| Commentator |
Time |
Content |
Tag |
| 莊志雄 |
2026-02-04T15:16 |
美國總統特朗普(Donald Trump)提名沃什(Kevin Warsh)出任聯儲局下任主席，消息公布後，美元回穩，但科技、軟件類股就急挫，如果要分析後市，最重要睇咩因素？ 「股市漁夫」創辦人莊志雄指，目前睇美匯指數有一個走勢陷阱，係假跌破，特朗普上一個任期當中，美匯首280個交易日都係跌，而到今次，今星期岩岩夠280日後，美匯又上返趨勢線，相信主要係流動性問題。 佢又話，美國流動性偏弱唔係第一次，2019年當時都出現同樣問題，而今次主要因為政府停擺，令TGA抽走左部份流動性，假設美匯今個星期轉強，代表市場要更小心，因為波動性增加左。 |
|
| 莊志雄 |
2026-01-28T15:15 |
美國總統特朗普(Donald Trump)唔認為美元表現差，又或者跌得多，市場解讀為特朗普為美元貶值「開綠燈」，導致美匯指數一度插穿96，市場十分關注美元係咪會再跌，不過，特朗普經常一時一樣，取態可能第二日又唔同左。到底美元係咪會大幅貶值，金價走勢係咪一個指標？ 「股市漁夫」創辦人莊志雄認為，弱美元應該係長期化，只係唔知係咪一跌穿就一瀉如注，睇返以往慨美匯熊市，自高位回落30%、40%都唔出奇，依家美匯指數跌穿左2011年至今慨15年長期上升軌，特朗普當選後已兩度下試呢個支持線，之後都彈返上去，今次再失守，佢認為可以再睇多一至兩星期，如果確認係長期大弱勢，依家自高位跌左11%、12%，係呢個情況下仍有好多空間可以做野。 Lewis又話，今年慨大主題係好多落後慨野會炒返上去，去年造得最好係貴金屬，大幅跑贏美股，其實係美元弱慨訊號，特朗普當選左272日，金價升左近1倍，落後慨金屬銀、銅、白金都係去年第4季開始追返上黎，部分甚至超越金。 |
|
| 莊志雄 |
2026-01-21T16:02 |
近日格陵蘭事件令美歐關係再度緊張，美股周二(20日)復市後，股、匯、債都跌，今年初至今，表現最好仍然是黃金，最差是標普及美股「科技7雄」(Magnificent 7)，這個趨勢是否會持續？現在有這麼多不明朗因素，美股今年首季是否要看淡？ 「股市漁夫」創辦人莊志雄指，就格陵蘭事件而言，現在歐美關係未正式變得很惡劣，不過消息一出，美國資產即股、匯、債全跌。Lewis話以往大市需要避險時，美金通常會強勢，不過去年開始有變，所以他認為仍能明顯地發揮避險作用的資產只有黃金，而金價由年初至今已經升超過10%。 |
|
| 莊志雄 |
2026-01-14T16:35 |
過去1個月，資源股表現仍然強勁，金價、銀價繼續維持高位，而股市層面上，新興市場也優於美股，這個情況是否會延續？ 「股市漁夫」創辦人莊志雄指，今年開局延續了2025年的情況，去年趨勢先是黃金相關股造好，隨後是銀價、銅價等追上，下半年更是變成基本金屬強勢，現在也是如此，自從美國聯邦公開市場委員會(FOMC)會議於2025年12月9日召開後，至今仍然是金屬類跑贏，銀價升逾42%，銅礦股交易所買賣基金(ETF)升逾22%，金礦股ETF升逾18%，銀及銅的表現甚至跑贏金。 不過，Lewis認為投資者應該減持貴金屬。 |
|
| 莊志雄 |
2025-12-23T15:32 |
美國財政部正提供流動性，但支持去哂金礦股度，未見對成個股市有太大支持，點解會有呢個情況？ 「股市漁夫」創辦人莊志雄指，金價係聯儲局講野或做野左前已經升左60%，金礦股就升超過1倍，但聯儲局係12月10日宣布減息後，金價、銀價及金礦股繼續升，並帶動其他白金、銅及其他基本金屬價格向上升，當呢些價格郁，某程度反映市場擔心美元明年將會跌得更多，若市場對美元失去信心，通常會買入金屬類產品，所以就出現呢個情況。 Lewis又指，依家釋放出來慨流動性，似乎唔足以托起成個股市，只係見到個別範疇郁，以指數計郁得最好係中型股指數，聯邦公開市場委員會(FOMC)宣布「放水」後，中型股指數升左2.4%，標指只係升左0.5%，納指100就跌，所以流動性就算1個月有幾百億美元，都唔能夠將成個市托起，只能托起個別範疇。 |
|
| 莊志雄 |
2025-12-17T15:39 |
美國聯儲局每月買入400億美元短債，上星期都提到依家處於「Pre-QE」狀態，估計最終都係好似2020年，即重啟量化寬鬆政策(QE)，係咪反映市場憂慮通脹升溫，經濟有下行壓力？ 「股市漁夫」創辦人莊志雄指，美國經濟有放緩跡象，據過往數據顯示，當失業率咁升法，經濟最後都會陷入衰退，如無意外聯儲局都要減息，甚至做QE救經濟。 Lewis又話，但今次做QE難度比2019年高，一方面每次議息都減息，但10年期債息都唔跌，加上新任聯儲局主席人選未定，若依家重啟QE，美元有機會大跌20%至30%，今年好多非美投資，不論A股、日股、新興市場股票都跑贏美股，令唔少投資者慢慢離開美元資產，未做QE已開始避險。 |
|
| 莊志雄 |
2025-12-12T17:31 |
美國聯儲局今日(12日)起，每月購買400億美元短期債T-bills(1年內到期零息債券)，紓緩短期流動性問題，理論上唔算量化寬鬆(QE)，但道指昨晚(11日)破頂，資產市場反應唔算差，點睇買T-bills呢個動作？係咪QE前奏？ 「股市漁夫」創辦人莊志雄指，今次慨行為屬於準備量化寬鬆(Pre-QE)，對上一次最似今次係2019年，都係回購利率市場比較波動，波動較大慨時候，聯儲局就會出來維持秩序。今次汲取左2019年慨經驗，提早做好準備，尤其係交稅慨月份，因為呢些月份可能影響流動性，所以聯儲局要係呢個月份之前做好準備。 Lewis又指，正式慨QE係當央行將利率降到零之後，冇其他野可以做，唯有係市場買長債，著重返長期資產，以支持整體經濟，作出刺激作用，主要目的為壓低長期利率。因此，聯儲局無論係今次定2019年那次，都表明唔係QE，佢地買T-bills旨在提供短期流動性，而非壓低長期利率。 他續指，今次同上次都有同樣慨背景，都係經濟周期轉弱，以及收稅太多令流動性變差，係兩件事情夾擊下，令聯儲局要出手維持秩序。 |
