| Commentator |
Time |
Content |
Tag |
| 植耀輝 |
2022-09-30T22:40 |
【Now財經台】郵儲銀行(01658)遭李嘉誠基金會減持，根據權益披露顯示，其持股占H股比例，由六月底的11.42%降至10.99%。 耀才證券研究部總監植耀輝表示，李嘉誠基金會累計減持逾8000萬股郵儲銀行，可能純粹是基於資產組合調整，不過，內銀下半年的盈利能力，以及資產質素備受市場關注，再加上減持消息，相信郵儲行股價會受壓。 |
Trades , China Banks , PSBC |
| 黃敏碩 |
2022-09-30T16:06 |
【Now財經台】汽車板塊今日跑輸大巿，其實近排好多品牌都有新車發布及推出市場，例如噚日首掛慨零跑汽車(09863)就有新車C01上巿，長城汽車(02333)亦有新一代新能源車，呢些車企系咪都睇中「十.一」黃金周長假，諗住趁機谷銷情？ 寶鉅證券董事及首席投資總監黃敏碩指，策略上，汽車品牌都會趁國慶假期谷銷量，希望係第4季為全年盈利作最後沖刺，例如小鵬汽車(09868)今年首3季都冇乜大動作，反而上星期先推出重點產品，正正系要把握呢個黃金時機。佢又話，投資者可以留意汽車股承唔承接到7月、8月慨銷售優勢。 |
Energy , Gold , GWMOTOR , Auto , New Energy |
| 關焯照 |
2022-09-30T14:51 |
【Now財經台】恆指係9月最後一個交易日唔上唔落，都系擺脫唔到近期慨劣勢，大市今朝平開後，走勢反覆，一度下試17000點關口，依家巿場氣氛差，信心又薄弱，跌穿17000關只系遲早問題？睇返3月大跌巿那浸，當時恆指累跌逾20%，如果睇返技術分析，今輪跌浪有冇機會連15000點都守唔住？ 冠域商業及經濟研究中心主任關焯照指，恆指絕對有機會插穿15000點，睇返3月時慨跌巿因素，當時一度跌穿長期上升軌，亦係橫行區急插落黎，如果跟返同樣操作，呢浸由橫行區間19300點插20%，就會落到15000點水平。 關博士估計，恆指要跌到15000點至15500點先會停，如果大市急插可以考慮博反彈。 關焯照 冠域商業及經濟研究中心主任 |
Stock |
| 梁偉源 |
2022-09-30T12:50 |
【Now財經台】截至早上11時止，1小時內《彭博》用戶關注度上升最多港股，依次為李寧(02331)、九毛九(09922)、安踏體育(02020)、新世界發展(00017)及中國宏橋(01378)。 今日有2只體育用品股上榜，相信同NIKE季度業績差過預期有關。受運費及匯率波動等因素影響，NIKE首季毛利率僅44.3%，另外北美庫存大升65%。 安踏、李寧今日比大市跌得更急，一度跌6%及8%，之後跌幅收窄，半日跌3%及4%，2只股份今年累跌約27%，其實同恆指表現差唔多。 大華繼顯執行董事梁偉源認為，今朝安踏、李寧系跌過龍，又指Nike係中國市場銷售下跌，更多系同公司本身有關，因國產品牌近月銷售數字都有得升。Steven補充，現時內地經濟唔好，加上人民幣弱勢，消費者買外國品牌唔著數，反而利好國產品牌銷售，認為唔需要睇得太淡。 |
Stock , RMB , NEW WORLD DEV , ANTA SPORTS , LI NING |
| 聶振邦 |
2022-09-30T11:24 |
【Now財經台】近日央行出手干預、救市成為金融市場慨主題，其中以英倫銀行周三起入市買長債至10月中，帶動英鎊係周一見歷史新低後連彈3日，今朝亞洲交易時段早段更一度重上1.12水平。 不過，英倫銀行一邊加息，一邊緊急買債救市慨操作，其實非常矛盾。綜合外電報道，原來央行系為左挽救投資左1萬億英鎊英國國債慨英國退休基金，呢只基金利用負債驅動投資(LDI)慨對沖策略，買入國債後拎出市場做抵押品，然後再集資。自上周五新政府宣布迷你預算後，被用作抵押品慨國債價格急跌，於是基金就被追孖展，係呢個情況下，英鎊仲會唔會繼續彈？ 華盛證券分析師聶振邦認為，英倫銀行慨舉動系避免投資者對退休基金失去信心，繼而引爆贖回潮，繼而令退休制度土崩瓦解，不過，新政府要到11月先公布財政預算及發債規模，市場好難估計央行究竟會接幾多貨，以抵銷發債影響，佢估計，短期內債價仍有下行風險，意味債息仍有機會上升，未必化解到退休基金面臨慨「雷曼時刻」。 聶Sir又預期，英鎊10月將會靠穩，但當美國聯儲局11月再加息，加上英國新政府推出大規模減稅方案，相信會令英國通脹升溫，到時英鎊會有貶值壓力。 聶振邦 華盛證券分析師 |
US Bonds , GBP |
| 彭偉新 |
2022-09-30T09:35 |
【Now財經台】資深證券分析師彭偉新推介兗煤澳大利亞(03668) 推介原因： - 歐盟禁由俄羅斯進口煤炭，歐洲缺煤情況不會短期內能解決 - 集團之前無法把澳洲煤炭進口中國，令估值明顯落後 - 歐洲對煤炭需求在冬季進一步提高， |
YANCOAL AUS |
| 羅明立 |
2022-09-29T18:26 |
【Now財經台】歐洲央行行長拉加德早前表示，歐洲央行將會加息遏通脹，不過，市場有聲音認為，加息會增加歐洲經濟衰退機會，到底加息可唔可以幫歐元「集氣」？ 亨達集團助理總經理羅明立指，美國同歐洲最大分別在於前者經濟數據尚可，但後者就較差，加上經合組織調低歐元區經濟增長預測，若歐央行跟隨美國加息步伐，歐洲經濟會承受唔到，加上冬天就到，歐洲能源需求會更大，都會對經濟構成負擔。佢又認為，現時歐元係0.98至0.99阻力頗大，而0.95會有支持。 羅明立 亨達集團助理總經理 |
Energy , EURO , CINDA INTL HLDG |
| 植耀輝 |
