| Commentator |
Time |
Content |
Tag |
| 黃敏碩 |
2025-01-14T10:11 |
王道資本及家族資產管理執行董事黃敏碩推介中遠海能(01138) 推介原因： -油輪規模全球第一 -計劃斥逾29億元，建造6艘油輪，明年10月底陸續交付。 |
|
| 黃敏碩 |
2025-01-07T10:15 |
王道資本及家族資產管理執行董事黃敏碩推介和黃醫藥(00013) 推介原因： -出售上海和黃藥業後，進一步優化資本及債務結構。 |
|
| 黃敏碩 |
2024-12-31T10:07 |
王道資本及家族資產管理執行董事黃敏碩推介東岳集團(00189) 推介原因： -從事製銷高分子材料、有機硅、製冷劑及專注於氟硅產業鏈的發展 -今年受家電「以舊換新」補貼刺激，空調、冰箱等全年銷售超預期 -內地對3代製冷劑開始制定配額，政策改變使3代製冷劑供應受到限制。 |
|
| 黃敏碩 |
2024-12-27T16:42 |
理想汽車(02015)創辦人李想日前係「2024理想AI Talk」活動上指，集團已變身人工智能(AI)公司，又話未來100%會做人形機械人，更預期2030年有機會推出AI跑車，佢慨言論為市場帶黎好大憧憬，帶挈股價今日(27日)急升，一度大升7.6%，更成功晉身「紅底股」， 公司發展AI業務有咩優勢？生產工業機械人係咪一項合理投資？ 王道資本及家族資產管理執行董事黃敏碩指，理想應該會從研發方面著手，但佢認為，業務方面未必會跨界發展，依家市場最關注集團點樣引入AI產品、生態圈更普及點推廣AI，同埋係汽車市場以外搵機會。 Michael續指，全部企業都希望係工業機械人方面著手，因為可以節省人手，但亦要留意安全性及市場對產品慨信任度，佢認為，理想同其他企業唔同，因為冇包袱，可以有更大想像及創意空間，不過，品牌本身未畀到市場好大信心，所以市場只會觀望，單靠企業自己做到應用落地，始終仲係有些局限。 |
|
| 黃敏碩 |
2024-12-20T17:30 |
早前，美國商務部要求人工智能(AI)晶片龍頭英偉達(Nvidia)，調查過去1年，係華府禁令下，旗下產品係點樣流入內地，中芯國際(00981)股價今日(20日)炒上，係咪同呢單消息有關？此外，美國總統拜登(Joe Biden)繼續針對中國晶片業出招，而明年將重返白宮慨特朗普(Donald Trump)，上任可能又有其他制裁行動，對中芯有幾大影響？ 王道資本及家族資產管理執行董事黃敏碩指，Nvidia呢單消息對中芯有一定幫助，但基本因素仍需加強，雖然中芯借消息炒上，但係30元水平開始有阻力，佢又話，投資者仍對中芯有戒心，如果想買貨，建議等股價企穩28元樓上再考慮。 Michael續指，美國制裁對中芯或多或少會有影響，但相信對股價造成慨壓力較小，因為市場早已預見到相關風險，相信投資者都以短炒為主，再視乎政策風向再做部署。 |
|
| 黃敏碩 |
2024-12-17T10:38 |
王道資本及家族資產管理執行董事黃敏碩推介現代牙科(03600) 推介原因： -從事產銷義齒器材及其他口腔矯正器 -隨著老年人口增加，假牙需求上升為業務帶來機遇 -在東莞二期及越南的生產設施的投資。 |
|
| 黃敏碩 |
2024-12-06T17:54 |
