| 评论员 |
时间 |
内容 |
标签 |
| 林樵基 |
2024-05-09T11:44 |
内地继续出招救楼市，杭州最新宣布全面取消住房限购措施，若有意买楼嘅家庭多过市场现有嘅新盘，发展商可以自主销售。此外，依家放紧盘嘅业主，再买楼可以用首置身份造按揭。市场最希望见到内地撤销所有限制措施，因为部分一线城市如深圳、北京都只系有限度松绑，未来全国撤销限购机会大唔大？ 资深经济学家林樵基认为，杭州最新政策会见效，依家嘅重点系经济及市民系想买楼，还是买多啲楼，杭州今次撤销限购会加强市场对政府支持楼市嘅信心。 佢又指，一线城市现行政策系正确，始终呢啲城市商业活动较多，人员流动较快，对房地产需求自然较大。不过，佢估计，全国或一线城市全面松绑机会唔大，始终一线城市嘅房地产需求较大，而内地每个城市嘅库存、经济情况等都唔同，最重要系评估每个城市嘅买楼需求，并要考虑用咩针对性政策帮楼市发展。 |
|
| 林樵基 |
2024-04-11T11:28 |
内地今早(11日)出咗3月居民消费价格指数(CPI)，虽然已连升两个月，但升幅放缓至0.1%，差过预期，按月更转跌1%，终止3个月升势。睇返CPI走势，担唔担心内地再陷入通缩？ 资深经济学家林樵基认为，都要考虑返假期因素，2月农历新年后，由于市场供应复常，导致3月食品价格按年跌2.7%，消费者经历1月及2月呢轮消费后，或会留待“五一黄金周”再消费，所以会影响3月通胀，CPI低过预期反映内地消费仍然疲弱。佢又估计，4月CPI仍会持续低迷，但喺“五一黄金周”消费需求将显着增加下，5月CPI可望升至一个较高水平。 内地为应对通缩，人民银行要继续实施宽松政策，但美国最新通胀高过预期，令6月减息预期急降温，中美息差系咪会继续困扰人仔？林樵基表示，人行都要取舍，如果再降准或减息，系可以刺激消费，但如果消费动力不足，会令人仔走弱，不过，内地可以透过公共财政政策，例如减税刺激经济，整体嚟讲，人行要喺货币政策及公共政策之间搵到平衡，先可以令经济稳定落嚟。 |
|
| 林樵基 |
2024-03-18T11:29 |
内地今早(18日)出咗今年首两个月“三头马车”数据，其中，零售按年增长5.5%，略差过市场预期，但市场其实都预咗增速会较去年11月至12月嘅7%慢，所以表现系咪唔算好差？“两会”提及要大力谷内需推动经济，其中，上周公布推动大规模设备更新及消费品以旧换新，可唔可以刺激到消费？ 资深经济学家林樵基认为，零售数据唔算太差，可以用一个稳定模式去睇现时嘅消费，过去1年正逐步复苏，所以唔可能期望一个农历新年就会爆发性上升，佢认为之后都系倾向稳步上扬，唔好期望会录得好大升幅。 至于谷消费政策，林樵基认为，如果想措施成效大，背后嘅流动性供应好关键，中央今年不断出手撑经济，包括减税、发债等，例如想推动换车等都需要资金，依家债务上升紧，如果将资金拨到呢方面，相信都会有正面影响。佢又指，以旧换新唔系新政策，最重要系个周期可唔可以适应，而疫后系一个推动嘅好时机，因为呢几年改变咗好多，有好多新科技，相信以旧换新会有一个好势头。 |
|
| 林樵基 |
2024-01-22T11:50 |
【Now财经台】内地上周出咗去年国内生产总值(GDP)等重磅经济数据后，仍未见推出任何重大货币政策或财政政策谷经济，市场愈等得耐就愈冇信心，系咪要等到农历年假期后，甚至3月召开嘅“两会”先会有好消息？ 资深经济学家林樵基表示，相信农历新年后会逐步有动作，未必要等到“两会”，因为“两会”前一般会有明确嘅政策出台，又或者会有人放风，逐步提升市场信心。佢又指，由于临近农历新年，就算有政策出台都未必可以即时执行，相信中央会先做好维稳工作，令市场有足够流动性，令市场年结前比较平稳。 林樵基续指，内地暂时未见出现资金紧绌情况，因为一直有中期资金投入市场，短钱亦相当充裕。 林樵基 光银国际董事总经理兼研究部主管 |
