| Commentator |
Time |
Content |
Tag |
| 趙晞文 |
2025-07-25T22:48 |
微創醫療(00853)單一大股東大塚控股擬減持逾2.9億股，佔股本15.71%，接貨的包括上實資本、盡善盡美科學基金會、管理層持股平台。 信達國際研究部董事趙晞文表示，大塚控股已持股多年，沽出大部分持股或因本身業務有資金需求，而上實資本成為微創醫療戰略股東後，市場或憧憬對公司業務有正面幫助。 |
|
| 熊俊傑 |
2025-07-25T17:50 |
國際金價今個星期一度衝上5周高位，現時係每盎司3400美元水平有較大阻力，美國經濟數據堅韌，市場估計，美國聯儲局下周議息後將按兵不動，金價下周會唔會出現回套？ 獨立商品外匯分析師熊俊傑指，金價依家處於較高水平，所以唔會特別睇好，3400美元水平已係日線圖形成「4頂」形態，反映市場視呢個阻力為一個心理關卡，以技術形態黎睇，能向上突破呢個位慨機會唔大。 Ken又補充，美國已陸續同各國就對等關稅(Reciprocal Tariff)達成協議，估計下一個會係歐盟，如果呢些較大慨經濟體都可以傾掂數，相信市場慨風險情緒會降溫，屆時對黃金慨需求將會減少，事實上，各國央行買入黃金慨消息愈來愈少，呢些因素都不利金價向上突破，Ken估計，金價會先下試3200美元，下一站就會係3150美元。 |
|
| 姚浩然 |
2025-07-25T16:21 |
農夫山泉(09633)股價今日(25日)逆市升，上周至今已累升17%，市監局發布《價格法》慨修正草案兼徵求意見，內地「反內捲」政策對改善茶飲股競爭有幾大作用？ 亨達財富管理董事總經理姚浩然指，《價格法》至少可以減少惡意減價，因為以往市場最怕企業為左搶市佔率，旗下產品不斷同對手鬥減價，依家開始留意到價格唔牽涉「內捲」，就會令售價穩定返，亦可以keep到毛利率，有助盈利回穩。 Patrick續指，農夫山泉估值唔算平，預測市盈率(PE)約30倍，市場預期，集團上半年收入及利潤按年增長約20%，但呢個增幅就唔算好吸引，市場唯一可以炒係習慣及必須性，否則，呢些飲品股慨股價未必有好大上升空間。 |
|
| 陳建良 |
2025-07-25T15:27 |
「反內捲」已成為國策，中央昨日(24日)再出手，發改委及市監局就修訂《價格法》公開徵求意見，明確不正當價格行為，花旗認為，修訂草案利好太陽能行業，因為內地大部分太陽能光伏產品都係以蝕本價出售，究竟內地點解決「內捲」問題？ 勝利證券首席顧問陳建良指，因為未來慨人工智能(AI)及高質素生產力，都需要大量低成本電力供應，所以每個國家都用緊自己慨方法搶佔緊能源市場，美國係狂開採石油，而內地就靠太陽能。 KL續指，太陽能行業已經鬥到爛曬，係過去幾年都冇見過人LONG，鬥得太爛時就要蝕住賣，即中國要貼錢畀外國增加能源供應，佢相信，中國會出手禁止呢個情況出現，反而會crack down太陽能產能，然後發展垃圾發電、核能發電、水力發電。 佢認為，內地今次會花更多精力係能源基建上，因為呢些行業係「反內捲」及大部分資金嚴重不足下，相對容易有曙光。 |
|
| 梁偉源 |
2025-07-25T12:50 |
截至早上11時止，過去1小時內《彭博》用戶搜尋量最多港股，依次為美圖公司(01357)、藥明生物(02269)、碧桂園(02007)、維立志博(09887)、快手(01024)。 美圖股價今早(25日)低開近1%後，跌幅一度擴大至逾10%，低見10元，大股東蔡文勝於周一(21日)減持400萬股，年初至今累計減持11次，之前一直減持都仲行緊升浪，點解釋今次會跌？依家係咪買入慨好時機？ 大華繼顯執行董事梁偉源指，大股東今次減持股數唔多，之前公司發盈喜後，股價曾升至11.5元水平，睇返公司基本因素，盈利都有改善，可能因為今日大市轉弱，加上傳出大股東減持消息，睇返今日跌幅，相信係短線獲利回套。 Steven又話，美圖業務配合到市場人工智能(AI)發展，跟得非常貼市，公司亦有一定技術水平，所以吸引到更多用戶，係盈利繼續改善下，今次股價調整至10元水平，都係一個可以考慮買入慨時機。 |
|
| 聶振邦 |
2025-07-25T11:11 |
美國總統特朗普(Donald Trump)昨晚(24日)踩上聯儲局(Fed)華盛頓總部，係近20年首次有總統咁做，一如預期，佢繼續向主席鮑威爾(Jerome Powell)施壓，不過，美國昨晚出爐慨經濟數據繼續顯示，美國經濟仍有韌性，其中，7月企業活動增速係今年以黎最快，而上周新領失業救濟人數係4月中以來最少，點預測聯儲局下周慨議息結果？ 博威環球證券金融首席分析師聶振邦指，依家經濟數據向好，睇返現時慨利率水平，今個月仍冇需要減息，但9月機會就明顯較大，但減息機會相比兩周前係細左，反映市場仍持觀望態度，因為對等關稅(Reciprocal Tariff)慨安排似乎有機會再推遲，所以Fed評估唔到關稅政策對美國經濟及物價慨實際影響。 聶Sir又話，陸續有國家同美國達成貿易協議，基本上最新稅率都低過4月公布慨水平，相信等整體協議落實後，Fed再去規劃議息路徑會較明確，所以下星期慨議息結果應該唔會有太大驚喜。 |
|
| 盧志明 |
2025-07-25T10:06 |
大唐資本投資策略部總監盧志明推介聯想集團(00992) 推介原因： -上季聯想個人電腦(PC)出貨量按年升15.2%，市佔率第一 -文遠知行推出與聯想車計算共同研發、首發搭載英偉達新一代DRIVE Thor X芯片 -美國恢復H20等供應。 |
|
| 林嘉麒 |
2025-07-24T22:44 |
彩星玩具(00869)再次獲美國對沖基金Pelham Investment增持，持股升至6%。 元宇證券基金投資總監林嘉麒表示，對沖基金增持市值僅6億多元的彩星玩具，可能憧憬公司日後或出售生產忍者龜玩具的權利，又或未來或逼使手頭現金充裕的彩星，派發特別股息，但上述猜測未必會於短時間內發生。 |
|
| 羅明立 |
2025-07-24T17:55 |
美國同日本達成貿易協議後，談判焦點轉至其他大國，市傳美歐好快就會達成協議，美國商務部部長盧特尼克(Howard Lutnick)指，美日貿易協議對歐盟有參考作用，歐盟關稅稅會唔會同日本一樣都係15%？歐元後市會點走？ 亨達集團助理總經理羅明立指，美日傾掂數後，美國或會向歐盟施加更大壓力，歐元兌美元近期跌至1.15水平後，已慢慢爬返上黎，暫時仍可守住50天線，整體走勢唔算差。 Patrick又補充，歐洲經濟唔算特別突出，但近期聯儲局內部就貨幣政策慨分歧大左，又有唔同聲音要求減息，再加上解僱主席鮑威爾(Jerome Powell)慨風波，令市場多左炒作空間，歐元有機會上試1.182至1.183水平，如果突破到，下半年有機會見1.21至1.23水平。 |
