| Commentator |
Time |
Content |
Tag |
| 梁偉源 |
2022-01-28 14:46 |
【Now財經台】截至早上11時，1小時內《彭博》用戶關注度上升最多慨港股依次為華虹半導體(01347)、合生創展(00754)、比亞迪股份(01211)、華潤置地(01109)及弘陽地產(01996)。 華虹半導體中午公布去年第四季業績，按指引計返，第四季毛利率應該會維持到27%至28%。不過，半日華虹最多跌超過10%，系咪反映有暗湧？ 大華繼顯執行董事梁偉源指，華虹第四季業績會同指引相約，但大巿慨氣氛較差，唔少公司盈喜後都遇沽壓，加上近期美國科技股沽壓大，出現不少技術性沽盤，導致華虹今朝跌穿38元水平。 |
Results , Stock , CHINA RES LAND , BYD COMPANY , Earnings |
| 梁偉源 |
2022-01-21 14:58 |
【Now財經台】截至早上11時，1小時內《彭博》用戶關注度上升最多慨港股依次為，友邦保險(01299)、碧桂園(02007)、新世界發展(00017)、龍湖集團(00960)及建設銀行(00939)。 銀行、保險股近日開始回落，反而友邦股價就連日轉強，唔少投資者都有糊食，依家高追、加注值唔值博？ 大華繼顯執行董事梁偉源指，隨著美國加息，匯豐控股(00005)、宏利金融(00945)等舊年年尾已升穿高位，所以投資者傾向揀一些相對落後慨股份，其中友邦系受惠於美國加息慨股份，所以吸引資金流入。不過，友邦今日開巿後明顯回落，反映投資者獲利回套，升勢未必持久。 Steven又建議，銀行或保險股可以繼續楂住，睇下美國3月系咪加息先再做部署。 |
HSBC HOLDINGS , NEW WORLD DEV , HK Cap Flow , Stock , CCB |
| 梁偉源 |
2022-01-14 18:11 |
【Now財經台】截至早上11點，1小時內《彭博》用戶關注度上升最多的港股，依次為石藥集團(01093)、龍光集團(03380)、建設銀行(00939)、華虹半導體(01347)及中國信達(01359)。 中國信達突然宣布退出斥資60億元增資螞蟻慨計劃，由宣布入股到退股唔夠1個月，系咪反映當中有潛在政策風險？ 大華繼顯執行董事梁偉源指，中國信達有央企背景，巿場原本都睇好發展，加上螞蟻監管告一段落，股價一度升上1.6元。不過入股計劃取消後，信達立即打回原型，反映螞蟻監管未完成。Steven又話，信達股價現時跌到跳升前水平，而且本身價位低，相信唔會跌穿1.3元。 |
Stock , CCB , CSPC PHARMA , CHINA CINDA , LOGAN GROUP |
| 梁偉源 |
2022-01-07 13:23 |
【Now財經台】截至早上11時，1小時內《彭博》用戶關注度上升最多的港股，依次為中國海外發展(00688)、華潤置地(01109)、紫金礦業(02899)、世茂集團(00813)及長城汽車(02333)。 內媒《財聯社》報道，承債式並購貸款唔再計入三條紅線內，消息一出，中海外、潤地股價早市雙雙抽高，但世茂股價一度急挫逾18%，點解內房股價對呢個消息慨反應咁兩極？ 大華繼顯執行董事梁偉源指，政策放寬後，有能力做收購慨公司，可以同更優質慨資產做並購，有助推高資產淨值，因此，有央企背景慨中海外、潤地、萬科企業(02202)都有得升，即使輕微踩界慨公司，亦可以透過賣資產由「紅」轉「綠」。不過，今次松綁幫唔到規模較細、情況較差慨內房完全脫「紅」，因此，政策對內房慨幫助好兩極。 |
ZIJIN MINING , Stock , China Real Estate , CHINA OVERSEAS , CHINA RES LAND |
| 梁偉源 |
2021-12-23 13:22 |
【Now財經台】截至早上11點，1小時內《彭博》用戶關注度上升最多的港股，依次為中國鋁業(02600)、騰訊控股(00700)、五礦資源(01208)、華南城(01668)、建設銀行(00939)。 兩只內地資源股中鋁、五礦齊齊上榜，同中國稀土集團今日正式成立慨消息有關，有分析指，中國稀土集團成立可以加強內地對金屬資源慨議價能力，所以帶挈中鋁股價今朝最多升逾11%，系今朝表現最好成分股之一，呢單消息對中鋁股價慨利好作用可以持續幾耐？ 大華繼顯執行董事梁偉源指，成立中國稀土集團令市場對中鋁業務重組、發展有憧憬，相信中鋁子公司都會受惠，但依家好難判斷對中鋁有幾大幫助，今朝市場只系搵相關股份去炒，同埋揀中鋁、五礦，雖然呢兩只股份比同類或相關股升得較多，但暫時其實睇唔到呢個消息，對呢些公司業務慨實質影響，所以今次應該系炒作居多。 |
|
| 梁偉源 |
2021-12-17 15:47 |
【Now財經台】截至早上11時，1小時內《彭博》用戶關注度上升最多的港股依次為信義光能(00968)、五礦資源(01208)、李寧(02331)、中芯國際(00981)及中國海洋石油(00883)。 信義系公布左重大關連交易，信義光能同信義玻璃(00868)會合營多晶硅生產項目信義晶硅，信義系成立埋多晶硅慨上游企業，成個產業鏈上中下游都有份，但反而今日股價要跌，系咪市場對信義系無信心？ 大華繼顯執行董事梁偉源認為，信義今次進軍多晶硅業務會有協作效應，因為信義有自家多晶硅供應，可以幫助到信義光能生產光伏玻璃慨成本控制，認為信義今日會跌系因為撞正同業隆基，一個月入面第二次降低多晶硅價格，而且減幅有5.7%之多，所以市場擔心今次信義系進軍多晶硅業務，可能系一個唔太好慨先兆，導致今日市場反應比較負面。 |
