| Commentator |
Time |
Content |
Tag |
| 聶振邦 |
2024-01-05T11:31 |
【Now財經台】日前公開慨美國聯儲局議息會議紀錄，反映官員取態偏「鷹」，噚晚(4日)公布慨「小非農」就業數據又有好過市場預期，令美股炒作減息預期降溫。與此同時，科技股要延續弱勢，納指連跌第5日，並創逾1年最長連跌紀錄，收報14510點。究竟調整幾時完結？ 博威環球證券金融首席分析師聶振邦認為，納指係2023年爆升約43%後，2024年1月開局至今稍微回調3%亦是合理，並指後市可以關注指數能否企穩2023年12月初慨低位，即14200點水平。 此外，重磅官方非農數據今晚出爐，聶Sir預期，非農數據或有機會勝預期，但提醒投資者留意美匯指數開始回升，估計數據公布後10年期債息會係4厘水平靠穩。 聶振邦 博威環球資產管理金融首席分析師 |
US Bonds , US Stock , IT , USD |
| 彭偉新 |
2024-01-05T10:21 |
【Now財經台】資深證券分析師彭偉新推介東方海外國際(00316) 推介原因： - 馬士基(Maersk)暫停紅海航線，同業或跟隨 - 部分航線運費已大升1倍 - 股價去年8月至今累跌近14%， |
OOIL |
| 熊俊傑 |
2024-01-04T18:24 |
【Now財經台】美債連日反彈，10年期債息上返4厘，加上美元轉強，金價自然冇運行，由上周上試每盎司2100美元，回落至今日2040美元水平，後市會跌到咩水平？系咪要睇到2000美元咁淡？ 摩石證券業務拓展總監熊俊傑分析指，噚晚(3日)金價收報2038美元，除左系9天線水平之余，亦系短線支持位，希望今日或明日(5日)唔會失守。 佢又話，2000美元關口只系一個心理關口，技術支持位應該再睇低少少，約1990美元。 熊俊傑 摩石證券業務拓展總監 |
US Bonds , Gold , USD |
| 植耀輝 |
2024-01-04T17:52 |
【Now財經台】摩根大通估計，中東局勢升溫會令全球運力下降9%，占整體集裝箱運量約30%運力慨蘇彝士運河最受影響，而另一條主要運河巴拿馬運河就受干旱天氣影響，形成一個「完美風暴」，今次供應受阻可唔可以抵銷運力過剩慨不利因素？如果想買航運股又應該點部署？ 耀才證券研究部總監植耀輝認為，今次系突發事件，要短期內解決運力失衡問題唔容易，但相信3至6個月後有機會可以消化曬。 Stanley又指，運力涉及3大范圍，今次對集裝箱慨運力影響最大，不過，干散貨因季節性因素及美國農業出口量多，導致需求增加，所以成為今次贏家，反觀運油因產油國減產令需求唔大，如果想買海豐國際(01308)就要留意公司業務范圍集中係東南亞及中亞地區，唔系特別受惠，若局勢持續，可以留意中遠海控(01919)或東方海外國際(00316)。 |
BDI , OOIL , COSCO SHIP HOLD , agri , Expo |
| 陳偉明 |
2024-01-04T14:48 |
【now.com財經】自從2022年10月內地政策轉向放棄「動態清零」改為「與疫共存」，市場開始炒內地政策轉向穩經濟，在內地經濟重啟及聯儲局放慢加息這兩大因素支持下，港股三個月內升逾8,000點並且在2023年1月升至高見22,700點。 當時市場氣氛灼熱，不少分析認為在內地復常、本港疫後全面通關及外資重新配置中港股市下，港股有望估值修復升至25,000點甚至更高水平，惟中國經濟表現不似預期，本港經濟亦未有受惠於兩地通關，美國聯儲局又持續加息，加上內房債務問題連環爆煲及外資流走，港股於2023年呈先高後低格局，1月於22,700點見頂反覆回落，於12月跌至低見15,972點，全年下挫2,734點(-13.8%)，不但跑輸環球主要市場，而且更連跌4年，創港股歷史最長跌市。 美股2023年則沒有受累於高息環境，不但沒有出現市場預期的經濟衰退，相反通脹持續回落，並且在人工智能(AI)熱潮及憧憬美息見頂下強勢持續破頂，與中港股市形成強烈對比。 隨著美國通脹放緩，聯儲局12月連續第三次會議暫停加息後，市場幾乎一次認為美國利息已經見頂，2024年3月開始減息。 |
Stock , RMB , HK Cap Flow , China Real Estate , China Econ |
| 陳錦興 |
2024-01-04T13:13 |
【Now財經台】截至早上11時止，1小時內《彭博》用戶關注度上升最多港股，依次為新秀麗(01910)、安踏體育(02020)、萬科企業(02202)、中國海洋石油(00883)及中遠海控(01919)。 安踏股價今早(4日)創52周新低，曾低見68元，花旗最新指，安踏今年面對慨行業競爭加劇，預期EBIT利潤率顯著受壓，但仍維持107.8元目標價。國際品牌如Nike表現都唔好，行多品牌策略慨安踏，銷售前景系咪都好難樂觀？ 英皇資本財富管理方案研究總監陳錦興認為，內地復蘇差過預期，消費動力一直出唔到黎，對品牌消費如體育用品慨影響會較大。事實上，過去幾只較強勢慨內地體育用品股，股價過去1年持續受壓，估值不斷被下調。 佢相信，安踏估值仍有下調空間，而股價已跌穿2023年底部，2024年初或要再試新低，絕對唔系一個好現象。由於市場對安踏2023年業績睇得比較保守，加上2024年盈利及收入指引有轉保守慨壓力，投資者都會沽定先，所以後市仍會睇得比較淡。 |
ANTA SPORTS , Oil , Stock , CNOOC , Earnings |
| 許繹彬 |
2024-01-04T11:27 |
