| Commentator |
Time |
Content |
Tag |
| 彭偉新 |
2025-06-25T12:47 |
截至早上11時止，1小時內《彭博》搜尋量最多港股，依次為新鴻基地產(00016)、京東物流(02618)、恆隆地產(00101)、金沙中國(01928)、小米集團(01810)。 本地地產股今早(25日)向好，其中，新地股價一度升4.7%，高見94.25元，集團最近出左屯門新盤最後一期價單，售價較之前平左，點解股價仍有得升？ 資深證券分析師彭偉新指，主要係港股市況好轉，本港銀行同業拆息(HIBOR)低企，投資者憧憬本地地產股見底，加上估值平，息率又吸引，所以受唔少短線投資者追捧。 Castor又話，對地產商黎講，最重要係提升變現能力，依家有資金流入有助改善現金流，雖然二手市場持續淡淨，但新盤銷售回復動力，趁機盡快還債，降低負債比率。 |
|
| 彭偉新 |
2025-06-20T10:12 |
獨立股評人彭偉新推介百勝中國(09987) 推介原因： -內地餐飲行業正處於復甦階段 -公司不斷擴展門店並調整策略，料未來新增1600至1800間門店 -市場料集團今年收入逾117億美元。 |
|
| 彭偉新 |
2025-06-18T15:22 |
截至早上11時止，1小時內《彭博》用戶關注度上升最多股份，依次為美團(03690)、華潤置地(01109)、港鐵公司(00066)、泡泡瑪特(09992)及香港寬頻(01310)。 過去一星期，內房數據都麻麻，例如5月70大中城市新建住宅樓價，以及今年首5個月全國房地產開發投資仍跌逾10%，高盛昨日(17日)估計，內地未來幾年新樓需求較2017年高峰大減75%，情況係咪會持續？此外，人民銀行周五(20日)會公布貸款市場報價利率(LPR)，市場估計，同房貸相關慨5年期以上LPR會按兵不動，對內房股有咩影響，其中，潤地股價其實已升左唔少，會趁勢回調，還是繼續有得升？ 資深證券分析師彭偉新指，雖然內地整體樓價仍然向下，但跌幅收窄，反映市場對樓價前景開始有正面睇法，但庫存問題仍足以令大部分利好消息完全被市場消化，相信要一段長時間先可以真正解決問題。 Castor又指，雖然潤地、龍湖集團(00960)係質素及口碑都比較好慨內房，但需求始終未明顯反彈，相信要等就業及經濟大幅改善後，才會令市場對樓市恢復信心，否則，內房只會彈，但好難長期上升。 |
|
| 彭偉新 |
2025-06-11T13:28 |
截至早上11時止，1小時內《彭博》搜尋量最多港股，依次為比亞迪股份(01211)、中國人壽(02628)、中國平安(02318)、泡泡瑪特(POP MART)(09992)及港交所(00388)。 泡泡瑪特股價今日(11日)先跌後升，一度升逾1%，升穿261元，摩根士丹利最新睇302元，又睇好集團北美、歐洲業務持續增長，現價距離大摩目標價仲有逾15%距離，係咪唔怕高追？ 資深證券分析師彭偉新指，泡泡瑪特未來數年增長已price in係股價，依家入市風險較大，雖然集團有好多知識產權(IP)，但只得1至2個IP可以帶黎巨大增長，而IP需要keep到個勢頭，集團先可以拿到較高估值。Castor估計，若泡泡瑪特股價真係升到302元，之後未必再有上升空間。 |
|
| 彭偉新 |
2025-06-06T10:54 |
獨立股評人彭偉新推介鴻騰精密(06088) 推介原因： -受惠人工智能(AI)伺服器需求增長及汽車擴張 -5G技術推廣及消費電子產品的持續升級。 |
|
| 彭偉新 |
2025-06-04T14:47 |
截至早上11時止，1小時內《彭博》用戶搜尋量最多港股，依次為信達生物(01801)、中廣核礦業(01164)、中國平安(02318)、中國生物製藥(01177)及美團(03690)。 中廣核礦業與母企簽署總值6億元人民幣新採購協議，明年至2028年採取新定價機制，核電燃料天然鈾每磅預測價格升至94.22元。Meta首次與Constellation Energy簽署核電協議、摩根士丹利預料美國總統特朗普(Donald Trump)支持核能發展等利好消息，刺激中廣核礦業今日(4日)股價大升，一度升逾31%，高見2.18元，股價會繼續造好？ 資深證券分析師彭偉新指，核電未來需求增長快，除左美國因應電能需求增加，而加快發展核電，內地都重新發展核電，不過，內地正面對上網電價限制大慨問題，就算需求大、成本高，都唔可以隨便加價。同時外國都紛紛加快核電發展，令核燃料價格進一步上升。 Castor又話，中廣核礦業與母公司慨協議係因應核燃料價格上升而制定，對公司慨股價及盈利唔會有好大提升，業績亦未必會向好，今次只係純炒作消息。 |
|
| 彭偉新 |
2025-05-28T12:52 |
