| Commentator |
Time |
Content |
Tag |
| 羅明立 |
2023-09-21T17:36 |
【Now財經台】據美國聯儲局內部預測顯示，今年有機會再加息0.25厘，明年就可能減息0.5厘，主席鮑威爾係會後暗示年內或會再加息。摩根大通行政總裁戴蒙估計，聯儲局未來幾個月可能要再加息遏通脹。據最新利率期貨顯示，12月加息機會只系50%，美匯指數見半年高位，後市會點走？ 亨達集團助理總經理羅明立認為，依家環球央行都系見步行步，利率政策唔會講到好死，如果通脹唔系來勢洶洶，經濟又下滑，唔排除貨幣政策可以松動些。不過，美國經濟基本面暫時仍然唔錯，再加息慨機會仍然較高。至於美匯指數後市有機會上望106，但升唔升得穿呢個位仲要睇睇。 羅明立 亨達集團助理總經理 |
USD , CINDA INTL HLDG |
| 羅明立 |
2023-09-14T17:54 |
【Now財經台】美國通脹數據出爐後，據最新利率期貨顯示，市場預期，聯儲局下周暫停加息慨機會升至97%，美元短線系咪會轉弱？不過，11月及12月加唔加慨機會暫時仍然系一半一半，美元後市系咪仍然未有明確方向？ 亨達集團助理總經理羅明立指，美匯指數近期由105跌至104邊緣，聯儲局下周議息好大機會按兵不動，關鍵反而系美國利係11月及12月會點走，油價近期回升左唔少，短線仍有條件再升多少少，有機會推高美國通脹，事實上，美國整體通脹已連續兩月回升，因此，唔排除年底前聯儲局會再加息，佢認為暫時仍有優勢，留意美匯指數守唔守得住104水平。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-09-07T16:21 |
【Now財經台】有「最准分析師」之稱慨摩根大通日本市場研究部主管佐佐木融估計，日圓今年有機會跌穿152兌1美水平，明年或貶值至155，即每百日圓兌港元跌至5算，言論激發日本央行官員「出口術」，指會就匯率問題同政府密切協調，到底央行會唔會真系出手？ 亨達集團助理總經理羅明立指，日圓持續弱勢，主要源於美日貨幣政策慨分歧持續，係日本央行調整貨幣政策前， 日圓都會受壓，如果單邊跌得太急太多，央行好大機會出手干預，但未必可以令日圓轉勢，所以近期唔好博日圓大反彈，相信144至145水平會有支持，仍有機會試150水平。至於明年會唔會繼續跌，始終要睇貨幣政策，但佢相信央行應該會作出調整。 羅明立 亨達集團助理總經理 |
CINDA INTL HLDG , Expo |
| 羅明立 |
2023-08-24T18:26 |
【Now財經台】金磚國家峰會有兩大重點，包括增加成員國及金磚國家去美元化。如果金磚國家影響力增加，會否有利人民幣走勢？ 亨達集團助理總經理羅明立指，金磚五國係同美國關系唔好慨情況下，都希望可以擴大影響力、去美元化，但他相信去美元化過程會相當慢，認為人民幣轉強與峰會無關。他又指目前仍睇淡人民幣，短期或有些反彈，但整體依然有下行壓力。 羅明立 亨達集團助理總經理 |
RMB , USD , CINDA INTL HLDG |
| 羅明立 |
2023-08-17T18:19 |
【Now財經台】據聯儲局議息會議記錄顯示，局內大部分官員認為，美國通脹仍有重大上行風險，可能需要再加息，同市場之前預期9月唔再加息有明顯落差，不過，據最新利率期貨顯示，9月唔加息慨機會仍高達86%，到底9月系咪真系會加息？ 亨達集團助理總經理羅明立認為，美國零售銷售數據及消費者信心仍幾強勁，聯儲局會繼續關注通脹及工資增長情況，如果就業情況對通脹造成壓力，唔排除聯儲局會再加息，但未必系9月。 此外，美匯指數升至兩個月高位，沖上103.5水平，Patrick指出，呢個位置系對上兩次慨阻力位，美元近期偏強，但美匯指數再沖上去就要小心。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-08-14T18:17 |
【Now財經台】內地上星期五(11日)出左最新金融數據，其中，人民幣新增貸款遠遜預期，僅約3459億人仔，系2009年金融海嘯以來最少。內地過去數月公布左唔少刺激措施，地方政府又一直為內房松綁，但結果新增貸款表現仍令人失望。 亨達集團助理總經理羅明立指，內地經濟情況相當嚴峻，相繼有企業爆雷，尤其系內房，大家都好擔心違約事件陸續有黎，又話之前中央推出慨措施實際作用唔大，依家最大問題系市民信心不足，傾向采取保守措施。 人仔方面，Patrick估計會進一步下跌，近期中央希望銀行作出一些干預行動，但成效似乎唔大，加上冇實質措施撐經濟，係信心問題未解決下，人仔仍會向下。 羅明立 亨達集團助理總經理 |
RMB , China Real Estate , CINDA INTL HLDG |
| 羅明立 |
2023-08-03T16:02 |