發展科技美學慨巨子生物(02367)上半年收入按年增長68%至20.7億元，相信今年銷售按年增長40%至45%應該可以達標，不過，呢類醫美產品係內地競爭好大，除左本土不斷有新競爭者加入，外國相關品牌亦唔少，巨子生物係醫美方面慨領導地位可唔可以維持到？ 王道資本及家族資產管理執行董事黃敏碩表示，巨子生物毛利率都幾高，未來增長方面，只要法規唔係收得太緊，佢應該keep到領導地位。 Michael又話，巨子生物主要產品「可復美」及「可麗金」，依家貢獻集團利潤逾90%，雖然產品集中度高，但呢兩個品牌係市場有一定慨定位，相信集中度高暫時對佢地黎講仍然係利多於弊。 |
|
| 黃敏碩 |
2024-12-03T10:24 |
王道資本及家族資產管理執行董事黃敏碩推介比亞迪電子(00285) 推介原因： -業務涵蓋智能手機、新能源車、儲能和物聯網(IoT)等 -近期擬與英偉達(Nvidia)合作開闢人工智能(AI)服務器新賽道。 |
|
| 黃敏碩 |
2024-11-22T18:03 |
蘋果公司(Apple Inc.)最近計劃多多，一時話要推新版Siri，一時又話要推Apple眼鏡，不過，之前備受關注慨Apple Intelligence，結果係「雷聲大雨點小」，市場反應並唔熱烈。至於iPhone係「雙11」銷量更錄得雙位數跌幅。睇返Apple依家慨情況，會唔會影響到瑞聲科技(02018)及舜宇光學科技(02382)等Apple概念股？ 王道資本及家族資產管理執行董事黃敏碩指，Apple概念股今日(22日)個別發展，如果真係要升級Siri，相信瑞聲一定有份，雖然市場有好多變數，但認為瑞聲唔會受Apple慨銷售及產品反應影響。 舜宇方面，Michael認為業務仍有一定吸引力，現階段要睇中長線。 |
|
| 黃敏碩 |
2024-11-19T10:22 |
王道資本及家族資產管理執行董事黃敏碩推介歌禮製藥(01672) 推介原因： -設立10項關鍵臨床階段資產，宣布進軍肥胖藥物領域 -現金及等價物逾21億元。 |
|
| 黃敏碩 |
2024-11-15T17:58 |
據「股神」巴菲特(Warren Buffett)旗下投資旗艦巴郡(Berkshire Hathaway)最新持倉顯示，巴郡上季買入美股Domino』s Pizza約130萬股，總值5.5億美元，消息刺激Domino』s股價係昨晚(14日)美股收市後延長交易時段大升近8%。依家Domino』s持有係本港上市慨達勢股份(01405)約6%，呢個消息帶挈達勢股價今朝(15日)一度升近13%，係咪反映連「股神」都睇好餐飲業前景？ 王道資本及家族資產管理執行董事黃敏碩指，民生消費項目做得好自然會吸引到「股神」，因為從價值上選股，唔一定要爆發性增長，亦會由穩定、現金流、業務底子及基本面呢些因素出發。 Domino』s係今年10月於場外出售1000萬股達勢，持股量降至6.2%，Michael提醒，今日達勢係借「股神」買入Domino』s慨消息而大升，若Domino』s係達勢慨持股量愈來愈少，又或者內地經濟不似預期，要小心達勢回調幅度可能會較大。 |
|
| 黃敏碩 |
2024-11-08T17:06 |
特朗普(Donald Trump)勝出美國總統大選，市場憧憬他上場後監管風險降低，股市交投上升等因素下，金融股大受追捧，但香港上市兩隻國際銀行股匯豐控股(00005)、渣打集團(02888)的表現相當克制，這兩間銀行未能受惠特朗普政策，是否因為隨時可能受中美關係影響，所以資金開始流出？銀行股靠甚麼條件吸引資金？ 王道資本及家族資產管理執行董事黃敏碩指，資金對整體金融股看法各有不同，匯控有派息及回購因素，除非第四季業績表現大跌，相信資金會繼續持貨，加上美國減息開始緩和，反而有利銀行股。 Michael續指，匯控派息率6厘以上，仍然有優勢。市況不明朗，市場擔心特朗普上任後，中美關係會否轉差，金融股的避險作用較大，資金認為匯控的風險較小。 |
