| Commentator |
Time |
Content |
Tag |
| 黃志陽 |
2021-12-08T13:56 |
【Now財經台】截至早上11點，1小時內《彭博》用戶關注度上升最多的港股，依次為中國恆大(03333)、佳兆業集團(01638)、華能國際電力(00902)、九龍倉置業(01997)及旭輝控股集團(00884)。 本地收租股九置連續2日上榜，九置噚日炒中港通關，股價顯著造好，但今日已完全回套噚日慨升幅。 安山資本資產管理部董事黃志陽指，相比其他本地地產股，九置明顯強勢，雖然炒完通關消息後回套，但主要是仍然未全面落實通關，但相信回套壓力唔會太大。 |
ChinaElec , Stock , Real Estate , Real Estate , WHARF HOLDINGS |
| 黃志陽 |
2021-11-24T15:08 |
【Now財經台】截至早上11點，1小時內《彭博》用戶關注度上升最多的港股，依次為：小米集團(01810)、周大福(01929)、花樣年控股(01777)、快手(01024)、龍湖集團(00960)。 快手周二公布業績，今日曾升超過6％，重返100元樓上。雖然仲虧損緊，但摩根士丹利升評級至「與大市同步」，用戶數目有增長，但系咪真系值升超過10％？ 安山資本資產管理部董事黃志陽認為，市場之前過份悲觀，擔心監管影響視頻平台經營。而業績出爐後，虧損收窄，經營比預期好，釋放投資者疑慮，令股價上升。 中長線黎睇，Jackson認為視頻平台雖然高增長，但目前受監管機構望實，要賺錢都唔系咁易。好在，依家快手慨用戶人數多，運作都上左軌道，表現唔差，但系佢提醒投資者切忌心雄。 |
Stock , Earnings , HAITONG INT'L , Rating , LONGFOR GROUP |
| 黃志陽 |
2021-11-17T13:02 |
【Now財經台】截至早上11點，1小時內《彭博》用戶關注度上升最多的港股，依次為廣汽集團(02238)、華潤燃氣(01193)、永利澳門(01128)、中國奧園(03883)、郵儲銀行(01658)。 整體車股今日表現唔錯，其中廣汽升幅較為顯著，系咪受廣州車展即將開鑼帶動？ 安山資本資產管理部董事黃志陽表示，舊年廣汽係廣州車展公布左新車及新電池技術，一度推高股價，佢又話，係傳統車股中，廣汽估值唔算貴，過往係展覽表現又好，加上食住新能源汽車熱炒慨勢頭，帶挈廣汽呢轉再炒上。 |
CHINA AOYUAN , Stock , Energy , New Energy Vehicles , KAISA HEALTH |
| 黃志陽 |
2021-11-10T13:13 |
【Now財經台】截至早上11時，1小時內《彭博》用戶關注度上升最多的港股依次為恆大汽車(00708)、蒙牛乳業(02319)、花樣年控股(01777)、旭輝控股(00884)及遠洋集團(03377)。 花樣年控股因為還唔到債而停牌超過一個月，今日復牌，但開市之後曾跌超過50%，到底花樣年會點行落去？ 安山資本資產管理部董事黃志陽指出，花樣年到依家都冇還錢，仲同貸款人商討緊償還安排。佢認為，目前違約慨情況已經當「食生菜」咁，不過地產公司普遍資產好高，債主唔怕公司完全倒閉，令花樣年可以透過財務顧問華利安慢慢解決債務。 |
MENGNIU DAIRY , Stock , Real Estate , Real Estate , EVERG VEHICLE |
| 黃志陽 |
2021-11-03T15:44 |
【Now財經台】截至早上11點，1小時內《彭博》用戶關注度上升最多的港股，依次為微盟集團(02013)、龍光集團(03380)、萬科企業(02202)、信義玻璃(00868)及兗州煤業(01171)。 SAAS(軟件即服務)股近期並非市場焦點板塊，微盟股價今日曾跌超過10%，加上連日回購累計涉及接近1億元，反映短線缺乏支持股價慨利好因素？ 安山資本資產管理部董事黃志陽表示，科網股近期表現轉弱，微盟回購前曾沖上13元水平，但今日跌得咁急都令人摸不著頭腦，佢估計，投資者擔心香港整體氣氛，雖然科技股表現唔好，但佢睇好SAAS有一定前景，只系監管方面存在一些不明朗因素。 |
