| Commentator |
Time |
Content |
Tag |
| 陳欣 |
2025-04-08T18:05 |
美國總統特朗普(Donald Trump)上周四(3日)稱，對中國再多徵34%關稅；特朗普指，若北京不撤銷報復性關稅，明天(9日)將會對中國額外加徵50%關稅，中美雙方各不退讓，關稅戰會如何影響匯市？ 連連STAR FX總經理陳欣指，中國是美國第2大進口國，所以關稅對中國經濟影響甚大，對人民幣也難免造成壓力；但同樣地，美國亦依賴中國進口，所以除非特朗普不介意美國出現經濟衰退，否則暫時難以判斷關稅戰的發展。 Chase續指，中國內部經濟數據有復甦跡象，外匯儲備達到3.2萬億美元，有助穩定貨幣匯率。而人民幣匯率穩定，也有利其他資金流入人民幣；雖然關稅問題令中短線的人民幣偏弱，但中國有穩定匯率的信心及實力，相信人民幣離岸價，於7.35至7.37水平會有支持。 |
|
| 陳欣 |
2025-03-25T17:52 |
比特幣(Bitcoin)價格一度重上87000美元樓上，但去到今日(25日)亞洲交易時段，價格又落返去，昨晚(24日)係咪市場Risk On推高Bitcoin價格？還是同美國總統特朗普(Donald Trump)之前話支持加密貨幣及穩定幣立法有關？Bitcoin價格後市點睇？ 連連STAR FX總經理陳欣指，Risk On對Bitcoin價格有正面支持，此外，特朗普重申支持Bitcoin及穩定幣立法，令市場憧憬放寬監管，都對Bitcoin價格有支持。 Chase提醒，雖然立法短線可以令Bitcoin價格有支持，但中長線就有少少保留，Bitcoin價格今年反覆向下，如果可以升穿89000美元水平，呢個重要阻力及下跌趨勢頂部，就有機會延續升勢，挑戰92000美元水平，如果價格向下，或要下試78000至79000美元水平。 |
|
| 陳欣 |
2025-03-04T17:43 |
美匯指數昨日(3日)一度重上107水平，但今日係美國新關稅生效後急回，落返106.5水平，新關稅生效後，加拿大及中國隨即公布反制措施，徵收報復性關稅，市場已憂慮美國經濟陷入衰退，加上關稅影響唔明朗，對美元走勢有咩影響？ 連連STAR FX總經理陳欣指，之前市場憧憬加關稅會為美元帶黎支持，但大前提係美國經濟仍然唔錯，近期美國唔少經濟數據都欠佳，市場擔心美國經濟係咪開始放緩，甚至步入衰退，所以美國聯儲局或比預期更早減息，令美元走弱。 Chase續指，美匯指數由107樓上回落至106，唔排除進一步下跌，要留意美國經濟數據及減息預期慨變化，估計美匯指數暫時會係低位整固，係105.5水平有支持，但短期較難升穿108阻力。 |
|
| 陳欣 |
2025-01-21T17:36 |
美國總統特朗普(Donald Trump)上任首日即宣布考慮係2025年2月1日開始，向加拿大及墨西哥加關稅25%，美元即時走強，美匯指數一度升0.7%，但好快又回落，依家美匯指數係109樓下，點解市場反應咁冷靜？ 連連STAR FX總經理陳欣指，特朗普上任首日未提及向中國、歐洲加關稅，可能想作黎做談判籌碼，亦反映特朗普係關稅問題上慨態度冇預期咁強硬，如果特朗普加大向中國徵稅慨力度，意味未來好多中國產品會被踢出美國市場，美國經濟承唔承受到係後話。 Chase又話，美匯指數自之前高位110水平顯著回落，由於特朗普加關稅行動令市場失望，美元依家處於整固階段，估計美匯指數係107.5水平有一定支持。 |
|
| 陳欣 |
2025-01-14T18:10 |
美匯指數昨晚(13日)已突破110水平，衝上逾兩年高位，今日(14日)傳出美國候任總統特朗普(Donald Trump)經濟團隊係加關稅方面有新構思，將會以漸進方式加關稅，每個月加2%至5%，可以增加談判籌碼慨同時，又可避免通脹急升，呢個傳聞可唔可幫美元及債息降溫？美國生產物價指數(PPI)及消費物價指數(CPI)就快出爐，會點影響美匯指數走勢？ 連連STAR FX總經理陳欣指，市場認為，美國慨通脹預期好難降溫，甚至會反彈，如果特朗普一次過大幅加關稅，會令美國通脹及經濟面對好大壓力，最新傳出慨消息可以令關稅預期略為降溫，以及穩住投資者信心。 佢又話，如果核心CPI按年升幅可維持3.3%，而整體CPI好似非農數據咁強勁，聯儲局會再推遲減息，美元會繼續偏強，美匯指數將於109至110.5水平上落，若指數回落，估計係108.5水平有支持。 |
|
| 陳欣 |
2025-01-07T17:36 |
