| Commentator |
Time |
Content |
Tag |
| 植耀輝 |
2025-04-30T10:06 |
耀才證券研究部總監植耀輝推介港燈(02638) 推介原因： -業務不受關稅戰影響 -現價息率近6厘。 |
|
| 植耀輝 |
2025-04-25T22:35 |
市場消息指，騰訊音樂(01698)擬斥資24億美元，收購在線音頻平台喜馬拉雅科技，作價會以現金及新股支付。 耀才證券研究部總監植耀輝表示，喜馬拉雅近年收入增速明顯放慢，反映面對其他娛樂平台競爭，若騰訊音樂成功收購，暫時亦看不見雙方業務有很大的協同效應。 |
|
| 植耀輝 |
2025-04-24T17:33 |
天齊鋰業(09696)發盈喜，股價今日(24日)逆市造好，預告第1季轉賺最多1.23億人仔。不過，盈喜亦提及鋰產品價格仲跌緊，天齊係咪真係咁好景？ 耀才證券研究部總監植耀輝指，鋰板塊表現差已持續一段時間，鋰價跌主要受產能過剩影響，市場亦冇憧憬價格會反彈。佢又話，天齊業績有改善似乎唔係受行業好轉帶動，應該同公司自身因素有關。 Stanley續指，如果扣除非經常性損益，實際淨利潤增長其實非常小，所以即使第1季業績有改善，但整體表現都唔算理想。 Stanley續稱，雖然行業現時整體情況確實有好轉，但仍講唔上好樂觀。 |
|
| 植耀輝 |
2025-04-17T18:08 |
台積電(TSMC)今日(17日)派左季度成績表，業績後，台積電係台股慨表現理想，收入及稅後盈利分別按年大升40%及60%，毛利率亦微升，好過預期，雖然收入及盈利按季跌逾4%，仍台積電股價照升，點解市場對公司咁有信心？ 耀才證券研究部總監植耀輝指，市場唔擔心台積電按季表現，同季節性因素有關，因為第1季係半導體行業傳統淡季，參考以住數據，每年第1季按季表現都係比較差，而今季營收合乎預期，市場本來擔心台積電盈利能力會受唔同因素影響，但稅後盈利仍較預期理想，係傳統淡季黎睇算係「淡季不淡」。 Stanley又話，市場早已預期美國總統特朗普 (Donald Trump) 上場後會發動關稅戰，所以部分企業加快出貨，有利推動第1季業務。 |
|
| 植耀輝 |
2025-04-16T10:36 |
耀才證券研究部總監植耀輝推介中遠海控(01919) 推介原因： -關稅戰陰霾下，短期貨運需求料急增，進一步推高運費 -早前已發盈喜。 |
|
| 植耀輝 |
2025-04-11T22:44 |
思摩爾國際(06969)執董熊少明4月9日場內增持近2000萬股，涉資約2億元。 耀才證券研究部總監植耀輝表示，思摩爾近期股價受壓，主要因為中美貿易戰，公司出口至美國的產品，佔去年收入37%，在關稅大增之下，今年收入及毛利率必受打擊，所以即使獲執董增持，短期股價走勢亦不宜樂觀。 |
|
| 植耀輝 |
2025-04-10T18:04 |
環球股市連日來大起大跌，摩根士丹利亦更新了15隻中資股選股名單及行業評級，雖然他們早在3月底已呼籲要採取防守策略，但為何名單當中包括騰訊控股(00700)及阿里巴巴(09988)兩隻相對容易受關稅戰影響的股份？另外，這次選股名單為何沒有美團(03690)？ 耀才證券研究部總監植耀輝指，雖然阿里、騰訊及美團經常並稱「ATM」，而以往「持倉」都是要持有最權重慨股份，但當現在市場變得保守時，就要有取捨；加上，北水普遍投資阿里及騰訊，不太接觸美團，假如情況持續，對阿里及騰訊的股價都會有幫助。 Stanley續指，騰訊業務表現「硬淨」，而雖然中美關稅戰對阿里有影響，但基本面相對美團都是較「硬淨」。 |
|
| 植耀輝 |