2022-09-29T16:39 |
【Now財經台】飛天雲動(06610)今日開始招股，集資規模近8億元，入場費約2900元，主要在內地提供AR/VR內容及服務，被內媒形容系「元宇宙第1股」，雖然業務係本港市場較獨特，但系咪可以靠住元宇宙概念就吸引到好多散戶認購？ 耀才證券研究部總監植耀輝指，以往投資者對科技股趨之若鶩時，相關概念股的確吃香，元宇宙、AR/VR等概念更令人眼前一亮，但近期撞正科技指數創新低，令科技股吸引力大打折扣，亦唔難發現其實近期元宇宙熱度低左，似乎飛天雲動揀錯招股時機。至於公司前景方面，Stanley認為，其實公司業務概念唔差，但系... 植耀輝 耀才證券研究部總監 |
IPO , IT , IPO |
| 許繹彬 |
2022-09-29T11:32 |
【now.com財經】港股第三季下跌超過4,000點，跌幅冠絕全球，除美匯長期高企增添不明朗因素外，真正元凶或是人民幣持續疲弱，導致國內資產不斷萎縮，從而令北水出現「制水」，加上臨近季結的緣故，在迫不得已的情況下，唯有沽出股票，先行套現作抵銷資產的貶值。 筆者預期，港股或在結算日出現「死貓彈」的現象，投資者現階段應多留意匯率市場的走勢，再部署入市；踏入十月仍屬傳統股災月，盡管香港股票市場本季災難已成，但美股仍徘徊於30,000點邊緣，若不利消息繼續沖擊，股災月應驗並非無可能。 第三季全球股市，均可用不斷下沉來形容，導致出現此慘況，絕大部份歸咎於美國不斷加息，衍生「攬炒」後遺症，呈現「股，樓，匯，商品，債」五殺的現象。在美國持續加息潮下，股債在上兩季已直接或間接受到沖擊，與美元掛勾的債券早已風起雲湧，股市雖有所調整，但仍有上落，港股上半年仍能穩守20,000點水平，情況未算最壞。但萬料不到，第三季情況大逆轉，股票市場成為被襲擊的對象，港股反覆向下，連18,000點亦失守，時光倒流到12年前的水平，情況令人憂慮。 |
RMB , US Bonds , HK Cap Flow , Stock , CKH HOLDINGS |
| 陳偉明 |
2022-09-29T10:35 |
【now.com財經】還記得三個月前，當港股6月仍在22,000點之上的時候，市場憧憬美國通脹見頂、加息步伐放慢，港股不但已在今年3月18,235點見全年低位，而且大有機會在內地疫情回穩、重啟經濟活動及中央不斷出招維穩下向上突破22,500點關，甚麼兩萬三、兩萬四、兩萬五的年內目標不絕於耳。 隨後美國公布5月通脹數據續創40年新高，聯儲局隨即在6月尾宣布加息0.75厘，明顯地在高通脹及加息收水環境下，環球股市難有運行，美元續強亦拖累港股反覆回落，但當時港股估值便宜成為大部分投資者拒絕認錯的藉口，不相信港股趨勢已轉向下，只認為下跌空間有限，不斷死守，不知不覺間美國已在上周連續第三次加息0.75厘到3至3.35厘區間，聯儲局主席鮑威爾亦似乎開始轉軑接受美國有機會衰退，香港亦忍唔住開始加息，港股亦在美元強、人仔弱的拖累下跌穿今年3月低位，於昨日(28日)再創年來新低17,184點，筆者過往不斷提醒的反覆候高造淡策略，及上周的博爆邊策略繼續帶領大家在逆市中賺錢。 認真看，其實港股不止創年內新低，而且更創11年低位，開始已經有聲音預告港股有機會下試11年10月歐債危機低位16,170點。 |
Stock , Oil , CNOOC , USD , US Stock |
| 阮子曦 |
2022-09-29T09:36 |
【Now財經台】中國通海證券投資策略聯席總監阮子曦推介中國中免(01880) 推介原因： -海口國際免稅城下月開幕，料進一步推高收入增長 -國內旅游逐漸復蘇， |
EVERCHINA INT'L , CTG DUTY-FREE |
| 羅尚沛 |
2022-09-28T23:32 |
【Now財經台】長實集團(01113)打包出售半山豪宅波老道21號項目，貨尾152個單位，及逾200個車位，作價207.66億元。 銀河證券業務發展董事羅尚沛表示，長實這次出售的尺價僅6.2萬元，遠低於該樓盤近月一手成交尺價，反映長實不看好未來數年本港豪宅，以至整體地產市道，寧願以折讓價，一次過出售逾百伙單位，盡快套現。 |
Real Estate , hk real estate , Real Estate , CKH HOLDINGS , CK ASSET |
| 聶振邦 |
2022-09-28T16:32 |
【Now財經台】內地電動車制造商零跑汽車(09863)聽日首掛，招股反應冷淡，公開招股認購率得16%，最終以下限48元定價。 華盛證券分析師聶振邦指，公開招股未獲認購慨股份，會撥到大戶參與慨國際配售部分，而20大持股人士獲配慨股份，合共占街貨量91.51%，貨源極度集中，因此，大戶有極強慨控價能力，有助零跑聽日首掛可企穩係上市價48元水平。 不過，聶Sir補充，零跑上市首日「破發」機會唔大，因為上市前股東慨持股唔少系設有半年禁售期。 聶Sir建議有貨慨投資者，如果零跑暗盤價比上市價高8%至10%，可以等聽日先沽貨賺差價，相反，如果暗盤最終低過IPO價，但上市頭2至3日可以企穩係46元樓上，可以持貨觀望，等升上50至52元再沽貨離場。 聶振邦 華盛證券分析師 |
IPO , IPO |
| 陳錦興 |
2022-09-28T16:32 |
【Now財經台】中國中免(01880)今日大部分時間有得升，同「十．一」黃金周有冇關？內地疫情反覆，早前北京要求居民國慶假期「就地過節、減少出京」，集團193間店鋪中，有30%系機場免稅店，系咪內地一日未通關，日均客流量都唔可能大幅回升？還是憧憬陸路邊境及火車站等免稅店流量可以帶動生意額及人流？ 英皇證券研究部總監陳錦興指，憧憬黃金周只系短線因素，歸根究底近排成個市場氣氛都好差，投資者都搵唔到炒作新主題。其實今個星期黃金周相關股都算跑蠃，中免本身都有獨特慨賣點，包括近乎壟斷慨地位、完整慨產品覆蓋面、強大網絡。 Stanley估計，中免股價未來或較為反覆，因為依家主要靠離島免稅業務去撐住，未來要再仔細留意業務發展，尤其系內地通關因素。 |