Stock , XINYI GLASS , YANKUANG ENERGY , IT , LOGAN GROUP |
| 黃志陽 |
2021-10-27T15:29 |
【Now財經台】截至早上11點，1小時內《彭博》用戶關注度上升最多慨港股，依次為中國電信(00728)、彩生活(01778)、中國鋁業(02600)、海底撈(06862)及宇華教育(06169)。 彩生活復牌後一度急挫逾40%，之前因債務問題而要停牌，結果要強制出售附屬畀碧桂園服務(06098)，由於賣走核心業務，股價急挫都不太意外，但彩生活慨結局，會唔會好似中國恆大(03333)咁慘烈，如果以高位計，股價跌左90%？ 安山資本資產管理部董事黃志陽指，雖然彩生活賣走呢項主要業務，但公司可以拿到一筆錢，或多或少都可以解決到部分債務問題，至於未來慨營運有冇改善仲要睇，不過，由於彩生活有些「前科」，投資者始終會有戒心，Jackson話，彩生活慨結局系點，除左要睇公司仲有冇債務問題，亦要睇可唔可以挽回投資者信心。 |
Stock , CHINA TELECOM , COUNTRY GARDEN , CHALCO , Resources |
| 黃志陽 |
2021-10-20T13:03 |
【Now財經台】截至早上11點，1小時內《彭博》用戶關注度上升最多的港股，依次為銀河娛樂(00027)、兗州煤業(01171)、新力控股集團(02103)、中國神華(01088)、萬洲國際(00288)。 近日賭股強勢，整個板塊慨表現都有改善，銀娛今早勢唔錯，暫時已連升第3日，其他賭股系咪都仲有上升空間？ 安山資本資產管理部董事黃志陽指，如果發賭牌制度變得清晰，加上通關有望，賭股仍會有唔少上升空間。雖然呢些問題短期內未必可以解決，加上賭股近期唔算特別強勢，但大市有力升返，加上估值平，相信賭股仲有得升。 不過，Jackson提醒要留意阻力位，雖然部分賭股冇牌照風險，但仍要睇疫情因素，如果疫情一直冇改善，通關無望，加上呢些公司固定成本大，係盈利大減下，好難上返裂口前水平。 |
GALAXY ENT , CHINA SHENHUA , Stock , YANKUANG ENERGY , WH GROUP |
| 黃志陽 |
2021-10-06T12:46 |
【Now財經台】截至早上11點，1小時內《彭博》用戶關注度上升最多的港股，依次為中國生物制藥(01177)、中國軟件(00354)、合生創展集團(00754)、申洲國際(02313)、中遠海能(01138)。 中生制藥作為疫苗股，到底系咪受口服新冠藥物推出，加上上周公布唔再發布季度業務數據雙重夾擊下，跌咁多呢？ 安山資本資產管理部董事黃志陽認為，醫藥股近期偏弱，而疫苗概念亦受到口服藥物推出影響需求，加上唔再公布季度業務數據，因而令投資者卻步。 Jackson表示，現時唔應該咁快接「弱」慨藥股，要等低位反彈之後先好考慮，避免浪費時間等待底部調整。 |
Stock , HOPSON DEV HOLD , SINO BIOPHARM , SHENZHOU INTL , Bio |
| 黃志陽 |
2021-09-08T12:56 |