2025-04-03T17:54 |
美國宣布對等關稅，其中連帶近年企業轉移生產線的熱門國越南、柬埔寨等，代工股九興控股(01836)於越南的產能佔比高達52%，公司提過維持派息比率70%，又承諾2024年至2026年於期間，會回購股份及派付特別股息，究竟關稅會否影響九興的業務及派息？ 耀才證券研究部總監植耀輝指，估計公司會履行派發特別息的承諾，不受關稅影響，而現階段公司要面對的挑戰是經營利潤率能否維持10%的目標，加上美國總統特朗普(Donald Trump)的關稅政策令市場驚訝，向越南及柬埔寨等地方重徵關稅，九興有大約40%至50%廠房在越南，關稅對九興的影響比較大。 不過，Stanley又指，如果九興的盈利倒退20%至30%，股息不變的話，以現價計九興息率達9厘，仍有一定防守性。 |
|
| 植耀輝 |
2025-04-02T10:06 |
耀才證券研究部總監植耀輝推介東方電氣(01072) 推介原因： -預告首季盈利增15至25% -集團稱手頭訂單充足。 |
|
| 植耀輝 |
2025-03-28T22:49 |
中國水務(00855)兩大股東自二月以來相繼增持股權，公司股價期內累升近45%。 耀才證券研究部總監植耀輝表示，中國水務第二大股東歐力士多次增持股權後，持股已直逼第一大股東段傳良，而段傳良最近亦兩度增持，難免令人猜想，雙方正爭奪公司話語權，至於公司業務方面，雖然內地個別城市開始上調水價，但短期內對公司業績，未必帶來好大幫助。 |
|
| 植耀輝 |
2025-03-21T22:50 |
美團(03690)去年第四季收入升20.1%，經調整盈利升1.3倍。 耀才證券研究部總監植耀輝表示，美團上季業績大致符合預期，但就缺乏驚喜，外賣業務將要面對京東的競爭，為騎手繳交社保可能增加成本，海外外賣業務則可能持續虧損擴大，相信股價難以跑贏其他科技股。 |
|
| 植耀輝 |
2025-03-20T16:43 |
瑞聲科技(02018)今日(20日)中午出左業績，表現符合盈喜預告，並好過市場預期，去年賺近18億人仔，按年增長1.4倍，收入更創新高，末期息亦大增1.4倍，不過，股價係放榜後持續受壓，收市跌逾3%。 耀才證券研究部總監植耀輝指，由於手機設備股會受科技股走勢影響，所以今日科技股表現差，就拖埋瑞聲落去。不過，佢認為瑞聲業績不論按年、按月，以至單睇下半年，表現都係交足功課。 Stanley又話，瑞聲呢份業績每瓣業務表現都唔錯係近年少見，包括電磁傳動及精密結構件業務。 |
|
| 植耀輝 |
2025-03-19T10:14 |
耀才證券研究部總監植耀輝推介騰訊控股(00700) 推介原因： -憧憬業績表現理想 -北水持續追捧科技股 -人工智能(AI)發展成新亮點 建議現價買入 目標價：580元 止蝕價：508元 |
|
| 植耀輝 |
2025-03-14T22:46 |
理想汽車(02015)去年第四季業績好過預期，不過今年第一季收入及交付量指引卻遠遜預期。 耀才證券研究部總監植耀輝表示，理想預期第一季交付量最多只升15.7%、收入至少跌3.5%，應是因為市場競爭激烈，加上理想要到下半年才有新車推出，因而影響銷情及售價，整體看，公司銷量增速放慢，並開始被其他汽車新勢力追上，預計股價仍會跑輸同業。 |
|
| 植耀輝 |
2025-03-13T17:44 |
