| Commentator |
Time |
Content |
Tag |
| 陳錦興 |
2023-08-16T18:39 |
【Now財經台】港交所(00388)中午出左業績，第2季按年多賺近34%至約29億元，略遜預期，期內，主要業務收入增長5%至逾47億元，收入及其他收益則按年增長18%，呢份業績又收唔收貨？ 英皇資本財富管理方案研究總監陳錦興指，按季計，上季表現系差過第1季，因為第1季仍受復常及整體市場氣氛帶動，日均成交亦較多，但內地經濟第2季表現不似預期，導致市場氣氛逆轉，交投逐步減少，加上IPO市場欠佳，但佢認為，港交所第2季係呢個情況下，仍交到呢個成績已經唔錯。 Stanley續指，港交所呢份業績，除左中期息按年大增30%外，交易所買賣基金(ETF)成交增逾20%，系另一個亮點，因上半年開通左ETF互聯互通，令相關成交增加，尤其是南向ETF特別活躍，佢估計情況將會持續。 |
ETF , HKEX , EMPEROR CAPITAL , HSCEI ETF , IPO |
| 莊志雄 |
2023-08-16T18:01 |
【Now財經台】美股近期持續調整，「股市漁夫」創辦人莊志雄指，最近息口上升，增長股慨估值會受到擠壓。 Lewis比較納指5只「股王」包括英偉達(Nvidia)、Google母公司Alphabet、微軟(Microsoft)、蘋果公司(Apple)、亞馬遜(Amazon)8月至今慨股價表現，當中僅市銷率(price-to-sales ratio)最低，即估值最平慨亞馬遜有得升。 佢分析指，5只股份中，英偉達慨市銷率最高，最高峰時曾達45倍，意味集團係零成本下，需要45年才回本。佢又話，Tesla係2021年熱炒時，市銷率逾20倍，英偉達慨估值泡沫爆破後，市銷率下調至約39倍，但仍屬「瘋狂」估值水平。 Lewis續指，隨著8月息口抽升，呢類增長股面對慨沽壓愈大，因為債息愈來愈高，買債收息慨回報比買股票更吸引，機構投資者會逐漸減持高估值股，再將資金泊落債市賺利息，繼而拉低納指。 佢又提及，納指已跌穿50天線，跟長線市寬走勢背馳，指數係冇大股支撐下，將會進入唔短慨調整期。 莊志雄 「股市漁夫」創辦人 |
US Stock |
| 彭偉新 |
2023-08-16T12:52 |
【Now財經台】截至早上11時止，1小時內《彭博》用戶關注度上升最多港股，依次為碧桂園(02007) 、騰訊控股(00700)、比亞迪股份(01211)、友邦保險(01299)及美團(03690)。 港股持續尋底，資金炒股唔炒市，上榜慨騰訊今日收市後會出業績，集團游戲業務方面有好消息，《王者榮耀》再蟬聯全球游戲收入榜首位，而市場對騰訊慨業績預測唔差，系咪應該依家做部署？ 資深證券分析師彭偉新指，騰訊業績應該唔差，關鍵系下半年整體狀況有冇進一步轉弱，因為市場開始擔心經濟回落，騰訊部分收入來自網上廣告，會對收益構成一定程度慨負面壓力。佢又指，就算騰訊第2季交到一份令市場對未來有較大憧憬慨成績表，亦未必令投資者即時對集團整體前景有好正面睇法。 Caster續指，唔少大行最少下調騰訊目標價3%，雖然下調幅度唔大，但市場會認為大行都系睇淡，加上內地最新出爐慨「三頭馬車」等經濟數據唔理想，即使騰訊第2季業績好過預期，相信都對股價冇太大幫助。 |
Stock , TENCENT , BYD COMPANY , COUNTRY GARDEN , Rating |
| 盧志威 |
2023-08-16T10:51 |
【Now財經台】美國3月爆發慨地區銀行危機好快平息，不過，有評級機構認為，銀行經營環境轉差，其中，惠譽最新指，包括摩根大通在內等大銀行評級，亦有下調風險。另有消息指，美國監管機構會向資產規模唔少過1000億美元慨銀行，提出發行足夠長債慨要求，以彌補資本損失。到底美國銀行危機系咪好似評級機構講到咁嚴重？ 潤淼資產管理董事盧志威指，其實3月爆發慨地區銀行危機唔系市場講到咁嚴重，依家美國監管機構明顯想睇少幾家銀行，希望高息環境可以推動銀行合並、重組，因為係呢個操作下，銀行體系會變得更健康，唔會咁易林，但提醒投資者中小型銀行股慨股價會比較飄忽。 佢又話，雖然小型銀行依家冇乜優勢，好難搵到新定位，因此，都系朝著合並、重組慨大方向發展，合理之余，美國監管機構亦樂見。 盧志威 潤淼資產管理董事 |
USD , Rating |
| 郭家耀 |
2023-08-16T09:55 |
【Now財經台】匯盈國際資產管理董事總經理郭家耀推介中國電信(00728) 推介原因： - 中期業績符合預期，業務表現穩定 - 雲計算服務投放占比高，符合市場需要 - 抵御經濟周期能力較強， |
CHINA TELECOM , Earnings , EJE HOLDINGS |
| 陳錦興 |
2023-08-15T18:01 |
【Now財經台】361度(01361)中午出左上半年業績，純利約7億人仔，按年增長逾27%，收入增長18%，毛利率升至41.7%，唔止符合盈喜，亦系2011年下半年以來最好慨中期業績，不過，股價係放榜後一度急瀉23%。 英皇資本財富管理方案研究總監陳錦興指，361度呢份業績系收貨，集團成本控制做得好，純利增幅大過收入，反映營運表現及執行能力達標。 內地7月社會消費品零售總額按年升幅收窄至2.5%，系7個月以來最差，反映消費復蘇力度較差，Stanley就話，依家內地經濟環境較差，市民都唔敢隨便消費，會傾向發掘低檔次品牌。 此外，杭州亞運會將於9月23日至10月8日舉行，361度系官方合作伙伴，不過，Stanley認為，亞運會過後，361度增長有機會放緩，市場亦唔會有太大憧憬。 |
Results , Earnings , EMPEROR CAPITAL |
| 陳欣 |