【now.com財經】2023年對本港經濟及港股來說，確實是一個很難過又難捱的一年。經歷過去三年新冠疫情的洗禮，香港市民極度渴望又苦等多時的本港對各國通關(特別是中港通關)措施，在2023年首季終於實現。 這次通關當然為全港巿民帶來無限喜悅，皆因大家終於可以離港出外旅游；而中港通關更令香港市民重新認識鄰近的深圳有多麼新奇好玩好食之處，無需等待長假期，每逢周末皆可見往返深港兩地的港人絡繹不絕，更可用樂而忘返來形容；但可惜這夢寐以求的通關，好像未有為香港經濟帶來預期中的驚喜，卻從各項數據反映，這措施為本港的經濟帶來隱憂。 回顧中港兩地面對的經濟問題，有不媒而合之感，因為兩地在正式復常後，經濟復蘇力度均不似預期，加上在美國不斷加息導致人民幣持續疲弱的情況下，國內的內房企業在2023年發生了債務違約危機，令在港上市的內房及物管股股價跌到體無完膚，由於恆指組合內的房物管占有一定的比重，因而或多或少令港股於去年處於捱打狀態。 再者，人民幣的弱勢導致主要支持港股的北水流入受到限制，形成港股的成交量在下半年絕大部份時間都不足1,000億。 |
Stock , RMB , US Bonds , HK Cap Flow , China Real Estate |
| 黃麗幗 |
2024-01-04T11:14 |
【now.com財經】八十年代日本出現大量投機活動，特別是房地產行業，加上日圓升值，日本被迫采取低利 率政策，導致貨幣寬松，最終引發經濟泡沫。日經平均指數由1989年年底最高的38,957點，直至2003年4月最終跌破8,000點。股市足足迷失33年，直至今年終見光明。日經平均指數和東證指數（TOPIX）今年分別升29%及25%。究竟兩者分別有甚麼分別呢？ 日本有兩個主要股價指數：日經平均指數和東證指數。日經平均指數是通過平均計算225只代表日本各行業的股票股價，而東證指數則廣泛涵蓋東京證券交易所上市的股票，通過市值加權平均計算。由於兩個指數的計算方法不同，它們受到影響的股票群也不同。 日經平均指數 日經平均股價是由日本經濟新聞社計算和公布的股價指數。它也被稱為「日經平均」或「日經225」，從東京證券交易所的主要市場中約1,650只股票挑選當中的225只，通過將這些股票的股價總再除以股票數量來計算（2023年10月末），顯示單位為日元。雖然這是一種股價平均型的指數，股價較高的股票權重較大，對指數的影響也較大，但它不僅僅是簡單的平均。 |
JPY , Real Estate , Real Estate , IPO , IPO |
| 阮子曦 |
2024-01-04T09:44 |
【Now財經台】華富建業證券投資策略聯席總監阮子曦推介太古A(00019) 推介原因： -旗下業務疫後漸趨穩定，對現金流正面 -持續回購， |
SWIRE PACIFIC B , SWIRE PACIFIC A , CHINNEY INV |
| 羅尚沛 |
2024-01-03T22:39 |
【Now財經台】長城汽車(02333)去年12月銷量增長45%，但就連續兩個月按月下跌。 銀河證券業務發展董事羅尚沛表示，長汽上月銷量按年大升，原因是比較基數偏低，至於按月回落，就跟內地整體消費市道一致，亦令人擔心趨勢會延續至今年。 |
GWMOTOR |
| 莊志雄 |
2024-01-03T17:33 |
【Now財經台】美股噚日(2日)開局失利，3大指數僅道指向上，標指就微跌，納指更跌逾1%。不過，道指、納指係2023年尾相繼破頂後，目前仍於高位徘徊，究竟標指係2024年有冇機會破頂？「股市漁夫」創辦人莊志雄認為，有幾項指標反映標指破頂機會唔大。 Lewis分析指，標指係過去70年只試過3次可以係美國債息倒掛後500個交易日內收復失地，但最終都回落到孳息曲線倒掛前水平。由2022年6月中，10年期同1年期國債孳息曲線開始倒掛起計，至今已經過左385個交易日。佢話，如果標指真系破頂，後市有可能要跌返落3700點水平。 佢又指出，過去3次收復失地慨時候，標指經調整市盈率(CAPE)皆處於當時中位數或以下水平。然而目前32倍慨CAPE明顯高於中位數，即16倍，但過去100年來，標指只係兩個時期可以由32倍再炒上，分別系2000年對付「千年蟲」，以及2020年新冠疫情後慨超低息環境。 莊志雄 「股市漁夫」創辦人 |
US Stock |
| 彭偉新 |
2024-01-03T13:43 |
【Now財經台】截至早上11時止，1小時內《彭博》用戶關注度上升最多首5只港股，依次為舜宇光學(02382)、騰訊控股(00700)、萬科企業(02202)、復星國際(00656)、港交所(00388)。 至於第6至10位，依次為中國銀行(03988)、永利澳門(01128)、快手(01024)、新世界發展(00017)、建設銀行(00939)。 隔晚巴克萊銀行(Barclays)因為唔睇好iPhone需求前景，而下調蘋果公司(Apple)美股評級至「減持」，拖累蘋果股價收市跌3%。今朝港股入面，蘋果供應鏈相關企業慨股價普遍向下，其中舜宇低開逾1%後，曾急插4%，低見64.65元。 資深證券分析師彭偉新認為，內地以往系蘋果其中一個主要市場，但當地經濟緩慢復蘇，加上最新推出慨iPhone 15性能同硬件配置冇大升級，自然刺激唔到一般消費者去換機。 不過，Castor指出，舜宇唔系主力供貨畀蘋果，iPhone慨需求前景唔好對公司慨影響相對較小，而公司股價已經回落到100天線附近，佢預期投資者唔會希望股價跌穿，相信消息觸發唔到新沽壓，舜宇短線有機會企穩返。 |
NEW WORLD DEV , FOSUN INTL , Stock , TENCENT , CCB |
