| Commentator |
Time |
Content |
Tag |
| 林樵基 |
2025-01-17T11:46 |
內地今早(17日)出左幾個重磅經濟數據，其中，2024年國內生產總值(GDP)按年增長5%，去年12月社會消費品零售總額就按年增長3.7%，好過預期。2025年3月召開慨「兩會」，預期將會公布發行超長期特別國債用係「兩新」慨實際金額，展望今年，內地內需係咪可以持續改善？ 資深經濟師林樵基表示，內需係可以睇到經濟有冇改善，如果消費品零售額唔能夠持續上升，就會影響整體經濟。中央之前已經推出左唔少救經濟慨政策，但零售銷售總額係咪可以進一步升到4.8%，甚至去到5%，要睇整體經濟狀況。佢又話，中央慨「組合拳」政策出台加上整體經濟狀況改善，相信整體消費升幅有望擴大，繼而持續推高經濟增長。 至於「以舊換新」會唔會谷一浸就無以為繼，林樵基指，睇返內地經濟情況，依家最需要係令市場旺返，吸引公司再投資，到時就業就會增加，有收入就會消費，首先，希望今年內需循環得更快，其次係中央刺激經濟措施可以加碼，從而令經濟持續改善。 |
|
| 林樵基 |
2024-11-04T13:09 |
美國大選將於周二(5日)舉行，預計香港時間周三(6日)開始有結果，市場上不時出現「Trump Trade」，但股市整體表現主要有基本面支撐，大選對股市沒有太大影響，反而大選對匯市及債市影響更明顯，投資者是否需要更加關注債市及匯市？ 資深經濟學家林樵基指，市場需要密切留意債市及匯市。如果美國國債繼續「債膨脹」，中長期利息就會向上行，對債市並非理想的走勢；而匯市方面，美國正處於減息周期，美元向下亦非好消息，因為美元以往一直強勢，美元下調會令資產價值下調，間接影響其他資產價值。 他又指，如果特朗普(Donald Trump)上場，相信金價會繼續上升，因為市場普遍相信經濟波動會較大，加上美國聯儲局減息，都支持金價。 |
|
| 林樵基 |
2024-08-15T11:11 |
內地公布7月經濟數據，零售按年增長2.7%，略好過市場預期，雖然暑假開始，但消費繼續疲弱？房地產投資年初至今跌10.2%，遜預期，拖累經濟發展，內地經濟數據參差，第3季開局是否仍不穩？ 資深經濟學家林樵基指，零售數據是低單位數字，反映整體內需仍然疲弱，即使有政策出台，但對宏觀經濟的動力不足，第3季開始要留意有沒有更多新政策出台，推動經濟。 他指過去幾個月房地產投資跌幅維持高水平，去庫存等問題仍未解決，預計下半年跌幅會收窄，若房地產公司要再大量投資，需要再等一段時間。 |
|
| 林樵基 |
2024-05-09T11:44 |
內地繼續出招救樓市，杭州最新宣布全面取消住房限購措施，若有意買樓慨家庭多過市場現有慨新盤，發展商可以自主銷售。此外，依家放緊盤慨業主，再買樓可以用首置身份造按揭。市場最希望見到內地撤銷所有限制措施，因為部分一線城市如深圳、北京都只係有限度鬆綁，未來全國撤銷限購機會大唔大？ 資深經濟學家林樵基認為，杭州最新政策會見效，依家慨重點係經濟及市民係想買樓，還是買多些樓，杭州今次撤銷限購會加強市場對政府支持樓市慨信心。 佢又指，一線城市現行政策係正確，始終呢些城市商業活動較多，人員流動較快，對房地產需求自然較大。不過，佢估計，全國或一線城市全面鬆綁機會唔大，始終一線城市慨房地產需求較大，而內地每個城市慨庫存、經濟情況等都唔同，最重要係評估每個城市慨買樓需求，並要考慮用咩針對性政策幫樓市發展。 |
|
| 林樵基 |
2024-04-11T11:28 |
