| Commentator |
Time |
Content |
Tag |
| 姚浩然 |
2025-07-10T15:59 |
全球最大電池生產商寧德時代(03750)，月底就會派發上市後首份中期成績表，不過，係Tesla汽車銷量跌，內地車企又要減價去庫存，再加埋貿易戰陰霾，寧德時代係咪仲值得憧憬？ 亨達財富管理董事總經理姚浩然指，內地電動車存貨唔少，而個別汽車生產商去庫速度慢左，意味未來未必會生產咁多新車，電池需求就會減少，無疑係一大憂慮。 佢又話，日本豐田汽車(Toyota)宣布會係2027年生產全自動電動車，之前唔生產係因為覺得續航力太低，依家決定生產，反映豐田慨汽車續航力一定提升左好多，而豐田後年推出慨固態電池車款，對寧德時代有幾大影響仍然係未知之數。 |
|
| 姚浩然 |
2025-07-08T11:02 |
亨達財富管理董事總經理姚浩然推介小米集團(01810) 推介原因： -YU7銷售理想，有望推動汽車業務收入顯著增長 -股價回調至57元以下。 |
|
| 姚浩然 |
2025-07-04T16:21 |
7月開局冇耐，美股已明顯跑贏，標指及納指升逾1%，但港股暫時就要跌，下半年有咩股份值得留意？亨達財富管理董事總經理姚浩然指，下半年睇好3類股份，包括人工智能(AI)、金融及經濟敏感度低慨股份。 Patrick認為，美股「科技7雄」(Magnificent 7)之一慨英偉達(Nvidia)，可以作為下半年投資主力，因為第1季業績睇到毛利率開始穩定，加上AI晶片Blackwell開始全面投產後，睇返第2季指引，保證金比例由第1季71.2%上調至72%。 佢續指，因為發現巨型股(Mega Cap)係DeepSeek出現後對算力需求大，所以Blackwell下半年可以繼續睇好。基於1月做年結，估計2026年及2027年1月，Nvidia市盈率(PE)分別逾40倍及近30倍，以集團增長動力計，約30倍PE唔算貴。Patrick又指，Nvidia股價過去1年係100美元至150美元上落，依家突破左150美元，佢估計，股價未來一段長時間仍會向上，不妨現價買入，年底目標睇180美元至190美元，即較現價升最多19%。 |
|
| 姚浩然 |
2025-06-27T17:10 |
《時代》雜誌最新公布2025年全球最具影響力百強企業名單，串流服務商Netflix 有入選，公司2022年尾推出包括廣告的訂閱方案，一度令市場憂慮可能會拖累業務，不過低價策略的確可以成功吸客，未來業務會唔會受惠人工智能(AI)應用？ 亨達財富管理董事總經理姚浩然指，Netflix業務唔受經濟盛衰影響，每月月費唔會造成好大負擔，用戶人數及收入有穩定增長。Netflix亦有涉獵製片業務，AI令製作時間加快及節省營運成本，係消閒類別中慨顛覆者(Disrupters)，將受惠於生產更多片種，吸引更多訂閱者。 Patrick又話，Netfilx估值吸引，值得長楂。 |
|
| 姚浩然 |
2025-06-24T10:03 |
亨達財富管理董事總經理姚浩然推介建設銀行(00939) 推介原因： -股息率約5.6厘 -預計巿盈率(PE)約5.3倍。 |
|
| 姚浩然 |
2025-06-13T16:33 |
市傳騰訊控股(00700)想買雙方已有長年合作關係，南韓遊戲巨頭Nexon創辦人家族手持慨67%股權，一旦成事，估計作價高達520億港元。受消息帶動，Nexon日本股價今日(13日)一度急升10%，不過，騰訊股價反覆靠穩，僅一度升1%，高見515.5元，呢單deal又可唔可以為騰訊帶黎增長動力？ 亨達財富管理董事總經理姚浩然指，睇返呢單交易，估計Nexon可直接受惠，而騰訊收購Nexon後，發行費將會大減，由於成本下降，未來可以推更多遊戲，不過，呢些交易慨效益要一段時間先會浮現，因此，騰訊股價相對冷靜。 佢續指，近期資金主要追入以收息為主慨板塊，例如內銀及電訊，令科技股動力不足，呢個亦係騰訊股價今日冇乜變動慨原因。 Patrick又話，騰訊平台規模龐大，涉及大量遊戲，若某款遊戲跑出，成為爆款IP，將帶動集團收入增長，繼而刺激股價。 |
