| 评论员 |
时间 |
内容 |
标签 |
| 庄志雄 |
2024-05-08T16:28 |
近期中资股反弹，走势相当强劲，恒生国企指数由3月底至昨日(7日)止，明显跑赢美国标普500指数。“股市渔夫”创办人庄志雄认为，今次唔系纯资金市，MSCI中国指数嘅估值跌至2022年第4季以来最低水平，以现时约9倍市盈率(PE)来看，相信已反映好多负面消息，若参考2022年估值见底后指数嘅反弹情况，估计今轮升浪最少可再持续4至6周。佢又指，基金减持中资股已见底回升，中国股票基金录得近两个月以来最大资金流入。 Lewis续指，依家最值得留意系出完业绩后，股价明显上升嘅非指数成分股，因为股价唔系靠基金焗追而带动，而系有靓业绩及高beta支持，佢又点名携程集团(09961)、泡泡玛特(09992)、赤字城科技(09911)、美图公司(01357)及复宏汉霖(02696)。 |
|
| 庄志雄 |
2024-04-17T17:29 |
美国3月通胀超预期，其他经济数据亦表现强劲，美国联储局主席鲍威尔(Jerome Powell)昨日(16日)改口，暗示或要延迟加息，大行瑞银(UBS)甚至估计，今年减息后，明年有机会加息。不过，美银最新调查显示，仍有唔少基金经理预期，未来12个月美国经济唔会陷入衰退，佢哋系咪对经济前景过分乐观？ “股市渔夫”创办人庄志雄估计，随着美国政府嘅国债负担愈来愈重，加上中东局势紧张，联储局今年或会减息1次，但指减息后通胀可能更不受控。 Lewis指出，过去6个月受访基金经理普遍对美国债市、股市前景比较乐观，所以大幅减少手头现金，并大量买入包括股票、长债等长期资产(long-duration assets)。佢引述美银4月调查指，基金经理嘅股票配置继续上升，而目前现金仅占基金经理管理资产4%。 Lewis续指，环球通胀开始见底回升，市场对减息次数嘅预期愈缩愈少，经理就有压力减仓提高现金水平，到时美股有机会调整至少1个月。 |
|
| 庄志雄 |
2024-04-10T16:12 |
由于美国经济及就业数据强劲，令市场对联储局嘅减息预期降温，但金价持续强势，商品、能源及黄金价格表现更跑赢美股，虽然最新利率期货显示，市场对美国年底减息嘅预期持续降温，但美股暂时未有太大反应，究竟依家反映紧乜嘢？ “股市渔夫”创办人庄志雄指，减息预期暂时影响唔到股市，因为联储局官员经常出嚟发表言论，令市场有个错误预期，以为今年真系会减息，佢提醒，要留意联储局会唔会唔理通胀，6月就开始减息。 Lewis又认为，当市场估计联储局冇诚意减息遏通胀，就会谂有咩可以对冲通胀，因为股市估值贵，推高估值反而不利投资者，所以唔会从估值方面入手，反而睇返3月会发现减息预期降温，压制咗债价及科技股，唯独商品相关工具做得好，所以佢提醒，资产配置一定要有商品类，因为商品喺投资组合中最不受通胀影响。 |
|
| 庄志雄 |
2024-04-03T16:30 |
由于市场预期，美国联储局唔会咁快减息，美国10年期国债息率一度创今年新高，突破4.4厘，呢个走势有咩启示？ “股市渔夫”创办人庄志雄指，一直叫市场留意4.4厘呢个位，因为“新债王”冈拉克(Jeffrey Gundlach)曾经讲过，4.4厘呢个高位会对资产价格造成压力，系一条警戒线，第2季一开局就挑战呢个位，暂时唔肯定冲穿4.4厘后，会唔会再一直上冲，如果真系冲穿，突破埋5厘都唔出奇。 Lewis又分析指，联储局2022年中启动加息周期后，当年第2季都曾加息0.75厘，债息几日内抽高50点子，但之后一直冇乜大变动，直至今年2月公布消费物价指数(CPI)后，债息急升逾30点子，后来联储局不断“放鸽”，令市场认定上半年将会减息，不过，债息不单冇跌穿4厘，反而向上挑战4.4厘，反映债市或长债投资者认为，联储局依家嘅做法会令长期息率落唔返黎，意味美国长期通胀已较难控制。 |
|
| 庄志雄 |
2024-03-20T17:48 |
日本央行结束负利率政策，17年以来首次加息，不过，日圆及日债表现反高潮，日圆跌穿151，债息又显着向下，系咪市场解读为日央行实际上会继续宽松？ “股市渔夫”创办人庄志雄指，议息结果公布前，好多人谂住日央行会加息，或者已经结束超宽松货币政策，所以可能好多盘等紧Long Yen，但有时事情发生后，唔系跟住大众意愿去行，例如英伟达(Nvidia)峰会都有类似情况，股价喺峰会后升唔到，最重要日央行行长植田和男嘅言论，市场解读为“鸽派地加息”，而Yen嘅反应显示，市场质疑日央行嘅做法控唔控制到通胀，所以Yen就不升反跌。 Lewis续指，植田已讲明会保留大量灵活性，保持宽松政策，亦表明冇紧急加息嘅必要，可能佢认为通胀会持续回落。市场反应方面，即使今次系万众期待，但今次加息仍然唔系全票通过，所以两年期利率都见顶回落，10年期利率更夸张，知道日央行放弃孳息曲线控制(YCC)政策后，亦指会保留大量弹性，可以随时再买长债，见到长债息回套返最近一半升幅，所以日圆有咁嘅反应系正常，因为日央行都讲明会再买返债，似乎唔系正式结束超宽松货币政策。 |
|
| 庄志雄 |
2024-03-13T16:26 |
美国2月核心通胀按月升0.4%，连续两个月高过预期，但标指继续创收市新高，似乎市场唔系好理会通胀数据，无论减息预期高低，美股似乎都可以继续破顶？ “股市渔夫”创办人庄志雄指，如果想美股继续升，联储局就要放弃打击通胀，除非联储局表明不论通胀指标系咪回升都唔会理，美股先有机会升，但就会牺牲咗长债，因为通胀始终会慢慢升返上去，而长债价格就会冇反应，其次系要牺牲美金，其实同日本一样，只要货币贬值就可以谷高股票指数，而主流媒体成日话通胀系最后一里(Last mile)，已经讲咗8个月，只要讲得愈来愈多，喺呢种气氛主导下，就会令人相信通胀一定会回落，唔理正式通胀指标系咪回升紧，就可以令股市或指数继续升。 Lewis又留意到，大部分通胀报道都系讲按年及按月变化，但其实联储局主席鲍威尔(Jerome Powell)系会睇以3个月或6个月年率化嘅核心通胀率，尤其系个人消费开支(PCE)，而过去12个月嘅年率化核心CPI昨日(12日)显示仍然向下，不过，如果睇3个月或6个月就见到通胀已经回升，而前者更升至4.1%，加上之前做咗超级核心通胀指标，呢个指标系连租金都撇除埋就升4.5%，是9个月以来最高水平，反映升势都几凌厉。 |
|
| 庄志雄 |
2024-03-06T15:52 |
