| Commentator |
Time |
Content |
Tag |
| 盧志威 |
2023-05-10T10:26 |
【Now財經台】美國通脹數據今晚出爐，市場預期，通脹將按年持平，但核心通脹按月會略為升溫，通脹數據公布前夕，2年期債息反覆上返4厘，金價亦微升，不過，連日有聯儲局官員放風，話對6月唔加息持開放態度，並重申今年唔會減息，除非今晚出慨通脹數據遠超預期，否則，6月系咪好大機會唔會加息？ 潤淼資產管理董事盧志威指，其實系，因為依家講緊利率見頂，所以除左睇經濟數據，市場亦愈來愈重新聚焦銀行業危機，第一共和銀行(First Republic Bank)被接管後，其實向市場釋出一個訊號，就系金融體系唔系單睇股市升跌，依家要考慮慨因素好多，所以只要經濟數據唔系大幅回升，相信市場慨加息預期已經大幅降溫。 William又話，如果再爆發銀行危機或出事，都可以成為聯儲局減息慨籍口，但現階段都只系一個憧憬。 盧志威 潤淼資產管理董事 |
Gold |
| 郭家耀 |
2023-05-10T09:52 |
【Now財經台】安里資產管理董事總經理郭家耀推介百勝中國(09987) 推介原因： - 首季業績亮麗 - 成本控制理想 - 維持開店目標 建議買入價：470元 目標價：550元 止蝕價：430元 郭家耀 安理資產管理有限公司董事總經理 相關股票 編號 名稱 09987 百勝中國 相關文章 【大行報告】高盛:百勝中國估值合理 2023/05/04 11:58 【後市點睇？】陳政深:恆指有機下試19000點水平 2023/05/03 19:02 【專家分析】百勝中國未來3季業務動力更強 2023/05/03 17:35 【失牛熊線】恆指跌234點 成交縮至662億 消費股逆市炒上 2023/05/03 17:09 【首要谷銷售】百勝中國料通脹壓力增 惟加價會較審慎 2023/05/03 13:17 【大行報告】高盛:百勝中國Q1純利勝預期 2023/05/03 12:03 【焦點股】首季多賺近2倍 百勝中國重返「啡底股」 2023/05/03 10:01 【醒晨推介】陳鳳珠推介百勝中國 2023/03/07 10:39 【照派季度息】百勝中國去年少賺55% |
Rating |
| 陳錦興 |
2023-05-09T18:09 |
【Now財經台】中芯國際(00981)股價近日跌得好急，4月下旬炒上25元樓上，以現價計已回落超過20%，中芯系咪唔符合「中特估」股份資格？就算「中特估」股份要抖抖氣，資金都唔會轉炒中芯？ 英皇資本財富管理方案研究總監陳錦興指，如果用「中特估」慨邏輯去判斷，中芯的確唔太符合，因為中國特色體系估值基本邏輯系估值平、市盈率(PE)及市帳率(PB)低、派息多，同埋有釋放價值慨能力，但中芯係呢幾方面都比較弱。佢又話，雖然中芯PB都上到近1倍，但從來冇派過息，呢方面已經較難成為「中特估」股份，而中芯已分拆係A股上市，所以釋放價值潛力亦有限。 |
SMIC , EMPEROR CAPITAL , IPO , IPO |
| 梁振輝 |
2023-05-09T16:23 |
【now.com財經】近期市場走勢乏善可陳，或許影響了投資意欲，大家看來也在等待催化劑的出現。另一方面，數據表現亦甚為反覆，對經濟前景及通脹並未有明確的方向。話雖如此，近期市場面對多項潛在負面因素下，表現實際上已有交待，但這不算差的表現卻令我們擔心市場定價存在下行風險，早前美國標准普爾500指數波動率指數曾創下一年半新低，正如反映市場看來並不太憂慮。 三大風險要留神 第一個是信貸緊縮 ，早前第一共和銀行倒閉是三個月內美國第三家倒閉的大型區域性銀行。銀行接二連三的倒閉提醒投資者，過去一年利率飆升對較小規模銀行的傷害不輕。美聯儲最新的調查亦顯示銀行進一步收緊信貸，或會加劇當前已存在的周期性緊縮，並進一步拖累經濟增速。 其二是減息預期降溫，美聯儲駁斥年內減息的預期，上周的就業數據反映美國就業依然供不應求，且通脹依舊高企。未來美聯儲是否會出手減息應對經濟放緩，對投資者而言至關重要。如果美國通脹仍遠高於目標水平且薪資上升壓力持續加劇的話，美聯儲就不太可能像市場預期那麼進取減息。近期已有金融機構警告市場對減息的預期或許過份樂觀，一旦出現修正，難免引發較大幅度的市場波動。 |
JPY , Gold , US Bonds , HK Cap Flow , Capital Flow |
| 李偉傑 |
2023-05-09T15:29 |
【Now財經台】近排有唔少A股因股價異常波動，3個交易日累升20%，因而發澄清通告，而中國銀行及民生銀行A股噚晚亦因為咁發股價異常波動公告，指集團冇必須披露慨重大訊息。值得留意系，大型內銀股股價好少異動，點解近期會出現呢個現象？ 華盛證券經紀部董事李偉傑指，內銀股市盈率(PE)低及股息率高，但一直炒唔起，原因系內地貨幣政策持續寬松，但隨著上月開始淨息差擴闊，資金亦願意買返內銀股，以工商銀行(01398)及建設銀行(00939)為例，市帳率(PB)只系約0.4倍，等股價去返10天及20天線水平可以考慮做部署。 揀股方面，摩根士丹利慨報告點名中信銀行(00998)及民生銀行(01988)，指兩家銀行聚焦處置不良貸款及重組主要業務，Jason話，被大摩點名後，呢些股份表現極之理想，但畢竟已累積唔少升幅，所以都系等股價落返20天線水平再部署。 |
China Banks , CCB , CITIC BANK , ICBC , BANK OF CHINA |
| 黃偉豪 |
2023-05-09T11:31 |
