| Commentator |
Time |
Content |
Tag |
| 文錦輝 |
2022-09-21T11:03 |
【Now財經台】美國聯儲局噚日起展開一連兩日慨議息會議，並於香港時間周四凌晨2時公布結果，美國係首日議息全線向下，債息就連續第2日抽升，美國2年期債息進一步逼近4厘，10年期債息就一度升穿3.6厘。商品方面，大宗商品及油價都要跌，金價就繼續向下。聯儲局今晚公布議息結果後，市場會點反應？ 艾德證券期貨投資策略總監文錦輝指，不論最終加息0.75厘，甚至1厘，其實都唔系太重要，市場最關心反而系聯儲局主席鮑威爾係會後記者會慨言論，如果佢「放鴿」，話加埋今次息，通脹似乎已見頂，未來會調整加息步伐及幅度，相信美股有機會反彈。 Felix又話，聯儲局為左遏通脹，不惜付出經濟代價，而加息慨影響已經開始浮現，一旦加息造成慨殺傷力太大，唔系咁容易解決。 文錦輝 艾德證券期貨投資策略總監 |
US Bonds , Gold , US Stock |
| 陳欣 |
2022-09-20T16:28 |
【Now財經台】日本央行將會係周四議息，雖然市場預期會按兵不動，但關注貨幣政策委員會唔會拋出收緊貨幣政策慨條件，還是日本同環球主要央行慨息差繼續拉闊？ 資深外匯分析師陳欣指，雖然日本8月核心消費物價指數(CPI)按年升2.8%，創近8年新高，雖然通脹偏高，但日央行好有可能繼續維持寬松措施，因為行長黑田東彥多次提及要維持寬松措施及低利率，以支持工資增長，反映政策唔會有大改變，加上黑田任期只余半年，如果呢個時候有大動作，對佢本人及日本都有好大風險。 Chase又話，日圓暫時都好難扭轉弱勢，145水平未必系真正底位，後市要留意150守唔守得住。 陳欣 樂天證券香港銷售總監 |
|
| 譚智樂 |
2022-09-20T16:17 |
【Now財經台】通關概念股續兩日有資金追捧，繼續炒作放寬檢疫安排至「0+7」，但會唔會開心得太早，因為仍有1個不明朗因素，就系臨近「二十大」，唔少券商之前估計，「二十大」舉行前中央唔會大幅調整防疫政策，呢方面會唔會同樣適用於香港慨檢疫政策？ 獨立股評人譚智樂指，同意「二十大」前中央唔會調整防疫政策呢個睇法，又話「0+7」其實唔算系一個好大慨改變，如果睇返現時全球慨防疫措施，即使香港由「3+4」變成「0+7」，其實分別唔大，雖然唔系要跟外國慨做法，但睇返本港慨經濟狀況，的確有需要逐步放寬防疫措施。 Arnold又話，與其去估「0+7」系咪可以落實，倒不如小注或分注吸納一些真正受惠於呢些消息慨股份，而某些升得特別多慨股份，必須搞清楚純粹炒概念，還是可真正受惠。 譚智樂 耀才證券研究部副經理 |
|
| 彭偉新 |
2022-09-20T12:35 |
【Now財經台】截至早上11時止，1小時內《彭博》用戶關注度上升最多港股，依次為恆生銀行(00011)、國泰航空(00293)、金沙中國(01928)、萬科企業(02202)、海底撈(06862)。 恆生銀行旗下恆生投資管理正式接替道富環球，噚日起成為盈富基金(02800)新經理人，可以帶來幾多盈利仍然系未知數。另一方面，美國快將加息，本港銀行好大機會跟隨上調最優惠利率(P)，對銀行息差系咪有幫助？ 資深證券分析師彭偉新指，的確會對銀行息差有幫助，而本地銀行股股價亦逐步反映加息因素。雖然銀行仍未加P，但唔少人都會用銀行同業拆息作參考，用P去減按揭息率，無形中加左上去，因為之前P慨減幅數值已封頂，可能會增加一般供樓人士負擔，所以整體息率其實已經上調。 盈富方面，Castor話，接手做盈富經理人為恆生投資帶來慨盈利貢獻唔會太多，因為之前道富可以將手頭上慨投資組合作為借貸，比金融機構作沽空用途，但呢部分恆生投資就未必做得到。 |
HANG SENG BANK , CATHAY PAC AIR , HK Banks , Stock , TRACKER FUND |
| 梁振輝 |
2022-09-20T12:15 |
【now.com財經】由美聯儲主導的政策利率前景變化，是驅動今年市場走勢的關鍵因素。今年初以來，市場對美聯儲政策的預期已經從加息三次、每次25個基點，轉為年底時聯邦基金目標利率上升至超過4%。 利率預期的轉變，導致包括股票及債券在內的主要資產下跌，同時推升美元表現。換句話說，年初以來能避免負回報的資產寥寥無幾，只有現金、部分商品和對沖基金策略幸免於難。 衰退程度或有限 上述的情況是否已經完結（即市場已經充分反映美聯儲潛在的整體加息幅度），還是加息預期還有進一步上升空間，從而不利主要資產後市發展，是如今投資者最關切的問題之一。特別在通脹持續高企下，美聯儲無視經濟增長前景隱憂繼續加息，同時亦令市場對加息的預期進一步升溫。 筆者預期，最有可能出現的核心情景是美聯儲政策走向仍會大致符合市場預期。雖然未來12個月美國經濟料有50%機會陷入衰退，但幅度相信可能很淺且不會持續太久。筆者相信，現時市場定價已經基本反映了衰退的可能性，不過也亦同時預示未來幾個月市場可能會更加波動。 |
Gold , US Bonds , Real Estate , US Credit , USD |
| 盧志威 |
2022-09-20T10:32 |