Oil , Stock , XINYI GLASS , CNOOC , SMIC |
| 梁偉源 |
2021-12-10 14:38 |
【Now財經台】截至早上11時，1小時內《彭博》用戶關注度上升最多的港股，依次為寶龍地產(01238)、波司登(03998)、海倫司(09869)、世茂服務(00873)及九毛九(09922)。 內房股寶龍星期一跌至52周低位，之後一直係低位徘徊，集團前日出左11月銷售數據，按年跌近13％，累計首11個月銷售額，距離全年目標仲差逾10％，要達標有冇難度？ 大華繼顯執行董事梁偉源指，內房板塊仍受中國恆大(03333)、佳兆業集團(01638)慨債務問題影響，大部分內房股都有好大沽壓。佢又話，債務問題一日未解決，投資者仍會對內房股有好大戒心，即使短暫回升，但之後仍有機會掉頭向下，睇返現時慨情況，內房慨前景只會更嚴峻。 |
China Real Estate , Stock , BOSIDENG , Real Estate , Real Estate |
| 梁偉源 |
2021-12-03 13:05 |
【Now財經台】截至早上11點，1小時內《彭博》用戶關注度上升最多的港股，依次為富力地產(02777)、中國生物制藥(01177)、中國奧園(03883)、快手(01024)、華南城(01668)。 內房股今日再爆出兩單發債相關壞消息，系咪又再打殘呢個板塊？ 大華繼顯執行董事梁偉源指，內房面對還款、支付利息壓力已經唔系新鮮事，問題系愈來愈多公司相繼出現狀況，內房資金鏈出現問題慨情況令人憂慮，一定影響投資者信心。 Steven表示，雖然個別地方慨貸款松綁，但投資者對房地產有機會「爛尾」感到憂慮，近呢兩個月慨賣樓數字明顯減少，佢又話，新樓賣唔出等問題一定對內房現金流造成好大影響。 |
China Real Estate , R&F PROPERTIES , CHINA AOYUAN , HK Cap Flow , Stock |
| 梁偉源 |
2021-12-01 12:36 |
【Now財經台】截至早上11點，1小時內《彭博》用戶關注度上升最多的港股，依次為濰柴動力(02338)、中國東方教育(00667)、永利澳門(01128)、中國石油化工(00386)、特步國際(01368)。 受內地限電限產影響，濰柴股價表現係8月開始一直唔好，但噚日內地出左上個月制造業PMI，指數上返50樓上後，濰柴股價今日一度升超過8%，上返15元樓上，系咩原因令濰柴股價急升？ 大華繼顯執行董事梁偉源認為，濰柴抽升應該唔關PMI事，反而同氫能源概念有關，濰柴年中時已經講過會搞氫電池，今日終於炒起股價。 Steven亦睇好氫能源慨發展，因為氫慨潔淨度較高，又唔似風能、太陽能咁依賴自然現象，佢認為氫能會系全球環保能源發展慨一大重點。 |
Energy , WEICHAI POWER , Oil , Stock , SINOPEC CORP |
| 梁偉源 |
2021-11-26 13:56 |
【Now財經台】截至早上11點，1小時內《彭博》用戶關注度上升最多的港股，依次為：新鴻基地產(00016)、中國飛鶴(06186)、花樣年控股(01777)、波司登(03998)、騰訊控股(00700)。 今日本地地產股向下，新地更一度大跌逾4%，市場對美國提早加息憂慮增加，另外南非發現新型變種病毒株，呢些消息系唔系困擾本地地產股慨最主要因素？ 大華繼顯執行董事梁偉源指，加息對本地地產股影響有限，相信跌幅系因為發現新變種病毒，以往一發現新變種病毒，疫情有機會快速蔓延，咁會對社會經濟活動同樓價造成即時影響，不過早前集團有大股東增持股份，留意會唔會幫到股價企返上90元至95元水平。 |
SHK PPT , Real Estate , Stock , TENCENT , BOSIDENG |
| 梁偉源 |
2021-11-19 13:54 |
【Now財經台】截至早上11點， 1小時內《彭博》用戶關注度上升最多港股，依次為碧桂園服務(06098)、國泰航空(00293)、華潤置地(01109)、長城汽車(02333)、中梁控股(02772)。 碧服股價受折讓配股消息影響，今朝一開市就失守配股價53.35元，其後一度低見49.1元，但好快就上返50元樓上，幾時系撈底慨好時機？ 大華繼顯執行董事梁偉源指，近期有好多內房、物管股慨集資活動，令市場覺得會陸續有來，對呢些股份冇乜信心，但碧服年中配過一次股，當時配股價75.25元，今次就53.35元，足足平左一大截，公司未來可以有多些資金做收購，對盈利有幫助，投資者可以考慮係50元水平吸納。 |
CATHAY PAC AIR , Stock , China Real Estate , CHINA RES LAND , COUNTRY GARDEN |
| 梁偉源 |
