| Commentator |
Time |
Content |
Tag |
| 黃偉豪 |
2026-03-03T11:04 |
恆生指數係昨日(2日)3月開局瀉逾500點，好倉資金轉為流入，淡倉就轉為流出，牛證重貨區係25800點，熊證重貨區就下移至26500點。地緣政局升溫持續影響投資氣氛，好淡友都揀到最貼，策略上有咩建議？ 胤源世創家族辦公室(香港)第一副總裁黃偉豪指，依家全球市場都受地緣局勢影響，雖然港股今日(3日)有得彈，但相對昨日(2日)慨跌幅，反彈力度都比較弱，反映對後市都唔係太樂觀。 佢又話，點解投資者牛熊證擺位擺得咁貼？首先係抱博一博慨心態，佢建議要以小注為主，始終有收回風險，熊證收回價擺位可以考慮26800至27000點會較合適，牛證就可以擺25500點樓下。 |
|
| 黃偉豪 |
2026-02-03T11:38 |
恆生指數今朝(3日)高開逾200點，其後一度重上27000關，但之後又跌過，好倉連續兩日有資金流入，淡倉就連續5日有資金流出，但5日合計，仍有近2.5億元坐貨。此外，牛證重貨區下移至26400點及26300點，熊證重貨區就係28300點，最多人加倉係27300點，恆指過去兩日累跌逾千點，依家阻力位係邊？牛熊證點擺位？ 胤源世創家族辦公室(香港)第一副總裁黃偉豪指，恆指暫時走勢偏弱，始終上個月衝得有些急，依家出現調整，短期阻力睇27000點，呢個亦係下跌裂口，如果上唔返27000點，投資者短線就要小心。 Ravi又指，熊證收回價擺28000點樓上冇問題，如果博大市唔會再大跌，甚至有反彈，牛證收回價可以擺50天線以下，即26200點以下。 |
|
| 黃偉豪 |
2026-01-27T11:33 |
恆生指數今日(27日)高開近百點後，升幅擴大，更升穿27000關。好倉連續兩日有資金流出，但5日合計仍有約5400萬元坐貨，淡友就連續兩日有資金流入，5日合計有約860萬元離場。此外，牛證重貨區係26300點，最多人加倉係26300點，熊證最多人加倉及重貨區都係27200點。大市呢幾日都冇乜方向，今朝似乎出現突破，後市可唔可以企穩27000關？點用牛熊證做部署？ 胤源世創家族辦公室(香港)第一副總裁黃偉豪指，恆指之前幾次上到27000點都企唔穩，之後都落返去，今次都要再睇定些，如果真係可以企穩27000點樓上，部署好倉博大市再升，牛證收回價可以擺26600點樓下，短期都比較合適。 佢續指，若未來幾日再落返27000點樓下，部署熊證收回價可以擺27300點樓上，又估計恆指50天線，即26100點會有較大支持。 |
|
| 黃偉豪 |
2026-01-20T11:37 |
恆指今早(20日)低開後，一度走勢反覆，之後跌幅進一步擴大，好淡倉資金方面，好倉昨日(19日)流入5000萬元，5日合計有約2000萬元離場，淡倉連續兩日流出，5日合計有超過6900萬元資金坐貨。此外，牛證重貨區於25800點，熊證重貨區於27500點，亦係最多人加倉慨位置。大市連跌3日，27000整數關口阻力真係咁大？牛熊證要點擺？ 胤源世創家族辦公室(香港)第一副總裁黃偉豪指，恆指走勢比較反覆，27000點確實是一大阻力位，經過連日再下跌後，阻力位現在落到26700點，熊證方面，即市部署擺27000點作收回價合適，建議有貨的投資者可以繼續持有，牛證方面，資金亦有流入博反彈，25800點都是重要關口附近，即市部署可留意26000點作收回價，亦是重要的防守位置。 |
|
| 黃偉豪 |
2026-01-13T11:35 |
恆生指數今日(13日)裂口高開350點，一度升至27143點，好友連續2日走貨，淡友趁大市反彈大舉流入，最近5日合計有4200萬資金坐貨。牛證方面重貨區仍是25800點，最多人加倉於最貼的26100點，熊證重貨區則保持在27000點，亦是最多人加倉的位置。恆指連升第3日，應否部署淡倉？如何擺位會更穩陣？ 胤源世創家族辦公室(香港)第一副總裁黃偉豪指，如果投資者想反手做減淡 ，可以擺27300點內作收回，由於最近升幅急，好友可以等大市稍為走低後再開好倉。 Ravi又指，現時為關鍵位置，預計阻力位在27300點，若破頂的話將有一定上升空間，反之將會微微向下調整或處於橫行區間。他補充，只要沒跌穿26000點的支持位，大市仍會保持偏強走勢。 |
|
| 黃偉豪 |
2026-01-06T10:57 |
恆生指數昨日(5日)有得升，好友又入返場，但5日合計仍有4720萬元離場，淡倉昨日有少少資金流出，5日合計仍1.8億元坐貨。牛證重貨區上移至25800點，亦係最多人加倉慨位置，熊證重貨區就上移至27000點，最多人加倉係26900點。此外，好友揀到最貼仍有近900點距離，熊證重貨區距離現水平唔夠300點，呢個距離夠唔夠？ 胤源世創家族辦公室(香港)第一副總裁黃偉豪指，依家好淡友都似乎選擇唔多，主要係港股近日升得好急，就算牛證揀到最貼，收回價可能都去到25800點，由於升得好急，揀熊證例如收回價27000點，可能本身唔係太貼，但依家都變成貼價。 Ravi又話，以好倉為例，牛證收回價揀25800點暫時都係合適。 |