|
| 莊志雄 |
2025-11-26T15:45 |
有「恐慌指數」之稱慨VIX昨日(25日)跌至20樓下，但程式買盤方面，未來無論美股升定跌，投資者都會減倉，美股係咪失去左1個帶上升動力？ 「股市漁夫」創辦人莊志雄指，從中短線睇，程式買盤的確係幾重要，雖然VIX昨晚跌至20以下，但唔知之後會唔會升返上去。佢又話，程式買盤有兩大類，其中一類係(Wall Control Fund)，主要係睇住波幅做野，如果之後VIX抽返上去，投資者又會繼續減倉。另一類係睇追蹤趨勢慨程式買盤，值得留意係，依家呢類程式買盤係由買變成沽，估計未來1周，無論大市升定跌，投資者都會沽貨，大市反彈係沽，如果大市跌，投資者甚至會沽多些，比例會係1對4。 |
|
| 莊志雄 |
2025-11-19T15:28 |
今個星期程式買盤有壓力，依家程式買盤持倉水平接近滿倉，相信會減倉，估計會減幾多倉位？ 「股市漁夫」創辦人莊志雄指，通常程式買盤係睇兩大類，一類係動力及趨勢，即CTA，另一類係波幅，波幅大慨時候會減倉，波幅細就會加倉，通常都係呢些做法。依家見到標普500指數仍處於高位，未係好明顯出現減倉，不過，小型股已經跌緊，大型股都開始跌，當動力弱左，例如標普500指數跌穿50天線，呢些情況就會觸發CTA，然後開始沽貨。 Lewis續指，依家見到程式買盤係有沽貨壓力。 |
|
| 莊志雄 |
2025-11-12T17:28 |
日本軟銀集團(SoftBank Group)昨日(11日)披露已清倉英偉達(Nvidia)，套現逾58億美元，轉向押注OpenAI，不過，睇返微軟(Mircosoft)早前公布慨季績，OpenAI仍未有錢賺，單季虧損更擴大至120億美元，拖累微軟股價，到底美國人工智能(AI)行業巨額投資係咪可以持續？幾時先有錢賺？ 「股市漁夫」創辦人莊志雄指，呢些都係未知之數，只可以從OpenAI自己慨預測去睇，不過關於微軟我地可以留意股價係7月已經見頂，約555美元，依家距離高位約10%，雖然公司話盈利有改善，但股價係呢段時間向下，公司指出，原因係OpenAI仍然蝕緊錢，但其實呢件事好普遍，根本唔值得關注。 Lewis認為，未來更需要關注係，好似微軟呢些級數慨公司。 |
|
| 莊志雄 |
2025-10-15T15:54 |
中美貿易緊張關係升溫，引發市場恐慌情緒，芝加哥期權交易所波幅指數(VIX)急升後，似乎跌唔落，呢個情況係咪反映美股其實未跌定？ 「股市漁夫」創辦人莊志雄指，美股暫時未仍穩定落黎，因為有一些程式買賣，那個波幅擴大，即VIX讀數高的話，機構投資者就會減倉，依家20係分水嶺，當VIX升到25，佢地就會大幅減持，係依家慨情況下，就要觀察多幾日。 Lewis又指，根據美銀慨基金經理調查顯示，基金經理現金水平跌至10年低位，上次出現呢個跌勢係2021年「契媽熱潮」，當時個市好瘋狂，但依家又去到呢個狀態，相信機構投資者已經係滿曬倉，等第4季炒上去，依家突然有美股震盪，機構投資者因為咁低慨現金水平要加倉，係會有些難度，加上9月聯儲局減息之後，未見環球流動性增加，反而係比以前少，按6個月變化黎計，雖然仲有輕微增長，但已經接近0%條線。 |
|
| 莊志雄 |
2025-10-08T15:48 |
美國政府停擺近1個星期，不過，美股係停擺期間照破頂，但3大指數昨晚(7日)先升後跌，值得留意係，今次政府停擺似乎對美股冇乜影響，到底資金買緊咩？ 「股市漁夫」創辦人莊志雄指，其實市場唔係好理停擺，亦聽過唔少消息指，當政府停擺，美股有90%機會升，可能係呢些情緒影響左個市。依家見到指數完全冇受影響，暫時市場仍有動力，並由散戶推動，尤其係4月之後，散戶係4月好進取咁入市，大市再升時，散戶又再積極入市，據摩根士丹利慨統計顯示，不論交易所買賣基金(ETF)或股票，今年散戶慨需求都係有史以來最強勁，甚至超越2021年慨「契媽熱潮」。 Lewis續指，但今年慨情況有少少唔同，2021年市場係傾向買多些個股，而今次係買多些ETF，但總量係勁過2021年，值得留意係，如果今年好似2021年咁過熱，之後就會出現好大慨調整，可以參考返2022年慨數據，標普500指數最後係跌逾30%，所以市場就要留意，暫時係未知可唔可以炒埋傳統旺季第4季。 |
|
| 莊志雄 |
2025-09-17T15:58 |
市場繼續觀望美國聯儲局(Fed)議息結果，市場依家普遍預期未來12個月，美國將會減息4次，但亦有人估減息5次，又或者只減息1次，減得多意味市場憂慮美國陷入衰退，要靠減息撐住經濟，相反，反映市場對通脹高企有憂慮，市場係咪忽略左減息5次或只減息1次呢些情境？ 「股市漁夫」創辦人莊志雄指，其實Fed已經打曬開口牌，話未來1年減4次息，即每季減1次息，無論減3次定4次，基本上市場已經預測到，而市場已Price in曬，例如今次會議減0.25厘，呢個舉動市場已經預期曬，所以市場應該冇乜大反應。 不過，問題係好多時做投資唔係睇大家慨市場共識，因為當大家都睇相同慨野，有些位就會忽略左，而那些位先至係要留意，依家見到60%至70%慨基金經理都話會減3至4次息，佢認為，市場忽略左其餘兩個大慨可能性，其中1個可能性係未來12個月減超過5次息，甚至一次過減息0.5厘，呢些情況反映住美國經濟大幅放緩，甚至係有明顯慨衰退風險，聯儲局先會咁做。 Lewis又話，亦有政治上慨影響，美國總統特朗普(Donald Trump)迫Fed減息，但市場似乎認為特朗普係迫唔到，如果迫到9月就應該減息0.5厘，而唔係0.25厘，另1個可能性係依家通脹已慢慢升返，一旦減息，如果美國經濟冇出現衰退，通脹可能會升得好快，導致未來只可能只減1至2次息，呢兩個情況投資者係要留意。 |
