| Commentator |
Time |
Content |
Tag |
| 林嘉麒 |
2022-07-21T22:42 |
【Now財經台】銷售文件顯示，特步國際(01368)主席兼大股東丁水波擬減持0.8億股，減持價較周四收市價折讓最多9%，套現逾10億元。 元宇證券基金投資總監林嘉麒表示，特步股價去年急升逾兩倍後，目前亦於相對高位徘徊，大股東選擇減持，或意味下半年業績會遇較大挑戰，而且參考大股東於2010年10月減持後，股價經歷逾一年的調整，相信短期內股價難有運行。 |
XTEP INT'L |
| 羅明立 |
2022-07-21T16:46 |
【Now財經台】日本央行公布議息結果，維持利率負0.1厘不變、10年期國債收益率目標續於零水平，消息公布後，日圓變動唔大，系咪美日息差已經唔會令日圓進一步受壓？ 亨達集團助理總經理羅明立指，由於近排美元調整，美元兌日圓係140關口反覆上落，但調整到10天線水平就有阻力。日央行行長黑田東彥指，日央行唔會針對匯率改變政策，而大幅加息會影響經濟，反映日本仍會堅持寬松貨幣政策，Patrick估計，美元會持續向上，如果想買日圓，建議投資者係136.8至137.8水平，即10天及20天線水平吸納。 羅明立 亨達集團助理總經理 |
USD , CINDA INTL HLDG |
| 植耀輝 |
2022-07-21T16:33 |
【Now財經台】洛陽鉬業(03993)上周四收市後發盈喜，預告中期多賺最多75%，但股價要到今個星期先開始慢慢反映，到今日先有較大升幅，其實洛鉬股價連升幾日，同盈喜慨關連性有幾大？ 耀才證券研究部總監植耀輝指，洛鉬第2季利潤比第1季更好，同公司收購或擴大生產市場有一定關系，大行睇好洛鉬未來5年產出可能錄得40%至50%強勁增長，係產能不斷提升下，盈利一定相應增加，雖然洛鉬位於剛果民主共和國慨礦場暫停銅、鈷出口，但對股價似乎冇乜影響，原因系類似事件已經唔系第一次發生，只要有額外資金與當局和解，或達到特定要求，相信礦場就可以重開，所以洛鉬股價彈左幾日，仲價量齊升。 |
CMOC , Resources , Expo |
| 許繹彬 |
2022-07-21T10:55 |
【now.com財經】在美國不斷加息及美匯指數持續強勢下，觸發新一輪貨幣貶值危機，全球貨幣難逃「被貶」厄運，尤以日圓及歐元「被貶」的幅度非常驚人；除此之外，強美元更為多國帶來一場前所未有的噩夢，至少有12國家已經出現貨幣違約風險。港元匯價一度觸發7.85兌每美元的弱方兌換保證，香港金融管理局亦「焗住」出手承接港元沽盤，令本港銀行結余跌穿2,000億港元大關，近年罕見，倘若情況再壞，港加息勢所難免。 從上述全球貨幣危機來看，美國因通脹而導致不斷加息，波及其他與美元掛勾的國家，令其他國家相繼出挸通脹，令全球仍處於冰封狀態的經濟環境，更加雪上加霜；全球股票市場亦難免受貨幣問題拖累，而出現波動，投資者需格外留意。 談回港股，近日成交額突然萎縮，更曾一度跌穿千億水平，盡管昨天作出反彈，但依然力度欠奉；真正原因是北水乏力灌溉所致，歸根究底，相信是國內紛紛出現「爛尾樓」，斷供」的聲音此起彼落。此類不利消息如繼續惡化，定必出現骨牌效應，除不利內房外，物管、內險，尤以內銀定必遭受牽連。 |
HK Banks , USD , Stock , China Real Estate , China Banks |
| 羅尚沛 |
2022-07-20T22:34 |
【Now財經台】周黑鴨(01458)近月於公開市場購回本金額2.6億元換股債，公司大股東周一亦購入本金額1.2億元換股債，該批換股債的換股價為10.01元。 銀河證券業務發展董事羅尚沛表示，周黑鴨於2020年發行的15.5億元換股債，年息1%，到期時按面值106.58%贖回，而公司以低於面值的價錢，購回部分換股債，對公司有利，可節省利息開支，至於大股東購入同一批換股債，則可能認為其息率吸引；股價方面，周黑鴨上半年業績，受內地疫情封控措施影響，可能見紅，暫時見到任何催化劑。 |
ZHOU HEI YA |
| 聶振邦 |
2022-07-20T17:51 |
【Now財經台】係柬埔寨做博彩生意慨金界控股(03918)，上半年轉賺5270萬美元，中期收入按年增長86%，單計第2季就按季多賺逾39%。金界中期業績大致符合預期，點解股價今日反應咁大，系咪業績有好大亮點？還是有其他原因？ 華盛證券分析師聶振邦指，金界業績的確有亮點，首先系成功扭虧為盈，對應返第1季收入同比增長差不多達40%，對市場黎講系有驚喜，雖然疫情反覆，但第2季仍錄得環比增長，一定對股價有支持，其次系地域上慨分別，澳門及柬埔寨都係東南亞，依家澳門賭業比較疲弱，反觀柬埔寨賭場有起色時，原本流入澳門賭業股慨資金，就會轉投金界。 |
Earnings , NAGACORP , Capital Flow , USD |
| 股中人 |
2022-07-20T17:23 |
【now.com財經】股票是一場處理資訊的游戲。資訊可以昭告天下，也可以暗藏密碼，是好處也是難處。 鄭煤機(00564)創逾一年高，個別確信「價值」的頻友勝出一仗，以近乎RM形式交流的老友能夠完整接收而且正確解讀暗藏密碼，作為信息發送者夫復何求。當然今年硬仗連連，一個半個操作只是微塵，長路慢慢，繼續埋首做功課。 大市交投縮減，往往是尋寶好機會，識途老馬此時此刻不會在社交媒體怨天尤人，而是懂得問要買甚麼。市場上最多人只求林把價位，偏偏此類股民往往輸多贏少，特別近幾季甚麼「技術位」都成陷阱，支持必穿，阻力必破，「止蝕」多過食飯。 變動時代往往是催生新事物的時機。天大地大，只怕狹隘，考試結果即使不如意，灰幾日就足夠，停步就會一輸再輸，勝在有時間，勝在有機會。 倪老作品衛斯理系列的終章《只限老友》中，衛斯理一家與老友溫寶裕向星空出發，溫寶裕放棄消滅人口救地球的想法，轉而尋找新生活，正正就是周國賢的《重逢》，要明就會明，機會遍宇宙。 |