|
| 黃敏碩 |
2024-11-05T10:15 |
王道資本及家族資產管理執行董事黃敏碩推介中國南方航空股份(01055) 推介原因： - 首3季扭轉上半年虧損狀況，因航空市場需求旺盛帶動收入增加 - 首3季客運運力投入增長逾17%，將持續提升運行效率，降低成本 - 持續建設廣州、北京樞紐。 |
|
| 黃敏碩 |
2024-10-25T18:00 |
近期強勢慨藍籌車股吉利汽車(00175)，股價今日(25日)午後一度升9%。有內媒報道，吉利下周三(30日)將會發布新一代「雷神超級電混技術」，新技術會為公司帶黎咩優勢？ 王道資本及家族資產管理執行董事黃敏碩認為，吉利新技術比同業有更大進步，而市場亦逐漸留意混能車發展，吉利作為傳統車企，本身有相關經驗，所以市場睇好吉利發展混能車。佢又指，若吉利能成功推動混能車，相信未來會令現有車款具正面優勢。 Michael又稱，吉利旗下極氪(Zeekr)及領克(Lynk)銷量一直行先，但搭載混能技術慨「銀河」就近期後發，今年首9個月銷量按年大升2.5倍，係三路齊發下，值得留意唔同品牌慨市場定位同埋市場認受性，亦唔好忽略出口方面慨表現。 |
|
| 黃敏碩 |
2024-10-22T10:19 |
註冊財務策劃師協會會長黃敏碩推介新創建集團(00659) 推介原因： - 持續改善業務組合, 出售非核心業務釋放資金 - 目前股息率約8.5%, 股息政策可持續及漸進 - 承接不少政府及公營工程。 |
|
| 黃敏碩 |
2024-10-08T10:45 |
註冊財務策劃師協會會長黃敏碩推介中國重汽(03808) 推介原因： -中央推動大規模設備更新，料將帶來更新需求 -加快新產品導入。 |
|
| 黃敏碩 |
2024-10-04T16:29 |
北水仍未放完假，資金繼續炒作唔同板塊，今日(4日)輪到晶片股「落鑊」，相關股份升幅顯著。據內媒報道，淡馬錫(Temasek)、貝萊德(BlackRock)等外資對內地晶片股相當有興趣，係咪時候入市博晶片股追落後？ 註冊財務策劃師協會會長黃敏碩指，雖然外資聲稱對內地晶片股有興趣，但都要視乎晶片股本身慨表現，令市場覺得值得畀一個高估值。面對西方國家慨封殺及限制，內地晶片只能以量取勝，質素就好難相提並論。雖然之前傳出內地成功研發可生產8納米晶片慨DUV光刻機，但仍有待證實。 Michael又話，晶片股之前的確跌得好殘，今日晶片股慨升幅純粹追落後，唔係反映內地晶片企業潛在競爭力提升。 |
|
| 黃敏碩 |
2024-09-27T18:55 |
臨近國慶黃金周，攜程集團(09961)及同程旅行(00780)都受惠國內機票價格下跌，以近兩日升幅計算，攜程受累於Prosus清倉，股價仍然落後，但今年至今比較同程就較落後，兩隻旅遊股當中，應該如何選擇？ 註冊財務策劃師協會會長黃敏碩指，近幾日港股成交額不斷突破，今日(27日)成交更破紀錄，反映大市氣氛理想，股市氣氛好可以帶動攜程繼續造好，又可以推動較落後的同程，由於同程對比攜程仍然有差距，建議短線部署同程，而看中長線則選擇攜程。 |
|
| 黃敏碩 |
2024-09-24T10:05 |
註冊財務策劃師協會會長黃敏碩推介TCL電子(01070) 推介原因： -積極推行全球化布局 -內需政策力度加大，將刺激電視機換機潮 -日韓退出面板市場。 |
|
| 黃敏碩 |
2024-09-10T11:34 |
註冊財務策劃師協會會長黃敏碩推介敏實集團(00425) 推介原因： -規模效應推動上半年盈利增長，毛利率提升 -未來關注造車新勢力業務拓展及日韓系國際市場訂單，業務有擴張空間 -持續進行輕資產戰略。 |
