| Commentator |
Time |
Content |
Tag |
| 植耀輝 |
2023-02-09T17:34 |
【Now財經台】金界控股(03918)舊年成功扭虧為盈，轉賺1.07億美元，但相比疫情之前，盈利仍相差一大截，到底金界業績復蘇情況理唔理想？集團話為保留現金，所以選擇用「以股代息」方式恢復派息，對投資者黎講吸唔吸引？ 耀才證券研究部總監植耀輝指，「以股代息」對投資者黎講始終「爭些」，派現金一定吸引好多，而今次派息唔多，以全年派息金額黎講，只系10幾美仙，即使派現金，金額都唔大，如果只系一般散戶，持貨又唔多，吸引力絕對唔大。 Stanley話，睇好金界未來慨業務發展，雖然睇返舊年業績，收入同疫情前相比仲差一大截，但係復常概念下，若今年表現逐步改善，對股價相對正面。 |
Earnings , NAGACORP , USD |
| 許繹彬 |
2023-02-09T11:14 |
【now.com財經】港股在國內春節假後，走勢完全缺乏方向，過去的銳氣及大成交消失無蹤，投資者顯得無所適從，在北水灌溉的力度欠奉下，港股的成交更一度再次跌至近1,000億元水平，更顯疲弱。 筆者認為，盡管香港市民每周仍會收到很多「好」消息；如不設限額免檢疫回內地，深圳居民恢復「一簽多行」，或未來亦會再進一步在各省市放寬「一簽多行」政策等，但這些政策好像未能為港股帶來動力，原因相信很簡單，早在兩個月前，正式開始踏入「復常之路」時，港股的步履已比復常的步伐先行很多步，早已或多或少令港股曾一度直逼22,800點水平，然而這復常的步伐或程序，對投資者來說可能已是預料之內；因此，未來面對怎樣的放寬亦已是意料中事，因而對港股相信不會帶來幫助。 由於港股在沒有新沖擊的情況下，外圍消息特別是中美關系，令港股出現無風起浪的現象；現階段投資者只好靜觀其變，留意大市的成交會否轉趨活躍；在欠缺方向的情況下，繼續炒股不炒市；港股未來的走勢成敗，相信暫時亦會落在一眾龍頭科技股身上，「成也科技，敗也科技」這曲調，短期內在港股市場會繼續奏起；建議投資者留意阿里巴巴(09988)的走勢作短炒對象。 |
IT , Stock , LINGYI ITECH |
| 陳偉明 |
2023-02-09T10:54 |
【now.com財經】上周A股復市及北水重臨下，港股不升反跌，一如筆者預期在22,500點水平有回吐壓力，主因恆指在三個月內已因為炒美國放慢加息及內地經濟重啟累升逾8,000點而未曾出現明顯調整，在超買情況及欠缺新的利好因素下，很難再吸引資金高追，加上北水通常是在港股大跌才吸納，因此當A股復市，北水亦趁機減持港股。 事實上，本地銀行未有跟隨美國加息，而中港兩地全面通關消息亦未能刺激港股上周向上，某程度已反映港股升勢在22,500關開始遇阻，最新美國上月非農業新增職位增幅遠高於市場預期，市場再度憂慮聯儲局有繼續加息空間，加上中美關系因氣球事件再度緊張，港股本周初跌至近21,000點才見輕微反彈。雖然市場傾向認為港股短期仍有調整壓力，但筆者認為港股在目前在接近21,000點已經可以開始部署撈貨，關鍵在於如何執行具體策略。 |
Stock , Real Estate , Real Estate , IT , agri |
| 羅尚沛 |
2023-02-08T22:43 |
【Now財經台】復星旅游文化(01991)旗下三亞亞特蘭蒂斯農歷新年假期期間，收入按年升4.5%，較疫前亦升6.1%。 銀河證券業務發展董事羅尚沛表示，復星旅文的三亞度假村，新春期間收入有增長，屬預期之內，但增速略嫌偏低，不過相信內地復常下，公司今年有望扭虧為盈，至於股價已由低位累積一定升幅，加上大股東復星國際(00656)仍可能減持股份套現，建議不宜沾手。 |
FOSUN INTL , FOSUN TOURISM |
| 聶振邦 |
2023-02-08T17:18 |
【Now財經台】普拉達(Prada)(01913)預期係3月9日出業績，日前國際時裝消費品牌指標The Lyst Index公布季度精品品牌排行榜，去年第4季Prada踢走Gucci成為No.1，Prada股價今日沖上逾14個月高位，如果自去年10月低位計，至今累升77％，Prada出業績前，股價系咪會繼續升？短線仲有幾多水位？ 博威環球資產管理金融首席分析師聶振邦指，今年環球經濟表現比上年好，尤其是內地對奢侈品需求持續增長，會利好Prada股價表現，預期後市仍有上升空間，保守估計可以見60元，有貨慨投資者可以睇多一兩個星期，若突破60元，睇下可唔可以進一步挑戰63元至65元，如果上唔到60元水平先考慮走貨，冇貨慨投資者可以等回落至53元或以下先考慮部署。 |
PRADA |
| 陳錦興 |
2023-02-08T16:29 |
【Now財經台】順豐同城(09699)最新業績顯示，舊年上半年收入主要來自兩大業務，分別系同城配送服務及最後一公里配送服務，其中，前者收入占整體65%，公司上周一收市後發盈警，預期去年虧損減少50%以上，其中一個原因系深耕餐飲令集團收入實現良好增長，抖音進軍外賣市場，其中一個合作物流商就系順豐同城，系咪值得憧憬？ 英皇證券研究部總監陳錦興指，順豐同城同抖音合作系值得憧憬，順豐同城系即時配送能力好強，收入增長理想，公司又發展唔同配送場景，令呢方面愈做愈大，一定會帶動毛利增長，改善虧蝕情況，同抖音合作對順豐同城業務有一定刺激作用，但要留意呢方面慨生意量有冇預期咁大。 |
Earnings , Results , EMPEROR CAPITAL |
| 莊志雄 |
2023-02-08T16:19 |
