| Commentator |
Time |
Content |
Tag |
| 聶振邦 |
2023-06-16T11:39 |
【Now財經台】歐洲央行一如預期加息0.25厘，利率升至3.5厘，係2001年以黎最高水平，並確認下個月會停止對3.2萬億歐元量寬慨回籠資金進行再投資。行長拉加德話，7月好大機會再加息。另一方面，美國經濟增長放緩，聯儲局前副主席克拉里達估計，局方7月可能會加息，亦會系今個加息周期最後一次。 博威環球資產管理金融首席分析師聶振邦指，歐元區慨通脹目標維持2%，但歐央行噚晚上調2025年通脹預測至2.2%，反映憂慮通脹會持續升溫，因此，佢預期，歐央行除左繼續加息，更會考慮縮表，估計歐元短期會繼續升。 聶Sir又指，美國消費物價指數(CPI)最近兩次都顯著回落，但有可能系高基數效應，但自舊年8月開始，美國通脹持續降溫，如果情況持續，的確有條件結束加息周期，不過，白宮現時積極填補5月減慢發債導致慨資金缺口，有機令通脹再度升溫，因此，聯儲局未來仍有機會再加息兩次。 聶振邦 博威環球資產管理金融首席分析師 |
EURO |
| 盧志明 |
2023-06-16T09:44 |
【Now財經台】大唐資本投資策略部總監盧志明推介佐丹奴國際(00709) 推介原因: -公司業務於東南亞有賣點；東南亞及海灣阿拉伯國家合作委員會市場銷售增長 -業務多元化發展，去年業績按年增12%，淨利潤多41%，派末期息15仙 -印度佐丹奴新增7間新銷售點， |
GIORDANO INT'L |
| 林嘉麒 |
2023-06-15T22:41 |
【Now財經台】國家市監總局正式公布盲盒經營行為規范指引，對泡泡瑪特(09992)的業務會有什麼影響？ 元宇證券基金投資總監林嘉麒表示，指引內容跟去年諮詢文件相若，並沒有更嚴格的新規，不過相信亦會影響投資情緒，短期不利泡泡瑪特股價，至於公司業務前景亦難寄予厚望，因為內地盲盒市場競爭激烈。 |
|
| 陳欣 |
2023-06-15T17:56 |
【Now財經台】歐洲央行今晚議息，市場預期將加息0.25厘，歐央行加息周期系咪會比美國長？歐元後市會點走？ 資深外匯分析師陳欣指，美國聯儲局可能繼續加息，會抵銷左歐央行一直相對鷹派慨態度，歐元升至現水平會開始缺乏上升動力，佢估計，歐央行今晚好大機會加息0.25厘，並唔排除之後會再加，但加幅未必會好大。 Chase解釋，歐元區過去兩季國內生產總值(GDP)都錄得負增長，已陷入技術性衰退，所以經濟數據未必可以支持到歐央行繼續加息，佢預期，歐元走勢橫行偏強，短線支持位睇1.08水平。 陳欣 樂天證券香港銷售總監 |
EURO |
| 植耀輝 |
2023-06-15T17:33 |
【Now財經台】東岳集團(00189)噚晚發盈警，預期今年首5個月少賺83%，估計截至6月底止半年，純利或大幅下跌，原因系主要產品平均市價按年大跌，雖然原材料成本下降，但都彌補唔到，導致收入減少及利潤率下跌，東岳股價今日一度急瀉21%，低見5.58元，跌勢亦有成交配合，系咪令人感到意外？ 耀才證券研究部總監植耀輝指，東岳主要從事化工業務，近兩年業績表現強勁，不論增長及盈利表現都好靚仔，令市場對東岳有一定期望，因此，呢個盈警的確令市場震驚，導致股價插水，反映投資者對盈警慨負面睇法。 |
Results , DONGYUE GROUP , Earnings |
| 趙晞文 |
2023-06-15T17:33 |
【Now財經台】舜宇光學(02382)今日中午係公司網頁上載左1份文件，提到新業務延展實境(XR)慨布局，包括擴境實境(AR)、虛擬實境(VR)及機械人等。睇返舜宇舊年業績，AR、VR相關產品收入逾20億人仔，按年增長53%，又話AR、VR或機械人等新興行業市場空間巨大，會成為集團第3大業務，呢瓣業績系咪有持續增長動力？ 信達國際研究部董事趙晞文指坦言，對舜宇新業務往後一至兩年慨增長動力有保留，主要系依家XR相關產品售價偏貴，令消費者卻步，未來要視乎產品定價可唔可以慢慢降低，帶動消費者需求，令XR業務慨滲透率可以逐步提升。 佢又話，舜宇XR業務收入占比低，對呢項業務可以支撐整體業績有保留。 |
SUN HING VISION , SUNNY OPTICAL |
| 王良享 |
2023-06-15T16:57 |
【Now財經台】聯儲局噚晚議息後維持利率不變，一如預期暫停加息，不過，點陣圖預視今年仲會加兩次息，至2024年底會減4次息，不過，主席鮑威爾係記者會話，至於幾時減息，佢話要等通脹顯著回落，有可能系兩年之後，點解鮑威爾同點陣圖唔同？ 臻享顧問董事總經理及始創人王良享指，鮑威爾慨講法只系針對通脹，完全冇考慮美國經濟增長情況，之前聯儲局官員做利率預測時，將全年國內生產總值(GDP)預測定係0.4%至0.5%，但過左兩季GDP加埋可能有1.5%，所以必須調高經濟增長預測，今次調高至1%，利率自然會升返少少。 Tommy又話，聯儲局官員對信貸環境好難有一致睇法，一方面唔知核心通脹幾時會大幅回落，加上根據慣例，若非農就業人數3個月平均人數高過30萬，就會觸發即時加息，睇返過去兩個月都系逾30萬，若今次達26.5萬以上，就好大機會觸發加息。 王良享 臻享顧問董事總經理. |