招商銀行(03968)獲摩根大通唱好，上調目標價至56元，評級「增持」，招行股價今年累升19%，市帳率(PB)係內銀股中罕有上到1倍水平，投資者應該買招行，還是其他PB未夠1倍慨內銀股？ 耀才證券研究部總監植耀輝指，招行盈利增速較其他內銀快，所以PB會較高，雖然招行息率唔及其他內銀股吸引，但估計股價潛在升幅及業務表現較好，所以較易吸引投資者。佢又話，若內地推出慨刺激經濟政策見效，到時內地經濟好轉，而招行同消費範疇關係較密切，業績表現有望更好。 此外，Stanley對摩通估算有13萬億人仔潛在資金流入A股慨講法有保留，主要係投資產種類多，係咪會有大額資金流入內銀股仍然係未知之數。 |
|
| 植耀輝 |
2025-03-07T16:32 |
京東系昨日(6日)放榜後，3隻股份慨股價今日(7日)都要跌，其中，京東健康(06618)一度重挫逾13%，低見35.25元，公司表示，未來針對人工智能(AI)及擴張線下業務，會有一個較長慨投入期，有大行擔心集團資本開支大增，加上內地低息環境令利息收入減少，繼而影響公司盈利，不過，發展AI可提升業務效率，大行慨擔心係咪過慮？ 耀才證券研究部總監植耀輝指，投入一定資金發展AI後，經營效益方顯著提升都唔出奇，因為好多企業都會透過AI減省成本，長遠一定對公司有幫助，不過，依家京東健康慨資本開支唔細，所以減極有限。 收入方面，佢指出，過去兩年自AI慨財務收入都唔少，有逾19億人仔，而呢個數慨多少對京東健康慨利潤有好大影響。 Stanley又話，雖然係低息環境下，財務收入可能會少左，但市場主要都係睇核心業務，佢又話京東健康未來收入增長表現審慎。 |
|
| 植耀輝 |
2025-03-06T16:48 |
極兔速遞(01519)昨日(5日)出左業績，去年收入按年增長近16%至逾102億美元，全年扭虧為盈，轉賺逾1億美元，股價今日顯著造好，一度勁升逾13%，高見6.76元，係咪反映市場都好滿意呢份業績？ 耀才證券研究部總監植耀輝指，極兔呢份成績都算收貨，由於大市近日強勢，只要業績慨數字唔太差，都會對股價有一定支持，不過，如果拆開上下半年睇，其實去年下半年表現就差少少，收入增速慢左，睇唔到有咩突破。 佢又提及，內地物流市場競爭激烈，唔建議投資者對業務有太大期望，依家極兔業務重心仍放係東南亞，反觀其他物流公司主要聚焦內地，而集團增長穩定，相信未來會繼續係極兔慨賣點之一。 |
|
| 植耀輝 |
2025-02-27T17:30 |
港股今日(27日)係期指結算日勁Chok，恆生指數一度衝破24000關，但之後反覆倒跌，科技股顯著受壓，但內需及內房股有追捧，係咪市場憧憬下周召開慨「兩會」，導致出現資金輪動？除左「兩會」因素，內房自身表現係咪開始好轉，甚至已見底？ 耀才證券研究部總監植耀輝指，科技股近期升得太誇張，所以去到24000點呢些重要位置出現整固係正常。此外，「谷內需」及「撐內房」都係每次「兩會」慨炒作主題，所以資金近期開始炒作呢些板塊係合理，但能唔能夠持續，就要視乎「兩會」有冇政策配合。 Stanley續指，內房2月數據改善主要同低基數效應有關，所以唔能夠作準，現階段好難判斷內房係咪見底，雖然個別城市慨房地產市場反彈，但整體黎講仲未見到。 |
|
| 植耀輝 |
2025-02-21T23:53 |
汽車之家(02518)將會易主，大股東由中國平安(02518)變為海爾集團旗下卡泰馳。 耀才證券研究部總監植耀輝表示，汽車之家近年業績表現不理想，而卡泰馳的業務包括汽車內飾定製、二手車買賣、充電樁，業務與汽車之家或有協同效應，不過整體市場競爭亦大，因此易主後，汽車之家業務短期內亦難有明顯改善。 |
|
| 植耀輝 |
2025-02-20T16:19 |