【Now財經台】英倫銀行今晚會公布議息結果，市場仍預期再加息0.25厘，雖然當地消費物價指數(CPI)按年升幅回落至8%以下，但仍然系太高，系咪預示利率有排都未見頂？英鎊兌美元跌至3月以來慨上升通道底部，現水平系咪可以買入？ 亨達集團助理總經理羅明立指，英國通脹仍然太高，相對於歐美，英倫銀行仍有條件加息，美元近期強勢，就算英鎊有加息因素，依家失守50天線，睇下今晚議息結果如何，但係現水平大跌機會唔大，但由於缺乏方向，估計暫時都系上落格局。 羅明立 亨達集團助理總經理 |
USD , GBP , CINDA INTL HLDG |
| 羅明立 |
2023-07-27T17:59 |
【Now財經台】美國聯儲局加息0.25厘後，美匯指數失守101水平，回落至100.8水平。 市場靜待美國今晚出爐慨國內生產總值(GDP)及個人消費支出(PCE)數據，估計第1季GDP增長將會放緩，反映通脹慨PCE物價指數按月及按年升幅收窄。 亨達集團助理總經理羅明立認為，美國消費信心指數及就業數據理想，從基本面睇應該唔會令美元走勢轉差，不過，技術走勢就唔太理想。 Patrick又指，美匯指數早前跌穿100.5水平，低見99.23後，迅速彈上101.5水平又遇阻，相信今次亦好難突破。如果美匯指數之後跌穿上次低位，佢認為有機會進一步下跌，建議投資者可部署美元淡倉。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-06-08T18:36 |
【Now財經台】日本第1季GDP增長顯著加快，向上修訂後增長2.7%，而日股近期亦表現強勢，升上33年高位，日本公布經濟數據後，日圓今早略為反彈，日央行下星期議息，睇返依家慨經濟形勢，系咪唔足以令日央行改變超寬松貨幣政策？ 亨達集團助理總經理指羅明立指，日本經濟增長向上修訂系好事，但值得留意系，當地工資增長疲弱，相信日央行短期內唔會改變貨幣政策，若通脹率維持係2%以上，日央行先有機會調整貨幣政策。 羅明立 亨達集團助理總經理 |
CINDA INTL HLDG |
| 羅明立 |
2023-05-18T16:22 |
【Now財經台】澳洲最新失業率，由近50年低位反彈至3.7%，高過預期。就業職位減少系咪反映過去11次加息對企業經營同勞動市場帶黎壓力？6月加息機會會唔會因此放緩？ 亨達集團助理總經理羅明立話，央行最關注慨勞動市場有放緩跡象，所以6月加息機會較微。當地失業率回升，預計年底有機會升返去4%以上，加上環球經濟環境不明朗，央行適宜按兵不動。 至於澳元宜家處於所有平均線以下，Patrick表示數據已經去到區間接近低位附近，央行如果暫停加息，會對匯價有影響。近期美金反彈，非美貨幣有機會轉弱，令澳元進一步下跌。 羅明立 亨達集團助理總經理 |
AUD , AUD , AUD , CINDA INTL HLDG |
| 羅明立 |
2023-05-11T17:40 |
【Now財經台】美國4月消費物價指數(CPI)按年升幅回落至4.9%，見兩年以來最低水平。雖然CPI按年回落，但美國就業數據仍然強勁，4月非農就業超預期，失業率3.4%，為1969年以來最低，CPI回落，但就業強，系咪可以斷定通脹回落勢頭？今晚公布慨生產物價指數(PPI)走勢又如何？ 亨達集團助理總經理羅明立指，見到CPI的確系回落緊，但下跌速度相當慢，而且同聯儲局2%慨目標仍有一段距離，依家就業數據可以話系支撐著美國經濟，月初出慨就業數據顯示，職位增長、平均時薪、失業率表現都好，呢些都有機會令物價下跌放緩，所以聯儲局依家都系觀望態度，冇確實講會結束加息周期，亦警告市場唔好預今年可以減息。 佢又話，今晚慨PPI預期有機會再回落，但速度同CPI一樣慢，所以對整體唔會有太大影響，相信聯儲局慨貨幣政策都系會繼續觀望，唔排除一有風吹草動就加息。 羅明立 亨達集團助理總經理 |
CINDA INTL HLDG |
| 羅明立 |
2023-05-04T16:41 |
【Now財經台】市場預期聯儲局會暫停加息已經一段時間，而美元亦持續弱勢，噚晚聯儲局公布議息結果後，美匯指數變動唔大。不過，係今個加息周期前，即2022年3月，當時美匯指數係97水平，雖然依家未至於打回原形，但美匯指數現水平系咪企得穩？ 亨達集團助理總經理羅明立指，美匯指數似乎有掉頭向下趨勢，雖然唔會落到100以下水平，但反彈力度已經冇咁強，好難上返102樓上，103水平阻力亦好大，佢建議投資者趁高沽，因為落到100.5呢些支持位，有機會再尋底。 Patrick又話，要留意明日美國公布慨非農就業數據，因為就業支撐美國經濟，如果冇左呢個利好因素，美匯指數會跌至更低水平。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-04-27T16:03 |
