| Commentator |
Time |
Content |
Tag |
| 莊志雄 |
2025-01-08T16:01 |
債息係減息周期中抽升，歷史上係非常罕見，美股3大指數昨晚(7日)反應負面，科技股顯著受壓，其中，英偉達(Nvidia)股價破頂後倒插。如果債息升唔停，邊類股票或資產會受最大影響？ 「股市漁夫」創辦人莊志雄指，美債係長期資產慨基準，尤其是優質股，例如科技股交易所買賣基金(ETF)XLK，債息升就會令長期資產估值受壓，債息扯得愈高，市場就會要求呢些長期資產慨估值下降。 佢續指，特朗普(Donald Trump)當選美國總統後，科技股ETF曾嘗試突破2024年7月高位，但去年12月嘗試突破失敗，就係因為聯邦公開市場委員會(FOMC)去年12月會議後，市場知道2025年會放慢減息步伐，XLK即失左突破動力，已半年冇錄得升幅，投資者要留意，過去半年冇升幅究竟係整固還是係派貨，但正常整固係唔需要半年咁耐。 Lewis又話，企業高層亦冇買入自己公司慨股份，知情人士交易亦係10年以黎最少，若企業高層認為特朗普上任後，公司股價會升，理應係現階段入貨，因此，佢建議散戶先減少槓桿，再小心留意股價未來慨走向。 |
|
| 莊志雄 |
2024-12-30T17:20 |
美股今年表現強勁，標普500指數累升約25%，主要係靠大股撐起整個升勢，高盛估計，相比標指其他股份慨股價，明年「科技7雄」(Magnificent 7)跑贏幅度將唔及今年及去年咁勁，估計只會跑贏7個百分點，而上一次出現相若情況係2018年，相比2018年，依家慨情況係好左還是更差？ 「股市漁夫」創辦人莊志雄指，依家慨情況同2018年好唔同，市寬50%係牛熊分界，現時市寬低過50%，代表有超過一半慨股票跌穿200天線，意味超過一半慨股票有「蟹貨」，睇返2018年初，市寬約65%，當時大部分股票都冇「蟹貨」，並企係200天線樓上，若2025年開局冇太大變化，2025年慨市寬將會低過2018年，反映大市明顯弱過2018年，當年「7雄」只係跑贏大市8個百分點，估計2025年「7雄」表現將會比大市更差。 Lewis又話，2018年第4季，標指迫近歷史高位，但市寬跌穿50%，當時美國聯儲局做錯決定，依家聯儲局亦有機會做錯決定，所以要小心大市及大型科技股會大跌。 |
|
| 莊志雄 |
2024-12-11T15:20 |
美股近日受壓，其中，道指已連跌4個交易日，係咪黎到年底開始有些疲態？展望明年，美股又會點走，特朗普將會係明年1月20日正式上任，美股明年最大風險又係邊度？睇返特朗普上個任期，初期美元都強勢，但好快就回落，今次會唔會歷史重演機會大唔大？ 「股市漁夫」創辦人莊志雄指，上星期都提及，希望Trump Trade股票升完一浸後，科技股可以接力推高股市，最簡單就睇科技指數交易所買賣基金(ETF)，呢隻ETF唔包括Tesla，而蘋果公司(Apple Inc.)、英偉達(Nvidia)及微軟(Microsoft)呢3大股王佔比高達40%，而上星期中就出現突破，衝破左7月特朗普遇襲前後高位，呢個係一個主要阻力，原本走勢幾好，但去到昨晚(11日)跌返落黎，依家希望可以守到趨勢線，如果守唔到就要小心。 |
|
| 莊志雄 |
2024-12-04T15:39 |
自特朗普(Donald Trump)勝出美國總統大選後，美股上升速度似乎加快，佢主張慨「美國優先」及減稅措施，預期可惠及小型企業，特朗普慨政策對美股以至其他股市有咩影響？ 「股市漁夫」創辦人莊志雄表示，係特朗普當選後，美股整體表現結構出現轉變，過往帶動大市慨功臣「科技7雄」(Magnificent 7)，係呢段時間慨表現反而較為失色，而特朗普當選至今，表現最好係標普600小型股指數，其次係標普400中型股指數。不過，自12月開始，納指綜合指數及納指100指數都開始追緊上黎，整體黎講，小型股表現好過大型股，希望科技股係12月可以接力，延續美股慨升勢。 Lewis又話，特朗普當選後，對新興市場影響較大，港股跌勢亦加劇，因為市場始終憂慮關稅問題，以及對華政策可能「偏鷹」，加上市場之前期望中央再推出大規模刺激經濟措施，但最終失望而回。 |
|
| 莊志雄 |
2024-11-27T15:57 |
近年不斷買入比特幣(Bitcoin)慨持倉大戶MicroStrategy(MSTR.US)，再度成為熱炒對象，觸發點係特朗普(Donald Trump)贏左美國總統大選，雖然之前畀沽空機構香櫞研究(Citron Research)狙擊，但股價今年升幅仲大過人工智能(AI)晶片股王英偉達(Nvidia)。 「股市漁夫」創辦人莊志雄指，特朗普當選後，MicroStrategy更成為市場焦點，Bitcoin再受關注呢個都係觸發點，而MSTR慨操作更加係火上加油。 MicroStrategy主席Michael Saylor基本上一直係單邊睇好Bitcoin，佢最新估計Bitcoin每粒可升至1300萬美元，如果升到呢個價世界應該民不聊生。 |
|
| 莊志雄 |
2024-11-20T16:33 |
「特朗普(Donald Trump)2.0」時代來臨，資金持續流入科技、通訊服務板塊，但呢兩個星期都見到醫療保健都有唔少資金流入，點解會出現呢個情況？短線再升空間大唔大？ 「股市漁夫」創辦人莊志雄指，之前提過特朗普一當選就會提名甘迺迪(Robert F. Kennedy Jr.)掌管衛生部門，令醫療相關股份例如藥股、一些大型藥廠由高位跌左20%至30%，一些高位唔敢入場慨投資者就趁機買入，有部分資金流入左藥股市場。 Lewis又提到，睇返美銀報告，仍然最多資金流入科技、醫師保健、通訊服務及非必需消費品呢4個板塊，不過，即使絕大部分資金流入科技板塊，都仍未破到7月頂位，因為投資者多數係特朗普宣布當選後，先再追入科技股，或者係高位等突破，令到些貨就鎖住左，變曬「蟹貨」。 |
|
| 莊志雄 |
2024-11-01T15:25 |
美國總統大選已進入倒數階段，不論資產市場表現、民調等，都顯示特朗普(Donald Trump)好大機會再入主白宮。 「股市漁夫」創辦人莊志雄指，仲有些民調指賀錦麗(Kamala Harris)會贏，但如果睇博彩公司賠率、股市表現，同埋一些有權威性慨機構，因為佢地唔止睇民調，仲會睇數據後做一些模型，呢幾方面都顯示特朗普勝算較大，今日想講下如果真係特朗普勝出，有邊些板塊最受影響，市場好多時都係講「Trump Trade」，有乜野係特朗普上場要買，但由於佢勝算增加，其實已偷步炒左，但有部分就會受影響。 受影響會係乜野？科技股昨晚(10月31日)開始有受壓慨情況，納指中線市寬失守50水平，科技股未來會唔會受影響？此外。 |