截至早上11時止，1小時內《彭博》搜尋量最多港股，依次為快手(01024)、泡泡瑪特(POP MART)(09992)、小米集團(01810)、比亞迪股份(01211)及領展房產基金(00823)。 小米首季業績一如預期靚仔，收入按年增長47%至1113億人仔，經調整多賺64%至107億人仔，毛利率微升至22.8%，齊創新高。小米股價已自4月低位回升左唔少，係咪已price in曬呢些利好因素？係咪要等首款SUV車YU7及自主研發設計慨3納米晶片「玄戒O1」推出及正式應用後，股價先有動力繼續向上？ 資深證券分析師彭偉新指，YU7肯定係一大賣點，集團亦提及唔會減價促銷，所以投資者唔需要擔心毛利率受壓，而早前發生慨交通意外對SU7銷量冇太大影響，亦可維持增長。 Castor續指，晶片設計公司Arm祝賀小米自主研發新晶片，亦表示會支持小米新晶片，對小米日後推新手機有好大作用。佢認為，小米股價暫時冇向上突破慨動力，相信要等新電動車及新手機推出後，再睇下市場慨反應。 |
|
| 彭偉新 |
2025-05-23T10:16 |
獨立股評人彭偉新推介萬國數據(09698) 推介原因： -中國數據中心市場正經歷快速增長 -萬國數據在主要一線城市擁有領導地，人工智能(AI)推動基建需求，促進業務增長 -透過轉換資產為房地產信托基金(REITs)及內地房地產信托基金(C-REIT)，可改善財務槓桿。 |
|
| 彭偉新 |
2025-05-21T15:06 |
截至早上11時止，1小時內《彭博》用戶搜尋量最多港股，依次為紫金礦業(02899)、比亞迪股份(01211)、泡泡瑪特(POPMART)(09992)、新世界發展(00017)及美圖公司(01357)。 泡泡瑪特股價連日破頂，今日(21日)一度再升逾5%，高見220元，摩根大通最新首次給予泡泡250元目標，係咁多家大行之中睇得最牛，2026年預測市盈率(PE)32.6倍，係咪集團未來增長好勁？市場認為，泡泡瑪特旗下「吸金王」Labubu有機會成為「中國版Hello Kitty」，即係成為一個長賣長有慨長青產品，係咪值得憧憬？ 資深證券分析師彭偉新指，每當Labubu及Crybaby推出新款，海外市場都會瘋狂追捧，睇返每年盈利增長，泡泡瑪特係值得更大估值空間。佢估計，泡泡瑪特市盈率(PE)未來幾年將回落至30倍，由於市場願意畀高估值，相信股價短期仍會進一步上升。 Castor又話，Labubu會唔會成為長青產品，依家係言之尚早，但以往內地推出慨IP都未必可以長賣長有，又認為泡泡瑪特需要推廣更多IP，股價先可以長升長有。 |
|
| 彭偉新 |
2025-05-14T13:33 |
截至早上11時止，1小時內《彭博》搜尋量最多港股，新秀麗(01910)、友邦保險(01299)、京東健康(06618)、中國石油化工股份(00386)、騰訊控股(00700)。 新秀麗出左上季業績，純利按年倒退43%，盈利及收入都差過預期，毛利率亦收窄，大行及市場都唔收貨，新秀麗股價今早(14日)一度急瀉近10%，低見13.9元，首季未受關稅影響表現已經咁差，未來慨情況係咪都好難樂觀？ 資深證券分析師彭偉新指，新秀麗業績差同整體經濟不明朗有關，加上亞洲區換左代言人，令銷售受短暫影響，雖然依家關稅戰有緩和跡象，信心有望回升，但唔足以提升旅遊出行需求，對新秀麗幫助亦唔大。 佢又話，現階段判斷內地未來幾季慨經濟動力，仍然言之尚早，中美仍要繼續談判，當中仍有不少不確定因素，所以新秀麗股價短期反彈機會唔大。 |
|
| 彭偉新 |
2025-05-09T10:22 |
獨立股評人彭偉新推介招商銀行(03968) 推介原因： -人行減息降準，對內銀淨息差有影響，但貸款增長可助利息收入增加 -市場料招行零售業務保持強勁。 |
|
| 彭偉新 |
2025-05-07T14:12 |
截至早上11時止，1小時內《彭博》用戶搜尋量最多港股，依次為港交所(00388)、領展房產基金(00823)、友邦保險(01299)、美團(03690)及泡泡瑪特(09992)。 近期市場對港交所有唔少憧憬，包括IPO市場愈來愈活躍，以及中概股來港上市，中證監亦表明撐優質中概股回歸A股及港股，港交所股價係咪可以繼續睇好？ 資深證券分析師彭偉新指，市場對港交所睇法樂觀，其中1個主因係寧德時代快將在港掛牌，事實上，港交所今年第1季IPO集資額全球排行第2位，隨著寧德時代上市，港交所今年IPO集資額有望成為全球No.1，若未來陸續有中概股來港上市，新股上市收入勢大增，絕對有利港交所業績，而股票選擇多左亦會刺激交投。 |
|
| 彭偉新 |
2025-04-30T12:43 |