日圓今日(7日)早段一度跌至2024年7月以黎低位，日股收市就勁彈逾700點，不過，日圓係歐洲交易時段轉升，日本財務大臣加籐勝信警告，將會採取適當行動防止匯率過分波動，市場係咪擔心日本央行會出手干預匯市？ 連連STAR FX總經理陳欣指，日央行係2024年曾兩度出手，分別係日圓跌至160及162水平時，佢相信，未來當日圓見160及162水平，日央行好大機會出手，估計呢個水平係日央行慨底線。 Chase又話，日圓係美日息差繼持擴闊，以及日央行貨幣政策存在不確定性下，包括加息時間及幅度未明，日圓短期將持續偏弱，一旦日央行出手，日圓有機會反彈，但反彈力度有限，即使可以止跌，但未必可以由跌轉升，短線阻力睇155水平。 |
|
| 陳欣 |
2024-12-17T16:38 |
據《路透》引述消息人士指，內地明年預算赤字率或上調至4%，係有紀錄以黎最高水平，又指將會發行預算以外慨特別國債及專項債，希望擴大財政刺激作用，而明年經濟增長目標就維持約5%。消息傳出後，人仔反應唔大，未來人仔匯價又會點走？ 連連STAR FX總經理陳欣指，其實刺激政策及寬鬆力度都冇市場預期咁大，但中央主要係求「穩」，所以人仔匯價都相對平穩，唔會有太大反應。另一方面，中央及市場都觀望緊呢些政策慨成效，亦係人仔唔會有太大變化慨原因。 佢又估計，人仔短線仍會受壓，將會係7.3水平徘徊，而係美元有機會持續強勢，內地經濟又冇乜起色，人仔有機會跌至7.35水平。 |
|
| 陳欣 |
2024-12-10T17:57 |
中央政治局昨日(9日)開會，相隔14年再重提「適度寬鬆」貨幣政策，加上外貿表現麻麻，同埋中國10年期國債孳息率再創新低，理論上人仔應該會貶值，但點解離岸人仔今日(10日)一度轉強逾200點子？ 連連STAR FX總經理陳欣指，其實跟得貼慨投資者，早已察覺到中央想行返寬鬆貨幣政策，只係欠一個正式公布，所以某程度上已消化左呢個因素。 Chase續指，內地依家首要任務係谷內需，政治局會議亦強調要重點刺激內需，相信相關政策會繼續出台，若呢些政策有效，人仔有機會反彈，但短期而言，人仔會偏強，但唔會明顯轉勢，除非經濟數據明顯好轉，估計短線睇7.3，阻力位擺7.2。 |
|
| 陳欣 |
2024-11-26T17:46 |
特朗普(Donald Trump)未贏美國總統大選前，已經話一旦佢重返白宮，一定會加中國貨關稅，佢最新宣布「找數」，兌現競選承諾，特朗普指，佢明年1月20日就任後，即向中國進口貨加10%關稅，但同競選時所講慨60%相差一大截，但已令人仔跌至4個月低位，一度失守7.27，呢10%額外關稅會唔會只係「前菜」？人仔未來又會點走？ 連連STAR FX總經理陳欣指，對美國向中國貨加60%關稅有保留，因為會令美國通脹惡化，但佢唔排除今次呢10%只係一個開始，若特朗普上任後再逐步加關稅，人仔將進一步受壓。 Chase估計，人仔係美元強勢下，有可能下試7.3至7.35水平，並好大機會呈橫行格局。 |
|
| 陳欣 |
2024-11-12T18:51 |
泰國前財長吉迪拉(Kittiratt Na-Ranong)好大機會接任央行行長，吉迪拉一直不滿央行政策，泰國政府亦曾多次向央行施壓減息，如果真係由前財長接任央行行長，泰國係咪會加快減息步伐？泰銖係咪會繼續貶值？ 連連STAR FX總經理陳欣指，如果新央行行長同政府取向一致，減息步伐有機會加快，依家當地通脹低過目標水平，係有條件減息。 泰銖方面，特朗普(Donald Trump)所屬共和黨未來有機會主導兩院，若美元轉強，泰銖有機會加快貶值。不過，如果中國刺激經濟政策有效，當經濟好轉會帶動一眾亞洲貨幣造好。佢又話，泰銖中短線有機會進一步貶值。 |
|
| 陳欣 |
2024-11-05T16:41 |
總理李強在進博會講話時表示，對經濟復甦有信心，貨幣及財政政策都有較大空間。而人民幣離岸價今日(5日)報約7.1兌一美元，見約三周最強，人民幣進一步轉強空間有多大？ 連連STAR FX總經理陳欣指，市場憧憬中國貨幣政策或經濟刺激措施能夠帶動更多資金流入中國，所以人民幣受憧憬帶動，走勢一直強勁。即使特朗普(Donald Trump)勝出美國大選亦未必能夠令美元上升，所以人民幣中短線有機會進一步向上。 Chase續指，如果人民幣7.15至7.17水平有支持，不排除人民幣能夠進一步向上，而阻力位則在7至7.05。 |
|
| 陳欣 |
2024-10-22T18:09 |
美國聯儲局官員「放鴿」，市場上有交易員重新思考係咪對美國減息預期太大，債市即時有反應，多個地方慨債券被拋售，包括日債，日本10年期債息曾逼近1厘水平，見兩個半月高位，日圓應聲向下，一度失守151兌1美元水平，日本央行月底議息時係咪更加唔敢輕舉妄動？日圓失守150水平後，下一個支持位會係邊度？ 連連STAR FX總經理陳欣指，日圓短期走勢有較大壓力，主要係美元及美債息回升，加上一直主張緊縮貨幣政策慨首相石破茂近期口風有變，意味日央行短期內未必會加息，呢些因素都令日圓受壓，若日央行唔「出口術」又冇動作，日圓好大機會繼續跌，尤其日本經濟數據一般，出口又回落，都對日圓不利。 佢又話，日圓有機會試152，甚至155水平，阻力位就係145水平，並估計日圓短線偏弱。 |