【Now財經台】歐洲央行下周會公布議息結果，聽日下午會出首季GDP數據，預期按季再錄得增長，但按年會回落，GDP數據會對歐元進一步向上有幾大支持？歐元噚日已企穩1.1水平，後市有幾大上望空間？ 亨達集團助理總經理羅明立指，近期歐元走勢唔錯，基本上企穩20天線穩步向上，但升幅較小，主要系市場仍等緊聯儲局議息結果，入市態度審慎，但整體仍可以睇好，有機會試1.12水平。 羅明立 亨達集團助理總經理 |
EURO , CINDA INTL HLDG |
| 羅明立 |
2023-04-06T16:17 |
【Now財經台】英鎊過去1個月累升逾3%，系表現最好慨G10貨幣，值得留意系，英國通脹連續幾個月降溫後，2月爆冷升至10.4%，英倫銀行再加息壓力有幾大？英鎊1.25水平阻力有幾大？ 亨達集團助理總經理羅明立估計，由於英國通脹仍然高企，英倫需繼續加息，關鍵系加多1次0.25厘，還是要加多兩次，呢個都要視乎環球經濟及銀行業慨發展。 佢又話，如果睇返圖表，英鎊已穿左位，睇返突破後走勢，仍有上升空間，可以吼1.24水平買入，止蝕擺1.238，短期可上望1.253，甚至更高水平。 羅明立 亨達集團助理總經理 |
GBP , CINDA INTL HLDG |
| 羅明立 |
2023-03-30T17:31 |
【Now財經台】歐美央行無視近期銀行業危機，繼續「放鷹」，歐洲央行首席經濟師連恩指，待銀行業危機受控後，歐央行將會有更多加息動作。不過，市場估計，德國今晚公布慨3月消費物價指數(CPI)，按月及按年升幅都會放緩，可能令市場質疑歐央行系咪對通脹回落進度信心不足。 亨達集團助理總經理羅明立指，銀行業危機略為紓緩，但已打擊投資者對銀行業慨信心，增加銀行融資難度，佢相信歐央行仍會采取較強硬態度遏通脹，估計當地通脹數據會持續回落，但仍距離目標水平頗遠。 Patrick預期，歐元有機會再稍微沖高，但去到1.1後，上升空間唔大，未必值得係該水平買入。 羅明立 亨達集團助理總經理 |
EURO , CINDA INTL HLDG |
| 羅明立 |
2023-03-23T15:54 |
【Now財經台】聯儲局再加息0.25厘，符預期，睇返最新點陣圖，估計聯儲局今年或再加多1次息利率就會見頂，明年底前局方可能掉頭減息近1厘，加上美國通脹放緩，以及銀行業爆發危機，明年減息步伐系咪會較預期快？ 亨達集團助理總經理羅明立指，未爆發銀行業危機前，聯儲局似乎傾向今年再加2至3次息，但依家應該再加1次就會停，較奇怪系主席鮑威爾用幾肯定慨語氣話今年唔會減息，但銀行危機仲未完全化解，會唔會進一步擴大都系未知數，依家咁講似乎有太穩陣之嫌。 佢又話，聯儲局今年貨幣政策有幾大變數，因為... 羅明立 亨達集團助理總經理 |
CINDA INTL HLDG |
| 羅明立 |
2023-02-16T18:52 |
【Now財經台】美國CPI及零售銷售數據已先後出爐，通脹超預期，零售銷售亦好過預期，睇返美元走勢，系咪已經見左短期底位？ 亨達集團助理總經理羅明立指，美國近期出左好多經濟數據，雖然通脹仍然系回落緊，但回落速度及幅度冇市場預期咁樂觀，而最新慨就業數據反映勞工市場仍然熾熱，為聯儲局繼續加息提供左理據，但加息幅度未至於去到0.5厘，關鍵系在於仲要加幾多次，市場估計，最少會加多兩次，但仍須視乎未來慨經濟數據，先知道會唔會再加息。 Patrick又話，今年慨情況好反覆，對美元未必會有好大刺激作用，但美元應該仲可以升多少少，但未必會咁快展開單邊上升行情。 羅明立 亨達集團助理總經理 |
USD , CINDA INTL HLDG |
| 羅明立 |
2023-02-02T17:52 |
【Now財經台】聯儲局主席鮑威爾暗示，可能再加息兩次美息便見頂，美匯指數應聲回落至101水平，跌至9個月低位。回顧今個加息周期，每當美匯指數系咁升，市場就會出現唔少「預言」，甚至美元崩潰論，真正風險其實出現未？美匯指數系咪已見底？ 亨達集團助理總經理羅明立指，聯儲局似乎都認同通脹正在回落，但仍要加多一兩次息，又話今年減息唔系太合適，過去一段時間，市場一直憂慮美國經濟衰退，若年中經濟進一步轉弱，或要調整貨幣政策，佢認為呢個趨勢仍然未變，市場仍傾向睇淡美元，聽晚美國會出就業數據，如果勞工市場仍然良好，會限制美元短期跌幅，相反，美元將持續受壓。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-01-26T16:50 |
【Now財經台】聯儲局下周將會舉行2023年首次議息會議，市場估計，好大機會加息0.25厘，值得留意系，加拿大宣布加息之余，亦預告會暫停加息，歐央行方面，官員放風話2月、3月加息0.5厘後，可能都要停一停，係呢個情況下，美元系咪有機會反彈？ 亨達集團助理總經理羅明立估計，環球央行今年會陸續放慢加息步伐，甚至停止加息，原因系今年經濟衰退風險相當高。美國方面，聯儲局官員早前仲系好口硬，雖然要繼續加息，但幅度可能會細些，但拖長加，還是加埋今次就停，仲要睇多少少數據，同埋今次會議後慨講法。Patrick又話，市場之前已經炒加息步伐放慢，美匯指數去到100、101水平其實已經差唔多，價格反映緊得七七八八，短線可能有反彈機會，但大幅反彈至103慨機會唔大。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-01-19T16:33 |