【Now財經台】隔晚聯儲局主席鮑威爾發表講話，雖然同日前亞特蘭大聯儲銀行行長慨口徑一致，話美國經濟持續強勁，利率峰值可能高過預期，但市場似乎未受佢慨言論影響，仲解讀為鮑威爾言論唔夠鷹，美股照升，鮑威爾講話系咪真系冇市場預期咁鷹？ 「股市漁夫」創辦人莊志雄指，呢個系市場解讀，但最重要系睇返資產價格表現，因為可以反映市場點樣解讀，反而市場人士點講系另一回事。佢認為，過去一星期資產價格表現幾奇怪，可能市場聚焦係美股標普500指數身上，但其實鮑威爾發言後，或重磅科技股出左業績後，出現一個奇怪現象，就系美元升，美債跌價，美債息升，而對利率十分敏感慨黃金，價格亦下跌，如果睇返資產價格，除美股外，偏向系「水緊左」。 Lewis又話，那個星期鮑威爾講左兩次野之後，睇資產價格除美股外都系偏緊，所以佢講野鷹或鴿並唔重要，最重要系睇返資產價格表現。 莊志雄 「股市漁夫」創辦人 |
Gold , US Bonds , US Stock , IT , USD |
| 譚智樂 |
2023-02-08T14:05 |
【Now財經台】截至早上11時止，1小時內《彭博》用戶關注度上升最多港股，依次為美團(03690)、快手(01024)、騰訊控股(00700)、龍湖集團(00960)及港交所(00388)。 美團股價已連跌5個交易日，今日再傳黎壞消息，就系抖音3月上線全國外賣服務，已係北京、上海及成都做內部測試，但抖音話冇具體時間表，會逐步拓展試點市場，美團股價今日系咪反應過度？內地外賣格局及市場會唔會出現明顯變化？ 獨立股評人譚智樂指，內地外賣市場一向競爭激烈，抖音系內地活躍用戶數一數二慨平台，依家加入戰團，如果話冇影響，相信大行都唔會咁睇，睇返內地過去幾年慨反壟斷政策，除左美團及餓了麼，引入一間大型競爭者絕對有可能，所以美團股價今日跌左落黎系正常。 佢又話，如果睇返美團股價走勢，的確系比較差，亦跑輸大市，雖然成交大，但未見恐慌性拋售，短線而言，如果有貨，止蝕位可以擺150元，亦唔建議有呢些壞消息傳出時博反彈，但只要唔跌穿150元，亦唔使太驚。 |
Stock , TENCENT , HKEX , IT , LONGFOR GROUP |
| 盧志威 |
2023-02-08T11:55 |
【Now財經台】ChatGPT近期在全球熱爆，Google、Microsoft等紛紛加入戰團，百度集團(09888)亦確認以項目「文心一言」迎戰，刺激股價噚日收市勁升逾15%，騰訊控股(00700)及阿里巴巴(09988)亦唔執輸，申請人機對話相關專利，近日ChatGPT概念股喪炒，投資者對AI系咪過分樂觀？點評估個中風險？ 潤淼資產管理董事盧志威指，聊天機器人唔系咁神奇，而系一個進階搜尋，令用家獲得更貼近心目中想要慨資料，比Google及百度原先慨搜尋功能更進一步，對佢地原有業務構成重大風險，情況就好似當年剛推出search engine時百花齊放，要做得好十分視乎使用人數、後勤能力、雲計算處理能力，最後可能只得一兩個霸主。 William又話，依家炒ChatGPT概念，同之前元宇宙剛開始時慨情況有些相似，但人機對話系好過元宇宙，相信最後最少有一至兩家公司跑出，或等同依家Google慨地位，佢認為，可繼續作短線投機，但要留意後續發展。 |
TENCENT , LINGYI ITECH , IT , GW TERROIR |
| 植耀輝 |
2023-02-08T10:25 |
【Now財經台】耀才證券研究部總監植耀輝推介東方電氣(01072) 推介原因： - 電力設備投資進入上行周期 - 業績穩定， |
ChinaElec , Electrical , DONGFANG ELEC |
| 陳欣 |
2023-02-07T18:17 |
【Now財經台】亞特蘭大聯儲銀行行長係一個訪問中提及，若美國經濟持續強勁，聯儲局利率峰值或比預期高，甚至唔排除未來有一次會議會加息0.5厘，美匯指數今輪反彈可以彈到幾高？ 資深外匯分析師陳欣指，聯儲局官員不停「出口術」，希望達到管理市場預期慨效果，美匯指數反彈系因為非農數據太靚，令市場認為聯儲局會繼續加息，不過，美國其他經濟數據其實唔算好，經濟仍有衰退風險，因此，聯儲局要繼續加息遏通脹。 Chase又提醒，若經濟數據冇好轉，年底會唔會掉頭減息就好難講，依家美元缺乏上升動力，中線可能呈橫行整固格局，預期美匯指數會係100至105上落，難出現大突破。 陳欣 樂天證券香港銷售總監 |
USD , USD , Expo |
| 李偉傑 |
2023-02-07T16:37 |
【Now財經台】近期受ChatGPT消息帶動慨AI概念股又落鑊炒，其中，百度集團(09888)今日一度被掃高18%，高見166.3元，ChatGPT系由微軟有份投資慨初創公司OpenAI，所開發慨聊天機器人模型，能實現撰寫代碼、回答問題、書寫論文、詩歌、劇本等指令，呢股ChatGPT系咪可以keep到，相關股份系咪會繼續受追捧？ 華盛證券經紀部董事李偉傑指，ChatGPT絕對系未來慨市場關注點，ChatGPT用戶量急速飆升，短短5日已突破100萬，加上ChatGPT可以直接完成指令，顛覆左過往寫作及創作模式，應用上更加方便。 Jason又話，ChatGPT要達至商業化仍有待改善，因為ChatGPT有別於搜尋引擎慨廣告模式，搜尋引擎靠關鍵字提供廣告，雖然ChatGPT唔會咁快有盈利貢獻，但唔少公司都會並軌式行ChatGPT及搜尋引擎。 |
GW TERROIR , JACOBSON PHARMA |
| 彭偉新 |
2023-02-07T15:08 |
【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、碧桂園(02007)、龍湖集團(00960)、港交所(00388)及中國海洋石油(00883)。 百強房企中，萬科企業(02202)、碧桂園及中國海外發展(00688)已出左1月銷售數據，但龍湖仲未公布，睇返往績，集團銷售都過百億， 呢類「百億銷售房企」其實系咪唔需要特別擔心？ 資深證券分析師彭偉新指，其實主要擔心銷售數字達唔達標，去唔去100億元只系一個期望，因為係內地咁多唔同消費政策推動下，難免會分散左居民慨消費力去其他范疇。 Castor又話，依家內房仍未算回穩，內房股短炒多過作中長線持有，再睇返內房股近期走勢，股價上落可以好大，反映投資者對內房股仍未有信心。 |