【Now財經台】美國聯儲局公開市場委員會今起一連兩日舉行議息會議，美股係開會前終止兩連跌，美匯指數就係高位回套，不過，債息繼續沖高，商品方面，金價係29個月低位徘徊，國際油價就反覆上升，主要系繼續受供應緊張憂慮帶動，應該點解讀資產價格係議息前慨走勢？ 潤淼資產管理董事盧志威指，美股噚晚算做得幾好，主要系投資者認為聯儲局好大機會加息0.75厘，資產價格反映市場暫時已經接受左呢個加幅，佢估計，加息潮去到明年差唔多可以停止，因為見到唔少公司業績開始轉弱，一旦需求轉弱，通脹亦會降溫。 William又話，轉折點應該係明年，相信捱埋今年就會有好轉，因此，預期資產價格短期續受加息影響而向下，至於商品價格亦會逐步反覆回落。 盧志威 潤淼資產管理董事 |
Results , Gold , Earnings , US Stock , USD |
| 陳鳳珠 |
2022-09-20T09:43 |
【Now財經台】安里資產管理投資組合經理陳鳳珠推介同程旅行(00780) 推介原因: -中期業績盈轉虧，因次季內地疫情反覆影響收入 -集團的微信小程序自開設以來，累計訪問用戶數目突破10億 -料下半年內地疫情受控，國慶等假期旺季， |
Earnings , TONGCHENGTRAVEL |
| 鄭家華 |
2022-09-19T22:35 |
【Now財經台】濱海投資(02886)擬入股中石化液化天然氣2%，將支付意向金1.5億元人民幣。 阿仕特朗資產管理董事鄭家華表示，中石化液化天然氣經營天然氣接收站，長遠或有助濱海投資的業務發展，但暫時未確定交易最終作價，不排除公司需要進行股本融資去支付整個交易，另一方面，濱海投資股票交投量疏落，因此並不建議股民沾手。 鄭家華 阿仕特朗資產管理董事 相關股票 編號 名稱 02886 濱海投資 相關文章 【港股今日睇】股價近日異動 濱海部署抽水？ 2022/06/08 22:40 【港股今日睇】首季燃氣銷量勁 濱海業績有保證？ 2021/04/13 22:46 |
RMB , SINOPEC CORP , BINHAI INV |
| 林嘉麒 |
2022-09-19T16:22 |
【Now財經台】仲有唔夠兩個禮拜就到「十．一」黃金檔期，唔少行業都憧憬消費有起色，其中一個具指標性行業電影業，今日係A股慨影視娛樂股都要跌，個別仲要跌停板，港股呢邊都有跟跌，但跌幅相對細，原因系唔少國慶檔電影，仲未安排到檔期，暫時只得幾套合家歡電影排左期，呢個情況系咪有些唔尋常？ 元宇證券投資總監林嘉麒指，相信同早前慨防疫措施有關，成都只系岩岩解封，其他省市仲未知點安排，因國策都系以疫情為先，娛樂相關事宜未必會排咁前，所以今年黃金檔期慨電影數目唔會咁多，係消費者冇乜選擇下，可能對票房構成好大影響，相信負面情況已慢慢反映緊，但KK認為，咁亦代表今年電影行業一定差，只可以話現階段仲未准備好。 林嘉麒 宏匯資產管理董事及投資策略總監 |
Stock , Gold , Strategy |
| 梁傑文 |
2022-09-19T15:25 |
【Now財經台】港股市況一直冇起色，恆指逐步下試今年3月低位，不過，由萬科企業(02202)分拆慨物管公司萬物雲(02602)今日起招股，睇返公司網頁，集團對定位慨形容有些「虛」，話系獨一無二由社區、商企及城市空間3大業務體系慨空間科技服務商，系咪唔止物管股咁簡單，到底系公司賣點，還是弱點？ 《香港股票財技密碼》作者梁傑文話，相信萬物雲系刻意淡化物管定位，可能想用一個新穎慨賣點吸引市場，事實上，本港今年新股集資非常慘淡，加上市場已經有唔少已上市慨物管民企、國企，如果萬物雲想爭取更高估值，或者想係招股期間，帶出其他賣點吸引投資者，不過，物管業務占集團整體收入逾半，如果以舊年收入計，萬物雲屬內地物管龍頭，再加上半國企慨身份，雖然港股市況較差，但相信市場未至於會完全冷待萬物雲。 |
Stock , IPO , IPO , IT , CHINA VANKE |
| 郭思治 |
2022-09-19T10:38 |
【now.com財經】大市即將步入9月份之下旬，而直到執筆一刻止計，本月大市之形態仍暫屬先高而後低，恆指暫是由1日之高位19,839點跌至16日之低位18,678點，即月內之波幅已稍擴闊至1,161點。 首先，本月高低位相隔之交易日已符合基本要求，但以1,161點之波幅計則相對仍細，故在本月余下之交易日，假如先高後低之形態不變，估計恆指仍會進一步往下尋找月內之新低，從而拉闊月內之波幅以滿足所需，目前較值得關注的是，恆指會否於月內進一步下試今年3月15日之低位18,235點，因一旦18,235點之支持失守，即表示自今年2月10日高位25,050點開始之跌浪，技術上不但仍在延續中，且從走勢上看，大市將出現中期浪低於浪之弱態。 |
Stock |
| 李浩然 |
2022-09-19T10:04 |
【now.com財經】回顧2008年的金融海嘯之後，有些「末日論」的悲觀主義者都曾預言美元即將崩潰。而吸引不少人相信這些末日論的主要論述是，聯儲局「印制」了數萬億美元，又把利率壓至零水平；與此同時，美國已陷入自大蕭條以來最大經濟崩潰的惡性循環之中。近年來，加密貨幣極端主義信徒又再預言美元的全球儲備貨幣地位將要終結；然而，美元至今年以來，卻比以往任何其他主要已發展國家的貨幣都要強勢。 當然，拉長至過去五年左右的時間里，美元兌一籃子其他發達市場經濟貨幣或多或少沒有任何太大的變化。換句話說，一籃子成熟經濟市場的貨幣在過去五年左右的時間里，兌美元卻只是得個「吉」。不過，筆者想指出的是，對於美元即將崩潰的每一個預測都是一個可怕的賭注。顯然，美元有一天會被其他貨幣或數字資產取代嗎？這當然有可能。美元會全面崩盤？但個人相信短期內似乎不太可能。為什麼？美國比世界其他地方仍然擁有很大的優勢，令美元仍然會壟斷全球儲備貨幣的霸主地位。 從歷史上可見，日本曾在八十年代一度似要取代美國成為全球第一強國，但結果並沒有發生。現在，中國緊跟在美國後面（早前不少分析認為中國在數年內將可彎道超車）。 |
