| Commentator |
Time |
Content |
Tag |
| 姚浩然 |
2024-09-25T13:31 |
截至早上11時止，1小時內《彭博》用戶搜尋量最多港股，依次為小米集團(01810)、銀河娛樂(00027)、聯想集團(00992)、中國平安(02318)及金沙中國(01928)。 小米股價今日(25日)一度升3%，高見21.85元，衝上逾兩年半高位，但之後掉頭向下，一度倒跌2.5%，低見20.65元，成交相當活躍，原因係有唔少大手成交，半日成交金額逾39億元。小米股價今朝出現單日轉向，係咪反映所有利好消息已反映曬？股價短線係咪已見頂？ 亨達財富管理董事總經理姚浩然表示，小米股價今朝先高後低，係一個不利訊號，小米有別於其他大型科技股，阿里巴巴(09988)及騰訊控股(00700)等已上返近期高位，但小米早已升上高位，再向上突破，累積升幅比其他同類股份大，導致小米出現獲利回套情況，資金就順勢流向資源及保險等板塊，但純粹換馬行動，同基本因素冇太大關係，佢估計，小米股價要係20元水平完成整固後，才有力再上。 |
|
| 姚浩然 |
2024-09-24T16:44 |
內地再出「組合拳」救市，刺激A股及港股今日(24日)大升，大部分板塊都升得唔錯，當中包括汽車經銷股(4S股)，因為中國汽車流通協會昨日指，價格戰令今年首8個月新車銷售損失逾1300億人仔，咁岩今日內地公布大規模救市措施，市場係咪憧憬中央一直力谷車市，今次再出招有機會令汽車經銷商受惠？4S股之一慨中升控股(00881)今日升近10%，成交金額逾1.4億元，到底只係跟大市升，還是睇好政府會出手打救？ 亨達財富管理董事總經理姚浩然認為，若政府出手可解決公司短期現金流不足問題，但如果問銀行借錢，經營現金流仍然會係負數，所以行業長遠策略係要控制現金流失情況，而減少庫存係其中一個方法。 Patrick又指，中國汽車流通協會「求救」後，市場憧憬中央會出手，中升亦借港股今日大升而炒上。不過，行業本身最大問題係減價戰仍好難避免，所以4S股前景仍然唔明朗，如果純粹係低位博反彈，其實已經做到，但如果做長線投資部署，仍要視乎公司有冇積極解決庫存問題，先再作考慮。 |
|
| 姚浩然 |
2024-09-23T09:38 |
亨達財富管理董事總經理姚浩然推介聯想集團(00992) 推介原因： -具人工智能(AI)電腦概念 -預計市盈率(PE)約12倍 -股息率約4厘 建議買入價：9.30元 目標價：10.50元 止蝕價：8. |
|
| 姚浩然 |
2024-09-20T16:35 |
蔚來(09866)第二品牌「樂道ONVO」定位家庭智能電動中型SUV慨「樂道L60」，預售價逾20萬人仔，雖然集團冇再公布定單數量，但管理層6月時已透露預訂超預期，產量有條件達標，係咪會對毛利率有正面影響？ 亨達財富管理董事總經理姚浩然表示，蔚來呢款新車產能及定價的確有一定競爭力，加上有協同效應，若產量足夠可抵銷一定成本開支，至於可唔可以令集團虧損進一步收窄，就再視乎實際定單數量做評估。 佢又話，蔚來產能仍處於「爬坡期」，加上10月開始僅生產5000部，好難推高毛利率，佢估計，蔚來第3季或下半年業績仍要「見紅」，有別於Tesla廠房運作已十分成熟，認為市場要比多少少時間蔚來，睇下未來會唔會交到功課。 |
|
| 姚浩然 |
2024-09-13T17:07 |
康方生物(09926)自主研發用於治療局部晚期，或非小細胞肺癌慨創新藥「依沃西」，雖然係7月底獲國家藥監局受理上市，但集團中期業績仍由盈轉虧，但投資者似乎仍對公司有憧憬。 亨達財富管理董事總經理姚浩然指出，藥企最緊要有新藥推出，又認為「依沃西」可以令康方業績有改善，「依沃西」開始係國際市場見到成績，加上藥物成功研發後，主要支出只跟銷售有關，毋須再投入大量研發資金，因此，就算中期業績轉蝕，投資者都對康方有憧憬。 不過，Patrick提醒，投資者未來要留意「依沃西」實際銷售及收益，又指康方上半年「見紅」主要係許可費減少，實際上產品銷售係有增加。 |
|
| 姚浩然 |
2024-09-09T10:22 |
亨達財富管理董事總經理姚浩然推介長和(00001) 推介原因： -擁有不少海外業務 -受惠匯兌正面影響 -股息率超過5厘 建議買入價：42.00元 目標價：48.00元 止蝕價：39. |
|
| 姚浩然 |
2024-08-30T17:37 |
