| Commentator |
Time |
Content |
Tag |
| 植耀輝 |
2026-02-13T22:45 |
美團(03690)預告，去年業績由盈轉虧，虧蝕233至243億元人民幣。 耀才證券研究部總監植耀輝表示，按美團盈警數字計算，公司去年第四季虧損近156億元人民幣，而外賣補貼戰第四季應有所紓和，但仍錄得大額虧損，有點意外，相信短期股價會繼續受壓。 |
|
| 盧楚仁 |
2026-02-13T18:00 |
資金流入避險資產，包括美債、日圓及瑞士法郎，其中，日圓係日本大選結束後才轉強，但瑞郎近年持續強勢，呢兩種傳統避險貨幣，邊隻先至係避險首選？ 獨立外匯商品分析師盧楚仁指，以往日圓係遠勝瑞郎，不過，日圓自去年開始已發揮唔到避險作用，所以資金流入黃金及瑞郎，市場主要擔心日本央行加息會令日圓受壓，除非爆發股災導致拆倉。 Jasper認為，若美元持續弱勢，瑞郎避險功能今年會比日圓更勝一籌。 |
|
| 聶振邦 |
2026-02-13T16:48 |
本身係A股上市慨美格智能，周三(11日)已通過左港交所(00388)上市聆訊，短期內可以開始招股。美格係深圳上市慨無線通訊模組及解決方案提供商，以高算力模組為核心，支持複雜算法及端側人工智能(AI)應用。近期高算力智能模組處於產業鏈中游，但似乎從事下游業務慨公司較受投資者歡迎，點睇呢隻新股？ 高歌證券金融首席分析師聶振邦指，下游業務對消費者及投資者黎講，應用及接觸面都比較強，例如稀宇科技(MINIMAX)(00100)及智譜(02513)。佢又指，如果產業鏈偏向中游的確會有少少影響，但近期瀾起科技(06809)都升得唔錯，若美格智能上市時，AH股有明顯價差就會有吸引力。 聶Sir續指，依家美格智能市銷率(PS)偏低，市帳率(PB)就合理，如果可以保持盈利增速，中長線投資價值會較大，如果睇短線，AH股價差會係美格智能係香港上市後慨上升關鍵。 |
|
| 陳建良 |
2026-02-13T15:23 |
港股今日(13日)承接美股昨晚(12日)跌勢，恆生指數今日(13日)低開近400點，午後跌幅一度擴大至近600點。北水好快就「放年假」，近年係北水「缺席」下，港股好多時反而有得彈，點睇港股後市？ 勝利證券首席顧問陳建良認為，港股農曆新年後反彈機會唔大，北水「缺席」買賣盤都會減少，成交較淡靜亦好正常，因此，佢認為北水係咪「缺席」同大市升跌冇太大關係聯。 KL又話，雖然好多股民期待新年後「開紅盤」，但佢認為純粹拿個好意頭。 |
|
| 梁偉源 |
2026-02-13T14:44 |
截至早上11時止，過去1小時內《彭博》用戶搜尋量最多港股，依次為智譜(02513)、美團(03690)、稀宇科技(MINIMAX)(00100)、友邦保險(01299)及聯想集團(00992)。 智譜、MINIMAX股價持續強勢，今日(13日)又逆市炒上，依家資金由大型科企轉投人工智能(AI)新力軍，呢個趨勢會持續幾耐？投資者應該點揀好？ 大華繼顯執行董事梁偉源表示，智譜、MINIMAX都係「AI六小虎」之一，市場憧憬餘下4隻「老虎仔」亦有機會黎香港上市，一旦成事，可望再推高智譜、MINIMAX估值。 佢又指，智譜、MINIMAX慨IPO基投對投資者黎講比較吸引，加上街貨唔多，股價就夾高左，上市至今股價累積升幅以倍數計，但如果資金繼續追貨，就較難估計個頂係邊度。 |
|
| 王良享 |
2026-02-13T11:47 |
美股3大指數昨晚(12日)集體向下，科技股成跌市重災區，拖累納指收市跌2%，金價就跌穿每盎司5000美元，油價及虛擬貨幣比特幣(Bitcoin)都要跌，市傳呢場恐慌係由一家細公司Algorhythm引發，呢家公司聲稱旗下物流平台可以幫客戶，係唔增加人手下提高貨運量幾倍，引發人工智能(AI)取代傳統行業憂慮升溫，除物流板塊被拋售，更蔓延至科技板塊、貴金屬市場等。 臻享顧問董事總經理王良享指，呢浸跌市並非只源於AI搶飯碗慨憂慮，亦有其他不利股市慨消息，包括俄羅斯要求重新加入美元支付系統(SWIFT)，作為停戰條件之一。此外，思科(Cisco)業績反映AI成本不斷增加，材料價格上升打擊毛利率等，導玫股價昨晚大林12%，都令市場避險情緒急升溫。 Tommy又指，AI取代職位係一個不可逆轉慨長遠趨勢，但今波跌市牽連到AI上游業務，反映市場已出現唔理性慨情況。 |
|
| 文錦輝 |
2026-02-13T10:42 |
美國消費物價指數(CPI)出爐前夕，投資者大舉拋售科技股，拖累美股3大指數昨晚(12日)重挫，納指收市跌逾2%，科技七雄(Magnificent 7)全線向下，道指亦瀉近670點。有分析認為，依家投資者已轉為「去風險」模式，美股愈黎愈Chok，情況又愈來愈頻密，點分析依家慨市況？ 艾德金融投資執行董事文錦輝認為，依家唔似係「去風險」，納指之前只係技術性反彈，仍未走出下降軌，依家資金由科技股重投傳統經濟股。佢又話，唔使擔心人工智能(AI)對未來慨影響，現時只係一場科技革命。 Felix續指，如果美國通脹進一步降溫，聯儲局就有減息空間，但需要等一段時間。佢又指，若投資者憂慮企業慨AI資本開支太大，可以考慮換馬，或者等調整完再部署。 |
|
| 盧志明 |
2026-02-13T10:16 |
大唐資本投資策略部總監盧志明推介敏實集團(00425) 推介原因： -與A股綠的諧波在美國成立合資，開展人形機械人關節模組業務 -與日本愛信及豐田通商成立合資，生產鋁製車身骨架部件。 |
|
| 植耀輝 |
2026-02-12T16:09 |
網易(09999)昨日(11日)出左去年第4季業績，經調整盈利按年跌27%，差過預期，但摩根大通形容，網易表現其實比單睇大數好，點睇網易呢份業績？ 耀才證券研究部總監植耀輝指，網易有幾瓣業務，要睇由邊項業務角度出發，其中，遊戲業務做得比較出色，因為有知名度，反觀其他業務就差少少，其實呢份業績唔算好差，只係冇乜亮點。 Stanley又話，網易股價短期較難彈返上去，加埋科技板塊個勢比較差，未來要睇行業或集團之後公布慨數據，會唔會為市場帶黎驚喜，網易要靠今次呢份業績彈返上去就有難度，建議投資者等股價上返20天線，再做撈底部署。 |
|