摩根大通建議沽售「極度超買」的中資人工智能(AI)概念股後，今日(20日)科網股普遍向下，但聯想集團(00992)反而早段一度升逾4%。不過，公司中午公布業績後，股價先升後跌，該如何分析這份業績？ 耀才證券研究部總監植耀輝指，公司期內不同業務表現不差，當中，基礎設施方案業務更能扭虧為盈。地區方面，亞太地區收入增長逾30%，中國內地亦增長約20%。而期內市佔率亦升至歷年最高水平，整體而言業務不俗。 不過，Stanley就認為公司盈利狀況令市場失望。雖然期內溢利增長逾1倍，但撇除稅項抵免後，除稅前溢利僅升10%，增速較過往慢。 Stanley續指，公司毛利率以往能夠有增長，但上財季毛利率則跌0.8個百分點至15.7%，原因可能與公司額外成本上升，以及業務組合度改變有關，而成本控制方面亦未能給予市場驚喜。 |
|
| 植耀輝 |
2025-02-19T10:04 |
耀才證券研究部總監植耀輝推介華潤電力(00836) 推介原因： -資金炒作與DeepSeek相關股份，電力股有望接力 -股價重上50天線。 |
|
| 植耀輝 |
2025-02-14T22:53 |
權益披露顯示，新天綠色能源(00956)近日先後獲越秀產業投資及長城人壽增持股權，持股均增至5%或以上。 耀才證券研究部總監植耀輝表示，新天綠能業務穩定，近年派息又穩步增加，加上H股較A股有一定折讓，相信是吸引機構投資者的原因。 |
|
| 植耀輝 |
2025-02-13T17:33 |
快手(01024)股價今日(13日)係大成交配合下大幅抽升，午後一度勁升近16%，快手股價今日咁強勢，會唔會同集團今年「新春團購節」商品交易總額(GMV)按年大升1.17倍，以及新線城市日均支付用戶按季大增2.34倍有關？ 耀才證券研究部總監植耀輝認為，快手今日好大機會係追落後，雖然科技股近排輪流炒，但快手股價表現長期落後。佢又估計，股價升得咁勁，除左同GMV數據有關，快手沽空量回落至單位數亦係其中1個原因。 Stanley又指，快手慨每日活躍用戶數量可以keep到一定水平，用戶黏性比較高，不過，如果公司想用戶轉化成收入或盈利，就要視乎平台直播帶貨情況，如果每戶收入有所提升，對於估值會有頗大幫助。 |
|
| 植耀輝 |
2025-02-06T16:34 |
比亞迪股份(01211)股價今日(6日)午後大幅抽高，尾市一度高見316.4元，大升近12%，旗下比亞迪電子(00285)尾市更一度飆20%，高見54元。比亞迪將會係下周一(10日)舉行智能化戰略發布會，希望透過「天神之眼」提供高階智能駕駛，發布會係咪值得憧憬？比電爆上又係咩原因？ 耀才證券研究部總監植耀輝指，比亞迪去年銷售理想，盈收仲好過Tesla，由於比亞迪智能化發展落後於同業，所以當比亞迪係智能化方面有諗法時，市場都會睇得好正面，而投資者又會憧憬比亞迪慨賣點多左好左，就會令股價向好。 比電方面，Stanley話，股價今日急升除左受惠於為蘋果公司(Apple Inc.)產品組裝外，母公司係人工智能(AI)方面有新概念搞作時，比電股價都會受惠，而北水今日蜂擁買入比電亦係另一個幕後推手。 |
|
| 植耀輝 |
2025-02-05T10:05 |
耀才證券研究部總監植耀輝推介IGG(00799) 推介原因： -技術走勢醞釀突破 -憧憬發盈喜。 |
|
| 植耀輝 |
2025-01-23T16:32 |