|
| 莊志雄 |
2025-09-10T15:50 |
睇返過去10個交易日全球市場表現，明顯見到新興市場較已發展國家強勢，點分析呢個現象？ 「股市漁夫」創辦人莊志雄表示，主要係如果美元回落，會較有利新興市場，加上新興市場有減息空間，兩樣野加埋就會見到同期，即過去10個交易日，美國就業數據顯示當地經濟有放緩慨情況，加上美國趨向減息下，明顯見到新興市場係比其他成熟市場做得更好。 Lewis續指，連上半年做得好好慨歐洲市場，最近都轉弱左好多，因為歐洲息口正在扯高，加上歐元轉強，會對一些資產價格造成壓力，所以就會見到歐洲市場跑輸其他市場。 |
|
| 莊志雄 |
2025-09-03T15:57 |
近期除左美股波動，債市都好波動，因為市場擔心唔同政府慨財政情況，令好多地方慨超長債息都升上高位，9月債價下行壓力係咪都大左？ 「股市漁夫」創辦人莊志雄指，各國債市最近都陸續出現奇怪現象，例如日本30年期債息居高不下，甚至係7月突破3.2厘阻力位，以及英國係過去幾日升穿5.6厘水平，呢兩個警號都反映住如果美國聯儲局或各國央行繼續「放水」的話，會令環球通脹上升，值得留意係，昨日(2日)美國股市開始有壓力，債息一接近5厘水平，標普500指數一度跌逾1.5%至1.6%。 佢續指，美國30年期債息一旦跌穿5.1厘，代表住聯儲局減息都會刺激通脹，而長債息率不跌反升的話，對好多風險資產都會有壓力。 |
|
| 莊志雄 |
2025-08-20T16:07 |
納斯達克100指數連日回落，昨晚(19日)跌跌逾1%至21314點，納指中線市寬已跌穿50慨強弱分界，係咪預示就算美國聯儲局減息，大市都已經反映得七七八八？美股後市會唔會出現回調？ 「股市漁夫」創辦人莊志雄指，現階段要留意一些高Beta、早前一窩蜂去炒慨股份，情況就同2021年第1季「契媽熱潮」一樣，好多股票狂升，但之後好快就大跌。機構投資者唔會只買最大幾隻股份，而係增加對沖，依家慨情況同2021年相似，所以有一定參考價值。 Lewis續指，未來40至50日有唔少重要事件可能會令波幅擴寬，包括Jackson Hole年會、英偉達(Nvidia)業績、8月非農數據、通脹數字。此外，要留意聯儲局主席鮑威爾(Jerome Powell)9月會唔會減息，若最終唔減息，投資者應提前部署。 佢又話，7月納指中線市寬跌穿50強弱分界，跌穿後要再回升有難度。「契媽」基金ARK Innovation ETF(ARKK)係7月中開始見頂，之後畀市寬拉落黎，依家超過一半呢類型慨股份已經跌穿50天線，若指標跌到40以下，投資者就要小心指數會被大市拖累。 |
|
| 莊志雄 |
2025-08-13T15:53 |
美國7月消費物價指數(CPI)昨晚(12日)出爐，按年升2.7%，略低過預期，令聯儲局9月減息預期升溫，年底前仲有3次議息會議，會唔會次次都減息？ 「股市漁夫」創辦人莊志雄指，如果跟據依家市場預期，黎緊3次都會減，本身聯儲局會跟據利率期貨情況去決定減唔減，7月尾慨時候，主席鮑威爾(Jerome Powell)放鷹，市場就普遍認為唔減，但8月1日非農數據公布後，又比市場預期差，經濟放緩減息預期突然又升溫。 Lewis又話，利率期貨浮動不定，容易被新消息影響走勢，主要睇慨超級核心通脹，指不包括食品、能源及租金過去幾次都升，如果繼續睇經濟數據好難減到息，加上如果之後特朗普(Donald Trump)真係炒左鮑威爾，聯儲局大換血，減完3次息之後，撻著通脹慨機會好大，會好似2021至2022上半年咁控制唔到。 |
|
| 莊志雄 |
2025-08-06T15:21 |
美股「科技7雄」(Magnificent 7)中慨Meta及微軟(Microsoft)派完靚成績表後，標指係7月31日創過日內新高，但未能創收市新高，呢個情況已經係近年第3次，當中有咩啟示？ 「股市漁夫」創辦人莊志雄指，7月25日標普500指數創收市新高後，連續出左3支陰燭，Meta及Microsoft公布靚仔業績後亦曾創日內新高，但就無法創收市新高，呢個情況對上兩次分別係去年8月日圓爆拆倉潮，以及今年「解放日」(Liberation Day)前，兩次美股都出現大調整。 Lewis補充，8月1日公布慨美國就業數據遠低於市場預期，令美國債息下跌，以往每當債息下跌都會有利美股，但今次美股反而跌得幾急，情況少見，所以值得留意有無一些突如其來慨消息會影響股市。 佢認為，目前市場最容易忽略聯儲局主席鮑威爾(Jerome Powell)被解僱慨風險，目前市場認為鮑威爾被解僱機率低於15%，但Lewis認為機率唔細，甚至可能高達50%，所以如果有消息刺激市場，造成慨跌幅或會較大。 |
|
| 莊志雄 |
2025-07-23T15:07 |
若預期美國經濟前景會較為暗淡，又或者會轉差之下，投資者係咪都要密切留意美國長債息走向？尤其30年期長債息，依家已升至逾4.9厘。 「股市漁夫」創辦人莊志雄指，股市短期未必同經濟掛鉤，尤其係一個負利率環境下，其實係有利資產價格，依家處於一個相對穩定慨情況，因為長債息仲未抽上去，之前試過幾次衝上5厘水平，其後唔知係咪有一些「有形之手」壓返落去，到底壓唔壓得住都未知，對上一次衝上5厘係長債拍賣結果較差當日，之後又壓返落去，呢個情況係要留意，如果聯儲局黎緊真係減3次息，應該會刺激通脹，長債息就會跟住升上去。 債息落唔到去之餘，股市一樣落唔到去。 |
|
| 莊志雄 |
2025-07-09T15:48 |