| 許繹彬 |
2026-02-12T11:26 |
本月初，全球商品及高風險資產經歷結構性調整，觸發小型股災，投資者驚魂未定。上周五（6日），風險資產突然絕地反彈，黃金、白銀等貴金屬及比特幣均錄得可觀升幅。這波報復式反彈，不僅令一直處於劣勢的美股一洗頹風，道瓊斯工業平均指數更抽升逾1,200點，首次衝破50,000點大關，其後越升越有，在香港時間本周三（11日）一度高見50,512點，寫下歷史新頁。 美股大幅反彈帶動全球股市集體上揚，亞洲代表日經225指數升幅最為顯著，每日升逾千點已屬等閒。日股急升主因，除跟隨美股外，日本執政黨在眾議院選舉大勝，市場憧憬政局穩定，資金流入股市，指數一度高見57,960點歷史高位。另一後起之秀韓國KOSPI指數同樣創歷史新高，直逼5,400點水平。 港股升勢雖不及日韓強勁，距離歷史高位仍有一段距離，但總算有安慰獎：重返27,000點水平，連升三個交易日，累計升706點，企穩27,200點以上。不過，「北水」遇高沽貨，結束連續淨流入。下周踏入春節長假，內地股市氣勢雖稍降溫，但上證綜指仍企穩4,100點以上。 筆者認為，二月僅過半個月，全球金融市場已「來回地獄又折返人間」。欠缺膽量持股的投資者或在上周已被震走。此次股市急促回吐，相信主要是近年炒得火熱的商品市場突然調整。因此，現階段投資者除要密切留意中美股市變化外，商品價格波動亦不容忽視。 港股方面，農曆春節假期將至，內地股市準備「收爐」，長假前後缺乏北水支持，成交可能進一步萎縮，港股走勢料較反覆。但過往數據顯示，無北水下港股反而較硬淨，不排除出現「乾升」現象，惟此升勢未能作準，建議投資者小注怡情。若憧憬農曆年假後首個交易日紅盤高開，港交所(00388)可視作壓歲股，有望在馬年成為表現不俗的利是股，不妨留意。 |
|
| 陳偉明 |
2026-02-12T11:21 |
美國總統特朗普於前周五（1月30日）意外提名立場「鷹派」的沃什（Kevin Warsh）出任下任聯儲局主席，市場對美國減息預期隨即降溫，觸發資金大舉撤離金銀市場。短短三個交易日內，期金（GC）由前周四（1月29日）高位5,626.8美元，急插至上周一（2月2日）低位4,423.2美元，跌幅最多達21%；期銀（SI）更從高位121.785美元暴瀉至低位71.2美元，最多跌41%。 沃什的「鷹派」立場固然是減息預期回落的催化劑，惟本輪貴金屬急瀉的真正元兇，在於芝加哥商品交易所（CME）突然上調黃金與白銀期貨的保證金要求，炒家被迫斬倉止蝕，引發大規模冚倉潮。資金避險情緒升溫，相繼撤離高風險資產。貴金屬爆跌之際，有「數字黃金」之稱的虛擬貨幣亦慘遭恐慌性拋售；投機性較強的白銀期貨更於上周五（2月6日）進一步急瀉至低見63.9美元，較121.785美元的歷史高位累計下跌47%。 與此同時，人工智能（AI）技術的迅猛發展正對傳統軟件行業構成顛覆性衝擊，過去一個月美國軟件股（特別是SaaS板塊）持續遭市場拋售。疊加減息預期回落，投資者開始質疑AI商業化變現速度未如預期，加上多家美國科企公布天價資本開支計劃，進一步拖累科技股板塊急挫。Google母公司Alphabet（美：GOOGL）上周公布的業績雖優於市場預期，惟資本支出大幅攀升，拖累股價掉頭回落；亞馬遜（AMZN）今年計劃投入高達2,000億美元發展AI，引發市場對盈利前景的憂慮，股價應聲暴跌。 港股方面，上周二（2月3日）市場傳出內地或上調互聯網增值稅率，加上騰訊(00700)仿效其他科技巨頭，透過發放電子紅包「燒錢」吸引用戶使用其AI應用「元寶」，引發市場對中國科技龍頭之間或將掀起激烈價格戰的擔憂。科技股板塊因而重挫，港股跌勢持續。資金撤離高風險資產，轉而流入估值相對低殘的內需消費板塊避險，筆者上周推介的中國旺旺(00151)逆市上揚，Long Call 5元行使價的期權策略目標轉眼已達。 正當市場開始擔憂AI泡沫爆破、環球股市跌勢未止，且港股技術走勢上疑似出現「島形頂」、跌勢或將持續之際，輝達（Nvidia）創辦人兼行政總裁黃仁勳再次唱好AI基建前景，加上貴金屬市場恐慌過後開始觸底反彈，資金遂重新回流高風險資產。美國道指上周五（2月6日）晚飆升逾1,200點，帶動亞洲股市本周一（2月9日）顯著走強。另一方面，日本首相高市早苗（Takachi Sanae）領導的自民黨取得歷史性勝利，刺激日股持續破頂，進一步提振亞洲股市氣氛。 中港股市方面，市場開始憧憬陸續有國產大模型發布更新版本，AI應用股觸底反彈。恆指上周五（2月6日）於26,295點見底後，本周初連升兩日累漲逾600點，並於本周二（2月10日）一度高見27,397點。 隨著農曆新年長假期臨近，大市成交開始減少，港股本周三（2月11日）升勢受阻。然而，內地監管機構近日要求銀行為增持美債設限，甚至要求持有美債比例較多的銀行削減（pare）倉位，加上美國財金官員預期未來幾個月就業市場放緩，美債及美元走弱，人民幣則持續走強。另一方面，市場開始憧憬內地人工智能（AI）發展將迎來新突破，預期港股在農曆新年後仍有力向上。策略上，進取型投機者或可考慮小注Long Call追入近日率先反彈的小米集團(01810)。 |
|
| 陳偉聰 |
2026-02-12T10:17 |
美國非農就業數據昨晚(11日)出爐，新增就業人口13萬，遠高於市場預期慨6.5萬，數據一出，市場對減息時間慨預測又再推遲，點評估聯儲局未來慨減息時間？數據點影響美元走勢？ 東亞證券高級投資策略師陳偉聰指，雖然非農數字遠超預期，但就業數據仍比較分化，能源價格、油價跌勢喘定，甚至出現輕微反彈，相信通脹要進一步向下或多或少會有阻力，短期要更進取咁減息，難度比之前更大。 Jason又估計，美國今年將會減息2至3次，同市場預期差唔多，但聯儲局減息空間會更大，預期最快6月會再出手，債市方面，佢認為市場對美元資產慨擔心「過左龍」，相信美元中期會持續偏弱。 |
|
| 阮子曦 |
2026-02-12T10:01 |
華富建業證券投資策略聯席總監阮子曦推介大族數控(03200) 推介原因： -中國領先的印刷電路板(PCB)鑽孔設備製造商 -受惠勝宏科技等本土人工智能(AI)PCB製造商。 |
|
| 林嘉麒 |
2026-02-11T17:05 |