Oil , Stock , China Real Estate , CHINA OVERSEAS , TENCENT |
| 黃偉豪 |
2023-02-07T12:32 |
【Now財經台】港股連跌3日後，今朝顯著反彈，牛熊證部署方面，博大市連跌3日後持續受壓，還是博後市會有可觀慨反彈？ 中薇證券研究部執行董事黃偉豪指，港股連跌幾日後，借勢反彈，但唔建議現階段貿然博好倉，技術層面上，判斷港股走向時想再穩陣些，起碼要等恆指上返20天線水平，即21700點水平，距離現水平約200點。Ravi又提醒，等恆指企穩20天線，再部署好倉博進一步反彈會比較好，依家博反彈水位未必太多。 黃偉豪 中薇證券研究部董事 |
Stock |
| 梁振輝 |
2023-02-07T11:42 |
【now.com財經】上周，三大央行先後將利率上調至14年來的新高，並表示它們可能至少再加息一次，並會在一段時間內將利率保持在限制性水平。然而，市場的演繹選擇了樂觀的一面，認為40多年來最劇烈的一系列加息行動即將結束。美國股市因而曾突破關鍵阻力位，歐洲股市亦上漲至九個月高點，收復自2021年底以來逾五分之四的跌幅。 盡管市場氣氛仍然樂觀，但我們對風險資產的前景充滿懷疑；我們預計即使經濟數據惡化，美聯儲和歐洲央行將在上半年分別將政策利率提高至5%和3至3.25%水平，並很可能在今年余下時間將其保持在高位附近。限制性的利率和工資上漲可能會影響股票估值，侵蝕企業利潤率，導致盈利預期下調。 這個前景證實了我們在2023年展望提出的SAFE資產配置立場：透過減持股票倉位，增持高評級債券和其他收益資產。由於擁擠的投資者倉位，我們將繼續利用美國和歐元區股市的反彈采取減倉行動，並尋找機會重新將資金配置到亞洲不計日本的債券和股票，因為亞洲區的前景正逐漸變得光明。 |
Gold , US Bonds , Capital Flow , USD , EURO |
| 梁偉民 |
2023-02-07T11:40 |
【Now財經台】市場憂慮聯儲局繼續收緊貨幣政策，加息周期會比預期長，美股3大指數持續偏向下，美國就業數據強勁，市場關注聽日凌晨聯儲局主席鮑威爾慨講話，會唔會因強勁慨就業數據變返鷹？加息幅度會唔會再擴大？ 高富金融集團投資總監梁偉民指，鮑威爾應該唔會「太鷹」，過去1年，美國就業數據持續強勁，聯儲局連續兩次議息都收窄加息幅度，反映息口已去到令局方滿意慨水平，足以遏制通脹，因此，唔會因為短暫慨數據再擴大加息幅度。 Wyman又提醒，由於聯儲局加息路線圖受通脹數據左右，因此，要留意月中出爐慨消費者物價指數(CPI)走勢，佢認為，依家唯一變數系加息次數，但相信加幅仍然系0.25厘或0.5厘，對整體大局影響唔大，加上近排經濟數據強，美股係現水平有回調亦唔出奇。 梁偉民 高富金融集團投資總監 |
US Stock |
| 陳鳳珠 |
2023-02-07T10:06 |
【Now財經台】安里證券研究部主管陳鳳珠推介雅迪控股(01585) 推介原因： -受惠市場龐大擁大量基礎及經常性更換需求 -集團持續投資開發新型號，升級現有電動兩輪車及電動車型性能 -產品升級推動毛利率 建議買入價：17.8元 目標價：20.0元 止蝕價：16.8元 陳鳳珠 安里證券研究部主管 相關股票 編號 名稱 01585 雅迪控股 相關文章 【港股今日睇】雅迪績效指標 暗示增長放緩？ 2023/01/17 22:46 【港股今日睇】同業發盈喜 雅迪可受惠？ 2022/10/12 22:41 【醒晨推介】阮子曦推介雅迪控股 2022/07/21 09:46 【反覆向下】恆指跌足4日 內房股繼續捱打 2022/07/14 17:08 【醒晨推介】黃敏碩推介雅迪控股 2022/06/07 09:53 【港股今日睇】雅迪配股集資 應付派息所需？ 2022/05/24 22:45 【大行報告】大和首予雅迪 「買入」評級 2021/03/08 11:55 【焦點股】總理撐電動車！散戶拿拿臨追「車」 2021/03/05 14:14 |
YADEA |
| 鄭家華 |
2023-02-06T22:45 |
【Now財經台】日清食品(01475)披露，內地業務第四季收入升14%，經營溢利升10%。 阿仕特朗資產管理董事鄭家華表示，日清上季業務表現可接受，而且未來可能透過品牌授權，進軍印尼市場，或成為另一股價催化劑。 鄭家華 阿仕特朗資產管理董事 相關股票 編號 名稱 01475 日清食品 相關文章 日清食品首9月多賺2.6% 10小時前 【專家分析】食品股值博率偏低 2022/11/29 15:31 【大行報告】大和料日清食品收購利盈利表現 2022/11/08 12:55 【股市脈搏】日清開始轉弱有貨要睇路 2022/10/25 11:33 【業績速報】中信股份多賺13% 中期息增33% 2022/08/30 13:14 【醒晨推介】盧志明推薦日清食品 2022/08/12 10:31 【何車評股】第一太平偏低可吼 2022/07/25 10:00 【大行報告】大和降日清毛利率、純利預測 2022/05/16 13:15 【專家分析】日清香港收入有驚喜 2022/05/13 16:06 【業績速報】日清去年賺3億 連特息派17.47仙 2022/03/22 13:30 |
Food , NISSIN FOODS |
| 林嘉麒 |
2023-02-06T16:49 |
