| Commentator |
Time |
Content |
Tag |
| 葉佩蘭 |
2024-01-12T17:45 |
【Now財經台】伊朗最新在阿曼灣扣押美國運油輪，美國及英國聯手報復胡塞武裝進行大規模攻擊，令中東緊張局勢加劇，刺激油價一度升約3％。有分析指，油價有力再升，又話油價係現水平被低估最少10美元，究竟系咪低估左咁多？ 英皇期貨營業部總裁葉佩蘭指，油價呢波升勢同供求問題冇關，而系同中東局勢有關，因為中東局勢持續發酵，美國及英國亦加入戰團，相信短期內好難解決，令油價有支持。 佢又話，油價已形成雙底，之前紐約期油成功守住每桶68美元至69美元水平，其後轉升，一度高見76美元，若中東局勢進一步惡化，紐油又升穿76美元阻力，短期會繼續向上。由於供應暫時仍然充裕，估計需求下半年先有機會增加，預期油價上半年會維持窄幅上落格局。 葉佩蘭 英皇期貨營業部總裁 |
Oil , USD |
| 葉佩蘭 |
2023-12-15T18:30 |
【Now財經台】美國聯儲局「放鴿」後，金價受惠於美元下跌及減息預期而造好，一度迫近每盎司2050美元水平，市場普遍預期美國好大機會係明年3月開始減息，但其實仍有變數，金價年底至明年首季會處於咩水平？ 英皇期貨營業部總裁葉佩蘭坦言，對金價走勢有保留，雖然美息向下慨預期會利好金價，但需要更強慨利好消息，金價先有機會突破2100美元關口，不過，一旦金價企穩及沖破2100美元，就有望大幅上升。 葉佩蘭 英皇期貨營業部總裁 |
Gold , USD |
| 葉佩蘭 |
2023-12-08T17:50 |
【Now 財經台】油價連跌7周，今年就累跌8%，市場估計，明年中國原油需求增長放緩，疫後復蘇效果亦會減退，不過，據《彭博》分析估計，明年原油需求增長未及去年三分之一，麥格理就估計，明年油價將會正常化，倫敦布蘭特期油目標每桶74美元，紐約期油目標72.88美元，油價未來會點走？ 英皇期貨營業部總裁葉佩蘭指，油價整體趨勢偏弱，因為石油輸出國組織及盟友(OPEC+)會減產至明年第1季，自願性質減產數量遜預期，甚至只得一半。雖然供應多左，但中國這類大型消耗國明年需求減少，導致供過於求，令油價處於弱勢，相信未來一段時間會係低位盤整。 葉佩蘭 英皇期貨營業部總裁 |
Oil , USD |
| 葉佩蘭 |
2023-11-10T18:22 |
【Now財經台】雖然美元回升，但油價及金價反而向好，紐約期油及倫敦布蘭特期油都上返關鍵位，即每桶75及80美元水平，但上升動力仍然偏弱。巴克萊認為，油價近期跌過龍，雖然下調左明年油價預測，但布油仍睇93美元，之前高盛更預期明年中見100美元，有冇信心升到呢個水平？ 英皇期貨營業部總裁葉佩蘭認為，暫時油價跌勢仲未喘定，依家75美元水平仲未見底，可能要落到68至74美元，因為去年都係呢個位置打底再升返上去。佢又話，相信年底系一個關鍵，如果石油輸出國組織及盟友(OPEC+)開會後，決定維持減產計劃，油價有機會上升。 葉佩蘭 英皇期貨營業部總裁 |
Oil , Gold , Sachs , USD , 巴克莱 |
| 葉佩蘭 |
2023-11-03T18:39 |
【Now財經台】阿拉比卡(Arabica)咖啡豆系市場上兩大受歡迎慨品種之一，然而，近日期貨交易所持有慨阿拉比卡豆庫存跌至24年低位。有分析指，即使世界最大生產國巴西連日降雨或有利收成，咖啡豆供應仍然緊張，系咪可以睇好咖啡期貨價格後市？ 英皇期貨營業部總裁葉佩蘭認為，呢個消息只有短線影響，雖然今年咖啡供不應求，令期貨價格曾經沖上每磅200美仙水平，但市場預期巴西明年供應量上升，將會平衡返市場供求，其後咖啡價格受壓並開始反覆回落慨走勢。 Fion續指，現時咖啡價格回升至近170美仙，預期後市較大機會出現回調，或要跌穿150美仙以下先會喘定。 葉佩蘭 英皇期貨營業部總裁 |
|
| 葉佩蘭 |
2023-09-29T19:18 |