內地今早(11日)出左3月居民消費價格指數(CPI)，雖然已連升兩個月，但升幅放緩至0.1%，差過預期，按月更轉跌1%，終止3個月升勢。睇返CPI走勢，擔唔擔心內地再陷入通縮？ 資深經濟學家林樵基認為，都要考慮返假期因素，2月農曆新年後，由於市場供應復常，導致3月食品價格按年跌2.7%，消費者經歷1月及2月呢輪消費後，或會留待「五一黃金周」再消費，所以會影響3月通脹，CPI低過預期反映內地消費仍然疲弱。佢又估計，4月CPI仍會持續低迷，但係「五一黃金周」消費需求將顯著增加下，5月CPI可望升至一個較高水平。 內地為應對通縮，人民銀行要繼續實施寬鬆政策，但美國最新通脹高過預期，令6月減息預期急降溫，中美息差係咪會繼續困擾人仔？林樵基表示，人行都要取捨，如果再降準或減息，係可以刺激消費，但如果消費動力不足，會令人仔走弱，不過，內地可以透過公共財政政策，例如減稅刺激經濟，整體黎講，人行要係貨幣政策及公共政策之間搵到平衡，先可以令經濟穩定落黎。 |
|
| 林樵基 |
2024-03-18T11:29 |
內地今早(18日)出左今年首兩個月「三頭馬車」數據，其中，零售按年增長5.5%，略差過市場預期，但市場其實都預左增速會較去年11月至12月慨7%慢，所以表現係咪唔算好差？「兩會」提及要大力谷內需推動經濟，其中，上周公布推動大規模設備更新及消費品以舊換新，可唔可以刺激到消費？ 資深經濟學家林樵基認為，零售數據唔算太差，可以用一個穩定模式去睇現時慨消費，過去1年正逐步復甦，所以唔可能期望一個農曆新年就會爆發性上升，佢認為之後都係傾向穩步上揚，唔好期望會錄得好大升幅。 至於谷消費政策，林樵基認為，如果想措施成效大，背後慨流動性供應好關鍵，中央今年不斷出手撐經濟，包括減稅、發債等，例如想推動換車等都需要資金，依家債務上升緊，如果將資金撥到呢方面，相信都會有正面影響。佢又指，以舊換新唔係新政策，最重要係個周期可唔可以適應，而疫後係一個推動慨好時機，因為呢幾年改變左好多，有好多新科技，相信以舊換新會有一個好勢頭。 |
|
| 林樵基 |
2024-01-22T11:50 |
【Now財經台】內地上周出左去年國內生產總值(GDP)等重磅經濟數據後，仍未見推出任何重大貨幣政策或財政政策谷經濟，市場愈等得耐就愈冇信心，系咪要等到農歷年假期後，甚至3月召開慨「兩會」先會有好消息？ 資深經濟學家林樵基表示，相信農歷新年後會逐步有動作，未必要等到「兩會」，因為「兩會」前一般會有明確慨政策出台，又或者會有人放風，逐步提升市場信心。佢又指，由於臨近農歷新年，就算有政策出台都未必可以即時執行，相信中央會先做好維穩工作，令市場有足夠流動性，令市場年結前比較平穩。 林樵基續指，內地暫時未見出現資金緊絀情況，因為一直有中期資金投入市場，短錢亦相當充裕。 林樵基 光銀國際董事總經理兼研究部主管 |
Capital Flow |
| 林樵基 |
2023-12-13T12:00 |
【Now財經台】中央經濟工作會議周一(11日)起一連兩日係北京舉行，據《新華社》報道，明年將堅持穩中求進，著力擴大內需等，系咪反映中央都好靠內需帶動整體經濟增長？ 資深經濟學家林樵基指，用內需帶動經濟增長都好明顯，睇返「三頭馬車」，其中外貿系非常唔穩定，始終外部環境受唔同因素影響，例如地緣政治等，而內需就相對較易控制。佢又話，其實內地儲蓄率好高，關鍵在於點樣令消費者願意使錢，包括推出谷消費政策、服務等。 貨幣政策方面，中央指要穩健、靈活適度、精准，但其實都冇乜新意，Banny認為，內地貨幣政策仍相對寬松，如果降准導致市場流動性太多，會影響通脹或出現過度投資等後遺症，中央依家慨做法系，適度地推中長期債務，再配合低利率環境，可以有效地增加投資。 林樵基 光銀國際董事總經理兼研究部主管 |
