| Commentator |
Time |
Content |
Tag |
| 陳欣 |
2023-12-05T18:46 |
【Now財經台】評級機構穆迪降中國評級展望至「負面」，離岸人仔應聲轉弱，消息對人仔走勢有幾大影響？ 連連STAR FX總經理陳欣認為，消息肯定對人仔有負面影響，但相信只系短暫，因為市場更關注中國經濟復蘇情況，呢個先系對人仔中長線走勢最重要慨影響。短線而言，若美元持續走強，或中美息差繼續擴闊，中國或會繼續減息降准，呢些都會限制左人仔升勢。 佢估計，人仔暫時會先調整，等埋美國今個星期出爐慨數據，睇下會唔會影響人仔走勢，短線7.1會有阻力，下望7.167。 陳欣 樂天證券香港銷售總監 |
China Econ , USD , Rating |
| 陳錦興 |
2023-12-05T17:28 |
【Now財經台】網易(09999)股價又跌逾5%，跌至1個月低位，騰訊控股(00700)今個月會推出多人派對游戲《元夢之星DreamStar》，硬撼網易今年爆冷大收旺場慨《蛋仔派對》，《元夢之星DreamStar》對網易慨威脅大唔大？ 英皇資本財富管理方案研究總監陳錦興認為，《元夢之星DreamStar》會對網易構成威脅，《蛋仔派對》去年中一推出就爆紅，相信騰訊都感到意外，多人休閒游戲竟然大受歡迎，所以就快速打造新游戲《元夢之星DreamStar》，但相信正式推出時未必會互相蠶食，反而會吸引更多新玩家入場。 佢又話，《蛋仔派對》爆紅帶動網易收入，投資者會擔心畀《元夢之星DreamStar》比下去，繼而影響股價。 網易股價已補返10月25日個上升裂口，後市會唔會繼續跌，Stanley就指，雖然網易沽壓持續，但150元水平仍有好大承接力，反映市場對呢只股份仍有好大信心，所以不妨係呢個位置博反彈。 |
TENCENT , EMPEROR CAPITAL , IT |
| 李偉傑 |
2023-12-05T17:21 |
【Now財經台】聯想集團(00992)及名創優品(09896)股價今日都受減持消息拖累，不過，計及今日慨跌幅，兩只股份股價今年仍累升42%和75%，其中，聯想遭主席兼首席執行官楊元慶減持，係11月28日至12月1日期間，合共減持3200萬股，套現3.1億元，值得留意系，楊元慶減持前，曾經增持公司股份，而減持股數高於增持股數，系咪釋出一個負面訊號？ 華盛證券財富管理部董事李偉傑認為，港股正逐步殺落16000點，所以部分見過高位慨股份，傳出大股東減持消息都系好正常。 Jason又話，聯想主席減凸左都系合理，期權會用行使價及市價計稅率，既然要交稅，不如沽凸少少，令行動更「袋袋平安」，不過，市場就唔系咁睇，覺得沽貨訊號系比較負面，若大市今日升逾300點就應該消化到，但今日就同大市一齊跌落去。 |
Trades , Stock , LENOVO GROUP |
| 譚智樂 |
2023-12-05T12:58 |
【Now財經台】截至早上11時止，1小時內《彭博》用戶關注度上升最多港股，依次為藥明生物(02269)、港交所(00388)、紫金礦業(02899)、比亞迪股份(01211)及騰訊控股(00700)。 藥明生物今日(5日)復牌股價繼續插水，雖然集團出通告指業務營運維持強勁勢頭，但仍被券商降目標價及評級，部分券商指股價再跌空間唔多，長遠仍睇好業務表現，有信心集團可以應對今次挑戰，但似乎挽回唔到投資者信心。 富途證券高級策略師譚智樂認為，今次唔算系發盈警，焦點反而系公司前景，因為未來增長將會放慢，主要系疫情帶來高基數效應，但市場擔心以依家內地慨經濟狀況，甚至整個行業，未必可以繼續支持高增長，即使管理層指引都唔足以支持咁高估值，所以問題唔系基本因素，而系估值需要下調。 佢又指，藥明生物股價跌穿30元，預測市盈率(PE)約27至28倍，若市場認為整體生物科技行業未必再有高增長，甚至只得單位數增長，呢個PE仍有殺傷力，所以短線就唔好估底，但中長線黎講，隨著明年宏觀經濟環境好轉，估值仍有條件提升，但短期可能仍有恐慌性拋售、超賣等風險，如果有貨又有信心，可以考慮繼續持貨捱住先，但就唔好隨便博反彈。 |
ZIJIN MINING , Stock , TENCENT , BYD COMPANY , Rating |
| 黃偉豪 |
2023-12-05T11:22 |
【Now財經台】藥明生物(02269)昨日(4日)開業務會議，股價急瀉後突然中途停牌，集團強調，業務營運維持強勁勢頭，目標今年整體收入實現約10%增長。股份今早(5日)復牌，低開約5%後，跌幅不斷擴大，唔少投資者都開好倉博反彈，熱門CALL輪價外90%，7月到期，槓桿5倍，呢些條款系咪合適？ 中薇證券研究部執行董事黃偉豪認為，如果藥明生物大幅反彈，價外條款回報當然吸引，但大幅反彈機會都比較細，因為呢兩日跌落黎慨主因系基於公司營運狀況，相信盈利預測及估值都會被下調，除大行普遍下調目標價，睇返估值下調情況，相信股價仲未跌夠，不過，由於呢兩日跌得比較急，所以有機會出現輕微技術反彈，因為9天RSI已跌到11、12水平，屬於極度超賣。 |
Bio , Rating , WUXI BIO |
| 梁偉民 |
2023-12-05T11:13 |
【Now財經台】Facebook母公司Meta再遭創辦人朱克伯格減持，系2021年11月以來首次，朱克伯格上月沽出68.2萬股Meta，套現近1.85億美元。另一方面，英偉達(Nvidia)高層亦部署沽貨套現。睇返Meta及Nvidia股價，今年已累積以倍數計升幅，朱克伯格及Nvidia高層趁高減持，系咪股價見頂先兆？ 高富金融集團投資總監梁偉民認為，管理層一定系最清楚公司慨情況，增長仲有幾多，股價系咪已超過合理水平，有呢些資訊在手一定較易做決定，不過，今次就毌須過分解讀，因為不論朱克伯格或Nvidia高層減持只系涉及逾億美元，對1間市值1萬億美元慨上市公司黎講，減持數目微不足道，唔覺得系1個好明顯慨訊號。 Wyman又話，睇返美股慨上市公司，減持情況唔系特別明顯，不過，短期黎講，美股已經好接近高位，甚至需要整固，不論有冇Meta及Nvidia減持消息，現階段都唔適宜高追美股。 梁偉民 高富金融集團投資總監 |