美股去年第4季开始炒减息，今年就炒“金发女孩经济”(Goldilocks Economy)，即经济稳定增长、低失业率、通胀温和受控，令美股不断破顶，不过，美国近期多项经济数据表现麻麻，“花旗经济惊喜指数”亦再度回落，系咪因为市场又炒返减息，带动金价冲高？ “股市渔夫”创办人庄志雄指，美国上周出咗消费信心等数据后，由于表现普遍差过预期，如果“花旗经济惊喜指数”升就代表经济数据好过预期，相反，指数向下就反映整体数据差过预期，由于去年第4季数据差过预期，市场认为通胀有机会回落，所以就炒减息，但到今年数据好过预期，尤其2月嘅通胀数据，市场就唔再炒“金发女孩经济”，似乎系一个唔错嘅局面，但2月中之后经济数据又转差，有可能市场再炒减息推高个市，但要留意未来一至两周出炉嘅数据。 |
黄金 , 美股 |
| 庄志雄 |
2024-02-21T14:22 |
据美国最新数据显示，当地通胀仍有好大韧性，令市场调整咗对联储局几时开始减息，减几多次息嘅预期，市场原本对减息嘅预期及睇法都几进取。 “股市渔夫”创办人庄志雄指，睇返美银嘅基金经理调查，过去20年，未见过咁多基金经理认为今年一定减息，如果睇2年期利率，未来两年会减4次息，根据过往经验，联邦基金利率表现系紧贴2年期利率，而后者最近系升紧，尤其去年12月之后，因此，最易出错就系呢个位，太多人以为今年开始减息，其实“新债王”冈拉克(Jeffrey Gundlach)指，如果用2年期利率量度，预期联储局今年减息1次，明年就减3次，呢个就系落差。 Lewis又话，但基金经理几乎100%认为今年会减息，所以佢哋买债买得好劲，见到overweight债券系最多，所以好大机会喺呢度出错。 |
美债 |
| 庄志雄 |
2024-02-14T18:36 |
虽然美国1月消费物价指数(CPI)按年升幅放缓，但高过市场预期，据最新利率期货显示，联储局5月减息机会由数据公布前嘅61%，急降至36%，而超级核心通胀似乎有掉头回升嘅势头，如果通胀真系仍未受控，短期内回落嘅机会系咪唔大？虽然市场预期今年系减息年，但睇返依家嘅情况，联储局今年会唔会仍未开始减息？ “股市渔夫”创办人庄志雄指，可能系，甚至要掉头加息，美国超级核心通胀按年升4.4%，按月升幅更加系2002年以来较高水平，但呢个已经唔计租金、能源及食品，但其实联储局已不断搬龙门，连租金都剔除，但仍按年升4.4%，最大可能系美国人嘅通胀预期愈来愈高，因为实质收入增长已经跟唔上通胀升幅，工资系被蚕食。 Lewis又话，呢度仲未计过去两个月航运价格不断上涨，唔少航线升幅已超过100%，有研究机构指，当航运价格升1倍，会影响环球通胀0.7个百分点，如果运费全线升200%，会影响环球通胀1.5个百分点，如果红海、巴拿马等危机未解决，通胀系好难回落。 |
能源 , 航运 , 食品 |
| 庄志雄 |
2024-02-07T17:06 |
近期美股唔少人工智能(AI)相关股喺业绩期暴升，标普500指数亦跟住创新高，但市宽走势就愈来愈背驰。“股市渔夫”创办人庄志雄指，纽交所周一(5日)只有不足20%股份上升，系1962年以来从未见过嘅异常情况，提醒美股后市或会好波动。 佢又话，债市亦出现异常，上周五(2日)至周一两日内，美国10年期债息突然抽高近30点子，对上一次升咁多已经系2022年3月，当时联储局开始加息。 Lewis续指，同ISM服务业商业价格指数喺过去1个月抽升有关，而服务业喺当地消费物价指数(CPI)嘅占比最重，美债息急升或反映债市投资者预期，上半年通胀随时不跌反升，并对主流嘅减息预期有所警惕。 |
美债 , 美股 , 公司业绩 |
| 庄志雄 |
2024-01-31T15:55 |
【Now财经台】美股持续强势，道指昨晚(30日)又破顶，但标指及纳指回套，联储局已展开一连两日嘅议息会议，议息结果将会喺本港时间周四(2月1日)凌晨公布，议息结果会点样左右美股后市？美股升至现水平有冇出现泡沫？ “股市渔夫”创办人庄志雄指，最近多咗人讲要“拥抱泡沫”，市场依家等紧联储局议息声明，上次议息声明出炉后，美股就升咗一大浸，其中，标指升咗20%，相信好多人“拥抱泡沫”嘅想法就系预期联储局再“放鸽”，推高指数，但唔知今次有冇上次咁劲。 Lewis以用之前泡沫时期表现制作嘅纳指拼图为例，用纳指1999至2000年升势同2023至2024年比较，pattern上相似，但幅度唔同，上次升得急啲，今次嘅形态相似，但幅度就冇咁大。睇返拼图嘅轨迹，时间点会到3月初，届时要留意几点，包括联储局之前为咗救中小银行，推出短期融资计划系咪真正完结，因为市场似乎唔信会完结，所以会继续炒，因此，相信纳指3月唔会见顶回落，其次系联储局想继续“放鸽”，就要睇通胀系咪持续回落，亦系影响今年可唔可以减息5次嘅变数。 至于系唔系泡沫，除咗可以睇估值，都可以睇最大嘅公司系美股市场占比有几大。 |
美股 |
| 庄志雄 |
2024-01-17T16:24 |
【Now财经台】内幕人士倾向造淡、沽货多，但睇返美股市况，投资者风险胃纳似乎仲未反映呢个情况，据美银证券嘅基金经理调查显示，基金经理嘅乐观情绪系两年以来最高，到底点解会有咁大落差？美汇指数升见103水平，除咗因为联储局官员“放鹰”，会唔会系受惠于避险资金？ “股市渔夫”创办人庄志雄指，当市场太差时唔好太悲观，市场太乐观时就唔好追。目前，贪婪与恐惧指数(Fear & Greed Index)见顶回落，市宽亦系见顶回落，呢个时候内幕人士会选择减持自己公司股票take profit，佢建议散户参考呢啲了解自己公司运作嘅人士去做。 Lewis又指，其实上季已提出见到一个好奇怪现象，美汇指数喺咁多人唱减息嘅情况下，都未有跌穿去年7月低位，依家反而抽返上嚟，呢个情况就要留意低位，即预期会发生嘅事冇发生，亦喺低位上升回调0.5嗰个位，依家系上升中。 如果睇返欧元，部分欧元trader指，话依家系一个头肩顶，有机会跌到0.98水平，如果欧元真系见顶回落，美汇指数可能抽升差不多10%，股市调整压力会好大。 庄志雄 “股市渔夫”创办人 |
美股 , 美汇 , 欧元 |
| 庄志雄 |
2024-01-10T15:52 |