ZCZL |
| 陳錦興 |
2022-07-20T15:49 |
【Now財經台】據外媒報道，俄羅斯天然氣完成年度維修後，或會恢復對歐洲供氣，但產量會減少。歐盟又估計，一旦俄羅斯停止供氣，或會令歐盟GDP受損，仲會出現能源危機等連鎖反應，俄羅斯最終決定會系點？此外，天然氣供應少左，可能又要用返煤，煤炭股系咪可以受惠到，其中兗煤澳大利亞(03668)已連升7日，憧憬及利好作用系咪真系咁大？ 英皇證券研究部總監陳錦興指，照現時慨情況估計，俄羅斯部署上有一定難度，睇返基本面，俄羅斯恢復對歐洲供氣慨機會系大左，但供氣量應該會調整。 Stanley又認為，俄羅斯未必會太極端咁完全「斷氣」，因為能源只系反制歐洲其中一項政治工具，如果完全停止供氣，亦會損害俄羅斯經濟。佢又話，隨著歐洲不斷加大對俄羅斯慨制裁力度，即使俄羅斯恢復供氣，數量亦大不如前，估計最多相等於過往40%。 |
Energy , AUD , EMPEROR CAPITAL , Coal , YANCOAL AUS |
| 莊志雄 |
2022-07-20T15:07 |
【Now財經台】美股噚晚勁彈，睇返過去一星期，外圍、新興市場股市表現都唔錯，但A股、港股因內房「爛尾樓」風暴而跑輸，點解讀上周外圍呢個反彈？系咪反映已經見左短期底？ 「股市漁夫」創辦人莊志雄指，今次慨反彈已經行左幾個星期，雖然反彈比較反覆，但如果計返收巿低位，標指噚晚彈到6%至7%，如果系熊巿反彈，佢認為仲有得彈，但系反彈慨情況都有分先後次序，從環球股巿黎講，第1季A股、港股跌得最殘，所以會率先反彈，美股跌到6月就開始反彈，同樣都系由跌到最殘慨增長股、科技股及虛擬貨幣彈起先。不過，去到反彈中段，其他大巿值美股都反彈，所以過去一星期就唔同之前，而納指就跑嬴左ARKK。 佢又話，去到今個星期，由於大家都以為美元出現突破，但依家已跌穿曬突破日慨升幅，變左歐元有得升，幫到歐洲股巿，而歐元升幅更高達6%，所以歐美股巿系全面反彈。 Lewis認為，由於美元早前強勢，令投資者對新興巿場有憂慮，加上內房危機影響緊A股、港股，但A股、港股之前都試過跌得幾殘，佢提醒投資者唔好係上落巿高追，係低位亦唔使太驚，反而可以考慮買返些貨。 莊志雄 「股市漁夫」創辦人 |
Stock , US Stock , China Real Estate , IT , USD |
| 譚智樂 |
2022-07-20T13:47 |
【Now財經台】截至早上11點止，1小時內《彭博》用戶關注度上升最多港股，依次為新世界發展(00017)、融創中國(01918)、聯想集團(00992)、時代中國(01233)、中銀香港(02388)。 市傳新世界計劃出售本港非核心業務，涉及逾100億元，包括商場、酒店、全幢商廈或工廈，有D.PARK愉景新城、新蒲崗九龍貝爾特酒店等。本港加息周期快將殺到，呢個時候出售非核心業務，系咪好時機？可唔可以賣到靚價？ 獨立股評人譚智樂指，依家市況大不如前，估計黎緊好多公司都會做類似動作，呢個時候出售資產反映集團對前景睇法仍比較審慎，噚日有消息指，新世界有信心集團未來能維持穩定盈利增長，背後原因系，就算面對經濟增長放慢，甚至有衰退風險，都可以靠出售資產維持短線盈利能力。 譚智樂又話，呢單消息對大市影響唔大，市場唔會因為新世界出售資產，就預期集團有機會派特別息。 |
NEW WORLD DEV , BOC HONG KONG , Stock , LENOVO GROUP , HK Banks |
| 文錦輝 |
2022-07-20T10:43 |
【Now財經台】Netflix係噚晚美股收市後出季績，股價係出季績前已經造好，第2季流失97萬付費用戶，但遠勝市場預期，每股盈利亦好過預期，加上估計今季訂戶人數會回復增長，所以盤後再升多浸，市銷率(PS)只得2.5倍，系近10年最低，股價自52周高位回落左70%，跑輸曬美國大型科網股，呢份業績真系有咁大驚喜？股價可以彈到幾高？ 艾德證券期貨投資策略總監文錦輝話，Netflix之前兩次出完業績都跳懸崖式下跌，睇返噚晚慨走勢，美股今晚一定抽上去，有機會抽高40美元至50美元，要博就係場外交易時段，趁佢唔系升得好多，美股今晚開市抽上去就比返佢。 Felix又話，Netflix每次出業績都好驚嚇，好多投機買賣都集中係場外交易時段，或開市頭半個鍾，一見勢色唔對就要走，佢估計，Netflix今晚會有機會升70美元至80美元。 文錦輝 艾德證券期貨投資策略總監 |
Earnings , ETF , USD , US Stock , HSCEI ETF |
| 郭家耀 |
2022-07-20T09:55 |
【Now財經台】安里資產管理董事總經理郭家耀推介美團(03690) 推介原因： –業務復蘇表現理想 –新業務虧損有望收窄 建議買入價：180元 目標價：220元 止蝕價：165元 郭家耀 安理資產管理有限公司董事總經理 相關股票 編號 名稱 03690 美團－Ｗ 相關文章 港股半日升359點返兩萬一 生科教育股搶鏡 17分鍾前 港股曾升437點返二萬一 藥明 信達生物跑出 2小時19分鍾前 【麥格理快線】ATMJ領漲 阿里力保紅底股地位 2小時48分鍾前 恆指高開307點 科指高開2.1% 3小時15分鍾前 【國際早班車】美證交會主席:不確定中企能否避免除牌 5小時30分鍾前 【北水手影】轉淨入11.2億 續吸騰訊 沽車股 18小時前 港股吐185點成交干 科指挫1.5%守50天線 19小時前 野村料美團核心業務續復蘇 續睇250元 21小時前 港股午後曾挫296點後喘穩 航運股續強 23小時前 港股半日跌240點成交縮 阿里受壓 車股軟 2022/07/19 12:37 |
