| Commentator |
Time |
Content |
Tag |
| 盧志威 |
2025-05-28T11:36 |
內地多個行業「內捲」問題嚴重，除左汽車業，電商平台係另一個「主戰場」，拼多多亦無可避免受牽連，集團出完業績後，拼多多美股昨晚一度急瀉約14%，而在港上市慨美團(03690)等電商股，股價亦連日受「內捲」問題困擾，「內捲」係咪會繼續影響港股市況及投資氣氛？ 潤淼資產管理董事盧志威指，受「內捲」問題牽連慨板塊係全方位，包括車股、消費股及外賣等業務，核心原因係要為中美貿易戰避險，因為隨著貿易戰開打，就可能會少左個市場，所以相關行業會諗盡辦法去拿返內地市場，又認為「內捲」情況好難逆轉。 William又指，對存在「內捲」問題慨企業黎講，公司盈利短期一定受到衝擊，長遠就有可能觸發行業整合潮。 |
|
| 植耀輝 |
2025-05-28T10:06 |
耀才證券研究部總監植耀輝推介華潤電力(00836) 推介原因： -即將進入用電高峰期。 |
|
| 陳欣 |
2025-05-27T17:41 |
美國關稅政策造成亂局，更令市場對美元信心大減，拋售美元資產，歐洲央行行長拉加德(Christine Lagarde)呼籲把握提升歐元全球地位慨機會，成為美元替代品，要提升歐元係全球慨使用量係咪好難？ 美國押後加歐盟關稅慨消息一出，歐元應聲反彈，重上1.14水平，衝上1個月高位，但拉加德發言後，市場似乎冇乜反應，1.14係咪有較大阻力？ 連連STAR FX總經理陳欣指，去美元化唔係10年8載可以成事，而歐元想取代美元，仍有一段好漫長慨路要行，歐元慨出現就係要抗衡美元，但歐元區慨內部矛盾好嚴重，成為歐元擴大結算佔比慨最大阻力。 佢又話，歐元要突破1.14關口唔容易，不過，若美元持續弱勢，美國聯儲局繼續偏鴿，都會有利歐元挑戰1.14水平，甚至1.15水平，但要突破1.16難度好高。 |
|
| 李偉傑 |
2025-05-27T16:21 |
內地汽車市場「內捲」問題持續，車企「淘汰賽」亦講左好多年，近日比亞迪控股(01211)發動新一波減價戰，車企要點做先可以係呢場「淘汰賽」下繼續生存？ 天風國際證券經紀業務部董事李偉傑指，之前比亞迪係靠技術提升銷售吸引力，包括「天神之眼」及「3分鐘快速叉電」，後來就出現減價慨情況，先令市場關注「內捲」問題。佢又話，依家定價最吸引係入門版車款，即使未去到最極端情況，都已經令官媒「出聲」，指要及時叫停及有效防範內捲，所以未來「內捲」未必會持續發生。 Jason又話，依家車企除左要面對比亞迪發動慨減價戰，又要睇可唔可以靠自身技術或車款吸引消費者，加上近年唔少車企積極進軍海外市場，因為海外銷售毛利比內地高，但中歐同美歐關係慨變化，會成為車企能否「出海」關鍵。 |
|
| 梁偉民 |
2025-05-27T15:58 |
美國總統特朗普(Donald Trump)發動關稅戰以來，因為政策彈出彈入兼成日有變，搞到市場七國咁亂，更令投資者對美元資產信心大減，繼而拋售美元，歐洲央行行長拉加德(Christine Lagarde)就呼籲，要趁機把握提升歐元係全球地位慨機會，到底歐盟可以點做？ 高富金融集團投資總監梁偉民指，其實歐盟可以做到慨事唔多，但可以繼續完善佢地制度，亦可以係提高歐元使用量方面做多些，但佢相信，要令美元進一步「失勢」，其他國家未必要做太多，因為自特朗普4月大幅上調關稅後，市場已展開對美元信任度下跌慨討論，例如受關稅重擊慨國家會否有厭美情緒。 Wyman續指，呢個係未來幾年美元係全球支付比例會唔會下跌慨關鍵之一，短期而言，美元慨支付比例唔會有太大變化，會維持約50%，但長遠要睇美元自身因素，亦都睇特朗普慨政策取向，會唔會令盟友或全球投資者失去信心。 |
|
| 盧志明 |
2025-05-27T15:40 |
截至早上11時止，過去1小時內《彭博》用戶搜尋量最多港股，依次為美團(03690)、石藥集團(01093)、地平線機器人(09660)、比亞迪股份(01211)及港交所(00388)。 車股龍頭比亞迪連續兩日上榜，股價亦持續受壓，主要繼續受「618 」減價戰影響，今日一度挫逾4%，低見407元，比亞迪今次減價涉及逾20款車，龍頭都要減價，其他車企係咪都要跟減？ 大唐資本投資策略部總監盧志明指，連龍頭比亞迪都要減價去庫存，其他新能源車企都應該要「參戰」，短期而言，投資者要比較小心，尤其係新能源車股，比亞迪股價依家調整緊，今日仲失守20天線，佢認為投資唔好心急入市，加上市場對汽車行業慨憂慮仍在發酵，等股價喘定再吸納都未遲。 佢又話，若以平均價340元作為起步點，之前迫近480元水平已經升左好多，當中慨利好因素基本上已反映曬，所以之前係低位買入慨投資者，不妨考慮先食糊。 Ken續指，如果未來一兩日可以上返20天線，即425元水平，短期調整或已經完成，冇貨慨投資者不妨睇埋呢一兩日，睇下股價可唔可以回穩，再考慮入手都未遲。 |
|
| 黃偉豪 |
2025-05-27T12:51 |
恆生指數今早(27日)低開後，走勢反覆，好淡友齊齊坐貨，好友普遍較貼，重貨區較現貨有400點距離，淡友都算進取，加倉揀到最貼，睇好及睇淡大市應該點部署？ 胤源世創家族辦公室(香港)第一副總裁黃偉豪指，港股暫時走勢較反覆，市場觀望美國總統特朗普(Donald Trump)慨關稅動作，例如針對歐盟慨關稅「彈出彈入」。此外，港股過去兩個月由低位反彈後，形成上落格局，冇明確方向，所以擺位都要睇返個人策略。 Ravi續指，如果想做即市部署，建議擺貼些，博兩邊發力之餘又冇大突破，如果做過夜部署，建議距離重要關口遠少少。佢又話，恆指即市支持位睇50天線，即21800水平，若好友想博牛證，收回價擺22800點以下較好，至少冇即時收回風險，如果博熊證，建議收回價擺24000點以上。 |
