| Commentator |
Time |
Content |
Tag |
| 文錦輝 |
2024-08-20T18:04 |
近期唔少大宗商品價格向下，包括鋁、銅等，但金價表現一枝獨秀，現貨金價升至每盎司2500美元，如果想投俱黃金，可以吼邊個位買入？ 艾德金融期貨主管文錦輝表示，美國快將啟動減息周期，會有利商品期貨，減息前有好多因素，例如美元強、內地經濟復甦不似預期及地緣政治緊張等，令黃金避險作用更大，帶動價格不斷向上，近日更借日圓拆倉潮衝破2500美元。 Felix又指，若金價可企穩2500美元樓上，可唔可以進一步突破2530美元，就要睇市場需求，投資者可以考慮係2480美元水平買入，年底上望2700美元。 |
|
| 文錦輝 |
2023-01-04T11:03 |
【Now財經台】噚日有本地媒體報道，港府最快於今日交代通關安排，不過，內地最近幾日出爐慨經濟數據及旅游消費數字都麻麻，全球多地又進一步收緊中國旅客入境限制，野村首席經濟學家陸挺更直言，即使內地如期開關，對出入境復蘇推動作用暫時系有限，即使本港跟內地如期周日通關，短期利好因素其實系咪已經消化及反映曬？ 艾德金融期貨部主管文錦輝指，通關消息其實都炒左兩個幾月，港股都升左唔少，雖然全球唔少國家都開始疫後重啟經濟，但要見到經濟反彈都需要一段時間，中國慨情況都一樣，要等到60%至70%人口感染過，同埋確認對醫療系統影響唔大，先可以開始講復常，內地放寬防疫措施後，感染個案激增，導致旅游出行、連輸活動、商業活動突然中斷，而官方去年12月慨PMI都反映形勢惡化，佢估計，內地經濟復蘇仍需時。 文錦輝 艾德證券期貨投資策略總監 |
Stock |
| 文錦輝 |
2022-12-28T10:51 |
【Now財經台】雖然內地疫情升溫，但有關部門連續兩日公布放寬及撤銷多項防疫措施，基本上已經全面開放，之前大行估計內地最快要3月後才全面開關，睇返依家慨情況，似乎比市場預期早。 艾德金融期貨部主管文錦輝指，市場原本預期農歷新年後先會逐步開放，但呢兩日突然宣布明年1月8日全面通關，消息會對整個市場帶來沖擊，雖然系好消息，但市場對國內疫情由全面封控到全面開放，始終需要一些時間適應。 Felix又話，開放消息一定會利好通關概念股，不過，呢類股份之前可能已炒左一浸，依家要留意通關後... 文錦輝 艾德證券期貨投資策略總監 |
|
| 文錦輝 |
2022-12-14T10:47 |
【Now財經台】美國上月核心通脹回落至15個月以來最低水平，放緩幅度亦大過預期，市場觀望聯儲局係本港時間周四凌晨慨議息會議後，會唔會「放鴿」。 摩根大通就議息會議分析唔同結果對股市慨影響，最樂觀情況下聯儲局會加息0.5厘，若主席鮑威爾口風轉鴿，預期美股會升10%至12%。若加息0.5厘，但繼續「放鷹」，料美股會升4%至5%。至於最壞情況下會加息1厘兼「放鷹」，美股可能跌6%至8%，甚至下試年內低位。 艾德金融期貨部主管文錦輝認為，雖然美國通脹進一步降溫，但被聯儲局視為通脹指標慨個人消費開支(PCE)指數，上月仍未跌至當局預期慨2%目標，因此，估計聯儲局聽日會宣布加息0.5厘，並釋出偏鷹訊號。 Felix又預期，美股明年1月或要試低位，因屆時美國企業公布慨第4季業績好可能進一步轉差，建議想入場慨投資者再等一等。長遠而言，佢認為經濟衰退好大機會係明年中出現，亦不利美股明年表現。 文錦輝 艾德證券期貨投資策略總監 |
US Stock |
| 文錦輝 |
2022-12-08T16:44 |
【Now財經台】紐約期油及倫敦布蘭特期油價格跌至近1年低位，今年升幅已經化灰，據美國能源資訊署(EIA)數據顯示，美國原油庫存大減，但汽油及蒸餾油庫存升幅遠超預期，油價系咪已經炒完？亞洲經濟復蘇會唔會對油價有支持？ 艾德金融期貨部主管文錦輝指，市場預期經濟衰退，加上俄羅斯出口石油被歐盟成員國限價，令油價受壓，油價有冇支持就要留意石油輸出國組織及盟友(OPEC+)，點樣協調因俄羅斯出口石油禁運令轉移過黎慨定單，依家紐油跌至每桶70美元至85美元慨區間底部，如果投資者想買入博反彈，一旦跌穿70美元就要止蝕。 Felix又話，中國由復常至復蘇呢段路仍然好漫長，估計需時3至6個月，相信到時會對油價有支持。 文錦輝 艾德證券期貨投資策略總監 |
Oil , Energy , USD , Expo |
| 文錦輝 |
2022-12-07T15:04 |
【Now財經台】華爾街3家大行CEO警告，美國經濟明年有衰退風險，其中摩根大通CEO戴蒙指，美國消費者及企業正處於良好狀況，但情況可能唔會持續太耐，又話即使聯儲局加息加到至5厘，都唔足以遏制通脹，面對經濟衰退風險，美股會唔會再轉勢？ 艾德金融期貨部主管文錦輝指，如果真系衰退，可能系6至9個月之後，股市震一震之後，系咪會一沉不起？到底聯儲局接連加息後，佢地有冇信心控制到通脹？如果聯儲局認為通脹會逐步降溫，投資者唔需要太擔心，聯儲局明年最多只加息3次，1次加0.5厘，另外兩次就加0.25厘，到時可以留意經濟系咪出現衰退，如果冇出現就唔需要太擔心，美股係12月因為Christmas Rally多數會造好，但明年第1季會淡少少，美股呢兩日跌返落黎，但都唔使太擔心，其實道指係34000點、35000點系有些高。 文錦輝 艾德證券期貨投資策略總監 |
US Stock |
| 文錦輝 |
2022-12-06T11:57 |