资金流向 |
| 林樵基 |
2023-12-13T12:00 |
【Now财经台】中央经济工作会议周一(11日)起一连两日喺北京举行，据《新华社》报道，明年将坚持稳中求进，着力扩大内需等，系咪反映中央都好靠内需带动整体经济增长？ 资深经济学家林樵基指，用内需带动经济增长都好明显，睇返“三头马车”，其中外贸系非常唔稳定，始终外部环境受唔同因素影响，例如地缘政治等，而内需就相对较易控制。佢又话，其实内地储蓄率好高，关键在于点样令消费者愿意使钱，包括推出谷消费政策、服务等。 货币政策方面，中央指要稳健、灵活适度、精准，但其实都冇乜新意，Banny认为，内地货币政策仍相对宽松，如果降准导致市场流动性太多，会影响通胀或出现过度投资等后遗症，中央依家嘅做法系，适度地推中长期债务，再配合低利率环境，可以有效地增加投资。 林樵基 光银国际董事总经理兼研究部主管 |
|
| 林樵基 |
2023-11-15T11:46 |
【Now财经台】内地10月经济数据今朝出炉，零售及工业生产分别增长7.6%及4.6%，两个数据都好过预期，但1至10月全国固定资产投资及房地产投资都差过预期，前者仅增长2.9%，后者更跌9.3%。零售表现好过预期，其中一个原因系受惠于黄金周，年底嘅零售数据又乐唔乐观？ 资深经济学家林樵基指，内地居民经历疫情后，消费模式已经改变，由于有唔同嘅消费节日，例如“双11”购物节等，内地居民唔一定再喺假期消费，因此，录得高单位数升幅已比预期理想，佢又话，最重要系出现一个上升趋势，先可以确认到零售正逐步复苏。 至于年底嘅零售表现，林樵基估计，仍会录得单位数增长，因为整体经济环境复苏速度较慢，加上有唔少不明朗因素，所以内地居民都未必会大力消费。 林樵基 光银国际董事总经理兼研究部主管 |
黄金 , 地产 , 地产 |
| 林樵基 |
2023-09-11T13:47 |
【Now财经台】国家统计局上周六(9日)公布，8月内地居民消费价格指数(CPI)按年升0.1%，按月则升0.3%。 资深经济学家林樵基认为，其实内地8月可摆脱通缩唔算有惊喜，只系同去年同期比较嘅基数效应，反映喺好多分项价格上，令整体CPI略为回升，事实上，内地整体经济需求仍然疲弱，暂时睇嚟消费价格较难上升，不过，由于9月至10月有中秋节及“十一黄金周”，相信经济及需求会略为回暖，对消费价格有正面影响。 Banny续指，受节庆消费需求带动，内地今年余下4个月嘅CPI，可望维持喺零或以上，更直指内地唔再出现通缩已经好理想。 林樵基 光银国际董事总经理兼研究部主管 |
黄金 |
| 林樵基 |
2023-01-12T11:57 |
【Now财经台】内地上月通胀1.8%，符合预期，工业生产者出厂价格指数PPI就连跌3个月，按年跌0.7%，跌幅大过预期，市场应该点解读？ 光银国际董事总经理兼研究部主管林樵基认为，上月通胀数字未完全反映内地防疫政策转变嘅影响，预料2月农历年假后经济活动才会增多。 Benny亦预期，今季PPI会继续疲弱，因为旧年下半年起大宗商品价格回落，全球商品需求较弱，令内地厂商难叫高出厂价格，估计唔少工厂会透过期货交易对冲商品价格回落嘅损失，相信今年成本控制做得较好，配合去年同期嘅高基数，今年内PPI较难有高增幅。 不过佢话，CPI一般较PPI滞后6至9个月，不过过分担心CPI会俾PPI拖低，继续看好次季经济表现。 林樵基 光银国际董事总经理兼研究部主管 |