【Now財經台】截至早上11點，1小時內《彭博》用戶關注度上升最多的港股，依次為九龍倉置業(01997)、中國鐵塔(00788)、銀河娛樂(00027)、思摩爾國際(06969)、永利澳門(01128)。 港府宣布今日起恢復「回港易」，並於15日起推出「來港易」畀內地人免檢疫來港，谷起多只復蘇概念股。 收租股九倉置業半日升逾4%，現報42.45元。市場預期，每日透過「來港易」黎慨2000位內地人應該多屬高檔消費客。時代廣場、海港城等高檔商場慨包租公系咪可以受惠？ 安山資本資產管理部董事黃志陽認為，「來港易」消息令市場憧憬兩地會唔理「清零」與否加速通關，甚至延伸至其他低風險地區，刺激零售股今日彈起。 不過Jackson就話，通關後雖然客量多左，但始終消費模式改變，預期唔會恢復疫情前水平，但每單消費金額可能會上升。而短期九倉置業股價上返45元平台區後，未必有力再沖。 |
Stock , WHARF HOLDINGS , GALAXY ENT , HARBOUR CENTRE , KAISA HEALTH |
| 黃志陽 |
2021-09-01T12:22 |
【Now財經台】截至早上11點，1小時內《彭博》用戶關注度上升最多的港股，依次為華融國際金融控股(00993)、長城汽車(02333)、移卡(09923)、心動公司(02400)及中國鋁業(02600)。 今日復牌慨華融金控中期虧損收窄至4.46億港元，而仲停緊牌慨「阿媽」中國華融(02799)，繼舊年全年盈轉虧，勁蝕1029億人仔後，今年上半年純利按年跌24.6%至1.58億人仔。 雖然「阿仔」復牌後，股價一度急瀉逾30%，但復牌消息令市場憧憬華融債務危機暫告一段落，「阿媽」亦復牌在望。 安山資本資產管理部董事黃志陽都認為，華融危機終於現曙光，不過「阿仔」股價冇乜上升空間，因為公司要等「阿媽」慨債務危機完結，「阿仔」先可以靠母公司搲到生意。 |
Stock , CHINA BEST , GWMOTOR , CHALCO , HUARONG INT FIN |
| 黃志陽 |
2021-08-25T13:19 |
【Now財經台】截至早上11點，一小時內《彭博》用戶關注度上升最多的港股，依次為金山軟件(03888)、安踏體育(02020)、中國鋁業(02600)、復星國際(00656)、農夫山泉(09633)。 金山軟件成為今日早段跌幅最大港股，跌幅逾20%，業績可以話慘不忍睹，第二季純利大跌99%，拖累上半年純利大減98%，收入又受網絡游戲收入倒跌拖累。 安山資本資產管理部董事黃志陽指，投資者睇到業績後應該會重新評估集團慨策略，金軟問題在於投入左大量研發成本，但研發成果又無曬影，畀投資者一種公司失去方向慨感覺，預期股價會保持弱勢，結合今次業績，股價甚至有機會跌穿30元。 Jackson又話，金軟股價今次插水後，估計都要橫行一段時間，等營運數據好返些，先可以令投資者對公司業務有返信心。 |
Results , FOSUN INTL , ANTA SPORTS , Stock , CHALCO |
| 黃志陽 |
2021-08-18T12:23 |
【Now財經台】截至早上11點，1小時內《彭博》用戶關注度上升最多的港股，依次為，中信股份(00267)、中國華融(02799)、萬洲國際(00288)、時代中國(01233)、盛京銀行(02066)。 據《彭博》引述消息人士指，中信牽頭慨戰略投資者，將會向華融注資500億人仔，內地財政部亦計劃將持有慨60%華融股權轉讓畀中信，估計最快下星期就會有公布。 安山資本資產管理部董事黃志陽指，中國開始拆緊債務計時炸彈，中信接手後點解決好重要，暫時都要等細節出黎，但今次接手價平，所以中長線系有利中信。 至於華融方面，佢認為復牌機會高，但股價好大機會受壓，要等半年至1年重組後先有機會反彈。 |
Stock , CHINA BEST , China Banks , CITIC , WH GROUP |
| 黃志陽 |
2021-08-11T13:11 |
