢。 |
|
| 譚智樂 |
2024-06-20T10:04 |
富途證券首席分析師譚智樂推介華潤置地(01109) 推介原因： - 市場開始對房地產行業看法改變 - 低利率環境有助行業氣氛改善 - 公司信貸紀錄良好。 |
|