2021-11-12 13:21 |
【Now財經台】截至早上11時，1小時內《彭博》用戶關注度上升最多的港股依次為中芯國際(00981)、農夫山泉(09633)、雷蛇(01337)、京東物流(02618)及長實集團(01113)。 中芯出左第三季季績，收入毛利率新高，高盛話佢第四季指引高過預期。中芯高層人事變動引起關注，到任不到一年慨副董事長蔣尚義離職，梁孟松辭任執董，但繼續做CEO。去年中芯請蔣尚義時都引發一輪風波，中芯慨業績系咪抵唔過高層人事變動？市場對中芯內部管理、人事斗爭系咪會有擔心？ 大華繼顯執行董事梁偉源指，中芯第三季業績好同第四季前膽唔錯都帶畀市場好慨信息。不過中芯慨高層變動亦同時令人擔心，因為去年蔣尚義加入，市場期望可以靠佢慨關系，幫中芯突破買高端生產設備慨限制。蔣尚義離職，意味住佢慨努力冇突破性發展。中芯慨競爭對手台積電係美國同日本設廠，中芯慨科技水平冇提升，好難同人競爭。高層變動，令人擔心中芯係中長線發展會有大限制。 |
Stock , SMIC , Sachs , CKH HOLDINGS , JD LOGISTICS |
| 梁偉源 |
2021-10-29 13:10 |
【Now財經台】截至早上11點，1小時內《彭博》用戶關注度上升最多的港股，依次為平安好醫生(01833)、萬科企業(02202)、中國人壽(02628)、康希諾生物(06185)、中國石油化工股份(00386)。 平安好醫生股價連跌第5日，今日暫時都跌超過10%。消息層面上，國家衛健委發布互聯網診療監管征求意見稿，股價立即受拖累，跌穿10月初低位，不過另外兩只同業阿里健康(00241)同京東健康(06618)就冇跌咁多。平安好醫生跌咁多原因系乜？ 大華繼顯執行董事梁偉源指，平安好醫生大跌，主要系公司冇發表季績報告，令投資者難以掌握公司業務狀況。 他指出，行業監管不明朗，加上其他同業公司有發布季績報告，平安好醫生就冇咁做，投資者自然信心薄弱，要做減持時，都會先向開平安好醫生刀。 |
Oil , Stock , SINOPEC CORP , CHINA LIFE , Bio |
| 梁偉源 |
2021-10-22 12:26 |
【Now財經台】截至早上11點，1小時內《彭博》用戶關注度上升最多的港股，依次中芯國際(00981)、中國燃氣(00384)、龍湖集團(00960)、新城發展(01030)、快手(01024)。 據《路透》報道，華為及中芯國際(00981)已獲上千億美元的美國技術出口許可。值得留意系，兩間公司其實仍然係制裁名單，點解仲可以拿到技術出口許可？系咪美國「放生」呢兩間公司？ 大華繼顯執行董事梁偉源指，最大轉變系美國換左總統，係拜登政府下，可能會有少少空間畀佢地做呢些出口，始終美國商界都唔想失左呢兩個大客，申請出口那方面，由於呢份系國會文件，系獲政府開綠燈，有可能系一些冇咁高科技、敏感慨技術產品，而較高科技慨產品就仍然唔放行。 |
Stock , CHINA GAS HOLD , SMIC , USD , IT |
| 梁偉源 |
2021-10-15 13:09 |
【Now財經台】截至早上11點，1小時內《彭博》用戶關注度上升最多慨港股，依次為中國海外發展(00688)、紫金礦業(02899)、中煤能源(01898)、吉利汽車(00175)、思摩爾國際(06969)。 即將派季度成績表慨中海外，股價今朝一度跌5%，成交仲明顯增加。不過，最近唔少內地券商認為，內房最壞時間已過，可以吸納財政健康慨內房股。中海外一向負債唔高，加上外電最新報道，內地監管部門要求銀行今季加快樓按審批，依家系咪吸納中海外慨好時機？ 大華繼顯執行董事梁偉源指，因為中國恆大(03333)事件，銀行審批按揭都保守左，令內房銷售變差，其中，中海外9月銷售按年大跌42%，情況好罕見。不過，隨著近期焦點去返財政較健康慨內房，例如中海外冇觸及過3條紅線，長線投資者開始吸納返呢些股份，若銀行又加快返樓按審批，今季銷售亦會大大改善。 |
GEELY AUTO , CHINA COAL , ZIJIN MINING , Stock , Energy |
| 梁偉源 |
2021-10-08 15:10 |
【Now財經台】截至早上11點，1小時內《彭博》用戶關注度上升最多的港股，依次為龍源電力(00916)、瑞聲科技(02018)、中煤能源(01898)、中國神華(01088)、海豐國際(01308)。 內地報道，3個主要產煤省份答應增加供應，以紓緩電力短缺，而且會折價向電廠提供長期煤炭供應。消息一出，今日電力同資源股回軟，其中龍源急挫10%，連跌第3日。煤股表現亦都差，神華同中煤能源一齊跌。 大華繼顯執行董事梁偉源指，雖然內蒙確認增產，但唔可以加價，陝西、山西就因為天氣問題，短期內都好難增產，對煤炭企業黎講，增產但加唔到價始終系不利。電力公司方面，以現時慨煤炭價格水平，每生產1度電都要蝕錢，但又唔可以加電費，亦系不利。 Steven又話，龍源之前大轉型，電力生產方面逾70%轉用新能源發電，但今日「跌過龍」，相信系被成個氣氛影響。 |
Energy , CHINA SHENHUA , CHINA COAL , ChinaElec , Stock |
| 梁偉源 |
2021-09-24 13:08 |