Energy , Oil , USD , SUN HING VISION , IT |
| 植耀輝 |
2022-09-16T22:44 |
【Now財經台】心連心化肥(01866)近日獲兩大股東，即主席劉興旭及執董閆蘊華，接連增持股份。 耀才證券研究部總監植耀輝表示，兩人相繼增持股權，或暗示心連心下半年業務，仍保持不俗表現，加上公司早前表示有意分拆業務於內地上市，成事的話可望提升估值，建議散戶值得留意這只股份。 植耀輝 耀才證券研究部總監 相關股票 編號 名稱 01866 中國心連心化肥 相關文章 【何車評股】2.7倍市盈率買心連心 2022/07/11 10:00 【股市脈搏】呢只化肥股發盈喜沖高後倒插 2022/07/07 10:52 【醒晨推介】盧志明推介中國心連心化肥 2022/05/20 09:48 【港股今日睇】國際化肥價格續升 心連心配股後能否再沖？ 2022/04/20 22:45 【焦點股】俄烏繼續打！化肥股「肥仔」？ 2022/03/28 14:01 【專家分析】趁尿素價升炒轉中海石油化學？ 2021/09/09 18:17 【每日觀點】港股勢弱宜打守勢牌 化肥股後市有力反彈 2021/08/04 11:50 |
IPO , IPO |
| 黃敏碩 |
2022-09-16T18:37 |
【Now財經台】內地8月零售表現好轉，帶動今日部分內需股逆市有得升。寶鉅證券董事及首席投資總監黃敏碩表示，體育用品股估值相對較高，可能再有回套，所以第4季較睇好食品及飲品股。 蒙牛乳業(02318)上半年盈利係疫情下仍有唔增長，但股價由年初一直跌到依家，Michael就話，蒙牛股價跌過龍，加上冇監管風險，相信會跟隨內需板塊回升。 此外，青島啤酒(00168)股價近月開始反彈，業績唔錯之余，高端啤酒銷售幾乎冇受疫情拖累，仲要賺多左，之前又炒過加價憧憬。 Michael認為，雖然今年未必會加價，但高端啤酒業務慨盈利，同主打拓展市場慨百威亞太(01876)各有千秋，加上股價夠硬淨，之前回套約10%就回穩，佢預期，青啤股價會升至78元。 |
TSINGTAO BREW , MENGNIU DAIRY , Food , Earnings , Sport |
| 關焯照 |
2022-09-16T16:11 |
【Now財經台】最近市場充斥壞消息，恆指今日又下試半年低位，一度低見18678點。不過，有2只旅游相關股，國泰航空(00293)及新秀麗(01910)逆市造好。冠域商業及經濟研究中心主任關焯照指，其實之前市場憧憬慨通關概念到依家仲未過時。 關博士表示，政府除左上周六免除機組人員檢疫，最近又不斷宣傳11月慨國際金融投資峰會，認為呢些都系港府想同外圍連接，鋪路進一步放寬檢疫措施慨跡象。佢又話，雖然國泰業績唔算亮麗，但股價之前跌得太多，預期係通關憧憬下，股價可望係1季內升穿9元。 至於近日曾升至2年半高位慨新秀麗，關博士預期，股價1至2個月內有望升至22元，現價同摩根士丹利目標價26元，仲有30%水位。 |
CATHAY PAC AIR , Stock , Rating , SAMSONITE |
| 梁偉源 |
2022-09-16T15:51 |
【Now財經台】截至早上11時止 ，1小時內《彭博》用戶關注度上升最多港股，依次為金沙中國(01928)、路勁基建(01098)、銀河娛樂(00027)、澳博控股(00880)及新鴻基地產(00016)。 噚日永利澳門(01128)股價大跌兼上榜，市場揣測系咪同續牌問題有關，雲頂突然殺出爭澳門賭牌，變成7家公司爭6個牌，意味現時6大牌主中，可能有1間續唔到牌，不過，賭股今日全線反彈，噚日系咪只系虛驚一場? 大華繼顯執行董事梁偉源指，傍晚就會啟動開標程序，其實投資者只系淡市下揀賭股炒，今日多只賭股中，永利升幅相對細，反映市場對永利續牌系有擔心。Steven話，睇返過去20年，好多間博彩企業投資左唔少錢係澳門，如果政府最終畀牌雲頂，而唔畀某一間現有博企，中間可能涉及政治因素，所以都要留意今日傍晚慨情況。 |
SHK PPT , Stock , GALAXY ENT , ROAD KING INFRA , Real Estate |
| 聶振邦 |
2022-09-16T12:05 |
【Now財經台】雖然美國噚晚公布慨零售銷售按月升0.3%，好過預期，而上周新申領失業救濟人數連跌5周，美國鐵路罷工又暫時解決，不過，世界銀行警告，環球央行為抗擊通脹加息，將導致全球經濟明年有衰退風險，美股3大指數噚晚全線低收。 華盛證券分析師聶振邦指，暫時美國經濟數據都比較參差，整體零售數據的確有增長，但核心部分就要跌，市場未必認為數據會一面倒向好。如果經濟表現維持係比較好慨狀況，聯儲局會加快加息步伐。 聶Sir又話，市場要留意下周四出爐慨業績，同埋聯儲局主席鮑威爾系咪繼續放鷹，都會主導美股後市表現。 聶振邦 華盛證券分析師 |
Earnings , US Stock |
| 彭偉新 |
2022-09-16T10:58 |
【Now財經台】資深證券分析師彭偉新推介中國鋁業(02600) 推介原因： -歐洲鋁廠缺氣缺電下需要停產，鋁產品供應短缺推動鋁價回升 -中央要求電企穩供電， |
CHALCO , Resources |
| 陳欣 |
2022-09-15T18:30 |