|
| 莊志雄 |
2024-10-23T16:04 |
美國總統大選下個月就舉行，據博彩公司賠率顯示，特朗普(Donald Trump)暫時勝算較大，市場都拿特朗普2016年勝選那次作為炒作參考，各類資產價格走勢都好相似，「Trump Trade」效應係咪繼續有得炒？ 「股市漁夫」創辦人莊志雄指，睇返博彩市場，特朗普10月之後勝算增加左，接近63%，但呢個只可以反映特定某個族群慨取態，炒美股要睇闊些，睇返各類資產價格表現，特朗普2016年第1次參選時，各類資產係係佢當選後先有反應，今次市場算係偷步炒，因為特朗普勝算高些，大部分資產價格走勢同2016一樣，地區性銀行指數跑贏標普500，30年期美國債跌5%，只係金價同當年走勢唔同，今次係有得升。 Lewis又話，睇埋羅素2000指數，長倉倉位已升至阻力位，亦抽升過兩次，如果想繼續部署受惠於減息慨中小型股，就要小心聯儲局未來慨減息幅度，係咪仲有咁大減息空間，因為依家仍處於淺度減息周期，但市場就炒緊未來會減更多，踏入深度減息周期，不過，唔排除美國經濟狀況會再惡化，投資者必須小心部署。 |
|
| 莊志雄 |
2024-10-16T17:19 |
港股昨日(15日)突一度急瀉逾900點，似乎失左之前慨動力，而美股近期表現唔錯，有唔少投資者覺得美股易玩過港股，不過，美國總統大選仲有約3個星期就舉行，呢場大選對後市有咩影響？ 「股市漁夫」創辦人莊志雄指，睇返上半年，美股慨機會的確比港股多，但踏入8月之後，要揀股能力強先可以係美股搵岩股，例如熱門股份微軟(Microsoft)及英偉達(Nvidia)，其實已有近8個月及4個月有波幅冇升幅，連呢類科技龍頭股只係反覆上落，反映美股其實唔易玩。 Lewis又話，距離美國總統大選完結唔夠30日，MOVE Index反映慨債市引伸波幅創新高，意味交易債券慨投資者擔心大選後，利率波動加劇及債價下跌，而有「恐慌指數」之稱慨VIX升穿20水平，納指波動指數VXN更高見24水平，但標指就繼續創新高，呢個情況係極少見，過去20年，VIX高過20而大市指數創新高，只係出現過兩次，分別係新冠疫情前及科網股爆破前，要小心留意美股後市會點發展。 |
|
| 莊志雄 |
2024-10-09T16:36 |
A股昨日(8日)復市，發改委同日開記招，但政策憧憬落空，拖累港股「股災式」急瀉，單日瀉逾2000點，以點數計，破左2008年金融海嘯時慨紀錄，依家港股有唔少股份估值偏低，如果想執平貨應該點揀？又要避開邊類股份？ 「股市漁夫」創辦人莊志雄指，港股昨日(8日)先升穿150天線，大市震倉後，跌穿150天線慨股份唔係首選，因為呢類股份比較落後，當市寬向下，落後慨股票就會先跌，其中，雖然科技板塊強勢，但網易(09999)及騰訊音樂(01698)屬於落後慨科技股，除非可以短時間內上返150天線，否則，唔係科技板塊首選。 佢又指，美高梅中國(02282)等賭股都係較落後慨股份，但唔建議用賭股追落後，因為賭股波幅大，亦隨時會出現「遲升先跌」慨情況。 Lewis續指，要避開內房板塊，因為要有好大量資金先可以救得曬所有內房股，而救市資金唔係一次過放出，難以拯救所有內房股，佢又提醒，內房股最容易賺錢慨時間已經過左，之後就會有較大慨波幅，亦難以揀中安全慨股份。 |
|
| 莊志雄 |
2024-10-02T15:26 |
港股大時代重臨，雖然恆生指數暫時已連升第7個交易日，但仍動力十足，即使今日北水「缺席」，但大市半日成交已逾2300億元，指數一度狂飆逾1500點，即使中東局勢緊張，但無阻港股升勢，港股似乎動力十足，而市場亦對今輪救市政策好受落。 「股市漁夫」創辦人莊志雄表示，如果睇返市場上周慨反應，今輪救市政策市場係好收貨，佢話可以用3個角度去睇，首先係動力，其次係估值點同其他市場比較，因為對機構投資者來講，好多時都係著重估值，若估值平但冇動力，佢地未必會參與，A股及港股估值平早已眾所周知，但依家動力返左黎，最後係睇市場氣氛，依家氣氛都返左黎，當3個因素加埋，市場就突然好熾熱。 Lewis又話，睇中線市寬都可以評估到大市慨動力，以今年上半年為例。 |
|
| 莊志雄 |
2024-09-04T15:18 |
美股係9月第1個交易日出現大跌市，英偉達(Nvidia)係其中一個幕後推手，有消息指，Nvidia面臨慨反壟斷調查升級，並已收到美國司法部慨傳票，拖累股價昨晚(3日)重挫近10%，Nvidia今次可唔可以好似以前咁，跌完又升過？係咪可以趁低入貨？ 「股市漁夫」創辦人莊志雄指，今次情況似乎唔係咁，因為Nvidia早過標普500指數見頂，股價6月中見頂後，往後一個頂低過一個頂，之前人工智能(AI)板塊係美股慨領袖，但依家大市缺乏領袖，冇理由靠防守性慨公用股做大市領袖，反映Nvidia股價已見頂。 Lewis又指，自6月起有唔少散戶大手買入Nvidia，情況有些似2022至2023年慨Tesla，當股價自高位跌落黎之後就開始買入，加上5月底以後入市慨資金，大部分都要蝕錢，有唔少蟹貨坐緊，要一段長時間先消化到。 |
|
| 莊志雄 |
2024-08-21T16:46 |
月初美國非農數據唔理想，引發日圓拆倉，令環球股市係8月5日經歷「黑色星期一」，不過，美股同日股快速自低位反彈，道指及標指只係低高位約1%，日圓近日又開始轉強，係咪以之前拆倉低位作為指標？ 「股市漁夫」創辦人莊志雄指，日本央行冇管理好市場預期，所以觸發拆倉潮，唔單止影響日股，仲影響埋美股，連最強慨納指由7月中開始跟隨日圓見頂回落，日圓跌代表美元轉弱、日圓轉強。日央行出黎安撫市場，表示市場未穩定慨情況下，係唔會再加息。依家市場穩定返，會唔會加息，現時對日央行黎講仍然係一個難處，因為仲未解決通脹問題。 Lewis相信，短線做高槓桿或套息交易(Carry Trade)慨投資者已經拆曬倉，但留意返長倉，唔少投資者以借日圓慨方式買日本資產，長倉好多已長楂幾年，利潤非常可觀，如果日圓轉強，會影響日股，所以投資者沽部分日圓資產，還日圓，日圓可能會繼續強勢。若日圓跌到落140水平，可能會拆埋長倉，睇住日圓走勢係一個重要指標，下一輪好大機會會影響美股。 |
|
| 莊志雄 |
2024-08-14T16:17 |