小鵬汽車(09868)周二(27日)公布純電動車MONA M03售價，MONA M03上市僅48小時已收到逾3萬架慨定單，有大行指，由於新車價格較平，可能會影響小鵬收入。據集團財報顯示，上半年仍要蝕錢，毛利率13.5%，擔唔擔心新車會令毛利率受壓？ 亨達財富管理董事總經理姚浩然估計，小鵬仍會蝕錢，原因係集團有沉沒成本(Sunk cost)，要賣到一定數量慨車先可以回本，所以繼續要蝕錢，由於毛利率低導致集團賺錢能力較差，若要盈利明顯改善及提升毛利率，估計小鵬交付量要大增至約10萬架，否則，公司仍難「止血」。 |
|
| 姚浩然 |
2024-08-26T10:13 |
亨達財富管理董事總經理姚浩然推介中國聯通(00762) 推介原因： -盈利增長穩定 -市盈率(PE)約8倍。 |
|
| 姚浩然 |
2024-08-12T11:28 |
亨達財富管理董事總經理姚浩然推介阿里巴巴(09988) 推介原因： -市場憧憬9月有機會獲納入港股通 建議買入價：77元 中線目標價：85元 止蝕價：72元 |
|
| 姚浩然 |
2024-08-09T17:52 |
去年派返息慨賭股只有美高梅中國(002282)、永利澳門(01128)及銀河娛樂(00027)，澳門博彩業前景似乎仍有隱憂，會唔會導致賭股派唔到息？此外，銀娛下周四(15日)會出業績，一旦集團宣布恢復派息，可唔可以令投資者對賭股重拾信心？ 亨達財富管理董事總經理姚浩然認為，大部分澳門博企已過左高資本開資階段，派息壓力會細左，所以唔需要擔心派唔到息。不過，要留意賭股盈利或會減少，始終過往有5厘，甚至更高慨股息率，但依家可能只得2厘至3厘，反觀其他板塊如石油、電訊、銀行等，股息率更高。 銀娛方面，未來要睇整個行業慨發展狀況，7月屬暑假旺季賭收一般較好，雖然銀娛上月收益增長約5%，跟去年同期慨10%仍有一段距離，Patrick又話，呢個情況反映銀娛係旺季賭場人流都冇增加，難免令市場有憂慮。 |
|
| 姚浩然 |
2024-07-15T10:21 |
亨達財富管理董事總經理姚浩然推介中國聯通(00762) 推介原因： - 預測巿盈率(PE)約10倍，股息率約5.8厘，估值吸引 - 目前派息比率約55%。 |
|
| 姚浩然 |
2024-07-12T17:38 |
京東集團(09618)股價今日(12日)一度升5.7%，高見112元，市傳集團旗下「京東MALL」將會進駐北京三環雙井，但現時內地消費力仍然疲弱，再擴大「京東MALL」版圖會唔會太進取？ 亨達財富管理董事總經理姚浩然指，京東以前主打線上業務，一般網上購物都講求效率及既定產品，集團依家增加實體店數目，相信係瞄準想睇實物及新產品慨顧客。Patrick認為，「京東MALL」慨出現其實只係想多一個渠道，而唔係取代線上業務，事實上兩者可以有互補作用。 股價方面，Patrick認為，京東股價炒高後，隨時出現調整，因為網購行業前景有隱憂，佢又建議，若投資者之前係低位買入京東，至今仍有錢賺，不妨等股價再升多少少，升至約115至118元，可以考慮先沽出約25%持貨。 |
|
| 姚浩然 |
2024-06-28T17:57 |
內地股市上半年表現欠佳，其中，上證指數累跌0.2%，創業板指數更累跌近11%，A股出現外資撤離、成交萎縮慨情況，滬深兩市成交金額自上周五(21日)起持續低於7000億人仔，被市場視為股市催化劑慨「三中全會」，將會係下月召開，預期會議會推出咩政策？對A股又有咩影響？ 亨達財富管理董事總經理姚浩然估計，會繼續針對房地產市場進行改革，鼓勵市民買樓，但由於過去唔少政策慨成效唔顯著，原因係市場睇樓價走勢同以往唔同，唔認為樓市係大漲小回，反而係可升可跌，加上買樓意欲低左，入市態度更審慎。 展望A股下半年表現，Patrick估計，A股好大機會繼續係低位徘徊，因為內地企業盈利增長動力放緩，市場未必接受較高估值，預期上證綜合指數繼續係3000點上落，又認為上升空間及動力都唔大。 |
|
| 姚浩然 |
2024-06-27T10:07 |
亨達財富管理董事總經理姚浩然推介攜程集團(09961) 推介原因： - 環球旅遊平台股份創新高，反映資金流入相關板塊 - 暑假為旅遊旺季。 |
|
| 姚浩然 |
2024-06-17T10:11 |
亨達財富管理董事總經理姚浩然推介美團(03690) 推介原因： - 新業務虧損持續減少﹐盈利改善 - 今年預計市盈率(PE)約17倍。 |
|
| 姚浩然 |
2024-06-03T10:26 |
亨達財富管理董事總經理姚浩然推介中國電力(02380) 推介原因： - 數據中心將於未來不斷落成，市場對電力需求增加 - 今年預計市盈率(PE)約8.1倍，股息率約5厘。 |