|
| 姚浩然 |
2025-05-27T10:12 |
亨達財富管理董事總經理姚浩然推介比亞迪股份(01211) 推介原因： -歐洲市場增長強勁，推出最低售價後，更利好優質汽車企業 -即將納入科技指數。 |
|
| 鄭家華 |
2025-05-26T22:47 |
美團(03690)第一季業績好過預期，但管理層預告，市場競爭加劇將導致核心本地商業利潤率大降。 阿仕特朗資產管理董事鄭家華表示，美團上季業績受京東外賣影響程度輕微，相信第二季開始才見真章，加上管理層對業務前景看法相對悲觀，估計股價短期受壓。 |
|
| 聶振邦 |
2025-05-26T16:35 |
內地電動車龍頭比亞迪控股(01211)近日推「618」限時促銷優惠，上周五(23日)開始至6月底前，包括「王朝網」及「海洋網」合共22款車，平均減價近20%，其中，減幅最大係去年8月推出慨「海豹07 DM-i」智駕版，高達34%，就連今年1月上市慨「王朝網」系列MPV「夏」都減價10%以上，即係新車舊車齊齊減價，會唔會再引爆更激烈慨減價戰？ 博威環球證券金融首席分析師聶振邦指，新能源汽車市場競爭十分激烈，見到不斷有新車企冒起，例如近兩年市場關注度較高慨小米集團(01810)。佢提醒，其他大型科技企業有可能會投放資源，支援小型新能源車企，從而令大型車企面對挑戰。 聶Sir續指，另1個原因可能係「五一黃金周」已經過去，要等到下一個長假期，例如暑假或「十一黃金周」先再有催化劑，所以比亞迪一過左「五一黃金周」就開始有動作，包括減價係可理解。 |
|
| 梁傑文 |
2025-05-26T16:04 |
金朝陽集團(00878)私有化交易告吹，拖累股價今日(26日)插水，計埋之前私有化失敗慨復宏漢霖(02696)、利福中國(2136)及金利來集團(00533)，金朝陽已經係今年第4隻私有化失敗慨股份，其實私有化其中一個較大誘因係股價長期低迷，點解接連有公司私有化失敗？對市場有咩影響？ 《香港股票財技密碼》作者梁傑文指，利福、金利來、金朝陽都係香港及內地人較熟悉慨公司，市場好清楚呢些公司慨投資價值，所以當私有化價格唔係特別吸引，就會令股東更加容易判斷應唔應該投贊成票，或大股東出價係咪合理。 Mike續指，另一原因係港股投資氣氛今非昔比，2022至2023年投資氣氛好差，所以當時好多公司成功私有化，不過，近半年港股已自低位大幅反彈，令市場感受到港股交投有改善，令小股東唔願意投贊成票。佢補充，其實今年私有化宗數同去年比較已經大減，相信主要係港股成交金額由低位回升。 佢又提醒，大股東要權衡輕重，因為當私有化失敗，過去慨投資成本就變成徒勞無功，因此，如果要成事，或要接受比50%更高慨溢價。 |
|
| 李浩然 |
2025-05-26T10:26 |
股市再度上漲，投資者再度入場，ETF資金流入創新高，連一個1%的跌幅都能觸發「買進狂潮」。這一切聽起來已經不像市場，而像是一場集體催眠。問題是：這些錢到底從哪里來？答案是：幾乎從你沒注意的每個角落。 先看看數據。VOO 今年以來吸金超過620億美元，是第二名（美國短債ETF SGOV）的四倍。這不是領先，而是「車尾燈」也看不到。這支標普500ETF的表現就像2000年巔峰期的老虎活士（Tiger Woods），其他ETF只能在後頭喘氣。摩根大通（JPMorgan）的數據更直接：只要標普500下跌1%，散戶就衝進市場，4月9日中午12點前，美國散戶淨買入金額就突破40億美元，創歷史紀錄。 這場瘋狂的燃料從哪里來？一部分從債券市場撤退的資金。根據Morningstar數據，4月份美國可課稅債券基金淨流出超過430億美元，而股票基金淨流入212億美元。債券不再是避風港，而是彈藥庫的火藥——等股市一跌，立即開火。 再來是貨幣市場基金。這些「現金的最後堡壘」目前坐擁近7萬億美元。2025年4月，當市場下跌時，有1,250億美元從這些基金中流出。這是什麼概念？這不只是買低賣高的反應，更像是一場精心策劃的搶購，只是搶的不是衛生紙，而是標普指數。 個人儲蓄也沒閒著。根據FRED數據，美國家庭握有的活期存款和現金仍維持在4.5萬億美元以上。疫情後的量化寬鬆像是給了美國人一筆不該存在的財富紅利，如今這些錢正以ETF的形式重新進入市場。問題是：這真的是理性投資，還是「FOMO」的錯失恐懼症？ 更諷刺的是，這一輪資金潮還有一位意想不到的推手：通脹。從2020年起，物價上漲了24%，但平均時薪漲了27%。看起來像是一場工資勝利戰，其實是貨幣幻象。你賺得多了，但買到的東西沒變多，只是你以為自己有更多可以投資的錢。這場遊戲的本質，是名目增長的錯覺驅動了實質資金流入。錢變多了，但價值沒變多，資產泡沫卻實實在在地膨脹了。 這種情況難道不令人聯想到2000年初的網路泡沫？當年也是資金氾濫、投資者瘋狂、估值嚴重偏離基本面。不同的是，這回的資金來源更加分散、更加隱蔽、更加日常化。這不再是科技熱潮點燃的狂熱，而是系統性流動性過剩下的集體自我安慰。 當然，這場資金洪流還未見頂。只要聯儲局不急著加息、只要散戶還有子彈、只要ETF仍是「新時代信仰」，這場資金遊戲就還會繼續。但投資人最好記住：當所有人都知道「逢低買入」這一招時，低點很快就會變成陷阱，而不是機會。 錢不是從天上掉下來，更似是從左口袋拿到右口袋。以為自己變有錢了，但市場從不相信幻覺，最終會有一次是「終極」下跌。 |
|
| 郭思治 |
2025-05-26T10:20 |
