Share This

Expert Commentary

  Next page > 
All 80後投機客 Bittermelon Sammi 丁世民 中概股追擊 何民傑 何車 保險脈搏:英國保誠 劉嘉輝 劉瑛琳 區麗莊 吳啟民 吳庭琛 吳詠儀 周永俊 周顯 嘉士伯 姚俊龍 姚浩然 宏利香港 宣震 屈宏斌 岑智勇 廖立嘉 張世昌 張敏華 張智威 張競達 彭偉新 彭啟明 徐家健 徐燦傑 惠理基金 成山銀子 文德華 文慧詩 文錦輝 施俊威 春哥 曾國平 曾淵滄 朱紅 李佩珊 李偉傑 李偉賢 李峻銘 李巍 李慧芬 李浩德 李浩然 林偉雄 林嘉麒 林子傑 林家盛 林建華 林樵基 林禧彥 林賽盈 梁偉民 梁偉源 梁君馡 梁天卓 梁振輝 梁傑文 梁焯峰 梁鈞宇 植耀輝 楊松坤 歐維鈞 汪敦敬 沈家麟 沈慶洪 沈振盈 塗國彬 湯文亮 溫嘉煒 匯豐財富管理及個人銀行 潘國光 潘志明 潘志業 潘鐵珊 灝昇 熊麗萍 王冠一 王海翔 王美鳳 王良享 王華 瑞銀 甘小文 畢明 盧德芳 盧志威 盧志明 盧楚仁 盧銘恩 羅尚沛 羅明立 羅曉鳴 聶Sir 聶振邦 股中人 胡孟青 胡雪姬 英國保誠 莊志豪 莊志雄 葉佩蘭 葉尚志 葉澤恆 蔡嘉民 藺常念 蘇沛豐 許繹彬 譚智樂 財子O 費高 趙晞文 趙海珠 連敬涵 郭家耀 郭思治 郭釗 鄧澤堂 鄧聲興 鄭叻 鄭天殷 鄭家華 鄺建揚 鄺民彬 金曹 錢琛 關焯照 阮子曦 陳偉明 陳偉聰 陳大偉 陳寶枝 陳建良 陳恩因 陳欣 陳永傑 陳永陸 陳海潮 陳錦興 陳鳳珠 陸東 顏招駿 首域盈信 首源觀點 馬鐵穎 馬麗娜 馮南山 高息先生 麥嘉華 麥子麒 黃偉豪 黃嘉俊 黃國英 黃子燊 黃展威 黃志陽 黃敏碩 黃景明 黃景朋 黃澤航 黃瑋傑 黃集恩 黃麗幗 黃國英 黎偉成 黎堅輝 龍志濤 龐寶林 龔偉怡 龔成 龔方雄
Commentator Time Content Tag
黃偉豪 2022-08-09 12:21 【Now財經台】港股近排阻力都幾大,即使噚日政府宣布放寬檢疫措施,但投資氣氛都冇改善,大市噚日成交只得700幾億元,個市咁悶,部署系咪可以進取些? 中薇證券研究部執行董事黃偉豪指,港股暫時都冇乜利好消息,所以未有明顯方向,加息因素,以至內地及環球經濟前景都比較負面,加上港股正值業績期,都要等多些業績出爐,先睇到恆指可唔可以扯高些。 部署方面,佢認為短線操作會比較合適,恆指10天線會系短期阻力位,投資者可以將熊證放係10天線外,支持位睇5月低位,即19178點水平。 黃偉豪 中薇證券研究部董事 Stock
黃偉豪 2022-08-02 11:31 【Now財經台】市傳美國眾議院議長佩洛西今晚訪台,市場憂慮令台海局勢再升溫,恆指今朝一開市已失守20000關,係咁多不確定因素下,恆指會跌到邊個位?投資者做部署時系咪要更加審慎? 中薇證券研究部董事黃偉豪指,不明朗因素除左經濟衰退、內地爛尾樓風波外,最新當然系台海問題,港股短期走勢會較弱,依家已跌穿所有均線,不過,以上慨問題可以變得好快,港股走勢未必系一面倒咁淡,投資者要繼續留意事態發展,現階段恆指支持位可以睇5月低位,即19178點水平,建議博反彈慨投資者將收回價放係呢個水平以下,一旦跌穿呢些位,一定要先行止蝕。 黃偉豪 中薇證券研究部董事 Stock
黃偉豪 2022-07-26 11:39 【Now財經台】比亞迪股份(01211)深圳廠房因疫情封閉運行7日,股價近期沿10天線向下尋底,並受制於多條平均線,10天線已插穿50天線,出現死亡交叉,依家系時候入手博反彈? 中薇證券研究部董事黃偉豪指,比亞迪因為之前沖得急,近期走勢較為反覆,見到除左比亞迪,整個新能源車股板塊都系回調居多,睇返技術走勢,一些短期均線出現死亡交叉,或股價落到短期均線樓下,意味股價短線仍較反覆,暫時都好難回升,但較長均線如100天、250天線,同現水平有一段距離,反映長線睇法較正面樂觀,因此,比亞迪吼低做好倉會較好,等正股落返約270元時入手,止蝕價擺256元水平,如果之後股價唔再跌,博整固完慢慢上返300元。 Energy , BYD COMPANY , New Energy
黃偉豪 2022-07-19 13:38 【Now財經台】內地監管風波、爛尾樓事件及疫情等不明朗因素影響下,恆生指數一直上上落落,雖然上月高位見22449點左右,但呢排又不停跌,日前跌至20215點,呢個跌幅足唔足以令淡友再搏得進取些? 中薇證券研究部董事黃偉豪指,係現時恆指由上月高位到依家都跌左成2000點慨情況下,依家先沽慨話已經太遲,雖然市場有不明朗因素,如爛尾樓事件、外圍加息因素及經濟衰退憂慮等,但相信恆指短期內未必有大跌空間。 他建議,投資者即使睇淡都要留意注碼,及選擇一些收回價放係21000點及50天線以上的熊證。 黃偉豪 中薇證券研究部董事 HANG SENG BANK , Stock