| 郭思治 |
2024-01-03T10:36 |
【now.com財經】踏進2024年首個交易日(1月2日)，筆者先祝各位心想事成，財運亨通，最重要是身體健康，因此乃最大之財富。 回顧去年之股市，表現確令人相當失望。因自2020年開始，港股已連續四年處先高後低之弱態中，而面對環球股市不斷創新高，港股卻一直反覆於較低處，情況確實令股民相當失望。 不妨稍作回顧，2020年恆指是由1月20日之高位29,174點跌至3月19日之低位21,139點，即年內共跌8,035點。到2021年，恆指是由2月18日之高位31183點跌至12月20日之低位22,665點，即年內之跌幅增至8,518點。再到2022年，恆指是由2月10日之高位25,050點一直跌至10月31日之低位14,597點，即年內之跌幅再增至10,453點。到去年，恆指是由1月27日之高位22,700點跌至12月11日之低位15,972點，即年內之跌覆減少至6,728點。值得留意的是，去年大市之高位均在2022年波幅之內，從較樂觀一面看，大市似已無再進一步往下創新低，即技術上似已初呈回穩之訊號。 |
Stock , China Real Estate |
| 郭家耀 |
2024-01-03T10:12 |
【Now財經台】匯盈國際資產管理董事總經理郭家耀推介香港電訊(06823) 推介原因： - 流動通訊及寬頻服務收益穩定 - 受惠出行，漫游收入回升 - 減息預期升溫， |
HK Cap Flow , EJE HOLDINGS |
| 李偉傑 |
2024-01-02T17:30 |
【Now財經台】恆生指數今朝(2日)開市已見左全日高位，之後掉頭向下，一度瀉逾300點，2024年開局表現認真麻麻，恆指已連跌4年，今年可唔可以轉勢仲系未知之數，係呢個市況下，繼續吼公用股或收息股系咪比較好？ 港燈(02638)及中電控股(00002)之前已獲准調整收費，雖然元旦日起，淨電費會下調，但平均基本電費都有得加，加上憧憬美國減息慨利好消息，華盛證券財富管理部董事李偉傑認為，本港收息股將繼續受追捧。 Jason話，其實自美國債息係2023年高位回落開始，兩電及其他公用股已受資金追捧，而兩電生產慨主原料天然氣價格已回落至2021年水平，係成本下降下，兩電收益理應明顯改善。 |
CLP HOLDINGS , GUANGDONG INV , US Bonds , HANG SENG BANK , Stock |
| 譚智樂 |
2024-01-02T13:58 |
【Now財經台】截至早上11時止，1小時內《彭博》用戶關注度上升最多港股，依次為金沙中國(01928)、碧桂園(02007)、李寧(02331)、中國恆大(03333)及比亞迪股份(01211)。 澳門2023年12月賭收勝預期，系2023年「第2高」慨月度收入，雖然比起2019年疫情前最少有「2字頭」亦有距離，但都已經返到疫情前80%水平。消息帶動金沙股價逆市升，雖然14天RSI已上到70以上，見約3個月高位，但黎緊系農歷新年旺季，賭股可唔以繼續復蘇？還是季節性因素已反映曬？ 富途證券高級策略師譚智樂認為，好難話季節性因素已反映曬，不過，農歷新年假期系傳統旺季，相信博彩業會比較穩陣。事實上，自2022年底出左通關消息後，澳門博彩業一直復蘇得相對好，因為澳門博彩業本身有獨特性。 佢又指，賭股2023年底開始下跌，主要系市場擔心內地宏觀經濟狀況，不過，2023年11月至12月都維持到升勢，市場信心開始返黎。目前，金沙股價跑贏大市，但EV對EBITDA仍唔算好貴，係大部分公司系淨現金流、EBITDA系正數慨情況下，現水平都可以收集，短線而言，金沙及銀河娛樂(00027)股價仍有上升空間。 |
Stock , GALAXY ENT , BYD COMPANY , COUNTRY GARDEN , LI NING |
| 黃偉豪 |
2024-01-02T11:59 |
【Now財經台】港股今日(2日)係2024年首個交易日高開，但冇耐已經轉跌，並插穿17000點。輪證資金流方面，好友資金上周五(12月29日)轉為流入逾3400萬元，5日合計有逾4300萬元離場，淡友資金就轉為流出逾1300萬元，5日合計有約1.2億元資金坐緊貨。牛證重貨區上移至16600點，系最多人加倉慨位置，熊證重貨區就繼續係17100點，最多人加倉慨位置系18300點。今朝貼價牛熊證都比較受歡迎，係依家慨市況下會唔會太進取？ 中薇證券研究部執行董事黃偉豪認為系比較進取，今日高位系17100點水平，牛證重貨區係16600點，即20天線水平，兩者只相差約500點，除非玩即日鮮，否則，過夜就略嫌太進取。 佢又話，大市今日高低位波幅近400點，如果揀得太貼有收回風險，港股短線方向仍然唔太明顯，投資者都認為趨勢系向下，但短期趨勢都系一個反覆格局，如果向上突破唔到17100點，即50天線水平，向下又未跌穿20天線，亦就好難呈單邊向下趨勢，揀得太貼會有收回風險，可以考慮擺遠些，睇好可以考慮16000點樓下，即2023年尾低位，睇淡可以考慮17500點以上，即100天線以上，會比較安全。 |
HK Cap Flow , Stock , Capital Flow |
| 黃敏碩 |
2024-01-02T10:40 |
【Now財經台】注冊財務策劃師協會會長黃敏碩推介偉仕佳傑(00856) 推介原因： - 業務及產品食正人工智能(AI)潮流， 受惠於電子消費景氣回升 - 企業客戶涵蓋政府、金融、制造、能源等企業， 積極開拓東南亞業務 - 雲計算快速發展，集團跟數家業內頂尖雲廠商強強合作 建議買入價：4.25元 目標價：4.75元 止蝕價：3.9元 黃敏碩 注冊財務策劃師協會會長 相關股票 編號 名稱 00856 偉仕佳傑 |