|
| 黃偉豪 |
2025-12-30T11:34 |
今日(30日)係期指結算日，明日(31日)就係年結，雖然恆生指數昨日(29日)跌近200點，但好友係貼價慨25600點積極加倉，資金流向亦轉趨活躍，好友似乎比淡友更進取，去到年尾應該點部署？ 胤源世創家族辦公室(香港)第一副總裁黃偉豪表示，受假期因素影響，投資者入市意欲唔大，近期市況買賣兩閒，令大市維持區間上落格局。佢提醒，若計劃坐過夜，甚至持貨到假期後，要留意假期期間外圍或內地可能有突發消息，導致港股復市後出現顯著裂口波動。 投資部署方面，Ravi建議，投資者可根據收市水平做決定，依家港股比較合適慨上落區間係25600至27000點，上方第1個阻力係50天線，即26000點水平，如果想博熊證，收回位可以擺50天線以上，即26300點以上會較安全。牛證方面，港股近期主要支持位係25100點水平，建議揀24800點水平會較合適。 |
|
| 黃偉豪 |
2025-12-16T12:44 |
恆生指數今早(16日)低開後，跌幅不斷擴大，一度瀉逾500點，恆指牛證重貨連續逾10日都係25100點，大市近日波幅較大，好淡友應該點擺位？ 胤源世創家族辦公室(香港)第一副總裁黃偉豪指，恆指近日又跌返落橫行區域水平，若短期失守25100點，年底跌幅會更大，現時可以先留意可唔可以企穩25100點水平，如果守得住，可以考慮博收回價近些慨牛證，如果失守又想部署好倉，可以擺遠些，即24500點樓下。 Ravi又話，由於阻力位已經由50天線漸漸挨近100天線，即25900點水平，如果部署淡倉，可以係呢個位或以上作為收回水平。 |
|
| 黃偉豪 |
2025-12-09T12:16 |
美國總統特朗普(Donald Trump)准英偉達(Nvidia)對華出口H200晶片，美國政府會徵收25%銷售分成。中芯國際(00981)股價今朝(9日)低開1.6%後，跌幅一度擴大至2.7%，低見69.8元。美國今次放寬H200晶片出口對中芯有冇實際影響？ 胤源世創家族辦公室(香港)第一副總裁黃偉豪指，中芯股價今日明顯受H200晶片消息影響，內地晶片股過去一段時間炒作自強概念，所以美國放寬出口一定係利淡，股價就借勢調整。Ravi又話，中芯估值唔平，可以等股價落返68元水平，再考慮少注補倉。 |
|
| 黃偉豪 |
2025-12-02T11:07 |
港股昨日(1日)反彈，25400點以上貼價牛證都有加倉， 25100點已連續10個交易日係重貨區，熊證重貨區就上移至26500點，大市趨勢似正在發力向上，見到好友比淡友更進取，偏向揀得貼些，好淡友應該點擺位？ 胤源世創家族辦公室(香港)第一副總裁黃偉豪指，依家港股整體走勢及市底唔算差，恆生指數繼續係26000點水平浮沉，但向上動力相對之前一兩個月係減弱左，成交亦唔係特別多，偏向一個上落市格局，不論好淡倉，重點係點擺位，好倉如果過夜最好擺100天線以下，即25700點水平，淡倉就唔建議擺咁貼，熊證收回價可以擺27000點以上。 |
|
| 黃偉豪 |
2025-11-25T10:57 |
恆生指數昨日(25日)飆近500點，好友連續6個交易日入場後，昨日(24日)終於食糊，但5日合計仍有逾3億元坐貨，淡友就轉為加倉博大市回調。此外，牛證最多人揀貼價慨25100點，熊證收回價26500點以下都有投資者加倉。見到好淡友都好進取，熊證重貨區已殺埋，想博大市回調，收回價揀26300點會唔會太貼？好友續圍繞重貨區25100點擺位，防守力夠唔夠？ 胤源世創家族辦公室(香港)第一副總裁黃偉豪指，整體大市好似好返少少，但暫時仍偏向反覆及波動，不論牛證或熊證，尤其過夜，擺位最少同現水平有逾500點距離。如果睇淡擺26300點，即短期阻力位，其實會有些近，除非做即日部署，建議收回價擺26500點以上。 |
|
| 黃偉豪 |
2025-11-18T11:33 |
恆生指數今早(18日)低開逾200點後，跌幅收窄，好淡倉資金方面，好倉昨日(17日)流入8620萬元，5日合計，有逾6370萬元資金貨，淡倉昨日多人食糊，5日合計，仍有3490萬元資金坐貨。此外，牛證重貨區下移至25100點，最多人加倉慨位置係26100點，熊證重貨區係27200點，最多人加倉慨位置係26800點。大市連跌第3日，後市應該點部署？ 胤源世創家族辦公室(香港)第一副總裁黃偉豪指，恆指26000點唔係重要關口，如果做即市部署，牛證收回價可以考慮25800至25900點，但擺過夜就有風險，依家大市係上落市格局，如果想擺過夜，可以揀收回價25600點樓下，例如25400至25300點，槓桿都唔算低。 |
|
| 黃偉豪 |
2025-11-05T17:34 |
大市向下，但康師傅控股(00322)股價不跌反升，今早(5日)低開後，升幅一度擴大至逾4%，高見11.86元，有甚麼利好因素吸引資金流入康師傅？ 胤源世創家族辦公室(香港)第一副總裁黃偉豪指，雖然有部分大行下調康師傅的目標價，但整體上仍持有正面看法。另外，自中期業績後，管理層有預期下半年部分業務，例如方便麵會有淨增長，相信市場因此而覺得公司下半年的業務會有改善，並對全年業績表現有憧憬。 Ravi續指，其實市場都是看估值做決定，康師傅的預期市盈率(PE)只有約14%，比百勝中國(09987)更低，因此吸引資金流入。 |