大市已接近5月份之尾聲，而剩下之交易日亦不多，周三(5月28日)是即月期指轉倉高峰日，周四(29日)是即月期指結算日至周五(30日)是5月最後一個交易日，亦是即月場外衍生工具結算日，而直到執筆一刻止計，本月大市之形態仍暫屬先低而後高，恆指暫是由2日之低位22,058點升至21日之高位23917點，即月內之波幅暫為1,859點，首先，本月恆指高低位相距之交易日為13日，該已可符合慣性之要求，至於1,859點之波幅則稍偏細，但在交投持續偏疏之下，由於動力不配，故即使恆指於21日已升至23,917點，惟無法乘勢上破24,000點，而在升勢漸受阻之下，伺高回吐之獲利沽盤亦漸增，故整個大市之走勢已開始漸呈反覆。 此潮反陣市是始自4月9日之低位19,260點，到5月21日高位23,917點止計，大市在短短6周內，累積之升幅已有達4,657點，相對前跌浪為5,614點計（3月19日之高位24,874點跌至4月9日之低位19,260點），即大市已反彈跌幅之82.9%，單論反彈之幅度計確已不算小，值得留意的是，大市暫衹屬報復式反彈而已，因在交投持續偏疏之下，由於動力不配，技術上暫難發展成一個中期新升浪，而經過4,657點之快速反彈後，大市可能需稍作消化及整固，期間10天線（約在23,508點左近）之支持便頗為關鍵。 目前各組平均移動線之排列由上而下為10天線（約在23,508點左近，20天線（約在22,929點左近），50天線（約在22,793點左近），100天線（約在21,944點左近）及250天線（約在20,068點左近），單從排列上看，該屬標準之升市模式，但由於大市在過去兩周，交投方面持續偏疏，故在動力不配之下，大市之升勢不但已漸受規限，且伺高回吐之沽壓亦漸作主動，故在反覆不明之下，恆指可能會先下試10天線之支持，從技術上看，10天線一旦有失，該表示大市之反覆會進一步明顯，投資者宜做好個人之風險管理。 筆者為證監會持牌人士。 |
|
| 植耀輝 |
2025-05-23T22:44 |
名創優品(09896)第一季經調整盈利跌4.8%，遜預期。 耀才證券研究部總監植耀輝表示，名創上季收入增速已見放慢，加上於海外開設更多直營店，導致經營成本大增，相信這個勢趨仍會持續，前景並不值得看好。 |
|
| 黃敏碩 |
2025-05-23T17:37 |
美團(03690)下周一(26日)派成績表，股價今日有得升，業績焦點會落係外賣業務，京東集團(09618)2月正式加入「外賣戰」，近期亦加大相關投資。大行對美團慨業績預測普遍正面，京東加入戰團對美團有幾大影響？ 王道資本及家族資產管理執行董事黃敏碩表示，睇返第1季，唔算係行業旺季，集團第3季業務部署方向都比較清晰，就係係強大競爭壓力下搵到出路，相信業務會進一步改善。 Michael又話，面對市佔率轉變慨壓力，美團無可避免要繼續投放資本，所以唔好對呢份業績睇得太樂觀，反而要留意管理層未來點樣推動新業務，令業務可以扭虧為盈，同埋點應對「內捲」問題及發展新業務，例如海外業務，呢些會比較重要，若新業務發展唔理想，有可能會拖低毛利率，因為人工及業務成本都增加，相信美團都睇緊業務有冇機會橫向發展，利用現有客戶關係帶動優勢。 |
|
| 關焯照 |
2025-05-23T16:15 |
1個月拆息今日(23日)一度跌至0.58厘，市場認為，拆息回落同資金預備認購大型新股寧德時代(03750)有關，寧德時代上市後，新股接連有好表現，係咪代表認購寧德時代慨資金有意接力抽其他新股？ 冠域商業及經濟研究中心主任關焯照指，美國政策帶來慨不確定性，令美元資產需求減弱，資金就會流入其他市場，包括亞洲區，香港只係其中一個受惠慨市場，所以資金流入同香港本身慨優勢冇關。 關博士又話，資金流入香港會推低拆息，有助市場資金流動性，以及帶動市場氣氛，但佢認為，流入香港慨資金未必全部都同抽新股有關。 |
|
| 梁偉源 |
2025-05-23T12:52 |
截至早上11時止，過去1小時內《彭博》用戶搜尋量最多港股，依次為巨子生物(02367)、新世界發展(00017)、比亞迪股份(01211)、小米集團(01810)、碧桂園(02007)。 內地醫美及護膚品股巨子生物股價，係5月下旬創新高，其中1個原因係「可復美」產品係淘天、京東集團(09618)「618購物節」預售表現理想，最新有消息指，平安好醫生(01833)同高和醫藥就「可復美」產品達成戰略合作，但股份今日(23日)逆市跌4%，下試50天線，短線應該睇咩位？ 大華繼顯執行董事梁偉源指，巨子生物本身冇乜負面消息，所以估計今日(23日)下跌唔關基本因素事，集團4月17日配股後，股價沿著10天及20天線一直上升，近期曾升穿87元，高配股價逾30%，股價今日向下可能係試50天線支持，如果公司冇負面消息，投資者唔使太擔心，因為集團產品銷售一直理想，今日下跌可能同技術性沽盤有關，導致成交大增，佢估計，巨子生物要守住50天線唔難。 |
|
| 聶振邦 |
2025-05-23T10:37 |
美國新一批20年期國債拍賣反應唔理想，加上市場憂慮陸續有國債到期，同埋經濟前景唔明朗等，觸發市場拋售美債。不過，美國眾議院昨晚(22日)通過減稅方案後，長債息又慢慢回落，到底減稅方案對美國債市有咩影響？會唔會令美債「爆煲」？ 博威環球證券金融首席分析師聶振邦認為，通過減稅法案對美國短期影響唔大，但長遠或會令美國未來10年慨債務增加約3.8萬億美元，加埋現有慨國債就增至約40萬億美元，造成龐大慨債務。 聶Sir又估計，美國頗大機會再做量化寬鬆(QE)「放水」，但可能再令環球通脹升溫。佢認為，美國經濟未必會即時出現大蕭條慨情況，但依家市場正有序拋售美債，反映美元資產吸引力持續下降，相信美國股匯債前景會轉差。 |
|
| 彭偉新 |
2025-05-23T10:16 |