【Now財經台】騰訊控股(00700)股價繼續係334元水平徘徊，資金連續5日淨流入，合共有逾4000萬元坐緊貨，騰訊股價近日同大市一樣淡靜，熱門CALL輪大部分系價外約20%，槓桿8倍至11倍，股份近期冇乜利好消息，以上擺位會唔會太進取？值唔值得吸納？ 中薇證券研究部執行董事黃偉豪指，最主要睇CALL輪慨年期，如果系較長身慨CALL都值得部署，雖然騰訊股價近期冇乜動靜，資金亦唔熱衷買科技股，但較長身慨CALL有一定槓桿，加上價外幅度達一定程度時，當資金追返落去時，存在一定上升空間，因此，部署CALL輪要留意年期夠唔夠長，太短身可能會蝕時間值，加上正股依家係中長期均線以下，升勢唔明顯，所有短身CALL都冇優勢。 |
IT , TENCENT , Capital Flow |
| 梁偉民 |
2023-05-09T10:51 |
【Now財經台】噚晚美股焦點繼續落係地區銀行股。西太平洋銀行(PacWest Bancorp)宣布削減季度息，希望透過措施加快資本累積，刺激股價一度勁彈30%，雖然收市僅升3%，但股價早段勁彈，系咪反映市場對地區銀行唔系完全冇信心？還是只系資金趁有消息博反彈？ 高富金融集團投資總監梁偉民相信，今次只系借消息反彈，依家最大問題系存戶對銀行慨信心有幾多，之前觸發美國地區銀行倒閉慨主要原因系大量存款流失造成擠提，因此，市場主要擔心地區銀行股價林，繼而令存戶失去信心，最終存款流失情況再次加劇。 Wyman又話，依家只要一個消息或股價有些風吹草動，都可以對存戶信心造成好大影響，所以未來兩個星期系重點觀察期，睇下存款流失會唔會造成影響，唔系股價反彈就代表事件已經完結。 梁偉民 高富金融集團投資總監 |
Capital Flow , US Stock |
| 黃敏碩 |
2023-05-09T10:23 |
【Now財經台】寶鉅證券董事及首席投資總監黃敏碩推介中國重汽(03808) 推介原因: - 產品組合優勢 - 加大新能源技術投入，提升產品競爭力 - 內地固投增速加快，帶動商用車需求。提高國六亦利好行業需求 建議買入價：13元 目標價：15元 止蝕價：12元 黃敏碩 寶鉅證券董事及首席投資總監 相關股票 編號 名稱 03808 中國重汽 相關文章 【大行報告】大和上調濰柴每股盈測11% 2023/05/08 11:45 【大行報告】匯證叫買濰柴兼上調目標價逾50% 2022/12/06 11:34 【何車評股】中國食品盈利增長強勁 2022/09/01 10:00 【醒晨推介】李澤銘推介中國重汽 2022/05/30 10:33 【專家分析】買重汽長楂等今季尾入場 2022/04/01 16:13 【港股今日睇】重汽被責令整改 股價要繼續尋底？ 2021/11/02 22:51 【大行報告】匯證降中國重汽目標價至17.5元 2021/09/01 11:19 【專家分析】資金翻撻重型機械股因... 2021/08/10 17:45 |
SINOTRUK , Energy , DAHSING BANKING , New Energy |
| 鄭家華 |
2023-05-08T22:42 |
【Now財經台】心連心化肥(01866)擬回購股份，原因是股價未能反映內在價值。 阿仕特朗資產管理董事鄭家華表示，心連心平時股份交投不多，若公司有心回購股份，應可支持股價向上，估計回購期間，股價可守穩於4元以上。 |
|
| 林嘉麒 |
2023-05-08T16:24 |
【Now財經台】中字頭股份向上，但商湯(00020)要逆市跌，一度跌逾7%，失守所有平均線，下試上月低位。明晟指數(MSCI)指，商湯唔合符納入納入MSCI中國全股票或MSCI中國指數名單，因為商湯已被美國列為「非SDN中國軍工復合體公司名單」，即系被制裁，其實去年已知股份被納入名單，點解今日跌咁多？ 元宇證券投資總監林嘉麒指，MSCI為好多基金公司會追蹤慨指數，雖然之前有提及過，但今次正式被剔出，跟蹤MSCI指數慨基金都要減持商湯。基金有主動型及被動型基金，主動型基金可以先系倉位到做調配，甚至可以先調整百分比，所以今日消息一出黎，令跟蹤指數慨基金調配，形成股份今日跌幅咁大。 |
|
| 梁傑文 |
2023-05-08T16:01 |
【Now財經台】港股市況淡靜，難得有細價股係呢個時候有動作，海藍控股(02278)擬提私有化，每股要約價3.36元，較停牌前有5%溢價，但股份今朝復牌，股價零反應之余，到依家連成交都冇，但作價其實已高過每股帳面淨值3.071元，市場系咪嫌控股股東出手太低，還是集團業務同內房有較大關連性，所以無人問津？ 《香港股票財技密碼》作者梁傑文指，相信最主要原因系股份街貨少，海藍上市只有幾年，當時上市公開發售部分都認購不足，加上可能大部分股份都由上市公司或大股東慨關聯人士持有，當年上市價大約4元，但內房股過去幾年持續弱勢，所以海藍呢種二三線內房股更少人關注，因此，預期今次私有化只系左手交右手，但相信最終定價仍有調整空間。 梁傑文 《香港股票財技密碼》作者 相關股票 編號 名稱 02278 海藍控股 相關文章 【焦點股】呢只內房股午後一度突洗倉式急瀉69% 2022/10/26 14:42 |
Stock , China Real Estate , IPO , IPO , HAILAN HLDGS |
| 潘國光 |
2023-05-08T12:14 |
【Now財經台】雖然恆指近日未有出現大突破，但中字頭板塊熱炒，因為有估值平、高息、穩陣呢些賣點，而「中國特色估值」炒起左電訊股、石油股，而內銀、內險股上星期表現都好搶鏡，後市有咩板塊值得睇高一線？ 富邦銀行(香港)投資策略及研究部主管潘國光指，有政策扶持慨板塊可以睇高一線，過去一兩年，監管及扶持措施逐漸見效，加上疫後經濟前景轉趨明朗，唔同板塊都有投資機會，佢估計，下半年新能源汽車股好大機會出現突破，開始進入國際市場，德國過往只輸出汽車畀中國，但近年形勢唔同左，德國多左輸入中國汽車，新能源汽車生產量方面，比亞迪股份(01211)更爬左Tesla頭，呢個板塊除左有本土政策扶持，係國際市場亦有一定增長爆發力，投資者不妨留意下。 |