黃偉豪 2022-07-05 11:26 【Now財經台】騰訊控股(00700)近日做緊回購,股價連跌幾日後今朝回穩。雖然股價同50天線仲有段距離,但系巿場仍然有資金積極吸納好倉。不過窩輪行使價都幾分化,如果想跟大隊吸納好倉,投資者應該點揀? 中薇證券研究部董事黃偉豪指,想跟大隊慨話,揀返價外輪較好,因為9至12月到期都唔算短身,時間損耗憂慮冇咁大。而且騰訊受大股東減持因素影響股價橫行,如果窩輪扯得高,回報都幾吸引。Ravi提醒,支持位係320元至325元,上到近400元會受阻力,難以升穿。 TENCENT , IT
黃偉豪 2022-06-28 13:47 【Now財經台】騰訊控股(00700)認沽證行使價介乎287至350元,槓桿率有7倍,但騰訊大股東Naspers預告會有序減持,套現做回購,依家系咪開騰訊PUT慨時機? 中薇證券研究部董事黃偉豪指,騰訊系新經濟股中反彈力度較弱慨股份,加上再傳出減持消息,估計騰訊黎緊個勢都會偏弱,雖然Naspers今次系慢慢減持,有別於以往一次過掟貨,短期大跌空間唔大,不過,Naspers始終系大股東,無可避免都會有影響,佢又認為,騰訊股價係320元會有支持。 TENCENT , IT
黃偉豪 2022-06-21 12:14 【Now財經台】雖然美團(03690)創辦人王興近日減持套現,股價最近都係200元上上落落,今朝成交活躍慨美團CALL都系較短身,約10月到期,行使價250元,槓桿4倍至5倍,牛證距離收回價18%,槓桿有5倍,似乎兩邊都可攻可守,系咪都可取? 中薇證券研究部董事黃偉豪認為,兩者條款都OK,但就要考慮到期日,尤其CALL輪比較短身,要考慮時間值損耗問題,兩者槓桿差唔多,正股近期都系一個窄幅上落格局,引伸波幅唔會扯得太高,所以揀CALL都可以。 佢又話,正股近期係高位整固,下面支持位約180元,上方如果睇得樂觀些約220元,但可能會有阻力,只要向下冇明顯打穿180元,整體下行風險未必太大。
黃偉豪 2022-06-14 12:59 【Now財經台】受美國加息憂慮及科技股拖累,恆指連跌第4日,最新失守埋20天、50天線,淡友紛紛食糊離場,恆指後市會點走? 中薇證券研究部董事黃偉豪認為,雖然港股仍受外圍經濟拖累,但表現已相對硬淨,由於跌得唔算誇張,近期有投資者博好倉,反映市場對港股後市唔系睇得太悲觀,不過,如果恆指短期企唔穩20900點或以上,有機會退守20000點水平,佢又提醒,即使恆指企得穩,係22100點水平有機會比較波動。 黃偉豪 中薇證券研究部董事 Stock , IT
黃偉豪 2022-06-07 12:15 【Now財經台】美團(03690) 今朝反覆向上,曾突破200元關口,如果睇好美團反彈,有一批7月初到期慨短身CALL,行使價220元水平,即之前慨平台區,睇返依家正股慨升勢,值唔值博? 中薇證券研究部董事黃偉豪指,如果依家入場都博得過,但要控制注碼,美團股價近日較強,加上業績比預期理想,估計下一步會向上挑戰250天線。 Ravi又話,美團短線已經升左唔少,個窩扯高左少少,如果部署短身CALL,必須控制注碼,宜小注及揀貼些,佢又提醒,一旦美團掉頭向下,跌穿190元水平,做短線操作慨資者應先行止蝕離場。
黃偉豪 2022-05-31 12:30 【Now財經台】今日系港股係「5窮月」最後一個交易日,近期大市氣氛似乎因內地推出振興經濟政策有改善,加上今朝出爐慨內地PMI數據,都可以成為短期催化劑,如果想部署好倉,短線目標應該點擺? 中薇證券研究部董事黃偉豪話,港股係5月下半個月走勢好轉,原因系近1個星期,市場預期聯儲局會放慢加息步伐,9月甚至可能暫停加息,另一方面,憧憬內地會繼續出招谷經濟,估計港股係6月初有條件再彈高。 Ravi又話,如果睇技術走勢,恆指暫時仍守得住50天線,短線目標可以擺係21200至21400點,一旦再跌穿50天線,21500點會系短期關鍵位。 黃偉豪 中薇證券研究部董事 Stock
黃偉豪 2022-05-24 13:37 【Now財經台】港股近期都系上落格局,暫時未有重大利好慨催化劑,依家系咪適合做19000至21500點慨區間部署? 中薇證券研究部董事黃偉豪指,港股暫時係波幅偏大慨區間,負面消息都系擔心美股波動、通脹、加息及內地疫情,經濟系有下行風險,至於正面消息系內地政策令市場有憧憬,算系好淡因素並存慨局面,導致股市近期Chok上Chok落。 Ravi又話,20天線系中軸位,如果企到20天線樓上,可能會彈高些,初步阻力系21000點邊緣,如果擺21500點樓上會安全些,一旦跌穿20天線,今個月暫時低位19100點會有支持,收回價擺19100點水平仍算安全。 黃偉豪 中薇證券研究部董事 Stock , US Stock