【Now財經台】花旗集團估計，本地銀行同業淨息差(NIM)，有機會係舊年第4季已經見頂，因為舊年第4季銀行同業間慨高息「搶錢戰」轉趨激烈，活期同儲蓄存款顯著減少，加上調高最優惠利率(P)，花旗估計，P每升25個基點，恆生銀行(00011)及中銀香港(02388)淨息差將分別跌4個及1個基點，本地銀行股淨息差系咪已經見頂？淨息差逐步收窄對邊些銀行股較有利？ 元宇證券投資總監林嘉麒指，當外圍仲加緊息，銀行舊年已諗計吸存款，導致息差優勢唔會太大，而息差有時都要睇基本面，舊年底為跑數谷貸款需求，依家外圍息差同香港進一步擴闊，由於經濟岩岩開始復蘇，暫時未知貸款需求有幾大，如果今年復蘇需求大，銀行股唔使太擔心息差急速收窄，相信第1及第2季都可以維持係較高水平。 KK又話，若息口闊些、整體需求大，對大型銀行較有利，相反，小型銀行要提升競爭力，息率回報要細些先可以做到個量。 |
HANG SENG BANK , HK Banks , BOC HONG KONG |
| 梁傑文 |
2023-02-06T15:38 |
【Now財經台】太陽城集團系舊年8月改名LET GROUP(01383) 上周五收市後宣布，折讓配股集資，配售價0.186元，較上周五收市價折讓逾9%，預期淨籌約4850萬元，系咪因為折讓唔大，所以股價今日早段可以逆市靠穩? 《香港股票財技密碼》作者梁傑文指，今次配股占已發行股本唔系好多，配售代理都系以往公司慨相熟行，加上公司股權相對集中，不過，對LET GROUP黎講，最壞情況已經過左，有人會解讀周焯華已判刑系好消息，因為所有野已麈埃落定，對公司慨影響已告一段落，投資者會較有耐性，加上今次配股唔多，所以股價會較硬淨，又或者系市場預期之內，所以股價今日唔太受消息影響。 |
Stock , LET GROUP , IPO |
| 郭思治 |
2023-02-06T12:07 |
【now.com財經】大市自踏進2月份後，整體表現已漸趨反覆，由於買盤態度漸趨保守，加上伺高回吐之沽壓亦漸見明顯，故整個大市卒開始進入中期大幅急升後之高台反覆中，問題是大市會否由中期大幅上升後之高台消化及回吐，漸發展成一個中期大幅急升後之調整市或中期調整而已，兩者分別頗大，大市如屬高台消化及回吐，則恆指該可續緊扣高台，但如大市漸發展成一個調整市，則恆指不但會漸跌離高台，且後市之跌幅亦會較預期為大。 先看移動線之表現，大市經過周來之一輪反覆後，由於恆指已相繼跌穿10天線（約在22,023點左近）及20天線（約在21,690點左近），故單從走勢上看，目前大市之技術支持據點己退守至250天線（約在20,204點左近），亦即是說，大市已漸進入中期大幅急升後之調整市，值得留意的是，由於10天線似開始掉頭回落，該表示自去年10月31日低位14,597點開始之中期升浪，暫該已止步於今年1月27日之高位22,700點，而經過逾8,103點之大幅上升後，大市現已開始進入技術性之調整中。 |
Stock |
| 李浩然 |
2023-02-06T12:06 |
【now.com財經】DeepMind是Alphabet（Google 母公司 ）旗下子公司，也是世界領先的人工智能實驗室之一。去年夏天，DeepMind宣布其算法之一的AlphaFold已經預測了幾乎所有人類已知蛋白質的3D結構（解決了科學界數十多年來一個非常棘手的問題），並且該公司正在會免費提供其背後的技術。過去一段很長的時間，科學家雖然已熟知構成蛋白質的氨基酸序列，但卻從未破解過蛋白質如何折疊成復雜的3D形狀（幾乎身體上所執行的所有功能，都取決於蛋白質其獨特的3D結構）。而事實上，由於AlphaFold讓科學家能計算出蛋白質結構，而這項研究有望可以加速藥物開發，為治療癌症等疾病提供更快的解決方案。 雖然DeepMind這類尖端科技公司一直在努力實現一個更宏偉的目標：通過構建一個能夠思考、學習和解決人類最棘手問題的機器，來創造通用人工智能（AGI）；但直到今天，人工智能依然是相對的狹隘、脆弱，而且根本上不是很那麼聰明。盡管如此，AGI依然有望成為一種「劃時代」的技術，就像電力的利用一樣，它將改變人類生活的習慣。 不過，人工智能的高速發展也伴隨著潛在的危險。 |
ChinaElec , USD , GW TERROIR , JACOBSON PHARMA , IT |
| 植耀輝 |
2023-02-03T22:41 |
【Now財經台】玖龍紙業(02689)預計，上半年度業績由盈轉虧，蝕12.5-14.5億元人民幣。 耀才證券研究部總監植耀輝表示，玖紙發盈警應是市場預計之內，但就未必估計業績見紅，不過今年內地經濟復常，加上去年度比較基數偏低之下，公司下半年度業績可望有改善。 |
Earnings , Results , RMB , ND PAPER |
| 黃敏碩 |
2023-02-03T17:41 |
【Now財經台】在剛過去慨農歷新年黃金檔期，內地酒店業多項指標都表現理想，系咪為內地酒店業復蘇打左1支強心針？內地業務較多慨酒店股累計升幅都唔少，系咪反映行業慨復蘇勢頭？呢類股份仲有幾多水位？ 寶鉅證券董事及首席投資總監黃敏碩指，內地酒店業復蘇情況的確較市場預期理想，而且唔需要靠壓低房價，都可以重返合理慨入住率，反映內地人消費能力轉強，有利內地酒店業。 Michael又話，酒店股仲有幾多上望空間，要視乎地域擴闊及酒店檔次會唔會進一步提升，若個別區域只系得1、2個市場，市場預期慨推動力可能已經反映左，不過，如果有跨省、跨境慨突破，毛利率就可以更上層樓。 黃敏碩 寶鉅證券董事及首席投資總監 |
Gold |
| 關焯照 |
2023-02-03T16:40 |