美國昨晚(13日)公布慨生產物價指數(PPI)溫和，增加聯儲局9月減息慨籌碼，據最新利率期貨顯示，聯儲局減息0.5厘慨機率略為升溫，更略高於加0.25厘，點睇最新通脹同減息預期慨變化？ 「股市漁夫」創辦人莊志雄指，市場已經就短期減息預期計價，問題在於唔知減0.25厘還是0.5厘，早前，《彭博》報道指，如果睇利率期貨聯儲局會減9次息，每次0.25厘，其實睇美匯指數都可以睇到市場慨取態，但依家市場認為要合共減超過2厘息，問題係減息期間係咪循序漸進，即每次減0.25厘，合共減9次，如果依家要減2厘以上，就代表美國經濟陷入衰退，如果冇出現衰退，其實唔需要減2厘以上，如果經濟係「軟著陸」應該減1厘以下。 Lewis又指，依家慨變數係當聯儲局真係慢慢減息，通脹係咪會回升，因為通脹仍未完全受控，今次係因為聯儲局之前做錯野引發通脹，通脹開始之後，通脹預期亦升左好多，呢個諗法唔係咁易改變，聯儲局需要加息加得好狠，先可以完全遏制通脹，但如果9月啟動減息周期，就應該遏唔曬，將會死灰復燃，持續減息就會令通脹回升，到時聯儲局就會面臨困局。 |
|
| 莊志雄 |
2024-08-07T16:32 |
環球股市經歷兩日大跌後反彈，以為今早(7日)會靜一靜，點知日本央行官員突然出口術，提到唔會係金融市場唔穩定慨時候加息，令到日圓今早一度轉弱至147水平，日股早段曾抽升逾1000點。日圓拆倉加埋美國經濟陷入衰退慨憂慮，觸發全球林市，原本市場拗緊呢隻鑊應該由日央行，還是美國揹，但日央行一出口術，市場即時回穩，似乎日圓拆倉先至係林市「元凶」？ 「股市漁夫」創辦人莊志雄指，都可以咁講，最大觸發點係日央行加息多過市場預期，因為之前累積大量利差交易(Carry Trade)，又冇人知道有幾多，不過，德意志銀行(Deutsche Bank)估計有20萬億美元，咁只能聽大行講，因為冇準確慨統計或指標，可以知道真正有幾多Carry Trade存在。 Lewis又指，有部分槓桿真係好勁，但如無意外都應該「死曬」，睇返日圓長短倉分布，如果去到零就代表長短倉都冇，但呢個係高盛慨統計，如果由負數轉正數，就代表做日圓短倉慨人幾乎全部被「夾死曬」，如果純粹係「偷雞」用槓桿做，呢類慨Carry Trade如無意外都「死曬」。 |
|
| 莊志雄 |
2024-07-24T15:10 |
市場十分關注美國總統大選慨選情，交易員都睇到實，睇返博彩公司數據，依家兩大陣營勢均力敵，特朗普(Donald Trump)槍擊事件令民情大漲呢個因素係咪已經淡化？「Trump Trade」係咪已經炒完？ 「股市漁夫」創辦人莊志雄指，特朗普遭槍擊後民情大漲，勝選呼聲好高，月中時博彩公司數據顯示佢有70%機會贏，之後拜登(Joe Biden)退選，依家似乎好大機會由賀錦麗(Kamala Harris)出戰，但民主黨大佬未有明顯表態，例如奧巴馬(Barack Obama)，但拜登退選係掃除左1個不明朗因素，睇返博彩公司賠率，賀錦麗依家有45%機會勝選，特朗普仍以57%領先，但最有趣係特朗普贏面細左，重返槍擊事件前水平。 Lewis續指，睇返主要資產價格，由於特朗普支持比特幣(Bitcoin)，虛擬貨幣應該會升，但辯論結束後，價格冇因為佢勝選機會大左而即時上升，到槍擊事件後就回升，但到底係跌得太多夾返上去？呢個就不得而知，所以Bitcoin係咪一個「Trump Trade」都係一個疑問。 |
|
| 莊志雄 |
2024-07-17T15:30 |
特朗普遭槍擊後，令佢係今次美國總統大選慨勝在機會急升，過去幾日，金融市場都出現一些過往較少見慨情況，其中一個現象係小型股指數罕有跑出，升幅亦幾顯著。 「股市漁夫」創辦人莊志雄指，槍擊事件後，據博彩公司估算，特朗普勝選機會率達70%，依家市場慨炒法已當佢贏左，依家市場出現一些較少見慨情況，首先係中小型股造得好好，睇返過去1周各類資產價格表現，標普600小型股指數升近9.5個百分點，期間，標指僅升約0.6個百分點，係一個極罕見慨情況，表現第2好係中型股。 Lewis續指，另一個奇怪現象係金價跑贏標指，理論上中小型股造好，市場正處於risk on狀態，意味唔需要避險，投資者蜂擁去買風險資產。 |
|
| 莊志雄 |
2024-07-10T15:15 |
比特幣(Bitcoin)價格今個星期一度跌穿55000美元，跌至今年2月以來低位，如果睇返資金流，由於Bitcoin價格上落好快，有短炒憧憬，係咪短線資金流入得快些？長線資金有冇繼續留低？ 「股市漁夫」創辦人莊志雄指，可以用3個角度去分析Bitcoin，首先係資金流，今年推出左Bitcoin現貨交易所買賣基金(ETF)，令參與呢種工具慨人大增，包括唔太認識Bitcoin或唔想開Crypto Wallet去投資慨人，應該係虛幣新手較多，Bitcoin現貨ETF推出初期，即5月底6月初有較多資金流入，當時Bitcoin已見左高位，之後好多人趁低吸納。 佢續指，今個星期又見到有人趁低吸納，但力度同上次差好遠，佢認為呢些資金以短線跟風為主，有個網站叫lookintobitcoin係好有趣，可以計到短線及長線資金，前者係1個之內，後者就1至2年，兩者取態係好唔同，係Bitcoin現貨ETF推出時有短錢追入出現高峰，但同2017、2018、2021年高峰仍相差好遠，但長線資金係完全冇跟進，反映係唔會高追，反而會吼低位開始回升時買Bitcoin，今年成個第2季都冇動靜，睇返往績長線資金應該係Smart Money，而係Bitcoin價格一直上返去，長線資金就不斷減磅，呢個都要留意。 |
|
| 莊志雄 |
2024-07-03T16:16 |
美債息持續高企，美股亦長期處於高位，如果美國聯儲局年底先開始減息，幾時開始反映係股市上？債息升到咩水平，美股先會出現跌市？ 「股市漁夫」創辦人莊志雄指，標普500指數及納斯達克100指數依家企係高位，但其實美股有近60%股份已跌穿50天線，表現兩極化，造得好慨股份帶領指數破頂，表現差慨股份就股價大林，以Nike為例，集團出完業績股價就大跌，仲錄得23年最大跌幅。佢又話，受經濟疲弱拖累，或公司本身有問題，當呢些公司一出業績，股價就隨即急挫，其中又以中小型股最受債息影響。 Lewis又話，過往經濟好慨時候，債息升，標指就會跟升，不過，2022年後，債息升，標指就會跌，若美國10年期債息升至4.6厘，就會對標指造成壓力，投資者要留意美債息升至4.6厘後會唔會爆升。 |
|
| 莊志雄 |
2024-06-19T18:13 |
標指及納指昨晚(18日)又破頂，前者已經係第31次破頂，後者亦連升7個月，升勢亦相當集中，但睇返納指100，創52周新低股份數量比創52周新高股份數量慨日子多，而市寬又轉差左，數據有好有壞，投資者應該點部署？ 「股市漁夫」創辦人莊志雄認為，見到股市都幾兩極化，如果用指數睇市，由於指數受最大隻慨股份影響較多，指數因大股做得好，例如英偉達(Nvidia)及蘋果公司(Apple Inc.)股價近期做好，帶動指數創新高，已連續375個交易日，冇明顯跌多過2.05%，對上10幾年都冇試過，對上一次出現呢個情況，就特朗普(Donald Trump)做總統時，長升一段時間後，係2018年2月急挫，當時VIX抽到好高，再出現呢個情況慨機會係增加緊，雖然指數表現強勁，即所謂internal，好多對沖基金經理如Stanley Druckenmiller都好著重internal，即整體股市表現係點，見到有兩樣野係比較奇怪，即係兩極化方面。 |