|
| 姚浩然 |
2024-05-31T17:46 |
九龍倉置業(01997)股價由之前高位27.6元持續回落，兩周累跌16%，今日(31日)再遭富瑞下調評級。早前，九置主席吳天海直指，本港經濟及零售業面對「三高」問題，即利率高、匯率高及空缺高，九置前景係咪令人擔心？ 亨達財富管理董事總經理姚浩然指，九置慨投資組合主要集中於黃金地段，主攻高端客戶及奢侈品市場，客源主要來自內地，不過，由於內地零售數據都唔係太好，主要係通縮憂慮影響消費意願欲，而呢個情況可能逐步蔓延到香港，為中高檔零售市場帶來壓力，佢估計，九置慨商場及店舖營運收益會面臨壓力及風險。 Patrick又話，寫字樓面對慨負面因素特別多。 |
|
| 姚浩然 |
2024-05-28T17:31 |
紅海危機仍未解決，港口擠塞及貨櫃短缺都開始出現連鎖效應，供應緊張及集裝箱需求都比預期強，估計航線改道情況會持續更耐，加上以巴局勢再升溫，令運費上周再創逾年半新高。摩根大通唱好航運股，但睇返依家慨局勢，運費最多只會持續高企，再升空間係咪唔大？局勢膠著對運費慨影響會維持幾耐？ 亨達財富管理董事總經理姚浩然指，胡塞地緣政治緊張令船隊供應緊張，波羅的海航運指數及集裝箱運價指數有機會再扯高，其中，亞洲往歐洲慨航線價格最受影響，由於市場整體運貨需求上升，導致運費不停上調。不過，由於航運股係周期性股份，雖然紅海事件令供應減少及推高運費，但當事件平息後，航線就會回復正常，所以投資者要識走位，唔好長楂航運股。 Patrick又認為，有兩個因素會令運費回落。 |
|
| 姚浩然 |
2024-05-24T18:00 |
房地產代理股貝殼(02423)昨日(23日)出左首季業績，純利大跌逾84%，收入跌逾19億人仔，營業成本跌12%。貝殼純利大跌主要受開支增加拖累，值得留意係，信用損失準備有回撥，薪酬開支多左唔夠1億人仔，到底係邊個環節拖林業績？ 亨達財富管理董事總經理姚浩然指，唔清楚經紀收入分布，因為有冇底薪，或底薪水平高低都會影響成本，收入及營業成本分別跌逾19.2%和12%，反映公司整體開支減幅細過收入，導致收支不平衡。 Patrick續指，歸根咎底係樓市差，因為貝殼主要有3項業務，首先係賣樓，包括新盤及兩手樓，其次係家裝家居，第3係房屋租賃，其中第2及第3項業務佔比較細，因此，房地產市場唔好就會嚴重影響公司業績。 |
|
| 姚浩然 |
2024-05-20T09:58 |
亨達財富管理董事總經理姚浩然推介大唐新能源(01798) 推介原因： -再生能源為未來發展大勢 -隨著數據中心數目不斷增加，電力需求相應增加 -預測市盈率不足6倍。 |
|
| 姚浩然 |
2024-05-06T10:43 |
亨達財富管理董事總經理姚浩然推介百度集團(09888) 推介原因： -股價強勢，升穿250天線，可追落後 -具人工智能(AI)概念。 |
|
| 姚浩然 |
2024-05-03T17:30 |
美高梅中國(02282)昨日(2日)開市前出左一份非常靚仔慨季績，帶動股價連升兩日，今日(3日)一度高見15.14元，大升近9%，並獲大行上調目標價。此外，集團博彩業務市佔率持續上升，今年首季升至17%，高於去年慨15%。點解美高梅會係6大牌主中，唯一一家博企中場賭收可以超越2019年水平？ 亨達財富管理董事總經理姚浩然指，依家訪澳旅客人數大約相等於2019年72%，賭收就僅約13%，大部分博企收入都少過2019年，唯獨美高梅唔係，主要係美高梅賭檯多左近三分之一，令2023年度整體除息、稅、折舊及攤銷前盈利(EBITDA)等同2019年117%，冠絕一眾博企，亦令股價表現一枝獨秀。 佢又話，美高梅引入「智能賭檯」係推動業績一股好大動力，除左成本效益更大，亦可節省人手等成本，加上有部分客人鍾意同電腦對賭，能夠迎合唔同客人需要，業績自然比同業做得更好，但隨著對手亦引入「智能賭檯」，美高梅優勢會愈來愈小。姚浩然認為，美高梅未來增長動力應該係來自新開慨娛樂場。 |
|
| 姚浩然 |
2024-04-12T16:48 |
友邦保險(01299)3月中出完全年業績後，股價至今累挫逾24%，市場憂慮友邦盈利前景，新業務價值利潤率2019年至今一直呈下行趨勢，其中，內地新業務價值利潤率由2019年94%跌至去年51%，摩通大通估計，友邦未來3年新業務價值利潤率將維持約50%，呢個盈利水平市場又收唔收貨？ 亨達財富管理董事總經理姚浩然指，內地保險行業競爭激烈，公司會以唔同優惠吸客，變相每張保單慨價格就會更小，由於內地經濟增長慢，估計保費增長都會較慢，業界競爭就更激烈，保險公司要提供更好慨條件及優惠吸引新保單，就會令新業務價值利潤率下降。 不過，Patrick指出，友邦去年業績仍勉強收貨，但由於去年都跌左唔少，如果今年再跌就要留意中長線投資部署，佢又估計，友邦今年業績回調慨機會較大。 |