Gold , EMPEROR CAPITAL , EVERCHINA INT'L , CTG DUTY-FREE |
| 譚智樂 |
2022-09-28T14:32 |
【Now財經台】截至早上11時止，1小時內《彭博》用戶關注度上升最多港股，依次為旭輝控股(00884)、吉利汽車(00175)、長江基建集團(01038)、創科實業(00669)及中電控股(00002)。 據內媒報道，旭輝董事局係內部信件中表示，雖然集團帳面有逾300億人仔現金，但因為政府收緊監管資金提取而用唔到，加上市傳旗下1家天津公司未有如期還債，旭輝今日「股債雙殺」，股價插穿1元，曾低見0.93元，半日急瀉近26%，報0.94元，而1只2024年到期美元債更錄得有紀錄以來最大跌幅。內房債危機仲未見出路，旭輝市值得返約85億元，股價系咪都危危乎？ 獨立股評人譚智樂指，就算系跌幅冇咁多慨內房股，都仲有下跌空間，而旭輝股價短短個幾星期由2元跌至唔夠1元，如果小股東楂左好耐，依家唔應該溝貨，反而系時候考慮減持。 Arnold又話，即使現時內地多個城市陸續放寬樓市限購令，但經濟疲弱令剛性需求減少，估計賣樓收入會繼續減少，而唔少內房趁2018年當局收緊樓市監管時，逆市發債擴張，又有好多表外負債，依家經濟下行，加上到期還債，呢場內房債務危機就逐漸浮面。 |
CLP HOLDINGS , GEELY AUTO , Stock , China Real Estate , TECHTRONIC IND |
| 王良享 |
2022-09-28T11:20 |
【Now財經台】中共「二十大」將於10月16日召開，《路透》噚日報道，內地監管機構要求上海及深圳慨基金經理、券商係「二十大」前避免大規模拋售股票，維穩股市。過往每逢有重要會議召開，好多時都有維穩行情，點睇今次慨情況？ 臻享顧問董事總經理王良享指，係環球股市大吹淡風下，內地監管機構有機會針對太高槓桿慨活動進行監察，但講到明想維穩慨機會唔大，原因系美國年底前仲有兩次議息會議，上星期慨議息結果市場都唔太滿意，代表美國可能仲會加息1.25厘，甚至更多，因此，依家托高個市其實作用唔大，相信等到美國加完息，12月先出手托市慨機會較大。 王良享 臻享顧問董事總經理. |
|
| 文錦輝 |
2022-09-28T11:13 |
【Now財經台】隨著美國聯儲局今個月再加息0.75厘，拖累美股3大指數全部步入熊市，6月以來慨反彈浪升幅已全數蒸發，自高位回調21%至33%。美股仲有3個交易日就到雙重結算，展望第4季，系咪要進一步尋底？ 艾德證券期貨投資策略總監文錦輝指，暫時睇唔到美股有止跌跡象，而美國經濟下季好大機會陷入衰退，好多投資銀行都出報告，建議投資者減磅轉楂現金。佢又指，美股正式步入熊市，好多散戶會趁技術反彈沽貨套現，機構投資者同對沖基金又趁機造淡，加上投資者寧願將資金泊去美元，係欠缺新資金下，估計美股下季會繼續尋底。 港股方面，噚日市傳中央要求金融機構係「二十大」前要維穩股市，A股噚日收市全線造好，但港股只系尾市掉頭，收市僅微升5點。Felix認為，港股跌穿18000點後已不宜沾手，又話距離下個支持位15000點仲有好大下跌空間，建議等「二十大」完結，恆指上返18200點先考慮撈底。 文錦輝 艾德證券期貨投資策略總監 |
Stock , USD , US Stock |
| 郭家耀 |
2022-09-28T09:32 |
【Now財經台】安里資產管理董事總經理郭家耀推介豐盛生活服務(00331) 推介原因： - 業務表現穩定，在經濟下行周期顯韌性 - 派息水平理想，股息率8厘左右 建議買入價：5.2元 目標價：6元 止蝕價：4.7元 郭家耀 安理資產管理有限公司董事總經理 相關股票 編號 名稱 00331 豐盛生活服務 相關文章 【醒晨推介】郭家耀推介豐盛生活 2022/03/02 09:33 【醒晨推介】郭家耀推介豐盛服務 2021/03/03 10:36 【醒晨推介】郭家耀推介豐盛服務 2020/09/30 11:23 |
FSE LIFESTYLE |
| 陳欣 |
2022-09-27T16:37 |
【Now財經台】英鎊日前出現恐慌性拋售後，終於出現反彈，一度上返1.09，最新係1.08水平徘徊，系咪代表英鎊已見底，還是彈完之後會再跌過？ 資深外匯分析師陳欣指，依家市場明顯對英鎊冇信心，不論英鎊基本面或英國經濟都系麻麻地，英倫銀行亦預期當地經濟第4季會步入衰退。此外，新政府推出50年以來最激進慨減稅方案，即時震驚市場，因為涉及大舉發債，見到孳息率升但英鎊跌，反映市場冇信心之余，亦有資金流出，或令英國赤字進一步惡化。 Chase又話，係欠缺基本面支持下，唔排除英鎊只系技術反彈，如果短期上唔返1.15，可能掉頭跌到之前低位，所以未係時候撈底。 陳欣 樂天證券香港銷售總監 |
GBP , Capital Flow |
| 李偉傑 |
2022-09-27T15:48 |