Energy , Oil , KLN , BYD COMPANY , China Banks |
| 陳錦興 |
2023-05-08T10:43 |
【Now財經台】英皇資本財富管理方案研究總監陳錦興推介時代電器(03898) 推介原因： - 首季業績合符預期，盈利表現不俗 - 新興裝備產品發展較市場預期好，增長動力及收入占比亦不錯 - 鐵路項目批出有增長， |
Earnings , SUN HING VISION , EMPEROR CAPITAL |
| 李浩然 |
2023-05-08T09:48 |
【now.com財經】股神巴菲特戰友芒格（Charlie Munger）早前再次談到矽谷銀行(SVB)的崩潰。他認為管理層在矽谷銀行犯下的問題，包括：(一)集中的存款基礎、(二)短視的思維、(三)不良的資本配置。當中，(二)和(三)這些決策更多是由激勵機制所驅動的。 事實上，許多公司擁有集中的客戶群，有些公司甚至建立了僅服務於一個主要客戶（政府合約承包商、Costco供應商等）的長期業務。集中的客戶群總是存在一定程度的風險，但通常這種風險是可以被有效管理。打個譬喻，雖然木頭可以燃起火來，但木頭房子被燒成平地通常不是木頭的錯。 理論上，SVB並沒有因為銀行擠兌而倒閉。它的失敗，是因為耗盡了資本，然後創造了導致擠兌的條件。那麼是什麼導致了銀行的帳面價值被抹去呢？在激勵機制下，管理層為實現一定的 ROE目標和股價升值，導致他們進行高風險的投資，包括購買長期債券並獲得極低的收益率。這種短視行為在許多行業中都是一個常見問題，如果不加以管理，可能會帶來災難性的後果。矽谷銀行的集中客戶群體，只是冒高風險（買入大量低收益率的長債）才成為真正的問題。 |
US Bonds , USD |
| 趙晞文 |
2023-05-05T22:46 |
【Now財經台】創維集團(00751)早前提出，以每股5元回購最多1億股的議案，獲股東特別大會通過，要約期至本月19日。 信達國際研究部主管趙晞文表示，創維提出的回購價，較市價溢價逾27%，若能按市價買入，算是極低風險投資，至於公司三年來兩度回購及注銷股份，變相令大股東持股比例提高，相信日後會有其他動作，包括可能分拆新能源業務上市。 |
Energy , SKYWORTH GROUP , New Energy , IPO , IPO |
| 姚浩然 |
2023-05-05T18:30 |
【Now財經台】蘋果公司(美股:AAPL)上季純利雖然跌3%，但仍勝預期。不過公司展望，今季收入表現只會同第2季度相若，如果今季收入按年再跌，將會連續3季收入按年下跌，近7年黎都未試過。 Apple股價今年累升約27%，仲跑贏納指100。如果Apple股價撐唔到，其實會動搖埋美股幾大主要指數。 亨達財富管理董事總經理姚浩然指，唔太擔心公司前景，認為美國今年就業數據唔差，唔會出現大衰退，消費市場亦唔會萎縮得好快。佢又話，品牌用戶黏性強，習慣產品生態圈後好少「轉會」，相信收入仍然穩定。 Patrick又話，唔少資金系睇中Apple手上現金多，係經濟不穩定時有優勢，先會泊埋去。 姚浩然 亨達財富管理董事總經理 |
US Stock , CINDA INTL HLDG |
| 陳建良 |
2023-05-05T17:17 |
【Now財經台】自今年初通關到最近「五一黃金周」假期，市場一直唱好消費股前景，不過，勝利瑞柏基金管理合伙人暨投資總監陳建良認為，市場忽視後疫情時代下消費股慨成本上升壓力。 KL點出市場對消費股慨5大分析盲點。 首先，疫情後大部分消費者慨財政狀況較疫情前轉差。第二，雖然疫情後積壓需求(pent-up demand)引發報復式消費，但後續慨消費力度可能無以為繼。第三，唔少產品已經加價，反而令銷售量減少，收入未必會大幅增長。第四，通脹高企下好難控制好產品成本，如運輸、人工等，因而壓縮左毛利率。 KL續指，現時利率高於2019年水平，所以依家慨估值好難同當年相比，而估值要低於2019年水平先算吸引。 陳建良 勝利瑞柏基金管理合伙人暨投資總監 |
Gold |
| 葉佩蘭 |
2023-05-05T17:02 |
【Now財經台】市場預期美國息口見頂，加上銀行業及債務上限危機，以及經濟前景轉弱，係市場避險情緒升溫下，金價逼近2020年歷史高位，今個星期暫時累升約3%，上返每盎司2000美元，金價短期內破頂機會有幾大？ 英皇期貨營業部總裁葉佩蘭指，金價依家仍未突破阻力，係2100美元有頗大阻力，主導市場一定系息口，而黃金今年暫時仍錄得正流入，不過，Fion估計，如果金價短期升唔穿2100美元，有機會出現調整。 葉佩蘭 英皇期貨營業部總裁 |
Gold , USD |
| 梁偉源 |
2023-05-05T12:52 |
【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、中國平安(02318)、融創中國(01918)、美團(03690)及碧桂園(02007)。 騰訊同中國聯通(00762)合資係北京成立名為雲宙時代科技慨公司，主要從事內容分發網絡(CDN)與邊緣計算業務，其實早於去年11月，聯通與騰訊已簽署戰略合作協議，同期慨戰略合作仲有中國電信(00728)同阿里巴巴(09988)，以及中國移動(00941)和京東集團(09618)。 騰訊股價早段曾升逾2%，高見347元，中午升幅收窄至1%，收報342.6元。大華繼顯執行董事梁偉源認為，股份今日跟住一眾科網股反彈，主要系受阿里分拆消息刺激。而科網企業同電訊公司合作搞數字基建，仍然處於早期投資階段，短期內唔會見到具體回報，因此，現階段對騰訊每股價值影響有限。 Steven續指，股價早前跌至330元附近水平，吸引唔少中長線資金趁低部署今月中公布慨第1季季績，可能因而撐返起股價。 |