Trades , USD , US Stock , IPO , IPO |
| 黃敏碩 |
2023-12-05T09:31 |
【Now財經台】注冊財務策劃師協會會長黃敏碩推介中煤能源(01898) 推介原因： -第3季純利按年跌約19%，但按季升3.7% -A股獲控股股東中煤集團增持 -第4季取暖供煤旺季， |
CHINA COAL , Energy |
| 阮子曦 |
2023-12-04T22:41 |
【Now財經台】亞信科技(01675)宣派特別股息，每股0.6元，特息息率近7厘。 華富建業證券投資策略聯席總監阮子曦表示，亞信科技的特別股息算是慷慨，若連同末期息，全年股息率料逾11厘，屬吸引水平，相信股價會有正面反應，但宣派特息卻未必代表公司下半年業績有強勁表現，因內地資訊科技行業近年面對增長放緩的情況。 阮子曦 中國通海證券投資策略聯席總監 相關股票 編號 名稱 01675 亞信科技 相關文章 亞信科技派特息60仙 6小時前 【大行報告】高盛:亞信科技非電訊收入逐步復蘇 2022/12/19 13:39 【股市脈搏】小心亞信科技破位後急回 2022/01/20 17:38 |
CHINNEY INV , IT , ASIAINFO TECH |
| 聶振邦 |
2023-12-04T16:46 |
【Now財經台】藥明生物(02269)今日(4日)早上開業務會議，股價急瀉近24%後，係10點49分突然中途停牌，會議上有唔少令人驚嚇慨利淡消息，包括因為生物科技融資令新增項目按年減少40個，導致開發收入較預期低最多20%，而3款重磅藥延期影響生產收入，導致今年收入較預期低最多18%，有分析估計，集團今年整體收入僅增長10%，遠低於指引慨30%，落差會唔會太大？ 博威環球證券金融首席分析師聶振邦認為，落差其實都有些大，藥明生物冇公布第3季業績，但預告全年業績或同市場預期有較大差距，投資者慨失望就反映係今日股價上。佢又話，其實阿里巴巴(09988)及美團(03690)業績都唔錯，但市場更聚焦公司後續發展，由於對未來發展慨解讀比較負面，導致股價大跌，藥明生物今次都有同樣情況。 股價方面，聶Sir指，藥明生物之前落到43元水平，反映增長已經跟唔上市盈率(PE)，依家PE高達30倍以上，但收入僅增長約15%，估值偏高，佢又估計，復牌後沽壓會較大，短期不論盈利及股價表現不宜太樂觀，暫時可以睇30元有冇支持，又認為26至27元先系合理水平。 |
LINGYI ITECH , Earnings , IT , Bio , IPO |
| 梁傑文 |
2023-12-04T15:29 |
【Now財經台】華章科技(01673)建議2供1，按公開發售基准進行，供股價0.2元，較上周五(1日)收市價折讓逾49%，發行股數占現有股本50%，集資淨額約1億元，大部分都用黎還銀行貸款。值得留意系，用公開發售形式系比較罕見，到底背後有咩盤算？ 《香港股票財技密碼》作者梁傑文指，供股同公開發售唔同，公開發售冇供股權都可以買賣，若供股權可自由買賣，就可以出售套現或繼續吸納，對投資者黎講有少少唔公平。如果用公開發售基准進行集資，須召開股東大會尋求獨立股東批准，所以一般都會選擇供股。 Mike又話，由於公開發售須要召開股東會，大股東通常都會做埋包銷商或趁機增持股權，華章有1名主要股東全資擁有包銷商，持股15.16%，市場都關注呢名股東系咪想低價增持？ 佢認為，呢名股東唔系大股東，又冇絕對控股地位，股權相對分散，可能佢原本都打算借供股成為包銷商趁機增持，但為左確保增持計劃順利，就順水推舟進行公開發售。 梁傑文 《香港股票財技密碼》作者 相關股票 編號 名稱 01673 華章科技 相關文章 【名家給力場】華章悉心部署易手？ 2022/05/16 15:13 |
Stock , IT , HUAZHANG TECH |
| 郭思治 |
2023-12-04T10:36 |
【now.com財經】大市已開始步入12月份之上旬，惟暫仍未明本月大市之形態屬先高或是先低，需多觀察數天才能得知大市上旬之形態，但從目前之市況看，形勢確似稍偏淡，首先，目前恆指已稍跌穿17,000點，即已跌穿各組常用之平均移動線，單從此點看，整個大市現已處於反覆續尋底之弱態中，而所指的底，即表示大市會進一步往下尋年內之新低，而直到執筆一刻止計，今年恆指暫是由1月27日之高位22,700點跌至12月1日之低位16,830點，即今年大市之波幅已稍擴闊至5,870點，惟此波幅相對過去三年計，技術上仍屬偏細，故假如大市無法作較明顯之反彈，技術上似會持續在偏弱下進一步尋年內新低。 |
LINGYI ITECH , Stock , IT |
| 梁偉民 |
2023-12-04T10:33 |
【Now財經台】中國恆大(03333)今日(4日)係高等法院進行清盤聆訊，據《華爾街日報》引述消息指，境外最大債權人正跟恆大進行最後談判，避免集團海外業務被清算。英國《金融時報》亦引述消息指，國際債權人近日一直同恆大磋商不同重組方案，希望可以係最後一刻達成協議。一旦恆大被清盤，對市況會有咩影響？ 高富金融集團投資總監梁偉民認為，即使恆大遭清盤，亦未必有太大影響，因為市場對恆大違約早有心理准備，亦知道救得返慨機會較低，因為主要涉及集團海外資產，內地資產唔受影響，佢又相信，對其他內房以至整體經濟慨影響只會愈來愈細。 Wyman又指，基於制度原因，係內地要房企清盤其實唔容易，中央亦未必會容許，因此，出現違約慨內房都可以勉強係內地繼續運作，不過，可以撐幾耐、交到幾多樓等，都要睇返政府政策，佢又估計，市傳扶持房企慨「白名單」就算落實都唔會有恆大份。 |