【Now財經台】世界銀行月中已率先警告，隨著各國央行大手加息遏通脹，明年全球經濟恐步入衰退，如果單睇美股、港股主要指數，以至非美貨幣，年至今已累跌逾20%，系咪已率先反映左衰退風險？ 華盛證券經紀部董事李偉傑指，雖然衰退風險未完全反映，但睇返港股走勢已反映左唔少，依家比較特別系資源重倉慨俄羅斯、糧食重倉慨烏克蘭都有地緣政治因素，導致環球通脹升至一個較高水平，導致央行要大手加息遏通脹，係加息仲未見到盡頭下，各國有機會引發債務問題。 Jason又話，美股未完全反映衰退因素，但港股已先跌左落去，因此，係港股短期已經超買下，加上6月伸延落黎慨下降通道底部，都有足夠條件出現技術反彈，不過，唔排除反彈後會再跌過。 李偉傑 獨立股評人 |
US Bonds , Stock , US Stock , Resources |
| 彭偉新 |
2022-09-27T12:48 |
【Now財經台】截至早上11時止，1小時內《彭博》用戶關注度上升最多港股，依次為百威亞太(01876)，東亞銀行(00023)，新奧能源(02688)，永利澳門(01128)，建設銀行(00939)。 百威將於下月底出業績，麥格理指，集團韓國業務強勁復蘇，估計可帶動售價，有助抵銷部分內地市場轉弱影響，但南韓圜系今年亞太區表現第2差貨幣，匯率對百威有咩影響？ 資深證券分析師彭偉新指，匯率對百威慨影響系相對大，因為以業務分散度黎睇，雖然之前公司受惠於整體業績，加上匯兌盈利，可以話系錦上添花，但以國際化業務為主慨公司黎講，最大慨風險仍然系匯兌問題，尤其依家美元持續強勢，匯兌影響將會係第3、第4季業績反映，因此，會見到個別大行下調百威目標價。 Castor又話，如果見到有券商維持百威評級，但下調目標價，意味佢地睇淡公司股價，亦系百威股價下跌慨主因。 |
BANK OF E ASIA , USD , Stock , Energy , CCB |
| 盧志威 |
2022-09-27T11:39 |
【Now財經台】市場噚日開始猜測英倫銀行會緊急加息，一度帶動英鎊回升，雖然之後英倫銀行行長貝利發聲明，試圖安撫市場，指會就英鎊貶值進行全面評估，並會毫不猶豫地采取相應行動，但市場似乎唔太受落，英鎊再遭拋售，英鎊未來會點走？ 潤淼資產管理董事盧志威指，英鎊依家成個走勢有小小過度反應，今次呢個半世紀以來，最大規模減稅計劃的確系出乎市場預期，低稅率的確有助刺激經濟，因為歐美唔少稅項都較重，為左吸引富裕人士去英國，呢個措施系無可厚非，中長期而言，亦會對英國經濟有正面影響，但市場依家聚焦匯率，主要系美元近期強勢，導致匯率波動性較大。 William又話，英鎊應差唔多見底，短期有機會反彈，而匯市場短期亦應該開始回穩。 盧志威 潤淼資產管理董事 |
GBP , USD |
| 黃偉豪 |
2022-09-27T11:21 |
【Now財經台】受英鎊急挫拖累，匯豐控股(00005)多個技術指標隨即轉弱，仲跌穿之前慨橫行格局，依家值唔值得博反彈？有匯控CALL輪價外20%，明年3月到期，槓桿8倍至10倍，有匯控牛證距離收回價10%，槓桿逾7倍，應該點揀好？ 中薇證券研究部執行董事黃偉豪指，CALL輪及牛證條款都可以，後者收回水平都唔算太貼，前者明年先到期亦唔算短身，所以博好倉兩者都可以考慮，反而要諗下系咪要博好倉反彈，雖然匯控股價噚日跌得好急，今朝曾經有少少反彈，但大市持續向下，股價再轉弱，反映股份個底偏弱，彈力亦唔太強，而近日主要受英鎊急挫拖累，除非英鎊顯著反彈，否則，呢些英國業務比重唔少慨股份都會較差。 |
HSBC HOLDINGS , HSBC , GBP |
| 梁偉民 |
2022-09-27T10:54 |
【Now財經台】美國聯儲局上星期議息後，美股市況急速轉差，截至噚晚為止，已連跌5個交易日，3大指數技術上已「見熊」，睇返投資市場慨情況，股市投降式下跌，債息抽高，商品價格轉弱，其中債息扯高系咪主要反映加息預期，還是經濟衰退？此外，摩根士丹利首席策略師Michael Wilson估計，美元每升1%，每股盈利慨影響約0.5%，似乎反映美元持續強勢不利美股。 高富金融集團投資總監梁偉民指，美國加息預期已經反映曬係債息上，但聯儲局未來加息到底有幾進取，最終都系睇通脹，但睇返市場依家慨情況，似乎有過分緊張之嫌，近期商品及能源價格都回落左，相信呢些因素會逐步滲透落去通脹數據，繼而令通脹見頂回落。 美股方面，Wyman坦言，美元太強系不利美股，因為唔少上市公司慨收益都系來自海外，因此，當呢些收益折算為美元時就會縮水，會直接影響盈利增長，不過，睇返美股今年慨走勢，美元唔系影響大市最主要因素，而系聯儲局加息步伐，美股今年一度反彈，原因正正系市場預期局方會放慢加息步伐，甚至停止加息，依家美股再跌過，亦系受加息因素拖累，佢估計，如果情況持續，美股將持續受壓。 梁偉民 高富金融集團投資總監 |
Energy , USD , US Stock , IPO , IPO |
| 梁振輝 |
2022-09-27T10:30 |
【now.com財經】美聯儲上周又邁出決定性的一步，透過調升利率預期以表明其對抗通脹的決心。由於未來幾個月加息有機會大幅上升，我們將美國經濟在未來12個月內陷入衰退的可能性提高到75%，正如我們近月指出，衰退造成的短期影響甚大，我們預計10年期美國政府債券收益率在年底將上升至4%，2年期收益率將升至4.5%以上，美元亦會進一步走強，導致股市進一步下跌。 美聯儲連續第三次上調利率75個基點後，預計今年剩下的兩次會議將合共上調125個基點，並在明年再上調25個基點，令息率升至4.75%的高位。美聯儲19位政策制定者中，近三分之一取態偏向強硬「鷹派」，預計明年所謂的「最終」利率將達到5%。美聯儲在會議後發出主要訊息，願意犧牲增長來為美國就業市場降溫，並接受高於4%長期目標的失業率，以便持續地將通脹率降至2%的目標。 在新聞發布會上，主席鮑威爾提出了暫停或放慢加息速度的三個條件，包括：低於趨勢的增長、勞動力市場疲軟以及明顯的證據表明通貨膨脹正在回到2%。根據最新預測，雖然預計到2024年，經濟增長率仍將低於趨勢水平，這預示著利率會更長時間地上升。 |
