| Commentator |
Time |
Content |
Tag |
| 王良享 |
2025-04-25T11:18 |
日前傳出美國總統特朗普(Donald Trump)考慮下調對華關稅，由145%大幅降至介乎50%至65%，又突然改口話唔會炒聯儲局主席鮑威爾(Jerome Powell)，呢些消息刺激美股3連升，俗稱「恐慌指數」慨VIX進一步回落至26水平，美股市況係咪已經回穩？ 臻享顧問董事總經理王良享指，特朗普暫緩「對等關稅」(Reciprocal Tariff)90日，係因為美債息係3日內升左50點子，早前美股債齊插水，導致唔少國家掟美債。 Tommy認為，市況最差慨情況暫時已經過去，但要繼續留意美國未來2個月慨通脹會唔會爆表，如果通脹爆表，導致聯儲局堅持今年只減息1次，甚至唔減息，到時美股及美債會繼續受壓。 |
|
| 王良享 |
2025-03-20T16:06 |
美國聯儲局一如市場預期按兵不動，並宣布放慢縮表步伐，市場依家比較關注美國經濟前景、通脹走勢等，有唔少分析認為，聯儲局主席鮑威爾(Jerome Powell)正面臨職業生涯最複雜慨挑戰。 臻享顧問董事總經理王良享認為，聯儲局及鮑威爾某程度係作出左妥協，4月開始每個月減持美國國債上限，由250億美元大減至50億美元，意味釋放200億美元流動性比聯儲局買債，呢個動作係配合美國財長貝森特(Homer Bessent)更看重國債孳息率慨講法，亦係美股反彈其中一個原因。佢認為，鮑威爾已畀足面美國總統特朗普(Donald Trump)，只要特朗普政府慨政策唔會大幅推高通脹，聯儲局就會減息。 Tommy認為，由於未見廣泛慨關稅引發通脹大升，對等關稅(Reciprocal Tariffs)因為未實施，暫時未知道有咩影響，估計要等到5月先知道關稅對美國通脹慨實質影響。 |
|
| 王良享 |
2025-02-20T12:31 |
美股昨晚繼續造好，標普500指數率先破頂。有分析指，今年美股升勢比前兩年分散，今年標普500當中，有46%股份跑贏指數，前兩年大約只有30%，近日亦有明星股於高位大跌，美國後市如何？而資金出現換馬情況，港股是不是好選擇？ 臻享顧問董事總經理王良享指，如果今年美國聯儲局只會一次減息，市場對普遍科技股的高股值會大打折扣，而美國上月的零售銷售情況一般，按月下跌0.9%，如果後市零售銷售數據仍然偏弱，會令美股醞釀調整。另外，近期內地及香港股市造好，預期市盈率(PE)提升，令市場對美股高PE憂慮有所緩和，美股後市可能會受內地及香港股市影響。 而港股方面，港股去年PE低見8倍，DeepSeek出現後，現時港股PE大約11.5倍左右，短期內會出現調整，不過，DeepSeek事件亦反映內地科技水平被低估，港股預期PE 12倍是合理水平。 |
|
| 王良享 |
2025-02-06T16:05 |
美國總統特朗普(Donald Trump)上任後隨即加貿易伙伴關稅，以關稅手段作為討價還價慨籌碼，特朗普政府連串措施係牽動全球金融市場及經濟慨同時，又會對美國通脹又有咩影響？ 臻享顧問董事總經理王良享認為，關稅一定會令通脹升溫，而通脹係會視乎關稅實施而出現變化，雖然北美方面可能只係象徵式關稅，但美國對中國慨關稅係認真，又認為10%已經係底線。他又認為，由於中美雙方處於互不瞅睬慨狀態，特朗普希望透過中國去同俄羅斯談判，希望俄烏戰事唔好太激烈，導致美國要增加軍費。 Tommy又估計，關稅會推高美國通脹約0.4%。雖然美國過去3個月核心個人消費支出(PCE)物價指數升幅企穩2.8%，但估計2月及3月會慢慢回落，因為睇返去年第4季租價，美國新簽租約已經有減價情況，但租價通脹仍達4.7%，呢個因素會逐步浮現，其次係金融市場方面，股市不停造好令財富效應持續，但日前已見到有基金減管理費，所以呢兩方面慨通脹會慢慢咁跌，如果冇關稅，美國通脹年底會跌到約2.1%，但有關稅就會係2.4%至2.5%，可以支持到聯儲局減息，同埋唔止一次。 |
|
| 王良享 |
2024-12-31T16:01 |
內地今朝(31日)出左12月官方製造業採購經理指數(PMI)，表現略差過預期，但非製造業商務活動表現就好過預期，應該點解讀呢些數據？製造業及非製造業表現分化情況係咪會持續？ 臻享顧問董事總經理王良享相信，製造業同非製造業分化慨情況只係受周期性因素影響，由於製造業係10月及11月已經趕工一段時間，所以12月就開始放緩，雖然數據低過預期，但情況唔算嚴重。非製造業方面，主要受樓市政策影響，其中，建築業慨商業指數升3.5%，表現較為突出。至於服務業亦出現適度反彈，都乎合明年慨經濟主軸，而市場亦關注內地居民願唔願意拿儲蓄出黎買樓、消費等。 |
|
| 王良享 |
2024-12-10T12:28 |
中央經濟工作會議召開前，中央政治局昨日(9日)搶閘開會，會議指今年經濟發展主要目標任務將順利完成，仲首次出現「加強超常規逆周期調整」呢個字眼，實施更積極慨財政政策，同埋適度寬鬆貨幣政策，亦講明會加大「放水」力度穩股樓。值得留意係，雖然見到決心係大左，但只係字眼上，冇提及實質數字，似乎同9月底、10月初慨情況類似，當時市場係失望。 臻享顧問董事總經理王良享估計，中經會係明年經濟增長目標方面，至少會暗示同今年慨5%相若，點解睇唔實質政策數字，例如國債及專項債加碼規模，呢些牽涉到美國總統當選人特朗普(Donald Trump)上場後會點出招，例如對華關稅加幾多，市場估計，加稅唔係一刀切，可能只係個別中國貨加多些，而所謂加60%關稅只係靠嚇。佢又話，初步黎講特朗普話要加10%關稅，其實亦反映佢都擔心加關稅加得太多，會令美國通脹大升，令進一步減息慨機會唔大，另一方面，亦要拿到足夠資金，美國先有機會減稅。 Tommy又認為，內地都要睇住特朗普最終會加幾多關稅，以平均加20%關稅計，涉及約千億美元，影響似乎唔係太大，內地應對政策就唔需要去到咁盡，就算之後有數字出黎，都係要摸住石頭過河。 |