|
| 陳欣 |
2024-09-24T17:46 |
澳元今日(24日)表現突出，內地今朝推出救市「組合拳」，到中午澳洲儲備銀行(RBA)一如預期維持利率不變，澳元升上68.6美仙水平，創今年新高。 連連STAR FX總經理陳欣指，雖然央行聲明偏「鷹」，但暫時仍企硬唔減息，其實政策層面對澳元有唔錯慨支持，所以澳元中短線有機會向上，但係68.7至69美仙水平有較大阻力，若成功突破，有力上試70美仙水平。 至於歐元及日圓交叉盤方面，Chase就話，如果美元下跌，會對歐元有好大支持，所以澳元兌美元上行機會大過澳元兌歐元，因此建議歐元睇直盤。 |
|
| 陳欣 |
2024-09-03T17:41 |
美國周五(6日)會出非農就業數據，匯市暫時變動唔大，日圓暫時企係兩周高位，即146至147水平，日本及美國今個月都會議息，有分析指，日本央行有機會加息，若美國聯儲局減息，日央行加息，係咪會利好日圓表現？ 連連STAR FX總經理陳欣指，美國9月肯定會減息，日本亦有機會加息，通脹數據係可以支持日央行加息，但服務業及製造業開始恢復擴張，如果咁快再加息，或會打斷復甦慨持續性，對經濟發展造成一定壓力。 Chase續指，日圓7月至今已升左唔少，暫時係140至142水平有較大阻力，若美國非農數據差，日圓有機會出現突破，中短線睇150水平。 |
|
| 陳欣 |
2024-08-27T18:02 |
據最新期權押注顯示，交易員對英鎊慨睇法係2020年以黎最牛，過去5日，英鎊係十國集團(G10)貨幣中升幅最大，市場似乎博美國9月一定減息炒起英鎊，但英鎊過去兩周累升逾3%，衝上兩年高位，但係1.321水平似乎有阻力，利好因素反映曬未？仲有幾多水位？ 連連STAR FX總經理陳欣指，由於英國通脹較頑固，英倫銀行可能要押後減息，所以英鎊有機會再升。此外，現時英國經濟唔錯，第2季國內生產總值(GDP)有增長，製造業或服務業採購經理指數(PMI)都持續向上，都會支持英鎊向上。 技術走勢方面，陳欣指，若英鎊可以上到1.32，短線好大機會見1.34水平，相反，如果突破唔到1.32，可能會出現整固，若1.305水平搵到支持，加上基本因素理想，相信英鎊可以保持升勢。 |
|
| 陳欣 |
2024-07-09T17:13 |
紐西蘭央行將於明日(10日)公布議息結果，市場預期，央行將連續第8次會議按兵不動。不過，紐元兌美元今個月由0.6逐步轉強至0.61以上，最新報0.612，除美元轉弱外，係咪反映市場認為當地息口會持續高企？ 連連STAR FX總經理陳欣預期，紐西蘭央行偏鷹，唔減息機會高達95%，預期可以支持紐元匯價，但紐元本身乏上升動力，主要受當地經濟疲弱及失業率回升等因素影響，短期可唔可以回升仍然係未知數。 Chase又指，睇返紐元技術走勢，0.62至0.62尾壓力好大，下方支持位暫時睇0.60尾。 |
|
| 陳欣 |
2024-06-18T17:19 |
早前，美匯指數由104水平，快速升至105水平，美國5月零售數據今晚(18日)出爐，市場預期，數據將會好過4月，係咪對美元有利？ 連連STAR FX總經理陳欣指，美國之前公布慨消費信心指數、首次申領失業救濟人數等數據都唔理想，拖累美元向下，若今晚出爐慨5月零售數據理想，會對美元有一定支持。 佢又指，歐洲選舉令政局變得唔明朗，加上歐洲央行開始減息，但美國聯儲局態度仍然「鷹派」，美元短線仍會偏強，估計美匯指數係104.5至105會有支持，阻力位就睇106.5水平。 |
|
| 陳欣 |
2024-06-04T17:24 |
日本財務省早前公布，過去1個多月大灑約627億美元穩定日圓匯價，係有紀錄以來最大規模。財務大臣鈴木俊一首次承認有出手干預匯市，並指上月行動有一定效果。 鈴木俊一發表講話後，日圓匯價略微反彈至155兌1美元水平。不過，以目前日本經濟及通脹來看，市場預料日本央行短期冇咩可能加息。連連STAR FX總經理陳欣亦認為，美國聯儲局慨減息預期一再推遲至11月或以後，相信日圓係第3季繼續疲弱。 Chase又話，暑假要去日本旅行唔使急住唱Yen，指日圓兌美元好難跌穿160慨日央行底線水平，只要匯價接近156至158都係唱Yen良機。 |
|
| 陳欣 |
2024-05-14T17:53 |
美國聯儲局副主席傑斐遜(Philip Jefferson)指，應維持現時慨利率水平，直至通脹顯著回落。雖然市場預期明晚(15日)公布慨通脹數據持續高企，但油價暫時呈橫行格局，加上美國唔少數據顯示經濟有放緩跡象，聯儲局年底前仍有望減息？美匯指數係105似乎有支持，後市係咪會繼續橫行一段時間？ 連連STAR FX總經理陳欣表示，其實聯儲局都估計唔到通脹幾時顯著放緩，所以幾時減息仲要睇多些數據，明晚出爐慨通脹、零售銷售數據都好重要，再評估美元會點走，但局方一些鷹派慨講法已price in左係匯價，不過，即使美元持續強勢，美匯指數上到前高位106.5後，要再上難度就較高，下方支持就睇104至104.5。 |