|
| 植耀輝 |
2025-07-24T17:29 |
商湯(00020)向無極資本配售逾16.66億股新B類股份，配股價1.5元，較昨日(23日)收市價折讓約6%，集資淨額約24.98億元，將用於支持公司生成式人工智能(Generative AI)研發等。值得留意係，集團去年兩次配股都有多名承配人，今次只得無極資本，點睇呢單deal？商湯去年配股後，股價走勢差，今次情況會唔會一樣？ 耀才證券研究部總監植耀輝指，無極資本近期動作都係同內地及AI發展有關，市場上冇太多關於呢間公司慨紀錄，如果商湯係呢個範疇慨表現明顯改善，先可以為市場打一支強心針。 股價方面，Stanley提醒，短線要小心，過去商湯股價較波動，加上每次公司有消息傳出，北水就會關注，係北水參與下，股價有郁動並唔出奇，佢又話，前高位1.9元水平可視為短線目標，但佢提醒，公司仍處於一個「燒錢」比較多慨階段，所以都要小心。 |
|
| 陳偉明 |
2025-07-24T15:09 |
美國對全球各國徵收「對等關稅」，加上美國總統特朗普多次抱怨聯儲局主席鮑威爾太遲減息，甚至曾經揚言要鮑威爾辭職。市場憂慮環球關稅風險升級推高通脹，加上聯儲局的獨立性備受挑戰，美國債息回落，美匯下挫，不少評論指美股有回吐壓力，諷刺的是美國三大指數卻在眾人看淡之聲中，持續破頂。 另一方面，內地面對通縮、內捲及房地產危機，加上環球關稅風險再度升級及缺乏利好消息，早前不少分析指中港股市上升空間有限，但是在中美外長會面、內地似擺脫通縮、中央反內捲、Nvidia重新獲准對華出口「H20」晶片、內地上半年GDP優於預期、中美元首傳出可能今年內會面、中美貿易戰緩和、北水持續流入、美元弱、人仔強等利好因素刺激下，中港股市表現不但比美股理想，甚至跑贏全球主要股市，恆指今個星期持續創出今年新高，最新已升至25,700點之上。 美國堅持對各國徵收高額關稅，導致通脹風險上升，加上美國經濟數據保持強勁，7月減息可能性大幅回落，美匯自7月初以來於96水平觸底反彈，並於上周三(16日)及上周四(17日)向上撲99關，相反港元持續弱勢，港匯再次觸發7.85「弱方兌換保證」，港股上周本來在24,800點水平受阻，並於上周四(17日)跌穿24,500點。 美國通脹數據增長低於預期，加上6月零售銷售遠超市場預期，緩解市場對美國經濟憂慮，再配合不少美企業績理想，美股上周四晚(17日)向好，帶動港股於上周五(18日)顯著高開，但恆指早上仍然受制於24,800關阻力回落至，中午過後似乎有聰明資金於24,600點水平趁低吸納，港股開始出現V型反彈，事後得知原來中國市監局約談阿里巴巴(09988)旗下餓了麼、美團(03690)及京東(09618)等3間外賣平台，要求相關平台企業嚴格遵守多項法律法規，加上內地逾10省市的餐飲行業協會先後呼籲外賣平台停止「內卷」競爭，在憧憬外賣平台暫時「停戰」下，港股於本周升勢持續。 美國總統特朗普政府與聯儲局的矛盾不斷，財長貝森特批評聯儲局裝修超支，聲稱要調查整個聯儲局，令市場憂慮特朗普政府出花招向聯儲局施壓減息，美匯於本周一(21日)開始回復跌勢。本來美匯轉弱、人仔轉強，再配合中國政府反內捲，已經有利中港股市向上，加上多個利好消息相繼出現，包括內地大型水電工程開工、京東收購「平價超市」佳寶、美國與歐盟有望達成貿易協議、中美財金官員將於下周在瑞典再度會唔及中美元首傳出可能於10月底或11月初會面，恆指連升5日，於本周四(24日)升至高見25,735點。 事實上，筆者上周亦未能估到中港股市本周的升勢會如此強勁。相信英偉達(美：NVDA)獲美國批准向中國銷售H20芯片令中美關係緩和、中國政府反內捲及美匯轉弱、人仔轉強，這三大因素是重要的催化劑令港股出現價值重估，向上爆上。 技術上，恆指本周初，同時向上突破短期阻力上周三(16日)頂位24,867點，及長期阻力今年3月19日頂位24,874點後，氣勢如虹，不但連續5日未曾跌穿上日低位，而且從未出現即日「陰燭」回落，反映市場追貨取態明顯。雖然港股短期升幅已巨，但升市莫估頂，切忌造談，好倉可以繼續持有，高追則要審慎。 投資者可以留意恆指支持區域大約24,600點至25,000點撈貨，投機者可以嘗試在恆指跌穿上日低位時，小注Long Call 8月價外1,000點恆指期權，博港股升勢持續。 |
|
| 許繹彬 |
2025-07-24T12:13 |
港股本周終於破頂而上，久攻不破的今年三月高位24,874點，在一連串利好消息配合下，終於在本周一(21日)攻破，直至昨日(即23/7)的表現，港股可謂勢如破竹，締造五連升的局面，不僅攻破25,000點水平，更一度升穿25,500點水平，暫高見25,538點，是2021年11月後新高；港股成交亦顯著增加，本周成交平均也能超過2,500億元水平，昨日(23日)更超過3,330億元。港股本周能夠轉勢突圍的原因，相信是由於市場有接踵而來的利好消息。 首先，近半年來一直被「內捲」競爭纏繞並導致股價持續向下的內地外賣平台，如美團(03690)﹑京東集團(09618)及阿里巴巴(09988)，近日終有突破性發展，內地監管機構擬出手整治電商平台「內捲」的問題，指出外賣內戰會進一步削減各餐飲業門市利潤，在訂單量激增下，反而會增添營運壓力。面對商家困境，中國烹飪協會、中國連鎖經營協會等多個協會紛紛發聲，呼籲平台規範低價補貼競爭，維護市場公平秩序，保障餐飲業的利潤空間。 消息一出，美團及阿里的股價立即作出反應，先後升穿10天、20天及50天線，前者股價更直逼135元水平，後者則已升穿120元，可謂吐氣揚眉。而另一隻早已被投資者遺忘、有大笨象之稱的匯豐控股(00005)，本周連續兩個交易日，股價一度升穿100元的重大阻力區，昨日(23日)終於成為「紅底」股，是2008年9月後首次。與此同時，上證指數亦持續上升，逼近3,600點水平，創下近4年新高，帶動股皇騰訊(00700)及港交所(00388)雙雙發力而上，均創下52周新高，因而令港股氣勢走強，破位而上。港股升勢如此凌厲，北水定必是主要助力，更出現連續第14日淨流入的美好光景。 據彭博統計，今年以來北水合計流入近8,000億元，距離去年全年流入約8,080億元只差一小步，按現行走勢推算，相信短期內有機會超越去年全年的水平。多間大行更估計，北水直到年底流入規模將超過萬億元。