【Now財經台】截至早上11點，1小時內《彭博》用戶關注度上升最多的港股，依次為中國海外發展(00688)、康希諾生物(06185)、萬科企業(02202)、龍湖集團(00960)、建設銀行(00939)。 中國恆大(03333)承認正洽談出讓恆大物業(06666)或恆大汽車(00708)等資產權益，據報恆大物業或售予萬科企業(02202)牽頭財團。 市場憧憬恆大信貸危機受控，恆大今早曾升逾10%，加上內房債反彈，帶動內房與物管股普遍造好。投資者集中追買信貸風險較高的內房股，抑或追藍籌內房較穩陣？ 安山資本資產管理部董事黃志陽認為，假若恆大物業落實售予萬科，可消除不明朗因素，相較萬科，交易細節未出，認為暫時追恆大物業著數些。 |
Stock , China Real Estate , CHINA OVERSEAS , CCB , Bio |
| 黃志陽 |
2021-07-28T13:59 |
【Now財經台】截至早上11點，１小時內《彭博》用戶關注度上升最多的港股，依次為友邦保險(01299)、美團(03690)、騰訊控股(00700)、富力地產(02777)及京東物流(02618)。 港股連續兩日爆股災，今早走勢反覆，一度反彈逾400點，但之後又倒跌，重磅藍籌友邦跌逾3%，雖有公司傳出利好消息，指集團同澳洲聯邦銀行加強合作，但友邦仍要跌。 安山資本資產管理部董事黃志陽指，友邦一直較強勢，但恆指連續兩日跌超過1000點，強勢股都難逃一跌。佢又話，友邦同澳洲聯邦銀行加強合作慨消息有少少利好，但由於業務占比唔多，所以股價都頂唔到好耐。不過，Jackson相信，友邦系其中一只高質以及少受監管風暴影響慨公司，依家只系跟大市跌，估計之後應該會率先反彈。 |
Stock , R&F PROPERTIES , HK Cap Flow , TENCENT , Real Estate |
| 黃志陽 |
2021-07-21T15:37 |
【Now財經台】截至早上11點止，1小時內《彭博》用戶關注度上升最多港股，依次為京東物流(02618)、長城汽車(02333)、中國恆大(03333)、中國鋁業(02600)及舜宇光學(02382)。 京東物流連跌第6日，續創新低，但其實未有傳出重大利淡消息，點解股價連日下挫？ 安山資本資產管理部董事黃志陽指，相信系受近期新經濟股估值陸續被下調影響，因為公司本身冇特別壞慨消息。對於外界猜測，京東物流股價插水，會唔會同河南水災影響物流服務有關，黃志陽話，內地每年都會出現水災，所以影響都不大，股價連日下挫，主要同本身所屬慨板塊有關。 |
HK Cap Flow , Stock , GWMOTOR , CHALCO , SUNNY OPTICAL |
| 黃志陽 |
2021-07-07T16:08 |
【Now財經台】截至早上11點，1小時內《彭博》用戶關注度上升最多港股，依次為港交所(00388)、中航租賃(02588)、建設銀行(00939)、廣汽集團(02238)及中國人壽(02628)。 港交所噚日宣布最快明年第4季，IPO結算周期縮短至「T+2」，股價今日升勢持續，暫時連升第2日。 安山資本資產管理部董事黃志陽指，港交所系少有慨監管風暴受惠股，行政總裁歐冠升最近公布港交所重組，消息咁岩撞正幾只美國上市慨中概股受查，市場估計，係香港面臨慨調查壓力較細，系股價連日上升慨因素之一。 Jackson又話，「T+2」可以加快上市流程，減低風險，對投資者、企業都有利。佢又估計，港交所股價會係500元水平徘徊，但未必咁快可以突破500元。 |
HK Cap Flow , Stock , CCB , CHINA LIFE , IPO |
| 黃志陽 |
2021-06-30T12:44 |
【Now財經台】截至早上11時，1小時內《彭博》用戶關注度上升最多的港股依次為金沙中國(01928)、銀河娛樂(00027)、澳博控股(00880)、世茂集團(00813)及中芯國際(00981)。其中三只都系澳門賭股。 上日衛生防護中心將早前源頭不明確診個案改列入與輸入個案相關連，經修正後，本港連續24日無不明源頭個案。市場憧憬港澳有望恢復有限度通關，帶動賭股上行。 安山資本資產管理部董事黃志陽指，香港旅客占澳門旅游收入兩成，雖然香港人唔系澳門賭收主要來源，但如果港澳通關，對成個板塊氣氛有正面影響。Jackson又話，始終澳門賭收主要來自內地旅客，可以大膽憧憬未來港澳同內地三地通關。短線而言，以中場為主、多賭場慨賭股較受惠。 |