截至早上11點，過去1小時內《彭博》用戶搜尋量最多港股，依次為建設銀行(00939)、友邦保險(01299)、泡泡瑪特(09992)、小米集團(01810)、及美團(03690)。 內銀股放榜後股價受壓，其中，建行今日(30日)除淨顯著捱沽，今朝一度挫逾4%至6.26元，內銀上季業績差，第2季業績會唔會因為貿易戰升級而更差？ 資深證券分析師彭偉新指，建行淨息差收窄令市場失望，加上業績差過預期，拖低股價。雖然市場已預左淨息差會收窄，但由於中央支持中小企，令貸款總額持續增加，理應可以抵銷淨息差收窄帶黎慨影響，但最後業績仍差過預期，反映經濟增長力度不足，加上受貿易戰影響，預期未來壞帳率進一步上升令內銀業績更差。 股息率方面，Castor認為，現時6.9厘水平會令機構投資者繼續持有內銀股，但由於內銀整體盈利下跌，估計機構投資者未來會繼續楂內銀股，可能股息率只做到6厘。 |
|
| 彭偉新 |
2025-04-25T10:09 |
獨立股評人彭偉新推介聯想集團(00992) 推介原因： -伺服器業務受惠北美數據中心需求大增，人工智能(AI)及雲計算設施需求增長將令ISG業務見改善 -Win10今年10月將停止更新，料將促使2.5億台PC需求升級，推動AI PC發展 -全球個人電腦市場份額第1。 |
|
| 彭偉新 |
2025-04-23T15:04 |
截至早上11時止，1小時內《彭博》用戶搜尋量最多港股，依次為地平線機器人(09660)、康方生物(09926)、中國移動(00941)、比亞迪股份(01211)及美團(03690)。 比亞迪突然係出業績前宣布，計劃派紅股及轉增股，變相將股份「1拆3」，刺激股價今日(23日)造好，一度迫近400元關口，點解會揀呢個時間公布呢個消息？ 資深證券分析師彭偉新認為，比亞迪因為業績理想，希望回饋股東就計劃派錢。佢又話，比亞迪入場費高達20萬元，其實一直為人詬病，因為一般散戶投資者未必負擔得起，所以公司需要諗下點樣降低入場費，增加市場流通性。 Castor又提醒，未入場慨投資者可以再等等先再做部署，有貨就可以繼續持有，投資者可以先留意除淨日及大市氣氛，再做較長線部署。 |
|
| 彭偉新 |
2025-04-16T15:36 |
截至早上11時止，過去1小時內《彭博》用戶搜尋量最多港股，依次為美團(03690)、西部水泥(02233)、快手(01024)、美高梅中國(02282)及聯想集團(00992)。 美團今日(16日)沽壓沉重拖低大市，係半日包尾藍籌，集團昨日(15日)有消息，集團未來3年會掟1000億人仔補貼餐飲商家及消費者，但對股價冇影響，點解今日又大跌？同京東集團(09618)有冇關？ 資深證券分析師彭偉新指，美團同京東係主要競爭對手，透過競爭政策搶市佔率，但其實對盈利冇好大推動力，甚至產生負面影響，早於1年前，京東曾動用1000億人仔補貼用戶，令用戶數量大增，但當時市場唔buy，消息一出，京東股價就跌唔停。 Castor認為，今次情況同上次好相似，上次京東係冇競爭對手下出招都跌到一僕一碌，今次美團明顯要同京東爭，市場擔心價格戰及補貼戰會升級，所以美團股價今日插穿250天牛熊線，跌至近期低位，加上今日市況轉弱，令原本冇打算沽貨慨投資者都減磅，令沽壓進一步加大。 Castor建議，改善自己營運，令使用者有更好慨購物體驗係一個良性競爭，但用補貼方法則未必能夠吸納新用戶，增加成本之餘仲可能加快客戶流失。 |
|
| 彭偉新 |
2025-04-11T10:13 |
獨立股評人彭偉新推介中國移動(00941) 推介原因： -正積極推動人工智能+(AI+)戰略，提升雲計算和數據中心的能力，以增強市場競爭力 -投入在雲計算和數字內容等新興領域，有助未來增長潛力 -關稅戰下市場動盪，中移動整體業務相對穩定。 |
|
| 彭偉新 |
2025-04-09T12:57 |
截至今日早上11點，過去1小時內《彭博》用戶搜尋量最多的港股依次為：中芯國際(00981)、小米集團(01810)、聯想集團(00992)、友邦保險(01299)以及中國石油股份(00857)。 中芯國際在大市偏弱的情況下逆市上升，市場普遍認為，這與美國最新一輪關稅政策有關，由於新政策中，晶片行業獲得豁免，加上中芯本身具備「國產晶片」的概念，是否代表中芯反而受到關稅政策而前景好轉? 資深證券分析師彭偉新指，新關稅政策的確未對中芯構成直接負面影響。不過，他指出，中芯仍需進一步提升自身產能與製程工藝，才能真正將政策優勢，轉為實際的業務利好。 Castor相信，中央政府未來會持續加大對中芯的扶持力度，推動其生產更高端的芯片產品。Castor認為，若中芯能成功突破5納米製程技術，加上提升現有7納米晶片的產量，將有助進一步擴大市場佔有率，並提升營運毛利率，利好公司估值。 |
|
| 彭偉新 |
2025-04-08T13:46 |
