| Commentator |
Time |
Content |
Tag |
| 莊志雄 |
2023-11-24T16:12 |
【Now財經台】美股11月以來顯著反彈，納斯達克100仲升穿7月高位，創近兩年新高，上次議息前後聯儲局主席鮑威爾(Jerome Powell)指金融市場正發揮作用，幫手收緊信貸，聯儲局就唔使做野，不過，佢講完之後，金融市場就幫手「放水」，股債都升，鮑威爾下次系咪要改口，要做返些野？ 「股市漁夫」創辦人莊志雄認為，鮑威爾上次提及「The Market Is Doing Its Work」系咩意思？可以參考高盛金融狀況指標，每次呢個指標上升，就代表收緊銀根，鮑威爾講話前，即9月至10月底，呢個指標抽左上去，鮑威爾認為市場幫手做緊野，收緊銀根，導致當時慨金融狀態比較緊張。鮑威爾講左呢句說話，市場認為佢暗示停止加息，指標即掉頭向下，代表金融狀態寬松左，作用等同「放水」，所以過去1個月股市、債市慨方向基本上都系一致。 佢又話，係呢個情況下，由於市場預期變成「放水」或停止加息，導致有一個放松作用，各類資產價格係11月有個「松一口氣反彈」(relief rally)。 |
US Stock , Sachs , US Credit , USD , AEON CREDIT |
| 莊志雄 |
2023-11-15T16:29 |
【Now財經台】美國噚晚出左通脹數據，其中，核心消費物價格指數(CPI)按年升4%，反映美國通脹降溫速度比預期快，進一步鞏固市場對美息已見頂慨預期，市場似乎呈現一股樂觀情緒，連零售商Home Depot都話，通脹最壞情況已經過去，但值得留意系，油價、商品等冇乜反應，應該點解讀呢個現象？ 「股市漁夫」創辦人莊志雄指，暫時只系睇到一日慨反應，同埋只系一次通脹回落慨數據，至於長期通脹系咪回落，仍然言之向早，但今次通脹數據對短線有一定影響，其中以標准普爾500指數升得最多，噚晚升左1.9%，長債債價就升1%，反映債息回落，但美匯指數跌1.5%，以債價黎睇就系得不償失，所以長期黎講，要留意楂住美債會唔會蝕匯率，即使債價升，都補唔返匯價下跌。 至於點解今次通脹回落速度咁急？Lewis就話… 莊志雄 「股市漁夫」創辦人 |
US Bonds , USD |
| 莊志雄 |
2023-11-08T14:25 |
【Now財經台】「股神」巴菲特(Warren Buffett)旗下投資旗艦巴郡(Berkshire Hathaway)業績披露集團現金水平創新高，雖然集團錄得虧損，依家系咪買入呢只優質股慨時機？如果現階段唔系好時機，幾時先適合做部署？ 「股市漁夫」創辦人莊志雄指，買巴郡應該等巴菲特都認為股市跌夠出手時，上次佢出手好勁系2008年第4季狂掃貨，選擇呢些時候跟佢做部署系比較好，至於佢幾時會做野，其中一個「線索」就系留意現金水平有冇下降，例如2007、2008年現金水平大減40%，2007年高位楂左好多現金，隨著大市持續向下，佢就開始加注，一直加到2009年標指見底時，現金水平同高位比較大減逾40%，係呢些時機跟巴菲特做野或買入巴郡，會系一個較好慨時機。 不過，Lewis指出，依家標指曾經自高位回落左10%，但過去兩年都冇乜表現，係估值咁高慨情況下，見到巴菲特手頭現金系不斷增加，去年曾經增持西方石油(Occidental Petroleum)，但之後一直偏向保守，過去4季基本上系淨賣出股票，唔系淨買入，呢個就話比外界知佢慨取態，就系依家係美股搵到估值合理慨野買，都有一定困難。 |
Oil , Earnings , US Stock |
| 莊志雄 |
2023-11-01T15:09 |
【Now財經台】美國債市持續有異象，例如將美國長債交易所買賣基金(ETF)同納指100 ETF走勢拍埋睇，大部分時間都系同步，但今年第2季有一段時間系異常地唔同步，美國長債ETF跌，但納指100 ETF升，期間美股喪炒人工智能(AI)，預期通脹回落及息口見頂等，依家睇返轉頭，當時系咪炒錯左？ 「股市漁夫」創辦人莊志雄指，依家睇返一定系，當大家一窩蜂去做一件事，短線系可以唔跟基本因素，但大部分時間都要跟，點解揀美國長債ETF及納指100 ETF分析，因為呢些資產唔系睇今日，而系睇未來，前者系未來20年慨現金流，後者部分公司依家系冇盈利，都系著眼於未來10、20年，公司愈做愈好，將來有現金流時，就可以折現返去今日，就可以做一個估值。 Lewis又話，呢些Long duration assets最怕利率向上，因為要係未來慨現金流折現返去今日，利率愈高就愈唔值錢，今次個債係2021年已見頂回落，因為債券投資者對通脹敏感度較高， 長債真正大跌系2022年開始，初期一路拖住納指落去，兩者表現幾乎一模一樣，2022年呢兩類資產價格都系跌約30%。 莊志雄 「股市漁夫」創辦人 |
US Bonds , US Stock , ETF , C.P. LOTUS , HSCEI ETF |
| 莊志雄 |
2023-10-18T17:01 |
【Now財經台】據美銀最新基金經理調查顯示，受訪者預期，美國今季出現經濟衰退慨機會，較9月調查時大減至5%。不過，「股市漁夫」創辦人莊志雄擔心，歷史上美國政府公布經濟衰退會有滯後，而從以下3項經濟數據急速轉差可見，當地經濟可能已步入衰退。 Lewis分析指，9月美國信用卡消費按月驟降，急跌程度跟3月矽谷銀行(SVB)倒閉時差唔多。此外，美國大部分產品類別慨消費開支數據亦按年大跌，其中，百貨公司銷售跌近20%、電子產品銷售亦跌近10%，兩個數據都反映主力支撐美國經濟增長慨消費數據突然轉差。 佢續指，現時有約40個州份較去年多左逾20%人持續申領失業救濟金，而過去幾次經濟衰退時，正正同持續申領失業救濟金人數升幅顯著慨州份明顯增多慨時期重疊。 Lewis預期，若美國今年第4季已陷入經濟衰退，但華府可能會等到明年6月至9月先正式宣布，並指2008年金融海嘯時，當局就係9月雷曼兄弟爆煲前後，先宣布2007年末次按危機起，美國已進入衰退。 莊志雄 「股市漁夫」創辦人 |
Retail |
| 莊志雄 |
2023-10-11T16:26 |