Energy , VSTECS |
| 植耀輝 |
2023-12-29T22:52 |
【Now財經台】中海物業(02669)終止向中國建築興業(00830)收購中海監理，表示取消交易符合股東利益。 耀才證券研究部總監植耀輝表示，中海物業於十月公布交易之後，股價隨即受壓，至今累跌逾30%，理由是市場認為中海監理業務跟中海物業的核心物管業務，協同作用有限，且同系公司之間交易，質疑涉及利益輸送，不過即使交易告終，但已損害投資信心，相信股價難以收復失地。 植耀輝 耀才證券研究部總監 相關股票 編號 名稱 00830 中國建築興業 02669 中海物業 相關文章 中國建築國際終止出售工程諮詢服務商 7小時前 【大行報告】匯證削中國建築目標價近15% 2023/06/29 14:07 【公司通告】特步、361度出零售數據 中國建築興業盈喜 2023/01/16 13:26 【港股今日睇】中建興業溢價配股 大戶看好直接要貨？ 2022/06/20 22:46 【股市脈搏】中國建築興業「抽水」跪一跪拗腰升 2022/06/20 10:54 |
CHINA STATE CON , CSC DEVELOPMENT , CHINA OVS PPT |
| 盧楚仁 |
2023-12-29T18:43 |
【Now財經台】日圓已連跌三年，市場料明年日本有機會退出負利率政策，宜家系咪押注日圓好時機？ 獨立外匯商品分析師盧楚仁話，睇好明年日圓升勢，建議入手。盧楚仁指，相信日本央行無法再壓制日圓，加上美國有望掉頭減息，而日圓沒有減息壓力，反而有加息壓力，結果甚至有機會跑嬴瑞士法朗。 盧楚仁 獨立外匯商品分析師 |
|
| 姚浩然 |
2023-12-29T17:04 |
【Now財經台】科技股今年表現各異，ATMXJ除左小米集團(01810)之外都要大跌，不過聯想集團(00992)同網易(09999)就沖上年至今10大表現最好藍籌，科技股明年可以點部署？ 亨達財富管理董事總經理姚浩然話，網易較集中在游戲業務，所以當上星期出左網落游戲規管諮詢文件後，敏感度比較高、個股慨跌幅都比較大。佢相信市場會保持戒心，估值溢價或減少，要回到之前170幾至180幾元慨水平比較困難，認為目前約14倍市盈率(PE)合理，但唔算特別吸引。 佢續指，兩者相較會揀聯想，因為2023年下半年環球電腦市場處於復蘇階段，聯想第2財季慨盈利比第1財季升左約40%，雖然高基數下按年跌，但按季升反映盈利開始復蘇；加上電腦一般每4年換一次，上次換機潮係2020年疫情期間，相信2024年多人換機。另外市場都留意緊人工智能(AI)個人電腦，令聯想投資價值加分，亦預計聯想到2025年3月PE有9至10倍，估值仍然吸引。 |
LENOVO GROUP , IT , CINDA INTL HLDG |
| 陳建良 |
2023-12-29T16:16 |
【Now財經台】市場預料美國明年會率先減息，美元轉弱將令通脹持續回落難度增加，美國經濟軟著陸系咪言之尚早？美股又可唔可以繼續強勢？ 勝利瑞柏基金管理合伙人暨投資總監陳建良話，好多投資者睇美國經濟同美股指數掛鉤，但其實兩者無咩關系。美國市民慨生活環境，包括積蓄、中小企破產數字、信用卡違約等數字都一直升緊，最終都會影響美國經濟轉差。佢相信即使好巨型慨科企，都好難完全「離地」、同美國經濟完全無關，又話美國科企系服務全球，面對歐洲反壟斷慨懲罰等，都會令企業係未來一年慨盈利無想象中咁高。 佢又提到，今年咁多投資者追入科技股，系因為好多人認為科企慨財政狀況甚至比美國政府好，但應該考慮估值系咪值得。整體上佢認為2024年美國經濟唔容易軟著陸，亦唔睇好美股表現。 陳建良 勝利瑞柏基金管理合伙人暨投資總監 |
IT , USD , US Stock |
| 陳鳳珠 |
2023-12-29T16:13 |
【Now財經台】2023年最後一個交易日，假期氣氛濃厚交投淡靜，人民幣見逾半年來最強水平，但港股輕微高開後倒跌。 匯盈集團研究部主管陳鳳珠表示，市場普遍預計明年美國有望掉頭減息，若真的步入減息周期，相信外資有望重返本港，不過這些都是後話，預計上半年升幅不大。 揀股策略方面，陳鳳珠看好車股及手機相關股，至於科技股及醫藥股等等，陳鳳珠認為….. 陳鳳珠 安里證券研究部主管 |
RMB , Stock , IT , EJE HOLDINGS |
| 梁偉源 |
2023-12-29T13:16 |
【Now財經台】截至早上11時止，1小時內《彭博》用戶關注度上升最多港股，依次為小米集團(01810)、中國海洋石油(00883)、快手(01024)、融創中國(01918)及金沙中國(01928)。另外，第6至10位依次為新奧能源(02688)、吉利汽車(00175)、碧桂園(02007)、萬科企業(02202)及安踏體育(02020)。 小米董事長雷軍昨日(28日)豪言，未來15至20年時間成為全球排名前5慨車廠，新車電機最高轉速勁過Tesla，雖然未有價錢同明確上市日期，但已經有大行唱好。瑞銀就指，小米新電動車質量比預期好，預料最平都要70萬人仔。不過，小米股價似乎見頂回落，中午收市前跌逾5%，向下逼近15.195元，即50天線。純粹系收爐前獲利，定系瑞銀對價錢慨預測嚇窒市場，擔心定價太高不利銷售？ 大華繼顯執行董事梁偉源認為，今年下半年唔同電動車品牌都開始減價，包括帶頭慨Tesla同比亞迪股份(01211)，市場都會疑慮明年電動車市場系咪仲有咁大增長空間？另外，如果大家都有呢個減價力度，對生產商慨利潤都有壓力。 |