|
| 陳欣 |
2024-05-09T17:37 |
英倫銀行今晚(9日)會公布議息結果前，英鎊係1.25以下水平徘徊，市場預期，英倫銀行會按兵不動，但隨著當地通脹持續降溫，市場觀望英倫銀行會唔會釋出更多提前減息訊號，一旦英國早過美國減息，係咪更不利英鎊走勢？ 連連STAR FX總經理陳欣指，如果睇返英國慨經濟數據，英倫銀行係有需要減息，而官員之前亦發表鴿派講話，佢估計，今個月應該唔會減息，但最快6月有機會減息，佢又話，要留意今次投票結果，睇下會唔會多左委員支持減息。 英鎊方面，陳欣就話，5月表現一般較弱，而過去幾個月英鎊都係反覆偏弱，如果短線升唔穿1.25，有機下試1.23，上方阻力就睇1.266。 |
|
| 陳欣 |
2024-05-07T17:38 |
澳洲央行一如預期維持利率不變，已連續第4次會議按兵不動，值得留意係，將減息從今年預測中剔除，暗示2025年中前都未必會減息。澳元隨即失守66美仙，紐元亦回落至60美仙水平。點評估今次議息結果？澳元後市又會點走？ 連連STAR FX總經理陳欣指，今次澳洲央行議息結果未夠鷹，當地通脹偏高，甚至更有機會進一步升溫，但係議息結果暗示今年都唔會加息，為澳元帶黎壓力。 Chase又指，由於澳洲國內生產總值(GDP)萎縮、消費疲弱、借貸成本高，係咁多不穩定因素影響下，澳元只能見步行步，佢估計，澳元難突破67美仙，短線會反覆橫行震盪，支持位可以睇64美仙。 |
|
| 陳欣 |
2024-04-30T18:02 |
日圓今個月以來累計貶值逾4%，表現係十國集團(G10)貨幣中最差，昨日(29日)一度失守160兌1美元，但之後急速反彈至154水平，最新係156.7水平上落。 連連STAR FX總經理陳欣表示，日圓大幅波動令市場猜測日本央行已低調出手，雖然日本負責外匯事務最高官員神田真人對此「不予置評」，但指當局已做好24小時隨時採取行動干預匯市慨準備。佢續指，另一個可能係美國商品期貨交易委員會(CFTC)一個頗高壓慨淡倉，趁日圓匯價觸及160水平慨時候平倉。 Chase認為，單靠政府出手干預匯率對日圓走勢影響唔大，而日匯貶至160係日央行慨底線，預期下次議息或有大動作，提出減少買債規模先有機會穩定到匯價。佢預期，日圓兌美元匯價短線阻力位係154，支持位160。 |
|
| 陳欣 |
2024-04-16T17:20 |
內地今早(16日)出左首季經濟增長、零售及固投等數據，雖然經濟增長超預期，但零售增長差過預期，數據出爐後，離岸人仔一度轉弱至7.283，跌至4個月低位，其後搵到支持。摩根士丹利最新估計，美國聯儲局推遲減息，亞洲央行有可能跟隨，人仔後市會點走？ 連連STAR FX總經理陳欣指，雖然內地經濟增長好過預期，但市場關注慨房地產數據仍弱，加上零售及工業生產都弱，人仔繼續反覆偏弱，而中美息差持續擴闊，以及日圓愈跌愈有，都不利人仔走勢。Chase估計，離岸人仔短線係7.3水平會有支持。 |
|
| 陳欣 |
2024-03-05T18:18 |
十四屆全國人大二次會議今日(5日)開幕，國務院總理李強係政府工作報告中預期，今年經濟增長目標約5%，市場認為呢個目標進取，經濟增長要達標，貨幣政策要點樣配合？人仔未來走勢又係點？ 連連STAR FX總經理陳欣指，由於今次有大規模刺激政策出台，估計經濟增長可「保5」，並有助人仔走強，雖然寬鬆貨幣政策持續不利人仔走勢，但長遠而言，人仔匯價仍有國家工具支撐，應該可以穩守7.25水平。 Chase又預期，一系列政策出台後，內地經濟可望回暖，長線黎講，人仔會強返少少，短線就要視乎美國聯儲局會唔會減息，估計人仔會係7.15至7.25水平上落。 |
|
| 陳欣 |
2024-02-27T17:46 |
日本今早(27日)出左1月通脹數據，核心消費物價指數(CPI)升幅放緩至2%，但仍高過市場預期，符合日央行目標，令市場押注日央行最遲6月，甚至之前會結束負利率政策，日本2年期國債息升至2011年高位，黎緊仲要留意工資薪酬談判「春鬥」係咪連升第2年，日圓會升到邊個水平？ 連連STAR FX總經理陳欣認為，「春鬥」係十分重要，因為日央行曾提及，若今年工資增長理想，就可以提升當地消費力，透過消費繼續谷起經濟，唔使再行超寬鬆貨幣政策，日圓有機會出現唔錯慨反彈。 不過，要留意美國聯儲局係咪咁早減息，由於美債孳息持續高企，導致日圓持續弱勢，限制左日圓上升空間。 |
US Bonds |
| 陳欣 |
2024-02-20T17:47 |