China Real Estate , CARRIANNA , EVERGRANDE |
| 李浩然 |
2023-12-04T10:23 |
【now.com財經】查理．芒格（Charles Munger）於上周二(11月28日)於美國加州辭世，投資界頓時失去了一位偉大的思想家和傳奇人物。作為「股神」巴菲特（Warren Buffett）的長期合作伙伴，芒格在投資界享有盛譽，但他的智慧不僅適用於投資領域，也能指導我們的人生。他的著作《窮查理的普通常識》中蘊含著許多寶貴的人生智慧，值得我們深思熟慮。 首先，芒格強調廣泛的知識和學習的重要性。他鼓勵我們不斷擴大自己的知識領域，並且要跨越學科的界限。他相信，這種綜合性的知識能夠提供更全面的視野，幫助我們做出更明智的決策。他的觀點提醒我們要持續學習，不斷增進自己的知識庫，以更好地應對生活中的各種挑戰。 其次，芒格強調對於錯誤的認識和反思。他堅信，只有通過認識和理解自己的錯誤，我們才能夠成長並避免再犯同樣的錯誤。他鼓勵我們對自己的失敗進行深入反思，並且從中獲取寶貴的教訓。這種反思的態度能夠幫助我們不斷進步，並且更好地應對未來的挑戰。 另外，芒格強調遠離愚蠢的行為和決策。他認為，避免犯下愚蠢的錯誤對於成功至關重要。他提醒我們要保持清晰的思維，不受情感和沖動的影響，並且要遵循理性的判斷。 |
HENDERSON LAND |
| 陳錦興 |
2023-12-04T09:44 |
【Now財經台】英皇資本財富管理方案研究總監陳錦興推介百度集團(09888) 推介原因： -季績不俗，是人工智能(AI)賦能業務的市場領跑者 -文心大模型4季度料帶來億元計收益， |
EMPEROR CAPITAL |
| 植耀輝 |
2023-12-01T22:36 |
【Now財經台】微博(09898)隔晚公布發行總值3億美元可轉債定價後，股價受壓跌近11%，但今次CB票息只有1厘多，遠低於現時市場的融資利率，高息環境下取得平錢，為何仍要受壓？ 耀才證券研究部總監植耀輝指出，微博本身現金逾20億美元，沒有短債，長債約9億美元，基本沒有融資需要。若果從理財角度上看，1厘的利息成本都大可節省，加上所謂再融資，又未能完全覆蓋即將到期總值8億美元的票據。雖然部分願意持有CB的投資者，可能看好股價未來前景，但從最新季績，以及近來表現，微博老化的跡象相當明顯，尤其是活喔用戶增長，但廣告收反而下跌，不相信投資會對換股價有憧憬。市場可能對於微博融資意圖未明，因此寧願沽貨離場。 |
US Bonds , USD |
| 姚浩然 |
2023-12-01T18:17 |
【Now財經台】教育股近期成為焦點，宇華教育(06169)噚日收市後出左業績，毛利率48.2%，按年跌11.4個百分點，宇華解釋，毛利率下跌系因為集團擴大「在師資隊伍」、校園擴建及改造、課程開發等方面慨投資，以提高教學質量，截至8月底，集團現金及等價物按年大減44%至23.7億元，「燒錢」速度會唔會令市場擔心？ 亨達財富管理董事總經理姚浩然指，現金流一年內少左19億元，系一個頗大慨流失，「燒錢」速度令市場擔心。 佢又話，擴大業務「燒」多左錢，但成效唔顯著，收益冇明顯增加，長遠要繼續「燒錢」，業務前景唔理想。 |
CINDA INTL HLDG , YUHUA EDU |
| 趙晞文 |
2023-12-01T16:39 |
【Now財經台】特斯拉(Tesla)推出全新車款Cybertruck，在北美市場交付，有話題性同吸睛慨新車有助Tesla收復萬億市值？ 信達國際研究部董事趙晞文指，Tesla股價與電動車銷量無關，市場本身預期年底前會有46至47萬部電動車銷量，市場焦點Tesla面對價格競爭及毛利率壓力。 佢又話，市場更著重傳聞中新車Model Q慨推出時間表，新車定價十幾萬港元，最快2024年會發表，或進一步令新能源車市場慨格局有新變化。 趙晞文 信達國際研究部董事 |
Energy , New Energy |
| 關焯照 |
2023-12-01T16:04 |
【Now財經台】美股今年強勢，標普500指數11月升近9%，彭博話近9%慨單月升幅，自1928年以來次數唔夠十次，外媒形容是「世紀行情」，咁強系因為通脹預期降，油價、長息回落，目前美國通脹及需求降溫慨趨勢，系咪可以持續？經濟最終又會否衰退？ 冠域商業及經濟研究中心主任關焯照指，市場預期明年會「軟著陸」，經濟增長接近零，以目前經濟放緩走勢黎睇，預計之後幾個月通脹會繼續慢慢回落，提醒唔好對回落速度有太大期望。 佢又話，如果經濟出現衰退，通脹回落慨速度會增加，有機會會跌到落3%以下。 關焯照 冠域商業及經濟研究中心主任 |
US Stock |
| 梁偉源 |
2023-12-01T13:57 |
【Now財經台】截至早上11時止，1小時內《彭博》用戶關注度上升最多股份，依次為阿里巴巴(09988)、比亞迪股份(01211)、國際商用機器公司(IBM)、摩根大通(JPM)、蘋果(AAPL)。 阿里巴巴被摩根士丹利降評級及剔出中資關注名單，並指電商股中首選系拼多多。內地消費復蘇慢，影響阿里巴巴中國零售商業客戶管理業務，另外又取消分拆雲業務，令重組釋放價值存在不確定性等影響。阿里投資價值越來越少，市值被拼多多追過，仲值唔值得博？ 大華繼顯執行董事梁偉源指，大摩降評級系一個大警號，雖然目標價由110美元下降至90美元，相對噚晚收市價仲有水位。 佢又話，如果公司冇明確業務發展方向，投資者好難有憧憬，買電商股及雲業務慨首選未必會揀阿里巴巴，而且公司前景麻麻，雖然未必會再有好大沽壓，惟股價上升機會較微。 |