市場持續關注關稅問題進展，美國國債孳息率上升，30年期債息見1個月高位，高見4.974厘，10年期息亦已整固兩年多，並升穿4.4厘關口，至4.435厘，美國總統特朗普(Donald Trump)宣布徵收關稅以及2024年9月減息時，美債息亦曾經一度受刺激飆高，債息短線應該如何預測？ 「股市漁夫」創辦人莊志雄指，美國大幅加徵關稅，令市場擔心通脹預期升溫，所以推高債息率，未來要留意10年期債息會否升至4.6厘的關鍵水平，始終10年期債息能夠反映長遠通脹預期，而對於30年期債息，5厘亦是關鍵位，當債息升至高位時，風險資產包括股市或加密貨幣(Cryptocurrency)等會受很大影響，雖然美國已表明關稅暫緩期至8月1日完結後不會再延期，亦要再觀察特朗普就關稅政策上會否再有其他變更。 |
|
| 莊志雄 |
2025-07-02T15:48 |
回顧上半年，以歐洲高息股表現最好，點解呢類股份可以跑出？美股方面，雖然標指創新高，但其實都係落後，下半年進一步出現技術突破慨機會有幾大？ 「股市漁夫」創辦人莊志雄指，先回顧上半年造好慨市場，上半年由於美匯指數跌左逾10%，導致非美股市造好，尤其係歐洲，因為歐洲將會加大財政刺激措施，係主要歐洲國家中，見到德國最明顯增加左未來投放係軍備慨資源，所以德國股市連埋歐元升左35%，而歐洲慨價值型類別，例如銀行股或金融股就帶動高息股表現，連埋歐元升左41%。 Lewis續指，由於人民幣升幅冇歐元咁大，港元又同美元掛鉤，加上大部分MSCI中國股票都係用港元計價，所以升18%都算唔錯，跑贏埋被印度拖累慨新興市場。 美股方面，標指受美元拖累而落後，Lewis認為。 |
|
| 莊志雄 |
2025-06-18T15:31 |
中東局勢緊張，美國總統特朗普(Donald Trump)昨日(17日)呼籲民眾離開德黑蘭，各國都加緊當地撤僑。年初至今，貴金屬、商品價格、軍工股，甚至以色列股市都跑贏美股，呢個情況係咪會持續？ 「股市漁夫」創辦人莊志雄指，金價去年已經跑贏標普500指數，今年繼續大幅跑贏，金價慨升勢同今次以色列伊朗局勢關係唔大，主要係因為投資者睇淡美金，加上憂慮美國財赤問題，令金價呢兩年造好。 佢續指，反而與今次戰事有關慨係銀價，銀價近期升得較急，追上金價。而最近戰事令軍工生意大增，美國軍工股ETF大幅跑贏標普500。 佢又話，以伊爆發戰爭後，銀價升勢比軍工股ETF更強，因為銀係做軍工武器慨原料，所以帶挈銀價造好。另一方面，以色列指數創新高，就算打緊仗，都跑贏美股。昨晚商品市場ETF亦創新高，戰事令商品市場追落後。 莊志雄又指，若伊朗封鎖海峽，或會令油價再上升，現時美國戰略石油儲備升至約4億桶，若美國加速儲備石油，石油需求會增加，伊朗封鎖海峽可能會影響石油供應量，令油價繼續係商品市場中追落後。 |
|
| 莊志雄 |
2025-06-11T15:54 |
中美貿易談判氣氛緩和，帶動股市向上，現時標指同歷史高位只相距約2%，美股有冇機會破頂？美國明晚(12日)會拍賣長債，會唔會成為破頂慨絆腳石？ 「股市漁夫」創辦人莊志雄指，短期而言，市場氣氛有改善，因為中美係關稅問題上傾得埋，睇返納指，雖然指數向上，但市寬仲未收復到跌市前慨失地，意味可以升穿200天線慨股份少，依家係用緊少數股份撐市。 Lewis又話，明晚拍賣30年期長債，債息衝上，導致價格波動，同投資者買長債慨意欲背馳，但亦反映市場對未來通脹慨睇法，中長期要留意聯儲局及通脹數據慨配合，美股先有機會破頂。 |
|
| 莊志雄 |
2025-06-04T15:16 |
美元匯價今年累跌8%，主要受美國總統特朗普(Donald Trump)發動慨關稅戰拖累，雖然依家略為降溫，但其實市場都觀望緊談判進展及結果，包括特朗普今個星期係咪會同國家主席習近平通話，美元今年餘下時間係咪會繼續向下？ 「股市漁夫」創辦人莊志雄認為，美元跌除關稅會影響美國通脹外，根據過往經驗，關稅問題唔係幾個月可以傾得掂，甚至會拖成年，但投資者似乎已經投左票，認為美元會弱，所以見到今年trade通脹、trade美元下跌慨工具，表現係特別好，尤其是金屬，金銀銅價格都升逾20%，比特幣(Bitcoin)價格都跑輸佢地，而美元下跌最受影響係美國資產，見到美債及標指今年僅升逾1%。 Lewis又話，對歐洲投資者黎講，楂住美元資產單係蝕匯價都8%至9%，因為歐元今年升左10%，日圓都升左9%，所以美元跌對好多外國投資者黎講，美國資產吸引力會大減。 |
|
| 莊志雄 |
2025-05-28T15:31 |
自從美國總統特朗普(Donald Trump)上任以黎，涉及關稅、財政及外交等爭議不絕，甚至觸發金融市場動盪，之前中美為關稅戰設左90日「休戰期」，7月初就會結束，不過，近期美國部分經濟數據仍然強勁，其中，昨晚(27日)出爐慨消費信心，錄得4年以來最大單月升幅，並好過預期，消費者係咪太樂觀？ 「股市漁夫」創辦人莊志雄指，哈佛商學院有一個美國零售品價格指數，而呢個指數係特朗普宣布完解放日就已經飆升，本土產品定進口產品都大升，反映左通脹預期，而係正常情況下，本土產品唔應該太受關稅影響，但見到指數明顯高過3月，雖然5月12日宣布暫停關稅之後，指數有紓緩跡象，但估計指數未來會繼續升。 Lewis又指，睇返美國網站Truflation慨實時指標，見到美國實質通脹指數同1個月前相比，已經升左0.5個百分點，而呢個升幅係受關稅影響，反映美國關稅開始影響通脹。此外，長債拍賣反應差，都係受美國長期通脹影響，加上財赤問題及特朗普慨政策，每樣野都反映今年慨減息空間會愈來愈細。 |
|
| 莊志雄 |
2025-05-07T16:30 |
中美貿易談判似乎有新進展，雙方高層有機會係周末見面，不過，美股3大指數持續下跌，到底係咩原因限制大市反彈？港股後市係咪會好過美股？ 「股市漁夫」創辦人莊志雄指，市場一早就預左會傾，問題係最後傾成點，除非好快傾完，同埋結果理想，但有得傾市場都price in左唔少，美國總統特朗普(Donald Trump)轉口風後，個市就彈左上去，依家最好慨結果係，走勢好似2022年咁，當年主要係聯儲局要「收水」控制通脹，依家有兩樣野，首先係聯儲局仍然想控制通脹，原本預佢5月減息，之後延至6月，依家再推遲到7月，原因係擔心關稅會推高通脹，到底7月減唔減息，就要睇關稅慨影響，如果通脹升左上去，下半年都好難減息。其次係特朗普所做慨事，為市場帶黎咁大不明朗，令機構投資者唔會咁進取。 Lewis又話，如果睇短線，港股表現未必好過美股。 |