Rating |
| 譚智樂 |
2022-07-19T18:52 |
【Now財經台】地產股慨收入除左樓宇買賣外，唔少都來自商場、租金收入同內地樓市，雖然依家仍未通關，防疫措施亦未見放寬跡象，但如果投資者想入市地產股慨話，幾時先系最佳時機？ 獨立股評人譚智樂指，投資地產股時應該留意加息幅度，由於聯儲局月底可能加0.75厘至1厘，股價短期內可能會調整10%至20%。睇返有實力慨大型地產股如新鴻基地產(00016)同新世界發展(00017)，雖然每年都可以收到8厘至9厘息，但樓價向下加上行業狀況未必配合，地產股有機會行深V型走勢，有可能賺息蝕價。 不過，Arnold亦指，有實力慨大型地產股慨財務狀況夠穩健，唔會出現爛尾、突然停工狀況，呢類地產股有長線投資價值，短線投資就較適合分注吸納。 |
SHK PPT , NEW WORLD DEV , Real Estate , China real est , Real Estate |
| 陳鳳珠 |
2022-07-19T17:24 |
【Now財經台】思摩爾(06969)在美國電子煙市場的一大勁敵JUUL，早前被美國食品及藥物管理局(FDA)頒令停售電子煙產品，未來美國市場會唔會成為思摩爾增長動力呢？ 安里資產管理投資組合經理陳鳳珠指出，思摩爾內地市場總占收入40%，內地業績相對差，恢復比較慢，美國同英國市場合共占20%，如果要倚賴海外市場增長，彌補返內地慨下跌暫時都系比較困難。 她相信，行業需求量增加，海外業務會呈現增長趨勢，加上集團係海外市場推出一次性電子煙帶動銷售，相信海外收入會有增長，但要完全彌補跌幅有一定困難。 |
Food |
| 盧志明 |
2022-07-19T14:18 |
【Now財經台】截至早上11點，1小時內《彭博》用戶關注度上升最多港股，依次為華南城(01668)、瑞聲科技(02018)、東方海外(03160)、銀河娛樂(00027)、聯想集團(00992)。 消息面上，華南城上日公布以12.57億元人民幣，出售物管業務一半持股予大股東深圳特區建設發展集團；另外，今日華南城慨美元債大幅下跌，據報公司考慮將五只，今年到期的美元債延期，涉及16億美元。 睇返上日的交易，作價估值遠高於華南城估值，有大股東高價科水但股價都無咩反應，系咪同公司本身債務重及還債能力惡化有關? 大唐資本投資策略部總監盧志明指，過去半年華南城一直有減持自己項目，至於減持背後原因，可以追溯到今年2月，華南城陸續同唔同公司搞城市規劃以及能源合作慨協議，進行業務轉型。 盧志明指出，業務轉型呢些都系年中已經見得到，反而要留意慨系黎緊有冇後續消息公布。 |
RMB , Stock , Energy , GALAXY ENT , LENOVO GROUP |
| 黃偉豪 |
2022-07-19T13:38 |
【Now財經台】內地監管風波、爛尾樓事件及疫情等不明朗因素影響下，恆生指數一直上上落落，雖然上月高位見22449點左右，但呢排又不停跌，日前跌至20215點，呢個跌幅足唔足以令淡友再搏得進取些？ 中薇證券研究部董事黃偉豪指，係現時恆指由上月高位到依家都跌左成2000點慨情況下，依家先沽慨話已經太遲，雖然市場有不明朗因素，如爛尾樓事件、外圍加息因素及經濟衰退憂慮等，但相信恆指短期內未必有大跌空間。 他建議，投資者即使睇淡都要留意注碼，及選擇一些收回價放係21000點及50天線以上的熊證。 黃偉豪 中薇證券研究部董事 |
HANG SENG BANK , Stock |
| 盧志威 |
2022-07-19T10:57 |
【Now財經台】上日恆生綜合指數慨地產建築分類指數錄得一個月來最大單日升幅。金融監管部門據報，考慮為拒絕繼續供爛尾樓慨苦主提供緩沖期，又要求建行(00939)探討同地方政府設立基金，購買在建慨地產項目改建公共房屋，目前有無足夠數據睇到，斷供爛尾樓事件危機不會擴大? 潤淼資產管理董事盧志威指，銀行正面對風險，因為銀行貸款收唔返會對內銀不利，同時間若果要兼顧購買在建項目改見公屋的話，市場未必會鍾意內銀要做埋呢樣野，認為內銀股走勢或回跌，最終要視乎事件會否要由銀行去收拾殘局。 |
China Banks , HANG SENG BANK , Real Estate , HK Banks , Real Estate |
| 黃敏碩 |
2022-07-19T10:57 |
【Now財經台】寶鉅證券董事及首席投資總監黃敏碩推介新創建(00659) 推介原因: -業務涵蓋收費道路、環境管理、物流設施、建築及交通等 -退出飛機租賃業務，擴大物流領域發展，積極收購多項物流企業 -發盈喜，核心業務經營溢利保持穩定， |
CMBC CAPITAL |
| 梁振輝 |
2022-07-19T10:06 |
【now.com財經】美國6月份通脹數據高於市場預估，加上就業市場狀況較預期緊張，令投資市場前景蒙上更多陰影。全球各大中央銀行加快緊縮政策的任務變得更加緊迫，從而加劇了未來幾個季度經濟增長大幅放緩的風險。 渣打在下半年展望報告中強調，現時並非過度集中投資於個別資產類別的時機。我們偏向在基准資產配置模型中，廣泛而多元地配置股票、債券和另類資產，並增加對美國和歐洲醫療保健股等防御型板塊的倉位，同時繼續借助能源股、黃金和私募資產對沖通脹前景。 高通脹逼使央行加快行動 美國上周公布的數據顯示整體通脹攀升至9.1%的40年來新高。核心通脹(不包括食品和能源)按月升幅擴大至0.7%，各通脹分項指標的增速均見加快，情況令人憂慮。我們認為，美聯儲7月份加息100個基點及9月份再加息75個基點的風險因而上升。 美聯儲主席鮑威爾曾公開表示遏制通脹是首要任務，美聯儲只會在通脹持續下降數月後才會放慢加息腳步。其他央行亦已經積極應對通脹壓力，加拿大央行上周出乎預期加息100個基點，新加坡和菲律賓央行更未有等待政策會議便出手緊縮貨幣政策。 值得慶幸的是，股債之間的負關聯性似乎已經回歸。 |