【Now財經台】雖然日本舊年11月通脹創40年新高，日本央行一度轉鷹惹黎市場揣測，但日央行噚日議息後按兵不動，日圓應聲插水，曾見131水平，不過，日圓今日反彈，截至今日下晝3點，G10貨幣兌美元普遍要跌，只有日圓及瑞郎向上，最新係128水平上落，系咪反映噚日跌過龍？ 亨達集團助理總經理羅明立指，日央行行長黑田東彥都講過，政策調整需要一些時間做評估，加上依家冇進一步放寬孳息曲線控制范圍慨迫切性，佢估計，市場仍認為日央行貨幣政策仍好大機會轉向，黑田東彥任期會係4月屆滿，係美國放慢加息步伐，同埋日央行可能收緊貨幣政策下，估計日圓仍有上升空間。 羅明立 亨達集團助理總經理 |
USD , CINDA INTL HLDG |
| 羅明立 |
2023-01-13T17:58 |
【Now財經台】日本首相岸田文雄今日會同美國總統拜登會面，會面前夕，日圓匯價搶閘抽升，升穿129水平，兌美元一度見128.39。 總結全周，美元進一步尋底，而日圓系G10貨幣中，兌美元表現最好慨貨幣，累升2.75%。近期日本通脹壓力升溫，東京慨通脹率系40年以來首次觸及4%，日本央行系咪有更大可能放棄超寬松政策，進一步推升日圓？ 亨達集團助理總經理羅明立認為，日本通脹升到呢個水平，令市場認為日央行應該有足夠空間做遏通脹慨操作，加上憧憬美國聯儲局放慢加息步伐，唔少投資者正炒作上述提及慨預期，因此，Patrick估計，日圓有進一步上升空間，估計有機會一浸浸炒上，並上試舊年5月慨126.5水平。 羅明立 亨達集團助理總經理 |
USD , CINDA INTL HLDG |
| 羅明立 |
2023-01-12T17:09 |
【Now財經台】綜合外資大行的預測中位數，料美國整體CPI按月跌0.1%，核心CPI按月升0.3%，而彭博的經濟研究就預期，美國CPI可能會連續三個月下跌，當中供應鏈紓緩、企業清理過剩庫存，都幫助聯儲局抗擊通脹。彭博的分析預料，在汽油價格下跌，天氣回暖令水電煤價下跌，再加上新車及二手車售價下跌，亦都有望令通脹回落。分析師就同大家預測下未來通脹表現，以及美元短線走勢。 亨達集團助理總經理羅明立表示，在冬天的能源價格影響通脹較大，當能源價格偏軟，有機會令通脹繼續回落，關鍵系回落多少。聯儲局下一步要研究系唔系縮少加息幅度，只加息0.25厘。 Patrick稱在未出通脹數據前，市場普遍預期加息半厘是比較合適，因為美國通脹變化較大，如果咁快縮小加息幅度，之後按需要再重新提升加息幅度會顯得尷尬，加上之前聯儲局官員鷹派立場，Patrick預期聯儲局下一次加息半厘會較合適。 羅明立 亨達集團助理總經理 |
Energy , USD , CINDA INTL HLDG |
| 羅明立 |
2023-01-05T16:18 |
【Now財經台】人仔持續強勢，中間價已連升4日，升上6.9樓上，最新出爐慨財新服務業PMI勝預期，加上內地重開等，都系撐起人仔慨因素，不過，內地重開後，疫情數字顯著上升亦令外界憂慮，人仔短期系咪可以持續強勢？ 亨達集團助理總經理羅明立指，睇人仔要睇埋美元定存，美元近期反覆偏軟，美匯指數上到105阻力位，但噚日掉頭向下，整體上似乎冇一個明確方向，令非美貨幣表現相對平穩，人仔表現亦唔錯，雖然依家內地開始放寬，但因為內地疫情數據透明度唔高，加上預期疫情短期仍會持續，消費力唔會完全復原，因此，復常未必令人仔有好大上升空間，Patrick估計，人仔去到6.8至6.85水平就會止步，上升空間唔大。 羅明立 亨達集團助理總經理 |
USD , USD , CINDA INTL HLDG |
| 羅明立 |
2022-12-29T16:38 |
【Now財經台】內地開關，人民幣離岸價上日同今日無受惠之余，尋日仲錄得兩周最大跌幅，似乎是外界憂慮內地新冠病例繼續大爆發，與此同時多個國家亦向中國旅客實施新的入境要求，瑞銀及高盛就睇會回升至6.7及6.9水平，其他又點睇人民幣明年走勢? 亨達集團助理總經理羅明立指，人民幣今年表現一般，隨著市場預期美金息口已經到頂及中國放寬防疫措施，人民幣有部分反彈，但係6.9水平就有少少阻力，因為近期市場擔心中國放寬防疫政策過急，相信聯儲局暫時唔會太快轉變貨幣政策，一旦明年第一季美元轉弱，人民幣會有上升慨空間。短線人民幣可以守住6.9水平，唔會有太大波動。 羅明立 亨達集團助理總經理 |
RMB , Sachs , USD , CINDA INTL HLDG |
| 羅明立 |
2022-12-22T17:19 |