Energy , GEELY AUTO , ANTA SPORTS , Oil , Stock |
| 盧志明 |
2023-12-29T10:42 |
【Now財經台】大唐資本投資策略部總監盧志明推介攜程集團(09961) 推介原因： - 今年首3季內地旅游達36.7億人次，收入達3.7億元人民幣 - 預計元旦整體旅游產品訂單，按年升逾30%，春節國內游升1倍 - 與馬來西亞藝術及文化部簽合作協議，向中國旅客展開宣傳， |
RMB |
| 林嘉麒 |
2023-12-28T22:43 |
【Now財經台】中國中免(01880)獲北京首都國際機場、上海浦東機場及上海虹橋國際機場，調低年保底經營費。 元宇證券基金投資總監林嘉麒表示，中免獲三個機場降低保底經營費，可節省未來租金開支，對業績有正面幫助，不過市場正擔心，內地消費市道轉弱，明年旅游開支增速放緩，不利中免的免稅店業務，公司目前估值仍不算便宜。 |
EVERCHINA INT'L , CTG DUTY-FREE |
| 熊俊傑 |
2023-12-28T19:43 |
【Now財經台】美元連跌5日之際，黃金就升足5日，獨立外匯商品分析師熊俊傑指，市場似乎趁聖誕假期期間，美國聯儲局唔會發表講話壓抑市場預期而炒起金價。 Ken續指，現時金價距離短線平均線愈黎愈遠，昨日(27日)現貨金、期貨金慨價格已升穿及企穩12月高位，即每盎司2070美元及2090美元，佢認為金價仲有水位，預期後市突破2100美元慨難度唔大，要升至2130或2160美元水平先會遇到真正阻力，係農歷新年過後先會出現回套。 熊俊傑 獨立外匯商品分析師 |
Gold , USD |
| 許繹彬 |
2023-12-28T11:23 |
【now.com財經】還有四天，2023年就會過去，而股票市場只剩下最後兩個交易日，就會稍稍然過去。總括2023年全球股票市場，當然是「有人歡喜有人愁」同亦「這邊屢創新高，那邊就反覆下浸」；歡喜當然是指美國道瓊斯指數創下歷史新高，日股則創33年新高，連帶一直不被市場留意的台灣加權指數，亦在漫不經意下，創下歷史新高！投資了上述三地股票的投資者，相信今年一定是大豐收。 相反，反覆下浸及令人增添憂愁的股票市場，相信不用多估，恆指一定是實至名歸。恆指今年曾低見15,975點，創下13個月新低，走到最後倒數的2個工作天，仍只能在16,800點以下苦苦掙扎！在2023年內投資了港股的投資者，相信一點笑容都擠不出，無論在哪個價位入市，也是無功而返；就算投資在恆指龍頭大價股身上，到本年最後一個月，都是全部敗北，只能苦中作樂！ 踏入2023年下半年，港股走勢令投資者非常失望，導致投資港股的比重持續下降。 |
Stock , IPO , IPO , USD , US Stock |
| 譚智樂 |
2023-12-28T11:06 |
【Now財經台】富途證券高級策略師譚智樂推介小米集團(01810) 推介原因： - 小米智能手機Xiaomi 14大賣，平均銷售價格將會見底回升 - 毛利率上升空間大，公司盈利能力穩定 建議買入價：16元 目標價：20元 止蝕價：15元 譚智樂 富途證券高級策略師 相關股票 編號 名稱 01810 小米集團－Ｗ 相關文章 【高盛輪證】小米逆市倒跌 舜宇重上70元 1小時0分鍾前 【法巴輪證】小米舉行汽車技術發布會 1小時50分鍾前 【幾時升返?】陳政深:要資金重投港股需有強勁經濟催化劑 17小時前 小米汽車傳員工3700人 冀造車媲美特斯拉 18小時前 【長假後發力】游戲股領軍 恆指升284點 18小時前 【北水手影】轉淨入12.4億 買中移動 南方恆科 沽建工行 18小時前 港股長假後彈284點返廿天線 手游股回勇 19小時前 【盤房來料】內地政策消息玩死散戶 22小時前 【焦點股】小米汽車發布前夕雷軍出手造勢「煲起」股價 22小時前 【財經TOP SEARCH】騰訊「被震散」後難重上300關? 23小時前 |
|
| 羅尚沛 |
2023-12-27T22:48 |
【Now財經台】創維集團(00751)大股東黃宏生抵押1億股，作為私人貸款擔保，占已發行股本4.15%。 銀河證券業務發展董事羅尚沛表示，創維大股東押股借錢，不排除是為其私人擁有的創維汽車融資，但內地新能源汽車行業競爭激烈，若黃宏生想堅持經營創維汽車，日後或要質押更多股份以取得更多私人貸款，增加股份被斬倉的可能性。 |
Energy , New Energy Vehicles , SKYWORTH GROUP , New Energy |
| 彭偉新 |
2023-12-27T13:17 |
【Now財經台】截至早上11時止，1小時內《彭博》用戶關注度上升最多首5只港股，依次為騰訊控股(00700)、比亞迪股份(01211)、新世界發展(00017)、碧桂園(02007)、小米集團(01810)。 騰訊、網易(09999)等游戲股上周五(22日)急挫後，周一(25日)收到內地發布進口及本地游戲版號慨消息做聖誕禮物，加上監管機構最新表示會視乎社會反應完善有關「課金」獎勵制度慨監管規例，今日騰訊股價得以反彈，高開近3%後，早段曾升逾6%，高見291元，但未能重上300元大關。 有券商指，上周五騰訊股價大跌系市場反應過度。資深證券分析師彭偉新則認為，當時唔少投資者選擇先離場觀望導致騰訊跌勢較急，但唔可以話投資者過分憂慮，因為市場可能系趁有新慨負面消息而一次過反映所有負面因素。 Castor續指，負面因素未完全消除，而且監管政策或多或少會影響盈利，券商稍後或會下調股份目標價。雖然今日有投資者撈低而令股價反彈，但佢估計呢輪反彈未必可以收復上周五重挫後慨失地。 |