|
| 王良享 |
2024-12-05T15:17 |
特朗普交易(Trump Trade)係特朗普未當選前已偷步喪炒，其中，美股係10月初起步，之後一直升唔停，值得留意係，金價係特朗普當選前後冇太大變動，過去3個月，黃金期貨價格只係升左約6%，同其他資產比較如比特幣(Bitcoin)等，表現差天共地。特朗普勝選，加上共和黨全面控制參眾兩院，大大減低內部不穩定性，黃價未來值唔值得睇好？ 臻享顧問董事總經理王良享估計，美國不明朗因素係特朗普未來4年任期將會減少，但佢較有自己慨主張，所以議會慨意見同佢慨施政未必有太大關係。 去美元化方面，Tommy話，自俄烏戰事後，市場尋求更好慨資產儲備，令黃金有更大吸引力，過往利率上升時，金價就會跌，但近幾年呢個情況出現轉變，加上美國服務性通脹應該已見頂，息口又未有反彈空間，黃金仍然係唔少投資者會考慮慨儲備資產，加上地緣政治因素一直存在，風險持續高企，因此，黃金仍有佢慨吸引力。 |
|
| 王良享 |
2024-10-31T16:27 |
日本政治環境唔明朗，加上外圍政局不穩，對日本央行長遠政策係咪帶黎好大變數？美國總統大選下星期就會舉行，係呢個時候日圓可唔可以發揮避險功能？ 臻享顧問董事總經理王良享指，日圓可以發揮避險功能，日本係一個經常帳盈餘高，以及海外資產較多慨國家，一旦出現風險事件，資金隨時會湧向日圓。 Tommy又話，下星期慨美國大選有機會令市場出現較大震盪，如果日央行持續加息，一些長年期債券，例如30年期債券孳息率見2厘以上，會影響長線基金慨資產配置，增加日本債券比重，減少外國債券比重，尤其美國債券，長遠而言，日圓會有升值壓力。 |
|
| 王良享 |
2024-10-03T12:08 |
A股因為國慶長假期休市，市場以為係北水「缺席」下港股會抖抖氣，但港股昨日(2日)又升過千點，成交逾4000億元，明顯資金驚錯失今輪大升市。《彭博》慨研究顯示，美國對沖基金、新加坡及南韓慨資產管理都有買中國股票，到底呢些係短線資金，還是會長坐？不過，港股今朝(3日)一度瀉逾千點，擔唔擔心升勢開始轉弱？ 臻享顧問董事總經理王良享認為，短炒及長線資金都有，上周二(9月24日)人民銀行及兩個部委出招後，係美國慨中國股票交易所買賣基金(ETF)升得特別快，當時A股仲未郁，短炒意味都好明顯。 Tommy又指，睇返好多互惠基金慨取態，中國股票由2021年佔總部位約14.5%，跌至最新5.1%，即3年間跌左9.4％，如果要補返足會係一個幾大慨數字，相當於約7.1萬億美元，睇返港股及A股過去6日成交，大概補返約1.5％，短炒資金可能見近日升得多會獲利，但做長期配置仲需要一段頗長慨時間去補返。 |
|
| 王良享 |
2024-09-19T15:47 |
美國正式步入減息周期，聯儲局出乎市場預期大手減息0.5厘，但主席鮑威爾(Jerome Powell)話，唔應該視今次減息0.5厘為「新步伐」(new pace)，又話會視乎情況加快、放慢，甚至暫停減息，會後聲明亦提及，就業及通脹情況會係利率走向慨重要指標，聯儲局今年仲有兩次議息會議，如果繼續減息，幅度會係幾多？ 臻享顧問董事總經理王良享認為，美國今次大手減息0.5厘，會令市場覺得聯儲局亦認為美國經濟有衰退風險，所以11月會議再減息0.5厘慨機會好細，不過，現時美國新增職位仍有約10萬個，所以唔排除12月再大手減息0.5厘。 Tommy又指，美國就業情況短期都好難改善，因為依家臨近年尾，企業再請人已經係明年初慨事，所以黎緊呢3個月有機會見到較差慨就業數據。 |
|
| 王良享 |
2024-08-27T11:14 |
近日美國聯儲局「放鴿」，但相反日本央行「放鷹」，日本央行行長植田和男在上周五(23日)日本國會作證時指，只要通脹及經濟符合日本央行預期便會進一步加息，導致日圓走高。市場應該如何預測日本央行加息步伐及日圓走勢？ 臻享顧問董事總經理王良享指，現時日本利率尚未處於均衡水平，因為日本工資增長率上升，令通脹持續處於高位，所以加息是必然的。但由於日本央行會於每季初作決定，如果在今年10月加息會過於倉猝，所以王良享預料日本央行較大機會於明年1月加息。 王良享又認為，日圓拆倉潮未必會再於短期內發生，雖然美元下跌會令日圓上升，但拆倉主要做高槓桿的對沖基金，而上次拆倉已經拆了約70至80%，所以不用擔心新一輪拆倉潮。 |
|
| 王良享 |
2024-08-15T11:06 |
美國8月非農數據出爐後，互聯網設備供應商思科(Cisco)宣布全球裁員7%，逾6300個職位，就業情況惡化下，環球央行都開始減息周期，昨日(14日)新西蘭央行意外減息，因為怕遲減息會難救經濟，今年餘下時間是否債市比股市安全? 臻享顧問董事總經理王良享指，債市由今年第2季度起「大漲小回」。下半年環球央行減息意向並沒有改變，因為怕經濟出現技術性衰退，所以環球利率會進一步下調。另外，美國年底總統大選令市場充滿不確定性，市場擔心經濟會否快速下滑。 Tommy相信下半年會出現「債優於股」情況。股市方面，人工智能(AI)熱潮有退卻跡象，其他非AI類股份追落後情況亦不太理想，令股市升幅受限。 |
|
| 王良享 |
2024-08-01T19:34 |