【Now財經台】美元兌日圓繼續係142至144上落，噚日傳出日本央行進行匯率詢價，被視為官方干預匯市前奏，究竟日圓今次可唔可彈返起？ 資深外匯分析師陳欣指，日美息差導致日圓持續係低位徘徊，再加上日本及美國貨幣政策唔同，所以日央行只能透過「出口術」或放消息干預，之前日圓見130，日央行一直話有可能出手干預，但依家已見140水平，日央行仍未有任何實際行動。 不過，Chase又話，即使日央行出手干預，但由於美日貨幣政策分別太大，日圓仍會持續疲弱，就算日央行出手都只能止跌，好難令日圓升返上去。 陳欣 樂天證券香港銷售總監 |
USD , Expo |
| 植耀輝 |
2022-09-15T16:30 |
【Now財經台】核電發展有新消息，包括國務院最新核准漳州及廉江核電項目，及中國核能協會發表中國核能發展報告2022藍皮書，提到第三代核電機華龍一號進入量產階段，消息帶動今日係A股上市慨核電相關股升得唔錯，但點解港股呢邊又好似冇乜動靜？ 耀才證券研究部總監植耀輝指，核電發展項目牽涉慨工序繁復，加上投資額唔細，理論上仲可以帶挈核電設備股，但今日電氣設備股表現麻麻，或意味專攻核電營運、設備建設慨公司先可以真正受惠，本地同「核」有關慨公司如果想有支持，就要視乎新增項目中拿到幾多定單。 除左核電設備板塊，Stanley認為，新能源板塊亦諗得過，因為... 植耀輝 耀才證券研究部總監 |
Stock , Energy , New Energy , IPO , IPO |
| 林樵基 |
2022-09-15T11:26 |
【Now財經台】呢排港股成交持續淡靜，唔知系咪見到生意麻麻，港交所(00388)都要諗諗計，據《彭博》噚日報道，港交所有意降低新科技公司慨上市門檻，研究係上市規則中新增一個章節，容許AI、晶片、自動駕駛等企業來港上市，港交所呢個構思系咪想博一博，希望呢些硬科技股可以幫手搞返旺個市？ 光銀國際董事總經理兼研究部主管林樵基指，港交所之所以選擇依家研究放寬上市限制，目的系為黎緊1年，甚至幾年後慨發展鋪路，始終其他金融中心都有硬科技股呢類熱門股份上市，另一方面，港交所亦確實希望借新興產業股搞旺個市，吸引資金來港，港交所亦可以係新興產業公司上市賺返筆。 |
Stock , IT , SUN HING VISION , HKEX , IPO |
| 許繹彬 |
2022-09-15T11:09 |
【now.com財經】港股在中秋假後，仍然未有明顯起色，盡管假期前曾出現報復式反彈，重上19,300點的水平，投資者滿以為港股可以承接銳勢再下一城，誰不知又再次呈現悶局，反覆向下的景象仍然未改。 美股在前兩天的交易日，因美國消費物價指數較市場預期為高，市場上再舊調重彈，除推算加息0.75厘已是鐵一般的事實外，更因CPI不斷惡化，市場上更傳出大幅加息1厘，傳聞一出，道瓊斯工業平均指數及納斯達克指數再次跌到「四輪朝天」。 此外，投資者一直盼望中美能早日撤銷關稅，令雙方走出經濟困局，締造雙贏，投資者不但好夢成空，更迎來另一場噩夢：美國政府並沒有在中美關稅上釋出善意，較早前宣布斥巨資支援本土晶片行業，並計劃將於下月擴大對中國輸出用於人工智能晶片和晶片制造工具的出口限制後，美國總統拜登突然又再簽署新行政命令，擴大美國生物制造以降低對中國的依賴；看來中美關系短期內能有改善的距離再次落空。 |
Stock , US Stock , TENCENT , Bio , HKEX |
| 陳偉明 |
2022-09-15T10:23 |
【now.com財經】內地疫情反彈、經濟數據遜預期，加上人民幣弱勢，拖累港股連跌六日，於上周四(9月8日)跌至低見18,803點，然而上周五(9日)內地公布最新的通脹數據低於市場預期，市場憧憬內地或降准救經濟，加上美匯回落、人仔回穩，港股超賣後趁機大挾淡倉單日急彈逾500點，於上周五(9日)升至高見19,413點。 筆者上周提醒中美緊張關系將會持續好長的一段時間，加上在美國加息環境下，港股只能反彈，卻難持續保持上升趨勢，預期波幅區間上限是19,500點，結果美國總統拜登簽署行政命令擴大美國本土生物科技業發展，降低對中國的依賴，中秋節假期後本周二(13日)，港股於19,492點見頂回落，昨晚市場極度關注的美國8月份通脹數據按年升8.3%，雖然有回落跡象，但仍然比市場預期高，幾乎肯定下周美國最少加息0.75厘，美債息隨即爆上，美匯亦回復強勢，美股本周二晚急插逾1,200點，拖累港股本周三(14日)再度跌穿19,000點關口，並在18,800點附近窄幅上落。 展望後市，美股雖然波動，但港股仍然繼續悶市上落，波幅區間繼續如上周所講大約在18,500點至19,500點。 |
RMB , US Bonds , Stock , LINGYI ITECH , IT |
| 阮子曦 |
2022-09-15T10:03 |
【Now財經台】中國通海證券投資策略聯席總監阮子曦推介裕元集團(00551) 推介原因： -月度銷售數據增長顯著改善 -受惠公司集中專注執行能力， |
YUE YUEN IND |
| 羅尚沛 |
2022-09-14T22:34 |
【Now財經台】國美零售(00493)市前錄得大手交易，涉及12.15億股，每股作價0.195元，較上日收市價折讓19.8%，涉資2.37億元。 銀河證券業務發展董事羅尚沛表示，市前該批股份，很可能由大股東黃光裕沽出，而權益披露亦顯示，八月以來，黃光裕已多次沽貨，加上國美姐妹公司中關村的通告亦顯示，其大股東黃光裕多次質押股份，反映黃光裕面臨財務壓力，相信會不斷減持國美套現，奉勸股民切勿沾手。 |