|
| 黃敏碩 |
2024-08-27T10:33 |
註冊財務策劃師協會會長黃敏碩推介特步國際(01368) 推介原因： -中期純利增長理想，主品牌收入穩健上升 -出售虧損業務予大股東，可重點發展主品牌業務 -息率5厘，預測市盈增長率低於0.7倍。 |
|
| 黃敏碩 |
2024-08-16T17:45 |
高偉電子(01415)昨日(15日)出左中期業績，股價今日(16日)愈升愈有，收市大升近11%。雖然中期收入按年增長近60%，但按年少賺11%，主要受資本開支倍升及成本上升影響。不過，集團近年有開拓新產品，對集團下半年業績及毛利率有冇幫助？ 註冊財務策劃師協會會長黃敏碩認為，高偉下半年發展將會出現有突破，考慮到部分定單跟蘋果公司(Apple Inc.)掛鉤，若Apple推新iPhone及人工智能(AI)，相信表現會唔錯，加上下半年業績一般比上半年好，而上半年表現已超預期，因此，估計下半年表現會更強勁。 對於高偉毛利率受壓，Michael認為，若Apple推新iPhone並有AI配合，相信可提升競爭力，要推高毛利率應該唔難。佢又指，高偉近年拓展新產品，包括激光電達、虛擬現實(VR)及擴充實景(AR)等，若現階段可以配合AI發展，相信對業績更有利。 |
|
| 黃敏碩 |
2024-08-13T10:12 |
註冊財務策劃師協會會長黃敏碩推介和黃醫藥(00013) 推介原因： - 截至上半年取得現金逾8億美元，受惠於持續提升關鍵研發項目及提高商業效率 - 旗下腫瘤及結直腸癌產品銷售反應理想，針對治療肺癌產品於納入國家醫保藥品目錄後持續增長 - 採取合作以實現藥物全球化。 |
|
| 黃敏碩 |
2024-08-02T17:45 |
蘋果公司(Apple Inc.)季績好過預期，純利及收入按年增長近8%，不過，似乎未能帶挈Apple概念股，其中，舜宇光學科技(02382)受光學產品升級需求見頂拖累，股價今年已累跌逾40%，就算7月底發盈喜都救唔到股價，到底舜宇幾時見底？ 註冊財務策劃師協會會長黃敏碩表示，睇返咁多隻Apple概念股，依家市場對瑞聲科技(02018)憧憬較大，反而愈來愈睇淡人工智能(AI)對舜宇帶來慨刺激作用，加上手機生產商要增加資本開支，相機或鏡頭模組業務唔係佢地首選，加上舜宇業務冇市場想像中行得咁快。 黃敏碩又認為，舜宇月底出慨中期業績唔會唔咁快有改善，睇返市場慨風險胃納似乎冇太大期望，寧願眼見為實，等之後見情況遠好過預期先考慮買返上去，好過依家承受調整壓力，佢認為，投資者不妨考慮其他非鏡頭相關慨手機設備股。 |
|
| 黃敏碩 |
2024-07-30T09:58 |
註冊財務策劃師協會會長黃敏碩推介中國龍工(03339) 推介原因： - 產品結構以裝載機和叉車為主，受惠設備更新政策 - 料上半年純利按年增長33%至50%，「提質控本」工作取得成效 - 保障性住房有望拉動基建投資。 |
|
| 黃敏碩 |
2024-07-26T18:06 |
雖然iPhone內地出貨量下跌，排名更跌出前五，但內地整體智能手機出貨量係升左，市佔率首5位都係由國產智能手機包辦，但除左瑞聲科技(02018)，港股其他手機設備股其實主要出貨比內地廠商，上述提及慨數據對佢地黎講係好消息？瑞聲業績似乎相對同Apple業績更同步，若iPhone收入按年及按季都倒退，向瑞聲採購慨零件可能相對較少。 註冊財務策劃師協會會長黃敏碩指，除左睇手機出貨量，要睇人工智能(AI)手機吸唔吸引到新投資者或用家，呢個都係市場比較關心，雖然舜宇今個星期發左盈喜，但市場反應一般，股價不升反跌，主要係如果手機係靠AI提升功能，由自家軟件帶動，甚至聲學推動力大過鏡頭，由於重點已經轉移左，所以對造鏡頭慨手機設備股黎講，未來盈利增長或者唔可以好似以前咁快。 瑞聲方面，Michael就話，公司仲有小米集團(01810)、華為呢些客戶，若聲學方面配合到AI發展，會比舜宇更有優勢，睇返股價都有一個對比。 |