US Credit , AEON CREDIT |
| 陳偉明 |
2023-06-15T11:25 |
【now.com財經】美債危機下，美匯轉強；中國經濟數據疲弱，人民幣匯價回落，港股在「五窮月」反覆向下，於5月31日低見18,044點，自今年1月高位22,700點計更累跌逾20%踏入技術性熊市。 踏入「六絕月」，港股不絕反彈，主因早前短期跌幅過大，當利好消息出現便出現報復性反彈。美國債務危機解決、儲局官員又「放鴿」支持6月暫緩加息，美匯轉弱本已足夠造成港股反彈藉口，及後市場憧憬中央推出刺激經濟措施，港股不但在絕望之中出現反彈，昨天恆指更一度升穿250天線，高見19,641點。 值得留意，本港恆指5月31日曾踏入技術熊市(自高位回落超過20%)，相反美國近期無論納斯達克指數或標准普爾500指數卻在最近踏入技術牛市(自低位回升超過20%)，反映港股確實弱得可憐，而美匯自6月開始回軟，而人民幣匯價卻仍然繼續弱勢，本周初人仔不但失守7.15關口，而且更持續弱勢，背後原因當然是反映緊內地經濟數據未如理想，在此情況下港股在「六絕月」上半場的升勢有機會在250天線(大約19,600點)附近受阻，恆指短期上升空間應該有限。 |
Stock , RMB , US Bonds , China Econ , USD |
| 許繹彬 |
2023-06-15T11:08 |
【now.com財經】踏入「六絕月」後，全球股票市場均沒有出現「六絕」或「Sell in May and Go Away」，標准普爾500指數及納斯達克指數更創下13個月新高；日本更犀利，創下33年新高；一直不起眼的韓國及台灣市場，也創下一年新高；較為遜色的港股暫時亦沒有出現「絕」的景況，在缺水及干升的情況下，亦曾超越19,600點水平，總算有所安慰，可惜與20 ,000點仍有一段距離。 對比亞洲其他國家，港股的確是較為差勁，要數亞洲之冠，定必是日經指數，而就算點數只得三位數字的韓國指數，近日走勢亦相當凌厲，就連台灣加權指數，亦已升至17,000點以上。外間更認為台股的點數更直逼恆指，為何有這樣的說法？因為恆指的走勢，在亞洲市場中一直滯後，有如慢步蝸牛；如從數據來看，單以2021年1月的恆指與日經相比，恆指當時28,500點左右，而日經當時只有26,500點左右；但時至今日，日經已把恆指拋離近14,000點之多。 |
Stock , RMB , HK Cap Flow , US Stock , TRACKER FUND |
| 羅尚沛 |
2023-06-14T22:39 |
【Now財經台】健合國際(H&H)擬發行至少2億美元優先票據，三年期、年息13.5%，用以償還2024年到期的票據。 銀河證券業務發展董事羅尚沛表示，健合要籌集美元資金，因此要付出高昂的利息，意味未來融資成本將大幅增加，對盈利構成負面影響。 羅尚沛 銀河證券業務發展董事 |
USD |
| 聶振邦 |
2023-06-14T18:07 |
【Now財經台】港交所(00388)將於下周一(19日)推出港元及人仔雙櫃台模式，首批證券名單21只股份中，有19只系藍籌，藍籌占比咁高，系咪有望刺激近期持續疲弱慨港股成交？會唔會吸引到新資金入場？ 博威環球證券金融首席分析師聶振邦指，睇返名單上慨藍籌，大部分都系中資類，非中資股就有港交所(00388)、友邦保險(01299)及恆生銀行(00011)等，若內地投資者睇好內地經濟前景，當然會考慮中資股，但依家中資股投資氣氛較弱，因此，佢對雙櫃台模式慨吸引力有保留。 聶Sir又話，內地財富較多慨投資者，未必會將資金全部投入用人仔計價慨資產，如果想買港股，亦會傾向以港元結算，至於吸引新資金暫時亦只系一個憧憬。 |
HANG SENG BANK , Stock , HK Banks , HKEX , AIA |
| 莊志雄 |
2023-06-14T17:16 |
【Now財經台】美國噚晚出左5月通脹數據，消費物價指數(CPI)及核心CPI按年升幅雙雙放緩，市場預期，聯儲局6月會暫停加息，但7月會再加息，「股市漁夫」創辦人莊志雄指，同意呢個睇法，但要留意通脹未來會唔會再升溫，因為有基數效應，舊年上半年相對下半年慨通脹偏高，如果睇返舊年下半年通脹數據，今年下半年通脹未必會回落，甚至回升。另一方面，美國超級核心通脹及核心通脹都高過預期，雖然依家回落緊，但速度緩慢，佢認為未來走勢仍有好大變數。 Lewis續指，加息周期對資產價格有好大影響，包括美債、虛擬貨幣，至於美股，佢就話... 莊志雄 「股市漁夫」創辦人 |
US Bonds |
| 梁振輝 |
2023-06-14T16:26 |
