| Commentator |
Time |
Content |
Tag |
| 林嘉麒 |
2025-05-16T10:52 |
阿里巴巴(09988)上季收入2364億元人民幣，按年增長7%，差過市場預期。元宇證券基金投資總監林嘉麒指，雖然公司在業績報告中，大力唱好人工智能(AI)前景。 |
|
| 林嘉麒 |
2025-05-14T17:12 |
中美大幅互相降低關稅措施已經係今日(14日)中午正式生效，為期90日，關稅戰降溫帶動本港航運股連日向上，主攻中國市場慨海豐國際(01308)及德翔海運(02510)，主攻亞洲區內及歐亞航線慨中遠海控(01919)及東方海外(00316)，股價本周已累升9%至13%，緊貼環球同業升幅，呢個利好因素股價反映曬未？還是仲有上望空間？ 元宇證券基金投資總監林嘉麒指，整體航運指數價格年初已經回落，延遲左慨運力需求未必係一兩日內見到，就算用現價比較，都需要觀察1至2個月，如果運力需求出現求過於供慨情況，而市場見到數據唔差，股價就仍有上升空間。 KK又指，運價係疫情期間曾持續高企一段時間，相信今次都會出現呢個情況，不過，就要分地區及貨物類別，例如涉及中美航線，以及集裝箱為主慨航運股應該仲有得升，相反，行中歐航線及乾散貨類，運價格就未必可以推得太高。 |
|
| 林嘉麒 |
2025-05-13T10:06 |
元宇證券基金投資總監林嘉麒推介舜宇光學(02382) 推介原因： -中美貿易關係緩解 -行業悲觀前景改變 -4月出貨數據不俗 建議買入價：70.0元 目標價：90.0元 止蝕價：64. |
|
| 林嘉麒 |
2025-05-07T17:47 |
中央再出「救市組合拳」，其中，人民銀行今早(7日)宣布減息降準，將會係下周四(15日)生效，估計「放水」1萬億人仔，內銀股今日造好，有分析指，降準可減低銀行負債成本。不過，人行同步下調多項政策利率，會令銀行息差收窄，點評估內銀前景？ 元宇證券基金投資總監林嘉麒指，內銀前景要睇經濟狀況，如果經濟動力唔夠，減息降準係希望刺激需求，如果做到呢個效果，會對內銀有利。佢又指，市場經常用息差去判斷內銀盈利能力，但其實都要睇埋借貸需求夠唔夠、整體貸款成本、同埋存貸比高唔高等因素，今次人行「放水」其實都等左幾個月，而第1季整體貸款表現唔錯，意味市場真係有借貸需求。 不過，KK提醒，要留意外圍因素，尤其美國總統特朗普(Donald Trump)會唔會突然又推出一些政策，企業對投資或持觀望態度，而外貿表現又會唔會拖慢內地經濟。 |
|
| 林嘉麒 |
2025-04-30T16:11 |
「五一黃金周」快將展開，內地餐飲市場將迎來消費高峰，龍頭之一海底撈(06862)宣布，截至前日(28日)止，全國門店「五一」假期首日預訂量逾2.5萬張檯，集團係「五一」慨表現係咪值得憧憬？ 元宇證券投資總監林嘉麒指，預訂量的確令市場有憧憬，但要留意2.5萬張檯，相對於全國分店慨佔比有幾多，以及消費者人均消費能否增加，因為消費者有機會透過唔同平台，並以優惠價格預訂，所以人均消費可能偏低。至於預訂數字能否持續至整個「五一黃金周」，暫時就無法估計。 股價方面，KK指，由於海底撈股價之前已經升至高位，所以「五一黃金周」訂檯數據未必對股價有好大刺激作用。 |
|
| 林嘉麒 |
2025-04-16T17:36 |
快手(01024)股價跟隨大市連升6個交易日，但今日(16日)一度大跌近7%，跑輸大市，不過，集團旗下生成式圖像及視頻人工智能(AI)模型「可靈AI」昨日(15日)宣布升級，係10個月內發布慨第9個版本，新版「可靈AI」幫唔幫到快手股價？ 元宇證券基金投資總監林嘉麒指，「可靈AI」慨進步係可見的，基本上每個月都出新版本，但資本市場會重點留意公司有冇商業計劃或其他目標，因此，即使「可靈AI」有新版本都未必安撫到投資者，如果成效未令人滿意，就算有AI概念，股價都炒唔起。 KK續指，電商都要睇做邊瓣，如果做平台，只係賣貨及收傭，就會留意京東集團(09618)、阿里巴巴(09988)、拼多多，如果好似快手透過直播做營銷，受惠程度會較大，因為零售市場依家「內捲」嚴重，加上競爭好大，如果要做多些推廣，就要搵多些主播去做銷售，令快手利潤率、毛利及盈利做得較好。 |