獨立股評人彭偉新推介萬國數據(09698) 推介原因： -中國數據中心市場正經歷快速增長 -萬國數據在主要一線城市擁有領導地，人工智能(AI)推動基建需求，促進業務增長 -透過轉換資產為房地產信托基金(REITs)及內地房地產信托基金(C-REIT)，可改善財務槓桿。 |
|
| 植耀輝 |
2025-05-22T17:48 |
聯想集團(00992)今日(22日)出左業績，其中，第4季純利及毛利率都要跌，但收入有增長，集團都有為去年毛利率下跌解畫，主要受基礎設施方案業務毛利率較低拖累，但睇返過去4個財季，相關業務收入一直有增長，尤其係去年10月至12月慨第3財季開始，經營溢利成功扭虧，但仍處於燒錢期，幾時先會步入收成期？ 耀才證券研究部總監植耀輝相信，基礎設施方案業務仍要一段時間先可以步入收成期，人工智能(AI)及數據中心方面慨商機非常大，基本上可以話係「兵家必爭之地」，由於集團依家較則側重數據中心業務，所以加大呢方面慨投入或經營支出係好合理。 Stanley又指，如果拆返開份業績睇，下半年條數一定比上半年好，只係AI及數據中心方面有太多競爭對手，導致毛利率受壓情況比較明顯。 |
|
| 羅尚沛 |
2025-05-21T22:41 |
小鵬汽車(09868)第一季經調整虧損收窄至4.26億元人民幣，管理層有信心，今年第四季可望實現盈利。 銀河證券業務發展董事羅尚沛表示，雖然小鵬上季毛利率有改善，但面對行業內捲，能否進一步提高毛利率仍有待觀察，而即使管理層有信心今年內能止蝕，但仍有待時間驗證。 |
|
| 林嘉麒 |
2025-05-21T16:27 |
阿里影業(01060)計劃改名「大麥娛樂控股」，希望進一步提升全娛樂生態慨市場知名度，重塑品牌形象，希望未來發展更多元化慨業務。受消息刺激，阿里影業股價今日(21日)愈升愈有，一度勁升逾24%，高見0.76元。被阿里影業收購慨大麥對公司慨收入貢獻持續增加，改名後繼續側重大麥係咪合理？ 元宇證券基金投資總監林嘉麒認為，阿里影業慨票務及影視製作協同效應大，所以公司進行業務轉型係好合理，加上集團去年院線票房高，整體收入理想，都令投資者對公司有一定信心。 相對於同業貓眼娛樂(01896)，KK認為，阿里影業有自己慨影視製作及院線，同大麥crossover合作，甚至可以推出更多優惠，都會提升大麥慨潛在發展空間，帶黎更多協同效應，阿里影業未來發展都值得憧憬。 |
|
| 陳建良 |
2025-05-21T15:29 |
三生製藥(01530)昨日(20日)日公布，同輝瑞(Pfizer)簽獨家許可權，而輝瑞有機會入股三生製藥，刺激三生製藥股價急升。個別藥股有正面消息利好整個板塊投資氣氛，內地藥企有一定水平，又有成本優勢，連外資都睇中，內地醫藥業前景係咪可以繼續睇好？ 勝利證券首席顧問陳建良認為，內地人口老化問題令醫藥需求增加，而人工智能(AI)協助開發新藥，逐漸取代進口藥物，因此，內地醫藥股長遠前景值得睇好。佢又指，現時唔少國家都傾向購買較平慨內地藥物，令內地藥企拿到更多出口生意。 不過，KL認為，內地生物製藥股或創新藥股慨portfolio唔及外國公司，而內地藥企又要持續面對內捲問題，令投資者會較難預測藥股走勢。佢提醒，對藥股有興趣慨投資者宜打散黎買，佢相信未來整體藥股慨市值膨脹機會仍然好高。 |
|
| 彭偉新 |
2025-05-21T15:06 |
截至早上11時止，1小時內《彭博》用戶搜尋量最多港股，依次為紫金礦業(02899)、比亞迪股份(01211)、泡泡瑪特(POPMART)(09992)、新世界發展(00017)及美圖公司(01357)。 泡泡瑪特股價連日破頂，今日(21日)一度再升逾5%，高見220元，摩根大通最新首次給予泡泡250元目標，係咁多家大行之中睇得最牛，2026年預測市盈率(PE)32.6倍，係咪集團未來增長好勁？市場認為，泡泡瑪特旗下「吸金王」Labubu有機會成為「中國版Hello Kitty」，即係成為一個長賣長有慨長青產品，係咪值得憧憬？ 資深證券分析師彭偉新指，每當Labubu及Crybaby推出新款，海外市場都會瘋狂追捧，睇返每年盈利增長，泡泡瑪特係值得更大估值空間。佢估計，泡泡瑪特市盈率(PE)未來幾年將回落至30倍，由於市場願意畀高估值，相信股價短期仍會進一步上升。 Castor又話，Labubu會唔會成為長青產品，依家係言之尚早，但以往內地推出慨IP都未必可以長賣長有，又認為泡泡瑪特需要推廣更多IP，股價先可以長升長有。 |
|
| 盧志威 |
2025-05-21T11:44 |
Tesla行政總裁馬斯克(Elon Musk)係一個經濟論壇上承諾，未來5年會繼續做Tesla CEO，又話會大幅削減政治開支。佢又透露Tesla慨無人駕駛的士Robotaxi，計劃6月係得州奧斯汀推出。消息一出，刺激Tesla股價昨晚(20日)一度升近3.8%，馬斯克唔搞咁多政治，專注返Tesla生意，係咪有利業務發展？ 潤淼資產管理董事盧志威認為，馬斯克慨言論澄清左之前Tesla搵新CEO慨傳聞，而大削政治開支市場及股東都會受落。佢又話，Tesla係得州有工廠，馬斯克可以直接要求當地政府配合Robotaxi測試，可以避開繁複慨規管問題，所以Tesla股價昨晚造好係合理。William又話，Robotaxi有機會成為Tesla股價催化劑，進一步推升股價。 |
|
| 郭家耀 |
2025-05-21T10:15 |
港灣家族辦公室業務發展總監郭家耀推介健倍苗苗(02161) 推介原因： -核心品牌增長強勁 -公司發盈喜。 |
|
| 趙晞文 |
2025-05-20T22:39 |