【now.com財經】近期美國及日本等金融市場屢創新高，投資者或許關注升勢是否能持續，但我們更憂慮的是走勢似乎和基本面脫節。股市部份領域正呈現出互聯網泡沫期間的狂熱景象，因為許多人相信生成式人工智能(Generative AI)改變世界的步伐將比預期來得更快。與此同時，歐洲的基 本因素正在惡化，而中國在疫情過後復蘇的經濟活動近期亦漸趨於平緩。面對眾多不明朗因素，我們認為投資者回歸基本因素決定投資取向是明智決定，特別是確保投資組合的配置符合其風險偏好。 人工智能，是狂潮還是泡沫？我們認為應該謹慎決定要不要追逐人工智慧驅動的科技股狂潮，我們對美國、歐洲和中國的相關板塊觀點保持中性，這有助於我們在不主動追逐升勢的情況有限度參與未來可能出現的升勢。 AI的子行業估值已達到可與互聯網泡沫時期相媲美的泡沫區域。投資者希望人工智能能夠提高生產力，但這很可能需要數年而不是數月才成真，但市場似乎已正在定價。在此之前，我們更可能需要克服美國經濟衰退。 美國債務上限的突破不太可能是市場的靈丹妙藥：雖然，美國國會通過將暫停債務上限至2025年美國總統大選之後的法案，但它需要限制未來兩年的聯邦支出。 |
US Bonds , Earnings , IT , USD , EURO |
| 盧志威 |
2023-06-14T11:52 |
【Now財經台】美國通脹進一步降溫，5月消費物價指數(CPI)按年升4%，低過市場預期，連跌11個月，但按月升0.1%，而核心CPI按年升幅則是逾兩年最小，市場憧憬聯儲局今個月會暫停加息，刺激美股3大指數噚晚向上，美元匯價就偏軟，如果6月真系唔加息，7月再加息慨機會大唔大？ 潤淼資產管理董事盧志威指，如果美國通脹持續呈下降趨勢，加息慨機會就愈黎愈細，但美息可能會係高位橫行一段較長時間。William又話，近日美股及羅素2000指數等都有唔錯慨反彈，反映市場預期美息已接近見頂，因此，對後相對樂觀，不過，減息暫時仍未有眉目，仍要視乎未來慨情況。 盧志威 潤淼資產管理董事 |
USD , US Stock |
| 植耀輝 |
2023-06-14T10:57 |
【Now財經台】耀才證券研究部總監植耀輝推介中通快遞 (02057) 推介原因 : -首季業績增長可觀 -增長勢頭有望持續， |
|
| 李偉傑 |
2023-06-13T18:59 |
【Now財經台】萬眾期待慨超微半導體(AMD)「數據中心及人工智能技術」直播活動，將會係本港時間凌晨1時舉行，集團CEO及高管會向主要客戶介紹新產品，今日成個亞太區都熱炒人工智能(AI)概念股，相關軟硬件概念股全部有得升。 華盛證券經紀部董事李偉傑指，內地及本港晶片業即使做得好，但因為美方可能會出手打壓，相信都未能直接受惠，但相關股份仍被炒高？Jason話，內地力谷晶片業加快發展，希望趕上外國慨技術，今日升得比較好慨軟硬件股，都系配合到內地5月針對AI發表慨措施，但唔會跟足外圍晶片股慨升勢。 李偉傑 獨立股評人 |
|
| 陳錦興 |
2023-06-13T17:48 |
【Now財經台】科指今日一度升近3%，成份股大部分都有得升，僅2至3只向下，憧憬美國加息周期好快結束，納指持續造好，個股方面，Tesla股價12連升，Apple股價破頂，外圍因素系咪帶動科技股造好慨主因？科指後市系咪可以延續強勢？ 英皇資本財富管理方案研究總監陳錦興指，科指有追納指落後慨意味，納指今年已累升逾30%，科指落後好多，因此，有資金流入科指成分股絕對唔出奇。 Stanley又話，美國息口的確有機會好快見頂，對科指亦有幫助，因為騰訊控股(00700)、阿里巴巴(09988)、美團(03690)呢些重磅科網股都調整左一段時間，所以有條件追落後。佢估計，科指價值開始浮現，走勢可擺脫過去1、2個月慨弱勢，不過，仍要觀望系咪有資金打救較殘慨科技股，科指今日沖破4000點系幾一個唔錯慨訊號，佢估計，後市有機會挑戰4200至4300點水平。 |
IT , TENCENT , LINGYI ITECH , Capital Flow , EMPEROR CAPITAL |
| 陳欣 |
2023-06-13T17:36 |
【Now財經台】日本央行周五(16日)會公布議息結果，市場預期，指標利率會維持不變，日央行行長植田和男現階段無意透過調整國債孳息曲線收窄市場流動性，雖然日本第1季經濟增長好過預期，但工資仍然疲弱，令日圓冇大上大落慨誘因，短期系咪繼續係140水平上落？ 資深外匯分析師陳欣預期，日央行會維持貨幣政策不變，因此，對日圓影響唔大，日央行曾經係日圓見141水平時「出口術」干預，令日圓係呢個水平有支持，佢估計，日圓中短線會係138至141波動。 陳欣 樂天證券香港銷售總監 |
Expo |
| 彭偉新 |
2023-06-13T15:21 |
【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、龍湖集團(00960)、碧桂園(02007)、美團(03690)及中國海洋石油(00883)。 北水噚日繼續買美團，高盛最新出左1份講互聯網慨報告 點名美團本地生活服務強勁復蘇，跑贏市場整體水平，每月活躍用戶亦錄得單位數增長，不過，美團股價近日都系好淡爭持，雖然連續3日企穩20天線，但又升唔穿50天線，股價爆上還是爆落慨機會較大？ 資深證券分析師彭偉新認為，美團短期唔會有一個明確方向股價會向上，騰訊之前派美團股份作為特別息，所以有好多貨都要沽，令股價好難出現強勁反彈，雖然美團收益有機會隨著經濟復常而增加，而餐飲配送服務需求亦回升，但業績好但股價明顯跟唔上。佢又話，美團股價暫時睇唔到一個見底形態，短期會繼續係低位徘徊，即使有得升，但升到100天線水平，都會有好大沽壓。 |
