| Commentator |
Time |
Content |
Tag |
| 林嘉麒 |
2026-08-19T17:17 |
港交所(00388)上半年日均成交逾2830億元，創新高，按年升18%，集團上半年多賺24%，如果單計第2季，純利按年增長21%，不過，今年7月開始，內地推出境外投資新規，會唔會開始對大市成交帶黎負面影響？ 元宇證券投資總監林嘉麒指，雖然市場擔心下半年證監會修訂慨新規例，加上保險、稅項等問題，但其實仲有1至2年過渡期。佢又話，睇返業界依家慨情況，未見好多客戶因內地投資新規而取消戶口，因此，估計短期內唔會有大變動。 KK又指，恆生指數之前落至22500點後，成交都升返，現時日均成交都有約2000億元，所以都對港股下半年成交樂觀，若美國聯儲局真係減息，都有機會利好港股。 |
|
| 彭偉新 |
2026-08-19T15:05 |
截至早上11時止，過去1小時內《彭博》搜尋量最多港股，依次為小米集團(01810)、中國聯通 (00762)、香港中華煤氣(00003)、快手(01024)及華虹宏力(01347)。 小米第2季經調整利潤按年大跌42%，智能手機、IoT(物聯網)、汽車及人工智能(AI)等創新業務，毛利率按季都要跌，不過，小米股價今日(19日)一度大升逾7%，升穿28元，點解出現呢個情況？ 資深證券分析師彭偉新指，小米股價今日大升，其中個原因係手機業務好過預期，而整體手機生產成本大升40%，令呢瓣業務錄得虧損，雖然整體毛利按季及半年計都跌逾2%，但跌幅唔算大，仍可撐住手機業務，由於整體手機業務表現好過預期，市場解讀為係一個驚喜，帶動股價今日顯著造好。 Castor續指，小米汽車業務降溫，主要係整體銷售動力不足，但呢個因素之前已經係股價反映左。 |
|
| 盧志威 |
2026-08-19T11:48 |
摩根大通表示，人工智能(AI)過度集中慨風險擴散至定息市場，值得留意係，現時超大規模雲端服務商(Hyperscalers)不斷發債，會唔會令國債市場重新定價？市場依家最擔心10年期國債會升上5厘水平，點分析依家慨情況？ 泓瀚資本董事盧志威指，現時大型AI公司收益回報超過1厘，例如數據中心，預期回報遠高於發債利率，因此，就算發債成本多1厘至2厘，相信大部分公司都會照發債。 William續指，因為錢就係得咁多，當公司不斷發債，自然會供不應求，利息自然會增加，不過，相比短債息，佢認為長債息再升慨機會較大。 |
|
| 植耀輝 |
2026-08-19T10:59 |
獨立股評人植耀輝推介港交所(00388) 推介原因： -憧憬業績有好表現 -首次公開招股(IPO)市場強勁 建議現價買入 目標價：430元 止蝕價：380元 |
|
| 趙晞文 |
2026-08-18T17:34 |
華住集團(01179)公布新一輪3年股東回報計劃，總額增至25億美元，較2024年慨3年計劃加碼25%，上次公司有講明每半年派1次息，股息總額唔少於純利60%，又話考慮財政狀況後，會不定時派特別息或回購美國預託證券(ADR)，不過，今次只概括一句「會酌情決定派普通股息或特別息或回購ADR」，點睇新回報計劃？ 元宇證券大中華區股票投資總監趙晞文指，從絕對值上睇，市場原本預期股東回報計劃總額，最多只會同上一輪20億美元持平，結果今輪有25億元美元，絕對係有驚喜。不過，3年前華住股價處於低位，當時用25億美元去派股息、做回購，甚至增持，效果都好顯著，不過，現時股價已被推高，係高位做回購、增持等動作，實際作用有限，反而係公司恆常派息能維持最少60%，股東有現金盈利落袋會更好。 至於未來會唔會派特別息，佢認為，可以參考公司近年做法，上一次派特別息係2023年，但以近兩年經營狀況推斷，估計維持50%至60%派息比率完全冇問題。 |
|
| 李偉傑 |
2026-08-18T16:34 |
金斯瑞生物科技(01548)股價今個月累升逾50%，並升上3年半高位，公司中期核心業務淨利潤按年飆1.2倍，主要受惠於人工智能(AI)驅動藥物發現需求上升，呢輪升勢係靠AI製藥熱潮炒作，定係真係有實質增長支持？市值迫近美股對標Twist Bioscience下，依家可以點部署？ 獨立股評人李偉傑指，今次中期業績可以反映呢個業務唔係純炒作，而係可以實質帶動盈利增長，毛利亦持續提升，減低市場對生物科技係AI併合業務慨不確定性，因為就算運用AI計算出幾多藥品組合，都必須要將數據落地呈現先有實際利潤，金斯瑞作為AI係CDMO業務慨賣鏟人，業務具備獨特性，未來2至3季係AI應用方面有較高期望都算合理。 不過，Jason話，金斯瑞股價由6月底約10元飆升至28元，累升2.8倍，現價高追有風險，加上唔少資金早係低位部署，所以唔建議高位追入，建議有耐性慨投資者可留意10天線、約24元水平支持，等待技術性調整出現再作部署都唔遲。 |
|
| 黃偉豪 |
2026-08-18T12:34 |
小米集團(01810)今日(18日)將會出第2季業績，大行估計，總收入將按年跌6%至9%，股價今朝低開逾1%後，跌幅一度擴大至2.5%，低見25.22元，小米自1個月高位32.4元回落至現水平，累跌逾21%，如果想開CALL博反彈，應該點部署？ 胤源世創家族辦公室(香港)第一副總裁黃偉豪指，出業績前引伸波幅一般會被拉高，就算博小米股價業績後造好，都擔心可能會出現縮窩情況，因此，小米CALL未必好值博。 Ravi續指，短線黎講，小米基本面好一般，未來要關注產品指引外，都要留意手機業務，原因係小米股價跌左咁多，主要受手機成本，尤其存儲晶片拖累，如果今季指引有提及手機業務仍受影響，預期小米估值會再跌。 |