【Now财经台】虽然市场成日话“科技七雄”(Magnificent Seven)喺2023年撑住美股，但其实只得5雄撑住，苹果公司(Apple)及Tesla冇份撑市，其中，Apple近日都开始被睇淡，先后被大行及券商降评级，主要系唔睇好iPhone未来销情，其实早喺半年前，呢个情况系咪已率先反映喺股价上？ “股市渔夫”创办人庄志雄指，虽然2023年第4季Apple仍然喺中国手机市场排第1位，但同比增长跌咗10%，由于中国市场利润贡献好大，相信未来每股盈利预测都要下调，不过，市场都流行先下调盈利预测，等数据出炉后就变成“胜预期”，但事实上睇到基本因素系转差咗，尤其喺重要市场嘅市占率正在下降。 Lewis又话，留意到冇乜人想换iPhone 15，睇返中国网站，见到第1个星期嘅销售较2023年同期大跌30%，而喺拼多多平台即使iPhone 15或15 plus都要减价近20%。 庄志雄 “股市渔夫”创办人 |
美股 , 企业评级 , 科技 |
| 庄志雄 |
2024-01-03T17:33 |
【Now财经台】美股噚日(2日)开局失利，3大指数仅道指向上，标指就微跌，纳指更跌逾1%。不过，道指、纳指喺2023年尾相继破顶后，目前仍于高位徘徊，究竟标指喺2024年有冇机会破顶？“股市渔夫”创办人庄志雄认为，有几项指标反映标指破顶机会唔大。 Lewis分析指，标指喺过去70年只试过3次可以喺美国债息倒挂后500个交易日内收复失地，但最终都回落到孳息曲线倒挂前水平。由2022年6月中，10年期同1年期国债孳息曲线开始倒挂起计，至今已经过咗385个交易日。佢话，如果标指真系破顶，后市有可能要跌返落3700点水平。 佢又指出，过去3次收复失地嘅时候，标指经调整市盈率(CAPE)皆处于当时中位数或以下水平。然而目前32倍嘅CAPE明显高于中位数，即16倍，但过去100年来，标指只喺两个时期可以由32倍再炒上，分别系2000年对付“千年虫”，以及2020年新冠疫情后嘅超低息环境。 庄志雄 “股市渔夫”创办人 |
美股 |
| 庄志雄 |
2023-12-20T17:36 |
【Now财经台】资金流入推高美股下，“股市渔夫”创办人庄志雄提醒，要留意以下3项因素反映美股后市或会受压，首先对资金蜂涌入标普500 ETF(交易所买卖基金)要抱有戒心，因为2018年就曾经出现资金流强但VIX恐慌指数急升，标指继而急跌嘅情况。 此外，Lewis分析被视为经济寒暑表嘅FedEx业绩，指出过去一年通胀高企下集团上季收入仍然按年大减，反映期内货运量明显大跌。佢又提及，根据道氏理论(Dows Theory)，当市场上货品滞销，运输股表现就会较差，并指如果道指同道琼斯运输业平均指数冇喺同期齐创新高，可以解读为反向验证(non-confirmation)道指目前创新高唔合理，道指往往好快就会回落。 最后，Lewis透过统计欧元兑美元过去52年数据，推测美汇指数会喺1月回升，将对资产价格造成好大压力，因为…… 庄志雄 “股市渔夫”创办人 |
美股 , 美元 , ETF , 资金流向 , 美汇 |
| 庄志雄 |
2023-12-13T16:50 |
【Now财经台】美国噚晚出咗11月通胀数据，其中，核心消费物价指数(CPI)按年升3.1%，符预期，消息一出，明年初减息预期随即降温，美国通胀系咪真系好难回落？联储局几时先开始减息？ “股市渔夫”创办人庄志雄指，联储局一直主要睇住核心通胀数字，而整体通胀数字都有增长，但如果拆开货品及服务通胀数字睇，就会睇到分歧，服务通胀数字按年升近6%，货品通胀数字按年要跌，佢又话，听闻外国连苹果公司嘅产品都要减价发售，可能系今年库存比较多。 Lewis又话，产品价格应该差唔多见底，因为库存都去得七七八八，感恩节前后大减价销情都唔错，但佢认为，明年库存仲有冇咁多，仲有冇减价空间暂时仲系未知数。 佢提醒，产品价格录得按年跌幅后，好多时都会回升，一旦产品价格回升，产品通胀再升返，而服务通胀一直居高不下，嚟紧就会见到核心通胀数字回升。Lewis预期，睇返依家嘅局面，联储局唔可以咁快减息。 庄志雄 “股市渔夫”创办人 |
|
| 庄志雄 |
2023-12-06T15:37 |
【Now财经台】踏入12月，美股继续企喺近期高位，噚晚出嘅职位数据不似预期，引发市场忧虑，令减息预期持续，联储局去年底开始加息，标指表现仍然唔错，过去鲍威尔及局内官员时鸽时鹰，美股呢几年其实系咪都跟住官员口风走？ “股市渔夫”创办人庄志雄指，鲍威尔2018年开始正式执掌联储局，呢6年有个pattern几有趣，唔知点解美股喺单数年份表现较好，同埋升得比较稳定，而双数年份期间就经历过大跌，其中，2018年第4季自高位回落咗20%，而2020年因为新冠疫情更大跌逾30%，去年大部分跌幅都系第2季出现，跌咗约20%，一般嚟讲，第4季表现应该唔似2018年，因为当年有1个好重要因素，就系鲍威尔刚执掌联储局就讲错嘢，话会自动导航咁“收水”，继而触发跌市。 Lewis又话，鲍威尔汲取咗上次教训，依家“时鸽时鹰”，依家最有趣系... 庄志雄 “股市渔夫”创办人 |
美股 |
| 庄志雄 |
2023-11-24T16:12 |
【Now财经台】美股11月以来显着反弹，纳斯达克100仲升穿7月高位，创近两年新高，上次议息前后联储局主席鲍威尔(Jerome Powell)指金融市场正发挥作用，帮手收紧信贷，联储局就唔使做嘢，不过，佢讲完之后，金融市场就帮手“放水”，股债都升，鲍威尔下次系咪要改口，要做返啲嘢？ “股市渔夫”创办人庄志雄认为，鲍威尔上次提及“The Market Is Doing Its Work”系咩意思？可以参考高盛金融状况指标，每次呢个指标上升，就代表收紧银根，鲍威尔讲话前，即9月至10月底，呢个指标抽咗上去，鲍威尔认为市场帮手做紧嘢，收紧银根，导致当时嘅金融状态比较紧张。鲍威尔讲咗呢句说话，市场认为佢暗示停止加息，指标即掉头向下，代表金融状态宽松咗，作用等同“放水”，所以过去1个月股市、债市嘅方向基本上都系一致。 佢又话，喺呢个情况下，由于市场预期变成“放水”或停止加息，导致有一个放松作用，各类资产价格喺11月有个“松一口气反弹”(relief rally)。 |
美股 , 高盛 , 美信贷 , 美元 , AEON CREDIT |
| 庄志雄 |
2023-11-15T16:29 |
【Now财经台】美国噚晚出咗通胀数据，其中，核心消费物价格指数(CPI)按年升4%，反映美国通胀降温速度比预期快，进一步巩固市场对美息已见顶嘅预期，市场似乎呈现一股乐观情绪，连零售商Home Depot都话，通胀最坏情况已经过去，但值得留意系，油价、商品等冇乜反应，应该点解读呢个现象？ “股市渔夫”创办人庄志雄指，暂时只系睇到一日嘅反应，同埋只系一次通胀回落嘅数据，至于长期通胀系咪回落，仍然言之向早，但今次通胀数据对短线有一定影响，其中以标准普尔500指数升得最多，噚晚升咗1.9%，长债债价就升1%，反映债息回落，但美汇指数跌1.5%，以债价嚟睇就系得不偿失，所以长期嚟讲，要留意揸住美债会唔会蚀汇率，即使债价升，都补唔返汇价下跌。 至于点解今次通胀回落速度咁急？Lewis就话… 庄志雄 “股市渔夫”创办人 |