【Now財經台】美國聯儲局2021年11月宣布「收水」後，股債都系跌，但油價已經升返上去，金價就升得唔多，究竟近期以巴沖突，會唔會令金價或其他資產價格出現大變動？金價有冇力追落後？ 「股市漁夫」創辦人莊志雄指，雖然美國聯儲局開始加息至今唔夠兩年，但聯儲局宣布「收水」至今就差唔多兩年，期間美股從未創新高，絕對稱唔上系牛市，而對二三線美股黎講更加系熊市，跌得最甘系債市，美國30年期債價係宣布「收水」後跌逾30%，相反，聯儲局「收水」令美元造好，至今美匯指數升近12%，而金價係呢段期間都冇跌，油價更錄得頗大升幅，但油價最終會被經濟衰退影響，因此，第4季未必可以繼續升。 Lewis續指，要留意金價會唔會接力油價慨升勢，因為過往金價係經濟衰退時有機會造好，由於金價過去兩年升得比較少，投資者可能會買金避險。 佢又話，雖然以巴爆發沖突，但市場冇太大反應，即使油價上升，但美股近乎冇反應，佢提醒，市場風險溢價應該要提高，加上「收水」，美股估值應相應下跌，所以美股現階段系偏貴。 莊志雄 「股市漁夫」創辦人 |
Gold , USD , US Stock , USD |
| 莊志雄 |
2023-10-04T14:53 |
【Now財經台】美國眾議院通過罷免議長麥卡錫(Kevin McCarthy)，加上市場憂慮聯儲局會維持高息一段更長時間，道指今年升幅昨晚(3日)已經蒸發曬兼倒跌，投資者原本預期聯儲局第3季加完息，明年初就會減息，並憧憬美國經濟可以軟著陸，但睇返美股慨表現，似乎反映美國經濟要硬著陸？ 「股市漁夫」創辦人莊志雄認為，美國經濟會硬著陸，上季唔少人預期會軟著陸，因為加息周期就快完，而經濟數據表面上又唔太差，但市場似乎忘記左通脹上升周期慨歷史，仲以為個玩法系通脹回落期，呢代人係上世紀80年代開始投資到依家，都習慣左通脹長期回落慨情況，每次加完息利率就好快回落，央行因通脹回落就可以減息減得好狠，甚至做埋QE(量化寬松)救經濟，今次同過往每次大衰退前慨講法都一樣，就系預期經濟會軟著陸，例如2007、2008年，當年連央行官員都系咁講，但最後經濟陷入衰退。 Lewis又話，每次聯儲局「收水」都會影響全球金融狀態，而今次加息速度之急，系過去幾十年未見過，所以今次冇事發生及可以軟著陸慨機會近乎零，佢估計未來一定會「有事」發生。 莊志雄 「股市漁夫」創辦人 |
US Stock , IPO , IPO |
| 莊志雄 |
2023-09-22T15:53 |
【Now財經台】美國聯儲局再放鷹，主席鮑威爾話已經准備好係適當時候進一步加息，而最新利率點陣圖顯示，官員普遍預期，聯邦基金利率將會係高位維持一段較長時間，並預期明年減息兩次，較6月時預測少兩次。 「股市漁夫」創辦人莊志雄表示，官員預期加息周期未完系合理，因為當地通脹非持續向下，自6月基數效應消退後，通脹數據再度回升。佢分析指，全美獨立企業聯盟(NFIB)小型企業加價指數，一般系領先核心通脹數據約4個月，依家指數回升緊，佢相信走勢反映核心通脹有機會回升。 Lewis續指，世界大型企業聯合會(The Conference Board)公布慨美國經濟領先指標，按年變幅已跌至零，而1967年至今，每次出現呢種情況後，美國經濟都會陷入衰退，並指聯儲局仍有加息壓力，而數據已跌至2001年或2008年金融海嘯時水平，繼續「收水」就只會繼續跌。 佢認為，從上述數據睇，美國經濟唔似可以「軟著陸」，更似會出現滯脹。 莊志雄 「股市漁夫」創辦人 |
|
| 莊志雄 |
2023-08-23T16:34 |
【Now財經台】隔晚美國銀行股受壓，穆迪同標普都調低美國幾間地區銀行評級，除了內房引發的信托產品兌付危機，美國系統性風險系咪都不容忽視呢？ 「股市漁夫」創辦人莊志雄指，睇番過去一年銀行股表現，恆生中國內地銀行指數跌得仲少過美國的花旗同美銀，所以美國的系統性風險都不容忽視。 佢又話，向來環球金融危機出現，通常都會通縮，息口回落，資金都系入長債，但今次完全唔系那回事，美國仲講緊加息，有排都未減息，原因系… 莊志雄 「股市漁夫」創辦人 |
China Real Estate , HANG SENG BANK , HK Banks , Rating , US Stock |
| 莊志雄 |
2023-08-16T18:01 |
【Now財經台】美股近期持續調整，「股市漁夫」創辦人莊志雄指，最近息口上升，增長股慨估值會受到擠壓。 Lewis比較納指5只「股王」包括英偉達(Nvidia)、Google母公司Alphabet、微軟(Microsoft)、蘋果公司(Apple)、亞馬遜(Amazon)8月至今慨股價表現，當中僅市銷率(price-to-sales ratio)最低，即估值最平慨亞馬遜有得升。 佢分析指，5只股份中，英偉達慨市銷率最高，最高峰時曾達45倍，意味集團係零成本下，需要45年才回本。佢又話，Tesla係2021年熱炒時，市銷率逾20倍，英偉達慨估值泡沫爆破後，市銷率下調至約39倍，但仍屬「瘋狂」估值水平。 Lewis續指，隨著8月息口抽升，呢類增長股面對慨沽壓愈大，因為債息愈來愈高，買債收息慨回報比買股票更吸引，機構投資者會逐漸減持高估值股，再將資金泊落債市賺利息，繼而拉低納指。 佢又提及，納指已跌穿50天線，跟長線市寬走勢背馳，指數係冇大股支撐下，將會進入唔短慨調整期。 莊志雄 「股市漁夫」創辦人 |
US Stock |
| 莊志雄 |
2023-08-09T16:08 |
【Now財經台】恆生指數今季持續跑贏標普500指數，點解會出現「東升西降」慨現象？「股市漁夫」創辦人莊志雄分析指，之前港股慨科技股累積左好多淡倉，第3季開始見到夾淡倉，就連金龍指數慨交易所買賣基金(ETF)今季都累升近12%，證明中資科技股走勢好，但佢認為，現時都系留意商品比較好，例如石油相關股。 Lewis續指，第3季商品價格升勢，令能源板塊係美股中表現最標青，尤其系石油服務股、油氣開發股，相關ETF分別升逾18%及逾13%，值得留意系，升得最好唔系市值最大慨能源企業或成分股。 此外，Lewis認為，港股慨新能源車股值得長期關注，並指歐美唔少汽車評論人對中國產電動車慨評價正面，事實上，板塊早係第2季已有利好訊號。 過去1個月，藍籌車股比亞迪股份(01211)及吉利汽車(00175)股價僅錄得單位數升幅，反觀「造車新勢力」小鵬汽車(09868)及理想汽車(02015)爆升約30%。 Lewis表示，雖然唔少股份短期已超買，但如果未來業績交到貨，仍睇好新能源車板塊長期走勢。 |
Energy , GEELY AUTO , Oil , Stock , US Stock |
| 莊志雄 |
2023-07-19T15:19 |