由於港股本周持續在大成交下破頂，加上市場上各類消息均對港股有利，故此升勢短期內可能未完，如投資者想做淡，確實要三思而後行。 作為貿易戰發起人，美國總統特朗普本周態度有所緩和，宣布與印尼簽訂貿易協議，美國所有出口到印尼的貨品將不須繳付關稅，相當於消除99%關稅，而印尼進口到美國的貨品則被徵收19%關稅。美國更宣布，對日本的「對等關稅」將由25%下調至15%，雙方亦同意將汽車及零件徵收的進口關稅總額從25%下調至15%。美國財長貝桑稱，他下周在瑞典斯德哥爾摩與中國財長藍佛安會晤時，可能會討論延長8月12日為提高關稅最後期限的問題。 除此之外，狂人特朗普再度釋出善意，預告可能會在未來一段時間訪問中國。如消息屬實，這將是特朗普在第二任期內，與中國國家主席習近平的首次面對面會晤。在各類利好消息帶動下，美國股市亦顯著造好，標指和納指均盤中破頂，收市亦創歷史新高。故此，本周全球股票市場可謂歌舞昇平。 筆者認為，港股今年以來能夠持續強勢，升幅更達全球之冠，除因為今年香港股票市場的基本因素外，亦因為國內股票市場同樣有不俗表現，且受到外資垂青。日前，國家外匯管理局在發布會上表示，今年上半年外匯市場表現遠勝預期，企業、個人等非銀行部門跨境資金淨流入1,273億美元。數據更顯示，上半年外資淨增持境內股票和基金101億美元，扭轉過去兩年總體淨減持的情況，而在5月、6月淨增持規模更增加至188億美元，顯示全球資本市場對內地股市的投資意欲持續增強，因而間接令國內股市呈現屢創新高的格局。 在此優勢下，一直與內地股市有著「唇齒相依」關係的港股，亦自然會受惠，而此「受惠」亦間接帶動港股持續向上，這相信亦跟國內公募基金南下「買貨」成新趨勢有關，有數據顯示，2025年第二季，已有近1,800個內地基金在該季度提高了港股倉位，部分基金的增持幅度更超過50%，增持對象以高股息的銀行股為主，可見港股氣勢如虹，指數暫創下逾3年半新高，更直逼26,000點，並非無跡可尋。 值得一提的是，新能源汽車延續快速增長態勢，產銷量同比均實現40%以上的高位增長。新能源汽車獲得如此佳績，可見曾經令消費者對其續航和充電的憂慮等問題已逐漸解除，因而帶動新能源車股近日有所異動，部分車股亦早已重返招股價，不過小鵬汽車(09868)走勢則較為含蓄，距離招股價仍有一段距離，投資者不妨留意。 |
|
| 陳偉聰 |
2025-07-24T11:42 |
繼美日菲達成貿易協議後，市傳美國及歐盟亦好快傾掂數，刺激美股昨晚(23日)大升，道指收市升逾500點，納指及標指就雙雙破頂。據LSEG最新數據顯示，分析師普遍預期，標指成分股第2季純利按年增長7.5%，主要由市值高慨科技股帶動，公司業績樂觀，加上關稅又陸續有好消息，美股係咪可以繼續上衝？ 東亞證券高級投資策略師陳偉聰認為，關稅拹議進展樂觀，美國已經同東南亞、英國傾掂數，而美日慨15%關稅對美歐談判有參考價值，加上歐盟之前提及慨反制措施，會迫使美國作出讓步，因此，預期美國同其他主要貿易伙伴達成貿易拹議慨機會好大。 Jason又指，公司業績方面，由於4月至5月受關稅戰影響，市場對美企第2季業績慨盈利預測較保守，即使之後傳黎關稅進入「休戰期」呢些利好消息，整體上調幅度都唔會太大。佢又估計，美股將會維持破頂勢頭。 |
|
| 譚智樂 |
2025-07-24T10:09 |
富途證券首席分析師譚智樂推介眾安在線(06060) 推介原因： -第3代互聯網(Web3.0)和真實世界資產(RWA)發展布局 -上月螞蟻集團減持和公司配股消息已反映。 |
|
| 聶振邦 |
2025-07-23T16:09 |
國產重磅遊戲《明末:淵虛之羽》明日(24日)就會係內地遊戲市場正式發售，《明末:淵虛之羽》昨日(22日)係遊戲平台Steam暢銷榜排第2位，今日(23日)已升上榜首，嗶哩嗶哩(B站)(09626)作為呢個game慨內地發行商，股價可唔可以趁機炒上200元？ 博威環球證券金融首席分析師聶振邦指，相比《黑神話:悟空》《明末:淵虛之羽》開售時慨話題性可能有些輸蝕，始終《西遊記》係家傳戶曉慨故事，不過，呢款遊戲勝在劇情係虛構，玩家玩起黎會有更多新鮮感，所以唔排除會吸引到玩家探索。 至於B站股價，聶Sir話，《明末:淵虛之羽》可以間接帶動集團股價，相信最遲下星期就可以企穩200元，係8月甚至有可能去到2022年4月高位，即250元水平。 |
|
| 莊志雄 |
2025-07-23T15:07 |
若預期美國經濟前景會較為暗淡，又或者會轉差之下，投資者係咪都要密切留意美國長債息走向？尤其30年期長債息，依家已升至逾4.9厘。 「股市漁夫」創辦人莊志雄指，股市短期未必同經濟掛鉤，尤其係一個負利率環境下，其實係有利資產價格，依家處於一個相對穩定慨情況，因為長債息仲未抽上去，之前試過幾次衝上5厘水平，其後唔知係咪有一些「有形之手」壓返落去，到底壓唔壓得住都未知，對上一次衝上5厘係長債拍賣結果較差當日，之後又壓返落去，呢個情況係要留意，如果聯儲局黎緊真係減3次息，應該會刺激通脹，長債息就會跟住升上去。 債息落唔到去之餘，股市一樣落唔到去。 |
|
| 譚智樂 |
2025-07-23T14:14 |
截至早上11時止，過去1小時內《彭博》用戶搜尋量最多港股，依次為ASMPT(00522)、藥明合聯(02268)、藥明生物(02269)、比亞迪股份(01211)及騰訊控股(00700)。 ASMPT出左業績，上半年盈利倒退30%，雖然上季收入按年增長約2%，但兩者都差過預期，集團預期，今季收入介乎4.45億至約5億美元，即按年及按季分別增長約9%至10%，點睇今季指引？ 富途證券首席分析師譚智樂指，ASMPT唔少負面影響已開始紓緩，如果市場將目光放係「最壞慨已經過去」，咁業績及指引都可能會收貨，不過，係咪可以支持股價繼續向上，仍然係一個爭議點。 佢又指，值得留意係，考慮返ASMPT現時估值、市盈率(PE)近100倍，雖然業績向好，但毛利率按季仍要跌，收入按季增長約10%，呢個增速相對現時慨估值都只係僅僅合格，Arnold相信，ASMPT股價短線或會借「最壞已過」回升，但估值修正空間就未必大。 |
|
| 盧志威 |
2025-07-23T10:01 |
美股今晚(23日)收市後就輪到Google母公司Alphabet，同埋Tesla派季度成績表，其中，Alphabet股價係放榜前已連升10個交易日，累升約10%，升幅睇落唔算大，但對一家萬億美元市值慨科企黎講，呢個升幅都唔細。Alphabet季績值唔值得憧憬，Google Cloud增長係咪亮點？市場亦關注集團人工智能(AI)模型Gemini發展。 潤淼資產管理董事盧志威估計，Alphabet業績應該唔差，雖然Google Search肯定會走下坡，亦拖低左集團估值，反而變成預期之內，要留意Google service及Google Cloud收入，會唔會因為出左AI而好左，所以整體表現應該係向好。 |