|
| 姚浩然 |
2025-06-10T10:10 |
亨達財富管理董事總經理姚浩然推介泡泡瑪特(09992) 推介原因： - 產品熱潮從亞太區擴展至歐美市場 - 市場憧憬收入增長可以加快 建議買入價：243元 目標價：270元 止蝕價：228元 |
|
| 姚浩然 |
2025-05-30T17:27 |
周一(26日)傳出比亞迪股份(01211)推出「618」優惠，22款車減價最多34%，市場擔心價格戰升級，之後又傳集團山東經銷商爆煲，拖累股價今個星期跌足5日，而長城汽車(02333)董事長魏建軍慨言論，惹黎市場揣測比亞迪會唔會變成「恆大2.0」，睇返比亞迪首季業績，負債比率約70%，利潤又跌緊，情況會唔會令人擔心？集團隱性負債似乎亦不少，會唔會影響埋供應商，出現「火燒連環船」慨情況？ 亨達財富管理董事總經理姚浩然認為，比亞迪情況未去好嚴峻，而公司情況亦同恆大唔同，內地樓市本身供過於求，恆大主攻內地，比亞迪已逐步拓展海外市場，集團期望至2030年外銷佔50%，若比亞迪可以擴大海外市場，抗衡「內捲」之餘，亦可減低風險。 Patrick又指，比亞迪所需慨零件及產品數量較大，供應商會提供較長付款周期，相信減價促銷某程度上係希望套現找數，今次減價慨車款好全面，反映集團存貨唔少，加上舊車款之後更難賣出，所以希望透過今次減價盡快去貨，即使今次減價導致利潤減少，但可以套現找供應商慨數，佢認為出現「火燒連環船」機會較微。 |
|
| 姚浩然 |
2025-05-27T10:12 |
亨達財富管理董事總經理姚浩然推介比亞迪股份(01211) 推介原因： -歐洲市場增長強勁，推出最低售價後，更利好優質汽車企業 -即將納入科技指數。 |
|
| 姚浩然 |
2025-04-29T09:58 |
亨達財富管理董事總經理姚浩然推介康方生物(09926) 推介原因： -擁有良好的藥物產品線 -股價回調為吸納機會 建議買入價：84元 目標價：100元 止蝕價：79元 |
|
| 姚浩然 |
2025-04-15T10:13 |
亨達財富管理董事總經理姚浩然推介巨子生物(02367) 推介原因： -業務為皮膚護理產品，去年營業額增57%，純利增42% -毛利率達82.1% -有40億元現金，無負債。 |
|
| 姚浩然 |
2025-04-01T09:40 |
亨達財富管理董事總經理姚浩然推介信達生物(01801) 推介原因： - 藥品收入大增44%。 |
|
| 姚浩然 |
2025-03-31T16:39 |
華潤燃氣(01193)上周五(28日)收市後公布業績，今日(31日)裂口低開，曾一度跌20%，公司全年派息0.95元，今年預測市盈率(PE)約15倍，股息率3.5厘，燃氣股通常被視為防守股，華潤燃氣現時的派息及估值是否不吸引？私有化重組的新奧能源(02688) 是否更好選擇？ 亨達財富管理董事總經理姚浩然指，估計華潤燃氣2025年至2027年每年只有單位數的盈利增長，以今年預測PE約15倍計，未來數年低盈利增長會令公司估值變得不吸引，加上股息率只有4厘，市面上有不少盈利穩定而PE低過15倍的石油股及內銀股，所以華潤燃氣並不吸引。 至於新奧能源，Patrick就指，距離私有化交易仍然有一段時間，現時股價仍較私有化作價有折讓，估計折讓會隨著交易時間接近而收窄，反映新奧能源仍有上升潛力。 |
|
| 姚浩然 |
2025-03-24T10:24 |
亨達財富管理董事總經姚浩然理推介小米集團(01810) 推介原因： -業績勝預期，汽車產量有機會提升 -股價回升至20天平均線。 |
|
| 姚浩然 |
2025-03-21T17:30 |
