| Commentator |
Time |
Content |
Tag |
| 羅明立 |
2024-11-28T18:00 |
南韓央行今日(28日)爆冷宣布減息0.25厘，值得留意係，減息唔係獲得一致通過，6名委員之中有2名反對，今次減息係咪可以視為對特朗普(Donald Trump)關稅政策慨預防性減息？ 亨達集團助理總經理羅明立指，今次爆冷減息，主要係南韓經濟持續惡化，不論家庭或企業慨債務壓力都好大，過往南韓央行好少連續兩次減息，反映今次係面對好大壓力，央行又下調明年經濟增長預測，反映當地經濟前景唔理想。 Patrick又話，由於美國盟友都避唔過關稅一劫，所以南韓要提前做好準備。 |
|
| 羅明立 |
2024-11-14T17:38 |
中國係沙特阿拉伯發行3年及5年期美元債券，籌20億美元，係3年以來首發美元債，市場反應理想，呢批美元債超購逾20倍，今次發債目的係咩？ 亨達集團助理總經理羅明立指，法國早前都發過歐元債，認為中國今次係沙特發美元債，係未來整個部署其中一部分，一方面可紓緩國內資本市場壓力，另一方面，依家中國同沙特關係較密切，沙特本身閒錢較多，所以就係沙特發債，加上發美元債有助中國係海外市場吸納資金，有助解決短期資金需要。 Patrick續指，依家美元兌人民幣係7.25水平，而近期高位係7.3，如果跌穿呢個位，有機會進一步貶值，唔排除會跌至7.7水平。 |
|
| 羅明立 |
2024-10-31T17:37 |
美國上季國內生產總值(GDP)初值升幅放緩至2.8%，略低過預期，不過，有「小非農」之稱慨ADP私人企業就業職位，10月新增23.3萬個，較預期多逾1倍，明日(11月1日)出爐慨非農數據會唔會遠好過預期，繼而左右議息決定？美匯指數後市又會點走？ 亨達集團助理總經理羅明立指，除非美國周五(1日)出爐慨非農數據偏離市場預期，否則，美國聯儲局今年應該會繼續溫和減息，後市亦要睇埋總統大選結果，共和黨總統候選人特朗普(Donald Trump)傾向減息，美匯指數暫時係104.5水平有阻力，估計短期會出現調整，但整體走勢仍比其他貨幣強。 佢又話，過去一段時間，美匯指數一直係100至106上落，要突破呢個區間唔容易，建議投資者低買高沽，而大選結果出爐前唔好太大倉位入市，避免市場震盪。 |
|
| 羅明立 |
2024-09-19T17:23 |
美國聯儲局啟動減息周期，大手減息0.5厘，美匯指數險守100天線，債市亦有獲利跡象，10年期債息升至3.7厘，係咪因為市場早已消化減息消息，導致美匯指數險守100關？ 亨達集團助理總經理羅明立表示，美匯指數依家係99至100.5仍有好大支持，相信唔會咁快會跌穿100水平，但由於市場想試穿美元底部，所以美匯指數短期仍有一定壓力。 但佢認為，美匯指數應該冇咁快可以上返102水平，所以短線可以考慮係高位沽出，但唔需要睇得太淡，始終美元基本面唔係太差，加上其他央行都有需要減息，美匯指數情況仍唔算太惡劣。 |
|
| 羅明立 |
2024-09-05T17:39 |
市場對美國聯儲局減息0.5厘慨預期再度升溫，英鎊兌美元彈上1.31水平，今年主要非美貨幣之中，以英鎊表現最強勢，英國採購經理指數(PMI)數據唔差，會點左右英國減息步伐？英鎊又應該點部署？ 亨達集團助理總經理羅明立指，英國經濟比歐元區好，通脹近期慢慢回落，但相信英倫銀行減息步伐會比歐洲央行慢，甚至仲慢過美國，加上工黨上場後，市場覺得有機會改善同歐盟慨關係，呢些因素都有利英鎊，英鎊兌美元應該守得住1.3水平，並有機會上試1.325，不過，仍要視乎美元表現，若美元走勢唔係太差，英鎊上升空間有限，只係相對好過歐元。 |
|
| 羅明立 |
2024-08-29T18:12 |
受惠於經濟數據轉強，即使早前新西蘭央行宣布減息，仍無礙紐元今個月慨強勢，紐元兌美元今日(29日)成功突破0.621阻力，更逼近0.63水平，上返年初高位。新西蘭明日(30日)將會公布消費信心指數，數據會唔會進一步推高紐元？ 亨達集團助理總經理羅明立指，唔可以用單一經濟數據做判斷，亦要睇整體經濟狀況，現時新西蘭經濟有降溫跡象，加上美元近期疲弱，令非美貨幣近期表現唔錯，但值得留意係，過去兩年，紐元一直係0.64水平遇阻，依家已上到0.63水平，未來仲有幾多上升空間，需要睇更多數據再做判斷，短期內唔建議係0.63以上水平高追。 |
|
| 羅明立 |
2024-08-22T18:00 |
美國聯儲局7月議息會議紀錄出爐，大部分官員認為9月減息是合適，又預期年底前最少再減息1次，美匯指數失守101水平，低見100.94，再創今年新低，係咪只要8月經濟數據唔太驚嚇，9月減息已成定局？美匯指數跌穿101後，好快又上返去，短期應該點部署？ 亨達集團助理總經理羅明立指，聯儲局9月幾乎肯定會減息，估計將會減息0.25厘，除非9月初公布慨就業數據好差。佢又指，最近美國零售數據唔錯，雖然有其他數據顯示美國經濟轉弱，但衰退風險仍然唔大。 美匯指數方面，羅明立指出，過去一段時間都係100至107上落，依家接近區間底部，大幅單邊下行機會唔大，現水平唔建議大倉位做淡美元，但美元短線仍有壓力，美匯指數或再向下。 |