BYD COMPANY , LINGYI ITECH , Rating , USD , IT |
| 聶振邦 |
2023-12-01T11:43 |
【Now財經台】中國恆大(03333)下周一(4日)再次面臨清盤呈請聆訊，向境外債權人提出新的債務重組計劃，由於收回債務慨可能性低，債權人似乎唔接受新方案，恆大有幾大機會唔使被清盤？ 博威環球證券金融首席分析師聶振邦指，恆大扭轉局面機會較低，境外債權人認為恆大談判態度誠意不足，不斷延期或取消會議，令境外債權人感到失望。 法院亦表示唔可以繼續推遲聆訊，印象差令恆大清盤慨風險高。如果唔同債權人進行「割肉式」傾談，恆大物業(06666)或恆大汽車(00708)大量送出股份彌補債權人失望慨情緒，局面會較難反轉，預期下星期內房股表現會較波動。 |
China Real Estate , EVERG VEHICLE , EVERGRANDE , EVERG SERVICES |
| 林嘉麒 |
2023-12-01T10:08 |
【Now財經台】元宇證券投資總監林嘉麒推介中國電信(00728) 推介原因： -天翼雲發展空間巨大 -美息口或見頂， |
CHINA TELECOM |
| 羅明立 |
2023-11-30T18:23 |
【Now財經台】總結11月，美匯指數累跌逾3%，將會系今年以來最差慨一個月表現。亨達集團助理總經理羅明立表示，指數昨日高收後，今日有條件可以輕微反彈，估計回升到102至102.5附近會出現階段性承接，建議投資者等指數反彈後再沽美元。 另一邊廂，美國債市今個月創下1980年代以來最佳月度表現。《彭博》數據顯示，資金係11月峰湧流入美國國債、高評級機構債券同抵押貸款債券，而反映債市慨彭博美國綜合指數本月反彈近5%。美債系咪有望唔使破紀錄連跌第3年？ Patrick認為美債就快進入轉角市，但市場預期10年期孳息率跌穿4厘未免太樂觀。 羅明立 亨達集團助理總經理 |
US Bonds , Capital Flow , USD , USD , CINDA INTL HLDG |
| 植耀輝 |
2023-11-30T16:54 |
【Now財經台】石藥集團(01093)今日(30日)中午出左首3季業績，收入升1.6%，純利就升不足1%，單計第3季，純利亦只系輕微增長，集團又公布，自主研發慨高膽固醇注射液獲臨床試驗批准，午後股價一度沖高，跑贏大市，到底系受業績帶動，還是注射液有好消息？ 耀才證券研究部總監植耀輝認為，藥股經常有新藥相關消息，呢些對股價幫助唔大，尤其依家市況麻麻。至於石藥業績只系四平八穩，冇乜驚喜。 股價方面，睇返整體藥股表現，近日系跑贏大市，所以石藥股價今個月都做返好些，不過，由於藥物始終欠缺大突破，所以要提升估值就要睇業績，今日派發呢份成績表只系平穩，好難成為估值催化劑，佢估計，石藥股價會係現水平拉鋸，同埋都要睇返市場氣氛，如果整體藥股造好，石藥都可能會跟炒一轉。 |
Results , CSPC PHARMA |
| 許繹彬 |
2023-11-30T10:55 |
【now.com財經】11月快將過去，盡管11月的成交確實有回暖跡象，但始終都未能擺脫18,000點的魔咒，恆指在三次大成交下，曾向18,000點的關口嘗試沖關，可惜全部都無功而回；更令人心淡的是，在沖關不遂後，恆指即急促回落至17,000點邊緣，重要支持線再度失守；昨天情況更甚為惡劣，指數在大成交下跌穿17,000點，低見16,881點，與今年低位相比只差2點；從本月高位與昨天低位相比，下調已超過1,000點, 對投資者來說，這簡直可以「天堂與地獄」來形容。 今日已經是本月的最後一個交易日，除了已肯定恆指暫在 18,000點以上出現三頂不破的格局外，恆指更已出現連續四個月下跌的困局；以目測來看，粉飾廚窗工作好像沒有在恆指出現；對投資者而言，本周恆指的確在毫無先兆的情況下，作出大幅調整。部份昔日充當支撐大市的龍頭大股，如美團(03690)在公布業績後，純利增長超過六成之多，勝過市場預期，但市場則有另一睇法，基於對國內內需前景存著太多不確定的憂慮，因而對美團未來的前景亦產生無限的戒心，令大行紛紛調低其目標價，其股價除跌穿「紅底」外，更跌至三年新低位，這比去年恆指跌至低位時的情況更為恐布。 |
Stock , RMB , HK Banks , Results , HK Cap Flow |
| 陳偉明 |
2023-11-30T10:39 |
【now.com財經】自從美國聯儲局於11月初一如市場預期連續兩次會議沒有加息，美國債息開始回落，及後在美國通脹數據持續降溫及經濟數據轉趨疲弱下，市場明顯增強美國利息見頂的預期，美國三大指數(道瓊斯工業平均指數、標准普爾500指數及納斯達克指數)隨即轉趨強勢連升四周。美債息回落、美匯急插、人仔反彈，理論上利好中港股市，但內地A股竟然在連環利好政策推出下仍然上升乏力，拖累港股在11月至今往往受制於18,000點關口。 在缺乏進一步的利好消息下，本港資金有流走跡象，港股上周二(11月21日)在18,057點見頂回落。 |
US Stock , RMB , China Real Estate , US Bonds , HK Cap Flow |
| 譚智樂 |
2023-11-30T09:57 |
【Now財經台】富途證券高級策略師譚智樂推介小米集團(01810) 推介原因： - 今年小米14系列大賣，平均售價將見底回升 - 毛利率上升空間大，公司盈利能力穩定 - 電動車下年推動， |
|
| 羅尚沛 |
2023-11-29T22:39 |