美债 , 美汇 |
| 庄志雄 |
2023-11-08T14:25 |
【Now财经台】“股神”巴菲特(Warren Buffett)旗下投资旗舰巴郡(Berkshire Hathaway)业绩披露集团现金水平创新高，虽然集团录得亏损，依家系咪买入呢只优质股嘅时机？如果现阶段唔系好时机，几时先适合做部署？ “股市渔夫”创办人庄志雄指，买巴郡应该等巴菲特都认为股市跌够出手时，上次佢出手好劲系2008年第4季狂扫货，选择呢啲时候跟佢做部署系比较好，至于佢几时会做嘢，其中一个“线索”就系留意现金水平有冇下降，例如2007、2008年现金水平大减40%，2007年高位揸咗好多现金，随着大市持续向下，佢就开始加注，一直加到2009年标指见底时，现金水平同高位比较大减逾40%，喺呢啲时机跟巴菲特做嘢或买入巴郡，会系一个较好嘅时机。 不过，Lewis指出，依家标指曾经自高位回落咗10%，但过去两年都冇乜表现，喺估值咁高嘅情况下，见到巴菲特手头现金系不断增加，去年曾经增持西方石油(Occidental Petroleum)，但之后一直偏向保守，过去4季基本上系净卖出股票，唔系净买入，呢个就话比外界知佢嘅取态，就系依家喺美股搵到估值合理嘅嘢买，都有一定困难。 |
石油 , 公司业绩 , 美股 |
| 庄志雄 |
2023-11-01T15:09 |
【Now财经台】美国债市持续有异象，例如将美国长债交易所买卖基金(ETF)同纳指100 ETF走势拍埋睇，大部分时间都系同步，但今年第2季有一段时间系异常地唔同步，美国长债ETF跌，但纳指100 ETF升，期间美股丧炒人工智能(AI)，预期通胀回落及息口见顶等，依家睇返转头，当时系咪炒错咗？ “股市渔夫”创办人庄志雄指，依家睇返一定系，当大家一窝蜂去做一件事，短线系可以唔跟基本因素，但大部分时间都要跟，点解拣美国长债ETF及纳指100 ETF分析，因为呢啲资产唔系睇今日，而系睇未来，前者系未来20年嘅现金流，后者部分公司依家系冇盈利，都系着眼于未来10、20年，公司愈做愈好，将来有现金流时，就可以折现返去今日，就可以做一个估值。 Lewis又话，呢啲Long duration assets最怕利率向上，因为要喺未来嘅现金流折现返去今日，利率愈高就愈唔值钱，今次个债喺2021年已见顶回落，因为债券投资者对通胀敏感度较高， 长债真正大跌系2022年开始，初期一路拖住纳指落去，两者表现几乎一模一样，2022年呢两类资产价格都系跌约30%。 庄志雄 “股市渔夫”创办人 |
美债 , 美股 , ETF , 卜蜂莲花 , 恒生中国企业 |
| 庄志雄 |
2023-10-18T17:01 |
【Now财经台】据美银最新基金经理调查显示，受访者预期，美国今季出现经济衰退嘅机会，较9月调查时大减至5%。不过，“股市渔夫”创办人庄志雄担心，历史上美国政府公布经济衰退会有滞后，而从以下3项经济数据急速转差可见，当地经济可能已步入衰退。 Lewis分析指，9月美国信用卡消费按月骤降，急跌程度跟3月矽谷银行(SVB)倒闭时差唔多。此外，美国大部分产品类别嘅消费开支数据亦按年大跌，其中，百货公司销售跌近20%、电子产品销售亦跌近10%，两个数据都反映主力支撑美国经济增长嘅消费数据突然转差。 佢续指，现时有约40个州份较去年多咗逾20%人持续申领失业救济金，而过去几次经济衰退时，正正同持续申领失业救济金人数升幅显着嘅州份明显增多嘅时期重叠。 Lewis预期，若美国今年第4季已陷入经济衰退，但华府可能会等到明年6月至9月先正式宣布，并指2008年金融海啸时，当局就喺9月雷曼兄弟爆煲前后，先宣布2007年末次按危机起，美国已进入衰退。 庄志雄 “股市渔夫”创办人 |
百货 |
| 庄志雄 |
2023-10-11T16:26 |
【Now财经台】美国联储局2021年11月宣布“收水”后，股债都系跌，但油价已经升返上去，金价就升得唔多，究竟近期以巴冲突，会唔会令金价或其他资产价格出现大变动？金价有冇力追落后？ “股市渔夫”创办人庄志雄指，虽然美国联储局开始加息至今唔够两年，但联储局宣布“收水”至今就差唔多两年，期间美股从未创新高，绝对称唔上系牛市，而对二三线美股嚟讲更加系熊市，跌得最甘系债市，美国30年期债价喺宣布“收水”后跌逾30%，相反，联储局“收水”令美元造好，至今美汇指数升近12%，而金价喺呢段期间都冇跌，油价更录得颇大升幅，但油价最终会被经济衰退影响，因此，第4季未必可以继续升。 Lewis续指，要留意金价会唔会接力油价嘅升势，因为过往金价喺经济衰退时有机会造好，由于金价过去两年升得比较少，投资者可能会买金避险。 佢又话，虽然以巴爆发冲突，但市场冇太大反应，即使油价上升，但美股近乎冇反应，佢提醒，市场风险溢价应该要提高，加上“收水”，美股估值应相应下跌，所以美股现阶段系偏贵。 庄志雄 “股市渔夫”创办人 |
黄金 , 美元 , 美股 , 美汇 |
| 庄志雄 |
2023-10-04T14:53 |
【Now财经台】美国众议院通过罢免议长麦卡锡(Kevin McCarthy)，加上市场忧虑联储局会维持高息一段更长时间，道指今年升幅昨晚(3日)已经蒸发晒兼倒跌，投资者原本预期联储局第3季加完息，明年初就会减息，并憧憬美国经济可以软着陆，但睇返美股嘅表现，似乎反映美国经济要硬着陆？ “股市渔夫”创办人庄志雄认为，美国经济会硬着陆，上季唔少人预期会软着陆，因为加息周期就快完，而经济数据表面上又唔太差，但市场似乎忘记咗通胀上升周期嘅历史，仲以为个玩法系通胀回落期，呢代人喺上世纪80年代开始投资到依家，都习惯咗通胀长期回落嘅情况，每次加完息利率就好快回落，央行因通胀回落就可以减息减得好狠，甚至做埋QE(量化宽松)救经济，今次同过往每次大衰退前嘅讲法都一样，就系预期经济会软着陆，例如2007、2008年，当年连央行官员都系咁讲，但最后经济陷入衰退。 Lewis又话，每次联储局“收水”都会影响全球金融状态，而今次加息速度之急，系过去几十年未见过，所以今次冇事发生及可以软着陆嘅机会近乎零，佢估计未来一定会“有事”发生。 庄志雄 “股市渔夫”创办人 |