【Now財經台】截至早上11點，1小時內《彭博》用戶關注度上升最多的港股，依次為中國飛鶴(06186)、華潤置地(01109)、中國海洋石油(00883)、中國石油股份(00857)及中國恆大(03333)。 作為內地最大嬰幼兒配方奶粉本土品牌，飛鶴今日係冇乜特別消息下，股價創52周新低，一度低見12.52元。雖然中央提出三孩政策、加強監管課外補習等，有助降低生育成本鼓勵生育慨政策，但點解飛鶴上市後一直尋底？ 大華繼顯執行董事梁偉源指，飛鶴股價年初已「腰斬」，其中一個主因系，中央關注嬰幼兒奶粉價格會影響生育意欲，令飛鶴股價一路尋底。佢估計，呢類股份短期都唔會有利好消息，如果未來冇政策可以幫嬰幼兒奶粉公司減壓，好難扭轉投資者慨睇法。 |
Oil , Stock , PETROCHINA , CNOOC , CHINA RES LAND |
| 梁偉源 |
2021-09-17 14:13 |
【Now財經台】截至早上11點，1小時內《彭博》用戶關注度上升最多的港股，依次為中國平安(02318)、新世界發展(00017)、恆大物業(06666)、太平洋航運(02343)及中國恆大(03333)。 平保今朝低開後，跌幅不斷擴大，曾挫約8%，低見52.8元，跌至近4年低位。早前外電報道，銀保監查平保房地產投資，又禁止佢出售同房地產相關慨另類投資產品。花旗估計，平保整體房地產風險敞口達1855億元人民幣，不禁令投資者擔心向下風險大。 大華繼顯執行董事梁偉源指，平保過去1年做左好多房地產相關慨「拯救行動」，但利差損近800億人仔，加上新業務發展唔理想，同埋本業、房地產相關投資減值問題，嚇到投資者紛紛沽貨離場。 不過，Steven話，持有平保慨投資者可以再等一等，因為今日跌幅都幾大，一旦平保反彈，可以考慮沽出，換馬至其他內險股，如中國太保(02601)、中國人壽(02628)等，甚至可以考慮友邦保險(01299)。 |
RMB , NEW WORLD DEV , PING AN , Real Estate , Stock |
| 梁偉源 |
2021-09-10 14:38 |
【Now財經台】截至早上11點，1小時內《彭博》用戶關注度上升最多的港股，依次為洛陽鉬業(03993)、新鴻基地產(00016)、中國銀行(03988)、紫金礦業(02899)、中國建材(03323)。 排第2位慨新地上日收市後出左全年業績，核心盈利略低過《彭博》預期，業績後被幾間大行削目標價，當中高盛指，新地核心物業發展、息稅前收入都少過預期，新地股價近期弱勢，但旗下新盤Wetland Seasons Park銷情理想，幫唔幫到股價？ 大華繼顯執行董事梁偉源指，雖然新地最近賣樓成績好，但估計未來1年先會入帳，所以對股價幫助唔大，但可以留意，前海深港合作區方案會唔會加快香港西北部發展，令係有關地區有較多地皮慨新地受惠。 STEVEN又話，如果新地股價去到約100元至105元，買入價值相當高，同埋可以留意業績公布後，大股東郭氏家族有冇增持動作，如果有，投資者可以考慮跟買。 |
SHK PPT , ZIJIN MINING , Real Estate , Stock , Real Estate |
| 梁偉源 |
2021-09-03 12:35 |
【Now財經台】截至早上11時，1小時內《彭博》用戶關注度上升最多的港股依次為中國石油化工股份(00386)、中金公司(03908)、中信股份(00267)、富力地產(02777)及中國恆大(03333)。 颶風艾達打亂美國石化供應鏈，令最新一周PVC聚氯乙烯報價大升6%。中石化旗下慨上海石油化工系全國最大的乙烯生產商，加上中石化有幾個「氫能」大計，令中石化早段逆市升逾4%，見最少1個月高位，股價仲有無上升空間？ 大華繼顯執行董事梁偉源指，中石化轉型加上300億氫能發展計劃，除左推升左股價，仲吸引左更多新能源投資者。Steven話，投資焦點會一直圍繞住碳中和、碳達峰，新能源會繼續受資金追捧，估值有無得升就要睇公司行得夠唔夠前。中石化股價短期未必大升，焦點反而應該擺係公司慨綠色能源發展政策上。 |
Energy , SINOPEC CORP , R&F PROPERTIES , Oil , Stock |
| 梁偉源 |
2021-08-27 16:15 |
【Now財經台】截至早上11點，1小時內彭博用戶關注度上升最多的港股依次為恆大汽車(00708)、翰森制藥(03692)、東風集團(00489)、長城汽車(02333)及快手(01024)。 中央要求廣東省政府以「市場化」方式處理中國恆大(03333)債務問題，維持房地產項目穩定性。此外，中策集團(00235)指，可能會沽出部分，甚至全部恆大汽車持股，但點解股價今朝照爆上？ 大華繼顯執行董事梁偉源指，「市場化」處理手法對債權人不利，但對股東黎講其實唔悲觀，因為維持地產業務穩定，對恆大其他產業有重大幫助，所以系應該要賣走同房地產冇關慨資產。 |
CHINA STRATEGIC , Stock , GREATWALL MOTOR , Real Estate , Real Estate |
| 梁偉源 |
2021-08-20 12:24 |