CHINA UNICOM , IT , Stock , TENCENT , CHINA TELECOM |
| 聶振邦 |
2023-05-05T11:42 |
【Now財經台】美股連跌4日，道指率先蒸發曬今年升幅，標指及納指今年暫時仍累升約5%及14%，究竟美股仲有幾大下跌空間？ 博威環球資產管理金融首席分析師聶振邦認為，美股今輪調整幅度唔會好似3月時咁深，預期道指會係32000點至32500點喘定。 重磅股蘋果(美股:AAPL)盤後升逾2%，雖然上季盈利倒退約3%，但業績已好過預期，加上公司季度息加碼，又宣布額外900億美元股份回購計劃，都支持股價係收市後延長交易時段造好。 不過，聶Sir話，美股整體氣氛仍差，資金傾向流入有利好消息慨股份，但佢認為今晚開市後，Apple升幅好大機會收窄返，投資者亦要留意集團收入已連跌2季。 聶振邦 博威環球資產管理金融首席分析師 |
US Stock , Earnings , Capital Flow , USD |
| 盧志明 |
2023-05-05T10:28 |
【Now財經台】大唐資本投資策略部總監盧志明推介阜豐集團(00546) 推介原因： - 業績亮麗，去年收入增28%，純利增2倍，派息率40% - 內地飲食業需求上升，消費升級令產品結構提升，利潤率料續見改善 - 內地調味品行業增長潛力大 建議買入價：4.8元 目標價：5.5元 止蝕價：4.1元 盧志明 大唐金融副總裁 相關股票 編號 名稱 00546 阜豐集團 相關文章 【股市脈搏】阜豐乜事幾乎一跌到尾？ 2022/09/19 18:01 【港股今日睇】盈利勁派息高 阜豐現價值博？ 2022/08/30 22:31 【港股展望】恆指下半年有機下試20000關 2022/06/29 19:11 【期結日捱打】恆指低收422點 又失22000關 2022/06/29 17:04 |
Results , FUFENG GROUP |
| 林嘉麒 |
2023-05-04T22:47 |
【Now財經台】中國聯通(00762)建議分拆智網科技於上海科創板上市，獲聯交所同意，仍須待大股東的股東會及中證監批准。 元宇證券基金投資總監林嘉麒表示，聯通若成功分拆智網科技上市，有助釋放價值，不過，智網科技去年純利僅1億元人民幣，公司規模細，因此所釋放的價值，相對逾1800億港元市值的聯通來說，比例很小，相信對股價刺激作用有限。 |
RMB , CHINA UNICOM , IPO , IT , IPO |
| 羅明立 |
2023-05-04T16:41 |
【Now財經台】市場預期聯儲局會暫停加息已經一段時間，而美元亦持續弱勢，噚晚聯儲局公布議息結果後，美匯指數變動唔大。不過，係今個加息周期前，即2022年3月，當時美匯指數係97水平，雖然依家未至於打回原形，但美匯指數現水平系咪企得穩？ 亨達集團助理總經理羅明立指，美匯指數似乎有掉頭向下趨勢，雖然唔會落到100以下水平，但反彈力度已經冇咁強，好難上返102樓上，103水平阻力亦好大，佢建議投資者趁高沽，因為落到100.5呢些支持位，有機會再尋底。 Patrick又話，要留意明日美國公布慨非農就業數據，因為就業支撐美國經濟，如果冇左呢個利好因素，美匯指數會跌至更低水平。 羅明立 亨達集團助理總經理 |
USD , USD , CINDA INTL HLDG |
| 植耀輝 |
2023-05-04T16:33 |
【Now財經台】百威亞太(01876)今朝出完季績後捱沽，系咪反映市場擔心第2季業績？百威股價今日插水，失守250天線，同業華潤啤酒(00291)及青島啤酒股份(00168)都要受壓，啤酒股後市應該點部署？ 耀才證券研究部總監植耀輝指，樂觀些睇，係復常概念下，夜間消遣娛樂活動會慢慢增加，有利百威銷情，加上夏季系啤酒銷售旺季，所以第2季業績或會明顯反彈。佢又話，近年青啤、潤啤力拓高端市場，百威系內地高端啤酒市場龍頭，唔排除之後會爆發價格戰，因此，第2季業績系好關鍵。 投資部署方面，Stanley建議投資者再睇定些，因為百威業績冇驚喜，加上啤酒業競爭愈黎愈激烈，百威可能會為增加宣傳推廣而犧牲毛利率，所以要再觀望。 |
TSINGTAO BREW , CHINA RES BEER , Food , BUD APAC |
| 許繹彬 |
2023-05-04T16:32 |
【now.com財經】港股本周踏入傳統的「五窮月」，在勞動節後首個交易日(5月2日)，承美股的升勢，給投資者留下好印象。一開市終可重上20,000點，更一度升至近20,300點水平，指數好像突然企穩，如投資者在此刻已認定本月（即五月）不會窮，相信是言之尚早，由於國內五一長假，北水欠缺供應，大巿只有不足800億元成交，昨日(3日)成交量更只有662億，創下七個月新低。 而五月首日反彈，予人感覺並非全面反彈，只是側重在數只大藍籌身上，主要由港交所(00388)、騰訊(00700)、美團(03690)及賭股銀河娛樂(00027)所貢獻出來，其他股份則只是在高開一下後，便反覆低走，部份更創近月低位。大市在欠缺動力和美股下跌的夾擊下，港股又再應聲下挫，跌穿19,600點水平的重要支持區，更曾回落至接近四月份的低位19,520點，所有曾領漲股份的股價再次出現「曇花一現」的情況，令投資者氣餒。 |