黃偉豪 2022-05-17 11:43 【Now財經台】京東集團(09618)就快出業績,股價近期都幾波動,近呢個星期已升穿所有移動平均線,雖然股價今朝都有得升,但市場都睇淡京東季績,如果想做業績部署,呢個時候開淡倉值唔值博? 中薇證券研究部董事黃偉豪指,京東業績都預左唔會太好,所以見到即市系比較審慎,佢又話,唔太建議績前做淡倉部署,因為都有些賭博心態,由於市場對京東業績睇得較淡,如果最終出黎冇咁差,就可以解讀為好過預期,到時有可能掉頭挾返上去,所以不如等出左業績後先再做部署。
黃偉豪 2022-05-10 14:08 【Now財經台】恆指上星期收市險守20000點關口,長假返黎即刻下試低位,一度跌穿19200點,本身博反彈慨投資者系咪要退守? 中薇證券研究部董事黃偉豪指,恆指跌幅有機會收窄,今朝入場博反彈慨好友,短線有機會獲利。不過,由於整體市況未穩,外圍又Chok,A股、人仔偏軟,利好因素唔多,如果想楂耐些,風險會比較大。如果真系想博反彈,呢個操作較適合較靈活、轉身較快慨投資者。 Ravi又指,如果今日收市前可以企係上月尾低位,即19665點以上水平,恆指有機會上返20000點水平,否則,就要下試3月中低位。 黃偉豪 中薇證券研究部董事 Stock
黃偉豪 2022-05-03 14:11 【Now財經台】雖然中國平安(02318)首季淨利潤跌24%,但股價今朝反覆向上,最受歡迎慨平保CALL,行使價主要係60元樓上,距離現價約10元,但其實呢個價位系3月初慨股價水平,都做到7倍至逾8倍槓桿,市場近期都認為內險最壞時間已經過左,對好友黎講,平保CALL系咪一個唔錯慨選擇? 中薇證券研究部董事黃偉豪相信,因為內險股上季表現較差,加上又冇「開門紅」,所以今季業績可以睇得樂觀些,業務上會有返一個偏穩定慨增長,而佢對A股後市都睇得比較樂觀。佢又話,平保股價初步已上返10天線,如果想試試,可以吼55元水平慨價位,但要CALL輪價變返等價就有難度,如果升到55元、56元就再升唔起,可以考慮先食糊。 PING AN
黃偉豪 2022-04-26 11:23 【Now財經台】有數據顯示,全球首季智能手機出貨量錄得疫情以來最大跌腷,拖累相關板塊噚日急挫,當中包括舜宇光學(02382),手機相關股近期都弱勢,如想用CALL輪博反彈,成交最活躍慨CALL價外逾20%至30%,但槓桿只得3至4倍,條款似乎都唔太吸引。 中薇證券研究部董事黃偉豪指,的確系唔太吸引,除考慮條款外,仲要睇返整個行業及舜宇本身,係手機設備股中,舜宇系相對理想慨選擇,但始終成個板塊慨基本面都唔系咁理想,而睇返舜宇業績,增長系非常慢,所以估值有幾大下跌壓力,雖然股價跌左咁多,有反彈系唔出奇,但CALL輪條款唔吸引,槓桿只得幾倍,都唔系咁值博。 SUNNY OPTICAL
黃偉豪 2022-04-19 11:48 【Now財經台】比亞迪股份(01211)噚日發盈喜,但股價對盈喜都無反應,值唔值得用CALL部署佢向上突破? 中薇證券研究部董事黃偉豪指,比亞迪算系正面消息多慨一只電動車股,股價對盈喜冇反應,可能系因為市場本身對盈喜有預期,因為頭三季比亞迪公布慨數據,包括產銷量按年增長翻左成倍,所以都唔會預那業績差。而復產會唔會對汽車板塊估值有上調空間,可能要望多一、巫兩個月慨數據。 Ravi話,博CALL方向合理,但未必會即時向上升,揀短身要小心現階段那窩會縮低,仲要小心蝕埋時間值,揀CALL就要留意呢兩個因素。 Results , BYD COMPANY , Earnings
黃偉豪 2022-04-12 12:10 【Now財經台】相隔8個月,內地再復批游戲版號,合共有45只游戲獲批,雖然騰訊控股(00700)及網易(09999)冇份,但摩根士丹利及高盛相信,行業監管最嚴慨階段已經過去,騰訊股價今朝一度升逾5%,高見372.6元,如果睇好政策放寬利好手游股,短線換馬系咪可以進取些,例如揀最少價外10%以上,今年6月到期,槓桿有10倍或以上? 中薇證券研究部董事黃偉豪指,其實唔太建議咁進取,雖然今日整個游戲板塊都有利好消息,但主要系短暫刺激,到底未來系咪會繼續批游戲版號,仲系未知之數,騰訊今次冇份,但股價照升,相信只系借勢夾上,因此,如果揀6月到期慨CALL,博短期升上400元樓上會有難度,佢建議到期日可以揀遠少少。 TENCENT , Sachs , IT