|
| 莊志雄 |
2024-06-12T16:07 |
蘋果公司(Apple. Inc.)股價昨晚(11日)破頂，帶動標指及納指再破頂，不過，兩個指數慨中線市寬都同指數背馳，似乎升勢集中係某些股份，係咪一個需要驚惕慨訊號？值得留意係，呢個情況今年一直持續，後市又會係點？ 「股市漁夫」創辦人莊志雄指，暫時未見到指數有咩問題，如果投資者楂住一直破頂慨「萬億股王」，可以繼續持有，但就要留意其他持貨，因為美股頭50隻市值最大股票，今年第2季後波幅突然擴大，而且係歷年來最大，波幅擴大容易導致股價急挫，事實上，有部分股份已開始受影響。 Lewis又話，雖然指數靠「股王」破頂，但市寬就向下，紐約交易所中線市寬更跌穿50強弱分界，出現市寬同指數背馳慨情況，踏入6月市寬甚至未有回升，情況係非常罕見，而納指情況更差，所以投資者要留意，如果手上持股已跌穿50天線，建議要先行離場。 莊志雄又指，係極端背馳慨情況下，除非市寬回升，否則，指數會被拖低，現時市寬係反映美國經濟現況，高盛經濟驚喜指數已跌至今年低位，反映近期美國經濟數據差過預期，要留意對股市慨影響。 |
|
| 莊志雄 |
2024-05-22T16:23 |
市場觀望聯儲局議息會紀錄，以及人工智能(AI)晶片龍頭英偉達(Nvidia)業績，美股3大指數隔晚(21日)高收，其中，納指及標指齊創收市新高，後者收報5321點，升穿之前高位。睇返美股唔同板塊，其中，公用股表現最突出，點解呢類股份可以跑出？ 「股市漁夫」創辦人莊志雄指，依家美股最強板塊係公用股，第2季至今公用股交易所買賣基金(ETF)累升11%，大幅跑贏標指，必需消費品ETF亦升得靚過標指，而呢兩個防守性板塊係升得最好。 Lewis續指，電力公司Vistra Energy(VST)及Constellation Energy Corporation(CEG)係最強公用股，不過，估值已經太貴，因為楂美債最少收4至5厘息，造定期更有5厘以上，反觀VST及CEG股息率唔夠1厘，純粹炒核電概念。佢又指，如果投資者想炒核電概念，不如直接買核電相關股，例如Global X鈾ETF(URA)，都值得留意。 |
|
| 莊志雄 |
2024-05-08T16:28 |
近期中資股反彈，走勢相當強勁，恆生國企指數由3月底至昨日(7日)止，明顯跑贏美國標普500指數。「股市漁夫」創辦人莊志雄認為，今次唔係純資金市，MSCI中國指數慨估值跌至2022年第4季以來最低水平，以現時約9倍市盈率(PE)來看，相信已反映好多負面消息，若參考2022年估值見底後指數慨反彈情況，估計今輪升浪最少可再持續4至6周。佢又指，基金減持中資股已見底回升，中國股票基金錄得近兩個月以來最大資金流入。 Lewis續指，依家最值得留意係出完業績後，股價明顯上升慨非指數成分股，因為股價唔係靠基金焗追而帶動，而係有靚業績及高beta支持，佢又點名攜程集團(09961)、泡泡瑪特(09992)、赤字城科技(09911)、美圖公司(01357)及復宏漢霖(02696)。 |
|
| 莊志雄 |
2024-04-17T17:29 |
美國3月通脹超預期，其他經濟數據亦表現強勁，美國聯儲局主席鮑威爾(Jerome Powell)昨日(16日)改口，暗示或要延遲加息，大行瑞銀(UBS)甚至估計，今年減息後，明年有機會加息。不過，美銀最新調查顯示，仍有唔少基金經理預期，未來12個月美國經濟唔會陷入衰退，佢地係咪對經濟前景過分樂觀？ 「股市漁夫」創辦人莊志雄估計，隨著美國政府慨國債負擔愈來愈重，加上中東局勢緊張，聯儲局今年或會減息1次，但指減息後通脹可能更不受控。 Lewis指出，過去6個月受訪基金經理普遍對美國債市、股市前景比較樂觀，所以大幅減少手頭現金，並大量買入包括股票、長債等長期資產(long-duration assets)。佢引述美銀4月調查指，基金經理慨股票配置繼續上升，而目前現金僅佔基金經理管理資產4%。 Lewis續指，環球通脹開始見底回升，市場對減息次數慨預期愈縮愈少，經理就有壓力減倉提高現金水平，到時美股有機會調整至少1個月。 |
|
| 莊志雄 |
2024-04-10T16:12 |
由於美國經濟及就業數據強勁，令市場對聯儲局慨減息預期降溫，但金價持續強勢，商品、能源及黃金價格表現更跑贏美股，雖然最新利率期貨顯示，市場對美國年底減息慨預期持續降溫，但美股暫時未有太大反應，究竟依家反映緊乜野？ 「股市漁夫」創辦人莊志雄指，減息預期暫時影響唔到股市，因為聯儲局官員經常出黎發表言論，令市場有個錯誤預期，以為今年真係會減息，佢提醒，要留意聯儲局會唔會唔理通脹，6月就開始減息。 Lewis又認為，當市場估計聯儲局冇誠意減息遏通脹，就會諗有咩可以對沖通脹，因為股市估值貴，推高估值反而不利投資者，所以唔會從估值方面入手，反而睇返3月會發現減息預期降溫，壓制左債價及科技股，唯獨商品相關工具做得好，所以佢提醒，資產配置一定要有商品類，因為商品係投資組合中最不受通脹影響。 |
|
| 莊志雄 |
2024-04-03T16:30 |
由於市場預期，美國聯儲局唔會咁快減息，美國10年期國債息率一度創今年新高，突破4.4厘，呢個走勢有咩啟示？ 「股市漁夫」創辦人莊志雄指，一直叫市場留意4.4厘呢個位，因為「新債王」岡拉克(Jeffrey Gundlach)曾經講過，4.4厘呢個高位會對資產價格造成壓力，係一條警戒線，第2季一開局就挑戰呢個位，暫時唔肯定衝穿4.4厘後，會唔會再一直上衝，如果真係衝穿，突破埋5厘都唔出奇。 Lewis又分析指，聯儲局2022年中啟動加息周期後，當年第2季都曾加息0.75厘，債息幾日內抽高50點子，但之後一直冇乜大變動，直至今年2月公布消費物價指數(CPI)後，債息急升逾30點子，後來聯儲局不斷「放鴿」，令市場認定上半年將會減息，不過，債息不單冇跌穿4厘，反而向上挑戰4.4厘，反映債市或長債投資者認為，聯儲局依家慨做法會令長期息率落唔返黎，意味美國長期通脹已較難控制。 |
|
| 莊志雄 |
2024-03-20T17:48 |