Stock , HSBC HOLDINGS , GALAXY ENT , USD , US Stock |
| 陳偉明 |
2023-05-04T16:29 |
【now.com財經】美國總統拜登擬限制美國企業向中國投資半導體、人工智能等「高科技」產業，加上港元及人仔弱勢，恆指上周初一度失守250天線，並於上周三(4月26日)低見19,520點，然而筆者早已提醒港股近期很容易出現穿底回升、穿頂回落的「假穿形態」，並建議戰友密切注意恆指向下假穿250天線後挾上的機會。 結果五一黃金周假期前，港股在成交淡靜下一如筆者預期急彈，本周二(5月2日)早上再借美國第一共和銀行被摩根大通收購消息升至接近20,300點，目前筆者傾向認為這次港股挾淡倉之後會有再回落機會，投資者要提防「五窮月」出現。 聯儲局一如市場預期加息0.25厘，雖然鮑威爾暗示可能暫停加息，但否定短期減息的可能性，市場預期美國亦大機會維持高息周期一段頗長時間，但本港卻未必會在短期內跟隨加息。當港美息差繼續擴闊，港元匯價續弱，港股很難轉為上升趨勢，加上拜登為求下年連任亦會對中國科技行業打壓限制港股升幅。 五一黃金周假期前港股在沒有特別好消息情況下低成交挾上，本周初又在銀行危機降溫及匯豐(00005)業績遠勝市場預期的好消息下高位回落，有好消息出貨的跡象。 |
Stock , Gold , HSBC HOLDINGS , CST GROUP , IT |
| 王良享 |
2023-05-04T15:15 |
【Now財經台】瑞銀資產管理認為，市場仍對聯儲局慨貨幣政策過分樂觀，瑞銀認為，美國通脹仍然高企，聯儲局會傾向維持較緊慨貨幣政策，持續慨時間亦較市場預期長，即使聯儲局暫停加息，但要行到減息呢一步，系咪仍有排等？ 臻享顧問董事總經理王良享指，依家美國系結構性通脹，經歷疫情後會高過以前，因為有唔少人離開左就業市場，令工資升左上去就落唔返，佢估計，美國通脹係未來5至10年會維持係較高水平，因此，聯儲局2%慨通脹目標系不合時宜。 Tommy又話，會有一兩個月慨核心通脹系較高，例如4月介乎4.5%至4.6%，聯儲局估計，年底會回落至約3.6%，如果進度良好，再睇埋第2、第3季慨經濟增長數據，如果近乎冇增長， 甚至出現負增長，聯儲局11月或12月就有機會減息.。 王良享 臻享顧問董事總經理. |
|
| 羅尚沛 |
2023-05-03T22:43 |
【Now財經台】有報道指，可口可樂生產汽水的一種原材料，或因蘇丹內戰而斷貨，導致汽水生產於半年內中斷，中國食品(00506)有75%收入來自銷售可樂汽水，今年業績會否蒙上陰影？ 銀河證券業務發展董事羅尚沛相信，可口可樂最終能夠找到替代品，繼續生產汽水，所以事件不會對中國食品業務構成影響，至於中國食品目前估值合理，但同時亦缺乏催化劑令股價有明顯升幅。 羅尚沛 銀河證券業務發展董事 相關股票 編號 名稱 00506 中國食品 相關文章 【業績速報】嘉里建設去年基礎溢利跌27% 2023/03/29 13:29 【何車評股】中國食品盈利增長強勁 2022/09/01 10:00 【首投東南亞】太古逾79億購越南、柬埔寨可口可樂裝瓶業務 2022/07/18 19:06 |
CHINA FOODS , Food , US Stock |
| 陳錦興 |
2023-05-03T17:35 |
【Now財經台】百勝中國(09987)首季業務表現好過預期，淨利潤按年大升近2倍至2.89億美元，收入、同店銷售、系統銷售及經營利潤等，通通都有得升，主要受惠於疫後重啟帶來慨需求復蘇，以及公司慨推廣策略，呢份季績算唔算有驚喜？ 英皇資本財富管理方案研究總監陳錦興指，百勝中國呢份季績的確超出市場預期，所以股價反應都比較大，集團系內地連鎖快餐店龍頭，業務規模十分龐大，有超過13000間店鋪，因此，當利潤率表現突出，槓桿效應就特別大。 Stanley又話，百勝中國第1季賺近3億美元已經十分唔錯，預期第2至第4季業務動力會更突出，全年有機會賺60億至70億港元。 |
USD , EMPEROR CAPITAL |
| 股中人 |
2023-05-03T16:45 |
【now.com財經】美國網上學習平台Chegg(CHGG)季績超預期，股價卻遭欄腰斬半，不過是三個行為。 第一是講了一句使用ChatGPT做家課的學生日漸增加，3月的新用戶增長已受損害。 第二是公布本季收入指引1.75至1.78億美元，所謂「差過市場預期」。 第三是拒絕交出全年業績指引。 隔晚所有學習類股份全面受壓，連教科書之王Pearson(PSON)也要受靶。 另一邊廂。IBM CEO Arvind Krishna公開預期，集團有7,800個職位，未來五年內可以由AI或自動化技術取代。這不是裁員，而是結構性地的縮減雇員規模。 化石級市場意見認為AI不足懼，的確歷史上新科技發明帶來的影響需要時間發酵。Alan Turing制造bombe是1939年，第一部商業化個人電腦是1965年的PDP-8，廣義上獲大規模認同的個人電腦是1968年HP的Hewlett-Packard 9100A，距bombe近30年。 但現實是世界每天點點滴滴的改變提速中，第一代iPhone是2007年面世。還記得輿論天天諷刺的「低頭族」嗎？打稿的、發長輩圖的，最好今天仍是抬頭族。 |
USD , GW TERROIR , IT , Layoffs |
| 聶振邦 |
2023-05-03T16:27 |