|
| 林樵基 |
2023-11-15T11:46 |
【Now財經台】內地10月經濟數據今朝出爐，零售及工業生產分別增長7.6%及4.6%，兩個數據都好過預期，但1至10月全國固定資產投資及房地產投資都差過預期，前者僅增長2.9%，後者更跌9.3%。零售表現好過預期，其中一個原因系受惠於黃金周，年底慨零售數據又樂唔樂觀？ 資深經濟學家林樵基指，內地居民經歷疫情後，消費模式已經改變，由於有唔同慨消費節日，例如「雙11」購物節等，內地居民唔一定再係假期消費，因此，錄得高單位數升幅已比預期理想，佢又話，最重要系出現一個上升趨勢，先可以確認到零售正逐步復蘇。 至於年底慨零售表現，林樵基估計，仍會錄得單位數增長，因為整體經濟環境復蘇速度較慢，加上有唔少不明朗因素，所以內地居民都未必會大力消費。 林樵基 光銀國際董事總經理兼研究部主管 |
Gold , Real Estate , Real Estate |
| 林樵基 |
2023-09-11T13:47 |
【Now財經台】國家統計局上周六(9日)公布，8月內地居民消費價格指數(CPI)按年升0.1%，按月則升0.3%。 資深經濟學家林樵基認為，其實內地8月可擺脫通縮唔算有驚喜，只系同去年同期比較慨基數效應，反映係好多分項價格上，令整體CPI略為回升，事實上，內地整體經濟需求仍然疲弱，暫時睇黎消費價格較難上升，不過，由於9月至10月有中秋節及「十一黃金周」，相信經濟及需求會略為回暖，對消費價格有正面影響。 Banny續指，受節慶消費需求帶動，內地今年余下4個月慨CPI，可望維持係零或以上，更直指內地唔再出現通縮已經好理想。 林樵基 光銀國際董事總經理兼研究部主管 |
Gold |
| 林樵基 |
2023-01-12T11:57 |
【Now財經台】內地上月通脹1.8%，符合預期，工業生產者出廠價格指數PPI就連跌3個月，按年跌0.7%，跌幅大過預期，市場應該點解讀？ 光銀國際董事總經理兼研究部主管林樵基認為，上月通脹數字未完全反映內地防疫政策轉變慨影響，預料2月農歷年假後經濟活動才會增多。 Benny亦預期，今季PPI會繼續疲弱，因為舊年下半年起大宗商品價格回落，全球商品需求較弱，令內地廠商難叫高出廠價格，估計唔少工廠會透過期貨交易對沖商品價格回落慨損失，相信今年成本控制做得較好，配合去年同期慨高基數，今年內PPI較難有高增幅。 不過佢話，CPI一般較PPI滯後6至9個月，不過過分擔心CPI會俾PPI拖低，繼續看好次季經濟表現。 林樵基 光銀國際董事總經理兼研究部主管 |
|
| 林樵基 |
2022-11-17T13:03 |
【Now財經台】內地為救經濟政策開始轉向，近期陸續有針對性政策出台，包括支持民企融資、推出「內房16條」，容許優質內房合理使用預售監管資金，呢些利好消息帶動內房股股價近期爆升，系咪反映市場開始對內房有返信心？ 光銀國際董事總經理兼研究部主管林樵基指，「內房16條」的確系有幫助，因為呢些政策對民企及發展商系具針對性，另一方面，其實發展商黎講，問題主要同流動性有關，始終發展商冇資金支持，完成唔到項目就收唔返錢，最後就還唔到債，中央近期推出慨政策，可以提升返內房慨流動性，因此，只要措施可以盡快落地，一定對內房有好大幫助。 林樵基 光銀國際董事總經理兼研究部主管 |