Gold , US Bonds , Energy , HK Banks , USD |
| 阮子曦 |
2022-07-18T22:34 |
【Now財經台】天虹紡織(02678)發盈警，預期上半年純利約10億元人民幣，倒退逾20%。 中國通海證券投資策略聯席董事阮子曦表示，天虹上半年盈利倒退，原因之一是去年比較基數偏高，實際上賺約10億元人民幣，已屬不俗，不過第三季以至下半年盈利可能更差，原因是擔心環球經濟衰退下，公司訂單或更少，相信股價短期難有任何起色。 阮子曦 中國通海證券投資策略聯席總監 相關股票 編號 名稱 02678 天虹紡織 相關文章 天虹紡織料中期盈利跌逾兩成 7小時前 恆指午後曾倒跌14點 半日沽空率達19.4% 2022/07/13 14:09 【專家分析】呢只紡織股有自家品牌估值又唔貴 2021/06/17 17:55 【港股今日睇】天虹發盈喜 股價可受惠？ 2021/06/10 22:45 【股市脈搏】呢只舊經濟股大翻身 2021/03/15 11:15 |
Results , RMB , TEXHONG INTL GP |
| 梁傑文 |
2022-07-18T15:45 |
【Now財經台】內房危機蔓延至內銀及物管，華南城(01668)今早開市前公布最新1宗交易，涉及出售物管業務深圳第一亞太物業管理50%股權，買家系背後有深圳國資委作為大股東慨深圳特區建設發展集團，作價逾12億人仔，折合逾14億港元，但點解股價今日冇乜反應？ 《香港股票財技密碼》作者梁傑文指，表面睇，交易作價系好吸引，內房股近年因債務問題，或市場再融資情況，導致要不斷「伸手」集資，或者透過積極處置旗下資產，希望盡快補充資金還債，對內房黎講，透過出售旗下公司集資系常見手段，而焦點會落係交易作價，華南城股價今日冇明顯彈高，相信系交易細節或條款令市場唔收貨，雖然交易作價逾12億人仔，但認沽期權、認購期權相關條款，令投資者覺得即使交易落實都唔太樂觀。 |
Stock , China Real Estate , China Banks , BROCKMAN MINING , IPO |
| 李浩然 |
2022-07-18T10:52 |
【now.com財經】「世上無難事，發達最艱難」。投資致富並不容易，而每一種投資策略和哲學都有其優點和缺點。而作為普羅的投資者，即使有良好的投資策略，如果沒有耐性堅持，許多時候也是徒然。當然，也有許多因素影響了投資者的風格和類型，包括： 一、經驗往往塑造了對金融市場風險與回報的看法。作為投資者在漫長的成長歲月以及所經歷的各種市場環境，可能會對資金的投資方式產生巨大影響。 二、性格改變命運，不同個性的人會被不同的投資策略所吸引。 三、在嘗試或學習投資的起步階段，所閱讀的投資大師書籍或是啟蒙的學習對象也對選擇未來投資的風格有著深遠的影響。 不過，不論是學習那類型的投資法則，個人得到最大得著是投資的Time horizon的重要性。能夠長期能夠不斷反思和保持紀律去執行，更是市場上為數不多的優勢之一。參考 WisdomTree的Jeremy Schwartz整理了由 1928年至2021年的這段時期的市場數據，在過去的94年中有30年現金跑贏了股市。 |
US Bonds , USD |
| 郭思治 |
2022-07-18T10:09 |
【now.com財經】自踏進7月份後，港股表現持續反覆，直到執筆一刻止計，本月大市之形態暫仍屬先高而後低，恆指暫是由5日之高位22,198點跌至15日之低位20,215點，即月內之波幅已稍擴闊至1,983點，論波幅該已不算小，惟目前大市氣氛薄弱，在買盤審慎下，衹要沽壓再稍作主動，大市可能仍會進一步往下尋月內新低，加上本月剩下之交易日仍有10天，一旦美股出現較明顯之跌勢，港股當不能獨善其身，故在反覆不明且帶軟之市況下，整個續往下尋底之弱態暫似難改善。 經過周來之一輪反覆急回後，移動線方面之走勢亦開始轉弱，目前各組常用的平均移動線由上而下排列為：250天線(23,530點)，20天線(21,438點)，100天線(21,317點)，10天線(21,246點)及50天線(21,017點)，從周來之走勢看，10天線是於14日跌穿20天線，即移動線方面初亮死亡交叉，到15日，10天線再進一步跌穿100天線，再亮另一死亡交叉，單從技術上看，大市之弱勢正在不斷惡化中，即使市勢能偶作回升，但可能衹屬有波幅而冇升幅，有反彈而冇大升之技術性後抽而已。 |
Stock , US Stock |
| 陳錦興 |
2022-07-18T09:50 |
【Now財經台】英皇證券研究部總監陳錦興推介中國海洋石油(00883) 推介原因： –下半年內地經濟增長加快，有利油價回穩 –產油成本低，盈利能力仍強 –派息政策清晰， |
Oil , EMPEROR CAPITAL , CNOOC |
| 趙晞文 |
2022-07-15T22:41 |
【Now財經台】四環醫藥(00460)擬於未來12-24個月，出售部分或全部仿制藥業務，聚焦發展醫美及創新藥板塊。 信達國際研究部主管趙晞文表示，四環三大業務之中，雖然仿制藥去年收入增速最慢，盈利亦倒退，但仍是公司最主要收入及盈利來源，加上能夠產生足夠現金流，支持公司於創新藥的研發開支，假如全部仿制藥業務出售，雖然可套現一筆資金，但未來業績很可能見紅，估計消息或對股價有短期刺激，但長遠對業務發展，未必是明智之舉。 |