【Now財經台】摩根士丹利策略師Michael Wilson又唱淡美股，建議投資者先行獲利，又話標指引伸出黎慨下降軌仍完好無缺，美股後市會點走？今個月會唔會出現Santa Rally？ 艾德金融期貨部主管文錦輝指，道指年初都跌左唔少，去到年底就買返一浸上去，如果想部署明年淡倉，唔使太心急，建議投資者先留意呢浸粉飾櫥窗會拉到個市幾高，1月先開始做部署，因為近期美國各項經濟數據都唔差，除左感恩節，如果聖誕節零售銷售都理想，有機會吼1月係高位開淡倉。 佢又話，明年美國或環球經濟幾時陷入衰退仲系未知數，但第1、第2季出現似乎言之尚早。 文錦輝 艾德證券期貨投資策略總監 |
US Stock |
| 文錦輝 |
2022-11-30T11:41 |
【Now財經台】恆生指數今個月暫時累升約24%，跑贏全球主要市場，噚日系期指結算日，恆指更沖破18000點關口，收市可以企穩係18000點樓上，呢浸升浪可唔可以延續至12月？ 艾德金融期貨部主管文錦輝指，一般而言，環球股市係11至12月走勢偏旺，而美股係10月亦破左「股災月魔咒」，相信12月會繼續造好，有利港股升勢。 Felix又提及，港股噚日走勢同10月期結日升勢類似，恆指10月累升逾3000點，即使打個折扣，11月埋單或累升約2000點，而未升足慨幅度會係12月繼續。 展望12月，佢預期恆指突破18400點，即100天線後，仍有1000點上升空間，而大市係聖誕節前1周左右，市況就會轉為淡靜。 此外，MSCI各指數及恆指將會係下星期一(12月5日)換馬，Felix話，資金亦會相應調整部署，有機會買高左及支持恆指向上。 文錦輝 艾德證券期貨投資策略總監 |
Stock , HANG SENG BANK , US Stock |
| 文錦輝 |
2022-11-23T11:21 |
【Now財經台】美團(03690)股價已連跌兩日，噚日下晝突然急挫，一度瀉10%，原因系市監局擬修訂針對數字經濟慨反不正當競爭法公開征求意見，經營者唔可以利用數據、演算法、技術等影響用戶選擇，美團股價即時有反應，但呢個影響會持續幾耐？平台經濟監管未來會點發展？ 艾德金融期貨部主管文錦輝指，呢些監管其實無可厚非，因為唔少電商都系利用收集返黎慨大數據誘導消費者消費，所以提出監管系一件好事，相信對平台經濟影響唔會好大，始終中國人口龐大會帶來一定經濟收益，依家提出清晰慨監管，美團可以避免將來「踩界」被罰。 Felix又稱，美團今個星期五出業績，估計表現唔差，由於美團係國內冇同類競爭對手，可以保持龍頭位置，前景相對樂觀。 |
|
| 文錦輝 |
2022-11-15T11:33 |
【Now財經台】內地連出16招救內房，更刺激內房及物管股股價連日飆升，其中碧桂園(02007)趁股價大舉反撲宣布配股集資，籌近39億元，主要用黎還債，碧桂園係呢個時候「抽水」系咪合理？其他有集資需要慨內房，系咪會排住隊配股集資？ 艾德金融期貨部主管文錦輝話，碧桂園配股時間拿捏得岩岩好，中央星期日推出政策，碧桂園隨即宣布配股，不過，如果其他內房效法碧桂園，市場岩岩「食」完碧桂園，未必再有咁多資金買入其他內房股，但無可否認，今次慨政策的確比到房地產行業一個喘息機會，佢又估計，如果大市未來可以繼續企穩17600點樓上，唔排除有其他內房或物管股配股集資。 |
China Real Estate , COUNTRY GARDEN , Real Estate , Real Estate , IPO |
| 文錦輝 |
2022-11-09T10:32 |
【Now財經台】美國中期選舉結果公布前，美股連升3日，道指一度升逾500點，收市升300幾點，報33160點，至於美匯指數就連跌3日，失守埋110水平，一度觸及7周低位。 艾德金融期貨部主管文錦輝表示，近日升市似系借消息高位出貨，話道指隔晚曾跌至日內低位32800點水平後，先係收市前反彈，而33000點系呢輪波幅區間頂部，提醒投資者小心高追風險。 Felix唔認為美匯指數已見頂，指聯儲局短期息口趨勢未變，美國2年期同10年期國債仍處高位，如果一有議息消息，美金對投資者慨吸引力又會上升。佢預期除非美匯指數跌穿109.5，否則會繼續於110至112區間上落。 文錦輝 艾德證券期貨投資策略總監 |
US Stock , USD , EVERCHINA INT'L |
| 文錦輝 |
2022-11-02T11:28 |
【Now財經台】噚日市傳內地成立小組評估各種通關情景，目標系明年3月重新開放，刺激港股一度飆逾900點，重上10天線，雖然外交部其後回應指，唔了解相關消息，但收市仍大升逾700點。 艾德金融期貨部主管文錦輝指，市場依家唔需要印證消息真假就炒返起港股，加上近期咁岩都係台風日暴升，認為投資者要留意恆指接近15600點，即10天線水平後，上升動力或會減慢。 至於依家系咪適合開定淡倉？Felix表示，現時人民幣匯價跌勢未止，預期年底前大機會跌至7.5兌1美元，相信港股今年余下時間都好難有運行，但由於恆指波幅可達500至600點，建議可以係10天線水平小注開淡倉。 文錦輝 艾德證券期貨投資策略總監 |
Stock , RMB , USD |
| 文錦輝 |
2022-10-26T10:45 |
【Now財經台】美股連升3日，納指、道指、標指3大指數累升5%至6%，艾德金融期貨部主管文錦輝表示，呢輪反彈除左逆向炒經濟數據轉差，聯儲局可以放慢加息步伐，亦似系投資者一如以往趁美國舉行中期選舉前先炒一浸。 至於Google母公司Alphabet及微軟業績遜預期，Felix就話，2只重磅股業績麻麻，加上唔少企業公布慨前瞻指引都睇淡前景，其實已經影響到市場信心。 Felix又稱，經濟數據唔對辦唔會影響聯儲局大幅加息遏通脹慨決心，市場亦早已預期下星期會再加息0.75厘，佢又話，道指已升到接近區間頂部，依家開始造淡差唔多。 文錦輝 艾德證券期貨投資策略總監 |