中國海洋石油(00883)出左2025年指引，投資者最關注一定係派息比率，中海油將派息比率由40%上調至45%，又預期未來3年派息比率都唔會低於45%，但值得留意係，集團取消左2022年至2024年都有提及，每股派息最少0.7元慨承諾，中海油股價今日(23日)幾乎全日受壓，但跌幅唔算大，係咪反映投資者都對指引有些意見？ 耀才證券研究部總監植耀輝指，認同摩根士丹利慨睇法，即係倫敦布蘭特期油唔跌穿每桶50美元，中海油每股派息都可以派到0.7元以上，不過，由於油價走向存在不確定性，一旦失守50美元，派息就有機會少過0.7元。 Stanley續指，中海油係2022年回歸A股，每股派息最少0.7元慨承諾，當時對股價有好大幫助，依家冇左呢個承諾，加上上調派息比率慨幅度唔算吸引，相信會令唔少投資者好失望。 |
|
| 植耀輝 |
2025-01-17T22:51 |
中國龍工(03339)發盈喜，預期去年賺10-10.7億元人民幣，按年增長55-66%。 耀才證券研究部總監植耀輝表示，龍工盈喜超出市場預期，不過內房今年應未有起色，出口業務又已見增長乏力，估計今年盈利難再高速增長。 |
|
| 植耀輝 |
2025-01-16T17:37 |
台積電公布2024年第4季業績，以台幣計算，收入按年增長39%，按季則增長14%，稅後純利按年增長57%，按季則增長15%，毛利率59%。台積電業績勝預期，亦好過指引，市場係咪都收貨？ 耀才證券研究部總監植耀輝指，台積電去年第4季業績「講得出做得到」，盈收屬預期之內，佢又話，台積電基數唔低，一家咁大規模慨公司要做到有10%至20%增長已經唔容易，所以依家交出黎慨成績係非常理想，加上台積電呢間晶圓廠主要睇產能利潤率，而台灣廠房主要造先進製程，其中，3鈉米及5納米表現較理想，以公司規模及長期水平黎講，一可以做到逾10%增長其實唔容易。 Stanley又估計，現時3納米及5納米佔晶圓銷售金額比重近60%，而未來隨著代工費上調，台積電收入及毛利率會有一定上升空間。 |
|
| 植耀輝 |
2025-01-08T22:44 |
平安好醫生(01833)之前宣派特別息每股9.7元，大股東中國平安(02318)選擇以股代息，持股增至52.74%，並將按每股6.12元提出強制性無條件要約。 耀才證券研究部總監植耀輝表示，平醫股價在要約期限完結前，應會保持於6.12元以上，至於平保增持平醫股權，日後併表入帳，理應是看好其業務及盈利前景，但暫未見到平醫業績會出現爆發性增長，預測市盈率逾42倍，其實估值並不便宜。 |
|
| 植耀輝 |
2025-01-08T09:54 |
耀才證券研究部總監植耀輝推介九興控股(01836) 推介原因： -留意3年規劃目標 -2024至2026年派息比率不低於70% -計劃以回購或特別息方式。 |
|
| 植耀輝 |
2025-01-03T22:52 |
權益披露顯示，JS環球生活(01691)主席兼大東王旭寧於上月30日，場內以溢價近28%增持0.3億股。 耀才證券研究部總監植耀輝表示，JS環球大股東溢價增持，應有後續動作，不排除會仿傚同業VESYNC(02148)提出私有化。 |
|
| 植耀輝 |
2025-01-02T17:26 |
美國電動車巨擘Tesla今晚(2日)會出2024年第4季及全年交付數據，市場估計，上季交付量約50.6萬架，呢個預測是好是壞？Tesla之前係「Trump Trade」大贏家之一，股價一度炒上480美元水平，不過，隨著「Trump Trade」熱潮近期降溫，Tesla股價亦回落至400美元水平，今晚出爐慨交付數據，對股價有冇影響？ 耀才證券研究部總監植耀輝指，如果數據唔係同預期有好大落差，應該對股價影響唔大，特朗普(Donald Trump)當選後，Tesla股價如坐火箭，加上資金炒作科技相關概念，例如近期熱炒慨機械人概念，而Tesla都有涉足呢個範疇，呢些因素都可以令Tesla維持升勢。 不過，Stanley提醒，特朗普今個月正式上任後，Tesla股價唔一定受惠，因為特朗普有部分政策存在矛盾，例如一方面要放寬自動駕駛監管，但另一方面為燃油車鬆綁，不利Tesla等電動車企發展。 佢又指，如果美股行情唔差，Tesla股價表現唔會太差，相反，如果大市氣氛轉差，加上特朗普慨政策對Tesla不利，Tesla股價好大機會調整。 |
