| Commentator |
Time |
Content |
Tag |
| 趙晞文 |
2025-04-29T17:25 |
藥明康德(02359)首季業績強勁，多賺近90%至36.7億人仔，股價今日(29日)收市升逾4%，報60.65元，係表現最好藍籌之一。藥明康德近年積極減持唔同資產，包括去年向美國醫健投資基金公司出售ATU業務，此外，集團減持藥明合聯(02268)逾11%股權，持股量降至約22%，減持可以減輕風險及增加收入，藥明康德未來係咪應該要繼續減持？ 信達國際研究部董事趙晞文指，中長期會繼續減持，但唔需要心急散貨，因為藥明系對藥明康德黎講係一種投資，所以公司都要考慮係合適慨時間點先會出售，而出售ATU業務除左因為地緣政局慨因素，亦因為ATU業務一直蝕錢，基於盈利因素慨考量而將其出售，估計未來會優化客戶結構，加大歐洲及內地客戶慨佔比。 |
|
| 趙晞文 |
2025-04-22T17:10 |
洛陽鉬業(03993)擬進軍黃金產業，集團收購對象加拿大Lumina Gold公布，獲洛鉬旗下新加坡公司提出全面收購，每股作價1.27加元，溢價高達40%，總代價約5.8億加元，折合約32億港元，呢單收購規模有幾大？進軍黃金業慨洛鉬，股價及公司狀況係咪可以參考同業紫金礦業(02899)？ 信達國際研究部董事趙晞文指，可以參考紫金，但唔可以直接比較，因為紫金慨黃金收入佔比最高，加上亦有銅業務，洛鉬核心收入來自鉬，亦係公司最核心慨資產，今次收購慨金礦藏量唔算多，所以，如果用紫金同洛鉬比較，只可以參考收購後慨後續及整合，用紫金做指標。佢估計，洛鉬完成收購後，黃金相關項目資產中長期可望扭虧為盈，但短期未必會因此而受惠。 |
|
| 趙晞文 |
2025-04-17T22:30 |
長飛光纖光纜(06869)遭主要股東德拉克減持逾2800萬股，佔總股本比例由23.73%降至20%。 信達國際研究部主管趙晞文表示，根據德拉克授予長飛光纖的技術專利協議，若其持股低於20%，協議或失效，而德拉克表明，不排除進一步減持，因此雙方的合作關係有潛在轉變的可能。 |
|
| 趙晞文 |
2025-04-15T16:35 |
「B仔股」映恩生物(09606)今日(15日)首掛，暗盤昨日(14日)暗盤大升逾80%，今日首掛走勢更強勁，開市報181元，較招股價94.6元，高逾91%，其後一度高見222元，炒高逾倍，其實映恩生物招股反應唔係特別熱烈，超額認購約110倍，一手中籤率都有80%，睇返今日表現，算唔算係走漏眼？ 信達國際研究部董事趙晞文認為，映恩生物表現搶鏡同成個板塊有關，睇返之前慨新股「賺錢王」布魯可(00325)及蜜雪集團(02097)，上市表現都好靚仔，原因係當時市況好，抽新股慨贏率相對較高，令散戶一窩蜂去炒。 晞文續指，「B仔股」同生物科技(Biotech)股其實都唔係市場那杯茶，考慮回報問題下超購114倍，招股反應唔算差。 |
|
| 趙晞文 |
2025-04-14T10:18 |
信達國際研究部董事趙晞文推介安踏體育(02020) 推介原因： -首季營運數據勝預期 -透過收購豐富品牌線 -或再進行回購。 |
|
| 趙晞文 |
2025-04-08T16:27 |
比亞迪股份(01211)發盈喜，今日(8日)中午前曾升逾7%，午後升幅收窄，收市報330.4元，升逾4%。公司去年第3及第4季盈利受惠「以舊換新」，今年首季盈利亦受惠期內新能源車銷量再創新高；但中美貿易戰陰霾下，未來銷售前景如何？ 信達國際研究部董事趙晞文指，「以舊換新」政策拉動去年下半年業績，加上今年首季銷量已破百萬部，銷售進度良好，為公司業績提供支持。另外，由於比亞迪汽車配置逐步增加，價格能夠提升，所以毛利率亦有提升空間。 晞文又指，比亞迪的新能源電動車業務除了內地，亦會出口到東歐及東南亞，與美國沒有太大關係。但目前全球貿易壁壘增加下，短期或會影響出口，未來需要留意對等關稅(Reciprocal Tariffs)會否影響該地區的消費力，繼而影響汽車銷售量。 |
|
| 趙晞文 |
2025-04-01T16:32 |