|
| 羅明立 |
2024-07-25T17:34 |
美股進入重磅股業績期，科技股出現大調整，拖累美股3大指數顯著下挫，新屋銷售數係7個月以來最少，加上製造業採購經理指數(PMI)差過預期，市場對經濟前景慨憂慮再度升溫，雖然美股跌得急，但美匯指數昨晚(24日)冇太大影響，如果股市真係崩盤，會唔會令聯儲局提前減息？ 亨達集團助理總經理羅明立指，依家市場認為7月減息機會好微，聯儲局其實都唔急於減息，係美國經濟數據轉弱下，通脹亦冇上升空間，佢估計，9月極大機會減息，雖然市場對聯儲局減息預期升溫，但其他央行減息機會都唔細，其中，加拿大央行已連續兩個月減息，歐洲9月減息機會亦好大，所以各國貨幣政策唔會相差太遠。 Patrick又指，雖然歐美經濟唔樂觀，但美元唔算弱，美匯指數可企穩104水平，由於大市缺乏方向，短期以炒上落為主。 |
|
| 羅明立 |
2024-07-18T17:38 |
英鎊突破近期阻力1.286後，愈升愈有，更一度試衝1.3水平，有消息指，英倫銀行8月減息機會僅32%，睇返最新就業數據，截至5月止3個月，就業人數增19000人，6月受薪員工增56000人，但新增失業補助申請人數亦有所增加，而上月通脹未如預期放緩，英國息口未來會點走？英鎊強勢可以維持幾耐？ 亨達集團助理總經理羅明立指，英國基本面比歐洲好，但由於通脹放緩速度較預期慢，導致英倫銀行至今仍按兵不動。 政治因素方面，英國已換上工黨執政，估計工黨政策方面會比之前慨保守黨貼地，短期英鎊走勢會比歐元好，阻力暫時睇1.315，但要再向上突破有難度，主要是美元弱，未必可以持續推高英鎊，建議投資者唔好高追英鎊，可以等英鎊回落至1.29水平再買入。 |
|
| 羅明立 |
2024-06-27T17:50 |
美元持續強勢，美國10年期債息衝上兩周高位，美匯指數則高見106.13，美元短線係咪繼續睇升？ 亨達集團助理總經理羅明立指，主要係近期美國聯儲局官員慨言論非常審慎，甚至有官員預期今年唔減息，雖然市場仍預期9月會開始減息，不過，官員慨鷹派態度令股市持續受壓，美元亦造好。 Patrick續指，未來要留意歐洲慨情況，法國國民議會選舉係一個好大負面因素，因為極右勢力有機會上場令歐元受壓，所以建議投資者可以繼續買美元。佢又估計，美元應該仲有得升，但衝得幾高仍要視乎法國選舉情況。 |
|
| 羅明立 |
2024-06-13T17:50 |
原本聯儲局排除加息可能，令歐元有望錄得今年以來最大升幅，不過，歐洲政局持續唔明朗，法國及英國都提前大選，法國股市及債市更大跌，政治因素係咪會令歐元持續受壓？ 亨達集團助理總經理羅明立指，今日(13日)歐洲議會極右勢力抬頭，令法國總統馬克龍(Emmanuel Macron)要提早舉行法國議會選舉，而6月、7月英法兩國都有選舉，令政局有機會變天，執政黨係民調上落後，對歐元及歐盟黎講都係唔理想，而極右有話事權可能會推動脫歐，從政治角度睇，英鎊及歐元都會受壓，但前者相對硬淨。 Patrick又指，因為歐洲央行之後未必會持續減息，所以除非美元出現轉弱因素，否則，歐元、英鎊上升空間唔大。 |
|
| 羅明立 |
2024-05-23T15:55 |
美國聯儲局上月議息紀錄顯示，由於遏抗通脹工作冇進展，多名官員更指，必要時會支持緊縮貨幣政策，議息紀錄出爐後，美匯指數隨即向上，迫近105水平。此外，據最新利率期貨顯示，雖然美國9月減息機會降溫，但今年仍好大機會最少減息1次。雖然高盛維持今年唔減息慨預測，但加息機會亦好微，美元似乎好難再升。 亨達集團助理總經理羅明立指，聯儲局加息機會唔大，而要評估局方慨貨幣政策走向亦唔易，原因係美國經濟及通脹仍有好大變數，佢認為，美國今年仍有機會減息，問題係聯儲局官員慨言論仍傾向謹慎，所以都要留意未來1個月慨經濟數據。 美元方面，佢指出，對美元下半年走勢傾向略為看淡，投資者可以考慮係高位做空美元。 |
|
| 羅明立 |
2024-05-02T19:10 |
日本將於周五(3日)展開一連4日慨黃金周假期，日股將於下周二(7日)復市，不過，匯市持續大幅波動，日本央行疑於紐約時段再入市干預，日圓匯價一度由158兌1美元水平，反彈3%至154水平，並觸及1990年日本經濟泡沫爆破時慨高位。 日圓在亞洲時段升勢回順，最新係156兌1美元水平上落，亨達集團助理總經理羅明立預期，未來幾日慨波動區間介乎152至158，又指可以等日圓跌至157再買入。 |
|
| 羅明立 |
2024-04-25T18:24 |