|
| 姚浩然 |
2024-04-08T10:13 |
亨達財富管理董事總經理姚浩然推介新秀麗(01910) 推介原因： - 全球旅遊業持續復甦，對旅行箱的需求增加 - 若集團成功尋找到另一地方上市。 |
|
| 姚浩然 |
2024-03-25T11:18 |
亨達財富管理董事總經理姚浩然推介中國海洋石油(00883) 推介原因： - 開採成本控制得宜，每桶約28.8美元 - 環球經濟衰退風險低。 |
|
| 姚浩然 |
2024-03-22T18:04 |
中國海洋石油(00883)今年產量目標7億至7.2億桶油當量，連續6年創新高，市場關注視中海油未來加大中非安哥拉投資、南美圭亞那已投產項目等，最近又係勃海發現多個億噸級油田，黎緊產量會繼續創新高？ 亨達財富管理董事總經理姚浩然指，產量好大機會再創新高，但公司要經過實質勘探先可以知道有幾多產量，暫時仲未公布具體數據，但睇返過往數據，油田應該唔錯慨收益。 中海油股價係業績前不斷破頂，所以依家回套似乎都係一個合理調整？Patrick就話，依家中海油市盈率(PE)約5倍，但息率唔夠7厘，預期股價會調整至17元水平，最重要始終係要睇住油價，如果油價進一步上升，例如紐約期油升至每桶近90美元，投資者會憧憬盈利及派息率改善，中海油股價有機會升至介乎18至19元。 |
|
| 姚浩然 |
2024-03-13T16:07 |
國泰航空(00293)去年虧轉盈，賺近98億元，遠高過市場預期慨82億元，加上自2019年中期業績後恢復派息，派43仙，午後股價曾衝高逾7%，高見9.35元。 按上日收市價計，國泰股息率約5厘，亨達財富管理董事總經理姚浩然認為，雖然股份短線升得太急，但目前估值唔貴，建議等股價回調到8.8至9元再考慮上唔上機。 Patrick續指，去年乘客運載率大升12.1個百分點至85.7%，就快追上疫情前逾90%慨水平，睇好今年業務繼續復甦，客運收益有望轉跌為升。 |
|
| 姚浩然 |
2024-03-11T10:20 |
亨達財富管理董事總經理姚浩然推介中國神華(01088) 推介原因： - 內地電力需求持續上升，帶動煤炭需求 - 預期市盈率(PE)8.8倍，股息率7.8厘。 |
|
| 姚浩然 |
2024-03-08T17:18 |
信義系今日(8日)跑出，其中，信義玻璃(00868)升逾5%，信義光能(00968)就係升幅最大藍籌，其他光伏股都升得唔錯，係咪炒「兩會」因素？大行相信，光伏玻璃4月有望加價，內地今年5%慨經濟增長目標可唔可以刺激商用需求？ 亨達財富管理董事總經理姚浩然認為，今年「兩會」概念都係舊瓶新酒，唔算有好多特別內容，所以市場開始玩「板塊尋寶遊戲」。由於去年上半年行業庫存幾高，拖低價格及毛利率，直至年中庫存開始減少就有改善，加上今年「兩會」有相關話題出現，光伏板塊就成為炒作對象。 佢又指，當經濟回穩時，市場對光伏產品會有一定需求。睇返業績，信義玻璃下半年利潤明顯高於上半年，反映業務下半年有改善。 |
|
| 姚浩然 |
2024-02-26T10:22 |
亨達財富管理董事總經理姚浩然推介宏利金融(00945) 推介原因： -剛公布的季度業績勝市場預期 -預計市盈率(PE)約10.2倍及股息率約4. |
MANULIFE-S , Earnings , CINDA INTL HLDG |
| 姚浩然 |
2024-02-23T18:04 |
美國芯片公司英偉達(Nvidia)績後股價抽升16%，港股慨人工智能(AI)概念股亦有唔錯升幅，當中百度集團(09888)股價最多升近4%，ASMPT(00522)更一度升約4.5%。 ASMPT早前被摩根大通睇好，指公司好可能為台積電(TSM)供應混合鍵合器，先進工裝業務受惠AI發展，加上公司背後係新加坡資金，唔似中芯國際(00981)、華虹半導體(01347)受制裁消息影響。亨達財富管理董事總經理姚浩然認為，值得下周二(27日)「放榜」前部署定ASMPT，或者等股價回落到86至87元再吸納，上望100元。 至於百度，Patrick表示，隨著中資股近期走勢回穩，股價有望係目前110元水平整固，若下周三(28日)出慨最新業績有亮點，估計股價潛在升幅最多15%，但較難突破120元水平慨阻力。 消息面上，百度獲沽空機構香櫞研究(Citron Research)唱好，稱集團仍然係最被低估慨AI概念股，加上作為內地AI龍頭，現時估值處於歷史低位，又睇好中概股跌勢已完結。不過，Patrick認為，百度唔值得畀高估值。 |