【Now財經台】嗶哩嗶哩(09626)收市後公布季績，績前已跌逾3%，結果季績展望預告，全年收入只會達到預期的225億至235億元人民幣的下限，美股盤前已經顯著受壓，港股時段是否又要捱沽？ 銀河證券業務發展董事羅尚沛表示，即使B站預告收入可達上限，其業績仍然是一份虧損業績，在現時市況下，過去平台股單靠收入增長、「市夢率」等撐起股價的故事，已經一去不返。收入只達下限意味要更長時間才能扭虧，股價弱勢可想而知。 他又指出，公司兩大業務，視頻社群及游戲，前者近年因為短視掘起而捱打，後者重磅游戲一波三折，延期又延期，但數月前甫推出又突然下架，至今兩個月音訊全無，原因成謎，季績亦只字不提。即使B站經營指標包括毛利率及日活躍用戶持續改善，仍然不能對前景看法轉為正面。 |
RMB , Stock , Earnings , US Stock |
| 林嘉麒 |
2023-11-29T18:07 |
【Now財經台】疫情後全球都出現消費降級，但有部分低端內需股靠拓展海外市場交到靚業績，美股代表有拼多多，港股亦有名創優品(09896)，集團上季有近35%收入來自海外，收入增長更跑贏內地市場。 元宇證券投資總監林嘉麒指，相比內地消費力以斷崖式下跌，外圍暫時維持到跟過往相若慨消費力，所以名創優品呢類低端消費股能靠對外輸出平價中國貨，補足返消費疲弱慨內地市場。佢又提及，名創優品慨盲盒業務面向中低端市場，係當前經濟環境下反而可以殺出一條血路。 名創優品股價今日逆市升近3%，並以接近全日高位收市，報49.75元，KK認為，可以等股價跌到40元邊先吸納。至於內需消費板塊，佢話表現兩極，高端消費股未見底，低端慨又升過龍，建議投資者等埋第4季業績，如果到時有業績差、估值又低於10倍慨低端消費股，先考慮小注吸納。 |
Stock , US Stock |
| 彭偉新 |
2023-11-29T13:27 |
【Now財經台】截至早上11時止，1小時內《彭博》用戶關注度上升最多港股，依次為阿里巴巴(09988)、比亞迪股份(01211)、碧桂園(02007)、匯豐控股(00005)、萬科企業(02202)。新聞量大升股份方面，依次為阿里健康(00241)、恆大物業(06666)、中國奧園(03883)、中集車輛(01839)及歐舒丹(00973)。 中集車輛今朝復牌，公司計劃退市及撤銷上市地位，回購價7元，較停牌前有約9%溢價，總代價10.27億元，對小股東系咪好事？ 資深證券分析師彭偉新指，通常股份成功退市或私有化，市場認可慨作價系停牌前股價1.3倍，即有溢價約30%，投資者先會接受，所以今次只有9%溢價，投資者未必會接受，退市有一定難度，而對小股東黎講，回購價咁低其實唔太吸引。 |
HSBC HOLDINGS , CHINA AOYUAN , Stock , BYD COMPANY , LINGYI ITECH |
| 盧志威 |
2023-11-29T11:31 |
【Now財經台】美團(03690)昨日(28日)收市後放榜，雖然第3季業績對辦，但管理層展望今季外賣餐飲業務放緩，更預告外賣客單價下跌，估計外賣業務收入增速較第3季略為放緩，閃購業務收入增速或跟上季持平，結果績後被一眾大行下調評級或目標價，其中，高盛降目標價至176元。 美團股價噚日收市跌5%，收報103元，今朝一開市即失守「紅底」，一度急插逾10%至92.1元。潤淼資產管理董事盧志威認為，內地消費疲弱，加上疫情過後，外賣需求及單價下降，美團將要面對增長放緩慨逆境，預期股價好大機會持續受壓，建議投資者避一避會安全些。 William續指，美團開市前公布最多回購10億美元股份，雖然長線有助支持股價，但中期仍會因為基本面轉差而受壓，認為美團股價係未來一至兩季都未必見起色。 |
Rating , Sachs , USD |
| 植耀輝 |
2023-11-29T09:44 |
【Now財經台】耀才證券研究部總監植耀輝推介舜宇光學科技(02382) 推介原因： - 近月出貨量持續有改善 - 車載鏡頭年初至今增長近20% - 美國調查公司國際數據資訊(IDC)預期，內地手機出貨量第4季有望反彈 建議買入價：72元 目標價：80元 止蝕價：65元 植耀輝 耀才證券研究部總監 相關股票 編號 名稱 02382 舜宇光學科技 相關文章 【麥格理快線】手機相關股逆市走強 21分鍾前 【大行報告】野村:繼續買舜宇 43分鍾前 港股高開低走三日插556點 科指險守四千點大關 19小時前 郭明錤料華為P70系列出貨量較前代最多增2.3倍 21小時前 【盤房來料】結算前夕失守上升軌底部或再向下尋底 21小時前 【異動股】舜宇飆5% 郭明錤料華為新機受益者 22小時前 港股半日跌105點 蘋概生科股醒 2023/11/28 12:30 恆指曾跌122點 翰森舜宇小米逆市升 2023/11/28 11:42 【異動板塊】蘋概股逆市升 據報Vision Pro內地廠商供貨占比增 2023/11/28 10:57 港股兩日挫385點 手機鏡頭股跑出 2023/11/27 17:15 |
SUNNY OPTICAL , IT |
| 陳欣 |
2023-11-28T17:24 |
【Now財經台】澳元突破66美仙關口，升穿200天線，不過，澳洲10月零售銷售按月跌0.2%，差過預期，對澳元後市有咩影響？ 連連STAR FX總經理陳欣指，近期澳元非常強勢，大幅反彈，主要受惠於美元逐步轉弱，以及美債孳息回落。佢又話，澳洲通脹情況同其他國家唔同，美國、加拿大等通脹已回落至4％以下，但澳洲第3季通脹仍超過5%，市場預期，澳洲儲備銀行仍會加息，加上主席布洛克(Michele Bullock)講明唔排除再加息，都對澳元有支持。 Chase估計，澳元可上望67美仙呢個阻力，但如果冇其他利好因素支持，短期好難突破，中長線方面，澳元會係64.5至69美仙上落。 陳欣 樂天證券香港銷售總監 |