Oil , Stock , TENCENT , CNOOC , COUNTRY GARDEN |
| 黃偉豪 |
2023-06-13T12:41 |
【Now財經台】中國海洋石油(00883)股價連跌第2日，市場依家都睇淡油價後市，如果想開淡倉，系咪唔建議揀短身PUT？8至9月到期慨PUT，槓桿8倍至13倍，但成交活躍慨熊證，槓桿只得2倍至4倍，似乎冇乜肉食？ 中薇證券研究部執行董事黃偉豪指，如果做短線操作，可以考慮博油股再向下，因為油價仍處於弱勢，估計仍有幾美元下跌空間，利淡中海油股價。 Ravi又話，過去揀中海油可能系想收息或炒「中特估」概念，但依家「中特估」氣氛弱左，加上中海油幾個星期前已除淨，要到9月再到中期息除淨，所以呢段時間股價可能有下跌空間，短線可以睇10.8元水平。 |
Oil , CNOOC , USD |
| 梁偉民 |
2023-06-13T12:08 |
【Now財經台】美國科技股持續強勢，其中，Tesla連升12日，蘋果公司股價破頂，甲骨文季績勝預期，股價亦創新高。雖然加息對科技股有影響，但因為有業績支持，加上楂住大量cash，即使聯儲局再加息，系咪都對呢些科技股慨股價影響唔大？ 高富金融集團投資總監梁偉民指，加息慨影響已經唔大，即使聯儲局6月唔加息，7月再加，但佢認為，其實科技股業績只系一般，以甲骨文為例，雖然盈利好過市場預期，但其實增長僅約10%，甲骨文股價今年暫累升40%，但市盈率(PE)已超過35倍，足以反映業績，而下個財年盈利增長預期不足10%，當揹住一個咁高PE，反映股價有升過龍之嫌，Apple亦有類似況，佢認為部分科技股已偏貴。 梁偉民 高富金融集團投資總監 |
Earnings , IT |
| 陳鳳珠 |
2023-06-13T10:31 |
【Now財經台】匯盈集團研究部主管陳鳳珠推介兆科眼科(06622) 推介原因: -多款藥物研發及臨床測試可於2025年前推出，帶動收入 -自主研發治療干眼症的產品獲批，預期明年商業化 -逐步布局全球，藥物管線時間表清晰，看好未來發展 買入價:3.1元 目標價:3.5元 止蝕價:2.9元 陳鳳珠 安里證券研究部主管 相關股票 編號 名稱 06622 兆科眼科－Ｂ 相關文章 【股市脈搏】兆科眼科再上要考驗呢個阻力 2022/11/17 15:52 |
EJE HOLDINGS |
| 鄭家華 |
2023-06-12T22:42 |
【Now財經台】寶勝國際(03813)五月經營收益淨額升6.6%，增速較之前兩個月明顯放慢。 阿仕特朗資產管理董事鄭家華認為，寶勝上月經營收益增長，雖然放緩至單位數，但可能是沒提供折扣優惠的結果，對公司上半年業績仍有信心，不過即使業績對辦，亦不代表股價必然跟升。 |
POU SHENG INT'L |
| 林嘉麒 |
2023-06-12T17:31 |
【Now財經台】九毛九(09922)指李灼光已辭任執董首席財務官、副總裁等職務，集團股價一度急瀉近16%，低見11.52元，但午後逐步收復失地，仲上返13元樓上。高盛估計，短期會影響投資氣氛，但應無礙營運。至於中信里昂就話對消息感到奇怪。李灼光係呢個時候離開，系唔系一個合適慨時機？系咪預示九毛九下半年業績要打定輸數？ 元宇證券投資總監林嘉麒指，港股市況差，再係呢個時候傳黎呢個消息，對九毛九股價打擊更大，雖然李灼光身兼多職，但佢慨離開唔代表公司冇左透明度，只系市場需時適應，但短期難免有影響。 KK又話，睇返大行比九毛九慨目標價，最少仲有10%水位，最多更多達40%，反映市場對集團慨前景仍然樂觀。 |
Stock , Sachs , Rating |
| 梁傑文 |
2023-06-12T16:37 |
【Now財經台】茂宸集團(00273)於5月31日停牌，股份今日復牌，集團表示，獲基金投資者提私有化，每股0.0338元，較停牌前有逾20%溢價，但較截至去年底止慨每股資產淨值(NAV)折讓約60%，私有化建議已獲3名主要股東支持，作出不可撤回承諾，依家3名主要股東合共持股47%，公司依家有10幾億現金，借貸又唔多，對要約人黎講系好事，但小股東就冇著數，茂宸長期都系仙股，業績股價都冇乜表現，小股東含淚接受系咪較好慨選擇？ 《香港股票財技密碼》作者梁傑文指，小股東持股損失可能已去到50%至80%，私有化出手咁低，相信佢地可能乜都唔做，即使投票都對今次私有化慨事態發展影響唔大，而今次私有化最大關鍵系... 梁傑文 《香港股票財技密碼》作者 相關股票 編號 名稱 00273 茂宸集團 相關文章 茂宸集團獲溢價21%提私有化 22小時前 |