Stock , SMIC , CINDA INTL HLDG , ASMPT , HUA HONG SEMI |
| 姚浩然 |
2024-01-26T18:01 |
【Now財經台】藥明生物(02269)股價今朝高開，保持升勢，原因系創辦人李革首度增持公司股份，但午後走勢突然逆轉，一度急瀉近28%，因為市傳美國眾議院中共問題特設委員會提出，立法禁止藥明康德(02359)及華大基因等外國生物技術公司，指呢些公司收集美國人基因作惡意或不明用途。其實藥明生物附屬曾係2021年，被納入「中國企業未經核實名單」(UVL)，2022年底成功「甩身」，今次又甩唔甩到身？股價急瀉後系咪撈底慨好時機？ 亨達財富管理董事總經理姚浩然指，藥明生物兩次危機都好類似，最終要視乎美國制裁力度，會唔會影響藥明生物接外國定單，一旦落實制裁，好可能影響藥明生物市占率，亦解釋到股價點解今日急瀉。 Patrick又話，想撈底慨投資者要三思，因為現階段只系開始，一旦有進一步制裁，股價可能會插水。 |
Bio , CINDA INTL HLDG , MAGNIFICENT , WUXI BIO , WUXI APPTEC |
| 姚浩然 |
2024-01-25T18:09 |
【Now財經台】轉型做直播帶貨慨東方甄選(01797)，上半年業績收入、商品成交金額(GMV)符合預期，但經調整純利低過預期，調整經營溢利率亦大跌，股價今日逆市急挫，系咪因為盈利能力同市場預期有明顯落差?依家持有東方甄選逾50%股權慨新東方(09901)會唔會受牽連? 亨達財富管理董事總經理姚浩然指，內地整體經濟增速較慢，所以GMV表現較慢系可以理解。東方甄選股價急挫，系由於總營收成本上升，其中，銷售及營銷開支激增146%，行政開支亦大升130%，Patrick預期，集團未來營運開支將會繼續增加。 對於持有東方甄選逾50%股權慨新東方，Patrick認為，兩者要分開睇，預期後者業務可持續增長，唔會受到牽連。 |
Results , Earnings , CINDA INTL HLDG , EAST BUY |
| 姚浩然 |
2024-01-12T19:29 |
【Now 財經台】踏入2024年，銀行股表現認真麻麻，其中，中銀香港(02388)股價更加跌唔停，最新被富瑞下調目標價，市場預期美國今年將會減息，理論上減息不利銀行淨利息收入，但睇返內地及香港資本市場表現，若要帶動貸款及置業需求，減息未必系壞事？ 亨達財富管理董事總經理姚浩然表示，雖然減息會令置業需求增加，繼而帶動銀行按揭貸款需求上升，但另一方面，發展商對後市及投地態度審慎，反映對樓市唔系睇得咁樂觀，因此，減息未必可以扭轉按揭貸款需求疲弱慨局面。 中銀股價方面，Patrick話，雖然富瑞預期中銀股息率可以升至8厘至9厘，但只可以令股價跌勢減慢，暫時亦睇唔到有回升動力，如果業務前景持續唔明朗，投資者都唔會考慮買入。 |
BOC HONG KONG , HK Banks , China real est , HK real estate , CINDA INTL HLDG |
| 姚浩然 |
2023-12-29T17:04 |
【Now財經台】科技股今年表現各異，ATMXJ除左小米集團(01810)之外都要大跌，不過聯想集團(00992)同網易(09999)就沖上年至今10大表現最好藍籌，科技股明年可以點部署？ 亨達財富管理董事總經理姚浩然話，網易較集中在游戲業務，所以當上星期出左網落游戲規管諮詢文件後，敏感度比較高、個股慨跌幅都比較大。佢相信市場會保持戒心，估值溢價或減少，要回到之前170幾至180幾元慨水平比較困難，認為目前約14倍市盈率(PE)合理，但唔算特別吸引。 佢續指，兩者相較會揀聯想，因為2023年下半年環球電腦市場處於復蘇階段，聯想第2財季慨盈利比第1財季升左約40%，雖然高基數下按年跌，但按季升反映盈利開始復蘇；加上電腦一般每4年換一次，上次換機潮係2020年疫情期間，相信2024年多人換機。另外市場都留意緊人工智能(AI)個人電腦，令聯想投資價值加分，亦預計聯想到2025年3月PE有9至10倍，估值仍然吸引。 |
LENOVO GROUP , IT , CINDA INTL HLDG |
| 姚浩然 |
2023-12-21T10:55 |