【Now財經台】雖然港股呢幾日回調，但個別股份仍有炒作，包括AI及GPT概念股，其中百度集團(09888)近日熱炒公司擬3月推中國版「ChatGPT」慨傳聞，今日出現回套，同類股份如商湯(00020)今日仲有得升，資金系咪會繼續追炒呢類股份？ 冠域商業及經濟研究中心主任關焯照指，依家資金系充裕，唔少會買一些有概念慨落後股，例如AI相關股商湯系由低位抽返上黎，商湯亦有機會係3月納入富時指數，睇返商湯盤路，升勢有大成交配合，下跌時成交就縮，只要唔跌穿10天線呢類重要位置，系仲有得炒，去到3元邊緣。 關博士又話，呢兩個星期主要睇股份慨動力，商湯呢類股份如果繼續有資金灑落去，追貨其實系幾著數。 |
Stock , GW TERROIR |
| 梁偉源 |
2023-02-03T14:03 |
【Now財經台】截至早上11時止，1小時內《彭博》用戶關注度上升最多港股，依次為碧桂園服務(06098)、騰訊控股(00700)、龍湖集團(00960)、雅居樂集團(03383)、中國平安(02318)。 上榜股有3只系內房股，中央去年底密集式連發多支「箭」救內房，但近排較少有相關政策出台，僅零星地區有減房貸息之類慨消息，到底系咩原因會「靜左落黎」？ 華繼顯執行董事梁偉源表示，內房板塊好似打緊強心針維持生命慨病人，當有政策出台時，就會吸引資金炒一轉，令股價出現短期急速反彈慨情況，但當呢些消息消化曬，又冇新政策出台，股價就會係兩至3日內跌返落黎。 佢又話，近期較受關注系中證監話希望促進內房平穩發展，但內容亦唔系新鮮事，反而市場最關心內房賣唔賣到樓，因為有強勁現金流先可以再吸引到投資者重新投資。 |
HK Cap Flow , Stock , China Real Estate , TENCENT , COUNTRY GARDEN |
| 陳偉聰 |
2023-02-03T11:55 |
【Now財經台】全球3大主要央行已先後公布今年首次議息結果，央行對息口系咪已見頂、加息周期幾時完結仍有分歧，舊年市場主題系聯儲局加息遏通脹，呢個投資主題今年會唔會持續發酵？ 東亞銀行財富管理投資策略師陳偉聰指，雖然聯儲局主席鮑威爾暗示今年最少再加兩次息，但市場就解讀為第4季可能會減息，反而歐央行加息步伐比聯儲局更進取。 Jason又話，亦要留意經濟放緩速度，市場已開始消化美國經濟轉弱慨消息，相信未必會陷入嚴重衰退，加上歐洲經濟似乎冇市場睇得咁悲觀，因此，若環球經濟增長前景較預期樂觀，將會成為環球股市、風險資產好有力慨催化劑。 陳偉聰 東亞銀行財富管理處投資策略師 |
BANK OF E ASIA , HK Banks |
| 聶振邦 |
2023-02-03T10:53 |
【Now財經台】美國多家科網巨企噚晚齊齊派成績表，其中蘋果公司上季業績令市場失望，其中收入錄得6年以來最大跌幅，盈利就6年以黎首度下跌，iPhone銷售亦兩年以來首次下跌，差過預期。至於大中華區銷售就跌7%。行政總裁庫克暗示同供應鏈問題有關，唔系需求問題，又預期第2季銷售會回升。Apple股價噚晚收市有得升，但盤後跌逾3%，呢份業績最令市場失望系邊個位？ 博威環球資產管理金融首席分析師聶振邦指，大中華地區業績差過預期時，市場會留意Apple整體布局上，會唔會再專注於大中華區，還是轉移返去歐美市場，係呢個情況下，難免會窒礙Apple股價表現。 聶Sir又話，由於中國舊年處於疫情封控較嚴謹慨時期，都會影響Apple慨業績表現。 聶振邦 博威環球資產管理金融首席分析師 |
Earnings |
| 彭偉新 |
2023-02-03T09:48 |
【Now財經台】資深證券分析師彭偉新推介昆侖能源(00135) 推介原因： -內地今年燃氣銷售增長料達13% -內地經濟復常，能源需求復蘇， |
Energy , KUNLUN ENERGY |
| 羅明立 |
2023-02-02T17:52 |
【Now財經台】聯儲局主席鮑威爾暗示，可能再加息兩次美息便見頂，美匯指數應聲回落至101水平，跌至9個月低位。回顧今個加息周期，每當美匯指數系咁升，市場就會出現唔少「預言」，甚至美元崩潰論，真正風險其實出現未？美匯指數系咪已見底？ 亨達集團助理總經理羅明立指，聯儲局似乎都認同通脹正在回落，但仍要加多一兩次息，又話今年減息唔系太合適，過去一段時間，市場一直憂慮美國經濟衰退，若年中經濟進一步轉弱，或要調整貨幣政策，佢認為呢個趨勢仍然未變，市場仍傾向睇淡美元，聽晚美國會出就業數據，如果勞工市場仍然良好，會限制美元短期跌幅，相反，美元將持續受壓。 羅明立 亨達集團助理總經理 |
USD , USD , CINDA INTL HLDG |
| 植耀輝 |
2023-02-02T15:50 |
【Now財經台】雖然物管股業績係3月底，但摩根士丹利已搶閘做預測，估計去年有國資背景慨物管公司業績，將會明顯跑贏民營物管企業，平均多賺最少25%，民營物管公司只錄得溫和增長，甚至出現倒退，具國資背景物管股業績，系咪會進一步拋離民營物管股？國資背景慨物管股估值比民營高一截，如果想買系咪要捱貴貨？ 耀才證券研究部總監植耀輝指，國資背景物管股業績好大機會跑贏民營物管股，過去1年，如果揀內房相關股，必定揀有國資背景，主要系信心問題，而業績表現都幾兩極化，而舊年下半年慨股價表現都有啟示。 |
Results , China Real Estate , Earnings |
| 王良享 |
2023-02-02T14:23 |
【Now財經台】美國聯儲局一如預期加息0.25厘，聯邦基金利率上調至介乎4.5厘至4.75厘。到底加息0.25厘呢個步伐會維持幾耐？系咪加到5厘水平就見頂？ 臻享顧問董事總經理王良享指，根據主席鮑威爾所講「couple of times」，couple即系兩次，但佢又話，美國通脹開始紓緩，佢慨用字系「disinflation」，討論時好易令人聯想起「deflation」，即通縮，王良享估計，局方內部都有相關討論，累計加息4.5厘後，會唔會弄巧反拙，會唔將美國經濟推去衰退邊緣？通脹過後會唔會出現通縮？呢個問題已經防止局方下半年再加息，其次系鮑威爾係Jackson Hole會議後，每次聯儲局開會，佢都話金融條件收得唔夠緊，但今次冇再咁講，佢認為，鮑威爾冇再大手打擊未成熟慨股市升勢，或打壓樓市令樓價大幅回調，如果系咁，聯儲局有機會加多一至兩次息就完。 分析普遍預期，春季暫停加息後，息口會維持係高水平一段時間，估計最快年底有機會開始減息。 |