【Now財經台】國際油價第3季累升逾25%，係原油減少供應之際，需求亦有所增加，美國原油庫存已響警號，連一直睇淡油價慨花旗，都轉軑睇油價年底會升至每桶100美元，中國亦指第4季要追返年初定下慨全年增長目標，油價升至100美元慨機會系咪好大？ 英皇期貨營業部總裁葉佩蘭估計，第4季會出現供不應求慨情況，而上述提及慨因素均利好油價，油價之前係94美元有阻力，但Fion相信，好大機會升穿，因此，估計油價第4季有力上試100美元。 葉佩蘭 英皇期貨營業部總裁 |
Oil , USD |
| 葉佩蘭 |
2023-09-15T17:56 |
【Now財經台】紐約期油價格由5月底一直沿住上升通道拾級而上，中美8月經濟數據普遍轉強後，紐油突破每桶91美元關口，再度刷新年內高位。 此外，據《彭博》報道，內地煉油廠8月處理原油量達6469萬噸，突破3月高位，反映內地原油需求急升。 SPI資產管理公司亦預期，石油輸出國組織及盟友(OPEC+)展現定價能力，即使提高價格，需求都唔會大幅下降。 英皇期貨營業部總裁葉佩蘭表示，第4季石油供應將繼續短缺，並引述OPEC最新數據指，下季將面臨每日逾300萬桶慨供應缺口。 Fion又預期，無論從基本面定技術上黎睇，油價都有力再向上沖，下一步或上試每桶93美元，而第4季油價會維持係84美元以上，即系早前升穿慨對上一個支持位。 葉佩蘭 英皇期貨營業部總裁 |
Oil , USD |
| 葉佩蘭 |
2023-05-05T17:02 |
【Now財經台】市場預期美國息口見頂，加上銀行業及債務上限危機，以及經濟前景轉弱，係市場避險情緒升溫下，金價逼近2020年歷史高位，今個星期暫時累升約3%，上返每盎司2000美元，金價短期內破頂機會有幾大？ 英皇期貨營業部總裁葉佩蘭指，金價依家仍未突破阻力，係2100美元有頗大阻力，主導市場一定系息口，而黃金今年暫時仍錄得正流入，不過，Fion估計，如果金價短期升唔穿2100美元，有機會出現調整。 葉佩蘭 英皇期貨營業部總裁 |
Gold , USD |
| 葉佩蘭 |
2023-04-28T16:08 |
【Now財經台】國際油價已連跌5個月，雖然石油輸出國組織(OPEC)減產，但市場憂慮環球經濟前景，令油價再度受壓，OPEC下月就開始減產，可唔可以支撐到油價？一旦油價再跌，OPEC會唔會進一步減產？ 英皇期貨營業部總裁葉佩蘭認為，OPEC再減產機會唔大，除非油價再跌落去，依家應留意需求層面，美國銀行業危機再升溫，市場擔心會影響經濟，令油價再度向下，但估計油價係每桶70美元水平有較大支持，而84美元水平就有較大阻力。 葉佩蘭 英皇期貨營業部總裁 |
Oil , USD |
| 葉佩蘭 |
2023-03-31T16:23 |
【Now財經台】倫敦金屬交易所(LME)為左應付鎳庫存持續下跌，計劃全面整改鎳業務，包括容許以1種新實物形式進行合約交割，甚至係中國開設新現貨鎳市場，跟港交所(00388)持有的前海聯合交易中心共同開發交易場地。LME期鎳價格已連跌兩日，噚日收報每噸23199美元，鎳供求基本面對鎳價支持作用系咪有限？鎳價系咪會延續2月以來慨跌勢？ 英皇期貨營業部總裁葉佩蘭指，依家鎳慨基本面疲弱，因為一直有供過於求慨情況，係供應充足，但需求冇明顯回升下，鎳價係年初跌穿27000美元支持位後，持續下跌，早前曾彈上24000美元，但之後又跌過，佢預期下一個支持位係20000美元。 |
USD , HKEX |
| 葉佩蘭 |
2023-03-24T16:19 |
【Now財經台】歐美銀行業周初爆發信心危機，係資金避險需求下，現貨金價1年以來首度重上每盎司2000美元水平，雖然金融市場近日投資氣氛回穩，但金價仍居高不下，噚日一度再挑戰2000美元。值得留意系，澳洲、美國、英國央行都釋出加息周期就快結束慨訊息，系咪會長期利好金價？ 英皇期貨營業部總裁葉佩蘭指，呢浸升浪較短期因素系因為金融市場動蕩，資金避險湧入金市，而較長期因素系聯儲局日前宣布加息0.25厘後，市場普遍預期年內再加息機會唔大，都會利好金市，如果金價可以突破2000美元，有機會進一步挑戰2100美元。 Fion 葉佩蘭 英皇期貨營業部總裁 |
