| Commentator |
Time |
Content |
Tag |
| 陳錦興 |
2024-01-29T10:40 |
【Now財經台】英皇資本財富管理方案研究總監陳錦興推介時代電氣(03898) 推介原因： -憂慮功率半導體供過於求，已在股價中反映 -首3季盈利增長逾30%，盈利能力不俗 -估值合理， |
EMPEROR CAPITAL , TIMES ELECTRIC |
| 陳錦興 |
2024-01-26T17:37 |
【Now財經台】「資產股」國浩集團(00053)分別係2012年及2018年提出私有化，但兩次都失敗收場，2018年股市興旺，當時提出慨私有化作價135元，依家集團4大核心業務包括自營投資、物業發展及投資、酒店及休閒業務及金融服務，國浩截至去年6月底止全年，收入增長近40%，純利更大升近74%，國浩股價依家處於57元水平，有冇誘因再度卷土重來，第3度提出私有化？ 英皇資本財富管理方案研究總監陳錦興指，國浩對上一次提私有化失敗已經系2018年，過去幾年，爆發疫情、經濟唔好、股價反覆向下等因素，其實都有利大股東重提私有化。 不過，佢指出，依家股價折讓都幾大，呢類綜合型股份對市場來講吸引力唔算大，大股東亦唔容易進行集資，所以的確有誘因再提出私有化。 陳錦興 英皇資本財富管理方案研究總監 相關股票 編號 名稱 00053 國浩集團 |
GUOCO GROUP , EMPEROR CAPITAL |
| 陳錦興 |
2024-01-23T17:41 |
【Now財經台】市傳中央將出手救股市，包括考慮設立約2萬億人仔平准基金，用離岸資金經滬深股通買A股，同埋透過匯金等入市撐A股，最快今個星期會有公布，若消息屬實，可唔可係短期內見到成效？ 英皇資本財富管理方案研究總監陳錦興指，A股及港股市今年開局真系好差，令監管當局或人民銀行有好大壓力，考慮政策時，由於海外資金已准備好及有一定規模，建立平准基金時會更方便，而透過海外資金買A股有換匯過程，換轉成人仔買A股，亦會對人仔匯價有支持，反映中央穩定股市慨決心。 若政策落實，港交所(00388)及中資券商股系咪都可以受惠？Stanley就話，平准基金經滬深股通買A股，港交所受惠程度有限，反而券商股受惠程度更大，若睇好政策對後市有推動作用，內地券商股的確可睇高一線。 |
Stock , HKEX , EMPEROR CAPITAL |
| 陳錦興 |
2024-01-16T17:33 |
【Now財經台】據《彭博》報道，平安銀行已將41家發展商列入有資格獲得融資支持慨名單，除內地房企外，更包括新世界發展(00017)及新鴻基地產(00016)等香港發展商。不過，消息對內房股冇支持之余，其中，上榜慨龍湖集團(00960)更一度挫逾7%，點解會出現呢個情況？ 英皇資本財富管理方案研究總監陳錦興分析指，近排整體市場氣氛唔算好，內房板塊更持續積弱，雖然中央已連番出手，包括放寬限購令，又批准房業發債、向銀行借貸，但情況仍未見明顯改善，今次平安銀行出手固然對資金面有幫助，但相比中央之前慨政策，對市場黎講唔算系一個特別利好消息，所以亦冇乜反應。 Stanley又指，其實市場更關注內房銷售，因為樓盤賣唔出，庫存積壓只會繼續拖累經濟，睇返上個月唔少大型內房慨合約銷售按年都要跌，就解釋到點解早前融創中國(01918)即使達成境外債務重組協議，股價仍原地踏步，甚至要再下試低位。 Stanley總結中央政策需要時間發揮作用。但投資者明顯等唔切。市場對內房股氣氛偏弱，依舊存在沽壓。 |
China Real Estate , SHK PPT , NEW WORLD DEV , Real Estate , Real Estate |
| 陳錦興 |
2024-01-15T09:42 |
【Now財經台】英皇資本財富管理方案研究總監陳錦興推介中國電信(00728) 推介原因： - 資金關注「中特估」概念股，電訊板塊受惠 - 核心業務平穩，天翼雲增長動力佳 - 估值合理， |
CHINA TELECOM , EMPEROR CAPITAL |
| 陳錦興 |
2024-01-09T18:03 |
【Now財經台】特步國際(01368)出左2023年第4季及全年營運數據，截至去年12月底止3個月，內地銷售按年增長逾30%，數據公布後，特步股價升幅擴大，到底系同銷售表現有關，還是存貨減少有關? 英皇資本財富管理方案研究總監陳錦興指，成個體育用品股板塊都擔心存貨問題，2022年特步慨存貨期介乎5至5.5個月，2023年就縮短至介乎4至4.5個月，反映存貨問題有改善，為市場帶來驚喜。 股價方面，特步去年累跌逾50%，今年都要跟成個板塊跌，反映市場對整個行業慨悲觀預期，集團提及營運數據冇想像中咁差，市場就藉呢句說話炒作，暫時仍然睇唔到特步基本面，以至成個行業狀況有明顯改善，單靠營運數據唔足以進一步推升股價。 |
Sport , EMPEROR CAPITAL , XTEP INT'L |
| 陳錦興 |
2024-01-04T13:13 |