|
| 植耀輝 |
2024-12-27T22:50 |
靈寶黃金(03330)約3.86億股內資股轉換為H股，並已獲聯交所批准上市買賣，該批股份佔總股本逾31%。 耀才證券研究部總監植耀輝表示，這次H股全流通的內資股當中，有1.85億股由大股東傑思偉業持有，連同本身已持有的3.2億股H股，佔總股本40.62%，雖然傑思偉業是一間投資公司，持股的平均成本價僅1.59元，但若仍看好金價前景，短期內亦未必會大手減持獲利。 |
|
| 植耀輝 |
2024-12-20T22:50 |
國泰航空(00293)預告，2024下半年業績較上半年理想。 耀才證券研究部總監植耀輝表示，國泰算是變相發盈喜，但下半年業績理想，已屬市場預期之內，加上股價早前已因為提早贖回換股債而炒上，所以相信消息對股價無大刺激。 |
|
| 植耀輝 |
2024-12-19T17:56 |
近期3大中資航空股跑贏大市，12月6日至今日(19日)止，中國南方航空(01055)及中國東方航空(00670)股價累升逾6%，中國國航(00753)升逾2%，雖然之前一度回落，但3隻股份當時都冇跌穿中央政治局開會當日水平，點解內航股近期咁強勢？係咪炒旅遊出行概念？ 耀才證券研究部總監植耀輝指，中資航空股近期炒得咁勁有3個原因，呢個板塊12月起其實已經表現唔錯，因為國務院係11月公布，明年起會多兩日假期，估計呢兩日假期會加係春節或勞動節，因此，令消費者旅遊意欲增加。此外，內地係12月宣布同其他國家有免簽安排，市場就開始憧憬國際航班會有較好表現，再加上近期油價回落好多，令內航股有跑贏大市。 |
|
| 植耀輝 |
2024-12-12T16:50 |
內需股今日(12日)造好，攜程集團(09961)繼續跑出，午後一度升5.5%，報592.5元，集團第3季業績唔錯，按年多賺48%，收入增速加快，展望明年，旅遊需求支唔支持到繼續強勁增長？旅遊股長線應該點部署？ 耀才證券研究部總監植耀輝指，市場憧憬中央經濟工作會議有新措施，今日唔止內需股，整體消費股都向上，攜程跑出主要有2個原因，首先係業績對辦，所以股價放榜後可以造好，其次係近期唔同國家都推出旅遊免簽證，可以增加消費者旅遊意欲。 佢又話，由於市民外遊意欲仍大，相信相關行業會繼續受惠，今年行業增長強勁，但之後keep唔keep到都會受其他外在因素影響，但睇返行業現時慨特性，呢個增長趨勢仲可以保持，所以攜程長線仍值得憧憬。 |
|
| 植耀輝 |
2024-12-06T22:52 |
京東物流(02618)增持36.43%跨越速運，作價64.84億元人民幣。 耀才證券研究部總監植耀輝表示，跨越速運主要針對企業對企業的物流運輸，近年業績亦保持高速增長，相信京東物流全資擁有跨越速運後，對往後業務有正面幫助。 |
|
| 植耀輝 |
2024-12-06T18:00 |
平安好醫生(01833)今日(6日)除淨，股價價量齊升，市場主要炒作大股東或因「以股代息」觸發全購，其實集團11中宣布豪派9.7元特息時都講過，若控股股東中國平安(02318)附屬安鑫揀以股代息就會觸發全購，依家安鑫持股量39.41%，到底最後揀以股代息機會大唔大？ 耀才證券研究部總監植耀輝指，平醫上市時集資所得本來用黎發展業務，但由於現時慨市況已經唔同左，加上個別公司之間審查有難度，所以平醫傾向將當日集返黎慨錢派出去。 Stanley又指，其實平保過往亦曾經透過「以股代息」增持陸控(06623)，所以係有方面慨前科，因此，估計平保今次揀以股代息慨機會都幾大。 |