【Now財經台】美國通脹降溫，美股就炒利率已見頂、經濟可以軟著陸等主題，美元近排轉弱，商品價格造好，7月至今商品表現暫時都好過股市，睇返利率及匯率市場，通脹真系會持續回落，亦唔會爆發金融危機？ 「股市漁夫」創辦人莊志雄指，美股近排借通脹消息炒返上黎，但匯市及債市投資者似乎唔系咁睇，有調查顯示，匯率及利率分析員對美國通脹高企預期正在升溫，同股市慨炒法存在幾大分歧。至於會唔會有金融危機，匯率及利率分析員慨預期系降左溫，但其實系好正常，因為第1個data point系4月，即矽谷銀行(SVB)出事，市場情緒一定處於一個避險mode，所以調查結果比率系較高，但去到一個咁低水平系較罕見，由原本幾擔心突然變成唔擔心，會唔會睇漏或輕視呢個風險，未來邊度會爆一些野出來，美國機會相對低，但歐洲慨情況就令人擔心，因為... 莊志雄 「股市漁夫」創辦人 |
USD , US Stock |
| 莊志雄 |
2023-07-12T15:01 |
【Now財經台】美國6月通脹數據今晚出爐，市場預期會進一步降溫，美股已偷步升，美匯指數亦回落。「股市漁夫」創辦人莊志雄呼吁投資者要留意債市及匯市一些訊號，債市方面，美國2年及10年期債息倒掛，息差就去返3月矽谷銀行(SVB)出事時水平後，但近日有收窄趨勢，當中反映緊乜野？ 莊志雄預期，今晚出慨通脹數字會再回落，主要受基數效應影響，但踏入下半年會減退，因此，通脹未來有機會回升，到底美股今晚會再炒多浸上去，還是等埋8月通脹數據先跌，又或者預先炒左通脹掉頭向上？所以今晚一定要留意。 Lewis又話，最近已經好少人講yield curve，其實依家處於一個極端倒掛情況，上一次出現呢個情況就系發生SVB事件，有趣慨地方系，2年期債息係通脹預期或聯儲局這論咁鷹下，仲未破上次高位，呢個情況都要留意住，到底yield curve會唔會抽返上去，由負數變正數，因為通常有「大事件」發生，yield curve都會向上抽。 莊志雄 「股市漁夫」創辦人 |
US Stock , USD |
| 莊志雄 |
2023-07-05T18:34 |
【Now財經台】上半年由ChatGPT掀起慨人工智能(AI)熱潮帶動美股向上，不過，「股市漁夫」創辦人莊志雄分析指，「股王」蘋果就快見頂，仲話「股王」地位隨時不保！ Lewis認為，上半年Apple勁升或因為臨近季結，基金為粉飾櫥窗(window dressing)就夾最重磅慨蘋果上去黎整靚盤數，然而，集團現時每股盈利(EPS)預測已經向下，而行政總裁Tim Cook繼上年8月後，今年4月再大手沽貨，兩個跡象均反映現時蘋果股價虛高，高層趁高沽貨套現。 佢又預期，未來有劃時代AI產品慨科技企業，將會造就下一個牛市，而Apple最後一個明顯帶動股價慨產品已經系2016年推出慨AirPods，欠缺令市場有驚喜慨創新產品。 Lewis續指，Tesla有望成為下一只「股王」，佢話公司系8只標指重磅股中，最有能力推出真正創新慨AI產品，例如預計未來幾年量產慨人形機械人Optimus。 莊志雄 「股市漁夫」創辦人 |
|
| 莊志雄 |
2023-06-21T17:22 |
【Now財經台】美國聯儲局上周一如預期暫停加息，科網股繼續炒上，不過，美股3大指噚晚向下，原因系市場觀望聯儲局主席鮑威爾稍後係國會聽證會慨發言，到底聯儲局7月系咪會再加息？如果再度加息，美股會點走？ 「股市漁夫」創辦人莊志雄指，議息會議後，美債孳息率，尤其短息有些想破頂，意味美國加息周期仍未結束。佢估計，如果冇重大事件出現，例如矽谷銀行(SVB)倒閉事件，局方會傾向繼續加息，因為核心通脹始終未見回落，過去5個月核心通脹都接近5%，但局方慨目標系2%，因此，就算聯儲局唔加息，息口都要係現水平維持一段長時間。 Lewis又話，最近推高美股主要系人工智能(AI)概念股，以美國晶片巨企Nvidia岩岩晉身萬億股王為例，要維持萬億股王市值唔容易，基本條件系生意要愈做愈大，有分析估計，Nvidia未來4年生意額將以倍數增長，原因系… 莊志雄 「股市漁夫」創辦人 |
US Bonds , US Stock |
| 莊志雄 |
2023-06-14T17:16 |
【Now財經台】美國噚晚出左5月通脹數據，消費物價指數(CPI)及核心CPI按年升幅雙雙放緩，市場預期，聯儲局6月會暫停加息，但7月會再加息，「股市漁夫」創辦人莊志雄指，同意呢個睇法，但要留意通脹未來會唔會再升溫，因為有基數效應，舊年上半年相對下半年慨通脹偏高，如果睇返舊年下半年通脹數據，今年下半年通脹未必會回落，甚至回升。另一方面，美國超級核心通脹及核心通脹都高過預期，雖然依家回落緊，但速度緩慢，佢認為未來走勢仍有好大變數。 Lewis續指，加息周期對資產價格有好大影響，包括美債、虛擬貨幣，至於美股，佢就話... 莊志雄 「股市漁夫」創辦人 |
US Bonds |
| 莊志雄 |
2023-06-07T16:16 |
【Now財經台】市場憧憬聯儲局停止加息，甚至掉頭減息，令納指企穩13000點，標指就繼續向去年8月高位進發，依家系咪入市好時機？有冇指標反映依家入市風險其實好高？ 「股市漁夫」創辦人莊志雄指，其中一個極端背馳指標系「興登堡凶兆」，呢個指標要係市場人士唔驚、唔講時先有效，因為呢個指標面世時系畀紐交所用，用黎睇創52周新高及新低慨股票比例。佢又話，如果大市升，唔應該有好多股票創52周新低，但最新顯示有好多股票創緊52周新低，而數目同創52周新高慨股份有得比，呢個就系背馳現象。 Lewis解釋，背馳意思系指數平均線正在向上，但同一時間有好多股票創緊新低，同埋市寬表現較差，呢個就系極端背馳現象。佢提醒，要小心納指急挫風險，對上一次出現極端背馳現象已經系2021年11月，當時納指係半年內跌左5000幾點。 莊志雄 「股市漁夫」創辦人 |
US Stock |
| 莊志雄 |
2023-05-31T14:06 |
【Now財經台】美國債務上限談判反反覆覆經歷左成個月，終於進入「直路」，美國眾議院規則委員會通過將債務上限協議送交眾議院全體審議，估計眾議院今日會進行表決，談判期間短期債息扯到好高，不過，隨著各方達成協議，債息近日都略為回落，系咪反映市場都有信心協議可成功「過關」？ 「股市漁夫」創辦人莊志雄指，市場似乎唔系好驚，而債息慨表現主要系投資者想避開X-date，而美國財長耶倫之前將「死線」推遲到6月5日，的確令市場稍為安心，而正路估計，耶倫應留有幾手，例如再推遲幾日，呢方面都系要留意。 Lewis又話，一旦耶倫或佢慨團隊計數唔准，甚至出現違約情況，應該會係6月5日至6月15日期間出現，原因系... 莊志雄 「股市漁夫」創辦人 |
CARRIANNA |
| 莊志雄 |
2023-05-17T16:30 |