Stock , MASON GP HOLD |
| 郭思治 |
2023-06-12T11:08 |
【now.com財經】大市已開始步入6月份之中旬，而直到執筆一刻止計，本用大市之形態仍暫屬先低而後高，恆指暫是由1日之低位18,190點升至9日之高位19,463點，即月內之波幅暫為1,273點，由於一個月之高低位是很少同時出現於七個交易日之內，加上1,273點之波幅亦未必能滿足月內之所需，故在本月余下之交易日，理論上該有更大之波幅點出現，從而拉闊月內高低位之距離，同時亦可滿足月內對波幅之要求，從走勢上看，衹要先低後高之形態不變，技術上該有利短期後市再進一步上尋月內之新高，但需留意，由於大市之成交金額持續偏疏，故在動力不配之下，即使大市能作進一步之推升，但該衹屬有波幅而冇升幅，有反彈而冇大升之技術性後抽而已。 |
Stock |
| 植耀輝 |
2023-06-09T22:47 |
【Now財經台】蔚來集團(09866)第一季虧損擴大，毛利率跌至1.5%。 耀才證券研究部總監植耀輝表示，蔚來上季業績表現差勁，而面對市場競爭，毛利率未來可能跌至負數，市場唯有寄望五月推出的新車ES6能夠熱賣，從而帶動每月交付量重上1萬輛，但實際情況仍需觀望。 |
Earnings |
| 姚浩然 |
2023-06-09T19:14 |
【Now財經台】內地疫後旅游業復蘇情況似乎唔錯，內地今年端午節假期有3日連假，俗稱「小黃金周」，仲會連埋星期日，唔少人都可以連放4日假。3大內航股今日都有得升，升幅介乎2%至3%，航空股黎緊有冇機會「飛返轉」？「小黃金周」情況又系點? 亨達財富管理董事總經理姚浩然指，相比外國航空公司，3大內航股復蘇步代比較慢，以美國慨航空公司為例，運載量及票價都已經重返疫前水平，Patrick及話，由於內地高鐵發展完善，除非要前往海外，否則，都會揀較少延誤慨高鐵。 佢又話，人仔持續貶值，令航空公司慨外債增加，利潤其實唔高，不過，長假效應會令部分股份有炒作，Patrick坦言，如果從投資者角度出發，會傾向揀海外航空股。 姚浩然 亨達財富管理董事總經理 |
Gold , Aero , CINDA INTL HLDG , AIR CHINA |
| 關焯照 |
2023-06-09T15:50 |
【Now財經台】內地面對通縮壓力，5月內地居民消費價格指數(CPI)按年僅升0.2%，工業生產者出廠價格指數(PPI)就錄得7年以來最大跌幅，反映內地消費及上游生產需求仍然疲弱。 冠域商業及經濟研究中心主任關焯照指，內地已經減左人仔存款息，又計劃年底前推汽車促銷優惠谷消費，但始終解決唔到內地人消費意欲低迷慨核心問題，而上游價格大跌反映工業生產量下跌，稍後通縮風險傳導到至下游時，就會影響經濟。關博士預期，內地下半年會力谷基建開支，以達至全年經濟增長5%慨目標。 港股方面，邊些股份會有炒作空間？關博士認為，重磅科技股阿里巴巴(09988)、騰訊控股(00700)、美團(03690)只適合短炒，有「中特估」概念加持慨紅籌，先系未來港股慨投資焦點。佢又話，中國中鐵(00390)、中國石油股份(00857)、中國移動(00941)近日走勢十分靚仔，而息高、估值低慨中信股份(00267)亦受資金追捧，股價由5月底9元水平彈上近10元。 |
IT , CHINA RAILWAY , Oil , Stock , TENCENT |
| 梁偉源 |
2023-06-09T13:15 |
【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、碧桂園(02007)、美團(03690)、友邦保險(01299)及中國平安(02318)。 噚日收市後，商務部話會有政策谷汽車消費，包括下半年會揀100個城市，搞新能源汽車促銷活動，並聯同地方、企業、行業協會推出支持政策，又鼓勵銀行推出汽車信貸。不過，今日成個板塊暫時都冇乜反應，係中央力谷下，對推動內地汽車銷售慨作用有幾大？ 大華繼顯執行董事梁偉源指，今次可以話系政策大曬冷，可以做慨已經講曬出黎，其實去年底至今年初都keep住有政推出，但外界都睇到內地汽車需求其實冇咁大。 Steven又指，年初爆發車企減價戰後，銷售未見明顯改善，加上黎緊有唔少車企出新車，市場競爭一定會加劇，因此，佢認為政策未必可以扭轉整個行業慨局面，加上經濟唔系太理想，政策只能係去庫存方面有少少幫助。 |
Stock , Energy , BYD COMPANY , COUNTRY GARDEN , PING AN |
| 聶振邦 |
2023-06-09T11:58 |
【Now財經台】美股近日向上，已連升3周慨標指噚晚沖上今年高位，進入技術性牛市，納指更有望連升6周。美股今輪升勢已擴至中小型股，反映中小型股表現慨羅素2000指數，今個星期暫累升逾3%，市場風險胃納似乎上升。 不過，博威環球資產管理金融首席分析師聶振邦認為，以周期來看，當二三線股份都被炒起，升浪未必可以持續好耐，並預期3連升慨道指、納指再大升機會唔大。 此外，納指周線高位出現十字星，反映指數有機會轉向，聶Sir就話，如果今晚出現回套，逐步減持股份會較安全。 聶振邦 博威環球資產管理金融首席分析師 |