|
| 梁偉民 |
2026-08-18T11:34 |
市傳美國人工智能(AI)初創Anthropic截至7月底止，年度化收入有望達650億美元，比起5月底慨470億美元，大增逾40%，值得留意係，華爾街投行罕有用公司2028年，約1900億至2000億美元收入預測去做估值，預測高達20000億美元，就算依家市場氣氛好返些，呢個估值係咪太誇張？ 高富金融集團投資總監梁偉民指，Anthropic依家最大賣點係收入顯著增長，增速非常快，係AI公司黎講係較少見，因為大部分AI公司專注搞大模型及應用開發，變現能力高慨AI公司少之又少，因此，市場對Anthropic有憧憬。 Wyman續指，當AI發展真係可以變現時，市場就會覺得呢些公司好快有錢賺，現金流可支持繼續發展，因此，Anthropic估值最近大升。 不過，Wyman提醒，由於基數低，所以增長快係唔出奇，但當基數變高時，未來2至3年，未必可以保持到現時慨增速，所以仍要繼續觀察。 |
|
| 林嘉麒 |
2026-08-18T10:34 |
元宇證券投資總監林嘉麒推介友邦保險(01299) 推介原因： -加息預期降溫。 |
|
| 鄭家華 |
2026-08-17T22:49 |
康耐特光學(02276)上半年純利增長10.4%，首次披露XR業務收入0.51億元人民幣，增長逾14倍。 阿仕特朗資產管理董事鄭家華表示，雖然康耐特預期，下半年XR收入會顯著增長，但擔心相關開支亦同步大幅上升，而且這類股份目前市場並不當炒，所以即使公司再次給予市場XR業務憧憬，但未必能再次掀起炒風。 |
|
| 聶振邦 |
2026-08-17T16:26 |
吉利汽車(00175)今日(17日)中午出左業績，上半年少賺約2%，但核心利潤按年增長46%，匯兌損失都少左好多，由第1季近5億人仔，減少至第2季約1.76億人仔，由於海外市場佔比提升，推高左毛利率，整體毛利率1.6個百分點至17.9%，原材料成本上升、市場競爭持續激烈，仲要比唔少折扣，但毛利率仍有得升，表現係咪已經好好？ 高歌證券金融首席分析師聶振邦指，吉利毛利率由2025年16.6%升至現水平，隨著海外業務不斷擴展，雖然毛利率可以有更大上升空間，但仍考慮同內地車企慨競爭問題。 但聶Sir認為，暫時內地車企對外國車企，尤其美國及歐洲，車價仍有頗大競爭力，因此，就算毛利率增速較慢，未來一兩年都仲有上升空間，以吉利黎講可能去到19%先會出現飽和慨情況。 |
|
| 梁傑文 |
2026-08-17T15:36 |
停牌近兩年慨華夏文化科技(01566)今日(17日)復牌，股價狂飆，午後升幅進一步擴大，一度高見2.06元，勁升逾3倍。公司可以成功復牌因為搵到救兵，債權人計劃生效，引入新主共生智築(00627)前主席Kenichi先生，佢持有慨Kyosei bank，會認購集團新股，完成後，會持有擴大後股本約75%，成為控股股東。今日爆升後，下一浸係咪炒重組憧憬？新主背景對公司有幾大利好？ 《香港股票財技密碼》作者梁傑文指，華夏文科之前主打遊樂設施，但受疫情影響，公司面臨極大危機，但之後成功完成債務重組。股份今日可以復牌，反映港交所(00388)認可公司重組計劃，甚至有新投資者認購可換股債券(CB)注入新資金，短期流動資產已多過負債，暫時冇資金壓力。 Mike又指，共生智築都經歷過清盤問題，所以Kenichi先生係處理呢方面有經驗，今次應該係用同一個方法拯救公司，又認為新主決心好大，如果加埋CB，Kenichi先生持股量將達90%。 |
|
| 盧志明 |
2026-08-17T10:33 |
大唐資本投資策略部總監盧志明推介布魯可(00325) 推介原因： -中期收入按年增長逾30%，中期純利按年增長30%至3.8億元人民幣，首度派發中期息 -年初參與美國紐約玩具展。 |
|
| 植耀輝 |
2026-08-14T22:38 |
名創優品(09896)預告，上半年剔除匯兌損益後的經調整盈利倒退1-3%。 獨立股評人植耀輝表示，名創第二季剔除匯兌損益後的經調整盈利下跌10.7%，明顯差過第一季時上升8.1%，第二季收入增速亦放慢，擔心趨勢會持續至下半年，相信股價難有起色。 |
|
| 姚浩然 |
2026-08-14T17:17 |
京東集團(09618)昨日(13日)公布業績後，股價今日(14日)一跌到尾，收市瀉逾10%。集團上季收入係上市以來首度下跌，但經調調整淨利潤好過預期，如果睇返今日股價表現，市場似乎唔係太收貨，點睇呢份成績表？ 亨達財富管理董事總經理姚浩然表示，市場唔收貨原因在於營業額，上季商品收入跌5.4%，尤其京東主打慨電子產品及家用收入都跌近12%，反映市場競爭大及整體消費力弱，盈利有改善純粹因新業務蝕少左，其實本身盈利表現都唔算好，所以股價今日大跌。 Patrick又指，京東積極拓展海外銷售，其實會令市場更擔心，雖然新業務蝕少左，但仍錄得99億人仔虧損，數目唔算細，長遠而言，若京東持續發展海外市場，市場可能會更擔心集團盈利表現。 |
|
| 關焯照 |
2026-08-14T15:56 |