下周二(17日)就係大年初一，去年內地春晚人形機械人表演歌舞令人印象深刻，帶挈呢個宇樹科技慨機械人爆紅，其後A股春節假後復市，機械人、算力硬件、AI應用板塊有一輪炒作。宇樹今年繼續係春晚機械人合作伙伴，會唔會重演一波機械人相關股炒作潮？ 元宇證券基金投資總監林嘉麒認為，再出現呢類炒作機會唔大，去年春晚宇樹機械人表演有新鮮感，令投資者開始發掘相關股份，但去年已出現過跳舞、格鬥、運動等慨機械人，市場已消化機械人慨前景預期。 KK又話，依家係機械人2.0階段，條件苛刻，如果今年春晚有未炒過慨題材，又係去年冇炒過慨機械人概念股，可能先有得炒。佢續指，市場氣氛上，一定唔會有首次亮相時咁犀利，但要靠春晚炒起個股，甚至成個板塊氣氛，就唔好抱咁大期望。 |
|
| 李偉傑 |
2026-02-11T13:07 |
截至早上11時止，過去1小時內《彭博》用戶搜尋量最多港股，依次為小米集團(01810)、創科實業(00669)、中芯國際(00981)、比亞迪股份(01211)及中國建材(03323)。 小米股價去年第4季開始跌，去到呢幾日先升返，集團董事長雷軍早前指，正為新一代小米SU7做準備，而小米業績會係下月出爐，呢些因素足唔足以撐住股價？ 天風國際李偉傑表示，主要有幾個因素，新一代SU7將會係4月推出，昨日(10日)都做左晚間直播，小米北京慨工廠係100%自動化，又有光伏板智能發電，為市場帶黎驚喜。佢又話，由於存儲晶片價格上升，令小米股價一直跌，出現此消彼長慨情況，現時市場睇緊小米會唔會有新動作。 Jason續指，小米股價短期阻力係37.5元水平，如果成功收復及企得穩，呢浸反彈就可以持續。 |
|
| 盧志威 |
2026-02-11T11:02 |
美國昨日(10日)公布去年12月零銷售數據，幾乎同去年11月持平，拖累零售股之餘，美元亦一齊跌，整體大市都冇乜方向，美國今日(11日)會公布重磅非農數據，數據出爐前係咪應該先睇定些，唔使心急做部署？ 泓瀚資本董事盧志威指，暫時的確唔適宜做太多部署，美國近期慨經濟數據都比較弱，如果唔係同人工智能(AI)相關慨股份，基本上都見唔到有太多資金流入，另一方面，科技公司亦開始裁員，令大市處於一個兩極化狀態。 William又話，科技股因為升得太勁，導致係現水平較波動，雖然美國經濟唔好、企業增長慢，但仍有唔少投資者買入傳統股，但呢個趨勢要持續，前提係要有穩定增長，佢又提醒，一些業績唔好慨傳統股，其實都有向下風險。 |
|
| 郭家耀 |
2026-02-11T10:18 |
港灣家族辦公室業務發展總監郭家耀推介百勝中國(09987) 推介原因： -業績表現理想 -分店擴充目標明確 建議買入價：430元 目標價：500元 止蝕價：400元 |
|
| 趙晞文 |
2026-02-10T16:30 |
新能源車股今日(10日)表現唔錯，龍頭比亞迪股份(01211)表現亮眼，股價一度升4%，高見97.3元，股份跌穿90元關口後就出現反彈，係咪反映已見底？此外，比亞迪告特朗普(Donald Trump)政府，要求退還已繳付慨關稅，呢個消息對股價有冇幫助？ 元宇證券大中華區股票投資總監趙晞文指，相信比亞迪今次純粹係「跟隊」追返關稅，其他跨國車企係北美地區慨業務佔比大些，索償慨關稅會較多，但比亞迪「出海」戰略重心唔係美國，就算成功入稟，最終拿得返慨錢都未必好多，所以今次慨行動更多係意識形態上慨表態。 佢又話，比亞迪今年整體產銷量目標近600萬部，出口佔比有望提升至逾20%，由於集團主打東南亞及中東市場，美國關稅訴訟對佢刺激唔大，相信股價今日彈升可能只係一時炒作。 |
|
| 譚智樂 |
2026-02-10T13:03 |
截至早上11時止，過去1小時內《彭博》用戶搜尋量最多港股，依次為泡泡瑪特(09992)、信達生物(01801)、智譜(02513)、比亞迪股份(01211)、美團(03690)。 泡泡瑪特創辦人王寧係公司年會披露，去年賣出逾4億個IP產品，其中，Labubu去年賣左過億隻，集團股價已連升7個交易日，由1月低位計，至今已反彈近100元，股價今日(10日)一度高見270元，再升近5%，雖然匯豐證券下調目標價至354元，但仍較現價有逾30%潛在上升空間，泡泡瑪特係咪仍可以繼續憧憬？ 富途證券首席分析師譚智樂指，市場對泡泡瑪特未來增長預測非常敏感，之前股價由340元跌至170元，主因係炒價回落，但近期新慨「星星人」系列等熱賣，炒價愈炒愈高，令市場情緒再次飄忽。Arnold認為，泡泡瑪特股價已經做左一個明顯慨技術調整，由於銷售數據幾靚仔，估計有機會挑戰前高位。 Arnold又建議，有貨慨投資者可以繼續楂住，因為暫時未見到公司有競爭對手威脅到佢，但現時唔適宜估頂，想追入慨投資者，由於股價近期升得比較急，加上炒價炒起已經係2至3星期前慨事，所以睇下股價可唔可以觸及10天線再做部署，但睇基本因素，泡泡瑪特值得繼續睇好。 |
|
| 梁偉民 |
2026-02-10T10:24 |
美股3大指數造好，經歷上星期一輪調整後，暫時企返穩，但科技股近期面對資本支出(CapEx)太大慨質疑下，股價大幅波動，科技股昨晚(9日)又彈返上黎，話資金轉投科技股以外板塊係咪言之尚早，後市點睇？ 高富金融集團投資總監梁偉民指，後市發展要睇市場氣氛，科技股出現調整除質疑資本開支太大外，更擔心最後可唔可以收回成本，帶動盈利上升，科企依家訓身投資人工智能(AI)，例如大模型開發，但技術幾時可以變現仍然係未知之數，當市場情緒比較中性或悲觀時，呢個憂慮就更嚴重。佢又指，亦要留意會唔會出現算力供應過剩慨情況，又提醒今年要審慎部署。 Wyman續稱，依家見到有資金輪動慨情況，今年道指及部分傳統板塊，例如工業、能源都跑贏納指，但佢質疑傳統股升勢係咪有足夠基本面支持，又認為呢輪升勢未必可以延續到年底。 |
|
| 黃敏碩 |
2026-02-10T09:30 |
王道資本及家族資產管理執行董事黃敏碩推介中國建築國際(03311) 推介原因： -市場預期今明兩年淨利潤增長目標加快 -近年經營現金流由負轉正，溢利及派息料持續增長 -預測股息率6.6厘，預測市盈率(PE)4.8倍，低於過去10年平均值。 |
|
| 阮子曦 |