【Now財經台】截至早上11時止，1小時內《彭博》用戶關注度上升最多港股，依次為新秀麗(01910)、安踏體育(02020)、萬科企業(02202)、中國海洋石油(00883)及中遠海控(01919)。 安踏股價今早(4日)創52周新低，曾低見68元，花旗最新指，安踏今年面對慨行業競爭加劇，預期EBIT利潤率顯著受壓，但仍維持107.8元目標價。國際品牌如Nike表現都唔好，行多品牌策略慨安踏，銷售前景系咪都好難樂觀？ 英皇資本財富管理方案研究總監陳錦興認為，內地復蘇差過預期，消費動力一直出唔到黎，對品牌消費如體育用品慨影響會較大。事實上，過去幾只較強勢慨內地體育用品股，股價過去1年持續受壓，估值不斷被下調。 佢相信，安踏估值仍有下調空間，而股價已跌穿2023年底部，2024年初或要再試新低，絕對唔系一個好現象。由於市場對安踏2023年業績睇得比較保守，加上2024年盈利及收入指引有轉保守慨壓力，投資者都會沽定先，所以後市仍會睇得比較淡。 |
ANTA SPORTS , Oil , Stock , CNOOC , Earnings |
| 陳錦興 |
2023-12-19T16:27 |
【Now財經台】美團(03690)中期業績後步入弱勢，逐步失守整數關，11月底季績後跌到落100元水平，今日(19日)更失守80元，美團股價會唔會繼續尋底？ 英皇資本財富管理方案研究總監陳錦興指，美團股價不斷尋底，主要系市場一直殺估值，經調整後慨預測市盈率(PE)跌到落十幾倍，管理層對第4季指引保守，預期收入放緩，行業競爭情況淡，尤其系到店業務，所以需要好高成本投入，包括廣告及補貼開支。 Stanley又話，市場擔心新業務虧損收窄時間會唔會加快，種種因素令市場係業績後調低美團盈利預測、目標價及估值水平，依家一直測試估值支持力，預料跌穿80元會進一步下跌，不過，係估值上開始會有強力支持，雖然外賣業務有不明朗因數，但規模及競爭能力仍然值得信賴，只系市場會有少少擔心到店業務方面，抖音、快手(01024)對美團慨挑戰。 |
Earnings , EMPEROR CAPITAL , Rating |
| 陳錦興 |
2023-12-18T10:43 |
【Now財經台】英皇資本財富管理方案研究總監陳錦興推介閱文集團(00772) 推介原因： - 收購騰訊動漫，具協同作用 - 進軍短劇領域， |
TENCENT , EMPEROR CAPITAL , IT , CHINA LIT |
| 陳錦興 |
2023-12-13T18:19 |
【Now財經台】中國中免(01880)股價今日破底，摩根士丹利將集團評級由「增持」降至「與大市同步」，並大削目標價34%至95元。事實上，雖然中免首3季多賺12%，但差過市場預期，股價亦由8月高位持續回落，今日(13日)仲破埋底，系咪復蘇前景再次令市場失望？股價繼續尋底機會大唔大？ 英皇資本財富管理方案研究總監陳錦興指，中免上市初期好受市場追捧，尤其佢慨離島免稅概念，不過，Stanley話，呢個故事已經完結，現時股價落到18至19倍預測市盈率(PE)，加上集團首3季盈利增幅未必足以支持依家慨估值。 佢提醒，中免股價仍有尋底壓力，或要等到免稅業務有改善，又或者消費動力返黎，股價先有望回升。 |
Rating , EVERCHINA INT'L , EMPEROR CAPITAL , CTG DUTY-FREE , IPO |
| 陳錦興 |
2023-12-12T18:08 |
【Now財經台】閱文集團(00772)掟6億人仔收購騰訊控股(00700)動漫平台，又宣布回購股份，刺激股價今日抽升逾10%，今次收購資產包括騰訊旗下動漫APP平台及IP資產、動畫項目、影視項目及從事動漫創作慨米橙子90%股權，對騰訊黎講，今次呢單deal系咪一個合理慨業務部署？ 英皇資本財富管理方案研究總監陳錦興指，今次藉收購進行業務整合，騰訊對呢些業務慨關注度唔高，反觀閱文做開網絡文學、電視電影等，收購騰訊呢些平台後，可以產生協同效應，未來可以更專注打造更強慨內容，以及發展具潛質慨IP，變得更商業化之余，更可加強變現能力。 Stanley續指，閱文2021年除稅前虧損淨額1.9億人仔，2022年已大幅收窄至1.11億人仔，相信2023年虧損會進一步收窄，明年甚至有機會扭虧為盈。 |
TENCENT , EMPEROR CAPITAL , IT , CHINA LIT |
| 陳錦興 |
2023-12-05T17:28 |
【Now財經台】網易(09999)股價又跌逾5%，跌至1個月低位，騰訊控股(00700)今個月會推出多人派對游戲《元夢之星DreamStar》，硬撼網易今年爆冷大收旺場慨《蛋仔派對》，《元夢之星DreamStar》對網易慨威脅大唔大？ 英皇資本財富管理方案研究總監陳錦興認為，《元夢之星DreamStar》會對網易構成威脅，《蛋仔派對》去年中一推出就爆紅，相信騰訊都感到意外，多人休閒游戲竟然大受歡迎，所以就快速打造新游戲《元夢之星DreamStar》，但相信正式推出時未必會互相蠶食，反而會吸引更多新玩家入場。 佢又話，《蛋仔派對》爆紅帶動網易收入，投資者會擔心畀《元夢之星DreamStar》比下去，繼而影響股價。 網易股價已補返10月25日個上升裂口，後市會唔會繼續跌，Stanley就指，雖然網易沽壓持續，但150元水平仍有好大承接力，反映市場對呢只股份仍有好大信心，所以不妨係呢個位置博反彈。 |
TENCENT , EMPEROR CAPITAL , IT |
| 陳錦興 |