2023-08-15T17:30 |
【Now財經台】受出口帶動，日本上季國內生產總值(GDP)按年增長6%，遠超預期，並連續3季錄得增長。不過，日圓延續噚日跌勢，今午一度低見145.8，點解日本經濟數據強勁，日圓反而系咁跌？ 資深外匯分析師陳欣分析指，雖然當地通脹早已超過2%慨目標水平，按道理日本央行需收緊超寬松貨幣政策控制通脹，但其實日本整體經濟唔系表面上咁好，最新入口、私人消費支出數據仍要跌，反映存在內需疲弱慨隱憂，貨幣政策突然轉向慨風險都幾大。佢估計，日央行會等到明年才調整貨幣政策，期間日圓都難以扭轉弱勢。 Chase又估計，日圓會繼續係145至150水平橫行，日央行之前係日圓貶值至145水平時出手干預，若當局係日圓跌至150水平再出手，日圓有望回升至介乎138至140水平，否則，或要係150徘徊一段長時間。 陳欣 樂天證券香港銷售總監 |
Expo |
| 李偉傑 |
2023-08-15T16:34 |
【Now財經台】騰訊控股(00700)聽日(16日)收市後出中期業績，據《彭博》綜合預測，估計第2季收入按年增長13%至1519.5億人仔，經調整純利362.6億人仔，按年增長31%。 高盛預期，騰訊第2季游戲收入增長9%，較首季慨11%有所放緩，華盛證券經紀部董事李偉傑認為，受惠於去年底基數效應，騰訊游戲收入上季增幅應該唔會太差，而市場預期上季國際游戲收入增長會比內地快。佢又提及，青少年限玩政策早於兩年前已經實施，相信股價已消化相關負面影響。 Jason又認為，騰訊要係業績仔細分開講及人工智能(AI)及雲業務效益，投資者先可以搵到新增長亮點。 佢指出，近排騰訊股價跑贏大市，係300至370元上落，相信除左業績，股份回購亦可支持股價。騰訊上次公布業績系5月17日，5月22日就開始回購，估計今次業績後數日就會有回購行動，成為股價短期新動力。 |
Results , TENCENT , Sachs , IT |
| 黃偉豪 |
2023-08-15T11:58 |
【Now財經台】港股噚日再失守19000點，今朝低開過百點，內地「三頭馬車」經濟數據出爐後，大市跌幅一度擴大至逾200點，低見18559點。恆指牛證重貨區係18500點，淡友就比較進取，熊證重貨區係貼價慨19500點。 中薇證券研究部執行董事黃偉豪指，雖然由上月底高位約20300點計，恆指已調整左唔少，按道理短期有機會出現技術反彈。 不過，佢認為，內地經濟數據差過預期，加上人仔持續貶值都利淡港股，技術上相對強弱指數(RSI)亦先向下突破，反映大市仍有下跌空間，估計恆指有機會下試18000點水平。 Ravi提醒，淡友唔好揀太貼價慨熊證，好友博反彈可以揀收回價18000點或以下慨牛證，減低收回風險。 黃偉豪 中薇證券研究部董事 |
Stock |
| 梁偉民 |
2023-08-15T11:24 |
【Now財經台】內地「三頭馬車」數據遜預期，加上人民銀行爆冷下調逆回購及中期借貸便利(MLF)利率，拖累離岸人仔今朝一度跌穿7.3兌1美元，跌至去年11月以來低位。 高富金融集團投資總監梁偉民指，上次港股弱勢正正系人仔下試7.3水平，當時恆生指數失守18300點，佢認為，單系人仔因素已可以再推低港股。 Wyman又預期，隨著美中息差進一步擴闊，人仔將會進一步貶值，相信短期仍會持續弱勢，甚至有機會下試7.32水平。 梁偉民 高富金融集團投資總監 |
USD , Stock , HANG SENG BANK , HK Banks |
| 李浩然 |
2023-08-15T10:38 |
【now.com財經】想像一下，給你提出以下的賭博：投擲一個公平的硬幣時，如果「公」朝上，將把你的財富增加50％；反之，如果「字」朝上，將減去你目前財富的 40％。當面對這個游戲時，你會選擇參與嗎？當然，你可能會問到，這個賭博是否允許重復，而這將帶出了一個金融理論中的Ergodicity problem（遍歷問題）。 所謂的Ergodicity problem，就是根據許多不同系統在平均的波動數量和時間下，是否能夠得到相同的數字。就以這個擲硬幣的賭博為例子，並以數學公式 xi(t) 作為系統集。在這個賭博系統下，對應於 N 個不同的玩家，每個人的起始財富為xi=100美元，並且每個人獨立地投擲硬幣。硬幣被投擲後，大約一半的人會得到「公」，另一半會得到「字」。當玩家數量趨近於無窮大（N→∞）時，「公」和「字」的比例將精確趨近於1/2；即一半的玩家將有150美元，另一半將有60美元。 在這種極限情況下，整體的平均值將是1/2x（150 + 60）= 105 美元。換句話說，這個平均值也被稱為期望值（expected value）。 |
USD , TIANYUAN HEALTH |
| 黃敏碩 |
2023-08-15T10:20 |
【Now財經台】寶鉅證券董事及首席投資總監黃敏碩推介中國聯通(00762) 推介原因： - 下半年將推進基礎業務和新興板塊，擬分拆智網科技上市 - 派息慷慨，中期盈利及產業互聯網收入增長理想 - 與騰訊控股(00700)新設合營企業雲宙時代 建議買入價：5.45元 目標價：6元 止蝕價：5.15元 黃敏碩 寶鉅證券董事及首席投資總監 相關股票 編號 名稱 00700 騰訊控股 00762 中國聯通 相關文章 【匯豐輪證】人行下調MLF及逆回購利率 54分鍾前 【法興牛熊】調整勢頭未完 港股續下試支持 1小時41分鍾前 港股再挫逾200點 九置插逾8% 比亞迪續捱沽 2小時20分鍾前 恆指低開174點 友邦低開逾2% 2小時57分鍾前 【北水手影】淨入增至88.4億 買盈富 沽快手 18小時前 港股兩日挫474點失萬九關 離岸人幣創近個半月低 19小時前 港股尾市跌幅縮至340點 藥股逆市升 21小時前 【麥格理快線】汽車價格戰下比迪見逾2個月低 21小時前 【財經TOP SEARCH】呢兩只新能源車股仲有得升 21小時前 港股午後續挫逾400點 碧桂園跌幅擴至一成七 23小時前 |