【Now財經台】美國隔晚偏軟，道指要跌逾300點。投資者JEREMY GRANTHAM提出，總統選舉周期第三年，一般股市都會做好。呢個理論依家仲有冇效？另外，佢都有用估值去睇一些長遠回報，投資者可以點參考部署？ 「股市漁夫」創辦人莊志雄指，無論系總統或執政黨都會想自己派別繼續執政，所以佢地會係第三年「谷經濟」，令第四年經濟歌舞升平。因聯儲局「放水」，通常會有六至十二個月慨滯後效應，所以先會係第三年開始「谷經濟」，預留時間畀實體經濟提升，有利該黨繼續連任。但因為受到聯儲局資產負債表膨脹或收縮影響，所以呢個理論係過去三年都失效。 Lewis又話，依家仍然可以用估值睇長遠回報。由於現時美股估值超貴，所以未來七年回報預測系負數。如果依家股市回升，立即做量化寬松(QE)，通脹可能徘徊5%至10%，而標普500指數表現都可能系5%至10%，扣除通脹就變成負回報。反而新興市場慨價值股，未來七年回報率扣除通脹後，高於以往平均值，有約7.6%，因此投資者可以考慮呢類型慨股份。 莊志雄 「股市漁夫」創辦人 |
US Stock , SUN HING VISION |
| 莊志雄 |
2023-05-10T15:51 |
【Now財經台】據聯儲局慨調查顯示，美國銀行信貸緊縮情況系愈來愈嚴重，最新發表慨「金融穩定報告」指，銀行信貸審批標准進一步收緊，甚至有官員估計，情況會持續至年底，系咪意味經濟衰退風險正進一步升溫？經濟衰退又會衍生咩問題？ 「股市漁夫」創辦人莊志雄指，解決辦法只有阻止存款流失，因為存款再流失，銀行只能減少信貸，聯儲局要快速減息先可以阻止存款流失，不過，短期內減息會令通脹落得好快。美國今晚公布慨6月消費物價指數(CPI)預期會向下，但由於基數效應，7月CPI或掉頭向上，因此，聯儲局下半年好難減息。 Lewis又話，如果銀行可以捱到逾1年，等手上慨美債到期，就可以轉去投資高息美債，到時就可以加存款息，成功解決問題，但問題系呢些地區銀行捱唔捱到咁耐，加上根據過往經驗，銀行收緊信貸後，失業率就會飆升，對經濟造成好大壓力。 佢又話，美國依家已經係衰退邊緣，美國慨經濟領先指標已跌左一段時間，市場普遍認為經濟會硬著陸，睇返往績，美股都會跌幾成，甚至一半。 莊志雄 「股市漁夫」創辦人 |
US Bonds , US Credit , US Stock , AEON CREDIT |
| 莊志雄 |
2023-05-03T15:42 |
【Now財經台】美國通脹見頂，銀行危機又可能令聯儲局要再「放水」，加上標指持續向上，美股系咪已經見到曙光，甚至步入牛市？ 「股市漁夫」創辦人莊志雄指，雖然美國通脹持續降溫，但同聯儲局2%慨目標仲有一段距離，因此，通脹見頂唔代表聯儲局會「放水」。佢又話，唔可以單憑標指表現去判斷市況，因為當中幾只大價股已占幾成市值，佢認為依家只系托住標指畀大戶散貨，其實Silvergate爆煲後，近兩個月標普中型股指數及小型股指數都大跌，而避險資產如黃金及美國10年期國債都跑嬴標指，如果美股真系步入牛市，情況應該系相反。 Lewis續指，依家美股「最後逃生門」已倒數緊，依家市寬表現差，1月仍有80%股份升至50天線樓上，依家減少至不足40%，反映市場依家係度派緊貨。 莊志雄 「股市漁夫」創辦人 |
|
| 莊志雄 |
2023-04-19T16:11 |
【Now財經台】聯儲局官員最近不斷派定心丸，力撐經濟無事，美股三大指數過去一星期表現都平穩，而家市況系咪真系咁樂觀？大行仍然鼓勵買貨，仲話要「Buy In May」，應該信邊個？ 「股市漁夫」創辦人莊志雄指，通脹未受控制，所以即使停止加息，高利率仍然會維持一段時間，換言之美股股價會低迷，反映長期估值慨周期調整線，由37倍跌至29倍。佢提到，2008年3月投行貝爾斯登爆煲後，股市都有反彈，當時又系有班聯儲局官員派定心丸，指經濟只系溫和衰退，同而家矽谷銀行爆煲後慨情況類似，認為之所以未大跌市，系因為大戶未派曬貨，當時美股指數都頂住近半年先有雷曼事件。而2007年高位美股慨估值系27倍，息口同而家差唔多水平，到減至接近零息，估值都要跌至15倍先見底。 Lewis又話市場進入熊市第二期，指數波幅會大。據最近美銀基金經理調查，投資者買緊防守性慨板塊，包括必需消費品(Consumer Staples)、公用股及醫療保健股，不過呢些係2008年最終都要大跌，今次仲要系有通脹慨熊市，買美債都未必穩陣。據美銀數據，私人客戶不斷增加現金水平，可能楂現金真系最可取。 莊志雄 「股市漁夫」創辦人 |
US Bonds , Util , US Stock |
| 莊志雄 |
2023-04-12T16:31 |
【Now財經台】今個星期市場焦點落係美國今晚出爐慨通脹數據，將會點樣左右聯儲局加息決定，近日市場對聯儲局慨加息預期再度升溫，不過，如果局方進一步加息，又擔心經濟衰退，今晚公布慨通脹數據系咪仍然相當關鍵？ 「股市漁夫」創辦人莊志雄指，今晚出爐慨通脹數據仍然十分關鍵，根據以往經驗，若消費物價指數(CPI)曾高過8%，通脹要落返去2%水平，需時數以年計，平均需要10年，最快都要7年，美國通脹去年曾飆升至8%樓上，因此，如無意外，聯儲局要見到通脹明顯回落先會開始做野，據最新利率期貨顯示，下個月會議將會再加息，之後會維持利率不變，直至年底。 莊志雄 「股市漁夫」創辦人 |
|
| 莊志雄 |
2023-03-22T14:08 |
【Now財經台】歐美銀行危機急速升溫，但又似乎好快降溫，瑞銀(USB)收購瑞信(CS)，各國央行又力撐金融體系，帶動美股持續反彈，市場加息預期亦降溫，呢場危機系咪咁快結束？資產價格喘穩後，市場信心系咪就可以恢復？ 「股市漁夫」創辦人莊志雄指，依家慨情況仍然唔明朗，今次危機慨源頭，係美國方面系存款流失，即所謂擠提，令好多中小銀行頂唔順，要美國政府出手頂住，情況系咪已經改善？如果睇返最新數據就唔系，因為數以千計慨美國中小銀行仍面對存款流失情況，就連較大型慨商業銀行都出現呢個情況，而當中涉及多個因素。 Lewis又話，存款流失問題仍未「止血」，中長線而言，對美國經濟有好大影響，原因系... 莊志雄 「股市漁夫」創辦人 |
US Stock , EVERCHINA INT'L |
| 莊志雄 |
2023-03-15T15:19 |
【Now財經台】聯儲局下星期就會議息，但市場對加息慨預期不斷改變，主席鮑威爾之前「放鷹」，市場就估計今個月會加息0.5厘，但近期發生矽谷銀行(SVB)爆煲事件，最新估計只會加息0.25厘，甚至有大行認為要掉頭減息，投資者似乎都無所適從。 「股市漁夫」創辦人莊志雄指，投資者真系唔好跟車太貼，市場普遍睇利率期貨去做加息預測，如果過去1個月真系跟住些市場預測去做投資部署，真系好容易「左一巴、右一巴」，比市場牽住走。 Lewis又話，美國依家系步向衰退，經濟會硬著陸，但通脹又未回落，呢個情況唔系靠加息減息可以扭轉。佢估計，聯儲局今個月會加息0.25厘，但之後就會暫停，原因系... 莊志雄 「股市漁夫」創辦人 |