|
| 黃敏碩 |
2024-07-19T17:30 |
泡泡瑪特(09992)發盈喜，預期中期收入最少增長55%，盈利更最少增長90%，按半年計，係上市以來最好慨半年業績，盲盒呢類相對單價細慨「小玩意」，未來仲有幾大增長潛力？ 註冊財務策劃師協會會長黃敏碩指，其實市場對呢個盈喜消息仍有考量，擔心會唔會有賭博成分，但另一方面亦可發揮品牌IP作用，進一步發酵後，更可提升估值，對泡泡瑪特銷售有好大推動作用。 Michael又話，盲盒銷售模式有局限，要留意返業務定位及成本控制，唔止內地市場，更可以聚焦全球新興市場，把握唔同機遇，先有機會提升到市佔率。 |
|
| 黃敏碩 |
2024-07-16T10:43 |
註冊財務策劃師協會會長黃敏碩推介京信通信(02342) 推介原因： - 5G網絡建設進入深度及容量覆蓋，新型工業化發展提供有力支撐 - 加強新業務，配合人工智能(AI)應用、雲計算、大數據等技術結合 - 打造全連接智慧算力平台FLeX5。 |
|
| 黃敏碩 |
2024-07-05T17:24 |
摩根士丹利發表內地燃氣行業研究報告，睇好行業整體發展，華潤燃氣(01193)股價今日(5日)逆市造好，一度升近6%，衝上逾1年高位，不過，中國燃氣(00384)股價今年以來仍要跌，其實兩家公司業務架構相似，但點解中燃股價表現差咁遠？ 註冊財務策劃師協會會長黃敏碩指，燃氣股走勢比較分化，主要睇返業務推動力，潤燃分銷業務主要集中於下游，中燃就主攻中上游業務，受惠程度亦較小，雖然股價6月底曾經反彈，但整體走勢仍然疲弱。 佢又提及，雖然中燃股息率比潤燃高，但唔代表現金流較強勁，加上市場需求唔算特別大，成個燃氣板塊年初至今都被市場冷落，今次突然有幾隻跑出只係基於個別原因。 |
|
| 黃敏碩 |
2024-07-02T10:19 |
註冊財務策劃師協會會長黃敏碩推介ASMPT(00522) 推介原因： - 熱壓焊接業務持續增長。 |
|
| 黃敏碩 |
2024-06-27T17:45 |
家電股今日(27日)跑輸大市，其中，以海信家電(00921)跌幅最顯著，一度重挫近13%。據行業數據顯示，白色家電近月內銷出貨疲弱，而海信家電海外業務佔比又係同業中最小，到底點解今日會跌到咁？股份明日(28日)就會除淨，點解未收息就急急沽貨？ 註冊財務策劃師協會會長黃敏碩同意，由於內地消費力不似預期，公司當然會依賴海外及出口業務增長，成為短期替代新動力。不過，海信家電本土客較多，加上內地消費數據欠佳，人仔轉弱有利出口，外圍競爭力提升，海外業務佔比較小慨海信家電自然蝕底。 Michael又指，海信家電小股東選擇唔收息就沽貨，可能係時間關係，寧願依家眼見為實，呢一刻減磅獲利更實際，未必楂到派息為止。 |
|
| 黃敏碩 |
2024-06-21T17:35 |
商湯(00020)計劃配售約16.7億股新B類股，配股價1.2元，較昨日(20日)收市價折讓約9%，集資淨額近20億元，主要用黎支持生成式人工智能(Generative AI)進一步發展，而今次配股亦獲得唔少戰略投資者及海外基金入股，今次配股集資對商湯係咪好事？ 註冊財務策劃師協會會長黃敏碩指，市場暫時對商湯配股消息尚算正面，正等待「日日新大模型」(Sense Nova)新版本，亦漸漸睇好集團慨生成式AI現有客戶生意比例會大增，投資者對配售慨反應都幾理想。 佢又話，唔排除商湯短線仍有集資需要，因為商湯慨財政狀況仍然比較弱，要推動生成式AI發展需投入更多資金，先可以提升集團競爭力，以及令現金流保持穩健。 |