2023-12-04T09:44 |
【Now財經台】英皇資本財富管理方案研究總監陳錦興推介百度集團(09888) 推介原因： -季績不俗，是人工智能(AI)賦能業務的市場領跑者 -文心大模型4季度料帶來億元計收益， |
EMPEROR CAPITAL |
| 陳錦興 |
2023-11-28T16:45 |
【Now財經台】中教控股(00839)股價今日(28日)係大成交下急瀉，一度插逾20%，集團全年少賺逾25%，主要受累主營成本增逾22%，其他虧損增至5.4億人仔，融資成本亦增至4.69億人仔，不過，經調整EBITDA增長6%，中教呢份業績邊部分最令市場失望？ 英皇資本財富管理方案研究總監陳錦興認為，中教股價反應咁大，反映市場對業績倒退感到意外，撇除非現金項目減值，經調整盈利增長差過收入增長，反映毛利率及經營溢利率都有壓力。 派息相信系一大失望位，派息比率由去年45%降至42%，係盈利前景陰霾下，未來派息系咪都好難有期望？中教股價今日一棍插穿近期支持位6元，股價系咪會繼續尋底？陳錦興指，睇返行業大環境，相信中教都寧願保留多些現金，估計未來派息冇突破之余，亦會比較差。至於股價，佢認為好大機會繼續下試低位，主要系今次都冇預期有減值項目，市場一定會擔心系咪陸續有來，肯定不利股價表現。 |
Earnings , EMPEROR CAPITAL , CHINA EDU GROUP |
| 陳錦興 |
2023-11-21T16:26 |
【Now財經台】名創優品(09896)今日(21日)中午出左季績，股價午後一度抽升逾8%，其後升幅收窄，上季多賺逾48%，收入增長逾36%，銷售成本就增加逾23%，毛利率升至逾41%，主要受惠於係內地進行品牌升級，推出高毛利率產品及削減成本等。名創優品收入增幅大過成本，毛利率又標青，呢份業績都應該收貨？ 英皇資本財富管理方案研究總監陳錦興認為，名創優品呢份業績好過預期，所以市場都會收貨，集團過去兩年持續復蘇，盈利增長近50%反映有一定增長動力之余，業務策略亦合適，加上定位配合現時內地消費降級，對實惠慨生活用品需求較大，集團會有直接得益，而海外市場表現亦不錯。 |
Earnings , EMPEROR CAPITAL |
| 陳錦興 |
2023-11-20T09:48 |
【Now財經台】英皇資本財富管理方案研究總監陳錦興推介中國神華(01088) 推介原因： - 已消化季績盈利倒退的因素 - 入冬及行業安檢形勢趨嚴，利好煤價 - 股息率近10厘， |
CHINA SHENHUA , EMPEROR CAPITAL |
| 陳錦興 |
2023-11-14T16:48 |
【Now財經台】阿里影業(01060)中期轉賺逾4.6億人仔，早前收購有大量演唱會票務代理生意慨「大麥」系業績一大亮點，雖然仍未入帳係阿里影業業績，但期內收入逾7億人仔，有潛力成為第2大收入貢獻，商品交易總額(GMV)亦按年大增5倍。不過，值得留意系，如果計及「大麥」成本，整體成本就增至逾17億人仔，涉及慨開支都超過2億人仔，對下半財年慨利好作用有幾大？ 英皇資本財富管理方案研究總監陳錦興認為系利大於弊，「大麥」主要做現場演出、音樂會，呢些活動係疫後復蘇情況好理想，假設「大麥」條數入埋阿里影業今次呢份業績，會見到收入及盈利都明顯增長，至2025年度就可以完全反映對業績收入慨貢獻。佢又相信，市場未來對「大麥」同阿里影業慨協同作用都會有正面睇法，亦會有一定憧憬。 |
Earnings , EMPEROR CAPITAL , ALI PICTURES |
| 陳錦興 |
2023-11-07T16:19 |
【Now財經台】中國平安(02318)昨日(6日)舉行投資者日，之後大和發報告叫沽平保，更狠削目標價22%至35元，仲低過現價，平保股價今日一度挫近5%，險守40元，大和質疑平保慨策略系咪仍可以為股東帶黎價值，交叉銷售一直系平保重點策略，大和會唔會睇得太悲觀？ 英皇資本財富管理方案研究總監陳錦興指，大和對平保慨發展睇得幾悲觀，不過，目標價其實同現價唔系差太遠，所以唔算特別驚嚇，平保股價今年跑輸大市，依家股價係低位反覆，即使睇淡，都不至於好似大和咁悲觀。 Stanley又話，平保系綜合型金融企業，透過平台不斷發掘唔同機遇及增長，呢個格局一直冇變，依家仍然繼續以呢個模式發展業務，雖然依家面對經濟放緩、受房地產市場拖累，導致股價相對落後，令市場對平保慨睇法比較審慎。 |
PING AN , Real Estate , Real Estate , EMPEROR CAPITAL , Rating |
| 陳錦興 |
2023-10-31T17:08 |
【Now財經台】招金礦業(01818)昨日(30日)開市前發通告，指以每股0.58澳元收購係澳洲上市慨金礦勘探公司Tietto Minerals，按Tietto Minerals上周五(27日)收市價計，有36%溢價，招金原本已持有Tietto Minerals 7.02%股權，依家再斥資逾31億港元收購余下股權，呢單交易做唔做得過？ 英皇資本財富管理方案研究總監陳錦興認為，呢單交易作價合理，以收購價計，Tietto Minerals市帳率(PB)約2.6倍，對比招金PB約2.45倍相差唔大，只系有少少溢價，招金可透過全購Tietto Minerals加強海外業務發展，而PB亦唔算太貴。 Stanley又指，唔排除招金需要為呢單交易配股集資，始終公司慨業務發展有資金需求，但相信管理層經評估後，會傾向先用內部現金支付交易。佢又指，始終依家市場氣氛比較低迷，成功配股集資慨把握唔大。 |