同程旅行(00780)慨平台交通票務及住宿業務齊齊錄得增長，主要受惠於交叉銷售策略。另一方面，同程一直有用騰訊控股(00700)慨計算機系統，提供流量支援及廣告營銷推廣，加上同程本身坐擁多個用戶資料數據庫及消費紀錄，如果結合更多人工智能(AI)，對提升營運效率係咪有幫助？ 亨達財富管理董事總經理姚浩然指，結合AI一定對整體營運效率有好大幫助，如果有更多大數據，就可以滿足更多潛在客戶需求，例如佢地旅行目的地，同程可以提供相關配套，吸引更多客戶，增加集團營銷。 Patrick又指，同程呢類公司有AI幫手，唔單止可以慳成本，仲可以提升效率，對精準營銷方面有好大幫助。 |
|
| 姚浩然 |
2025-03-10T11:17 |
亨達財富管理董事總經理姚浩然推介比亞迪股份(01211) 推介原因： -成功集資430億港元。 |
|
| 姚浩然 |
2025-03-07T18:23 |
港股今日(7日)走勢反覆，中午前見到內需消費股升幅顯著擴大，事實上，近期的確見到有資金流入非科技股，睇返今日慨資金流向，係咪確認左呢個現象？ 亨達財富管理董事總經理姚浩然表示，近期市場的確出現資金由一個板塊轉投另一個板塊慨情況，不過，對呢個情況可以持續有保留，因為依家主要靠國產人工智能(AI)DeepSeek引爆慨熱潮推高大市，亦帶挈相關概念股獲估值重估，但對實體經濟幫助唔大，包括房地產及製造業。 Patrick話，製造業受關稅問題困擾，所以請人方面都手緊左，導致整體就業唔理想，亦會影響消費意欲，所以不論消費信心指標及消費力都冇預期中強，資金就會憧憬「兩會」出手，提出扶持內需慨措施，因此，內需板塊有資金追捧。 |
|
| 姚浩然 |
2025-03-04T10:19 |
亨達財富管理董事總經理姚浩然推介建設銀行(00939) 推介原因： -預計巿盈率(PE)約4.72倍 -股息率約7厘。 |
|
| 姚浩然 |
2025-02-24T10:15 |
亨達財富管理董事總經理姚浩然推介阿里健康(00241) 推介原因： -可利用人工智能(AI)幫助業務發展，有助提升業務增長速度 -股價處於急升後整固階段，一旦升穿近期頂部。 |
|
| 姚浩然 |
2025-02-21T16:41 |
渣打集團(02888)今日(21日)中午派左去年成績表，全年收入創新高，財富管理業務都做得唔錯，收入按年增長29%，環球市場業務增長都有雙位數，除稅前就多賺20%，淨息差都升左27個基點至1.94%，如果單睇去年第4季，表現更強勁，渣打呢份成績表係咪冇乜野可以挑剔？ 亨達財富管理董事總經理姚浩然指，渣打盈利增長非常理想，總經營收入按年增長14%至197億美元，創新高，淨利息收入按年增長10%，非利息收入更按年增長20%，總經營收入增長遠高於經營支出，信貸減值增%，而整體資本充足比率達14.2%，高過集團目標範圍13%至14%。 Patrick又認為，雖然渣打資本充足比率14.2%低過匯豐控股(00005)慨14.9%，但相對整體國際銀行已經好理想，雖然渣打計劃斥資15億美元回購，金額少過匯控，但由於公司規模相對細，所以回購成效會較顯著。 |
|
| 姚浩然 |
2025-02-10T10:28 |
亨達財富管理董事總經理姚浩然推介騰訊控股(00700) 推介原因： -DeepSeek概念支持下。 |
|
| 姚浩然 |
2025-01-27T10:42 |
亨達財富管理董事總經理姚浩然推介建設銀行(00939) 推介原因： -預計市盈率(PE)約4.4倍，股息率逾10厘。 -股價創52周新高後，有力再上。 |
|
| 姚浩然 |
2025-01-24T16:30 |
近期唔少機械人股炒上，今日(24日)升得最靚係微創機器人(02252)，一度飆近27%，其後維持約20%升幅。公司中午出左機械人銷售數據，據2024年中期業績顯示，集團海外銷售表現非常亮麗，虧損大幅收窄至2.8億元人民幣，扭虧為盈係咪指日可待？ 亨達財富管理董事總經理姚浩然指，微創機器人慨醫療器械如機械臂，係海外市場規模好大，由於醫療機械人需求持續上升，未來有機會普及化，相信未來會有唔錯慨增長。此外，由於從中國出口慨產品有價格優勢，所以銷售到海外慨產品毛利率都有得升。 不過，佢認為，微創機器人扭虧為盈仍然需時，公司2024年上半年收入僅約1億人仔，但淨虧損逾2億人仔，反映公司營運仍面對較大挑戰，估計定單金額最少要增加1倍，才可以打和。 |