Gold , USD |
| 葉佩蘭 |
2023-03-17T16:03 |
【Now財經台】近日歐美銀行業先後爆發信心危機，加上美國經濟數據轉差，影響市場對石油需求慨預期，拖累國際油價重挫，其中紐約期油一度跌至15個月低位，一周內兩度觸及每桶66美元水平，本周暫時累跌近10%，市場對石油需求慨預期系咪睇得太悲觀？油價系咪跌過龍？ 英皇期貨營業部總裁葉佩蘭指，近期市場氣氛好差，而油價技術層面上已跌破過去3個月慨上落區間，跌穿70美元慨支持位，呢一浸跌勢應該仲有下跌空間，下一個支持位睇62美元至65美元，而短期失守60美元機會唔大。 葉佩蘭 英皇期貨營業部總裁 |
Oil , USD |
| 葉佩蘭 |
2023-02-10T18:37 |
【Now財經台】美元連彈兩周，再加上聯儲局加息預期再度升溫，短債債息飆升，銀價勢連跌4周，系去年7月以來最長跌浪，銀價其實已橫行左一段時間，今日刷新左今年低位，後市系咪都唔樂觀？ 英皇期貨營業部總裁葉佩蘭指，睇返技術走勢，銀價系23美元至25美元已調整左一段時間，唔能夠向上突破，就跌返落黎，依家係22美元水平應有支持，近期傳出聯儲局會加大加息力度，帶動美元向上，不利銀價，但Fion認為，銀價都有利好消息，例如投資銀慨ETF多左，又話可以等市場消化左美國加息消息後，睇下銀價係21美元搵唔搵到支持。 葉佩蘭 英皇期貨營業部總裁 |
ETF , USD , HSCEI ETF |
| 葉佩蘭 |
2023-01-20T17:51 |
【Now財經台】兔年系婚嫁好年，加上內地及香港防疫限制近乎「清零」，估計會有唔少人結婚擺酒，繼而帶動金飾需求，金價噚日見過每盎司1936美元，現貨金價企穩1930美元水平，金價之前沖上8個月高位，主要受美元下跌及部分避險需求帶動，金價後市會受咩因素影響？ 英皇期貨營業部總裁葉佩蘭指，美元對金價慨影響最直接，由於市場預期聯儲局下月加息幅度收窄，估計加息周期今年會完結，資金應該會吸納返黃金，但暫時仍未見到有大量熱錢流入金市。 Fion認為，如果環球央行繼續大手買掃黃金，金價向上慨動力會大些，金價已升穿1900美元阻力，若企得穩，後市留意可唔可以沖上2000美元。 葉佩蘭 英皇期貨營業部總裁 |
Gold , HK Cap Flow , Capital Flow , USD |
| 葉佩蘭 |
2023-01-06T18:20 |
【Now財經台】油價結束兩日跌勢，但上升動力唔算大，主要借美國EIA庫存數據回升，但其實圍繞油市慨消息都系偏淡，包括沙特宣布減價，2月售往亞洲指標原油售價系逾1年最低水平，而售予西歐及地中海地區慨原油亦減價，油價後市會點走？ 英皇期貨營業部總裁葉佩蘭指，油價消息面系偏淡，依家需求較為疲弱，情況系1990年以黎最差，全球經濟放緩亦影響需求，由於需求少，油價好難升返上去。雖然利淡消息唔少，但歐盟去年底大減由俄羅斯入口油慨數量，因此，供應面其實有些緊張，加上內地通關後，預期需求會慢慢跟上，預期油價會係70美元至85美元上落。 葉佩蘭 英皇期貨營業部總裁 |
Oil , USD |
| 葉佩蘭 |
2022-12-23T17:24 |
【Now財經台】期金及現貨金價今個星期一度沖上每盎司1800美元樓上，當時日本央行調整孳息曲線控制政策，市場憂慮超寬松貨幣政策有變，會對其他風險資產帶來震蕩，資金短暫流入金市避險。 不過，係美國今晚公布11月個人消費開支(PCE)指數前夕，金價又落返1800美元樓下，金價系咪好難突破1800美元關口？ 英皇期貨營業部總裁葉佩蘭指，金價已形成上落格局，睇返2月期金價格已經係1780至1840美元反覆上落左一段時間，加上正值年底及年初慨黃金交易旺季，佢相信未必有投資者夠膽係現水平大手沽空，估計金價短期仍會係呢個區間波動。 葉佩蘭 英皇期貨營業部總裁 |