美元走勢受美國經濟數據同通脹預期影響，今個星期美匯指數回落到106左右，係105.8水平窄幅徘徊，市場等今晚(25日)美國國內生產總值(GDP)出爐，但見到美債息冇回落，美元都唔會有好大跌幅？ 亨達集團助理總經理羅明立指，睇番美元基本面同美國貨幣政策，美元唔應該跌太多，美匯指數係107水平有明顯阻力，因為上年第4季急瀉，跌到100左右水平，現時去返上年急跌前水平，所以出現調整係合理，估計係105水平有支持，亦要留意今晚美國經濟數據，如果數據正常，美金唔會跌得太多，佢估計，美匯指數會係105至107水平整固。 |
|
| 羅明立 |
2024-04-11T19:00 |
美國減息時間或進一步推遲，美匯指數重上105水平，非美貨幣就顯著向下，日圓昨晚(10日)一度跌穿153水平，跌至逾34年低位。日本財務大臣鈴木俊一指，日圓匯價過度波動唔可取，唔排除採取任何措施應對，其後日圓跌勢略為喘定，到底日圓要跌到邊個水平，日本政府先會出手？ 亨達集團助理總經理羅明立指，根據過往經驗，日本央行係152水平已經會有行動，但今次跌穿153水平都冇出手，炒家會繼續推低日圓，因為美日息差仍對日圓不利。不過，佢指出，日央行行長近期提及，日本通脹正朝著目標水平進發，之後就未必需要太多刺激措施，而今年仍會加息，但由於日央行態度較為穩陣，日圓或要再試低位，短期或下試155水平。 |
|
| 羅明立 |
2024-03-21T18:01 |
「超級央行周」屆尾聲，日本、澳洲、美國已先後公布議息結果，英倫銀行議息結果就今晚(21日)出爐，市場估計，將連續5次會議按兵不動，指標利率維持於5.25厘。英國通脹降溫之餘，亦略低過預期，數據出爐後，英鎊曾跌穿1.27，今日就顯著反彈，最新再逼近1.28水平，英鎊後市會點走？ 亨達集團助理總經理羅明立指，英國最新公布慨通脹數據，可以令英倫銀行考慮係咪可以早些減息，而英國政府都希望可以透過減息撐經濟，始終當地經濟基本面唔係太理想，通脹數據出爐後，英鎊先跌後升，但佢估計，英鎊短期會係1.27至1.29上落。 |
|
| 羅明立 |
2024-02-29T17:59 |
比特幣(Bitcoin)價格繼續跑贏金價，今年以來已累升48%，據《彭博》報價顯示，Bitcoin價格今早(29日)更一度升穿64000美元，暫時連升第6日，但考慮到對上一次，即2020年5月出現4年一度慨「減半事件」，Bitcoin係減半前1年及往後1年，價格都會爆升，Bitcoin價格未來會點行？ 亨達集團助理總經理羅明立認為，Bitcoin依家仲有水位比投資者入，但未必適合所有投資者，因為投資Bitcoin要預左坐過山車，價格隨時會急挫20%至30%，若投資者唔扣好安全帶，損失可以好大。 |
Gold , USD , CINDA INTL HLDG |
| 羅明立 |
2024-02-15T15:58 |
日本經濟爆冷連續兩季收縮，陷入技術性衰退，對日本央行結束負利率政策有一定影響，係咪愈遲結束負利率政策，對日圓愈不利？不過，日圓未見進一步轉弱，仍然守得住150水平，係咪擔心日央行會出手干預匯價？ 亨達集團助理總經理羅明立指，日本經濟增長的確唔理想，會對日央行貨幣政策有少少影響，但今年仍好大機會將超寬鬆貨幣政策正常化，對日圓一定有影響，美國數據理想，而聯儲局好大機會6月減息，日圓無可避免會受壓，但見到日央行及員開始作出一些口頭干預，Patrick認為，日圓係151水平應該有支持，可以係呢個水平小注博反彈，後市就要睇美元點走。 |
USD , CINDA INTL HLDG |
| 羅明立 |
2024-01-11T18:07 |
【Now財經台】日圓2024年開局至今累跌3%，不論跟G10貨幣還是亞洲貨幣比較，表現都系最差，日股強勢，日經平均指數續創近34年新高，今日(11日)更沖破35000點關口，日圓續於145水平徘徊，日圓開局跌左咁多，系咪市場對日圓彈得太急有戒心？ 亨達集團助理總經理羅明立認為，日本央行早前暗示會調整貨幣政策，但當地近日出現天災，日本政府有可能會推遲調整政策。Patrick又指，現時最有可能出現慨情況系，會係第1季結果債券孳息率曲線控制(YCC)，如果日圓見145以上水平系另一個吸納好時機。 羅明立 亨達集團助理總經理 |
CINDA INTL HLDG |
| 羅明立 |
2023-12-14T17:55 |
【Now財經台】美國聯儲局一如預期按兵不動，但主席鮑威爾爆冷「轉鴿」，暗示美息見頂，亦透露有傾過減息，點陣圖亦預示明年將會減息，高盛估計，美國明年將會減息3次，但美國通脹仍然達3%以上，美匯指數依家落到102.7水平，可唔可以企穩呢個短期支持位，再挑戰100水平？ 亨達集團助理總經理羅明立表示，市場上有聲音預測聯儲局明年減息逾1厘，經過聯儲局明示或暗示後，3月減息機會系大左，如果明年3月、5月及6月都減息，系咪下半年唔再減？都要視乎當時慨情況。市場當然系歡迎，所以見到美股大升，美元就向下，佢認為，美元有機會進一步尋底，但唔排除出現階段性反彈。 Patrick又話，美國月初公布慨數據都系靚仔，所以唔使對美元睇得太淡，由於美匯指數頂位104都幾重，可能要將波動區間向下「褪一褪」。 羅明立 亨達集團助理總經理 |