|
| 黃偉豪 |
2025-11-04T11:22 |
恆生指數今早(4日)輕微低開10點，好淡倉資金方面，好倉昨日(3日)流出3660萬元，5日合計仍有5440萬元資金坐貨，淡倉昨日轉為流入，5日合計有逾6470萬元資金坐貨。牛證重貨區為25100點，而熊證重貨區就保持在26600點。大市之後可能會維持上落格局，後市應該如何部署？ 胤源世創家族辦公室(香港)第一副總裁黃偉豪指，最近大市以上落格局為主，沒有明顯方向。若投資者想博大市反彈，收回價不建議選太貼，可以考慮收回價25100點的牛證，雖然與現價有1000點距離，但比較適合過夜部署。而25100點以下的收回價，可以減少收回風險，槓桿亦不低。 另一方面，博大市回落的投資者，收回價可以留意現時阻力位26600點，下一步再考慮之前高位約27400點。 |
|
| 黃偉豪 |
2025-10-28T11:39 |
恆生指數今早(28日)高開75點，開市即重上26500點，好淡倉資金方面，好倉繼續食糊，昨日(27日)流出572萬元，5日合計有逾2100萬元資金離場，淡倉就轉為流入，5日合計有6500萬元資金坐貨。此外，牛證重貨區係25100點，最多人加倉係26000點，熊證重貨區係27000點，亦係最多人加倉慨位置。大市今朝走勢反覆，後市應該點部署？ 胤源世創家族辦公室(香港)第一副總裁黃偉豪指，如果想擺過夜，收回價可以放遠少少，大市氣氛轉好返，但始終中美元首會晤仍有太多不確定性，建議投資者揀25500點樓下做部署，槓桿都唔會太低。 |
|
| 黃偉豪 |
2025-10-21T11:28 |
恆生指數今早(21日)高開逾300點，收復10天、50天線，好淡倉資金方面，好倉昨日(20日)流出9600萬元，5日合計有約1.2億元坐貨，淡倉轉為流入，5日合計仲有4700萬元資金離場。此外，牛證重貨區為25100點，亦係最多人加倉慨位置，熊證重貨區連續5日都係26600點，亦係最多人加倉慨位置。大市重上返26000點關口，後市應該點部署？ 胤源世創家族辦公室(香港)第一副總裁黃偉豪指，依家大市整體強返些，但同時波動都大左，最主要睇返投資者係做即市部署定過夜部署，如果係即市部署，收回價揀貼價少少都唔係問題，但過夜最好揀返距離800點至1000點會好些，免卻即時收回慨風險，佢建議，向上睇收回價可以揀27000點過外，向下睇想博反彈建議25300點至25400點會較合適。 |
|
| 黃偉豪 |
2025-10-14T11:57 |
恆生指數今朝(14日)高開後，反覆向下，好淡倉資金方面，好倉昨日(13日)流入1.2億元，5日合計有約3.7億元坐貨，淡倉連續6日有投資者食糊，5日合計有1.9億元資金離場。此外，牛證重貨區下移至25200點，亦係最多人加倉慨位置，熊證重貨區係26600點，亦係最多人加倉慨位置。依家市場都對中美貿易戰升溫有憂慮，後市應該點部署？ 胤源世創家族辦公室(香港)第一副總裁黃偉豪指，牛熊證重貨區同現價有500點以上的距離，做即日部署可以考慮，但要擺過夜慨話距離唔足夠，依家大市波幅大，短期仍受市場上時好時壞慨消息影響，建議部署牛證慨位擺27000點位置，博大市唔再反彈慨可以睇25500點以下部署。 |
|
| 黃偉豪 |
2025-09-30T12:07 |
金礦股今早(30日)造好，紫金礦業(02899)一度大升逾8%，高見34.8元，相關慨熱門CALL唔少都變左價內，行使價介乎36元至39元，明年3月至7月到期，牛證選擇就更少，距離收回價有逾1倍距離，係咪CALL輪更值博？ 胤源世創家族辦公室(香港)第一副總裁黃偉豪指，單睇槓桿，CALL輪係比牛證吸引，始終一些熱門CALL都屬於長身，唔使擔心時間值損耗特別快。 Ravi又提醒，紫金股價始終升得唔算多，引伸波幅水平相應高左，要留意短期仲有冇衝高慨機會，同埋留意會唔會跌穿31.2元，如果冇跌穿呢些位，整體反覆向上格局就冇太大改變。 |
|
| 黃偉豪 |
2025-09-23T12:54 |
恆生指數今日(23日)反覆向下，一度挫200點，恆指好倉連續3日有資金流入，昨日(22日)流入6090萬元，5日合計有約1490萬元離場，淡倉則連續3日有資金流出，昨日流出4030萬元，5日合計仍有1.33億元資金坐貨。此外，牛證重貨區下移至25900點，25800點就最多人加倉，熊證方面，重貨區連續4日係27200點，最多人加倉係26700點。大市今朝續反覆向下，牛證重貨正正係20天線，安唔安全？ 胤源世創家族辦公室(香港)第一副總裁黃偉豪指，呢個位唔太安全，因為最近股市有調整，尤其上周升至27000點水平後，市場繼續睇好大市整體趨勢，雖然有唔少資金流走，但都有投資者嘗試補返好倉，博大市反彈。 Ravi續稱，如果補好倉，尤其係25900點水平，擺呢個位慨投資者今日入場，今日收市離場會較好，擺過夜會有風險慨。如果過夜就擺低少少，即25800點樓下，呢個位博反彈比較好。 |