|
| 潘國光 |
2023-02-02T12:09 |
【Now財經台】雖然美國多個通脹指標持續放緩，但就業市場持續強勁，美國舊年12月職位空缺量出乎市場預期增加，亦系5個月以來最多，另一方面，中國重開仍是全球通脹風險所在，點睇呢個兩可能令通脹再度升溫慨風險因素？ 富邦銀行(香港)投資策略及研究部主管潘國光指，美國就業情況方面，非農就業數據聽晚就會出爐，而前晚已出左，有「小非農」慨ADP都差左，當然，美國就業情況仍然唔錯，失業率亦比較低，所以，依家慨就業市場情況唔容許聯儲局放軟手腳。 內地方面，潘國光認為，今季復常進度都未會咁快，估計第1季GDP同舊年第4季差唔多，相信要到2月、3月，等整個中國疫情高峰過去，第2季GDP就會上返5%至6%，呢個系唔少大行慨預測。 潘國光 富邦投資策略及研究部主管 |
KLN |
| 陳偉明 |
2023-02-02T11:36 |
【now.com財經】市場憧憬美國通脹放緩、加息壓力回落、美息首季見頂，帶動港股上周在農歷新年假期後持續向上，即使缺乏北水支持下仍能在上周四(1月26日)兔年首個交易日紅盤高開高收，並且在上周五(1月27日)升高見22,700點，連續兩日陽燭收市企穩在22,500點阻力之上。然而，本周初在A股復市及北水重臨下，港股連續兩日反高潮累跌逾800點，反映港股短期升勢或已透支，短線或面臨調整壓力。 在聯儲局放慢加息和內地經濟重啟這兩大因素支持下，恆指自去年10月14,597點見熊底至今，五次跌穿10天線後也能在短時間內重返其上並且極速破頂，而且近期連續六周保持收市向上，向上動力雖強但未見明顯調整下，高追宜審慎。 美國聯儲局一如市場預期加息0.25厘，主席鮑威爾表明仍然須要繼續加息以抗擊通脹，美股昨晚(2月1日)曾一度插逾500點，其後市場憧憬在通脹緩和下加息力度應該有限支持美股急插後回升再帶動港股今早(2日)高開，但投資者須小心恆指在22,500至22,700點區短期仍有頗大阻力。 |
Stock , Real Estate , US Stock , Real Estate , IT |
| 許繹彬 |
2023-02-02T11:33 |
【now.com財經】中國及香港的農歷春節假期，於歌舞升平下渡過，中港兩地投資者在本周終於可歸位，專注兔年的股市走勢。 上周在國內股市仍未復市前，港股一鼓作氣地沖上接近22,800點的水平，一眾投資者滿以為國內股市重開，在北水重臨的情況下，23,000這重要關口相信是志在必得；但自古以來，股市有時真的可稱為「估市」；國內復市的首天，在市場上沒有什麼壞消息之情況下，港股竟然反高潮地「低開低收」，兩日合共下挫超過800點，急速回吐至21,800點水平；一向為升市動力的股王騰訊(00700)，更成為跌市元凶，單與上周五(1月27日)的收市比較，已下跌超過40元，即接近10%，跌幅驚人。 投資欲望一向強盛的北水，不但沒有進行掃貨，反而出現淨沽出的現象，驅使本周一(30日)港股的成交超越二千億元，創下近期新高，實在令人匪夷所思。 |
Stock , HKEX , TENCENT , IT |
| 阮子曦 |
2023-02-02T09:43 |
【Now財經台】中國通海證券投資策略聯席總監阮子曦推介泉峰控股 (02285) 推介原因： -原材料價格下跌，降低成本 -以人民幣計價，外匯匯率有利提升毛利率 建議買入價：現價 目標價：55元 止蝕價：35元 阮子曦 中國通海證券投資策略聯席總監 相關股票 編號 名稱 02285 泉峰控股 相關文章 【股市脈搏】泉峰未喘定不宜入市 2022/07/06 16:19 【股市脈搏】小心泉峰放榜後沽得更狠 2022/02/21 18:10 【醒晨推介】陳鳳珠推介泉峰控股 2022/01/11 09:37 【名家給力場】4只半新股邊只最穩陣？ 2022/01/03 15:59 【專家分析】港股2022年告別陣痛期？ 2021/12/31 11:20 【2021年新股回顧】森松首掛飆2.5倍膺「新股王」 時代天使首日賺4.56萬成「賺錢王」 2021/12/30 19:41 【尾班車新股首掛】3新股半場齊炒高 泉峰一手賺過千 2021/12/30 13:47 |
RMB , CHERVON |
| 羅尚沛 |
2023-02-01T22:50 |
【Now財經台】東江環保(00895)獲中證監批准，配售最多2.64億股A股，集資最多12億元人民幣。 銀河證券業務發展董事羅尚沛表示，雖然東江環保配股集資，是用於擴充產能，同時大股東又同意認購部分新股，但對A股及H股股價未必有支持，因市場或擔心公司帳目或出現問題。 羅尚沛 銀河證券業務發展董事 相關股票 編號 名稱 00895 東江環保 |
RMB , IPO , IPO , CHINA YU TIAN , Enviro |
| 聶振邦 |
2023-02-01T16:42 |
【Now財經台】龍源電力(00916)噚日收市後發盈警，預期去年少賺最多40%，純利最多近52億人仔，龍源股價早市一度挫近7%，但午後不斷收復失地，尾市僅跌逾1%，唔少分析睇好今年風資源會較去年有改善，加上資產減值僅屬一次性，應該點解讀呢個盈警？龍源股價唔使睇得太淡？ 博威環球資產管理金融首席分析師聶振邦指，其他新能源股今日表現唔差，個別更升超過4%，但龍源就跌左落黎，反映業績的確唔系咁睇好，參考返公司舊年第3季業績，全年純利反而少過首3季，反映第4季其實系「見紅」，聶Sir估計，市場對龍源慨業務發展會有重新慨考量，呢方面投資者要多加留意。 |