ZHAOJIN MINING , IPO , AUD , AUD , AUD |
| 陳錦興 |
2023-10-27T17:58 |
【Now財經台】電力股近幾日跑出，其實唔同股份都有利好消息，火電股方面，華能國際電力(00902)主要就受惠於投資收益大增，同埋首3季業績扭虧為盈，大唐發電(00991)第3季亦賺返錢。風電股方面，雖然龍源電力(00916)收入少左，但成本控制得好，呢幾份業績系咪都收貨？ 英皇資本財富管理方案研究總監陳錦興指，大唐業績做得比較好，除左收入有增長，受惠於電煤價格下跌，令盈利增長步伐加快。Stanley又話，雖然市場睇好火電股業績表現，但亦擔心內地經濟復蘇不似預期，制造業又疲弱，擔心對發電業務有影響。 佢認為，由於火電及風電企業都面對價格壓力，導致電力股過去大半年持續受壓，直至最近出左業績，股價開始企穩，甚至出現反彈，近期內地公布慨經濟數據都好返些，尤其制造業重返擴張水平，都會利好電力股前景。 |
ChinaElec , Earnings , DATANG POWER , CONCORD NE , EMPEROR CAPITAL |
| 陳錦興 |
2023-10-25T18:36 |
【Now財經台】《施政報告》提出多項谷港股交投慨措施，除左一如市場預期落實還原股票印花稅稅率至0.1%，即2021年前水平外，仲有一項散戶較少關注慨措施，就系檢討股票買賣價差，究竟呢項措施對刺激交投有幾大作用？ 《施政報告》指出，港交所(00388)及金融監管機構將會探討透過縮窄最低上落價位(minimum spread)，例如每格由0.2元降至0.1元。 英皇資本財富管理方案研究總監陳錦興表示，措施針對流動性較高慨大型股，若措施正式落實，有望收窄相關股份慨買賣價差(bid-ask spread)，繼而降低交易成本，有利機構投資者進行高頻交易，發行衍生產品慨市場莊家做對沖時，亦能更好控制成本，以及維持市場流動性。佢認為，措施或會吸引更多大戶資金參與買賣指數成分股，相信有助刺激交投。 不過，眾多救市措施揭盅後，港交所股價一度急挫近5%，低見276元，Stanley指出，雖然港交所出現明顯獲利回套，但過去半年係275元水平見強勁支持，今日收市跌穿280元後，股價可能會略為喘定。 |
HK Cap Flow , Stock , Capital Flow , HKEX , EMPEROR CAPITAL |
| 陳錦興 |
2023-10-20T10:15 |
【Now財經台】英皇資本財富管理方案研究總監陳錦興推介滔博(06110)。 |
EMPEROR CAPITAL |
| 陳錦興 |
2023-10-18T16:37 |
【Now財經台】雖然內地上季經濟增長好過預期，但港股繼續彈唔起，不過，發盈喜慨比亞迪股份(01211)一度炒高逾8%，集團預告，第3季多賺最多1倍至115億人仔，再創季度新高，系咪反映比亞迪成功透過提升每架車慨盈利能力，紓緩價格戰影響？ 英皇資本財富管理方案研究總監陳錦興指，呢個情況相當明顯，可以睇到比亞迪按季增長十分強勁，相信同產品高端化策略有關，比亞迪過往畀人感覺主要做低端產品，但依家生產售價以百萬人仔計慨車款，盈利自然有增長。佢又話，當集團正式派成績表時，會更清楚到底系高端化策略，還是成本控制特別好，令業績為市場帶來驚喜。 Stanley又指，比亞迪未來有機會爬Tesla頭，因為內地推出連串刺激經濟措施後，經濟動力逐漸回復，對電動車銷售及推廣等有幫助，加上集團推出新車，都對車市有幫助，比亞迪作為龍頭自然可以受惠。 |
Results , Stock , BYD COMPANY , Earnings , EMPEROR CAPITAL |
| 陳錦興 |
2023-10-17T17:24 |
【Now財經台】京東集團(09618)上周被大行唱淡後，股價連日受壓兼創新低，今日終於有反彈，市場似乎同憧憬「雙11」電商購物節有關，除市傳阿里巴巴(09988)將會係「雙11」前大派10億人仔優惠券，京東亦會係下周一(23日)開始透過手機App派紅包，每日都可以領取，最高金額約1萬人仔，點解阿里股價今日反而跑輸京東？ 英皇資本財富管理方案研究總監陳錦興指，市場對「雙11」等網購節慶慨憧憬及熱情都唔及以往，「618」亦有相同情況，事實上，內地電商發展呢幾年逐步放緩，今年經濟復蘇情況較反覆，內需方面主要以旅游出行、餐飲為主，電商增長動力今非昔比，因此，即使電商平台進行大型宣傳，以及提供優惠，都未必可以點燃投資者慨熱情，加上京東股價上周急挫，外資對其批發、核心業務等仍有疑慮，所以兩只股份今日都彈得唔高。 Stanley又指，電商平台提供慨折扣冇明顯加大，反映市場競爭仍然好激烈，唔同平台今年都要加大力度吸引更多消費及網購。 |
ALIBABA , EMPEROR CAPITAL , IT |
| 陳錦興 |
2023-10-12T10:40 |