|
| 莊志雄 |
2023-03-08T14:58 |
【Now財經台】美國聯儲局主席鮑威爾噚晚係參議院作證時「放鷹」，指已准備好係必要時擴大加息幅度，利率見頂水平可能高過預期，利率期貨即時有反應，今個月加息0.5厘慨機會急升至70%，過去半年，市場對美國慨加息預期大上大落，依家系咪處於一個比較混亂慨狀況？ 「股市漁夫」創辦人莊志雄指，混亂系聯儲局一手造成，依家再推遲減息，未來可能因為加息加過龍，導致美國經濟嚴重衰退，睇返終極利率，由於局方經常「嗡三嗡四」，令市場參與者之前以為利率已見頂，但依家又走出黎講野，原因系過去1個月公布慨數據，反映通脹仍高居不下，佢又話，佢之前已經估計美國通脹已見頂，但要急速回落唔系咁易。 Lewis又指，若聯儲局之前冇講放慢加息步伐，如果投資者只系估估下就唔會亂炒，1月講完野之後，令投資者有個錯覺聯儲局好快加完息，甚至今年開始減息，由於局方冇預測能力，通脹走向亦唔會知，一見到數據唔對路，又要掉轉講，增加左美國利率預期慨波動性，絕對唔系好事。 莊志雄 「股市漁夫」創辦人 |
|
| 莊志雄 |
2023-03-01T17:28 |
【Now財經台】2月債息急升令美股3大指數受壓，道指今年升幅一度化灰，雖然標指及納指有得升，但「股市漁夫」創辦人莊志雄指，標指主要靠8只重磅科技股撐，加上納指慨長線市寬向下，種種指標都反映美股仲有排調整。 Lewis解釋，目前聯儲局關注慨「超級核心」通脹(supercore inflation)，即系核心通脹減住房價格，升幅大過預期，令市場再次調整對加息幅度及周期慨預測。 根據衍生工具市場數據顯示，利率期貨交易員預期，聯儲局最終會加息至6厘以上，進一步遏通脹，Lewis認為，通脹見頂後唔會立即回落，高息率將繼續對債市及股市造成壓力。 Lewis續指，標指慨股份收益率同聯邦基金利率好近，削弱左持股吸引力，估計今年機構投資者會抽走股市資金去做現金投資，至於納指，佢就話可以用基金倉位指標作相反指標，因為… 莊志雄 「股市漁夫」創辦人 |
US Stock , IT |
| 莊志雄 |
2023-02-15T15:10 |
【Now財經台】雖然美國通脹持續回落，但速度冇市場預期咁快，睇返CPI組成慨各個分項，基本上都持續向上，美國通脹要達到聯儲局2%慨目標，莫講今年，甚至出年系咪都未必可以達標？ 「股市漁夫」創辦人莊志雄指，美國通脹系難達標，雖然預期會見頂回落，但估計速度系會慢，噚晚出爐慨CPI就證實左。佢又話，CPI細分項中，最大系租金，而睇返各分項亦唔系整體向下，如果睇返過3個月慨變化，逾半細分項慨升幅系多過12月慨升幅，系有一種再度加速慨味道，唔止回落速度慢，系有掉頭回升慨風險。 Lewis又話，租金係2021年後持續向上，所以最近會聽到聯儲局想搬龍門，想做一個「超級核心通脹率」出黎，即唔包括食品、能源、租金，而衣食住行中有3項都唔包，唔知呢個「核心」系點，其中租金占CPI近40%，撇除左租金，通脹當然會回落，但市場buy唔buy系另一回事。 莊志雄 「股市漁夫」創辦人 |
Energy , Food |
| 莊志雄 |
2023-02-08T16:19 |
【Now財經台】隔晚聯儲局主席鮑威爾發表講話，雖然同日前亞特蘭大聯儲銀行行長慨口徑一致，話美國經濟持續強勁，利率峰值可能高過預期，但市場似乎未受佢慨言論影響，仲解讀為鮑威爾言論唔夠鷹，美股照升，鮑威爾講話系咪真系冇市場預期咁鷹？ 「股市漁夫」創辦人莊志雄指，呢個系市場解讀，但最重要系睇返資產價格表現，因為可以反映市場點樣解讀，反而市場人士點講系另一回事。佢認為，過去一星期資產價格表現幾奇怪，可能市場聚焦係美股標普500指數身上，但其實鮑威爾發言後，或重磅科技股出左業績後，出現一個奇怪現象，就系美元升，美債跌價，美債息升，而對利率十分敏感慨黃金，價格亦下跌，如果睇返資產價格，除美股外，偏向系「水緊左」。 Lewis又話，那個星期鮑威爾講左兩次野之後，睇資產價格除美股外都系偏緊，所以佢講野鷹或鴿並唔重要，最重要系睇返資產價格表現。 莊志雄 「股市漁夫」創辦人 |
Gold , US Bonds , US Stock , IT , USD |
| 莊志雄 |
2023-02-01T15:32 |
【Now財經台】恆指過去2個月跑贏好多資產，內地放完農歷新年長假後復市，雖然北水重臨，但頭兩日都系沽貨，今日就稍為喘定返，但港股其實升左唔少，呢兩日慨回調可能系短線健康調整，港股後市又會點走？ 「股市漁夫」創辦人莊志雄指，如果以低位計，恆指係兩個幾月已升超過50%，所以唔應該再追貨，雖然恆指系全球股市中做得最好慨指數，即使市況冇問題，都最好等回調先再加倉，因為睇返個別股份，尤其系指數成分股，好多股份慨蟹貨仲未消化曬，今次恆指升得咁勁，的確系超預期，Lewis又話，舊年第4季已經講過唔好睇淡港股，而今年1月表現系較預期好，但佢認為，操作上仍當上落市咁做，可以係低位或散戶比較悲觀時加多些貨，依家咁多人話牛市重臨，反而就要減持，唔好畀情緒牽動得太緊要，因為今年仲有好多變數。 莊志雄 「股市漁夫」創辦人 |
Stock |
| 莊志雄 |
2023-01-18T16:16 |
【Now財經台】過去1個月，睇返唔同ETF類別慨表現，上月以新興市場ETF表現較好，一路炒美元回軟及中國經濟重啟，日圓ETF只系排第2位，點睇黎緊慨走勢？未來系咪繼續炒中國重啟因素？ 「股市漁夫」創辦人莊志雄指，投資者好多時留意今日發生慨事，但始終要睇返個趨勢，其實由舊年第4季開始，主題系熊市反彈，特色系之前強勢慨美元回一回，令好多股市指數造返好些，以龍頭美股為例，雖然過去1個月累升3%至4%，但有一點要留意，睇返標指慨走勢，舊年6月系插左落去，之後一直處於上上落落慨狀態，仲未擺脫下降軌，其實系類似熊2狀態，即系跌左近20%後，造返一個反彈，但又破唔到頂，跟住又呈一個上落格局，龍頭已經系咁，其他市場都可能畀龍頭牽著，最重要龍頭唔好出事。 Lewis又話，日本市場系今年最少人談論慨風險因素，日本央行今日出左聲明後，日圓應聲下跌，行長黑田東彥就快卸任，維持政策不變系正常，但令佢聯想到當年美國聯儲局狂做寬松政策，令美國經濟表現似乎好好，但2008年就出現雷曼倒閉事件，因之前過度印銀紙，印出一個樓市泡沫，最後要靠QE收科，依家日本慨情況有些類似。 莊志雄 「股市漁夫」創辦人 |
China Econ , ETF , USD , US Stock , SUN HING VISION |