CHINA UNICOM , SUN HING VISION , IPO , IT , IPO |
| 阮子曦 |
2023-08-14T22:44 |
【Now財經台】港華智慧能源(01083)上半年純利增長7.1%，若撇除特殊收益，基本盈利則倒退13.7%。 華富建業證券投資策略聯席總監阮子曦表示，港華上半年收入及基本盈利，均遜預期，預計股價短期受壓，但中長線看，相信內地經濟逐步恢復增長動力，加上上游氣價可望回落，又或公司透過天然氣價格聯動機制轉嫁成本，可改善毛利率，因此前景不太悲觀。 |
Energy , CHINNEY INV , TG SMART ENERGY |
| 林嘉麒 |
2023-08-14T18:57 |
【Now財經台】內房違約危機拖累內險股走弱，其中，中國人壽(02628)最多跌逾4%，低見12.08元。國壽將於下周三(23日)出中期業績，市場預期，集團賺逾242億人仔，若不計首季純利178億人仔，實際上系預期上季增長放緩。 元宇證券投資總監林嘉麒認為，國壽前景唔樂觀，除左保費收入下跌，公司為持股近30%慨遠洋集團(03377)債券違約風險做幾多撥備，亦會影響未來盈利表現。 截至去年底止，國壽已累計撥備58.62億人仔，集團曾提及，遠洋股價每跌10%，將會令撥備增加2.19億人仔，而遠洋上半年股價累跌近60%，系咪至少要撥備多13億人仔？ KK估計，國壽將由今次中期業績起陸續增加撥備，令人憂慮上季加大慨撥備會抵銷賺到慨錢，加上雙方仲傾緊重組，難以估算實際財務損失，恐怕未必靠撥幾百億人仔就搞得掂，預期下半年盈利表現會更差。 國壽股價今日低位險守250天牛熊線，但KK預期股價起碼跌至早前遠洋事件慨低位11.1元，出現雙底後先有機會反彈。 |
Results , CHINA LIFE , China Real Estate , Earnings , SINO-OCEAN GP |
| 羅明立 |
2023-08-14T18:17 |
【Now財經台】內地上星期五(11日)出左最新金融數據，其中，人民幣新增貸款遠遜預期，僅約3459億人仔，系2009年金融海嘯以來最少。內地過去數月公布左唔少刺激措施，地方政府又一直為內房松綁，但結果新增貸款表現仍令人失望。 亨達集團助理總經理羅明立指，內地經濟情況相當嚴峻，相繼有企業爆雷，尤其系內房，大家都好擔心違約事件陸續有黎，又話之前中央推出慨措施實際作用唔大，依家最大問題系市民信心不足，傾向采取保守措施。 人仔方面，Patrick估計會進一步下跌，近期中央希望銀行作出一些干預行動，但成效似乎唔大，加上冇實質措施撐經濟，係信心問題未解決下，人仔仍會向下。 羅明立 亨達集團助理總經理 |
RMB , China Real Estate , CINDA INTL HLDG |
| 梁傑文 |
2023-08-14T17:55 |
【Now財經台】創仔股曼妠(08186)最少改過兩次名，亦玩過合股、供股呢些財技，係前身「同仁資源」時代更被獨立股評人David Webb「點名」，列為50只不宜沾手港股之一。 公司最近又「伸手」，上周五(11日)提出按「1供3」基准，發行逾8500萬股新股，供股價0.22元，較當日收市價折讓逾26%，重點系公司依家發行股數僅約2800萬股，供股後大增近3倍至逾1億股。 雖然供股比例咁大，但集資淨額最多僅1750萬元，《香港股票財技密碼》作者梁傑文認為，雖然銀碼唔夠冚逾2100萬元慨總負債，加上供股計劃按非包銷基准去做，需要所有股東參與認購先籌到最大筆資金，但短期仍有助公司補償負債缺口。 Mike續指，曼妠岩岩完成債務重組，主要股東以股代債方式接受左一大批股份，換算返每股成本約0.55元，高過現價唔少，唔排除主要股東可能想攤薄成本，或者睇好公司前景而參與供股。 梁傑文 《香港股票財技密碼》作者 相關股票 編號 名稱 08186 曼妠 |
Stock , IPO , IPO , HONOR MATRIX , Resources |
| 蘇沛豐 |
2023-08-14T12:23 |
【Now財經台】內房民企龍頭碧桂園(02007)陷入流動性壓力，旗下11只境內公司債券今日(14日)起停牌，加上內地上周五(11日)出爐慨7月新增貸款數據遠遜預期，恆指今朝開市即失守19000關，一度瀉逾500點，低見18554點，已蒸發大部分政治局會議利好帶黎慨升幅。 招銀國際證券股票部執行董事蘇沛豐估計，港股短線係18500點或有支持，佢分析指，恆指係5月跌至近18000點後反彈，並展開升浪，而今日低位接近上升通道底部，即18500點，估計將出現技術性反彈。 Daniel續指，即使大市反彈，板塊表現仍會分化，市場或憂慮內房債務問題，令內銀慨壞帳風險上升，預期呢兩個板塊走勢波動，佢又提醒，雖然內房股反彈幅度大，但值博率唔高。 佢又認為，科網股只系受市況拖累，當港股反彈，呢類高beta值慨股份通常跑贏大市，至於醫藥股、生物科技股、消費股亦可以考慮係現水平博反彈。 |
Stock , China Real Estate , COUNTRY GARDEN , China Banks , IT |
| 陳錦興 |
2023-08-14T10:39 |
【Now財經台】英皇資本財富管理方案研究總監陳錦興推介中國國航(00753) 推介原因： - 已消化盈警因素，聚焦復蘇 - 內地恢復出境團隊游第3批名單， |
AIR CHINA , EMPEROR CAPITAL |
| 郭思治 |
2023-08-14T10:33 |