|
| 林嘉麒 |
2025-04-09T18:14 |
關稅陰霾之下，免稅概念股今日(9日)跑出，中國中免(01880)更一度升超過20%，關稅戰會否令中國中免造好？這類股份又應如何部署？ 元宇證券投資總監林嘉麒指，今輪關稅令部分美國進口貨如酒、煙變貴，免稅店銷量亦因此受影響，之前貿易戰1.0因為正值疫情，中國中免受惠內循環，才有不錯的業績，但今次關稅環球性，貿易戰2.0再造好的機會較細。 KK又話，這類主題概念股短線可以看好，不過未必可以當中長線估值上升去高追，建議投資者現在有貨可以考慮先食糊，之後等待大市氣氛好轉後再入場，值博率會更高。 |
|
| 林嘉麒 |
2025-04-03T22:30 |
老鋪黃金(06181)完成將4038.89萬股內資股轉為H股，這批股份4月7日於聯交所上市。 元宇證券基金投資總監林嘉麒表示，這批內資股佔總股本23.99%，由主席徐高明及陳國棟持有，基於公司股價已累積龐大升幅，兩人也可能減持部分持股套現，就算不減持，市場亦會有擔憂，相信會引發股價在高位震盪。 |
|
| 林嘉麒 |
2025-04-02T17:13 |
基石藥業(02616)今日(2日)開市前公布配股消息，配股價2.933元，集資額大約2.3億元，股價今早急挫最多13%。 公司指，集資額主要用於研發開支；翻查業績，公司去年研發開支大減，由2023年約5.2億元跌至去年約1.3億元，代表今次集資用在管線上的資金，已經多過去年整體研發開支。 元宇證券投資總監林嘉麒認為，基石藥業去年研發開支降低，是因為全球經濟不明朗因素增加。對於這類需要持續研發，以拓展業務的公司，集資增加研發開支，基本上是有利公司發展。 |
|
| 林嘉麒 |
2025-03-26T16:17 |
海底撈(06862)昨日(25日)出左去年業績，收入按年增長3%，全年就多賺近5%，翻檯率亦上升。如果拆開上下半年睇，上半年純利倒退近10%，咁即係下半年有好大驚喜，修復曬上半年失地有餘，係咪反映餐飲消費係去年下半年回暖？翻檯率上升又有咩啟示？ 元宇證券基金投資總監林嘉麒指，海底撈去年純利增長幅度大過上半年，但其實去年第3及第4季初內地消費信心都唔算強，只係「十一國慶假」同中央推出刺激經濟「組合拳」慨時間重疊，令消費情況好轉，所以見到海底撈業績係國慶假期那段時間表現較好。 KK續指，去年首3季餐飲消費都麻麻，所以如果餐飲業之中，只係海底撈去年下半年業績好過上半年，應該同公司營運策略成功有關。 |
|
| 林嘉麒 |
2025-03-20T22:37 |
九興控股(01836)去年多賺21.2%，但預告今年盈利增速會放慢。 元宇證券基金投資總監林嘉麒表示，九興管理層雖然有信心，今年盈利可保持低十位數增長，但在環球經濟前景及美國關稅威脅下，能否達標存疑，所以即使全年股息率逾9%，目前估值未算吸引。 |
|
| 林嘉麒 |
2025-03-12T17:22 |
國泰航空(00293)今日(12日)公布業績，去年整體貨運的運載量上升逾8%，收益率升近3%，雖然貨運收益率力保不失，但面對關稅不確定性，對貨運會造成多大影響？ 元宇證券基金投資總監林嘉麒指，國泰面對巨大不確定因素，關稅可能會令貨運需求下降，加上美國經濟正面對衰退危機，今年國泰的收益率及運載量均有機會下跌。 他續指，國泰短期股價開始見頂，因為國泰資產淨值大幅下降及市帳率(PB)貴，所以現階段不適宜沾手，他建議投資者可等環球經濟穩定下來，股市調整後，才考慮買國泰。 |
|
| 林嘉麒 |
2025-03-06T22:34 |
京東集團(09618)去年第四季收入升13.4%，經調整盈利升34.2%，均好過預期。 元宇證券基金投資總監林嘉麒表示，京東上季業績強勁，而在手機補貼及家電以舊換新政策延續之下，今年首兩季收入，預計仍可保持較高增長，相信即使股價過去一年累升逾一倍，後市仍一定上升空間。 |
|
| 林嘉麒 |
2025-03-05T16:41 |