日本央行結束負利率政策，17年以來首次加息，不過，日圓及日債表現反高潮，日圓跌穿151，債息又顯著向下，係咪市場解讀為日央行實際上會繼續寬鬆？ 「股市漁夫」創辦人莊志雄指，議息結果公布前，好多人諗住日央行會加息，或者已經結束超寬鬆貨幣政策，所以可能好多盤等緊Long Yen，但有時事情發生後，唔係跟住大眾意願去行，例如英偉達(Nvidia)峰會都有類似情況，股價係峰會後升唔到，最重要日央行行長植田和男慨言論，市場解讀為「鴿派地加息」，而Yen慨反應顯示，市場質疑日央行慨做法控唔控制到通脹，所以Yen就不升反跌。 Lewis續指，植田已講明會保留大量靈活性，保持寬鬆政策，亦表明冇緊急加息慨必要，可能佢認為通脹會持續回落。市場反應方面，即使今次係萬眾期待，但今次加息仍然唔係全票通過，所以兩年期利率都見頂回落，10年期利率更誇張，知道日央行放棄孳息曲線控制(YCC)政策後，亦指會保留大量彈性，可以隨時再買長債，見到長債息回套返最近一半升幅，所以日圓有咁慨反應係正常，因為日央行都講明會再買返債，似乎唔係正式結束超寬鬆貨幣政策。 |
|
| 莊志雄 |
2024-03-13T16:26 |
美國2月核心通脹按月升0.4%，連續兩個月高過預期，但標指繼續創收市新高，似乎市場唔係好理會通脹數據，無論減息預期高低，美股似乎都可以繼續破頂？ 「股市漁夫」創辦人莊志雄指，如果想美股繼續升，聯儲局就要放棄打擊通脹，除非聯儲局表明不論通脹指標係咪回升都唔會理，美股先有機會升，但就會犧牲左長債，因為通脹始終會慢慢升返上去，而長債價格就會冇反應，其次係要犧牲美金，其實同日本一樣，只要貨幣貶值就可以谷高股票指數，而主流媒體成日話通脹係最後一里(Last mile)，已經講左8個月，只要講得愈來愈多，係呢種氣氛主導下，就會令人相信通脹一定會回落，唔理正式通脹指標係咪回升緊，就可以令股市或指數繼續升。 Lewis又留意到，大部分通脹報道都係講按年及按月變化，但其實聯儲局主席鮑威爾(Jerome Powell)係會睇以3個月或6個月年率化慨核心通脹率，尤其係個人消費開支(PCE)，而過去12個月慨年率化核心CPI昨日(12日)顯示仍然向下，不過，如果睇3個月或6個月就見到通脹已經回升，而前者更升至4.1%，加上之前做左超級核心通脹指標，呢個指標係連租金都撇除埋就升4.5%，是9個月以來最高水平，反映升勢都幾凌厲。 |
|
| 莊志雄 |
2024-03-06T15:52 |
美股去年第4季開始炒減息，今年就炒「金髮女孩經濟」(Goldilocks Economy)，即經濟穩定增長、低失業率、通脹溫和受控，令美股不斷破頂，不過，美國近期多項經濟數據表現麻麻，「花旗經濟驚喜指數」亦再度回落，係咪因為市場又炒返減息，帶動金價衝高？ 「股市漁夫」創辦人莊志雄指，美國上周出左消費信心等數據後，由於表現普遍差過預期，如果「花旗經濟驚喜指數」升就代表經濟數據好過預期，相反，指數向下就反映整體數據差過預期，由於去年第4季數據差過預期，市場認為通脹有機會回落，所以就炒減息，但到今年數據好過預期，尤其2月慨通脹數據，市場就唔再炒「金髮女孩經濟」，似乎係一個唔錯慨局面，但2月中之後經濟數據又轉差，有可能市場再炒減息推高個市，但要留意未來一至兩周出爐慨數據。 |
Gold , US Stock |
| 莊志雄 |
2024-02-21T14:22 |
據美國最新數據顯示，當地通脹仍有好大韌性，令市場調整左對聯儲局幾時開始減息，減幾多次息慨預期，市場原本對減息慨預期及睇法都幾進取。 「股市漁夫」創辦人莊志雄指，睇返美銀慨基金經理調查，過去20年，未見過咁多基金經理認為今年一定減息，如果睇2年期利率，未來兩年會減4次息，根據過往經驗，聯邦基金利率表現係緊貼2年期利率，而後者最近係升緊，尤其去年12月之後，因此，最易出錯就係呢個位，太多人以為今年開始減息，其實「新債王」岡拉克(Jeffrey Gundlach)指，如果用2年期利率量度，預期聯儲局今年減息1次，明年就減3次，呢個就係落差。 Lewis又話，但基金經理幾乎100%認為今年會減息，所以佢地買債買得好勁，見到overweight債券係最多，所以好大機會係呢度出錯。 |
US Bonds |
| 莊志雄 |
2024-02-14T18:36 |
雖然美國1月消費物價指數(CPI)按年升幅放緩，但高過市場預期，據最新利率期貨顯示，聯儲局5月減息機會由數據公布前慨61%，急降至36%，而超級核心通脹似乎有掉頭回升慨勢頭，如果通脹真係仍未受控，短期內回落慨機會係咪唔大？雖然市場預期今年係減息年，但睇返依家慨情況，聯儲局今年會唔會仍未開始減息？ 「股市漁夫」創辦人莊志雄指，可能係，甚至要掉頭加息，美國超級核心通脹按年升4.4%，按月升幅更加係2002年以來較高水平，但呢個已經唔計租金、能源及食品，但其實聯儲局已不斷搬龍門，連租金都剔除，但仍按年升4.4%，最大可能係美國人慨通脹預期愈來愈高，因為實質收入增長已經跟唔上通脹升幅，工資係被蠶食。 Lewis又話，呢度仲未計過去兩個月航運價格不斷上漲，唔少航線升幅已超過100%，有研究機構指，當航運價格升1倍，會影響環球通脹0.7個百分點，如果運費全線升200%，會影響環球通脹1.5個百分點，如果紅海、巴拿馬等危機未解決，通脹係好難回落。 |
Energy , BDI , Food |
| 莊志雄 |
2024-02-07T17:06 |
近期美股唔少人工智能(AI)相關股係業績期暴升，標普500指數亦跟住創新高，但市寬走勢就愈來愈背馳。「股市漁夫」創辦人莊志雄指，紐交所周一(5日)只有不足20%股份上升，係1962年以來從未見過慨異常情況，提醒美股後市或會好波動。 佢又話，債市亦出現異常，上周五(2日)至周一兩日內，美國10年期債息突然抽高近30點子，對上一次升咁多已經係2022年3月，當時聯儲局開始加息。 Lewis續指，同ISM服務業商業價格指數係過去1個月抽升有關，而服務業係當地消費物價指數(CPI)慨佔比最重，美債息急升或反映債市投資者預期，上半年通脹隨時不跌反升，並對主流慨減息預期有所警惕。 |
US Bonds , US Stock , Earnings |
| 莊志雄 |
2024-01-31T15:55 |