|
| 李偉傑 |
2025-07-22T17:29 |
內地監管部門近期密密約談外賣平台，「內捲」競爭或有望告一段落。不過，京東集團(09618)似乎唔肯罷休，近期頻頻有動作，除左宣布直接自營外賣店，更傳出收購本地食品零售批發商佳寶食品超級市場，收購背後又有咩盤算？ 天風國際李偉傑表示，京東開設自營外賣店，希望係「反內捲」政策下殺出一條血路，成為供應鏈上層，雖然呢個策略要不斷燒錢，但一旦成功，京東就唔需要再畀優惠商家，亦可以係市場分一杯羹。雖然京東目標係3年內開設1萬間分店，但相信發展到一定程度，就會調整擴張規模。 Jason又認為，京東今次收購佳寶，可能係利用佳寶作為拓展海外市場慨試金石，但佳寶慨市場形象同京東有好大差異，呢方面較難說服投資者。 |
|
| 文錦輝 |
2025-07-22T11:21 |
今個星期將會有逾百家標指成分股企業派第2季成績表，標指及納指昨晚(21日)再破頂，其中，納指已連升6個交易日，而標指預測市盈率(PE)已高達24.7倍，係咪反映市場對美企季績好有信心，令美股持續強勢？ 艾德證券期貨投資策略總監文錦輝指，不論美國經濟數據及企業業績都反映聯儲局現階段冇必要減息，但由於美國總統特朗普(Donald Trump)不斷施壓，聯儲局有機會係9月，等經濟數據回落後就開始減息。雖然依家美息高企，但企業業績仍然對辦，所以市場憧憬減息後，美股係第3及第4季仍唔會掉頭。 Felix又話，環球股市慨經濟韌性冇美國咁強，雖然市場之前話要「去美國化」，但最後資金都係重新流入美國，反映投資者對美元資產仍然有信心，所以唔使擔心美股表現，但升幅就可能冇之前咁勁。 |
|
| 盧志明 |
2025-07-22T10:59 |
恆生指數今早(22日)高開30點，開市即升穿25000關，但其後走勢轉差及倒跌，跌至24900點邊緣。好倉昨日(21日)繼續有資金流出，涉及約1740萬元，淡倉則連續兩日有資金流入，昨日流入約3400萬元。此外，牛證重貨區係23600點，最多人加倉係24500點。熊證重貨區就上到25300點，最多人加倉係25500點。恆指昨日一度升上25000點，但之後企唔穩，見到牛證資金多左，熊證重貨係25300點，有冇咩啟示？ 大唐資本投資策略部總監盧志明指，呢些都係重要慨關口，25300點係有一些代表性，睇返5月及6月，每一次慨頂部位置相對之前都有一個韻律係度，最近兩轉都觸及50天線後再彈返上去，都係差不多1600點，睇返兩星期前，即25250至25300點，呢個正正係牛熊證分布重點位。 Ken又話，呢些位可能有投資者博短線調整，現階段係一個牛皮拉扯格局。 |
|
| 姚浩然 |
2025-07-22T10:18 |
亨達財富管理董事總經理姚浩然推介渣打集團(02888) 推介原因： -有機會取得香港穩定幣牌照之一 -未來加強虛擬貨幣發展。 |
|
| 聶振邦 |
2025-07-21T16:16 |
斥資約1.2萬億人仔慨西藏雅魯藏布江下游水電工程項目，已經係上周六(19日)正式開工，摩根士丹利估計，整個工程需時最少18年，水泥需求最多3000萬噸，預期水泥股會成為大贏家，其中，華新水泥(06655)因為業務地區主要集中係西藏、上海、張家界等地區，比同業更有優勢，華新上周發左盈喜，估計中期多賺最多61%，中長線而言，華新似乎會壟斷工程需求，華新股價今日(21日)一度飆逾1倍，高見20.1元，華新中長線能唔能夠維持強勢？ 博威環球證券金融首席分析師聶振邦指，華新業績好難單靠呢項工程撐起，雖然工程耗時長，但由於唔係一次過買入所需慨水泥，所以未必可以係年度業績反映，但呢項工程會對公司形象有幫助，令公司更易接到其他水泥定單，如果華新成為主要供應商，亦都有助穩定未來生意額，但呢些利好因素已經係今日股價反映。 聶Sir又話，如果投資者係14元以下買入華新，不妨考慮先「食糊」，始終唔確定升勢可唔可以持續，因為要視乎後續消息，如果係約16元入手，可以再觀望多兩個交易日，如果企唔穩15元，先行離場可能較穩陣。 |
|
| 梁傑文 |
2025-07-21T15:26 |
科軒動力控股(00476)宣布以每股0.45元，較上周五(18日)收市價折讓近34%，向現有股東徐化配售6000萬股新股，集資淨額2680萬元，徐化持股量將會由9.42%大升至28.36%，成為單一最大股東，公司有3大主業，分別係採礦、金屬礦物買賣、發展及銷售電動車，其中，電動車輛銷售以電動巴士主打，睇返公司截至3月底止全年業績，基本上100%收入都係來自電動車業務，但表現非常差，收入按年大跌約93%，虧損就擴大至逾3.7億元。公司曾經話，業務會持續轉型至「電動公共交通」領域，今次配股集資有逾70%，用作現有採購定單及開發專用電動交通解決方案業務，符合公司發展方向，新股東加上業務轉型，科軒動力值唔值得憧憬？ 《香港股票財技密碼》作者梁傑文指，買家都係大型機構及公司，包括政府機構等，但市場只集中係香港，全年業績收入只得300萬元，反映交付量低，如果收入持續得幾百萬，有機會被港交所(00388)評定為業務不足而除牌，加上本港電動車市場競爭十分激烈，包括比亞迪股份(02011)等龍頭，雖然公司新業務有憧憬，但始終競爭大，依家公司首要係諗辦法改善業績。 Mike又話，徐化係可再生能源、清潔能源相關慨行業有經驗，加上其金融知識，相信成為大股東之後會有新動作，否則唔會用咁大筆錢接手。 |
|
| 梁偉民 |
2025-07-21T11:05 |
美股3大指數上周表現分化，全周埋單計，道指微跌，標指及納指有得升，後者更再創新高。美國總統特朗普(Donald Trump)正式簽署穩定幣法案，又指會提升美元實力，值得留意係，穩定幣慨設計可以用美元或美國國債做抵押，係咪有助化解美國債務危機？ 高富金融集團投資總監梁偉民指，美國政府債務高企，穩定幣法案未必可以完全化解債務危機，不過，若穩定幣未來可以係全球流通，會令美元需求增加，所以市場認為對美元黎講係一個正面因素，不過，到底有幾多公司會申請發行穩定幣，同埋流通程度都係未知之數，相信最快要1至2年後，才知道情況係咪好似市場預期咁理想。 美股方面，Wyman話，依家投資氣氛仍然理想，市場對關稅前景冇4月時咁擔心，不過，關稅問題始終未明朗，美國同大部分國家仍未傾掂數，所以仍要小心市場慨樂觀情緒會逆轉。 |
|