| 莊志雄 |
2023-01-11T15:33 |
【Now財經台】踏入2023年美股走勢都幾反覆，市場睇住D經濟數據同聯儲局官員講話，隔晚聯儲局主席鮑威爾講話會繼續加息壓低通脹，美股有得升，點解讀佢番說話？ 「股市漁夫」創辦人莊志雄指，鮑威爾口風冇變，美股已經連跌4個星期，依家夾番上去好正常。佢提醒，市場似乎同大家慨預期倒轉，好多人預期鮑威爾講野好「鷹」，但股市又繼續夾升。 Lewis預期，美國消費物價指數(CPI)會見頂回落，但唔認為今年會回落至2%，所以聯儲局要維持比較緊縮慨狀態，如果星期四公布CPI數字低過預期，都未必代表個市會再升多些。 莊志雄 「股市漁夫」創辦人 |
US Stock |
| 莊志雄 |
2023-01-04T16:19 |
【Now財經台】雖然美股今年開局出師不利，但有分析認為，美股連跌兩年並唔常見，更預期美股今年好大機會回升，不過，如果講股市見底，港股系咪會快過美股？ 「股市漁夫」創辦人莊志雄表示，見底有兩個條件，首先系要沽慨人已經沽曬，香港之前好明顯系，聽到最差那日有基金經理宣布香港科技股已經清左倉，而宣布後就岩岩見底。即系話當投資者悲觀到一個程度，跌到15000點就睇10000點，當市場出現呢些極度悲觀情況，股市系有機會見底。 佢續指，其次系睇基本因素，估值系咪去到歷史低位，依家美股肯定唔系，美股跌左逾20%後，標指經周期調整市盈率仍有20倍以上，歷史低位一般系10幾倍，通脹失控年代甚至見過單位數。 Lewis認為，港股可以睇高一線，因為恆指已跌到低過帳面價值，怛恆指系咪可以見底回升，暫時仍未肯定，但大市有15%至30%股份已經見左低位，即有些股份唔會跌穿舊年低位，但唔代表恆指唔會再探底，因為美股未跌完，就有機會拖累恆指。 莊志雄 「股市漁夫」創辦人 |
Stock , IT , US Stock |
| 莊志雄 |
2022-12-21T15:28 |
【Now財經台】日本央行噚日向市場投下震撼彈，出乎預期擴大10年期國債孳息率區間，明示退出維持多年慨超寬松貨幣政策。 「股市漁夫」創辦人莊志雄認為，當連長年面對通縮慨日本都轉鷹，反映環球通脹情況已經嚴重失控，各國央行其實冇計控制通脹，指炒作減息憧憬系言之尚早。佢續指，數據顯示日本早前已開始縮表，可見今次行動並非突然。 Lewis又指，美債引伸波幅係各國央行減加息幅度後，仍未穩定落黎，預期明年債市會愈來愈波動，又話今年現金及收息工具跑贏大部分資產，認為明年慨投資策略可保守些，例如投資美國短期國庫債券(T-bills)，幾個月內就可以連本收返3至4厘息。 莊志雄 「股市漁夫」創辦人 |
US Bonds |
| 莊志雄 |
2022-12-14T15:02 |
【Now財經台】美國11月核心通脹CPI按月增速系15個月以來最慢，美股噚晚早段沖高，但之後無以為繼，收市升勢顯著收窄，系咪反映通脹問題仍有穩憂，又要擔心經濟衰退，應該點解讀呢些市場現象？ 「股市漁夫」創辦人莊志雄指，美股趁噚晚出CPI數據炒上，基本上11月10日已經開始左，而大約1個月前，成日聽到要炒返舊經濟股，所以要買道指，如果買道指ETF，過去1個月升左5%，但跑輸黃金，而黃金都屬於傳統投資產品，另一樣系避險資產，即美債，尤其系長債，經濟倒退時常用慨工具，如果通脹真系回落，炒Disinflation用慨工具正正系長債，長債ETF升左14%，年期愈長慨長債ETF，升得愈勁，而中國股市慨ETF表現亦十分標青，呢個炒法系炒通脹回落，但背後其實系炒緊衰退，尤其系油價下跌時，因為衰退先會「債升油跌」，所以唔好開心得太早。 Lewis又話，噚晚出左CPI數據後，油價又炒返轉頭，投資者要思考下，如果通脹真系回落，聯儲局「收水」，商品價格升返上去，通脹預期會唔會回落？如果落唔到，聯儲局又可以做到乜野？ 莊志雄 「股市漁夫」創辦人 |
Gold , US Bonds , US Stock , ETF , HSCEI ETF |
| 莊志雄 |
2022-12-07T15:25 |
【Now財經台】美股繼續受加息及經濟衰退影響，繼續系上落市格局，「股市漁夫」創辦人莊志雄上星期都提及，唔應該因聯儲局主席鮑威爾「放鴿」炒美股升，上星期五至噚日為止，見到道指及標普都跑輸，自美國上次公布慨CPI升幅收窄後，市場炒加息步伐放慢，直至噚日為止慨資產表現，系咪進一步確認呢個情況？ 莊志雄指，大約1個月前已提及，聯儲局轉軑系唔及中國防疫措施轉向重要，睇返過去逾1個月慨資產價格表現，已經確認左呢個樣野，CPI數據出爐後，成個市場突然好似Risk On咁去炒，但結果系A股及港股大幅跑贏美股，其中金融指數最標青，勁升45%，佢提醒投資者，唔好睇最新消息去做投資決定，反而要考慮一些中長線因素。 Lewis又認為，炒聯儲局轉軑系炒錯左，原因系... 莊志雄 「股市漁夫」創辦人 |
US Stock , Stock |
| 莊志雄 |
2022-12-02T15:21 |
【Now財經台】踏入12月，港股似乎承接唔到11月慨升勢，恆指仍未收復到19000點關口，「股市漁夫」創辦人莊志雄認為，港股絕對唔系轉勢，並估計大市好難沖破19000點呢個區間頂。 不過，Lewis表示，醫療板塊集體出現突破訊號，睇好港股後市慨投資者可以留意。雖然未見有基本面消息，但唔少股份係10月中出現突破訊號後，至今已錄得雙位數升幅，例如亞盛醫藥(06855)自10月18日出現突破訊號，至今已累升43%。 佢又提醒，買左重磅股、藍籌、ETF等，同大市表現相關產品慨投資者，趁恆指升至19000水平就系時候減倉。 |
Stock , ETF , HSCEI ETF |
| 莊志雄 |
2022-11-23T15:14 |
【Now財經台】美國聽日開始感恩節假期，隨即踏入傳統消費旺季，究竟美股今年會唔會出現聖誕老人升浪(Santa Claus rally)，即系股市係聖誕節假期後重整向上？ 近日美股行情唔錯，反映市場恐慌情緒慨VIX指數亦跌回相對低位，投資情緒高漲。不過，「股市漁夫」創辦人莊志雄認為，投資者又炒錯預期，因為美國10年期國債慨引伸波幅係過去1周又靜靜地回升，意味投資者對後市唔樂觀，反而今年債券投資者睇市比較准，所以股市其實唔系咁好景。 Lewis又話，美國家庭資產配置中，股票比重逼近2020年高位至逾40%，調查亦顯示投資者未來數周欠缺增持股票慨意欲，佢估計，唔少美股投資者可能已成手蟹貨，預期未來1個月難有大成交配合推升美股。此外，美股中長線基本面亦麻麻，指數成分股不斷下調盈利預測，難以吸引長線投資者入市撐場。 佢續指，鷹派代表、聯儲局主席鮑威爾將於11月30日發表講話，到時好可能會再「放鷹」沖散升市預期。 莊志雄 「股市漁夫」創辦人 |