China Real Estate , Capital Flow |
| 林樵基 |
2022-10-14T11:32 |
【Now財經台】內地9月新增貸款及社會融資規模超預期，下周二將會有多項經濟數據出爐，當中包括市場最關注慨第3季經濟增長數據，市場普遍預期，按年增速將加快至3.5%，不過，近期多個省市疫情再度反覆，海南等地須封控，更傳出上海要停課，到底內地經濟未來何去何從？ 光銀國際董事總經理林樵基認為，內地第4季經濟惡化慨機會唔大，雖然依家唔少省市仍執行嚴格防疫政策，但唔系所有省市都「中招」，加上工廠仍然運作緊，因此，唔會再出現4月慨停擺情況，整體經濟會穩步向上，但佢提醒，投資者唔好期望經濟會出現大反彈，因經濟需時復原，之後再慢慢上返去。 林樵基 光銀國際董事總經理兼研究部主管 |
|
| 林樵基 |
2022-09-15T11:26 |
【Now財經台】呢排港股成交持續淡靜，唔知系咪見到生意麻麻，港交所(00388)都要諗諗計，據《彭博》噚日報道，港交所有意降低新科技公司慨上市門檻，研究係上市規則中新增一個章節，容許AI、晶片、自動駕駛等企業來港上市，港交所呢個構思系咪想博一博，希望呢些硬科技股可以幫手搞返旺個市？ 光銀國際董事總經理兼研究部主管林樵基指，港交所之所以選擇依家研究放寬上市限制，目的系為黎緊1年，甚至幾年後慨發展鋪路，始終其他金融中心都有硬科技股呢類熱門股份上市，另一方面，港交所亦確實希望借新興產業股搞旺個市，吸引資金來港，港交所亦可以係新興產業公司上市賺返筆。 |
Stock , IT , SUN HING VISION , HKEX , IPO |
| 林樵基 |
2022-08-10T11:33 |
【Now財經台】行政會議召集人葉劉淑儀接受《彭博》訪問時指，本港考慮免除內地買家雙倍印花稅，噚日消息一出，地產股應聲抽高，但政府之後澄清冇傾過亦冇相關計劃，地產股即刻升少大截，今朝就跟隨大市向下，係息口趨升下，銀行股及地產股投資價值有幾大？ 光銀國際董事總經理兼研究部主管林樵基估計，本地銀行股會跑贏少少，因為息差系拉闊緊，如果本地經濟進入左復蘇階段，一定對銀行有正面影響。 至於本地地產股，Benny就話依家有幾家發展商賣緊樓，開價都貼近二手，加上最近成交少，其實加息慨影響已經開始左，H按已經升左唔少，但如果要等加P先有影響，呢個機會就好微，雖然發展商的確系審慎左，但本地地產商實力仍然幾強，加上舊年賣樓收入今年入帳，所以唔使太擔心業績，而睇業績時應留意核心盈利及現金流。 林樵基 光銀國際董事總經理兼研究部主管 |
HK Cap Flow , Real Estate , Earnings , Real Estate |
| 林樵基 |
2022-07-11T11:32 |
【Now財經台】國統局前日出左6月內地居民消費價格指數(CPI)，同埋工業生產者出廠價格指數(PPI)，通脹較市場預期高，CPI按年升2.5%，沖上2年高位，除左豬肉價格持續向上，汽油及柴油價格升幅亦擴大。隨著內地局部放寬防疫措施，豬肉價格亦升返，內地通脹未來會唔會繼續維持係較高水平？ 光銀國際研究部主管林樵基指，之前幾個月通脹較低，系因為食品價格，即豬價，對沖能源價格好多，今次通脹升返，見到豬價似乎開始橫行，唔系好似以往咁向下調，加上基數問題，會睇到豬價系有持續上升空間，能源價格居高不下，食品那邊一路升，通脹自然會升。 佢又話，但以國際准則黎講，內地通脹仍然係一個好低慨水平，而同官方目標3%仍有一段距離，由於未來慨形勢可唔同，例如能源及食品價格回落，呢些因素都會令內地通脹維持係2%至3%。 林樵基 光銀國際董事總經理兼研究部主管 |