Sachs , USD , US Stock , USD , CINDA INTL HLDG |
| 羅明立 |
2023-12-07T18:15 |
【Now財經台】日本央行行長植田和男今早(7日)指，結束負利率後，利率定於零水平還是上調至0.1厘，以及而短息會點行暫時未有定案，日本債市隨即有反應，10年期債息結束3連跌，一度1年以來最大升幅，美元兌日圓就見145.51水平，日圓係日央行月中議息前，系咪仲有上升空間？ 亨達集團助理總經理羅明立指，日圓最新已見145.6水平，相信日央行正為調整貨幣政策鋪路，雖然今個月未必會出手，但市場已預期會有動作，因此，日圓近期已經由152、150一直咁撳落黎，出現一個短期向下趨勢，要博就博去返143水平，而每次轉弱都可以博反彈。 羅明立 亨達集團助理總經理 |
USD , CINDA INTL HLDG |
| 羅明立 |
2023-11-30T18:23 |
【Now財經台】總結11月，美匯指數累跌逾3%，將會系今年以來最差慨一個月表現。亨達集團助理總經理羅明立表示，指數昨日高收後，今日有條件可以輕微反彈，估計回升到102至102.5附近會出現階段性承接，建議投資者等指數反彈後再沽美元。 另一邊廂，美國債市今個月創下1980年代以來最佳月度表現。《彭博》數據顯示，資金係11月峰湧流入美國國債、高評級機構債券同抵押貸款債券，而反映債市慨彭博美國綜合指數本月反彈近5%。美債系咪有望唔使破紀錄連跌第3年？ Patrick認為美債就快進入轉角市，但市場預期10年期孳息率跌穿4厘未免太樂觀。 羅明立 亨達集團助理總經理 |
US Bonds , Capital Flow , USD , USD , CINDA INTL HLDG |
| 羅明立 |
2023-11-23T18:22 |
【Now財經台】美元昨日(22日)自逾兩個月低位反彈後，今日(23日)又跌過，美匯指數暫時企唔穩104水平，有分析指，美元噚日顯著反彈，因為有投資者係感恩節假期前平美元空倉，押注美息見頂，但美國債務水平又不斷攀升，美元後市會點行？ 亨達集團助理總經理羅明立指，美元的確系轉弱左，美匯指數之前係107水平兩度觸頂，之後一直向下，一度低跌到見103，整個走勢已經破壞左。佢又估計，依家美匯指數會係低位整固，落到102水平會出現階段性反彈，但未必上得返105樓上。Patrick建議，可以等美匯指數上返104.5水平先再沽美元。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-11-09T18:19 |
【Now財經台】內地今早(9日)出左通脹數據，相隔兩個月再度陷入通縮，但生產層面通縮壓力有所紓緩，人仔走勢偏軟，一度見過7.28水平，系咪同通脹數據有關？還是同美元走勢有關？ 亨達集團助理總經理羅明立認為，近期美元兌人仔持續係7.3水平窄幅上落，中央似乎都唔想人仔跌得太多，雖然聯儲局再暫停加息，但預期美息會持續高企一段時間，中美息差仍有利美元，相信人仔暫時會係7.25至7.35水平上落，一旦跌穿7.23，唔排除短線會有反彈。 羅明立 亨達集團助理總經理 |
USD , CINDA INTL HLDG |
| 羅明立 |
2023-10-26T16:33 |
【Now財經台】歐洲央行今晚(26日)會舉行議息會議，另一方面，美債價格近日走勢波動，周一(23日)升穿5厘後，多家大行及知名投資者紛紛轉軑撐美債，令債息短暫回落，但之後又上返4.97厘。截至今日下午3時，G10貨幣兌美元全線跌，加拿大央行噚日維持利率不變，市場估計，歐央行都會按兵不動，但有冇機會爆冷？歐元短線會點走？ 亨達集團助理總經理羅明立認為，歐央行慨貨幣政策應該唔會有驚喜，始終歐元區經濟都幾差，雖然通脹仍未受控，但估計歐央行都唔會加息。 Patrick認為，美元基本面上仍然占優，雖然美國今年好大機會唔再加息，但係歐洲、英國等國家未來有機會快過美國減息下，相信歐元會再試1.05以下水平。 羅明立 亨達集團助理總經理 |
US Bonds , USD , EURO , CINDA INTL HLDG |
| 羅明立 |
2023-10-12T18:03 |
【Now財經台】英國8月國內生產總值(GDP)按月溫和反彈0.2%，符合預期，不過，工業、制造業生產值跌幅大過預期，英鎊昨日(11日)突破1.23兌1美元，今日(12日)下午經濟數據出爐後，英鎊暫時靠穩。 亨達集團助理總經理羅明立認為，英鎊近日轉強，更多系因為美國聯儲局官員連日「放鴿」，年內再加息預期降溫令美元轉弱。 Patrick續指，英國經濟數據唔算太靚仔，英倫銀行隨時比市場預期更快減息，技術上，英鎊匯價自7月起形成下行通道，但後市仍難沖上1.24水平，值博率唔高，建議等匯價沖高少少再反手沽英鎊。 羅明立 亨達集團助理總經理 |