【now.com財經】大市已開始步入8月份之中旬，而直到目前一刻止計，本月大市之形態仍暫屬先高而後低，恆指暫是由1日之高位20,331點跌至10日之低位19,030點，即月內之波幅暫已稍擴闊至1,301點。 首先，一個月之高低位是很少同時出現於八個交易日之內，加上1,301點之波幅相對仍稍偏細，未必能滿足月內之所需，故在本月余下之交易日，理論上該有更大之波幅點出現，從而拉闊月內高低位之距離，同時亦能滿足月內對波幅之要求，而剩下之問題該是大市會上破20,331點或是會跌穿19,030點。 談到大市會穿頭或破腳，首先要留意的當然是移動線方面的走勢，目前各組常用之平均移動線之排列由上而下為100天線（約在19,522點左近），10天線（約在19,486點左近），20天線（約在19,363點左近），250天線（約在19,287點左近）及50天線（約在19,229點左近）。 |
HSBC HOLDINGS , HSBC , Oil , CNOOC , CHINA MOBILE |
| 趙晞文 |
2023-08-11T22:43 |
【Now財經台】寶勝國際(03813)上半年多賺16.5倍，並恢復派發中期息，每股1.85仙。 信達國際研究部主管趙晞文表示，寶勝半年盈利大升，除了因為受惠內地復常，亦因去年基數偏低，但下半年內地消費市道不明朗，難以估計業績能否維持強勁增長，不過恢復派中期息，對股價有一定支持。 |
Earnings , POU SHENG INT'L |
| 林嘉麒 |
2023-08-11T18:56 |
【Now財經台】受上半年成本開支增加，加上政府補貼等收益減少，李寧(02331)中期少賺3%，略差過預期，收入增長近13%，毛利率降至48.8%，值得留意系，集團相隔12年首度恢復派中期息。 元宇證券投資總監林嘉麒指，李寧連續兩個季度表現都唔好，而且愈黎愈差，經營情況唔太理想，做到收入有增長時，又到成本控制唔到，所以市場都會睇得比較淡。KK又指，李寧存貨增加自然有減價壓力，甚至去庫存壓力，集團依家慨品牌中有部分系潮牌，一旦要劈價散貨，對毛利影響較大，佢又認為，李寧收入增長要達標有難度。 對於集團恢復派中期息，KK坦言，雖然可以留住股東慨心，但股價慨正面反應未必可以持續，除非業績有改善。 |
LI NING |
| 陳建良 |
2023-08-11T17:47 |
【Now財經台】阿里巴巴(09988)上季度經調整純利按年升48%，6大業務全面向好，除左雲業務收入增長較慢外，其余5大業務都錄得雙位數增長，業績整體好過市場預期，阿里股價今日開市冇耐已升近4%，一度高見97.95元，收市報95.3元，逆市升1%。 不過，勝利瑞柏基金管理合伙人暨投資總監陳建良認為，雖然市場收貨，但投資者要留意，期內收入按年急升，系由於去年同期出現疫情封控令數據受惠於低基數，加上今年上半年復常後，疫情期間被壓抑慨需求(pent-up demand)帶動銷售增長。 不過，第2季起內地經濟開始掉頭向下，佢估計，年底經濟增長將不及年初，而網上銷售同經濟掛鉤，集團網上購物業務慨收入增長或顯著收縮。 KL續指，在高息環境下，新股吸引力不再，認為阿里分拆業務獨立上市唔會對股價有好大幫助，加上美國落實對當地企業投資中國高科技領域慨新限制，一定會影響阿里發展人工智能(AI)或其他涉及高科技慨業務，預期股價會繼續係80至100元橫行一段長時間。 |
Results , LINGYI ITECH , IPO , IT , IPO |
| 梁偉源 |
2023-08-11T13:36 |
【Now財經台】截至早上11時止，1小時內《彭博》用戶關注度上升最多港股，依次為碧桂園(02007)、阿里巴巴(09988)、騰訊控股(00700)、美團(03690)及友邦保險(01299)。 繼還唔到債息後，碧桂園噚晚發盈警，預告上半年最多蝕550億人仔，仲傳出集團快啟動債務重組，拖累股價一度再插逾14%，慘變毫子股，其實高盛都估集團今年至2025年業績都會「見紅」，不過，市場最擔心系流動性問題及債務違約。 大華繼顯執行董事梁偉源指，碧桂園銷售唔理想，令資金回籠較慢，加上依家銀行唔會輕易放貸，估計公司集資有一定難度，而資金問題會繼續係投資者對碧桂園慨最大憂慮。 此外，恆指季檢結果將會係下周五(18日)出爐，梁偉源估計，未必會踢走碧桂園，但可能會放去觀察名單。 |
Stock , Results , Earnings , HK Cap Flow , TENCENT |
| 聶振邦 |
2023-08-11T13:18 |
【Now財經台】美國噚晚出左7月消費物價指數(CPI)，反映通脹降溫，但投資市場好波動，之後有聯儲局官員指，雖然通脹數據系好消息，但要實現通脹目標仲有好多工作要做，美股3大指數埋單都有得升，美元及美債息就掉頭向上，美國通脹系咪已經有一個逐步降溫慨趨勢？ 博威環球資產管理金融首席分析師聶振邦指，美股噚晚造好，主要系核心通脹按年下跌，市場原本預期系同6月持平，呢方面系有驚喜，而整體通脹升幅都比市場預期溫和。佢又話，市場原本預期聯儲局9月唔加息，但睇返聯儲局官員慨言論，就同市場預期唔同，影響左美股慨升勢。 聶Sir又指，美國核心通脹高過整體通脹，關鍵在於住屋方面，反映租金持續高企，因此，要通脹顯著回落系需要一段時間。 聶振邦 博威環球資產管理金融首席分析師 |
US Bonds , USD , US Stock |
| 林嘉麒 |
2023-08-10T22:43 |
【Now財經台】中芯國際(00981)第二季少賺21.7%，經營溢利更大跌85.2%，毛利率亦降至20.3%。 元宇證券基金投資總監林嘉麒表示，中芯上季業績不理想，公司又預期第三季毛利率進一步下跌，暫時看不到業務會有改善跡象，看淡其中長線股價走勢。 |