| 郭思治 |
2025-07-21T10:55 |
大市開始步入7月份之下旬，而直到執筆一刻止計，本月大市之形態暫仍屬先低而後高，恆指暫是由4日之低位23,690點升至16日之高位24,867點，即月內之波幅暫為1,177點，首先，本月高低位是相隔9個交易日，基本上已符合最低之慣性要求，但1,177點之波幅計則仍略偏細，似仍未能滿足月內之所需，故在本月底之前，理論上該有更大之波幅點出現，從而擴闊月內之波幅以滿足所需，而從技術上看，只要恆指能持續穩守於10天線 (約在24,273點左近)之上，即表示大市仍處欲試頂之中，而所指之頂，暫該為3月19日之高位24,874點及25,000點大關。 本月大市暫仍屬先低而後高，且恆指亦持續緊扣高台，估計稍作整固後，只要買盤態度略為積極，恆指該可見突破，不妨參考大市5月及6月大市之走勢，5月恆指是由2日之低位22,058點升至21日之高位23,917點，即月內之波幅是上升1859點，到6月份，恆指是由2日之低位22,668點升至25日之高位24,533點，即月內之波幅是上升1,865點，到7月份，以低位暫仍為4日之23,690點計，只要先低後高之形態不變，而月內之上升波幅有約1,500點及1,800點，恆指已可望上試25,190點及25,490點，當然，成交金額能不配否至為關鍵，因大市之動力如不能配合，升勢當會漸受規限。 再看移動線方面之走勢，目前各組平均移動線之排列由上而下為10天線(約在24,273點左近)，20天線(約在24,175點左近)，50天線(約在23,838點左近)，100天線(約在23,320點左近)，250天線(約在20,994點左近)，單從排列上看，技術上該屬標準之升市模式，即是說只要恆指能持續穩守在10天線之上，即表示整個大市仍會處續尋頂之中，以今年低暫仍為1月13日之18,671點計，假如今年大市有約8,000點至8,500點之上升波幅，大市之中期目標已可上望26,671點至27,171點。 |
|
| 李浩然 |
2025-07-21T10:13 |
如果華爾街有一塊墳場，2020年代的美國國債很可能已經在那里預留了自己的墓碑。翻開德意志銀行的長期收益率圖表，那條1920年代後幾乎沒有見過底的藍線，如今徹底栽進了負增長的泥潭。這不是什麼技術性調整，也不是什麼正常迴歸，而是「史上最慘十年」—如果還嫌這個說法不夠戲劇化，不妨問問那些以為自己買了「無風險資產」的債券持有者。 冷冰冰的數字勝過千言萬語。按名義回報計算，2020年代美國10年期國債年化報酬率-1.2%，長年期國債更是慘烈至-4.4%。這還只是表面。當通脹的惡魔入侵，現實比表格更殘酷。以實質回報觀之，10年期國債-5.1%，長年期國債-8.3%。放眼近百年，只有二戰與70年代石油危機能與之並肩，然而那時候至少名義利率還撐得住面子。 這不是什麼隱性損失。iShares 20+年美國國債ETF一路下殺，至今仍在高點腰斬的40%深坑里掙扎。若同樣情況發生在美股，金融媒體恐怕會天天直播「資本主義完蛋了」大戲。但債券市場的血流成河，卻只換來一片死寂。原因也許很簡單——債券還有個「到期還本」的自欺安慰劑。然而，這種「只要不賣就沒損失」的鴕鳥哲學，無法掩蓋現實：一整代人正在親身經歷「固定收益」如何變成「固定失血」。 更諷刺的是，這場災難本可以避免。當2020年長端利率趴在地上，短債、T-bill收益率明顯更高，風險更低——明明擺在眼前的選擇，卻還是有無數投資者迷信久期神話，咬牙死守長債，仿佛美聯儲永遠不會加息，通脹永遠是歷史名詞。 現在，利率終於回到4%-5%。債券突然變得「有吸引力」了？這不過是從地獄爬回人間的幻覺。沒錯，未來回報確實有望改善，但也僅僅因為過去跌得夠慘。美國國債，這個曾經的「全球風險資產定價基石」，現在成了金融市場最大的黑色幽默。 或許有人還會安慰自己：「只要不再升息，回報就會修復。」但歷史教訓擺在眼前，市場不會永遠善待習慣於零利率時代的投資者。這個十年，債券市場終於證明了自己不是避風港，而是風暴中心。未來是否會更好？也許吧。但很少有資產能像美國國債這樣，既能讓你睡得安穩，又能讓你在夢里流血不止。 這不是最糟糕的十年嗎？當然是——而且還遠未結束。 |
|
| 趙晞文 |
2025-07-18T22:46 |
長城汽車(02333)披露，上半年純利跌10.2%，基本盈利跌36.4%。 信達國際研究部董事趙晞文表示，長汽第二季業績相比第一季有改善，下半年亦有多款新車推出，但業績能否持續向好，則要視乎公司的執行能力。 |
|
| 盧楚仁 |
2025-07-18T17:39 |
美國眾議院周四(17日)通過3項加密貨幣(Cryptocurrency)法案，今日(18日)交由美國總統特朗普(Donald Trump)簽署正式成為法律，而且最新據報特朗普會簽署另一項新慨行政命令，允許美國國民以401(K)退休福利計劃帳戶投資加密貨幣、貴金屬、私募股權、基建資產等，消息支持比特幣(Bitcoin)重上12萬美元，仲有冇動力再破頂？ 獨立外匯商品分析師盧楚仁指，Bitcoin一連有多個好消息，相信能夠繼續支持Bitcoin再破頂，加上香港亦即將會係8月舉行國際矚目慨比特幣大會Bitcoin Asia 2025，令市場對Bitcoin更有憧憬，進一步支持再破頂，因此，預期Bitcoin下一站睇13萬美元水平，若能突破，唔排除年底有機會挑戰15萬美元水平。 |
|
| 黃敏碩 |
2025-07-18T16:40 |
周黑鴨(01458)今日(18日)發盈喜，刺激股價一度抽升逾18%，高見2.82元，公司提及，受惠於優化店舖及原材料成本下降，上半年多賺最多近95%，點樣周黑鴨呢個盈喜？股價仲有冇上升動力？ 王道資本及家族資產管理執行董事黃敏碩指，今次盈喜係公司控制成本得來慨成果，同產品創新冇關，業務仍流於傳統模式，不過，市場最關心始終都係毛利率，未來仲有冇上升空間，就要靠自身業務推動，呢個仍要觀望。 Michael又話，係新消費熱潮中，周黑鴨相比茶飲股、IP股等可塑空間較細，依家市盈率(PE)28.5倍，唔係特別平，股價今日衝高後，升幅好快收窄，反映動力不足，佢對周黑鴨有條件再破位向上有保留。 |
|
| 陳建良 |
2025-07-18T16:04 |