US Stock |
| 彭偉新 |
2023-06-09T09:41 |
【Now財經台】資深證券分析師彭偉新推介越秀地產(00123) 推介原因： - 受惠一連串支持內房市場的措施 - 過去一年股價跑贏恆指，系統性風險低於大市 - 盈利前景正面， |
China Real Estate , Real Estate , Stock , Real Estate , YUEXIU PROPERTY |
| 羅明立 |
2023-06-08T18:36 |
【Now財經台】日本第1季GDP增長顯著加快，向上修訂後增長2.7%，而日股近期亦表現強勢，升上33年高位，日本公布經濟數據後，日圓今早略為反彈，日央行下星期議息，睇返依家慨經濟形勢，系咪唔足以令日央行改變超寬松貨幣政策？ 亨達集團助理總經理指羅明立指，日本經濟增長向上修訂系好事，但值得留意系，當地工資增長疲弱，相信日央行短期內唔會改變貨幣政策，若通脹率維持係2%以上，日央行先有機會調整貨幣政策。 羅明立 亨達集團助理總經理 |
CINDA INTL HLDG |
| 植耀輝 |
2023-06-08T17:47 |
【Now財經台】小米集團(01810)公布「618電商購物節」初步銷售數字，首4日全渠道總商品交易額(GMV)已達71億人仔，較前兩年多約20億人仔，不過，高盛估計，今年「618電商購物節」埋單時，GMV只系同舊年相若，即187億人仔水平，首4日GMV咁好成績系咪令人意外？ 耀才證券研究部總監植耀輝指，「618電商購物節」等推廣活動頭幾日增幅比較勁系合理，因為都希望可以搶飲「頭啖湯」，但之後熱潮有機會減退，因為其他公司亦會係「618」做推廣，消費者購物前可能會格價，繼而影響銷售額，令熱潮減退。佢又話，對今年內需睇法傾向保守，又認為高盛預測合理。 |
Sachs |
| 阮子曦 |
2023-06-08T10:18 |
【Now財經台】華富建業證券投資策略聯席總監阮子曦推介聯想集團(00992) 推介原因: -科網人工智能AI開發者， |
LENOVO GROUP , CHINNEY INV |
| 羅尚沛 |
2023-06-07T22:39 |
【Now財經台】廣深鐵路(00525)今年累升逾70%，是否純粹基於疫後復常，旅客量大幅回升？ 銀河證券業務發展董事羅尚沛表示，廣深鐵路股價自4月尾開始異動，公司第一季業績表現的確不俗，但北水不斷買入才是股價急升原因，不排除是炒作資產重組概念，但目前估值已不算便宜。 羅尚沛 銀河證券業務發展董事 相關股票 編號 名稱 00525 廣深鐵路股份 相關文章 【股市脈搏】廣深鐵路喪炒延長回鄉證有效期？ 2023/04/28 12:00 |
GUANGSHEN RAIL |
| 聶振邦 |
2023-06-07T18:07 |
【Now財經台】摩根士丹利轉軑睇好上游電池股，原因系A股市場大部分同上游產業鏈相關股份已經跌夠，如果根據大摩呢個講法，贛鋒鋰業(01772)及天齊鋰業(09696)股價系咪都見左底？ 博威環球資產管理金融首席分析師聶振邦指，贛鋒及天齊股價已經處於低位超過3個月，如果短期冇利好消息，估計今個好大機會持續橫行。 聶Sir又話，如果投資者想撈底，現價買入風險都唔大，但如果博短線反彈可能會失望，若現價買入，起碼要楂兩個月或以上，博升10%至12%。 |
GANFENGLITHIUM |
| 梁偉源 |
2023-06-07T16:22 |
【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、騰訊控股(00700)、遠洋集團(03377)、碧桂園(02007)及美團(03690)。 《彭博》今朝報道，遠洋1只2027年到期慨美元債，價格錄得兩個月以黎最大升幅，不過，現價只等如面值20%，雖然中國人壽(02628)系主要股東，而集團4月銷售亦按年增長近3%至70億人仔，但遠洋股價一直跑輸，集團就快出5月銷售數據，呢只股份值唔值得睇好？ 大華繼顯執行董事梁偉源指，成個內房板塊未見明顯轉勢，睇返最近銷售數字及主要城市慨樓價都系比較弱，雖然中央拯救內房慨政策已推出一段時間，但內房市場似乎受惠唔多，因此，佢對內房5月銷售數據唔太樂觀。 |
Stock , China Real Estate , TENCENT , BYD COMPANY , COUNTRY GARDEN |
| 莊志雄 |
2023-06-07T16:16 |
【Now財經台】市場憧憬聯儲局停止加息，甚至掉頭減息，令納指企穩13000點，標指就繼續向去年8月高位進發，依家系咪入市好時機？有冇指標反映依家入市風險其實好高？ 「股市漁夫」創辦人莊志雄指，其中一個極端背馳指標系「興登堡凶兆」，呢個指標要係市場人士唔驚、唔講時先有效，因為呢個指標面世時系畀紐交所用，用黎睇創52周新高及新低慨股票比例。佢又話，如果大市升，唔應該有好多股票創52周新低，但最新顯示有好多股票創緊52周新低，而數目同創52周新高慨股份有得比，呢個就系背馳現象。 Lewis解釋，背馳意思系指數平均線正在向上，但同一時間有好多股票創緊新低，同埋市寬表現較差，呢個就系極端背馳現象。佢提醒，要小心納指急挫風險，對上一次出現極端背馳現象已經系2021年11月，當時納指係半年內跌左5000幾點。 莊志雄 「股市漁夫」創辦人 |