US Bonds , US Stock |
| 莊志雄 |
2022-11-16T15:21 |
【Now財經台】美國上月生產者物價指數(PPI)升幅細過預期，反映通脹再有降溫跡象，噚晚美股3大指數向上，不過「股市漁夫」創辦人莊志雄指，美股呢轉升浪唔太合邏輯。 Lewis分析指，睇返過去一周各類資產價格表現，雖然股市升，但同衰退有關慨債價及金價亦有得升，至於同經濟相關慨油價就向下，其實系反映經濟基本面唔好。佢又話，美股呢輪升得勁，純粹系資金炒緊聯儲局政策轉向(Fed pivot)慨憧憬。 佢續指，據最新利率期貨顯示，聯儲局最快明年7月先會減息，依家炒pivot系太早，就算聯儲局減息，亦唔代表股市見底，據歷史統計顯示，聯儲局開始減息後，美股會再跌27%至58%。 莊志雄 「股市漁夫」創辦人 |
Gold , US Stock |
| 莊志雄 |
2022-11-09T15:59 |
【Now財經台】市場聚焦注美國中期選舉結果，據多個票站現時點票結果顯示，共和黨在眾議院占優，參議院選情就更激烈，市場關注最終會系民主黨，還是共和黨控制議會。不過「股市漁夫」創辦人莊志雄認為，左右美股大局唔系中期選舉，而系市場流動性狀況。 莊志雄指，現時轉睇相反指標先可以更好地預測後市，例如CNN恐慌及貪婪指數近日上返之前高位，而美股對上3次反彈見頂時，指數均處現水平高位。雖然最近美股市況好轉，但佢認為，如果依家高追，反彈隨時會完結。 此外，由於美股10月大幅反彈，所以11月至今反而系港股、商品指數追落後，Lewis認為，如果美股今季冇大跌，港股算系見底，但可能仲要橫行一陣。 莊志雄 「股市漁夫」創辦人 |
Stock , US Stock , EVERCHINA INT'L |
| 莊志雄 |
2022-11-02T14:19 |
【Now財經台】港股係美國聯儲局議息結果出爐前夕連彈兩日，美股方面，道指係10月罕有勁彈近14%，除左憧憬內地明年3月開關外，另一個反彈「推手」系市場憧憬聯儲局政策轉向，睇返依家慨形勢，美國短期內掉頭減息機會大唔大？ 「股市漁夫」創辦人莊志雄指，其實今年3月、4月都炒過一次轉向，去到7月至8月中又炒一次，期間聯儲局慨終極利率一路升，雖然局方官員之前話唔應該高過5厘，但最新已升穿5厘，點解會出現呢個情況？今次已經唔系第1次係聯儲局係開會前，借《華爾街日報》一個記者放風，係剛過去慨星期日話，終極利率應該高些，而局方慨態度似乎跟住標指走，指數高返些，局方就鷹些，似乎系想管理市場預期，而終極利率今年系持續向上，睇唔到轉向情況。 Lewis又話，政策轉向可能系中國防疫政策轉向，呢個係第4季系更加重要，因為會影響好多資產價格表現，尤其系商品，例如中國通關，唔多唔少會影響油價，由於價格上返去，美國能源股近期都造返好些，通脹就較難回落，令聯儲局政策就更難轉向。 至於經濟衰退情況會持續幾耐，莊志雄就話... 莊志雄 「股市漁夫」創辦人 |
Energy , Stock , US Stock |
| 莊志雄 |
2022-10-19T16:48 |
【Now財經台】金融市場依家慨恐慌情緒，其實唔止係債市出現，其他資產亦有類似情況，當跨資產都有呢個問題時，到底情況有幾嚴重？此外，有調查發現，基金經理楂現金水平系高左，根據過往經驗，一旦出現呢個現象系咪要更加警惕？ 「股市漁夫」創辦人莊志雄指，跨資產類別表現慨波幅系居高不下，情況比2008年初更差，當時由於美國開始減息，跨資產類別波幅一度回落，之後發生雷曼事件，波幅又抽左上去，意味各類資產齊齊向下，依家一直處於150樓上，意味市場依家非常不安。 Lewis又話，今年系股債一齊跌，投資者過去幾十年都會做就系股價合一，即組合內60%系股票，40%系債券，今年系100年以來最差，表現遠差過2008年，今年大量機構投資者股債合一慨組合跌左30%，負財富效應將會好嚴重，會影響外國甚至全世界投資者慨消費意欲。 |
US Bonds |
| 莊志雄 |
2022-10-05T17:40 |
【Now財經台】美股呢兩日勁彈，系咪一那轉勢訊號？系咪要Beta勁慨股份如科技股，要升得多過傳統股份先系股市轉勢，呢兩日情況系咪咁？ 「股市漁夫」創辦人莊志雄指，正常如果見到聯儲局QE，會見到納指表現會好過標指，不過，過去兩日慨情況唔系咁，納指表現系差過標指，更重要系，最差股市例如德國及英國，呢2個股市如果計埋匯率表現，都系之前跌市那陣表現較差，年初開始計跌得較勁，反彈慨時候表現得好過標指，反映通常熊市時跌得勁，反彈亦會勁些。 Lewis又話，美股噚晚及前晚都升超過2.5%，過往見到升幅比較大慨日子，大部分時間都系發生係熊市期間，睇返過去近100年，最勁那100個升幅日，睇返分布有近60%係熊市入面，反映單日升得勁，同連續2至3日升得勁，係股市或歷史角度，呢個唔系正面消息。 莊志雄 「股市漁夫」創辦人 |
US Stock , IT |
| 莊志雄 |
2022-09-21T15:58 |
【Now財經台】聯儲局繼續議息，香港時間周四凌晨就會公布結果，美股因議息變得波動，亦明顯反映8月中那浸反彈系陷阱，基本上除左美元，大部分資產或投資種類都自高位回落，加上聯儲局態度愈來愈鷹，令債息抽升得好急，美股估值及收息率亦愈來愈唔吸引。 「股市漁夫」創辦人莊志雄指，係黃金、標指、美元、納指100等各類資產價格中，美股尤其納指表現系最差，而標指係1個月內亦跌左10%，市場預期聯儲局會加息0.75厘或1厘，而聯儲局一向好少畀到驚喜市場，因此，美股8月開始跌左咁多，夾淡倉亦唔出奇。 Lewis又指，美股近月表現差，但恆生指數及美國10期債券都跌得少過美股，其實今年標指同長債跌幅差唔多，但經過8月那浸跌幅後，長債跌幅已經系標指一半，如果美國瀕臨衰退或金融市場有好大壓力，睇返過去20至30年表現，通常美元及美債都會升，但暫時只系美元有得升，若聯儲局加息加得好狠，令美國通脹回落，美債就會升，不過，若聯儲局最終同市場預期一樣只加息0.75厘，美債就未必可以升。 莊志雄 「股市漁夫」創辦人 |
US Bonds , Gold , US Stock , HANG SENG BANK , HK Banks |
| 莊志雄 |
2022-09-14T16:00 |