黃偉豪 2022-03-29 11:36 【Now財經台】港股業績期已經黎到尾聲,恆指今季暫時累跌逾7%,展望第2季,恆指有冇機會扭轉弱勢?下月底本港慨社交距離措施有機會放寬,會唔會成為港股慨催化劑? 中薇證券研究部董事黃偉豪指,港股後市有機會逐步樂觀返少少,但未必系一個大升格局,因為後市要留意慨因素都唔少,例如俄烏戰事未明朗,以及聯儲局5月加息縮表等事件,不過,部分事件系有好轉,例如本港疫情高峰似乎已過。Ravi又話,如果恆指短期仍可企穩21650點以上,相信反彈可以持續。 黃偉豪 中薇證券研究部董事 Stock
黃偉豪 2022-03-08 11:37 【Now財經台】港股噚日一度瀉逾千點,好友繼續加注,噚日流入金額大增近2億元,5日合計,有逾4.3億元資金坐貨,淡友亦繼續大舉食糊離場,噚日流出2.1億元,5日合計,流出逾3.7億元。港股今朝反彈,但幅度遠遠不及噚日慨跌幅,系咪只系技術性反彈? 中薇證券研究部董事黃偉豪指,港股近日都跌得急,跌幅亦唔小,出現超跌後反彈系唔出奇,後市始終都系返俄烏局勢,恆指今朝高位同噚日高位差唔多,而對上有個較大慨下跌裂口,估計短期都系以向下為主,好大機會下試更低水平。 黃偉豪 中薇證券研究部董事 Stock , HK Cap Flow , Capital Flow
黃偉豪 2022-03-01 11:24 【Now財經台】美團(03690)持續弱勢,股價2月累跌逾20%,噚日見過年半低位165.3元,美團落到呢個水平系咪時候開好倉?開CALL系咪好過牛證? 中薇證券研究部董事黃偉豪指,美團近日走勢定返些,係165元至170元打緊底,但反彈力度及誘因似乎唔大,同埋美團都同大市走勢掛鉤,佢認為,美團股價暫時好難大升,但如果覺得跌得多想博反彈都無妨,至於揀CALL還是牛證,佢就話後者比較好,
黃偉豪 2022-02-22 12:49 【Now財經台】俄烏地緣局勢緊張,石油作為避險三寶之一,帶動石油石化股造好。中國海洋石油(00883)今年累升近26%,仲值唔值得開好倉,開返牛證系咪好些? 中薇證券研究部董事黃偉豪表示,中海油股價主要跟油價走,依家油價係地緣政局影響下,的確有反覆向上慨空間,但唔排除政局回穩後,油價會出現調整。 Ravi提醒,雖然中海油係高位可以睇好,但要留意回調波動,部署好倉方面,揀CALL輪慨引伸波幅較高,入場成本較大,所以相對上揀牛證較值博,並建議收回價揀遠些,9.2元水平,如果守得住20天線,再向下慨調整風險唔明顯。 Oil , CNOOC
黃偉豪 2022-02-08 13:07 【Now財經台】市場憂慮阿里巴巴(09988)配股,噚日阿里跌5%,系表現最差藍籌,今日市場推測軟銀集團可能出售阿里持股,如果手持阿里正股,開PUT對沖正股虧損,今朝成交活躍慨熊證,距離收回價逾10%,槓桿介乎5至7倍,操作上有冇問題? 中薇證券研究部董事黃偉豪指,除左困擾左好耐慨監管問題,阿里最新申請增發ADS,都令阿里短期有較多負面消息,係減持陰霾下,股價向下慨機會較大,不過,投資者唔使急於開淡倉,因為阿里股價過去兩日跌左唔少,值博率唔系太高,如果想彌補返正股損失, ALIBABA , IPO , IT
黃偉豪 2022-01-25 12:04 【Now財經台】阿里巴巴(09988)噚日跌穿120元後,今日一度低見115.9元,如果再追沽阿里,行使價放係98.8元,15%價外,6月到期,有4倍槓桿,系咪太進取? 中薇證券研究部董事黃偉豪指,阿里或其他科技股近日再回調,走勢仍然較反覆及偏弱,由於監管陰霾仲未消退,科技股好難大升,加上呢類股份對大市敏感度較高,美股動蕩及投資氣氛審慎,都會拖累科技股走勢。 Ravi補充,上述條款6月到期未必太短身,時間值損耗唔算好快,雖然行使價有些遠,如果短線上唔返20天線,有可能會慢慢跌落110元水平,所以淡倉止蝕位擺係20天線,若升穿122元,可考慮止蝕離場。 IT , ALIBABA , US Stock
黃偉豪 2022-01-18 11:49 【Now財經台】恆指連跌兩日,噚日更一度跌穿24200點,大市今朝高開56點後,反覆向上,升幅好快擴大至逾160點,之後升幅收窄,截至10時30分,窩輪成交45億元,占大市成交12%,牛熊證成交52億元,占大市成交14%。恆指要收復100天線,即24600點水平慨機會有幾大? 中薇證券研究部董事黃偉豪指,港股暫時走勢仍然唔錯,50天線都企得幾穩,只要短線可以企穩50天線樓上,就有機會持續反彈,甚至上試100天線水平,不過,要出現突破就要睇埋內房慨問題解唔解決到,但短期係資金面增加下,港股仍有繼續反彈慨條件。 黃偉豪 中薇證券研究部董事 Stock , China Real Estate
黃偉豪 2022-01-04 11:42 【Now財經台】美團(03690)近期比較弱勢,今朝低開後一度短暫倒升,之後再轉弱,仲插穿10天線,曾險守220元。美團成交活躍慨CALL都系短身,3月、4月就到期,大部分系270元水平,但美團近期咁弱勢,呢些短身CALL會唔會太進取? 中薇證券研究部董事黃偉豪指,雖然槓桿比率較高,但美團慨上升憧憬唔系咁大,始終新經濟股仲未擺脫到舊年慨弱勢,短期內出現明顯上升趨勢機會唔大,加上美團股價最近都低過平均線,後市有機會再尋底,依家買CALL慨值博率好低。