GOME RETAIL |
| 聶振邦 |
2022-09-14T18:47 |
【Now財經台】線上醫療股叮當健康(09886)今日首掛，開市報12.34元，較招股價12元，高近3%，其後走勢轉弱，收市價同上市價持平，係跌市中表現已算硬淨。 華盛證券分析師聶振邦認為，除左背後保薦人中金公司(03908)同招銀國際護盤有功，更因為呢只新股由大戶主導。佢指出，股份公開發售部分冇觸發回撥，但一手中簽率只得12%，而大戶參與慨國際配售部分就啟動左超額配股權，反映大戶可能唔傾向畀散戶接貨。 聶Sir估計，大戶占股份街貨量約87%，貨源高度歸邊，所以股價會企得較穩，如果叮當健康股價首1至2周有得升，建議有貨慨股民可先行止賺。 佢又提及噚日開始招股慨數科集團(02350)，既冇明星級保薦人，亦唔似叮當健康咁股權集中係大戶手中，「潛水」風險較大，佢建議可以等上市後再決定入唔入手。 |
IPO , IPO , CICC |
| 陳錦興 |
2022-09-14T16:51 |
【Now財經台】中金公司(03908)宣布供股計劃，A股及H股擬以「10供3」基准供股，其中H股供股價約10.96元，較噚日收市價折讓近24%，中金股價今日顯著受壓，一度挫逾9%，雖然折讓幅度唔細，但其實仲有好多野未確定，股價今日係大成交下跌左落黎，市場系咪反應過大？ 英皇證券研究部總監陳錦興指，整體市場氣氛都好弱，加上噚晚美股急瀉，投資者難免對負面消息比較敏感，中金供股集資當然系負面，所以都預左市場反應差。 Stanley提醒，中金慨公告系話建議供股，細節仲有待確定，相信要醞讓一段時間先可以出到正式供股公告，股價今日反應的確大左些，反映投資者對現時慨市場環境，甚至內地券商股下半年面對慨挑戰唔樂觀。 |
EMPEROR CAPITAL , US Stock , CICC |
| 莊志雄 |
2022-09-14T16:00 |
【Now財經台】美國8月消費物價指數(CPI)反映通脹仍未受控，市場預期聯儲局加息步伐會更進取，拖累美股噚晚急瀉。 「股市漁夫」創辦人莊志雄指，觀察到仲有唔少散戶追入美股指數慨ETF想撈底，但佢認為，好多人仲未意識到今次美股跌勢唔系一般調整咁簡單，因為美國慨金融系統正承受好大壓力，例如惡性通脹、經濟衰退，亦未知有冇金融機構會出事，因此，美股好有可能落返6月低位。 Lewis又話，雖然據圖表分析，VIX指數周期波動係9月19日(下周一)見頂，但佢強調，依家慨市場風險已不能單靠技術分析預測，可能今次指數會繼續沖上去，反映落美股就可能有大事發生。佢又提及，美股高息企業債ETF亦跌至近6月低位，根據圖表分析，標普500指數通常都會跟隨高息企業債回落。 再睇埋美國銀行慨基金經理調查，Lewis話基金經理持股比重已大幅下降，2008年金融危機時，基金經理亦系減倉減到低於正常水平，反映指數都仲未見底，預期標指可能會再跌30%至40%。 莊志雄 「股市漁夫」創辦人 |
US Stock , ETF , HSCEI ETF |
| 譚智樂 |
2022-09-14T12:52 |
【Now財經台】截至早上11時止，1小時內《彭博》用戶關注度上升最多港股，依次為中金公司(03908)、復星國際(00656)、東亞銀行(00023)、綠城中國(03900)及新世界發展(00017)。 中金股價半日跌近9%，報13.06元，集團公布，A股及H股均以「10供3」基准供股，其中H股供股價約10.96元，較噚日收市價折讓近24%。 獨立股評人譚智樂認為，中金財務狀況正常，係現時市況低迷下供股，更大可能系為左籌集資金打救其他公司，由於折讓大，若小股東唔供就會被攤薄股權。 Arnold認為，小股東係供股前先行沽貨離場較好，因為依家市況咁差，即使持貨唔多而選擇供股，股價短線有機會跌穿12.7元，即5月低位，對散戶黎講都幾大殺傷力。 |
NEW WORLD DEV , BANK OF E ASIA , FOSUN INTL , Stock , GREENTOWN CHINA |
| 陳偉聰 |
2022-09-14T11:52 |
【Now財經台】內地通過新一批游戲版號，合共73款國產游戲獲批，當中電腦游戲占3款、主機游戲占1款，其余全屬手游，除左中手游(00302)、心動公司(02400)、嗶哩嗶哩(09626)有份，游戲股龍頭網易(09999)及騰訊控股(00700)旗下騰訊游戲今次終於有份。 不過，東亞銀行投資產品及顧問部股票策略師陳偉聰指，對游戲股仍然審慎，雖然內地今年第1季已復批游戲版號，但大部分獲批都系迷你游戲及休閒游戲，吸金力、吸客力都唔及硬核游戲，加上內地仍未放寬成年人打機時間限制，反映當局仍未放寬游戲監管，相關企業慨盈利仍面對挑戰。 另一方面，市場憧憬iPhone 14可刺激內地手機需求及出貨量，但摩根士丹利就潑冷水，指手機行業係明年上半年前都冇復蘇潛力。 Jason就話，依家內地經濟下行，消費者換機會比以前謹慎，所以需求亦會細左，不過，內地有好多iPhone死忠粉絲，加上新機定價唔算進取，相信仍會掀換機潮，相關設備供應商或會受惠，相反，中低檔定位慨內地安卓手機品牌就冇咁吃香。 |
BANK OF E ASIA , TENCENT , HK Banks , CLP HOLDINGS , CMGE |
| 文錦輝 |
2022-09-14T11:16 |