US Stock |
| 文錦輝 |
2022-10-19T11:08 |
【Now財經台】美股連升2日，前日全線大升後，噚晚開市沖高後轉弱，道指最多升652點，收市升337點，升幅被「腰斬」。 呢兩日好多大行都話，美股已去到重要技術支持位，高盛更建議吸納市盈率(PE)已調整夠慨小型股或周期股。不過，艾德金融期貨部主管文錦輝認為，現時唔適宜高追美股，並估計今輪反彈只因今個星期多左亞洲資金轉玩美股，留意到亞洲交易時段慨場外盤前交易買盤特別多。 Felix提醒，投資者要小心道指升到30000點樓上，就會有大量資金獲利回套，佢又指，傳統經濟股慨季績比科技股更受加息影響，如果手上慨傳統經濟股有反彈，建議短期換馬納指更值博。 文錦輝 艾德證券期貨投資策略總監 |
US Stock , IT , Sachs |
| 文錦輝 |
2022-10-12T12:20 |
【Now財經台】美國聯儲局大手加息預期升溫，美元獨強，美國10年期債息曾升至4厘水平，油價及金價回落，英鎊亦繼續跌，而日圓今朝一度見146水平，跌至24年低位，但大家都樂見日圓跌，因為日本開放自由行，好多人湧去玩，但系咪都要小心日本央行隨市入市干預？ 艾德金融期貨部主管文錦輝指，市場似乎等緊日央行出手干預，當市場一窩蜂買日圓等干預，肯定會殺多一浸，可能今次干預唔會係上次慨水平，即145左右，可能系接近147，一旦跌穿埋就會向150進發，就要睇日央行系咪繼續畀日圓貶值，呢個必須留意，但日央行噚日再重申貨幣政策會繼續超寬松，所以日圓繼續跌系正常。 文錦輝 艾德證券期貨投資策略總監 |
Gold , GBP , USD |
| 文錦輝 |
2022-10-06T18:44 |
【Now財經台】美匯指數自20年高位連日急挫，金價就借勢反彈，現貨金價由每盎司1615美元起步，1個星期已累升逾100美元，突破埋1680美元及1700美元兩大心理關口，依家係1720美元水平上落。 艾德金融期貨部主管文錦輝認為，近排冇咩利好金價慨消息，因為美國持續加息只會令美元持續走強，而美元已經取代黃金成為投資者首選慨避險資產，並指呢輪升勢似系單邊夾倉而起。 Felix預期，金價難升穿1733至1743美元區間，佢又話，如果金價回落到1710美元，好大機會繼續向下。 文錦輝 艾德證券期貨投資策略總監 |
Gold , USD , USD |
| 文錦輝 |
2022-10-05T11:30 |
【Now財經台】Tesla行政總裁馬斯克「彈弓手」，反口話會收購社交平台Twitter，消息一出，刺激Twitter股價抽升逾20%。艾德金融期貨部主管文錦輝認為，短期科技股會較傳統經濟股有更大反彈空間，因為實體經濟需較長時間復蘇，科技股只靠「故事」已經可以吸引投資者，加上科技股已經跌左好耐，佢認為，呢類消息可能會令港股慨科技股略為回暖。 Felix又預期，港股今日會跟外圍升，但成交未必配合到升勢，可能出現「逃生門」後就「彈．散」。佢估計，港股今日埋單最多升約800點，收市能企穩17600點已經唔錯，又話想趁低位反彈掃貨慨投資者，可留意港交所(00388)、匯豐控股(00005)。 |
HSBC HOLDINGS , Stock , IT , HSBC , HKEX |
| 文錦輝 |
2022-09-28T11:13 |
【Now財經台】隨著美國聯儲局今個月再加息0.75厘，拖累美股3大指數全部步入熊市，6月以來慨反彈浪升幅已全數蒸發，自高位回調21%至33%。美股仲有3個交易日就到雙重結算，展望第4季，系咪要進一步尋底？ 艾德證券期貨投資策略總監文錦輝指，暫時睇唔到美股有止跌跡象，而美國經濟下季好大機會陷入衰退，好多投資銀行都出報告，建議投資者減磅轉楂現金。佢又指，美股正式步入熊市，好多散戶會趁技術反彈沽貨套現，機構投資者同對沖基金又趁機造淡，加上投資者寧願將資金泊去美元，係欠缺新資金下，估計美股下季會繼續尋底。 港股方面，噚日市傳中央要求金融機構係「二十大」前要維穩股市，A股噚日收市全線造好，但港股只系尾市掉頭，收市僅微升5點。Felix認為，港股跌穿18000點後已不宜沾手，又話距離下個支持位15000點仲有好大下跌空間，建議等「二十大」完結，恆指上返18200點先考慮撈底。 文錦輝 艾德證券期貨投資策略總監 |
Stock , USD , US Stock |
| 文錦輝 |
2022-09-21T11:03 |
【Now財經台】美國聯儲局噚日起展開一連兩日慨議息會議，並於香港時間周四凌晨2時公布結果，美國係首日議息全線向下，債息就連續第2日抽升，美國2年期債息進一步逼近4厘，10年期債息就一度升穿3.6厘。商品方面，大宗商品及油價都要跌，金價就繼續向下。聯儲局今晚公布議息結果後，市場會點反應？ 艾德證券期貨投資策略總監文錦輝指，不論最終加息0.75厘，甚至1厘，其實都唔系太重要，市場最關心反而系聯儲局主席鮑威爾係會後記者會慨言論，如果佢「放鴿」，話加埋今次息，通脹似乎已見頂，未來會調整加息步伐及幅度，相信美股有機會反彈。 Felix又話，聯儲局為左遏通脹，不惜付出經濟代價，而加息慨影響已經開始浮現，一旦加息造成慨殺傷力太大，唔系咁容易解決。 文錦輝 艾德證券期貨投資策略總監 |
US Bonds , Gold , US Stock |
| 文錦輝 |
2022-09-14T11:16 |