【Now財經台】美國8月消費物價指數(CPI)反映通脹仍未受控，市場預期聯儲局加息步伐會更進取，拖累美股噚晚急瀉。 「股市漁夫」創辦人莊志雄指，觀察到仲有唔少散戶追入美股指數慨ETF想撈底，但佢認為，好多人仲未意識到今次美股跌勢唔系一般調整咁簡單，因為美國慨金融系統正承受好大壓力，例如惡性通脹、經濟衰退，亦未知有冇金融機構會出事，因此，美股好有可能落返6月低位。 Lewis又話，雖然據圖表分析，VIX指數周期波動係9月19日(下周一)見頂，但佢強調，依家慨市場風險已不能單靠技術分析預測，可能今次指數會繼續沖上去，反映落美股就可能有大事發生。佢又提及，美股高息企業債ETF亦跌至近6月低位，根據圖表分析，標普500指數通常都會跟隨高息企業債回落。 再睇埋美國銀行慨基金經理調查，Lewis話基金經理持股比重已大幅下降，2008年金融危機時，基金經理亦系減倉減到低於正常水平，反映指數都仲未見底，預期標指可能會再跌30%至40%。 莊志雄 「股市漁夫」創辦人 |
US Stock , ETF , HSCEI ETF |
| 莊志雄 |
2022-09-09T15:26 |
【Now財經台】美股由上月中反彈，之後係高位碌返落黎，呢兩日好似有些反彈，雖然呢段時間美股表現唔算太差，但始終比唔上金龍指數。不過，日股仍要墊底，歐美日股市一向危機四伏，歐洲通脹、日圓貶值系咪加深左巿場對熊市慨憂慮？ 「股市漁夫」創辦人莊志雄指，美股有約60%巿場參與者認為已步入熊巿，余下40%就認為美股表現仍相對好。不過，睇返數據，美股上月中開始跌返落黎，納指曾經7連跌，FANG指數仲跌得勁過標指，如果巿況好，一些「股王」級股份如蘋果，前晚舉行發布會，正常情況下大巿都會表現亢奮，帶動其他科技股造好，但睇返過去12個交易日，標指明顯跑輸金龍指數，呢個系較特別慨地方。 Lewis又話，美股其中一個受壓原因系強美元，因為美元表現反映巿場流動性較為緊張，係美元強勢呢段時間，美股都系受壓，尤其歐洲加息後，歐元穩定返少少，但仍然係1算水平浮浮沉沉。不過，近期日圓慨情況就令人較為擔心，日圓今年高低位相差30點，過往出現咁大波幅都系一些危險年份，例如2008年雷曼事件，所以… 莊志雄 「股市漁夫」創辦人 |
US Stock , IT , USD , EURO , OCI INTL |
| 莊志雄 |
2022-08-24T15:26 |
【Now財經台】歐元跌至一算以下，歐元資產表現相對亦差，整體金融市場有乜啟示? 「股市漁夫」創辦人莊志雄指，歐洲經濟數據出爐觸發歐元急跌，而一算呢個大位完全冇支持，Lewis相信系一個警號。綜觀過去一星期，歐洲股市表現差，影響環球股市，市場會聚焦係Jackson Hole會議內容上，不過無論放「鷹」定放「鴿」，都改變唔到歐洲局面，因為佢地面對緊好多問題。德國係以往跌市時應該跌得最少，而且跌幅同標普500指數差唔多，但德國ETF係過去一個禮拜跌幅為標普500慨兩倍。另外，跌得第二多慨歐洲MSCI金融股ETF跌6.4%，整體歐洲Stoxx 50指數同歐元累跌6.28%。當歐元跌時，美匯指數會升，對股市同金融狀態有收緊作用，最受影響就系金融機構。過去一個禮拜德意志銀行股價跌約10%，瑞信股價亦下試幾十年來低位，其他銀行都要跌，在歐美銀行中最穩陣慨摩根大通亦受拖累，跌6.5%。匯豐控股(00005)過去一個禮拜累跌5%，Lewis認為匯控遲早被歐洲股市拖累。 |
HSBC HOLDINGS , HSBC , HK Banks , ETF , USD |
| 莊志雄 |
2022-08-17T16:03 |
【Now財經台】過去一個星期，美股投資者似乎回復樂觀心態，一方面認為，美國通脹有機會已經見頂，其次預期聯儲局9月加息幅度或有機會開始收窄，大行高盛亦樂觀預期，美國經濟有機會避過衰退，實現軟著陸，美股是否到了重新起動的時候呢？過去一周，與其他資產比較是否印證這股心態？ 「股市漁夫」創辦人莊志雄話，依家市場心態開始冇咁悲觀，甚至有講法話睇返好，最主要慨理據系當標普500指數跌後反彈到跌幅慨一半，之後就唔會再創新低，但呢種講法就睇得太短，睇返過去100年歷史，跌後反彈到跌幅慨一半，未擺脫熊市都試過唔少次，之前5月同6月時都話要小心有大反彈，依家的確系發生緊，而且標普500指數已經去到200天線，估計破200天線慨幾個百分比都唔出奇，以往有10%時間會去到反彈跌幅75%，所以標普500指數去到4400樓上都唔出奇。 |
US Bonds , US Stock , ETF , Sachs , HSCEI ETF |
| 莊志雄 |
2022-08-10T15:35 |
【Now財經台】內地今朝出左通脹數據，今晚就輪到美國CPI出爐，到底美國通脹會點走？有分析預期按年會回落至9%以下，美股之後又點反應？ 「股市漁夫」創辦人莊志雄指，睇返上次聯儲局議息聲明，以及主席鮑威爾慨發言，比巿場慨感覺都系偏鴿，所以美股之後持續反彈。不過，過去幾日出現左變化，局方有官員放鷹，令加息預期由加0.5厘，變成有70%投資者認為會加0.75厘，所以近幾個交易日，一些同未來盈利掛鉤慨股份，尤其系優質股，都冇力升上去，呢個現象主要同未來息率預期有關，如果息率再升溫，FANG指數、納指100指數等都會跑輸標普500指數。 Lewis又話，睇埋唔同行業表現，一些同消費相關業務都跑輸標指，反觀受惠於息率慨行業、收息類或防守型慨股份表現較好，例如金礦股慨股息率已高過公用股指數，以前金礦股唔系收息工具，但係依家慨情況下，加上通脹升溫，都有利貴金屬價格，因此，當通脹預期升溫時，主打防守慨股份就會造好，消費或半導體股表現就較差。 莊志雄 「股市漁夫」創辦人 |
US Stock , Metals , Gold mine , Util |
| 莊志雄 |
2022-08-03T15:44 |
【Now財經台】聯儲局上星期再加息0.75厘，至今已差不多一個星期，期間美匯跌多升少，各類資產及各地股市表現如何？同美匯表現有幾大關系？ 「股市漁夫」創辦人莊志雄指，聯儲局主席鮑威爾係議息聲明後，佢慨表現被巿場解讀為系鴿派左，因為佢講左一個好重要慨字眼，就系「睇住數據」，因巿場期望通脹回落，但佢咁早講又會影響巿場預期，佢講野後幾日巿場炒局方遲些會再「放水」，或唔再加息，帶動股巿及部分商品同時反彈，令之前做慨功夫如壓抑需求等遏通脹慨作用減弱，導致通脹預期唔會落得咁快。 Lewis又話，依家聯儲局認為中性利率約3厘，但佢估計要去到4厘至5厘先可以控制通脹，加上局方彈出彈入，會持續影響聯儲局公信力，鮑威爾之前放鴿，但噚晚些委員又鷹返少少，更難控制到通脹。 美股方面，由聯儲局議息聲明出爐前至噚晚收巿，系先升後回少少，至於反彈系咪完結，暫時未完全肯定。所以睇至於其他資產價格，Lewis就話... 莊志雄 「股市漁夫」創辦人 |
US Stock , USD |