【Now財經台】美國8月通脹按年升8.3%，高過市場預期8.1%，但低過7月慨8.5%，而撇除能源及食品價格慨核心CPI按月升0.6%，按年就升6.3%，亦高過預期，市場擔心聯儲局會大手加息，美股噚晚即時被震散，3大指數齊齊錄得2020年6月11月以黎最大單日跌幅，噚晚公布慨CPI數字系咪真系咁驚嚇？ 艾德證券期貨投資策略總監文錦輝指，美國通脹持續高企，其實市場唔需要覺得數據太驚嚇，不過，市場原本預期聯儲局今個月會加息0.75厘，但最新有大行估計，下星期會加息1厘，而今年仲有兩次議息會議，如果通脹太高而需要加息1厘就會震散個市。 佢又話，美國總統拜登近期推出唔少措施，目的系激活美國經濟，如果聯儲局真系加息1厘，唔止影響股市，亦有機會影響中期選舉結果。 文錦輝 艾德證券期貨投資策略總監 |
Energy , US Stock , Food |
| 郭家耀 |
2022-09-14T09:35 |
【Now財經台】安里資產管理董事總經理郭家耀推介信和置業(00083) 推介原因： -銷售表現理想 -投資物業收益持續增長， |
SINO LAND |
| 陳欣 |
2022-09-13T17:38 |
【Now財經台】美國今晚會出通脹數據，市場最新估計，8月整體CPI按年升幅將放緩至8.1%，按月更有機會下跌，不過，扣除食品及能源價格慨核心CPI，預期按年升幅將再度擴大，CPI會點影響美國加息步伐？ 資深外匯分析師陳欣指，CPI系聯儲局加息其中一個重要參考指標，不過，如果CPI唔系大幅回落，對之後慨加息步伐未必有太大影響，因為局方已多次強調，即使經濟放緩，甚至影響勞工市場，但穩定物價仍然系首要任務。此外，美國近期多項經濟數據都回升，亦會支持聯儲局繼續進取加息。 Chase又話，雖然美匯指數回落，但基於技術性回調及歐元反彈，如果美匯指數係108水平搵到支持，今個月余下時間都有機維持強勢。 陳欣 樂天證券香港銷售總監 |
Energy , USD , EURO , Food |
| 李偉傑 |
2022-09-13T16:06 |
【Now財經台】蘋果公司iPhone 14系列預售反應理想，刺激Apple股價噚晚急升近4%，更帶挈在港上市慨手機設備股造好，不過，全球經濟都唔好，iPhone銷量亦大不如前，系咪都預左呢些手機設備股唔襟炒？ 華盛證券經紀部董事李偉傑指，其實真系未必可以炒太耐，除左「M字額」變「動態島」，市場始終關注規格變動，雖然iPhone 14慨鏡頭像素提升至約4800萬像素，但有手機有可能提升至1億像素，因此，iPhone 14慨躍進性見唔到，加上換機潮亦未必好似往年咁積極。 Jason又話，蘋果概念股短期會繼續受惠於iPhone 14開售效應，但Android系慨係需求及躍進性都遇到樽頸位。 李偉傑 獨立股評人 |
IPO , IPO |
| 彭偉新 |
2022-09-13T13:03 |
【Now財經台】截至早上11時止 ，1小時內《彭博》用戶關注度上升最多港股，依次為藥明生物(02269)、太古地產(01972)、信達生物(01801)、中國人壽(02628)及中國恆大(03333)。 今日有兩只生物科技股上榜，有消息指美國總統拜登計劃簽署針對生物科技產業慨行政命令，加強扶持當地企業，減少對中國依賴。藥明生物股價好大反應，今朝低開逾7%，跌幅一度擴大至逾20%，因集團海外業務占比較大，打擊亦相對大。不過，摩根士丹利力撐藥明，估計實際影響最少5年後先會反映，加上投資規模未定，估計影響有限。 資深證券分析師彭偉新指，係不明朗情況下，大部分投資者都會有動作，以減磅為主，雖然藥明急挫，但流出慨資金規模唔大。佢又話，藥明以大陰燭下跌，如果收市仍貼近低位，或反映短期內仍有沽壓，有機進一步下試低位，佢認為投資者係現水平都冇信心或理據博反彈。 |
Real Estate , HK Cap Flow , Stock , CHINA LIFE , IT |
| 盧志威 |
2022-09-13T11:17 |
【Now財經台】美國噚晚係8月通脹數據出爐前夕，連續第4個交易日上升，升上兩周高位，道指升逾200點，標指及納指更升逾1%，系咪反映市場預期今晚公布慨通脹數據，將會40年高位回落？ 潤淼資產管理董事盧志威指，如果睇返市場走勢，的確系松一口氣，主要系聯儲局加息步伐短期仍會比較急速，而當展望上通脹自高峰開始回落，至少會比到市場一個希望，就系加息有時間表，即系會完，而股市好明顯系反映呢個因素，所以整體黎，市場風險胃納系較之前有所提升，而關鍵系可以持續幾耐，同埋幅度有幾大。 盧志威 潤淼資產管理董事 |
US Stock |
| 黃敏碩 |
2022-09-13T10:48 |
【Now財經台】寶鉅證券董事及首席投資總監黃敏碩推介中集安瑞科(03899) 推介原因： -涵蓋上中下游全業鏈，布局氫能開發，包括制氫、儲運等 -海外收入占比增至逾55%， |
CIMC ENRIC |
| 郭思治 |
2022-09-13T10:26 |
【now.com財經】大市自踏進9月份後，在沽壓一面倒主導下，整體跌勢正逐漸加劇中，直到執筆一刻止計，本月大市在先高後低之形態主導下，恆指暫是由1日之高位19,839點跌至8日之低位18,803點，即在短短六個交易日內，恆指累積跌幅已達到1,036點。 首先，一個月之高低位是不該同時出現於六個交易日之內，加上1,036點之波幅或仍不能滿足月內之所需，故在本月余下之交易日，理論上該有更大之波幅點出現，而由於目前騰訊(00700)及比亞迪(01211)均有大股東減持，故單從事件上看，恆指再進一步往下尋月內新低之機會似較大。 再從技術上看，大市在沽壓不斷湧現下，恆指目前己正式跌穿由5月10日低位19,178點與8月24日低位19,189點所組成的「小雙底」，單從年圖上看，目前較具防守性之支持據點已退守至3月15日之低位18,235點。 |