SMIC |
| 熊俊傑 |
2023-08-10T17:39 |
【Now財經台】油價繼續有突破，紐約期油價創今年新高，係亞洲交易時段又升多左，主要系地緣局勢愈來愈緊張，但有大行仍維持油價年底預測不變，其中，匯豐證券指紐油每桶睇76美元，倫敦布蘭特期油就睇80美元，如果睇返油價現水平，大行系咪睇得太保守？ 艾德金融董事熊俊傑認為，大行預測低過現水平其實唔系唔合理，但有冇需要作出調整，就要視乎未來經濟增長，油價上升主要受俄烏局勢及美國加息周期快將完結帶動，加上石油輸出國組織及盟友(OPEC+)落實減產協議，係供應減少下有機會進一步推高油價。 Ken又指，依家布油已升穿85美元，已經好接近88美元慨阻力，要進一步向上就要睇未來半年經濟增長可唔可以持續，還是進一步放緩，甚至陷入衰退，都有可能令油價回落。 熊俊傑 艾德金融高級副總裁 |
Oil , HSBC HOLDINGS , USD |
| 植耀輝 |
2023-08-10T16:35 |
【Now財經台】太古(00019)中午出左業績，半年多賺1.2倍，主要靠飲料、航空業務撐起呢份業績，地產業務表現就相對弱，呢份業績系咪都收貨？近年太古都系靠派息及回購吸引投資者，今次中期息都派多左，重返2019年疫前水平，現水平值唔值得部署？ 耀才證券研究部總監植耀輝指，呢份業績系收貨，但冇驚喜，太古3大業務中，地產預左唔會有咩表現，航空業務即系國泰航空(00293)都預左會虧轉盈，有較好表現，飲料業務就系呢份業績亮點及有驚喜，主要受惠於復常及公司慨部署系。 Stanley又指，今次中期息增幅唔算特別吸引，但公司之前話賣左美國可口可樂會派特別息，加上現金多負債水平又唔算特別高，同埋公司唔排除進行新一輪回購，呢些因素都會對股價有支持及幫助。佢續指，太古現水平仍有值博空間，如果有貨就繼續楂住，如果冇貨就等股價回調5%至10後再買入。 |
CATHAY PAC AIR , Earnings , Real Estate , US Bonds , Real Estate |
| 陳偉明 |
2023-08-10T11:13 |
【now.com財經】自從內地中央政治局會議釋放撐經濟訊號，恆指由前周一(7月24日)低位18,562點開始一口氣挾上近1,800點，由於短期升幅過急，加上並未見中國有具體措施出台，而內地財新制造業PMI及進出口數據遜市場預期，港股一如筆者預期在上周一(7月31日)高位20,361點見短期頂位回落跌穿19,400點支持區後，昨天低見19,056點才止跌回升。 這次港股回落，除了因為恆指20,000點之上已反映市場對內地政策的憧憬外，主要因為上周三(8月2日)評級機構「惠譽」突然下調美國國債信貸評級。回望歷史，美國在2011年8月也曾被另一評級機構「標普」下調AAA最高主權信貸評級至AA+，當時標普500指數單日在「低位」急插6.7%，而美國這次被「惠譽」降級後，標普500指數在上周三(8月2日)當晚在相對「高位」只跌不足1.4%，反映市場目前並不擔心美國這次被「惠譽」降級。 然而，美國債息飆升、美匯轉強、人仔偏弱始終會拖累港股表現，因此筆者上周亦預早提醒恆指在19,400點短線反彈後，在19,700點以上要Long Put對沖倉位下跌風險。 |
Stock , RMB , USD , US Credit , USD |
| 許繹彬 |
2023-08-10T11:05 |
【now.com財經】當全城投資者都滿以為八月港股在成交急增下能有「好走勢」，可惜又再一次要希望落空了。本周開始，久違了的「反腐」這個詞匯，突然又在市場上出現，綜合多間內媒報道，內地醫藥反腐風暴持續擴大，統計今年內地已有至少155位醫院院長及書記等被查，數量比去年增加兩倍；更有傳部份醫藥企業的高管被扣查，指是次反腐風暴集中整治醫藥領域生產、供應、銷售、使用、報銷等重點環節。 消息一出，中港兩地醫藥股便成是次風暴的「風眼」，在港上市的醫藥股、生物科技股大幅下挫；藍籌醫藥股中，翰森制藥(03692)、中生制藥(01177)、石藥集團(01093)、藥明生物(02269)無一幸免，帶動大市下調急促。 禍不單行，藍籌代表碧桂園(02007)雖然已澄清市場消息上有指佛山市副市長帶隊的工作組進駐碧桂園的傳言並不屬實，但盡管怎樣言之鑿鑿的澄清，都免卻不了投資者對內房物管股有所戒心。 「碧系孖寶」碧桂園及碧桂園服務(06098)股價再次呈現沽壓，其境內債價亦被受牽連回肚；市場再傳此類股份均會持續「缺水」，令一眾內房物管股亦受碧系拖累，應聲下挫，碧系股價再次成為藍籌跌幅前列份子。 |
RMB , USD , Stock , China Real Estate , COUNTRY GARDEN |
| 羅尚沛 |
2023-08-09T22:41 |
【Now財經台】統一企業(00220)上半年多賺42.7%，主要因為有特殊收益，扣除後的核心盈利要倒退14.2%。 銀河證券業務發展董事羅尚沛表示，統上業績令人失望，雖然生產成本下降，令毛利率改善，但市場競爭激烈，公司要大量投入宣傳推廣開支，拖累基本盈利。 |
U-PRESID CHINA , Earnings |
| 聶振邦 |
2023-08-09T17:21 |
【Now財經台】國泰航空(00293)中午派左中期成績表，轉賺逾42億元，符合7月中盈喜預期，除反映業績明顯好轉，亦系逾10年以來盈利表現最好慨半年業績，不過，國泰股價午後冇乜反應，但其實股價自7月低位升至近期高位，已累計反彈26%，後市仲有幾多上升空間？ 博威環球證券金融首席分析師聶振邦指，國泰上半年載客人次達180萬，按年大增22倍，亦回復至疫前70%，雖然暫時進度唔錯，但主要受惠於低基數效應，相信市場會更關注業績幾時可以回復至疫前水平。 股價方面，聶Sir指，國泰股價舊年9月曾見9元水平，如果投資者係高位買入，已經變成蟹貨超過9個月，所以現水平可能會有沽壓，而業績後股價冇反應，相信系9元關口阻力比較大，如果想入市不妨等股價落返8元樓下，因為會比較安全。 |