2026-02-09T22:48 |
閱文集團(00772)制定2026年三大戰略重點，包括長青內容、IP+AI、全球化。 華富建業證券投資策略聯席總監阮子曦表示，閱文的三大戰略方向能否順利做到，及成效有幾大，仍有待觀察，而股價中短期表現，仍主要受到公司製作的劇集及電影，是否大受歡迎所牽制。 |
|
| 聶振邦 |
2026-02-09T16:47 |
內地春節檔期就快到，多部賀歲片已經開始預售，據報預售票房已衝破2000萬人仔，業界估計，今年春節票房最高可以去到80億人仔，會唔會睇得太樂觀？如果真係咁好景，貓眼娛樂(01896)及大麥娛樂(01060)係咪可以炒返轉？ 高歌證券金融首席分析師聶振邦表示，雖然市場普遍視內地春節長假期係利好因素，但亦要留意消費者可能趁長假外遊，反而分薄左電影市場慨客源，所以不宜對春節電影票房睇得太樂觀。 聶Sir又話，睇返電影內容，雖然今年賀歲檔期題材多元化，但唔係每一部都有好好慨票房，以《飛馳人生3》為例，作為系列慨續作，本身有一定口碑及票房打底，加上刺激、喜劇慨定位，貼合春節喜慶慨氣氛。不過，《驚蟄無聲》屬於國安題材，氣氛比較沉重，係節慶期間受眾層面可能相對狹窄。 至於《標人》就改編自漫畫，雖然可以吸納特定慨Fans，但漫畫改編慨電影，評價一向都係好壞參半，票房會存在一定變數。 聶Sir又話，雖然係股價操作層面睇，春節假期概念股往往可以帶動整體投資氣氛，大麥娛樂及貓眼娛樂可能短期有一定炒作空間，但未必有好強上升動力。佢提醒，呢類板塊風險較高，原因係唔知電影最終叫座力係點，加上製作成本高昂，就算票房好好，要回本仍然有變數。 |
|
| 梁傑文 |
2026-02-09T15:21 |
偉祿集團(01196)計劃係內地搞手機遊戲發行及營運業務，同埋跟創夢天地(01119)前總裁高煉惇建立戰略合作，但偉祿近2年業務都係蝕，依家要係內地搞手機遊戲業務，值唔值得憧憬？ 《香港股票財技密碼》作者梁傑文指，對偉祿黎講一定係加分，而集團同高煉惇合作亦可事半功倍，唔使行咁多冤枉路，雖然偉祿由零開始搞遊戲業務，但佢搵到行內知名人士合作，而高煉惇係手遊行業有逾20年經驗，又係創夢天地聯合創辦人及前總裁，有佢領頭發展新業務，一定有利偉祿前景。 Mike又指，高煉惇已離開創夢，依家「無官一身輕」，可以全心全力幫偉祿做「手遊開荒牛」，公司通告預期首3年可賺6億元，反映雙方既進取又有信心，對呢門生意好樂觀。 |
|
| 潘國光 |
2026-02-09T11:26 |
雖然上周市場氣氛好差，但美股3大指數上周五(6日)升逾2%，其中，道指更歷史性衝破50000關，標普就再迫近7000點，點睇美股近日慨強勢？ 富邦銀行(香港)投資策略及研究部主管潘國光指，美國總統特朗普(Donald Trump)宣布聯儲局主席提名後，市場擔心局方未來慨貨幣政策冇想象中咁寬鬆，加上科企資本開支大增，令市場對回本速度感到憂慮，但美股連日遭拋售後出現技術反彈，道指再創新高反映市底唔弱，只係有板塊輪動慨情況。 Vicks又指，暫時美國6月前可減息慨機會約70%，佢估計，聯儲局今年慨貨幣及財政政策會維持寬鬆，因為共和黨暫時係眾議院選舉大幅落後，白宮要係刺激經濟方面有大動作，以維持美股強勢，繼而利好選舉形勢，因此，特朗普及聯儲局新主席都會係財政及貨幣政策上有更多合作，令發債順利、債息唔會過度攀升、貨幣政策繼續寬鬆及繼續擴表，推動資產價格繼續上升。 佢續稱，暫時美股唔係處於一個好危險慨狀況，若中段有修正，年中減息機會及「放水」力度可以增加，令美股下半年可以係臨近選舉時上升。 |
|
| 郭思治 |
2026-02-09T10:25 |
大市將快步入2月份之中旬，而直到執筆一刻止計，本月大市已初呈先高而後低之形態。恆指暫時由3日之高位27,126點跌至6日之低位26,295點，即月內之波幅暫為831點。 首先以831點之波幅計該不能滿足月內之所需，加上1個月之高低位是不會同時出現於交易日之內，故在本月餘下之交易日，定必有更大之波幅點出現，從而擴闊月內之波幅以滿足所需。同時亦能拉闊月內之高低位之距離，以符合慣性之需求。至於短期後市是會穿頭或破腳，不妨先看移動線方面之表現。 簡單點說，恆指如能成功重越20天線 (約在 26,911點左近) 並穩守期上，則試頂之機會較大。反之，恆指持續反覆於20天線之下，技術上試底之機會似較大。 目前各組平均移動線之排列由上而下： 10天線 (約在 27,098點左近) ， 20天線 (約在26,911點左近)， 50天線 (約在 26,288點左近) ， 100天線 (約在26,287 點左近)及250天線 (約在24,757 點左近)。 單從排列之方式看，大市該有機會回復順序模式，故祇要恆指能穩守於10天線之上，技術上該屬標準之升市格局。但如大市在持續反覆中跌穿10天線及20天線，則整個大市已陷入反覆不明之走勢中，其時較重要之支持，亦將順勢退守至50天線及100天線。即是說，大市在本月上旬後能否擺脫反覆不明之弱態，首先須看恆指能否成功重越20天線並穩守其上。 大市自踏進2月份後確漸趨反覆，但直到目前一刻止計，不論大市如何反覆，惟始終仍上落於1月份之框架內。1月恆指是由於2日之低位25,717點升至29日之高位28,056點，此乃2026年首季之波幅，論形態為先低而後高。 故從小圖上看，不管2月份如何反覆，祇要恆指不觸及或跌穿1月2日之低位25,717點，問題該不大。加上目前大市自去年12月16日低位25,086點開始之反彈，已成功升越去年10月2日之高位27,381點，故大市該已走出中期調整之困局，祇是需資金再度積極入市，技術上方能漸發展成新一潮中期升浪。 |
|
| 李浩然 |
2026-02-09T10:18 |