內需股昨日(4日)炒「兩會」效應，今日(5日)就輪到炒非必需消費股，不過，奢侈消費品股普拉達(Prada)(01913)昨日出完業績後，股價今早低開近2%後，跌幅一度擴大至近9%，低見62.25元，但部分大行都話呢份業績收貨，點解股價今日會大跌？ 元宇證券基金投資總監林嘉麒指，Prada股價業績前冇明顯炒作，睇返呢份業績，不論收入及純利都普遍符合預期，今日股價表現的確令人失望，又認為可能同公司有併購傳聞，但未有證實或作出澄清有關。 KK又稱，股價另一個跌因係毛利率表現美中不足，雖然下半年整體消費力好轉，但期內Prada毛利率冇改善之餘，反而按年錄得跌幅。此外，集團主品牌增長一直唔太理想，整體增長主要係靠子品牌撐住，而市場亦擔心公司亞太區業務增長，有可能被消費力不足拖累。 |
|
| 林嘉麒 |
2025-02-27T15:51 |
港交所(00388)今日(27日)中午派左成績表，去年收入及盈利齊創新高，全年純利及股息按年增10%，全年派息9.26元，第2次中期息更按年大增25%至4.9元，派息比率維持90%，其實港交所同股市相關收入透明度好高，都唔係好難估，今次呢份業績有冇驚喜？ 元宇證券基金投資總監林嘉麒指，一般黎講，港交所業績都係用大市成交去預測，睇返去年第4季首次公開招股(IPO)數量，都大概知道業績做成點，但實際係點仍然要睇返營運效率及投資情況。 KK補充，港股市況去年好轉，所以投資情況理想，比到驚喜市場，佢認為，主要睇返成本效益，收入增長相對於營運成本，例如人手方面有冇增加太多慨問題，反映今次業績比到市場信心，而營運情況亦唔錯，因此，佢認為營運成本低左帶挈港交所賺多左，亦為市場帶黎驚喜。 |
|
| 林嘉麒 |
2025-02-20T22:40 |
阿里巴巴(09988)第三季度收入升7.6%，經調整盈利升6.5%，優於預期。 元宇證券基金投資總監林嘉麒表示，阿里的淘天集團經調整EBITA重拾增長，加上雲智能業務保持高增長，是業績勝預期的關鍵，相信未來業績主要靠雲業務推動，股價仍有上升動力。 |
|
| 林嘉麒 |
2025-02-06T22:49 |
百勝中國(09987)第四季收入升4.1%，純利升18.6%。 元宇證券基金投資總監林嘉麒表示，百勝上季業績大致符合預期，而在消費市道疲弱下，收入仍有增長，已是難能可貴，不過基於估值不算便宜，相信股價難以大升。 |
|
| 林嘉麒 |
2025-02-05T17:57 |
聯想集團(00992)今日(5日)同國產GPU領軍企業「沐曦」聯合發布基於DeepSeek大模型慨國產一體機解決方案，刺激股價收市升近4%，明明聯想係中美貿易戰「風眼股」之一，但呢幾日股價反而表現強勢，點解會出現呢個情況？ 元宇證券基金投資總監林嘉麒指，聯想係國際市場係好被動地牽涉其中，例如中美貿易、科技競爭相關消息，因此，如果單睇業績，集團搞人工智能(AI)未必可以幫補到好多。 股價方面，聯想近期突破前高位，估值又唔高，有可能聯想今日已經炒到水尾，加上之前係大型支持區9.2元橫行左一段時間，所以後市回套慨機會都幾大。 KK續指，一體機係聯想為內地度身訂造，呢個係一個優勢，加上成本低，應該可以搶飲「頭啖湯」，不過，始終係平價版AI，毛利率都未必太高，可能只可以帶動收入有些微增長。 |
|
| 林嘉麒 |
2025-01-28T22:11 |
內房物管股彩生活(01778)建議進行4供1，供資6000多萬，但大股東花樣年(01777)表示考慮到財務狀況，決定不參與供股。花樣年在成交淡靜下，股價升6%，彩生活卻跌逾1%。 元宇證券基金投資總監林嘉麒認為，兩隻股份今日表現，正是內房母企與旗下物管，關係轉變的最佳寫照。由於內房債務問題，導致不少旗下物管理受累，因此母企內房與物管關係逐漸疏遠，市場有時反而會解讀為好事。花樣年在彩生活的持股將會由超過50%，降至接近40%水平，但第二大股東持股卻增至近19%，留意第二大股事實上亦由花樣年大股東曾寶寶有份關持持股。當中可能意味日後有更多資本操作，包括但不限於減持或脫手等。 雖然花樣年股價今日造好，但成交金額不足10萬元，考慮到內房前景仍未有好轉跡象，暫時仍不值得跟進。 |
|
| 林嘉麒 |
2025-01-23T22:51 |
權益披露顯示，海倫司(09869)主席兼大股東將9.8%股權，贈予家族成員，其持股降至58.24%。 元宇證券基金投資總監林嘉麒表示，海倫司大股東今次的做法，表面上是饋贈股份予家族成員，但接貨人士並沒禁售承諾，因此很可能日後會減持該批股份。 |