Results , CATHAY PAC AIR , Earnings |
| 莊志雄 |
2023-08-09T16:08 |
【Now財經台】恆生指數今季持續跑贏標普500指數，點解會出現「東升西降」慨現象？「股市漁夫」創辦人莊志雄分析指，之前港股慨科技股累積左好多淡倉，第3季開始見到夾淡倉，就連金龍指數慨交易所買賣基金(ETF)今季都累升近12%，證明中資科技股走勢好，但佢認為，現時都系留意商品比較好，例如石油相關股。 Lewis續指，第3季商品價格升勢，令能源板塊係美股中表現最標青，尤其系石油服務股、油氣開發股，相關ETF分別升逾18%及逾13%，值得留意系，升得最好唔系市值最大慨能源企業或成分股。 此外，Lewis認為，港股慨新能源車股值得長期關注，並指歐美唔少汽車評論人對中國產電動車慨評價正面，事實上，板塊早係第2季已有利好訊號。 過去1個月，藍籌車股比亞迪股份(01211)及吉利汽車(00175)股價僅錄得單位數升幅，反觀「造車新勢力」小鵬汽車(09868)及理想汽車(02015)爆升約30%。 Lewis表示，雖然唔少股份短期已超買，但如果未來業績交到貨，仍睇好新能源車板塊長期走勢。 |
Energy , GEELY AUTO , Oil , Stock , US Stock |
| 彭偉新 |
2023-08-09T13:07 |
【Now財經台】截至早上11時止，1小時內《彭博》用戶關注度上升最多港股，依次為碧桂園(02007)、阿里巴巴(09988)、理想汽車(02015)、騰訊控股(00700)及友邦保險(01299)。 碧桂園冇如期償還兩筆債息，合共2250萬美元，折合約1.8億港元，雖然有30日寬限期，但違約風險大增。上周市傳集團突然煞停23億港元配股計劃，噚日就傳出畀唔到債息後，集團亦好快承認周轉困難，股價今朝一度再急插近9%，半日收報1.08元，仍跌4%。 資深證券分析師彭偉新相信，碧桂園有足夠現金支付債息，但還息後可能唔夠營運資金，並指現時銀行唔會輕易批出信貸額，估計集團未來或發行新股集資，但要比上次計劃配股慨折讓幅度，即近18%更大，先吸引到投資者，甚至減持或出讓其他上市項目股權，同屬藍籌慨碧桂園服務(06098)，預期股價短期會繼續受壓。 恆指季檢結果下周五(18日)出爐，但Castor認為，恆指公司唔會現階段踢走碧桂園系，因為一旦剔出呢家內房龍頭，市場對其他內房慨前景會變得更負面。 |
Stock , IPO , US Bonds , China Real Estate , TENCENT |
| 植耀輝 |
2023-08-09T09:59 |
【Now財經台】耀才證券研究部總監植耀輝推介中遠海運國際(00517) 推介原因： - 現金值逾4億元，在波動市具防守性 - 息率吸引，近年派息比例接近100% - 早前已發盈喜，預期中期盈利最少增加1倍 建議買入價：低於3元 目標價：3.6元 止蝕價：2.5元 植耀輝 耀才證券研究部總監 相關股票 編號 名稱 00517 中遠海運國際 相關文章 【每日觀點】中遠國際加息受惠股？ 2023/07/21 11:05 【專家分析】中遠海運大賺靠兩瓣食糊 2023/07/13 18:05 【焦點股】呢只船仔股發盈喜 股價變「飛船」飆... 2023/07/13 10:16 【港股今日睇】罕有回購股份 中遠國際可跟？ 2022/10/11 22:48 【業績速報】嘉里基礎溢利增18% 中遠海運多賺3% 2022/08/18 13:11 【反覆向下】港股插穿24000關 賭股散曬 2021/11/29 17:00 |
COSCO SHIP INTL |
| 陳錦興 |
2023-08-08T16:59 |
【Now財經台】聯儲局官員威廉斯噚晚「放鴿」，指若明年通脹放緩，可能有需要減息，今日息口敏感慨資源股逆市跑出，其中，中國宏橋(01378)最多升近6%，高見7.83元，收市仍升逾3%，系表現最佳藍籌。 呢只鋁產品股7月底發盈警，預告中期少賺70%，主要是產品價格下跌，以及原材料價格上漲，令收入減少、毛利率受壓，但點解宏橋盈警後，股價不跌反升，至今已累升逾10%？ 英皇資本財富管理方案研究總監陳錦興分析指，去年上半年產品價格高企，對比下今年同期純利大跌系幾合理，而相比去年下半年，上半年盈利增幅唔算小，所以公司基本面並冇大問題，加上市場憧憬內地慨經濟刺激政策會係第3季尾開始見效，相信股價後市仍有支持。 Stanley續指，現時宏橋股價續處於上升軌道，估計短期內或突破8元，到時要留意高位回套壓力大唔大。 |
Results , EMPEROR CAPITAL , IPO , Resources , IPO |
| 李偉傑 |
2023-08-08T15:15 |
【Now財經台】恆指季檢將會係下星期五(18日)出爐，中金之前出左報告，估計快手(01024)、理想汽車(02015)及太古地產(01927)等有機會「染藍」，快手之前多次大熱倒灶，理想汽車就系3大造車新勢力中，唯一有錢賺，呢兩只股份今次跑出成為「藍籌新貴」慨機會大唔大？ 華盛證券經紀部董事李偉傑指，市場對快手今次可以「染藍」慨期望系大左，除左睇流動性及市值等因素之余，亦要睇盈表現，快手上半年發左盈喜，會唔會追到今次「染藍」慨時間，因為集團月底先出業績，所以恆指公司會唔會只因為呢個盈喜就納入快手，呢方面系有機會再一次令市場失望。 至於理想汽車，Jason就認為，被納入慨機會高過快手，集團第2季銷售持續上升，中期業績好大機會扭虧為盈，但值得留意系，集團冇發過盈喜，會唔會期內撥備多左，呢方面可能系一個隱憂。 |