上月底，Anthropic並未發射核彈，它只是發布了十一個開源插件——合約審查、合規工作流、銷售自動化——這些曾經支撐起數千億美元市值的「護城河」，瞬間變成了免費的公共基礎設施。隨後發生的事情，華爾街稱之為「SaaSpocalypse」，但我更願意稱之為資本市場對「按人頭收費」這一商業模式的清算。 短短72小時內，全球軟體與金融服務板塊蒸發了3,000億美元。Thomson Reuters 單日暴跌18%，創下歷史最差紀錄；LegalZoom下挫 20%；RELX遭遇了自1988 年以來最劇烈的拋售。這並非恐慌性錯殺，而是遲來的估值修正。過去三年，企業軟體行業精心編織了一個價值萬億美元的謊言：「AI是增強，不是替代」。這句口號出現在每一份精美的路演PPT里，迴盪在達沃斯論壇那些標價47美元的雞尾酒會上。CEO們信誓旦旦地保證，AI只是副駕駛（Copilot），人類永遠掌握方向盤。 現在我們知道了，這不過是為了爭取退出流動性（Exit Liquidity）而施放的煙霧彈。當Anthropic證明一個月費20美元的聊天機器人可以完成時薪400美元的初級律師工作時，那個關於「人機協作」的溫情敘事便徹底破產了。市場終於意識到，它一直在為一個即將消失的資產定價——那個資產就是「人類員工的低效」。 看看Salesforce、HubSpot和Atlassian這些曾經的成長股寵兒，今年以來股價跌幅均超過 25%，DocuSign更是從歷史高點跌去了 85%。這不僅僅是週期性的板塊輪動，這是商業模式的崩塌。SaaS（軟體即服務）的核心邏輯是「席位費」（Per-seat licensing），即根據使用軟體的員工人數收費。然而，當AI代理（Agent）開始取代人類員工，企業不再需要購買100個 CRM 帳號，只需要1個AI接口時，SaaS公司的營收模型將面臨毀滅性的打擊。投資者終於清醒過來：如果客戶的員工數量即將腰斬，那麼基於員工人數的收入倍數（Revenue Multiple）就是一個笑話。 Nvidia的黃仁勳試圖安撫市場，稱拋售是「不合邏輯的」，並堅稱AI將使用現有軟體工具。這番話從一位股價自2023年以來上漲340%的「軍火商」口中說出，顯得既輕鬆又諷刺。作為鏟子賣家，他當然希望淘金者繼續購買昂貴的工具，即便金礦已經枯竭。但市場並不買帳，除了少數像ServiceNow或SAP這樣已經將自己深深嵌入企業核心架構的倖存者外，其餘的軟體公司正如同下落的飛刀，接手即斬手。 法律行業是這場海嘯的震央，也是觀察這場變革最殘酷的窗口。長期以來，大型律師事務所依靠「槓桿模型」運作：合夥人利用無數初級律師的「計費工時」（Billable Hours）進行套利。審查NDA、盡職調查、合規檢查，這些枯燥的工作支撐起了律所的利潤和初級律師償還學貸的希望。現在，Claude可以在幾秒鐘內完成這些工作，而且它不需要停車位，不會在凌晨兩點的廁所里崩潰痛哭，更不會要求分紅。美國律師協會還在討論計費模式的轉型，而市場已經用腳投票。Harvey AI估值衝上80億美元，因為它代表了新的生產力；而傳統律所和依賴它們的服務商，正在經歷價值重估。 這場危機揭示了一個更深層次的宏觀困境：白領階層的「入門級末日」。Anthropic的CEO Dario Amodei曾預警50%的入門級白領工作將被淘汰，現在數據正在驗證這一點。微軟和史丹佛的報告都指向同一個結論：AI正在抹去那些用於「訓練」人類新手的初級崗位。如果畢業生無法通過處理基礎文檔來積累經驗，他們如何成為高級合夥人？這條人才晉升的傳送帶斷裂了。對於依賴廉價腦力勞動套利的印度IT外包巨頭Infosys和TCS來說（股價已下跌7至8%），這更是生存危機。如果一個 AI 工程師能抵十個人，為什麼還要僱傭十個人？ 我們正處於一個殘酷的過渡期。短期內，分析師會用「營運效率」來粉飾裁員，CEO們會高喊「AI原生轉型」來挽救股價。但在這層公關話術之下，贏家和輸家已經涇渭分明。贏家是基礎設施提供商（Nvidia、雲端巨頭）和那些真正能提供「結果」而非「工具」的AI原生公司；輸家則是所有依賴「席位費」的傳統SaaS，以及建立在「信息不對稱」和「人力套利」基礎上的專業服務機構。 對於投資者而言，現在不是尋找底部的時刻，而是重新評估商業本質的時刻。那個依靠堆砌人力、按人頭收費、享受高毛利的軟體黃金時代已經結束。未來的軟體將不再是給人用的工具，而是直接完成工作的代理人。在這個新世界里，如果你還在投資那些指望靠賣更多帳號給人類來增長的公司，那你就是在做多馬車鞭子，而福特的生產線已經啟動了。 這不是周期，這是達爾文式的淘汰。那個「AI增強人類」的謊言已經死了，現在是「AI取代成本」的真相時刻。而在華爾街，真相通常意味著痛苦的重新定價。 |
|
| 趙晞文 |
2026-02-06T22:43 |
衛龍美味(09985)委任衛哲為非執董，即日生效。 元宇證券大中華區股票投資總監趙晞文表示，衛龍目前四名執董均為大股東劉氏家族成員，委任衛哲為非執董，可望紓緩市場對於公司企業管治的憂慮，而衛哲在零售及電商的經驗，亦可望為公司在擴展海外市場提供意見。 |
|
| 盧楚仁 |
2026-02-06T17:34 |
阿拉比卡咖啡期貨今個星期跌至6個月低位，全周累跌逾7%。由於全球主要出口國巴西天氣好，預期供應將會增加。與此同時，美國總統特朗普(Donald Trump)周二(3日)係白宮首次同哥倫比亞總統佩特羅(Gustavo Petro)會面，兩國緊張關係似乎降溫。現時哥倫比亞係全球第3大咖啡生產國，消息會唔會間接拖累咖啡期貨價格？ 獨立外匯商品分析師盧楚仁指，之前因為擔心美國同哥倫比亞關係緊張，導致咖啡價格高企，但依家已開始下跌，佢又認為，係呢個情況下，只要咖啡豆供應充足，阿拉比卡咖啡價格就有下跌壓力，又提醒要留意超賣及反彈再跌慨情況，短期宜睇淡。 |
|
| 黃敏碩 |
2026-02-06T17:20 |
農曆新年好快就到，阿里巴巴(09988)旗下千問App「春節30億大免單」活動今日(6日)正式上線，首輪活動送奶茶，包括內地各大主要茶飲品牌，古茗(01364)、奈雪的茶(2150)等，千問App短短3個鐘內落單量已逾100萬，農曆新年快到，加上有平台活動助攻，茶飲股今轉可唔可以炒耐些？ 王道資本及家族資產管理執行董事黃敏碩認為未必，始終呢個係新消息，長遠要睇定位、營運數字及今年整體發展，今日消息公布後，只有古茗破頂，其他茶飲股都冇跟升，甚至冇乜反應。 Michael指，古茗今年會再開3300間門店，會擴展至一線城市，集團營運有改善，消費者對產品有信心，同埋店舖增加，係呢個乘數效應下，市場對古茗反應會較正面，加上有節日氣氛推動，就炒起股價。Michael建議投資者春節前食糊，因為到時節日效應已到水尾。 |