【Now財經台】日本央行行長黑田東彥將於明年4月卸任，市場關注佢慨繼任人會唔會調整貨幣政策，以及取消負利率政策，而日本政府最新上調明年經濟增長預測，呢些因素會點影響日圓走勢？ 亨達集團助理總經理羅明立指，美元兌日圓下跌，原因包括市場預期聯儲局將會放慢加息步伐，同埋日央行突然調整政策，或預示日本通脹正在回升，不過，美元進一步下跌空間未必太大，因為有大行認為聯儲局仍會繼續加息，利率仍會高企一段時間，會不利日圓走勢。 Patrick又話，投資者要留意日本及日央行政策開始有變，短線而言，投資者可以等日圓回落至130水平再吸納。 羅明立 亨達集團助理總經理 |
USD , CINDA INTL HLDG |
| 羅明立 |
2022-12-15T17:12 |
【Now財經台】聯儲局一如預期，連續4次加息0.75厘後，放慢加息步伐，最新宣布加息0.5厘，不過，主席鮑威爾講明會繼續加，又話現階段討論減息系言之尚早，佢慨言論有冇令市場失望？到底市場驚衰退還是滯脹？ 亨達集團助理總經理羅明立指，雖然鮑威爾同財長耶倫都話，美國經濟仍然有機會「軟著陸」，但衰退風險不容忽視，加上聯儲局態度「偏鷹」，鮑威爾冇係通脹持續回落下進一步「放鴿」，因為仍覺得需要有限制性措施，將通脹推落去2%慨目標水平。 Patrick又話，聯儲局遏通脹行動太早松手，可能帶黎更大問題，所以明年2月及3月有機會繼續加息，而大部分與會者預期明年利率有機會升至5厘以上，的確令市場有少少失望，估計美元短線仍會偏弱。 羅明立 亨達集團助理總經理 |
USD , CINDA INTL HLDG |
| 羅明立 |
2022-12-01T17:41 |
【Now財經台】11月美匯指數累跌5%，踏入12月，美匯指數延續11月弱勢，最新企係106樓下。 市場傾向解讀聯儲局主席鮑威爾噚日係布魯金斯學會慨講話系「偏鴿」，又普遍預期，今個月加息至0.5厘慨機會急升至約80%。不過，亨達集團助理總經理羅明立指，雖然幾乎可以肯定會放慢加息步伐，但其實鮑威爾有提及明年減息機會唔大，同埋利率最終會略高於聯邦公開市場委員會(FOMC)9月時慨預測，因此，市場其實更似系借消息玩區間上落炒作。 Patrick認為，美元可唔可以擺脫弱勢，更取決今晚公布慨美國核心個人消費開支(PCE)，即聯儲局重視慨通脹指標之一、明日出爐慨非農數據，同埋稍後公布慨11月通脹率，系咪持續回落。佢預期，美匯指數短線仍反覆偏軟，暫時未有因素會令指數轉勢向下，美匯指數下一個支持位可以睇105水平。 羅明立 亨達集團助理總經理 |
USD , USD , CINDA INTL HLDG |
| 羅明立 |
2022-11-24T18:27 |
【Now財經台】南韓央行議息後宣布加息0.25厘，符合預期，不過，央行同時下調明年及後年經濟增長預測，加上南韓生產者物價指數(PPI)已連跌4個月，南韓圜有冇機會突破1310呢個阻力位？ 亨達集團助理總經理羅明立指，南韓大幅加息慨階段已過，不過，南韓央行都提及，受防疫政策及外圍經濟影響，接連加息對當地經濟都造成好大沖擊，雖然通脹略為降溫，但仍處於高水平，因此，貨幣政策需繼續收緊，而加息幅度亦會較之前小。 Patrick續指，美元有轉弱趨勢，會有利其他貨幣造得更好，估計南韓圜可見1290至1300水平。 羅明立 亨達集團助理總經理 |
USD , CINDA INTL HLDG |
| 羅明立 |
2022-11-17T17:43 |
【Now財經台】英國今日會公布最新財政預算案，估計會加能源利潤暴利稅、加所得稅收入等，英鎊已自上月低位反彈左唔少，預算案公布後，英鎊會唔會進一步上升？ 亨達集團助理總經理羅明立指，英國10月通脹升至11.1%，創41年新高，英倫銀行講明會繼續加息，新任財相侯俊偉要將上手慨預算案推倒重來，轉為加稅削開支，相信可以穩定返市場信心。不過，佢認為預算案能唔能夠進一步推高英鎊，仍要睇返英倫銀行慨貨幣政策，同埋英國慨經濟情況。 羅明立估計，英鎊係1.2或1.22水平會遇阻，建議投資者暫時唔好係呢個水平追入。 羅明立 亨達集團助理總經理 |
Energy , GBP , CINDA INTL HLDG |
| 羅明立 |
2022-11-10T19:35 |
【Now財經台】英國今個月有唔少經濟數據出爐，明日就有第3季GDP，下星期就會有10月通脹數據，不過，重頭戲系11月17日公布慨財政預算案，新首相新人事，呢份財政預算案會唔會畀到市場信心？ 亨達集團助理總經理羅明立坦言，投資者唔好對經濟數據有太大期望，因為英倫銀行已講明英國經濟會步入衰退，仲會維持一段長時間。至於財政預算案，方向由原本增加開支、減稅，調整至削減開支、加稅，雖然可以穩定返市場信心，但會對經濟構成壓力，令英倫銀行唔敢收緊貨幣政策。 佢又預期，英鎊上到1.15至1.16水平會有些舉步為艱，建議短線可以係1.12至1.15做部署，趁反彈就沽出。 羅明立 亨達集團助理總經理 |