Stock , TENCENT , BYD COMPANY , IT |
| 趙晞文 |
2022-09-09T22:31 |
【Now財經台】中糧家佳康(01610)8月生豬出欄量，按月增加6.1%，商品豬均價按月則跌2.5%。 信達國際研究部主管趙晞文表示，發改委早前要求，養殖戶不盲目壓欄，防范豬價過快上漲，相信家佳康亦配合政府政策，加大出欄量，至於公司8月商品豬均價較3月仍高出八成，但股價已回落至三月低位，相信是市場原先預計，豬價會急速上漲，但實際情況出現落差所致，估計股價於2.2元有支持，上望3元左右。 |
SCE CM , COFCO JOYCOME |
| 莊志雄 |
2022-09-09T15:26 |
【Now財經台】美股由上月中反彈，之後係高位碌返落黎，呢兩日好似有些反彈，雖然呢段時間美股表現唔算太差，但始終比唔上金龍指數。不過，日股仍要墊底，歐美日股市一向危機四伏，歐洲通脹、日圓貶值系咪加深左巿場對熊市慨憂慮？ 「股市漁夫」創辦人莊志雄指，美股有約60%巿場參與者認為已步入熊巿，余下40%就認為美股表現仍相對好。不過，睇返數據，美股上月中開始跌返落黎，納指曾經7連跌，FANG指數仲跌得勁過標指，如果巿況好，一些「股王」級股份如蘋果，前晚舉行發布會，正常情況下大巿都會表現亢奮，帶動其他科技股造好，但睇返過去12個交易日，標指明顯跑輸金龍指數，呢個系較特別慨地方。 Lewis又話，美股其中一個受壓原因系強美元，因為美元表現反映巿場流動性較為緊張，係美元強勢呢段時間，美股都系受壓，尤其歐洲加息後，歐元穩定返少少，但仍然係1算水平浮浮沉沉。不過，近期日圓慨情況就令人較為擔心，日圓今年高低位相差30點，過往出現咁大波幅都系一些危險年份，例如2008年雷曼事件，所以… 莊志雄 「股市漁夫」創辦人 |
US Stock , IT , USD , EURO , OCI INTL |
| 梁偉源 |
2022-09-09T14:18 |
【Now財經台】截至早上11時止，1小時內《彭博》用戶關注度上升最多港股，依次為九龍倉集團(00004)、華潤置地(01109)、時代中國控股(01233)、中國海外發展(00688)及紫金礦業(02899)。 九倉本身冇乜特別消息，但集團首席顧問吳光正噚晚發表2000字長文，正正系九倉上榜原因。疫情已持續3年，商界似乎都忍唔住要出聲，吳光正過去鮮有公開發表咁有力慨言論，港股今日夾高，系咪憧憬香港同國際通關？還是純粹夾淡倉？ 大華繼顯執行董事梁偉源指，今日大市升得幾全面，唔同板塊都升得幾好，反而恆指連跌6日後，係中秋長假前有些夾淡倉情況，帶動指數上沖慨機會較大。至於炒通關消息，其實都只系好初步，過去都聽到唔少商界慨意見，指希望盡快通關，保持香港慨競爭力，今次由吳光正呢個重量級人馬發表一篇長文，的確系比較罕見，反映商界對香港通關慨渴求相當大，因而令投資者留意九倉股價。 不過，Steven認為，內地政策暫時未有改變，尤其係「二十大」前通關機會唔大，所以呢些消息都唔會維持太耐。 |
Stock , WHARF HOLDINGS , ZIJIN MINING , CHINA OVERSEAS , CHINA RES LAND |
| 聶振邦 |
2022-09-09T11:26 |
【Now財經台】美股連彈兩日，截至噚晚止，3大指數今個星期暫時累升1.4%至逾2%，有望扭轉連跌3周慨劣勢。不過，德意志銀行最新指，美國經濟有衰退風險，美股可能會係現水平跌25%，美股後市真系咁悲觀？ 華盛證券分析師聶振邦指，美股之前出現調整同聯儲局主席鮑威爾慨言論有關，但睇返呢兩日慨經濟數據都有所降溫，帶動美股造好。佢又相信，係加息周期下，美國經濟數據唔系市場想像中咁差，對美股慨支持亦會大些。 聶Sir又話，投資者可以留意道指係30000點有冇支持，亦要注意標指慨調整幅度會較大，而標指6月慨支持位係3600點水平，即較現水平有約10%下行空間。 聶振邦 華盛證券分析師 |
US Stock |
| 盧志明 |
2022-09-09T10:47 |
【Now財經台】大唐資本投資策略部總監盧志明推介海吉亞醫療(06078) 推介原因： -內地最大腫瘤醫療集團 -早前收購蘇州永鼎醫院、賀州廣濟醫院，繼續以並購模式壯大 -上半年業績尚可， |
HYGEIA HEALTH |
| 林嘉麒 |
2022-09-08T22:31 |
【Now財經台】嗶哩嗶哩(B站)(09626)第二季經調整虧損擴大至19.68億元人民幣，預告第三季收入介乎56-58億元人民幣，遜預期。 元宇證券基金投資總監林嘉麒表示，B站第三季收入指引已算保守，但在宏觀經濟增長放慢之下，亦未必容易達標，不過股價自去年開始，已由高位回落不少，再大跌空間應不大。 |
RMB |
| 植耀輝 |
2022-09-08T18:14 |
【Now財經台】市傳騰訊控股(00700)可能被大戶減持，據噚日中央結算系統(CCASS)數據顯示，有人將1.9億股騰訊股份存入高盛倉位，占已發行股份約2%，雖然唔知道股東身份，但呢批股份按市值計價值約600億元。 騰訊今日一跌到尾，曾低見300.2元，全日跌逾3%，收報301.8元，雖然股價險守300元關口，但耀才證券研究部總監植耀輝就坦言，呢道血肉長城唔會守得住，股東依家只系減持左小部分股份，係日漸萎縮慨大市成交下，相信股東要花更多時間減持，勢必拖低股價，今日港股成交又縮至800億元，其中騰訊成交已占左71.6億元，已占大市成交近9%。 |