NEW WORLD DEV , Stock , TENCENT , BYD COMPANY , COUNTRY GARDEN |
| 植耀輝 |
2023-12-27T10:48 |
【Now財經台】耀才證券研究部總監植耀輝推介貓眼娛樂(01896) 推介原因： - 節日因素利好投資氣氛 - 個別電影預售表現理想 建議現價買入 目標價：9.4元 止蝕價：7.7元 植耀輝 耀才證券研究部總監 相關股票 編號 名稱 01896 貓眼娛樂 相關文章 【專家分析】阿里影業虧轉盈恐曇花一現？ 2023/10/20 16:44 【專家分析】影視股畀黃金周票房累？ 2023/10/03 18:04 【每日觀點】美股反彈科技股造好 港股勢仍弱 2023/09/29 09:39 【專家分析】貓眼「一條龍服務」煞食 2023/09/15 16:17 【大行報告】大摩:影業股首選貓眼娛樂 2023/09/15 12:34 【港股今日睇】貓眼發盈喜 大行必祝福？ 2023/08/03 22:41 【股市脈搏】消失的她出品人之一儒意急炒上 極度超買 2023/07/19 16:44 【大行報告】大摩:影視股續偏好貓眼娛樂 2023/07/11 12:27 【專家分析】影業股反彈靠炒作？ 2023/04/19 16:11 【大行報告】大摩:貓眼有3大股價催化劑 2023/02/16 |
Rating , MAOYAN ENT |
| 植耀輝 |
2023-12-22T22:58 |
【Now財經台】國家新聞出版署發布網絡游戲管理辦法征求意見稿，當中包括限制用戶充值額度，對一眾網游股的潛在影響有多大？ 耀才證券研究部總監植耀輝表示，相關意見稿細節仍不清晰，包括充值額度上限多少，以至新條例是針對所有玩家，還是只局限於未成年玩家，不排除最終只針對未成年人設限，不過由於有不明朗因素，因此手游股短期內都難以大幅反彈。 植耀輝 耀才證券研究部總監 |
|
| 關焯照 |
2023-12-22T18:29 |
【Now財經台】中午內地突然爆出諮詢文件，話要限制網絡游戲慨課金系統，監管政策突然180度轉變，搞到騰訊控股(00700)同網易(09999)股價大跳水，騰訊更創逾52周新低。 冠域商業及經濟研究中心主任關焯照重申，千祈唔好掂ATM等重磅科網股，包括阿里巴巴(09988)、美團(03690)，指內地打壓平台經濟超過2年，而目前仍然睇唔到有消停慨一日，加上當局不斷收緊監管下已經「搾干」呢類科網股慨估值，唔可以好似前幾年當佢地系高增長股咁樣炒。 不過，關博士表示，唔少恆指其他成分股表現好過ATM，先撐得住恆指未跌穿16000點，又話即使港股估值平，都唔好只買某幾只重磅股，要分散投資來減低ATM拖累大市慨風險，而近日大跌市中可見盈富基金(02800)持倉量愈來愈多。 |
Stock , TENCENT , LINGYI ITECH , TRACKER FUND , IT |
| 梁偉源 |
2023-12-22T13:47 |
【Now財經台】截至早上11時止，1小時內《彭博》用戶關注度上升最多港股，依次為申洲國際(02313)、比亞迪(01211)、中國恆大(03333)、建設銀行(00939)及藥明生物(02269)。 申洲股價今日急挫，公司大客Nike成「幕後推手」。據《彭博》數據顯示，Nike現時占申洲收入逾25%，又披露未來計劃削減20億美元成本，仲下調全年收入增長指引。不過，市場更擔心系，連國際運動巨企Nike都睇到銷售前景咁淡，申洲其他同類客戶Adidas、PUMA系咪都危危乎？ 大華繼顯執行董事梁偉源指，申洲原本預期Nike今年第4季去庫存會最理想，不過，連Nike前景都咁差，對申洲慨打擊更大。此外，連庫存問題相對較小慨Nike，都要下調全年收入增長指引，其他同類客戶必定會跟，係咁多客戶相繼下調指引下，申洲情況好難樂觀。 |
Stock , CCB , SHENZHOU INTL , USD , Bio |
| 彭偉新 |
2023-12-22T11:05 |
【Now財經台】資深證券分析師彭偉新推介中國海洋石油(00883) 推介原因： - 雖然首6個月少賺約11%，但主要受平均油價較低影響 - 中東地區政局緊張對明年上半年油價有支持， |
Oil , CNOOC |
| 鄭家華 |
2023-12-21T22:50 |
【Now財經台】中國宏橋(01378)主要附屬公司山東宏拓引入八名戰略投資者，取得4.705%股權，涉資29.63億元人民幣。 阿仕特朗資產管理董事鄭家華表示，該八名投資者有權於三年後，要求宏橋回購持股，並提供6%年回報率，其實是變相向宏橋提供一筆抵押貸款，而貸款年利率為6%，不過基於這批投資者大部分有國企背景，因此可反映中央亦願意向公司提供支持，消息屬正面。 |
RMB , CHINAHONGQIAO |
| 許繹彬 |
2023-12-21T11:06 |
【now.com財經】2023年計埋今日，還有五個交易日便會過去，恆指在本年最後倒數時，港股曾一度承美股創新高的氣勢沖上16,800點，更沖穿20天及100天線水平，成交突然破1,000億。 當時在各種利好的訊號下，投資者滿以為港股今次真的會做返出好戲，再沖上17,000點或更高的水平作為2023年的總結，但既定的戲情當然是一如以往，投資者往往是一廂情願。正當道指繼續創新高之制，港股又再次調頭回落，恆指再度跌至16,400點左右(即10天線水平)，成交更由上周超過1,000多億回落至不足800億，確實令投資者再一次當頭捧喝。 個別偏弱的股份繼續出現弱勢，美團(03690)繼上月公布良好業績後反而被大舉洗倉，於星期二(12月19日)市場又突然傳出不利傳聞，指國內著名科技公司抖音正與阿里巴巴(09988)洽談收購內地另一外賣平台餓了麼，並已經到了談判價格的最後階段，更指預計明年春季後就正式能夠公布，收購價格約70多億美元，最後上述兩間公司抖音及餓了麼相關負責人均雙雙作出澄清，並指對所謂「收購」完全是無稽之談。 |