日本央行昨日(7月31日)爆大冷，宣布年內第2次加息。繼3月由負利率加息至0.1厘，當局今次將政策利率提升15個基點至0.25厘，並將進一步縮減每月買債規模。 日央行行長植田和男暗示仍有加息空間，指未有將0.5厘作為政策利率上限。臻享顧問董事總經理王良享認為，未來2年日本息口有機會升至1厘，因為當地有3項內憂外患驅使日央行繼續加息。 首先係為防止第二波輸入通脹來襲，因為當地核心通脹率已連續17個月維持2%以上。第二係為撐起日圓匯價，王良享分析指，日本長期息率正加速上升，目前20年期日本國債孳息率接近1.8厘，有利吸引部分日圓資金回流到日本投資。此外，王良享認為，日央行或憂慮美國前總統特朗普(Donald Trump)有機會重返白宮，到時可能又將日本列為貨幣操縱國，影響日本企業出口。 王良享續指，美匯指數年初至今累升約2%，而期內日圓兌美元貶值逾6%，意味日圓匯價仲有3%至4%慨潛在升幅，相信日圓將持續走強。 不過，佢估計，日匯轉強至145兌一美元時會行人止步，因為大部分日本企業係以145水平作為公司預算慨匯率標準，如果日央行操之過急，匯價太快轉強至140水平以上，就會削弱日本產品慨出口競爭力。 |
|
| 王良享 |
2024-07-23T12:00 |
三中全會提及要深化國資國企改革，提升核心功能及競爭力，「中特估」概念股上半年表現強勁，但係三中全會前後調整壓力開始浮現，「中特估」概念股估值今年升左唔少，資金食糊係咪因為估值已經太貴？ 臻享顧問董事總經理王良享指，依家內地市場焦點係「科特估」概念股，三中全會強調以科技為主，所以部分資金轉移至呢類股份。依家「中特估」概念股估值偏高，電訊股市盈率(PE)介乎11倍至12倍，能源股、油股PE就介乎7倍至9倍，現時出現調整主要係能源股及油股。 Tommy續指，特朗普(Donald Trump)有機會再入主白宮，佢慨政綱中有好大篇幅同油企及油價有關，為左遏通脹，特朗普可能會提高美國產油量及放寬監管，若美國石油產量及供應增加，就會令中資油股壓力大增。 另一方面，特朗普上場後可能會令俄烏停火，以及暫停向烏克蘭撥款，屆時石油供應就會增加。 |
|
| 王良享 |
2024-06-13T16:18 |
美國聯儲局一如預期維持息率不變，主席鮑威爾(Jerome Powell)係會後記者會話，由於遏通脹進展慢左，所以會推遲減息時間，雖然最新數據反映通脹顯著緩和，但仍然過高，局方仍未有足夠信心減息，亦唔會具體講幾時開始減息。聯儲局對通脹前景係咪太過審慎？ 臻享顧問董事總經理王良享指，聯儲局今次的確係對前景較審慎，但唔係因為通脹，睇返數據，通脹上升速度係減慢左，5月核心消費物價指數(CPI)僅升0.16%，係2021年8月以來最低水平。 Tommy話，依家聯儲局最大憂慮係美國大選，一旦特朗普(Donald Trump)及共和黨，分別重新入主白宮及控制參議院，很大機會通過加關稅、收緊移民政策等，而呢些政策無可避免會推高通脹，假設上調關稅10%，通脹慨影響最少1%，因此，難免令聯儲局對前景較為審慎。 |
|
| 王良享 |
2024-05-10T12:48 |
英倫銀行昨晚(9日)議息後維持利率不變，連續第6次會議按兵不動，符預期，值得留意係，今次多左委員贊成減息，副行長拉姆斯登(Dave Ramsden)更直言支持依家減息，行長貝利(Andrew Bailey)就話，唔排除下次會議，即係6月。市場就估計，英國8月減息，到底下個月還是8月機會較大？ 臻享顧問董事總經理王良享認為，依家英國通脹約3.2%，回落速度都幾快，但經濟增長勢頭唔及歐洲，所以6月減息慨機會只係一半一半。不過，如果未來兩個月美國通脹回落得較快，英國有機會早過聯儲局係6月開始減息，若美國9月或12月才減息，英國亦有可能推遲減息。 Tommy又話，當英倫銀行考慮減息之餘，亦要考慮英鎊匯價，近期英鎊係1.25水平上落，一旦跌至1.2水平，英國率先減息而美國又唔減，通脹有可能掉頭向上，所以英國幾時減息始終要睇住美國。 |
|
| 王良享 |
2024-05-02T18:20 |
美國商用物業市場需求疲軟，加上愈來愈多業主不敵高利率，商業物業抵押貸款慨壞帳率升至接近歷史高位，而未來12個月有180億美元商業抵押擔保證券(Commercial Mortgage-Backed Security)到期，較2023年高出逾1倍，評級機構穆迪料當中將有73%貸款可能難以再融資。 不過，臻享顧問董事總經理王良享認為，相關壞帳風險唔算嚴重，未至於會逼使聯儲局盡早減息應對，並指當地商用物業市場氣氛已經好過去年中，留意到商舖同多戶型物業(Multifamily)慨按揭需求回暖。 Tommy續指，聯儲局最關心慨核心個人消費物價指數(PCE)已回落至接近2.6%慨目標水平，即使未來3個月慨PCE通脹數據唔大跌，估計聯儲局有空間係今年7月同12月減息2次。 |
|
| 王良享 |
2024-03-21T17:41 |
日本負利率時代終結，17年以來首次加息，市場預期日圓大升、日股向下，但議息結果出爐後，日圓不升反跌，日股就照破頂，係咪反映市場認為日央行仍相當「鴿派」，即使加息亦十分溫和？日圓係咪仍然易跌難升？ 臻享顧問董事總經理王良享指，市場上有唔少做利差交易(Carry Trade)慨投資者，市場最擔心日本保險公司及退休基金會沽空美元買入日本資產，不過，據日本近期慨調查顯示，政府退休基金等機構無意沽空美元，日央行亦會繼續每個月買債，即使做Carry Trade慨投資者離場，日圓都會短暫上升，之後會再跌返落去。 Tommy又話，日央行今次向市場釋出一個「鴿式加息」慨訊號。 |
|
| 王良享 |
2024-02-07T12:37 |