GBP , CINDA INTL HLDG |
| 羅明立 |
2022-11-03T18:27 |
【Now財經台】聯儲局加息後，匯豐中午率先將最優惠利率上調0.25厘，市場預測黎緊美國加息步伐會減慢返，究竟香港未來加息步伐系點？又有些咩影響緊？ 亨達集團助理總經理羅明立指，現時港美息差拉闊緊，兩邊加息步伐唔一致，預計銀行體系結余到年尾應該只有800億至1000億左右。佢提醒要留意中美關系會否改善，加上內地防疫措施是否仍然強硬，兩個因素對內地與香港經濟會構成巨大影響，未來港元仍會偏弱，銀行加息會更貼近聯儲局息口。 羅明立 亨達集團助理總經理 |
HSBC HOLDINGS , CINDA INTL HLDG |
| 羅明立 |
2022-10-27T18:20 |
【Now財經台】歐洲央行公布議息結果前，歐元仍可以守住1算水平，不過，係歐元區9月消費者物價指數(CPI)升至近10%，經濟又受到俄烏戰事及入冬等因素打擊下，加息0.75厘幾乎成定局，歐央行加息後，歐元會點走？ 亨達集團助理總經理羅明立指，市場預期，歐央行未來兩次會議都會加息0.75厘，始終依家通脹高企，有條件畀央行加息，受歐央行加息消息帶動，歐元沖破50天線，如果正式宣布加息，投資者就要調整倉位。 羅明立 亨達集團助理總經理 |
EURO , CINDA INTL HLDG |
| 羅明立 |
2022-10-13T18:15 |
【Now財經台】日圓昨日創24年新低，跌至146.97兌1美元，日本央行行長黑田東彥指，當地通脹仍處於低水平，相比歐美仍有條件維持寬松貨幣政策，以支持經濟，雖然日圓跌至24年低位，但日央行仍未出手干預，市場似乎挑戰緊日央行底線，到底條底線係邊個位？ 亨達集團助理總經理羅明立指，上次日央行干預市場時已講明，冇一個出手干預慨特定水平，只會當日圓大跌時行動。不過，Patrick認為，如果日圓跌至147水平，唔排除日央行會有干預行動，因為一旦跌穿呢水平，就難以估計之後慨跌勢，黑田東彥曾表示，日央行會維持寬松貨幣政策，日圓好難大幅反彈。 羅明立 亨達集團助理總經理 |
USD , CINDA INTL HLDG |
| 羅明立 |
2022-09-29T18:26 |
【Now財經台】歐洲央行行長拉加德早前表示，歐洲央行將會加息遏通脹，不過，市場有聲音認為，加息會增加歐洲經濟衰退機會，到底加息可唔可以幫歐元「集氣」？ 亨達集團助理總經理羅明立指，美國同歐洲最大分別在於前者經濟數據尚可，但後者就較差，加上經合組織調低歐元區經濟增長預測，若歐央行跟隨美國加息步伐，歐洲經濟會承受唔到，加上冬天就到，歐洲能源需求會更大，都會對經濟構成負擔。佢又認為，現時歐元係0.98至0.99阻力頗大，而0.95會有支持。 羅明立 亨達集團助理總經理 |
Energy , EURO , CINDA INTL HLDG |
| 羅明立 |
2022-09-01T18:12 |
【Now財經台】美國噚晚公布慨私人職位數據遜預期，市場隨即下調周五出爐慨8月非農新增職位預測至29.8萬份，不過，克里夫蘭聯儲銀行總裁梅斯特最新指，唔認為聯儲局明年有減息條件，又預期聯邦基金利率明年目標係4厘以上。 美國8月就業數據轉弱，聯儲局官員言論又愈來愈鷹派，對過去兩周一直受制於109水平慨美匯指數有咩影響？ 亨達集團助理總經理羅明立認為，距離議息會議仲有20幾日，要睇埋遲些公布慨8月通脹數據，先可以更准確判斷經濟狀況，若通脹回落幅度唔大，甚至進一步上升，9月加息0.75厘慨機會較大，反之通脹回落，加上其他經濟數據疲弱，就可能只加0.5厘。 Patrick又話，美匯指數最近兩度升至109水平後，就冇力再上，認為投資者可以等美匯指數回落至108水平先吸納。 羅明立 亨達集團助理總經理 |
USD , CINDA INTL HLDG |
| 羅明立 |
2022-08-11T17:22 |
【Now財經台】美國上月通脹低過預期，美匯指數跌逾1%，逾兩個月以來首度收係50天線以下，雖然聯儲局話明年仍要加息，但美匯指數繼續向下，美國通脹系咪已經見頂？美匯指數跌夠未？ 亨達集團助理總經理羅明立指，美國通脹近期的確開始有見頂回落跡象，主要系油價自高位回落左唔少，但現階段話通脹已見頂屬言之尚早，聯儲局官員近期慨講話都偏鷹，雖然噚日公布慨CPI低過預期，但其實仍處於高位，最多只會令局方9月加息幅度細些，市場依家都系搵藉口去做倉位調整。 佢又話，美匯指數跌穿50天線後，未來有機會持續受壓，可能會再跌深少少，但轉勢機會唔大。 羅明立 亨達集團助理總經理 |
USD , CINDA INTL HLDG |
| 羅明立 |
2022-08-04T17:17 |