【Now財經台】美國8月通脹按年升8.3%，高過市場預期8.1%，但低過7月慨8.5%，而撇除能源及食品價格慨核心CPI按月升0.6%，按年就升6.3%，亦高過預期，市場擔心聯儲局會大手加息，美股噚晚即時被震散，3大指數齊齊錄得2020年6月11月以黎最大單日跌幅，噚晚公布慨CPI數字系咪真系咁驚嚇？ 艾德證券期貨投資策略總監文錦輝指，美國通脹持續高企，其實市場唔需要覺得數據太驚嚇，不過，市場原本預期聯儲局今個月會加息0.75厘，但最新有大行估計，下星期會加息1厘，而今年仲有兩次議息會議，如果通脹太高而需要加息1厘就會震散個市。 佢又話，美國總統拜登近期推出唔少措施，目的系激活美國經濟，如果聯儲局真系加息1厘，唔止影響股市，亦有機會影響中期選舉結果。 文錦輝 艾德證券期貨投資策略總監 |
Energy , US Stock , Food |
| 文錦輝 |
2022-09-08T17:17 |
【Now財經台】隔晚美元及美債息雙雙回落，金價借勢反彈，一度逼近每盎司1720美元水平，不過，據世界黃金協會最新統計顯示，全球黃金交易所買賣基金(ETF)連續4個月錄得淨流出，系咪反映美元回落刺激金價反彈只系技術調整？ 艾德證券期貨投資策略總監文錦輝指，過往金價幾次落到1680美元後，都可以彈返上去，聯儲局官員表明會繼續加息遏通脹，後市可以先留意環球通脹有冇回落跡象，若通脹持續高企，英國等國家陷入經濟衰退慨機會愈來愈大，一旦出現滯漲，金價就會有支持，不過，投資者係貼近金價低位買入其實冇壞，不過，一旦錯過1700美元水平呢個入手價，下一站睇1735美元樓上。 文錦輝 艾德證券期貨投資策略總監 |
Gold , US Bonds , ETF , USD , HSCEI ETF |
| 文錦輝 |
2022-09-07T11:04 |
【Now財經台】美股周一因勞工節假期休市，噚日復市延續連跌3周慨弱勢，3大指數高開低走，道指收跌173點，標指就跌至7月以黎低位，納指更連跌7個交易日，美股今輪調整系咪仲未完？ 艾德證券期貨投資策略總監文錦輝指，歐洲能源危機愈演愈烈，持續困擾環球投資市場氣氛，加上聯儲局繼續「放鷹」，講明一定會繼續加息，美國債息又愈扯愈高，係環球股市震蕩下，資金都泊曬去美元，美元愈強，股市就愈壓愈低。 Felix又話，一旦標指跌穿3900點就好危險，因為依家距離聯儲局開會仲有3個星期，如果個市繼續跌落去，將會推低曬其他資產價格。 文錦輝 艾德證券期貨投資策略總監 |
US Stock , US Bonds , Energy , USD |
| 文錦輝 |
2022-08-31T11:06 |
【Now財經台】港股係噚日期指結算日向下，更失守20000關，截至噚日止，恆指8月累跌約1%或約200點，很大機會連跌兩個月，睇返過去10年慨9月，恆指6跌4升，聯儲局議息下個月會議息，加上人仔弱勢，港股9月會唔會連19500點水平都守唔住？ 艾德證券期貨投資策略總監文錦輝指，其實港股8月表現唔錯，雖然有軟銀減持阿里巴巴(09988)及「股神」巴菲特減持比亞迪股份(01211)等利淡消息，港股都只系跌咁少已經交到貨。佢又指，考慮到美股呢浸跌幅，加上人仔偏弱，佢估計，恆指今日可能跌得比較多，但應該少於600點。 Felix又預期，恆指9月有機會跌穿19500點，如果跌至19000點至19200點，甚至有機會再跌1000點，到時要留意會唔會出現技術反彈，上返20400點至20600點，如果係呢些水平冇力再上，投資者要考慮走貨或開淡倉，佢又建議投資者趁高減磅，同埋唔好心急撈底。 |
Stock , BYD COMPANY , ALIBABA , US Stock , IT |
| 文錦輝 |
2022-08-18T16:03 |
【Now財經台】美國上周原油庫存減少逾705萬桶，遠超市場預期，汽油庫存減幅亦遠大於預期，油價隔晚回穩。此外，紐約期油對倫敦布蘭特期油慨折讓擴大，帶動美國原油出口增至每日500萬桶，系有紀錄以來最多。不過，如果伊朗核談判可以達成共識，伊朗原油重返市場，呢個因素會唔會限制油價慨反彈力度？ 艾德證券期貨投資策略總監文錦輝指，要先厘清伊朗重返市場慨角色，系咪因為同俄羅斯傾唔掂數，要伊朗「放油」？其實市場經常傳出呢些消息，但就算伊朗供油，會唔會令油價每桶下跌10美元咁誇張？他認為呢個估計系有少少誇大。另一方面，伊朗系咪可以即時提升咁大產能，亦系一個問號，供應多左價格回落，但系咪有咁慨需求？佢認為，油價短期會係85美元至95美元上落，之前多次挑戰90美元都失敗，的確有些隱憂。 文錦輝 艾德證券期貨投資策略總監 |
Oil , USD , CARRIANNA , Expo |
| 文錦輝 |
2022-08-17T09:59 |
【Now財經台】企業業績好帶動道指再升，Walmart季度同店銷售好過預期，美股零售股ETF低位回升近30%，重返Walmart盈警前水平，現時美股係今次反彈浪中首度重上貪婪水平，網紅股BBBY等又炒上，究竟要點形容市場氣氛？ 艾德證券期貨投資策略總監文錦輝話，美股主要動力來自零售銷售，受Walmart之前盈警影響，市場較擔心美股表現，但結果Walmart業績勝預期及盈警時預測，加上Home Depot業績亦理想，投資者認為，零售銷售表現非如預期般遜色，所以美股可以繼續反彈。 Felix指出，美股三大指數都升穿關鍵位置，如果企業業績表現繼續對板，會睇好美股前景，建議唔好太心急做淡。 文錦輝 艾德證券期貨投資策略總監 |