【Now財經台】截至早上11點，1小時內《彭博》用戶關注度上升最多的港股，依次為，思摩爾國際(06969)、中國電信(00728)、平安好醫生(01833)、中國海洋石油(00883)、信達生物(01801)。 思摩爾中期業績多賺36倍至28.78億元人民幣，屬盈喜預測范圍內，期內收入同毛利率都有得升。不過，思摩爾今日低開3%後愈跌愈多，中午收市報36.9元，跌14.9%。 大華繼顯執行董事梁偉源話，近期投資者好怕監管風險，好多公司都被內地睇得好緊，即使公司上半年業績好，佢認為內地政策係第3、4季對公司影響會更明顯浮現出黎，所以唔少投資者係公司出業績後就斗快沽貨。 |
Results , RMB , Oil , Stock , CHINA TELECOM |
| 梁偉源 |
2021-08-13 12:53 |
【Now財經台】截至早上11時，1小時內《彭博》用戶關注度上升最多的港股依次為：禹洲集團(01628)、中國移動(00941)、信達生物(01801)、合景泰富(01813)、寶龍地產(01238)。 內房債務問題又成為市場焦點。榜首慨禹洲中期轉虧為盈，賺8.56億元人民幣，收入更大升4.9倍至120億元。不過，公司反而大削中期息五成至每股5.3港仙。 禹洲半日跌5.6%，跑輸大部分內房股，報1.67元。 大華繼顯執行董事梁偉源指，過去一年中央對內房慨政策愈收愈緊，令原本能發債融資慨內房發展商，難以搵到「水喉」。假如內房連私募基金都無法取得融資，投地會更困難，未來或發展成只有與中央有關慨央企或大型發展商才有辦法開發房地產，其他財務緊張慨民企將面臨資金困難。 |
RMB , China Real Estate , Stock , CHINA MOBILE , KWG GROUP |
| 梁偉源 |
2021-08-06 12:42 |
【Now財經台】截至早上11點，1小時內《彭博》用戶關注度上升最多的港股，依次為快手(01024)、蒙牛乳業(02319)、中國飛鶴(06186)、龍湖集團(00960)、中芯國際(00981)。 快手股價連續第6日創上市新低，今朝低開6%後，一度低見78.6元，半日市跌逾7%，報82.75元。 股份成交量連續兩日顯著增加，單系半日成交量已超過5300萬股，比上日全日高出1000萬股，成交金額逾44億元，僅次騰訊控股(00700)同逆市急升慨中芯。 值得留意系，快手一批涉及38億股慨股份，相當於已發行股本94.8%，噚日剛剛「解禁」。 大華繼顯執行董事梁偉源指，解禁股之中，僅1.65億股由基石投資者楂住，其余都係大股東手上，呢兩日或有基石投資者趁機沽少少，但市場已經消化左來自佢地慨沽壓，投資者唔使太擔心。不過，快手業績短期都好難「止血」，加上內地科網平台監管風暴未散，梁偉源相信，快手沽壓仍然好大。 |
MENGNIU DAIRY , Stock , TENCENT , SMIC , IPO |
| 梁偉源 |
2021-07-30 13:14 |
【Now財經台】截至早上11時，1小時內《彭博》用戶關注度上升最多港股，依次為普拉達(01913)、禹洲地產(01628)、佳兆業集團(01638)、中國恆大(03333)及龍湖集團(00960)。 排榜首慨Prada今日逆市升，股價一度急升逾20%，主要系中期業績扭虧為盈，但睇返另外幾只業績股，例如ASM太平洋(00522)、百威亞太(01876)等，放榜後都要捱沽，點解同樣系業績股，「命運」完全唔同？ 大華繼顯執行董事梁偉源指，今朝開市後，恆指愈跌愈多，資金都系避險為主，搵些業績好慨股份炒，Prada系其中一只。Steven又話，Prada股價升到呢個水平，市盈率(PE)已經70、80倍，仍然系偏高，投資者要留意Prada下半年業績，系咪可以維持到高增長。 |
Stock , Earnings , Real Estate , Real Estate , ASM PACIFIC |
| 梁偉源 |
2021-07-23 13:40 |
【Now財經台】截至早上11時，1小時內《彭博》用戶關注度上升最多港股，依次為李寧(02331)、快手(01024)、中車時代電氣(03898)、花樣年控股(01777)及安踏體育(02020)。 今日奧運開幕，但榜上2只體育用品股李寧同安踏都急跌，當中李寧跌8%，系2020年11月以來最大單日跌幅，而安踏都跌左4%。 大華繼顯執行董事梁偉源指，呢2只股份估值同PE高、瑞信又睇淡國內體育用品股，以及奧運開幕都令投資者選擇獲利回套。雖然未來一、兩日股價或會繼續跌，不過2間公司發盈喜代表上半年盈利增長好，如果下星期初再有明顯回落，就可以買入短炒。而有貨慨投資者可以睇多2至3個月，如果整體放緩情況唔太明顯，呢類股份可以繼續持有。 |
ANTA SPORTS , Stock , LI NING , Sport , TIMES ELECTRIC |
| 梁偉源 |
2021-07-16 15:25 |