騰訊控股(00700)及京東集團(09618)出完業績後都要捱沽，其中，跌唔停慨騰訊今日(14日)一度落到約3周低位，即436元，係咪市場都睇淡兩家公司前景？此外，日本、南韓、台灣股市回勇，但港股已暫時已連跌4日，短期係咪仍然偏弱？ 冠域商業及經濟研究中心主任關焯照表示，大市方面，之前人工智能(AI)股帶動日韓台股暴升，由於港股較少AI股，所以當時港股就跌，韓股係6月、7月去槓桿，導致爆股災更拖累日台股，資金就重投港股慨重磅股，騰訊、阿里巴巴(09988)、匯豐控股(00005)等都可以受惠，依家日韓台股開始反彈，資金又流返過去，係一個換馬性質。 港股重磅科技股方面，關博士話，騰訊業績差過預期，資本開支(CapEx)太大令盈利受壓，雖然股價連日下跌，但已開始有企穩跡象。至於下星期出業績慨阿里，股價開始調整及逐步回套，因為之前一度累升近50%，但因為就快放榜，資金開始流走，但估計業績唔會太差，又認為整體大市都開始企穩。 |
|
| 梁偉源 |
2026-08-14T14:42 |
過去1小時內《彭博》搜尋量最多港股，依次為長和(00001)、華虹宏力 (01347)、聯想集團(00992)、長實集團(01113)及中芯國際(00981)。 中芯股價今日(14日)早段一度升逾6%，高見71.9元，但另一隻晶片股華虹就曾經急瀉逾12%，低見129元。華虹昨日(13日)出左業績，上季多賺3.8倍，銷售更創新高，點解業績交到貨，股價今日會插水？ 大華繼顯執行董事梁偉源表示，雖然華虹上季業績唔錯，但仍差過市場預期，睇返第3季毛利率指引，華虹預期介乎16%至18%，中芯就估計介乎26%至28%，所以中芯前景華虹更好。 Steven又指，中芯毛利率高過華虹，關鍵在於產品組合變動，因為中芯可以隨著人工智能(AI)發展，針對性推出產品，估計長遠中芯同華虹慨差距有機會愈拉愈闊。產能利用率方面，華虹已逾100%，似乎較難增產配合市場需求，反觀中芯上季產能利用率約93.7%，仍有空間因應市場需求增產，呢方面中芯都比華虹優勝。 |
|
| 彭偉新 |
2026-08-14T11:31 |
獨立股評人彭偉新推介MiniMax(00100) 推介原因： -正推進新一代大型AI模型，有助追近國際和內地領先對手 -約90%算力由自建系統支持，使用效率高於行業平均 -未來數年收入有望維持高速增長。 |
|
| 盧楚仁 |
2026-08-13T18:13 |
美國能源資訊署(EIA)公布，截至8月7日止當周，原油庫存大增1.74億桶，總庫存就增至4.2億桶，係近兩個月以來最多，EIA表示，庫存大增主要係出口減少，同高油價有冇關係？依家庫存咁多，係咪可以撳低油價？ 獨立外匯商品分析師盧楚仁指，估計係油公司趁油價高企，提高產量賺多些，令供過於求慨情況惡化，依家庫存大增，反映霍爾木茲海峽(Strait of Hormuz)其實未必真係無法進行交易。 Jasper又話，油庫存激增，再配合中東局勢緩和，估計油價最多升到每桶85美元，今、明兩日或回落至前低位，即75美元水平。 |
|
| 陳偉聰 |
2026-08-13T11:43 |
騰訊控股(00700)昨日(12日)出左上季業績，經調整淨利潤684億人仔，按年增長逾8%，純利按年增長0.7%，不過，資本開支(CapEx)高逾527億人仔，按年大升1.76倍，導致今日(3日)畀最少3家大行「劈價」，騰訊股價近期係咪都冇運行？ 東亞證券高級投資策略師陳偉聰指，今次業績最大焦點一定係人工智能(AI)相關投入，由於公司要買好多算力設備，又要發展人工智能代理(AI Agent)產品，導致CapEx激增，拖累自由現金流轉負。此外，集團其中1個AI Agent產品Work Buddy，雖然上客量及付費用戶急增，但其實好多用戶仍係免費用緊，因此，Work Buddy未必有好強慨變現能力，未來可唔可以加價，加價後又可唔可以保留上客量係十分關鍵。 不過，Jason提醒，內地AI Agent競爭大，如果加價一定會影響市場份額，加上騰訊自身AI模型混元，相比市場其他模型唔係太受歡迎，因此，預期騰訊中短線都唔係太正面。 |
|
| 阮子曦 |
2026-08-13T10:42 |
華富建業證券投資策略聯席總監阮子曦推介津上機床中國(01651) 推介原因： -集團受惠環球電子及人工智能(AI)液冷產品需求急速增長 -新訂單增長速度加快 建議現價買入 目標價：72.0元 止蝕價：50. |
|
| 羅尚沛 |
2026-08-12T22:40 |
騰訊控股(00700)第二季收入升11%，經調整盈利升8.5%，資本開支升1.8倍。 銀河證券業務發展董事羅尚沛表示，騰訊上季業績符合預期，表現不過不失，不過公司對於AI投資策略及發展方向，一直未能給予市場清晰指引，相信會窒礙股價明顯回升的力度。 |
|
| 莊志雄 |
2026-08-12T15:58 |
SpaceX周一(10日)一度重上135美元招股價，雖然股價昨晚(11日)回調，但都企係130美元樓上，SpaceX沽空股數係7月急升，依家個沽空情況又係點？ 「股市漁夫」創辦人莊志雄指，官方數字7月中先公布，代表當時至月尾「空軍」係度不斷沽，而一批長期投資者都係睇準SpaceX慨獨特性及長期願景，所以要佢地係低過招股價去沽比較難，佢估計，如果SpaceX上唔返200美元，都未必會大手沽。 Lewis又話，就算「解禁」後股數增加，都唔代表會有好多流通股比淡友補倉，挾淡倉格局仲未完，睇回補天數低，代表冇乜緩衝，所以出現一個奇怪情況，「解禁」後股價不跌反升，短時間夾左上去接近招股價。 |
|
| 彭偉新 |
2026-08-12T14:52 |