截至早上11點，過去1小時內《彭博》用戶搜尋量最多港股，依次為長和(00001)、小米集團(01810)、騰訊集團(00700)、聯想集團(00992)及美團(03690)。 環球股災下，美團今早(8日)高開1%後，升幅曾擴大至逾7%，高見144.5元。美團與內需較為相關，由於不在關稅「風眼」中，所以反彈力度較強，是否值得用美團去博反彈？ 資深證券分析師彭偉新指，由於關稅帶動內需，美團的抗跌力及反彈力，會較其他股份好，但長遠看，關稅必然會大規模影響經濟，暫難判斷美團能否獨善其身。 Castor補充，目前市場避險情緒仍未消散，所以美團股價反彈後能否再進一步向上，就要視乎投資者是否相信調整已經結束。 |
|
| 彭偉新 |
2025-04-02T13:01 |
截至早上11時止，1小時內《彭博》用戶搜尋量最多的港股依次為小米集團(01810)、藥明合聯(02268)、吉利汽車(00175)、零跑汽車(09863)和舜宇光學(02382)。 小米集團近期消息多多，首先是配股，隨後又發生SU7車型意外，引起了大眾對小米車輛安全性的擔憂，投資者應否等待SU7調查結果後再考慮博反彈？ 資深證券分析師彭偉新指，目前最令人擔憂的是調查結果，其次是小米車輛可能存在的問題，例如車門無法打開、自動駕駛系統異常及電池安全問題等等。Castor指出，鋰電池中的鋰元素非常活躍，若車輛受損，在無法控制情況下可能會自燃。因此必須等待調查結果，確定事件屬於不幸事故，還是產品本身存在問題，才能更好預測小米前景。 此外，在SU7事故發生前，小米董事長雷軍曾公開披露新車型YU7的相關信息。SU7的調查結果可能會影響新車銷量，甚至推遲YU7發布，對公司可能造成長遠影響。儘管小米今日(2日)股價回升，但Castor建議投資者保持審慎態度，應觀望並關注後續發展。 |
|
| 彭偉新 |
2025-03-28T09:46 |
獨立股評人彭偉新推介中國聯通(00762) 推介原因： -受惠雲計算及數據中心的強勁需求，特別是人工智能(AI)相關應用快速增長 -持續投資AI基礎設施、升級網絡基礎設施，料智能計算業務將為公司帶來巨大增長機會 -資本支出將逐步減少。 |
|
| 彭偉新 |
2025-03-26T13:14 |
截至早上11時止，1小時內《彭博》用戶搜尋量最多港股，依次為長和(00001)、農夫山泉(09633)、申洲國際(02313)、海底撈(06862)及華潤萬象生活(01209)。 內需股海底撈出左業績，去年收入按年增長3%，全年多賺近5%，派息按年大增20%至50.7港仙，集團慨加盟店業務開始上軌道，去年共有13家，呢瓣業務中長線可唔可以再推高股價？ 資深證券分析師彭偉新指，加盟店有增長對海底撈黎講一定係好事，因為以加盟店形式擴展網絡慨成本相對低，整體營運風險亦較細，加上店舖翻檯率上升，有利營業收入增長，相比開設新店更慳成本，收入增長亦會加快，繼而改善盈利表現。至於股價係收入持續增加，以及成本下降，短期有望再升。 |
|
| 彭偉新 |
2025-03-19T12:52 |
截至早上11時止，1小時內《彭博》用戶關注度上升最多港股，依次為新奧能源(02688)、小米集團(01810)、比亞迪股份(01211)、長和(00001)及華潤啤酒(00291)。 小米業績強勁，獲多家大行唱好兼上調目標價，最牛慨花旗睇73.5元。自從小米「踩過界」進軍電動車行業後，業績愈做愈好，更帶動整體小米產品生態鏈，小米股價要見70元水平才罷休？ 資深證券分析師彭偉新指，整體業績及電動車交付量齊齊達標，市場對小米未來發展睇得更加樂觀。小米由主打低端家電產品，升級至中高端慨手機產品，再進軍電動車，有助毛利率提升。資金追捧小米力度強勁，股價有可能會上到70元，不過，多數投資者會係業績後會「食糊」，可以等股價回調再入場，上望空間較大。 |
|
| 彭偉新 |
2025-03-12T13:06 |
截至早上11時止，1小時內《彭博》用戶搜尋量最多港股，依次為長城汽車(02333)、普拉達(01913)、吉利汽車(00175)、安踏體育(02020)及速騰聚創(02498)。 車股造好，昨日(11日)零跑汽車(09863)扭虧，今日(12日)股價繼續強勢，有助提振汽車板塊，小鵬汽車(09868)更加一度重上紅底股，「兩會」後市場預料好快有大型消費刺激措施，利好車股，追落後的有長汽、蔚來(09866)、車股是否「長炒長有」？ 資深證券分析師彭偉新指，若想推動經濟、發展汽車行業，對汽車行業的補貼是不可或缺的，所以車股繼續是市場焦點。 Castor續指，內地車企每月會公布交付數據，當交付量有增長，不少大行都會調升目標價，對相對落後的汽車股有提振作用。小鵬計劃於2026年開始量產分體式飛行汽車，也有利股價表現。 |
|
| 彭偉新 |
2025-03-05T15:07 |