嗶哩嗶哩(B站)(09626)第一季收入升23.6%，經調整盈利3.62億元人民幣，兩者均勝預期。 信達國際研究部主管趙晞文表示，Ｂ站上季業績繼續靠遊戲業務推動，不過由於《三國：謀定天下》去年六月推出，意味今年第三、第四季的比較基數偏高，除非廣告收入能保持高增長，否則下半年整體收入增速或明顯放慢。 |
|
| 李偉傑 |
2025-05-20T17:43 |
恆生指數今日(20日)反彈，終止3連跌，加上寧德時代(03750)上市表現勝預期，提振市場氣氛。不過大市氣氛良好下，被視為防守型慨高息股繼續試高位，原因係咩？ 天風國際證券經紀業務部董事李偉傑指，由於美國繼續延遲減息時間，最快都要6月，更有聯儲局官員指有機會延遲到9月先減息。 至於內地方面，Jason指內地今日減低存款息率，令市場投資意欲上升，將資金流入不同資產以透取高息。此外，本港銀行同業拆息(HIBOR)持續向下，令高息產品更受歡迎。 Jason又話，由於北水對港股有較強影響力，而北水係內銀股及中資電訊股等持貨比例較重，所以北水有能力推動高息股。 |
|
| 趙晞文 |
2025-05-20T16:12 |
攜程集團(09961)出完業績後，股價今日(20日)一度挫4%，低見495.8元。集團首季收入按年增長16%，但由於成本、營運開支按年增長約20%，導致盈利輕跌，呢份業績收唔收貨？有冇挑剔位？ 信達國際研究部董事趙晞文指，攜程收入增長符預期，經調整撇除利息、稅項、折舊及攤銷前盈利(EBITDA)亦好過預期，不過，由於營運成本增加，令市場擔心業績放緩。 晞文又話，攜程國際Online Travel Agency(OTA)平台維持強勁增長，首季預訂量按年增長逾60%，不過，隨著國際旅客出遊需求增加，如果攜程想將OTA擴展到其他地區，就需要作出更多前期投入，例如營銷推廣開支，以提升市場份額。 |
|
| 譚智樂 |
2025-05-20T14:34 |
截至早上11時止，1小時內《彭博》用戶搜尋量最多港股，依次為三生製藥(01530)、小米集團(01810)、石藥集團(01093)、新世界發展(00017)及比亞迪股份(01211)。 三生製藥股價今日(20日)一度爆升逾51%，高見22元，因為公司同輝瑞(Pfizer)達成授權「雙抗藥」協議，涉資高達470億元，輝瑞亦可能認購三生製藥股份，令股價今日表現亢奮，後市係咪可以繼續上？ 富途證券首席分析師譚智樂認為，三生製藥股價短線有可能係今日即市高位22元見頂，值得留意係，今年以來，市場都對創新藥相關消息表現興奮，原因係業務對經濟敏感度唔高，加上之前市場一宜睇得太悲觀，導致估值出現拉升情況。 Arnold又話，雖然三生製藥升左咁多，但市盈率(PE)僅約20倍，未來有可能同更多國際企業達成協議，佢建議，有貨慨投資者可以作中長線持有，雖然短炒有見頂風險，但整個2025年黎講，創新藥、標靶藥，甚至係石藥集團(01093)都係值得留意慨板塊及股份。 |
|
| 黃偉豪 |
2025-05-20T13:24 |
巨無霸新股寧德時代(03750)今日(20日)登場，開市報296元，較定價263元，高逾12%，其後更衝破300元關口。「寧王」今日股輪齊發，有21隻CALL輪應市，價外幅度及年期各有選擇，應該點部署？ 胤源世創家族辦公室(香港)第一副總裁黃偉豪指，如果做短線部署，可以揀較快到期，行使價唔太遠，建議投資者選擇約11月到期，行使價約300元慨CALL。 若做長線部署，由於寧德時代今日首掛，有機會出現縮窩慨情況，建議投資者等市場冷靜後，再選擇較長身及較價外慨CALL。 |
|
| 梁偉民 |
2025-05-20T11:03 |
評級機構穆迪降美國評級後，美國股債先跌後升，但市場睇法仍存在好大分歧，點睇債市近日反應？係咪同美國總統特朗普(Donald Trump)指，會盡快促成俄烏停火協議，令地緣政治風險得以紓緩有關？ 高富金融集團投資總監梁偉民指，地緣政治對債息有一定影響，但影響債息最重要因素一定係關稅，不論過去幾個月，還是未來幾個月，市場最關注係關稅對美國通脹慨影響，因為有可能影響聯儲局減息步伐。 Wyman又話，另一個因素就係美國債務問題，美國財赤年年都好嚴重，國會亦討論緊減稅方案，佢估計，未來一段時間美國財赤問題會進一步惡化，令整體債務飆升，繼而影響投資者信心，昨日(19日)30年期債息一度升穿5厘，反映愈長年期慨債息，會令市場愈擔心，就會要求更高慨期限溢價(term premium)，即係要更高回報投資者先會買入，呢個同市場愈黎愈憂慮美國債務有關。 |
|
| 郭思治 |
2025-05-20T10:47 |
大市已接近5月中旬之尾聲，而直到執筆一刻止計，形態上暫仍屬先低而後高，恆指暫是由2日之低位22,058點升至15日之高位23,710點，即月內之波幅暫為1,652點，以本月高低位之距離為10個交易日計，或已可符合最低之慣性要求，但以1,652點之波幅計，則相對仍稍偏細，故衹要先低後高之形態不變，在本月餘下之交易日，大市可能仍會候機再進一步往上尋月內之新高，說到此點，不妨參考4月份之市勢，4月恆指是由1日之高位23,456點跌至9日之低位,點，即月內之波幅是大跌4,196點，急跌之原因是受特朗普提出之對等關稅所衝擊，惟目前事件已見暫時解決，故5月份大市如能反彈4月跌幅4196點之一半，即5月大市可憧憬回升2,098點，以月內低位暫仍為2日之22,058點計，大市或可候機上試24,156點，當然，上述之憧憬衹是從技術上之推算，最後仍需視乎大市之動力能否配合。 談到動力方面，過去一周大市之交投確持續偏疏，上周一(12日)大市之交投尚算暢旺，成交金額有達3,224億元，但到上周二(13日)之成交金額已減至2,198億元，到上周三(14日)為2,228億元，而上周四(15日)亦衹得2,002億元，最後到上周五(16日)亦僅為1,907億元，單從上述資料看，大市之交投確相對較為偏疏，故在動力不配之下，即使大市能稍作推升，惟升勢亦會漸受規限。 再看移動線方面之表現，由於恆指自4月9日低位19,260點開始之反彈，至5月15日高位23710點止計，累積之升幅已有達4,450點，論升幅確頗明顯，故各組平均移動線亦隨勢而升，目前10天線（約在23,060點左近）已升越50天線（約在22,796點左近），即已亮一個黃金交叉，估計到本周三(21日)，20天線（約在22,407點左近）亦會升越50天線，再亮另一個黃金交叉，單從走勢上看，該有利短期後市再作進一步之推升，惟最終仍需視乎大市之交投能否再見暢旺，動力方面能否配合。 |