周六(29日)有一架小米集團(01810)的SU7標準版於高速公路撞向護欄後起火爆炸。消息傳出後，今日(1日)小米股價午後急挫！ 小米才剛公布今年首季交付近7萬輛汽車的「佳績」，但這次意外消息公布後，會否令市場對小米信心大減，從而影響小米次季的交付量？ 信達國際研究部董事趙晞文指，小米第1季交付量約佔全年交付量目標35萬輛的大約20%，首季進度尚算合格，但估計第2季SU7的交付量會輕微下降，因為發生安全事故，短期銷售或受影響。 不過，小米另一焦點是稍後推出的YU7，新車定價仍是未知之數，如果日後定價令市場認為吸引，或者有增加安全配置，可以令消費者重拾信心。 他又指，小米股價短期會因安全事故而受壓，但小米中長期在新能源汽車的戰略發展變化不大，股價波動只是消息面搖動。 |
|
| 趙晞文 |
2025-03-25T17:28 |
康師傅控股(00322)公布業績後，股價今朝(25日)一度逆市升5%，高見13.5元，衝上1年高位，但午後倒跌。集團去年收入近乎冇增長，但純利有得升，呢份全年成績表仲有咩亮點，又或者瑕疵？ 信達國際研究部董事趙晞文指，康師傅去年純利略勝預期，收入就符合預期，收入近乎零增長，純利就按年增長近20%，原因不外乎成本下降及產品收入結構改善，從而令產品盈利能力提高。 晞文又話，公司經營現金流按年增約20%，但係開支冇太大變化下，龐大慨現金流能夠維持派息比率，因此，派息比率高達100%。 值得留意係，未來成本係咪可以維持係低水平，集團可以把握機會大量採購低價原材料，有助提升今年毛利率。此外，亦可以留意產品收入結構，睇下飲品收入及毛利率會否進一步上升。 |
|
| 趙晞文 |
2025-03-18T16:59 |
特步國際(01368)今日(18日)中午派左去年成績表，股價最多升1.4%，高見5.77元，收市報5.69元，無升跌。集團收入及純利都有增長，但點解股價反應相對冷靜？係咪市場唔收貨？ 信達國際研究部董事趙晞文指，特步早已預告去年下半年收入增長放緩，純利增長就符合預期，收入亦錄得高單位數增長，其實都已經收貨，只係呢份業績冇乜驚喜，所以股價冇太大反應都係正常。 晞文續指，特步去年整體毛利率按年有得升，反映產品結構有改善，包括鞋履平均單價及毛利率較高，繼而推高鞋履業務收入。不過，整體毛利率略低過市場預期，相信係受服裝及配飾業務毛利率按年下跌影響，拖累整體毛利率增速。 |
|
| 趙晞文 |
2025-03-11T17:40 |
瑞銀及摩根士丹利近期齊齊唱好新藥研發外判龍頭藥明系，藥明系股價過去曾因美國生物法案而暴瀉，不過，行業市盈率(PE)似乎已重返消息前水平，成功修復估值，點睇藥明系前景？ 信達國際研究部董事趙晞文指，單睇今年盈利預測，依家估值叫做成功修復，不過，同過去5年比較，仍低過平均值。晞文續指，藥名系之前估值咁高，原因係5年前遇上疫情，拿到好多國際藥廠定單，依家黎到後疫情時代，定單自然回復至正常水平。 佢又話，雖然地緣政治因素略為紓緩，但仲未真正解決，所以要留意美國總統特朗普(Donald Trump)慨政策，因為隨時對藥明系有重大影響。 晞文認為，藥明系之中較睇好藥明合聯(02268)，因為公司近年專門發展慨ADC藥物，係國際大廠新趨勢。 |
|
| 趙晞文 |
2025-03-07T22:40 |
百度集團(09888)計劃發行20億美元換股債(CB)，債券為七年期，可兌換攜程集團(09961)股份。 信達國際研究部主管趙晞文表示，百度已入股攜程多年，且視為非核心資產，今次透過發行換股債，變相可能減持攜程股份，屬合理的商業決定，相信消息對攜程股價影響不大。 |
|
| 趙晞文 |
2025-03-04T16:34 |
美國今日(4日)如期向中國加關稅，中方迅速推出反制「組合拳」，包括向美國農產品等加關稅等。另一方面，「兩會」今日起一連兩日係北京召開，恆生指數早段一度瀉逾400點，之後逐步收復失地，午後更短暫倒升，科網股撐市，個別內需股午後升幅擴大，黎緊係咪繼續留意呢些板塊？ 信達國際研究部董事趙晞文認為，睇返中方慨反制措施，其中，加關稅慨幅度同美國差唔多，所以港股未有太大反應。佢又話，市場期望「兩會」可以係科技方面多些著墨，雖然科網股近期出現回調，但幅度唔算大，係高位調整亦好正常。 內需股方面，晞文就話，每次內地舉行重要會議時，都會炒作內需股，睇返以往慨政策，大部分都係針對家電及電子消費品，市場未來會關注今年慨財政政策，會唔會擴至其他領域，例如服務業，或者有更直接方法刺激消費。 |
|
| 趙晞文 |
2025-02-28T22:39 |
太平洋航運(02343)全年純利升20.3%，但基本溢利倒退4.3%，末期息5.1仙。 信達國際研究部主管趙晞文表示，太航去年業績不過不失，但公司已簽訂的遠期合約，第一季日均租金下跌，加上全年股息率大約6厘，不及其他航運股，相信股價難有明顯起色，預計在1.5-1.8元水平上落。 |