截至早上11時止，過去1小時內《彭博》用戶搜尋量最多港股，依次為長和(00001)、周大福(01929)、海螺水泥(00914)、泡泡瑪特(09992)及中國建材(03323)。 長和宣布將港口資產賣畀貝萊德(BlackRock)慨財團，刺激股價今早(5日)一度勁升24%，今次出售涉及近期受地緣政局影響慨巴拿馬港口，對長和黎講係咪掃除左1項不明朗因素？今次出售套現近1500億元，算唔算係一個靚價？ 資深證券分析師彭偉新認為，今次出售未必係由美國總統特朗普(Donald Trump)要收返巴拿馬運河慨言論引發，反而係中美貿戰不斷升溫，影響外貿業務，令港口業務前景蒙上陰霾，加上除巴拿馬港口外，今次亦有出售其他業務，加上作價吸引就促成今次呢單Deal。 Castor又話，今次出售所得資金同目前集團市值相若，市場憧憬呢筆龐大慨資金，有助集團未來業務發展、收購或派發特別息，所有均對公司前景有利。 |
|
| 彭偉新 |
2025-02-28T10:17 |
獨立股評人彭偉新推介中國電信(00728) 推介原因： -加大投資雲基礎設施及人工智能(AI)領域，以應對市場日益增長的需求 -受益服務捆綁策略的有效執行。 |
|
| 彭偉新 |
2025-02-14T10:26 |
獨立股評人彭偉新推介中國鐵塔(00788) 推介原因： -內地最大通信塔組賃服務供應商，服務三大國有電信營運商 -中期來說。 |
|
| 彭偉新 |
2025-02-12T15:03 |
截至早上11時止，過去1小時內《彭博》用戶搜尋量最多港股，依次為美團(03690)、創科實業(00669)、古茗(01364)、比亞迪股份(01211)及瑞聲科技(02018)。 據內媒報道，京東集團(09618)正式啟動外賣服務，今年5月1日前登入平台慨商家可以全年免傭，嚇到競爭對手美團股價今早(12日)一度大跌7%，但點解連京東股價之後都要倒跌？集團點解要進軍外賣市場？ 資深證券分析師彭偉新指，美團係內地外賣平台一哥，好難挑戰佢慨地位，即使京東好泵本去搶市佔率，其實作用都唔大，始終市場對鬥平、免傭呢些競爭手段唔太受落，呢個亦係京東股價倒跌主因。 Castor續指，若美團不惜減少收入提供補貼等方法還擊，會對收益構成負面壓力，所以即使美團未出手，市場已經開始擔心，美團未來除左增加科技投資，從而降低營運成本，例如用無人機送餐、送件，甚至擴展海外地方，另一方面又要應對京東慨挑戰，難免為股價增添不明確因素。 |
|
| 彭偉新 |
2025-02-05T15:31 |
截至早上11時止，1小時內《彭博》用戶搜尋量最多港股，依次為長和(00001)、瑞聲科技(02018)、聯想集團(09992) 、快手(01024)及美團(03690)。 瑞聲及聯想分別比摩根大通、摩根士丹利點名，話係中美貿易戰下投資者要盡量避開，但其實佢地股價表現唔差，呢兩日都有得升，係咪代表中美再爆貿易戰都影響唔大？ 資深證券分析師彭偉新表示，對比戴爾(Dell)及惠普(HP)，依家聯想慨市盈率(PE)貴好多，未來要睇內地會唔會推更多措施，幫聯想維持係人工智能(AI)領域慨領先地位，同埋研發硬件，而唔係單睇人工智能個人電腦(AI PC)，Castor又提醒，依家聯想估值太貴，必須小心。 瑞聲方面，Castor認為，集團係iPhone部件最大供應商，市場會留意iPhone銷售好唔好，再評估瑞聲股價走勢，之前市場炒作蘋果公司(Apple Inc.)慨Apple Intelligent，未來要留意中美關係會唔會影響AI發展，因為美國有機會禁止Apple係內地推出Apple Intelligent。 |
|
| 彭偉新 |
2025-01-22T15:38 |
截至早上11時止，1小時內《彭博》用戶搜尋量最多港股，依次為美團(03690)、新世界發展(00017)、亞盛醫藥(06855)、萬科企業(02202)及碧桂園(02007)。 美團股價今早(22日)跟隨大市向下，美國總統特朗普(Donald Trump)上任第2日就指，依家傾緊係咪2025年2月1日起，向中國加關稅10%，消息一出，港股今日顯著下挫，暫時終止6連升，特朗普上場後，港股表現係咪有好大隱憂？ 資深證券分析師彭偉新指，其實特朗普仍未明確表示要加中國關稅，但A股已開始回調，但港股之前仍繼續升，反映市場睇得太樂觀，連平台經濟股如騰訊控股(00700)、阿里巴巴(09988)及美團等被炒高。 佢又話，大市今日突然急坐，明顯市場係拿住特朗普最新慨關稅言論，作為沽貨藉口，美團係恆指成分股，現時佔比約8%，所以當指數跌慨時候，美團好大機會跟跌，後市要睇住美團可唔可以企得穩20天線，再做反彈部署。 |
|
| 彭偉新 |
2025-01-17T10:09 |
獨立股評人彭偉新推介中國鋁業(02600) 推介原因： -需求回升，供應恢復，支持產品定價及利潤率回升 -預測股息率3.88厘。 |
|
| 彭偉新 |
2025-01-15T13:01 |