中央匯金公司宣布加碼入市，帶動港股、A股昨日(6日)應聲飆升，恆生指數市飆逾600點，重上16000點關口，並錄得半年以來最大單日升幅，上證綜合指數亦大升逾3%。 不過，「國家隊」去年10月底托市時，A股5連升後無以為繼。臻享顧問董事總經理王良享指出，MSCI中國指數由2021年高位累跌逾60%，已逼近以往金融危機時慨跌幅。 佢又指，依家中央救市手段以口頭干預為主，市場更關注「國家隊」實際入市金額，係咪比得上2015年A股股災期間證金公司慨救市規模，當年除左向券商提供達2600億人仔信用額度，又動用2000億人仔托市。 Tommy又指，近排好多衍生工具到期對A股造成沽壓，例如南韓慨恆生國企指數慨股票掛鉤證券(ELS)、中國慨雪球產品。佢認為，中央唔希望短暫技術性壓力，令投資者對A股失去信心，相信中央仍有意入市。 |
Stock , HANG SENG BANK |
| 王良享 |
2024-02-01T17:00 |
【Now財經台】美國去年第4季國內生產總值(GDP)按年升3.3%，全年就增長3.1%，整體經濟表現十分強勁，消費氣氛好、勞工市場暢旺，呢些因素系咪會左右聯儲局慨減息決定？ 臻享顧問董事總經理王良享指，美國經濟今年增速應該冇去年咁快，因為去年有幾個政府支持慨反通脹、晶片法案，政府直接畀錢支持企業興建廠房。消費方面，Tommy話，美國歌手Taylor Swift開演唱會可以帶動經濟等，而當經濟未去到衰退邊緣時，聯儲局就覺得有多些時間考慮系咪減息，但值得留意系，現時唔少美國人系借錢消費，當銀行壞帳增加就會開始收緊信貸，到時消費力就冇咁強勁，聯儲局就會願意早些減息，平衡銀行資金緊絀慨情況。 王良享 臻享顧問董事總經理 |
US Credit , AEON CREDIT |
| 王良享 |
2023-12-14T16:05 |
【Now財經台】美國聯儲局議息後維持利息不變，最新點陣圖預示明年底利率中值為4.6厘，即明年合共減息0.75厘。美國11月整體及核心消費物價指數(CPI)按月升幅擴大，反映通脹仍然頑固，不過，美國財長耶倫(Janet Yellen)日前指，通脹已顯著放緩，睇唔到有原因會令通脹唔達標，加上聯儲局主席鮑威爾「轉鴿」，系咪都預示美國離減息不遠？ 臻享顧問董事總經理王良享認為，年底慨核心通脹預期系3.2%，而10月通脹系3.5%，意味聯儲局認為通脹會持續降溫，距離減息愈來愈近，鮑威爾昨晚(13日)亦指出，唔需要通脹回落或經濟轉差先減息，所以依家唔系一個死目標。 Tommy又指，由於明年3月仲未出第1季國內生產總值(GDP)數據，所以3月減息系太早，目前，都幾肯定今季經濟增長只有1.2%至1.3%，但預期明年第1季增長不足於1%又似乎過分左，所以都要等埋第1季GDP數據先，佢估計，聯儲局明年5月左右會開始減息。 王良享 臻享顧問董事總經理 |
|
| 王良享 |
2023-11-27T10:53 |
【Now財經台】美國上周五(24日)慨「黑色星期五」(Black Friday)銷售報捷，據Adobe Analytics數據顯示，當日網購平台消費金額破紀錄，增速加快，今日(27日)就輪到「網絡星期一」(Cyber Monday)，展望本周，聯儲局會公布俗稱《褐皮書》慨最新地區經濟報告，同埋個人消費開支(PCE)物價指數等，美股今個月強勁反彈，其中，納斯達克100已搶閘升穿7月高位，其他指數係今年余下時間有冇力破頂？ 臻享顧問董事總經理王良享指，依家納指同2021年高位相距約11%，標指低歷史高位逾4%，道指就低約2.6%，佢認為，道指及標指要再上有一定難度，雖然市場對聯儲局明年3月至5月慨減息預期幾高，但企業今季盈利預期仍然幾高，要滿足到呢個預期難度幾高，加上美國10年債息回落到現水平後，再大跌機會唔高，另一方面，標指幾大龍頭企業平均預測市盈率(PE)已去到約28倍，所以指數要係年內破頂機會唔大。 王良享 臻享顧問董事總經理 |
US Stock , SHK PPT |
| 王良享 |
2023-11-02T15:48 |
【Now財經台】聯儲局維持聯邦基金利率係5.25厘至5.5厘區間不變，連續兩次暫停加息系意料中事，市場更關心今次議息聲明提到，金融環境收緊或令經濟、通脹受壓。 臻享顧問董事總經理王良享分析指，9月議息會議至今，10年期國債孳息率曾觸及5厘，美股受壓，期間美匯指數上升約1.5%，垃圾債券溢價亦升0.6%，意味非投資評級企業慨舉債成本貴左1.2%，上述情況加埋已相當於加息0.25厘三次慨效果，削弱加息動力。佢預期，只要美國財政部仍有好大發債需求，長債息率好難大幅下跌，反而係未來一兩個月有機會調高。 此外，王良享認為，年底前本港銀行冇需要跟美國追加最優惠利率(P)，指目前本地貸款需求疲弱，加上大型港銀普遍活期及儲蓄存款較按揭貸款多約兩倍，如果要加P，就要相應上調存款利率，將影響銀行盈利。 王良享 臻享顧問董事總經理 |
US Bonds , HK Banks , US Stock , USD , Rating |
| 王良享 |
2023-09-21T15:38 |
【Now財經台】美國聯儲局維持利率不變，其實市場已經預左，所以焦點落係「點陣圖」，最新顯示今年仍會再加息1次，而市場較為關注議息聲明措辭，同埋主席鮑威爾慨言論，因為希望從中判斷美國今個加息周期系咪結束，鮑威爾話，已准備好再度加息，系咪意味未來兩次會議中，最少會加息1次？應該點解讀佢慨言論？ 臻享顧問董事總經理王良享認為，鮑威爾慨言論偏鷹，議息聲明強調，現時美國經濟超級強勁(solid)，雖然就業數據轉弱，但過去3個月，平均增加15萬個新職位，增長仍算強勁(remain strong)，不過，Tommy認為，呢個數字只系僅僅合格。佢估計，明年減息幅度將會縮窄至0.5厘，再一次引證鮑威爾所講「高利率會維持更長時間」(Higher for Longer)。 王良享 臻享顧問董事總經理 |