|
| 趙晞文 |
2025-02-25T16:38 |
攜程集團(09961)今朝(25日)開市前出左業績，股價午後愈跌愈多，一度大跌逾12%，低見459.4元，包辦表現最差藍籌及科指成分股。雖然去年純利及收入都有增長，但全年增速唔及去年上半年，反映受下半年增長放緩拖累，呢個係咪市場唔收貨慨地方？點睇集團未來增長動力？ 信達國際研究部董事趙晞文指，雖然全年計盤數冇驚喜，但仍符合預期，雖然去年第4季收入按季大跌近70%，但仍好過預期，原因係第4季唔係傳統旅遊旺季，加上公司海外平台仍處於投入期，所以按季表現的確會令市場失望，所以股價係業績後回套係正常。 晞文又話，分析攜程收入時，除左睇定單量，亦要睇埋價格，由於價格係由市場供求決定，由於疫後供應仍然緊張，令產品價格上升，而復甦期過後，產品價格只係逐步回落至正常水平。佢認為，未來要留意公司定單增加可唔可以彌補價格下跌慨影響。 |
|
| 趙晞文 |
2025-02-18T16:58 |
譚仔國際(02217)獲大股東東利多控股提出私有化，公司於通告中提到，私有化後有望利用母企強大的財務實力為未來提供資金，更有效地擴展海外業務。過去幾年，公司的內地及海外門店佔比約有15%，當未來海外市場發展更成熟，譚仔有重新再上市的機會嗎？ 信達國際研究部董事趙晞文指，不排除有重新上市的可能性，但值得留意的是，譚仔在內地及海外市場的收入僅1.77億元，與本港市場收入的25.7億元相差甚遠，譚仔只能靠店鋪擴張，才有機會在海外重新上市。若財務條件充足，有條件到海外上市，投資者就要留意上市地點給予餐飲業的估值。 他續指，譚仔通過私有化的機會大，有貨的投資者不妨可以繼續持有，沒有貨的投資者亦可以短炒「一轉」。 |
|
| 趙晞文 |
2025-02-11T17:43 |
萬科企業(02202)獲主要股東深圳地鐵集團提供最多28億人仔貸款，呢筆貸款會用黎還債券本金及利息。不過，萬科今年到期慨公開債券金額逾300億人仔，其中，有近100億人仔會係今季到期，深鐵集團慨貸款似乎幫助有限，萬科債務壓力到底有幾大？ 信達國際研究部董事趙晞文指，雖然呢28億人仔貸款唔可以應對所有問題，但都幫到萬科紓緩一些短期壓力，加上中央對優質房企態度較溫和，唔想出現大規模違約，所以都會給予支持。 晞文續指，國企同民企背景唔同，萬科有機會同債權人傾掂數，將「新債冚舊債」，如果咁做就可以延長債務期限，未來面對慨壓力亦會相對較小。 |
|
| 趙晞文 |
2025-02-07T22:48 |
太古地產(01972)預告，去年業績由盈轉虧，撇除物業公允值虧損，經常性基本盈利則跌約11%。 信達國際研究部主管趙晞文表示，太地基本盈利雖然減少11%，但已算不俗，因為整體寫字樓租金下跌，商場零售額亦受壓，而公司重申全年股息有中單位數增長，即預測股息率逾7%，應對股價有支持作用。 |
|
| 趙晞文 |
2025-02-04T16:11 |
美國原定今日(4日)起向加拿大、墨西哥及中國貨品加徵關稅，但美國總統特朗普(Donald Trump)同墨西哥總統辛鮑姆(Claudia Sheinbaum)及加拿大總理杜魯多(Justin Trudeau)傾完電話後，宣布關稅措施押後1個月生效，但中國就如期今日加關稅，中方即時公布一系列反制措施，反制力度又夠唔夠？ 信達國際研究部董事趙晞文指，內地出手反制係預期之內，其中，中國會向美國進口慨能源類、機械類及汽車類商品加10%至15%關稅，同美國加徵慨幅度差唔多，相信中國係考慮到一旦加關稅幅度大過美國，美方有機會進一步加關稅，繼而造成惡性循環。 佢又話，中國亦針對戰略原材料實施出口管制，但其實呢項措施係「特朗普1.0」時代已經用過，佢又預期，戰略性產業如半導體、科網及生物科技等，未來會係中美角力之間扮演更重要角色。 |
|
| 趙晞文 |
2025-01-24T22:50 |
福壽園(01448)宣派特別息每股38.82仙，會分三期派發，除淨日分別於今年4月、7月及10月。 信達國際研究部主管趙晞文表示，福壽園手頭淨現金充裕，加上近年並無併購墓園或相關土地，足以應付今次派付特別息，但由於股價近期已累升0.4元，升幅已高於特別息金額，因此不排除股價會出現好消息出貨。 |
|
| 趙晞文 |
2025-01-21T16:32 |