【Now財經台】亨達財富管理董事總經理姚浩然推介瑞聲科技(02018) 推介原因： -市場憧憬蘋果公司推出人工智能(AI)手機，推動咪高峰升級 -2023年度預測市帳率(PB)約1.3倍， |
CINDA INTL HLDG , AAC TECH , IT |
| 姚浩然 |
2023-12-01T18:17 |
【Now財經台】教育股近期成為焦點，宇華教育(06169)噚日收市後出左業績，毛利率48.2%，按年跌11.4個百分點，宇華解釋，毛利率下跌系因為集團擴大「在師資隊伍」、校園擴建及改造、課程開發等方面慨投資，以提高教學質量，截至8月底，集團現金及等價物按年大減44%至23.7億元，「燒錢」速度會唔會令市場擔心？ 亨達財富管理董事總經理姚浩然指，現金流一年內少左19億元，系一個頗大慨流失，「燒錢」速度令市場擔心。 佢又話，擴大業務「燒」多左錢，但成效唔顯著，收益冇明顯增加，長遠要繼續「燒錢」，業務前景唔理想。 |
CINDA INTL HLDG , YUHUA EDU |
| 姚浩然 |
2023-11-17T16:35 |
【Now財經台】莎莎國際(00178)中午出左通關後首份中期業績，轉賺1億元，毛利率按年升4.1個百分點，符合盈喜預告，系咪冇太大驚喜？唔派中期息又系咪預期之內？ 亨達財富管理董事總經理姚浩然指，睇返莎莎資產負債表，存貨較去年同期大增，涉及近2億元，由於現金水平減少，如果再派息，手頭現金就會更少，所以唔派中期息系可以理解。 莎莎收入主要靠線下銷售，但旅客銷售僅占48.6%，明顯低過疫情前慨74%，面對大量港人北上消費，會唔會令莎莎銷售增長受壓？ Patrick就話，對集團銷售增長無疑系一個挑戰，因為本港疫後復蘇情況比預期差，即使長假期都睇唔到有好多內地游客來港消費，限制左莎莎呢方面慨銷售，加上本港經濟唔算特別好，整體需求減少，港人慨本地消費開支都少左，令莎莎銷售增長受壓。 |
Results , SA SA INT'L , Earnings , CINDA INTL HLDG |
| 姚浩然 |
2023-11-16T18:26 |
【Now財經台】中國華融(02799)建議改名為中信金融資產，並透過中信集團旗下子公司收購中信股份(00267)5%股權，受消息刺激，華融股價一度飆30%至0.475元，收市仍升12%。 根據集團通告，若收購事項完成，中信會為華融2022年度貢獻30.21億人仔純利，今年上半年則有15.42億人仔，有助提高公司資產質素，改善財務狀況。華融今年中期虧損按年大幅收窄至49.15億人仔，亨達財富管理董事總經理姚浩然認為，只要華融自身業務虧損唔再擴大，估計楂住5%中信股權對公司未來盈利有好大幫助。 Patrick續指，華融計劃改名，反映公司有好大決心「洗底」，估計長線會分階段收購該子公司余下約26%慨中信股權，逐漸轉型唔再主營不良資產經營慨業務。佢認為，中長線而言，華融股價未全面反映增持消息，計埋中信8厘股息率帶來慨分紅收益，投資者博完公司虧轉盈，仲可以憧憬派息，值得持續關注，但毋須急於現價入市。 |
CHINA BEST , CINDA INTL HLDG , CITIC , CITIC FAMC |
| 姚浩然 |
2023-11-09T17:54 |
【Now財經台】德昌電機控股(00179)昨日(8日)收市後出左業績，半年多賺1.15倍，毛利率升至22.2%，算唔算系業績入面最大驚喜？德昌股價今日一度炒高逾13%，逼近12元關口。 亨達財富管理董事總經理姚浩然指，如果睇營業額增長唔算標青，運輸成本係疫後開始下降，再加上規模效應，令成本減省幅度進一步加大，從而推高毛利率，盈利增長亦非常理想。 雖然毛利率有驚喜，但睇返德昌主業，歐洲系2A汽車產品組別主要增長動力，但系歐洲經濟數據差，會唔會拖累下半年增長放緩？ Patrick認為，要明年先明顯睇到呢個轉變，美國人慨消費意欲係9月開始降低，市場認為美國經濟唔系咁好，歐洲亦開始加唔到息，美國經濟率先轉弱，繼而殃及其他國家，會令到一些產品如汽車需求減少。 |
JOHNSON ELEC H , Earnings , CINDA INTL HLDG |
| 姚浩然 |
2023-11-03T17:39 |