【Now財經台】油價受壓，但加元未見明顯回落，美元兌加元仍然係1.29以下徘徊，之後走勢點睇？ 亨達集團助理總經理羅明立指，加拿大央行上一次加息1厘，認為到9月都未必會加息住，因為大幅度加息後要睇下市場情況，估計加元會系1.27至1.3之間上落。 羅明立 亨達集團助理總經理 |
USD , CAD , CINDA INTL HLDG |
| 羅明立 |
2022-07-21T16:46 |
【Now財經台】日本央行公布議息結果，維持利率負0.1厘不變、10年期國債收益率目標續於零水平，消息公布後，日圓變動唔大，系咪美日息差已經唔會令日圓進一步受壓？ 亨達集團助理總經理羅明立指，由於近排美元調整，美元兌日圓係140關口反覆上落，但調整到10天線水平就有阻力。日央行行長黑田東彥指，日央行唔會針對匯率改變政策，而大幅加息會影響經濟，反映日本仍會堅持寬松貨幣政策，Patrick估計，美元會持續向上，如果想買日圓，建議投資者係136.8至137.8水平，即10天及20天線水平吸納。 羅明立 亨達集團助理總經理 |
USD , CINDA INTL HLDG |
| 羅明立 |
2022-07-07T17:50 |
【Now財經台】繼財相及衛生大臣辭職後，首相約翰遜面對黨內極大逼宮壓力，仍堅持唔會下台，加上歐洲天然氣價格持續向上，英鎊一度失守1.19，英國政局發展對英鎊有幾大影響？睇返依家慨經濟環境，無論邊個上場，英鎊系咪都冇運行？ 亨達集團助理總經理羅明立指，英鎊偏弱都唔系今日慨事，英國一直面對經濟放緩問題，加上同歐盟關系轉差，約翰遜慨威望、管治能力亦備受質疑，引發黨內大量反對聲音，相信未必可以完成任期。 Patrick又話，英鎊噚日開始跌勢放緩，不過，即使換首相，都未必可以解決上述問題，但短期可以沖喜一下，帶動英鎊反彈，但長遠仍然睇跌，佢建議暫時唔好追沽，等英鎊彈高少少再部署。 羅明立 亨達集團助理總經理 |
GBP , CINDA INTL HLDG |
| 羅明立 |
2022-06-30T18:21 |
【Now財經台】美元兌日圓今季累升約12%，錄得6年以來最大單季升幅，並已連升6季，季尾續刷新24年高位，一度見137，日本央行下半年系咪會繼續寬松，日圓跌到邊個水平先會出手？ 亨達集團助理總經理羅明立指，近期連瑞士央行都加左息，只系淨返日本央未有行動，但睇返官員近期慨言論，貨幣政策暫時都唔會有改變。Patrick相信，由於日本短期仍會繼續寬松，日本同其他國家慨息差，預期會進一步擴闊，暫時睇唔到日圓下跌趨勢有咩改變，但相信美元升到咁上下一定會調整，建議等日圓反彈再沽出。 羅明立 亨達集團助理總經理 |
|
| 羅明立 |
2022-06-09T17:47 |
【Now財經台】日圓今朝進一步轉弱，美元兌日圓一度升至134.55，失守埋2002年慨低位，日本央行真系會任由日圓持續貶值？ 日本央行行長近日指，除非日圓匯價劇烈波動，否則，日圓進一步貶值會利好整體經濟。 亨達集團助理總經理羅明立指，日央行行長慨言論無疑系叫市場繼續沽日圓，加上其他央行不停加息，息差因素無可避免地令日圓進一步受壓。Patrick認為，等Yen見返131.5水平先入手。 羅明立 亨達集團助理總經理 |
USD , CINDA INTL HLDG |
| 羅明立 |
2022-04-28T19:26 |
【Now財經台】日圓再急轉弱，由128.7兌一美元轉弱至130水平，見20年低位，每百日圓兌港元逼近六算關口。 面對美國快將急速加息縮表，日本央行維持寬松政策不變，日圓重返2002年見過的135水平難唔難？ 亨達集團助理總經理羅明立指，日本央行冇特別關注日圓匯價疲弱，加上美日息差拉闊，有機會令日圓轉弱至135水平。 Patrick又話，以技術走勢分析，日圓已經跌穿頸線，最極端可以去到170水平，佢認為，除非日本央行改變立場，否則日圓短期易跌難升，建議投資者可以購入小量日圓，但用急進，相信日圓會向下沉底。 羅明立 亨達集團助理總經理 |
USD , CINDA INTL HLDG |
| 羅明立 |
2022-04-21T19:30 |
【Now財經台】加拿大3月通脹率6.7%，錄得逾30年以來最大升幅，加元見1.25，要上返今個月高位，即1.24慨機會有幾大？ 亨達集團助理總經理羅明立指，加拿大通脹仲系好勁，央行「收水」力度應該同美國聯儲局差唔多，而力度將會愈黎愈大，如果美元短期出現調整，加元有機會借勢反彈，過去半年，美元兌加元係1.23、1.24慨承接力都唔錯，但1.29、1.3有阻力。 Patrick又話，加元較適合做短線操作，可以考慮係1.25水平買入，但唔好期望加元會升好多。 羅明立 亨達集團助理總經理 |
USD , CAD , CINDA INTL HLDG |
| 羅明立 |
2022-04-14T17:48 |