內地2024年起，係最少6個地區或省份推手機「以舊換新」補貼政策，昨日(20日)開始擴至全國，單件售價唔超過6000人仔慨產品，可以獲15%補貼，每人補貼上限500人仔，手機設備股今日(21日)跑出，舜宇光學科技(02382)、小米集團(01810)都係表現強勢慨藍籌。據京東集團(09618)平台最新數據顯示，手機銷量較政策落地前飆2倍，平板銷量更激增3倍，智能手表亦翻倍，到底呢輪由「以舊換新」引發慨升浪可以持續幾耐？ 信達國際研究部董事趙晞文指，其實今次補貼金額係令市場失望，反觀去年剛推出時慨補貼金額上限高好多，同今次慨500人仔差好遠，不過，內地電商平台陸續推出優惠，放大折扣規模，所以政策仍有吸引力，但就變相提早消耗左部分新春購買力，能唔能夠維持全年增長，就要睇各品牌係2025年下半年推出旗艦電子產品銷售情況。 晞文又話，小米貴價手機市佔率過去幾年逐步提升，品牌正走向高端化，5000人仔或以上慨旗艦手機亦唔少，而小米手機係唔同價位都有好多選擇，因此，預期小米會係今次補貼最受惠慨品牌。 |
|
| 趙晞文 |
2025-01-16T17:44 |
網易(09999)推出慨新遊戲《漫威爭鋒》(Marvel Rivals)，係同Marvel Games合作開發慨多平台遊戲，帶挈網易股價近期強勢，今日(16日)已連升第9個交易日，點解《漫威爭鋒》表現會較都係網易做代理慨遊戲做得好，係咪有潛在驚喜？網易股價曾經係2023年底，受國家新聞出版署發布《網絡遊戲管理辦法》拖累，呢類企業未來係咪仍有政策風險？ 信達國際研究部董事趙晞文指，《漫威爭鋒》算係市場期待慨遊戲，據遊戲慨創意總監透露，每6個星期就會推出新角色，係吊住玩家慨癮，所以市場反應及玩家感受都係正面，可以保持到遊戲流水。 佢又認為，遊戲剛推出時，在線人數一定好多，若在線人數可以keep到，帶動遊戲流水增長，就會係一個潛在驚喜。 晞文續指，從事遊戲業務慨企業，一向都有潛在政策風險，但對內地網遊中長期發展黎講係一個健康拉動，加上2023年後應該有修訂稿，預期修訂稿會較初稿寬鬆，所以《網絡遊戲管理辦法》都有可能係潛在催化劑，唔需要太擔心。 |
|
| 趙晞文 |
2025-01-14T17:42 |
花旗表示，2025年上半年睇好Android多過蘋果公司(Apple Inc.)供應鏈，但下半年情況就相反，上半年Android旗艦機會使用瑞聲瑞聲科技(02018)慨晶圓級(WLG)玻塑混合鏡頭技術，正正係瑞聲近年慨增長動力，亦係獨家技術，點睇瑞聲前景？ 信達國際研究部董事趙晞文指，WLG係瑞聲慨先發優勢，已經研發左好多年，WLG慨成本比玻璃平，對下游品牌黎講，製造成本大大降低，加上2025年主打Android主題，愈黎愈多客戶選擇使用WLG，佢認為，今年WLG及鏡頭業務增長空間可以睇高一線。 |
|
| 趙晞文 |
2025-01-10T22:45 |
舜宇光學(02382)去年手機鏡頭出貨量增長13.1%，超出管理層指引。 信達國際研究部主管趙晞文表示，舜宇去年三大產品出貨量，手機鏡頭高於指引，車載鏡頭符合指引，只有手機攝像模組低於指引，相信是公司繼續縮減低毛利率產品所致，展望今年，整體收入及盈利應可保持增長，目前估值亦合理。 |
|
| 趙晞文 |
2025-01-07T16:52 |
藥明生物(02269)向默沙東(MSD International)出售愛爾蘭疫苗設施相關資產套現，以提升資產效率及利潤，其實藥明生物財務狀況唔算緊張，計及5年內借貸總額、流動合約負債，集團慨現金足夠應付有餘，加上公司2024年中期業績提及，愛爾蘭新設施處於上升周期，點解突然轉軑要賣呢項資產？ 信達國際研究部董事趙晞文指，唔排除過去幾年慨疫情影響左設施營運，投資回報不似藥明生物預期，雖然集團去年上半年業績話愛爾蘭新設施處於上升階段，但上升速度都有快慢之分，公司慨投入時間係疫情前，呢3年投入咁大資本，市場都擔心廠房將來全面完成建設後慨爬坡進度，始終呢些大型建設涉及好多資本開支及後續折舊，期間係冇收入貢獻，投入1個項目唔係只放夸錢入去，相信藥明生物係考慮左資本運用、盈利能力等因素，先會作出呢個決定。 |
|
| 趙晞文 |
2024-12-18T22:47 |
浦林成山(01809)要於美國召回逾54萬條輪胎，公司仍在評估對財務表現的影響。 信達國際研究部主管趙晞文表示，浦林成山要召回的輪胎數量，佔上半年銷量約4%，佔比不高，但就需關注美國以外地區，未來會否同樣有召回行動，以及會否牽涉意外賠償，但相信對整體業績影響有限。 |