|
| 黃敏碩 |
2024-06-18T10:12 |
註冊財務策劃師協會會長黃敏碩推介昊海生物科技(06826) 推介原因： -積極拓展及加大產品營銷力，令業績維持穩定增長 -將加速眼科產業國產化進程，現時覆蓋白內障治療、近視防控等 -集團第4代有機交聯玻尿酸產品已完成國內臨床試驗。 |
|
| 黃敏碩 |
2024-06-07T17:24 |
摩根大通繼唱好航運股後，最新又睇好港口股，原因係全球貨櫃吞吐量表現超預期，加上紅海危機令貨櫃運費飆升，提升亞洲港口營運商議價能力，獲摩通唱好兼較大隻慨港口股招商局港口(00144)，仲有中遠海運港口(01199)，係咪真係可以受惠？ 註冊財務策劃師協會會長黃敏碩認為，能唔能夠受惠取決於公司慨海外布局，因為要睇周期性及業務推動力，招商局港口慨海外碼頭業務收入，佔整體收入近半，若海外氛圍真係仍比較緊張，招商局港口慨受惠程度會較高。 Michael又認為，係紅海危機及地緣政治因素下，內地業務佔比較大慨中遠海運港口，相對冇招商局港口咁吸引，不過，若中俄貿易可以順利推動，屆時中遠海運港口都可以受惠。 |
|
| 黃敏碩 |
2024-06-04T09:52 |
註冊財務策劃師協會會長黃敏碩推介京能清潔能源(00579) 推介原因： - 內地鼓勵增加再生能源裝置及新型儲能裝機目標，有利行業發展 - 內地風電行業持續復甦 - 把握「綠電進京」優勢。 |
|
| 黃敏碩 |
2024-05-21T10:49 |
註冊財務策劃師協會會長黃敏碩推介越秀服務(06626) 推介原因： -國家支持房地產去庫存 -物管行業迎增量發展，輕資產及現金流持續 -重點聚焦大灣區一二線城市，第三方佔比逾70% -現金充裕，計劃回購。 |
|
| 黃敏碩 |
2024-05-17T17:45 |
雖然港股近期強勢，但光伏股逆市向下，摩根大通發報告唱淡光伏行業及個股，指對供求睇法轉趨審慎，又估計龍頭信義光能(00968)、福萊特玻璃(06865)等，在產能計劃不變下，行業日均產能已逼近該行全年預測，信義光能股價今年持續下滑，若基本面繼續缺乏支持，股價企唔企得穩100天線？ 註冊財務策劃師協會會長黃敏碩指，信義光能股價係100天線會受到考驗，因為資金有其他更好選擇，加上支持呢個板塊慨資金一向唔多，資金一走，會令股價面對更大壓力。 佢又話，同樣係新能源慨風電板塊會比較受惠，如果今年可以提升發電產能，對風電股會有正面幫助，例如金風科技(02208)，近月慨股價都持續向上。 |
|
| 黃敏碩 |
2024-05-10T16:37 |
統一企業中國(00220)昨日(9日)收市後公布，首季少賺6%，稅後利潤4.57億人仔，據摩根士丹利引述集團指，上季銷售錄低雙位數增長，毛利率亦有得升。雖然集團盈利倒退，但統一股價今日(10日)一度大升逾13%，收市仍升近10%，反映市場都收貨，不過，內地消費降級，會唔會對統一毛利率擴張構成阻力？ 財務策劃師協會會長黃敏碩指，統一呢份業績預示經濟復甦之餘，亦反映市場重新聚焦對產品慨接受能力，由於統一產品種類多，所以唔會集中谷一兩類產品。 Michael續指，由於原材料配合到統一慨產品周期，加上自身營運理想，因此，上半年毛利率仍有擴張本錢，但產品銷售就推動得比較慢，不過，如果產品受歡迎，唔係純低檔或純高檔，毛利率要持續擴張難度唔高。 |