Oil , US Bonds , USD , EURO , MIDLAND HOLDING |
| 黃敏碩 |
2022-09-27T10:24 |
【Now財經台】寶鉅證券董事及首席投資總監黃敏碩推介攜程集團(00961) 推介原因: -次季業績虧轉盈，受惠本地游及酒店預定量迅速反彈 -旅游業逐步復蘇，亞太地區旅游活動回暖，旅游限制放寬加快 -營運效率提升，審慎控制成本 建議買入價：208元 目標價：230元 止蝕價：195元 黃敏碩 寶鉅證券董事及首席投資總監 |
Earnings |
| 趙晞文 |
2022-09-26T23:44 |
【Now財經台】權益披露顯示，贛鋒鋰業(01772)遭上市時基石投資者三星SDI減持股權，沽出逾1600萬股，套現逾10億元。 信達國際研究部主管趙晞文表示，贛鋒與三星SDI同屬鋰電產業鏈，相信三星SDI減持，是基於自身資金需要，而並非看淡鋰價前景，而事實上，他預期明年鋰價會在現水平橫行，難以大幅下跌，即使會有新供應釋放，但電動車對鋰電的需求，可完全消化新增供應。 |
Trades , IPO , IPO , GANFENGLITHIUM |
| 阮子曦 |
2022-09-26T22:58 |
【Now財經台】理想汽車(02015)調低第三季車輛交付量指引至2.55萬輛，理由是受供應鏈限制。 中國通海證券投資策略聯席董事阮子曦表示，內地不少新能源車廠商，近期確實面對個別零部件供應短缺，相信不是理想汽車自身問題，不過行業競爭事實上越來越激烈，市場亦正寄望，公司即將推出的L8型號，能夠刺激第四季銷情，而理想股價向來比較波動，目前水平仍算值博。 |
Energy , New Energy |
| 林嘉麒 |
2022-09-26T16:56 |
【Now財經台】藥明生物(02269)開市前出通告，話計劃斥資最多3億美元回購股份，折合逾23億港元，如果以今日暫時即市高位約49元計，即涉及逾4700萬股，占已發行股本比例好小，今次回購似乎唔夠誠意。 元宇證券投資總監林嘉麒話，如果用回購金額計，規模當然唔系好大，但就釋出兩個訊號，首先系公司考慮回購，即價值可能浮現，亦系股價回穩慨訊號，其次系公司一旦出手回購，「空軍」就會即刻收斂，雖然回購金額唔大，但短線「空軍」會減少或停倉，對藥明股價都會有些幫助。 KK又話，依家藥明慨市盈率(PE)及帳面值都算貴，因此，估計公司未必會咁快出手，依家可以視為先「出口術」，而「空軍」之後系咪會收手先系重點，估計藥明會睇住市場反應，再決定幾時出手，如果股價守唔住40元關口，基本面就出現好大問題。 |
USD , Bio , Expo , WUXI BIO |
| 梁傑文 |
2022-09-26T15:44 |
【Now財經台】疫情對食肆影響好大，主要經營拉面店「豚王」慨創業板股份賞之味(08096)，計劃按「2供5」比供股集資，供股價0.3元，較上周五收市價折讓約14%，集資最多逾4000萬元，事實上，集團業績都唔系咁好，公司係香港、內地及澳門都有拉面店，系咪經營上已經去到水深火熱慨地步，因為融資難唯有向小股東「伸手」？ 《香港股票財技密碼》作者梁傑文話，雖然依家逐步通關，但好難估計明年會唔會再有新一波疫情，要再收緊防疫措施，雖然防疫措施會影響餐飲業，但應該對中式酒樓影響較大，拉面店似乎冇直接影響，只要市民多些外出消費，集團營業額有望逐漸復常，依家未至於去到水深火熱慨地步，雖然公司近幾年虧損擴大，但負債水平好低，問題系流動資金已用得七七八八，想維持營運狀況無可避免要向小股東「伸手」。 |
HK Cap Flow , Stock , Earnings , Capital Flow , TASTY CONCEPTS |
| 郭思治 |
2022-09-26T10:30 |
【now.com財經】美國聯儲局在議息後宣布加息0.75厘，即聯邦基金利率已上調至3至3.25厘，由於通脹仍然高企在8.3%，故聯儲局主席表示為壓抑通脹將會進一步加息至4厘以上，受言論所影響，美股卒大幅急挫，道瓊斯工業平均指數自8月16日高位34,281點開始之回落，於上周五(9月23日)終跌穿6月17日之低位29,653點，且道指於日中更一度低見29,250點，單從技術上看，新一輪跌浪似已經開始。 值得留意的是，由於29,653點之支持已失，即表示道指自今年1月5日之歷史高位36,952點開始之跌浪，技術上已開始呈浪低於浪之格局，即是說，熊影已漸現，至於納斯達克指數，目前較關鍵的支持為6月16日之低位10,565點，惟一旦此據點有失，即表示自去年11月22日之歷史高位16,212點開始之回落，技術上已開始呈浪低於浪之弱態，同樣是熊影漸現。 |
Stock , US Stock |
| 陳錦興 |
2022-09-26T10:30 |
【Now財經台】英皇證券研究部總監陳錦興推介中國電信(00728) 推介原因： –傳統業務穩，雲業務增長快速 –盈利、派息能見度高 –估值不貴， |
EMPEROR CAPITAL , CHINA TELECOM |
| 李浩然 |
2022-09-26T10:08 |