美股 , 新股IPO , 新股IPO |
| 庄志雄 |
2023-09-22T15:53 |
【Now财经台】美国联储局再放鹰，主席鲍威尔话已经准备好喺适当时候进一步加息，而最新利率点阵图显示，官员普遍预期，联邦基金利率将会喺高位维持一段较长时间，并预期明年减息两次，较6月时预测少两次。 “股市渔夫”创办人庄志雄表示，官员预期加息周期未完系合理，因为当地通胀非持续向下，自6月基数效应消退后，通胀数据再度回升。佢分析指，全美独立企业联盟(NFIB)小型企业加价指数，一般系领先核心通胀数据约4个月，依家指数回升紧，佢相信走势反映核心通胀有机会回升。 Lewis续指，世界大型企业联合会(The Conference Board)公布嘅美国经济领先指标，按年变幅已跌至零，而1967年至今，每次出现呢种情况后，美国经济都会陷入衰退，并指联储局仍有加息压力，而数据已跌至2001年或2008年金融海啸时水平，继续“收水”就只会继续跌。 佢认为，从上述数据睇，美国经济唔似可以“软着陆”，更似会出现滞胀。 庄志雄 “股市渔夫”创办人 |
|
| 庄志雄 |
2023-08-23T16:34 |
【Now财经台】隔晚美国银行股受压，穆迪同标普都调低美国几间地区银行评级，除了内房引发的信托产品兑付危机，美国系统性风险系咪都不容忽视呢？ “股市渔夫”创办人庄志雄指，睇番过去一年银行股表现，恒生中国内地银行指数跌得仲少过美国的花旗同美银，所以美国的系统性风险都不容忽视。 佢又话，向来环球金融危机出现，通常都会通缩，息口回落，资金都系入长债，但今次完全唔系嗰回事，美国仲讲紧加息，有排都未减息，原因系… 庄志雄 “股市渔夫”创办人 |
内房 , 恒生银行 , 港银 , 企业评级 , 美股 |
| 庄志雄 |
2023-08-16T18:01 |
【Now财经台】美股近期持续调整，“股市渔夫”创办人庄志雄指，最近息口上升，增长股嘅估值会受到挤压。 Lewis比较纳指5只“股王”包括英伟达(Nvidia)、Google母公司Alphabet、微软(Microsoft)、苹果公司(Apple)、亚马逊(Amazon)8月至今嘅股价表现，当中仅市销率(price-to-sales ratio)最低，即估值最平嘅亚马逊有得升。 佢分析指，5只股份中，英伟达嘅市销率最高，最高峰时曾达45倍，意味集团喺零成本下，需要45年才回本。佢又话，Tesla喺2021年热炒时，市销率逾20倍，英伟达嘅估值泡沫爆破后，市销率下调至约39倍，但仍属“疯狂”估值水平。 Lewis续指，随着8月息口抽升，呢类增长股面对嘅沽压愈大，因为债息愈来愈高，买债收息嘅回报比买股票更吸引，机构投资者会逐渐减持高估值股，再将资金泊落债市赚利息，继而拉低纳指。 佢又提及，纳指已跌穿50天线，跟长线市宽走势背驰，指数喺冇大股支撑下，将会进入唔短嘅调整期。 庄志雄 “股市渔夫”创办人 |
美股 |
| 庄志雄 |
2023-08-09T16:08 |
【Now财经台】恒生指数今季持续跑赢标普500指数，点解会出现“东升西降”嘅现象？“股市渔夫”创办人庄志雄分析指，之前港股嘅科技股累积咗好多淡仓，第3季开始见到夹淡仓，就连金龙指数嘅交易所买卖基金(ETF)今季都累升近12%，证明中资科技股走势好，但佢认为，现时都系留意商品比较好，例如石油相关股。 Lewis续指，第3季商品价格升势，令能源板块喺美股中表现最标青，尤其系石油服务股、油气开发股，相关ETF分别升逾18%及逾13%，值得留意系，升得最好唔系市值最大嘅能源企业或成分股。 此外，Lewis认为，港股嘅新能源车股值得长期关注，并指欧美唔少汽车评论人对中国产电动车嘅评价正面，事实上，板块早喺第2季已有利好讯号。 过去1个月，蓝筹车股比亚迪股份(01211)及吉利汽车(00175)股价仅录得单位数升幅，反观“造车新势力”小鹏汽车(09868)及理想汽车(02015)爆升约30%。 Lewis表示，虽然唔少股份短期已超买，但如果未来业绩交到货，仍睇好新能源车板块长期走势。 |
能源 , 吉利汽车 , 石油 , 港股 , 美股 |
| 庄志雄 |
2023-07-19T15:19 |
【Now财经台】美国通胀降温，美股就炒利率已见顶、经济可以软着陆等主题，美元近排转弱，商品价格造好，7月至今商品表现暂时都好过股市，睇返利率及汇率市场，通胀真系会持续回落，亦唔会爆发金融危机？ “股市渔夫”创办人庄志雄指，美股近排借通胀消息炒返上嚟，但汇市及债市投资者似乎唔系咁睇，有调查显示，汇率及利率分析员对美国通胀高企预期正在升温，同股市嘅炒法存在几大分歧。至于会唔会有金融危机，汇率及利率分析员嘅预期系降咗温，但其实系好正常，因为第1个data point系4月，即矽谷银行(SVB)出事，市场情绪一定处于一个避险mode，所以调查结果比率系较高，但去到一个咁低水平系较罕见，由原本几担心突然变成唔担心，会唔会睇漏或轻视呢个风险，未来边度会爆一啲嘢出来，美国机会相对低，但欧洲嘅情况就令人担心，因为... 庄志雄 “股市渔夫”创办人 |
美元 , 美股 |
| 庄志雄 |
2023-07-12T15:01 |
【Now财经台】美国6月通胀数据今晚出炉，市场预期会进一步降温，美股已偷步升，美汇指数亦回落。“股市渔夫”创办人庄志雄呼吁投资者要留意债市及汇市一啲讯号，债市方面，美国2年及10年期债息倒挂，息差就去返3月矽谷银行(SVB)出事时水平后，但近日有收窄趋势，当中反映紧乜嘢？ 庄志雄预期，今晚出嘅通胀数字会再回落，主要受基数效应影响，但踏入下半年会减退，因此，通胀未来有机会回升，到底美股今晚会再炒多浸上去，还是等埋8月通胀数据先跌，又或者预先炒咗通胀掉头向上？所以今晚一定要留意。 Lewis又话，最近已经好少人讲yield curve，其实依家处于一个极端倒挂情况，上一次出现呢个情况就系发生SVB事件，有趣嘅地方系，2年期债息喺通胀预期或联储局这论咁鹰下，仲未破上次高位，呢个情况都要留意住，到底yield curve会唔会抽返上去，由负数变正数，因为通常有“大事件”发生，yield curve都会向上抽。 庄志雄 “股市渔夫”创办人 |
美股 , 美汇 |
| 庄志雄 |
2023-07-05T18:34 |