【Now財經台】面對通脹壓力，繼新西蘭央行後，加拿大央行亦加息0.5厘，美元兌加元失守1.26。加拿大系G7國家中首間加息0.5厘慨央行，並將今年平均通脹預測由4.2%上調至5.3%，但預期下半年通脹將會放緩，今次加息對加元慨刺激作用可以持續幾耐？ 亨達集團助理總經理羅明立指，加拿大央行加息系預期之內，當地進入需求過剩及勞工緊張狀況，加上中線利率及通脹預期亦上調左，估計未來會繼續加息，因此，預期加元短期會持續反彈。 羅明立 亨達集團助理總經理 |
USD , CAD , CINDA INTL HLDG |
| 羅明立 |
2022-03-10T17:28 |
【Now財經台】歐央行議息前，歐元兌美元一度升近2%，錄得5年半以黎最大單日升幅，亦突破埋俄烏開戰以來慨下降軌，今次1.1水平系咪可以企得穩？ 亨達集團助理總經理羅明立指，對於歐元可以守住1.1水平唔太樂觀，俄烏戰事對歐洲影響最大，就算戰事緩和，西方國家同俄羅斯關系未必可以返轉頭，好難即時解除制裁，歐洲要繼續面對能源價格高企局面，歐元可以係1.115試沽。 羅明立 亨達集團助理總經理 |
USD , Energy , EURO , CINDA INTL HLDG |
| 羅明立 |
2022-01-27T18:35 |
【Now財經台】美聯儲議息後，主席鮑威爾連環「放鷹」令美債息抽升見過1.87厘，美匯指數見今年開局高位。鮑威爾鷹派程度系咪令人意外，今次美匯指數乘勢突破97慨機會有幾高？ 亨達集團助理總經理羅明立指，鮑威爾確認左聯儲局會維持較強硬慨政策立場，加快左加息步伐，甚至唔排除之後每次會議都會加息，呢些消息足夠令市場推高美匯指數，後市估計美元有機會再試高位，今次有機會突破97呢個阻力位，但沖上98就未必，依家基本上肯定左3月會第一次加息，除非黎緊通脹升溫，否則都系先加0.25厘，但同時都要睇埋美股、經濟情況，暫時可以考慮低位吸納美元。 羅明立 亨達集團助理總經理 |
|
| 羅明立 |
2022-01-27T18:32 |
美聯儲議息後，主席鮑威爾連環「放鷹」令美債息抽升見過1.87厘，美匯指數見今年開局高位。鮑威爾鷹派程度系咪令人意外，今次美匯指數乘勢突破97慨機會有幾高？ 亨達集團助理總經理羅明立指，鮑威爾確認左聯儲局會維持較強硬慨政策立場，加快左加息步伐，甚至唔排除之後每次會議都會加息，呢些消息足夠令市場推高美匯指數，後市估計美元有機會再試高位，今次有機會突破97呢個阻力位，但沖上98就未必，依家基本上肯定左3月會第一次加息，除非黎緊通脹升溫，否則都系先加0.25厘，但同時都要睇埋美股、經濟情況，暫時可以考慮低位吸納美元。 |
US Bonds , USD , US Stock , USD , CINDA INTL HLDG |
| 羅明立 |
2022-01-13T16:55 |
【Now財經台】美國上月通脹按年升7%，去到近40年高位，按月通脹升幅更高過預期，但美匯指數繼續向下，跌至大約兩個月低位。由上星期慨非農數據、前日鮑威爾到國會作證，以至美國消費物價指數(CPI)，點分析美匯急速轉弱、未加息先見頂呢？今晚慨美國生產物價指數(PPI)若果又只系符合預期，美匯系咪仲有得跌？ 亨達集團助理總經理羅明立指，市場呢輪密集地消化左聯儲局急進收水慨預期，令美金沖唔到上去，市場因此可能有倉位上慨調整，預料美金短期內已經見頂，失守左50天線，美匯指數又跌穿左95.5，黎緊有機會下試94.5。 Patrick又話，美金今年整體走勢都仲系比較樂觀，依家只系階段性慨調整，低位仍然可以考慮吸納。今晚慨PPI數據無論系符合預期定高於預期，相信都改變唔到美匯短期內要再調整慨格局，但向下慨幅度估計唔會太大。 羅明立 亨達集團助理總經理 |
USD , CINDA INTL HLDG |
| 羅明立 |
2021-12-16T18:48 |
【Now財經台】美國聯邦儲備局公布議息結果後，美匯指數即時彈到96.9，逼近上月高位，但好快回落，更一度跌到96.3，市場消化左議息結果半日，又點樣分析美匯走勢? 亨達集團助理總經理羅明立表示，美匯噚日走勢唔太好，去到97慨關口前卻步。市場似乎一早預計聯儲局今次會有加快「收水」聲明，已經消化左出年好大機會加息三次呢個消息。Patrick又指，美匯上升動力不足，要小心12月前因交投較弱而回落，佢建議投資者留意其他央行慨議息結果同埋今晚慨美匯走勢。 羅明立 亨達集團助理總經理 |
USD , CINDA INTL HLDG |
| 羅明立 |
2021-11-18T17:16 |
【Now財經台】英國通脹按年升4.2%，創10年新高，令英倫銀行加息遏通脹慨壓力進一步增加，英鎊兌美元連升4日，最新上返1.35，英鎊後市有冇力收復失地？ 亨達集團助理總經理羅明立指，英倫銀行12月加息機會好高，原因系早兩日出慨就業數據，反映勞工市場有少少緊張，同埋CPI又升左。至於英鎊可唔可以收復失地，始終近排美元偏強，整體趨勢仍然系利好美元，英鎊短線要留意有冇機會上返1.36水平。 羅明立 亨達集團助理總經理 |
USD , GBP , CINDA INTL HLDG |