|
| 黃敏碩 |
2025-05-20T10:32 |
王道資本及家族資產管理執行董事黃敏碩推介龍源電力(00916) 推介原因： -去年業績符預期。 |
|
| 李浩然 |
2025-05-20T10:18 |
當俄羅斯坦克駛入烏克蘭，西方的經濟分析師急忙用GDP數據安慰自己：「俄羅斯經濟體量僅相當於西班牙加葡萄牙。」然而，數年後的殘酷現實是，這個「小型經濟體」的軍火生產量超過了北約國家的總和。在戰爭中，無人會被那些漂亮的PowerPoint或PDF砸死。這句話聽來冷冽，卻是對21世紀「虛擬實力」最銳利的批判。 1939年，美國陸軍擁有325輛坦克。二戰結束時，這個數字達到了86,000輛，增長了驚人的250倍。在美國總統羅斯福（Franklin Roosevelt）宣布年產50,000架飛機的目標時，希特勒嗤之以鼻：「美國不過是選美皇後、百萬富翁和好萊塢的國家。」然而，戰爭結束時，如果將美國生產的「飛行堡壘」轟炸機首尾相連，其長度足以從華盛頓特區延伸至紐約。 對比當下：俄羅斯2023年生產的炮彈數量超過1,200萬枚，而美國僅為30萬枚。烏克蘭需要的炮彈數量，竟使美國軍方發言人不得不承認：「我們的機床工具行業已被摧毀。」蘋果舵手庫克（Tim Cook）曾一語道破：「在美國，想開一場模具工程師會議都湊不齊人；在中國，可以塞滿幾個足球場。」這不是誇張，而是美國製造業生態系統的消亡。1940年，美國擁有約200家機床製造商。然而今日美國，這一行業已幾近滅絕。從2000年到2020年，美國流失了近400萬製造業工作崗位，機床產量下降了66%。 製造業生態系統不僅包括大型企業，還包括成千上萬的供應商、熟練工人、工具制造商和工程師。通用汽車在二戰時負責了10%的戰爭生產，但實際工作是由近20,000家承包商完成的——從僅有三名員工的車庫作坊到Timken 這種跨城巨頭。 福特汽車（Ford）的大規模製造系統顛覆了傳統思維：越是缺乏技能的工人，反而越適合生產線。大規模製造的核心是將產品分解為可互換的零部件，然後在連續生產線上組裝。這種系統使得包裝公司能生產出與勞斯萊斯同等質量的發動機；通用汽車甚至將卡車拆解運輸，在突尼斯和波斯灣北端設立組裝廠，培訓伊朗工人30分鐘組裝一輛卡車；使得一個商業船運公司能在不到兩年內製造28艘潛艇。 二戰結束後的七十多年間，美國主流政策制定者選擇性地忘記了這段歷史。金融化經濟、全球化供應鏈和「知識經濟」的崛起使製造業淪為過時概念。然而俄烏戰爭和持續的中美緊張局勢正在重寫規則。 2022年，美國通過了《晶片與科學法案》和《通脹削減法案》，投入數千億美元試圖重建製造能力。但這些舉措能否彌補數十年的產業空心化？能否在沒有完整供應鏈的情況下，實現真正的產業復興？ 中國每年培養的工程師人數是美國的八倍。美國各大學的製造工程專業逐年萎縮，而上海交通大學單一年級的機械工程專業學生人數就超過了麻省理工學院的總和。 西方國家在過去四十年里，用金融工程和服務業GDP增長安慰自己，卻忽視了製造業在國家安全中的基礎性作用。如果一個國家的製造能力已然消失，那麼在危機時刻，它的選擇只有乞求盟友援助或者向敵人投降。 這不是玩笑，而是對當代地緣政治格局最尖銳的警告。從俄烏前線到台海局勢，製造業正在默默重新定義21世紀的力量平衡。而那些自詡為「後工業社會」的國家，正面臨著嚴峻的歷史考驗。 |
|
| 阮子曦 |
2025-05-19T22:40 |
零跑汽車(09863)第一季虧損收窄，毛利率亦創新高，優於市場預期。 華富建業證券投資策略聯席總監阮子曦表示，零跑上季業績表現不俗，不過由於股價今年已累升逾90%，市場期望也很高，而公司去年第四季首次錄得盈利，今年第一季卻虧損，不排除股價會出現調整，但中長期前景仍值得看高一線。 |
|
| 聶振邦 |
2025-05-19T17:09 |
小米集團(01810)將會係周四(22日)晚上舉行戰略新品發布會，推出手機SoC晶片玄戒O1、新款手機15S Pro等，其中，「玄戒O1」採用自家製3納米製程，係咪為市場帶黎驚喜？ 博威環球證券金融首席分析師聶振邦，「玄戒O1」的確令人有驚喜，對產業黎講亦係1個利好因素，相信內地陸續有公司製造新晶片，提振科技發展，但值得留意係，雖然有技術，但最終可唔可以量產，繼而提升集團收入，仍然係一個未知數。 聶Sir又話，小米已有穩健慨盈利基礎，未來仍有空間投入更多資源，提升商品議價能力，擴大手機市場佔有率，進一步拋離其他對手。 |
|
| 梁傑文 |
2025-05-19T15:54 |
中國證監會公布放寬上市公司重大資產重組，其中，中國旭陽集團(01907)出售滄州旭陽化工近80.5%股權，換取濱海能源對價股份，置換後濱海能源A股今日(19日)大升，但中國旭陽就要跌，點解會出現呢個情況？ 《香港股票財技密碼》作者梁傑文指，中國旭陽唔使額外拿錢出黎做重組，因為公司係賣家之一，出售化工業務拿返濱海股份，而濱海A股市值唔大，相信重組後中國旭陽會獲得濱海大部分股權。 Mike又話，依家滄洲化工處於收成期，有穩定收入，濱海仲停留係研發期，產品亦未開始量產，依家兩邊重組互換，實際上將好資產注入濱海，所以股價今日大升，至於中國旭陽股價跌，相信同重組有關。 |