USD , GBP , CINDA INTL HLDG |
| 羅明立 |
2023-10-05T18:23 |
【Now財經台】美元兌日圓周二(3日)一度觸及150兌1美元水平後，迅速反彈近2%。日本政府冇回應系咪有出手干預，但據報日本央行經常帳戶余額慨預估初值符合預測，未有出現負值，顯示央行或未出手干預。如果日央行仲未出手，日圓仲有空間進一步轉強嗎？ 亨達集團助理總經理羅明立亦認為，如果日央行真系有出手干預，應該會連續幾日出來，日圓匯價就唔只回落到現時慨149水平。佢續指，美日息差仲有可能進一步拉闊，日圓仲系受制於美元強勢，單靠央行干預未必足以扭轉弱勢。 Patrick預料，美元兌日圓匯價將繼續上升，認為可以趁落到147水平買美金。不過，如果想追沽日圓，要小心匯價上到150等重要關口，可能引發倉位調整而出現幾百點波動。 羅明立 亨達集團助理總經理 |
USD , CINDA INTL HLDG |
| 羅明立 |
2023-09-21T17:36 |
【Now財經台】據美國聯儲局內部預測顯示，今年有機會再加息0.25厘，明年就可能減息0.5厘，主席鮑威爾係會後暗示年內或會再加息。摩根大通行政總裁戴蒙估計，聯儲局未來幾個月可能要再加息遏通脹。據最新利率期貨顯示，12月加息機會只系50%，美匯指數見半年高位，後市會點走？ 亨達集團助理總經理羅明立認為，依家環球央行都系見步行步，利率政策唔會講到好死，如果通脹唔系來勢洶洶，經濟又下滑，唔排除貨幣政策可以松動些。不過，美國經濟基本面暫時仍然唔錯，再加息慨機會仍然較高。至於美匯指數後市有機會上望106，但升唔升得穿呢個位仲要睇睇。 羅明立 亨達集團助理總經理 |
USD , CINDA INTL HLDG |
| 羅明立 |
2023-09-14T17:54 |
【Now財經台】美國通脹數據出爐後，據最新利率期貨顯示，市場預期，聯儲局下周暫停加息慨機會升至97%，美元短線系咪會轉弱？不過，11月及12月加唔加慨機會暫時仍然系一半一半，美元後市系咪仍然未有明確方向？ 亨達集團助理總經理羅明立指，美匯指數近期由105跌至104邊緣，聯儲局下周議息好大機會按兵不動，關鍵反而系美國利係11月及12月會點走，油價近期回升左唔少，短線仍有條件再升多少少，有機會推高美國通脹，事實上，美國整體通脹已連續兩月回升，因此，唔排除年底前聯儲局會再加息，佢認為暫時仍有優勢，留意美匯指數守唔守得住104水平。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-09-07T16:21 |
【Now財經台】有「最准分析師」之稱慨摩根大通日本市場研究部主管佐佐木融估計，日圓今年有機會跌穿152兌1美水平，明年或貶值至155，即每百日圓兌港元跌至5算，言論激發日本央行官員「出口術」，指會就匯率問題同政府密切協調，到底央行會唔會真系出手？ 亨達集團助理總經理羅明立指，日圓持續弱勢，主要源於美日貨幣政策慨分歧持續，係日本央行調整貨幣政策前， 日圓都會受壓，如果單邊跌得太急太多，央行好大機會出手干預，但未必可以令日圓轉勢，所以近期唔好博日圓大反彈，相信144至145水平會有支持，仍有機會試150水平。至於明年會唔會繼續跌，始終要睇貨幣政策，但佢相信央行應該會作出調整。 羅明立 亨達集團助理總經理 |
CINDA INTL HLDG , Expo |
| 羅明立 |
2023-08-24T18:26 |
【Now財經台】金磚國家峰會有兩大重點，包括增加成員國及金磚國家去美元化。如果金磚國家影響力增加，會否有利人民幣走勢？ 亨達集團助理總經理羅明立指，金磚五國係同美國關系唔好慨情況下，都希望可以擴大影響力、去美元化，但他相信去美元化過程會相當慢，認為人民幣轉強與峰會無關。他又指目前仍睇淡人民幣，短期或有些反彈，但整體依然有下行壓力。 羅明立 亨達集團助理總經理 |
RMB , USD , CINDA INTL HLDG |
| 羅明立 |
2023-08-17T18:19 |
【Now財經台】據聯儲局議息會議記錄顯示，局內大部分官員認為，美國通脹仍有重大上行風險，可能需要再加息，同市場之前預期9月唔再加息有明顯落差，不過，據最新利率期貨顯示，9月唔加息慨機會仍高達86%，到底9月系咪真系會加息？ 亨達集團助理總經理羅明立認為，美國零售銷售數據及消費者信心仍幾強勁，聯儲局會繼續關注通脹及工資增長情況，如果就業情況對通脹造成壓力，唔排除聯儲局會再加息，但未必系9月。 此外，美匯指數升至兩個月高位，沖上103.5水平，Patrick指出，呢個位置系對上兩次慨阻力位，美元近期偏強，但美匯指數再沖上去就要小心。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-08-14T18:17 |