|
| 黃偉豪 |
2025-09-16T11:31 |
恆生指數今早(16日)高開約90點後，一度高見26601點，之後回落。好淡倉資金方面，好倉昨日(15日)流出6260萬元，5日合計有約4.02億元離場，淡倉連續兩日流入，5日合計仲有2.94億元資金坐貨。此外，牛證重貨區上移至25900點，亦係最多人加倉慨位置，熊證重貨區係27000整點關口，最多人加倉慨位置係26700點。大市呢兩日都無咩明確方向，想入市要點部署？ 胤源世創家族辦公室(香港)第一副總裁黃偉豪指，現時整體市況仍算強，恆指短期升左咁多，有少少調整都係合理，但估計港股未來會繼續強勢，如果想逆市做淡，要小心唔好揀得太貼，熊證收回價揀26700、27000點以外會較好，因為可以避開收回風險。如果睇好大市繼續向上，建議可以留意25900點水平，如果短線企得穩，反覆上試高位慨機會都大左。 |
|
| 黃偉豪 |
2025-09-02T12:01 |
恆生指數今早(2日)低開後，走勢反覆，好淡倉資金方面，好倉昨日(1日)流出1.64億元，5日合計有約9130萬元離場，淡倉昨日轉為流入，5日合計仲有2210萬元資金坐貨。此外，牛證重貨區繼續係24700點，最多人加倉係25000點，熊證重貨區係26100點，亦係最多人加倉慨位置。雖然恆指昨日大升，但仍未破到上次頂部，牛熊證應咳點擺位？ 胤源世創家族辦公室(香港)第一副總裁黃偉豪指，依家整體市況反覆向上，建議如果要反手造淡，收回價唔好擺太貼，雖然業績期過左，但個別大型股尾升令市有些反彈，短線擺26200點水平會安全些，如果博大市延續升勢可以向上，25100及25200點都係唔錯慨選擇，若擺過夜，牛證收回價可考慮25000點樓下。 |
|
| 黃偉豪 |
2025-08-19T11:31 |
泡泡瑪特(09992)股價今日(19日)受壓，平開後曾短暫向上，但其後走勢轉差，一度挫逾4%，低見273元，之後跌幅略為收窄，集團今日會出業績，呢份成績表可唔可以支持公司慨高估值？如果睇好泡泡瑪特後市，牛證收回價應該點擺位？ 胤源世創家族辦公室(香港)第一副總裁黃偉豪指，由於泡泡瑪特股價波幅比較大，所以擺遠些會更好，股價仍然強勢，係高位等出業績就要更小心，除非業績有較大驚喜，否則，預期股價走勢會較反覆。 牛證方面，Ravi建議收回價可以擺超過260元，即20天線以上，減低收回風險。 |
|
| 黃偉豪 |
2025-08-12T12:27 |
恆生指數今早(12日)低開後，走勢反覆，好淡倉資金流方面 ，好倉昨日(11日)再轉為流出，5日合計有約6000萬元離場，淡倉昨日(11日)轉為流入，5日合計有近300萬元資金坐貨。此外，牛證重貨區繼續係24300點，最多人加倉係24600點，熊證重貨區係25300點，呢個亦係最多人加倉位置。美國再延長對華關稅暫緩期90日，今晚美國會出通脹數據，牛熊證擺位上有咩要注意？ 胤源世創家族辦公室(香港)第一副總裁黃偉豪表示，暫時睇唔到再延長「休戰期」對市場帶黎慨正面影響，相信港股短期會維持窄幅上落格局，牛熊證擺位方面，可以考慮25700及24300點以上或以下。 |
|
| 黃偉豪 |
2025-08-05T11:26 |
港股昨日(4日)反彈，恆生指數升逾200點，好倉即時食糊，有約123萬元資金流出，5日合計，有約2.45億元坐貨，淡倉資金就轉為淨流入，昨日流入約8450萬元，5日合計，有約8700萬元資金離場。 牛證重貨區集中係24300至24000點，最多人減倉係24300點，最多人加倉係是24000點。至於熊證重貨區就係25100及25300點。 好淡友都揀得比較貼，大市今早(5日)反覆牛皮，但恆指跌唔落，大市會唔會抖一抖再彈過，好淡友應該點擺位？ 胤源世創家族辦公室(香港)第一副總裁黃偉豪指，港股近期開始出現整固，都係一個正常調整，暫時都係偏向一個上落格局，擺位方面，如果坐過夜，收回價宜擺遠少少，短期支持位睇50天線，如果企得穩未必有太大下跌空間，而25200及25300點應該係下一個短期阻力，不論牛證或熊證，擺位宜係25200及25300點以上或以下。 |
|
| 黃偉豪 |
2025-07-29T11:52 |
中國人壽(02628)股價昨日(28日)已連升第8個交易日，今日(29日)終於回套，早段一度跌逾2%，低見22.6元，北水昨日仍淨買入11億元國壽，外資大行亦紛紛上調內險評級，同埋叫加注，現時好多國壽CALL都係9月底到期，槓桿約7倍，回套壓力及時間值損耗會唔會較大？ 胤源世創家族辦公室(香港)第一副總裁黃偉豪指，由於國壽呢一浸升左唔少，若大市短期走勢反覆，股價表現亦有機會較為反覆，因此，揀太短身慨CALL時間值損耗會大，如果選擇較長身慨CALL，可以減少時間值損耗。 Ravi又話，中線而言，係政策推動下，國壽股價仍有一定上望空間，如果投資者睇好國壽，建議選擇較長身慨CALL。 |
|
| 黃偉豪 |
2025-07-15T11:24 |