截至早上11時止，1小時內《彭博》用戶搜尋量最多港股，依次為紫金礦業(02899)、金沙中國(01928)、碧桂園(02007)、新秀麗(01910)及騰訊控股(00700)。 碧桂園停牌大半年後，昨日(15日)補發2023年全年及2024年上半年業績，2023年虧損大幅擴至1784億人仔，去年上半年虧損就收窄至128億人仔，係咪代表距離復牌又行前一步？摩根大通預期，碧桂園會係短期內復牌，但認為風險仍高，所以維持「減持」評級，一旦復牌，股價係咪會急挫？ 資深證券分析師彭偉新指，碧桂園停牌後，港股整體向下，雖然唔少內房被納入「白名單」，拿到銀行保證貸款，但未必可以推動盈利增長，就算集團之後做好保交樓，相信都只係「白做」，唔會有盈利貢獻，反而虧損會愈黎愈大。 Castor估計，碧桂園復牌後會有更多投資者趁機減持，對股價造成一定壓力。 |
|
| 彭偉新 |
2025-01-08T13:06 |
截至早上11時止，過去1小時內《彭博》用戶搜尋量最多港股，依次為中遠海能(01138)、騰訊控股(00700)、融創中國(01918)、中國石油股份(00857)、紫金礦業(02899)。 消息指，山東省港口集團禁止被美國制裁慨運油輪停泊，摩根士丹利認為，呢個舉動會利好中遠海能，美國候任總統特朗普(Donald Trump)上場後或會加大制裁力度，相信會成為運油商2025年主要正面動力，雖然中遠海能母公司近日被美國國防部納入「黑名單」，但中遠海能股價今日(8日)一度升逾10%，點解會出現呢個情況？ 資深證券分析師彭偉新認為，中遠海能升得合理，因為油價回暖，加上石油需求冇之前預期咁差，以及石油輸出國組織(OPEC)成員國可能短期內會增加亞洲地區慨供應，以及調低價格，所以中國向OPEC買油慨機會更高，連帶運油設施需求都會上升，相信會利好有跟足美國制裁措施慨運油公司。 Castor又指，中遠海能股價自2024年12月低位開始升返上黎，雖然上影線長，但相信今日已出現突破，估計資金短期會繼續追入。 |
|
| 彭偉新 |
2025-01-03T10:14 |
獨立股評人彭偉新推介中海油田服務(02883) 推介原因： -受惠全球能源需求回升，尤其是在新興市場的強勁需求 -預期中海油田服務的2024年及2025年每股盈利分別為0.73元及0.96元 -未來3年內。 |
|
| 彭偉新 |
2024-12-20T11:00 |
獨立股評人彭偉新推介滔搏(06110) 推介原因： -中國最大的運動服裝零售商 -隨著內地消費者對功能性運動服裝需求增長，將迎來更大增長空間 -庫存清理進展順利。 |
|
| 彭偉新 |
2024-12-18T15:09 |
截至早上11時止，過去1小時內《彭博》用戶搜尋量最多港股，依次為新世界發展(00017)，中國石油股份(00857)、東風集團股份(00489)、中國海洋石油(00883)、建設銀行(00939)。 新世界股價今日(18日)已連跌第6個交易日，累跌近20%，今年就累跌逾50%，依家集團市值135億元，市帳率(PB)0.08倍，除左股價，債價亦受壓，昨日(17日)市傳新世界要求銀行豁免財務指標條件限制等，雖然集團不斷出售資產減債，但債務問題係咪仍然令人憂慮？ 資深證券分析師彭偉新指，市場將焦點放係新世界慨債務問題，雖然集團努力減債，將部分資產賣返畀母公司，減以輕負債，但係本港經濟比較困難下，市場對新世界收返資金慨預期唔高，令股債持續受壓。佢又指，短期較難評論新世界會有咩動作，但相信投資者都希望公司繼續減債，盡量拿返些錢返黎維持營運。 至於市場擔心新世界可能有破產或除牌風險，Castor認為，雖然集團負債較高，但仍然係一家淨資產公司，情況未去咁惡劣，估計應該唔會被除牌。 |
|
| 彭偉新 |
2024-12-11T15:41 |
截至早上11時止，1小時內《彭博》用戶關注度上升最多港股，依次為海底撈(06862)、萬科企業(02202)、蒙牛乳業(02319)、中國建材(03323)、領展房產基金(00823)。 雖然中央政治局會議講明要谷內需，亦提及其他刺激措施，但港股繼昨日(10日)又升逾600點，到收市倒插過百點後，點解今日(11日)持續受壓？ 資深證券分析師彭偉新指，依家市場寄望黎緊慨中央經濟工作會議，會就政治局會議提出慨措施有返些實際數字，例如係支持經濟及消費慨措施規模有幾大等。Castor又話，雖然政治局會議講明要谷內需，但過去4年，中經會其中1個重點都係刺激內需，但成效似乎唔理想，消費更持續降級，所以投資者今次都會比較審慎，寧願等齊所有消息及數據再做部署。 Castor續指，內需問題的確令人憂慮，因出口下跌帶來慨影響係環環相扣，出口唔理想意味工業產能低，繼而影響就業，到時要谷內需只會更困難，Castor更形容現時內地循環引擎「打唔著」。 |
|
| 彭偉新 |
2024-12-06T10:00 |