US Bonds , AUD , AUD , USD , AUD |
| 陳錦興 |
2023-11-28T16:45 |
【Now財經台】中教控股(00839)股價今日(28日)係大成交下急瀉，一度插逾20%，集團全年少賺逾25%，主要受累主營成本增逾22%，其他虧損增至5.4億人仔，融資成本亦增至4.69億人仔，不過，經調整EBITDA增長6%，中教呢份業績邊部分最令市場失望？ 英皇資本財富管理方案研究總監陳錦興認為，中教股價反應咁大，反映市場對業績倒退感到意外，撇除非現金項目減值，經調整盈利增長差過收入增長，反映毛利率及經營溢利率都有壓力。 派息相信系一大失望位，派息比率由去年45%降至42%，係盈利前景陰霾下，未來派息系咪都好難有期望？中教股價今日一棍插穿近期支持位6元，股價系咪會繼續尋底？陳錦興指，睇返行業大環境，相信中教都寧願保留多些現金，估計未來派息冇突破之余，亦會比較差。至於股價，佢認為好大機會繼續下試低位，主要系今次都冇預期有減值項目，市場一定會擔心系咪陸續有來，肯定不利股價表現。 |
Earnings , EMPEROR CAPITAL , CHINA EDU GROUP |
| 李偉傑 |
2023-11-28T16:18 |
【Now財經台】中國旺旺(00151)中午派左成績表，中期多賺8.5%至逾17億人仔，收入增長4%，毛利率升至逾45%，不過，旺旺股價午後一度跌近2%，其後收復部分失地。 華盛證券財富管理部董事李偉傑指，旺旺業績靚仔，反映集團執行能力強，雖然包裝成本下降，但原材料成本上升，其中，明膠及白砂糖升幅較大，今年3月至5月係極端天氣下，以白砂糖價格升得最多，撇除呢個因素，近期白砂糖價格顯著回落，日後生產成本慨毛利率有機會提升。 旺旺上半年海外市場收入錄雙位數增長，其中，亞洲及美洲收入增速顯著，集團會否拓展海外市場？Jason就話，越南生產成本持續下降，加上地理及運輸非常便利，若集團主打東南亞市場，係越南設廠會更有優勢。此外，美洲收入亦為市場帶來驚喜，預期海外市場會將成為集團盈利貢獻慨主要來源。 |
Earnings , WANT WANT CHINA , Food |
| 譚智樂 |
2023-11-28T14:00 |
【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、碧桂園(02007)、萬科企業(02202)、中國銀行(03988)及中國恆大(03333)。新聞量大升股份方面，依次為中國銀行(03988)、中教控股(00839)、商湯(00020)、信義光能(00968)及美的置業(03990)。 中教股價今朝一度急瀉逾20%，集團全年少賺25%，派末期息13.53分人民幣，大數唔達標，派息又少左，系咪因為咁股價就大插水？ 富途證券高級策略師譚智樂認為，中教業績固然唔靚仔，但股價今日跌到咁，可能有少少跌過龍，不過，市場都需時消化呢份業績。佢又指，中教呢份業績涉及一些1次性因素等減值損失，撇除呢些因素，經調整EBITDA、經調整股東應占溢利等，其實唔系想像中咁差，不過，又同派息有矛盾，呢方面令投資者感到意外。 佢又指，依家市場睇中教，主要關注派息水平等，所以當派息令市場感到意外，股價大跌系在所難免，暫時可以睇住5元呢個支持位，但唔建議投資者現階段博反彈。 |
RMB , Stock , BYD COMPANY , COUNTRY GARDEN , BANK OF CHINA |
| 黃偉豪 |
2023-11-28T12:40 |
【Now財經台】阿里巴巴(09988)股價早前急挫近10%後，已收復部分失地，但股價呢兩日反覆向下，係74元至75元水平徘徊，市場較熱門慨CALL輪都較長身，行使價83元，價外10%，明年8月到期，槓桿4至5倍，系今次大跌之前慨價位，想上返呢些位難度大唔大？行使價可唔可以擺高少少至90元，博高些槓桿？ 中薇證券研究部執行董事黃偉豪表示，揀較長身慨CALL唔使擔心時間值損耗問題，阿里公布業績時宣布暫緩分拆進程暫緩，拖累股價顯著下跌，仲有一個較大裂口，即使呢幾日反彈，都只系修補到一半，反映投資者態度偏向謹慎。若揀長身CALL就要畀多些耐性，短線仍有反彈空間，預期股價係73元至77元上落。 |
LINGYI ITECH , IT |
| 梁偉民 |
2023-11-28T11:23 |
【Now財經台】美國節日購物旺季已經展開，零售商昨日(27日)趁「網絡星期一」(Cyber Monday)推出優惠吸引消費者，據Adobe Analytics數據顯示，估計Cyber Monday消費支出達120億美元，破紀錄，美國經濟及零售系咪比預期穩健？ 高富金融集團投資總監梁偉民指，「黑色星期五」(Black Friday)銷售數字唔算特別理想，有信用卡公司估計，扣除汽車銷售，僅按年增長2.5%。佢又話，Black Friday及Cyber Monday慨消費熱情已大不如前，所以零售商會提前減價，消費者亦會提前消費，銷售數據會攤分一、兩個星期，甚至整個月，因此，單日慨銷售數字冇乜代表性。 Wyman估計，美國零售數據未來會反覆向下，當經濟動力轉弱，勞工市場就會受影響，繼而拖累零售銷售，加上美國家庭債務拖欠比率持續上升，預期明年消費力將會下跌，繼而進一步影響美國消費市道。 梁偉民 高富金融集團投資總監 |
USD |
| 陳鳳珠 |
2023-11-28T10:19 |
【Now財經台】匯盈集團研究部主管陳鳳珠推介新秀麗(01910) 推介原因： -第3季銷售淨額及毛利率齊升，受惠亞洲地區及Tumi品牌份額升 -第3季純利按年增長98%，自由現金流按年升34%，第4季會持續增長 -持續對營銷進行投資，把握休閒及商務旅游持續復蘇的機遇 -集團預期出行需求仍然強勁， |