Stock , HK Cap Flow , US Stock , LINGYI ITECH , IT |
| 姚浩然 |
2023-12-21T10:55 |
【Now財經台】亨達財富管理董事總經理姚浩然推介瑞聲科技(02018) 推介原因： -市場憧憬蘋果公司推出人工智能(AI)手機，推動咪高峰升級 -2023年度預測市帳率(PB)約1.3倍， |
CINDA INTL HLDG , AAC TECH , IT |
| 陳偉明 |
2023-12-21T10:53 |
【now.com財經】美國11月非農數據意外強勁，減息預期降溫，加上內地通縮加劇，在美匯反彈、人仔轉弱下，港股上周一(12月11日)低見15,972點再創年內新低，正當市場氣氛轉趨悲觀，國家基金入場護盤再買入A股ETF，中港股市在眾人看淡下反彈至上周二(12日)高位16,420點。 美國公布議息結果前夕市場觀望氣氛濃厚，加上中央經濟工作會議缺乏驚喜，中港兩地股市上周三(13日)再次出現回吐壓力，略為跌穿上周二(12日)低位16,157點，營造反彈完結的跡象，但筆者當時認為恆指接近16,000點再跌空間有限，加上認為港股真正走勢在議息結果後才會出現，因此拒絕造淡。 上周三(13日)晚美國聯儲局一如市場預期維持利率5.25厘至5.5厘不變，連續第三次會議暫停加息，關鍵重點是主席鮑威爾意外地「放鴿」暗示息口或已見頂並且透露會上討論過減息，更表明毋須等到通脹回落至2%及經濟衰退時才會減息。 |
Stock , US Stock , RMB , US Bonds , HK Cap Flow |
| 羅尚沛 |
2023-12-20T22:42 |
【Now財經台】普拉達(01913)斥資4.25億美元，購入紐約第五大道一幢混合用途物業，用作公司品牌店及辦公室。 銀河證券業務發展董事羅尚沛表示，普拉達自1997年已租用該物業部分樓面作為零售店，加上紐約第五大道屬黃金地段，相信市場不會視為投機美國樓市，或公司不務正業。 |
Gold , USD , PRADA |
| 盧楚仁 |
2023-12-20T18:30 |
【Now財經台】今年所有主要央行議息會議完結，市場焦點轉睇通脹就業數據反映邊間央行有條件率先減息。英國下晝就公布11月通脹數據，消費物價指數(CPI)按年升幅意外收窄至3.9%，低過預期，按月更轉跌，核心CPI按年升幅亦收窄至5.1%，同樣低過預期。 獨立外匯商品分析師盧楚仁認為，英國CPI回落俾到市場明確訊息，可以預期英倫銀行即將步入減息周期。不過，佢預期如無意外聯儲局會搶先係明年3至5月減息，而英倫銀行最快都要到下半年8月先減息。 此外，通脹數據出爐後，英鎊即時轉弱至1.266兌1美元水平。Jasper相信英鎊只系短線受壓，長線有望再上，明年表現仍然可以睇高一線。 盧楚仁 獨立外匯商品分析師 |
USD , GBP |
| 莊志雄 |
2023-12-20T17:36 |
【Now財經台】資金流入推高美股下，「股市漁夫」創辦人莊志雄提醒，要留意以下3項因素反映美股後市或會受壓，首先對資金蜂湧入標普500 ETF(交易所買賣基金)要抱有戒心，因為2018年就曾經出現資金流強但VIX恐慌指數急升，標指繼而急跌慨情況。 此外，Lewis分析被視為經濟寒暑表慨FedEx業績，指出過去一年通脹高企下集團上季收入仍然按年大減，反映期內貨運量明顯大跌。佢又提及，根據道氏理論(Dows Theory)，當市場上貨品滯銷，運輸股表現就會較差，並指如果道指同道瓊斯運輸業平均指數冇係同期齊創新高，可以解讀為反向驗證(non-confirmation)道指目前創新高唔合理，道指往往好快就會回落。 最後，Lewis透過統計歐元兌美元過去52年數據，推測美匯指數會係1月回升，將對資產價格造成好大壓力，因為…… 莊志雄 「股市漁夫」創辦人 |
US Stock , USD , ETF , Capital Flow , USD |
| 彭偉新 |
2023-12-20T13:32 |
【Now財經台】截至早上11時止，1小時內《彭博》用戶關注度上升最多首5只港股，依次為華能國際電力股份(00902)、中國平安(02318)、華南城(01668)、騰訊控股(00700)、李寧(02331)。 內地電力數據陸續出爐，加上當地遭遇入冬以來最強寒潮，全國用電需求處於歷史高位，電力股AH股齊齊炒起，其中華能國電高開1%後，早段曾升逾4%，高見4.22元。內地氣象部預料再有一股冷空氣南下，下周六(30日)氣溫才回升，電力股系咪仲有上升空間？ 資深證券分析師彭偉新認為，除左寒流呢類季節性因素短線推動股價，上月內地工業生產值回升反映當地工業開始復蘇，有利整體用電需求上升。此外，煤價已經恢復到比較合理慨價格水平，而且最近整體發電量數據較預期好，有助減輕電力股慨毛利壓力。 Castor續指，華能國電自年初由低位拾級而上，目前已經形成上升型態，相信眾多消息可以助力股價進一步升至4.5元水平。 |
ChinaElec , HK Cap Flow , Stock , TENCENT , HUANENG POWER |
| 郭家耀 |
2023-12-20T10:31 |