Results , Earnings , Real Estate , Stock , Real Estate |
| 譚智樂 |
2023-08-08T13:30 |
【Now財經台】截至早上11時止，1小時內《彭博》用戶關注度上升最多港股，依次為阿里巴巴(09988)、碧桂園(02007)、騰訊控股(00700)、龍湖集團(00960)及中芯國際(00981)。 阿里將於周四(10日)公布2024財年首季業績，股價係業績前一度下試20天線，今朝一度跌逾2%，低見93.1元。 盈寶證券投資顧問總監譚智樂認為，近日市場對中國通縮慨預期過分悲觀，科技股都跟住大市調整。Arnold又指，技術上，其實阿里股價仍處於中期上升通道，仍未跌穿20天線，只要繼續企穩90元水平，後市走勢唔會差。 |
IT , Stock , TENCENT , SMIC , LINGYI ITECH |
| 黃偉豪 |
2023-08-08T12:45 |
【Now財經台】阿里巴巴(09988)股價近日受制於100元水平，今朝一度跌逾2%，集團將於周四(10日)派季度成績表，依家適唔適合做部署？ 中薇證券研究部執行董事黃偉豪認為，近幾季市場對科網股業績預期都偏淡，不過，即使阿里收入增長麻麻，但成本控制做得唔錯，佢估計，阿里今份業績同對上幾季一樣，都會好過市場預期。 Ravi續指，雖然市場對科網股前景偏樂觀，但預期阿里股價後市唔會系大升格局，佢認為，好友可以用短線策略做業績前部署，因為阿里股價近期走勢唔錯，一直沿20天線向上。 不過，Ravi提醒，通常業績前CALL輪引伸波幅會扯高唔少，即使業績好過預期，仍有縮窩風險。 |
LINGYI ITECH , IT |
| 梁振輝 |
2023-08-08T11:30 |
【now.com財經】踏入八月份，投資市場並沒有靜下來，上周最矚目的消息應該是評級機構惠譽將美國的主權評級由最高的AAA調低一級至AA+。 惠譽認為，美國未來的財政狀況可能惡化，亦擔心政府赤字占GDP的比例持續上升，但美國財長耶倫強烈回應，認為降級並無根據。對上一次美國評級被下調要回到2011年，當時標普成為首間將美國降級的評級機構，帶來的市場回響明顯較今次大。 債息急升料短暫 話雖如此，美國政府債券的收益率上周仍然顯著攀升，但除了降級因素外，美國強勁的就業數據及超過預期的政府債券供應亦可能是背後原因，而我們相信單單評級下調對美國債券收益率的長期影響可能是最小。從以往的經驗來看，當AAA 級成熟市場的主權債券被降級時，相關的拋售通常不會持續超過一周。我們相信，此次情況也不會例外，投資者的目光很快會轉向經濟表現之上。 此外，我們注意到惠譽確認美國的「國家上限」評級為AAA。這個相當關鍵是因為它允許其他AAA級的美國證券，如市政府或政府資助實體發行的債券，在不自動降級的情況下保持其AAA評級。更重要的是我們仍然相信， 美國政府債券和美元在全球金融市場中的法定作用並不會因為此次降級而改變。 |
US Bonds , China Econ , USD , Rating , US Stock |
| 梁偉民 |
2023-08-08T10:50 |
【Now財經台】醫藥股噚日散曬，因為內地展開為期1年慨全國醫藥行業腐敗問題整治行動，有消息指，截至7月26日止，已最少有155人受查，較2022年全年多1倍，係呢輪反腐行動下，醫藥股未來1年都好難有運行？ 高富金融集團投資總監梁偉民指，反腐消息剛開始發酵，為穩陣起見須觀察多一陣，始終市場需時消化，加上藥股普遍跌左約10%，仍未跌到吸引慨水平。不過，如果想做部署，都唔一定要等1年後，但最少都要睇多2個至3個星期，等市場消化左今次事件，又或者等負面影響浮現曬先再做部署，唔好見跌左10%就即刻沖入去撈底。 Wyman又話，想部署醫藥股暫時唔好睇北水，最重要系睇下藥企受到幾大影響，係現時唔太明朗慨時期，佢唔建議沾手呢類股份。 梁偉民 高富金融集團投資總監 |
|
| 陳鳳珠 |
2023-08-08T09:57 |
【Now財經台】匯盈集團研究部主管陳鳳珠推介百勝中國(09987) 推介原因： - 第2季度業績理想，收入創新高 - 上半年經營利潤已超越2022年全年 - 開支控制得宜， |
Earnings , EJE HOLDINGS |
| 鄭家華 |
2023-08-07T22:47 |
【Now財經台】IMAX中國(01970)兩名董事近日減持股份，是否意味兩人認為，大股東早前提出的私有化建議遭否決的可能性較大？ 阿仕特朗資產管理董事鄭家華表示，IMAX中國上半年盈利大升，反映業務已重拾正軌，而大股東的私有化出價，比今年初股價還要低，確實欠吸引力，但亦難以斷言兩名董事沽貨，是否跟私有化有關。 |
|
| 梁傑文 |
2023-08-07T14:45 |
【Now財經台】味千(中國)(00538)發盈喜，預告中期轉賺最多1.4億人仔，味千股價今早大升，一度高見1.19元，勁升逾22%，除左復蘇概念，味千其實都系1只「疊水股」，截至去年底止，持有現金逾14億人仔，基本冇乜負債，疫情期間只系停派1次中期息，可以預期公司有錢賺派息都會慷慨些，依家大股東兼主席持股47%，一定會受惠派息，但私有化會唔會更岩管理層胃口？ 《香港股票財技密碼》作者梁傑文指，味千幾乎系一家淨現金公司，要維持疫前派息水平及派息率完全冇難度，依家重新上返賺錢軌道，唯一要用錢系開新店，要使慨錢都只系1億至2億人仔，而集團的確有私有化潛力，至少市值相對現金水平仍算低。 Mike又話，味千市值比較細，市場亦有一個心理陰影，就系疫情令公司生意唔太理想兼股價大跌，到底幾時先反映到公司價值，可能都需要一段時間，雖然上半年發左盈喜，但市場都想觀察下全年利潤追唔追到疫前水平，估值先可以逐步收復。 |