|
| 梁偉源 |
2025-05-19T14:38 |
截至早上11時止，1小時內《彭博》搜尋量最多港股，依次為新世界發展(00017)、小米集團(01810)、美團(03690)、比亞迪股份(01211)、新鴻基地產(00016)。 新世界一直受債務問題困擾，同系周大福創建(00659)更臨時取消發行8億元熊貓債，截至去年底止，公司負債比率39%，負債總額346億元，財務狀況都幾緊張，點睇公司前景？ 大華繼顯執行董事梁偉源指，依家集團最迫切係處理永續債問題，資金都會優先撥去贖債，而投資者對集團及系內公司發行慨債券普遍興趣唔大，加上財務狀況持續緊張，又擱置發熊貓債，估計未來融資都比較困難。 Steven又話，不論新世界或周大福創建，依家都好難吸引投資者再買入佢地新發行慨債券，而集團短期慨新安排仍然係未知之數，可能要用更優質資產做抵押，先有機會集到資。 |
|
| 潘國光 |
2025-05-19T11:24 |
國家統計局今早(19日)出左多項重磅經濟數據，其中，4月工業增加值按年升6.1%，好過市場預期，不過，社會消費品及固定資產投資就按年增長5.1%和4%，差過預期，今次慨數據有咩啟示？點評估未來經濟增長情況？ 富邦銀行(香港)投資策略及研究部主管潘國光指，環球股市4月初受美股大跌拖累，整體投資市場偏弱，負面投資情緒高漲，影響投資者信心，不過，5月開始見到外貿逐步回升，航運業有改善，估計內地第2季經濟增長有機會維持5%。 佢又話，現階段唔太擔心內地經濟，因為政府一直推出唔同措施撐經濟，亦好清楚關稅戰係一場持久戰，依家有90日「休戰期」，反映中美都希望關稅戰進一步降溫，佢預期，全球經濟係第3、第4季都會放緩，但唔需要太擔心。 |
|
| 趙晞文 |
2025-05-16T22:38 |
IGG(00799)連日回購，但對股價幫助不大，信達國際研究部主管趙晞文指，股價表現反映公司基本面疲弱。他指，雖然IGG旗下主要遊戲，未來幾季會推出升級改版，但市場對對玩家反應，流水以至收入表現，未有太大期望。未來要留意遊戲公測，如果反應理想，始有望改善股價弱勢。 |
|
| 黃敏碩 |
2025-05-16T17:43 |
內地餐飲股綠茶集團(06831)今日(16日)首掛，開市報7.19元，跟招股價持平，其後走勢轉差，最終以全日低位收市，報6.29元，「潛水」逾12%。綠茶集團公開招股超額認購逾310倍，市場反應都熱烈，點解首掛表現唔係咁理想？ 王道資本及家族資產管理執行董事黃敏碩指，綠茶集團慨餐價合理，但人工支出控制、「內捲」文化、內地通縮等問題仍未解決，加上市場對綠茶集團慨睇法及定位，跟茶飲股截然不同，反而會同百勝中國(09987)及海底撈(06862)等傳統餐飲股作比較。 Michael又話，內地餐飲業競爭激烈，既要成本控制，又要減價吸引客人，所以綠茶集團要提升毛利率係非常困難，亦好難獲得高估值。 |
|
| 盧楚仁 |
2025-05-16T17:26 |
中美貿易談判本周初出現重大突破，互相大幅下調對方慨關稅，為市場帶黎驚喜。美國總統特朗普(Donald Trump)預期，有機會係周末同國家主席習近平通電話，但至今官方仍未確認兩人係咪會通話，人仔後市能否突破7.18？ 獨立外匯商品分析師盧楚仁認為，人仔未必可以突破7.18，即使互減關稅，經濟始終會受影響，唔同層面有唔同程度慨負面效應，係經濟欠佳下，人民銀行繼續減息降準會係大方向。佢又話，中央及人行係咪想人仔升值，呢個問題都要思考下。 Jasper補充，係貿易戰下，其實人仔貶值或更有利，如果關稅加、人仔又升值，內地出口貨品會變得更貴，完全不利出口，佢認為，人仔升值空間唔會太大。 |
|
| 陳建良 |
2025-05-16T16:46 |
阿里巴巴(09988)上季收入按年增長逾6%，經調整EBITDA就按年增長逾35%，其中，淘天客戶管理收入(CMR)按年增長12%至710億人仔，好過預期，阿里股價今日(16日)顯著受壓，一度重挫6.6%，險守120元，到底業績出左咩問題？ 勝利證券首席顧問陳建良指，阿里第4季業績收貨，其中，電商業務表現唔錯，但電商盈利增速反映內地經濟及消費趨勢仍需時解決，亦要面對競爭對手京東集團(09618)、美團(03690)及拼多多慨補貼搶客，加上市場對人工智能(AI)投入及業績期望過高，又擔心電商業務可能會受美國小額包裹關稅影響，呢些都反映係股價上。 KL認為，阿里AI業務未來會受惠於阿里雲增長，但由於阿里雲佔比較細，僅約10%，依家佔比最大仍然係電商，因此，阿里需時修復估值。 |
|
| 梁偉源 |
2025-05-16T13:05 |
截至早上11時止，1小時內《彭博》搜尋量最多港股，依次為新世界發展(00017)、騰訊控股(00700)、比亞迪股份(01211)、ESR(01821)及小米集團(01810)。 比亞迪股價繼續創新高，今日(16日)一度再升近3%，高見432.8元。市傳比亞迪斥資22億元係匈牙利設立歐洲總部，之前市場憧憬中歐汽車市場有合作，車股已炒過一浸，依家龍頭比亞迪有實際行動，係咪可以再炒多轉？ 大華繼顯執行董事梁偉源指，比亞迪旗下電動車係內地銷售佔比大，但內地正面對電動車飽和問題，開拓其他市場就變得非常關鍵，若比亞迪順利係匈牙利設廠，歐洲市場將會係比亞迪未來增長重點，較主攻內地市場慨車企有利。Steven又話，比亞迪股價連升幾日，估計短期會有回套壓力。 |