【Now財經台】美股持續強勢，道指昨晚(30日)又破頂，但標指及納指回套，聯儲局已展開一連兩日慨議息會議，議息結果將會係本港時間周四(2月1日)凌晨公布，議息結果會點樣左右美股後市？美股升至現水平有冇出現泡沫？ 「股市漁夫」創辦人莊志雄指，最近多左人講要「擁抱泡沫」，市場依家等緊聯儲局議息聲明，上次議息聲明出爐後，美股就升左一大浸，其中，標指升左20%，相信好多人「擁抱泡沫」慨想法就系預期聯儲局再「放鴿」，推高指數，但唔知今次有冇上次咁勁。 Lewis以用之前泡沫時期表現制作慨納指拼圖為例，用納指1999至2000年升勢同2023至2024年比較，pattern上相似，但幅度唔同，上次升得急些，今次慨形態相似，但幅度就冇咁大。睇返拼圖慨軌跡，時間點會到3月初，屆時要留意幾點，包括聯儲局之前為左救中小銀行，推出短期融資計劃系咪真正完結，因為市場似乎唔信會完結，所以會繼續炒，因此，相信納指3月唔會見頂回落，其次系聯儲局想繼續「放鴿」，就要睇通脹系咪持續回落，亦系影響今年可唔可以減息5次慨變數。 至於系唔系泡沫，除左可以睇估值，都可以睇最大慨公司系美股市場占比有幾大。 |
US Stock |
| 莊志雄 |
2024-01-17T16:24 |
【Now財經台】內幕人士傾向造淡、沽貨多，但睇返美股市況，投資者風險胃納似乎仲未反映呢個情況，據美銀證券慨基金經理調查顯示，基金經理慨樂觀情緒系兩年以來最高，到底點解會有咁大落差？美匯指數升見103水平，除左因為聯儲局官員「放鷹」，會唔會系受惠於避險資金？ 「股市漁夫」創辦人莊志雄指，當市場太差時唔好太悲觀，市場太樂觀時就唔好追。目前，貪婪與恐懼指數(Fear & Greed Index)見頂回落，市寬亦系見頂回落，呢個時候內幕人士會選擇減持自己公司股票take profit，佢建議散戶參考呢些了解自己公司運作慨人士去做。 Lewis又指，其實上季已提出見到一個好奇怪現象，美匯指數係咁多人唱減息慨情況下，都未有跌穿去年7月低位，依家反而抽返上黎，呢個情況就要留意低位，即預期會發生慨事冇發生，亦係低位上升回調0.5那個位，依家系上升中。 如果睇返歐元，部分歐元trader指，話依家系一個頭肩頂，有機會跌到0.98水平，如果歐元真系見頂回落，美匯指數可能抽升差不多10%，股市調整壓力會好大。 莊志雄 「股市漁夫」創辦人 |
US Stock , USD , EURO |
| 莊志雄 |
2024-01-10T15:52 |
【Now財經台】雖然市場成日話「科技七雄」(Magnificent Seven)係2023年撐住美股，但其實只得5雄撐住，蘋果公司(Apple)及Tesla冇份撐市，其中，Apple近日都開始被睇淡，先後被大行及券商降評級，主要系唔睇好iPhone未來銷情，其實早係半年前，呢個情況系咪已率先反映係股價上？ 「股市漁夫」創辦人莊志雄指，雖然2023年第4季Apple仍然係中國手機市場排第1位，但同比增長跌左10%，由於中國市場利潤貢獻好大，相信未來每股盈利預測都要下調，不過，市場都流行先下調盈利預測，等數據出爐後就變成「勝預期」，但事實上睇到基本因素系轉差左，尤其係重要市場慨市占率正在下降。 Lewis又話，留意到冇乜人想換iPhone 15，睇返中國網站，見到第1個星期慨銷售較2023年同期大跌30%，而係拼多多平台即使iPhone 15或15 plus都要減價近20%。 莊志雄 「股市漁夫」創辦人 |
US Stock , Rating , IT |
| 莊志雄 |
2024-01-03T17:33 |
【Now財經台】美股噚日(2日)開局失利，3大指數僅道指向上，標指就微跌，納指更跌逾1%。不過，道指、納指係2023年尾相繼破頂後，目前仍於高位徘徊，究竟標指係2024年有冇機會破頂？「股市漁夫」創辦人莊志雄認為，有幾項指標反映標指破頂機會唔大。 Lewis分析指，標指係過去70年只試過3次可以係美國債息倒掛後500個交易日內收復失地，但最終都回落到孳息曲線倒掛前水平。由2022年6月中，10年期同1年期國債孳息曲線開始倒掛起計，至今已經過左385個交易日。佢話，如果標指真系破頂，後市有可能要跌返落3700點水平。 佢又指出，過去3次收復失地慨時候，標指經調整市盈率(CAPE)皆處於當時中位數或以下水平。然而目前32倍慨CAPE明顯高於中位數，即16倍，但過去100年來，標指只係兩個時期可以由32倍再炒上，分別系2000年對付「千年蟲」，以及2020年新冠疫情後慨超低息環境。 莊志雄 「股市漁夫」創辦人 |
US Stock |
| 莊志雄 |
2023-12-20T17:36 |
【Now財經台】資金流入推高美股下，「股市漁夫」創辦人莊志雄提醒，要留意以下3項因素反映美股後市或會受壓，首先對資金蜂湧入標普500 ETF(交易所買賣基金)要抱有戒心，因為2018年就曾經出現資金流強但VIX恐慌指數急升，標指繼而急跌慨情況。 此外，Lewis分析被視為經濟寒暑表慨FedEx業績，指出過去一年通脹高企下集團上季收入仍然按年大減，反映期內貨運量明顯大跌。佢又提及，根據道氏理論(Dows Theory)，當市場上貨品滯銷，運輸股表現就會較差，並指如果道指同道瓊斯運輸業平均指數冇係同期齊創新高，可以解讀為反向驗證(non-confirmation)道指目前創新高唔合理，道指往往好快就會回落。 最後，Lewis透過統計歐元兌美元過去52年數據，推測美匯指數會係1月回升，將對資產價格造成好大壓力，因為…… 莊志雄 「股市漁夫」創辦人 |
US Stock , USD , ETF , Capital Flow , USD |
| 莊志雄 |
2023-12-13T16:50 |
【Now財經台】美國噚晚出左11月通脹數據，其中，核心消費物價指數(CPI)按年升3.1%，符預期，消息一出，明年初減息預期隨即降溫，美國通脹系咪真系好難回落？聯儲局幾時先開始減息？ 「股市漁夫」創辦人莊志雄指，聯儲局一直主要睇住核心通脹數字，而整體通脹數字都有增長，但如果拆開貨品及服務通脹數字睇，就會睇到分歧，服務通脹數字按年升近6%，貨品通脹數字按年要跌，佢又話，聽聞外國連蘋果公司慨產品都要減價發售，可能系今年庫存比較多。 Lewis又話，產品價格應該差唔多見底，因為庫存都去得七七八八，感恩節前後大減價銷情都唔錯，但佢認為，明年庫存仲有冇咁多，仲有冇減價空間暫時仲系未知數。 佢提醒，產品價格錄得按年跌幅後，好多時都會回升，一旦產品價格回升，產品通脹再升返，而服務通脹一直居高不下，黎緊就會見到核心通脹數字回升。Lewis預期，睇返依家慨局面，聯儲局唔可以咁快減息。 莊志雄 「股市漁夫」創辦人 |
|
| 莊志雄 |
2023-12-06T15:37 |