Gold , Capital Flow , USD |
| 葉佩蘭 |
2022-12-09T17:28 |
【Now財經台】憧憬內地下周召開慨中央經濟工作會議會議，繼續會推出政策撐經濟，尤其是內房，金屬價格近期向上，其中銅價連升多日，已升至近5個月高位，不過，銅價連升3年後，今年暫時累跌逾10%，隨著內地放寬防疫措施，銅價明年系咪可以睇好？ 商品期貨專家英皇期貨營業部總裁葉佩蘭指，銅價明年有望回升，其實今年3月一度升上每噸11000美元水平，之後受中國慨經濟政策影響，銅價一直向下調整，但係7000美元水平有好大支持，佢相信銅價已經係呢個水平見底。 Fion又話，內地近期放寬防疫措施，市場對銅慨需求料有增無減，短線有機會挑戰9000美元，明年更有望升至更高水平。 葉佩蘭 英皇期貨營業部總裁 |
China Real Estate , USD |
| 葉佩蘭 |
2022-11-18T17:30 |
【Now財經台】美匯波動，難免會影響金價表現，即使日前地緣局勢出現突發事故，但金價始終升唔穿每盎司1800美元，後市仲有咩因素可以推升金價？ 英皇期貨營業部總裁葉佩蘭指，息口仍然系市場焦點，只要加息周期仍未結束，金價都會面對頗大壓力，暫時仍睇唔到有咩因素可以支持金價向上，加上11月至今黃金淨流出規模唔細，反映黃金慨吸引力唔大，經歷一輪反彈後，金價係1800美元的確有阻力，唔排除未來會下試1740美元水平。 葉佩蘭 英皇期貨營業部總裁 |
Gold , USD , USD |
| 葉佩蘭 |
2022-03-18T18:27 |
【Now財經台】俄烏談判距離達成協議仲有排傾，刺激紐約期油及布蘭特期油齊齊升至每桶100美元樓上，但油價暫時有機會連跌兩周，100美元系咪有較大支持？ 英皇期貨營業部總裁葉佩蘭指，近期油價走勢波動，高位曾上到130美元水平，低位就大約93美元，佢估計，油價未來會係93至130美元波動，油價過去長時間係80至120美元上落，而呢個范圍相對合理。 佢又提醒，投資者除要關注俄烏局勢外，亦要留意美伊談判，近期雙方談判有突破性進展，一旦談判成功，出口石油供應增加，將會利淡油價。佢又相信，油價短期會係90至120美元上落。 葉佩蘭 英皇期貨營業部總裁 |
Oil , USD , CARRIANNA , Expo |
| 葉佩蘭 |
2022-03-11T17:57 |
【Now財經台】俄烏停火談判冇進展，油價噚日一度反彈，俄軍攻擊持續，但OPEC+系咪會因應市場情況增產系一大變數，油價後市回落到每桶100美元水平，還是再破位機會較大？ 英皇期貨營業部總裁葉佩蘭認為，如果市場再傳出不利消息，油價先有機會再上，而油價要突破130美元慨空間有限，雖然部分國家如沙特阿拉伯，仲未就增產表態，但OPEC+增產機會仍然較大，到時會對油價產生壓抑作用。 葉佩蘭指，參考返布油2008年沖上147美元後急挫慨走勢，其實油價升到120美元已經偏高，佢估計，油價後市會係80美元至120美元徘徊，係100美元水平會有支持。 葉佩蘭 英皇期貨營業部總裁 |
Oil , USD |
| 葉佩蘭 |
2022-03-04T18:45 |
【Now財經台】有分析指，如果美國對俄國石油實施制裁，布油最少升至每桶150美元，今朝傳出俄軍狂轟位於烏克蘭全歐洲最大核電廠，刺激油價再沖高，布油係2008年曾高見147美元，今次沖破呢個高位慨機會有幾大？ 英皇期貨營業部總裁葉佩蘭指，戰事一日未結束，油價仲會有上升空間，油價沖高令唔少國家出現滯脹危機，雖然國際能源署會釋放能源儲備，但唔知作用有幾大，所以油價未來仍然會好波動。 佢又提醒，布油係2008年見過147美元後，曾大幅急挫，估計油價係120美元會有較大阻力，而之後跌返落去慨機會亦較大。 葉佩蘭 英皇期貨營業部總裁 |
Oil , Energy , USD |
| 葉佩蘭 |
2022-02-25T18:42 |