|
| 趙晞文 |
2024-12-18T17:59 |
雖然臨近年底，但新股市場都好熱鬧，因為唔少新股趕搭2024年尾班車，當中包括內地智能駕駛及駕駛座艙解決方案供應商佑駕創新(02431)，公司昨日(17日)開始招股，集資約8億元。雖然集團仍然蝕緊錢，但毛利率穩步上升，點睇佑駕創業務新基本面？ 信達國際研究部董事趙晞文指，智能座艙及智能駕駛係明年內地市場增長亮點，明年整體新能源汽車滲透率會升至60%，若要吸引消費者，除車型外，周邊配套如智能駕駛都係賣點之一，過去幾年，智能駕駛內地普及率增長較慢，可能同研發成本高有關，導致定價較高。不過，近期內地部分廠商開始自主研發芯片，降低生產成本，估計明年新慨智能駕駛產品可以降價逾30%，對中低端開發商、解決方案企業公司有利。 晞文又話，由於公司成立左唔係好耐，由於初期研發成本太高，預期未來1至2年仍會蝕錢，未來虧損可唔可以收窄，甚至有錢賺，就要視乎公司慨規模效益。 |
|
| 趙晞文 |
2024-12-10T17:37 |
小米集團(01810)昨日(9日)發布旗下首款電動SUV YU7規格，採用寧德時代慨三元鋰離子電池，長續航力係YU7系列基本賣點，依家同業之中，SUV只有Tesla慨Model Y及理想汽車(02015)慨L6，小米有左YU7，係咪可以透過生產規模及生產效益推高小米汽車毛利率？ 信達國際研究部董事趙晞文指，小米毛利率取決於供應鏈慨控制能力，亦要睇產能利潤及新能源汽車銷售收入結構，雖然YU7明年中先至推出，但參考返SU7係銷量逐步提升下，基本上對小米毛利率都有幫助，不過，YU7產量應該唔會係預訂階段，就做到Model Y及L6每月有逾2萬至3萬部，除非YU7以震撼價推出市場，例如車價只係逾20萬元人仔，就有逾700公里慨續航力，叫座力就可以進一步提升，但現階段仲係言之尚早，要等集團披露更多YU7規格細節，先可以再評估。 |
|
| 趙晞文 |
2024-12-03T18:03 |
美國政府限制晶片技術對華出口慨措施不斷「加辣」，值得留意係，美國總統拜登(Joe Biden)慨任期仲有唔夠兩個月就完結，特朗普(Donald Trump)就會係1月上台，未來對華晶片技術出口會唔會有更多限制？ 信達國際研究部董事趙晞文指，唔排除特朗普上任後再「加辣」，因為佢係上個任期都係唔同層面多次出手，例如關稅都分左幾次推出，加上今次係佢最後一個任期，所以市場認為佢針對貿易、半導體、生物科技等領域慨政策，出台慨密度及強度應該會比以前高，制裁力度會比拜登政府更大。 至於點解外圍慨半導體股有得升，趙晞文話，首先係受人工智能(AI)領域帶動，令上游產業鏈上季業績及未來指引都唔錯，另一方面，唔少晶片商開始係美國設廠，以減少受關稅慨影響，反映廠商對未來貿易慨爭端開始做部署，所以唔會對股價有太大衝擊。 |
|
| 趙晞文 |
2024-11-29T22:43 |
美團(03690)第三季收入升22.4％，經調整盈利升1.2倍，勝預期。 信達國際研究部主管趙晞文相信，美團第四季業務表現，可延續第三季的增長趨勢，至於股價表現，除了自身基本因素，亦要視乎整體視況，估計年底前，恆指於二萬點會有阻力，而美團最高亦只可挑戰200元。 |
|
| 趙晞文 |
2024-11-26T17:29 |
美國候任總統特朗普(Donald Trump)指，明年1月20日宣誓就任後，立即向中國進口商品加10%關稅，墨西哥及加拿大就徵收25%關稅，消息一出，出口股創科實業(00669)股價今朝(26日)低開逾0.4%後，跌幅一度擴大至逾7%，低見99元，其後收復大部分失地。依家創科北美市場客戶收入佔整體75%，集團近年都積極分散生產布局，內地及越南分別佔35%，墨西哥佔15%，特朗普慨關稅政策對創科影響係咪好大？ 信達國際研究部董事趙晞文指，生產力只係表面慨數字，其實內地慨35%之中，實際只有12%係出貨去美國，所以就算墨西哥慨15%全部出產去美國，兩邊受慨影響其實差唔多。佢又認為，由於創科分散生產布局，所以關稅問題對集團毛利率或後續關稅衝擊唔會太大。 晞文補充，2018年至2020年期間，創科毛利率按年有得升，反而兩大競爭對手美國創科同業史丹利百得(Stanley Black&Decker)及日本牧田(Makita)都要跌，反映同業受關稅慨衝擊較大，而創科係靠同客戶保持良好關係及產品創新先稀釋左關稅慨影響。 |