【now.com財經】今年以來，標准普爾500指數單日下跌3%或更差有九次，單日跌幅2%或更差的有17次。反之，只有16個不同交易日上漲了2%或更多。無疑，美股今年的表現十分坎坷，而沒有太過留心美股的讀者可能仍會追問到底有多顛簸？標指在今年初創下歷史新高後，到3月初就下挫了12%，接著從3月底又反彈11%。在短暫的復蘇之後，到6月中旬大跌了20%；而6月中旬仍然是這個熊市的低點（以收市價計），但到8月中旬又出現反彈，股市飆升了17%。其後，上個月出現了-9%、+5%的波動，到現時又下瀉了逾10%。 參考基金經理Ben Carlson在最近文章整理自第二次世界大戰以來的12次美股熊市的表現可見，平均的回落幅度達到32.7%。當前，標普500指數下跌了20%以上、羅素2000指數下跌近30%、納斯達克100指數下跌超過 30％。換句話說，目前的股市表現與過去並沒有更差。 從宏觀的大局來看，通脹率達到40年來的最高點，利率正以歷史上最快的速度上升，聯儲局正在積極支持股市和房地產市場出現崩盤，並正試圖策劃一場衰退去阻止通脹進一步升溫。 |
US Stock , Real Estate , Real Estate |
| 阮子曦 |
2022-09-23T16:47 |
【Now財經台】時代電氣(03898)股價今日逆市造好，公司噚日宣布透過中車時代半導體，投資兩個中低壓功率器件(IGBT)項目，包括新能源汽車及發電，涉資逾100億人仔，時代電氣呢個舉動系咪食正新興裝備熱潮，令公司業務更具增長動力？ 中國通海證券投資策略聯席總監阮子曦指，由資本開支去睇，超過100億人仔慨產能擴展屬於大投資，而消息公布後巿場反應都幾正面，公司業務及股價都可以受惠。內地基建放緩後，時代電氣慨軌道項目業績亦受拖累，進入新能源領域後，獲得雷諾汽車等外國生產商認證，可以給予估值肯定。 |
Energy , New Energy Vehicles , SUN HING VISION , TIMES ELECTRIC , New Energy |
| 陳建良 |
2022-09-23T16:14 |
【Now財經台】美國通脹維持高企，聯儲局就不斷加息，希望遏制通脹，主席鮑威爾更直言，不惜犧牲經濟都要繼續加息遏通脹，不過，去到依家似乎仲系遏唔到通脹。 勝利瑞柏基金管理合伙人暨投資總監陳建良指，依家聯儲局因為仲未遏制到通脹而繼續加息，而今年系加息加得最急慨一年。根據通脹馬力，聯邦基金率應高於通脹預期2厘，同埋要維持兩年先可以遏制通脹。現時美國通脹屬於結構性通脹，而非需求性通脹，如果美息維持係4厘至6厘，會對能源及金融業有負面影響，睇返美國10年期債券下跌幅度，今年債價跌左約17%，系歷年最多，即代表加息加得好快，令金融機構係穩定資產及負債之間更難取得平衡。 KL又話，負財富效應可以遏制通脹，但係需求急跌下，可能會出現金融黑洞，更唔排除會係11月出現，因此，未來要密切留意市場情況。 陳建良 勝利瑞柏基金管理合伙人暨投資總監 |
US Bonds , Energy |
| 梁偉源 |
2022-09-23T13:04 |
【Now財經台】截至早上11時止，1小時內《彭博》用戶關注度上升最多港股，依次為中國石油化工(00386)、中國石油股份(00857)、中國移動(00941)、中銀香港(02388)、中國電信(00728)。 中石化早前宣布擬斥資最多25億人仔回購A股，集團噚日亦回購逾1500萬股H股，3.43至3.46元，涉資逾5200萬元，相比一些合作計劃，回購消息系咪更值得憧憬？ 大華繼顯執行董事梁偉源指，近期騰訊控股(00700)及比亞迪股份(01211)大股東都有減持計劃，投資者聽到大股東減持消息都即刻避開呢些股份，相反，係市況疲弱下，如果一些公司有明確回購計劃，投資者會認為買入呢些股份風險相對低，而股價下行壓力亦會較細，因此，預期中石化股價未來會繼續跑贏大市。 |
BOC HONG KONG , Oil , Trades , Stock , SINOPEC CORP |
| 聶振邦 |
2022-09-23T11:07 |
【Now財經台】美股3大指數今年跌幅介乎17%至29%，由於債息持續飆升，對科技股慨估值造成好大影響，標普500資訊科技類指數(SPLRCT)今年已累跌近28%，標指同期就累跌21%，根據最新點陣圖顯示，聯儲局未來兩次議息會議，即11月及12月如無意外都要繼續加息，嘁債息不斷扯高下，科技股係今年余下時間系咪都好難有轉機？ 華盛證券分析師聶振邦指，投資者都要有心理准備，美國科技股慨下行壓力的確較大，因為科技股融資需求比傳統股大好多，而加息步伐未有放慢減跡象，科技企業會面對融資挑戰。聶Sir又話，當美國經濟壓力較大時，科技股慨營業額會有下行壓力，但另一方面融資成本上升，一旦處理唔到呢個情況，科技股有機會面對虧損慨狀況。 聶振邦 華盛證券分析師 |
US Bonds , US Stock , IT |
| 盧志明 |
2022-09-23T10:01 |
【Now財經台】大唐資本投資策略部總監盧志明推介國泰航空(00293) 推介原因： -傳下周公布取消強制酒店隔離安排，較傾向「0+7」方案 -上月載客人次按年升87%，首八個月升1.33倍 -擬下季開設首間零售概念店， |
CATHAY PAC AIR |
| 林嘉麒 |
2022-09-22T22:30 |
【Now財經台】海底撈(06862)四名執董一並請辭，公司表示，精簡董事會結構，可提升決策效率。 元宇證券基金投資總監林嘉麒表示，雖然海底撈請辭的四名執董，去年8月才獲任命，但辭職未必代表公司精簡門店的計劃出問題，不過即使公司下半年業績，成功扭虧為盈，目前估值仍偏貴。 |
Earnings , HAIDILAO |
| 植耀輝 |
2022-09-22T16:40 |
【Now財經台】化肥同農作物息息相關，俄烏開戰後，市場先驚覺原來兩國占全球小麥及玉米供應好大比重，擔心影響農作物供應，化肥股即被炒高，睇返中國心連心化肥(01866)走勢，開戰初期的確好搶眼，系咪代表呢只股份有一定勝算？ 耀才證券研究部總監植耀輝指，睇返心連心化肥早前公布慨業績，由於原材料價格如煤炭等上升，導致毛利率受影響，農民因原材料太貴，唔願意出售農作物，股份亦跟隨大市回調，反映公司未必真系有好大勝算，Stanley建議未買入慨投資者，再觀望一段時間。 |