【Now財經台】英皇資本財富管理方案研究總監陳錦興推介騰訊控股(00700) 推介原因： -本土游戲料回復增長動力 -視頻號商業化潛力佳，線上廣告增長料加速 -預期復合盈利增長達20%，預測市盈率(PE)18倍不算昂貴 建議買入價：305元 目標價：350元 止蝕價：275元 陳錦興 英皇資本財富管理方案研究總監 相關股票 編號 名稱 00700 騰訊控股 相關文章 【大行報告】高盛:內地派對及休閒游戲收入增長顯著加快 9分鍾前 【匯豐輪證】港股高開連續第6日造好 看好科技股 1小時16分鍾前 【法興牛熊】美股持續回升 恆指上破18000點 2小時8分鍾前 恆指高開365點返50天線 工行高開4.5% 3小時7分鍾前 【信心不足】陳政深:恆指短期料受制18000關 17小時前 港股曾返萬八關五日飆697點 科指飆逾5% 19小時前 【連升5日】恆指高收228點 18000關企唔穩 19小時前 恆指進賬228點錄五連升 萬八關得而復失 20小時前 【財經TOP SEARCH】美團短炒仲有幾多水位？ 21小時前 【盤房來料】阿爺雖再出招谷經濟 惜資金面仍薄弱升勢受限 22小時前 |
TENCENT , EMPEROR CAPITAL , IT |
| 陳錦興 |
2023-10-10T17:48 |
【Now財經台】中遠海控(01919)及東方海外國際(00316)分別發左盈警及出左最新營運數據，股價今日齊齊向下，中遠海控預期首3季純利按年大跌77%，東方海外第3季收入按年跌65%，跌幅都十分顯著，系咪反映第3季表現差過上半年？ 英皇資本財富管理方案研究總監陳錦興指，中遠海控上半年盈利大跌約70%，單睇第3季亦有相應跌幅，東方海外第3季收入跌幅大，但其實上半年已經表現疲弱，反映第3季冇明顯改善之余，仲進一步轉差，主要系運價持續受壓，今年營運表現未達到市場預期，令股價有明顯跌幅。 至於航運股系咪唔好沾手，還是個別可以受惠到波羅的海干散貨指數上升，陳錦興就話，都有航運股可以受惠，例如太平洋航運(02343) 走勢系同主要從事集裝箱業務慨航運股唔同，因為公司主要做干散貨運輸，如果波羅的海指數持續上升，會推升公司收入及盈利，若內地經濟好轉，太航受惠程度會更大，所以值得部署。 |
Results , BDI , PACIFIC BASIN , OOIL , EMPEROR CAPITAL |
| 陳錦興 |
2023-10-03T18:04 |
【Now財經台】港股係第4季首個交易日出師不利，恆生指數一度瀉近600點，多個板塊成重災區，其中，黃金周概念股跌得最急系電影相關股，貓眼娛樂(01896)及阿里影業(01060)齊大跌8%，系咪票房表現不似預期拖累股價？ 英皇資本財富管理方案研究總監陳錦興指，市場對黃金周票房期望好高，因為見到暑假票房收入強勁，因此，希望長假期都大收，一般黎講，電影票房系上映頭幾日最爆，但數字都冇預期咁強勁，《堅如磐石》、《志願軍:雄兵出擊》票房都有幾億人仔，但唔算太突出，令市場感到失望，繼而推低相關股份股價。 佢又話，影視娛樂股6月開始反覆上升，股價係黃金周前已升至高位，反映市場對票房慨期望甚高，但最終數字同預期有落差，令股價顯著下挫。 |
Gold , Stock , HANG SENG BANK , EMPEROR CAPITAL , ALI PICTURES |
| 陳錦興 |
2023-09-26T17:46 |
【Now財經台】個別藥股今日逆市走強，內地上月傳出醫藥反貪，嚇到唔少醫藥股「跳水」，事隔逾1個月，消息已被消化得七七八八，唔少相關股份已收復失地，其中，雲頂新耀(01952)股價已連升3日，今日一度大升逾11%，市場睇好集團慨腎藥發展，基本因素及相關消息系咪可以繼續利好股價？ 英皇資本財富管理方案研究總監陳錦興認為，行業上月對反貪腐消息慨反應過度，其實呢個行動主要目的系改善醫院內部制度，同藥企關系唔大。 佢又話，雲頂新耀新藥獲批系醫藥股一個重要催化劑，尤其腎病相關藥物特別受關注，不論市場潛力及規模都唔細，對投資者來講有一定吸引力，加上有簽訂授權協議等因素，對股價有一定推動作用，但股價升至現水平，係高位難免會有些反覆。 Stanley續指，雲頂新耀距離「甩B」仍言之尚早，收人需要有一定規模，業績亦要扭虧為盈，依家雲頂新耀14天RSI係69水平，佢認為暫時唔適宜追入，同埋係呢些高位都會有獲利回套，有一定沽壓。 |
Earnings , EMPEROR CAPITAL |
| 陳錦興 |
2023-09-25T10:06 |
【Now財經台】英皇資本財富管理方案研究總監陳錦興推介中聯重科(01157) 推介原因： - 中期業績不俗，毛利率改善 - 海外業務增長強勁，為未來增長亮點 - 股息率8厘，市盈率(PE)約10倍， |
Earnings , EMPEROR CAPITAL , ZOOMLION |
| 陳錦興 |
2023-09-19T16:30 |