|
| 趙晞文 |
2024-11-19T17:48 |
內地快遞龍頭順豐控股(06936)今日(19日)開始招股，市傳唔夠半日已錄得足額認購，順豐入場費約7333元，周五(22日)截飛，如果以招股價上限計，會係今年集資規模第2大IPO。此外，今次上市引入10名基石投資者，可以話係星光熠熠，包括小米集團(01810)及信和置業(00083)等，近排大市氣氛唔係咁好，會唔會影響招股反應？ 信達國際研究部董事趙晞文指，當冇1個板塊表現特別標青時，就會有部分資金去抽新股，近期個別IPO的確反應唔錯，首掛表現亦唔錯，相信機構及零售投資者都會關注順豐，睇返9月市況唔好，投資情緒亦好悲觀，就有隻新股美的集團(00300)跑出左，好多人大呻走寶。 佢估計，順豐首掛未必會「潛水」，國際配售反應暫時都唔錯，但亦唔好期望公開招股會超購好多，考慮到近期市況，如果超購約4倍已經唔錯。 |
|
| 趙晞文 |
2024-11-15T22:45 |
阿里巴巴(09988)第二季度收入升5.2%，經調整盈利跌9.1%。 信達國際研究部主管趙晞文表示，阿里上季業績大致符合預期，而公司九月開始，基於GMV收取基礎軟件服務費，雙十一淘寶天貓GMV又有強勁增長，第三季度客戶管理收入增速或加快，至於雲智能業務，相信未來一段時間，仍是最快增長的業務。 |
|
| 趙晞文 |
2024-11-12T17:53 |
騰訊控股(00700)明日(13日)會出第3季業績，據《彭博》估計，收入將按年增長8%，升幅係近幾年最大慨季度，係咪主要受惠於《地下城與勇士》手遊及《王者榮耀》國際版推出？ 信達國際研究部董事趙晞文指，市場料上季龍頭科網公司收入及非通用會計準則(Non-GAAP)盈利，按年會有中至高單位數增長，如果騰訊表現符合市場預期，主要受惠於聯營公司貢獻。 晞文續指，市場估計，遊戲收入按年會錄得中雙位數增長，睇返過往慨季度表現，王牌Game會令騰訊有好穩定慨流水，加上早前陸續推出，令國內及境外遊戲收入按年增速加快，所以睇返第3季度，遊戲業務係騰訊增長引擎，佢又相信，新Game對收入慨貢獻佔比將逐步提升。 |
|
| 趙晞文 |
2024-11-05T17:19 |
百勝中國(09987)第三季業績造好，上季經營利潤好過預期，獲多間大行唱好及上調目標價，股價今日(5日)升逾7%，高見388.8元。肯德基(KFC)及必勝客(Pizza Hut)同店銷售跌幅較第2季溫和收窄，雖然管理層對內地消費前景信心不大，但如果配合政策因素，第四季表現能否扭轉？百勝股價能否挑戰10月初高位？ 信達國際研究部董事趙晞文指，現時股價與10月高位只相差20元，第三季業績短期會觸發盈利預測上調。最近資金鏈圍繞著賀歲消費板塊，除了衣服鞋履，餐飲亦歸類為賀歲消費板塊，雖然百勝第三季總體表現一般，但若第四季同店銷售或翻檯率有改善，股價衝上400元以上並不困難，但要留意估值有否進一步向上修復空間。 |
|
| 趙晞文 |
2024-11-01T22:44 |
健倍苗苗(02161)中午發盈喜，全日大升超過20%收市。今次已經是公司連續第五個半年度盈喜，但股價多年來，未見因為業績持續增長而向上，過去一年多只是在0.9元至1.2元區間上落，到底有何原因？ 信達國際研究部主管趙晞文指，健倍苗苗主要經營的品牌中成藥，包括何濟公與保濟丸，是不少家庭看門口的藥品。中期業績反映香港地區銷售大升，相信主要與內地旅客有回升趨勢有關。不過，由於份屬本地零售相關股，即使連年增長，仍然受制市場氣氛拖累。當中一大關鍵，在於交易主要參與者以散戶為主，缺乏機構投資者，即使近兩年開始派息，股息率有大約6厘水平，若無機構投資者資金參與，股價暫時仍然難有作為。 |
|
| 趙晞文 |
2024-10-22T17:49 |
廣核集團旗下慨中廣核礦業(01164)以經營天然鈾貿易為主，股價今日(22日)一度升近24%，天然鈾係核電最主要燃料，雖然集團上半年天然鈾業務業績由盈轉虧，但天然鈾現貨價格仍處於高水平，其實中廣核礦業慨收入分布，內地市場只佔23%，其餘都係美國、歐洲、英國等地，係咪真係值得憧憬？ 信達國際研究部董事趙晞文指，應該要留意返企業處於產業鏈慨邊個位置，如果只係係上游做開採慨部分，而天然鈾價格長期處於高位，當然係有利企業慨好事，但做貿易就唔同，因為買返黎係要再轉手，利潤相比做純上游慨開採會較低。 晞文續指，核資源係相對較稀缺慨元素，以往都有唔同慨國家爭緊核資源，所以要諗返潛在風險點。既然國際間慨貿易關係緊張，咁限制企業係境外採購核資源都會係潛在風險點。佢指出，歐美收入佔比50%，始終機遇同風險點並存，亦解釋到鈾相關股點解不時有炒作，值得憧憬。 |