Stock , GALAXY ENT , SMIC , SHIMAO GROUP , SJM HOLDINGS |
| 黃志陽 |
2021-06-16T14:16 |
【Now財經台】截至早上11點，1小時內《彭博》用戶關注度上升最多的港股，依次為紫金礦業(02899)、長城汽車(02333)、信義光能(00968)、融創中國(01918)及中國石油(00857)。 金價噚晚向下，繼續1個月收市新低，加上擔心美國加息，同埋聯儲局「收水」，一向對金價敏感度最高慨紫金，股價今日大跌。金價回落拖低埋銀、銅、鐵價格，系咪代表呢輪依浪升勢完結？ 安山資本資產管理部董事黃志陽指，資源價格今輪升浪未必完結，可以再睇定些，主要系通脹仍然係度，依家回一回好大機會只系抖一抖。Jackson又估計，美國唔會咁快加息，但應該會「收水」。 |
ZIJIN MINING , Oil , Stock , Gold , GWMOTOR |
| 黃志陽 |
2021-06-09T12:53 |
【Now財經台】截至早上11時，1小時內《彭博》用戶關注度上升最多的港股，依次為中國飛鶴(06186)、農業銀行(01288)、京東健康(06618)、中國海外發展(00688)及周大福(01929)。 飛鶴董事長冷友斌係中國企業家論壇上話，受注射疫苗影響，好多准父母半年內唔可以懷孕，估計奶粉銷量未來一兩年將會出現斷崖式下跌，飛鶴股價今朝都「跳崖」，一度大插逾8.5%，低見18.84元，中午收市跌幅略為收窄。 安山資本資產管理部董事黃志陽認為，內地出生率會唔會出現斷崖式下跌，仲系未知之數，但飛鶴董事長咁「坦白」，系咪已經知道集團銷售已經跌緊？係咁慨情況下，投資者一定會驚，亦提醒左投資者出生率有機會下跌，所以成個板塊系會睇差少少，更重要系可能飛鶴董事長已經睇到一些外界睇唔到慨事。 |
Stock , CHINA OVERSEAS , HAITONG INT'L , agri , ABC |
| 黃志陽 |
2021-06-02T12:29 |
【Now財經台】截至早上11點，1小時內《彭博》用戶關注度上升最多的港股，依次為吉利汽車(00175)、首創置業(02868)、融創中國(01918)、恆大物業(06666)及正榮地產(06158)。 吉利股價之前碌左落黎，依家又抽返上去，但期間都多石沙，其中一個原因系大行對吉利睇法分歧，其實公司公布例如造車呢些消息都好透明，但大行唔系睇得特別好，例如中金重申返吉利「跑贏大市」評級，但目標價只睇13.7元，但野村又睇到27.8元。 |
GEELY AUTO , Stock , BYD COMPANY , BJ CAPITAL LAND , Rating |
| 黃志陽 |
2021-05-26T13:05 |
【Now財經台】截至早上11點，1小時內《彭博》用戶關注度上升最多的港股，依次為新鴻基地產(00016)、閱文集團(00772)、新世界發展(00017)、阿里健康(00241)、銀河娛樂(00027)。 新地今日跟隨大市向上，半日收市升超過2%，近期新樓盤銷售持續暢旺，加上樓市氣氛持續熾熱，地產股似乎好難有利淡消息。 安山資本資產管理部董事黃志陽認為，港股噚日升得靚，加上美元弱，人仔有突破跡象，反映資金開始湧入香港，加上依家大市氣氛向好，市場資金充裕，都令投資者更關注地產股。 |
SHK PPT , Real Estate , NEW WORLD DEV , Stock , Real Estate |
| 黃志陽 |
2021-05-12T14:14 |