【Now財經台】今年以來，最少有逾160家公司回購股份，原因不外乎估值平或股價殘，而近6、7個交易日曾經出手回購，兼股價近3個月最少見52周低位慨股份有逾20家，當中包括蒙牛乳業(02391)，公司由9月5日起，持續做回購，今年暫時用左7億元做回購，每股平均價30元，當中有咩啟示？ 英皇資本財富管理方案研究總監陳錦興就認為，蒙牛今年已做左逾50次回購，公司密集出手反映對前景有一定信心，同埋蒙牛估股依家處於歷史平均偏低水平，所以有一定參考價值。佢又話，蒙牛有強勁現金流，可以支持公司做回購，再係市場上體現價值。 股價方面，Stanley指，蒙牛中期業績唔錯，下半年內需持續復蘇亦對集團有幫助，因此，股價見底回升慨機會唔細。 陳錦興 英皇資本財富管理方案研究總監 相關股票 編號 名稱 02391 塗鴉智能－Ｗ 相關文章 【季度業績】塗鴉智能Q1虧損收窄至2104.5萬美元 2023/06/08 13:15 【新股上市】塗鴉智能首掛股價靠穩 2022/07/05 12:59 |
MENGNIU DAIRY , EMPEROR CAPITAL , Food |
| 陳錦興 |
2023-09-13T13:53 |
【Now財經台】截至早上11時止，1小時內《彭博》用戶關注度上升最多港股，依次為碧桂園(02007)、騰訊控股(00700)、阿里巴巴(09988)、匯豐控股(00005)及舜宇光學(02382)。 舜宇系半日表現最佳藍籌，股價早段最多升5%至63.2元，中午收報61.45元，升2%。 英皇資本財富管理方案研究總監陳錦興指，蘋果公司發布iPhone 15系列，加上舜宇上月手機鏡頭出貨量按年見改善，按月亦錄得增長，兩個利好消息都幫到舜宇股價逆市向上。 Stanley又相信，舜宇應該會係華為新推出慨5G手機供應鏈占一席位，集團向華為供貨亦有助8月出貨增長，佢又認為，華為最近上調全年新機出貨量至最少4000萬部，市場期望舜宇未來數月慨出貨量可持續增長。 |
HSBC HOLDINGS , Stock , TENCENT , ALIBABA , COUNTRY GARDEN |
| 陳錦興 |
2023-09-12T16:25 |
【Now財經台】內地噚日公布慨8月金融數據好過市場預期，周五(15日)將會公布8月零售等重磅經濟數據，估計表現會好過7月，但值得留意系，其實7月數據好差，係呢個基礎下有改善，系咪唔值得太樂觀？ 英皇資本財富管理方案研究總監陳錦興認為，市場對經濟數據略為改善反應好大，而外貿數據、采購經理指數(PMI)等亦有改善，相信本周五公布慨數據情況都差唔多，但由於金融及房地產市場仍偏弱，所以即使有改善，都唔會有一個強勁表現。 此外，係數據好轉下，消費股系咪值得投資，包括啤酒股百威亞太(01876)及乳業股蒙牛乳業(02319)。雖然數據唔差，但百威股價表現唔算強勢，陳錦興認為，啤酒股今年增長差過去年，消費動力隨著經濟放緩而減弱，啤酒行業暫時都睇唔到有強勁復蘇跡象。 蒙牛方面，佢話業績市場系收貨，投資者鍾意呢只股份，主要系公司不斷回購，又提高派息比率，市場對蒙牛睇法已經冇上半年咁悲觀，所以見到有資金重新流入。 |
MENGNIU DAIRY , Real Estate , Capital Flow , Real Estate , EMPEROR CAPITAL |
| 陳錦興 |
2023-09-11T10:47 |
【Now財經台】英皇證券研究部總監陳錦興推介龍源電力(00916) 推介原因： - 中期業績不俗，已消化電價下行壓力 - 有意回購股份，也具提高派息的空間 - 股價有望見底， |
ChinaElec , EMPEROR CAPITAL , CHINA LONGYUAN |
| 陳錦興 |
2023-09-05T19:01 |
【Now財經台】藍籌攜程集團(09961)中期轉賺40億人仔，睇返分部表現，第2季旅游度假、住宿預訂、交通票務業務收入按年最少大升1.7倍，反映復蘇勢頭強勁。攜程既系國指「新貴」，又交到靚業績，但股價今日一度急插近9%，亦系今日表現最差國指成分股，股價插水系咪反映呢份業績仍有瑕疵？ 英皇資本財富管理方案研究總監陳錦興指，相比舊年及今年第1季，攜程第2季業績已十分靚仔，瑕疵亦唔算多，收入及盈利等均有增長。雖然內地經濟復蘇速度較預期慢，但睇返集團旅游及酒店等業務，其中，酒店預訂已超越疫情前水平，反映內地復蘇情況其實頗為強勁。 Stanley提醒，出行方面仍要繼續觀望，但報復性旅游動力仍然存在。 |
Earnings , EMPEROR CAPITAL |
| 陳錦興 |
2023-08-29T17:28 |
【Now財經台】美圖公司(01357)噚日收市後出左業績，股價今日係大成交下一度飆22%，沖上1個月高位，其中VIP訂閱一直都系收入主要增長動力，截至上半年止，應用程式VIP用戶達720萬，按年增長44%，付費滲透率約2.9%，人工智能生成內容(AIGC)功能愈來愈多，付費滲透率增長潛力系咪好大？ 英皇資本財富管理方案研究總監陳錦興指，美圖付費滲透率增長潛力大，因為AIGC生作圖像切合到用戶需求，加上用戶體驗良好，有助推動付費用戶增長。 Stanley又話，美圖付費用戶仍有增長空間，因為依家活躍用戶超過2.47億，加上用戶數目繼續平穩增長，因此，付費滲透率仍有機會提升，繼而推動收入增長。 |
EMPEROR CAPITAL , MEITU |
| 陳錦興 |
2023-08-28T10:04 |
【Now財經台】英皇資本財富管理方案研究總監陳錦興推介安踏體育(02020) 推介原因： - 中期業績佳， |
ANTA SPORTS , EMPEROR CAPITAL |
| 陳錦興 |