|
| 王良享 |
2023-07-27T15:33 |
【Now財經台】噚晚美國聯儲局加息0.25厘後，金融管理局今日即跟加，幅度亦一樣，匯豐銀行亦加同供樓有關慨最優惠利率(P)0.125厘至5.875厘。 臻享顧問董事總經理王良享認為，依家香港銀行同業拆息(HIBOR)逾5厘系過高，並指本港經濟環境穩定，唔似以往楂港元有風險溢價，所以港息有條件稍微低過美息，並相信HIBOR快見頂。 Tommy續指，美國經濟亦轉趨穩定，預期聯儲局最快9個月後先開始減息，但依家有別於2008年或2020年慨量化寬松(QE)環境，美國短期內亦冇需要做QE，估計港息唔會因為美國減息而大幅回落。參考聯儲局預測長期利率為2.5厘，佢預期，港息最盡跌到2.5厘至3厘。 基於上述預測，王良享認為，本港樓市短期前景仍然唔系太樂觀，當港息未來5年維持3厘以上，但通脹唔夠3%，投資房產就冇咩著數。 王良享 臻享顧問董事總經理 |
HK Banks , HK real estate , HSBC HOLDINGS , hk real estate |
| 王良享 |
2023-06-15T16:57 |
【Now財經台】聯儲局噚晚議息後維持利率不變，一如預期暫停加息，不過，點陣圖預視今年仲會加兩次息，至2024年底會減4次息，不過，主席鮑威爾係記者會話，至於幾時減息，佢話要等通脹顯著回落，有可能系兩年之後，點解鮑威爾同點陣圖唔同？ 臻享顧問董事總經理及始創人王良享指，鮑威爾慨講法只系針對通脹，完全冇考慮美國經濟增長情況，之前聯儲局官員做利率預測時，將全年國內生產總值(GDP)預測定係0.4%至0.5%，但過左兩季GDP加埋可能有1.5%，所以必須調高經濟增長預測，今次調高至1%，利率自然會升返少少。 Tommy又話，聯儲局官員對信貸環境好難有一致睇法，一方面唔知核心通脹幾時會大幅回落，加上根據慣例，若非農就業人數3個月平均人數高過30萬，就會觸發即時加息，睇返過去兩個月都系逾30萬，若今次達26.5萬以上，就好大機會觸發加息。 王良享 臻享顧問董事總經理. |
US Credit , AEON CREDIT |
| 王良享 |
2023-05-19T11:02 |
【Now財經台】美國債務上限危機有望可以早於6月1日前解決，眾議院院長共和黨麥卡錫話有時間表，估計周末有初步協議，下星期可以係兩院投票，今次債務上限問題似乎解決得較預期順利？ 臻享顧問董事總經理及始創人王良享指，債務上限問題係6月初前有共識慨機會系高左，但關注參議院能否通過，所以話今次債務危機完全過去就仲系早左些。 王良享 臻享顧問董事總經理. |
|
| 王良享 |
2023-05-04T15:15 |
【Now財經台】瑞銀資產管理認為，市場仍對聯儲局慨貨幣政策過分樂觀，瑞銀認為，美國通脹仍然高企，聯儲局會傾向維持較緊慨貨幣政策，持續慨時間亦較市場預期長，即使聯儲局暫停加息，但要行到減息呢一步，系咪仍有排等？ 臻享顧問董事總經理王良享指，依家美國系結構性通脹，經歷疫情後會高過以前，因為有唔少人離開左就業市場，令工資升左上去就落唔返，佢估計，美國通脹係未來5至10年會維持係較高水平，因此，聯儲局2%慨通脹目標系不合時宜。 Tommy又話，會有一兩個月慨核心通脹系較高，例如4月介乎4.5%至4.6%，聯儲局估計，年底會回落至約3.6%，如果進度良好，再睇埋第2、第3季慨經濟增長數據，如果近乎冇增長， 甚至出現負增長，聯儲局11月或12月就有機會減息.。 王良享 臻享顧問董事總經理. |
|
| 王良享 |
2023-04-13T10:42 |
【Now財經台】美國通脹進一步降溫，3月CPI按年升幅放緩至5%，連續9個月回落，升幅亦系近兩年最細，核心CPI按月升幅亦放緩，但油價持續高企，通脹降溫系咪唔足以令聯儲局5月唔加息？白宮首席經濟顧問指，銀行業危機正在消退，局勢已經穩定，另一方面，高盛原本預期6月會再加息，但最新都轉軑估唔會加，點評估今年美息走向，年內有冇機會減息？ 臻享顧問董事總經理及始創人王良享指，美國通脹的確系降溫，但核心CPI組成部分慨影響，例如租金有滯後性，相信之後回落速度先會快些，亦估計美國通脹會持續回落，但聯儲局會議紀錄指，會冒住有些微衰退風險繼續收緊政策，所以5月未必會停止加息。 至於今年會唔會減息，Tommy就話，近日有聯儲局官員指，要了解清楚金融危機系咪已經克服左，最重要睇銀行系咪已經收緊信貸標准，佢認為6月唔太可能再加息，等5月加息後，再評估經濟放緩程度，然後留意幾時可以開始減息。 王良享 臻享顧問董事總經理. |
Sachs , US Credit , AEON CREDIT |
| 王良享 |
2023-03-23T14:39 |
【Now財經台】美國聯儲局剛結束慨議息會議，系啟動加息周期以來最受關注，因為系歐美銀行連環出事後首個議息會議，到底聯儲局會唔會按兵不動，令市場有喘息空間，還是繼續加息，展示遏通脹決心，結果一如市場預期加息0.25厘，點解讀局方呢個決定？ 臻享顧問董事總經理王良享指，如果睇返最新慨點陣圖，聯邦基金利率中位數預測仍然系5.1厘，即貫徹去年12月慨睇法，今年唔會減息，而明年底預期利率4.3厘，去年12月系4.1厘，反映聯儲局委員對美國經濟睇法仍然唔錯，減息只系預期明年通脹回落速度較快，所以今次議息似乎冇乜考慮過去3星期發生慨事。 Tommy又話，今次接連有銀行出事，市場認為只系短期流動性問題，但當利率成本冇下降，就會收緊貸款標准，主席鮑威爾亦承認金融條件收緊，但又話仲有時間再觀察，睇下對經濟有咩影響，佢認為咁慨反應系非常慢。 王良享 臻享顧問董事總經理. |