Results , Earnings , Energy , New Energy , ChinaElec |
| 股中人 |
2023-02-01T16:26 |
【Now財經台】11月23日提及曼聯(NYSE: MANU)走勢不只一日貨仔，當日收報18.8美元，至1月9日升抵25.24元，近日則於22至23美元橫行。 賣盤進展方面，唯一公開表示已展開收購的英國首富Sir Jim Ratcliffe，最新的小報消息是壓價至40億英鎊。至此大至有一個由三個價位形成的區間：Ratcliffe的40億英鎊、車路士去年賣盤的42.5億英鎊參考價，以及市面流傳的60億英鎊格拉沙家族叫價。 區間相應的美元價值為49.25億美元、52.36億美元和73.88億美元，比曼聯上日收市市值36.77億美元分別高33.94%、42.40%和1.01倍。 論再升空間是有，余下兩個散戶典型問題：其一是值不值？剛結束的英超冬季轉會窗，20支球隊共花費8.25億歐元增兵，打破2018年疫情前紀錄，創下冬季轉會窗歷史新高。 當中花費最多是車路士。商業而言，車路士主場史丹福橋球場容納人數4,449人，Facebook追蹤者有5,317萬，IG追蹤者約3,780萬。曼聯主場奧脫福球場容納人數74,310人，Facebook追蹤者有8,003萬，IG追蹤者約6,070萬。 |
GBP , USD , EURO |
| 陳錦興 |
2023-02-01T16:17 |
【Now財經台】澳門中午出左上個月慨賭收數據，按年大增超過80％至逾110億澳門元，按月更飆逾2倍，遠勝預期。摩根士丹利上月估計，1月賭收僅62億澳門元，即使綜合市場預測，按年僅增長36％至約86億澳門元，結果為市場帶來驚喜，點解會出現呢個情況？ 英皇證券研究部總監陳錦興指，雖然之前市場對賭收慨預測較低，但農歷新年期間，有大行不斷跟進澳門消費及賭業慨情況，其實最新估算已去到110億澳門元，依家出黎慨數字更好，反映澳門賭業復蘇比市場預期強勁，賭收數據一出，賭股都應聲抽高。 佢又話，通關後，內地及香港人入境澳門唔使做核酸檢測，會進一步刺激旅客到訪澳門，利好當地旅游及賭業，又認為賭業復蘇情況有驚喜。 陳錦興 英皇證券研究部總監 |
EMPEROR CAPITAL |
| 莊志雄 |
2023-02-01T15:32 |
【Now財經台】恆指過去2個月跑贏好多資產，內地放完農歷新年長假後復市，雖然北水重臨，但頭兩日都系沽貨，今日就稍為喘定返，但港股其實升左唔少，呢兩日慨回調可能系短線健康調整，港股後市又會點走？ 「股市漁夫」創辦人莊志雄指，如果以低位計，恆指係兩個幾月已升超過50%，所以唔應該再追貨，雖然恆指系全球股市中做得最好慨指數，即使市況冇問題，都最好等回調先再加倉，因為睇返個別股份，尤其系指數成分股，好多股份慨蟹貨仲未消化曬，今次恆指升得咁勁，的確系超預期，Lewis又話，舊年第4季已經講過唔好睇淡港股，而今年1月表現系較預期好，但佢認為，操作上仍當上落市咁做，可以係低位或散戶比較悲觀時加多些貨，依家咁多人話牛市重臨，反而就要減持，唔好畀情緒牽動得太緊要，因為今年仲有好多變數。 莊志雄 「股市漁夫」創辦人 |
Stock |
| 李偉傑 |
2023-02-01T15:00 |
【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、吉利汽車(00175)、比亞迪股份(01211)、友邦保險(01299)、雅居樂集團(03383)。 比亞迪系1月「藍籌王」，2月開局保持升勢，今朝高位見過260元，「股神」減持造成慨下跌裂口已經補返，集團發盈喜後亦keep住升，雖然減價影響毛利率，但比亞迪作為龍頭系咪都唔使擔心？ 華盛證券經紀部董事李偉傑指，比亞迪發盈喜後，股價一直逆市造好，集團第4季盈利增速繼續加快，主要受惠於買家趕係補貼結束前買車，推高左銷量。不過，市場分額會出現「爭崩頭」慨情況，因為對手Tesla亦劈價賣車谷銷量，因此，預期比亞迪今季新能源車銷量會開始下跌。 Jason又指，比亞迪股價已補返舊年8月慨裂口，估計升勢短期會略為放緩，後市或回落至240元。 |
GEELY AUTO , Stock , Energy , TENCENT , BYD COMPANY |
| 盧志威 |
2023-02-01T11:34 |
【Now財經台】美股3大指數噚晚升逾1%，其中道指重上34000點，除左市場憧憬聯儲局收窄減息幅度，最新出爐慨數據系咪有份推升大市，美國去年第4季雇傭成本指數按季升1%，較前一季升1.2%略為放緩，升幅亦系1年以來最細，人工少左，消費自然冇咁豪爽，通脹就會降溫，一般而言，聯儲局議息前市場都唔會好睇重數據，美股噚晚系咪只系借勢炒埋1月？ 潤淼資產管理董事盧志威指，數據可能都有些幫助，依家多家科技公司，包括Google、Amazon都裁員，所以人工都唔會點加，令通脹降溫系合理。 Willam又話，依家市場比較樂觀，將所有數據面向樂觀慨方向睇，刺激美股向上，加上已經系1月底，市場的確可能借勢炒埋，而近期慨升勢主要系炒作利率因素。 盧志威 潤淼資產管理董事 |
US Stock , IT , Layoffs |
| 郭家耀 |
2023-02-01T10:08 |
【Now財經台】安里資產管理董事總經理郭家耀推介紫金礦業 (02899) 推介原因： -美元轉弱有利金價 -產量增長目標樂觀 建議買入價：12.5元 目標價：15元 止蝕價：11.2元 郭家耀 安理資產管理有限公司董事總經理 相關股票 編號 名稱 02899 紫金礦業 相關文章 【異動股】紫金曾挫5.5% 料去年多賺近兩成八 2023/01/30 09:45 開市焦點:迎超級周 A股兔年開門紅可期 2023/01/30 08:48 紫金礦業料去年多賺近28% 2023/01/29 19:07 【名家給力場】農歷年長假後炒咩好？ 2023/01/20 15:30 【焦點股】紫金礦業升幅雙位數， |