|
| 趙晞文 |
2024-10-18T22:44 |
維他奶國際(00345)再次獲黃志達及旗下楊協成增持股權，持股升至8.37%。 信達國際研究部主管趙晞文表示，黃志達由10月7日披露持股升至逾5%，僅用一星期時間，持股已升至逾8%，難免令人覺得其有意成為維他奶單一大股東，未來不排除會引發股權爭奪戰。 |
|
| 趙晞文 |
2024-10-15T17:26 |
內地樽裝水怡寶等飲品品牌母公司華潤飲料(02460)今日(15日)開始招股，近日港股市況轉差或影響華潤飲料招股反應，加上內需股今日(15日)係跌市重災區，到底華潤飲料抽唔抽得過？還是揀返行業龍頭農夫山泉(09633)？ 信達國際研究部董事趙晞文認為，抽唔抽可以睇下國際配售反應，以及公開招股情況，若最終以接近招股價下限定價都係好事，因為華潤飲料估值其實唔算平。 晞文提醒，短期唔好對內需及零售市道有太大期望，但從中線角度睇，華潤飲料仍值得認購，原因係預期零售市道未來會慢慢改善。此外，係從資本市場角度睇，華潤飲料有機會被納入國際指數，甚至納入滬港通南下渠道。 至於同農夫山泉相比，晞文指，華潤飲料估值較農夫山泉有約10%折讓，所以單睇估值，華潤飲料出現蟹貨慨機會較低，所以比農夫山泉可取。 |
|
| 趙晞文 |
2024-10-09T10:16 |
信達國際研究部董事趙晞文推介江南布衣(03306) 推介原因： -業績理想 -預期可維持高派息比率 建議買入價：15.0元 目標價：18.0元 止蝕價：12. |
|
| 趙晞文 |
2024-10-08T17:19 |
發改委今朝(8日)舉行慨發布會，備受市場關注，但市場憧憬推出重磅財政增量政策就落空，不過，會上有提及內地房地產市場，例如調整限購政策，亦指明年會繼續發行超長期特別國債，以及加快地方政府專項債發行慨使用進度等。不過，內房股係發布會後跌勢顯著加劇，多隻內房股10月以黎慨升幅幾乎化灰，到底點解會咁？ 信達國際研究部董事趙晞文認為，發改委發布慨內容同市場預期有落差，會上只係重複9月提及慨政策，冇提及新增量措施，市場希望睇到實質慨路向，例如投放幾多資金救內房及谷內需，但最終未有提及實際數字，令市場失望，導致內房股今日急瀉。 晞文又話，雖然多項數據顯示，內房10月表現好轉，但由於數據基數太低，按年升幅會相對偏高，所以評估內房表現時，唔應該單睇個別時間點。 |
|
| 趙晞文 |
2024-10-04T22:41 |
海天國際(01882)主席兼大股東張劍鳴上星期以來，五度減持股份，共沽出732.9萬股。 信達國際研究部主管趙晞文表示，海天主席連日減持，可能純料個人財務需要，因為公司今年下半年業績應可保持不俗增長，目前估值亦不高。 |
|
| 趙晞文 |
2024-09-20T23:04 |
長江生命科技(00775)委任Lance Richard Lee Yuen為執董、副總裁及行政總監，其擁有製藥公司的領導經驗，曾任職德國拜耳健康消費品部亞太區總裁。 信達國際研究部主管趙晞文表示，長江生命有兩款藥物將展開第三期臨床試驗，委任擁有製藥背景的人士出任行政總監，應有助推進相關發展，後續要留意公司披露的臨床試驗數據。 |
|
| 趙晞文 |
2024-09-17T17:40 |
今年焦點新股，內地家電龍頭美的集團(00300)今日(17日)首掛冇令捧場客失望，收市較招股價炒高近8%，不過，影子股海爾智家(06690)及海信家電(00921)就要跌，家電股之前大炒「以舊換新」政策，未來會唔會繼續利好美的業績？ 信達國際研究部董事趙晞文指，唔排除資金會轉投美的，因為要揀市值大、有流動性又硬淨慨H股家電股，選擇其實唔多，美的今次公開招股超額認購逾4倍，若有機構投資者係國際配售拿唔夠貨，可能要等H股正式上市後再買貨，因為睇返預測市盈率(PE)，美的定價對比海爾智家慨估值係有折讓，對機構投資者來講，美的會有吸引力。 晞文續指，依家美的同海爾智家2025年預測PE差唔多，而10倍慨預測PE相對一般家電股慨估值已經算唔錯，但佢提醒，未來要留意美的慨增長動力，因為美的及海爾智家有部分業務來自內地，而家電股係房地產產業鏈中屬於較後慨行業，不過，若內地政策配合到，或海外增長動力大，中長期而言，美的估值有潛在提升空間。 |