|
| 王良享 |
2023-03-02T15:02 |
【Now財經台】人工智能(AI)呢個話題其實已討論左一段時間，但到今日仍然系全球熱話，因為各界似乎仍評估緊AI對社會及各行各業構成慨影響，到底AI發展對金融業會帶來咩影響？例如面對復雜慨財務報告時，AI未來會唔會搶走分析員慨飯碗？ 臻享顧問董事總經理王良享指，AI算法中包含probability等元素，的確會搵到一些irrgularity慨野，例如防欺詐系好易做到，而風險、合規系較死板慨事，所以未來會係銀行占一定地位。不過，投資建議方面，銀行就要小心，當AI知道客戶生活及投資習慣，可能會不停feed野比佢，銀行可能要做一些微調。 至於AI會唔會取代分析員，Tommy就話，雖然AI可以好快比到一個summary，但之後用呢樣野去做個人交易時，就系另一回事，人慨judgement仍然系重要，因為... 王良享 臻享顧問董事總經理. |
|
| 王良享 |
2023-02-02T14:23 |
【Now財經台】美國聯儲局一如預期加息0.25厘，聯邦基金利率上調至介乎4.5厘至4.75厘。到底加息0.25厘呢個步伐會維持幾耐？系咪加到5厘水平就見頂？ 臻享顧問董事總經理王良享指，根據主席鮑威爾所講「couple of times」，couple即系兩次，但佢又話，美國通脹開始紓緩，佢慨用字系「disinflation」，討論時好易令人聯想起「deflation」，即通縮，王良享估計，局方內部都有相關討論，累計加息4.5厘後，會唔會弄巧反拙，會唔將美國經濟推去衰退邊緣？通脹過後會唔會出現通縮？呢個問題已經防止局方下半年再加息，其次系鮑威爾係Jackson Hole會議後，每次聯儲局開會，佢都話金融條件收得唔夠緊，但今次冇再咁講，佢認為，鮑威爾冇再大手打擊未成熟慨股市升勢，或打壓樓市令樓價大幅回調，如果系咁，聯儲局有機會加多一至兩次息就完。 分析普遍預期，春季暫停加息後，息口會維持係高水平一段時間，估計最快年底有機會開始減息。 |
|
| 王良享 |
2022-12-08T16:00 |
【Now財經台】在美國持續加息下，估計港息會繼續高企，而樓市對息口系最敏感，事實上，本港樓價持續下跌，尤其二手樓，唔少業主要劈價賣樓，息口持續上升系咪會繼續拖累樓市？ 另一個影響樓價因素系供應問題，雖然政府已出左好多力，但供應唔可能一下子大增，加上在移民潮及內地買家絕跡下，本港樓市系咪仍然偏淡？ 臻享顧問董事總經理王良享指，本港樓價因加息而受到影響慨最壞時間，應該已經過左，因為當銀行加最優惠利率(P)時，一般都認為利率已確認向上，即使依家再加，供款人士已經習慣左，其次系拆息持續扯高，會影響投資需求，因為買樓收租不如造定存收息，估計呢個情況仍會持續，但樓價因加息而向下沉慨情況應差不多完結。 Tommy估計，一些利淡樓市慨因素如移民、內地買家少，甚至結婚及出生率，都開始見到有改善，但由於美國仍然加緊息，所以樓市明年第1季仲會有壓力，但第2季應該比較樂觀，樓價明年有望回升約5%。 王良享 臻享顧問董事總經理. |
HK real estate , China real est , hk real estate |
| 王良享 |
2022-11-04T11:03 |
【Now財經台】美國加息後，隔晚美債即時有反應，2年期債息升穿4.7厘，再創15年新高。同時，2年期同10年期債息現倒掛，系經濟陷入衰退慨指標之一，情況系1980年初以來最嚴重。 臻享顧問董事總經理王良享認為，聯儲局(FED)樂見債市如此反應，因為上次加息後美國金融條件其實冇收緊過，美股係10月仲有得升，就證明市場仲有閒錢投資，佢估計FED係12月會再加息0.5厘。 王良享又預期，FED縮表速度仍算慢，相信美國市場仲有足夠流動性，美國明年只會陷入輕微慨經濟衰退，而由於美國樓市依家先開始下跌，認為美股同美債尚未見底。 王良享 臻享顧問董事總經理. |
US Bonds , US Stock |
| 王良享 |
2022-10-27T15:34 |
【Now財經台】人民幣兌美元匯價噚日下晝由7.3水平沖上7.1水平，單日轉強逾1000點子，升值逾1.6%，單日升幅破紀錄。《彭博》引述交易員消息指，境內美元沽盤大量增加，當中包括來自國有大行，反映人行可能出手干預人民幣匯價。 臻享顧問董事總經理王良享認為，人民幣現價「原則上」未反映基本面，但如果人行干預在岸人民幣，會令內地息口向上，佢估計，人行想透過托起離岸人民幣，從而帶動在岸人民幣向上。 佢又預期，人行未來仍會繼續出手干預離岸價，因為內地有逾3萬億美元外匯儲備，絕對有足夠托價本錢。 王良享 臻享顧問董事總經理. |
RMB , USD |
| 王良享 |
2022-09-28T11:20 |
【Now財經台】中共「二十大」將於10月16日召開，《路透》噚日報道，內地監管機構要求上海及深圳慨基金經理、券商係「二十大」前避免大規模拋售股票，維穩股市。過往每逢有重要會議召開，好多時都有維穩行情，點睇今次慨情況？ 臻享顧問董事總經理王良享指，係環球股市大吹淡風下，內地監管機構有機會針對太高槓桿慨活動進行監察，但講到明想維穩慨機會唔大，原因系美國年底前仲有兩次議息會議，上星期慨議息結果市場都唔太滿意，代表美國可能仲會加息1.25厘，甚至更多，因此，依家托高個市其實作用唔大，相信等到美國加完息，12月先出手托市慨機會較大。 王良享 臻享顧問董事總經理. |
|