【Now財經台】優品360(02360)發盈喜，預期截至3月底止，全年最少多賺80%，以去年度賺1.09億元推算，即今年度純利有機會達破紀錄慨2億元，優品360股價今日一度大升近12%，表現系咪有驚喜？招商局今年3月底入股，成為優品360第一大股東，招商局可唔可進一步推高優品360股價？ 博威環球資產管理金融首席分析師聶振邦指，依家大市向好，資金會吼一些有好消息慨股份，不過，值得留意系，優品360今日因有好消息大升，但成交股數都只得百幾萬股，反映平日都交投淡靜。 聶Sir又話，招商局入主優品360慨價值仍未完全反映，始終只系入主左約1個月，相信有助減低優品360物流成本，毛利率及經營利潤仲有上升空間。至於優品360會唔會被私有化，公司現價同資產淨值唔系有好大差距，市帳率(PB)保持4倍以上，一般而言，PB要低至0.5倍先有誘因進行私有化。 |
Results , Capital Flow , CHINA MER PORT |
| 莊志雄 |
2023-05-03T15:42 |
【Now財經台】美國通脹見頂，銀行危機又可能令聯儲局要再「放水」，加上標指持續向上，美股系咪已經見到曙光，甚至步入牛市？ 「股市漁夫」創辦人莊志雄指，雖然美國通脹持續降溫，但同聯儲局2%慨目標仲有一段距離，因此，通脹見頂唔代表聯儲局會「放水」。佢又話，唔可以單憑標指表現去判斷市況，因為當中幾只大價股已占幾成市值，佢認為依家只系托住標指畀大戶散貨，其實Silvergate爆煲後，近兩個月標普中型股指數及小型股指數都大跌，而避險資產如黃金及美國10年期國債都跑嬴標指，如果美股真系步入牛市，情況應該系相反。 Lewis續指，依家美股「最後逃生門」已倒數緊，依家市寬表現差，1月仍有80%股份升至50天線樓上，依家減少至不足40%，反映市場依家係度派緊貨。 莊志雄 「股市漁夫」創辦人 |
|
| 譚智樂 |
2023-05-03T13:38 |
【Now財經台】截至早上11時止，1小時內《彭博》用戶關注度上升最多港股，依次為美高梅中國(02282)、金沙中國(01928)、中國石油股份(00857)、騰訊控股(00700)、美團(03690)。 今日頭兩位都系賭股，「五一黃金周」效應，加上4月賭收勁升4.5倍，雖然有咁多好消息，但今日賭股全線向下，其中，美高梅挫逾8%，公司噚日出左首季業績，好過市場預期，經調整業績成功扭虧，又獲匯豐證券唱好，大幅上調目標價約20%至12元，系咪可以趁低吸納？ 獨立股評人譚智樂指，今朝賭股受壓，主要系4月偷步入市慨資金獲利回套，因為賭股未必有條件延續升勢，吸引資金再追入，雖然美高梅跌得比較多，但呢只股份一向波動性較大，投資者可以睇下未來1、2日有冇新消息。 Arnold又話，有貨慨投資者可以將止蝕位擺係9.5元，跌穿要先離場。 |
Gold , Oil , Stock , HSBC HOLDINGS , TENCENT |
| 盧志威 |
2023-05-03T11:17 |
【Now財經台】聯儲局公布議息結果前夕，市場憂慮再有地區銀行爆煲，導致多只地區銀行股暴跌，例如西太平洋銀行及西方聯合股價分別急瀉28%及15%，而美股3大指數噚晚全線跌逾1%，其實市場都預左聯儲局會加息0.25厘，點解投資者仍咁驚？ 潤淼資產管理董事盧志威指，第一共和銀行(First Republic Bank，FRC)等陸續爆煲，造成恐慌性存款轉移，因此，市場仍憂慮有更多地區銀行可能會爆煲，而呢個情況會禍及大銀行，即使受惠於存款增加，但大銀行佢都未必會做並購，導致金融股受壓。 William又話，依家聯儲局最大問題系比唔到市場一個清晰慨加息預期，即系幾時停止加息，或系咪直接鼓勵銀行做並購應對加息，若短期內聯儲局政策冇實質轉向，估計市況仍然會好波動。 盧志威 潤淼資產管理董事 |
US Stock |
| 梁振輝 |
2023-05-03T11:07 |
【now.com財經】中港股市在四月份表現失色，恆指收市更低於20,000點，表現大幅跑輸歐美市場。雖然期間負面消息不多，但同樣欠缺上升的催化劑，加上市場交投淡靜或許亦是表現欠佳的原因。來到五月份，投資者或許會再次擔心是否又是一個「五窮月」的出現，無疑四月份的市況乏善足陳，但卻不代表要看淡五月的市況。 傳統四月份表現欠佳 回顧恆指歷來在四月份的表現，最近兩年均上升逾1%，但近十年只有四年錄得升幅，反映「五窮月」也有一定根據，但要留意剛過去的四月份，恆指在之前的十年是八年升一年跌，但結果今天要跌2.48%，顯示數據也只是給大家參考而已。 全球股票市場在剛過去的四月份仍然保持著顯著的彈性。 強勁的美國就業市場導致消費持續，以及極度悲觀的投資者倉位可能是升市背後的原因。幾個基於市場表現的指標與基本經濟數據形成鮮明對比。標准普爾 500 指數倉位數據支持許多投資者已經為看跌作出部署，基金經理調查亦顯示類似的看跌情緒，這可能表明短期內風險資產展現韌性甚或是持續上漲，因為從歷史上看，極度悲觀的倉位往往會導致股市出現短期「急升」。 |
Stock , US Bonds , USD , IPO , IPO |
| 植耀輝 |
2023-05-03T10:21 |
【Now財經台】耀才證券研究部總監植耀輝推介東方電氣(01072) 推介原因： - 季績理想，扣除非經常性損益增長達44% - 首季新增定單逾226億元人民幣，按年增長26% - 內地對電氣設備需求仍然龐大， |
RMB , DONGFANG ELEC |
| 陳錦興 |
2023-05-02T16:41 |