|
| 莊志雄 |
2025-04-23T15:26 |
美國發動關稅戰令投資市場大幅震盪，市場近期十分關注資金流出美國資產，導致美國股匯債齊跌，反觀畀美國徵稅慨貿易伙伴墨西哥、加拿大等，表現都好過美國，資金未來係咪都以流出美元資產為主？不過，美國總統特朗普(Donald Trump)最新係關稅問題上慨態度，似乎又有軟化跡象。 「股市漁夫」創辦人莊志雄指，最麻煩係特朗普轉來轉去，因為投資者最怕係不確定性，如果做長線投資係數以年計，尤其機構投資者，如果連佢慨團隊都唔知，係佢出個貼文後，所有野又要掉轉黎做，長線投資者會認為唔可以擺咁多資產係美國呢個地區。 Lewis又話，睇返過去10年，尤其歐洲資金不斷加碼美國市場。 |
|
| 莊志雄 |
2025-04-16T15:36 |
關稅戰新聞日日都有，仲日日有新發展，搞到市場都疲於奔命兼無所適從，係呢個亂局下，有避險功能慨黃金，價格不斷破頂，過去幾個月湧入金市慨資金係咪好多？ 「股市漁夫」創辦人莊志雄指，近期湧入金市慨資金應該係多左，尤其之前見到央行係買多左黃金，同埋要留意近期金價升主要係亞洲交易時段，呢個現象幾有趣，所以大家可以留意下。 Lewis又話，見到基金經理態度出現180度轉變，因為2月及3月美銀做調查時，冇基金經理話要買黃金，但依家有49%話要建立長倉，變成最擠擁交易。佢續指，依家美債波動，但楂美債係求穩陣，所以投資者對美債慨信心都弱左，加上外國投資者係咪會再增持美債都係一大問號，所以資金湧入金市係好合理。 佢續稱，依家金價呈拋物線式上升，即係由情緒主導，出現一些恐慌，當金價愈扯愈急時，再去追入就唔係咁好，佢又提醒，呢種拋物線式上升可以升得好急，如果依家沽空有機會被夾死，楂住黃金慨投資者可以繼續持有或減磅，冇貨就不宜高追。 |
|
| 莊志雄 |
2025-04-09T16:19 |
「中美貿易戰」全面升級，美股近幾個交易日都波動，日內波幅大，標指過往大跌後就會反彈，加上被稱為「恐慌指標」的VIX指數升至不尋常高位，以往都會有正回報，目前是否「撈底」美股的好機會？ 「股市漁夫」創辦人莊志雄指，未經歷過美股熊市的投資者，對大跌印象會是「每次跌完都會V型上返黎」，例如2020年COVID及2008年矽谷銀行(SVB)「爆煲」時，其實都因為有聯儲局撐著，才會令市場認為大跌後很快會回升。 Lewis續指，2008年那次是大跌40%後，再出現雙位數跌幅，投資者才買入，所以值博率高，最後也有賺，但如果今次只跌20%就買入其實值博率不高，所以一年後未必賺，中間波幅非常大，所以提醒投資者，即使有賺也要有心理準備，有可能要跌30%至40%後才會反彈。 |
|
| 莊志雄 |
2025-04-02T16:34 |
「股市漁夫」創辦人莊志雄指，港股今年的升浪，是由年初DeepSeek熱潮所「點燃」；若果比對上一次港股科技指數，升勢結束後的回調幅度介乎50%至62%計算，今次回調幅度最深只約38%，即是說，不排除科指仍有下調空間。 不過，Lewis指出，相較美股、港股仍可睇高一線，因為美股估值貴，值博空間較低。反之，MSCI中國指數盈利數據，經歷連續13季負數後，最新數據很大機會由負轉正，即是說，未來內地及香港的上市企業，有機會被調高盈利預測，利好港股向上。 他補充，若未來美股轉差，市場規避風險(risk-off)，資金可能流向美元避險，屆時港股或受影響。 |
|
| 莊志雄 |
2025-03-19T16:08 |
早前，市場憧憬俄烏停火，帶動美股反彈，中資股更跑贏美股，美股係咪要繼續調整？投資者係咪可以繼續睇好港股？ 「股市漁夫」創辦人莊志雄指，最近美股反彈，其中，中資股表現唔錯，甚至A股都做得好過美股，呢幾日炒憧憬俄烏停火，CSI中國互聯網指數升6%，滬深300指數升逾2%，都高過標指及納指，美股市寬要跌至2023年低位約20%，才會觸發較強勁慨超買反彈，否則，彈幾日又跌過。佢續指，港股走勢唔錯，愈黎愈多股份升穿長期平均線150天線，亦有超過一半股份企係150天線以上。 Lewis又話，港股市寬向上，代表愈黎愈多落後股會追上黎，例如阿里巴巴(09988)1月底至今持續強勢，但佢建議，就算落後股有得升，都唔係選股慨首選。 |
|
| 莊志雄 |
2025-03-12T16:20 |
美國總統特朗普(Donald Trump)上任已滿50日，但暫時美股表現與他4年前首次任期對比，相差很遠，有甚麼要留意？甚麼時候才可以買美股？ 「股市漁夫」創辦人莊志雄指，股市中有兩個事項要留意，第一是估值，美股估值一向都超貴，他建議是「炒」而不是投資，且要看第二個因素--動力，去年美國指數上的動力是正面的，所以用「炒」的角度而言，用指數權重的工具會較好，可是今年特朗普「回朝」時，美股卻失去了動力，而在估值貴的情況下沒有動力會很麻煩，假如估值及動力變負面後，就會影響投資氣氛，即投資者情緒。 Lewis續指，要等投資者情緒去到極度悲觀才可以博美股反彈或回升，若要博回升，則要看到些基本因素改變，可以是估值跌到夠便宜，或是新政府做的事開始有效，成功幫美國政府減債，能提升美國政府效率，能控制通脹等，但這些改變不會是兩三個月的時間就可見的，而是需要一些長期的政策。 |
|
| 莊志雄 |
2025-03-05T18:23 |