Earnings , Capital Flow , SIHUAN PHARM |
| 陳鳳珠 |
2022-07-15T16:18 |
【Now財經台】美國總統拜登正出訪中東，市場關注佢沙特之行，可唔可以促成石油輸出國組織(OPEC)增產，如果沙特等主要產油國同意增產，對中遠海能(01138)呢類專營中東運油業務慨公司，系咪有重大利好作用？ 安里資產管理投資組合經理陳鳳珠指，即使可以增加原油供應，但由於外圍經濟依家處於衰退階段，所以原油需求未必好似預期咁多，加上供應增加可能會遏抑油價，依家外圍經濟比較弱，係需求同預期可能有落差下，運油生意未必好似想象中咁好。 佢又話，雖然上半年系基於地緣政局，導致中遠海能業績倒差，但下半年仍然睇唔到有咩轉機，所以較睇淡公司前景。 |
Oil , COSCO SHIP ENGY |
| 陳建良 |
2022-07-15T15:44 |
【Now財經台】雖然經歷上半年商品價格回落，以及內地封控，但似乎對煤炭企業冇太大影響，多只煤炭股仲可以發盈喜，點解會出現呢個現象？煤炭股慨表現下半年仲keep唔keep到？ 勝利瑞柏基金管理合伙人暨投資總監陳建良指，自上半年爆發俄烏戰事，刺激油價急升，加上呢類能源慨需求彈性較細，令能源股表現相對理想，而煤價跟住油價向上，因此，有多只煤炭股發盈喜都唔意外。 不過，KL認為，下半年未必太睇好能源股，因為全球經濟有機會面臨衰退，各類能源價格可能會大幅下調，事實上，油價已經開始跌落黎，相信煤價都好難唔跌，而係全球加息潮下，商品需求勢必減少，因此，唔好期望煤炭股下半年表現好似之前咁亮麗。 陳建良 勝利瑞柏基金管理合伙人暨投資總監 |
Energy , Coal , JACOBSON PHARMA |
| 梁偉源 |
2022-07-15T12:32 |
【Now財經台】截至早上11點止，1小時內《彭博》用戶關注度上升最多港股，依次為中銀香港(02388)、恆生銀行(00011)、建設銀行(00939)、中國銀行(03988)及萬科企業(02202)。 2只上榜本港銀行股今朝一度跌逾3%，恆生連續兩日創52周新低，中銀亦一度跌至4個月低位。消息面方面，美國大型銀行季績期展開，摩根大通及摩根士丹利表現都差過預期，內地爛尾樓房貸斷供危機發酵會唔會系其中一個原因？ 大華繼顯執行董事梁偉源認為，市場呢兩日都擔心國內爛尾樓慨事態發展，現時國內慨中資銀行指，爛尾樓慨貸款總額占比唔算太大，但中銀、恆生有近20%至30%貸款同內地房地產有關，比率相對較高。 至於會唔會引發更嚴重風險，Steven表示，要留意內地政府部門呢幾日慨會議，睇下有咩方法可以避免情況再惡化。 |
HANG SENG BANK , HK Banks , BOC HONG KONG , Stock , Real Estate |
| 聶振邦 |
2022-07-15T11:12 |
【Now財經台】美國通脹「破9」令市場憂慮聯儲局要再加大加息力度，導致經濟陷入衰退，加上美國銀行業績差過預期，道指噚晚一度急瀉逾600點，但收市僅跌逾百點，不過，道指、標指同上月慨逾年半低位只相差約2%，美股係季績期再創新低慨風險高唔高？ 華盛證券分析師聶振邦指，即將出爐慨業績，尤其系科技股，好大機會令市場失望，因為金融股一般都可以受惠於加息周期，但踏入第2季，美國經濟增長放緩會影響信貸慨積極性，即使有加息呢個利好因素，盈利都要倒退，聶Sir估計，金融、新經濟股今個月余下時都好大機會受壓。 聶振邦 華盛證券分析師 |
US Stock , Earnings , IT , US Credit , AEON CREDIT |
| 盧志明 |
2022-07-15T10:13 |
【Now財經台】大唐資本投資策略部總監盧志明推介歐舒丹(00973) 推介原因: - 去年銷售淨額按年升16%，純利創新高按年升60% - 管理層目標今年實現，13%至19%的低段銷售增長 - 未來計劃繼續進行收購， |
|
| 植耀輝 |
2022-07-14T22:52 |
【Now財經台】九興控股(01836)預告，上半年純利至少有0.52億美元，即按年增長61.5%以上。 耀才證券研究部總監植耀輝表示，九興半年業績理想，而且盈利已超越疫情前水平，加上公司過往派息慷慨，目前估值算吸引，不過基於股份交投相對疏落，只適合長線投資，不宜短炒。 植耀輝 耀才證券研究部總監 相關股票 編號 名稱 01836 九興控股 相關文章 九興盈喜 料中期盈利逾5200萬美元 8小時前 【大行報告】大和:特步防守力體品股中最強 2022/05/11 14:20 【醒晨推介】黃敏碩推介九興控股 2022/04/26 10:07 【大行報告】大和:內地封城對九興影響有限 2022/04/22 12:22 【港股今日睇】股權結構轉變 九興隨時捱沽？ 2022/01/13 22:43 【港股今日睇】九興發盈喜 股價有力沖？ 2021/12/16 22:47 【大行報告】高盛：越南再爆疫加注申洲九興 2021/07/20 12:15 【港股今日睇】九興罕有回購 意味股價見底？ 2021/01/05 22:44 |
Results , STELLA HOLDINGS , Earnings , USD |
| 文錦輝 |
2022-07-14T19:09 |