CHINA XLX FERT |
| 王良享 |
2022-09-22T15:57 |
【Now財經台】聯儲局自8月全球央行年會後，決意不惜犧牲經濟都要加息遏通脹，聯儲局噚晚議息後宣布再加息0.75厘，市場黎緊要做好心理准備，係11月及12月兩次議息會議中，起碼有一次會再加息0.75厘，若再憧憬美國明年開始減息系咪不切實際？ 臻享顧問董事總經理王良享指，聯儲局最新慨點陣圖為市場帶黎驚嚇，因為聯邦基金利率年底慨中位數系4.4厘，明年更升到4.6厘，可能有投資者憧憬明年3月息口封頂後，第2季可以開始減息，但點陣圖就話畀投資者知系「諗多左」，加上聯儲局官員將今年美國經濟增長預測，由6月1.7%大幅降至0.2%，王良享認為，可能0.2%都有些「水分」，因為聯儲局官員唔想拋出一個負數，不過，如果想彌補今年首兩季慨負增長，第4季GDP起碼要有2%增長，而市場亦好清楚系好難做得到。 王良享 臻享顧問董事總經理. |
|
| 陳偉明 |
2022-09-22T10:27 |
【now.com財經】美國上周二(9月13日)公布的消費物價指數(CPI)超出市場預期，加上世界銀行警告全球經濟或陷入滯脹，美股急插拖累港股上周表現，而美元持續強勢下，人民幣匯價創逾兩年底，曾失守7.05，港股續弱，昨日(21日)更在俄烏沖突升溫拖累下再跌336點，失守18,500關，收18,444點。 目前港股走勢大致符合筆者預期，美元強，人仔弱，港股悶市陰跌，上落波幅區間不斷向下移。今早(22日)凌晨美國公布議息結果，美國聯儲局一如預期，連續第三次加息0.75厘，儲局主席鮑威爾立場「偏鷹」，展望後市，美國高通脹短期不會改變，激進加息周期仍有好一段時間，美元強勢持續，人仔跌穿7算後，跌速可能減慢，但弱勢難改，因此港股目前即使估值便宜亦難大升。 由於港股已經跌至接近今年3月18,235點低位，後市有機會大幅波動，短期有機會反彈，但上升空間有限。策略傾向采取勒束式期權長倉策略(Long Strangle)，同時Long Call 及 Long Put 即月價外600點恆指期權博大市爆邊。 陳偉明 耀才證券銷售部高級經理 |
Stock , RMB , USD , US Stock |
| 許繹彬 |
2022-09-22T10:26 |
【now.com財經】本周焦點是各界向政府「苦苦哀求」盡快將隔離措施放寬至「0+7」。各國均開始視新冠病毒為「風土病」，積極放寬入境隔離政策重振經濟，甚至不會為任何入境旅客作任何「隔離」；一向關注新冠病毒變化的世界衛生組織表示，全球新增新冠病毒個案大幅減少，各國應把握機會，盡快結束疫情。 但港府迄今仍未見新方案，只「放風」在積極檢討中，市場普遍預期短期內「有好消息出台」，故一眾相關受惠股已「偷步」炒上，商場股九倉置業(01997)創下一個月新高及新秀麗(01910)更創出52周新高。未來建議繼續留意此類受惠股份，高檔商場股九置因受惠預期放寬政策而創下高位，但同樣經營商場的領展(00823)，似乎被忽略了，值得關注。 筆者認為，本港放寬隔離政策來換取重振經濟，此刻已是一個「刻不容緩」的「救命」方案；若再此問題上「歎慢板」，國際金融中心的地位誓必會被動搖；先暫不用與其他已一早放寬隔離限制的歐洲國家相比，只跟鄰近的新加坡比較，早已作出重振經濟的部署，不論「人才」及「錢財」上，均提出優厚條件積極招攬，出盡計謀吸納本港金融機構進駐，此舉足證獅城對國際金融中心的地位，早已虎視眈眈。 |
RMB , Stock , US Stock , WHARF HOLDINGS , HKEX |
| 羅尚沛 |
2022-09-21T22:37 |
【Now財經台】權益披露顯示，快狗打車(02246)第三大股東阿里巴巴(09988)於9月15日減持23.24萬股，套現147.7萬元。 銀河證券業務發展董事羅尚沛表示，快狗打車上市未足三個月，阿里就減持，而沽貨量偏少，套現金額不多，實在難以理解，不過，快狗打車面對激烈的市場競爭，業績要扭虧為盈，將困難重重，暫時看不到投資價值。 |
Earnings , Trades , LINGYI ITECH , IPO , IT |
| 聶振邦 |
2022-09-21T16:52 |
【Now財經台】騰訊音樂(01698)首日以介紹形式在港第二上市，不過，即使股東背景實力雄厚，唔代表業績一定靚，集團今年中期盈利倒退，收入又錄得雙位數跌幅，過去唔少平台股曾受惠於疫情，點解騰訊音樂冇份？ 華盛證券分析師聶振邦指，騰訊音樂係內地影響力都幾大，所以公司業績表現對整個音樂平台產業鏈有一定啟示，現時內地疫情開始逐步回穩，唔少年青人開始外出參與唔同活動，會令音樂平台需求減少，因此，騰訊音樂中期業績出現倒退系可以理解，不過，騰訊音樂用戶數目每季都有增長，雖然業績短期未必錄得大褔增長，但有龐大慨用戶力撐，或可以發揮新業務引擎。 聶振邦 華盛證券分析師 相關股票 編號 名稱 01698 騰訊音樂－ＳＷ 相關文章 【撞正跌市】騰訊音樂首掛靠穩 1小時28分鍾前 【首掛向好】騰訊音樂曾高ADS收市價1% 市況差有隱憂 5小時0分鍾前 【FINTERVIEW】中概股回流「冇聲氣」因為... 7小時前 【新股追蹤】騰訊音樂首掛 現比美收市價高0.7% 8小時前 |
Earnings , Results , TENCENT , IPO , IT |
| 陳錦興 |
2022-09-21T16:42 |