黃偉豪 2021-12-28 11:48 【Now財經台】世茂服務(00873)表示,為增強市場信心,未來半年唔會配售新股,世服股價今朝高開逾3%後,升幅一度擴大升逾6%,高見6.13元。 如果睇好世服股價短期可重拾上升動力,不過,想開好倉只有少量極價外CALL可以揀,距離現價約60%,行使價去到最少上月初15元水平,開CALL又值唔值博? 中薇證券研究部董事黃偉豪指,依家好難估計世服會有明顯上升勢頭,所以開CALL唔值博,佢又預期,正股升到20天線,即7元水平會遇到幾大阻力。 IPO , IPO , SHIMAO SERVICES
黃偉豪 2021-12-07 12:09 【Now財經台】阿里巴巴(BABA)噚晚係美股升超過10%,阿里巴巴(09988)噚日係港股破底後,今朝跟外圍反彈,高開逾8%,一直企穩係120元樓上,好唔好趁阿里反彈追好倉? 有貨慨好友應該點部署? 中薇證券研究部董事黃偉豪指,暫時好難判斷阿里呢一彈系咪短暫反彈,依家股價仍然係所有移動平均線樓下,島形排列形態冇變,佢建議現時有貨慨好友可局部食糊,淨返慨貨可以等股價上試10天線。至於冇貨就唔適宜依家追入,等股價企穩10天線,形態扭轉後會比較值博。 Stock , ALIBABA , US Stock , IT
黃偉豪 2021-11-23 12:44 【Now財經台】港股連跌4日後,恆指今朝低開262點,但牛熊證街貨方面,好淡友擺位同樣進取,牛證重貨區維持係24400點,熊證重貨區維持係26000點,好友淡友擺位上系咪太進取? 中薇證券研究部董事黃偉豪指,暫時整個市場都偏弱,恆指暫時今個月月內高低位波幅比較窄,得1200點左右,唔排除月底前波幅會稍微增加,如果擺位太貼近10月24481點慨低位,隨時有收回風險,除非玩即日鮮,如果唔系,放過夜要小心。 黃偉豪 中薇證券研究部董事 Stock
黃偉豪 2021-11-16 12:57 【NOW財經台】港股連升6個交易日,恆指今朝突破20天線,現時升逾200點,再上望及企穩26000點慨機會大唔大? 中薇證券研究部董事黃偉豪指,恆指如果可以企穩20天線樓上,好大機會進一步挑戰100天線,即26000點水平,加上26000點水平系上月底形成島形頂慨裂口頂位,大市有機會借勢補埋個裂口。 不過,佢認為,恆指要再上,要視乎係26000點水平慨動力,如果到時可以破位而上,係衍生工具市場方面,可以考慮做一個補倉部署。 黃偉豪 中薇證券研究部董事 Stock
黃偉豪 2021-11-09 12:06 【Now財經台】港股近期悶局,走勢向下,恆指落到25000點樓下,市況大概要等幾耐才走出橫行格局? 中薇證券研究部董事黃偉豪指,雖然最近港股走勢較悶,消息面亦有不明朗因素,但監管及內房等因素都冇進一步轉差,而港股市盈率(PE)暫時得10倍,處於歷史較平水平,市況冇乜下跌誘因,但亦沒有大升動力。 過去幾日,港股日均成交金額得1100億至1200億,欠缺新資金流入,相信短期內港股會係現有水平拉鋸,要留意消息面有冇突破,或者成交金額有冇增加。 黃偉豪 中薇證券研究部董事 Stock , HK Cap Flow , China Real Estate , Capital Flow
黃偉豪 2021-11-02 13:59 【Now財經台】「雙十一」電商旺季利好嗶哩嗶哩(09626)(B站)股價,B站會係11月17日出Q3業績,如果依家做部署,揀短身輪系咪合適?最短身今個月到期慨輪都有10倍槓桿,但長身少少慨槓桿只有2倍至4倍。 中薇證券研究部董事黃偉豪認為,炒嗶哩嗶哩(09626)業績值博率唔大,因為內地監管十分嚴,好似B站呢些視頻平台有被打壓慨趨勢,預期增長會放緩。B站窩輪方面,佢建議揀長身些較好,因為B站業績短線唔知有冇大炒作。
黃偉豪 2021-10-12 12:30 【Now財經台】恆指噚日收市升487點,淡倉連續第3日錄得淨流入,金額約1.62億元,5日合計有4.18億元坐貨,恆指今朝一度跌400幾點,但之後跌幅收窄,淡友擺位上應該點部署? 中薇證券研究部董事黃偉豪指,近排市況比較反覆,波幅亦唔細,加上未來幾日可能受打風、假期等因素影響,港股裂口高開低收都唔出奇。 Ravi建議投資者擺位上,最少距離現水平約1000點,雖然50天線短期仲頂住,不過,一旦升穿50天線,恆指有機會慢慢上返26000點樓上。 黃偉豪 中薇證券研究部董事 Stock , HK Cap Flow