US Stock |
| 盧志威 |
2023-06-07T12:33 |
【Now財經台】聯儲局下星期議息，市場對暫停加息慨預期續升溫，美股3大指數繼續係高位徘徊。值得留意系，反映中小型企業狀況慨羅素2000指數再跑贏納指，3個交易日累升2.7%，依家連細價股都郁，系咪反映美股升勢更全面，有利呢浸升浪持續更長時間？ 潤淼資產管理董事盧志威指，美國債務上限危機化解後，美股升得唔錯，中小型股都升埋上去。此外，美國加息周期已屆尾聲，對美國經濟黎講系一個利好訊號，因為之前不停加息令實體經濟有壓力。 William估計，美股升到現水平應該差唔多見頂，因此，部分資金會買入羅素2000慨細價股，而係美息趨勢向下慨情況下，美股未來有機會再升5%至10%，長楂系一個唔錯慨選擇。 盧志威 潤淼資產管理董事 |
US Stock |
| 蘇沛豐 |
2023-06-07T11:36 |
【Now財經台】世界銀行上調今年全球GDP增長預測，由1.7%調高至2.1%，而中國今年GDP增長預測亦由4.3%調高至5.6%，加上市傳美國國務卿布林肯會係未來數周訪華，呢些利好消息系咪推動大市向上慨催化劑？ 招銀國際證券股票部執行董事蘇沛豐指，A股及港股估值都平，依家推動大市向上慨催化劑主要系經濟及企業盈利復蘇，因此，要留意內地會唔會放寬貨幣政策，包括進一步減息降准。 Daniel又提醒，要留意中央針對內房、新能源汽車慨支持措施，當呢些利好息出現時，市場對內地經濟增速慨預期將會再上調，依家主要睇投資者對內地業盈利增長前景有冇信心。 蘇沛豐 招銀國際證券研究部策略師 |
Stock , Energy , China Real Estate , New Energy Vehicles , New Energy |
| 郭家耀 |
2023-06-07T10:55 |
【Now財經台】安里資產管理董事總經理郭家耀推介網易(09999) 推介原因 : - 首季業績優於預期 -版號推出恆常化， |
|
| 股中人 |
2023-06-07T10:06 |
【now.com財經】久未談起沽空報告，Jehoshaphat Research狙擊創科(00699)真精彩。 Jehoshaphat最新指控創科至少在過去四年中一直欺騙最大客戶家得寶(Home Depot)，涉嫌把家得寶獨家品牌產品，在完好無缺的情況下，標記為「工廠次貨」，然後通過自家銷售渠道(Direct Tools Factory Outlet)銷售。Jehoshaphat指出，創科DTFO已變成秘密銷售及與家得寶禁止競爭產品的傾銷地。 Jehoshaphat估計創科DTFO網上銷售規模比實體店更大，每年銷售額達到10至20億美元，而且毛利率或達60%。Jehoshaphat找來一位前家得寶高層，不具名地認為欺詐行為存在。 當中，創科DTFO網站顯示每種產品的庫存，許多產品在「工廠次貨」分類下有數萬個單位的庫存，而且實地考察DTFO實體店時，標示「工廠次貨」的產品沒有明顯損壞痕跡。 報告斷言，如創科停止「新品當次貨」的手段，營業收入將大減三分一。 創科回應大致都是樣版式發言，事實性回應主要是指出2022年DTFO網上及店內總營業額少於1億美元，占期內總營業額少於1%。 |
|
| 陳欣 |
2023-06-06T17:55 |
【Now財經台】美國債務危機暫時解除，噚晚隨即有新一批國債拍賣，系以短債為主，拍賣反應理想，之前因為債務上限問題，投資者唔敢沾手短債，導致短債息急升，依家債務問題暫時解決，資金會唔會重新流入債市，繼而令債息回落？ 資深外匯分析師陳欣指，如果有大量資金流入債市，債息先會回落，但值得留意系，會唔會因為有股市或銀行資金流入債市，令流動性問題重現，影響整個金融市場，到時有可能加快美國經濟陷入衰退慨機會。 陳欣 樂天證券香港銷售總監 |
Capital Flow |
| 李偉傑 |
2023-06-06T16:29 |
【Now財經台】沙特阿拉伯早前宣布7月起額外減產後，石油石化股過去兩日表現不過不失，「三桶油」股價今日都有得升，但續受制於5月上旬慨前頂，今年以來，「三桶油」系升幅第1大、第2大及第6大藍籌，如果睇返業務前景，系咪足以支持股價繼續升？沙特減產可唔可以成為油股正面催化劑？ 華盛證券經紀部董事李偉傑指，沙特減產時，油價低於每桶70美元水平，沙特等產油國今次為左托高油價而調整產量。早前，產油國減產刺激油價向上，5月一度高見83美元，但係環球經濟唔明朗下，油價好快跌穿70美元，之後係70美元至80美元水平上落。 Jason又話，「三桶油」走勢仍然樂觀，原因系3只股份派息吸引及估值平，加上市場憧憬派息比率會進一步上升。 李偉傑 獨立股評人 |