【Now財經台】金價噚日低見每盎司1707美元後反彈，即使環球主要央行慨加息步伐似乎愈來愈快，金價暫時仲守到1700美元水平，金價上一次下試呢個水平，已經系舊年8月初，金價短期跌穿1700美元慨機會有幾大？ 艾德證券期貨投資策略總監文錦輝指，呢幾日美元走強，各央行接二連三咁加息，加上聯儲局月底好大機會加息0.75厘，當市場反映呢些因素時，金價未來幾日有機會跌穿1700美元水平，如果守得住就會抽返上去。 Felix又指，未來如果受經濟衰退、通脹夾擊，就會搵黃金對沖，因此，黃金慨沽盤會減少，同埋會有買盤係1720美元以下水平吸納，只要金價守得住1705美元至1710美元呢個支持位就冇問題。 文錦輝 艾德證券期貨投資策略總監 |
Gold , USD |
| 植耀輝 |
2022-07-14T16:24 |
【Now財經台】華潤燃氣(01193)注資逾46億人仔，收購合肥燃氣49%股權，依家內地可以潤燃插旗慨省會級城市已買少見少，今次集團係安徽插旗慨象征意義系咪更大？ 耀才證券研究部總監植耀輝指，其實呢個板塊慨競爭一向唔細，好多公司都透過收購不斷搶市占率，如果你唔做，其他人都會做，最後反而令自己公司不利，所以依家唔少公司都會爭住去收購一些優質項目。 Stanley又話，潤燃近年都有唔同部署，今次呢類交易亦做左唔少，但大行對呢個板塊慨睇法仍相對保守，主要系受疫情影響，市場認為燃氣銷售會減少，不過，對潤燃睇法相對正面，原因系公司未來仍有並購憧憬及部署，所以見到股價表現及大行對佢地慨評價都相對正面。 |
CHINA RES GAS |
| 許繹彬 |
2022-07-14T10:28 |
【now.com財經】傳統「七翻身」的月份轉眼已過了一半，惟港股似乎沒有起死回生的感覺，反而不利消息接踵而來，拖累大市反覆下沉；大市若繼續無好消息加持，恐怕形成「陰干」的困局 ，現階段先以20,960點 (50天線) 作主要防守區，如有所失誤，可能會下試20,600點的水平。 除股王騰訊(00700)遭第二大股東打「開口牌」話減持外，本周二(7月12日)又傳出股神巴菲特將2.25億股比亞迪(01211)H股調入美資大行花旗中央結算戶口，似為減持作出預備，隨即令比亞迪的股價跌到「七個一皮」，按周股價下調近20%，其他汽車股亦慘受牽連，情況令人憂慮。 加上，澳門突然因疫情嚴峻而要「封城」一周，令危在旦夕的澳門經濟，雪上加霜，澳門股亦即時受壓。國內拖磨多時的疫情，原以為已經受控，上海部份地區本周卻突然出現「圍封強檢」，意味著疫情仍揮之不去，累及一眾內房物管股的股價，拾級而下。筆者認為，騰訊、銀河娛樂(00027、碧桂園服務(006098)及比亞迪，乃本地藍籌的中流砥柱，股價連番下挫，加上港交所(00388)股價亦「企唔穩」，港股已由本月高位回落近千點，慶幸大市回調時，成交額暫未見同步回落。 |
IPO , IPO , HK Cap Flow , Stock , China Real Estate |
| 陳偉明 |
2022-07-14T10:19 |
【now.com財經】港股上周因為憧憬美國短期內取消部分中國商品關稅及香港政府暫緩個別航班「熔斷機制」，這兩大利好消息而分別在上周二(7月5日)及上周五(8日)沖上22,000點之上，但正如筆者過往不斷強調22,500點關阻力重重，高追宜審慎，應該以趁低吸納為主要策略，結果近日內地疫情回升，加上美股回穩，而美匯亦轉強，資金流出中港股市，港股在本周初跌穿21,000點關後，在大約20,800點附近窄幅徘徊。 雖然上周外圍消息頗多，包括英國首相約翰遜辭職和日本前首相安倍晉三遇刺，但真正拖累港股的跌勢絕對是近日內地疫情反彈，要知道近期中港股市跑贏美股的原因源自於憧憬內地自6月疫情大幅改善及上海解封後，中央積極推進內地經濟復蘇。如果內地疫情惡化，加上美國面臨急進加息壓力，港股自然凶多吉少。 另一方面，美國早前公布就業數據及剛公布通脹數據亦遠超預期，反映本月底議息時繼續加息0.75厘的機會甚高，美匯強勢，增加資金流入美股機會，因此美股近期相對比港股強勢。然而隨著美國通脹壓力越大，未來激進大幅加息的預期預高，美股近期轉強卻難改為上升趨勢。 |
Stock , HK Cap Flow , IT , Capital Flow , US Stock |
| 羅尚沛 |
2022-07-13T22:41 |
【Now財經台】權益披露顯示，申洲國際(02313)主席兼大股東馬建榮本周一場外減持252.1萬股，套現2.12億元。 銀河證券業務發展董事羅尚沛表示，申洲大股東減持，可能純粹個人財務需要，不過相信公司今年業績，在全球經濟很可能陷入衰退之下，難以改善。 |
Trades , SHENZHOU INTL |
| 股中人 |
2022-07-13T17:49 |
【now.com財經】沽空機構的狙擊報告，往往妙趣橫生。 先不論穿鑿附會的低手報告，優秀沽空機構分析的切入角度獨特，對練就投資批判思維不可或缺。 沽空機構「龍頭」Muddy Waters(渾水)最新狙擊美國上市、專注新能源項目投資的Hannon Armstrong Sustainable Infrastructure Capital(HASI)，報告題為「ESG」 is for Exaggerating, Scamming, and Grifting。 「環境、社會和企業管治」(ESG)概念近年橫行，甚至開始有專業分析師資格，不過范圍虛無飄渺，凡是動用資源就涉及「環境」，凡是公司對外接觸就是「社會」，凡是一切內部事務就是「企業管治」。甚有早年於英國大行其道，但實施上不著邊際的Health and Safety概念。 一單還一單，輿論吹奏ESG(先不論理據)，本身就帶來投機的機會。 |
Energy , C FIN INT INV , CH RENEW EN INV , JACOBSON PHARMA , New Energy |
| 聶振邦 |
2022-07-13T16:03 |