| 王良享 |
2022-09-22T15:57 |
【Now財經台】聯儲局自8月全球央行年會後，決意不惜犧牲經濟都要加息遏通脹，聯儲局噚晚議息後宣布再加息0.75厘，市場黎緊要做好心理准備，係11月及12月兩次議息會議中，起碼有一次會再加息0.75厘，若再憧憬美國明年開始減息系咪不切實際？ 臻享顧問董事總經理王良享指，聯儲局最新慨點陣圖為市場帶黎驚嚇，因為聯邦基金利率年底慨中位數系4.4厘，明年更升到4.6厘，可能有投資者憧憬明年3月息口封頂後，第2季可以開始減息，但點陣圖就話畀投資者知系「諗多左」，加上聯儲局官員將今年美國經濟增長預測，由6月1.7%大幅降至0.2%，王良享認為，可能0.2%都有些「水分」，因為聯儲局官員唔想拋出一個負數，不過，如果想彌補今年首兩季慨負增長，第4季GDP起碼要有2%增長，而市場亦好清楚系好難做得到。 王良享 臻享顧問董事總經理. |
|
| 王良享 |
2022-09-08T16:16 |
【Now財經台】聯儲局持續加息直接帶動美元近月持續轉強，人民幣兌美元匯價今年已貶值近10%，最近更迫近7算關口。另一方面，內地外匯儲備降至近4年最低水平，應該點解讀呢個情況？ 臻享顧問董事總經理王良享表示，外匯儲備跌咁多好有可能系人民銀行為頂住匯價大手買入人仔，反映人行唔想人仔再貶值。佢又話，中央將於10月中召開「二十大」，相信會上或談及放松現時慨防疫政策，同埋進一步開放資本市場，呢些消息都有助人仔造好。 Tommy又預期，人民幣匯價係「二十大」前或下試1美元兌7至7.05，市場預期，聯儲局12月加息幅度將會細過9月，佢估計，屆時人仔將會走強，重上6.8至6.85水平。 王良享 臻享顧問董事總經理. |
RMB , USD |
| 王良享 |
2022-08-29T11:39 |
【Now財經台】內地下半年至今宏觀經濟復蘇進度唔理想，加上中美息差加快收窄，美元強勢似乎仍未見頂，而離岸人仔2年以來，首度跌穿6.93，人仔年底前沽壓究竟有幾大？ 臻享顧問董事總經理王良享認為，內地繼續寬松慨貨幣政策對人仔影響唔大，又指1月至7月人民幣總需求量仍升左34000億人仔，反映市場對人仔需求仍然幾大，暫時冇轉弱基礎。 王良享又話，歐元、日圓今年貶值約13%及15%，人仔只轉弱左7.5%，相信人仔年底前會稍微追上其他貨幣慨弱勢，但跌穿7算，甚至7.2水平慨機會唔大。 王良享 臻享顧問董事總經理. |
RMB , USD , EURO |
| 王良享 |
2022-08-24T10:43 |
【Now財經台】美國聯儲局主席鮑威爾周五會係全球央行年會發表演講，局方官員卡什卡尼又放鷹，指聯儲局有明確方向要收緊貨幣政策，另外新屋銷售數據及PMI都要跌，市場都憂慮聯儲局會大幅加息壓通脹，究竟反高潮慨機會大唔大？ 臻享顧問董事總經理王良享指，巿場目前估計鮑威爾會係年會上發表有決心慨言論，例如積極打擊通脹，不過，根據往年預測同實際落實慨政策，以上估計多數都失敗，認為鮑威爾未必有勇氣再作宣言，三大指數同十年期債息慨反應屬過敏，後日反高潮機會頗大。 王良享 臻享顧問董事總經理. |
|
| 王良享 |
2022-07-28T16:00 |
【Now財經台】市場今個星期焦點除左聯儲局加息外，其實今晚都好重要，因為美國會公布第2季GDP數據，市場預期按年會錄得0.3%慨升幅，扭轉第1季慨跌勢。 臻享顧問董事總經理王良享指，呢個預測系基於大部分經濟學家認為，美國勞工市場仍然暢旺，上次非農職位增長逾40萬個，有別於亞特蘭大聯儲銀行所慨GDP Now數據，依家估計系負1.3%，而第1季系負1.6%，即連續兩個季度錄得負增長，意味陷入技術性衰退，但美國系唔會承認，就要留待NBER公布，美國到底系咪衰退，由於權重有唔少放係就業市場，所以點解好多人估計美國經濟明年先有機會出現衰退，因為勞工市場仍然健康，所以就唔承認衰退。 王良享 臻享顧問董事總經理. |
|
| 王良享 |
2022-07-28T11:30 |
【Now財經台】美國聯儲局持續加息，但香港一直都冇上調最優惠利率(P)幾時加息，本港銀行體系結余不斷縮水，到底仲可以等幾耐？ 臻享顧問董事總經理王良享就認為，本港加息機會都系一半一半，唔敢講絕對唔加，1個月拆息依家係1.3厘水平，而樓按實際息率2.61厘，已經過左封頂位，但唔代表過左呢個位就要加息，銀行仲可以等到9月，但9月加息應無可避免，依家本港3個月拆息系低過美國0.6%，會產生唔少套息交易買美元，預期金融管理局會繼續干預，銀行體系結余會同步縮水，去到9月會跌至1000億至1200億元，估計9月加P慨機會較大。 佢又話，美國12月或會停止加息，本港9月加P可能加0.25厘，去到11月再加0.125厘，即全年只加0.375厘，若美國明年停止加息，香港亦會停低。 王良享 臻享顧問董事總經理. |
HK Banks , USD |
| 王良享 |
2022-06-13T11:54 |
【Now財經台】美國5月消費物價指數(CPI)按年、按月升幅都高過預期，通脹見頂慨願望落空，美股上星期五已被震散，後市系咪都唔樂觀？聯儲局系咪要焗住大手加息？ 臻享顧問董事總經理王良享指，美國CPI大部分細項都升，最令人擔心系核心部分，例如租金，依家有分析估計，聯儲局聽日開始議息，最終有機會加息0.75厘，呢個加幅好耐冇見過，標指係上個加息周期，當時未有出現重大衰退，市盈率(PE)介乎16至18倍，但如果出現較深慨衰退，PE可能跌到13至14倍，即標指係最壞情況可能跌到3200點水平。 王良享 臻享顧問董事總經理. |
US Stock |
| 王良享 |
2022-05-12T15:30 |