【Now財經台】內地上星期五(11日)出左最新金融數據，其中，人民幣新增貸款遠遜預期，僅約3459億人仔，系2009年金融海嘯以來最少。內地過去數月公布左唔少刺激措施，地方政府又一直為內房松綁，但結果新增貸款表現仍令人失望。 亨達集團助理總經理羅明立指，內地經濟情況相當嚴峻，相繼有企業爆雷，尤其系內房，大家都好擔心違約事件陸續有黎，又話之前中央推出慨措施實際作用唔大，依家最大問題系市民信心不足，傾向采取保守措施。 人仔方面，Patrick估計會進一步下跌，近期中央希望銀行作出一些干預行動，但成效似乎唔大，加上冇實質措施撐經濟，係信心問題未解決下，人仔仍會向下。 羅明立 亨達集團助理總經理 |
RMB , China Real Estate , CINDA INTL HLDG |
| 羅明立 |
2023-08-03T16:02 |
【Now財經台】英倫銀行今晚會公布議息結果，市場仍預期再加息0.25厘，雖然當地消費物價指數(CPI)按年升幅回落至8%以下，但仍然系太高，系咪預示利率有排都未見頂？英鎊兌美元跌至3月以來慨上升通道底部，現水平系咪可以買入？ 亨達集團助理總經理羅明立指，英國通脹仍然太高，相對於歐美，英倫銀行仍有條件加息，美元近期強勢，就算英鎊有加息因素，依家失守50天線，睇下今晚議息結果如何，但係現水平大跌機會唔大，但由於缺乏方向，估計暫時都系上落格局。 羅明立 亨達集團助理總經理 |
USD , GBP , CINDA INTL HLDG |
| 羅明立 |
2023-07-27T17:59 |
【Now財經台】美國聯儲局加息0.25厘後，美匯指數失守101水平，回落至100.8水平。 市場靜待美國今晚出爐慨國內生產總值(GDP)及個人消費支出(PCE)數據，估計第1季GDP增長將會放緩，反映通脹慨PCE物價指數按月及按年升幅收窄。 亨達集團助理總經理羅明立認為，美國消費信心指數及就業數據理想，從基本面睇應該唔會令美元走勢轉差，不過，技術走勢就唔太理想。 Patrick又指，美匯指數早前跌穿100.5水平，低見99.23後，迅速彈上101.5水平又遇阻，相信今次亦好難突破。如果美匯指數之後跌穿上次低位，佢認為有機會進一步下跌，建議投資者可部署美元淡倉。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-06-08T18:36 |
【Now財經台】日本第1季GDP增長顯著加快，向上修訂後增長2.7%，而日股近期亦表現強勢，升上33年高位，日本公布經濟數據後，日圓今早略為反彈，日央行下星期議息，睇返依家慨經濟形勢，系咪唔足以令日央行改變超寬松貨幣政策？ 亨達集團助理總經理指羅明立指，日本經濟增長向上修訂系好事，但值得留意系，當地工資增長疲弱，相信日央行短期內唔會改變貨幣政策，若通脹率維持係2%以上，日央行先有機會調整貨幣政策。 羅明立 亨達集團助理總經理 |
CINDA INTL HLDG |
| 羅明立 |
2023-05-18T16:22 |
【Now財經台】澳洲最新失業率，由近50年低位反彈至3.7%，高過預期。就業職位減少系咪反映過去11次加息對企業經營同勞動市場帶黎壓力？6月加息機會會唔會因此放緩？ 亨達集團助理總經理羅明立話，央行最關注慨勞動市場有放緩跡象，所以6月加息機會較微。當地失業率回升，預計年底有機會升返去4%以上，加上環球經濟環境不明朗，央行適宜按兵不動。 至於澳元宜家處於所有平均線以下，Patrick表示數據已經去到區間接近低位附近，央行如果暫停加息，會對匯價有影響。近期美金反彈，非美貨幣有機會轉弱，令澳元進一步下跌。 羅明立 亨達集團助理總經理 |
AUD , AUD , AUD , CINDA INTL HLDG |
| 羅明立 |
2023-05-11T17:40 |
【Now財經台】美國4月消費物價指數(CPI)按年升幅回落至4.9%，見兩年以來最低水平。雖然CPI按年回落，但美國就業數據仍然強勁，4月非農就業超預期，失業率3.4%，為1969年以來最低，CPI回落，但就業強，系咪可以斷定通脹回落勢頭？今晚公布慨生產物價指數(PPI)走勢又如何？ 亨達集團助理總經理羅明立指，見到CPI的確系回落緊，但下跌速度相當慢，而且同聯儲局2%慨目標仍有一段距離，依家就業數據可以話系支撐著美國經濟，月初出慨就業數據顯示，職位增長、平均時薪、失業率表現都好，呢些都有機會令物價下跌放緩，所以聯儲局依家都系觀望態度，冇確實講會結束加息周期，亦警告市場唔好預今年可以減息。 佢又話，今晚慨PPI預期有機會再回落，但速度同CPI一樣慢，所以對整體唔會有太大影響，相信聯儲局慨貨幣政策都系會繼續觀望，唔排除一有風吹草動就加息。 羅明立 亨達集團助理總經理 |
CINDA INTL HLDG |
| 羅明立 |
2023-05-04T16:41 |