截至早上11時止，過去1小時內《彭博》用戶搜尋量最多港股，依次為騰訊控股(00700)、長和(00001)、康師傅控股(00322)、萬洲國際(00288)及金蝶國際(00268)。 騰訊會係今日(12日)收市後出業績，市場預期，第2季收入按年增長10%，經調整盈利按年增長8%，市場關注慨資本開支料按年增長68%至300億元人民幣以上，由於第2季係淡季，本土遊戲收入僅按年增長10%，微信人工智能代理(AI Agent)測試，旗下混元Hy3模型同小程序整合，以及下一代混元大模型推出時間，今次業績焦點係AI還是資本開支(CapEx)？ 資深證券分析師彭偉新估計，市場會較關注資本開支，若開支太大，會令市場擔心短期係咪可以達至收支平衡，不過，若金額較細，市場又會擔心畀競爭對手拋離，因此，開支要做到符合市場期望，股價先會有相對好慨表現。 Castor續指，近期唔少公司係出業績前，股價已偷步跌左落去，雖然反映市場有擔心，但又未必一定係壞事，因為後續再跌空間有限，甚至有機會反彈。 |
|
| 盧志威 |
2026-08-12T11:34 |
近日英偉達(Nvidia)同華爾街6巨頭聯手，籌組5000億美元融資，Nvidia股價受壓，但阿波羅全球管理(Apollo Global Management)及黑石集團(Blackstone)就有得升。此外，比特幣(Bitcoin)挖礦公司Riot Platforms同人工智能(AI)公司Anthropic簽左總額91億美元，20年期慨雲端運算協議，Riot股價昨晚(11日)收市升4%。呢些股價反應，係咪反映市場依家偏好AI基建投資？ 泓瀚資本董事盧志威指，Nvidia慨循環貸款及資產金融化觀感唔好，但如果旗下GPU(圖形處理器)有固定價值及需求，就會容許借錢買返產品作為融資，加上Nvidia對旗下產品定價有信心，佢認為市場對AI基建投資唔係負面。 William續指，市場焦點開始由硬件轉至雲計算，但雲計算要睇公司基礎設施及客戶基礎係咪分散，若客戶基礎較單一就受惠唔到，因此，現在慨投資潮流已轉向基礎設施分散慨AI基建股。 |
|
| 趙晞文 |
2026-08-11T17:20 |
騰訊控股(00700)將會係明日(12日)派成績表績，但股價今日(11日)係放榜前夕幾乎一跌到尾，曾低見469.6元，跌逾2.4%。騰訊第1季業績兩大焦點，即雲業務及資本開支(CapEx)增長，分別逾40%及63%，集團今年CapEx增長趨勢會係點？投資者係業績前後又可以點部署？ 元宇證券大中華區股票投資總監趙晞文估計，騰訊第2季CapEx會比第1季多，約500億人仔，估計上半年約800億人仔，全年就最少1600億人仔，都符合市場預期，又預期下半年CapEx投放節奏會比上半年更快，而開支點支撐雲業務擴張、收入慨變現能力係咪成正比，都會係明日出爐慨業績焦點。 投資部署方面，佢認為，由於市場對呢份業績已有一定預期，相信股價已經反映左，如果有貨唔使等業績，可以趁高食糊先，不過，冇貨可以等出左業績，睇下人工智能(AI)業務表現、變現路徑市場收唔收貨，因為當中有好大變數，所以等股價企穩再做部署會比較安全。 |
|
| 李偉傑 |
2026-08-11T15:35 |
中國鐵塔(00788)今日(11日)中午派左成績表，上半年多賺30%，但營業收入按年跌近2%，其中，佔比最大慨塔類業務收入跌逾6%，期內，經調整除利息、稅項、折舊及攤銷前盈利(EBITDA)按年跌逾11%，派息0.19122元人仔，似乎EBITDA利潤率受壓係趨勢，想買中國鐵塔應該點部署？ 天風國際李偉傑指，EBITDA受壓係在所難免，集團收入佔比最大慨塔類業務收入跌，但行業間又唔見有新項目推出刺激市場，佢為，係科技未出現大突破前，估計EBITDA會維持現狀，至於幾時會轉勢，佢認為推出5.5G或6G時才有望發生。 中國鐵塔股息率方面，Jason估計，全年有約7厘，中長線有一定防守力，但缺乏爆發力，如果想做長線部署，由於股價仍然冇乜反彈動力，注碼不宜太大。 |
|
| 盧志明 |
2026-08-11T11:42 |
MiniMax(稀宇科技)(00100)納入港交所科技100指數及港美科技100指數，將會係周四(13日)生效，集團又預期，第3季將會發布M3升級版本及M3PRO，MiniMax股價今朝(11日)一度升近5%，高見337.8元，睇好MiniMax應該點部署？ 大唐資本投資策略部總監盧志明指，MiniMax特性係波幅非常大，建議揀行使價距離現價15%至20%，即約380元至390元慨CALL，Ken提醒，由於MiniMax波動性大，投資者必須考慮個人抗風險能力，同埋要密切留意股市變化。 |
|
| 蘇沛豐 |
2026-08-11T11:36 |
摩根大通繼續睇好全球股市，並預期下半年升市行情將會擴大，原因係企業盈利及經濟活動指標有改善，又估計周期股如銀行、奢侈品、建築材料等，有望跑贏低波幅股票，科技及半導體股會趨向穩定，但唔會出現反彈。環球股市後續係咪好似摩通睇得咁樂觀，仲有冇力破頂？周期股係咪升市主力？ 金馬資本高級交易策略師蘇沛豐表示，未來3個月，大市指數有機會創新高，但推指數上去要視乎行業發展，例如近幾個月較少投資者關注慨健康護理股、工業股，其實都先後創新高，反觀早前瘋炒慨人工智能(AI)、半導體股就見底，所以好難推高大市指數，暫時偏向整固階段。 Daniel又指，美國11月舉行中期選舉及美國聯儲局加息，都存在不確定性，所以唔一定睇好周期股，佢認為，投資者應該揀返防守板塊，例如健康護理、公用、基本消費類，市場亦會逐步消化，並調低返加息預期，令債息有機會回落，對穩定收息類股份估值會有支持。 |
|
| 梁偉民 |
2026-08-11T11:16 |