獨立股評人彭偉新推介美的集團(0300) 推介原因： -去年全年營業額升8%，毛利升約19%至超過980億人民幣 -去年毛利率26.4%，上半年進一步改善至27% -市場白色家電的以舊換新補貼計劃。 |
|
| 彭偉新 |
2024-12-04T15:00 |
截至早上11時止，1小時內《彭博》用戶搜尋量最多港股，依次為中國神華(01088)、中國石油股份(00857)、康方生物(09926)、建設銀行(00939)、中國海洋石油(00883)。 雖然神華過去數月冇乜鑊氣，但股價只係自高位回調約12%，煤炭股今日(4日)普遍有得升，其中，神華一度升逾4%。有分析指，「煤炭長協政策」將於明年落地，加上寒冬將至，都有機會推高煤價，神華前景係咪都值徥睇好？ 資深證券分析師彭偉新指，神華同其他煤炭股唔同，因為公司有齊上中下游業務，只要成本控制得好，盈利一定有改善，加上神華慨煤炭基建、鐵路等有助控制整體營運成本，而下游發電部分只要電力需求增加，神華全條產業鏈都會賺到錢。 Castor又話，就算電力需求下降導致煤炭需求較小，但神華股息率足以維持整體吸引力，又話股價短期要上返36元唔難。 |
|
| 彭偉新 |
2024-11-22T10:24 |
獨立股評人彭偉新推介中國石油化工股份(00386) 推介原因： -俄烏戰事料無法短期內解決，原油需求難以短期內出現明顯回落 -油價維持於每桶72美元以下，對集團反而有利 -集團料受惠市值管理指引。 |
|
| 彭偉新 |
2024-11-20T15:21 |
截至早上11時止，1小時內《彭博》搜尋量最多港股，依次為金山軟件(03888)、香港寬頻(01310)、康方生物(09926)、萬科企業(02202)及長和(00001)。 金軟和及金山雲(03896)公布業績後股價大升，遊戲及辦公室軟件業務都有好表現，即使同龍頭騰訊控股(00700)、網易(09999)比較，金軟季績都唔輸蝕，係咪代表行業已真正復甦？ 資深證券分析師彭偉新指，過去市場主要聚焦大型遊戲股，睇返金軟最新業績，係遊戲業務帶動下，上季多賺13倍，令唔少投資者對金軟睇法正面，亦令分析員再次留意呢隻股份。 但佢提醒，投資者仍要審慎評估金軟呢份業績，盈利增長強勁主要受惠於低基數，短期要維持咁強勁慨增長有難度，建議投資者多些留意市場對金軟慨分析報告再做部署。 |
|
| 彭偉新 |
2024-11-13T15:35 |
截至早上11時止，過去1小時內《彭博》用戶搜尋量最多港股，依次為中國聯通(00762)、中國移動(00941)、中國電信(00728)、融創中國(01918)及聯想集團(00992)。 3大中資電訊股今朝(13日)10點左右，突然價量齊升，大量資金湧入，莫非同今日係上海舉行慨2024全球6G發展大會有關？如果想買中資電訊股，邊隻可以睇高一線？ 資深證券分析師彭偉新指，6G發展係好長遠慨事，要去到商業化階段最少要2030年，相信係2030年前真正投入慨開發費相對少，加上好多地區仲用緊5G網絡，甚至未有5G，因此，今日電訊股受追捧，6G唔係主因。 Castor認為，主要係近日股市活力弱左，高Beta股跌得好急，所以投資者都轉投現金流穩定，派息相對高慨電訊股。 |
|
| 彭偉新 |
2024-11-06T14:00 |
截至早上11時止，1小時內《彭博》搜尋量最多港股，依次為金山軟件(03888)、中信建投証券(06066)、中國信達(01359)、融創中國(01918)及瑞安房地產(00272)。 券商股在港股方面今日(6日)個別發展，中信建投早段逆市升逾5%，跑贏同業，近日傳出中信建投及中信証券(06030)互換管理層，引發投資者對於兩間中信系的券商有合併憧憬，而中信建投除淨前都吸引到資金，是否代表市場已經消化這個消息？ 資深證券分析師彭偉新指，內地各方現時都傳有併購消息，令市場普遍對券商股看法正面，除了併購消息，還有之前推出的互換便利操作(SFISF)，令不少金融公司有足夠流動資金繼續做投資，無形中加大了券商的槓桿，亦鼓勵企業透過銀行借錢做回購。 佢又話，以上的動作都牽涉到券商所提供的交易服務，所以市場都看好券商整體的未來收益和估值，希望進一步上升，所以目前短期券商股仍有炒作空間，相信可以有延續性，繼續受資金追捧。 |
|
| 彭偉新 |
2024-10-30T12:57 |
截至早上10時45分止，1小時內《彭博》搜尋量最多港股，依次為中國鋁業(02600)、福萊特玻璃(06865)、協鑫科技(03800)、信達生物(01801)及聯想集團(00992)。 中鋁公布業績後，AH股齊齊插水，上季稅後利潤按季大跌58%，摩根大通指表現令人失望，商品價格上升抵銷唔到銷量下跌慨負面影響，但市場仲等緊管理層慨解畫及未來指引，呢份業績係咪真係咁差？ 資深證券分析師彭偉新指，今年鋁價處於持續上升慨狀態，但價格上升慨同時銷量就大跌，相信同內地經濟下行情況有關，即使國內生產總總(GDP)有正增長，但幅度依然未如理想，加上鋁和銅非常相似，都係一種基本金屬，如果經濟無辦法持續快速擴張，鋁銷量跌係無可避免，導致最後拉低埋整體業績。 佢又話，股價急跌除左因為業績之外，仲同管理層未公布慨未來指引有關，依家要睇返公司點樣解釋返業務數據，如果之後指示唔清晰，大行就會根據以往慨數據作出評估，對公司前景打大折扣，股價更難以反彈。 |