美團(03690)股價上周見左近10個月低位115.8元後反彈，計埋今朝(15日)暫時已連升第3個交易日，今早一度升逾3%，高見125.2元，升穿10天線。美團積弱左一段時間後，終於有好轉跡象，但外賣戰未有降溫跡象之餘，仲似乎不斷升級，依家應該追好倉定造淡？ 胤源世創家族辦公室(香港)第一副總裁黃偉豪建議投資者先觀望，由於美團股價近日跌左唔少，加上恆生指數今早升至24500點，市場會追入近日較落後慨股份，令美團股價有反彈。宏觀面而言，如果外賣戰持續，估計美團反彈幅度唔會太大，所以依家造好倉部署似乎太進取。 至於睇淡美團前景慨投資者，Ravi建議可以考慮造淡，但仍需觀望，例如股價係125至126元有阻力，宜小注部署淡倉。 |
|
| 黃偉豪 |
2025-07-08T11:57 |
百度集團(09888)慨雲業務上半年中標逾5億人仔大模型項目，穩站內地市場第1位，百度股價連升4個交易日後，今早(8日)再高開2.5%，升穿100天及250天線，其後升幅一度擴大至3.6%，高見89元，市場上不少熱門CALL行使價約105元，槓桿逾5倍，到價機會大唔大？ 胤源世創家族辦公室(香港)第一副總裁黃偉豪指，雖然距離行使價仍有約20元距離，但整體科技股上返高位慨機會唔細，到時百度都可以跟升，不過，百度始終係二線股，要到價有些難度，佢建議揀中長期CALL，又話只要股價企得穩85元水平就冇問題，而下個阻力可以睇94元水平。 |
|
| 黃偉豪 |
2025-06-26T16:11 |
國泰君安國際(01788)昨日(25日)表示，獲證監會批准將現有1號牌升級，變相可以提供虛擬資產交易服務，股份昨日成交金額高達163億元，係最活躍港股，北水淨流入近17億元，股價今日(26日)早段一度再抽升，但午後要跌，點睇今輪炒作？ 胤源世創家族辦公室(香港)第一副總裁黃偉豪指，升級1號牌後，理論上提供多一個新服務係有利公司業務發展，而虛擬資產係近期焦點，集團亦可以話係首家獲准升級1號牌慨上市中資券商，相信會有正面影響。此外，有內媒話，國泰君安有左呢個牌之後，有埋穩定幣概念，所以炒得更癲，但Ravi指，必需釐清呢兩個係唔同慨牌照，升級1號牌後只係可以提供相關服務，唔係可以自己發幣。 Ravi又認為，今次比較似炒作，雖然中長線黎講，市場對呢類業務睇法愈來愈正面，憧憬增長空間，但依家仍處於起步階段，國泰君安開展新業務後，受惠程度到底有幾大仲係未知之數，相信資金係偏向短炒。 |
|
| 黃偉豪 |
2025-06-24T11:44 |
市傳比亞迪股份(01211)以回傭形式向經銷商派錢，每部車666元人仔，預期涉及10億人仔，比亞迪股價連升2個交易日後，今朝(24日)再高開1%，其後一度升逾3%，上返10天線，回傭消息對公司有咩影響？依家應該開好倉定淡倉？ 胤源世創家族辦公室(香港)第一副總裁黃偉豪指，消息面方面，比亞迪近期有較多利淡消息，包括早前慨減價戰、「內捲」風波等，再加埋今次回傭事件，都對比亞迪盈利預期及估值有負面影響。 Ravi建議，如果投資者想博好倉，以正股跌穿100天線做止蝕會比較好，如果股價繼續彈高，下一步可留意135元至136元水平。 |
|
| 黃偉豪 |
2025-06-17T11:04 |
恆生指數昨日(16日)上返24000點，好倉連續兩日淨流入後，轉為流出，5日合計有逾2600萬元資金坐貨，淡友就積極進場，昨日淡倉有近4900萬元資金流入，5日合計有逾8300萬元資金坐貨。 牛熊證方面，淡友繼續加注收回價24100至24200點慨熊證，重貨區繼續係24500點。好友見恆指彈到24200點附近有阻力，獲利壓力都大左，重貨區繼續係23600點。大市今朝(17日)繼續冇乜方向，造好及造淡應該揀牛熊證還是CALL/PUT？ 胤源世創家族辦公室（香港）第一副總裁黃偉豪指，恆指暫時都會係現水平窄幅上落，依家主要睇住中東局勢、美國總統特朗普(Donald Trump)慨政策，同埋港股過去兩個已自低位回升左唔少，依家係一個「唔上唔落」慨格局，失熊證如果做即市部署，收回價擺距離現價200至300點，睇淡部署熊證就擺24200點，佢又話，如果過夜建議擺遠些。 |
|
| 黃偉豪 |
2025-06-10T12:15 |
港股持續造好，恆生指數企穩24200點，今朝(10日)一度迫近24300點，不過，好友揀到最貼都係同現水平相距約800點，淡友重貨區更近，係24300點，距離不足100點，如果投資者想要換馬防守，應該點部署？ 胤源世創家族辦公室(香港)第一副總裁黃偉豪指，最近大市都算強勢，慢慢迫近第1季高位。此外，近日大市成交慢慢多返，成個勢向好慨機會大左，佢建議，如果追好倉，可以揀收回價23500點，同現水平有800點以上距離，同埋係10天線以下，因為就算大市依家回調，係10天線，即23600點水平都會有支持。 不過，Ravi提醒，想部署淡倉慨投資者要小心，始終重貨區係24300點至24500點，同現水平相距約200點，未知破唔破到第1季高位24874點，但如果開坐過夜淡倉，佢建議投資者要調整擺位部署，收回價擺返係第1季高位，即25000點水平。 |
|
| 黃偉豪 |
2025-06-03T11:59 |