【Now財經台】航運股中遠海能(01138)今日逆市破位，見52周高位，集團噚日舉行投資者日，指對第4季油運市場行情樂觀，原因系超大型油輪(VLCC)8月起持續復蘇，加上燃油價格下跌，令日均收益有改善，又話行業正處於加快重塑石油貿易格局過程中，投資者日系咪中遠海能今日大升慨「推手」？ 英皇證券研究部總監陳錦興指，雖然中遠海能中期業績麻麻地，但近幾個月股價走勢強勁，反映對集團未來業績及營運前景樂觀，投資者日就進一步確認呢個情況，由於投資者日主要畀國內基金參與，所以見到中遠海能AH股齊升。 Stanley又話，當成個行業表現向好時，中遠海能有逾160艘慨大型船隊，營運槓桿特別明顯，佢估計，中遠海能明年盈利表現將十分強勁，相信股價仍有能力向上突破。 |
Oil , BDI , EMPEROR CAPITAL , Earnings , COSCO SHIP ENGY |
| 股中人 |
2022-09-21T16:07 |
【now.com財經】資訊核爆時代，片言只語霎眼成明日黃花，要擲地有聲不難，時日過去有余韻出來方是一流。 素來是金句王的萬科(02202) 董事長郁亮，今年三大發言精警到位，2月指內房進入「黑鐵時代」，6月底股東會指行業已見底，並逐步恢復，更指「但凡有一絲微光，就應該當是光明所在往前走。」 至9月初在傳媒交流會上，郁亮提出自己兩個月內走訪35個城市、過百項目，看見點點微光，微光就是不躺平，無論天氣如何變化要做好農民、種好地。7月以來停貸令行業復蘇緩慢，但住屋剛性需求仍強，房地產市場仍是10萬億元人民幣以上的市場。 更正是郁亮點出萬科八個字發展邏輯：「尊重常識、敬畏市場」。常識是沒有一個單邊上揚、永遠高槓桿的市場，也沒有一個永遠下跌，深不見底的市場。市場有高有低要有敬畏之心，沒有做完的生意，只有做不好的生意。 本港上市內房股中，借款淨額／股本比率少於100%、市值大於200億的內房僅10只，除華潤置地(01109)、中國海外(00688)和龍湖集團(00960)外，還有萬科。萬科首7月已發行174億元人民幣債券，在境內債市場僅次保利發展。 |
RMB , China Real Estate , HK Cap Flow , CHINA RES LAND , COUNTRY GARDEN |
| 莊志雄 |
2022-09-21T15:58 |
【Now財經台】聯儲局繼續議息，香港時間周四凌晨就會公布結果，美股因議息變得波動，亦明顯反映8月中那浸反彈系陷阱，基本上除左美元，大部分資產或投資種類都自高位回落，加上聯儲局態度愈來愈鷹，令債息抽升得好急，美股估值及收息率亦愈來愈唔吸引。 「股市漁夫」創辦人莊志雄指，係黃金、標指、美元、納指100等各類資產價格中，美股尤其納指表現系最差，而標指係1個月內亦跌左10%，市場預期聯儲局會加息0.75厘或1厘，而聯儲局一向好少畀到驚喜市場，因此，美股8月開始跌左咁多，夾淡倉亦唔出奇。 Lewis又指，美股近月表現差，但恆生指數及美國10期債券都跌得少過美股，其實今年標指同長債跌幅差唔多，但經過8月那浸跌幅後，長債跌幅已經系標指一半，如果美國瀕臨衰退或金融市場有好大壓力，睇返過去20至30年表現，通常美元及美債都會升，但暫時只系美元有得升，若聯儲局加息加得好狠，令美國通脹回落，美債就會升，不過，若聯儲局最終同市場預期一樣只加息0.75厘，美債就未必可以升。 莊志雄 「股市漁夫」創辦人 |
US Bonds , Gold , US Stock , HANG SENG BANK , HK Banks |
| 譚智樂 |
2022-09-21T13:17 |
【Now財經台】截至早上11時止，1小時內《彭博》用戶關注度上升最多港股，依次為舜宇光學(02382)、中駿集團控股(01966)、海螺水泥(00914)、交通銀行(03328)、國泰航空(00293)。 iPhone14開始出貨，一眾Apple概念股中，舜宇呢只龍頭股其實8月初升左唔夠半個月，就反覆跌到依家，即使早前出左iPhone 14都炒唔起，雖然有分析師上調出貨預測，但有內地網民指已炒焦機，似乎舜宇要炒得起，前提系先要iPhone炒得起？ 獨立股評人譚智樂指，炒作新iPhone消息其實只系一日慨事，投資者見到交貨時間好遲，有錯覺以為新電話多人買，但其實只因市場供應鏈緊張，全球經濟向下時，非必要開支整體需求只會減慢，包括換機。 Arnold補充，見到舜宇中期業績慨毛利率跌左好多，下半年壓力只會更大，所以對股價破底唔會感到意外，更提醒投資者唔好隨便估底。 |
CATHAY PAC AIR , Stock , BANKCOMM , CONCH CEMENT , SUNNY OPTICAL |
| 梁振輝 |
2022-09-21T11:44 |
【Now財經台】市場多次傳出騰訊控股(00700)擬減持美團(03690)、貝殼(02423)、滴滴等股權套現，據《彭博》最新引述騰訊回應指，無意減持呢些公司慨持股。此外，本身係美國掛牌，騰訊旗下騰訊音樂(01698)今日以介紹形式係主板上市，睇返係美國上市慨中概股，回流香港或A股上市後，交投冇預期咁活躍，應該點解讀呢個現象？ 渣打香港財富管理投資策略主管梁振輝指，近期市場的確擔心資金情況，不過，以騰訊為例，公司仍有增持股份，亦未見出現嚴重財務問題。中概股方面，相信美國證交會針對中概股慨審計底稿工作進展仍然正面，但仍要密切留意事態發展，至於中概股回流其實唔算太熾熱，股價表現亦唔系太理想，原因包括部分投資者憂慮內地經濟前景，以及今年投資氣氛欠佳等因素，希望隨著加息逐步消化負面消息，情況係第4季或明年會有改善。 |
HK Cap Flow , TENCENT , HK Banks , Capital Flow , STANCHART |