黃偉豪 2021-10-05 12:36 【Now財經台】阿里巴巴(09988)香港股價不斷穿底,美國股價亦跌到近3年低位,噚日阿里好倉5日合計有4100萬元資金坐貨,仲多過恆指,但阿里股價表現咁差,部署好倉、正股仲有幾大值博率? 中薇證券研究部董事黃偉豪坦言,值博率唔高,因為阿里係ATMXJ入面表現最差,即使同樣連日受壓慨騰訊控股(00700)或美團(03690),都冇明顯跌穿近日低位,反觀阿里就不斷穿底,由於未有明顯轉勢跡象,所以轉身一定要快,尤其博好倉慨投資者,若阿里股價持續尋底,宜先止蝕離場。 Stock , TENCENT , ALIBABA , IT
黃偉豪 2021-09-28 12:54 【Now財經台】恆指上日收市微升16點,好友上日流出金額得37萬,但5日計,仲有2億600萬資金坐緊貨。淡友上日就淨流入,金額都系得5700萬,而5日合計,就有7200萬資金流出左。好友呢兩日流入流出慨資金明顯減少,聽日就冇北水同期結,後市會點樣發展呢? 中薇證券研究部董事黃偉豪指,依家市場炒緊監管同內房債務問題等消息,市況暫時冇利好催化,個市即使反彈,彈力都有限,所以好友唔敢太進取買入,加上黎緊「十一黃金周」長假期,北水會停。對上幾次係冇北水慨情況下,市場波動性反而會變大,因為細成交容易推動大市,而今次後市會點發展就難以估計。 黃偉豪 中薇證券研究部董事 China Real Estate , Gold , Capital Flow , Stock
黃偉豪 2021-09-21 13:37 【Now財經台】恆指噚日曾插過千點,收市跌821點,上返24000點,聽日系中秋節假期休市,聯儲局今晚會展開一連兩日慨議息會議,北水星期四就會返黎,係咁多因素夾擊下,好友、淡友系咪都唔好咁進取,應該先食糊或換馬遠價牛熊證? 中薇證券研究部董事黃偉豪指,假期間好多變數,例如聯儲局議息等,佢同意唔應該太進取,如果熊證已經有唔錯慨利潤,放假前食糊會好些,等放完假再部署,如果想食完糊再開倉,建議揀返較遠價慨牛熊證。 黃偉豪 中薇證券研究部董事 Stock
黃偉豪 2021-09-14 13:25 【Now財經台】恆指今日走勢反覆,係50天線遇阻後,大市冇明顯方向,噚日開左熊證慨投資者,系咪應該趁大市跌先行食糊? 中薇證券研究部董事黃偉豪指,港股依家處於反覆格局,恆指近排兩度去到26500點樓上就有阻力,相信同投資者擔心監管風暴有關,而係唔同板塊受影響下,港股較難出現大突破,但又未至於要落返之前兩次慨低位。 Ravi建議,噚日係高位做左熊證部署慨投資者,可以留意恆指今日守唔守得住20天線,如果守得住,短線可以考慮食糊,一旦守唔住,可以進取些望低少少先食糊。 黃偉豪 中薇證券研究部董事 Stock
黃偉豪 2021-09-07 12:08 【Now財經台】港股似乎有靠穩跡象,收回價24500點慨遠價牛證,系咪可以考慮換返近些,例如25500點,甚至更貼。 中薇證券研究部董事黃偉豪指,呢個都可以考慮,港股短期應該仲有些彈力,其中一個原因系近一個星期,大市氣氛比對上兩個月好,尤其對新經濟股慨監管憂慮冇之前咁大, 睇到相關股份慨沽壓都冇咁大,其次系成個市寬系闊左,同埋呢轉成交相比對上兩次,即系7月及8月見25000點樓下彈上黎那浸,呢一刻慨動力系強些,只要恆指守得住20天線,即25800點,可上望26600至26800點水平,如果楂住遠價牛證,可以考慮換較近慨牛證。 黃偉豪 中薇證券研究部董事 Stock
黃偉豪 2021-08-31 14:24 【Now財經台】港股係期指結算後又跌過,大市已連跌3個月,但監管風暴持續,港股後市似乎仍然唔樂觀。如果認為港股大跌機會唔大,揀牛熊證系咪比較合適?以1000點作擺位參考夠唔夠安全? 中薇證券研究所董事黃偉豪指,係內地監管消息及美國「收水」夾擊下,港股短期內好難轉勢,雖然成個勢系偏弱,但部分股份跌幅已經冇早兩、三個月咁誇張,短期內未必會跌穿今個月慨低位。Ravi預期,港股暫時會係低位窄幅徘徊,所以揀牛熊證比較好。 黃偉豪 中薇證券研究部董事 Stock
黃偉豪 2021-08-24 11:27 【Now財經台】今朝牛熊證街貨比例64%對36%,牛證重貨區上移到最貼慨24500點,熊證繼續擺得好散,最貼慨25700點連續兩日有加倉。投資者對後市信心都比較薄弱,視大市反彈系「逃生門」,逢高就造淡,系咪始終上方阻力重重? 中薇證券研究部董事黃偉豪指,暫時要博好倉都系短線反彈為主,呢排都出現一個情況,就系大市彈高後,升幅好快就大幅返窄,始終各國「收水」、內地監管都唔明朗,限制左港股向上慨動力。 Ravi又話,短期想判斷大市有冇力彈多些,就要睇企唔企得穩20天線,暫時好倉部署都系用20天線做目標。 黃偉豪 中薇證券研究部董事 Stock