|
| 林樵基 |
2022-11-17T13:03 |
【Now财经台】内地为救经济政策开始转向，近期陆续有针对性政策出台，包括支持民企融资、推出“内房16条”，容许优质内房合理使用预售监管资金，呢啲利好消息带动内房股股价近期爆升，系咪反映市场开始对内房有返信心？ 光银国际董事总经理兼研究部主管林樵基指，“内房16条”的确系有帮助，因为呢啲政策对民企及发展商系具针对性，另一方面，其实发展商嚟讲，问题主要同流动性有关，始终发展商冇资金支持，完成唔到项目就收唔返钱，最后就还唔到债，中央近期推出嘅政策，可以提升返内房嘅流动性，因此，只要措施可以尽快落地，一定对内房有好大帮助。 林樵基 光银国际董事总经理兼研究部主管 |
内房 , 资金流向 |
| 林樵基 |
2022-10-14T11:32 |
【Now财经台】内地9月新增贷款及社会融资规模超预期，下周二将会有多项经济数据出炉，当中包括市场最关注嘅第3季经济增长数据，市场普遍预期，按年增速将加快至3.5%，不过，近期多个省市疫情再度反覆，海南等地须封控，更传出上海要停课，到底内地经济未来何去何从？ 光银国际董事总经理林樵基认为，内地第4季经济恶化嘅机会唔大，虽然依家唔少省市仍执行严格防疫政策，但唔系所有省市都“中招”，加上工厂仍然运作紧，因此，唔会再出现4月嘅停摆情况，整体经济会稳步向上，但佢提醒，投资者唔好期望经济会出现大反弹，因经济需时复原，之后再慢慢上返去。 林樵基 光银国际董事总经理兼研究部主管 |
|
| 林樵基 |
2022-09-15T11:26 |
【Now财经台】呢排港股成交持续淡静，唔知系咪见到生意麻麻，港交所(00388)都要谂谂计，据《彭博》噚日报道，港交所有意降低新科技公司嘅上市门槛，研究喺上市规则中新增一个章节，容许AI、晶片、自动驾驶等企业来港上市，港交所呢个构思系咪想博一博，希望呢啲硬科技股可以帮手搞返旺个市？ 光银国际董事总经理兼研究部主管林樵基指，港交所之所以选择依家研究放宽上市限制，目的系为嚟紧1年，甚至几年后嘅发展铺路，始终其他金融中心都有硬科技股呢类热门股份上市，另一方面，港交所亦确实希望借新兴产业股搞旺个市，吸引资金来港，港交所亦可以喺新兴产业公司上市赚返笔。 |
港股 , 科技 , 新兴光学 , 香港交易所 , 新股IPO |
| 林樵基 |
2022-08-10T11:33 |
【Now财经台】行政会议召集人叶刘淑仪接受《彭博》访问时指，本港考虑免除内地买家双倍印花税，噚日消息一出，地产股应声抽高，但政府之后澄清冇倾过亦冇相关计划，地产股即刻升少大截，今朝就跟随大市向下，喺息口趋升下，银行股及地产股投资价值有几大？ 光银国际董事总经理兼研究部主管林樵基估计，本地银行股会跑赢少少，因为息差系拉阔紧，如果本地经济进入咗复苏阶段，一定对银行有正面影响。 至于本地地产股，Benny就话依家有几家发展商卖紧楼，开价都贴近二手，加上最近成交少，其实加息嘅影响已经开始咗，H按已经升咗唔少，但如果要等加P先有影响，呢个机会就好微，虽然发展商的确系审慎咗，但本地地产商实力仍然几强，加上旧年卖楼收入今年入帐，所以唔使太担心业绩，而睇业绩时应留意核心盈利及现金流。 林樵基 光银国际董事总经理兼研究部主管 |
港资流向 , 地产 , 公司业绩 , 地产 |
| 林樵基 |
2022-07-11T11:32 |