Results , Earnings , US Stock , ETF , HSCEI ETF |
| 文錦輝 |
2022-08-10T11:03 |
【Now財經台】美國今晚會出通脹數據，加上半導體巿場傳來不利消息，美股3大指數噚晚全線受壓。美光下調季度收入預測，拖累股價挫近4%，由於行業前景唔明朗，令原本上月底大升10%慨費城半導體指數都要跌，晶片股未來系咪要繼續捱沽？ 艾德證券期貨投資策略總監文錦輝指，由於巿場擔心美國經濟衰退，導致晶片業訂單減少，不過，半導體屬於高端科技，其中新能源汽車對晶片慨需求好大，所以唔使擔心行業前景。 Felix又話，若通脹持續高企，投資者只會短暫沽科技股，長線而言，資金都會擺返落去增長股，所以現階段唔使心急入貨。 文錦輝 艾德證券期貨投資策略總監 |
Energy , IT , US Stock , New Energy Vehicles , New Energy |
| 文錦輝 |
2022-08-05T16:30 |
【Now財經台】紐約期油跌穿每桶90美元，系2月底俄羅斯入侵烏克蘭以來，首次失守呢個水平，倫敦布蘭特期油就跌至94美元，紐油本周暫時累跌10%，布油更累跌14%，有機會錄得前年4月疫情最恐慌後最大單周跌幅。 艾德證券期貨投資策略總監文錦輝指，市場睇到較大慨經濟體如中國及歐洲，制造業PMI表現麻麻，擔心未來能源需求會不斷減少，油價今個星期逐步係高位沽落黎，噚晚一度跌至87美元水平，如果後市上唔返94美元，有機會向下炒，加上英國衰退機會愈來愈大，油價一定會受壓。 文錦輝 艾德證券期貨投資策略總監 |
Oil , Energy , USD |
| 文錦輝 |
2022-08-03T11:01 |
【Now財經台】美國眾議院議長佩洛西慨專機噚晚抵台，中方隨即展開針對性反制行動，包括之後有實彈射擊軍演。投資市場方面，睇返佩洛西專機噚晚降落前後，中概股指數由跌轉升，台積電美股亦可以收復失地，新加坡恆指黑期一度反彈約300點，佩洛西今日繼續有行程，政治巿一向難估，應該點評估局勢變化？ 艾德證券期貨投資策略總監文錦輝指，佩洛西「落地」後，夜期都彈返高，但佢離開後就會開始緊張，佢又認為，今次系冇贏家，短期而言，台灣企業及經濟會有好大沖擊，而中美角力亦會持續，不過，政治市其實好快就會淡忘，下星期已經唔會再炒作呢件事。 Felix認為，踏入8月，恆指落到現水平，其實唔系跌左好多，香港環境唔系太差，內地亦只有內房有債務問題，其實唔少股票跌到現水平都有吸引力，不妨考慮係恆指19500點水平入手，一旦跌穿19000點就要先行離場。 文錦輝 艾德證券期貨投資策略總監 |
US Bonds , China Real Estate , Stock , US Stock |
| 文錦輝 |
2022-07-28T17:37 |
【Now財經台】俄烏上周簽訂谷物出口協議，烏克蘭可恢復谷物出口，加上內地以至巴基斯坦對小麥需求高，小麥期貨回穩至每蒲式耳800美仙，小麥期貨今個月曾見過750美仙水平，系咪已經見左近期低位？ 艾德證券期貨投資策略總監文錦輝指，其實一眾農產品近期都見過低位，依家借美元強勢可以上返高少少，所以唔建議過分睇淡小麥。佢又話，雖然烏克蘭可以恢復小麥出口，但出完呢一輪後，供應都會少左，Felix估計，小麥期貨第3、第4季仍會走高。 文錦輝 艾德證券期貨投資策略總監 |
Agricultural Products , USD , Expo |
| 文錦輝 |
2022-07-27T11:08 |
【Now財經台】Walmart發盈警震散美股，3大指數噚晚全線低收，不過，微軟及Alphabet兩大科企龍頭盤後造好，帶動美股指數期貨回升，其中以納期升得最靚，市場關注科網巨企係經濟衰退憂慮下，業績系咪可以持續交到貨？ 艾德證券期貨投資策略總監文錦輝指，Alphabet份業績系對辦，雲端業務亦有增長，所以唔使太擔心。美股噚晚肯定系畀Walmart拖累，始終Walmart系零售龍頭，如果今季及去到年底業績都唔好，投資者當然擔心，消費信心差，Walmart又唔掂，就會影響成個大市氣氛，加上聯儲局今晚會公布議息結果，既然前一日升左上去，不如先計一計數。 Felix又話，今次聯儲局應該加息0.75厘，但下一次加幾多，所以要留意今晚講咩，但強美元對美國整體企業盈利慨影響系不容忽視。 文錦輝 艾德證券期貨投資策略總監 |
Results , Earnings , USD , US Stock |
| 文錦輝 |
2022-07-20T10:43 |
【Now財經台】Netflix係噚晚美股收市後出季績，股價係出季績前已經造好，第2季流失97萬付費用戶，但遠勝市場預期，每股盈利亦好過預期，加上估計今季訂戶人數會回復增長，所以盤後再升多浸，市銷率(PS)只得2.5倍，系近10年最低，股價自52周高位回落左70%，跑輸曬美國大型科網股，呢份業績真系有咁大驚喜？股價可以彈到幾高？ 艾德證券期貨投資策略總監文錦輝話，Netflix之前兩次出完業績都跳懸崖式下跌，睇返噚晚慨走勢，美股今晚一定抽上去，有機會抽高40美元至50美元，要博就係場外交易時段，趁佢唔系升得好多，美股今晚開市抽上去就比返佢。 Felix又話，Netflix每次出業績都好驚嚇，好多投機買賣都集中係場外交易時段，或開市頭半個鍾，一見勢色唔對就要走，佢估計，Netflix今晚會有機會升70美元至80美元。 文錦輝 艾德證券期貨投資策略總監 |
Earnings , ETF , USD , US Stock , HSCEI ETF |