【Now財經台】截至早上11點，1小時內《彭博》用戶關注度上升最多港股，依次為小米集團(01810)、中車時代電氣(03898)，雅居樂集團(03383)、京東健康(06618)、 建設銀行(00939)。 雖然監管風暴愈演愈烈，但小米股價今個月暫時仍錄得近5%升幅，亦系ATMXJ唯一一只，今個月仲有得升慨股份，加上集團係全球智能手機市場慨占有率已超越Apple，晉身全球No.2，刺激股價一度大升逾5%，亦系今日升市最大功臣。 大華繼顯執行董事梁偉源指，依家小米增長最勁慨市場，都系拉丁美洲、非洲及西歐呢些低檔手機市場，而呢些市場係未來幾個月，好難維持大幅增長。此外，Apple一般係第3至第4季發布新手機，加上之前有消息指，Apple慨新iPhone會增產，所以小米慨排名係下半年較難維持。 |
Stock , CCB , AGILE GROUP , TIMES ELECTRIC , JD HEALTH |
| 梁偉源 |
2021-07-09 12:20 |
【Now財經台】總結截至早上11點，1小時內《彭博》用戶關注度上升最多的港股，依次為，新世界發展(00017)、中遠海控(01919)、快手(01024)、安踏體育(02020)及京東健康(06618)。 新世界柏傲莊3期慨兩座物業，因底座混凝土結構未達標而要拆卸重建。噚日消息一出，新世界已應聲下挫，收市跌近4%，今朝進一步受壓，一度低見36.2元，跌逾5.7%，跌至1個月低位。 大華繼顯執行董事梁偉源指，新世界股價由噚日至今已累跌左8%，相信已反映左事件慨影響，而公司約12億元慨額外賠償同建築成本，只占每股資產淨值(NAV)5.6%，同稅後盈利差唔多，所以影響唔大。佢又話，新世界管理層今次對事件反應快，冇拖泥帶水，可以為公司中長線形象加分，佢相信新世界係35元水平就可以喘定。 |
NEW WORLD DEV , ANTA SPORTS , Stock , COSCO SHIP HOLD , JD HEALTH |
| 梁偉源 |
2021-06-25 14:23 |
【Now財經台】截至早上11時，1小時內《彭博》用戶關注度上升最多的港股依次為百威亞太(01876)、首創置業(02868)、建業地產(00832)、中國石油(00857)及江西銅業(00358)。 國際體育賽事逐漸回復正常，加上在國際足球賽及奧運效應下，對啤酒股有一定支持，今日啤酒股普遍造好，上榜慨百威一度升逾5%，成表現最佳藍籌，後市仲有冇上升空間？ 大華繼顯執行董事梁偉源指，百威顯著反彈同大型賽事有關，例如下月初歐國杯進入決賽周，不過，百威業務遍布亞洲，並非只集中於中國，所以未必受惠於內地消費。 佢又認為，百威反彈空間未必太大，估計係26元至27元遇阻。 |
Oil , Stock , BJ CAPITAL LAND , Real Estate , Real Estate |
| 梁偉源 |
2021-06-18 12:56 |
【Now財經台】截至早上11點，1小時內《彭博》用戶關注度上升最多的港股，依次為，融創中國(01918)、中國石油化工(00386)、移卡(09923)、中芯國際(00981)及中國平安(02318)。 內房股今日普遍受壓，其中融創一度跌逾7%，係「三條紅線」政策下，融創仍加快增加土地儲備，令市場更加擔心融創慨財務狀況可能惡化。 大華繼顯執行董事梁偉源指，係「三條紅線」下，監管機構會更密切留意內房股一舉一動，一旦收緊行動再升級，例如內媒報道，人行針對融創買地進行排查，市場又唔排除監管機構會全面對內房股進行排查時，股價可能會進一步下挫。 |
Oil , Stock , China Real Estate , SMIC , PING AN |
| 梁偉源 |
2021-06-11 12:44 |
【Now財經台】截至早上11時，1小時內《彭博》用戶關注度上升最多的港股，依次為普拉達(01913)、合景泰富(01813)、中國恆大(03333)、金沙中國(01928)及中國石油化工(00386)。 普拉達獲花旗「加持」，上調升目標價17%至55元，今朝已經「到價」兼升凸，一度沖上逾7年高位。 大華繼顯執行董事梁偉源指，如果開放返旅游，估計好快就會睇到市場對奢侈品慨需求，所以舊年年尾有疫苗開始，股價好快已經開始反彈。雖然普拉達受惠經濟復蘇、前景明朗，但Steven話，股價已反映未來利好消息，建議等股價回落後再買入。 |
Oil , Stock , KWG GROUP , SINOPEC CORP , Rating |
| 梁偉源 |
2021-06-04 15:44 |
【Now財經台】截至早上11時，1小時內《彭博》用戶關注度上升最多的港股依次為五礦資源(01208)、吉利汽車(00175)、海螺水泥(00914)、華潤啤酒(00291)及開拓藥業(09939)。 美國就業數據強勁，加上內地嚴控資源價格上漲，資源與礦業股今日借勢回調。五礦星期二宣布「抽水」，股價今日早段一度大跌逾10%，低見3.73元，插穿4.15元配股價，跌至4個月低位。資源股系咪開始冇運行？ 大華繼顯執行董事梁偉源認為，今個禮拜日舉行慨秘魯總統大選系影響資源價格慨關鍵，因為有候選人慨政綱提及，要改變資源價格出口政策，導致資源價格、資源股大林，五礦亦難逃一跌。 Steven又指，市場要等資源價格出口政策明朗化，同埋6月17日聯儲局開會傾通脹問題後，再留意資源價格短期有冇支持。 |
GEELY AUTO , Stock , MMG , MINMETALS LAND , CHINA RES BEER |