【Now財經台】俄羅斯第2日攻擊烏克蘭，向首都基輔等城市發動導彈攻擊，紐油噚日升穿每桶100美元，布油更一度逼近106美元，不過，之後雙雙回落到100美元以下，美國總統拜登公布新一輪制裁措施時，油價回落速度更快，油價走勢可以點解讀? 英皇期貨營業部總裁葉佩蘭指，由打仗消息未出到真系開戰，油價一直升，甚至沖上100美元樓上，不過，環球經濟疲弱，通脹又持續高企，所有國家都唔想見到油價狂升，所以美國動用石油儲備穩定油價，加上OPEC+下星期開會，可能會增加產量遏低油價，呢些因素都利淡油價，相信呢段時間油價會持續波動，投資者需留意，由於消息變得比較快，炒油應以短炒為主，因為會比較穩陣。 葉佩蘭 英皇期貨營業部總裁 |
Oil , USD |
| 葉佩蘭 |
2022-02-18T17:49 |
【Now財經台】俄烏局勢再度緊張，金價一度突破每盎司1900美元，不過，係持續進行外交斡旋下，金價暫時回落，後市有冇機會升至舊年6月高位，即1916美元水平？ 英皇期貨營業部總裁葉佩蘭指，金價呢浸升勢純粹因為俄烏局勢緊張，其實今年一直有資金流入金市，撐起金價，加上市場認為金價可受惠於美國通脹，不過，黃金要升上1900美元水平阻力重重，雖然依家距離1916美元唔多，但要俄烏開戰，金價先有機會破位，如果事件最終和平解決，到時金價有機會大幅回落，現時金價上方阻力係1910美元，下面支持位就系1800美元水平。 葉佩蘭 英皇期貨營業部總裁 |
Gold , Capital Flow , USD , IPO , IPO |
| 葉佩蘭 |
2022-02-11T17:49 |
【Now財經台】同澳元相關的鐵礦石，大連鐵礦石期貨升至去年8月高位，有機會連升3個月，經過近3個月反彈，鐵礦石期貨14天RSI已經進入超買區，呢輪升浪仲可以持續幾耐？ 英皇期貨營業部總裁葉佩蘭指，呢輪升浪已接近尾聲，依家鐵礦石價格已惹起中國政府關注，因鐵礦石供應相對穩定，所以鐵礦石價格仍持續高企，當中有少少炒作成分，因此，中國政府會嚴格監控市場，加上冬奧影響，價格要突破現水平有少少難度。 葉佩蘭 英皇期貨營業部總裁 |
AUD , AUD , Steel , AUD |
| 葉佩蘭 |
2022-02-04T16:07 |
【Now財經台】OPEC一如預期維持每日增產40萬桶，油價不單有機會連續第7周向好，更加系2014年以來，首見每桶90美元，利好因素包括美國嚴寒天氣或令部分產油設施停產，而俄烏局勢方面，美國再向歐洲調兵，日前傳出阿聯酋又有敵對無人機闖入領空慨消息，呢些會進一步推高油價慨因素反映曬未？ 英皇期貨營業部總裁葉佩蘭指，油價依家不乏利好消息，烏克蘭局勢暫時都未有緩和跡象，一旦開戰，對俄羅斯輸出天然氣系有好大阻礙，所以市場憧憬油價強勢仍會持續一段時間，即使油價已累積左幾大升幅，但仍持續慢慢上升，最新剛升穿90美元水平，不過，會唔會再大升仲要觀察。佢又話，現水平值唔值得高追就要睇... 葉佩蘭 英皇期貨營業部總裁 |
Oil , USD |
| 葉佩蘭 |
2022-01-21T18:37 |
【Now財經台】鎳價持續強勢，十年以來首度升至24000美元水平，截至前日止，LME鎳庫存已經連續56日下跌，鎳主要生產國俄羅斯出口可能受烏克蘭局勢影響，呢些因素都有利鎳價，但鎳價RSI已升到近80慨極超買水平，鎳價後市會點走？ 英皇期貨營業部總裁葉佩蘭指，鎳價呢浸升得比較急，加上已非常超買，的確有好大調整風險，不過，整體升勢仍未破壞，一旦出現調整，都系以獲利回套為主，由於供應十分緊張，基本面系好強，大趨勢仍然系向上，但由於今年仍有機會達至供求平衡，所以唔建議高追。 葉佩蘭 英皇期貨營業部總裁 |
USD , Expo |
| 葉佩蘭 |
2022-01-07T17:40 |