|
| 姚浩然 |
2025-01-13T10:29 |
亨達財富管理董事總經理姚浩然推介匯豐控股(00005) 推介原因： -預測市盈率(PE)僅8倍，股息率約8.3厘。 |
|
| 姚浩然 |
2025-01-10T17:44 |
內地一直鼓勵「國產自強」，但發展潛力似乎冇咁想像中咁大，以內地晶片製造商中芯國際(00981)為例，對比為英偉達(Nvidia)提供芯片慨台積電，中芯市值未及台積電10%，兩者差距有咩啟示？ 亨達財富管理董事總經理姚浩然指，主要係晶片慨良率差異問題，而良率係同毛利率成正比，參考返2024年第4季表現，台積電毛利率介乎58%至60%，中芯僅20%，毛利率低係因為產品檔次較低，以及良率唔理想。事實上，中芯跟台積電生產慨晶片良率差好遠，台積電有3納米製程良率，中芯就有7納米良率。不過，由於兩家公司良率及毛利率相差太遠，其實都好難直接比較。 Patrick又話，技術升級係另1個因素，台積電可以由2納米再進一步，但中芯就未必可以，因此，佢建議炒中芯慨投資者最好先定止蝕位。 |
|
| 姚浩然 |
2024-12-30T10:25 |
亨達財富管理董事總經理姚浩然推介心動公司(02400) 推介原因： -遊戲業務增長理想 -預測市盈率(PE)約16倍。 |
|
| 姚浩然 |
2024-12-16T10:15 |
亨達財富管理董事總經理姚浩然推介名創優品(09896) 推介原因： -早前收購永輝超市，曾拖累股價大跌 -惟近日參考胖東來，將超市打造與山姆競爭。 |
|
| 姚浩然 |
2024-12-13T16:30 |
雖然臨近年底，但美股表現仍算強，美國總統當選人特朗普(Donald Trump)就快上任，熱炒「Trump Trade」慨股份繼續「有鑊氣」，「Trump Trade」會唔會成為投資主流？ 亨達財富管理董事總經理姚浩然指，市場憧憬特朗普上任後，佢推出慨政策會利好某些行業，所以同「Trump Trade」相關慨股份，短線會繼續造好。不過，市場亦會係佢上任後，會拿佢慨參選政綱「逐樣對」，睇下有冇「走數」，所以佢上任前美股有機會出現調整。 佢又估計，美股調整後，特朗普就著手草擬減稅等政策措施，屆時美國企業可望受惠，相信盈利及收入將會穩健。姚浩然又提醒，要留意美國減息步伐，美股明年上半年可以睇得比較樂觀，始終當地經濟增長仍然平穩，標普500指數有機會上望7000點水平。 |
|
| 姚浩然 |
2024-12-02T10:26 |
亨達財富管理董事總經理姚浩然推介同程旅行(00780) 推介原因： -受惠內地旅客活躍 -首3季盈利增長超過50% 建議買入價：18.7元 目標價：22.0元 止蝕價：17. |
|
| 姚浩然 |
2024-11-29T17:56 |
名創優品(09896)9月底突然宣布收購永輝超市近30%股權，拖累股價當日急瀉30%。不過，永輝最近部分分店做「關店調改」，更自稱「首家學習胖東來模式」，市場反應又唔錯，又計劃明年將調改店增至逾百家，甚至預期同名創係知識產權(IP)方面有合作，係咪可以憧憬永輝未來可以為名創帶黎巨額收入貢獻？ 亨達財富管理董事總經理姚浩然指，市場當初關注名創入主永輝，會唔會令永輝出現變革，現時永輝開始學習胖東來慨商業模式，例如透過調改店黎抗衡沃爾瑪(Walmart)及山姆超市。 Patrick又話，單純換左母公司對永輝冇乜作用，而係需要實質改革。佢認為，推出調改店後，依家永輝慨顧客體驗，以至其他方面都令人滿意，加上現時有唔少外企進駐內地，開始積極轉型係突圍慨第一步。 |
|
| 姚浩然 |
2024-11-18T10:54 |