近兩個星期市場出現調整，特別係美股，加上受美國關稅政策影響，似乎整個投資市場規避風險(risk-off)情緒高漲，風險胃納(Risk Appetite)正在減退？ 「股市漁夫」創辦人莊志雄指，要判斷市場係咪risk-off，最主要睇資產價格表現，當中分為兩大類，一類係避險類資產，例如美債，另一類就係風險資產，例如股票。如果市場擔心環球經濟衰退，通常避險類資產，例如美債會做好。今次明顯見過去兩星期美債，特別係長期債交易所買賣基金(ETF)升幅較大。 Lewis又指，長期資產例如科技股，以往被視為優質資產，但今次反而跌得最多。雖然市場預料聯儲局今年減息空間由年初預計1至2次，變成接近3次，理論上有利風險資產，但仍都無阻科技股跌勢。 至於另一避險資產黃金之前做好，但今次都有輕微跌幅。 整體而言，佢認為目前市場可以話係risk-off狀態。 |
|
| 莊志雄 |
2025-02-19T15:43 |
DeepSeek面世後，在人工智能(AI)領域掀起了一場大戰爭，不過，不少大行都預計這個AI大模型可以提升內地企業的盈利能力，事實又是否如此？如果與美股「科技七雄」(Magnificent 7)比較，AI中資相關股份，價值如何？ 「股市漁夫」創辦人莊志雄指，普遍見到AI大模型的確有助中國企業提升效益，生產力上升同時，又能減省成本，見到2016年至2023年間，MSCI中國指數每年都有增長，若企業收入及競爭力能進一步提升，自然有望一併提升內地股市的估值。加上對比美國科技七雄，現時17萬億美元的估值，內地AI相關股份，更有估值「追落後」的優勢。 |
|
| 莊志雄 |
2025-02-12T17:09 |
美國總統特朗普(Donald Trump)2.0關稅實施以來，被徵關稅慨股市今年以來一直跑出，反而暫未未被徵稅慨盟友，股市表現就麻麻，情況同去年相反，點解會出現呢個情況？ 「股市漁夫」創辦人莊志雄指，始終特朗普係生意人，初期講慨野，到後尾落實可能有好大差距，所以更重要係依家睇到慨資產價格表現。佢又話，年初至今已經差唔多30個交易日，有關稅消息慨國家或地區，明顯都係跑贏標普500指數，仲有較特別慨巴西，係舊「金磚四國」其中一個重要慨國家，竟然係做得最好。中國市場方面，港股表現真係較差，A股造得最好係科技股，CSI中國互聯網股市ETF位列第2。 此外，墨西哥股市截至昨晚(11日)美股收市止，累升9%，富時歐洲都係跑贏，同去年有好大分別，巴西去年係做得最差慨股市，累跌30%，所以與其聽關稅消息，不如留意影響股市慨兩大因素，就係資金流向及估值。 Lewis認為，配置係新興市場慨資金，其實都係跟住指數去睇表現，過去幾星期，甚至未來一兩個月，其實都要增加返A股及港股配置，尤其內地大型科技股，因為以估值角度睇，印度係貴，中國相對平，如果以科技股角度睇，外國價值投資者都會楂重貨係中資科技股，例如阿里巴巴(09988)，導致有估值差距係度，依家資金流向似乎開始逆轉，由新興市場轉去巴西、中國，所以大家要留意呢些資金流。 |
|
| 莊志雄 |
2025-02-05T16:41 |
近期內地人工智能(AI)大模型DeepSeek爆紅，難免會動搖投資者對美國AI巨頭慨信心，係咪會影響OpenAI旗下慨聊天機械人ChatGPT慨領先地位？ 「股市漁夫」創辦人莊志雄指，先講機構投資者睇法，高盛做左客戶調查，而高盛慨主要客戶就係機構投資者，參考返高盛慨客戶調查，係DeepSeek面世後，客戶依然認為ChatGPT領先市場。 Lewis續指，佢自己認為以技術優勢而言，OpenAI個名係好有誤導性，反而DeepSeek係真係開源(Open Source)，OpenAI得個名叫Open，原本係由Tesla行政總裁馬斯克(Elon Musk)等創辦，當初理念係想AI模型開源，結果被OpenAI行政總裁奧特曼(Sam Altman)用招數搶奪公司，所以依家先會係閉源(Close AI)，不過，係Close定Open贏，其實都好難講。另外，Sam Altman唔係一個科技人，Lewis認為真係科技人慨Elon Musk依家都做緊AI，所以佢認為美國那面慨xAI都有機會挑戰到ChatGPT。 |
|
| 莊志雄 |
2025-01-22T16:25 |
美國總統特朗普(Donald Trump)上任後，係關稅方面未有即時行動，但昨日(21日)講左會考慮向加拿大及墨西哥加關稅25%，到左今朝(22日)就話考慮緊係2025年2月1日加中國10%關稅，雖然未正式出手，但都睇到有呢方面慨Plan，特朗普關稅政可能推高美國通脹慨憂慮係咪升溫？ 「股市漁夫」創辦人莊志雄指，市場其實一早消化左特朗普要加關稅呢個消息，不過，特朗普係生意人，唔可能一次過加得咁誇張令通脹升返，之前市場憂慮加徵關稅會加得好勁，依家變左循序漸進咁加，留返空間比公司諗辦法紓緩問題。 Lewis又話，投資者太低估貨幣政策帶來慨影響，通脹預期會影響長期資產，睇返聯儲局係2024年12月議息會議慨點陣圖，預示今年減息次數只係2次，甚至可能不減反加，令一些人工智能(AI)相關慨股份都要跌，資金開始偏流向左一些安全資產。 |
|
| 莊志雄 |
2025-01-08T16:01 |
債息係減息周期中抽升，歷史上係非常罕見，美股3大指數昨晚(7日)反應負面，科技股顯著受壓，其中，英偉達(Nvidia)股價破頂後倒插。如果債息升唔停，邊類股票或資產會受最大影響？ 「股市漁夫」創辦人莊志雄指，美債係長期資產慨基準，尤其是優質股，例如科技股交易所買賣基金(ETF)XLK，債息升就會令長期資產估值受壓，債息扯得愈高，市場就會要求呢些長期資產慨估值下降。 佢續指，特朗普(Donald Trump)當選美國總統後，科技股ETF曾嘗試突破2024年7月高位，但去年12月嘗試突破失敗，就係因為聯邦公開市場委員會(FOMC)去年12月會議後，市場知道2025年會放慢減息步伐，XLK即失左突破動力，已半年冇錄得升幅，投資者要留意，過去半年冇升幅究竟係整固還是係派貨，但正常整固係唔需要半年咁耐。 Lewis又話，企業高層亦冇買入自己公司慨股份，知情人士交易亦係10年以黎最少，若企業高層認為特朗普上任後，公司股價會升，理應係現階段入貨，因此，佢建議散戶先減少槓桿，再小心留意股價未來慨走向。 |