【Now財經台】截至早上11時，1小時內《彭博》用戶關注度上升最多的港股依次為：周大福(01929)、金山軟件(03888)、碧桂園(02007)、比亞迪股份(01211)及五礦資源(01208)。 其中，周大福、五礦分別獲MSCI納入香港指數及中國指數，但股價一升一跌。 安山資本資產管理部董事黃志陽指，周大福股價大升主要受納入指數消息帶動，但納入指數都要睇比例，如果納入香港指數，比例值逾千億市值，基金可能要加注。不過，如果股份納入比例相對中國指數減少，基金可能要減持，因此，雖然五礦納入中國指數，但未必好事。 |
Stock , MMG , BYD COMPANY , COUNTRY GARDEN , KINGSOFT |
| 黃志陽 |
2021-05-05T14:15 |
【Now財經台】截至早上11點，1小時內《彭博》用戶關注度上升最多港股，依次為建設銀行(00939)、融創中國(01918)、恆生銀行(00011)、澳博控股(00880)及交通銀行(03328)。 今日上榜大部分系息口敏感股，又以銀行股占最多，表現亦跑贏大市。理論上加息有利銀行股息差，長息升亦利好收入，再加埋今日有避險作用慨公用股跑出，系咪反映市場避險情緒升溫？ 安山資本資產管理部董事黃志陽指，好難准確講到市場到底擔心緊乜野，但華融事件、方正事件等，都反映中央慨取態，就系愈來愈傾向呢些公司自行解決，導致大型銀行股之前跌唔停。佢又話，美國財長耶倫突然變鷹，話可能提早加息，同埋北水聽日就會「開閘」，可能令之前造空慨投資者趁機補倉。 Jason又指，港股今日開始反彈，雖然反彈幅度唔算大，但如果氣氛可以持續，加上北水聽日就會返黎，唔排除港股未來幾日可以持續。 |
HANG SENG BANK , Stock , CCB , BANKCOMM , HK Banks |
| 黃志陽 |
2021-04-28T14:01 |
【Now財經台】截至早上11點，1小時內《彭博》用戶關注度上升最多的港股，依次為小米集團(01810)、江西銅業(00358)、 中國電信(00728)、信達生物(01801)及洛陽鉬業(03993)。 小米股價今日顯著受壓，有研究機構指，小米係印度智能手機市場慨市占率27%，排行第1位，印度連續6日單日確診病例逾30萬，累計死亡人數逾20萬，疫情會唔會打擊小米係當地慨手機銷售？ 安山資本資產管理部董事黃志陽指，舊年小米廣告引發慨中日磨擦，雖然冇影響銷量，但對股價有負面影響，佢擔心今次印度疫情會產生相同反應，又估計疫情高峰系下個月，係印度疫情未見頂前，小米都會受影響。 |
Stock , CHINA TELECOM , CMOC , Resources , Bio |
| 黃志陽 |
2021-04-15T17:41 |
【Now財經台】自上月底爆發新疆棉風波後，內地體品股成「新疆棉受惠股」，其中李寧(02331)股價至今已累升逾30%，國家主席習近平噚日指示要全力搞好冬奧，刺激李寧股價今日再破頂。不過，咁快炒作冬奧因素系咪太早？李寧今輪升浪可以持續幾耐？ 安山資本資產管理部董事黃志陽指，今次這場風波為內地品牌締造一個宣傳契機，加上內地作為一個生產大國，應該已掌握一定技術，所以近年內地體品品牌，不論質素、認受性都高左好多。 Jackson又話，雖然依家炒作冬奧因素系早左少少，但東京奧運會暫時仍如期係夏天舉行，所以對體品股有憧憬，炒起左相關股份。 |
LI NING |
| 黃志陽 |
2021-04-07T12:43 |
【Now財經台】截至早上11點，1小時內《彭博》用戶關注度上升最多港股，依次為中遠海控(01919)、國藥控股(01099)、中國銀行(03988)、交通銀行(03328)及中芯國際(00981)。 中遠海控發盈喜，料首季純利按年飆近52倍，扣除非經常性損益慨淨利潤，更按年勁升逾200倍，加埋上個月蘇彝士運河事件影響貨櫃輪供應，都會推高運費。中遠股價今朝一度爆升逾30%，中午收市仍升逾25%，有機會錄得2008年以來最大單日升幅。 安山資本資產管理部董事黃志陽話，中遠多個利好因素都已經係股價反映左，而且炒左一段時間，加埋上年基數低，出現200幾倍升幅都唔出奇，但黎緊要睇實運費仲可唔可以企係高位，如果跌得急就要小心。 |