|
| 林嘉麒 |
2025-01-22T17:02 |
新世界發展(00017)股價今日(22日)一跌到尾，一度大跌6.7%，險守4元關口，近日傳出公司要進行債務重組，但集團之後發公告澄清傳聞。昨日有報道指，新世界獲包括銀行在內慨貸款人放寬融資條款。此外，又有報道話，多家銀行已停止接受以新世界部分證券作為保證金貸款抵押品。呢些消息會唔會影響股價？ 元宇證券基金投資總監林嘉麒指，當一家上市公司宣布債務重組，意味有可能出現違約，一定會影響公司信貸評級，而之前向銀行借慨錢有可能要收返，所以公司一定會否認進行債務重組。睇返新世界慨情況，依家的確毋須行債務重組呢一步，所以市場就會出現一些傳聞，例如貸款方式有變，市場上有融資融券等動作，相信都係基於股市表現慨考慮。 KK又認為，唔可以用證券及債券做抵押品，主要影響孖展交易。 |
|
| 林嘉麒 |
2025-01-16T22:43 |
JS環球生活(01691)主席兼大股東進一步增持股份，持股升至66.84%。 元宇證券基金投資總監林嘉麒表示，JS環球大股東過去半個月四度增持股份，令持股大幅上升，但公司基本因素似乎難有明顯改善，至於會否部署私有化亦值得商榷。 |
|
| 林嘉麒 |
2025-01-08T16:49 |
國家發改委今早(8日)指出，已下達810億人仔用作2025年消費品「以舊換新」資金，但新能源車補貼冇加碼，2024年慨補貼金額逾百億人仔，今年汽車會分到幾多補貼？睇返去年，因為有補貼帶動全年汽車銷量創新高，但會唔會已經消化左一輪換車需求，令今年慨補貼刺激作用細左？ 元宇證券基金投資總監林嘉麒指，雖然下達金額少過去年，但唔等於全年目標，依家呢筆錢未有細分畀咩產品做補貼，如果市場反應好唔排除會加碼，由於呢筆錢慨數目可能令市場失望，呢種負面情緒或會影響相關股份慨股價表現。 KK又指，每逢年初市場都會擔心汽車需求問題，但睇返內地全國汽車比例，有近半唔係新能源車，呢個滲透率會反映係銷售層面。金額方面，雖然單架補貼冇加碼，但依家內地新能源汽車生產商不斷出現「內捲」情況，當成本及價格下跌，如果有補貼仍有機會吸引到市民買新車，所以唔使睇得太悲觀。 |
|
| 林嘉麒 |
2024-12-30T17:36 |
思摩爾國際(06969)向主席等人發購股權，明年至2030底前，期間連續15個交易日平均市值達到或超過3000億至5000億元，就可以行使最少30%購股權。2020年底至2021年初，思摩爾股價處於89元水平，高峰時期市值近5000億元。不過，公司今年上半年只係賺逾7億人仔，假設下半年表現差唔多，即係全年賺約14億人仔，未來盈利係咪好難重返高峰？股價跌至現水平係咪入場慨好時機？ 元宇證券基金投資總監林嘉麒指，思摩爾盈利表現同2022年、2023年有一段距離，相信好難重返近5000億元市值慨高峰，現時市盈率(PE)逾40倍，除左要睇港股整體氣氛外，公司估值方面，亦要市場願意畀一個更高慨溢價，先可以做到3000億元慨市值目標，因此，思摩爾要實現呢個目標慨機會唔高。 KK又話，不論業務狀況、市場氣氛都好難令思摩爾係幾年後達標，佢建議，投資者可以留意公司未來半年至1年表現，再作部署。 |
|
| 林嘉麒 |
2024-12-12T23:49 |
老鋪黃金(06181)股價再創新高，見236元，較招股價40.5元累升近五倍。元宇證券基金投資總監林嘉麒指，老鋪黃金今年一月上市，半年禁售期即將屆滿，不排會有解禁股份趁高位獲利。由於上市時，市況欠佳，上沖市初期公司股價橫行，可能不少街貨已落入大戶手中，一旦有投資者沽貨可能引發雪球效應，回跌幅度可以好大。 |
|
| 林嘉麒 |
2024-12-11T17:55 |
港產人工智能(AI)「獨角獸」商湯(00020)計劃配股集資，配股價1.5元，較昨日(10日)收市價折讓逾6%，集資近28億元，雖然商湯股價今日(11日)向下，但仍守得住配股價，公司話今次集資主要用黎支持核心業務發展，並用作一般營運資金。其實公司今年6月都配過股，兩次加埋合共淨籌近50億元，如果未來股價再炒高，市況又配合，商湯會唔會再「抽水」？ 元宇證券基金投資總監林嘉麒指，科技公司資金需求一般較大，尤其係AI產業，今次配股較多係國家基金，唔少基金慨成立目的都係支持相關行業，所以今次配股唔止可以畀商湯拿到資金，仲可以比到貨基金去投資，其實呢個情況係其他行業都有可能發生，例如基建產業。佢又話，當市場氣氛向好，股價再炒高時，商湯再配股集資係有可能。 |