|
| 莊志雄 |
2024-12-30T17:20 |
美股今年表現強勁，標普500指數累升約25%，主要係靠大股撐起整個升勢，高盛估計，相比標指其他股份慨股價，明年「科技7雄」(Magnificent 7)跑贏幅度將唔及今年及去年咁勁，估計只會跑贏7個百分點，而上一次出現相若情況係2018年，相比2018年，依家慨情況係好左還是更差？ 「股市漁夫」創辦人莊志雄指，依家慨情況同2018年好唔同，市寬50%係牛熊分界，現時市寬低過50%，代表有超過一半慨股票跌穿200天線，意味超過一半慨股票有「蟹貨」，睇返2018年初，市寬約65%，當時大部分股票都冇「蟹貨」，並企係200天線樓上，若2025年開局冇太大變化，2025年慨市寬將會低過2018年，反映大市明顯弱過2018年，當年「7雄」只係跑贏大市8個百分點，估計2025年「7雄」表現將會比大市更差。 Lewis又話，2018年第4季，標指迫近歷史高位，但市寬跌穿50%，當時美國聯儲局做錯決定，依家聯儲局亦有機會做錯決定，所以要小心大市及大型科技股會大跌。 |
|
| 莊志雄 |
2024-12-11T15:20 |
美股近日受壓，其中，道指已連跌4個交易日，係咪黎到年底開始有些疲態？展望明年，美股又會點走，特朗普將會係明年1月20日正式上任，美股明年最大風險又係邊度？睇返特朗普上個任期，初期美元都強勢，但好快就回落，今次會唔會歷史重演機會大唔大？ 「股市漁夫」創辦人莊志雄指，上星期都提及，希望Trump Trade股票升完一浸後，科技股可以接力推高股市，最簡單就睇科技指數交易所買賣基金(ETF)，呢隻ETF唔包括Tesla，而蘋果公司(Apple Inc.)、英偉達(Nvidia)及微軟(Microsoft)呢3大股王佔比高達40%，而上星期中就出現突破，衝破左7月特朗普遇襲前後高位，呢個係一個主要阻力，原本走勢幾好，但去到昨晚(11日)跌返落黎，依家希望可以守到趨勢線，如果守唔到就要小心。 |
|
| 莊志雄 |
2024-12-04T15:39 |
自特朗普(Donald Trump)勝出美國總統大選後，美股上升速度似乎加快，佢主張慨「美國優先」及減稅措施，預期可惠及小型企業，特朗普慨政策對美股以至其他股市有咩影響？ 「股市漁夫」創辦人莊志雄表示，係特朗普當選後，美股整體表現結構出現轉變，過往帶動大市慨功臣「科技7雄」(Magnificent 7)，係呢段時間慨表現反而較為失色，而特朗普當選至今，表現最好係標普600小型股指數，其次係標普400中型股指數。不過，自12月開始，納指綜合指數及納指100指數都開始追緊上黎，整體黎講，小型股表現好過大型股，希望科技股係12月可以接力，延續美股慨升勢。 Lewis又話，特朗普當選後，對新興市場影響較大，港股跌勢亦加劇，因為市場始終憂慮關稅問題，以及對華政策可能「偏鷹」，加上市場之前期望中央再推出大規模刺激經濟措施，但最終失望而回。 |
|
| 莊志雄 |
2024-11-27T15:57 |
近年不斷買入比特幣(Bitcoin)慨持倉大戶MicroStrategy(MSTR.US)，再度成為熱炒對象，觸發點係特朗普(Donald Trump)贏左美國總統大選，雖然之前畀沽空機構香櫞研究(Citron Research)狙擊，但股價今年升幅仲大過人工智能(AI)晶片股王英偉達(Nvidia)。 「股市漁夫」創辦人莊志雄指，特朗普當選後，MicroStrategy更成為市場焦點，Bitcoin再受關注呢個都係觸發點，而MSTR慨操作更加係火上加油。 MicroStrategy主席Michael Saylor基本上一直係單邊睇好Bitcoin，佢最新估計Bitcoin每粒可升至1300萬美元，如果升到呢個價世界應該民不聊生。 |
|
| 莊志雄 |
2024-11-20T16:33 |
「特朗普(Donald Trump)2.0」時代來臨，資金持續流入科技、通訊服務板塊，但呢兩個星期都見到醫療保健都有唔少資金流入，點解會出現呢個情況？短線再升空間大唔大？ 「股市漁夫」創辦人莊志雄指，之前提過特朗普一當選就會提名甘迺迪(Robert F. Kennedy Jr.)掌管衛生部門，令醫療相關股份例如藥股、一些大型藥廠由高位跌左20%至30%，一些高位唔敢入場慨投資者就趁機買入，有部分資金流入左藥股市場。 Lewis又提到，睇返美銀報告，仍然最多資金流入科技、醫師保健、通訊服務及非必需消費品呢4個板塊，不過，即使絕大部分資金流入科技板塊，都仍未破到7月頂位，因為投資者多數係特朗普宣布當選後，先再追入科技股，或者係高位等突破，令到些貨就鎖住左，變曬「蟹貨」。 |
|
| 莊志雄 |
2024-11-01T15:25 |
美國總統大選已進入倒數階段，不論資產市場表現、民調等，都顯示特朗普(Donald Trump)好大機會再入主白宮。 「股市漁夫」創辦人莊志雄指，仲有些民調指賀錦麗(Kamala Harris)會贏，但如果睇博彩公司賠率、股市表現，同埋一些有權威性慨機構，因為佢地唔止睇民調，仲會睇數據後做一些模型，呢幾方面都顯示特朗普勝算較大，今日想講下如果真係特朗普勝出，有邊些板塊最受影響，市場好多時都係講「Trump Trade」，有乜野係特朗普上場要買，但由於佢勝算增加，其實已偷步炒左，但有部分就會受影響。 受影響會係乜野？科技股昨晚(10月31日)開始有受壓慨情況，納指中線市寬失守50水平，科技股未來會唔會受影響？此外。 |
|
| 莊志雄 |
2024-10-23T16:04 |