【Now財經台】時代電氣(03898)上周五收市後出左季績，第1季多賺逾27%，扣除非經常損益後慨淨利潤更大升50%，其中新興裝備業務增長1.1倍，超越另一大業務軌道交通裝備慨收入，其中功率半導體器件(IGBT)業務增長81%，時代股價今午一度升逾7%，呢份成績表系咪都應該收貨？兩大業務增長潛力有幾大？ 英皇資本財富管理方案研究總監陳錦興指，時代電氣慨業績有亮點，市場睇到新興裝備業務慨增長動力，而第1季因為交通項目未出到黎，系軌道交通裝備業務傳統上慨淡季，所以市場都預期呢瓣業務慨增長會放緩。 Stanley又估計，軌道交通裝備業務全年表現平穩，因為有發展高鐵等慨國策支持。至於IGBT業務，因為新能源、電動車產業仍處於上升期，加上內地鼓勵使用國產半導體慨芯片及技術，因此，相信能維持強勁增長。 |
Energy , SUN HING VISION , EMPEROR CAPITAL , TIMES ELECTRIC , New Energy |
| 陳欣 |
2023-05-02T16:28 |
【Now財經台】澳洲央行爆冷加息0.25厘，議息結果公布後，澳元一度升逾1%至67美仙水平，係今個加息周期中，加拿大及澳洲央行系最先「收手」，澳洲央行之前連加10次息後，4月議息會暫停加息，但踏入5月又出乎預期再加息，系咪經濟數據令澳洲央行要轉軑？ 資深外匯分析師陳欣指，今次澳洲央行整體態度鷹派，預期未來可能要繼續加息，雖然通脹回落，但可能未符合當局目標，加上核心通脹回落速度偏慢，而當澳洲失業率低，加上市場熾熱，核心通脹就更難回落，但對仲有幾多加息空間持保留態度，因為再加息會打擊澳洲經濟，但短線會對澳元有刺激作用，後市可挑戰68至69美仙。 陳欣 樂天證券香港銷售總監 |
AUD , AUD , AUD , IPO , IPO |
| 姚浩然 |
2023-05-02T16:21 |
【Now財經台】匯豐控股(00005)中午派左季度成績表，3大環球業務都錄得增長，收入占比最大慨財富管理及個人銀行，按年大升82%至近90億美元，按地區計，香港匯豐銀行列帳基准稅前利潤按年升逾倍，雖然內地供應鏈復常有利銀行業務，但內地復蘇力度開始減弱，第2季系咪可承接第1季慨強勢？ 亨達財富管理董事總經理姚浩然認為，第2季情況會有變化，因為預期美國聯儲局今個月加息0.25厘，將會停一停，淨息差增長會減慢。 佢又話，出現收購地區銀行事件後，相信大銀行都要提升現金水平及增加貸款，並要減少債券投資，因為幾家爆煲銀行都因為唔夠現金，借左出去慨錢都要call back返，或者將未到期慨債券沽出，建議投資者係第2季後期再評估銀行股前景。 |
HSBC HOLDINGS , HK Banks , US Bonds , USD , HSBC |
| 黃偉豪 |
2023-05-02T11:48 |
【Now財經台】匯豐控股(00005)今日中午會派首季成績表，市場預期，匯控業績造好，如果依家先做業績部署會唔會太遲？揀短身CALL可唔可取？ 中薇證券研究部執行董事黃偉豪指，博業績做短線部署有得諗，估計匯控呢份季績及股價走勢都唔差，股價依家仍處於反覆上升格局，睇基本面預期及技術走勢，有條件再試高些，投資者可以考慮揀短身CALL，但要控制注碼，唔好太重手，因為股價可能係出完業績後縮。 |
HSBC HOLDINGS , HSBC |
| 梁偉民 |
2023-05-02T11:20 |
【Now財經台】美國第一共和銀行(First Republic Bank，FRC)倒閉，摩根大通迅速接手，美股噚晚開市前已完成收購。摩通又話，美國銀行倒閉危機已接近尾聲，股價收市升2%，而美股3大指數收市亦只系微跌，今次事件似乎未有打擊市況，銀行倒閉危機系咪好快完結？ 高富金融集團投資總監梁偉民指，對市場黎講，摩通接手FRC系最好結局，最少可以幫FRC「止血」，令存戶唔會再大量流失，而今次收購對摩通亦冇乜影響，因為涉及金額唔多，市場更期望收購返黎慨資產，中長期會為摩通帶黎收益。 不過，Wyman提及，睇返流入大行慨存戶數字，以及流入貨幣基金慨金額，反映美國存戶對中小型銀行慨信心仍未恢復，存戶流失問題持續，因此，唔能夠排除未來會有更多銀行爆煲，若要解決問題，最終都要靠美國政府去穩定存戶信心。 梁偉民 高富金融集團投資總監 |
US Stock |
| 黃麗幗 |
2023-05-02T09:39 |
【now.com財經】Open AI的自然語言對話模型Chat GPT短短五日獲得100萬用戶。根據Statista數據，最受歡迎的社交媒體Instagram及Facebook亦分別需要2.5個月及10個月，串流媒體Netflix卻要花3.5年時間才獲100萬用戶訂閱。可想而知AI 科技已經迅速滲入我們的生活。 蓋茲預計AI將取代白領 微軟聯合創辦人比爾蓋茲預計，AI人工智能將取代白領階級的工作。早前谷歌、微軟和亞馬遜分別裁掉了12,000、10,000和18,000個員工，最近迪士尼亦計劃從超過22萬名員工中裁減7,000人，合共減少約55億美元年度成本，而Meta亦擬今年裁員一萬人。有人擔心人工智能已漸漸取代人類工作。 一些需要處理大量的數據和重復性的任務，這正是人工智能擅長的領域，如自動化的客服、銷售、財務、金融科技，甚至法律及醫療行業。至於需要高度創造性和人際交往能力的工作，例如藝術、設計、心理輔導等，目前還無法被人工智能取代。如何尋找自己的職場價值，將成為人類探討的問題，與人工智能共存，亦需要從小學起。 |
HK Cap Flow , ETF , USD , GW TERROIR , HSCEI ETF |
| 鄭家華 |
2023-04-28T22:49 |
【Now財經台】時代電氣(03898)第一季多賺27.6%，期內新興裝備收入增長逾倍，占收入比重逾50%。 阿仕特朗資產管理董事鄭家華表示，時代電氣的新興裝備業務，雖然毛利率低於軌道交通裝備，但業務增長空間大，亦可令公司擺脫只依賴內地鐵路建設發展，整體業績前景仍值得憧憬。 |
MTR CORPORATION , SUN HING VISION , TIMES ELECTRIC |