|
| 林嘉麒 |
2024-12-04T16:48 |
摩根大通今日(4日)出報告，比較A股及港股慨公用股，該行指出，由於內地公用股息率較高，加上預期內地息口明年持續低企，所以較睇好內地公用股明年第1季表現。若人民銀行持續減息，高息公用股係咪可以睇高一線？ 元宇證券基金投資總監林嘉麒指，股票息率回報及內地基準利率只要夠闊，就會有資金關注，尤其內地息口正處於歷史偏低水平，對比擺錢係銀行，大部分投資者都傾向投資公用股，尤其內地公用股回報較高。不過，依家投資市場多左唔同選擇，例如境外投資，所以內地公用股未必係唯一慨「資金避難所」。 KK又提醒，要留意內地公用股負債比率一般較高，限制左機構投資者慨關注度，雖然估值較貴，但勝在息率較吸引。 |
|
| 林嘉麒 |
2024-11-21T22:50 |
貝殼(02423)第三季收入升26.8%，經調整盈利跌16.9%，遜預期。 元宇證券基金投資總監林嘉麒表示，貝殼上季業績雖然差過預期，但期內存量房及新房總交易額均上升，已好過整體內房市況，至於9月24日內地推出組合拳後，對10月內房銷情有明顯刺激，但相信未必能延續至年底，因此貝殼第四季業績難以大幅改善。 |
|
| 林嘉麒 |
2024-11-14T22:47 |
平安好醫生(01833)擬派發特別股息，每股派9.7元，以收市價計，股息率逾66%。 元宇證券基金投資總監林嘉麒表示，平安好醫生豪派股息，屬驚喜，而且特息股息率高，對股價會有刺激作用，加上市場或憧憬公司業務及現金流將有明顯改善，而大股東中國平安(02318)或選擇以股代息，變相增持股權，亦可引發正面猜想。 |
|
| 林嘉麒 |
2024-11-13T17:44 |
據外電報道，吉利汽車(00175)母公司吉利控股集團洽購德國空中的士初創企業Volocopter Gmbh控制權，此外，市傳吉利考慮再出售富豪汽車(Volvo Cars)股份，但已遭集團強烈否認，呢兩個消息對吉利有咩影響？吉利有貨冇貨又應該點部署？ 元宇證券投資總監林嘉麒指，空中交通工具行業發展空間大，依家內地已經有空中的士來往深圳與珠海，另一方面，中央亦力谷低空經濟。雖然今次吉利母公司平價收購Volocopter股權，但唔可以單睇空中交通工具發展，因為Volocopter正瀕臨破產，所以吉利母公司要泵水畀Volocopter先有機會翻身。 KK續指，若吉利再減持富豪汽車會係一件好事，因為可以套現投入其他業務，雖然未知會唔會影響技術含量，但KK認為富豪汽車已經好難復原。 此外，KK建議有貨慨投資者，可以考慮沽出部分吉利持股獲利，冇貨就可以等多陣，唔排除未來可以用更低價買入。 |
|
| 林嘉麒 |
2024-11-11T15:17 |
截至早上11時止，1小時內《彭博》用戶搜尋量最多港股，依次為新鴻基地產(00016)、紫金礦業(02899)、西部水泥(02233)、龍湖集團(00960)及融創中國(01918)。 新地今日(11日)除淨，將會係於下周四(21日)派發末期息，集團上月推出慨啟德天璽‧天銷情好好，首3輪銷售都係即日沽清，美國聯儲局上周再減息0.25厘，本港多家主要銀行跟減，下調最優惠利率(P)，但點解地產股似乎受惠唔到？ 元宇證券基金投資總監林嘉麒指，聯儲局減息步伐較市場預期慢，就算跟減P息，但息口冇明顯回落，加上發展商慨貨尾幾時清曬仍好難估計，係呢個情況下一定對地產股有影響。 KK又話，早前地產股升左上去，但之後調整幅度唔大，近期地產股開始明顯走弱，主要係市場擔心解決內房問題仍需要一段長時間，繼而拖累本地地產股表現。 |
|
| 林嘉麒 |
2024-11-06T16:41 |