【Now财经台】上半年由ChatGPT掀起嘅人工智能(AI)热潮带动美股向上，不过，“股市渔夫”创办人庄志雄分析指，“股王”苹果就快见顶，仲话“股王”地位随时不保！ Lewis认为，上半年Apple劲升或因为临近季结，基金为粉饰橱窗(window dressing)就夹最重磅嘅苹果上去嚟整靓盘数，然而，集团现时每股盈利(EPS)预测已经向下，而行政总裁Tim Cook继上年8月后，今年4月再大手沽货，两个迹象均反映现时苹果股价虚高，高层趁高沽货套现。 佢又预期，未来有划时代AI产品嘅科技企业，将会造就下一个牛市，而Apple最后一个明显带动股价嘅产品已经系2016年推出嘅AirPods，欠缺令市场有惊喜嘅创新产品。 Lewis续指，Tesla有望成为下一只“股王”，佢话公司系8只标指重磅股中，最有能力推出真正创新嘅AI产品，例如预计未来几年量产嘅人形机械人Optimus。 庄志雄 “股市渔夫”创办人 |
|
| 庄志雄 |
2023-06-21T17:22 |
【Now财经台】美国联储局上周一如预期暂停加息，科网股继续炒上，不过，美股3大指噚晚向下，原因系市场观望联储局主席鲍威尔稍后喺国会听证会嘅发言，到底联储局7月系咪会再加息？如果再度加息，美股会点走？ “股市渔夫”创办人庄志雄指，议息会议后，美债孳息率，尤其短息有啲想破顶，意味美国加息周期仍未结束。佢估计，如果冇重大事件出现，例如矽谷银行(SVB)倒闭事件，局方会倾向继续加息，因为核心通胀始终未见回落，过去5个月核心通胀都接近5%，但局方嘅目标系2%，因此，就算联储局唔加息，息口都要喺现水平维持一段长时间。 Lewis又话，最近推高美股主要系人工智能(AI)概念股，以美国晶片巨企Nvidia啱啱晋身万亿股王为例，要维持万亿股王市值唔容易，基本条件系生意要愈做愈大，有分析估计，Nvidia未来4年生意额将以倍数增长，原因系… 庄志雄 “股市渔夫”创办人 |
美债 , 美股 |
| 庄志雄 |
2023-06-14T17:16 |
【Now财经台】美国噚晚出咗5月通胀数据，消费物价指数(CPI)及核心CPI按年升幅双双放缓，市场预期，联储局6月会暂停加息，但7月会再加息，“股市渔夫”创办人庄志雄指，同意呢个睇法，但要留意通胀未来会唔会再升温，因为有基数效应，旧年上半年相对下半年嘅通胀偏高，如果睇返旧年下半年通胀数据，今年下半年通胀未必会回落，甚至回升。另一方面，美国超级核心通胀及核心通胀都高过预期，虽然依家回落紧，但速度缓慢，佢认为未来走势仍有好大变数。 Lewis续指，加息周期对资产价格有好大影响，包括美债、虚拟货币，至于美股，佢就话... 庄志雄 “股市渔夫”创办人 |
美债 |
| 庄志雄 |
2023-06-07T16:16 |
【Now财经台】市场憧憬联储局停止加息，甚至掉头减息，令纳指企稳13000点，标指就继续向去年8月高位进发，依家系咪入市好时机？有冇指标反映依家入市风险其实好高？ “股市渔夫”创办人庄志雄指，其中一个极端背驰指标系“兴登堡凶兆”，呢个指标要喺市场人士唔惊、唔讲时先有效，因为呢个指标面世时系畀纽交所用，用嚟睇创52周新高及新低嘅股票比例。佢又话，如果大市升，唔应该有好多股票创52周新低，但最新显示有好多股票创紧52周新低，而数目同创52周新高嘅股份有得比，呢个就系背驰现象。 Lewis解释，背驰意思系指数平均线正在向上，但同一时间有好多股票创紧新低，同埋市宽表现较差，呢个就系极端背驰现象。佢提醒，要小心纳指急挫风险，对上一次出现极端背驰现象已经系2021年11月，当时纳指喺半年内跌咗5000几点。 庄志雄 “股市渔夫”创办人 |
美股 |
| 庄志雄 |
2023-05-31T14:06 |
【Now财经台】美国债务上限谈判反反覆覆经历咗成个月，终于进入“直路”，美国众议院规则委员会通过将债务上限协议送交众议院全体审议，估计众议院今日会进行表决，谈判期间短期债息扯到好高，不过，随着各方达成协议，债息近日都略为回落，系咪反映市场都有信心协议可成功“过关”？ “股市渔夫”创办人庄志雄指，市场似乎唔系好惊，而债息嘅表现主要系投资者想避开X-date，而美国财长耶伦之前将“死线”推迟到6月5日，的确令市场稍为安心，而正路估计，耶伦应留有几手，例如再推迟几日，呢方面都系要留意。 Lewis又话，一旦耶伦或佢嘅团队计数唔准，甚至出现违约情况，应该会喺6月5日至6月15日期间出现，原因系... 庄志雄 “股市渔夫”创办人 |
佳宁娜 |
| 庄志雄 |
2023-05-17T16:30 |
【Now财经台】美国隔晚偏软，道指要跌逾300点。投资者JEREMY GRANTHAM提出，总统选举周期第三年，一般股市都会做好。呢个理论依家仲有冇效？另外，佢都有用估值去睇一啲长远回报，投资者可以点参考部署？ “股市渔夫”创办人庄志雄指，无论系总统或执政党都会想自己派别继续执政，所以佢哋会喺第三年“谷经济”，令第四年经济歌舞升平。因联储局“放水”，通常会有六至十二个月嘅滞后效应，所以先会喺第三年开始“谷经济”，预留时间畀实体经济提升，有利该党继续连任。但因为受到联储局资产负债表膨胀或收缩影响，所以呢个理论喺过去三年都失效。 Lewis又话，依家仍然可以用估值睇长远回报。由于现时美股估值超贵，所以未来七年回报预测系负数。如果依家股市回升，立即做量化宽松(QE)，通胀可能徘徊5%至10%，而标普500指数表现都可能系5%至10%，扣除通胀就变成负回报。反而新兴市场嘅价值股，未来七年回报率扣除通胀后，高于以往平均值，有约7.6%，因此投资者可以考虑呢类型嘅股份。 庄志雄 “股市渔夫”创办人 |
美股 , 新兴光学 |
| 庄志雄 |
2023-05-10T15:51 |
【Now财经台】据联储局嘅调查显示，美国银行信贷紧缩情况系愈来愈严重，最新发表嘅“金融稳定报告”指，银行信贷审批标准进一步收紧，甚至有官员估计，情况会持续至年底，系咪意味经济衰退风险正进一步升温？经济衰退又会衍生咩问题？ “股市渔夫”创办人庄志雄指，解决办法只有阻止存款流失，因为存款再流失，银行只能减少信贷，联储局要快速减息先可以阻止存款流失，不过，短期内减息会令通胀落得好快。美国今晚公布嘅6月消费物价指数(CPI)预期会向下，但由于基数效应，7月CPI或掉头向上，因此，联储局下半年好难减息。 Lewis又话，如果银行可以捱到逾1年，等手上嘅美债到期，就可以转去投资高息美债，到时就可以加存款息，成功解决问题，但问题系呢啲地区银行捱唔捱到咁耐，加上根据过往经验，银行收紧信贷后，失业率就会飙升，对经济造成好大压力。 佢又话，美国依家已经喺衰退边缘，美国嘅经济领先指标已跌咗一段时间，市场普遍认为经济会硬着陆，睇返往绩，美股都会跌几成，甚至一半。 庄志雄 “股市渔夫”创办人 |