【Now財經台】內地紙業面對多重挑戰，包括新增供應、生產成本上升，推高原材料及生產燃料價格，而全國各地防疫封控就削弱紙品慨消費需求，內地紙業面對呢個經營環境，紙業股系咪好難吸引資金重新流入？ 華盛證券分析師聶振邦指，內地封城措施慨影響，已經係3月至4月反映，內地5月開始復工復產，其實對紙業供應影響唔大，加上國際油價回落至每桶100美元樓下，反映現價對生產成本冇構成壓力。 聶Sir又話，紙業股對人仔較敏感，一旦人仔貶值，會加大股價受壓風險，不過，由於預期下半年消費行情比上半年好，對紙業需求會有改善，佢估計，下半年會有較多資金重新流入紙業股。 聶振邦 華盛證券分析師 |
Oil , Capital Flow , USD |
| 莊志雄 |
2022-07-13T15:40 |
【Now財經台】美元持續強勢，美匯指數近日沖上108水平，雖然市場驚美國經濟衰退，但另一方面，美元資產就受惠於匯價而有支持，係唔同因素夾雜下，美元強勢對美股有咩影響？ 「股市漁夫」創辦人莊志雄指，如果美匯指數要挑戰119、120水平，需要有重磅消息配合，例如有金融機構爆煲及金融危機等，係美匯指數強勢下，就算之前表現最好慨滬深300 ETF，但第3季一開局都要跌，但有趣慨地方系，傳統上美股係7月頭兩個星期，表現系會好些，係美匯強勢下，美股都冇跌，更加有趣系，第1季做得最差慨，例如ARKK或零售股ETF，係美股彈返少少之下，反而做得唔錯，至於下半年業績指引幾差慨Micron，股價不跌反升，美股依家係度做緊一個反彈，而呢個反彈似乎未完，佢估計可能會再夾多一下勁些先完結。 |
US Bonds , ETF , USD , US Stock , USD |
| 譚智樂 |
2022-07-13T12:53 |
【Now財經台】截至早上11止，1小時內《彭博》用戶關注度上升最多港股，依次為國泰航空(00293)、比亞迪股份(01211)、碧桂園(02007)、萬科企業(02202)、建業地產(00832)。 醫務衛生局局長盧寵茂接受《南華早報》訪問指，本港有一國兩制優勢，防疫政策毋須復制內地，預期11月初來港參加國際投資峰會人士入境香港時，有望有條件免隔離檢疫，國泰股價系咪值得憧憬？ 獨立股評人譚智樂指，市場未必炒緊香港有自己一套防疫措施，美股噚晚表現唔太理想，但航空板塊成為資金追捧對象，短線黎講，國泰問題唔大，今朝一度上試8.8元，但升唔穿。 Arnold認為，當市場關注經濟衰退時，航空股都好難獨善其身，因為航空股同經濟敏感度有較高關聯性，一旦經濟衰退，旅行意欲及商務旅游都會大減。佢又提醒，要留意一旦防疫措施放寬速度慢過預期，短線會有調整壓力，建議等股價回落至8元以撈貨。 |
CATHAY PAC AIR , Stock , Real Estate , BYD COMPANY , COUNTRY GARDEN |
| 文錦輝 |
2022-07-13T11:11 |
【Now財經台】噚日傳出「股神」巴菲特可能部署減持楂住14年慨比亞迪股份(01211)，前日比亞迪仲同分析員開電話會議，話手頭定單涉及70萬架車，又計劃泵錢擴產能，同埋下半年開始向新能源車客戶提供電池，但呢些利好因素都不敵一個「沽貨疑雲」，比亞迪H股噚日收市大跌近12%，錄得逾年半最大跌幅，股價系咪會繼續「死火」？ 艾德證券期貨投資策略總監文錦輝指，傳出減持呢類消息，股價一定冇運行，不過，巴菲特都有減持其他股份慨前科，根據過往經驗，跌完好快就升返上去，即使巴菲特投資配置有變動，唔代表佢完全睇淡新能源汽車行業，如果巴菲特真系減持比亞迪，投行都需時處理，因為貿然沽出街系冇人接貨，不過，若減持部分配合配售，又搵到「新主人」，Felix認為唔使太擔心比亞迪股價。 |
Energy , BYD COMPANY , New Energy Vehicles , New Energy |
| 植耀輝 |
2022-07-13T09:55 |
【Now財經台】耀才證券研究部總監植耀輝推介中國移動(00941) 推介原因： -波動市況具防守性 -業務基本穩定， |
CHINA MOBILE |
| 李偉傑 |
2022-07-12T18:01 |
【Now財經台】海底撈(06862)計劃分拆海外業務上市後，有分析估計，分拆後海底撈股價會較為波動，但依家細節、定價都冇，所以都好難估計股價之後點走，但睇返海底撈基本面，6月翻台率原本預期按月會跟隨疫情回穩，因為放寬左限制措施，但內地疫情最近又反彈，好多地方再實施唔同程度慨限制措施，海底撈業務系咪有機會再放緩？ 股評人李偉傑認為，海底撈過往慨叫糊位系快速擴張，同埋翻台率都犀利，但疫情不確定性一直困擾餐飲股，海底撈最大問題系業務較單一，一直以打邊爐為主，雖然食客體驗度高，但忠誠度未必持續好耐，如果真系想行出一條新路，發展其他新品牌，先可以繼續吸引新食客。 佢又話，分拆對海底撈黎講唔系壞事，但分拆出黎慨海外業務，會唔會受市場歡迎，呢個都要留意住。 |
IPO , IPO , HAIDILAO |
| 陳欣 |
2022-07-12T16:11 |
【Now財經台】歐元區面對能源危機，加上美元係美國聽日出通脹數據前，持續刷新20年高位，美匯指數一度高見108.5，歐元兌美元低見1.0004，系20年最弱，似乎跌穿1算只系時間問題。 資深外匯分析師陳欣指，歐元基本面真系非常差，之前市場擔心歐洲通脹及經濟增長問題，都令歐元面對好大壓力，而歐元區6月商業活動指數急速放緩，反映歐元暫時都好難扭轉弱勢，雖然歐洲央行聲稱會加息，但係高通脹及經濟咁差之下，即使加息，幅度都唔會好大，好難應對到依家慨情況，資金一定泊入美元避險，歐元必定會跌穿1算，向下已無險可守。 陳欣 樂天證券香港銷售總監 |