【Now财经台】国统局前日出咗6月内地居民消费价格指数(CPI)，同埋工业生产者出厂价格指数(PPI)，通胀较市场预期高，CPI按年升2.5%，冲上2年高位，除咗猪肉价格持续向上，汽油及柴油价格升幅亦扩大。随着内地局部放宽防疫措施，猪肉价格亦升返，内地通胀未来会唔会继续维持喺较高水平？ 光银国际研究部主管林樵基指，之前几个月通胀较低，系因为食品价格，即猪价，对冲能源价格好多，今次通胀升返，见到猪价似乎开始横行，唔系好似以往咁向下调，加上基数问题，会睇到猪价系有持续上升空间，能源价格居高不下，食品嗰边一路升，通胀自然会升。 佢又话，但以国际准则嚟讲，内地通胀仍然喺一个好低嘅水平，而同官方目标3%仍有一段距离，由于未来嘅形势可唔同，例如能源及食品价格回落，呢啲因素都会令内地通胀维持喺2%至3%。 林樵基 光银国际董事总经理兼研究部主管 |
能源 , 食品 |
| 林樵基 |
2022-06-16T12:13 |
【Now财经台】内地及香港股市噚日气氛明显好转，上证指数上返3300点，值得留意系，沪深两市成交过万亿人仔，券商股集体涨停，大只嘅内险股如国寿A股亦涨停，喺呢种市况下，市场都会揣测系咪有相关政策，A股同美国议息、环球走势嘅判断系咪两个唔同嘅热度？ 光银国际董事总经理兼研究部主管林樵基指，过去几日A股嘅升得几好，尤其内险及证券，有一点值得留意，就系噚日内地公布嘅经济数据唔错，加上中央嘅政策都好支持经济发展，由于A股之前跌得多，所以反弹力度会大啲，佢又睇好A股前景。 至于被打压咗一段时间嘅新经济股，Benny话，依家新经济股估值合理，盈利状况亦唔错，未来有机会跑赢大市，但佢建议投资者同时持有新经济股及传统经济股，原因系... 林樵基 光银国际董事总经理兼研究部主管 |
港股 , 中国人寿 |
| 林樵基 |
2022-05-11T11:35 |
【Now财经台】国统局今朝出咗4月内地居民消费价格指数(CPI)、工业生产者出厂价格指数(PPI)，两个数据都高过预期，CPI按年升2.1%，系5个月以嚟最高，PPI升幅就放缓，国统局就话，虽然数据超预期，但只系温和上升。 光银国际董事总经理兼研究部主管林樵基指，佢认同国统局嘅讲法，4月通胀升幅温和，加上全球通胀上升已成定局，只系上升速度快慢，同埋点应对。佢又话，内地通胀主要受能源带动，但可以喺民生及食物方面对冲，即增加供应及用本土货品，其实内地都做得几好，所以见到食品都系向下调。Banny续指，内地今年通胀目标系约3%，现时仲有距离几远，喺通胀温和上升下，令内地有空间做刺激性政策去推动经济。 林樵基 光银国际董事总经理兼研究部主管 |
能源 , 食品 |
| 林樵基 |
2022-03-09T10:47 |
【Now财经台】内地今朝出咗最新通胀数据，上月内地居民消费价格指数(CPI)按年升0.9%，工业生产者出厂价格指数(PPI)升8.8%。值得留意系，“剪刀差”(即CPI与PPI升幅差距)收窄情况冇预期咁大，加上3月嘅能源、资源价格急升因素仲未反映，内地通胀未来会点走？ 光银国际董事总经理兼研究部主管林樵基指，虽然内地资源价格及租金等会上升，但唔会好似油价升得咁犀利，通胀仍可维持喺合理及低水平，不过，未来几个月会慢慢反映返工厂价格上升，虽然会转嫁比消费者，但反映喺通胀上需要一段时间。佢又认为，内地整体通胀系会上升，但唔会去到欧美咁严重，估计内地全年通胀将介乎1.5%至2.5%。 林樵基 光银国际董事总经理兼研究部主管 |
能源 , 资源 |
| 林樵基 |
2022-02-14T11:19 |