美國總統大選下個月就舉行，據博彩公司賠率顯示，特朗普(Donald Trump)暫時勝算較大，市場都拿特朗普2016年勝選那次作為炒作參考，各類資產價格走勢都好相似，「Trump Trade」效應係咪繼續有得炒？ 「股市漁夫」創辦人莊志雄指，睇返博彩市場，特朗普10月之後勝算增加左，接近63%，但呢個只可以反映特定某個族群慨取態，炒美股要睇闊些，睇返各類資產價格表現，特朗普2016年第1次參選時，各類資產係係佢當選後先有反應，今次市場算係偷步炒，因為特朗普勝算高些，大部分資產價格走勢同2016一樣，地區性銀行指數跑贏標普500，30年期美國債跌5%，只係金價同當年走勢唔同，今次係有得升。 Lewis又話，睇埋羅素2000指數，長倉倉位已升至阻力位，亦抽升過兩次，如果想繼續部署受惠於減息慨中小型股，就要小心聯儲局未來慨減息幅度，係咪仲有咁大減息空間，因為依家仍處於淺度減息周期，但市場就炒緊未來會減更多，踏入深度減息周期，不過，唔排除美國經濟狀況會再惡化，投資者必須小心部署。 |
|
| 莊志雄 |
2024-10-16T17:19 |
港股昨日(15日)突一度急瀉逾900點，似乎失左之前慨動力，而美股近期表現唔錯，有唔少投資者覺得美股易玩過港股，不過，美國總統大選仲有約3個星期就舉行，呢場大選對後市有咩影響？ 「股市漁夫」創辦人莊志雄指，睇返上半年，美股慨機會的確比港股多，但踏入8月之後，要揀股能力強先可以係美股搵岩股，例如熱門股份微軟(Microsoft)及英偉達(Nvidia)，其實已有近8個月及4個月有波幅冇升幅，連呢類科技龍頭股只係反覆上落，反映美股其實唔易玩。 Lewis又話，距離美國總統大選完結唔夠30日，MOVE Index反映慨債市引伸波幅創新高，意味交易債券慨投資者擔心大選後，利率波動加劇及債價下跌，而有「恐慌指數」之稱慨VIX升穿20水平，納指波動指數VXN更高見24水平，但標指就繼續創新高，呢個情況係極少見，過去20年，VIX高過20而大市指數創新高，只係出現過兩次，分別係新冠疫情前及科網股爆破前，要小心留意美股後市會點發展。 |
|
| 莊志雄 |
2024-10-09T16:36 |
A股昨日(8日)復市，發改委同日開記招，但政策憧憬落空，拖累港股「股災式」急瀉，單日瀉逾2000點，以點數計，破左2008年金融海嘯時慨紀錄，依家港股有唔少股份估值偏低，如果想執平貨應該點揀？又要避開邊類股份？ 「股市漁夫」創辦人莊志雄指，港股昨日(8日)先升穿150天線，大市震倉後，跌穿150天線慨股份唔係首選，因為呢類股份比較落後，當市寬向下，落後慨股票就會先跌，其中，雖然科技板塊強勢，但網易(09999)及騰訊音樂(01698)屬於落後慨科技股，除非可以短時間內上返150天線，否則，唔係科技板塊首選。 佢又指，美高梅中國(02282)等賭股都係較落後慨股份，但唔建議用賭股追落後，因為賭股波幅大，亦隨時會出現「遲升先跌」慨情況。 Lewis續指，要避開內房板塊，因為要有好大量資金先可以救得曬所有內房股，而救市資金唔係一次過放出，難以拯救所有內房股，佢又提醒，內房股最容易賺錢慨時間已經過左，之後就會有較大慨波幅，亦難以揀中安全慨股份。 |
|
| 莊志雄 |
2024-10-02T15:26 |
港股大時代重臨，雖然恆生指數暫時已連升第7個交易日，但仍動力十足，即使今日北水「缺席」，但大市半日成交已逾2300億元，指數一度狂飆逾1500點，即使中東局勢緊張，但無阻港股升勢，港股似乎動力十足，而市場亦對今輪救市政策好受落。 「股市漁夫」創辦人莊志雄表示，如果睇返市場上周慨反應，今輪救市政策市場係好收貨，佢話可以用3個角度去睇，首先係動力，其次係估值點同其他市場比較，因為對機構投資者來講，好多時都係著重估值，若估值平但冇動力，佢地未必會參與，A股及港股估值平早已眾所周知，但依家動力返左黎，最後係睇市場氣氛，依家氣氛都返左黎，當3個因素加埋，市場就突然好熾熱。 Lewis又話，睇中線市寬都可以評估到大市慨動力，以今年上半年為例。 |
|
| 莊志雄 |
2024-09-04T15:18 |
美股係9月第1個交易日出現大跌市，英偉達(Nvidia)係其中一個幕後推手，有消息指，Nvidia面臨慨反壟斷調查升級，並已收到美國司法部慨傳票，拖累股價昨晚(3日)重挫近10%，Nvidia今次可唔可以好似以前咁，跌完又升過？係咪可以趁低入貨？ 「股市漁夫」創辦人莊志雄指，今次情況似乎唔係咁，因為Nvidia早過標普500指數見頂，股價6月中見頂後，往後一個頂低過一個頂，之前人工智能(AI)板塊係美股慨領袖，但依家大市缺乏領袖，冇理由靠防守性慨公用股做大市領袖，反映Nvidia股價已見頂。 Lewis又指，自6月起有唔少散戶大手買入Nvidia，情況有些似2022至2023年慨Tesla，當股價自高位跌落黎之後就開始買入，加上5月底以後入市慨資金，大部分都要蝕錢，有唔少蟹貨坐緊，要一段長時間先消化到。 |
|
| 莊志雄 |
2024-08-21T16:46 |
月初美國非農數據唔理想，引發日圓拆倉，令環球股市係8月5日經歷「黑色星期一」，不過，美股同日股快速自低位反彈，道指及標指只係低高位約1%，日圓近日又開始轉強，係咪以之前拆倉低位作為指標？ 「股市漁夫」創辦人莊志雄指，日本央行冇管理好市場預期，所以觸發拆倉潮，唔單止影響日股，仲影響埋美股，連最強慨納指由7月中開始跟隨日圓見頂回落，日圓跌代表美元轉弱、日圓轉強。日央行出黎安撫市場，表示市場未穩定慨情況下，係唔會再加息。依家市場穩定返，會唔會加息，現時對日央行黎講仍然係一個難處，因為仲未解決通脹問題。 Lewis相信，短線做高槓桿或套息交易(Carry Trade)慨投資者已經拆曬倉，但留意返長倉，唔少投資者以借日圓慨方式買日本資產，長倉好多已長楂幾年，利潤非常可觀，如果日圓轉強，會影響日股，所以投資者沽部分日圓資產，還日圓，日圓可能會繼續強勢。若日圓跌到落140水平，可能會拆埋長倉，睇住日圓走勢係一個重要指標，下一輪好大機會會影響美股。 |
|