【Now財經台】李寧(02331)股價連升3日，今日繼續強勢，一度飆近8%，高見27.9元，最終以接近全日高位收市。 集團管理層昨日(2日)係分析員會議上承諾，唔會靠減價去庫存，又話會推出低價產品，擴大產品價格范圍，以改善特賣場(outlet)表現。展望明年，集團將專注提升一、二線城市門店效益，同時開拓三、四線城市慨低端市場，以提升於大眾市場慨競爭力。 不過，亨達財富管理董事總經理姚浩然認為，呢個經營策略自相矛盾，除非集團采取多品牌策略，否則，以「李寧」品牌賣埋平價貨，會影響品牌定位，而本來唔減價慨高價產品就更難清到庫存。 Patrick又分析指，現時內地出現負財富效應，民眾傾向減少消費，面向高端市場慨品牌生意難做，預期李寧後市好難補返上周四(10月26日)出現慨下跌裂口頂部，即29.8元水平，並建議如果想短炒，目標價最多睇30元。 |
LI NING , CINDA INTL HLDG , Rating |
| 姚浩然 |
2023-10-06T16:42 |
【Now財經台】摩根士丹利及美銀證券齊齊下調領展房產基金(00823)目標價，指美債息飆升不利領展估值。雖然本港零售市道復蘇，但較整體市場復蘇速度慢，而內地物業出租率亦下跌，寫字樓方面，雖然本港寫字樓維持到出租率，但租金持續受壓，內地及本港經濟前景唔明朗，商場及寫字樓租金、前景都被睇淡，系咪同美國債息走向有關？ 亨達財富管理董事總經理姚浩然指，唔關債息事，反而系同整體大環境有關，疫情令WFH興起，加上外資縮減香港業務規模，導致物業出租率下跌，佢又指，暫時好難回復至疫前水平，而且情況仲會持續，不利領展收入。 Patrick續指，如果領展股價跌到35元水平先會考慮，加上派息仲系未知數，係咁多不明朗因素下，息口最少要升到7至8厘樓上，同時業務穩定性要好高，先吸引到投資者。 |
US Bonds , CINDA INTL HLDG , LINK REIT , Rating |
| 姚浩然 |
2023-09-22T16:16 |
【Now財經台】美國聯儲局主席鮑威爾係議息後，未有提及減息時間，令市場失望，加上今年余下時加息次數，同市場預期有落差，導致美股連日受壓，3大指數已失守100天線，其中，標指更失守8月中低位，美股要調整到邊個水平先可以撈貨？ 亨達財富管理董事總經理姚浩然認為，對比返6月慨點陣圖，明年息口中位數系出現變化，原本系4.6厘，最新系5.1厘，而年底系5.6厘，加1次息就去到5.1厘，但原本預期唔再加息，就落到4.6厘，換言之，整體息口水位系少左，令市場失望繼而推低美股。 若從樂觀角度睇，聯儲局對2024年經濟增長預測仍然系1.4%，同市場預期有些唔同樣，因為市場估計美國經濟明年會陷入衰退，如果局方認為整體經濟環境唔系咁差，理論上企業盈利都唔會太差，再睇埋分析員慨睇法，企業盈利應該有改善，呢兩日美股跌純粹受市場情緒影響，唔系基本因素轉差，中長線投資者可以係跌市中分段吸納，其中，揀科技股都系以龍頭為主。 姚浩然 亨達財富管理董事總經理 |
IT , US Stock , CINDA INTL HLDG |
| 姚浩然 |
2023-08-25T17:07 |
【Now財經台】中石油(00857)下星期三(30日)將公布中期業績，市場預料上半年多賺8%，至1282億元人民幣。係三桶油之中，中石油表現會唔會比較好呢？ 亨達財富管理董事總經理姚浩然指，中石油中期業績有機會較為亮麗，雖然油價上半年回調，但預計石油整體使用量會多左，加上公司天然氣業務增長理想，如果單系睇業績，中石油盈利或者有增長，賺錢能力會比中石化及中海油更強。 |
Oil , RMB , Earnings , CINDA INTL HLDG , SINOPEC CORP |
| 姚浩然 |
2023-07-14T18:01 |
【Now財經台】國泰航空(00293)繼早前「找數」派返優先股股息，最新指計劃係未來12個月贖回所有優先股，投資者反而擔心國泰贖回所有優先股後，會唔會冇咁快恢復派普通股股息？ 亨達財富管理董事總經理姚浩然指，贖回所有優先股一定令國泰手頭資金減少，影響派發普通股股息，一定對小股東有影響。 股價方面，佢話如果1只航空股冇息派，評估股價未來走勢時要睇埋市帳率(PB)，依家國泰PB維持係0.85倍水平，係冇蝕錢、冇息派慨情況下系合理，但股價潛在上升空間唔大，姚浩然估計，國泰股價暫時較難突破9元關口。 |
CATHAY PAC AIR , Aero , CINDA INTL HLDG |
| 姚浩然 |
2023-06-09T19:14 |