【Now財經台】市場預期聯儲局會暫停加息已經一段時間，而美元亦持續弱勢，噚晚聯儲局公布議息結果後，美匯指數變動唔大。不過，係今個加息周期前，即2022年3月，當時美匯指數係97水平，雖然依家未至於打回原形，但美匯指數現水平系咪企得穩？ 亨達集團助理總經理羅明立指，美匯指數似乎有掉頭向下趨勢，雖然唔會落到100以下水平，但反彈力度已經冇咁強，好難上返102樓上，103水平阻力亦好大，佢建議投資者趁高沽，因為落到100.5呢些支持位，有機會再尋底。 Patrick又話，要留意明日美國公布慨非農就業數據，因為就業支撐美國經濟，如果冇左呢個利好因素，美匯指數會跌至更低水平。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-04-27T16:03 |
【Now財經台】歐洲央行下周會公布議息結果，聽日下午會出首季GDP數據，預期按季再錄得增長，但按年會回落，GDP數據會對歐元進一步向上有幾大支持？歐元噚日已企穩1.1水平，後市有幾大上望空間？ 亨達集團助理總經理羅明立指，近期歐元走勢唔錯，基本上企穩20天線穩步向上，但升幅較小，主要系市場仍等緊聯儲局議息結果，入市態度審慎，但整體仍可以睇好，有機會試1.12水平。 羅明立 亨達集團助理總經理 |
EURO , CINDA INTL HLDG |
| 羅明立 |
2023-04-06T16:17 |
【Now財經台】英鎊過去1個月累升逾3%，系表現最好慨G10貨幣，值得留意系，英國通脹連續幾個月降溫後，2月爆冷升至10.4%，英倫銀行再加息壓力有幾大？英鎊1.25水平阻力有幾大？ 亨達集團助理總經理羅明立估計，由於英國通脹仍然高企，英倫需繼續加息，關鍵系加多1次0.25厘，還是要加多兩次，呢個都要視乎環球經濟及銀行業慨發展。 佢又話，如果睇返圖表，英鎊已穿左位，睇返突破後走勢，仍有上升空間，可以吼1.24水平買入，止蝕擺1.238，短期可上望1.253，甚至更高水平。 羅明立 亨達集團助理總經理 |
GBP , CINDA INTL HLDG |
| 羅明立 |
2023-03-30T17:31 |
【Now財經台】歐美央行無視近期銀行業危機，繼續「放鷹」，歐洲央行首席經濟師連恩指，待銀行業危機受控後，歐央行將會有更多加息動作。不過，市場估計，德國今晚公布慨3月消費物價指數(CPI)，按月及按年升幅都會放緩，可能令市場質疑歐央行系咪對通脹回落進度信心不足。 亨達集團助理總經理羅明立指，銀行業危機略為紓緩，但已打擊投資者對銀行業慨信心，增加銀行融資難度，佢相信歐央行仍會采取較強硬態度遏通脹，估計當地通脹數據會持續回落，但仍距離目標水平頗遠。 Patrick預期，歐元有機會再稍微沖高，但去到1.1後，上升空間唔大，未必值得係該水平買入。 羅明立 亨達集團助理總經理 |
EURO , CINDA INTL HLDG |
| 羅明立 |
2023-03-23T15:54 |
【Now財經台】聯儲局再加息0.25厘，符預期，睇返最新點陣圖，估計聯儲局今年或再加多1次息利率就會見頂，明年底前局方可能掉頭減息近1厘，加上美國通脹放緩，以及銀行業爆發危機，明年減息步伐系咪會較預期快？ 亨達集團助理總經理羅明立指，未爆發銀行業危機前，聯儲局似乎傾向今年再加2至3次息，但依家應該再加1次就會停，較奇怪系主席鮑威爾用幾肯定慨語氣話今年唔會減息，但銀行危機仲未完全化解，會唔會進一步擴大都系未知數，依家咁講似乎有太穩陣之嫌。 佢又話，聯儲局今年貨幣政策有幾大變數，因為... 羅明立 亨達集團助理總經理 |
CINDA INTL HLDG |
| 羅明立 |
2023-02-16T18:52 |
【Now財經台】美國CPI及零售銷售數據已先後出爐，通脹超預期，零售銷售亦好過預期，睇返美元走勢，系咪已經見左短期底位？ 亨達集團助理總經理羅明立指，美國近期出左好多經濟數據，雖然通脹仍然系回落緊，但回落速度及幅度冇市場預期咁樂觀，而最新慨就業數據反映勞工市場仍然熾熱，為聯儲局繼續加息提供左理據，但加息幅度未至於去到0.5厘，關鍵系在於仲要加幾多次，市場估計，最少會加多兩次，但仍須視乎未來慨經濟數據，先知道會唔會再加息。 Patrick又話，今年慨情況好反覆，對美元未必會有好大刺激作用，但美元應該仲可以升多少少，但未必會咁快展開單邊上升行情。 羅明立 亨達集團助理總經理 |
USD , CINDA INTL HLDG |
| 羅明立 |
2023-02-02T17:52 |
【Now財經台】聯儲局主席鮑威爾暗示，可能再加息兩次美息便見頂，美匯指數應聲回落至101水平，跌至9個月低位。回顧今個加息周期，每當美匯指數系咁升，市場就會出現唔少「預言」，甚至美元崩潰論，真正風險其實出現未？美匯指數系咪已見底？ 亨達集團助理總經理羅明立指，聯儲局似乎都認同通脹正在回落，但仍要加多一兩次息，又話今年減息唔系太合適，過去一段時間，市場一直憂慮美國經濟衰退，若年中經濟進一步轉弱，或要調整貨幣政策，佢認為呢個趨勢仍然未變，市場仍傾向睇淡美元，聽晚美國會出就業數據，如果勞工市場仍然良好，會限制美元短期跌幅，相反，美元將持續受壓。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-01-26T16:50 |