人工智能(AI)晶片龍頭英偉達(Nvidia)，聯同華爾街6巨頭，阿波羅全球管理(Apollo Global Management)、黑石集團(Blackstone)、貝萊德(BlackRock)、博楓公司(Brookfield Corporation)、高盛(Goldman Sachs)及KKR，就籌組5000億美元AI基建融資簽合作備忘錄(MOU)，係AI熱潮持續下，投資者應該點分析AI同半導體股之間慨關係？ 高富金融集團投資總監梁偉民指，市場對半導體已失去4月至6月時那份樂觀情緒，認為半導體熱潮只能持續2至3年，最多都只係5年，但另一方面，唔少大型科技巨企繼續大舉投資AI，繼而帶動半導體需求，令業績表現亮麗，因此，唔需要太擔心半導體股持續下跌風險。 Wyman提醒投資者，若大型科企暫緩或停止對AI慨投入，投資者就要開始小心，留意會唔會對半導體公司業績有好大影響，繼而影響股價及整體股市表現。 |
|
| 黃敏碩 |
2026-08-11T11:06 |
王道資本及家族資產管理執行董事黃敏碩推介德翔海運(02510) 推介原因： -經營46條航線，專注亞太區市場，透過聯營及艙位互換合作模式，拓展市場覆蓋範圍 -持續調整艙線組合，優化運力配置 -運力規模維持穩定，去年2億資本開支。 |
|
| 阮子曦 |
2026-08-10T22:48 |
無線集團(00511)擬夥拍基匯資本興建人工智能數據中心，目標是項目首階段明年第四季投入運作。 華富建業證券投資策略聯席總監阮子曦表示，無線集團進軍數據中心的消息，應可惹來市場炒作，但要關注政府是否批准公司在將軍澳電視城內建設數據中心，以及能否成功購入先進晶片。 |
|
| 羅明立 |
2026-08-10T18:02 |
加拿大7月就業數據強勁，新增職位增7.51萬個，失業率回落至6.4%慨2年低位，市場解讀為當地經濟出現復甦跡象，點睇加元走向？ 亨達集團助理總經理羅明立指，加拿大始終同美國慨貿易關係唔太理想，加埋美伊戰事緩和令油價下跌，一定會影響加元走勢，但整體上由於美元偏弱，所以加元表現仍然唔錯，暫時1.39水平係一個較重要支持位，如果守得住呢個位，可能要先整固。 加拿大經濟方面，佢就話，似乎有改善跡象，但依家環球經濟受地緣政治及金融市場影響，所以唔可以只睇單一數據。 |
|
| 聶振邦 |
2026-08-10T17:05 |
據《彭博》數據顯示，現時佔申洲國際(02313)收入比例最高係Nike，佔29.78%，其次係迅銷(06288)旗下Uniqlo，佔24.26%。集團幾個大客中，最近一個季度僅Uniqlo業績理想，其他大客都因為唔同原因導致盈利受壓，最壞情況係咪已經見左？ 高歌證券金融首席分析師聶振邦指，現時Nike、Uniqlo、Adidas佔申洲收入比例最大，3個品牌合共佔逾70%，其中，Uniqlo佔申洲總收入約25%，由於公司業績向好，唔排除未來定單會相對較多。 聶Sir又話，Nike、Adidas上半年慨業績比較差，一般黎講，下半年經濟增速較快時，業績改善空間亦會較大，所以初步黎睇，估計申洲下半年業績應該有改善。 |
|
| 梁傑文 |
2026-08-10T16:07 |
停牌逾兩周慨國泰君安國際(01788)今朝(10日)復牌，股價一度狂飆逾37%，高見2.855元，集團獲大股東國泰海通(2611)提出以每股3元私有化，較停牌前有44%溢價，涉及約98億元現金，若私有化成功通過，集團將會撤銷上市地位，依家係咪大股東提私有化最好時機？出價市帳率(PB)約1.8倍，係咪物有所值？ 《香港股票財技密碼》作者梁傑文指，純粹睇作價或香港證券業務，呢個出價唔係值，但對小股東及國泰君安國際慨投資者就較公道，今次PB為1.8倍，高過唔少係香港上市券商及部分內地券商，例如中信証券(06030)PB都係介乎1.3倍至1.5倍，國泰君安國際今次出價比整體行業估值貴。 Mike又指，國泰君安國際私有化時機，唔及2024年初海通國際(00665)私有化好，兩年前港股死氣沉沉，海通國際私有化作價得0.5倍PB，個價屬於「大平買」，所以國泰君安國際依家提出私有化就貴一大截。 |
|
| 郭家耀 |
2026-08-10T10:36 |
港灣家族辦公室業務發展總監郭家耀推介哈爾濱電氣(01133) 推介原因： -已發中期盈喜 -海外市場受惠供電需求提升 -十五五國家規劃電網投資大幅增加 建議買入價：17.5元 目標價：20元 止蝕價：15. |
|
| 趙晞文 |
2026-08-07T22:40 |
申洲國際(02313)預期，上半年純利倒退38-43%，主要因為原料及人工成本上升，疊加人民幣兌美元升值，毛利率下跌及產生匯兌虧損。 元宇證券大中華區股票投資總監趙晞文表示，申洲上半年業績差過預期，下半年亦難有明顯改善，預計短期股價會受壓。 |
|
| 黃敏碩 |
2026-08-07T17:29 |
近日航運股除左升得靚慨大平洋航運(02343)外，東方海外(00316)今日(7日)都升得唔錯，一度升4.1%，高見149.8元，其他航運就表現一般，例如中遠海能(01138)，呢類運油股近期走勢都麻麻，如果依家想買航運股應該點揀？ 王道資本及家族資產管理執行董事黃敏碩認為，海豐國際(01308)係唔錯慨選擇，因為相比太航集團更快「開船」，股價由逾30元起步，今日已迫近40元關口，雖然升幅未必係最搶眼，但正逐步反映緊行業周期。 Michael又指，如果配合到行業出口需求及優勢，其實市場都樂意投資呢些估值升緊慨公司。 |
|
| 陳建良 |
2026-08-07T17:21 |