|
| 黃敏碩 |
2024-05-07T09:54 |
註冊財務策劃師協會會長黃敏碩推介中廣核新能源(01811) 推介原因： -中美氣候特使將會晤，憧憬在能源及減排方面擴大合作 -業務包括風力、光伏、燃氣等，背靠國企中廣核集團 -預期今年新增風光裝機近1GW。 |
|
| 黃敏碩 |
2024-04-26T16:59 |
福耀玻璃(03606)第1季業績昨晚(25日)出爐，純利升51.7%，賺13.8億元人民幣，收入88.3億元人民幣，升25.2%，而成本為70.4億元人民幣，呢份成績表又收唔收貨？現時汽車行業需求下行，作為原材料慨福耀玻璃，市場擔唔擔心行業環境拖累公司收入？福耀玻璃今日(26日)股價見逾2年半高位，投資者應該點樣部署？ 註冊財務策劃師協會會長黃敏碩指，雖然福耀玻璃按季業績要跌，但公司純利仍有增長，加上當內地經濟活動好轉時亦有機會受惠，始終福耀玻璃係全國性業務，係內地有一定市佔率，預計公司未來被壓價慨壓力唔大，若福耀玻璃能兼顧傳統汽車及新能源汽車市場，維持目前市佔率，就有條件穩步向上。 Michael又話，福耀玻璃慨升勢較難估計，但建議有貨慨投資者可以楂住先，若冇貨慨話可以考慮約42元價位入場。 |
|
| 黃敏碩 |
2024-04-23T10:50 |
註冊財務策劃師協會會長黃敏碩推介威勝控股(03393) 推介原因： -內地經營智慧能源解決方案，提供電、水、氣及熱能源計量產品 -內地積極加強新型電力系統建設、電網升級改造 -國家電網投資進入新型電力系統關鍵階段，中標能力強。 |
|
| 黃敏碩 |
2024-04-19T17:50 |
「造車新勢力」中慨理想汽車(02015)股價今日(19日)一度挫8.5%，差少少就失守「紅底股」，主要係昨晚(18日)發布慨新車L6被大行潑冷水，指冇驚喜之餘又定價太高。理想會唔會仿傚小米集團(01810)慨策略，即「蝕頭賺尾」，還是有本身慨策略？ 註冊財務策劃師協會會長黃敏碩就認為，由於蔚來(09866)及小鵬汽車(09868)早已倒下，理想就相對做得好，仍可以透過低價或減價策略保住市佔率。不過，市場都關注品牌背後慨生態圈，點樣推動技術發展。 至於小米及華為殺入汽車市場，可能會令人質疑佢地慨車銷情係咪咁理想，但因為品牌係技術上領先，甚至同第三方合作，呢方面都係小米及華為慨優勢，「造車新勢力」就會輸蝕。 |
|
| 黃敏碩 |
2024-04-09T10:25 |
註冊財務策劃師協會會長黃敏碩推介中國重汽 (03808) 推介原因： -去年純利大增逾2倍，派息比率升至50% -重卡車銷量持續強勁。 |
|
| 黃敏碩 |
2024-03-26T10:34 |
註冊財務策劃師協會會長黃敏碩推介泡泡瑪特(09992) 推介原因： -擁高效供應鏈，提供具差異化產品及多渠道營銷，演變為潮流引領者 -銷售額過億元的藝術家IP達到10個，續發掘具潛力的潮流藝術家 -越南完成海外工廠的首批產品生產。 |
|
| 黃敏碩 |
2024-03-21T16:00 |
截至早上11時止，1小時內《彭博》全球用戶關注度上升最多首5隻港股，依次為中國海外發展(00688)、華潤置地(01109)、舜宇光學(02382)、中國神華(01088)、嘉里建設(00683)。 舜宇出左業績，整體毛利率差過預期，末期息又派少一半，富瑞指，集團手機攝像模組均價及毛利率齊受壓，直指業務表現遠差過預期，舜宇股價今朝(21日)先升後回，係咪受業績拖累？ 註冊財務策劃師協會會長黃敏碩指，不論睇行業發展或市場競爭，舜宇前景都唔樂觀，早前，對手大立光公布慨收入指引較為樂觀，有分析估計，大立光可能搶走左舜宇定單，所以市場對舜宇慨前景睇法更審慎。 至於舜宇未來發展，黃敏碩指出，集團係採取「兩條腿走路」慨策略，不單發展智能手機攝像模組，亦希望透過提升科技水平配合電動車慨趨勢，呢方面慨開支比例會持續擴大，因此，不論增量、存量、市場競爭力3方面，舜宇都存在變數，業績表現有可能進一步轉差，所以股價就要受壓。 |