據《彭博》今日(20日)報道，雖然市場預期美國聯儲局今年會減息，但投資者及企業仍不斷將手持慨現金，投入美國貨幣市場基金，年初以來，貨幣市場基金規模已增加1280億美元，似乎反映投資者或企業押注局方或要到5月，甚至6月才減息？美元後市會點走？ 連連STAR FX總經理陳欣指，美國1月消費物價指數(CPI)高過預期，相信當地冇咁快可以回落至聯儲局目標水平之餘，甚至有可能反彈。佢又認為，美國通脹有機會持續高企一段時間，投資者必須留意。 Chase續指，由於美國經濟仍然唔錯，聯儲局似乎冇減息慨迫切性，估計最快5月、6月先有機會減息，因此，美元暫時都會比較強勢，美匯指數會係103.5至104上落。 |
USD , USD |
| 陳欣 |
2024-01-23T18:07 |
【Now財經台】有經濟學家預期，4月系日本央行取消負利率政策最佳時機，屆時日央行有時間評估年度薪酬談判結果，系咪真系要等到4月？日圓最新略為轉強，係148水平爭持，若短期仍未取消負利率政策，日圓會唔會見150？ 連連STAR FX總經理陳欣指，日央行全票通過維持貨幣政策、前瞻指引不變，並調整經濟增長預測，反映央行需時觀察通脹及經濟發展情況。 此外，美國3月減息預期降溫，亦令日圓壓力增加，相信短期仍較弱勢，Chase又認為，日圓今季難望回升，中短線料於140至150水平徘徊。 陳欣 樂天證券香港銷售總監 |
|
| 陳欣 |
2024-01-16T18:05 |
【Now財經台】德國昨晚(15日)出左最新國內生產總值(GDP)數據，2023年第4季及全年都收縮，但歐元噚晚反應唔算太大，到今日(16日)亞洲交易時段先有較明顯反應，兌美元由1.095回落至1.092，系咪因為歐洲央行官員近日放鷹，所以歐元先頂得住？ 連連STAR FX總經理陳欣指，美元彈唔起，加上市場對美國聯儲局減息時間慨預期有變，都對歐元帶黎短暫支持，雖然經濟數據差，但歐央行一直放鷹，尤其最近出爐慨通脹數據反彈，都對歐元有支持。雖然歐元由上季到依家慨走勢反覆，但仍然系一個反彈或向上慨趨勢，若短線可以守住1.08，估計後市會反覆向上，但係1.12水平會有阻力。 陳欣 樂天證券香港銷售總監 |
USD , EURO , IPO , IPO |
| 陳欣 |
2023-12-19T16:27 |
【Now財經台】今年日圓系最弱勢慨G10貨幣，兌美元跌逾8%，日本央行(BOJ)最新無退出寬松政策，經濟師普遍預期，明年4月加息機會較高，日圓短線會唔會轉弱？下望邊個水平？ 連連STAR FX總經理陳欣認為，日圓過去幾個月最多升左7%，所以出現回套都正常。不過，市場每次都期望有驚喜，但最後落空，都令日圓難有進一步向上動力，所以短線轉弱慨可能性都大，但轉弱幾多就要睇市場會唔會再有預期、或者數據上會唔會睇到有影響。 不過，相信BOJ暫時都唔會有太多訊號，如果真系將貨幣政策正常化或加息，但日本政府債務龐大，占國內生產總值(GDP)慨120%以上，而日本市民慨房屋貸款利率系浮動，會加重負擔，呢個都系BOJ唔太願意轉變政策慨原因。暫時對日圓有支持動力慨因素都仲未真正見到，唔排除短線會回套多些，短線支持可能係145至146水平，阻力位睇之前到過慨140至141水平，如果BOJ取態唔變，相信呢些位都唔會咁容易突破。 陳欣 樂天證券香港銷售總監 |
USD |
| 陳欣 |
2023-12-05T18:46 |
【Now財經台】評級機構穆迪降中國評級展望至「負面」，離岸人仔應聲轉弱，消息對人仔走勢有幾大影響？ 連連STAR FX總經理陳欣認為，消息肯定對人仔有負面影響，但相信只系短暫，因為市場更關注中國經濟復蘇情況，呢個先系對人仔中長線走勢最重要慨影響。短線而言，若美元持續走強，或中美息差繼續擴闊，中國或會繼續減息降准，呢些都會限制左人仔升勢。 佢估計，人仔暫時會先調整，等埋美國今個星期出爐慨數據，睇下會唔會影響人仔走勢，短線7.1會有阻力，下望7.167。 陳欣 樂天證券香港銷售總監 |
China Econ , USD , Rating |
| 陳欣 |
2023-11-28T17:24 |
【Now財經台】澳元突破66美仙關口，升穿200天線，不過，澳洲10月零售銷售按月跌0.2%，差過預期，對澳元後市有咩影響？ 連連STAR FX總經理陳欣指，近期澳元非常強勢，大幅反彈，主要受惠於美元逐步轉弱，以及美債孳息回落。佢又話，澳洲通脹情況同其他國家唔同，美國、加拿大等通脹已回落至4％以下，但澳洲第3季通脹仍超過5%，市場預期，澳洲儲備銀行仍會加息，加上主席布洛克(Michele Bullock)講明唔排除再加息，都對澳元有支持。 Chase估計，澳元可上望67美仙呢個阻力，但如果冇其他利好因素支持，短期好難突破，中長線方面，澳元會係64.5至69美仙上落。 陳欣 樂天證券香港銷售總監 |
US Bonds , AUD , AUD , USD , AUD |
| 陳欣 |
2023-11-14T17:16 |