港股7月「大翻身」，但同期外圍股市就大幅波動，人工智能(AI)概念股係7月重挫，導致年僅25歲，前OpenAI研究員、有「少年AI股神」之稱慨Leopold Aschenbrenner驚傳爆倉。美股黎到8月似乎開局唔錯，道指及標指近日齊破頂，展望8月，美股係咪可以睇返好些？ 勝利證券首席顧問陳建良指，美股未來有機會慢慢回落，因為美國聯儲局畀唔到信心市場，美國消費者普遍認為局方打擊通脹只係「得把口」，因為主席沃什(Kelvin Warsh)上任後，聯儲局透明度下降，難獲市場信任。 KL又指，美伊衝突方面，因為雙方遲遲未有簽署協議，預期中東衝突唔會太快平息，最少要去到美國中期選舉，美國總統特朗普(Donald Trump)才會收手，佢提醒，每次衝突過後，雙方再埋檯傾時，油價又會跌，佢認為係買入慨好時機。 |
|
| 聶振邦 |
2026-08-07T16:11 |
公開招股超額認購逾2500倍，智能駕駛運動控制技術開發商拿森科技(02261)今日(7日)上市，股價一度炒高90%，公司以招股價下限10.42元定價，係咪擔心市況唔好，會影響首掛表現？ 高歌證券金融首席分析師聶振邦指，拿森科技行業定位係汽車零件，係市況不穩下，就未必好吸引，不過，公司以下限定價聽落會較吸引，但其實招股價上限都只係11.48元，差距都唔大。 聶Sir又話，今日明顯見到股價出現長上影線，反映沽壓都大，相信現價唔係買貨慨好時機，投資者可以股價落返15元水平，又覺得公司中長線前景吸引再考慮入手。 |
|
| 梁偉源 |
2026-08-07T15:33 |
截至早上11時止，過去1小時內《彭博》用戶搜尋量最多港股，依次為藥明生物(02269)、MiniMax(00100)、美高梅中國(02282)、友邦保險(01299)及九龍倉置業(01997)。 MiniMax周三(5日)未有北水加持都升左10%，昨日(6日)正式入港股通，係北水大舉掃貨下，股價勁升17%，今日(7日)一度再飆近26%，高見374.4元，值得留意係，睇返經紀牌號，買盤主要來自北水經紀。睇返技術走勢，依家係50天線，即385元水平阻力都唔細，北水係咪會繼續掃高MiniMax股價？ 大華繼顯執行董事梁偉源指，係北水推動下，MiniMax股價近日已累升近40%，已升到相對高位，同埋始終要睇返公司基本因素。 佢又話，投資者要留意公司人工智能(AI)模型更新，因為依家唔同AI公司都有模型更新，競爭係好大，梁偉源又估計，北水威力會較短暫，小心股價會回套。 |
|
| 文錦輝 |
2026-08-07T10:55 |
伊朗正審議1項法案，計劃禁美國及以色列船隻駛入霍爾木茲海峽(Strait of Hormuz)，更有伊朗通訊社報道話，伊朗係海峽向敵對目標施襲，刺激油價又升過，其中，倫敦布蘭特期油大升近4%，而係今朝(7日)亞洲交易時段曾見過每桶83美元，美伊似乎仲未傾掂數，點睇油價走勢？ 艾德金融投資執行董事文錦輝指，如果唔落返80至82美元，唔使太擔心，因為油價依家係75至88美元波動，之前開戰時見過90美元樓上，今次冇升得咁高，因為市傳美國唔夠導彈，如果派地面部隊又怕死傷多，會對美國總統特朗普(Donald Trump)中期選舉有好大影響，因此，估計油價暫時都係膠著。 Felix又指，依家最麻煩係航道擠塞，只要航道一通返，油價都會向淡炒，到時有機會見70至72美元。 |
|
| 盧志明 |
2026-08-07T10:41 |
大唐資本投資策略部總監盧志明推介康龍化成(03759) 推介原因： -預告中期收入增長16%至19%，淨利潤增長6%至11% -預期全年CDMO收入增長逾25%。 |
|
| 林嘉麒 |
2026-08-06T22:45 |
太平洋航運(02343)上半年多賺逾3倍，中期息大增至15.5仙。 元宇證券基金投資總監林嘉麒表示，太航半年業績較預期更強勁，又慷慨派息，短期利好股價表現，但要留意中東局勢及航運價格隨時逆轉，加上股價今年已累升不少，相信再大升空間不多。 |
|
| 盧楚仁 |
2026-08-06T15:57 |
油價暫時已連跌第4日，已跌至約3周低位，係咪已反映美伊談判及霍爾木茲海峽(Strait of Hormuz)順利通航在望？值得留意係，伊朗副外長加里巴巴迪(Kazem Gharibabadi)表示，跟阿曼就霍爾木茲海峽通航慨談判快達成協議，商船日後用新航道，大部分航程會經伊朗領海，意味伊朗係通航後，管控權其實大左。 獨立外匯商品分析師盧楚仁指，其實開戰前後都係伊朗管控海峽，美國只係想係戰事期間拿返主導權，唔想比伊朗封鎖左海峽找推高油價，美國暫時未有表態，相信美伊仲傾緊，基於呢個原因，油價近日反覆向下，但跌到現水平，市場開始擔心美伊傾唔掂數，現時處於一個觀望狀態。 Jasper估計，情況應該傾向樂觀，若戰事告一段落，紐約期油有機會落返每桶67美元。 |
|
| 許繹彬 |
2026-08-06T12:39 |