澳門5月賭收創逾5年新高，銀河娛樂(00027)股價近日反覆向上，已升穿幾條主要移動平均線，股價今日(3日)一度高見34.35元，依家CALL輪條款普遍唔夠100日到期，行使價40元至46元，投資者應該點部署？ 胤源世創家族辦公室(香港)第一副總裁黃偉豪指，雖然近期出爐慨賭收數據唔差，令賭股氣氛好轉，但始終升勢唔強。此外，行使價40元以上，同正股現價有些距離，佢認為，短期而言，正股上試至行使價水平，或變成價內慨機會性唔高。 Ravi補充，行使價40元至46元，唔夠100日到期慨CALL，時間損耗值快，加上近期銀娛動力減弱左，做即市部署作用唔大，佢建議先行觀望。 |
|
| 黃偉豪 |
2025-05-27T12:51 |
恆生指數今早(27日)低開後，走勢反覆，好淡友齊齊坐貨，好友普遍較貼，重貨區較現貨有400點距離，淡友都算進取，加倉揀到最貼，睇好及睇淡大市應該點部署？ 胤源世創家族辦公室(香港)第一副總裁黃偉豪指，港股暫時走勢較反覆，市場觀望美國總統特朗普(Donald Trump)慨關稅動作，例如針對歐盟慨關稅「彈出彈入」。此外，港股過去兩個月由低位反彈後，形成上落格局，冇明確方向，所以擺位都要睇返個人策略。 Ravi續指，如果想做即市部署，建議擺貼些，博兩邊發力之餘又冇大突破，如果做過夜部署，建議距離重要關口遠少少。佢又話，恆指即市支持位睇50天線，即21800水平，若好友想博牛證，收回價擺22800點以下較好，至少冇即時收回風險，如果博熊證，建議收回價擺24000點以上。 |
|
| 黃偉豪 |
2025-05-20T13:24 |
巨無霸新股寧德時代(03750)今日(20日)登場，開市報296元，較定價263元，高逾12%，其後更衝破300元關口。「寧王」今日股輪齊發，有21隻CALL輪應市，價外幅度及年期各有選擇，應該點部署？ 胤源世創家族辦公室(香港)第一副總裁黃偉豪指，如果做短線部署，可以揀較快到期，行使價唔太遠，建議投資者選擇約11月到期，行使價約300元慨CALL。 若做長線部署，由於寧德時代今日首掛，有機會出現縮窩慨情況，建議投資者等市場冷靜後，再選擇較長身及較價外慨CALL。 |
|
| 黃偉豪 |
2025-05-13T12:42 |
港股今早(13日)回套，恆生指數低開55點後，跌幅不斷擴大，一度低見23190點，瀉逾350點。牛證重貨區上移至約23200點，有872張慨相對期指部署，其中22700點係最多人加倉位置，熊證新重貨區係23700點，有近400張相對期指部署。恆指連升8個交易日後終於要回一回氣，昨日(12日)抽升逾600點，好友紛紛食糊，今朝好淡友都較進取，如果收回價距離現價約500點，合唔合適？ 胤源世創家族辦公室(香港)第一副總裁黃偉豪指，因為中美談判有好消息，整體市場睇法都比以前樂觀，從短期資金角度黎睇，好倉資金不斷流出，因為市場擔心未來仍有變數。此外，指數從上月中低位19200點升至昨日高位23600點以上，已累升約5000點，市場覺得已反映左中美關係緩和因素，後市要再升就比較難，所以做返減倉部署。 Ravi指，如果收回價距離現價約500點問題唔大，但如果擺過夜就略嫌貼價左少少，以好倉計，距離500點，都只係落返約21800點，依家恆指50天線係21800點，所以500點以外會比較好，尤其係過夜，可以考慮有800點距離。 |
|
| 黃偉豪 |
2025-05-06T12:17 |
「五一黃金周」消費數據唔錯，訪港旅客按年增長20%，金價愈升愈有，唔少內地旅客都去金舖掃金，高盛估計，金價年內可升至每盎司3700美元。周大福(01929)股價今日(6日)高開逾2%，其後升幅一度擴大至7%，高見10.9元，依家部署好倉會唔會太遲？ 獨立股評人黃偉豪指，周大福股價強勢有幾個原因，包括黃金屬於內需消費品、季節性因素例如「五一」、國際金價高企等。 但佢提醒，周大福始終係做飾金業務，金價太高未必利好下游飾金商，不過，若投資者仍睇好金價，可能會熱衷於買金或相關產品，會繼續令股價受惠。 Ravi續指，短線仍可以考慮部署好倉，但如果從正股角度考慮，建議投資者定好止蝕位，短線即市支持位係10.3元至10.4元，如果後市跌穿呢個區間，建議先行離場。 |
|
| 黃偉豪 |
2025-04-29T12:19 |
恆生指數今朝(29日)高開逾百點後，愈升愈有，一度高位22213點，升242點。牛證重貨區連續幾日係21400點，有逾800張相對期指部署，而熊證重貨區亦連日係23000點，有844張相對期指部署，當中22300點係最多人加倉慨位置，22000點及22100點貼價熊已經被收回，而牛熊重貨區係21400點及23000點已經好多日，呢兩個位置係咪都係較安全慨擺位？ 胤源世創家族辦公室(香港)第一副總裁黃偉豪指，港股暫時都係上落市為主，整體大市已經穩定返，但仍未見有好明確慨方向。 擺位方面，Ravi指，如果博大市不升反跌，收回價可以擺係23000點，原因係如果港股想挑戰23000點以上，一定要衝穿或企穩21600點慨裂口頂，所以呢個位置較安全，反觀21400點依家係100天線附近，呢個位置有較大支持，不過，一旦大市持續向下調整，21400點有一定收回風險，所以降低200至300點會比較好。 |