Stock , TENCENT , Sachs , IT |
| 文錦輝 |
2022-09-08T17:17 |
【Now財經台】隔晚美元及美債息雙雙回落，金價借勢反彈，一度逼近每盎司1720美元水平，不過，據世界黃金協會最新統計顯示，全球黃金交易所買賣基金(ETF)連續4個月錄得淨流出，系咪反映美元回落刺激金價反彈只系技術調整？ 艾德證券期貨投資策略總監文錦輝指，過往金價幾次落到1680美元後，都可以彈返上去，聯儲局官員表明會繼續加息遏通脹，後市可以先留意環球通脹有冇回落跡象，若通脹持續高企，英國等國家陷入經濟衰退慨機會愈來愈大，一旦出現滯漲，金價就會有支持，不過，投資者係貼近金價低位買入其實冇壞，不過，一旦錯過1700美元水平呢個入手價，下一站睇1735美元樓上。 文錦輝 艾德證券期貨投資策略總監 |
Gold , US Bonds , ETF , USD , HSCEI ETF |
| 王良享 |
2022-09-08T16:16 |
【Now財經台】聯儲局持續加息直接帶動美元近月持續轉強，人民幣兌美元匯價今年已貶值近10%，最近更迫近7算關口。另一方面，內地外匯儲備降至近4年最低水平，應該點解讀呢個情況？ 臻享顧問董事總經理王良享表示，外匯儲備跌咁多好有可能系人民銀行為頂住匯價大手買入人仔，反映人行唔想人仔再貶值。佢又話，中央將於10月中召開「二十大」，相信會上或談及放松現時慨防疫政策，同埋進一步開放資本市場，呢些消息都有助人仔造好。 Tommy又預期，人民幣匯價係「二十大」前或下試1美元兌7至7.05，市場預期，聯儲局12月加息幅度將會細過9月，佢估計，屆時人仔將會走強，重上6.8至6.85水平。 王良享 臻享顧問董事總經理. |
RMB , USD |
| 李偉傑 |
2022-09-08T16:12 |
【Now財經台】東方電氣(01072)暫時6連升，似乎電力設備股比電企更受追捧，起碼唔會受煤價高企影響成本，又有氫儲能概念，而截至下午4時止，成交逾2.4億元，睇返股價走勢及炒作因素，現價仲值唔值博？ 華盛證券經紀部董事李偉傑指，東方電氣做發電機組，係行業中屬上游位置，所以煤炭價格急升對公司影響唔大，睇返今年內地個別地方限電，加快興建風力或核電機組，系一個長遠發展方向，見到最近投資者對上游企業投放熱情高漲左，加上科技股有機會出現互相減持情況，導致東方電氣等較硬淨企業成功吸納資金，加上股份具「儲能」及「氫能」概念，帶挈股價炒上。 |
ChinaElec , IT , Electrical , DONGFANG ELEC |
| 許繹彬 |
2022-09-08T11:24 |
【now.com財經】港股「屋漏兼逢連夜雨」，一直未見有突破性的消息，不斷反覆下試低位，連重要關卡19,300點也失守；那邊廂，久違的俄烏問題，突然再受關注，俄方宣布不會持續供應天然氣予歐洲國家，直至西方解除對俄制裁，全球意識到由俄羅斯一手炮制的歐洲能源危機，定必促使各類能源價格上漲，令市場對歐洲經濟衰退的憂慮大增。 「斷氣危機」對歐洲各國影響深遠，若短期仍未達成協議，相信牽連愈來愈廣，或令歐洲各國用石油來取代天然氣，從而令油價產生波幅，建議可留意中國海洋石油(00883)短炒波幅。 此外，有消息指，俄羅斯向北韓購買數百萬枚炮彈和火箭，此舉明顯是俄國轉向從「遭排斥的國家」獲取軍事物資以作防護；再者，烏克蘭突然要求克里米亞居民准備好防空洞並囤積物資，因為基輔當局正在推進大規模反攻俄羅斯計畫，一向充當世界警察的美國，相信不會默不作聲，俄烏局勢會否再度緊張，連累美股及全球股市，投資者必須時刻緊貼局勢的發展。 國內的經濟持續不振，中國人民銀行不得不再次出招，宣布於9月15日起外匯存款准備金率由現行8%大幅下調至6%，較對上一次下調1厘更重手。 |
Stock , Energy , Oil , PICC P&C , China Real Estate |
| 陳偉明 |
2022-09-08T10:21 |
【now.com財經】美國聯邦儲備局主席鮑威爾及多名聯儲局官員放「鷹」，美元強勢加上內地及本港疫情擴散，拖累港股繼續弱勢，昨天(9月7日)一度跌穿19,000點關，展望後市港股仍然是反彈乏力，預期大約在18,500點至19,500點悶市區間上落。 雖然中美就審計監管達成協議，中概股在美退市風險大減，但美國對中國的打壓繼續，上周尾段已要求停止向中國出口用於人工智能(AI)運算的高端芯片，並且延長對中國進口商品繼續征收懲罰性關稅，預期中美緊張關系將會持續好長的一段時間，某程度上會阻礙中港股市升勢。 另一方面，美國近期通脹似是有回落跡象，但仍然在高位徘徊，聯儲局要把通脹壓至目標2%相信仍有好長一段時間，而鮑威爾在全球央行行長年會中已表明以壓抑高通脹為聯儲局的首要任務，某程度上亦暗示即使美國經濟放緩、甚至衰退，亦必須先把通脹壓下來，加上為應付未來美國中期選舉，相信拜登政府亦希望短期先將加息預期推升，在未來再放緩加息步伐爭取選票，因此筆者估計美國9月加息0.75厘的機會頗大，而香港到時亦應該會上調最優惠利率(Prime Rate)而對港股構成壓力。 |
Money Supply , Stock , HSBC HOLDINGS , LINGYI ITECH , USD |