港股8月開局迎來一個好開始，承接7月份的氣勢，在傳統科網股(AMTXJ)一同發功下，恆指在8月首個交易日已升穿26,000點，曾高見26,133點；當中阿里巴巴(09988)在利好消息—快將有新的大模型發佈下，股價連番報捷，一度直逼130元水平。 在外圍市況轉趨穩定下，美日韓股票市場重拾升軌，韓國KOSPI指數升穿6,500水平；日經225指數重上26,000點；而美股的氣勢更是一時無兩，道瓊斯工業平均指數升穿54,000點，標準普爾500指數升穿7,700點，兩者均創下歷史新高。上月一度受AI相關股拖累而陷於苦戰的納指，亦能重上26,500。 投資者滿以為港股會在外圍股市況重啟升勢下，配合港股近日的氣勢會更上一層樓，但事與願違，港股再度與世界背馳，不升反跌；恆指在升穿26,000點後，疲態盡露，後繼無力，過去兩個月走勢一度凌厲的內銀股及內險股：建設銀行(00939)﹑工商銀行(01398)﹑招商銀行(03968)﹑中國銀行(03988)及中國平安(02318)，在周二(4日)起開始出現回調，拖累恆指一度調整至25,800點水平；即使昨日(5日)恆指稍作反彈，但仍處於26,000點水平；慶幸北水仍繼續對港股偏愛，在跌市中仍呈現淨流入的情況。 筆者認為，港股再度出現與世界背馳的狀況，相信與近日全球晶片及AI相關股走勢復甦有關；眾所周知，上月港股的走勢能一支獨秀，跑贏全球主要股票市場，主要是因為外圍市況晶片及AI相關股異常波動及亂局所致；而這「亂」令資金在逼不得已下，暫時停泊在較為穩定且落後，及有息口支持的股票市場；基於這個原因，外圍資金流入香港股票市場，從而令有盈利及豐厚利息的股份受追捧，吻合他們的要求，當中內銀股尤其受惠；如今全球晶片及AI相關股再度活躍起來，留港資金因而調回此類股份較為活躍的國家，亦屬無可厚非；而港股現階段看來頓失較早前的銳勢，相信亦是因為「晶片及AI升，恆指便會洩氣」的理論；現希望恆指能守穩25,600水平(即10天線)至25,800(即250天線)的區間作整固，集氣再挑戰26,300點水平。 日前，中國國債期貨在港交所上市，中國證監會主席吳清更親臨香港出席上市儀式，席間更公布10項加強兩地合作措施，涉及上市融資、指數、期貨、ETF、綠色金融、內地證券基金公司透過香港「走出去」，以及放寬香港證券及期貨從業員申請內地相關資格，更表示，人民幣股票交易櫃台、房地產投資信託基金（REITs）為納入滬深港通作出一系列部署；若日後相關措施落實推行，相信有助刺激中港兩地資本市場的活躍度，因而推進不同產品的成交量，港交所(00388)定必是最受惠者。 |
|
| 陳偉明 |
2026-08-06T11:04 |
今年七月中旬以來，全球金融市場經歷了一場由地緣政治、貨幣政策與科技股產業鏈重組引發的「世紀大洗牌」。在本輪大平倉的海嘯中，港股的走勢卻展現出驚人的獨立性與韌性。 事實上，恆生指數早在2026年6月29日已於22,518點見底，進入7月後更是一路高歌猛進，整體表現明顯跑贏美國、日本、台灣及南韓等外圍股市。港股之所以能在7月一枝獨秀，核心原因在於全球資金當時對炒作已久的AI硬件股產生了嚴重的「估值恐慌與產能過剩」疑慮。跨國基金為了規避風險，啟動了大規模的「賣出外圍硬件、買入中港軟體應用」的配對交易。港股長期處於歷史估值窪地，且以傳統科網平台股為權重核心，在全球科技股殺估值的風暴中，反而因「硬件降價導致算力採購成本暴跌」而成為全球最具防禦力的「世紀避風塘」，進而吸引源源不絕的外資與北水進場托盤。 這股由環球流動性大挪移引發的跨市場多空博弈，在步入7月下旬時，因一場地緣政治的突發意外而徹底走向白熱化。前周三（7月22日），美國國務卿魯比奧（Marco Rubio）在菲律賓東盟外長會議上，公開批評伊朗不認真對待和談，刺激國際油價應聲一度急升。當晚美股因通脹與利率估值壓力率先受壓下跌。然而，身處風暴外圍、具備半導體免疫結構的恆指夜期卻完全不受拖累，當晚逆市大幅回升81點並直逼兩萬五關口，正式向市場昭告了全球資金「寧要中港應用，不要外圍硬件」的鋼鐵防禦邏輯。 谷歌母公司Alphabet（美：GOOGL）公布季績，雖然營收勝預期，但資本開支過高導致自由經營現金流轉負；特斯拉（美：TSLA）亦因毛利率受壓陷入「見光死」。雖然南韓KOSPI指數與恆指在前周四（7月23日）日間時段一度誤將Alphabet加大開支視為硬件利好而逆市重上25,200點，但到了當晚美股時段，全面引爆「科技股小股災」，特斯拉與Alphabet分別勁挫14.5%和7.1%。疊加特朗普威脅發動前所未有攻擊，布蘭特期油突破100美元關口，美軍首度出動B-1長程轟炸機，美債孳息率抽升。 外圍海嘯導致前周五（7月24日）亞洲股市集體急跌，韓股暴瀉5.72%，台股重挫2.67%。此時美國301條款12.5%全球新關稅正式生效，導致依賴出口的內地A股在當天明顯特別差，上證指數大跌1.61%；反觀非出口導向、受惠國企能源股撐盤的港股僅輕微回落247點（-0.98%），盡顯避風塘韌性。 上周一（7月27日），巴基斯坦在中國推動下重啟美伊談判，中東局勢暫緩令國際油價從高位急瀉，加上內地儲存晶片龍頭長鑫科技（滬：688825）在科創板上市狂飆4.7倍登上A股市值王，點燃國產替代信仰，上證指數反彈1.15%領漲亞洲，同時亦帶動港股重返25,200點。 上周二（7月28日），傳出中國今年內可交付自研DUV光刻機並量產，引發全球資金對半導體成熟製程及儲存晶片產能過剩、價格戰爆發的恐懼。硬件權重極高的韓股、台股當天應聲暴瀉一成及4%，MSCI亞太指數正式進入技術性調整。然而，半導體佔比極低的恆指卻完美避開風暴，逆市漲103點（+0.41%），刷新一個半月高。 上周三（7月29日），SK海力士（韓：000660）公布第二季業績，雖然營收利潤飆升數倍，但仍低於市場最樂觀的預期上限，加上管理層暗示周期見頂，股價一度瘋狂暴瀉19.61%，本港上市的兩倍海力士ETF(07709)大跌14%，引發韓股連熔斷收挫6%。彭博數據證實韓股與恆指科指重現「負相關性」，外資拋售韓股、買入港股平台股平淡倉，推動恆指上周三（7月29日）急升497點，重越250天牛熊線，大市成交暴增至3,122億元。 上周三深夜，美國聯儲局維持利率不變，但罕見有3名委員投加息反對票，主席沃什（Kevin Warsh）鐵腕死守2%通脹目標。