Stock , AJISEN (CHINA) |
| 郭思治 |
2023-08-07T14:19 |
【now.com財經】自踏進8月份後，大市在動力減退下漸趨反覆，直到執筆一刻止計，8月大市之形態已初呈先高而後低，恆指暫是由1日之高位20,331點跌至3日之低位19,369點，即在短短三個交易日內，恆指累積之跌幅已達962點，首先，一個月之高低位是不該同時出現於三個交易日之內，加上962點之波幅亦該不能滿足月內之所需，故在本月余下之交易日，理論上該有更大之波幅點出現，從而拉闊月內高低位之距離，同時亦可滿足月內對波幅之要求。 |
Stock |
| 李浩然 |
2023-08-07T14:13 |
【now.com財經】「軟著陸」（Soft landing）一詞首次進入經濟詞匯是在20世紀70年代初，當時美國剛於1969年成功登月。由於將一艘太空船輕輕地降落在月球表面非常困難，但它最終還是成功著陸了。到了80年代末，這個詞就開始被廣泛使用，用來表達對經濟的樂觀願望。隨著通脹放緩且失業率仍處於歷史低位，有關軟著陸的討論明顯有所增加。然而，過去這樣的預測卻經常被證明是錯誤的。 事實上，早在1989年末，在聯儲局一輪加息之後，美國克利夫蘭聯儲銀行的一份經濟評論通訊詢中，提問了一個所有人都在關注的問題：「美國經濟軟著陸會有多輕？」當時，普遍的分析師們都確信經濟增長將會平穩地降溫，並且不會出現痛苦的衰退，問題只是降溫的程度有多輕。另一次發生在2000年末，《紐約時報》發表了一篇題為「讓軟著陸更軟」（Making a Soft Landing Even Softer）的專欄分析。而最近一次，發生在2007年末，達拉斯聯儲銀行的經濟師們得出結論，認為美國應該能夠順利渡過次貸危機，而不會出現經濟衰退。 結果，在這三個聲明發表的幾周或幾個月之內，美國經濟就正式陷入了衰退。 |
Oil , USD , CARRIANNA , Clothing , Food |
| 林嘉麒 |
2023-08-07T12:31 |
【Now財經台】截至早上11時止，1小時內《彭博》用戶關注度上升最多港股，依次為阿里巴巴(09988)、華虹半導體(01347)、碧桂園(02007)、騰訊控股(00700)及友邦保險(01299)。 今日華虹回A於科創板首掛，A股開市報58.8元人仔，較招股價52元高13%，港股開市靠穩後捱沽，冇好似早幾年中芯國際(00981)回A咁炒上，市場應該點解讀？ 元宇證券投資總監林嘉麒指，以前些股份回A上市，短暫拉升估值，目的系幫A股定價。但依家環境唔同曬，中美關系緊張加上芯片供應唔穩定，政治陰霾越黎越大，市場冇乜意欲炒作呢類股份，所以A股跌系意料之內。加上市場氣氛一般，當投資者發現科創股好炒些，寧願沽港股、買A股，導致港股資金更加少。 |
Stock , TENCENT , SMIC , LINGYI ITECH , COUNTRY GARDEN |
| 譚智樂 |
2023-08-07T09:51 |
【Now財經台】盈寶證券投資顧問總監譚智樂推介貝殼(02423) 推介原因： - 政策扶持房地產行業融資渠道 - 二手交投較為穩健，線上渠道仍具良好增長勢頭 - 今年有望實現虧轉盈， |
Real Estate , Real Estate |
| 植耀輝 |
2023-08-04T22:51 |
【Now經台】心動公司(02400)預告，上半年業績扭虧為盈，賺0.7至1.3億元人民幣。 耀才證券研究部總監植耀輝表示，心動上半年收入增幅不高，相信成功虧轉盈，很大程度上是依靠節省成本，而公司以往比較受北水歡迎，估計盈喜消息會刺激股價造好。 |
Results , RMB , Earnings , XD INC |
| 黃敏碩 |
2023-08-04T18:01 |
【Now財經台】華虹半導體(01347)下周一(7日)上A股，發行4.08億股A股，集資212億人仔，系內地科創板歷來集資額第3大新股，每股發售價52人仔，以今日H股收市價26.35港元計，A股溢價逾1.1倍。 適逢A股市況略為好轉，寶鉅證券董事及首席投資總監黃敏碩估計，有望短暫帶動華虹首掛表現，但長遠而言，市場未必認同AH股價值相差咁多，目前A股偏高慨估值或會回落。佢又話，華虹股價上季開始大走樣，6月起更跌至舊年12月低位，即25港元水平，雖然回A氣勢如虹，但H股已跌定先，認為資金似乎對消息冇乜憧憬。 華虹下周四(10日)出業績，Michael指出，處於行業中下游慨華虹主要生產毛利率較低慨晶圓，雖然銷售收入應可以靠量產優勢同第1季持平，但估計第2季毛利率將會受壓。 |
DAHSING BANKING , IPO , IPO , HUA HONG GRACE |
| 關焯照 |
2023-08-04T14:08 |
【Now財經台】美國突然畀惠譽降級，拖低美股唔出奇，美國10年期債息亦沖上9個月高位，但連亞太區股市都散埋，應該點解讀呢個情況？睇到債息抽升對全球股市都有關鍵影響，今次只系短暫調整，還是美國經濟可能陷入衰退，股市將會大林？ 冠域商業及經濟研究中心主任關焯照指，亞太區市以香港、日本及南韓為主，主要畀科技股拖累，同埋內地救經濟仍未有實質政策出台，變左股市畀美息主導左走勢，其中，美股3大指數中，納指系跌得最多。 關博士又話，要睇實美國今晚出爐慨非農就業數據，但當地經濟勢頭系靚，雖然突然被降級，但其他國家情況都差唔多，雖然美國盤數有些令人擔心，但政府可以印銀紙，中長線會影響美元地位，初步睇可能會引發股市有些調整。 關焯照 冠域商業及經濟研究中心主任 |
US Stock , IT , USD |