2023-08-22T16:21 |
【Now財經台】名創優品(09896)業績後股價創新高，最多曾升9%至42.8元。 名創優品截至6月底全年及第四季度業績理想，收入及純利見上市以來新高，全年同上季純利倍升，毛利率挨近40%。 英皇資本財富管理方案研究總監陳錦興表示，名創股價有亮麗業績支持，預期短線走勢繼續向好。不過，名創PE逾60倍，認為公司要向市場證明持續盈利增長，股價才有進一步突破機會。 Stanley續指，如果投資者係39元附近有貨，可以上望44元，當股價跌穿35元則要考慮止蝕。 |
Results , Earnings , EMPEROR CAPITAL , IPO , IPO |
| 陳錦興 |
2023-08-16T18:39 |
【Now財經台】港交所(00388)中午出左業績，第2季按年多賺近34%至約29億元，略遜預期，期內，主要業務收入增長5%至逾47億元，收入及其他收益則按年增長18%，呢份業績又收唔收貨？ 英皇資本財富管理方案研究總監陳錦興指，按季計，上季表現系差過第1季，因為第1季仍受復常及整體市場氣氛帶動，日均成交亦較多，但內地經濟第2季表現不似預期，導致市場氣氛逆轉，交投逐步減少，加上IPO市場欠佳，但佢認為，港交所第2季係呢個情況下，仍交到呢個成績已經唔錯。 Stanley續指，港交所呢份業績，除左中期息按年大增30%外，交易所買賣基金(ETF)成交增逾20%，系另一個亮點，因上半年開通左ETF互聯互通，令相關成交增加，尤其是南向ETF特別活躍，佢估計情況將會持續。 |
ETF , HKEX , EMPEROR CAPITAL , HSCEI ETF , IPO |
| 陳錦興 |
2023-08-15T18:01 |
【Now財經台】361度(01361)中午出左上半年業績，純利約7億人仔，按年增長逾27%，收入增長18%，毛利率升至41.7%，唔止符合盈喜，亦系2011年下半年以來最好慨中期業績，不過，股價係放榜後一度急瀉23%。 英皇資本財富管理方案研究總監陳錦興指，361度呢份業績系收貨，集團成本控制做得好，純利增幅大過收入，反映營運表現及執行能力達標。 內地7月社會消費品零售總額按年升幅收窄至2.5%，系7個月以來最差，反映消費復蘇力度較差，Stanley就話，依家內地經濟環境較差，市民都唔敢隨便消費，會傾向發掘低檔次品牌。 此外，杭州亞運會將於9月23日至10月8日舉行，361度系官方合作伙伴，不過，Stanley認為，亞運會過後，361度增長有機會放緩，市場亦唔會有太大憧憬。 |
Results , Earnings , EMPEROR CAPITAL |
| 陳錦興 |
2023-08-14T10:39 |
【Now財經台】英皇資本財富管理方案研究總監陳錦興推介中國國航(00753) 推介原因： - 已消化盈警因素，聚焦復蘇 - 內地恢復出境團隊游第3批名單， |
AIR CHINA , EMPEROR CAPITAL |
| 陳錦興 |
2023-08-08T16:59 |
【Now財經台】聯儲局官員威廉斯噚晚「放鴿」，指若明年通脹放緩，可能有需要減息，今日息口敏感慨資源股逆市跑出，其中，中國宏橋(01378)最多升近6%，高見7.83元，收市仍升逾3%，系表現最佳藍籌。 呢只鋁產品股7月底發盈警，預告中期少賺70%，主要是產品價格下跌，以及原材料價格上漲，令收入減少、毛利率受壓，但點解宏橋盈警後，股價不跌反升，至今已累升逾10%？ 英皇資本財富管理方案研究總監陳錦興分析指，去年上半年產品價格高企，對比下今年同期純利大跌系幾合理，而相比去年下半年，上半年盈利增幅唔算小，所以公司基本面並冇大問題，加上市場憧憬內地慨經濟刺激政策會係第3季尾開始見效，相信股價後市仍有支持。 Stanley續指，現時宏橋股價續處於上升軌道，估計短期內或突破8元，到時要留意高位回套壓力大唔大。 |
Results , EMPEROR CAPITAL , IPO , Resources , IPO |
| 陳錦興 |
2023-07-31T10:31 |
【Now財經台】英皇資本財富管理方案研究總監陳錦興推介力勁科技(00558) 推介原因： - 大型壓鑄機產品領先行業 - 受惠電動車行業持續增長，海外發展前景佳 - 今年成本控制較好， |
LK TECH , EMPEROR CAPITAL , IT |
| 陳錦興 |
2023-07-25T17:17 |
【Now財經台】A股及港股估值平系一大賣點，上海及深圳股市市盈率(PE)，同恆生指數一樣都係低位徘徊，除左大市PE低，板塊方面，券商股亦有同一個賣點，依家大部分券商股預測PE都低過5年平均，系咪代表券商股好值博？ 英皇資本財富管理方案研究總監陳錦興指，由於券商股對大市慨刺激及推動作用唔大，所以市場較少留意券商股，除左PE低，市帳率(PB)都長期係0.5至0.6倍徘徊，而股東權益報酬率(ROE)亦處於低迷狀態。 不過，佢指出，市場今年睇好券商股，認為ROE會有改善，事實上，券商股第1季盈利增長唔錯，即使第2季可能會放緩，但當年底市場氣氛好轉時，券商股全年表現應該唔錯，此外，搞活資本市場或帶挈券商股估值有機會重估，因此，券商股有唔錯慨值博空間。 陳錦興 英皇資本財富管理方案研究總監 |