雖然中央不斷出招力谷及擴大內需，但消費仍相對疲弱，原因都離唔開價格戰及「內捲式」競爭，如果情況持續，長遠更會影響內地經濟發展，投資者做部署時有咩要留意？ 勝利證券首席顧問陳建良指，過去一段時間經常聽到「內捲」呢兩個字，即係競爭非常激烈，基本上市場諗得到慨行業都有「內捲」，外賣平台、電商，甚至人工智能(AI)都有。 KL又話，面對呢個情況，相信投資者要減持慨股份都已經減持曬，見到過去兩個月慨投資方向都係避開「內捲」嚴重慨板塊，轉揀有定價權、「內捲」情況輕微慨股份。 佢又估計，8月慨投資方向都會偏向揀「反內捲」慨行業，而「內捲」相對輕微慨行業板塊。 |
|
| 梁偉源 |
2025-07-18T13:07 |
截至早上11時止，1小時內《彭博》用戶搜尋量最多港股，依次為紫金礦業(02899)、英皇國際(00163)、美圖公司(01357)、協鑫科技(03800)及美團(03690)。 紫金冇乜新消息，金價、銅價亦未見起色，但紫金股價今朝(18日)愈升愈有，係表現最強勢藍籌。不過，美國昨晚(17日)公布慨經濟數據唔錯，加上內地最新經濟數據大致好過預期，令金屬價格回穩。睇返資源股，以金屬股表現較搶鏡，加上紫金本周初發盈喜，股價本周暫時累升5%，係金價橫行下，上望空間仲有幾大？ 大華繼顯執行董事梁偉源指，隨著美國關稅逐步落實，金融市場回復平穩，各國央行近期積極買入黃金，令金價有支持，雖然最近金市較淡靜，但好快就到業績期，估計會有資金炒作業績股。 Steven又話，金價大升機會唔大，亦要視乎美國下半年減息步伐，同埋各國央行增持黃金慨態度，加上紫金盈喜消息已反映係股價上，除非金價突破每盎司3400至3500美元，否則，紫金股價上望空間唔多。 |
|
| 聶振邦 |
2025-07-18T11:29 |
美國今個星期踏入「加密貨幣周」，有3項涉及加密貨幣慨監管法案成功係眾議院闖關，雖然相關法案周二(15日)爆冷過唔到眾議院呢關，但之後係議員轉軑力撐下，眾議院最終係昨日(17日)通過3項加密貨幣(Cryptocurrency)法案，估計今日(18日)會交畀美國總統特朗普(Donald Trump)簽署正式成為法律，而加密貨幣將會受聯邦及州政府監管，提升呢個規模高達逾2600億美元慨市場認受性，確立比特幣(Bitcoin)監管，相信會有更多投資者麂參與呢個市場，想投資Bitcoin應該點部署？ 博威環球證券金融首席分析師聶振邦指，特朗普取態鮮明，有助推動加密貨幣發展，未來可能會有其他國家跟隨通過呢類法案，Bitcoin價格一度衝破12萬美元，再創歷史新高，但要有進一步消息，先可以刺激價格再上，佢估計，Bitcoin價格短期續於高位徘徊。 聶Sir又話，現水平高追Bitcoin風險較大，不妨等好消息消化後，價格略為回落再考慮入手，亦要留意個人風險承受能力，作為中長線投資，投放係加密貨幣慨注碼唔超過整體10%會較穩陣。 |
|
| 彭偉新 |
2025-07-18T10:47 |
獨立股評人彭偉新推介嗶哩嗶哩(09626) 推介原因： -集團推出的人工智能(AI)技術應用，在廣告和內容推薦提高了效率，廣告商更精準地觸達目標用戶 -成功改善用戶體驗，推動廣告收入增長。 |
|
| 植耀輝 |
2025-07-17T17:23 |
台積電(TSMC)第2季多賺61%至3983億元台幣，勝預期，集團預期，第3季銷售額介乎318億至330億美元，按季增長約6%至10%，並上調全年銷售增長預測至30%，係咪意味公司對下半年銷售有信心？ 耀才證券研究部總監植耀輝指，撇除匯兌因素，整體業績表現亮麗，3納米需求強勁，呢個情況未來幾年仍然會持續，加上今年第4季會開始批量量產2納米，屆時先進製程佔比會不斷提高。 Stanley又話，以往台積電慨預測都比較保守，即使第1季增長強勁，目標仍維持25%增長，在基數效應下，下半年增長或會放慢，所以今次上調至30%係比較現實，如果要再上調目標，就留意住第3季盈收表現。 佢續指，業績對股價有支持作用，建議有貨慨投資者繼續持有。 |
|
| 陳偉明 |
2025-07-17T14:20 |
「對等關稅」的暫緩期原本於上周三(9日)屆滿，但與美國達成貿易協議的國家仍寥寥可數，於是美國總統特朗普採取「拖字訣」，於上周一(7日)簽署行政命令，把「對等關稅」實施時間從7月9日推遲到8月1日，消息帶動環球股市反彈，恆指於上周二(8日)升至高見24,159點。 然而，特朗普上周二(8日)晚威嚇要向進口銅徵收50%關稅，藥品關稅更可能高達200%，而且特朗普更警告不會再推遲8月1日各國開始支付對等關稅的新期限，消息拖累港股於上周三(9日)開始再度回落，並於上周四(10日)跌至低見23,820點。 正當市場開始憂慮環球關稅風險再度升級、內地面對通縮、內捲及房地產危機，港股或會受累進一步下跌，筆者已開始提醒各位把握撈底機會，認為最近美國的關稅戰戰場主要集中於歐洲和日韓等國家，而中央亦關注內捲及樓市未止跌等問題，估計中港兩地股市下跌空間應該是有限數。 結果，港股上周四(10日)在筆者多次提及的23,800點中期撈底位置拒絕下跌，隨後突然傳出中央即將照開高層會議討論刺激樓市措施，港股見底反彈，並於上周五(11日)因為中國外長王毅與美國國務卿魯比奧(Marco Rubio)在馬來西亞吉隆坡會面的消息，令恆指進一步飆升至高見24,506點，而港股上周五(11日)主板成交更增至3,240億元，創3個月高。 港股於上周五(11日)最多挾升近500點後，於24,500點水平明顯出現資金獲利跡象，特朗普於上周四(10日)宣布要對加拿大加徵35%關稅後，於上周末又向歐盟及墨西哥徵收30%關稅，正當市場憂慮相關國家或作出反制，新一輪關稅大戰或會拖累環球股市下跌，港股於本周一(14日)表現異常冷靜，可能因為內地6月份全國居民消費價格指數(CPI)按年轉升0.1%，結束連續4個月通縮，加上憧憬7月下旬舉行中央政治局會議推出樓市政策及特朗普與習近平今年內會面，恆指本周一(14日)先企穩於24,200關，並於本周二(15日)配合美國已批准輝達(Nvidia)H20晶片銷往中國的消息，令港股進一步飆升，向上突破6月高位24,533點。 事實上，港股本周二(15日)走勢異常波動，中國第二季國內生產總值(GDP)按年增長5.2%，優於預期，恆指早上一度漲逾300點至24,500點水平阻力位置，但隨後公布的6月「三頭馬車」 數據表現則好壞參半，當中消費及固定資產投資均遜預期，GDP雖勁，但內需疲弱，加上內地70城市房價跌幅擴大，恆指隨即急插至大約24,150點水平，當時即市技術上頗有轉勢向下的跡象。然而，輝達(Nvidia)創始人兼首席執行官黃仁勳突然公布，美國政府已批准可恢復向中國供應AI晶片H20，加上國統局表示正制定相關措施要破除「內捲式」競爭，近期競爭激烈的外送平台「AMJ」升幅明顯，帶動科技股攀升，恆指起死回生， V型反彈，飆升至24,590高位「大陽燭」收市。 「AI股王」輝達(Nvidia)破頂，美國納指100指數本周二(15日)晚曾創新高，惟美國6月消費物價指數(CPI)按年及按月升幅均加速，美國7月減息機會明顯下降，美股三大指數回落，美匯持續強勢，拖累港股於本周三(16日)於24,687點見頂回落。 港股在中美外長會面、內地似擺脫通縮、中央反內捲及美國批准「H20」芯片銷往中國等利好消息下連日向上，恆指於上周四(10日)低位23,820點，至本周三(16日)高位24,867點計，5日內升1,047點。重點是，當恆指開始逼近今年3月高位24,874點似是出現好消息出貨跡象。目前傾向審慎為上，避免高追， 耐心等待恆指回落至24,200點以下，才利用股票期權Short Put 接貨策略撈入科網板塊。 |