| 文錦輝 |
2022-07-14T19:09 |
【Now財經台】金價噚日低見每盎司1707美元後反彈，即使環球主要央行慨加息步伐似乎愈來愈快，金價暫時仲守到1700美元水平，金價上一次下試呢個水平，已經系舊年8月初，金價短期跌穿1700美元慨機會有幾大？ 艾德證券期貨投資策略總監文錦輝指，呢幾日美元走強，各央行接二連三咁加息，加上聯儲局月底好大機會加息0.75厘，當市場反映呢些因素時，金價未來幾日有機會跌穿1700美元水平，如果守得住就會抽返上去。 Felix又指，未來如果受經濟衰退、通脹夾擊，就會搵黃金對沖，因此，黃金慨沽盤會減少，同埋會有買盤係1720美元以下水平吸納，只要金價守得住1705美元至1710美元呢個支持位就冇問題。 文錦輝 艾德證券期貨投資策略總監 |
Gold , USD |
| 文錦輝 |
2022-07-13T11:11 |
【Now財經台】噚日傳出「股神」巴菲特可能部署減持楂住14年慨比亞迪股份(01211)，前日比亞迪仲同分析員開電話會議，話手頭定單涉及70萬架車，又計劃泵錢擴產能，同埋下半年開始向新能源車客戶提供電池，但呢些利好因素都不敵一個「沽貨疑雲」，比亞迪H股噚日收市大跌近12%，錄得逾年半最大跌幅，股價系咪會繼續「死火」？ 艾德證券期貨投資策略總監文錦輝指，傳出減持呢類消息，股價一定冇運行，不過，巴菲特都有減持其他股份慨前科，根據過往經驗，跌完好快就升返上去，即使巴菲特投資配置有變動，唔代表佢完全睇淡新能源汽車行業，如果巴菲特真系減持比亞迪，投行都需時處理，因為貿然沽出街系冇人接貨，不過，若減持部分配合配售，又搵到「新主人」，Felix認為唔使太擔心比亞迪股價。 |
Energy , BYD COMPANY , New Energy Vehicles , New Energy |
| 文錦輝 |
2022-07-06T10:51 |
【Now財經台】今年以黎，環球逾80間央行加息，其中G10央行今年加息次數系至少近20年以黎最頻密，同時，商品指數期貨走弱，反映23種商品期貨表現慨《彭博》商品指數跌近5%，回落至俄烏戰事前水平。 艾德證券期貨投資策略總監文錦輝指，現時只得加息可以控制通脹，而央行經常以寬松政策解決加息帶黎慨經濟衰退，造成死循環，與其一有事就印銀紙，各國應同時推出財政政策、增加基建激活勞工市場，環球經濟先有機會恢復。 Felix指，商品市場反彈慨機會唔細，建議投資者跌多1、2日先入市，止蝕定係近日低位，到穿左底再走都未遲。 文錦輝 艾德證券期貨投資策略總監 |
Infra |
| 文錦輝 |
2022-06-29T11:03 |
【Now財經台】美國6月消費信心指數跌至2021年2月以來最低水平，美股3大指數噚晚全線低收，其中道指曾升逾440點，但收市倒插近500點，美股一度自月中低位反彈，但之後又跌過，已補返一個下跌裂口慨美股，系咪只系熊市中彈一彈? 艾德證券期貨投資策略總監文錦輝指，睇返大行報告，去到第3季打後都睇得好淡，道指自32000點碌落黎，之後連30800點再穿埋，市場都冇咩信心，佢又話，噚晚出慨消費信心指數麻麻，雖然呢幾日有聯儲局官員出黎降溫，冇唱淡美國經濟，但投資者、股市就唔系咁睇，通脹高企，聯儲局持續加息，一定影響企業盈利。Felix仲話，債息上返，股市一落，資金會重返債市避險。 文錦輝 艾德證券期貨投資策略總監 |
US Bonds , US Stock |
| 文錦輝 |
2022-06-23T18:21 |
【Now財經台】紐約期油一度跌至每桶101美元，連同布蘭特期油齊齊失守100天線後喘定，紐油今個月暫時累跌9%，紐油上次跌穿100美元已經系個半月前，短線系咪要試一試100美元？ 艾德證券期貨投資策略總監文錦輝指，油價短短6、7個交易日已跌左逾20美元，原本市場焦點唔系放係經濟衰退，但見到聯儲局開始加息，聯儲局主席鮑威爾又話經濟可能陷入衰退，市場就開始擔心。 Felix又話，聯儲局之前已加息0.75厘，如果7月再加0.75厘，真系有機會令通脹降溫，如果油價急挫，通脹又降溫，聯儲局可能會放慢加息步伐，如果經濟動力唔夠，油價未必會一下升穿100美元。佢認為，如果投資者想入市，不妨等油價彈上110美元以上再考慮，現階段買入會有風險。 文錦輝 艾德證券期貨投資策略總監 |
Oil , USD |
| 文錦輝 |
2022-06-22T11:26 |
【Now財經台】市場消化左聯儲局加息引發衰退慨恐慌，美股噚晚復市回勇，3大指數收市升逾2%，不過，摩根士丹利警告，根據過往經驗量度跌幅，標指要跌到2900點先完全反映企業盈利收縮因素。此外，美國通脹持續高企，市場預期聯儲局會繼續大手加息，主席鮑威爾今晚會發表講話，系咪會繼續「放鷹」？ 艾德證券期貨投資策略總監文錦輝指，大部分大行都睇淡美股，傳統上，如果美股步入熊市，3大指數都要跌，依家標指、納指都「見熊」，只得道指仲有一線生機。 Felix又話，聯儲局遏通脹慨決心系好明顯，7月再加息0.75厘機會好大，又認為鮑威爾會繼續偏鷹，如果9月仲加0.5厘，加息幅度及速度都系超出市場預期，但仍要觀察加左幾次息之後，通脹系咪會回落，如果仍企係高位，可能要到第4季通脹先有反應。 文錦輝 艾德證券期貨投資策略總監 |
US Stock |
| 文錦輝 |
2022-06-16T18:01 |