|
| 關焯照 |
2026-02-06T16:03 |
美股3大指數昨晚都要跌，其中，納指已連跌3日，今年更由升轉跌，雖然美國經濟有轉差跡象，地緣局勢又不穩，但內需股相對強勢，呢類股份係咪值得跟進？ 冠域商業及經濟研究中心主任關焯照博士認為，其實已經有部分資金轉戰內需股，例如Dollar General呢類有折扣慨舖頭，股價其實一直有得升，Johnson & Johnson亦升左唔少，而GAP更升上近期高位。 關博士解釋，呢些都係消費及醫藥股，如果有資金流入，係股市震盪時一般都會升，佢又話，內需股其中一個賣點係有好高防守力。 |
|
| 梁偉源 |
2026-02-06T12:45 |
截至早上11時止，過去1小時內《彭博》用戶搜尋量最多港股，依次為友邦保險(01299)、騰訊控股(00700)、泡泡瑪特(09992)、中國銀行(03988)及美團(03690)。 美團斥資逾7億美元，收購係美國上市慨叮咚買菜中國業務，擴大美團係華東慨即時零售佈局，現時阿里巴巴(09988)、京東集團(09618)等同類平台，係內地冇自營前置倉模式即時零售平台，今次慨收購會唔會進一步鞏固，甚至擴大美團內地前置倉慨領導地位？ 大華繼顯執行董事梁偉源表示，今次收購可提升美團競爭力，收購估值亦合理，叮咚正現金流亦為美團帶黎幫助，加上協同效益，今次慨收購係正常部署。 Steven直言，叮咚第3季盈利約8000萬人仔，估計對美團整體盈利貢獻唔大，亦未知最終令美團盈利有幾大改善，未來要留意收購完成後，新增前置倉可唔可以提升美團競爭力。 |
|
| 林嘉麒 |
2026-02-05T22:45 |
美團(03690)斥資7.17億美元，向叮咚買菜收購其內地業務。 元宇證券基金投資總監林嘉麒認為，美團旗下小象超市跟新收購業務，可望產生協同效應，亦不擔心即時買送的幾個參與者，未來會爆發補貼戰。 |
|
| 植耀輝 |
2026-02-05T16:22 |
天齊鋰業(09696)昨日(4日)開市前停牌，期間公司宣布配股兼發CB，除此之外，仲有兩份通告，包括修訂字眼及劃出售智利礦業化工(SQM)股權。天齊今日(5日)復牌股價大跌，一度低見42.7元，大跌近14%，股價點解跌到咁？ 耀才證券研究部總監植耀輝認為，配股集資好正常，但發CB慨行使價同停牌前個價相差唔大，反映市場對鋰相關範疇睇法審慎，令公司慨CB定價唔敢太進取，加上鋰價向下，3大原因都令天齊股價今日大林。 Stanley又話，雖然鋰價依家每噸約15萬元，較2022年同期慨60萬元低好多，但佢估計，未來會有再升空間。不過，由於同業競爭仍然好大，雖然天齊今日大跌，所以暫時唔建議投資者考慮。 |
|
| 李浩然 |
2026-02-05T14:44 |
截至早上11時止，1小時內《彭博》用戶搜尋量最多港股，依次為美高梅中國(02282)、泡泡瑪特(09992)、友邦保險(01299)、騰訊控股(00700)及新城發展(01030)。 港股今日(5日)普遍都Risk Off，軟件及科技股下挫，資金轉炒相對落後慨消費股，其中，泡泡瑪特股價今朝一度升至251.2元高位，大升近6%，但隨即殺返落黎，今輪反彈係咪已接近尾聲？ 方德證券研究部分析師李浩然認為，依家市場普遍對谷子經濟睇法較負面，令資金從擠擁科技股流向較落後慨板塊，令落後板塊出現復甦情況。佢指出，泡泡瑪特股價今日自高位回落左唔少，反映250元阻力大，而高過300元慨蟹貨壓力亦唔細。 Eric相信，泡泡瑪特股價未來會點行，相信要等出完業績，睇下市場有冇新催化劑先可以評估到，佢又估計，泡泡瑪特股價短期未必可以進一步反彈。 |
|
| 陳偉明 |
2026-02-05T10:48 |
美國聯儲局連續第3次減息後，於上周三（1月28日）晚間如市場預期，維持利率在3.5厘至3.75厘區間不變，並未受到美國總統特朗普持續施壓減息的影響。會後聲明對美國經濟及就業市場的看法轉趨樂觀，但未明確提及未來是否需要進一步減息。期貨市場預期，至少在6月前利率將維持不變，意味著主席鮑威爾任期內的最後兩次會議可能不會減息。 儘管美國標普500指數在創新高後回落，但特朗普總統表示不擔心美元走弱的言論，引發美元急跌，加速全球資金流入亞太及新興市場。港股連續七日上漲，恆指上周四（1月29日）一度突破28,000點關口，續創逾四年半新高。正當市場預期港股可能上探30,000點時，恆指卻在28,056點見頂後急轉直下，主因是市場開始擔憂大型企業在人工智慧（AI）相關領域的龐大開支，加上金銀價格暴跌引發的補倉潮拖累股市表現。 金銀價格經歷快速飆升後，於上周四（1月29日）晚間突然出現明顯沽壓，疑似有資金提前佈局沽空。特朗普總統上周五（1月30日）在社交平台發文，提名聯準會前理事沃什（Kevin Warsh）為下一任聯儲局主席。由於沃什的政策立場偏向鷹派，市場預期美國持續減息的可能性降低，美元及美債息隨之上升，觸發近期漲勢凌厲的金銀價格大幅回落，加密貨幣也受到波及。 市場原本認為中港股市上同五（1月30日）僅屬超買後的正常回調，下跌空間有限。然而，金銀價格跌勢未止，加上芝商所（CME）提高黃金與白銀期貨的保證金要求，引發冚倉潮。金銀市場的洗倉效應波及亞太區股市，於本周一（2月2日）出現震盪。港股則因市場傳聞內地互聯網服務公司可能上調增值稅而受壓，於本周二（2月3日）進一步下跌，恆指最低跌至26,431點。 中國上調電信服務增值稅，內地三大電信商——中國移動(00941)、中國電信(00728)及中國聯通(00762)本周一（2月2日）全線急挫。本周二（2月3日）再傳出遊戲行業稅率可能向白酒業的32%看齊，市場憂慮互聯網增值服務稅率將被上調，導致科技股重挫。隨後，《新華社》引述專家指出，騰訊(00700)等企業「加稅」的說法屬於謠言，加上貴金屬市場回穩，港股開始反彈。 儘管內地官媒發文澄清遊戲行業大幅加徵增值稅的傳言不實，但市場對中資科技股的疑慮仍未消散。騰訊股價連續兩日重挫，累計跌幅近7%，加上美元持續反彈，港股上行受阻，傾向恆指大約在26,300至27,000點區間反覆上落。 市場一方面擔憂大型科技企業在人工智慧（AI）領域的龐大開支，另一方面又顧慮內地互聯網服務可能上調增值稅，導致中資科技股跌勢未止，資金轉向傳統板塊避險。雖然港股整體上升乏力，但中國旺旺(00151)卻逆市破頂，表現強勢。進取型投機者或可考慮小注Long Call 2月行使價5元的中國旺旺股票期權。 |