|
| 許繹彬 |
2025-07-17T11:40 |
本周全球市場焦點，定必是美國狂人特朗普，雖然他上周宣布延長對等關稅暫緩期，從7月9日推遲到8月1日，但仍急不及待，近日立即宣布向各國發動新一輪貿易戰，8月1日起，美國將對歐盟進口貨物徵收30%關稅；歐盟國家因而努力與美國周旋，貿易戰發起人特朗普更表示，對歐盟關稅談判仍持開放態度。但歐盟恐防一旦與美國談判破裂而產生重大影響，因而亦快速在本周一(14日)推出新一份反制措施清單，先將對價值約6,604億港元的美國貨品徵收報復關稅，當中包括飛機、汽車及波本威士忌等暢銷產品。 歐盟貿易專員謝夫喬維奇直言，倘若美國向歐盟開徵30%關稅，實際上等同禁止歐美貿易。互相制裁的消息一出，近日強勢的美股市場隨即作出調整，日本等亞太股市亦走弱；市場避險情緒升溫，近期走勢頗為淡靜的國際金價市場突然轉強，部分國際投行更唱好金價，預測今年底每盎司會達3,700美元，明年年中更可望見4,000美元。而股票市場再呈現「東升西降」的情況，內地及香港股票市場再次「完全」不受影響，受惠內地新一輪數據出爐，第二季國內生產總值（GDP）按年增長5.2%，勝預期；按季比較，第二季GDP增長1.1％；內地上半年GDP總值額660,536億元人民幣，較去年同期增長5.3%，6月進出口數據和新增貸款數據好過預期。 在利好數據的推動下，港股不跌反升。再加上美國批准英偉達（Nvidia）向中國銷售H20晶片，AI及晶片相關股份再度落鑊熱炒，帶動港股越戰越勇；昨日(16日)更急升至24,867點，創近4個月高位，距離今年3月高位24,874點，只差不足10點；可惜，尾市在科技股調頭回落下，令恆指跌至低位24,517點收市，而本周成交則超過2,500億元，因而暫視作破位不成，大市呈現大漲小回的格局。 筆者認為，美國總統特朗普再次急不及待向全球發動新一輪貿易戰，令原本開始喘定及穩步上揚的美股市場，在貿易戰消息影響下，隨即調頭回落；由於美國市場再度存在很多不確定因素，在前車可鑑的情況下，資金再度由美股市場流出，轉戰內地及港股市場；再加上在北水力度仍旺盛下，港股再呈現強勢，更再一次跑贏全球。而在內地數據好壞參半的情況下，連續兩日舉行的中央城市工作會議和國家統計局會議發言中，均令投資者憧憬國內再度推出救市政策的可能，因而令中港兩地股市走勢除不受美國市場調整所拖累，再一次印證「東升西降」的言論。未來，即使美國道指及納指可能繼續呈現弱勢，但倘若納指金龍指數仍然保持強勢下，可能仍屬港股未來走勢的指標，投資者不妨多作參考，看看是否應驗。 另外，內地高溫範圍繼續擴大，多個地區氣溫升至40度以上，受高溫高濕天氣影響，未來部分地區的體感溫度將超過50度，中央氣象局呼籲民眾不要在高溫時段長時間處於戶外，以防中暑；而適逢暑假，到訪內地的遊客相信亦會不斷增多，在高溫下定必需要多喝飲料消暑，因而有機會帶動農夫山泉(09633)銷量急升，從而有利其未來盈利，而股價近日亦見有所異動，投資者不妨留意。 |
|
| 阮子曦 |
2025-07-17T10:38 |
華富建業證券投資策略聯席總監阮子曦推介大麥娛樂(01060) 推介原因： -由電影業中介，積極轉變為更多元化的知識產權(IP)及線下娛樂活動經營者，導致估值重估 -內地演唱會活動行業火熱。 |
|
| 羅尚沛 |
2025-07-16T22:43 |
德昌電機(00179)與上海機電成立合資公司，生產人形機器人核心部件和子系統。 銀河證券業務發展董事羅尚沛表示，德昌股價今年累升一倍，很大程度是市場炒作其機器人業務前景，今次正式成立合資公司生產相關核心部件的消息，股價反應要視乎未來市場是否繼續熱炒機器人概念。 |
|
| 林嘉麒 |
2025-07-16T17:42 |
首程控股(00697)於周一(14日)除淨，呢段時間上車慨投資者賺息又賺價，值得留意係，公司係上周四(10日)及上周五(11日)，分別做左1次大額回購，其中，上周四涉資逾3400萬元。投資者係咪唔使咁重視公司慨回購動作，因為呢個情況好常見？ 元宇證券基金投資總監林嘉麒指，首程係回購過程中，展示公司手頭現金充裕，同埋有穩定慨現金流，每股盈利亦穩定，集團轉型至今，派息絕對唔差，加上係轉型初段中引入內地及日本大型基金，有基金支持之餘，盈利未來亦有可能出現爆發式增長，集團第1季盈利增長高達80%，係咪有機會炒埋盈喜概念，博發中期盈喜，股價再升多一浸，有短炒概念。 KK續指，投資者掌握唔到公司幾時分拆，亦唔知道投入金額及潛在可以升幾多，但係猜測過程，會對估值及股價有幫助，雖然首程係國資委旗下公司，但都有一定炒味，如果短炒應該可以吸引資金留意。 |
|
| 彭偉新 |
2025-07-16T12:53 |
截至早上11時止，過去1小時內《彭博》用戶搜尋量最多港股，依次為萬科企業(02202)、泡泡瑪特(09992)、安踏體育(02020)、吉利汽車(00175)及快手(01024)。 泡泡瑪特盈喜遠超市場預期，上半年收入料大增2倍，稅後盈利更最少飆3.5倍，發完盈喜又獲多家大行上調目標價及盈利預測，不過，股價今日一衝即散，早段升過3%後，走勢急轉直下，一度失守250元，倒插逾6%。泡泡瑪特股價過去1年累升逾5倍，近期就係240至280元橫行，雖然睇返盈喜及大行預測，集團盈利增速其實仍加快緊，但股價升左咁多，獲利誘係咪好大？ 資深證券分析師彭偉新指，如果係民間層面分析，以Labubu炒賣變化為例，由最初不問價瘋搶，到後來炒價跌左10%，炒家要係網上用唔同手法，企圖掩蓋炒價回落慨實況。 股價方面，最近已明顯失守20天線，同埋跌穿保歷加通道中軸，令震盪指標轉弱。Castor續指，係追捧泡泡瑪特慨資金少左之下，市場擔心股價會見頂，以現價黎講，如果股價真係見左頂，相信要有一定下調幅度，先可以吸引投資者入場，又認為股價係現水平有較大壓力。 |