【Now财经台】港股今年开局以来势头唔错，2月暂时累升过千点，不过，本港Omicron疫情严重，近期确诊个案飙升，疫下港股会点走？ 光银国际董事总经理兼研究部主管林樵基指，短期嚟讲，俄乌局势一定对股市有影响，美股过去两个交易日都要跌，港股同其他股市都好难走得甩。佢又话，虽然本地股及传统股喺指数嘅占比唔大，但本地疫情影响股市气氛，科技股、内房股、内地中概股都遭殃，依家回调系反映返整体市况。 林樵基指，虽然港股回调幅度相对其他主要股市大，但又冇想像中咁多，相信部分表现较好嘅股份，如银行股或跟经济复苏走嘅股份都可以撑住大市，估计恒指后市会喺24000至24500点上落。 林樵基 光银国际董事总经理兼研究部主管 |
港股 , 内房 , 科技 , 美股 |
| 林樵基 |
2022-01-10T11:48 |
【Now财经台】据内媒统计，内地百强房企去年累计销售金额按年跌3.5%，但部分内房上周五大幅反弹，国企内房如中国海外发展(00688)、华润置地(01109)大幅造好，龙湖集团(00960)最新计划分拆物管业务上市，意味内房阴霾逐渐散去？ 光银国际董事总经理兼研究部主管林樵基指，内房有危便有机。机会方面，做得较好嘅内房股有好大机会并购，或买入债务较高嘅资产，系一个好概念，加上若政府有支持，会令呢类内房更有信心并购，形成双赢局面，一嚟自己公司计划唔会“烂尾”，二嚟债务缠身嘅内房可以松一口气，利好行业前景。 |
内房 , 中国海外发展 , 华润置地 , 新股IPO , 新股IPO |
| 林樵基 |
2021-12-15T11:18 |
【Now财经台】内地最新经济数据表现参差，零售销售及固定资产投资都较预期差，只有工业增加值略胜预期，内地经济何去何从？ 光银国际董事总经理兼研究主管林樵基认为，如果疫情再次大爆发，单靠网购未必能完全带动零售销售改善，预期未来几个月零售销售会较波动，相信需要配合政府政策才有机会明显回升。 佢又认为，固投方面，要由内房推动整体固投困难重重，若果中央想固投上升，可以从基建入手，但中央必须落重功力，所以出年第一、二季度投放于固投嘅资源应该会比较大。 林樵基 光银国际董事总经理兼研究部主管 |
内房 , 资源 , 基建 |
| 林樵基 |
2021-11-16T11:55 |
【Now财经台】赌股之前畀发牌监管问题困扰咗一段时间，尤其喺中美关系紧张下，美资赌股更被睇低一线，不过，中美元首今朝举行视像会议，外界憧憬两国关系改善，加上澳门今日下昼会发表施政报告，濠赌股今朝全线升，其中金沙中国(01928)更成为表现最好蓝筹，赌股最坏时间系咪已经过去？ 光银国际董事总经理兼研究主管林樵基指，对上一次做监管谘询时，赌股尤其系美资赌股插水，虽然澳门当局收到业界唔同嘅意见，但相信监管大方向唔会变，可能喺一啲细微嘅地方做调整。 佢又话，赌股弹返起反映政策冇预期咁辣，可维持较高嘅营运水平，加上澳门倚赖赌业提升自身地位，相信对赌股有正面作用。 |
美元 , 濠赌股 |
| 林樵基 |
2021-10-04T11:35 |
【Now财经台】恒指9月、第3季埋单都要跌，其中第3季大跌4200几点，表现全球包尾，虽然踏入传统股灾月，但恒指喺过去十年嘅10月，8升2跌，加上恒指已连跌4个月，累积唔少跌幅，第4季翻身机会大唔大？ 光银国际董事总经理兼研究部主管林樵基指，恒指走势主要睇外围消息头，尤其系内地，上季喺内房坏消息拖累下，恒指已经跌咗唔少，9月又传嚟电荒消息，唔少行业都受影响，更拖低股价，嚟到10月，市场焦点继续系内房、电力嘅不利消息，而中美今个月出炉嘅经济数据，有机会左右港股走势，佢估计，恒指喺10月会比较chok，但始终第3季跌咗咁多，会创造咗唔少反弹空间。 林樵基 光银国际董事总经理兼研究部主管 |
港股 , 内房 , 中电力 |
| 林樵基 |
2021-09-16T11:52 |