【Now財經台】匯盈國際資產管理董事總經理郭家耀推介聯想集團(00992) 推介原因： - 業績最壞時期已過 - 伺服器業務受惠於人工智能(AI)需求， |
LENOVO GROUP , Earnings , EJE HOLDINGS |
| 林嘉麒 |
2023-12-19T22:42 |
【Now財經台】力勁科技(00558)周一回購172萬股，占當天成交量25.2%，亦是公司上市以來首次回購股份。 元宇證券基金投資總監林嘉麒表示，按力勁回購股數占成交量比例計算，回購力度不少，但股價周一、周二均下跌，似乎市場擔心公司業績未見底，因為新能源車廠面對價格戰，短期內未必會擴充產能，影響力勁的壓鑄機需求。 |
Results , Energy , LK TECH , Earnings , New Energy |
| 陳欣 |
2023-12-19T16:27 |
【Now財經台】今年日圓系最弱勢慨G10貨幣，兌美元跌逾8%，日本央行(BOJ)最新無退出寬松政策，經濟師普遍預期，明年4月加息機會較高，日圓短線會唔會轉弱？下望邊個水平？ 連連STAR FX總經理陳欣認為，日圓過去幾個月最多升左7%，所以出現回套都正常。不過，市場每次都期望有驚喜，但最後落空，都令日圓難有進一步向上動力，所以短線轉弱慨可能性都大，但轉弱幾多就要睇市場會唔會再有預期、或者數據上會唔會睇到有影響。 不過，相信BOJ暫時都唔會有太多訊號，如果真系將貨幣政策正常化或加息，但日本政府債務龐大，占國內生產總值(GDP)慨120%以上，而日本市民慨房屋貸款利率系浮動，會加重負擔，呢個都系BOJ唔太願意轉變政策慨原因。暫時對日圓有支持動力慨因素都仲未真正見到，唔排除短線會回套多些，短線支持可能係145至146水平，阻力位睇之前到過慨140至141水平，如果BOJ取態唔變，相信呢些位都唔會咁容易突破。 陳欣 樂天證券香港銷售總監 |
USD |
| 陳錦興 |
2023-12-19T16:27 |
【Now財經台】美團(03690)中期業績後步入弱勢，逐步失守整數關，11月底季績後跌到落100元水平，今日(19日)更失守80元，美團股價會唔會繼續尋底？ 英皇資本財富管理方案研究總監陳錦興指，美團股價不斷尋底，主要系市場一直殺估值，經調整後慨預測市盈率(PE)跌到落十幾倍，管理層對第4季指引保守，預期收入放緩，行業競爭情況淡，尤其系到店業務，所以需要好高成本投入，包括廣告及補貼開支。 Stanley又話，市場擔心新業務虧損收窄時間會唔會加快，種種因素令市場係業績後調低美團盈利預測、目標價及估值水平，依家一直測試估值支持力，預料跌穿80元會進一步下跌，不過，係估值上開始會有強力支持，雖然外賣業務有不明朗因數，但規模及競爭能力仍然值得信賴，只系市場會有少少擔心到店業務方面，抖音、快手(01024)對美團慨挑戰。 |
Earnings , EMPEROR CAPITAL , Rating |
| 李偉傑 |
2023-12-19T16:06 |
【Now財經台】大市向下，內需零售股受壓，大行唱淡內地消費股，大削多只內地消費股目標價，大和就指預期內地明年消費降級。重災區慨餐飲股又以火鍋股系「重災中慨重災」，呷哺呷哺(00520)、九毛九(09922)股價分別見7年低位及破底。前者更加被降評級，因為下半年單價面臨慨壓力比上半年更大，預料明年雖然擴張但維持弱勢表現。消費降級或不利火鍋股，加上呷哺呷哺慨中高端品牌定位同市場開始對品牌厭倦，呢些致命傷都令品牌前景淡過九毛九？ 華盛證券財富管理部董事李偉傑認為，現時內地消費力降級會引伸出「物有所值」慨消費模式，但呢個系比較被動慨情況，因為受金融、地產、工業外流等因素影響，令市民慨消費能力被削弱或者小心消費。 佢就指，呷哺呷哺屬於中高端定位，再下一檔就系海底撈(06862)，以內地慨人均消費水平九毛九其實就唔算高檔，但都要視乎翻台率同埋經營擴展模式會唔會繼續受市場喜好影響。係消費降級慨經營壓力下，呷哺呷哺慨中期業績都反映左壓力仍然未消退，表現都相對無咁理想。今年上半年，海底撈同九毛九已經分別接近同超越左2019年慨全年業績，收益上呷哺呷哺慨盈利仍然系未能達標，所以大行降評級都合理。 |
Earnings , Rating , Real Estate , Capital Flow , Real Estate |
| 譚智樂 |
2023-12-19T13:09 |
【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、碧桂園(02007)、中國平安(02318)、李寧(02331)及聯想集團(00992)。 比亞迪今朝一度失守200元水平，其後回升。市場競爭激烈、銷售增長放緩等負面因素系咪已經反映曬係股價？今年初股價低位系186元，年底前會唔會隨時會觸底？ 富途證券高級策略師譚智樂認為，整個汽車板塊有11月份開始已經轉弱，相信未來3個月毛利率會有下行趨勢，但唔一定代表公司盈利能力明顯轉差，目前減價戰除左配合年底促銷，同時鋰電池、鋰礦等原材料價格都有下行趨勢，市場擔心會醞釀激烈慨價格戰。 佢指，所有公司都無可能完全獨善其身，比亞迪相對受慨影響不大但唔代表完全唔需要跌。技術走勢上，200元只系心理關口，195元先係比較重要慨水平。整體上，對於會唔會穿200元都唔需要太過悲觀，目前預測市盈率(PE)都系20幾倍左右，相信明年出現盈利倒退慨機會唔大，因為比亞迪有完善產業鏈，係價格戰中仍然有好大優勢，如果有貨系手就唔建議現水平減持。 |
Stock , LENOVO GROUP , BYD COMPANY , COUNTRY GARDEN , PING AN |