|
| 趙晞文 |
2024-09-11T22:48 |
零跑汽車(09863)大股東8月27日至9月9日期間，共八次增持股權，涉資約3.27億元。 信達國際研究部主管趙晞文表示，零跑大股東之前承諾，半年內斥資最多3億元人民幣增持股份，意味這次「彈藥」已耗盡，但不排除會公布新一輪增持行動，至於公司近月汽車交付量持續上升，在規模效應之下，毛利率可望進一步改善。 |
|
| 趙晞文 |
2024-09-10T17:32 |
滬深交易所昨日(9日)公布最新港股通名單，剔出及新增股份各有33隻。「新貴」之一晶泰科技(02228)，今年6月上市，現價已差不多等於上市價3倍，市銷率(PSR)逾300倍，以現時慨市況，會唔會已經炒過龍？ 信達國際研究部董事趙晞文認為，公司主要收入來源係內地，所以地緣政治風險較低，加上公司有涉獵人工智能(AI)業務，可以畀到好大想像空間投資者，雖然上市後交投唔算活躍，但14日RSI最新已上到76，已去到超買水平，睇返技術走勢，其實動力已開始減弱，如果短炒仍可以考慮，但估值一定係唔合理，值博率唔大。 剔出股份方面，其中兩隻線上醫療股叮噹健康(09886)及梅斯健康(02415)齊急插，其實呢兩隻股份上月已累跌28%及17%，今日一度再急瀉跌23%及37%，會唔會有跌過龍之嫌？ 晞文直指，對兩隻股份今日急插唔意外，並相信短期仍有沽壓，醫療股係近年熱門板塊，不過，隨著全球公共衛生重新常態化後，炒作空間已大大減少。 |
|
| 趙晞文 |
2024-08-27T16:42 |
中海物業(02669)今日(27日)中午公布業績後，股價午後由跌轉升，一度升近8%，高見4.73元。集團中期多賺近16%，收入按年增長近9%，中期息按年大增逾54%，毛利率升0.8個百分點至16.8%。睇返內房依家慨情況，公司盈利增長仍達雙位數係咪已經唔錯？不過，毛利率上升空間係咪唔大？ 信達國際研究部董事趙晞文指，中海物業司盈利增長唔錯，不過，對應返過去幾年及市場預期就驚喜唔大，屬於平穩增長。 毛利率方面，晞文認為，短期而言，集團只可以靠節省成本提升毛利率，例如人力資源成本及雜費，但上升空間都唔大。長遠而言，若要再推高毛利率，就要靠優質項目及增值業務，但要留意集團慨增值業務盈利佔比呈下跌趨勢。 |
|
| 趙晞文 |
2024-08-23T22:47 |
中國飛機租賃(01848)上半年少賺34.5%，中期息減至12仙。 信達國際研究部主管趙晞文表示，中飛租賃過去三年中期息維持15仙，今次削減派息，可能是想預留資金，提早償還高息債務，以降低未來利息開支，而即使減少派息，中期息股息率仍有4%，屬吸引水平。 |
|
| 趙晞文 |
2024-08-23T10:07 |
信達國際研究部董事趙晞文推介瑞聲科技(02018) 推介原因： -上半年業績勝市場預期。 |
|
| 趙晞文 |
2024-08-20T17:40 |
特步國際(01368)今日(20日)中午出左業績，股價午後一度抽高逾5%，集團上半年純利及收入都有增長，派息亦有增加，自主品牌表現穩健，新品牌係內地增長亦強勁，但值得留意係，收入增速已連續兩年放緩，係咪受內地消費疲弱影響？下半年前景又係點？ 信達國際研究部董事趙晞文表示，依家不論零售市道及消費信心都處於近年低位，導致整個零售市場受到一定衝擊，所以要視乎個別上市公司慨市場定位去做分析，特步慨市場定位係大眾品牌，所以單睇集團下游品牌表現，上半年收入能夠錄得10%增長，表現已經唔錯。 晞文又話，要分析整個行業前景，有兩個關鍵績效指標(KPI)可以留意。 |
|
| 趙晞文 |
2024-08-13T18:34 |
裕元集團(00551)及寶勝國際(03813)出完業績後，股價齊齊造好，裕元上半年賺逾1.8億美元，達到盈喜上限，不過，收入按年跌逾3%，旗下寶勝上半年就多賺約10%，但收入跌約9%。兩家公司都係收入跌但盈利升，係咪反映純粹靠控制成本推高盈利？ 信達國際研究部董事趙晞文指，集團主業係造鞋，今年上半年業績仍算唔錯，首季整體生產量都有增長，考慮到本身主要客戶回補庫存，導致體育用品平均單價下跌，一定會拖累製造業務增長。 晞文又話，裕元上半年業績同之前慨盈喜絕對值差唔多，run-off因素及匯率抵銷對業績實際影響唔大。雖然裕元收入按年跌逾3%，但值得留意係，呢條數係計埋寶勝，整體而言，上半年業績算對辦。 |
|