這枚「宏觀核彈」引發美國道指當晚暴瀉1,153點，恆指夜期亦受拖累。然而，美日政府突發「歷史性聯手干預匯市支持日圓」，美國財長貝桑（Scott Bessent）出招以保住日本持有的美債不被強行砸盤，並鼓勵聯儲局擴大FIMA回購機制規模。這項變相的「隱形量化寬鬆」從側門為全球市場注入美元流動性，消除了收緊恐慌。在上周四（7月30日）套息資金被迫回流日股及港股避風塘後，美股於上周四（7月30日）、周五（7月31日）迎來強勁反彈，Meta（美：META）、微軟（美：MSFT）、蘋果（美：AAPL）與亞馬遜（美：AMZN）四大科技巨頭財報接連超預期報捷，徹底粉碎AI泡沫論。 雖然上周五（7月31日）早上內地7月官方PMI降至49.2，重返收縮區，壓制了中資藍籌的進攻動力，但南韓政府突發宣布成立1,000億美元「國家級AI主權基金」直接入市掃貨，刺激韓股上周五（7月31日）火箭式飆升17.91%，台、日股亦全面狂飆。 本周一（8月3日），韓股在暴漲後因限制槓桿政策打擊流動性而回吐5.12%，但港股持續向上，錄得六連升。阿里巴巴(09988)發布旗艦大模型通義千問3.8-Max，股價飆升7%，聯同騰訊控股(00700)完美對沖了小米集團(01810)加價的跌幅。當晚美股再度飆升，道指大升693點破頂，主因是美伊正式簽署30天臨時停火協議，美軍暫緩空襲，霍爾木茲海峽重新開放，國際油價跌穿每桶90美元，美債息高位回落。同時，日圓匯價因美日干預而上揚，削弱了日本汽車與機電的跨國競爭力，引發訂單轉單至內地出口龍頭，日股不濟亦促使亞洲資本配置換馬港股。 然而到了本周二（8月4日），港股六連升畫上句號，二萬六得而復失。主因是第一大金融權重匯豐控股(00005)中午公布業績雖勝預期，但10億美元回購規模遠遜市場預期的20億至30億美元，引發外資下午盤中踩踏式減倉，股價收跌1%。同時下午傳出美國考慮禁止中國光模組進口及多晶硅限價，引發港股硬件及光伏板塊尾市急劇跳水。 儘管當晚美股在卡特彼勒（美：CAT）與Palantir（美：PLTR）理想業績、以及記憶體供不應求延至2027年的權威報告刺激下再度狂飆，但本周三（8月5日）外圍日韓股市跟隨美股半導體補漲逾3.6%之際，港股表現全亞最差，全日僅微升0.24%，收報25,915點。主因是中國商務部在下午宣布對美5項反制措施（無人機管制限售及制裁美企），中美科技戰進入白刃戰，港股作為風暴眼百分之百承受地緣政治風險溢價，加上資金因硬件信仰復活而「逆向換馬」回流日韓晶片股。當晚美股道指雖破頂，但納斯達克100指數因光模組禁令引發供應鏈混亂恐懼而高位回落，導致當晚恆指夜期大跌263點，收報25,674點。 縱觀整個7月至8月初，港股整體跑贏外圍的核心在於跨國資金在AI泡沫反思期執行了「撤硬件、買應用平台」的防禦性大挪移。然而，未來一星期內港股表現局勢將面臨短期調整，難以繼續破頂。首先，匯控回購額度遜預期及中東停火導致油價回落，將持續壓制恆指第一大金融權重與「三桶油」能源板塊。 其次，中國商務部祭出無人機出口管制後，市場正在等待美國白宮與特朗普未來一周的報復性反制回應，中美科技摩擦升級將顯著拉高地緣政治風險溢價，威脅外資在高位先行減倉。加上日韓股市在國家隊護航下正進行強烈補漲，前期流入港股的跨國避險熱錢短期內將繼續撤離港股。 因此，港股短期面臨沽售壓力，投資者可考慮在恆指25,500點以上Long Put 8月到期、價外800點的恆指期權，以對沖未來一周大市下行的技術性調整風險。 |
|
| 羅尚沛 |
2026-08-05T22:39 |
百濟神州(06160)第二季經調整盈利增長75.8%，同時再次調高全年業績指引。 銀河證券業務發展董事羅尚沛表示，百濟上季業績表現理想，雖然目前估值不算便宜，但股價仍值得看好。 |
|
| 郭家耀 |
2026-08-05T17:38 |
高盛出報告回應市場對記憶體慨8大疑慮，當中提及長鑫存儲對市場慨衝擊，只係局限於內地市場，但長鑫存儲已推進緊第4代高頻寬記憶體(HBM3)，同埋低功耗雙倍資料速率記憶體(LPDDR6)量產，點睇高盛慨回應？會唔會低估左長鑫存儲對行業慨衝擊？ 港灣家族辦公室業務發展總監郭家耀指，永遠唔好低估內地供應商係壓縮成本及推出市場慨極緻，內地供應商具備迅速增加產能慨能力，加上技術水平提升得好快，同埋現時記憶體供應商毛利率約80%，對內地供應商黎講係好吸引，促使其他供應商加入，相信產能可大幅提升。 Matthew又指，內地同海外供應商慨技術壁壘，其實冇想像中咁大，若內地供應商有一個較大突破，價格好快就可以回落，有利整體市場發展。 |
|
| 林嘉麒 |
2026-08-05T16:33 |
國泰航空(00293)今日(5日)中午出左業績，股價午後顯著抽升，一度升逾3%，高見14.88元。集團中期多賺近71%，燃油對沖轉賺逾8.7億元。國泰又計劃投資約1500億元，未來10年目標引入150架新飛機，並將網絡擴至150個航點。地緣政治因素似乎冇乜影響國泰業績？股價仲有幾多上望空間？ 元宇證券基金投資總監林嘉麒認為，國泰股價仍有動力，現時走勢比之前發盈喜時更好，燃油對沖起到作用，雖然中東航線受地緣政治影響，但亞太區慨短途航線幫到業績，所以整體冇太大影響。 股價方面，KK話，7月底已呈上升趨勢，反映業績好過市場預期，雖然下半年主調冇特別變化，但市場見到集團上半年表現好，估值自然會升，又認為國泰股價短期仍有上升空間。 佢續指，如果國泰係第3季慨傳統淡季都做到成績，相信市場會願意畀更多溢價。 |
|