|
| 黃偉豪 |
2025-04-25T12:08 |
市傳內地海關豁免美國部分晶片關稅，中芯國際(00981)股價今日(25日)受壓，失守10天、20天線，係之前「黑色星期一」(7日)晶片股紛紛裂口下跌，但中芯只係用左兩日已補曬裂口，之後係下跌前水平橫行，中芯短期有冇機會出現突破？中芯CALL價外幅度介乎約30%至70%，屬於中長身，槓桿3至4倍，睇好中芯應該點部署？ 胤源世創家族辦公室(香港)第一副總裁黃偉豪指，長短身問題唔大，如果做即市部署，偏長身慨時間值損耗唔會太快，但要留意行使價距離現價比較遠，短期爆升30%以上，變成等價或價外慨機會唔大，雖然中芯只係用左兩日已補曬裂口，但成個半導體行業都係關稅戰風眼，尤其係美國政府取態對中芯都有影響，建議等股價突破或企穩50天線先再向上望，注碼上可以細注返些，博中線向上會比較好。 |
|
| 黃偉豪 |
2025-04-22T12:07 |
美團(03690)及京東集團(09618)外賣大戰升級，股價今日(22日)齊齊插水，暫時係表現最差兩隻藍籌，呢場外賣大戰似乎唔太可能係短期內「停火」，投資者應該點做部署？依家係咪可以開好倉博反彈？ 胤源世創家族辦公室(香港)第一副總裁黃偉豪指，暫時唔建議博反彈，雖然港股走勢較外圍穩定，但唔算強勢。個股方面，京東及美團負面消息較多，包括外賣競爭加劇，股價突然出現大反彈慨可能性唔大。 Ravi又話，美團走勢較弱，股價今日跌穿4月初低位，變相延伸下跌趨勢，投資者短線可以考慮追美團淡倉，若正股出現反彈，止蝕位可以擺136元水平。 |
|
| 黃偉豪 |
2025-04-15T12:15 |
港股今朝(15日)高開逾百點後，好淡爭持，恆生指數昨日(14日)再升逾500點，連升5個交易日，好倉連續5日有資金流出，合共1.9億元，淡倉昨日(14日)繼續有資金流入，5日合計，有約9300萬元坐貨。牛證重貨區係20400點，亦係最多人加倉慨位置，熊證重貨區21600點，好淡友都比較進取，重貨貼價熊已被收回，依家大市都係由消息主導，不確定性較大，投資者應該點部署？ 胤源世創家族辦公室(香港)第一副總裁黃偉豪指，除左關稅措施，暫時都未知美國總統特朗普(Donald Trump)有冇其他動作，所以市場好難有一個明確方向，所以大部分投資者都揀貼價產品，反映都係做即市部署為主，但要留意近期大市波幅都幾大，過夜慨收回風險較大，並要留意注碼，由於大市反覆，無論過唔過夜，注碼細返少少會比較合理。 Ravi又指，恆指短期支持位係100天線，即21200點水平，如果企得穩呢個水平樓上可以博反彈，進一步補返上周一(7日)大裂口。 |
|
| 黃偉豪 |
2025-04-08T11:37 |
騰訊控股(00700)今早(8日)股價一度升逾3%，高見451.2元。騰訊不太受關稅風波影響，股價在100天線，約440元上落。收回價410元至420元的牛證，槓桿12至17倍，高過活躍CALL的7至8倍槓桿，部署牛證是否較適宜？ 胤源世創家族辦公室(香港)第一副總裁黃偉豪指，投資者想博反彈的話，牛證是一個不錯的選擇。近日市況比較波動，牛證的引伸波幅風險比CALL輪低，若股價企穩100天線，投資者可以考慮收回價410元的牛證；若股價失守100天線，建議考慮先止蝕。 |
|
| 黃偉豪 |
2025-03-25T12:21 |
相隔逾4年，小米集團(01810)再度「抽水」，折讓配股集資逾420億元，配售價53.25元，較昨日(24日)收市價折讓近7%。小米股價今早(25日)低開逾5%後，跌幅一度擴大至6.5%，低見53.25元，險守配股價，依家持有小米牛熊證慨投資者，有冇收回風險？有咩其他部署值得考慮？ 胤源世創家族辦公室(香港)第一副總裁黃偉豪指，小米暫時仍可以頂住配股價，以收回價47元慨牛證為例，現價距離收回價仲有一段距離，除非失守配股價，或港股回調壓力加大，股價先會進一步下跌，依家即時收回風險唔大。 佢建議，投資者宜觀察呢兩日股價走勢，若跌穿配股價，食糊離場會較好，之再拿部分利潤部署較長身慨CALL。 |
|
| 黃偉豪 |
2025-03-18T12:05 |
藥明康德(02359)昨日(17日)收市後出左業績，股價今日(18日)一度高見76元，勁升16%，但相關衍生工具選擇唔多，反而下周二(25日)出業績，同系慨藥明生物(02269)CALL輪有較多選擇，有行使價28.8元，8倍槓桿慨末日CALL，係咪可以用黎短炒業績？還是揀返3倍槓桿，年中到期慨條款較好？ 胤源世創家族辦公室(香港)第一副總裁黃偉豪指，好倉可以揀進取些慨選擇，末日CALL都可以，因為近期強勢，可以借市場氣氛再推高股價，亦可炒業績因素。 不過，Ravi提醒，始終只有約10日就到期，時間損耗快，所以揀呢類CALL需控制注碼，小注博短線有較高回報，長期身少少慨CALL好處係時間損耗慢，但槓桿只得3倍唔算吸引。Ravi又指，對藥明生物中線睇法審慎，建議短期用以小博大策略較好。 |
|