Results , Stock , SMIC , BANKCOMM , BANK OF CHINA |
| 黃志陽 |
2021-03-31T14:03 |
【Now財經台】截至早上11點，1小時內《彭博》用戶關注度上升最多的港股，依次為萬洲國際(00288)、世茂集團(00813)、華晨中國(01114)、濰柴動力(02338)及萬科企業(02202)。 萬洲公布業績後，股價受壓，萬洲少賺40%，單計第四季更倒退80%，雖然大行幫手解畫，但由於美國業務表現唔好，加上要承擔退休金等開支，因而拖累股價，但相信下半年可望復蘇，不過，仍然撐唔起股價。 安山資本資產管理部董事黃志陽指，如果萬洲增加派息，銷售前景又好，可能吸引到投資者買入，但萬洲仲要削減派息，前景又唔好，所以股價要捱沽。 |
WEICHAI POWER , Stock , WH GROUP , SHIMAO GROUP , BRILLIANCE CHI |
| 黃志陽 |
2021-03-24T13:44 |
【Now財經台】截至早上11點，1小時內《彭博》用戶關注度上升最多港股，依次為快手(01024)、吉利汽車(00175)、太古地產(01972)、美高梅中國(02282)同九龍倉置業(01997)。 快手公布上市後首份業績，舊年勁蝕過千億，大部分同優先股公允值變動有關。雖然券商力撐，指快手舊年第四季表現唔差，仍睇好直播、廣告以至電子商貿吸金能力。不過，市場似乎唔收貨，快手股價今日插水。 安山資本資產管理部董事黃志陽指，雖然快手收入增長50%以上，但蝕過千億，可能投資者覺得業績唔算超靚仔，加上大市回調，捱沽系無可厚非。佢又話，市場認為快手估值偏貴，公司未來慨數據，必須睇到直播、廣告增長快，先可以支持到股價。 |
GEELY AUTO , Real Estate , Stock , Real Estate , WHARF HOLDINGS |
| 黃志陽 |
2021-03-18T16:25 |
【Now財經台】日清食品(01475)中午公布業績，雖然全年收入、純利都有增長，但單睇第四季，業績明顯轉弱。 安山資本資產管理部董事黃志陽指，隨著疫情好轉，市民多左外出用膳，令原本受惠宅經濟慨日清股價受壓，佢估計，日清股價短線會繼續整固，要等市場消化所有利淡消息後，才有機會回升，又預期日清今年業績增長會差過舊年，所以股價爆升機會唔大。 不過，Jackson指出，因為日清發展新業務，同埋推出新產品，公司前景仍然樂觀，新產品亦有機會為公司帶來較高毛利。 Jackson又話，雖然日清第四季業績麻麻，但有貨慨投資者可以繼續楂住，因預期股價完成整固後，有機會重上7.5元至8元水平。 |
Results , Food , NISSIN FOODS |
| 黃志陽 |
2021-03-10T14:09 |
【Now財經台】截至早上11點，1小時內《彭博》用戶關注度上升最多慨港股依次為，中國電信(00728)、國泰航空(00293)、恆生銀行(00011)、花樣年控股(01777)及中國銀行(03988)。 中電信昨日公布業績，但既非亮點，又不是重點，市場反而聚焦集團計劃「回A」，自三大中資電訊股遭美國制裁，又啟動除牌，「回A」是否一個對集團最有利的安排？ 安山資本資產管理部董事黃志陽話，中電信計劃發行A股並在上海主板上市，將會提升集團估值，因為A股估值普遍較高，估計A股可以貴30%至40%，關注度亦會更高。此外，受美國制裁影響，中資電訊股早前捱沽，今次回歸A股，都不失為一個理想的安排。 |
|