|
| 黃敏碩 |
2024-03-15T16:40 |
國際金價破頂後回落，並呈橫行格局，不過，倫敦期銅似乎好大機會突破每噸9000美元水平，早前市傳內地銅企密密減產，至於鋁價今個月都升返1%，有「中特估」(中國特色估值)概念慨江西銅業股份(00358)、中國宏橋(01378)走勢都好強，中國有色礦業(01258)今日(15日)亦破頂，其他有色金屬股值唔值得繼續跟進，博股價再上？ 註冊財務策劃師協會會長黃敏碩認為，現階段宜集中部署，唔好太多心，因為每隻有色金屬股都受需求、供應等因素影響，江銅及洛陽鉬業(03993)暫時值博空間較大，洛鉬本身做稀有金屬，幾乎係獨市生意，所以股價上到高位亦較大機會可以企穩。 佢又話，反觀宏橋主要從事跟鋁相關慨加工，處於生產鏈較下游位置，所以好視乎定單量或經濟大環境，要升到7.5元可能有些難度，因此，呢隻股份暫時可以先觀察，唔使心急入手。 |
|
| 黃敏碩 |
2024-03-12T10:24 |
註冊財務策劃師協會會長黃敏碩推介嗶哩嗶哩(09626) 推介原因： -去年第4季經調整虧損收窄，有信心今年第3季實現盈利 -上季月活躍用戶升至3.36億，月均付費用戶2800萬 -保持內容生態健康發展。 |
|
| 黃敏碩 |
2024-03-01T18:05 |
理想汽車(02015)周二(2月27日)出完業績後，股價狂飆逾20%，升穿所有移動平均線，理想股價2月累升67%。集團除左訂立全年80萬架慨銷售目標外，又話未來5年唔會推出車價平過20萬人仔慨車款，係咪反映理想認為有空間犧牲毛利率去追銷量？ 註冊財務策劃師協會會長黃敏碩表示，雖然毛利率係一個好好慨示範指標，但面對營運成本，或要控制電池佔電動車慨成本，所以認為目標唔可以講得咁死。 至於理想高位回套壓力大唔大，Michael認為，有自然調整係合理，之前股價曾微轉跌，但因為理想業績交到貨，令市場另眼相看，令股價可以係咁短時累積頗大升幅，由於資金都比較集中，所以就算之後股價回落，只要守得住160元，即10天線水平，仍算係合理調整，只要唔跌穿呢個位，都唔需要擔心對理想今年咁正面慨睇法。 |
|
| 黃敏碩 |
2024-02-27T10:19 |
註冊財務策劃師協會會長黃敏碩推介濰柴動力(02338) 推介原因： - 內地鼓勵進行大規模設備更新，製造業國產機床採購勢增 - 科技創新驅動高質量發展，以及強化產品競爭力 - 加快淘汰國四車輛，商用車雙積分制度落地。 |
WEICHAI POWER , IT |
| 黃敏碩 |
2024-02-16T17:17 |
新春過後，內需股炒風持續，其中，旅遊平台股受惠於行業數據靚，摩根士丹利就唱好攜程集團(09961)，原因係睇好集團復甦進度比同業快，攜程係咪行業復甦慨大贏家？ 註冊財務策劃師協會會長黃敏碩表示，旅遊數據反映有穩定增長，攜程有唔少國際航線、酒店等，無論旅遊或公幹，唔多唔少都會透過平台預約，令單價額度變大，都多左推動空間。 Michael又話，雖然攜程股價升幅相對小，但有條件追落後，除非業績有好大偏差，否則，睇返市場氣氛，攜程股價可上望到330元水平，之後可唔可以再突破，就要睇返攜程慨業務指引。 |
|