【Now財經台】聯儲局下周將會舉行2023年首次議息會議，市場估計，好大機會加息0.25厘，值得留意系，加拿大宣布加息之余，亦預告會暫停加息，歐央行方面，官員放風話2月、3月加息0.5厘後，可能都要停一停，係呢個情況下，美元系咪有機會反彈？ 亨達集團助理總經理羅明立估計，環球央行今年會陸續放慢加息步伐，甚至停止加息，原因系今年經濟衰退風險相當高。美國方面，聯儲局官員早前仲系好口硬，雖然要繼續加息，但幅度可能會細些，但拖長加，還是加埋今次就停，仲要睇多少少數據，同埋今次會議後慨講法。Patrick又話，市場之前已經炒加息步伐放慢，美匯指數去到100、101水平其實已經差唔多，價格反映緊得七七八八，短線可能有反彈機會，但大幅反彈至103慨機會唔大。 羅明立 亨達集團助理總經理 |
USD , USD , CINDA INTL HLDG |
| 羅明立 |
2023-01-19T16:33 |
【Now財經台】雖然日本舊年11月通脹創40年新高，日本央行一度轉鷹惹黎市場揣測，但日央行噚日議息後按兵不動，日圓應聲插水，曾見131水平，不過，日圓今日反彈，截至今日下晝3點，G10貨幣兌美元普遍要跌，只有日圓及瑞郎向上，最新係128水平上落，系咪反映噚日跌過龍？ 亨達集團助理總經理羅明立指，日央行行長黑田東彥都講過，政策調整需要一些時間做評估，加上依家冇進一步放寬孳息曲線控制范圍慨迫切性，佢估計，市場仍認為日央行貨幣政策仍好大機會轉向，黑田東彥任期會係4月屆滿，係美國放慢加息步伐，同埋日央行可能收緊貨幣政策下，估計日圓仍有上升空間。 羅明立 亨達集團助理總經理 |
USD , CINDA INTL HLDG |
| 羅明立 |
2023-01-13T17:58 |
【Now財經台】日本首相岸田文雄今日會同美國總統拜登會面，會面前夕，日圓匯價搶閘抽升，升穿129水平，兌美元一度見128.39。 總結全周，美元進一步尋底，而日圓系G10貨幣中，兌美元表現最好慨貨幣，累升2.75%。近期日本通脹壓力升溫，東京慨通脹率系40年以來首次觸及4%，日本央行系咪有更大可能放棄超寬松政策，進一步推升日圓？ 亨達集團助理總經理羅明立認為，日本通脹升到呢個水平，令市場認為日央行應該有足夠空間做遏通脹慨操作，加上憧憬美國聯儲局放慢加息步伐，唔少投資者正炒作上述提及慨預期，因此，Patrick估計，日圓有進一步上升空間，估計有機會一浸浸炒上，並上試舊年5月慨126.5水平。 羅明立 亨達集團助理總經理 |
USD , CINDA INTL HLDG |
| 羅明立 |
2023-01-12T17:09 |
【Now財經台】綜合外資大行的預測中位數，料美國整體CPI按月跌0.1%，核心CPI按月升0.3%，而彭博的經濟研究就預期，美國CPI可能會連續三個月下跌，當中供應鏈紓緩、企業清理過剩庫存，都幫助聯儲局抗擊通脹。彭博的分析預料，在汽油價格下跌，天氣回暖令水電煤價下跌，再加上新車及二手車售價下跌，亦都有望令通脹回落。分析師就同大家預測下未來通脹表現，以及美元短線走勢。 亨達集團助理總經理羅明立表示，在冬天的能源價格影響通脹較大，當能源價格偏軟，有機會令通脹繼續回落，關鍵系回落多少。聯儲局下一步要研究系唔系縮少加息幅度，只加息0.25厘。 Patrick稱在未出通脹數據前，市場普遍預期加息半厘是比較合適，因為美國通脹變化較大，如果咁快縮小加息幅度，之後按需要再重新提升加息幅度會顯得尷尬，加上之前聯儲局官員鷹派立場，Patrick預期聯儲局下一次加息半厘會較合適。 羅明立 亨達集團助理總經理 |
Energy , USD , CINDA INTL HLDG |
| 羅明立 |
2023-01-05T16:18 |
【Now財經台】人仔持續強勢，中間價已連升4日，升上6.9樓上，最新出爐慨財新服務業PMI勝預期，加上內地重開等，都系撐起人仔慨因素，不過，內地重開後，疫情數字顯著上升亦令外界憂慮，人仔短期系咪可以持續強勢？ 亨達集團助理總經理羅明立指，睇人仔要睇埋美元定存，美元近期反覆偏軟，美匯指數上到105阻力位，但噚日掉頭向下，整體上似乎冇一個明確方向，令非美貨幣表現相對平穩，人仔表現亦唔錯，雖然依家內地開始放寬，但因為內地疫情數據透明度唔高，加上預期疫情短期仍會持續，消費力唔會完全復原，因此，復常未必令人仔有好大上升空間，Patrick估計，人仔去到6.8至6.85水平就會止步，上升空間唔大。 羅明立 亨達集團助理總經理 |
USD , USD , CINDA INTL HLDG |