【Now財經台】日圓昨日(13日)再創33年新低，直迫152水平，但之後又彈上151.1水平，綜合市場分析，日圓反彈唔系日本央行(BOJ)出手干預，而系同美日期權有關，昨日有12億美元期權到期，明日(15日)更會有23億美元期權到期，媒體指呢些期權慨觸發(Trigger)價都系152，系咪要有心理准備日圓呢兩日會比較Chok？ 連連STAR FX總經理陳欣認為，影響日圓慨因素主要有兩個，包括美債孳息壓住日圓導致走勢偏弱，同埋日央行慨政策取向。佢又話，日圓今次見150，日央行都只系「出口術」，唔排除跌至152水平會進一步下試低位，估計央行底線係150至155。此外，日央行亦要睇經濟，日本國內生產總值(GDP)連續幾季都錄得正數，似乎唔需要再行寬松貨幣政策，但實際上制造業采購經理指數(PMI)低過50，貿易數據唔理想，日央行或透過寬松政策刺激經濟。 佢又指，若日央行取消債券孳息率曲線控制(YCC)政策，一旦債息扯高，政府慨債務支付成本就會上升，唔排除今年會維持超寬松貨幣政策，日圓就繼續係150水平波動。 陳欣 樂天證券香港銷售總監 |
US Bonds , USD , Expo , IGG , IGG |
| 陳欣 |
2023-11-07T16:07 |
【Now財經台】澳洲儲備銀行議息後宣布加息0.25厘，符合預期，系今年6月以來首度加息，之前4次議息會議都按兵不動，值得留意系，議息聲明字眼似乎轉鴿，系咪意味加息周期已經完結？澳元近幾日轉強，走勢會唔會被破壞？ 連連STAR FX總經理陳欣指，由於澳洲央行加息因素已反映係澳元上，所以不論央行系咪更鴿派，都唔會對澳元有支持。佢又話，雖然當地通脹高企，但其實已經回落緊，另一方面，如果央行繼續加息一定會影響經濟。 澳元方面，佢認為，短線支持因素已經冇左，但長線唔系冇支持因素，包括... 陳欣 樂天證券香港銷售總監 |
AUD , AUD , AUD |
| 陳欣 |
2023-10-31T16:13 |
【Now財經台】日本央行議息後維持負利率0.1厘不變，進一步提升債券孳息率曲線控制(YCC)政策彈性，10年期國債孳息上限冇硬指標，1厘只系作為參考來，又上調經濟及物價預測，議息結果公布後，日圓匯價顯著轉弱，於150兌1美元上落，有分析認為央行立場仍傾向「鴿派」。 連連STAR FX總經理陳欣指，日央行依家慨措施及政策唔符合市場預期，亦系日圓受壓慨主要原因，加上行長植田和男最新言論非常「鴿派」，甚至比議息前更鴿，因此，佢估計日圓有機會進一步受壓，再試150水平，但值得留意系，日圓每次去到150水平都會反彈，日央行好大機會真系有出手，佢估計，日圓係150至155有較大支持，阻力暫時睇147.5至148。 陳欣 樂天證券香港銷售總監 |
US Bonds , USD |
| 陳欣 |
2023-10-03T15:58 |
【Now財經台】澳洲儲備銀行議息後，一如市場預期維持利率不變，澳元兌美元隨即創今年新低，一度低見63.06美仙。外媒報道指，由於全球需求疲弱，導致煤價及天然氣價急挫，澳洲政府估計，當地出口盈利會大幅下滑，不論息差因素或出口表現都似乎都不利澳元，澳元系咪要繼續下試低位？ 連連STAR FX總經理陳欣指，雖然澳洲通脹反彈，但央行都唔敢加息，原因系經濟前景有重大不確定性，估計未來再加息機會唔大，加上美元實在太強，導致澳元下跌。佢又預期，澳元後市好大機會繼續向下，退守63.5美仙，如果美元持續強勢，甚至要下試63美仙。 陳欣 樂天證券香港銷售總監 |
AUD , USD , AUD , AUD , Expo |
| 陳欣 |
2023-09-26T19:14 |
【Now財經台】美國聯儲局官員再放鷹，預期年內會再加息1次，美國10年期國債息進一步升至4.55厘以上，再創16年新高，不過，據最新利率期貨顯示，聯儲局11月唔加息機會逾75%，反映年底前加唔加息仍有分歧，不過，美匯指數已突破105阻力，沖上106慨近10個月高位，美匯指數上望空間仲有幾多？ 連連STAR FX總經理陳欣指，能源價格上升導致美國通脹升溫，聯儲局會保持較鷹派態度，所以年內仲有機會繼續加息。美匯指數方面，依家已升穿106，若短線企得穩呢個位，唔排除可以挑戰106.5至107。 陳欣 樂天證券香港銷售總監 |
Energy , USD |
| 陳欣 |
2023-09-19T18:26 |
【Now財經台】歐元區即將公布8月通脹數據，美匯指數暫時企穩105，不過，係有「末日博士」之稱慨魯賓尼發聲後，歐元一度轉強，並逼近1.07水平，市場估計，歐元區8月消費物價指數(CPI)及核心CPI按年升幅跟7月持平，歐洲央行預期，今年通脹5.1%，明年目標系2.9%，年底前系咪要再加息？如果繼續加，就算美國再加息，仍有利歐元轉強？ 資深外匯分析師陳欣指，唔排除歐央行仲會加息，會令歐元有一定支持，而歐央行早前亦暗示加埋今次息就停手，由於歐洲經濟麻麻，尤其區內第1大經濟體德國陷入衰退，如果繼續加息，對區內經濟有好大打擊。 陳欣 樂天證券香港銷售總監 |