黃偉豪 2021-08-17 12:41 【Now財經台】牛熊證街貨比例拉闊至63%對37%,牛證重貨區繼續係25900點,熊證重貨區就係27100點,而且持續減倉。好淡友都擺貼左,好友更擺得太危險,依家揀PUT輪系咪好過熊證? 中薇證券研究部董事黃偉豪指,如果愈來愈多好淡友擺咁貼慨倉,可能會向上殺熊證或向下殺近慨牛證,淡友一系揀收回價遠些慨熊證,一系就揀PUT,就唔使擔心收回風險。 Ravi又指,依家市況反覆偏「立」,如果大市波幅擴大時,揀PUT又揀岩方向,就可以享受波幅扯高慨優勢,所以依家淡倉PUT慨值博空間比熊證大。 黃偉豪 中薇證券研究部董事
黃偉豪 2021-08-10 12:37 【Now財經台】港股近日走勢反覆,恆指都系維持區間上落格局,未有明顯方向,投資者應該點部署? 中薇證券研究部董事黃偉豪指,近期慨市況都系一有消息出現,變化就比較大,所以輪證等衍生工具部署,都傾向做短期操作。佢又話,如果恆指出現小幅反彈,可以睇下突唔突破及企得穩26500點,如果突破唔到,相信會繼續反覆拉鋸,如果想部署牛證,黃偉豪建議等大市跌穿25500點先部署。 黃偉豪 中薇證券研究部董事 Stock
黃偉豪 2021-07-20 13:54 【Now財經台】疫情升溫,市場憂慮會拖累經濟復蘇,納指連跌5日,依家部署納指CALL輪博反彈系咪合適時機?納指短期走勢又系點? 中薇證券研究部董事黃偉豪建議投資者指,根據舊年疫情市況,科技股、新經濟股的確有優勢,大幅推升納指,但今次除左有DELTA肆虐,美國甚至全球都開始「收水」步伐,都會影響科技股同增長股,所以投資者應該睇定些先部署。 RAVI又指,納指係14800點附近出現阻力,噚日就跌穿埋14400點,短期內有可能下試14000點水平,投資者最好等納指升返上14400點再考慮博唔博納指CALL或反彈。 黃偉豪 中薇證券研究部董事 IT , US Stock
黃偉豪 2021-07-13 12:08 【Now財經台】藥明生物(02269)今日唔跟大市升,暫時跌超過1%,落到去133元水平。如果睇返圖表,藥明慨升勢仲係到,之前股價急挫開CALL已經有賺,到底需唔需要止賺? 中薇證券研究部董事黃偉豪認為,可以繼續楂藥明CALL,如果係低位撈左貨,帳面已經有一定利潤,加上冇咁快到期,正股急挫後,慢慢上返10天、20天線,暫時慨部署應該系正股止賺,CALL輪就可以望高少少。 Ravi建議,正股止賺定係130元邊緣,跌穿先考慮CALL離場或食糊,上望就系近期高位148元,接近行使價150元。 Bio , WUXI BIO
黃偉豪 2021-07-06 12:44 【Now財經台】港股持續弱勢,大市今朝輕微低開後,跌幅一度擴大至逾200點,失守28000,暫時連跌6日。好友連續5日入場,單日流入逾7500萬元,5日合計有逾4.6億資金坐貨。內地新一輪監管風暴殺到,近期大部分科網股都要捱沽,科指已連跌5日,短期似乎都好難扭轉劣勢? 中薇證券研究部董事黃偉豪Ravi指,勢頭系較審慎,雖然個別科網股有反彈,但彈力唔系特別強,如果監管政策進一步加辣,一定殃及科網股盈利及股價,呢個板塊短期前景唔系太樂觀。Ravi又話,科指持續弱勢,想博反彈可以... 黃偉豪 中薇證券研究部董事 HK Cap Flow , Stock , Capital Flow
黃偉豪 2021-06-29 12:04 【Now財經台】安踏體育(02020)上日升逾5%後,今朝低開超過1%,其後跌幅擴大。雖然業績前股價回套,但相信東京奧運開幕後會帶動體育用品股。有投資者持有下年到期、槓桿有3倍幾、行使價近190元慨CALL輪,應該換馬揀200元樓上慨CALL,定坐多陣貨睇定些先? 中薇證券研究部董事黃偉豪指,因為行使價同現價185元差距唔大,可能有「等價」或「價內」情況,應該睇定才換馬。加上安踏走勢偏強,除左有東京奧運因素,安踏最近發盈喜,顯示股價短線仲有得升,但持續上升空間唔大,到咁上下就會有調整,CALL輪只可以搏等價短線食糊,再決定部署。 Results , ANTA SPORTS , Earnings , Sport
黃偉豪 2021-06-22 12:03 【Now財經台】近期港交所(00388)股價同大市一樣咁悶,黎緊有唔少新股登場,可唔可以激活返成交,繼而推高港交所股價,再部署CALL輪、牛證? 中薇證券研究部董事黃偉豪認為,炒新股對港交所股價推動未必太大,其實之前都有時代天使(06699)呢類人氣爆燈慨旺財新股,但港交所股價仍然冇力升。Ravi又指,其實港交所系受整個市況氣氛影響,近期表現比幾個月前弱,佢估計,港交所股價短期仍會維持區間上落格局。 Ravi建議,港交所股價橫行左咁耐,CALL慨值博率系高些,起碼個窩都縮返細少少,不過,如果正股跌穿450元水平,就應該先止蝕。 HKEX , IPO , IPO , ANGELALIGN