【Now財經台】踏入12月，美股繼續企係近期高位，噚晚出慨職位數據不似預期，引發市場憂慮，令減息預期持續，聯儲局去年底開始加息，標指表現仍然唔錯，過去鮑威爾及局內官員時鴿時鷹，美股呢幾年其實系咪都跟住官員口風走？ 「股市漁夫」創辦人莊志雄指，鮑威爾2018年開始正式執掌聯儲局，呢6年有個pattern幾有趣，唔知點解美股係單數年份表現較好，同埋升得比較穩定，而雙數年份期間就經歷過大跌，其中，2018年第4季自高位回落左20%，而2020年因為新冠疫情更大跌逾30%，去年大部分跌幅都系第2季出現，跌左約20%，一般黎講，第4季表現應該唔似2018年，因為當年有1個好重要因素，就系鮑威爾剛執掌聯儲局就講錯野，話會自動導航咁「收水」，繼而觸發跌市。 Lewis又話，鮑威爾汲取左上次教訓，依家「時鴿時鷹」，依家最有趣系... 莊志雄 「股市漁夫」創辦人 |
US Stock |
| 莊志雄 |
2023-11-24T16:12 |
【Now財經台】美股11月以來顯著反彈，納斯達克100仲升穿7月高位，創近兩年新高，上次議息前後聯儲局主席鮑威爾(Jerome Powell)指金融市場正發揮作用，幫手收緊信貸，聯儲局就唔使做野，不過，佢講完之後，金融市場就幫手「放水」，股債都升，鮑威爾下次系咪要改口，要做返些野？ 「股市漁夫」創辦人莊志雄認為，鮑威爾上次提及「The Market Is Doing Its Work」系咩意思？可以參考高盛金融狀況指標，每次呢個指標上升，就代表收緊銀根，鮑威爾講話前，即9月至10月底，呢個指標抽左上去，鮑威爾認為市場幫手做緊野，收緊銀根，導致當時慨金融狀態比較緊張。鮑威爾講左呢句說話，市場認為佢暗示停止加息，指標即掉頭向下，代表金融狀態寬松左，作用等同「放水」，所以過去1個月股市、債市慨方向基本上都系一致。 佢又話，係呢個情況下，由於市場預期變成「放水」或停止加息，導致有一個放松作用，各類資產價格係11月有個「松一口氣反彈」(relief rally)。 |
US Stock , Sachs , US Credit , USD , AEON CREDIT |
| 莊志雄 |
2023-11-15T16:29 |
【Now財經台】美國噚晚出左通脹數據，其中，核心消費物價格指數(CPI)按年升4%，反映美國通脹降溫速度比預期快，進一步鞏固市場對美息已見頂慨預期，市場似乎呈現一股樂觀情緒，連零售商Home Depot都話，通脹最壞情況已經過去，但值得留意系，油價、商品等冇乜反應，應該點解讀呢個現象？ 「股市漁夫」創辦人莊志雄指，暫時只系睇到一日慨反應，同埋只系一次通脹回落慨數據，至於長期通脹系咪回落，仍然言之向早，但今次通脹數據對短線有一定影響，其中以標准普爾500指數升得最多，噚晚升左1.9%，長債債價就升1%，反映債息回落，但美匯指數跌1.5%，以債價黎睇就系得不償失，所以長期黎講，要留意楂住美債會唔會蝕匯率，即使債價升，都補唔返匯價下跌。 至於點解今次通脹回落速度咁急？Lewis就話… 莊志雄 「股市漁夫」創辦人 |
US Bonds , USD |
| 莊志雄 |
2023-11-08T14:25 |
【Now財經台】「股神」巴菲特(Warren Buffett)旗下投資旗艦巴郡(Berkshire Hathaway)業績披露集團現金水平創新高，雖然集團錄得虧損，依家系咪買入呢只優質股慨時機？如果現階段唔系好時機，幾時先適合做部署？ 「股市漁夫」創辦人莊志雄指，買巴郡應該等巴菲特都認為股市跌夠出手時，上次佢出手好勁系2008年第4季狂掃貨，選擇呢些時候跟佢做部署系比較好，至於佢幾時會做野，其中一個「線索」就系留意現金水平有冇下降，例如2007、2008年現金水平大減40%，2007年高位楂左好多現金，隨著大市持續向下，佢就開始加注，一直加到2009年標指見底時，現金水平同高位比較大減逾40%，係呢些時機跟巴菲特做野或買入巴郡，會系一個較好慨時機。 不過，Lewis指出，依家標指曾經自高位回落左10%，但過去兩年都冇乜表現，係估值咁高慨情況下，見到巴菲特手頭現金系不斷增加，去年曾經增持西方石油(Occidental Petroleum)，但之後一直偏向保守，過去4季基本上系淨賣出股票，唔系淨買入，呢個就話比外界知佢慨取態，就系依家係美股搵到估值合理慨野買，都有一定困難。 |
Oil , Earnings , US Stock |
| 莊志雄 |
2023-11-01T15:09 |
【Now財經台】美國債市持續有異象，例如將美國長債交易所買賣基金(ETF)同納指100 ETF走勢拍埋睇，大部分時間都系同步，但今年第2季有一段時間系異常地唔同步，美國長債ETF跌，但納指100 ETF升，期間美股喪炒人工智能(AI)，預期通脹回落及息口見頂等，依家睇返轉頭，當時系咪炒錯左？ 「股市漁夫」創辦人莊志雄指，依家睇返一定系，當大家一窩蜂去做一件事，短線系可以唔跟基本因素，但大部分時間都要跟，點解揀美國長債ETF及納指100 ETF分析，因為呢些資產唔系睇今日，而系睇未來，前者系未來20年慨現金流，後者部分公司依家系冇盈利，都系著眼於未來10、20年，公司愈做愈好，將來有現金流時，就可以折現返去今日，就可以做一個估值。 Lewis又話，呢些Long duration assets最怕利率向上，因為要係未來慨現金流折現返去今日，利率愈高就愈唔值錢，今次個債係2021年已見頂回落，因為債券投資者對通脹敏感度較高， 長債真正大跌系2022年開始，初期一路拖住納指落去，兩者表現幾乎一模一樣，2022年呢兩類資產價格都系跌約30%。 莊志雄 「股市漁夫」創辦人 |
US Bonds , US Stock , ETF , C.P. LOTUS , HSCEI ETF |
| 莊志雄 |
2023-10-18T17:01 |
【Now財經台】據美銀最新基金經理調查顯示，受訪者預期，美國今季出現經濟衰退慨機會，較9月調查時大減至5%。不過，「股市漁夫」創辦人莊志雄擔心，歷史上美國政府公布經濟衰退會有滯後，而從以下3項經濟數據急速轉差可見，當地經濟可能已步入衰退。 Lewis分析指，9月美國信用卡消費按月驟降，急跌程度跟3月矽谷銀行(SVB)倒閉時差唔多。此外，美國大部分產品類別慨消費開支數據亦按年大跌，其中，百貨公司銷售跌近20%、電子產品銷售亦跌近10%，兩個數據都反映主力支撐美國經濟增長慨消費數據突然轉差。 佢續指，現時有約40個州份較去年多左逾20%人持續申領失業救濟金，而過去幾次經濟衰退時，正正同持續申領失業救濟金人數升幅顯著慨州份明顯增多慨時期重疊。 Lewis預期，若美國今年第4季已陷入經濟衰退，但華府可能會等到明年6月至9月先正式宣布，並指2008年金融海嘯時，當局就係9月雷曼兄弟爆煲前後，先宣布2007年末次按危機起，美國已進入衰退。 莊志雄 「股市漁夫」創辦人 |
Retail |
| 莊志雄 |
2023-10-11T16:26 |