亨達財富管理董事總經理姚浩然推介攜程集團 (09961) 推介原因： - 旅遊相關行業增長不俗 - 預期業績可保持穩定增長 建議買入價：460元 目標價：500元 止蝕價：440元 |
|
| 姚浩然 |
2024-11-04T10:57 |
亨達財富管理董事總經理姚浩然推介美團(03690) 推介原因： - 外賣業務營運狀況有改善 - 料第3季業績有望勝預期 建議買入價：182元 目標價：195元 止蝕價：175元 |
|
| 姚浩然 |
2024-11-01T18:05 |
澳門今日(1日)出左10月賭收數據，按年增長6.6%至207億澳門元，更創左內地新冠疫情封關後單月新高，係內地經濟仍然疲弱下，係咪都算交到功課？ 亨達財富管理董事總經理姚浩然表示，相比起疫情前日均賭收逾8億澳門元，或者高峰時逾12億澳門元，10月日均賭收只係6.7億澳門元，其實唔算太理想，僅相等於疫情前約80%。不過，由於10月有國慶長假期，所以平均博彩收益比較好都唔意外。 佢又話，內地近一兩外遊慨人明顯多左，澳門旅客量亦增加，帶動賭場人流令賭收有改善，但依家最大問題係，過往賭收高企時，主要靠些金礦主，呢些人係好有錢會帶錢去澳門賭博，但呢些人依家較難拎巨款去澳門，所以賭收好難上返以往高位。 |
|
| 姚浩然 |
2024-10-29T17:48 |
「三桶油」股價今日(29日)逆市跌，以上游業務為主慨中國海洋石油(00883)，以及有下游業務慨中國石油化工股份(00386)已派左季度成績表，前者盈利微升，但後者大幅倒退55%，預期表現介乎兩者之間慨中國石油(00857)，業績交唔交到貨？ 亨達財富管理董事總經理姚浩然指，油價呢排偏弱，但整體波動性唔大，所以做上游業務可以保持盈利，但做中下游業務，產品售價就會受壓，主要受內地經濟增長問題影響，由於上季增長比上半年慢，下游需求有機會減少，所以下游業務比重愈大就愈易受拖累。 Patrick續指，中石油上中下游業務都有，佢估計，中石油中下游業務表現唔會太理想，盈利將會微跌，但中石油有天然氣業務，因為成本低左將會有改善，佢認為，中石油業務表現較中石化強，預期盈利增幅將介乎中海油及中石化之間。 |
|
| 姚浩然 |
2024-10-21T10:36 |
亨達財富管理董事總經理姚浩然推介美團(03690) 推介原因： - 外賣業務營運有改善 - 旅遊相關項目見受惠 建議買入價：179元 目標價：196元 止蝕價：168元 |
|
| 姚浩然 |
2024-10-18T17:28 |
中聯重科(01157)今日(18日)係大成交下抽升10%，呢隻AH價差股昨日(17日)收市後出通告，指計劃伺機回購H股，又提及回購H股係想進一步加強投資者對公司慨信心，早前港股急升期間，都炒過一浸AH股價差收窄，當時中聯重科H股係短時間內由4.5元升到6元，市場依家係咪又趁機再炒AH股價差收窄？呢個概念仲有冇得炒？ 亨達財富管理董事總經理姚浩然表示，過往港股及A股不時會炒AH股價差異，希望可以收窄AH股差距，市場會搵內地A股價格偏高慨股份，H股就會搵估值偏低慨股份，估計呢個「尋寶潮」唔會持續太耐，因為即使搵到港股估股值平慨股份，唔等於可以係內地市場沽出，仍然要係港股市場沽出，只係高買高賣。 佢又話，如果想繼續炒AH股差價概念，要揀折讓較大，而業績唔太差慨股份。 |
|
| 姚浩然 |
2024-10-07T10:43 |
亨達財富管理董事總經理姚浩然推介阿里巴巴 (09988) 推介原因： -機構性投資者持有高beta股份比例低 -累積大量淡倉，機構投資者補貨下。 |
|
| 姚浩然 |
2024-09-25T13:31 |