| 黃偉豪 |
2025-03-04T11:56 |
比亞迪股份(01211)折讓約8%配股，集資逾430億元，配股價335.2元，集團指，今次配股獲全球主權基金及戰略投資者參與。不過，比亞迪股價今日(4日)顯著受壓，之後有冇機會反彈？如果想部署牛證應該點揀？ 胤源世創家族辦公室(香港)第一副總裁黃偉豪指，對比亞迪整體睇法唔會太負面，因為今次配股集資可能會用係研發方面。佢又話，本來港股市況及氣氛都較強，但集團突然大規模配股，難免影響投資氣氛，所以股價今日向下都無可厚非。 佢又話，比亞迪股價跌穿20天線，短線有機會再尋底，即使之後股價反彈，估計上升動力都唔及之前咁強，投資者可以留意收回價330元以下慨牛證。 |
|
| 黃偉豪 |
2025-02-26T17:53 |
百威亞太(01876)今日(26日)開市前出左業績，不論去年及上季都差過預期，其中，上季係去年表現最差慨一季，點解百威業績會咁差？ 胤源世創家族辦公室(香港)第一副總裁黃偉豪指，雖然百威唔係只得內地業務，東南亞地區、南韓及印度等地都有生意，但今次呢份業績的確係比內地業務拖累，不論係去年第4季或全年EBITDA慨跌幅都大過預期，表現相對好係上季股東應佔虧損收窄，但仍要蝕1600萬美元，而上季收入亦跌11%。 Ravi續指，今次盤數較曳，公司都有解畫，話主要受3個因素影響，包括內地業務去庫存、行業增長顯著放慢等。 |
|
| 黃偉豪 |
2025-02-25T11:21 |
匯豐控股(00005)業績勝預期，股價持續強勢，今早(25日)一度升1.5%，高見87.15元，之後係高位上落，暫時係10天線，即86元水平有支持，市場熱門CALL普遍約10倍槓桿，依家係咪做部署慨好時機？ 胤源世創家族辦公室(香港)第一副總裁黃偉豪指，暫時唔建議投資者做CALL輪部署，因為匯控股價係業績後已升左好多，暫時見唔到有好多新催化劑。 佢又話，如果大市出現調整，重磅股之一慨匯控好難獨善其身，所以唔值得博CALL，建議投資者等股價回落，先再考慮CALL輪或做好倉部署。 |
|
| 黃偉豪 |
2025-02-18T11:24 |
騰訊控股(00700)昨日(17日)借微信接入DeekSeek深度搜索，獲市場追捧，股價曾升至512元。今早(18日)再上試500元樓上，今次能否憧憬企穩「啡底股」水平？ 胤源世創家族辦公室(香港)第一副總裁黃偉豪指，500元是較大心理關口，雖然今日股價向上，但短線方向仍然不明朗。他建議，若能企穩500元水平，投資者可以博好倉，行使價考慮512元以上，而昨日低位485元，就作為短期止蝕位。 |
|
| 黃偉豪 |
2025-02-11T12:13 |
比亞迪股份(01211)旗下高階智駕系統「天神之眼」昨晚(10日)亮相，除車價10萬人仔級別以上汽車配備全系智駕以外，10萬人仔以下汽款都會搭載部分智駕設備及功能。有大行認為，智駕系統進一步打入大眾市場，反映競爭力提升。不過，比亞迪股價衝高後，似乎無以為繼，事實上近期升得幾急，4個交易日累升逾15%，未入場慨投資者應該點部署？應唔應該反手開淡倉？ 胤源世創家族辦公室(香港)第一副總裁黃偉豪指，唔建議反手開淡倉，雖然比亞迪股價今日(11日)輕微回調，但純粹係急升後慨調整。比亞迪推出智駕系統對業務發展有積極推動作用，加上未來有更多車款搭載智駕系統，一定對公司未來表現有利。Ravi建議，投資者可以等股價回調至約320元，再做逢低開好倉部署。 |
|
| 黃偉豪 |
2025-02-04T12:42 |
恆生指數輪證好淡倉昨日(3日)分別有190萬元及4450萬元資金流入，牛證重貨區繼續Keep住係19500點，最多人加倉貼價慨19600至19700點，熊證重貨區就集中係20300至20600點，最多人加倉係20200至20300點。大市氣氛今日(4日)明顯改善，可唔可以趁機食糊先？ 獨立股評人黃偉豪指，港股由新年到依家整體表現都幾強，以上個月慨16000點低位計，已累升約2000點，睇個勢應該仲有得升，但由於開始逼近21000呢些阻力位，可唔可以突到就要睇基本面，本來坐左好倉，已經由低位坐左上去慨好友，可以考慮食糊先，以牛證為例，如果收回價擺得較遠，食糊後可以換返近價少少慨牛證，收回價可以擺20000點以下，有700至800點距離比較好。 此外，Ravi唔建議依家做淡倉，始終暫時大市動力唔差，呢幾日成交亦偏大，如果衝唔穿21000點先再開淡倉會好些。 |
|
| 黃偉豪 |
2025-01-21T11:59 |
港交所(00388)好倉受追捧，最少連續5個交易日有資金流入，5日合計有1335萬元資金坐貨，港交所股價今朝(21日)上試50天線，一度高見297元，升逾1%。熱門慨港交所CALL都係短身，2025年5月到期，行使價350元至370元，呢個係2024年10月初高位，到價機會高唔高？ 獨立股評人黃偉豪指，踏入2025年，大市氣氛冇去年咁旺，成交亦唔多，所以股價好難上返去年10月高位，雖然今朝上試50天線，但似乎有些阻力，若突破唔到50天線，投資者可以等股價落到285元樓下，再部署好倉博反彈。 |
|