USD , Energy , USD , EURO |
| 盧志明 |
2022-07-12T15:21 |
【Now財經台】截至早上11止，1小時內《彭博》用戶關注度上升最多港股，依次為比亞迪股份(01211)、雅居樂集團(03383)、龍湖集團(00960)、金沙中國(01928)、中國中鐵(00390)。 比亞迪約20%股份突然轉倉至花旗，市場擔心大股東、「股神」巴菲特部署減持，拖累比亞迪AH股今日大跌，其中比亞迪H股今朝低開逾5%後，跌幅逐步擴大，一度低見265元，重挫逾13%。據港交所股權披露顯示，巴菲特投資旗艦巴郡持有比亞迪2.25億股H股，同轉倉股份數量一致。 大唐資本投資策略部總監盧志明指，以比亞迪股價係5月由200元起步，最近已升到330元水平，升左約60%，依家出現咁慨傳聞，惹黎一些揣測，難免會有投資者係呢個水平「計數」，其實比亞迪已經唔平，就連一些所謂「神級投資者」都已經有沽貨動機，股價短線應該會比較反覆，下方止蝕位一定系250元水平，要重回290元，甚至300元難度會好高。 |
CHINA RAILWAY , Stock , BYD COMPANY , AGILE GROUP , EVERCHINA INT'L |
| 盧志威 |
2022-07-12T11:40 |
【Now財經台】港股噚日一度急瀉逾700點，過去1年困擾市場慨不利因素，一下子湧曬出黎，包括內地疫情、科網企業監管及內房債務等，大型科網股今朝都冇起色，內地針對科企慨監管時松時緊，似乎好難捉摸。 潤淼資產管理董事盧志威認為，雖然近日再有科企收到罰單，但有可能已進入最後階段，完左之後或者唔會再調查，所以可能系階段性結束監管風波，始終都查左咁耐，到最後就交罰款，因此，今輪調整反而系一個趁低吸納慨機會。佢又話，依家科網股系一個反覆回升慨狀況，好難像過往因為高增長，帶動股價直線上沖，呢個基本上系唔可能，佢建議可以揀較大型、業績較好慨科網股，因為依家已經係相對低位，系有得博。 盧志威 潤淼資產管理董事 |
Stock , China Real Estate |
| 梁振輝 |
2022-07-12T10:11 |
【now.com財經】經濟增長放緩的疑慮令股市受壓，近日債券市場似乎亦作出回應，尤其是美國和歐洲增長放緩，可能最終會成為比通脹更大的風險。單計過去三周，美國國債收益率隨著長期通脹預期下降而大幅回吐，與此同時，美國10年期國債收益率自4月份以來第三次跌至2年期國債收益率下方。 以上走勢反映隨著美聯儲因應通脹飆升逐步緊縮貨幣政策後，債市正准備好迎接美國經濟增長大幅放緩。與此同時，曾經較年初高位跌逾兩成的美股，在過去三周展現韌力，意味投資者正在思考增長放緩是否已經在股價中反映。 左右債市和股市的背景因素分化，令本周開始的美國業績期顯得舉足輕重。悲觀來看，上市企業第二季的盈利狀況和企業對下半年的盈利指引是否會印證投資者對衰退風險的憂慮呢？而從樂觀的角度來看，企業會否表示潛在的盈利驅動因素依舊穩健，從而令投資者安心呢？ 雖然4月份以來，市場已下調了對美國上市企業第二季的盈利預測，但市場對2022全年美股盈利的預測依舊穩步上升。因此，如果企業對2022下半年的盈利指引不及預期，短期內股票或要面臨進一步的下行風險。 |
US Bonds , US Stock , Energy , Earnings , US Credit |
| 陳鳳珠 |
2022-07-12T10:06 |
【Now財經台】安里資產管理投資組合經理陳鳳珠推介雅各臣科研制藥(02633) 推介原因： －品牌名聲影響下，較多藥品靠公司打入香港市場 －2022年財年收入按年上升10%至約16億元 －成本控制規模化及生產自動化，有助公司拓展 －派息穩定，每年有約5厘派息 建議買入價：0.7元 目標價：0.85元 止蝕價：0.63元 陳鳳珠 安理資產管理投資組合經理 相關股票 編號 名稱 02633 雅各臣科研制藥 相關文章 【新股狂熱】快手擬上限定價 「黑馬」心通公開招股超購逾百倍 2021/01/26 19:05 【全城瘋搶】快手半日吸逾百億孖展 國配提早明截飛 2021/01/26 13:36 |
JACOBSON PHARMA |
| 鄭家華 |
2022-07-11T22:47 |
【Now財經台】安踏體育(02020)上半年安踏品牌零售額，錄得中單位數增長，FILA錄得低單位數倒退，兩者均低於公司全年增長指引。 阿仕特朗資產管理董事鄭家華表示，在內地疫情封控措施下，安踏收入表現不濟，應屬預期之內，即使各地政府推出體育消費券，相信對下半年銷情亦無大幫助，同時，市場亦關注公司毛利率及經營溢利率會否下跌。 |
ANTA SPORTS |
| 聶振邦 |
2022-07-11T17:43 |
【Now財經台】新股中康控股(02361)聽日會係主板掛牌，集團今次集資所得，一半資金會用係SAAS產品升級，專注發展智能決策雲、智慧零售雲、智慧醫療雲，呢3項業務去年都快速增長，收入、盈利穩步增長，中康入場費唔使3000元，但股價短期或受大市氣氛影響，系咪要有心理准備持貨一段時間？ 華盛證券分析師聶振邦指，呢3項業務舊年慨收入增長都比較明顯，市場需求亦相對大，不過，由於內地疫情今年似乎唔系太受控，導致中康上半年客戶業務需求減弱，但佢相信，中康明年至後年會出現一個好大慨增長空間。 聶Sir又話，中康21名上市前及基石投資者，已經楂住逾90%可以流通街貨，但因為有禁售期，理論上沽壓應該唔會太大，如果抽中慨投資者，股價聽日低過5.05元，可以考慮走左先，如果一直守得住5.05元，就可以上望6元至6.35元。 聶振邦 華盛證券分析師 |
IPO , IPO , Capital Flow |