截至早上11時止，1小時內《彭博》用戶搜尋量最多港股，依次為小米集團(01810)、銀河娛樂(00027)、聯想集團(00992)、中國平安(02318)及金沙中國(01928)。 小米股價今日(25日)一度升3%，高見21.85元，衝上逾兩年半高位，但之後掉頭向下，一度倒跌2.5%，低見20.65元，成交相當活躍，原因係有唔少大手成交，半日成交金額逾39億元。小米股價今朝出現單日轉向，係咪反映所有利好消息已反映曬？股價短線係咪已見頂？ 亨達財富管理董事總經理姚浩然表示，小米股價今朝先高後低，係一個不利訊號，小米有別於其他大型科技股，阿里巴巴(09988)及騰訊控股(00700)等已上返近期高位，但小米早已升上高位，再向上突破，累積升幅比其他同類股份大，導致小米出現獲利回套情況，資金就順勢流向資源及保險等板塊，但純粹換馬行動，同基本因素冇太大關係，佢估計，小米股價要係20元水平完成整固後，才有力再上。 |
|
| 姚浩然 |
2024-09-24T16:44 |
內地再出「組合拳」救市，刺激A股及港股今日(24日)大升，大部分板塊都升得唔錯，當中包括汽車經銷股(4S股)，因為中國汽車流通協會昨日指，價格戰令今年首8個月新車銷售損失逾1300億人仔，咁岩今日內地公布大規模救市措施，市場係咪憧憬中央一直力谷車市，今次再出招有機會令汽車經銷商受惠？4S股之一慨中升控股(00881)今日升近10%，成交金額逾1.4億元，到底只係跟大市升，還是睇好政府會出手打救？ 亨達財富管理董事總經理姚浩然認為，若政府出手可解決公司短期現金流不足問題，但如果問銀行借錢，經營現金流仍然會係負數，所以行業長遠策略係要控制現金流失情況，而減少庫存係其中一個方法。 Patrick又指，中國汽車流通協會「求救」後，市場憧憬中央會出手，中升亦借港股今日大升而炒上。不過，行業本身最大問題係減價戰仍好難避免，所以4S股前景仍然唔明朗，如果純粹係低位博反彈，其實已經做到，但如果做長線投資部署，仍要視乎公司有冇積極解決庫存問題，先再作考慮。 |
|
| 姚浩然 |
2024-09-23T09:38 |
亨達財富管理董事總經理姚浩然推介聯想集團(00992) 推介原因： -具人工智能(AI)電腦概念 -預計市盈率(PE)約12倍 -股息率約4厘 建議買入價：9.30元 目標價：10.50元 止蝕價：8. |
|
| 姚浩然 |
2024-09-20T16:35 |
蔚來(09866)第二品牌「樂道ONVO」定位家庭智能電動中型SUV慨「樂道L60」，預售價逾20萬人仔，雖然集團冇再公布定單數量，但管理層6月時已透露預訂超預期，產量有條件達標，係咪會對毛利率有正面影響？ 亨達財富管理董事總經理姚浩然表示，蔚來呢款新車產能及定價的確有一定競爭力，加上有協同效應，若產量足夠可抵銷一定成本開支，至於可唔可以令集團虧損進一步收窄，就再視乎實際定單數量做評估。 佢又話，蔚來產能仍處於「爬坡期」，加上10月開始僅生產5000部，好難推高毛利率，佢估計，蔚來第3季或下半年業績仍要「見紅」，有別於Tesla廠房運作已十分成熟，認為市場要比多少少時間蔚來，睇下未來會唔會交到功課。 |
|
| 姚浩然 |
2024-09-13T17:07 |
康方生物(09926)自主研發用於治療局部晚期，或非小細胞肺癌慨創新藥「依沃西」，雖然係7月底獲國家藥監局受理上市，但集團中期業績仍由盈轉虧，但投資者似乎仍對公司有憧憬。 亨達財富管理董事總經理姚浩然指出，藥企最緊要有新藥推出，又認為「依沃西」可以令康方業績有改善，「依沃西」開始係國際市場見到成績，加上藥物成功研發後，主要支出只跟銷售有關，毋須再投入大量研發資金，因此，就算中期業績轉蝕，投資者都對康方有憧憬。 不過，Patrick提醒，投資者未來要留意「依沃西」實際銷售及收益，又指康方上半年「見紅」主要係許可費減少，實際上產品銷售係有增加。 |
|
| 姚浩然 |
2024-09-09T10:22 |
亨達財富管理董事總經理姚浩然推介長和(00001) 推介原因： -擁有不少海外業務 -受惠匯兌正面影響 -股息率超過5厘 建議買入價：42.00元 目標價：48.00元 止蝕價：39. |
|
| 姚浩然 |
2024-08-30T17:37 |