Energy , Food |
| 林樵基 |
2022-06-16T12:13 |
【Now財經台】內地及香港股市噚日氣氛明顯好轉，上證指數上返3300點，值得留意系，滬深兩市成交過萬億人仔，券商股集體漲停，大只慨內險股如國壽A股亦漲停，係呢種市況下，市場都會揣測系咪有相關政策，A股同美國議息、環球走勢慨判斷系咪兩個唔同慨熱度？ 光銀國際董事總經理兼研究部主管林樵基指，過去幾日A股慨升得幾好，尤其內險及證券，有一點值得留意，就系噚日內地公布慨經濟數據唔錯，加上中央慨政策都好支持經濟發展，由於A股之前跌得多，所以反彈力度會大些，佢又睇好A股前景。 至於被打壓左一段時間慨新經濟股，Benny話，依家新經濟股估值合理，盈利狀況亦唔錯，未來有機會跑贏大市，但佢建議投資者同時持有新經濟股及傳統經濟股，原因系... 林樵基 光銀國際董事總經理兼研究部主管 |
Stock , CHINA LIFE |
| 林樵基 |
2022-05-11T11:35 |
【Now財經台】國統局今朝出左4月內地居民消費價格指數(CPI)、工業生產者出廠價格指數(PPI)，兩個數據都高過預期，CPI按年升2.1%，系5個月以黎最高，PPI升幅就放緩，國統局就話，雖然數據超預期，但只系溫和上升。 光銀國際董事總經理兼研究部主管林樵基指，佢認同國統局慨講法，4月通脹升幅溫和，加上全球通脹上升已成定局，只系上升速度快慢，同埋點應對。佢又話，內地通脹主要受能源帶動，但可以係民生及食物方面對沖，即增加供應及用本土貨品，其實內地都做得幾好，所以見到食品都系向下調。Banny續指，內地今年通脹目標系約3%，現時仲有距離幾遠，係通脹溫和上升下，令內地有空間做刺激性政策去推動經濟。 林樵基 光銀國際董事總經理兼研究部主管 |
Energy , Food |
| 林樵基 |
2022-03-09T10:47 |
【Now財經台】內地今朝出左最新通脹數據，上月內地居民消費價格指數(CPI)按年升0.9%，工業生產者出廠價格指數(PPI)升8.8%。值得留意系，「剪刀差」(即CPI與PPI升幅差距)收窄情況冇預期咁大，加上3月慨能源、資源價格急升因素仲未反映，內地通脹未來會點走？ 光銀國際董事總經理兼研究部主管林樵基指，雖然內地資源價格及租金等會上升，但唔會好似油價升得咁犀利，通脹仍可維持係合理及低水平，不過，未來幾個月會慢慢反映返工廠價格上升，雖然會轉嫁比消費者，但反映係通脹上需要一段時間。佢又認為，內地整體通脹系會上升，但唔會去到歐美咁嚴重，估計內地全年通脹將介乎1.5%至2.5%。 林樵基 光銀國際董事總經理兼研究部主管 |
Energy , Resources |
| 林樵基 |
2022-02-14T11:19 |
【Now財經台】港股今年開局以來勢頭唔錯，2月暫時累升過千點，不過，本港Omicron疫情嚴重，近期確診個案飆升，疫下港股會點走？ 光銀國際董事總經理兼研究部主管林樵基指，短期黎講，俄烏局勢一定對股市有影響，美股過去兩個交易日都要跌，港股同其他股市都好難走得甩。佢又話，雖然本地股及傳統股係指數慨占比唔大，但本地疫情影響股市氣氛，科技股、內房股、內地中概股都遭殃，依家回調系反映返整體市況。 林樵基指，雖然港股回調幅度相對其他主要股市大，但又冇想像中咁多，相信部分表現較好慨股份，如銀行股或跟經濟復蘇走慨股份都可以撐住大市，估計恆指後市會係24000至24500點上落。 林樵基 光銀國際董事總經理兼研究部主管 |