【Now財經台】油價進一步強勢，紐油近兩個月以黎首度重上每桶80美元，同舊年10月高位只差2%，加拿大同美國東北部嚴寒令輸油管阻塞，加上美國原油庫存去年11月中以黎一直減少，哈薩克政局動蕩，利比亞輸油管又壞埋，呢些都支持油價向上，紐油挑戰去年高位82美元機會有幾大？ 英皇期貨營業部總裁葉佩蘭指，短期內各項因素都支持油價，其中一個主要原因系OPEC供應不及預期，原本預料每個月可以增產40萬桶，但12月實際只得7萬桶，今年美國、加拿大天氣都比預期低，令需求增加，但長遠黎睇，俄羅斯石油產量都陸續多返，預期年中有機會可以去返疫情前慨供應水平，油價有機會上試85美元左右，但要突破就非常困難，建議現階段唔好高追，見頂後沽出風險會細些。 葉佩蘭 英皇期貨營業部總裁 |
Oil , USD |
| 葉佩蘭 |
2021-12-10T18:20 |
【Now財經台】紐約期油連跌3日後仍反彈乏力，油價係短短5日間，由200天線以下急速反彈到近100天線後又跌過，今次系咪可以企穩每桶70美元？ 英皇期貨營業部總裁葉佩蘭相信，油價走勢會持續反覆，早前急升至85美元後，借疫情因素回調，依家大行對明年慨油價預測睇得好樂觀，估計會企係100美元樓上，佢預期，今年底至明年第1季油價會持續偏弱，估計受疫情影響，明年初石油需求有機會每日減少300萭桶，而石油輸出國組織(OPEC)亦可能每日增產40萭桶，到時有機會出現供過於求慨情況。葉佩蘭預期，明年第1季前，油價都系以調整為主，有機會下試72美元。 葉佩蘭 英皇期貨營業部總裁 |
Oil , USD |
| 葉佩蘭 |
2021-12-03T18:30 |
【Now財經台】鋁價持續弱勢，倫敦金屬交易所(LME)慨鋁庫存大增18%，馬來西亞提取鋁慨庫存定單減少，鋁價有機會連跌3周，繼續係100天線樓下，鋁價系咪冇條件反彈？ 英皇期貨營業部總裁葉佩蘭指，鋁價之前升得太多，LME鋁價由每噸1400美元升到3200美元，近排係利淡消息及預計內地需求減少影響下，就先調整到2600美元水平。 Fion又話，長遠黎睇，鋁供不應求慨情況仍然存在，加上預期使用綠色能源生產鋁慨成本增加，所以即使短期再跌，跌慨空間都有限，佢又預期，鋁價會係100天線左右盤整一段時間，再集氣再上。 葉佩蘭 英皇期貨營業部總裁 |
Energy , USD |
| 葉佩蘭 |
2021-11-26T18:07 |
【Now財經台】原本弱勢慨金價，因變種病毒「Nu」來勢洶洶抽上每盎司1800美元，之前金價一度跌至100周線，即1784美元水平，但近幾個月基本上都守得住，未來仲有冇上望空間？ 英皇期貨營業部總裁葉佩蘭指，金價由年初最高1960美元，調整到1920美元，近期高位係1880美元，相信已經見頂，後市要留意金價會唔會跌穿今年支持位，即1680美元水平。 Fion又話，其他消息如美聯儲「收水」及加息等，長遠黎講系不利金市，但金價暫時應該可以企穩1800美元水平，但跌返落去慨機會亦唔細。 葉佩蘭 英皇期貨營業部總裁 |
Gold , USD , MIDLAND HOLDING , CHI ASSURANCE |
| 葉佩蘭 |
2021-11-12T20:03 |
【Now財經台】美國民主黨提出，要壓低能源價格，減輕消費者負擔，令拜發政府釋放戰略石油儲備慨壓力愈黎愈大。紐約期油今個星期跌到每桶80美元邊緣，暫時仲有機會終止對上兩個星期慨跌勢，油價短期系咪繼續係80美元至85美元波動？ 英皇期貨營業部總裁葉佩蘭指，油價暫時仲有上升動力，但油價係10月25日上到85美元後，走勢開始比較反覆。Fion又話，最近疫情又開始升溫，估計油價有機會下跌，不過，由於依家系冬天，系用油旺季，所以跌穿80美元後，估計會有投資者買返，呢個正正系油價不斷浮浮沉沉，突破唔到慨原因。 葉佩蘭 英皇期貨營業部總裁 |
Oil , Energy , USD |
| 葉佩蘭 |
2021-10-22T18:55 |
【Now財經台】紐約期油噚日一度錄得8月以黎最大單日跌幅，歐洲疫情再度惡化，加上北半球冬季系能源使用高峰期，油價調整壓力似乎幾大。 英皇期貨營業部總裁葉佩蘭指，早前天然氣價格上升，帶動埋原油價格。不過，今個冬天天氣唔會太凍，能源需求會相對減少，加上由俄羅斯帶頭慨石油輸出國組織(OPEC)增加返燃油供應，油價會有一定調整壓力。 Fion又話，即使冬天油價上升，水位都唔多，建議投資者以80美元作為買入慨分水嶺。 葉佩蘭 英皇期貨營業部總裁 |