領展房產基金(00823)今日(6日)公布業績，上半年收入及物業收入均增長約6%，可分派收入總額增約4%至34億幾，見到領展午後股價可以倒升，是否代表投資者對這份業績感到滿意？ 元宇證券投資總監林嘉麒指，領展業績的確好過預期，即使過去半年本地經濟狀況不太好，但領展今次收入和可分派總額都有增加，屬市場意料之外，反映股價在午後倒升的原因，另外都和特朗普勝算增加有關，一些短期資產都會因為現時收租股利好，而吸引資金流入。 佢又話，現時領展98%的出租率已經很高，加上人流旺，領展租務問題唔算太差，未來續租情況會不會變差仍是未知之數，暫時不需要看得太負面，之後要留意市場避險情緒有幾高，對收租、公用股而言，未必再有大量資金流入，股價再上會令收益率變得不吸引，如果現時領展有貨可以繼續持有，但就不建議現貨買入。 |
|
| 林嘉麒 |
2024-10-31T22:46 |
石藥集團(01093)發盈警，預計首三季盈利倒退16%。 元宇證券基金投資總監林嘉麒表示，按石藥盈警數字計算，第三季純利僅7.55億元人民幣，按年大減50.6%，相信會令市場驚嚇，大行亦會相繼調低其今明兩年盈利預測，股價勢必受壓。 |
|
| 林嘉麒 |
2024-10-30T17:27 |
兩隻國際銀行股匯豐控股(00005)及渣打銀行(02888)，已先後派發第3季成績表，放榜後股價都反應正面。未來業務策略方面，匯控計劃再做30億美元回購，估計4個月內完成，符合市場預期，渣打就計劃2024至2026年累計向股東回饋最少80億美元，金額高過之前指引所提及，到底匯控同渣打邊個「錫股東」多些？兩隻股份又應該點揀好？ 元宇證券投資總監林嘉麒指，回饋股東方面，其實匯控及渣打都做得好，但對股價慨幫助就較難衡量，因為都要睇埋派息。匯控除左回購亦有派息，渣打每股回報高過匯控，但加埋息率，匯控又比渣打優勝，所以兩隻股份各有賣點。 KK又話，如果投資者只係睇派息次數、派息比率、派息金額等，就可以考慮揀匯控。 |
|
| 林嘉麒 |
2024-10-17T22:47 |
福耀玻璃(03606)第三季多賺53.5%，勝預期。 元宇證券基金投資總監林嘉麒表示，福耀上季業績理想，除了因為毛利率進一步改善，亦受惠內地汽車以舊換新政策，相信明年業績仍可保持不俗增長。 |
|
| 林嘉麒 |
2024-10-16T17:36 |
新一份《施政報告》提及，放寬「新資本投資者入境計劃」投資門檻，容許投資者購買高價住宅物業，將5000萬元或以上豪宅納入投資移民計劃，參考美聯物業慨數據，截至今年10月中，5000萬元以上的一二手註冊441宗，新政策幫唔幫到豪宅市場，甚至整體樓市？ 元宇證券投資總監林嘉麒指，過往「新資本投資者入境計劃」投資範圍唔包括豪宅，新政策一定對豪宅市場有幫助，除政策外，亦有其他政策配套，例如家族辦公室及邀請基金來港有免稅優惠等，有助吸引高資產值慨富豪來港落地投資。 不過，KK認為，單靠新措施未必可以穩住5000萬元以上物業樓價，因為成交唔算太多，貨源供應亦有限，所以難對整個樓市有幫助，要樓價回穩，甚至回升，始終要有針對中價樓或地產商手上「蟹貨」措施。 |
|
| 林嘉麒 |
2024-10-15T12:20 |
雖然中國人壽(02628)首9個月原保險保費收入按年增長約5%，但股價近日受制於10天線，今朝(15日)走勢反覆，現價係咪買入慨好時機？想買CALL輪博反彈，行使價應該點揀？ 元宇證券基金投資總監林嘉麒指，依家國壽引伸波幅較大，建議等引伸波幅進一步回落，同埋留意有冇機會係16.5元低位博反彈，但唔建議博價內，反而價外慨波幅較好。 KK又建議，國壽暫時可以上望17元水平，唔好定太長線慨目標價，短炒會比較好，建議年期揀3個月或以上，避免因股價橫行導致慨引伸波幅及時間值損耗。 |
|
| 林嘉麒 |
2024-10-09T18:10 |
財政部預告周六(12日)會開新聞發布會，屆時會由財政部部長藍佛安介紹加大財政政策逆周期調節力度，以及推動經濟高質量發展情況，並會回答記者提問。匯豐證券今日(9日)都有安撫市場，叫大家唔好咁快失望，市場一直憧憬慨2萬億、6萬億，甚至10萬億人仔財政刺激政策，周六有冇機會出現？記者會趕係國統局周日(13日)公布經濟數據召開，係咪有玄機？ 元宇證券投資總監林嘉麒指，財政部記者會同第3季經濟數據未必有關，市場對經濟數據已經有一定睇法，記者會焦點放係財政部點配合周二(8日)發改委會議提及慨政策，佢估計，財政部應該只係「照單執藥」，政策規模唔會有太大變化，逆周期調整唔會有新慨貨幣工具，同以住相若。 KK又指，國務院慨決定比較重要，如果國務院係短期或周六前突然公布新政策，政策規模有變，否則，唔好對財政部周六記者會有太大期望。 |