小鵬汽車(09868)周二(27日)公布純電動車MONA M03售價，MONA M03上市僅48小時已收到逾3萬架慨定單，有大行指，由於新車價格較平，可能會影響小鵬收入。據集團財報顯示，上半年仍要蝕錢，毛利率13.5%，擔唔擔心新車會令毛利率受壓？ 亨達財富管理董事總經理姚浩然估計，小鵬仍會蝕錢，原因係集團有沉沒成本(Sunk cost)，要賣到一定數量慨車先可以回本，所以繼續要蝕錢，由於毛利率低導致集團賺錢能力較差，若要盈利明顯改善及提升毛利率，估計小鵬交付量要大增至約10萬架，否則，公司仍難「止血」。 |
|
| 姚浩然 |
2024-08-26T10:13 |
亨達財富管理董事總經理姚浩然推介中國聯通(00762) 推介原因： -盈利增長穩定 -市盈率(PE)約8倍。 |
|
| 姚浩然 |
2024-08-12T11:28 |
亨達財富管理董事總經理姚浩然推介阿里巴巴(09988) 推介原因： -市場憧憬9月有機會獲納入港股通 建議買入價：77元 中線目標價：85元 止蝕價：72元 |
|
| 姚浩然 |
2024-08-09T17:52 |
去年派返息慨賭股只有美高梅中國(002282)、永利澳門(01128)及銀河娛樂(00027)，澳門博彩業前景似乎仍有隱憂，會唔會導致賭股派唔到息？此外，銀娛下周四(15日)會出業績，一旦集團宣布恢復派息，可唔可以令投資者對賭股重拾信心？ 亨達財富管理董事總經理姚浩然認為，大部分澳門博企已過左高資本開資階段，派息壓力會細左，所以唔需要擔心派唔到息。不過，要留意賭股盈利或會減少，始終過往有5厘，甚至更高慨股息率，但依家可能只得2厘至3厘，反觀其他板塊如石油、電訊、銀行等，股息率更高。 銀娛方面，未來要睇整個行業慨發展狀況，7月屬暑假旺季賭收一般較好，雖然銀娛上月收益增長約5%，跟去年同期慨10%仍有一段距離，Patrick又話，呢個情況反映銀娛係旺季賭場人流都冇增加，難免令市場有憂慮。 |
|
| 姚浩然 |
2024-07-15T10:21 |
亨達財富管理董事總經理姚浩然推介中國聯通(00762) 推介原因： - 預測巿盈率(PE)約10倍，股息率約5.8厘，估值吸引 - 目前派息比率約55%。 |
|
| 姚浩然 |
2024-07-12T17:38 |
京東集團(09618)股價今日(12日)一度升5.7%，高見112元，市傳集團旗下「京東MALL」將會進駐北京三環雙井，但現時內地消費力仍然疲弱，再擴大「京東MALL」版圖會唔會太進取？ 亨達財富管理董事總經理姚浩然指，京東以前主打線上業務，一般網上購物都講求效率及既定產品，集團依家增加實體店數目，相信係瞄準想睇實物及新產品慨顧客。Patrick認為，「京東MALL」慨出現其實只係想多一個渠道，而唔係取代線上業務，事實上兩者可以有互補作用。 股價方面，Patrick認為，京東股價炒高後，隨時出現調整，因為網購行業前景有隱憂，佢又建議，若投資者之前係低位買入京東，至今仍有錢賺，不妨等股價再升多少少，升至約115至118元，可以考慮先沽出約25%持貨。 |
|
| 姚浩然 |
2024-06-28T17:57 |
內地股市上半年表現欠佳，其中，上證指數累跌0.2%，創業板指數更累跌近11%，A股出現外資撤離、成交萎縮慨情況，滬深兩市成交金額自上周五(21日)起持續低於7000億人仔，被市場視為股市催化劑慨「三中全會」，將會係下月召開，預期會議會推出咩政策？對A股又有咩影響？ 亨達財富管理董事總經理姚浩然估計，會繼續針對房地產市場進行改革，鼓勵市民買樓，但由於過去唔少政策慨成效唔顯著，原因係市場睇樓價走勢同以往唔同，唔認為樓市係大漲小回，反而係可升可跌，加上買樓意欲低左，入市態度更審慎。 展望A股下半年表現，Patrick估計，A股好大機會繼續係低位徘徊，因為內地企業盈利增長動力放緩，市場未必接受較高估值，預期上證綜合指數繼續係3000點上落，又認為上升空間及動力都唔大。 |
|