Roubini , USD , EURO |
| 陳欣 |
2023-09-12T17:29 |
【Now財經台】英倫銀行將於下周四(21日)議息，英國最新公布慨申領失業金人數按月只系增加900人，遠少過預期，有英倫銀行鷹派官員指，將利率維持係現水平，或會令通脹持續，英鎊由1.254轉弱至1.25水平，如果下周三(20日)公布慨消費物價指數(CPI)回落唔到，就業數據又理想，9月系咪好大機會加息？ 資深外匯分析師陳欣指，英倫銀行處於一個兩難局面，加息會影響經濟，但通脹持續高企，唔加息亦會影響經濟，另一方面，英國政府財政似乎出左問題，係咁多因素影響下，令英鎊支持力度較弱，1.25水平系較為關鍵，如果短期升唔穿，有機下試1.22水平。 陳欣 樂天證券香港銷售總監 |
GBP |
| 陳欣 |
2023-09-05T15:57 |
【Now財經台】澳洲儲備銀行議息後維持利率不變，結果出爐前澳元已偷步跌，由65美仙跌至64美仙水平，議息結果公布後變動唔大，當地第2季消費物價指數(CPI)開始回落，7月CPI更跌至年半低位，並重返去年5月開始加息前水平，但央行指高通脹仍會持續一段時間，或要進一步收緊貨幣政策，澳元後市會點走？ 資深外匯分析師陳欣指，澳洲央行之前持續加息慨效果已開始浮現，因為見到當地通脹不斷回落，但值得留意系，澳洲經濟有放緩跡象，失業率亦上升，所以央行必評估經濟可唔可以承受到再加息。 Chase又指，除左當地數據，中國經濟數據欠佳亦會影響澳元走勢，尤其是采購經理指數(PMI)，佢估計，澳元短期仍會偏弱，如果短期升唔穿64美仙，就會形成一個阻力。 陳欣 樂天證券香港銷售總監 |
AUD , China Econ , AUD , AUD |
| 陳欣 |
2023-08-31T17:54 |
【Now財經台】內地今朝出爐慨制造業采購經理指數(PMI)好過預期，但經濟動力仍然疲弱，離岸人仔今日一度轉強，之後走勢轉趨平穩，高盛指，人民幣加權貿易匯率每眨值7%，經濟增長就有望提升0.5個百分點，中央會唔會基於呢個原因唔會特別抗拒人仔貶值？ 資深外匯分析師陳欣指，數的確系咁計，但睇返全球經濟復蘇情況，增長比預期差，甚至有國家慨經濟陷入衰退，因為需求減少，即使幣值較弱，貿易出口量亦好難提升。 Chase認為，即使人仔持續貶值，對中國外貿未必有好大正面影響。不過，由於中央針對唔同行業推出政策，唔排除中國經濟中短期復蘇情況較之前理想。 陳欣 樂天證券香港銷售總監 |
RMB , China Econ , Sachs , Expo |
| 陳欣 |
2023-08-22T16:43 |
【Now財經台】各國債息持續攀升，日本10年期債息見0.66厘，日本央行應如何應對？ 資深外匯分析師陳欣指，上次調整YCC已經試左反應唔大，同埋日本央行行長話過貨幣政策唔會咁快正常化，仍然會維持超寬松貨幣政策。佢又話，日本之前調整貨幣政策原因系通脹數據高企，但最新通脹回軟，加上日本經濟改善，令日本央行冇乜誘因去調整貨幣政策。 Chase提醒，日圓近黎走勢較低，唔排除日本政府可能會係145至150位置再出手托匯市。 陳欣 樂天證券香港銷售總監 |
|
| 陳欣 |
2023-08-15T17:30 |
【Now財經台】受出口帶動，日本上季國內生產總值(GDP)按年增長6%，遠超預期，並連續3季錄得增長。不過，日圓延續噚日跌勢，今午一度低見145.8，點解日本經濟數據強勁，日圓反而系咁跌？ 資深外匯分析師陳欣分析指，雖然當地通脹早已超過2%慨目標水平，按道理日本央行需收緊超寬松貨幣政策控制通脹，但其實日本整體經濟唔系表面上咁好，最新入口、私人消費支出數據仍要跌，反映存在內需疲弱慨隱憂，貨幣政策突然轉向慨風險都幾大。佢估計，日央行會等到明年才調整貨幣政策，期間日圓都難以扭轉弱勢。 Chase又估計，日圓會繼續係145至150水平橫行，日央行之前係日圓貶值至145水平時出手干預，若當局係日圓跌至150水平再出手，日圓有望回升至介乎138至140水平，否則，或要係150徘徊一段長時間。 陳欣 樂天證券香港銷售總監 |
Expo |
| 陳欣 |
2023-08-01T16:02 |
【Now財經台】澳洲儲備銀行爆冷連續第2次會議維持利率不變，議息結果公布後，澳洲國債孳息及澳元齊齊受壓，3年期澳債孳息跌至近兩個月低位，澳元就一度跌至0.665美元水平，央行唔急於加息遏通脹，系咪反映經濟有隱憂？ 資深外匯分析師陳欣指，澳洲經濟數據如采購經理指數(PMI)都比較差，主要系當地不斷加息，對經濟帶黎負面影響，包括樓市表現不振，所以央行都要再觀察，睇下適唔適合再加息。佢又話，如果市場未來再炒加息，澳元有機會反彈，但0.69美元阻力非常大，而0.65至0.655美元會有支持。 陳欣 樂天證券香港銷售總監 |