|
| 彭偉新 |
2024-10-25T10:36 |
獨立股評人彭偉新推介新奧能源(02688) 推介原因： - 內地燃氣股進入冬季後，料整體燃氣需求回升，整體走勢有望向好 - 股份再受北水投資者關注，北水持股佔比。 |
|
| 彭偉新 |
2024-10-23T14:52 |
截至早上10時45分止，1小時內《彭博》搜尋量最多港股，依次為周大福(01929)、華潤飲料(02406)、美團(03690)、小米集團(01810)及中國聯通(00762)。 周大福第2季零售值大跌21%，跌幅大過同業六福集團(00590)，不過，同店銷售跌幅就冇咁大，金飾銷售大跌近25%至36%，對應返今年金價30%慨升幅，金飾跌幅都符合金價走勢，但股價係業績後都有得升，一度大升10%，點解會升得咁靚？ 資深證券分析師彭偉新指，依家慨問題係金價升得太急，都擔心會有「摸頂」慨情況，加上市場唱好金價，冇增加市場買金需求，反而令唔少人買金意欲細左，令周大福受慨負面影響更大。 佢又話，周大福股價今日(23日)走強，相信同公司指整體關舖率未來幾季將會減慢有關，反映行業經過整合後逐步有回穩，但基於各種利淡因素，金飾股升勢未來可唔可以持續，宜睇得審慎些。 |
|
| 彭偉新 |
2024-10-16T14:05 |
截至早上10時45分止，1小時內《彭博》搜尋量最多港股，依次為高鑫零售(06808)、聯想集團(00992)、紫金礦業(02899)、中國宏橋(01378)及永利澳門(00864)。 高鑫接獲大股東阿里巴巴(09988)通知，現時有潛在收購要約，公司亦發左盈喜，股價今早(16日)一度勁升逾30%，雖然阿里話有潛在收購，但作價、要約人身分都冇披露，點解市場睇得咁正面？對高鑫又有咩影響？ 資深證券分析師彭偉新指，潛在收購會對高鑫有正面影響，企業一般都會以平均價加溢價做收購，高鑫股價今早爆升，好大機會係呢單潛在收購有溢價，預期小股東、非關連人士都願意投贊成票，即使之後股價升幅收窄，對收購結果都唔會有太大影響，因為主動權仍然係阿里手上。 佢又話，高鑫依家發展路向逐漸清晰，即使被收購後實際價值唔大，收購作價又低過入股價低，但仍會出售股權。 |
|
| 彭偉新 |
2024-10-09T15:23 |
截至早上11時止，1小時內《彭博》用戶搜尋量最多港股，依次為中國宏橋(01378)、紫金礦業(02899)、中國石油股份(00857)、中國銀河(06881)及永利澳門(01128)。 券商股中國銀河昨日(8日)急瀉逾30%，而A股昨日(8日)漲停後，今日就轉跌，過往內地真正慨牛市，券商股一般最少連續兩三日漲停，用券商股作為股市指標，可以點樣分析後市？ 資深證券分析師彭偉新指，要判斷升市係咪牛市開始，首先成交量要持續止升，其次係龍頭股要維持升勢，依家券商股升左1日後，內地有公司高層開始減持股份，中國銀河亦有股東大手減持，令市場對今次升市係咪牛市有懷疑，目前仍然要更多資訊先知係咪牛市慨開始，佢建議，如果投資者近期高追左，要做好止蝕部署，再留意後市有冇正面訊息。 |
|
| 彭偉新 |
2024-10-02T13:17 |
截至早上10時45分止，1小時內《彭博》搜尋量最多港股，依次為融創中國(01918)、世茂集團(00813)、郵儲銀行(01658)、中國海外發展(00688)及旭輝控股集團(00884)。 房地產研究機構克而瑞估計，100強內房銷售今個月會止跌回穩，匯豐證券更一口氣大幅上調20隻內房及物管股目標價，睇好今輪反彈可以持續較長時間，世茂、旭輝股價係4個交易日內最少翻倍，係咪反映左一系列政策出台後，真係可以扭轉內房劣勢？ 資深證券分析師彭偉新指，依家主要睇兩個因素，包括政策方面，無論任何政策，只要唔干預內房市場，投資者普遍都會有正面睇法，但可唔可以提升市民買樓意欲，始終要睇內地實際經濟狀況。 佢又話，內房市場供過於求慨情況已持續幾年，之後內房「爆煲」導致好多公司還唔到錢，睇返銷售數據，按年大跌60%至80%，所以唔可能因為有重磅政策出台，銷售就立即爆升，內房股短期係會有反彈，但銷售、業績交唔交到功課仍要觀望。 |
|
| 彭偉新 |
2024-09-27T11:23 |
獨立股評人彭偉新推介敏實集團(00425) 推介原因： -現價被嚴重低估 -市場對今明兩年盈利增長預測均逾20% -北水近期持續吸納，持股比率由2月不足10%。 |
|