【Now财经台】中国恒大(03333)事件不断发酵，《彭博》最新报道，恒大旗下所有在岸债券要暂停交易1日，恒大系股价又要捱打，其中恒大股价今朝连2.6元都顶唔住，除咗拖累内房股外，投资者亦担心烧埋内银。 光银国际董事总经理兼研究部主管林樵基指，债券要暂停交易系希望内地投资者更清楚现时嘅情况，系一个合适嘅做法，等大家可以冷静啲，但由于恒大近排发生好多事，喺羊群心理下，之后会唔会更大镬？所以恒大系股价跌唔停，令市场担心孭重债嘅内房会唔会出事。 |
内房 , 内银 , 中国恒大 |
| 林樵基 |
2021-08-16T12:20 |
【Now财经台】内地今朝出咗7月经济数据，包括工业增加值、社会消费品零售及固定资产投资等，但表现都差过预期。 光银国际董事总经理兼研究部主管林樵基指，除咗受雨灾、疫情影响，基础效应、原材料价格高企等都有影响，反映7月经济出现收缩情况，佢认为，中央应推出政策配合及支持，同埋加快地方基建推动固投，林樵基又相信，固投嘅经济角色会愈嚟愈吃重。 监管政策方面，林樵基指，监管风暴对新经济股冲击大，任何大小消息都会导致股价波动，相信呢个情况短期内好难扭转，首先系估值问题，其次系面对嘅监管风险仍然好高，暂时都唔应该掂新经济股。如果真系要买新经济股，就要拣... 林樵基 光银国际董事总经理兼研究部主管 |
基建 |
| 林樵基 |
2021-06-23T14:43 |
【Now财经台】反垄断风暴持续困扰科网股，市场都用腾讯控股(00700)做指标，连250天线都穿埋，系疫情以嚟首次，当中有咩启示，系咪代表科网股好难跟得上？而腾讯作为龙头股，系咪亦反映港股好难上？ 光银国际董事总经理兼研究部主管林樵基指，新经济龙头股有一个带动作用，所以见到呢啲股份转弱，就知情况不妙。此外，腾讯始终系内地一间巨无霸企业，同埋喺反垄断问题上，仲有好多嘢系可以调查，投资者都要接受存在呢啲风险。不过，林樵基话，反垄断调查对腾讯盈利状况未必造成好大影响，可能增长只系放缓少少。 |
港股 , 腾讯控股 , 科技 |
| 林樵基 |
2021-05-07T12:31 |
【Now财经台】人行、银保监、中证监等公布粤港澳大湾区跨境理财通试点建议，香港投资者适用嘅北向通，同埋内地投资者适用嘅南向通，两边总额度都系1500亿人仔。对本地投资者有咩好处？对本地银行股会唔会因此受惠？ 光银国际董事总经理兼研究部主管林樵基认为，两边总额度唔算好大，但意义就好重大，因为投资者两边嘅投资产品都可以买，中港投资者会更熟悉对方嘅投资产品，有更多选择之余，风险管理可以做得更好。 Banny仲话，喺内地有分行嘅本地银行将会受惠，如果母公司喺内地，受惠程度会更大。理财通让两边都可以买卖，对任何一个本地金融机构嚟讲都有好处，总括嚟讲，理财通可以“做大个饼”。 林樵基 光银国际董事总经理兼研究部主管 |
|
| 林樵基 |
2020-12-09T11:39 |
【Now财经台】内地逾11年来再现通缩，大家要忧虑吗？通缩下是否给予人行宽松政策空间？ 光银国际董事总理林樵基指，内地疫情后复苏已有一段时间，人行货币政策亦渐趋正常化，但人行或有机会趁通缩期间增加货币供应，增加货币短期流动性，但不会大量放松货币政策… 林樵基 光银国际董事总经理兼研究部主管 Your browser does not support iframes. © PCCW OTT (Hong Kong) Limited 2012-2021 着作权所有 私隐政策 | 使用条款 | 免责及着作权声明 | 不歧视及不骚扰声明 所有资料或讯息仅作为参考之用。 |
|