SAMSONITE , EJE HOLDINGS |
| 鄭家華 |
2023-11-27T22:39 |
【Now財經台】電視廣播(00511)收市後公布業務重組，除合並J2及85台，推出新頻道「TVB+」，亦會合並電商業務「士多」及「鄰住買」，重組涉及削減員工合共約300名員工，並節省約1.5億至1.6億元成本。到底今次重組，能否扭轉近年業績的劣勢？ 阿仕特朗資產管理董事鄭家華認為，節流只能帶來短期效果，現時電視行業的最大競爭來自網上平台，收視下跌的情況，不單獨出現在電視廣播旗下頻道。因此如何開源才是行業需要思考的未來。主席內部信亦提到，其實第三季無論免費台廣告收入，以及機頂盒數碼廣告收入，在第三季已有改善。公司亦在今年年初與淘寶合作，引起市場注意，惟未能擴大當時的優勢，繼續創造收入機會，未來如何透過打進內地市場，為經營創造價值，可能是目前最有機會帶來成果的出路。 |
TVB |
| 聶振邦 |
2023-11-27T16:31 |
【Now財經台】今日(27日)有4只首批使用新結算平台FINI慨新股首日招股，其中，K Cash(02483)會較多人認識，招股價介乎1.64至1.96元，每手入場費近3960元，每股資產淨值1.65至1.72元，對比招股價，市帳率(PB)約0.99至1.1倍，K Cash抽唔抽得過？ 博威環球證券金融首席分析師聶振邦認為，一般首次公開招股(IPO)慨新股PB一般都有2倍或以上，截至今年5月止，K Cash資產淨值6.4億元，上市前唯一大股東康業金融科技持有3.75億股，每股資產淨值1.72元，對應招股價有約1倍PB，屬相對合理水平，對比普遍2倍以上PB慨新股，定價有一定競爭力。 至於K Cash抽唔抽得過，聶Sir就認為，呢只股份PB吸引，雖然最近市況麻麻，但投資者仍可考慮用現金抽，加上中線投資價值吸引，亦系少見慨港資科技公司，配合一定盈利基礎，反映基本面唔錯。不過，投資者亦可以等上市後再考慮，因為... 聶振邦 博威環球資產管理金融首席分析師 |
IPO , IPO , IT |
| 梁傑文 |
2023-11-27T14:58 |
【Now財經台】創業板股份立高控股(08472)擬「1供3」，供股價0.6元，較上周五(24日)收市價折讓近30%，公司解釋，今次集資主要用黎投標政府合約，因為簽約時要畀履約保證金，而公司銀行融資差唔多用曬，所以就供股集資，今次供股要開股東特別大會進行表決，小股東會唔會接納？ 《香港股票財技密碼》作者梁傑文表示，唯一會被質疑系明年先投標，點解咁早要集資，而供股比例又咁大，就要睇投資者或股東收唔收貨，若最終未能中標，集資所得慨資金又點處置？佢又話，依家系一個高息環境，集團負債又比較高，如果公司集到一筆平錢，都會對公司財務狀況有幫助。 Mike又認為，立高小股東係供股問題上宜三思，原因系... 梁傑文 《香港股票財技密碼》作者 相關股票 編號 名稱 08472 立高控股 |
Stock , LAPCO HOLDINGS |
| 郭思治 |
2023-11-27T11:08 |
【now.com財經】踏進本周，大市將漸接近11月份之尾聲，故即月期指轉倉及結算等相關活動將漸主導大局，而直到目前一刻止計，本月大市之形態仍暫屬先低而後高，恆指暫仍是由1日之低位16,979點升至16日之高位18,174點，即月內之波幅暫仍為1,195點，由於1,195點之波幅相對仍稍偏細，故在本月底前，衹要恆指仍能持續緊扣著18,000點左近，大市似會候機上試16日之高位18,174點，如見突破，大市當會再伺機上試10月12日之高位18,290點，一旦突破此關，技術上當有利後市再進一步上試9月4日之高位18,899點。 |
Stock |
| 王良享 |
2023-11-27T10:53 |
【Now財經台】美國上周五(24日)慨「黑色星期五」(Black Friday)銷售報捷，據Adobe Analytics數據顯示，當日網購平台消費金額破紀錄，增速加快，今日(27日)就輪到「網絡星期一」(Cyber Monday)，展望本周，聯儲局會公布俗稱《褐皮書》慨最新地區經濟報告，同埋個人消費開支(PCE)物價指數等，美股今個月強勁反彈，其中，納斯達克100已搶閘升穿7月高位，其他指數係今年余下時間有冇力破頂？ 臻享顧問董事總經理王良享指，依家納指同2021年高位相距約11%，標指低歷史高位逾4%，道指就低約2.6%，佢認為，道指及標指要再上有一定難度，雖然市場對聯儲局明年3月至5月慨減息預期幾高，但企業今季盈利預期仍然幾高，要滿足到呢個預期難度幾高，加上美國10年債息回落到現水平後，再大跌機會唔高，另一方面，標指幾大龍頭企業平均預測市盈率(PE)已去到約28倍，所以指數要係年內破頂機會唔大。 王良享 臻享顧問董事總經理 |
US Stock , SHK PPT |
| 李浩然 |
2023-11-27T10:48 |
【now.com財經】人們經常談論人工智能（AI）將如何改變產品、產業以及日常工作和生活，但特定的商業模式又如何呢？ 事實上，世界正在從一個需時甚長的數據分析周期（因為數據分析師需要大量時間來進行查詢、分析，然後以人們理解的方式呈現結果），逐步轉向一個具即時洞察力和優化的新世界（AI 從挖掘出來的大量數據中，即時得出見解並做出優化的決策）。但是，當企業開始優化自身時商業模式時，各種瘋狂（或許由AI 建議）的事情可能會開始發生。 舉些例子，對於約會應用程式來說，兩個人的完美匹配會增加流失率，Tinder或 Bumble是否會限制AI的效率，使公司的服務不會變得過於「不可持續」？又或者在音樂串流媒體領域上，由於Spotify按歌曲向藝術家付費，Spotify是否會自動優化其演算法以偏愛較長的歌曲，尤其是當考慮到每個客戶每天收聽的分鍾數？顯然，由於AI非常擅長於優化，一些行業和商業模式將需要改變。 如今，雖然仍有不少行業繼續按小時收費，但工作流程中由於AI驅動所帶來的改進，未來將可能出現很大的改變。簡單來說，AI為客戶提供的差異化價值就是：「時間」更少，「體驗」更多。 |