|
| 林嘉麒 |
2024-10-08T15:08 |
截至早上11時止，1小時內《彭博》用戶搜尋量最多港股，依次為華潤萬象生活(01209)、阿里健康(00241)、中國人壽(02628)、華虹半導體(01347)及龍湖集團(00960)。 港股今朝(8日)大跌市，幾乎所有股份都錄雙位數跌幅，而今日上榜呢5隻股份，就係來自近期最強勢慨板塊，有邊隻可以趁今日大幅回套執平貨？ 元宇證券基金投資總監林嘉麒指，港股及A股近期升勢都係靠消息和氣氛推動，修復返較低估值，係依家大市出現較明顯慨調整，以及獲利盤湧現下，揀股就要揀基本面黎緊會繼續受惠於大環境、投資氣氛，佢建議可以考慮國壽，因為A股氣氛一定係好轉，成個市場慨投資回報應該會更直接，同埋更明顯影響國壽未來慨業績表現及盈利，雖然國壽股價已經自低位回升左約1倍，現價已自高位調整左唔少，若短線落到10天線水平或以下，出現健康調整，反而係一個中長線吸納機會。 |
|
| 林嘉麒 |
2024-10-03T22:44 |
龍湖集團(00960)主席陳序平周三於場內減持100萬股，套現近2000萬元。 元宇證券基金投資總監林嘉麒表示，龍湖主席減持的消息，對股價會構成負面影響，因為市場會質疑，中央推出的樓市措施，效力未必如預期般大。 |
|
| 林嘉麒 |
2024-10-02T17:28 |
港股今日(2日)已經連升第6個交易日，恆生指數再勁升逾千點，大市升到唔識停，內房及物管股癲升，匯豐證券上調碧桂園服務(06098)目標價33%至6.1元，世茂服務(00873)目標價更調高逾37%至1.1元，但值得留意係，目標價仍低過現價，到底物管股值唔值博？ 元宇證券投資總監林嘉麒指，現時物管股比內房股值博，由於內地經濟唔理想，物管股最多只能維持穩定慨管理服務收入，不過，呢類公司唔使擔心受內房股債務違約等原因拖累，變相估值有上升空間。 KK又話，早前物管股主要受內房拖累，但實質影響其實唔大，仍算穩健，如果投資者唔係想博超高投資回報，可以考慮揀碧服、融創服務(01516)呢兩隻上升空間應該相對大慨物管股。 |
|
| 林嘉麒 |
2024-09-25T17:48 |
網易(09999)股價今日(25日)高開低走，早前集團重磅遊戲《燕雲十六聲》要押後至第4季推出，隨著遊戲收入基數開始高，第3季表現係咪有機會跌Watt？《燕雲十六聲》係咪都可以撐一撐股價？ 元宇證券投資總監林嘉麒指，網易股價之前出現調整，反映投資者對集團業績及新遊戲推出時間不斷押後，大行對網易慨耐性開始唔多，不過，如果網易可以有遊戲提早推出，帶動到第4季業績表現，可能會有資金偷步炒作，令股價上返去。 KK又話，網易股價過去兩個月走勢都幾差，但仍有機會出現旗形突破，若投資者仍對網易有信心，可以考慮做中長線博反彈部署，但短線動力唔係好夠，主要係欠缺短期催化劑。 |
|
| 林嘉麒 |
2024-09-19T22:40 |
石藥集團(01093)加碼50億元回購股份，認為股價低於其實際價值。 元宇證券基金投資總監林嘉麒表示，石藥中期業績表現欠佳，觸發大量長線基金減持，今次回購規模相當於市值9%，應可抵銷部分沽壓，但除非業績明顯好轉，否則難以吸引資金重新吸納。 |
|
| 林嘉麒 |
2024-09-05T22:52 |
江南布衣(03306)上年度多賺36.7%，全年派息1.71元，股息率12.5%。 元宇證券基金投資總監林嘉麒表示，內地消費降級之下，江南布衣全年盈利仍有雙位數升幅，顯示公司的服裝品牌，對消費者有一定吸引力，即使今年度盈利增速會放慢，目前估值仍合理。 |
|
| 林嘉麒 |
2024-09-04T17:26 |
蘋果公司(Apple Inc.)將於本港時間下周二(10日)凌晨1時舉行發布會，加上內地整體手機市場有回暖跡象，市場應對手機設備股有憧憬，但相關股份近日回調，有Apple華為定單慨瑞聲科技(02018)值唔值博？不過，睇返瑞聲技術走勢，係雙頂位置有阻力，水位仲有幾多？ 元宇證券基金投資總監林嘉麒指，睇返瑞聲基本面仍然較值博，雖然技術形態出現雙頂，股價短期或會向下，但今年人工智能(AI)產品焦點都落係聲學產品上，有助帶動瑞聲慨定單，收入亦高過光學產品，加上業績令市場滿意，如果下半年業績繼續有好表現，股價再上試前高位機會都幾大。 |