Oil , Energy , USD |
| 葉佩蘭 |
2021-10-15T19:47 |
【Now財經台】美國上周原油庫存增加逾600萬桶，原油產量就連升5個星期，加上歐美天然氣價升，係幾個因素拉扯下，國際油價繼續升，紐油上返每桶82美元。 英皇期貨營業部總裁葉佩蘭指，油價整體氣氛暫時都向好，不過，紐油上到80美元樓上其實有些牽強，雖然預期需求增加，大概每日多50萬桶，但係需求增長快過供應增加下，油價就升左上去。至於油價未來會點走，就要視乎冬天系咪想像中咁凍，同埋產量會唔會進一步增加，佢估計，油價係高位會有壓力。 葉佩蘭 英皇期貨營業部總裁 |
Oil , USD |
| 葉佩蘭 |
2021-10-08T16:27 |
【Now財經台】英國天然價格噚日再插10%，但今個星期埋單計，暫時仲有得升，至於美國天然氣就要睇住天氣，據天氣預報話，未來兩星期慨天氣會暖些，但天然氣庫存比舊年同期少逾10%，歐美天然氣期貨後市會唔會繼續大上大落？ 英皇期貨營業部總裁葉佩蘭相信，天然氣價格暫時仍會大上大落，冬季天氣情況會直接影響天然氣，而睇返基本因素暫時都系利好，但值得留意系，天然氣價格係現水平，同年初比較已升左3倍，佢對高追有保留。 葉佩蘭 英皇期貨營業部總裁 |
|
| 葉佩蘭 |
2021-07-16T18:05 |
【Now財經台】油價連跌3日，由每桶75美元跌至71美元水平。OPEC+慨月報指，相信明年各國經濟會隨著疫情受控復蘇，屆時全球每日石油需求量將增加600萬桶至9960萬桶。 英皇期貨營業部總裁葉佩蘭相信，呢段時間主要靠OPEC+減產支撐油價，佢認為，油價現階段係70美元水平之上，OPEC+無必要繼續大幅減產。此外，伊朗之前因被制裁積存左7000幾萬桶石油，如果制裁逐步解除，Fion估計，第3季石油供應將會增加，平衡返需求上升。佢又話，油價暫時係70美元有支持，一旦失守70美元，有機會落返60美元水平。 葉佩蘭 英皇期貨營業部總裁 |
Oil , USD |
| 葉佩蘭 |
2021-06-25T20:48 |
【Now財經台】美國銀行預測國際銅價未來幾個月，將會升到每噸13000美元慨紀錄高位，商品交易商嘉能可行政總裁指，金屬供應缺口擴大，銅供應要每年增加100萬噸先會平衡。不過，最近內地釋出有色金屬儲備，美國銀行慨預測系咪太樂觀？ 英皇期貨營業部總裁葉佩蘭指，銅價升到13000美元長遠系有可能，主要系造電動車需要大量銅作為原材料，因此，未來幾年慨銅都會供不應求。銅依家仲係上升通道，FION估計，銅價要經過兩至三次調整，先可以上到13000美元，投資者可以考慮趁調整吸納。 葉佩蘭 英皇期貨營業部總裁 |
USD |
| 葉佩蘭 |
2021-06-18T18:03 |
【Now財經台】聯儲局「放鷹」，將加快收水加息，令彭博商品指數一星期跌約5%，其跌幅僅次於去年3月市場對環球疫情最恐慌那陣，反而布油同紐油全周計都仲有些升，油價系咪可以跑贏其他商品期貨？ 英皇期貨營業部總裁葉佩蘭話，油價系消費緊預期未來疫情會改善、航空業回升而有升幅，但油價70美元系個較大慨阻力，沽壓重，加上一旦美國解除左伊朗慨禁令，重啟出口令油供應大幅增加時，油價好大機會會回落到60至65美元。 葉佩蘭 英皇期貨營業部總裁 |
USD , Expo |
| 葉佩蘭 |
2021-05-28T17:44 |
【Now財經台】金價未能企穩每盎司1900美元，市場依家等緊美國今晚出爐慨核心個人消費數據，噚日有聯儲銀行副主席話，可能要討論縮減QE，似乎轉左口風。 英皇期貨營業部總裁葉佩蘭指，通脹理論上會支持金價，但關鍵在於通脹後慨做法，如果繼續寬松會有利金價，金價由低位1670美元升至現時1900美元水平，一旦聯儲局傾「收水」或加息等後續政策，就會令黃金失去吸引力。 佢又話，5月開始，因股市、加密貨幣回調，避險資金轉戰金市，但噚日開始有部分資金流走，金價升到1900美元有阻力，加上沽壓唔細，佢唔建議再高追。 葉佩蘭 英皇期貨營業部總裁 |