|
| 許繹彬 |
2026-02-05T10:41 |
港股踏入2026年後，首月走勢可謂「高歌猛進」，曾在期指結算日一度衝上28,056點的四年半新高，整個1月累計升幅達1,757點。此時國際投行一致唱好，更預期短期內升穿30,000點，令不少投資港股的股民笑逐顏開，持貨待漲，卻忽略了調整風險，豈料港股再次應驗坊間俗語：「全城睇好，便需走佬」的魔咒。 進入2月份，首個交易日即出師不利，大幅調整。美國總統特朗普為全球金融市場再次投下「手榴彈」：他一意孤行提名一向「鷹派」的沃什出任下任聯儲局主席，若參議院順利通過，預計今年5月沃什將正式接掌聯儲局。沃什向來主張大幅縮減聯儲局資產負債表規模，雖然近期立場稍轉「鴿派」，但歷史上仍以鷹派貨幣政策著稱。 此任命出乎市場意料，投資者紛紛拋售價格處於高位的資產，股票、虛擬貨幣、黃金與白銀無一倖免。黃金價格更如坐過山車，上周投行紛紛看好，預期見6,000美元只是時間問題，現貨金價1月28日一度升穿5,400美元關口，但本周一（2月2日）受壞消息及芝商所（CME）緊急大幅調高貴金屬保證金影響，平倉及斬倉盤湧現，金價瞬間失守4,500美元，低見4,404美元。其他資源類產品同樣災難式下跌，爆倉連鎖效應拖累全球市場，連上周曾衝破28,000點的恆指亦借勢急挫。跌勢之猛，將港股辛苦攻上的27,000點、10天線（約27,085點）及20天線（約26,854點）全部失守，大市氣勢盡失。 本周二（3日）金銀價格大跌後迅速回穩，現貨黃金一度重返5,000美元以上，帶動亞洲主要股市反彈：日經指數升3.92%，報54,720點，南韓綜合指數報5,288點，台灣加權指數收報32,195點，升571點。但港股未能跟隨，反而以「屋漏偏逢連夜雨」形容更為貼切。原來內地周日（1日）公告，指流動上網、短訊及寬頻業務的增值稅稅率自2026年1月1日起由6%調升至9%，消息一出，相關電訊股周一（2日）齊齊重挫，但當日適逢港股深度調整，投資者未太留意。 直至周二（4日）市場再傳內地擬向科網業務調高增值稅，科網股即割喉式急挫，股民全部「要錢唔要貨」。當中股王騰訊(00700)跌勢最為慘烈，穩守多時的600元大關瞬間失守，550元岌岌可危。除騰訊外，阿里巴巴(09988)、快手(01024)等重磅科技股亦作深度調整，因此恆指非但未見反彈，反而越跌越深，26,500點亦不保，成交更達3,478億元。本周首兩個交易日累跌1,193點，幾乎抹去1月所有升幅。 筆者認為，港股由盛轉衰來得突然，本周初急挫確令投資者措手不及。即使昨日（4日）曾反彈，但力度遠遜於日韓台股市。除國際資源價格急挫拖累全球外，因內地增值稅調整而引發的連鎖恐慌，亦已嚴重困擾中港投資情緒。即使《新華社》引述指消息純屬謠傳，港股仍難擺脫弱勢，僅輕微反彈，未能重返27,000點以上。 加上農曆年假將至，內地迎來長達9天的假期，為求穩陣，北水由淨流入轉為淨流出，屬正常現象。預期長假前港股走勢反覆，成交減少，忽上忽落情況或頻現。建議投資者保持冷靜，持盈保泰為上策。目前只能盼望恆指企穩26,400至26,500點防守區，上望27,000至27,200點水平。 若市況反覆或偏靜，高息股、內銀或內險股有望發揮避險作用。當中，內險股於昨日（4日）市況反覆之時已先聲奪人，建議投資者可留意建設銀行(00939)，相信將有力再向52周高位或更高水平推進。 |
|
| 譚智樂 |
2026-02-05T09:24 |
富途證券首席分析師譚智樂推介信義光能(00968) 推介原因： -行業或出現結構性轉變，憧憬外太空發展 -光伏玻璃價格已有喘定跡象。 |
|
| 羅尚沛 |
2026-02-04T22:41 |
百勝中國(09987)第四季純利增長21.7%，勝預期，並重申2027-2028年股東回報每年約9-10億美元。 銀河證券業務發展董事羅尚沛表示，在內地餐飲業競爭激烈之下，百勝上季收入升近9%，純利升約22%，已算不俗，相信股民會收貨。 |
|
| 莊志雄 |
2026-02-04T15:16 |
美國總統特朗普(Donald Trump)提名沃什(Kevin Warsh)出任聯儲局下任主席，消息公布後，美元回穩，但科技、軟件類股就急挫，如果要分析後市，最重要睇咩因素？ 「股市漁夫」創辦人莊志雄指，目前睇美匯指數有一個走勢陷阱，係假跌破，特朗普上一個任期當中，美匯首280個交易日都係跌，而到今次，今星期岩岩夠280日後，美匯又上返趨勢線，相信主要係流動性問題。 佢又話，美國流動性偏弱唔係第一次，2019年當時都出現同樣問題，而今次主要因為政府停擺，令TGA抽走左部份流動性，假設美匯今個星期轉強，代表市場要更小心，因為波動性增加左。 |
|
| 彭偉新 |
2026-02-04T13:07 |
截至早上11時止，1小時內《彭博》搜尋量最多港股，依次為騰訊控股(00700)、遠東宏信(03360)、金蝶國際(00268)、中國神華(01088)及美圖公司(01357)。 金蝶及美圖基本上已轉型為SaaS軟件股，外圍慨SaaS股如Salesforce、Adobe急跌，原因係人工智能(AI)初創公司Anthropic發布左1款主動式AI代理工具，可以自動執行合約審查及法律簡報等任務，令軟件股再受壓，Anthropic慨AI代理工具係咪真係會衝擊軟件股慨商業模式？ 資深證券分析師彭偉新指，對一般個人用家影響較大，對度身訂造慨高端用戶就冇乜影響，主要睇返公司提供慨服務，到底係針對專業用家，還是一般用戶，始終AI Agent只係可以寫簡單野慨一般性用具，要求更專業仍要交比有經驗人士撰寫。 Castor又話，依家軟件股進入波動期，每當有消息傳出，唔少投資者就會先行食糊離場，呢種憂慮好容易推低股價，若同一時間好多投資者離場，股價就會顯著受壓，相信最後要睇B端用戶會唔會留低。 |
|
| 盧志威 |
2026-02-04T10:47 |