美债 , 美信贷 , 美股 , AEON CREDIT |
| 庄志雄 |
2023-05-03T15:42 |
【Now财经台】美国通胀见顶，银行危机又可能令联储局要再“放水”，加上标指持续向上，美股系咪已经见到曙光，甚至步入牛市？ “股市渔夫”创办人庄志雄指，虽然美国通胀持续降温，但同联储局2%嘅目标仲有一段距离，因此，通胀见顶唔代表联储局会“放水”。佢又话，唔可以单凭标指表现去判断市况，因为当中几只大价股已占几成市值，佢认为依家只系托住标指畀大户散货，其实Silvergate爆煲后，近两个月标普中型股指数及小型股指数都大跌，而避险资产如黄金及美国10年期国债都跑嬴标指，如果美股真系步入牛市，情况应该系相反。 Lewis续指，依家美股“最后逃生门”已倒数紧，依家市宽表现差，1月仍有80%股份升至50天线楼上，依家减少至不足40%，反映市场依家喺度派紧货。 庄志雄 “股市渔夫”创办人 |
|
| 庄志雄 |
2023-04-19T16:11 |
【Now财经台】联储局官员最近不断派定心丸，力撑经济无事，美股三大指数过去一星期表现都平稳，而家市况系咪真系咁乐观？大行仍然鼓励买货，仲话要“Buy In May”，应该信边个？ “股市渔夫”创办人庄志雄指，通胀未受控制，所以即使停止加息，高利率仍然会维持一段时间，换言之美股股价会低迷，反映长期估值嘅周期调整线，由37倍跌至29倍。佢提到，2008年3月投行贝尔斯登爆煲后，股市都有反弹，当时又系有班联储局官员派定心丸，指经济只系温和衰退，同而家矽谷银行爆煲后嘅情况类似，认为之所以未大跌市，系因为大户未派晒货，当时美股指数都顶住近半年先有雷曼事件。而2007年高位美股嘅估值系27倍，息口同而家差唔多水平，到减至接近零息，估值都要跌至15倍先见底。 Lewis又话市场进入熊市第二期，指数波幅会大。据最近美银基金经理调查，投资者买紧防守性嘅板块，包括必需消费品(Consumer Staples)、公用股及医疗保健股，不过呢啲喺2008年最终都要大跌，今次仲要系有通胀嘅熊市，买美债都未必稳阵。据美银数据，私人客户不断增加现金水平，可能揸现金真系最可取。 庄志雄 “股市渔夫”创办人 |
美债 , 公用 , 美股 |
| 庄志雄 |
2023-04-12T16:31 |
【Now财经台】今个星期市场焦点落喺美国今晚出炉嘅通胀数据，将会点样左右联储局加息决定，近日市场对联储局嘅加息预期再度升温，不过，如果局方进一步加息，又担心经济衰退，今晚公布嘅通胀数据系咪仍然相当关键？ “股市渔夫”创办人庄志雄指，今晚出炉嘅通胀数据仍然十分关键，根据以往经验，若消费物价指数(CPI)曾高过8%，通胀要落返去2%水平，需时数以年计，平均需要10年，最快都要7年，美国通胀去年曾飙升至8%楼上，因此，如无意外，联储局要见到通胀明显回落先会开始做嘢，据最新利率期货显示，下个月会议将会再加息，之后会维持利率不变，直至年底。 庄志雄 “股市渔夫”创办人 |
|
| 庄志雄 |
2023-03-22T14:08 |
【Now财经台】欧美银行危机急速升温，但又似乎好快降温，瑞银(USB)收购瑞信(CS)，各国央行又力撑金融体系，带动美股持续反弹，市场加息预期亦降温，呢场危机系咪咁快结束？资产价格喘稳后，市场信心系咪就可以恢复？ “股市渔夫”创办人庄志雄指，依家嘅情况仍然唔明朗，今次危机嘅源头，喺美国方面系存款流失，即所谓挤提，令好多中小银行顶唔顺，要美国政府出手顶住，情况系咪已经改善？如果睇返最新数据就唔系，因为数以千计嘅美国中小银行仍面对存款流失情况，就连较大型嘅商业银行都出现呢个情况，而当中涉及多个因素。 Lewis又话，存款流失问题仍未“止血”，中长线而言，对美国经济有好大影响，原因系... 庄志雄 “股市渔夫”创办人 |
美股 , 润中国际控股 |
| 庄志雄 |
2023-03-15T15:19 |
【Now财经台】联储局下星期就会议息，但市场对加息嘅预期不断改变，主席鲍威尔之前“放鹰”，市场就估计今个月会加息0.5厘，但近期发生矽谷银行(SVB)爆煲事件，最新估计只会加息0.25厘，甚至有大行认为要掉头减息，投资者似乎都无所适从。 “股市渔夫”创办人庄志雄指，投资者真系唔好跟车太贴，市场普遍睇利率期货去做加息预测，如果过去1个月真系跟住啲市场预测去做投资部署，真系好容易“左一巴、右一巴”，比市场牵住走。 Lewis又话，美国依家系步向衰退，经济会硬着陆，但通胀又未回落，呢个情况唔系靠加息减息可以扭转。佢估计，联储局今个月会加息0.25厘，但之后就会暂停，原因系... 庄志雄 “股市渔夫”创办人 |
|
| 庄志雄 |
2023-03-08T14:58 |
【Now财经台】美国联储局主席鲍威尔噚晚喺参议院作证时“放鹰”，指已准备好喺必要时扩大加息幅度，利率见顶水平可能高过预期，利率期货即时有反应，今个月加息0.5厘嘅机会急升至70%，过去半年，市场对美国嘅加息预期大上大落，依家系咪处于一个比较混乱嘅状况？ “股市渔夫”创办人庄志雄指，混乱系联储局一手造成，依家再推迟减息，未来可能因为加息加过龙，导致美国经济严重衰退，睇返终极利率，由于局方经常“嗡三嗡四”，令市场参与者之前以为利率已见顶，但依家又走出嚟讲嘢，原因系过去1个月公布嘅数据，反映通胀仍高居不下，佢又话，佢之前已经估计美国通胀已见顶，但要急速回落唔系咁易。 Lewis又指，若联储局之前冇讲放慢加息步伐，如果投资者只系估估下就唔会乱炒，1月讲完嘢之后，令投资者有个错觉联储局好快加完息，甚至今年开始减息，由于局方冇预测能力，通胀走向亦唔会知，一见到数据唔对路，又要掉转讲，增加咗美国利率预期嘅波动性，绝对唔系好事。 庄志雄 “股市渔夫”创办人 |
|
| 庄志雄 |
2023-03-01T17:28 |
【Now财经台】2月债息急升令美股3大指数受压，道指今年升幅一度化灰，虽然标指及纳指有得升，但“股市渔夫”创办人庄志雄指，标指主要靠8只重磅科技股撑，加上纳指嘅长线市宽向下，种种指标都反映美股仲有排调整。 Lewis解释，目前联储局关注嘅“超级核心”通胀(supercore inflation)，即系核心通胀减住房价格，升幅大过预期，令市场再次调整对加息幅度及周期嘅预测。 根据衍生工具市场数据显示，利率期货交易员预期，联储局最终会加息至6厘以上，进一步遏通胀，Lewis认为，通胀见顶后唔会立即回落，高息率将继续对债市及股市造成压力。 Lewis续指，标指嘅股份收益率同联邦基金利率好近，削弱咗持股吸引力，估计今年机构投资者会抽走股市资金去做现金投资，至于纳指，佢就话可以用基金仓位指标作相反指标，因为… 庄志雄 “股市渔夫”创办人 |