|
| 梁偉民 |
2025-07-16T11:45 |
英偉達(Nvidia)行政總裁黃仁勳昨日(15日)指，Nvidia已獲美國政府「開綠燈」，可以恢復向中國銷售H20晶片，令市場重新聚焦內地人工智能(AI)領域，相關股份如阿里巴巴(09988)，依家估值相對落後，可唔可以食住Nvidia呢個好消息個勢，發力「追落後」？ 高富金融集團投資總監梁偉民指，Nvidia呢個消息未必利好中資科技股，又或者有實際幫助，反而現時主要炒作內地AI科企可以做自主研發，同埋擺脫美國慨技術限制，甚至封鎖。佢認為，呢些消息短期會利好市場氣氛，但唔會對內地AI發展格局有實際影響，反而Nvidia H20可以再銷售去中國，會令內地相關企業發展得更快。 阿里方面，Wyman指，未來要留意電商競爭會唔會再升級，因為生意難做，阿里要不斷提供大量補貼保住市場份額，佢又估計，阿里股價要升至130元有難度。 |
|
| 譚智樂 |
2025-07-16T11:25 |
富途證券首席分析師譚智樂推介快手(01024) 推介原因： -美國向中國恢復H20晶片供應，有助市場焦點重返中國人工智能(AI)投資賽道 -「可靈AI」海外市場每日活躍用戶數(DAU)有良好表現。 |
|
| 陳欣 |
2025-07-15T16:43 |
日本國債孳息全線扯高，10年期債息升至2008年以黎高位，係周日(19日)參議院選舉前債市波動，債券遭拋售，市場除左憂慮執政黨係咪可以保住大多數議席，亦擔心政府開支會加大，日圓守唔守到147？ 連連STAR FX總經理陳欣指，選舉對Yen產生唔少壓力，如果呢次執政黨失左優勢，會加大日本整體財政壓力，Yen有機會持續回落，佢估計，Yen未來持續偏弱，中短線可能係150至152水平有支持，會係144水平或142遇阻。 |
|
| 趙晞文 |
2025-07-15T16:37 |
內地鋰價自6月底起反彈，炒起A股及H股鋰業股，但天齊鋰業(09696)及贛鋒鋰業(01772)今日(15日)發中期業績預告，前者發盈喜，後者就發盈警，但股價都要跌，分別一度挫逾3%及逾6%，中期業績預告有咩啟示？ 信達國際研究部董事趙晞文指，天齊第2季盈利相比第1季明顯倒退，當中可能涉及好多項目，例如可持續盈利、投資收益、公允值變動等，令第2季盈利轉弱。 晞文續指，贛鋒第2季表現同天齊差唔多，都係處於盈虧平衡。兩家公司收入都受第2季鋰價下跌影響，但成本下降，但盈利係單靠成本下降「慳」返黎唔係好事，反映公司盈利能見度低。 佢又補充，兩家公司商業模式唔同，天齊自給自足率較贛鋒高，所以成本優勢較明顯，相反，贛鋒就要硬食成本，盈利會跑輸天齊。 |
|
| 李偉傑 |
2025-07-15T16:00 |
李寧(02331)昨日(14日)收市後出左最新營運數據，第2季整體零售流水按年增長約1%，摩根大通認為，由於籃球類產品銷售跌20%，所以就算跑步及健身產品有增長，都補唔返條數，亦反映「618購物節」表現仍然差，摩通及摩根士丹利都睇淡下半年經營，李寧經營前景係咪真係咁差？ 天風國際李偉傑指，NBA全明星賽下半年開鑼會對李寧有幫助，但值得留意係，產品係咪同市場所支持隊伍一樣都有影響，市場支持慨NBA隊伍未必係公司銷售層面上，相信公司要係營運及銷售策略上做唔同慨推廣，覆蓋層面更廣，先可以緊貼NBA或運動業潮流。 Jason又指，李寧店舖主要出現係大型商場，但人流就麻麻，因為李寧產品現時比較集中係部分消費群組身上，所以業績往往都係低單位數變化，如果可以做到多元化產品銷售推廣，向市場提供更多選擇，就可以吸引到更多客源，李寧想做出令人有驚喜慨成績，可能要重新部署另一套市場營銷策略。 |
|
| 譚智樂 |
2025-07-15T12:42 |
截至早上11時止，過去1小時內《彭博》用戶搜尋量最多港股，依次為創科實業(00669)、李寧(02331)、萬科企業(02202)、騰訊控股(00700)及美團(03690)。 內地昨日(14日)出左6月出口數據，出口相關股早昨日普遍造好，但創科今日(15日)先至追落後，早段一度升5%，高見91.35元，升上1個月高位，到底創科技術上轉勢未？後市仲有冇力向上收復？ 富途證券首席分析師譚智樂指，創科今日暫時只係一度突破100天線，仲未企穩，所以唔算係正式突破100天線，又認為創科現時處於整固格局，但未必會大跌。 Arnold補充，需要有更多中美貿易消息，先可以判斷創科股價會點行，又指對中美貿易協議唔會睇得太悲觀，但詳情仍然係未知之數，所以限制左創科慨股價。 |
|
| 梁偉民 |
2025-07-15T11:48 |
內地第2季國內生產總值(GDP)、零售、固定資產投資及工業生產數據，今早(15日)就會出爐，其中，上季GDP預期按年增長5.1%，低過首季慨5.4%，其他數據都會差過5月。美國將會係8月1日向各國徵收新關稅，對內地第3季經濟增長有幾大影響？ 嘉賓高富金融集團投資總監梁偉民指，雖然第2季GDP已受貿易戰影響，但未完全反映，因為貿易戰主要影響4月經濟表現，當時關稅加到145%，令美國零售商入唔到貨，導致內地4月經濟表現好差，去到5月中美互相大減關稅，美國零售商係5月及6月開始向內地大手入貨，令上季GDP表現唔會太差。 Wyman又指，當美國零售商補夠貨就會停，所以瘋狂入貨情況之後可能會消失，加上經濟唔明朗及國內經濟疲弱，佢比較擔心第3季末及第4季GDP表現。 |
|
| 黃偉豪 |
2025-07-15T11:24 |
美團(03690)股價上周見左近10個月低位115.8元後反彈，計埋今朝(15日)暫時已連升第3個交易日，今早一度升逾3%，高見125.2元，升穿10天線。美團積弱左一段時間後，終於有好轉跡象，但外賣戰未有降溫跡象之餘，仲似乎不斷升級，依家應該追好倉定造淡？ 胤源世創家族辦公室(香港)第一副總裁黃偉豪建議投資者先觀望，由於美團股價近日跌左唔少，加上恆生指數今早升至24500點，市場會追入近日較落後慨股份，令美團股價有反彈。宏觀面而言，如果外賣戰持續，估計美團反彈幅度唔會太大，所以依家造好倉部署似乎太進取。 至於睇淡美團前景慨投資者，Ravi建議可以考慮造淡，但仍需觀望，例如股價係125至126元有阻力，宜小注部署淡倉。 |
|
| 黃敏碩 |
2025-07-15T09:59 |
王道資本及家族資產管理執行董事黃敏碩推介中國聯塑(02128) 推介原因： -內地大型管道及建材家居產業集團 -積極拓展輸氫管、輸油管等特種管道，並切入農業、畜牧等新興場景 -集團經營活動現金流淨額健康。 |
|