| 梁偉源 |
2021-05-28 13:56 |
【Now財經台】截至早上11點，1小時內《彭博》用戶關注度上升最多的港股，依次為長實集團(01113)、時代中國控股(01233)、恆生銀行(00011)、粵海投資(00270)、中國恆大(03333)。 地產股板塊近期強勢，逐漸收復疫前失地。長實慨回購計劃超額完成，今日更升穿51元回購價，成為今朝最強勢藍籌，今次回購由有溢價變成折讓，對小股東黎講是好是壞？ 大華繼顯執行董事梁偉源指，早前提出慨51元回購價，已遠高於當時慨市價，即系已經有一定溢價，今次回購有限額，小股東未必賣得哂手持慨股份，兩者可取得平衡。佢又話，集團回購後注資歐洲基建項目，有助公司未來有穩定現金流及收入，對公司中線前景有利。Steven亦指，本港疫情緩和 ，樓價短期有機會破頂，地產市場未來發展值得睇好。 |
HANG SENG BANK , GUANGDONG INV , Real Estate , HK Cap Flow , Stock |
| 梁偉源 |
2021-05-21 12:32 |
【Now財經台】截至早上11點，1小時內《彭博》用戶關注度上升最多的港股，依次為騰訊控股(00700)、農夫山泉(09633)、中國海外發展(00688)、長實集團(01113)、閱文集團(00772)。 騰訊控股(00700)首季多賺65%，但經調整純利差過預期，集團話會將今年部分增加利潤，投資係企業服務、游戲及短視頻內容，即系避開左金融業務，又會拿500億人仔做公益事業，呢些舉動會唔會令市場認為，騰訊高增長期已經過去。 大華繼顯執行董事梁偉源指，雖然騰訊呢份業績唔算太差，但睇返四大業務收入增長，增速最快系金融科技及雲業務，但公司未來唔系聚焦呢些業務，如果繼續以游戲呢些原有業務做主力，而今次份業績睇到呢些業務增長已經放緩，咁未來增長點會係邊度？點樣重拾高增長？都系一個問號，導致大行削騰訊目標價，令股價今日要捱沽。 |
Results , Stock , CHINA OVERSEAS , TENCENT , IT |
| 梁偉源 |
2021-05-14 13:05 |
【Now財經台】截至早上11點，1小時內《彭博》用戶關注度上升最多的港股依次為：友邦保險(01299)、中芯國際(00981)、華虹半導體(01347)、江西銅業股份(00358)、康希諾生物(06185)。 友邦今朝開市前出左首季業績，表現好過預期，刺激股價今日顯著造好，半日升逾6%，重上100元，更貢獻部分恆指升幅。 大華繼顯執行董事梁偉源指，恆指增加成分股數目，相信每次季檢都會有新面孔，但對友邦股價影響應該唔大。友邦第一季業績亮麗，今日股價升幅幾誇張，睇到資金由業績差慨股份，流向友邦呢類績優股，同埋前景比較樂觀慨公司。 |
Stock , HK Cap Flow , JIANGXI COPPER , SMIC , Capital Flow |
| 梁偉源 |
2021-05-11 15:03 |
【Now財經台】截至早上11時，1小時內《彭博》用戶關注度上升最多的港股依次為：雅居樂集團(03383)、美團(03690)、碧桂園(02007)、復星國際(00656)及中國石油(00857)。 內房股雅居樂及碧桂園開市前公布發債消息，雖然股價今日跌1%至2%，但都算跑贏大市。 大華繼顯執行董事梁偉源指，近期內地息口、拆息比較平穩，而債息抽得好高，相信系受華融事件影響，內地債價跌左好多，孳息上得幾犀利。此外，內地一些調控房地產慨政策較緊，以及今年最新慨賣地安排，令地產發展商對資金慨需求加大，所以發新債冚舊債時，息率就會抽得好高。 |
China Real Estate , FOSUN INTL , Oil , Stock , COUNTRY GARDEN |
| 梁偉源 |
2021-05-07 13:42 |
【Now財經台】截至早上11點，1小時內《彭博》用戶關注度上升最多的港股依次為：舜宇光學科技(02382)、華潤啤酒(00291)、福萊特玻璃(06865)、信義光能(00968)、中芯國際(00981)。 舜宇今日冇特別利淡消息，但半日跌逾4%，報176.3元，暫時系跌幅最大藍籌。值得留意系，北水噚日狂沽舜宇，走資1.91億元。 大華繼顯執行董事梁偉源認為，北水狂沽舜宇，系因為預期半導體供應短缺，會拖低未來2季手機出貨量，所以睇淡手機設備股。 睇返技術走勢，舜宇星期三失守100天線後走勢轉差。梁偉源估計，舜宇短期好大機會失守250天線，即153.6元後先有支持。 |
SUNNY OPTICAL , Stock , SMIC , CHINA RES BEER , XINYI SOLAR |
| 梁偉源 |
2021-04-30 14:45 |
【Now財經台】截至早上11點，1小時內《彭博》用戶關注度上升最多的港股，依次為新特能源(01799)、中國石油(00857)、郵儲銀行(01658)、建設銀行(00939)及中國銀行(03988)。 新特能源公布業績及公布發行最多1.77億股內資股後股價急插，系咪因為市場擔憂會引發配股定有其他因素？ 大華繼顯執行董事梁偉源認為，新特走勢出名波動，有94%慨內資股由母公司認購，即母公司注資發展在蒙古及新彊等光伏和風電等業務，對新特系好事。 Steven話，投資者唔使太擔心公眾持股量少過25%會引發配股，依家只差2%慨流通量，即使新特系H股里面再發新股集資，發慨新股量都唔多，所以唔使太擔心。 Steven仲話，雖然新特純利勁升逾3.7倍，但仍然少過預期，所以股價急跌。 |