【Now財經台】人民幣近期持續貶值，主要受美國加息及內地疫情影響，交易員話，內地疫情現曙光，有利投資情緒，中國經濟基本面及資金流有機會好轉，有利人民幣回穩。人民幣弱勢仲會持續幾耐？ 臻享顧問董事總經理王良享指，人民幣兌一籃子貨幣慨弱勢暫時仍會持續，但兌美元就應該差唔多結束，如果睇返人民幣慨貶值速度，最快系4月中開始，因為當時啟動左疫情封控措施，而3月未爆發疫情前，美債孳息率上升令部分資金離開中國債市，而3月上旬A股表現亦非常差，錄得頗大淨流出，但人民幣表現其實有些滯後，而美元過去兩三個月慨升幅，已經反映左加息預期，佢估計，人民幣可以守住6.75至6.8，暫時情緒方面唔太好，但基本條件仍受控。 王良享 臻享顧問董事總經理. |
RMB , US Bonds , USD , China Econ , Capital Flow |
| 王良享 |
2022-05-05T11:35 |
【Now財經台】美國聯儲局一如預期加息0.5厘，主席鮑威爾係記者會上表明，單次加息0.75厘唔系局方積極考慮慨事，鮑威爾慨言論刺激美股急升，債息、美匯指數就回落。雖然加息後市場反應唔錯，但供應鏈問題持續，通脹未來會點行？ 臻享顧問董事總經理王良享指，依家美國30年房貸系2013年以來最高水平，反映通脹仍然嚴重，不過，聯儲局可以做慨事始終有限，即使成功減低需求，但都改善唔到供應，因此，佢認為聯儲局唔會為左令通脹降溫，犧牲整體經濟增長，估計要等下半年工資、租金增長放緩，通脹先會回落。 Tommy又預期，美國勞工短缺問題逐步解決，工資增長亦會逐步回落至4%水平，加上已開始正常工作，換樓需求會減少，而租金亦會回落，加上長債息扯高，有助拉近供需差距，因此，佢認為通脹好大機會回落。 王良享 臻享顧問董事總經理. |
US Stock , USD |
| 王良享 |
2022-04-11T11:34 |
【Now財經台】內地今朝出左通脹數據，3月內地居民消費格價指數(CPI)及工業生產者出廠價格指數(PPI)都高過預期，但PPI已連跌5個月。近日內地疫情持續升溫，繼深圳收緊防疫措施後，上海及廣州亦有「封控」政策，PPI向下趨勢系咪仍會持續？ 臻享顧問董事總經理王良享認為，內地PPI今年，甚至舊年第4季度已見頂，依家影響PPI除左風險措施外，亦因內地能源供應可以由石油轉為其他能源，除左近期各地爆發疫情，導致部分工廠或需短暫停工影響到PPI外，能源對PPI慨影響冇歐美咁大，長遠而言，其實系一個較為正面慨因素。 王良享 臻享顧問董事總經理. |
Energy , Oil |
| 王良享 |
2022-03-24T15:51 |
【Now財經台】滯脹(Stagflation)系一個全球近期相當關注慨經濟議題，而今次滯脹風險其中一個主因系俄羅斯攻打烏克蘭，引發油價上升及供應鏈問題，再加上美國及各國面臨疫情後慨嚴重通脹威脅，形成滯脹風險，一旦能源危機出現，有人將今次情況同1973年慨石油危機比較，兩次事件系咪有相似慨地方？ 臻享顧問董事總經理王良享指，當時阿以戰爭爆發，OPEC成員國阿拉伯國家，不供應原油畀美國及支持以色列慨國家，並且宣布減產，令油價於5個月內，自每桶3美元升至11.65美元，通脹率升至12%，高於美國名義GDP，導致經齊陷入衰退，繼而推高失業率，股市亦大林。雖然今次條件冇1973年咁惡劣，但亦有相似慨地方，例如市場擔心滯脹再次出現。 王良享 臻享顧問董事總經理. |
Oil , Energy , USD |
| 王良享 |
2022-03-17T11:11 |
【Now財經台】美國聯儲局一如預期自2018年以來，再次啟動加息周期，噚晚議息後宣布加息0.25厘，但幅度系咪太保守？一向偏鷹慨聖路易斯聯儲銀行行長布拉德系投左反對票，因為佢認為要加息0.5厘，聯儲局系咪考慮到地緣局勢因素？ 臻享顧問董事總經理王良享指，其實加0.25厘系市場及聯儲局慨共識，唔加0.5厘主要系俄烏局勢仲有好大不確定性，但其實局方慨取態都幾鷹派，對今年慨經濟增長預測，由舊年12月4%下調到最新2.8%，又將今年加息次數由估計4次增加到7次，縮表就提早到5月開始，而且規模應該唔細。至於美國通脹問題，佢就話... 王良享 臻享顧問董事總經理. |
|
| 王良享 |
2022-02-10T15:25 |
【Now財經台】美國消費物價指數(CPI)按年升幅連續5個月擴大，美國通脹數據今晚就會出爐，市場預期估計最新CPI升7.3%，美國通脹今年系咪會持續升溫？ 資深銀行家王良享指，美國舊年慨通脹成因系貨物供應鏈問題，係芯片價格上升及運費高漲下，導致價格高居不下。另外，人工係舊年第4季開始大幅上升，依家仲升緊，企業出高人工搶人情況嚴重，工會方面話唔加人工就罷工，工資增長令環球央行十分頭痛，因此，通脹短期好難回落。 Tommy又話，除非股市大跌，金融條件收緊，通脹先有機會大幅回落。 王良享 星展香港財資市場部董事總經理 |
|
| 王良享 |
2021-12-17T11:29 |
【Now財經台】英倫銀行意外加息，11月議息時出乎意料按兵不動，到12月加息決定，系咪同疫情反覆有關？ 星展銀行財資市場部董事總經理王良享指，美國選擇與病毒共存，而英國防疫政策就捉得較緊，央行要跟住疫情變化作出對策。英國加息與否亦受到勞工市場影響，疫情期間多左公司執行員工放無薪假措施，但措施在10月完結後，到底公司會選擇大幅裁員還是招聘人手，冇一個確實方向，令英倫銀行無法判斷11月加唔加息，但黎到12月，數據顯示有接近90%雇主選擇繼續聘用員工，12月加息已再無懸念。 王良享 星展香港財資市場部董事總經理 |
Layoffs |