美股 , 科技 |
| 庄志雄 |
2023-02-15T15:10 |
【Now财经台】虽然美国通胀持续回落，但速度冇市场预期咁快，睇返CPI组成嘅各个分项，基本上都持续向上，美国通胀要达到联储局2%嘅目标，莫讲今年，甚至出年系咪都未必可以达标？ “股市渔夫”创办人庄志雄指，美国通胀系难达标，虽然预期会见顶回落，但估计速度系会慢，噚晚出炉嘅CPI就证实咗。佢又话，CPI细分项中，最大系租金，而睇返各分项亦唔系整体向下，如果睇返过3个月嘅变化，逾半细分项嘅升幅系多过12月嘅升幅，系有一种再度加速嘅味道，唔止回落速度慢，系有掉头回升嘅风险。 Lewis又话，租金喺2021年后持续向上，所以最近会听到联储局想搬龙门，想做一个“超级核心通胀率”出嚟，即唔包括食品、能源、租金，而衣食住行中有3项都唔包，唔知呢个“核心”系点，其中租金占CPI近40%，撇除咗租金，通胀当然会回落，但市场buy唔buy系另一回事。 庄志雄 “股市渔夫”创办人 |
能源 , 食品 |
| 庄志雄 |
2023-02-08T16:19 |
【Now财经台】隔晚联储局主席鲍威尔发表讲话，虽然同日前亚特兰大联储银行行长嘅口径一致，话美国经济持续强劲，利率峰值可能高过预期，但市场似乎未受佢嘅言论影响，仲解读为鲍威尔言论唔够鹰，美股照升，鲍威尔讲话系咪真系冇市场预期咁鹰？ “股市渔夫”创办人庄志雄指，呢个系市场解读，但最重要系睇返资产价格表现，因为可以反映市场点样解读，反而市场人士点讲系另一回事。佢认为，过去一星期资产价格表现几奇怪，可能市场聚焦喺美股标普500指数身上，但其实鲍威尔发言后，或重磅科技股出咗业绩后，出现一个奇怪现象，就系美元升，美债跌价，美债息升，而对利率十分敏感嘅黄金，价格亦下跌，如果睇返资产价格，除美股外，偏向系“水紧咗”。 Lewis又话，嗰个星期鲍威尔讲咗两次嘢之后，睇资产价格除美股外都系偏紧，所以佢讲嘢鹰或鸽并唔重要，最重要系睇返资产价格表现。 庄志雄 “股市渔夫”创办人 |
黄金 , 美债 , 美股 , 科技 , 美元 |
| 庄志雄 |
2023-02-01T15:32 |
【Now财经台】恒指过去2个月跑赢好多资产，内地放完农历新年长假后复市，虽然北水重临，但头两日都系沽货，今日就稍为喘定返，但港股其实升咗唔少，呢两日嘅回调可能系短线健康调整，港股后市又会点走？ “股市渔夫”创办人庄志雄指，如果以低位计，恒指喺两个几月已升超过50%，所以唔应该再追货，虽然恒指系全球股市中做得最好嘅指数，即使市况冇问题，都最好等回调先再加仓，因为睇返个别股份，尤其系指数成分股，好多股份嘅蟹货仲未消化晒，今次恒指升得咁劲，的确系超预期，Lewis又话，旧年第4季已经讲过唔好睇淡港股，而今年1月表现系较预期好，但佢认为，操作上仍当上落市咁做，可以喺低位或散户比较悲观时加多啲货，依家咁多人话牛市重临，反而就要减持，唔好畀情绪牵动得太紧要，因为今年仲有好多变数。 庄志雄 “股市渔夫”创办人 |
港股 |
| 庄志雄 |
2023-01-18T16:16 |
【Now财经台】过去1个月，睇返唔同ETF类别嘅表现，上月以新兴市场ETF表现较好，一路炒美元回软及中国经济重启，日圆ETF只系排第2位，点睇嚟紧嘅走势？未来系咪继续炒中国重启因素？ “股市渔夫”创办人庄志雄指，投资者好多时留意今日发生嘅事，但始终要睇返个趋势，其实由旧年第4季开始，主题系熊市反弹，特色系之前强势嘅美元回一回，令好多股市指数造返好啲，以龙头美股为例，虽然过去1个月累升3%至4%，但有一点要留意，睇返标指嘅走势，旧年6月系插咗落去，之后一直处于上上落落嘅状态，仲未摆脱下降轨，其实系类似熊2状态，即系跌咗近20%后，造返一个反弹，但又破唔到顶，跟住又呈一个上落格局，龙头已经系咁，其他市场都可能畀龙头牵着，最重要龙头唔好出事。 Lewis又话，日本市场系今年最少人谈论嘅风险因素，日本央行今日出咗声明后，日圆应声下跌，行长黑田东彦就快卸任，维持政策不变系正常，但令佢联想到当年美国联储局狂做宽松政策，令美国经济表现似乎好好，但2008年就出现雷曼倒闭事件，因之前过度印银纸，印出一个楼市泡沫，最后要靠QE收科，依家日本嘅情况有啲类似。 庄志雄 “股市渔夫”创办人 |
中国经济 , ETF , 美元 , 美股 , 新兴光学 |
| 庄志雄 |
2023-01-11T15:33 |
【Now财经台】踏入2023年美股走势都几反覆，市场睇住D经济数据同联储局官员讲话，隔晚联储局主席鲍威尔讲话会继续加息压低通胀，美股有得升，点解读佢番说话？ “股市渔夫”创办人庄志雄指，鲍威尔口风冇变，美股已经连跌4个星期，依家夹番上去好正常。佢提醒，市场似乎同大家嘅预期倒转，好多人预期鲍威尔讲嘢好“鹰”，但股市又继续夹升。 Lewis预期，美国消费物价指数(CPI)会见顶回落，但唔认为今年会回落至2%，所以联储局要维持比较紧缩嘅状态，如果星期四公布CPI数字低过预期，都未必代表个市会再升多啲。 庄志雄 “股市渔夫”创办人 |
美股 |
| 庄志雄 |
2023-01-04T16:19 |
【Now财经台】虽然美股今年开局出师不利，但有分析认为，美股连跌两年并唔常见，更预期美股今年好大机会回升，不过，如果讲股市见底，港股系咪会快过美股？ “股市渔夫”创办人庄志雄表示，见底有两个条件，首先系要沽嘅人已经沽晒，香港之前好明显系，听到最差嗰日有基金经理宣布香港科技股已经清咗仓，而宣布后就啱啱见底。即系话当投资者悲观到一个程度，跌到15000点就睇10000点，当市场出现呢啲极度悲观情况，股市系有机会见底。 佢续指，其次系睇基本因素，估值系咪去到历史低位，依家美股肯定唔系，美股跌咗逾20%后，标指经周期调整市盈率仍有20倍以上，历史低位一般系10几倍，通胀失控年代甚至见过单位数。 Lewis认为，港股可以睇高一线，因为恒指已跌到低过帐面价值，怛恒指系咪可以见底回升，暂时仍未肯定，但大市有15%至30%股份已经见咗低位，即有啲股份唔会跌穿旧年低位，但唔代表恒指唔会再探底，因为美股未跌完，就有机会拖累恒指。 庄志雄 “股市渔夫”创办人 |
港股 , 科技 , 美股 |