| 黃敏碩 |
2023-04-28T17:47 |
【Now財經台】中國中免(01880)係今年1月曾升過一浸，原本以為公司會受惠於內地疫後重啟，但股價之後都要回落，大和指，中免股價已反映大部分利淡因素，包括毛利受壓及銷售增長放緩，又話依家系入市時機會，目標價240元，評級「買入」，投資者應該點部署？ 寶鉅證券董事及首席投資總監黃敏碩指，內需股毛利率低過30%，對投資者慨吸引力唔大，中免係硬件方面系行業領頭羊，但現時發揮慨效益及復蘇慨爆炸性仍未夠，可能同成本控制唔太理想、實體店開得太快、太多，導致供過於求有關。 佢建議投資者睇定些先，依家買入仍有機會再跌，所謂「寧買當頭起」，等市場或股價更有信心時再入手會更安心。 |
Rating , EVERCHINA INT'L , CTG DUTY-FREE |
| 關焯照 |
2023-04-28T16:19 |
【Now財經台】近期外圍科網股如微軟(Microsoft)、Meta股價係公布業績後急升，反觀係香港上市慨科網股，就明顯比下去，到底港股慨科網股，幾時先可以好似Meta咁絕地反擊？ 冠域商業及經濟研究中心主任關焯照指，騰訊控股(00700)南非大股東Naspers及旗下Prosus仲沽緊貨，其實騰訊跌到現水平，即330元水平已經好低，佢估計，大股東沽完呢批貨之後，騰訊股價有機會上返400元，但唔太可能好似微軟、Meta咁持續向上。 至於美團(03690)，關博士話，有些貨仍畀騰訊大股東壓住，又冇提及分拆，但只要呢手貨沽完，股價反彈10%至20%唔難，但阿里巴巴(09988)就真系唔好掂。 |
Stock , TENCENT , LINGYI ITECH , IT , IPO |
| 葉佩蘭 |
2023-04-28T16:08 |
【Now財經台】國際油價已連跌5個月，雖然石油輸出國組織(OPEC)減產，但市場憂慮環球經濟前景，令油價再度受壓，OPEC下月就開始減產，可唔可以支撐到油價？一旦油價再跌，OPEC會唔會進一步減產？ 英皇期貨營業部總裁葉佩蘭認為，OPEC再減產機會唔大，除非油價再跌落去，依家應留意需求層面，美國銀行業危機再升溫，市場擔心會影響經濟，令油價再度向下，但估計油價係每桶70美元水平有較大支持，而84美元水平就有較大阻力。 葉佩蘭 英皇期貨營業部總裁 |
Oil , USD |
| 梁偉源 |
2023-04-28T15:09 |
【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、中國平安(02318)、騰訊控股(00700)、中國海洋石油(00883)、中國恆大(03333)。 比亞迪上季多賺逾4倍，收入亦大升逾60%，睇返呢份業績似乎冇受Tesla減價影響，畀唔畀到市場驚喜？比亞迪交靚績，股價今日冇大升之余，反而有唔少獲利盤，後市有冇機會上望更高水平？ 大華繼顯執行董事梁偉源指，比亞迪季績表同市場預期差唔多，公司一向主打高檔車款，所以未受Tesla發動慨減價戰影響。佢又話，比亞迪會陸續會推出新車款，舊車款去貨會輕微影響毛利率，但唔會對業績造成太大負面影響。 梁偉源續指，比亞迪股價經歷短暫獲利回套後，後市有機會落返225元水平，但由於集團有新車款，前景仍然樂觀，股價第2季好大機會向上。 |
Oil , Stock , TENCENT , CNOOC , BYD COMPANY |
| 聶振邦 |
2023-04-28T11:28 |
【Now財經台】美國科技企業陸續派成績表，市場上周仍擔心科企業績未必理想，但微軟(Microsoft)、Google母公司Alphabet及Meta業績最終都為市場帶來驚喜，帶動納指噚晚收市升逾2.4%，沖上近期高位12142點，但投資者對亞馬遜(Amazon)業績反應麻麻，會唔會窒礙納指升勢？ 博威環球資產管理金融首席分析師聶振邦指，納指舊年8月升至13000點水平，因此，未必會係12000點水平止步，未來主要留意美國經濟表現，以及市場點樣解讀加息，因為科技股對息率比較敏感，如果市場對加息解讀有變，難免會影響納指升勢，不過，只要納指繼續可以企係11500點樓上收市，就可以確認後市仍有上升動力。 聶振邦 博威環球資產管理金融首席分析師 |
IT , US Stock |
| 譚智樂 |
2023-04-27T17:16 |
【Now財經台】友邦保險(01299)首季新業務價值升逾20%，好過市場預期，中國市場繼續帶來最大貢獻，新業務價值按年錄雙位數增長。香港市場增長顯著，泰國更錄得雙位數增長，回顧去年下半年，大部分市場均錄得單位數增長，今年首季已明顯改善，系咪反映疫後重啟帶動需求？ 獨立股評人譚智樂指，今次未至於系疫後重啟需求爆發，如果真系爆發，新業務價值應好快就回復至疫情前70%至80%水平，但賭股就出現重啟需求爆發慨情況，其實保險業純粹系因上年基數太低，導致今年增長強勁，所以嚴格黎講唔算系爆發。 佢又話，對保險公司黎講，重點唔會全部落係利潤率，依家較重要系新業務價值增長，如果單睇新業務價值增長，友邦一直都跑嬴唔少同業。 |
AIA |
| 羅明立 |
2023-04-27T16:03 |
【Now財經台】歐洲央行下周會公布議息結果，聽日下午會出首季GDP數據，預期按季再錄得增長，但按年會回落，GDP數據會對歐元進一步向上有幾大支持？歐元噚日已企穩1.1水平，後市有幾大上望空間？ 亨達集團助理總經理羅明立指，近期歐元走勢唔錯，基本上企穩20天線穩步向上，但升幅較小，主要系市場仍等緊聯儲局議息結果，入市態度審慎，但整體仍可以睇好，有機會試1.12水平。 羅明立 亨達集團助理總經理 |
EURO , CINDA INTL HLDG |