Results , Energy , Oil , IPO , HK Cap Flow |
| 梁偉源 |
2021-04-23 12:43 |
【Now財經台】截至早上11點，1小時內《彭博》用戶關注度上升最多的港股，依次為阿里健康(00241)、萬科企業(02202)、百威亞太(01876)、信義光能(00968)、旭輝控股集團(00884)。 萬科噚日出左首季業績，毛利率只得20%，拖累股價今日逆市下跌，更一度跌穿3個月以來低位。 大華繼顯執行董事梁偉源指，萬科毛利率下跌，反映內房調控措施對整個行業產生影響，例如要求內房要擺脫「三條紅線」，令唔少內房要加快賣樓配合政策，因而要減價賣樓，令毛利率出現壓力。 不過，Steven補充，萬科現時已回歸「三條綠線」，相信未來減價促銷壓力會減少，下半年毛利率將有改善空間。 |
Stock , China Real Estate , ALI HEALTH , XINYI SOLAR , CIFI HOLD GP |
| 梁偉源 |
2021-04-16 12:42 |
【Now財經台】截至早上11點，1小時內《彭博》用戶關注度上升最多的港股，依次為建設銀行(00939)、領展房產基金(00823)、中國石油化工(00386)、廣汽集團(02238)及吉利汽車(00175)。 領展股價4連升，累升逾7%，今日繼續跑贏大市，集團係近日舉行慨投資者日指出，明年開始旗下商場租金會錄得低單位數升幅。 大華繼顯執行董事梁偉源指，美國息差擴寬會利好領展股價，加上市場認為本港疫情持續改善，商場人流逐漸增加，加上政府派發5000元消費券，呢些利好消息刺激領展股價升上1個月高位。佢又話，領展主業同民生有關，唔會太受通關、疫情影響，會系第一批復蘇股，加上業務有一定增長空間，前景比高檔零售或地產股更好。 |
GEELY AUTO , Oil , HK Cap Flow , Stock , CCB |
| 梁偉源 |
2021-04-09 12:44 |
【Now財經台】截至早上11點，1小時內《彭博》用戶關注度上升最多港股，依次為福萊特玻璃(06865)、中國海洋石油(00883)、中國信達(01359)、正榮地產(06158)及中國平安(02318)。 據港交所權益資料顯示，近日有基金股東係23.43元水平增持福萊特，但與此同時，摩根大通係25元水平減持，福萊特股價已收復上月初失地，今日逆市造好，半日收市升近6%，報25.75元，點解福萊特今日會跑出？ 大華繼顯執行董事梁偉源指，最新公布慨光伏玻璃價格按周跌24%，雖然噚日股價跌左落去，但今日有增持消息，所以股價今日升返上黎。 不過，Steven提醒，光伏股估值較高，又升左唔少，加上預期未來光伏玻璃供應較多，價格一定有下行壓力，中長線黎講，呢個板塊都唔系太樂觀。 |
Oil , Stock , CNOOC , PING AN , Real Estate |
| 梁偉源 |
2021-03-26 12:45 |
【Now財經台】截至早上11點，1小時內《彭博》用戶關注度上升最多港股，依次為長城汽車(02333)、移卡(09923)、禹洲集團(01628)、小米集團(01810)、合景泰富(01813)。 據《路透》報道，小米會用長汽車廠生產電動車，小米回應指，一切以公告為准，小米係官方微博預告，下周一慨春季新品發布會上，將推出新款自家研制晶片，消息刺激小米、長汽股價造好。 大華繼顯執行董事梁偉源指，小米曾提及有意發展新能源車，但呢方面需要較大投資，要見到效果亦需時較長，如果小米只系用長汽廠房生產，其實對長汽幫助唔大。 至於點解長汽股價今日升得多過小米，Steven相信，主要系早前吉利汽車(00175)出業績後，拖林成個汽車板塊，當時長汽跌得太急，所以今日彈得高過小米。 |
GEELY AUTO , Stock , Energy , KWG GROUP , GREATWALL MOTOR |
| 梁偉源 |
2021-03-19 14:06 |
【Now財經台】截至早上11點，1小時內《彭博》用戶關注度上升最多港股，依次為長實集團(01113)、中國石油化工(00386)、新奧能源(02688)、合景泰富(01813)、中國石油(00857)。 國際油價急挫，拖累中石化及中石油股價，其實債息抽升，系因為預期經濟復蘇，同埋通脹升溫，但點解油價唔可以受惠？ 大華繼顯執行董事梁偉源指，油價自去年10月低見每桶35美元水平，升至今年3月約68美元水平，主要受石油輸出國組織(OPEC)不斷減產影響，現時市場開始擔心油組會唔會繼續減產，加上美國石油庫存最近增加，同埋歐洲疫情反覆，多國再度封城，令經濟復蘇前景蒙上陰影，都會拖低油價。 Steven預期，油價要升至介乎68美元至70美元水平有一定難度，除非油組進一步減產，否則油價難有急升空間。 |
Oil , Energy , Stock , SINOPEC CORP , KWG GROUP |