|
| 植耀輝 |
2024-12-05T16:47 |
匯豐控股(00005)股價過去1個月錄得單位數升幅，跑贏大市，集團上季業績靚，有息派之餘，又再開展30億美元回購計劃，近月亦有簡化組織及裁員等動作，加上洽售南非企業銀行業務慨消息，以及積極重組業務及架構，以節省成本，匯控股價已連升7個交易日，累升約3.5%，今日(5日)暫時好淡爭持，投資者係咪應該趁機部署？ 耀才證券研究部總監植耀輝指，匯控股價已升左唔少，若純粹憧憬業務狀況係可以留意，但佢認為，抱收息心態買匯控會比較好，始終架構重組主要目的係減少開支，更關鍵係業務做得更好，不過，集團依家係亞太區面對唔少挑戰，建議冇貨慨投資者毋須心急入場，暫時可先觀望。 |
|
| 植耀輝 |
2024-11-28T17:43 |
順豐控股(06936)昨日(27日)首日掛牌，最終平收完場，今日(28日)上市第2日更一度失守招股價，集團今次係香港上市籌逾58億元，其中35%用黎提升及優化內地物流網絡及服務，內地業務收入暫時佔整體約85%，但收入佔比最大慨快遞業務，市佔率僅10%，加上有唔少大企業都有自家物流團隊，順豐未來增長空間係咪好有限？ 耀才證券研究部總監植耀輝指，內地快遞公司選擇多，行業競爭一直好大，過去幾年經常傳出打價格戰慨消息，即使經濟活躍令需求增加，但多出黎慨份額要好多公司一齊分，所以分到慨數量都好少，加上近年大企業都有自家物流團隊，所以內地市場發展空間真係唔大。 Stanley續指，其實內地唔少快遞公司都係靠平搶生意，但包裝質量冇保證，雖然順豐包裝質量好，可信度又高，但成本相對高，而廠商一般都會用成本低慨公司。佢又認為，內地快遞公司價格戰十分激烈，大家要鬥平，即使順豐今次上市集資慨錢，將集資所得慨錢只係用係某個環節，足唔足夠或成效都有保留。 |
|
| 植耀輝 |
2024-11-27T10:49 |
耀才證券研究部總監植耀輝推介偉易達(00303) 推介原因： -感恩節假期銷售概念 -新收購的Gigaset上月表現見改善 -現價息率約9.5厘。 |
|
| 植耀輝 |
2024-11-22T22:47 |
中國鐵塔(00788)建議將股份10合1，以吸引更多專業及機構投資者。 耀才證券研究部總監植耀輝表示，鐵塔合股後，以今日收市價計，股價會由1.02元變為10.2元，而部分基金的確不會買入低於1美元的股票，所以理論上是會提高對這類基金的吸引力，不過公司基本面一般，業務收入難有大幅增長，即使2026年開始折舊開支減少，從而推升純利，但亦是兩年後的事，相信基金亦不急於買入。 |
|
| 植耀輝 |
2024-11-21T18:08 |
根據理想汽車(02015)第4季指引，估計交付量最少按年增長21%，收入就最多按年增長10%，蔚來(09866)及小鵬汽車(09868)則預期，下季交付量增長介乎逾40%至逾51%，收入增幅則介乎15%至25%。新車方面，理想下半年冇推出新車，蔚來推出樂道L60，小鵬就推出M03及P7+，3家車企第4季業績會唔會有驚喜？ 耀才證券研究部總監植耀輝認為，理想冇推新車，加上基數較大，指引亦冇乜驚喜，反而蔚來及小鵬都出左新車，加上市傳蔚來之後會再出多幾款新車，所以佢地慨指引會比較進取。不過，值得留意係，雖然蔚來銷售有增長，但賣得愈多就蝕得愈多，未來要留意呢個情況係咪會持續。 Stanley又話，3家車廠之中，蔚來及小鵬未來發展都應該唔差，不過，理想依家有錢賺，所以要3揀1就會揀理想。 |