NEW WORLD DEV |
| 植耀輝 |
2023-11-24T22:41 |
【Now財經台】東方甄選(1797)今個星期連續公布資本動作，都與控股股東新東方(9901)有關，是否預備彈藥，准備年底食大茶飯？ 耀才證券研究部總監植耀輝指出，繼日前出售教育業務予母企後，今早再公布批股，短時間內突然從母企手上獲得逾30億元資金，必定有大動作，可以從三方面作猜想，包括電商補貼、擴大經營規模，甚至並購。但經營角度上分析，現時行業在逆風下，再作大規模補貼並不劃算，而行業則甚少有並購消息，因此相信加大投資現有業務是最有可能的做法。加上管理層執行能力高，可繼續留意消息，年底前或再有炒作。 植耀輝 耀才證券研究部總監 |
EAST BUY |
| 黃敏碩 |
2023-11-24T17:24 |
【Now財經台】比亞迪股份(01211)股價今日(24日)「溜後」，其中1個「死因」可能系市傳集團慨汽車減價。媒體指，據經銷商係微信群組發布慨訊息，減價車款包括王朝系列等多款車型，最多減價1.5萬人仔，又話今次減價系為左完成全年300萬部慨銷售目標。正當Tesla係內地加完又加之際，比亞迪減價系咪令人意外？ 注冊財務策劃師協會會長黃敏碩認為，比亞迪唔能夠發揮到係業內慨強者領導角色，集團作為內地市場龍頭，投資者認為公司有一定議價能力，但今次部分車款仍要減價，系咪意味內地市場要行呢條路先可以維持到市占率？ 佢又話，比亞迪本身市占率較大，要維持系有一定難度，加上其他新勢力如華為、小米集團(01810)等，都肯定會「落場」，唔排除比亞迪預見到呢個局面而減價。 |
BYD COMPANY |
| 莊志雄 |
2023-11-24T16:12 |
【Now財經台】美股11月以來顯著反彈，納斯達克100仲升穿7月高位，創近兩年新高，上次議息前後聯儲局主席鮑威爾(Jerome Powell)指金融市場正發揮作用，幫手收緊信貸，聯儲局就唔使做野，不過，佢講完之後，金融市場就幫手「放水」，股債都升，鮑威爾下次系咪要改口，要做返些野？ 「股市漁夫」創辦人莊志雄認為，鮑威爾上次提及「The Market Is Doing Its Work」系咩意思？可以參考高盛金融狀況指標，每次呢個指標上升，就代表收緊銀根，鮑威爾講話前，即9月至10月底，呢個指標抽左上去，鮑威爾認為市場幫手做緊野，收緊銀根，導致當時慨金融狀態比較緊張。鮑威爾講左呢句說話，市場認為佢暗示停止加息，指標即掉頭向下，代表金融狀態寬松左，作用等同「放水」，所以過去1個月股市、債市慨方向基本上都系一致。 佢又話，係呢個情況下，由於市場預期變成「放水」或停止加息，導致有一個放松作用，各類資產價格係11月有個「松一口氣反彈」(relief rally)。 |
US Stock , Sachs , US Credit , USD , AEON CREDIT |
| 梁偉源 |
2023-11-24T13:13 |
【Now財經台】截至早上11時止，1小時內《彭博》用戶關注度上升最多港股，依次為碧桂園(02007)、比亞迪股份(01211)、阿里巴巴(09988)、新世界發展(00017)及百度集團(09888)。新聞熱度榜方面，依次為電訊盈科(00008)、東方甄選(01797)、周大福(01929)、中信銀行(00998)及小米集團(01810)。 東方甄選出左通告，將會向母公司新東方(09901)發行逾5100萬股認購股份，認購價31.75元，同噚日收市價一樣，東方甄選所得淨額約16億元，集團出售教育業務，專注做自營產品及直播業務，系咪可以憧憬直播業務會愈做愈大？ 大華繼顯執行董事梁偉源指，東方甄選未來應該會有更多針對網紅、直播銷售慨策略，不過，睇返東方甄選股價，年初一度沖上75元，輾轉落到依家31元水平，加上直播業務競爭大，反映投資者對呢項業務慨發展仍有保留。 佢又話，要留意東方甄選點用今次配股集到慨資金，同埋內地明年第1季經濟情況，先可以判斷股價會點走。 |
PCCW , NEW WORLD DEV , Stock , CITIC BANK , BYD COMPANY |
| 聶振邦 |
2023-11-24T12:28 |
【Now財經台】今日系一年一度慨消費大日子「黑色星期五」(BlackFriday)，有調查指，11月首20日消費者網購金額，按年增長5%，超預期，美國零售聯合會(NRF)預期，11月、12月節日消費會破紀錄，不過，早前唔少零售商公布第3季業績時，對第4季節日銷售展望都比較審慎，系咪因為零售商想降低市場預期？ 博威環球證券金融首席分析師聶振邦指，主要系考慮到美國經濟存在不確定性，始終通脹持續高企，經濟增長前景亦唔明朗，不過，其後公布慨第3季GDP爆冷好過預期，加上通脹有持續回落跡象，聯儲局月初亦冇加息，市場睇到經濟開始企穩，以及短期呈上升趨勢，令消費者使錢慨意欲增加。 聶Sir又話，零售商慨預測系基於之前慨形勢做評估，但對消費者黎講，由於近日慨經濟數據唔錯，所以對後市睇法更樂觀，導致對節日消費慨評估有差別。 聶振邦 博威環球資產管理金融首席分析師 |
|
| 彭偉新 |
2023-11-24T09:42 |
【Now財經台】資深證券分析師彭偉新推介中軟國際(00354) 推介原因： -雖然系統性風險高於大市，但在市況有望好轉下，股價勢跑贏大市 -未來5年年復合盈利增長逾28% -估值不算貴， |
MAXICITY |