Stock , HANG SENG BANK , EMPEROR CAPITAL |
| 陳錦興 |
2023-07-18T18:30 |
【Now財經台】中升控股(00881)股價連跌4日，今日早段曾再跌5%，集團被瑞信下調上半年新車銷售毛利率，摩根士丹利就調低今年起3年盈利預測，雖然中升不斷回購股份，但股價今年仍累跌近30%，面對汽車經銷行業結構性弱點，行業盈利高峰期系咪已經過去？中升股價單靠回購系咪唔足以扭轉劣勢？ 英皇資本財富管理方案研究總監陳錦興指，暫時判斷唔到中升股價弱勢，到底同行業結構性問題有關，還是只系個別情況，汽車經銷股今年大幅跑輸，主要同疫情及供應鏈問題有關，市場年初預期行業會復蘇，但復蘇主要系新能源汽車行業，其他傳統汽車及高端汽車銷售都不似預期，令大行下調汽車經銷商盈利預測及目標價。 |
Energy , New Energy Vehicles , EMPEROR CAPITAL , Rating , New Energy |
| 陳錦興 |
2023-07-11T17:13 |
【Now財經台】恆指公司上周五公布，主要上市外國公司准納入恆指及科指，之前港股通擴容可納入外國上市公司，依家再進一步可以晉身成分股，市場近排追捧普拉達(Prada)(01913)，主要系今年3月Prada大熱倒灶，入唔到港股通，今次Prada系咪「染藍」大熱，晉身恆指成分股？ 英皇資本財富管理方案研究總監陳錦興指，依家Prada市值1400億元，的確好大機會晉身恆指成分股，如果成功「染藍」，應該會被歸類為非必需品類別，依家Prada慨市值比呢個類別慨成分股仲要高。 此外，Prada納入後慨比重約1%，而非必需品股係恆指占比唔大，但Prada加入後可以令恆指更均勻，唯一阻礙系公司係意大利注冊，呢方面仍要睇睇有冇問題。 |
Stock , EMPEROR CAPITAL , IPO , IPO , PRADA |
| 陳錦興 |
2023-07-04T18:31 |
【Now財經台】內地喪炒自動駕駛概念，汽車部件板塊今日抽升，其中以浙江世寶(01057)升得最勁，A股已連續3日漲停，港股今日最多爆升逾37%。 英皇資本財富管理方案研究總監陳錦興表示，浙江世寶股價過去兩年每逢年中就會升得好誇張，但好快就回落，佢提醒投資者要小心風險。佢補充，集團基本面唔系特別強，市值細、業績一般、利潤率頗低，更重要系，集團慨自動駕駛相關產品只系研發中。 Stanley續指，德昌電機控股(00179)上半年跑贏大市，加上基本面更強，除左有穩定慨歐美市場，亦有實際產品支持無人駕駛技術，相信中期業績發布前，仍有反覆上升動力。 |
JOHNSON ELEC H , Stock , EMPEROR CAPITAL , P.B. GROUP , ZHEJIANG SHIBAO |
| 陳錦興 |
2023-07-03T10:21 |
【Now財經台】英皇證券研究部總監陳錦興推介信義光能(00968) 推介原因： -成本受控料帶動今年業績改善 -受惠於全球光伏裝機快速增長 -低位完成整固， |
EMPEROR CAPITAL , XINYI SOLAR |
| 陳錦興 |
2023-06-27T18:26 |
【Now財經台】中國燃氣(00384)全年少賺逾40%，已連續5年業績差過預期，但點解股價今日不跌反升？系咪因為業績咁差，投資者博最壞時間已過？ 英皇資本財富管理方案研究總監陳錦興指，都唔排除有博反彈慨可能，因為股市操作一向都系行得比較前，中燃股價今年累跌近20%，但睇返其他燃氣股只系錄得單位數跌幅，除左反映行業受壓，亦反映中燃業務表現較差，所以業績較差時，投資者就博壞消息出盡去抄底，咁岩大市連跌5日後出現技術性反彈，所以中燃不跌反升其實唔意外。佢估計，當中燃走勢回穩，多左投資者入市博一博，令股價變得較強勢。 |
CHINA GAS HOLD , Gas , EMPEROR CAPITAL |
| 陳錦興 |
2023-06-20T17:07 |
【Now財經台】雖然港股今日顯著下跌，但中電控股(00002)股價今日大幅抽升，主要系摩根士丹利及摩根大通都估計，去年勁蝕慨澳洲業務今年有望轉賺，派息有望加碼，由於息率及估值吸引，大細摩都上調中電評級至「增持」。大行睇好中電澳洲營運改善，主要受惠於煤價跌，但其實煤價都回落左一段時間，點解大行依家先上調評級？ 英皇資本財富管理方案研究總監陳錦興指，由於中電澳洲業務有機會顯著復蘇，大行就送上「祝福」，加上公用股近排受追捧，令中電股價強勢，過往中電一直受海外業務問題拖累，依家澳洲業務有轉機，一定對業績有幫助。 Stanley又話，中電舊年派息已經唔錯，今年澳洲業務有望復蘇，市場對今年業績及派息自然有憧憬。 |
CLP HOLDINGS , Stock , AUD , Util , EMPEROR CAPITAL |
| 陳錦興 |
2023-06-19T10:16 |
【Now財經台】英皇證券研究部總監陳錦興推介中國建材(03323) 推介原因: -股價已反映首季季績虧損，有追落後空間 -料受惠減息、增基建及穩樓市的宏觀政策 -具中特估概念，短線動力增強 -煤炭、石油價格受壓，有助公司控制能源成本， |
Energy , Oil , CNBM , EMPEROR CAPITAL , Infra |