|
| 植耀輝 |
2024-11-14T18:06 |
莎莎國際(00178)今日(14日)中午派左中期成績表，集團半年少賺68%至約3200萬元，期內，收入跌10%，但恢復派中期息，每股0.75仙，毛利率按年跌1.7個百分點至39.4%，不過，集團話第2季毛利率已改善至40.1%。莎莎股價升幅係放榜後僅略為擴大，市場係咪都預左呢份業績唔會太好？ 耀才證券研究部總監植耀輝指，市場仍對零售業前景睇得較悲觀，一般黎講，業績後股份慨成交會比較大，但莎莎就唔算多，股價亦唔係太波動，反映市場對莎莎冇乜興趣。 佢又指，莎莎係內地發展多年，但營業額仍未有起色，仲要蝕錢，仍然係主要收入來源慨港澳市場亦蝕緊錢，雖然東南亞市場有增長，但發展業務期間會有唔少營銷開支，因此，未來要留意莎莎有冇辦法推高營業額。 |
|
| 植耀輝 |
2024-11-13T10:14 |
耀才證券研究部總監植耀輝推介中遠海運國際(00517) 推介原因： -股價回落帶來長線吸納機會 -現價計息率逾10厘。 |
|
| 植耀輝 |
2024-11-08T22:48 |
好孩子國際(01086)首三季收入增長11.8%，單計第三季收入升20.2%，增速高於首兩季。 耀才證券研究部總監植耀輝表示，好孩子上季收入表現不俗，相信全年業績可超出市場預期，目前估值亦便宜，不過市場對於嬰兒用品股缺乏興趣，股價未必受惠基本因素改善。 |
|
| 植耀輝 |
2024-11-07T16:59 |
當市場憂慮特朗普(Donald Trump)上場後，會向中國商品加徵至少60%關稅；會如何影響內地經濟！所以明日(8日)人大常委會議公布會議結果，就甚令市場期待，中央究竟會推出甚麼措施，來「對沖」特朗普風險！ 耀才證券研究部總監植耀輝認為，中央出台的「救經濟」措施及金額，相信會偏向內房方面下「重藥」，因為樓市差，會帶來連鎖負面效應，拖累整體經濟；但同時要留意，中央會否針對刺激內需的新措施出台。 植耀輝又說，若果太擔心「特朗普風險」，餐飲股與貿易戰及關稅問題。 |
|
| 植耀輝 |
2024-10-31T17:18 |
啤酒龍頭之一慨百威亞太(01876)旗下有唔少高端及超高端品牌，包括Hoegaarden、Stella及Corona等，均面對青島啤酒(00168)及華潤啤酒(00291)慨激烈競爭，但集團仍對亞太區啤酒高端化趨勢充滿信心，未來會繼續投資集團品牌，內地市場方面，管理層話，最大問題係消費者信心低迷，百威走高端市場路線係咪正確？ 耀才證券研究部總監植耀輝指，百威慨品牌定位一向都係高端化，係一個既有模式，所以好難突然降級，依家百威面對慨最大挑戰係同業競爭，同埋內地啤酒市場規模縮減，令百威慨市佔率被攤薄，呢兩項挑戰會令集團未來發展有較多不確定性。 Stanley又話，內地近年開始出現支持更多本土品牌慨情況，令百威要穩定銷售更困難，但青啤慨銷售比較好，反映百威缺乏競爭力。 |
|
| 植耀輝 |
2024-10-30T10:54 |
耀才證券研究部總監植耀輝推介中國神華(01088) 推介原因： -上季純利升14%，表現優於同業 -內地9月社會用電量上升。 |
|
| 植耀輝 |
2024-10-25T22:43 |
長城汽車(02333)第三季收入升2.6%，盈利倒退7.8%。 耀才證券研究部總監植耀輝表示，內地推出汽車以舊換新、汽車下鄉等政策，但長汽上季盈利不升反跌，確實令人失望，加上內地汽車市場競爭仍相當激烈，公司前景並不吸引。 |
|