Oil , USD , IPO , IPO |
| 陳錦興 |
2023-06-06T16:13 |
【Now財經台】港股繼續靠「中特估」概念股撐住，鐵路設備股都有得升，因為中國鐵路集團公布左今年第1批招標定單，系疫後首次恢復動車組大規模采購，中國中車(01766)及時代電氣(03898)都會受惠，摩根士丹利估計，呢批200億人仔定單可貢獻兩家公司去年收入約70%，因此，看好兩只股份股價係未來15日有80%機會向上，但兩只股份午後齊齊倒跌，就算有「摩笛」唱好都似乎幫助唔大？ 英皇資本財富管理方案研究總監陳錦興指，暫時黎講的確意義唔大，市場對中車合約增加慨憧憬其實已經有一段時間，所以股價先有得升，當然，呢批合約都重要，但要有更加強慨刺激，股價先有突破動力。 佢又話，今次未見有令市場好意外慨消息，因此，投資者唔會特別追入去，只系跟住個市炒，而兩只股份今日都係高位遇阻，加上A股都要跌，所以午後跟隨大市回落都唔會覺得意外。 |
Stock , EVERCHINA INT'L , EMPEROR CAPITAL , CRRC , TIMES ELECTRIC |
| 彭偉新 |
2023-06-06T13:52 |
【Now財經台】截至早上11時止，1小時內《彭博》用戶關注度上升最多港股，依次為龍湖集團(00960)、碧桂園(02007)、美團(03690)、合景泰富(01813)及中國平安(02318)。 碧桂園及合景泰富噚日收市後出左5月合同銷售數據，前者按年跌近37%，後者跌42%，內房股噚日顯著回套，今日又急彈，走勢大上大落系咪借《新華社》引述財政部官員話，地方政府債務可控，當局有足夠財政資源避免風險擴散，呢個消息系咪有利提振內房及金融市場投資氣氛？ 資深證券分析師彭偉新指，呢些消息心理上系有幫助，但對力度存疑，最近收到唔少推介大灣區樓盤慨跨境電話，反映發展商搵唔到買家，相信內地房地產市場仍處於下降周期，銷量及價格難有重新回升慨基礎，因為內地最新公布慨經濟數據中，零售銷售、工業生產增加值等都差過預期，即使內地居民消費價格指數(CPI)、工業生產者出廠價格指數(PPI)回升，但睇唔到持續上升勢頭，相信內房仍然偏弱，但中央亦希望樓市穩定，預期內房發展商係經濟穩定後，會大量推售項目，因此，會縮短回調時間，佢又提醒，炒內房股要轉身夠快。 |
China Real Estate , US Bonds , Stock , KWG GROUP , COUNTRY GARDEN |
| 黃偉豪 |
2023-06-06T12:41 |
【Now財經台】中芯國際(00981)噚日一舉收復10天、20天、50天線，今日平開後，一直企係50天線樓上，好倉已最少連續5日錄得淨流入，5日合共有逾680萬元資金坐緊貨，中芯股價噚日急升6%，系咪應先行食糊離場？想繼續追好倉可以點擺位？ 中薇證券研究部執行董事黃偉豪指，本身楂住好倉係手，又有一定利潤慨投資者，可考慮先換一換馬，雖然中芯唔可以同外國慨芯片公司比較，但仍有追落後本錢，如果短線可企穩20元水平，預期股價反覆向上，因此，有好倉係手慨投資者，可考慮拿部分利潤換馬較遠價慨CALL輪。 |
SMIC , Capital Flow |
| 梁偉民 |
2023-06-06T11:54 |
【Now財經台】蘋果公司噚晚舉行年度全球開發者大會(WWDC)，會上發布左頭戴式裝置Vision Pro，係集團10年以來慨重大產品，不過，係本港上市慨蘋果概念股今朝受壓，其中，高偉電子(01415)開市前跌近3%，其後更一度暴瀉24%，高偉系Apple新產品混合現實技術設備(MR)主要光學供應商之一，點解Vision Pro帶挈唔到高偉股價？ 高富金融集團投資總監梁偉民坦言，暫時唔好太樂觀，因為呢款產品短期內需求唔大，加上售價貴，除左「果迷」希望搶閘感受新產品，一般消費者未必會太熱衷，估計銷情未必太理想。 Wyman又話，Apple其他產品銷售前景一般，呢個同經濟下行及疫情周期有關，因為疫情開始時要WFH或留係屋企娛樂，令手機、電腦等銷售大升，而呢個周期會提早消費左未來慨需求，導致舊年至今年慨需求受影響，因此，唔睇好同Apple設備相關慨零件供應商。 |
IPO , IPO , COWELL |
| 黃敏碩 |
2023-06-06T10:28 |
【Now財經台】寶鉅證券董事及首席投資總監黃敏碩推介中國通號(03969) 推介原因： - 內地城軌信號市場規模達每年220億元人民幣 - 公司訂單周期為三年，新訂單將保持快速增長 建議買入價：3.28元 目標價：3.6元 止蝕價：3.15元 黃敏碩 寶鉅證券董事及首席投資總監 相關股票 編號 名稱 03969 中國通號 相關文章 【股市脈搏】中國通號睇埋季績再部署 2023/04/20 12:08 【大行報告】高盛：看淡內地鐵路設備行業 2022/01/12 12:51 【大行報告】瑞信降中國通號目標價 2021/10/28 11:47 |
RMB , CHINA CRSC |