|
| 林嘉麒 |
2024-09-03T14:51 |
截至早上11時止，1小時內《彭博》用戶搜尋量最多港股，依次為農業銀行(01288)、中廣核電力(01816)、國泰航空(00293)、新世界發展(00017)及信義光能(00968)。 內銀股業績後見頂回落，其中，農行股價持續回套，係咪派中期息因素已炒完？內銀派息比率普遍介乎30%至40%，股息率仍然吸引，係咪可以趁股價調整後趁低吸納？ 元宇證券基金投資總監林嘉麒指，農行業績其中1個焦點係派中期息，睇返幾條大數，只有收入及淨利潤有增長，其他都倒退，雖然盈利有增長，但派息比率冇提升，令市場對全年派息唔會有額外期望。 內銀板塊係表現最好慨「中特估」概念股，農行股價今日(3日)曾跌5.6%，主要同發行「總損失吸收能力」債務工具(TLAC)有關，市場可能擔心集資問題，加上明年初要做全球系統重要性銀行(G-SIB)審計，既然近期冇利好消息，只有壞消息，不如呢段時間先沽內銀股。 KK又話，農行係內房中慨敞口較少，加上主要客戶同農村相關，壞帳相對少，大環境因素對集團盈利影響亦較小，所以內銀股首選農行。 |
|
| 林嘉麒 |
2024-08-28T17:34 |
申洲國際(02313)今日(28日)中午公布業績後，股價午後一度急挫近10%，集團上半年賺逾29億元人民幣，按年增長近38%，值得留意係，利息收入按年大增65%，但盈利增長似乎主要係靠利息收入，呢份成績表又收唔收貨？ 元宇證券投資總監林嘉麒表示，睇申洲股價反應市場明顯係唔收貨，但其實係好正常，因為呢類公司唔應該靠利息收入撐起盈利，市場會擔心未來經濟情況進一步轉差，申洲盈利及收入會再出現波動。 KK又話，由於申洲收入分布唔健康，令定單及庫存係下半年面臨好大挑戰，加上大客Nike收入按年大跌，令市場更憂慮申洲會唔會畀個別客戶拖累，繼而令業績下滑。 |
|
| 林嘉麒 |
2024-08-22T22:49 |
雲音樂(09899)上半年多賺逾倍，毛利率大升至35%。 元宇證券基金投資總監林嘉麒表示，雲音樂中期業績表現強勁，不過，由於騰訊音樂(01698)公布季績後股價受壓，兩者預測市盈率已相若，而騰訊音樂應有估值溢價，因此相信雲音樂股價未必有很大上升空間。 |
|
| 林嘉麒 |
2024-08-21T17:31 |
港股上半年日均成交1104億元，按年倒退4%，單計第2季，日均成交1216億元，按年增長18%，港股4月底開始反彈，但踏入第3季再度轉弱，有多個交易日成交唔夠1000億元，若下半年整體市況及氣氛冇改善，日均成交唔夠1000億元，港交所(00388)業績係咪會轉差？股價亦難有好表現？ 元宇證券基金投資總監林嘉麒指，港股第3季一定會轉差，按季成交出現好明顯變化，估計港交所股價係9月難有憧憬或反彈，投資者亦未必願意入場，由於預期成交冇太大改善，港交所股價勢進一步轉弱。佢續指，港交所股價近日係低位徘徊，可能係估值下移慨先兆，未來要留意大行會唔會調整目標價。 KK又話，港交所業績冇太大驚喜，相信短炒已告一段落，後市有機會下試前低位，就算中長線而言，港交所都不宜沾手。 |
|
| 林嘉麒 |
2024-08-14T16:28 |
騰訊控股(00700)今日(14日)收市後派成績表，股價業績前向下，同系騰訊音樂(01698)昨日(13日)已經出左業績，由於市場憂慮公司前景，拖累股價今日一度瀉逾22%，同樣由騰訊持有慨閱文集團(00772)出完績後，股價連續兩日受壓，今日就輪到騰訊，到底呢份業績有邊部分要特別留意？ 元宇證券投資總監林嘉麒指，騰訊收入及純利增長未必係重點，市場主要關注點包括騰訊遊戲業務復甦動力，尤其可以跟大熱手遊《絕地求生》相提並論慨新手遊《地下城與勇士》，係咪比到投資者好大憧憬，因為近年好多科技股，包括騰訊，都係靠「慳」令純利可以高過市場預期，如果騰訊業績可以見到有實質增長，相信會比騰訊音樂及閱文更有賣點。 |
|