AUD , AUD , USD , AUD |
| 陳欣 |
2023-07-25T16:32 |
【Now財經台】中央政治局會議後，人仔進一步轉強，不過，據外電報道，「幕後推手」其實系國有大行係在岸及離岸市場，沽美元推高人仔匯價。 資深外匯分析師陳欣認為，除左國家隊托價，政治局會議都系人仔顯著轉強慨原因，因為會議罕有提及要穩定匯率，有助鞏固投資者對人仔慨信心，加上會議內容坐實中央會係下半年推出多項刺激經濟政策慨預期，亦令市場對內地經濟復蘇有更大憧憬。 不過，Chase指出，會議內容反映中央傾向以務實措施谷經濟，當細節出爐後或令市場失望。佢預期，人仔短線急升後，未必會再大幅反彈，中短線將維持偶有反彈，但時時整固慨走勢，上方阻力7.1水平，下方支持7.25。 陳欣 樂天證券香港銷售總監 |
USD |
| 陳欣 |
2023-07-11T17:53 |
【Now財經台】美元轉弱，日圓轉強至140水平，升上近1個月高位，除左受美元轉弱帶動，同日股走勢都有好大關連性，日股上半年強勢，日圓就弱，走勢都幾同步，日股今個月反覆回落，日圓7月初開始逐步轉強，日股短線調整對日圓慨利好可以持續幾耐？ 資深外匯分析師陳欣指，日股早前轉強，主要系出口及制造業相關股份受惠於日圓弱勢，但最近日圓轉強，同美元及美債孳息率走弱有好大關系，若美元持續弱勢，日圓有機會走強。 Chase又話，要留意日本央行貨幣政策會唔會正常化，因為會影響日圓走勢。技術走勢方面，若日圓升穿140水平，可以上望137水平，否則，係145水平都有支持。 陳欣 樂天證券香港銷售總監 |
US Bonds , USD , Expo |
| 陳欣 |
2023-06-27T17:25 |
【Now財經台】人仔持續貶值，離岸價今朝一度跌至7.2495，見7個月低位，其後一度轉強近300點子，據《路透》引述消息人士指，國有大行係離岸市場拋售美元，紓緩人仔跌勢，系咪因為已迫近中央「底線」，所以國有大行焗出手？ 資深外匯分析師陳欣指，人仔貶值速度偏快，但到底系咪中央出手仲未能確認，歐美央行加息及內地經濟增長放緩，系系人仔貶值主因，佢估計，中央會繼續推出寬松政策刺激經濟，但有機會令人仔繼續貶值。 陳欣 樂天證券香港銷售總監 |
USD |
| 陳欣 |
2023-06-15T17:56 |
【Now財經台】歐洲央行今晚議息，市場預期將加息0.25厘，歐央行加息周期系咪會比美國長？歐元後市會點走？ 資深外匯分析師陳欣指，美國聯儲局可能繼續加息，會抵銷左歐央行一直相對鷹派慨態度，歐元升至現水平會開始缺乏上升動力，佢估計，歐央行今晚好大機會加息0.25厘，並唔排除之後會再加，但加幅未必會好大。 Chase解釋，歐元區過去兩季國內生產總值(GDP)都錄得負增長，已陷入技術性衰退，所以經濟數據未必可以支持到歐央行繼續加息，佢預期，歐元走勢橫行偏強，短線支持位睇1.08水平。 陳欣 樂天證券香港銷售總監 |
EURO |
| 陳欣 |
2023-06-13T17:36 |
【Now財經台】日本央行周五(16日)會公布議息結果，市場預期，指標利率會維持不變，日央行行長植田和男現階段無意透過調整國債孳息曲線收窄市場流動性，雖然日本第1季經濟增長好過預期，但工資仍然疲弱，令日圓冇大上大落慨誘因，短期系咪繼續係140水平上落？ 資深外匯分析師陳欣預期，日央行會維持貨幣政策不變，因此，對日圓影響唔大，日央行曾經係日圓見141水平時「出口術」干預，令日圓係呢個水平有支持，佢估計，日圓中短線會係138至141波動。 陳欣 樂天證券香港銷售總監 |
Expo |
| 陳欣 |
2023-06-06T17:55 |
【Now財經台】美國債務危機暫時解除，噚晚隨即有新一批國債拍賣，系以短債為主，拍賣反應理想，之前因為債務上限問題，投資者唔敢沾手短債，導致短債息急升，依家債務問題暫時解決，資金會唔會重新流入債市，繼而令債息回落？ 資深外匯分析師陳欣指，如果有大量資金流入債市，債息先會回落，但值得留意系，會唔會因為有股市或銀行資金流入債市，令流動性問題重現，影響整個金融市場，到時有可能加快美國經濟陷入衰退慨機會。 陳欣 樂天證券香港銷售總監 |
Capital Flow |
| 陳欣 |
2023-05-30T19:02 |
【Now財經台】人仔近排非常弱勢，離岸人仔今日中午前曾失守7.1水平，跌至近半年低位，係內地經濟復蘇不確定性增加下，人仔系咪有機會跌至去年10月底慨低位？ 資深外匯分析師陳欣認為，人仔弱勢主要系美元走勢較強，加上內地經濟數據表現唔突出，某程度上甚至令人失望，令經濟復蘇預期不及之前理想，導致人仔持續弱勢。美元方面，佢話加息預期再升溫，令美元走強，令中美利差持續擴闊，人仔優勢自然減少，如果人仔上唔返7.1水平，唔排除會持續弱勢。 陳欣 樂天證券香港銷售總監 |
USD |