ZIJIN MINING , Gold , USD , Rating |
| 陳欣 |
2023-01-31T17:48 |
【Now財經台】A股噚日係兔年首個交易日紅盤高收，但今日出現回套，但睇返資金流，外資噚日流入A股慨規模約186億人仔，今日仍錄得逾百億人仔淨買入，系咪對人民幣都有一定支持作用？ 資深外匯分析師陳欣指，市場對中國經濟復蘇有信心，例如農歷新年假期旅游出行人數高達3億人次，較舊年同期升逾20%，此外，過去幾年受疫情影響，銀行存款大升50%，反映家庭有能力消費，政府需有貨幣政策配合刺激消費潛力。 Chase提醒，雖然人仔前景向好，但要留意中美利差限制左人仔上升空間，短線較大阻力係6.7水平，中線則有機會升至6.6水平。 陳欣 樂天證券香港銷售總監 |
RMB , China Econ , Capital Flow |
| 李偉傑 |
2023-01-31T15:57 |
【Now財經台】比亞迪股份(01211)噚日發盈喜，反映去年第4季表現持續強勁，內地維持多年慨新能源車補貼政策已經終止，而比亞迪部分車款去年底已經加價，今次盈喜有冇受惠於加價？呢個勢頭又可唔可以延續至今年？ 華盛證券經紀部董事李偉傑指，舊年因為取消補貼，帶挈比亞迪去年第4季銷售理想，比亞迪車價介乎逾10萬至20萬人仔，加價2000至6000人仔，幅度算系合理，相信消費者可以消化到，相反，如果比亞迪唔加價，就會令每部車產出都有一定盈利壓力。 Jason又提醒，比亞迪加價撞正Tesla減價，會唔會令2家公司此消彼長，導致比亞迪慨市場份額被搶走，呢方面系值得留意。 |
Energy , BYD COMPANY , New Energy |
| 彭偉新 |
2023-01-31T15:04 |
【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、小米集團(01810)、舜宇光學(02382)、比亞迪股份(01211)、友邦保險(01299)。 騰訊連續第2日位居榜首，雖然北水重臨，但騰訊成為沽貨目標，噚日沽左超過36億元貨，究竟仲要捱幾耐？其實投資者獲利回套系好正常，但幅度應該點量度？估值方面又點評估？ 資深證券分析師彭偉新指，其實騰訊股價升左好多，睇返舊年，係10月系沽過龍，加上內地對成個行業都有嚴密監管，但今年再出現類似情況機會唔大，因為已復批游戲版號，加上中央表明撐平台經濟，佢估計，騰訊股價仲未見頂。 Castor又話，雖然騰訊股價已累積唔少升幅，觸發北水先行獲利，但當中有較多資金系做長線部署，認為今輪跌勢純粹系股價回調，短期而言，如果可以企穩20天線水平，可以考慮再買入。 |
Stock , TENCENT , BYD COMPANY , SUNNY OPTICAL , IT |
| 黃偉豪 |
2023-01-31T12:02 |
【Now財經台】港股噚日顯著回套，一度失守22000點關口，恆指今朝反彈，10天線系咪有較大支持？如果做睇好部署，恆指牛證應該點擺位？噚日最多資金加倉慨21700點穩唔穩陣？ 中薇證券研究部執行董事黃偉豪指，隨著北水回歸、A股復市，港股借勢調整，睇返整體格局，雖然後市未必睇得好淡，但已炒左復常及通關一段時間，港股要再上需視乎有冇新催化劑。 佢又話，恆指20天線有較大支持，如果投資者唔系太進取，揀收回價係21400點樓下比較合適，如果揀21700點咁貼，隨時即日被收回。 黃偉豪 中薇證券研究部董事 |
Stock |
| 梁振輝 |
2023-01-31T11:24 |
【now.com財經】2023年以來市場活力再現，而美聯儲和歐洲央行本周將舉行今年來的首次會議，復蘇的市場即將與央行政策相撞擊。這將續寫一年前展開的傳奇，但情節或許會較為波動。 一年前，以美聯儲為首的各國央行試圖在應對當時肆虐的通貨膨脹時，對市場施加壓力，開啟了歷史上最劇烈的一輪加息。大多數資產類別都受到沖擊。來到今年，隨著整體通脹達到頂峰，各國央行似乎已占據了上風。因此，一些央行發出了休戰的訊號—最新表示有意暫停加息的是加拿大央行，2022年3月以來該央行已先後加息合計4.25厘。 我們認為，由於就業市場依然火爆，美聯儲和歐洲央行現在就宣布勝利的話還為時過早。這兩家央行或許擔心過快放松金融狀況，從而讓潛在的工資通脹壓力加速。在這樣的背景下，謹慎的做法是，在投資者持倉過於集中的一些資產類別中，趁著反彈分批減持。自12月中旬我們發布2023年展望以來， 我行「SAFE」(穩健投資）的投資組合表現強勁，我們相信在央行政策進一步明確前，該投資組合仍能很好地平衡市場的機會和風險。 |
AUD , Gold , US Bonds , Energy , China Econ |
| 梁偉民 |
2023-01-31T10:42 |
【Now財經台】今個星期迎來「超級央行周」，美國聯儲局、歐洲央行及英倫銀行都會議息，其中聯儲局內部已有共識放慢加息步伐，市場預期今個星期只會加息0.25厘，但高息會維持一段較長時間，依家市場同聯儲局最大分歧系終極利率目標差距大，主席鮑威爾會唔會繼續「放鷹」？今次議息有咩重點要留意？ 高富金融集團投資總監梁偉民指，睇返最新利率期貨，市場仍認為好大機會加息0.25厘，加0.5厘慨機會唔夠5%，原因系美國通脹持續回落，令聯儲局有空間放慢加息步伐。 Wyman又話，3月仍有可能再加息，雖然通脹持續降溫，但月初公布慨消費物價指數(CPI)升幅仍超過6%，升幅一日未回落至5%或以下，仍未可以放心，佢估計，聯儲局要到5月、6月先有望停止加息。 梁偉民 高富金融集團投資總監 |
|