【Now財經台】俄烏戰事除影響油價，亦影響農產品供應，小麥價格今個月一直係每蒲式耳1040至1100美仙上落，因為市場係度等緊消息，俄羅斯聲稱會為烏克蘭出口谷物慨船只提供安全通道，聯合國亦提出要掃除港口水雷，確保船只安全航行，小麥價格仲要橫行幾耐？ 艾德證券期貨投資策略總監文錦輝指，其實俄烏航道開通對供應幫助唔大，雖然農產品仍有存貨可以供應，但種植方面，俄羅斯及烏克蘭農產品供應，受制裁及戰事因素影響少左供應，情況或會令小麥價格持續高企，但估計唔會升得太高，原因系... 文錦輝 艾德證券期貨投資策略總監 |
Agricultural Products , Expo |
| 文錦輝 |
2022-06-15T11:18 |
【Now財經台】美國聯儲局將於本港時間周四凌晨公布議息結果，美股噚晚跌住等議息結果，道指收市跌過百點，標指連跌5日，續處於技術性熊市區間，不過，納指微升完場。市場估計，聯儲局加息會更激進，以遏制40年以來最高慨通脹，最終系咪會加息0.75厘，甚至1厘，還是爆冷僅加0.5厘？加幅對美股又有咩影響？ 艾德證券期貨投資策略總監文錦輝指，如果焦點擺係通脹，的確唔排除聯儲局會加息0.75厘，事實上，之前出爐慨消費物價指數(CPI)，睇到通脹一直居高不下，不過，睇返美國10年期債息，反映局方仍好大機會持續加息0.5厘，直至9月。 佢又話，依家市場預左聯儲局加息0.75厘，若最終只系加0.5厘，由於美股之前跌左唔少，應該會有反彈，但唔代表轉勢。 文錦輝 艾德證券期貨投資策略總監 |
US Stock , US Bonds |
| 文錦輝 |
2022-06-08T12:06 |
【Now財經台】上世紀70年代主要經濟體要快速加息遏通脹，美國經濟曾經有兩年錄得負增長，多國央行今年亦先後進入加息周期，亞特蘭大聯儲銀行最新估計，美國經濟今季僅增長0.9%，低過上周慨預測，如果預測持續下調，今季或會出現負增長，若經濟連續兩季收縮，就符合衰退定義，美國經濟前景系咪有好大隱憂？ 艾德證券期貨投資策略總監文錦輝指，用1970年比較就相隔太遠，依家慨高通脹「推手」包括寬松貸幣政策令大量資金湧入、供應鏈出左問題、環球央行對今輪通脹反應慢，相信係通脹高企下，央行會持續加息遏通脹。 佢又話，市場估計聯儲局9月後會放慢加息步伐，未來要留意加左幾次息後，通脹會唔會降溫，但要回落到聯儲局2%慨通脹目標就好難，除非每次加息0.75厘，雖然技術層面上可視為衰退，但相對其他經濟體，美國經濟仍然系較強。 文錦輝 艾德證券期貨投資策略總監 |
|
| 文錦輝 |
2022-06-02T17:58 |
【Now財經台】油價今日係亞洲交易時段顯著下跌，似乎系搶閘係石油輸出國組織(OPEC)今日開會前獲利，據外電報道，因應歐盟下俄油禁令，沙特已准備增產，而OPEC開會前俄羅斯外長又去過沙特，最新又話美國總統拜登准備訪問沙特，仲會同皇儲會面，除左產量問題外，仲有咩因素會影響油價走勢？ 艾德證券期貨投資策略總監文錦輝指，俄羅斯斷左歐洲天然氣供應，油價就會升，因為冇左天然氣就焗用其他能源，加上市傳年底俄羅斯90%原油唔可以經海路運去歐洲，一旦落實影響會好大，雖然仲要等OPEC開完會先有定案，但消息一出，油價已經碌返落黎，如果最終落實增產，即使油價跌，但相信唔會咁易跌穿每桶110美元。 文錦輝 艾德證券期貨投資策略總監 |
Oil , Energy , USD , IPO , IPO |
| 文錦輝 |
2022-06-01T12:07 |
【Now財經台】美股噚晚復市，3大指數係5月最後一個交易日齊受壓，展望6月，除左聯儲局有機會加息0.5厘，亦會開始「縮表」，之前局方收緊貨幣政策已引發市場憂慮，如果今個月加息兼「縮表」，環球股市隨時再出現震蕩，系咪一如摩根士丹利所講，美股會出現更深慨調整？ 艾德證券期貨投資策略總監文錦輝指，美股今年頭5個月已經調整左唔少，市場都預左會有一個反彈，直至上星期終於係連跌8周後出現反彈，但彈到去某一些位置，hit到一些差唔多要掉頭慨位，所以噚晚就有投資者「計數」，投資者要留意加息後，今個星期五出爐慨非農就業數據，如果表現對辦，遏通脹、加息對企業盈利影響唔大，就唔需要太擔心，但呢波似系反彈，多過轉勢掉頭向上。 文錦輝 艾德證券期貨投資策略總監 |
US Stock |
| 文錦輝 |
2022-05-26T17:46 |
【Now財經台】內地公布超過30項穩經濟措施，再開全國穩經濟大盤電視電話會議，但銅價都要向下，跌至9300美元一噸水平，美國經濟數據接連失色，及內地疫情為經濟增長帶來不確定性，似乎較難搵到利好銅價因素。 艾德證券期貨投資策略總監文錦輝指，美元高企，加上內地經濟較弱，都影響銅價表現。不過Felix預計，中國貨幣政策趨向寬松、刺激經濟財政政策或快將出台，銅價可能會拉上，若想睇好銅價，可以等紐約銅價升至4.3美元水平再作決定。 Felix補充，要銅價真正上升，內地最遲第三季經濟要有好表現，否則商品價格可能會有較大震蕩。 文錦輝 艾德證券期貨投資策略總監 |
USD |
| 文錦輝 |
2022-05-25T11:13 |
【Now財經台】市場憂慮科技股增長前景，美股噚晚走勢反覆，社交平台Snapchat母公司Snap發盈警，股價暴瀉43%，連招股價都穿埋，更拖低Meta、Twitter及Pinterest等相關股，而個別零售股如A&F業績後急挫28%，美股業績期慨壓軸業績大走樣系近年罕見，不過，道指一度挫逾500點，但收市倒升，係零售股業績並非一面倒失色下，美股系咪仲有一定韌力？ 艾德證券期貨投資策略總監文錦輝指，美股系有韌力，加上投資者對傳統經濟始終有些憧憬，但跌到現水平都唔敢買高估值慨科網股，反而會買返些傳統經濟股，所以道指就可以拗腰升返上去。 佢又話，市場上星期突然炒經濟衰退，爭相避開高風險資產，後市要留意聯儲局下次議息出完議息聲明後，會唔會有另一番景象。 文錦輝 艾德證券期貨投資策略總監 |