黃偉豪 2021-06-15 12:25 【Now財經台】小米集團(01810)近日同比亞迪股份(01211)傾合作造車,雖然有利好消息,但都幫唔到小米股價。依家部分成交活躍慨小米牛證,收回價26元以上,有10幾倍槓桿。小米CALL方面,8月到期那批,有約10倍槓桿,投資者應該點揀好? 中薇證券研究部董事黃偉豪認為,小米短期上沖動力唔強,合作造車消息出左後,市場反而擔心小米慨燒錢問題,佢又話,小米主業仍然系賣手機,短期如果冇新消息,股值好難大升。 BYD COMPANY
黃偉豪 2021-06-08 11:22 【Now財經台】騰訊控股(00700)今朝高開近1%,其後曾短暫倒跌,雖然之後升返,但都唔系好有力,最新係600元水平上落,成交活躍慨騰訊CALL,行使價介乎650至680元,8月至12月到期。 中薇證券研究部董事黃偉豪指,如果揀一些比較進取慨CALL輪,擺少些資金落去會好些,一旦博錯邊虧損都唔會咁大。至於騰訊正股股價,短線都應該系區間上落,650元水平應該系一個阻力,582元、583元應該系一個支持位,暫時博CALL輪系可以,如果突破唔到650元,可以考慮食糊先。 TENCENT , IT
黃偉豪 2021-06-01 11:16 【Now財經台】港股連續幾個交易日都上試29200點,但始終企唔穩,踏入6月投資者應該點部署? 中薇證券研究部董事黃偉豪指,港股近日係29100至29200點拉鋸,但整體市況係5月冇「窮」到之後,所以暫時對6月上旬市況系傾向樂觀,主要系大市成交明顯增加,而好多板塊都有唔同慨炒作,市寬較之前集中係一兩個板塊多返些,只要呢些因素冇太大改變,大市有機會挑戰29400點,如果突破到,更有機會進一步上試29800點。 Ravi又話,投資者不論部署CALL、PUT輪或牛熊證,係好倉方面黎計,短期可以用100天線做止蝕位。 黃偉豪 中薇證券研究部董事 Stock
黃偉豪 2021-05-25 12:23 【Now財經台】「五窮月」、季績期接近尾聲,期指結算日亦將至,恆指今個月暫時跌不足100點,過去2個月恆指都係27500至29500點區間橫行,大市係月尾會唔會有方向? 中薇證券研究部董事黃偉豪指,大市近期成交唔算多,亦冇咩方向可言,Ravi認為,恆指一日未跌穿27500點水平,淡友都唔適宜下試得太深,加上近期向上突破意欲唔大,好友要見到28700點出現突破後,再上望29500點橫行區間頂部。Ravi估計,港股現階段繼續系上落市,暫時見唔到估值大慨股份大幅調整,後市要留意通脹、公司抽水情況,唔排除要等到6月中下旬先有機會出現明顯突破。 黃偉豪 中薇證券研究部董事 Stock
  Next page > 

Mobile | Full
Forum rule | About Us | Contact Info | Terms & Conditions | Privacy Statment | Disclaimer | Site Map
Copyright (C) 2022Suntek Computer Systems Limited. All rights reserved
Disclaimer : In the preparation of this website, 88iv endeavours to offer the most current, correct and clearly expressed information to the public. Nevertheless, inadvertent errors in information and in software may occur. In particular but without limiting anything here, 88iv disclaims any responsibility and accepts no liability (whether in tort, contract or otherwise) for any direct or indirect loss or damage arising from any inaccuracies, omissions or typographical errors that may be contained in this website. 88iv also does not warrant the accuracy, completeness, timeliness or fitness for purpose of the information contained in this website.