【Now財經台】內地疫後旅游業復蘇情況似乎唔錯，內地今年端午節假期有3日連假，俗稱「小黃金周」，仲會連埋星期日，唔少人都可以連放4日假。3大內航股今日都有得升，升幅介乎2%至3%，航空股黎緊有冇機會「飛返轉」？「小黃金周」情況又系點? 亨達財富管理董事總經理姚浩然指，相比外國航空公司，3大內航股復蘇步代比較慢，以美國慨航空公司為例，運載量及票價都已經重返疫前水平，Patrick及話，由於內地高鐵發展完善，除非要前往海外，否則，都會揀較少延誤慨高鐵。 佢又話，人仔持續貶值，令航空公司慨外債增加，利潤其實唔高，不過，長假效應會令部分股份有炒作，Patrick坦言，如果從投資者角度出發，會傾向揀海外航空股。 姚浩然 亨達財富管理董事總經理 |
Gold , Aero , CINDA INTL HLDG , AIR CHINA |
| 姚浩然 |
2023-06-02T18:11 |
【Now財經台】走中至高檔路線慨九龍塘又一城、金鍾太古廣場，第1季零售商戶表現按年增長超過60%，中環置地廣場慨零售表現亦大幅反彈至僅低於疫前水平。 匯豐證券最新報告預期，零售收租企業慨盈利復蘇勢頭良好，有望進入估值向上重估慨周期，並推薦九龍倉置業(01997)、恆隆地產(00101)、希慎興業(00014)。 亨達財富管理董事總經理姚浩然認同，高檔商場慨零售收租股前景可看高一線，並指高端消費群體慨消費能力較少受到疫情影響，加上美國聯儲局有機會今個月停加息，對息口敏感慨地產股有幫助。 Patrick指佢慨心水股系九置，但佢提醒，疫情後有部分商場需要大劈租金先吸引到租客，建議中長線投資者選股時留意該企業慨租務回報有冇改善。 |
HANG LUNG PPT , Real Estate , HYSAN DEV , HSBC HOLDINGS , HANG LUNG GROUP |
| 姚浩然 |
2023-05-19T11:02 |
【Now財經台】亨達財富管理董事總經理姚浩然推介聯想集團(00992) 推介原因： - 個人電腦下半年將步入復蘇周期 建議買入價：7.8元 目標價：8.6元 止蝕價：7.4元 姚浩然 亨達財富管理董事總經理 相關股票 編號 名稱 00992 聯想集團 相關文章 【股市脈搏】港股成交淡 碧桂園成包尾藍籌 13小時前 【盤房來料】港股日升日跌 維持有波幅冇升幅悶局 2023/05/18 14:12 港股半日彈217點 生科餐飲股逆市跌 2023/05/18 12:31 【PC市場】聯想楊元慶：最快下半年個人電腦業務或恢復增長 2023/05/17 17:22 【後市點睇？】陳政深:恆指有機下試19000點水平 2023/05/03 19:02 【失牛熊線】恆指跌234點 成交縮至662億 消費股逆市炒上 2023/05/03 17:09 【三連升】恆指三連升 見逾一個半月收市高 2023/04/17 19:35 【港股收市】恆指反覆三連升三日 收市升343點 2023/04/17 17:21 【專家分析】AI熱可幫聯想谷高估值？ 2023/04/06 |
|
| 姚浩然 |
2023-05-05T18:30 |
【Now財經台】蘋果公司(美股:AAPL)上季純利雖然跌3%，但仍勝預期。不過公司展望，今季收入表現只會同第2季度相若，如果今季收入按年再跌，將會連續3季收入按年下跌，近7年黎都未試過。 Apple股價今年累升約27%，仲跑贏納指100。如果Apple股價撐唔到，其實會動搖埋美股幾大主要指數。 亨達財富管理董事總經理姚浩然指，唔太擔心公司前景，認為美國今年就業數據唔差，唔會出現大衰退，消費市場亦唔會萎縮得好快。佢又話，品牌用戶黏性強，習慣產品生態圈後好少「轉會」，相信收入仍然穩定。 Patrick又話，唔少資金系睇中Apple手上現金多，係經濟不穩定時有優勢，先會泊埋去。 姚浩然 亨達財富管理董事總經理 |
US Stock , CINDA INTL HLDG |
| 姚浩然 |
2023-05-02T16:21 |
【Now財經台】匯豐控股(00005)中午派左季度成績表，3大環球業務都錄得增長，收入占比最大慨財富管理及個人銀行，按年大升82%至近90億美元，按地區計，香港匯豐銀行列帳基准稅前利潤按年升逾倍，雖然內地供應鏈復常有利銀行業務，但內地復蘇力度開始減弱，第2季系咪可承接第1季慨強勢？ 亨達財富管理董事總經理姚浩然認為，第2季情況會有變化，因為預期美國聯儲局今個月加息0.25厘，將會停一停，淨息差增長會減慢。 佢又話，出現收購地區銀行事件後，相信大銀行都要提升現金水平及增加貸款，並要減少債券投資，因為幾家爆煲銀行都因為唔夠現金，借左出去慨錢都要call back返，或者將未到期慨債券沽出，建議投資者係第2季後期再評估銀行股前景。 |
HSBC HOLDINGS , HK Banks , US Bonds , USD , HSBC |