|
| 聶振邦 |
2025-05-16T11:43 |
內地中式餐廳營運商綠茶集團(06831)暗盤昨日(15日)「潛水」逾7%，收報6.64元，股份今日(16日)首掛，開市報7.19元，跟招股價持平，其後一度低見6.69元，低招股價近7%，之後仍未能上返水面，綠茶集團公開招股超額認購逾310倍，一手中籤率40%，反應都理想，但首掛表現似乎差過預期。 博威環球證券金融首席分析師聶振邦指，綠茶集團定位為餐飲股，有別於之前集體炒上慨茶飲股，依家已經有好多內地餐飲股係港股掛牌，表現及吸引力難免打左折扣。 聶Sir又話，綠茶集團市盈率(PE)高過百勝中國(09987)及海底撈(06862)，估計短期走勢會較波動，但估計未來1至2周股價好大機會向上，有望逐步上到8元樓上。 |
|
| 林嘉麒 |
2025-05-16T10:52 |
阿里巴巴(09988)上季收入2364億元人民幣，按年增長7%，差過市場預期。元宇證券基金投資總監林嘉麒指，雖然公司在業績報告中，大力唱好人工智能(AI)前景。 |
|
| 羅明立 |
2025-05-15T17:44 |
澳洲政府今早(15日)公布4月就業數據，遠勝預期，澳元升幅應聲擴大，短期可唔可繼續造好？ 亨達集團助理總經理羅明立認為，澳洲消費信心指數上升，加上市傳美國跟多國係貿易方面傾掂數，都會利好澳元，亦會逐步令市場氣氛好轉，但估計貨幣政策唔會有咩變動，澳洲儲備銀行減息仍要視乎關稅進展，同埋中美之後慨貿易談判。 Patrick又話，澳元依家係0.65有阻力，支持位睇0.635，建議投資者可以低買高沽，同埋要留意關稅談判進展慨影響。 |
|
| 植耀輝 |
2025-05-15T17:24 |
敏華控股(01999)今日(15日)中午派左成績表，全年少賺逾10%，派末期息12仙，按年減少近10%，股價午後倒插，一度挫4.4%，低見4.27元，呢份業績市場收唔收貨？股價未來會點行？ 耀才證券研究部總監植耀輝指，其實本身都唔會對敏華業績有太大期望，公司主要賣家具用品，要面對慨最大問題就係內地房地產市場，公司為左慳成本推出過唔少政策，但產品收益仍繼續跌，令業績表現唔一致。 Stanley又話，雖然呢份業績比預期好，但唔足以令人對公司整體表現改觀，始終集團現金流面對一定變數及挑戰，又削減派息，但息率仍有一定吸引力，股東亦會繼續增持，建議冇貨慨投資者繼續觀察，諗清楚再入市。 |
|
| 陳偉明 |
2025-05-15T12:39 |
《紐約郵報》上周引述消息人士透露，特朗普政府考慮把中國關稅由145%大幅降至50%，而中國外交部上周三(7日)宣布，國務院副總理何立峰將與美國財政部長貝森特和美國貿易代表格里爾在瑞士展開貿易談判。 市場預期人民銀行「降準減息救市十招」無法完全抵消關稅衝擊，加上預料中美貿易談判不會取得重大突破，中港股市上周三(7日)在中國貿易戰有機緩和及人行罕有地同時減息及降準這兩大利好消息下反高潮地裂口高開後回落，筆者當時亦估計恆指在完全回補因中國強硬反制「對等關稅」出現的巨型下跌裂口後，在23,000點水平或已消化絕大部分的利好消息，並且尋求造淡機會。 然而，市場走勢往往超出預期，聯儲局主席鮑威爾表明不急於減息，美匯轉強不但沒有進一步拖低港股回落，相反恆指上周四(8日)於22,589已見底回升，在傳出美國將與英國達成貿易協議後，市場 憧憬全球貿易戰緩和，港股曾升至逼近23,000點。 中美兩國高級官員周末舉行會談前夕，市場觀望氣氛濃厚，港股成交金額回落至只有1616億，恆指大約在22,800點附近窄幅上落，當晚特朗普又突然發癲在社交網站發文表示對中國徵收80%關稅看來正確(不是較早前傳出的50%版本)，拖累美股回落。 中美兩國高級官員經過兩日在瑞士會談，雖然中美雙方未發表正式聲明，但美國總統 特朗普形容雙方「全面重啟」關係，美國財政部長貝桑則表示會談取得了「實質性進展」，港股本周一(12日)偷步裂口高開逾300點，隨後曾經因為內地通縮壓力持續及市場普遍認為中美談判難有重大成果下回落跌穿23,000關，然而當天下午3時，突然中美發表聯合聲明「暫緩」執行對等關稅90日及互削巨額關稅至10%，恆指尾市隨即飆升至高見23,685點，港股成交金額亦大增至3,224億。 中美貿易談判成果遠超市場預期，港股本周二(13日)卻8連升後回吐，並且跑輸亞洲其他股市，恆指「大陰燭」跌至23,108點收市。估計多隻大科技股公布業績前，投資者趁好消息出貨，預留資金抽大型新股寧德時代(03750)是港股獲利回吐的原因。 市場普遍認為中美關稅由「暫緩」改為「永久」削減仍有一段長時間，相反目前階段內地推出加碼刺激政策的迫切性反而減低。特朗普早前把中國關稅提升至145%，中國不跪，兩國貿易近乎癱瘓，美國超市缺貨，物價隨時飆升令通脹加劇，估計特朗普須要時間重整關稅對策，是這次「暫緩」對等關稅90日的主因。 美國總統特朗普表示周末或與國家主席習近平通電話，更不排除與國家主席習近平談關稅細節，加上中方暫停17家美企不可靠實體清單措施及對28家美企出口管制，而美國亦把來自中國的小額包裏關稅下調至最低30%。京東(09618)及騰訊(00700)業績勝預期，加上在中美和好憧憬下，恆指本周三(14日)勁彈532點後，到本周四(15日)早上最高升至23,710點。 技術上，恆指已升穿上周三(5月7日)高位人行推十招托經濟高位23,197點，根據筆者上周提醒已把淡倉止蝕，並反手高追造好。 暫時看來恆指「陰燭」收市跌穿上日低位前，短期仍有上升動力，可考慮在恆指23,400點水平續追5月價外600點恆指期權Long Call ，博港股短期升至24,000點。 |
|