美國晶片巨企AMD出左上季業績，純利按年勁升2倍至約15億美元，不過，股價昨晚(3日)係美股收市後延長交易時段大跌近8%，情況同之前慨英特爾(Intel)一樣，到底係咩原因？ 潤淼資產管理董事盧志威指，AMD業績係冇問題，但市場依家普遍對大型科技股睇得遠些，而近期慨消息都對硬件類股份不利，例如英偉達(Nvidia)本來最多向OpenAI投資1000億美元，但之後開始策略性縮水。 William又話，呢些消息令本身推動緊資本開支慨公司都會手緊左，依家市場慨樂觀情緒未必維持到好耐，佢認為，硬件類股份除左Intel可以睇好外，其他幾隻都有下跌風險。 |
|
| 植耀輝 |
2026-02-04T10:24 |
耀才證券研究部總監植耀輝推介香港電訊(06823) 推介原因： -近日走勢改善 -現價預測股息率約7厘 -憧憬股價績前轉強 建議現價買入 目標價：12.6元 止蝕價：11. |
|
| 趙晞文 |
2026-02-03T17:25 |
蘋果公司(Apple Inc.)概念股今日(3日)跟大市反彈，其中以高偉電子(01415)升得最靚，一度高見32.4元，大升近11%，係咩因素刺激股價爆上？ 元宇證券大中華區股票投資總監趙晞文指，高偉股價早前持續受壓，主要係部件價格持續上升，市場擔心會打擊今年全球智能手機出貨量，係呢個情況下，投資者會傾向選擇受衝擊較小慨品牌。 佢又指，睇好高偉主要有3個原因，首先係產品周期優勢，今年係Apple慨「大年」，加上同Google係人工智能(AI)慨合作，市場憧憬iPhone將引爆換機潮，其次係定價能力，雖然部件成本上漲，但Apple仍有能力將部分成本轉嫁畀消費者，或透過產品升級維持利潤，最後係供應鏈地位穩固，高偉對美國客戶慨敞口係港股供應鏈相關公司之中最高，只要Apple業績好，高偉基本上都可以受惠。 晞文續稱，隨著產品單價及毛利率提升，預期高偉未來幾年收入、盈利將錄得複合增長，近期股價疲弱只係受制於市場對需求慨短期憂慮，一旦呢些憂慮消除，估值就有反彈空間。 |
|
| 黃偉豪 |
2026-02-03T11:38 |
恆生指數今朝(3日)高開逾200點，其後一度重上27000關，但之後又跌過，好倉連續兩日有資金流入，淡倉就連續5日有資金流出，但5日合計，仍有近2.5億元坐貨。此外，牛證重貨區下移至26400點及26300點，熊證重貨區就係28300點，最多人加倉係27300點，恆指過去兩日累跌逾千點，依家阻力位係邊？牛熊證點擺位？ 胤源世創家族辦公室(香港)第一副總裁黃偉豪指，恆指暫時走勢偏弱，始終上個月衝得有些急，依家出現調整，短期阻力睇27000點，呢個亦係下跌裂口，如果上唔返27000點，投資者短線就要小心。 Ravi又指，熊證收回價擺28000點樓上冇問題，如果博大市唔會再大跌，甚至有反彈，牛證收回價可以擺50天線以下，即26200點以下。 |
|
| 姚浩然 |
2026-02-03T10:22 |
亨達財富管理董事總經理姚浩然推介哈爾濱電氣(01133) 推介原因： -2025至2026年預測市盈率分別為15.5倍及12.5倍，估值吸引 -隨著大力發展人工智能，內地電力需求顯著增加。 |
|
| 梁偉民 |
2026-02-03T10:15 |
之前崩盤慨金價及銀價，係今朝(3日)亞洲交易時段反撲，現貨金價一度彈逾3%，升穿每盎司4800美元，現貨銀價更彈逾5%，衝破83美元，之前連日插水，主要係投資者調整倉位，尤其係短炒白銀慨投資者，倉位退返出黎之後，金價及銀價後市會點行？ 高富金融集團投資總監梁偉民指，金價暫時低位係4500至4600美元水平，雖然金價近期出現較大調整，但資金冇明顯流走，反映黃金利好因素比白銀多。 Wyman又指，炒作白銀慨資金主要來自內地，現時國內銀價較國際市場銀價有逾20元美元溢價，反映國內投資者對白銀睇法樂觀，投資者不妨留意未來兩星期內地慨情況，如果資金繼續湧入就冇問題，相反，若投資者散水，要小心白銀再調整，而且幅度可能好誇張。 |
|
| 鄭家華 |
2026-02-02T22:45 |
敏實集團(00425)將每手買賣單位由2000股降至100股，認為可提高股份流動性，並拓寬股東基礎。 阿仕特朗資產管理董事鄭家華認為，敏實降低每手入場費，應有助刺激交投，至於股價能否延續過去一年的強勢，則要視乎未來業績表現。 |
|
| 聶振邦 |
2026-02-02T16:40 |
仲有約兩星期就到馬年，內地各大平台慨「紅包大戰」已經開打，百度集團(09888)早前已宣布推出5億人仔紅包計劃，騰訊控股(00700)旗下人工智能(AI)平台「元寶」更準備10億人仔現金紅包，阿里巴巴(09988)慨「千問App」更豪掟30億人仔，大搞「新春請客計劃」，係AI熱潮下，今年慨特色係「AI+社交」，到底邊隻股份會成為「紅包大戰」大贏家？ 高歌證券金融首席分析師聶振邦認為，單靠以往都有慨搶紅包，對帶動整體消費作用唔大，但加入AI元素可以令市民有新鮮感，更可以間接推廣AI應用，例如用戶可以直接係千問App買戲飛，變相增加左消費入口，相信新元素對提升平台今個月慨活躍用戶(MAU)有絕對幫助。 聶Sir又話，3大巨頭之中，大眾對阿里及百度慨生成式人工智能(Gen AI)較熟悉，而騰訊慨AI應用暫時同電腦編程關聯較多，係今次活動入面可能稍為落後，由於阿里擁有商城同閃購等電商業務配合，係帶動消費同業務推動上更有優勢，所以較睇好阿里，後市可以留意股價上半年可唔可以挑戰190至200元水平。 |
|
| 梁傑文 |
2026-02-02T15:38 |
上周六(1月31日)起開始招股慨樂欣戶外(02720)，主要賣釣魚凳及其他配件，係全球最大釣魚裝備製造商，集團今次發售約2820萬股，招股價上限12.25元， 集資最多3.45億元，每手500股，入場費逾6186元，呢隻新股抽唔抽得過？ 《香港股票財技密碼》作者梁傑文認為，雖然集團自稱行業龍頭，全球市佔率逾30%，不過，樂欣財務業績比較波動，旗下業務都係以代工為主，冇自家品牌。估值方面，公司市盈率(PE)逾20倍，唔係特別貴或平，更重要係，港股市況持續轉差，可能令樂欣吸引力減少。 Mike又提醒，即使樂欣IPO採用機制B，不設回撥，股價升幅都會因行業規模細，同埋近期市況差而受壓。 |
|