Stock , China Real Estate , IT , US Stock |
| 林樵基 |
2022-01-10T11:48 |
【Now財經台】據內媒統計，內地百強房企去年累計銷售金額按年跌3.5%，但部分內房上周五大幅反彈，國企內房如中國海外發展(00688)、華潤置地(01109)大幅造好，龍湖集團(00960)最新計劃分拆物管業務上市，意味內房陰霾逐漸散去？ 光銀國際董事總經理兼研究部主管林樵基指，內房有危便有機。機會方面，做得較好慨內房股有好大機會並購，或買入債務較高慨資產，系一個好概念，加上若政府有支持，會令呢類內房更有信心並購，形成雙贏局面，一黎自己公司計劃唔會「爛尾」，二黎債務纏身慨內房可以松一口氣，利好行業前景。 |
China Real Estate , CHINA OVERSEAS , CHINA RES LAND , IPO , IPO |
| 林樵基 |
2021-12-15T11:18 |
【Now財經台】內地最新經濟數據表現參差，零售銷售及固定資產投資都較預期差，只有工業增加值略勝預期，內地經濟何去何從？ 光銀國際董事總經理兼研究主管林樵基認為，如果疫情再次大爆發，單靠網購未必能完全帶動零售銷售改善，預期未來幾個月零售銷售會較波動，相信需要配合政府政策才有機會明顯回升。 佢又認為，固投方面，要由內房推動整體固投困難重重，若果中央想固投上升，可以從基建入手，但中央必須落重功力，所以出年第一、二季度投放於固投慨資源應該會比較大。 林樵基 光銀國際董事總經理兼研究部主管 |
China Real Estate , Resources , Infra |
| 林樵基 |
2021-11-16T11:55 |
【Now財經台】賭股之前畀發牌監管問題困擾左一段時間，尤其係中美關系緊張下，美資賭股更被睇低一線，不過，中美元首今朝舉行視像會議，外界憧憬兩國關系改善，加上澳門今日下晝會發表施政報告，濠賭股今朝全線升，其中金沙中國(01928)更成為表現最好藍籌，賭股最壞時間系咪已經過去？ 光銀國際董事總經理兼研究主管林樵基指，對上一次做監管諮詢時，賭股尤其系美資賭股插水，雖然澳門當局收到業界唔同慨意見，但相信監管大方向唔會變，可能係一些細微慨地方做調整。 佢又話，賭股彈返起反映政策冇預期咁辣，可維持較高慨營運水平，加上澳門倚賴賭業提升自身地位，相信對賭股有正面作用。 |
USD , Gambl |
| 林樵基 |
2021-10-04T11:35 |
【Now財經台】恆指9月、第3季埋單都要跌，其中第3季大跌4200幾點，表現全球包尾，雖然踏入傳統股災月，但恆指係過去十年慨10月，8升2跌，加上恆指已連跌4個月，累積唔少跌幅，第4季翻身機會大唔大？ 光銀國際董事總經理兼研究部主管林樵基指，恆指走勢主要睇外圍消息頭，尤其系內地，上季係內房壞消息拖累下，恆指已經跌左唔少，9月又傳黎電荒消息，唔少行業都受影響，更拖低股價，黎到10月，市場焦點繼續系內房、電力慨不利消息，而中美今個月出爐慨經濟數據，有機會左右港股走勢，佢估計，恆指係10月會比較chok，但始終第3季跌左咁多，會創造左唔少反彈空間。 林樵基 光銀國際董事總經理兼研究部主管 |
Stock , China Real Estate , ChinaElec |
| 林樵基 |
2021-09-16T11:52 |