Gold , Capital Flow , USD |
| 葉佩蘭 |
2021-05-07T17:41 |
【Now財經台】資源價格維持強勢，銅價今早10點後，一度突破每噸10200美元水平。嘉能可CEO火上加油，指銅價要係現水平再升50%，先可以刺激及鼓勵銅礦開采活動，以應付需求。銅價破位後應該點部署？ 英皇期貨營業部總裁葉佩蘭指，現時銅價係歷史高位，如果單睇基本因素，銅仍然比較強，因為全球銅庫存量只夠應付3星期慨需求，雖然依家個價貴，但可以吸引銅礦大量生產，但生產需時，所以都跟唔上需求，出現供需缺口。佢又話，銅價升穿10000美元後，下一站睇11000美元水平。 葉佩蘭 英皇期貨營業部總裁 |
USD , Resources |
| 葉佩蘭 |
2021-04-23T18:23 |
【Now財經台】現貨金連續兩日係每盎司1800美元前遇阻，依家100天線係1802美元水平，美國可能會開征「富人稅」，可能對美股帶黎負面影響，到時資金或要避險，金市系咪可以受惠？ 英皇期貨營業部總裁葉佩蘭指，今年都唔見有避險資金流入金市，即使近期美元回調，金價都只系一個初步反彈，之前係1670美元水平形成雙底，所以出現一個技術反彈，Fion估計，金價現階段上升空間有限，反而係1800美元以上水平沽出機會更大。 葉佩蘭 英皇期貨營業部總裁 |
Gold , Capital Flow , USD , US Stock |
| 葉佩蘭 |
2021-04-16T18:11 |
【Now財經台】倫敦期銅價格已連升3日，升至近2個月高位，企穩每噸9000美元樓上，後市有冇機會突破2月底高位，甚至挑戰10000美元水平？ 英皇期貨營業部總裁葉佩蘭指，銅價前景都幾樂觀，高盛估計，銅價未來5年有機會上到15000美元，原因系供不應求，預期未來5年銅需求會大增5倍，主要系應付制造電動車慨需求，如果供應跟唔上呢個速度，銅價應該會飆升好多。Fion話，10000美元系一個阻力，如果突破到，可能會出現新一輪價格波動。 葉佩蘭 英皇期貨營業部總裁 |
Sachs , USD |
| 葉佩蘭 |
2021-04-09T18:31 |
【Now財經台】美國10年期債息持續回落，加上聯儲局主席鮑威爾重申偏鴿立場，美匯指數逼近92水平，帶挈金價連日反彈，現貨金價自上月底每盎司1680美元開始反彈，噚晚一度高見1758美元。 英皇期貨營業部總裁葉佩蘭指，金價個雙底都做得幾靚，依家阻力位係1750美元，佢又話，金價要再上首要條件系企穩1750美元，若美元持續調整，都會對金價有支持，相反，如果企唔穩阻力，就會落返1670美元至1750美元呢個區間上落。 葉佩蘭 英皇期貨營業部總裁 |
Gold , USD , USD |
| 葉佩蘭 |
2021-03-12T17:59 |
【Now財經台】金價今個星期一度反彈逾1%，曾逼近每盎司1740美元，但同上月高位1871美元，仲有一段距離，美國10年期債息再沖上1.6厘，金價又回落，要收復近日失地似乎難度唔細。 英皇期貨營業部總裁葉佩蘭指，金價對美元、息口走勢最敏感，如果一齊向上，就非常利淡金價，金價由2090美元調整到現水平1670美元，已經跌左約20%，初步要睇1650美元頂唔頂得住，如果失守就會再跌落去，其實金價已經有少少轉勢，後市都系偏淡。 葉佩蘭 英皇期貨營業部總裁 Your browser does not support iframes. © PCCW OTT (Hong Kong) Limited 2012-2021 著作權所有 私隱政策 | 使用條款 | 免責及著作權聲明 | 不歧視及不騷擾聲明 所有資料或訊息僅作為參考之用。 |
|