【Now財經台】美國聯儲局2021年11月宣布「收水」後，股債都系跌，但油價已經升返上去，金價就升得唔多，究竟近期以巴沖突，會唔會令金價或其他資產價格出現大變動？金價有冇力追落後？ 「股市漁夫」創辦人莊志雄指，雖然美國聯儲局開始加息至今唔夠兩年，但聯儲局宣布「收水」至今就差唔多兩年，期間美股從未創新高，絕對稱唔上系牛市，而對二三線美股黎講更加系熊市，跌得最甘系債市，美國30年期債價係宣布「收水」後跌逾30%，相反，聯儲局「收水」令美元造好，至今美匯指數升近12%，而金價係呢段期間都冇跌，油價更錄得頗大升幅，但油價最終會被經濟衰退影響，因此，第4季未必可以繼續升。 Lewis續指，要留意金價會唔會接力油價慨升勢，因為過往金價係經濟衰退時有機會造好，由於金價過去兩年升得比較少，投資者可能會買金避險。 佢又話，雖然以巴爆發沖突，但市場冇太大反應，即使油價上升，但美股近乎冇反應，佢提醒，市場風險溢價應該要提高，加上「收水」，美股估值應相應下跌，所以美股現階段系偏貴。 莊志雄 「股市漁夫」創辦人 |
Gold , USD , US Stock , USD |
| 莊志雄 |
2023-10-04T14:53 |
【Now財經台】美國眾議院通過罷免議長麥卡錫(Kevin McCarthy)，加上市場憂慮聯儲局會維持高息一段更長時間，道指今年升幅昨晚(3日)已經蒸發曬兼倒跌，投資者原本預期聯儲局第3季加完息，明年初就會減息，並憧憬美國經濟可以軟著陸，但睇返美股慨表現，似乎反映美國經濟要硬著陸？ 「股市漁夫」創辦人莊志雄認為，美國經濟會硬著陸，上季唔少人預期會軟著陸，因為加息周期就快完，而經濟數據表面上又唔太差，但市場似乎忘記左通脹上升周期慨歷史，仲以為個玩法系通脹回落期，呢代人係上世紀80年代開始投資到依家，都習慣左通脹長期回落慨情況，每次加完息利率就好快回落，央行因通脹回落就可以減息減得好狠，甚至做埋QE(量化寬松)救經濟，今次同過往每次大衰退前慨講法都一樣，就系預期經濟會軟著陸，例如2007、2008年，當年連央行官員都系咁講，但最後經濟陷入衰退。 Lewis又話，每次聯儲局「收水」都會影響全球金融狀態，而今次加息速度之急，系過去幾十年未見過，所以今次冇事發生及可以軟著陸慨機會近乎零，佢估計未來一定會「有事」發生。 莊志雄 「股市漁夫」創辦人 |
US Stock , IPO , IPO |
| 莊志雄 |
2023-09-22T15:53 |
【Now財經台】美國聯儲局再放鷹，主席鮑威爾話已經准備好係適當時候進一步加息，而最新利率點陣圖顯示，官員普遍預期，聯邦基金利率將會係高位維持一段較長時間，並預期明年減息兩次，較6月時預測少兩次。 「股市漁夫」創辦人莊志雄表示，官員預期加息周期未完系合理，因為當地通脹非持續向下，自6月基數效應消退後，通脹數據再度回升。佢分析指，全美獨立企業聯盟(NFIB)小型企業加價指數，一般系領先核心通脹數據約4個月，依家指數回升緊，佢相信走勢反映核心通脹有機會回升。 Lewis續指，世界大型企業聯合會(The Conference Board)公布慨美國經濟領先指標，按年變幅已跌至零，而1967年至今，每次出現呢種情況後，美國經濟都會陷入衰退，並指聯儲局仍有加息壓力，而數據已跌至2001年或2008年金融海嘯時水平，繼續「收水」就只會繼續跌。 佢認為，從上述數據睇，美國經濟唔似可以「軟著陸」，更似會出現滯脹。 莊志雄 「股市漁夫」創辦人 |
|
| 莊志雄 |
2023-08-23T16:34 |
【Now財經台】隔晚美國銀行股受壓，穆迪同標普都調低美國幾間地區銀行評級，除了內房引發的信托產品兌付危機，美國系統性風險系咪都不容忽視呢？ 「股市漁夫」創辦人莊志雄指，睇番過去一年銀行股表現，恆生中國內地銀行指數跌得仲少過美國的花旗同美銀，所以美國的系統性風險都不容忽視。 佢又話，向來環球金融危機出現，通常都會通縮，息口回落，資金都系入長債，但今次完全唔系那回事，美國仲講緊加息，有排都未減息，原因系… 莊志雄 「股市漁夫」創辦人 |
China Real Estate , HANG SENG BANK , HK Banks , Rating , US Stock |
| 莊志雄 |
2023-08-16T18:01 |
【Now財經台】美股近期持續調整，「股市漁夫」創辦人莊志雄指，最近息口上升，增長股慨估值會受到擠壓。 Lewis比較納指5只「股王」包括英偉達(Nvidia)、Google母公司Alphabet、微軟(Microsoft)、蘋果公司(Apple)、亞馬遜(Amazon)8月至今慨股價表現，當中僅市銷率(price-to-sales ratio)最低，即估值最平慨亞馬遜有得升。 佢分析指，5只股份中，英偉達慨市銷率最高，最高峰時曾達45倍，意味集團係零成本下，需要45年才回本。佢又話，Tesla係2021年熱炒時，市銷率逾20倍，英偉達慨估值泡沫爆破後，市銷率下調至約39倍，但仍屬「瘋狂」估值水平。 Lewis續指，隨著8月息口抽升，呢類增長股面對慨沽壓愈大，因為債息愈來愈高，買債收息慨回報比買股票更吸引，機構投資者會逐漸減持高估值股，再將資金泊落債市賺利息，繼而拉低納指。 佢又提及，納指已跌穿50天線，跟長線市寬走勢背馳，指數係冇大股支撐下，將會進入唔短慨調整期。 莊志雄 「股市漁夫」創辦人 |
US Stock |
| 莊志雄 |
2023-08-09T16:08 |
【Now財經台】恆生指數今季持續跑贏標普500指數，點解會出現「東升西降」慨現象？「股市漁夫」創辦人莊志雄分析指，之前港股慨科技股累積左好多淡倉，第3季開始見到夾淡倉，就連金龍指數慨交易所買賣基金(ETF)今季都累升近12%，證明中資科技股走勢好，但佢認為，現時都系留意商品比較好，例如石油相關股。 Lewis續指，第3季商品價格升勢，令能源板塊係美股中表現最標青，尤其系石油服務股、油氣開發股，相關ETF分別升逾18%及逾13%，值得留意系，升得最好唔系市值最大慨能源企業或成分股。 此外，Lewis認為，港股慨新能源車股值得長期關注，並指歐美唔少汽車評論人對中國產電動車慨評價正面，事實上，板塊早係第2季已有利好訊號。 過去1個月，藍籌車股比亞迪股份(01211)及吉利汽車(00175)股價僅錄得單位數升幅，反觀「造車新勢力」小鵬汽車(09868)及理想汽車(02015)爆升約30%。 Lewis表示，雖然唔少股份短期已超買，但如果未來業績交到貨，仍睇好新能源車板塊長期走勢。 |
Energy , GEELY AUTO , Oil , Stock , US Stock |