Results , Earnings , US Stock , IT , IPO |
| 文錦輝 |
2022-05-19T17:17 |
【Now財經台】歐盟對成員國買俄羅斯天然氣慨指引被指模稜兩可，一方面話可以合法購買俄國天然氣，但又警告唔好開盧布戶口。此外，芬蘭國有能源企業指，因應芬蘭申請加入北約，俄羅斯或最快今個星期截斷供氣。雖然俄羅斯天然氣供應持續不明朗，但歐洲天然氣價又未見持續急升。 艾德證券期貨投資策略總監文錦輝指，依家唔系歐洲寒冷季節，各國對天然氣慨需求相對冇咁大，睇返之前烏克蘭截斷俄羅斯天然氣管道，都冇令氣價扯高，加上部分國家已經用盧布結算，加上美國對制裁俄羅斯能源慨態度有變，能源價格未見再抽升，估計歐洲天然氣價升幅亦有限。 文錦輝 艾德證券期貨投資策略總監 |
Energy |
| 文錦輝 |
2022-05-18T11:42 |
【Now財經台】京東集團(09618)係港股噚日收市後出左業績，美國股價噚晚幾chok，但埋單仍有得升，今明兩日慨焦點就落係，將會輪流出Q1業績慨騰訊控股(00700)及小米集團(01810)，科指及金龍指數齊齊逼近50天線，要確認中資科網股系咪轉勢，系咪要睇實兩個指數可唔可以升穿50天線，兼單月由跌轉升？ 艾德證券期貨投資策略總監文錦輝指，如果睇走勢似系轉勢，今個星期初都睇好科技股，亦見到有春江鴨游返出黎，京東業績好過預期，市場就會憧憬同類股份都交到貨，佢估計，科網股上季業績都唔會差。 Felix又話，整體而言，科網股、金融股有機會再彈多一波，加上海外資金不斷加注，對港股權重大慨股份，以至整體指數都有幫助。 |
IT , HK Cap Flow , Stock , TENCENT , Capital Flow |
| 文錦輝 |
2022-05-12T17:44 |
【Now財經台】汽油庫存跌至5年低位，蒸餾油存量更跌至17年來最少，加上上海及北京疫情個案回落，紐約原油、布蘭特期油噚日齊自低位反彈約5%，紐油回升至每桶100美元樓上，油價黎緊會點走？ 艾德證券期貨投資策略總監文錦輝指，由於內地出口數據太曳，身為全球最大慨能源消耗國之一，出口增速急跌，烏克蘭昨日話，會截斷俄羅斯供天然氣予歐洲慨路線，進一步推高油價，美國噚日又公布原油庫存增加，導致油價非常波動。 Felix又指，油價依家企係103美元至106美元上落，但除左美國經濟動力夠強，歐洲都冇力再上，加上內地要等清零先會實施財政政策，如果內地清零後，石油需求增加，油價有機會上返110美元。 文錦輝 艾德證券期貨投資策略總監 |
Oil , Energy , USD , Expo |
| 文錦輝 |
2022-05-11T11:15 |
【Now財經台】美國今晚會出4月通脹數據，市場預期，當地通脹將略為降溫，睇返美股波動率已升到近兩年高位，後市系咪會繼續跟住數據大上大落？ 艾德證券期貨投資策略總監文錦輝指，因為市場依家比較虛怯，只要傳出對市場影響較大慨消息，就會爭相走避。佢又話，依家每口價可能系30或40點咁行，提醒投資者要「睇路」，因為美股系好波動。 Felix估計，美國今晚公布慨通脹數據會介乎8.9%至9%，原因系聯儲局只系岩岩加左息，通脹應該冇咁快回落，同埋反映係4月數據，可能要等到6月、7月先反映到，佢又認為，美國通脹會繼續升溫，朝著雙位數進發。 文錦輝 艾德證券期貨投資策略總監 |
US Stock |
| 文錦輝 |
2022-05-05T19:03 |
【Now財經台】俄烏戰事持續，歐盟委員會主席馮德萊恩噚日建議，未來6個月禁止俄國原油進口，加上美國東岸蒸餾油庫存創新低，雖然油價噚日抽升約5%，不過，紐約原油近1個月都破唔到每桶110美元，現時油價破位動力有幾大？ 艾德證券期貨投資策略總監文錦輝指，油價去到上次高位110美元水平，動力已經唔系好夠，俄烏戰事膠著，可能有排拖，雖然制裁俄羅斯，但夏季石油需求唔大，暫時還可以，但自從俄羅斯停左向波蘭及保加利亞供應天然氣，油價就走左上去，佢認為，如果油價唔跌穿102美元或104美元，暫時唔會睇得好淡，但上升動力已經冇乜，佢建議，接近110美元沽，落返102美元至104美元就可以買返。 文錦輝 艾德證券期貨投資策略總監 |
Oil , USD |
| 文錦輝 |
2022-05-04T10:44 |
【Now財經台】美股暫時喘定，但有分析指，企業盈利增長放緩，或拖累標指跌至3500點水平，即較現水平跌約700點或逾16%，而《彭博》慨分析亦指，美國工廠新定單已見頂，不利美股後市。睇返近50年前，美國通脹率由1973年初不足4%，升至1974年底慨12%，而美股2年間亦由高位回落40%，當年油價、通脹高企，亦有戰爭因素影響，美股今年會唔會「歷史重演」？ 艾德證券期貨投資策略總監文錦輝指，標指要再跌700點唔出奇，而且年底會再調整，雖然美國經濟數據差過預期，但勝在經濟動力夠強，市場擔心債息倒掛帶黎慨經濟衰退，起碼半年後先會發生，佢又話，若加息後通脹都落唔到，資金最終都會回流股市。 Felix續指，環球經濟動力同50年前唔同，加上美股可以升左咁多年，全靠寬松貨幣政策，一旦聯儲局收緊貨幣政策，市場走勢就要睇經濟，佢估計，如果半年後加息影響企業盈利，股市就會出現大調整。 文錦輝 艾德證券期貨投資策略總監 |
US Bonds , Capital Flow , US Stock |