【Now財經台】中國恆大(03333)事件不斷發酵，《彭博》最新報道，恆大旗下所有在岸債券要暫停交易1日，恆大系股價又要捱打，其中恆大股價今朝連2.6元都頂唔住，除左拖累內房股外，投資者亦擔心燒埋內銀。 光銀國際董事總經理兼研究部主管林樵基指，債券要暫停交易系希望內地投資者更清楚現時慨情況，系一個合適慨做法，等大家可以冷靜些，但由於恆大近排發生好多事，係羊群心理下，之後會唔會更大鑊？所以恆大系股價跌唔停，令市場擔心揹重債慨內房會唔會出事。 |
China Real Estate , China Banks , EVERGRANDE |
| 林樵基 |
2021-08-16T12:20 |
【Now財經台】內地今朝出左7月經濟數據，包括工業增加值、社會消費品零售及固定資產投資等，但表現都差過預期。 光銀國際董事總經理兼研究部主管林樵基指，除左受雨災、疫情影響，基礎效應、原材料價格高企等都有影響，反映7月經濟出現收縮情況，佢認為，中央應推出政策配合及支持，同埋加快地方基建推動固投，林樵基又相信，固投慨經濟角色會愈黎愈吃重。 監管政策方面，林樵基指，監管風暴對新經濟股沖擊大，任何大小消息都會導致股價波動，相信呢個情況短期內好難扭轉，首先系估值問題，其次系面對慨監管風險仍然好高，暫時都唔應該掂新經濟股。如果真系要買新經濟股，就要揀... 林樵基 光銀國際董事總經理兼研究部主管 |
Infra |
| 林樵基 |
2021-06-23T14:43 |
【Now財經台】反壟斷風暴持續困擾科網股，市場都用騰訊控股(00700)做指標，連250天線都穿埋，系疫情以黎首次，當中有咩啟示，系咪代表科網股好難跟得上？而騰訊作為龍頭股，系咪亦反映港股好難上？ 光銀國際董事總經理兼研究部主管林樵基指，新經濟龍頭股有一個帶動作用，所以見到呢些股份轉弱，就知情況不妙。此外，騰訊始終系內地一間巨無霸企業，同埋係反壟斷問題上，仲有好多野系可以調查，投資者都要接受存在呢些風險。不過，林樵基話，反壟斷調查對騰訊盈利狀況未必造成好大影響，可能增長只系放緩少少。 |
Stock , TENCENT , IT |
| 林樵基 |
2021-05-07T12:31 |
【Now財經台】人行、銀保監、中證監等公布粵港澳大灣區跨境理財通試點建議，香港投資者適用慨北向通，同埋內地投資者適用慨南向通，兩邊總額度都系1500億人仔。對本地投資者有咩好處？對本地銀行股會唔會因此受惠？ 光銀國際董事總經理兼研究部主管林樵基認為，兩邊總額度唔算好大，但意義就好重大，因為投資者兩邊慨投資產品都可以買，中港投資者會更熟悉對方慨投資產品，有更多選擇之余，風險管理可以做得更好。 Banny仲話，係內地有分行慨本地銀行將會受惠，如果母公司係內地，受惠程度會更大。理財通讓兩邊都可以買賣，對任何一個本地金融機構黎講都有好處，總括黎講，理財通可以「做大個餅」。 林樵基 光銀國際董事總經理兼研究部主管 |
|
| 林樵基 |
2020-12-09T11:39 |
【Now財經台】內地逾11年來再現通縮，大家要憂慮嗎？通縮下是否給予人行寬松政策空間？ 光銀國際董事總理林樵基指，內地疫情後復蘇已有一段時間，人行貨幣政策亦漸趨正常化，但人行或有機會趁通縮期間增加貨幣供應，增加貨幣短期流動性，但不會大量放松貨幣政策… 林樵基 光銀國際董事總經理兼研究部主管 Your browser does not support iframes. © PCCW OTT (Hong Kong) Limited 2012-2021 著作權所有 私隱政策 | 使用條款 | 免責及著作權聲明 | 不歧視及不騷擾聲明 所有資料或訊息僅作為參考之用。 |
|
