| 评论员 |
时间 |
内容 |
标签 |
| 潘国光 |
2024-05-06T12:28 |
美国4月非农新增职位仅增17.5万个，失业率亦爆冷升至3.9%，令联储局可能早返少少减息嘅预期升温，早前主席鲍威尔(Jerome Powell)暗示，因为美国经济仍然强，减息时间可能比预期更迟，但就业数据出炉后，点估联储局减息时间？ 富邦银行(香港)投资策略及研究部主管潘国光指，联储局除咗要考虑经济及通胀问题外，由于今年系美国大选年，局方都有一个“护盘责任”，基于选战问题，唔排除拜登政府会透过财政部或联储局官员，加埋经济数据调校，包括非农及下周公布嘅通胀数据，其实都系一啲初步数据，之后都会修订，佢估计，踏入5月及6月，市场见到嘅数据都会系“软着陆”，会系靓仔嘅数据，唔会出现衰退或通缩，亦唔会通胀大幅回升。 Vicks又估计，下周出炉嘅4月消费物价指数(CPI)会系market friendly嘅数据，联储局可以唔使咁鹰，唔一定要7月或9月减息，如果睇返美股，其实对减息问题唔系咁紧张，年初至今已升逾10%，利率期货由当初估今年减息7至8次，到依家只系估1至2次，反映股市唔系担心减几多次息，反而系最紧要经济有增长，唔好陷入衰退，企业盈利继续改善，依家联储局就系配合呢个“软着陆”状况，联储局可能7月或9月减息，美股大幅调整空间唔大，可能只系约3%，佢又认为，投资者会趁呢个调整买货。 |
|
| 潘国光 |
2024-03-11T12:25 |
美国明日(12日)会出2月通胀数据，市场预期，消费物价指数(CPI)按年升维持3.1%。富邦银行(香港)投资策略及研究部主管潘国光认为，上月通胀可能好似1月咁稍微高过预期，加上周三(13日)公布嘅零售树据亦预期表现强劲，相信屡创新高嘅美股会出现短暂而轻微嘅调整。佢认为，为实现经济“软着陆”同今年嘅美国总统大选，联储局今年会继续护盘，维持美股向上嘅走势。 此外，现时美国国债孳息曲线仍然倒挂，2年期及10年期债息分别约4.48厘同4.06厘。Vicks预期，联储局好大机会进行债市扭曲操作，令6至7月会出现返正常、向上倾斜嘅孳息曲线。佢分析指，本周财政部针对地区银行嘅一年流动性措施届满目，但前美国地区银行仍有流动性风险，估计联储局会透过沽长债、买短债嚟支持短期流动性。 |
|
| 潘国光 |
2024-02-01T12:04 |
【Now财经台】中东局势升温，红海航道紧张，对油价及美国通胀未来走向系咪都有关键影响？地缘政治因素系咪唔可以低估？ 富邦银行(香港)投资策略及研究部主管潘国光指，中东及红海局势紧张令大部分航道都行唔通，对运费及时间都有好大影响，因为会令送货期延迟及成本上升，呢啲影响都会渗入未来嘅通胀数字，其中又以欧洲受最大影响，对地中海一带区域嘅潜在压力比美国更大，但估计通胀压力要至第4季先会浮现，因此，油价现时仍十分冷静，企稳每桶70美元水平，虽然油价暂时未受影响，但会反映喺航运费用上。 美国息口方面，潘国光话，联储局要确保今年美国经济“软着陆”，令经济稳定增长及股市向好，佢认为，投资者唔使太担心美股今年走势，因为联储局会帮手护盘，确保执政党选情向好，但由于地缘政治嘅影响会持续至第4季，所以联储局会有压力提早喺5月减息。 潘国光 富邦投资策略及研究部主管 |
石油 , 航运 , 嘉里物流 , 美元 , 美股 |
| 潘国光 |
2023-12-14T12:04 |
【Now财经台】美国联储局一如预期按兵不动，但点阵图及主席鲍威尔(Jerome Powell)喺会后记者会“放鸽”令市场大感意外，其中，点阵图预示明年将合共减息0.75厘，到底机会大唔大？ 富邦银行(香港)投资策略及研究部主管潘国光认为，美国加息周期应已完结，虽然联储局冇讲明，但已暗示咗，依家市场关注明年几时减息，同埋减几多次，而鲍威尔提早“转鸽”，加上点阵图嘅预测，都释出较强烈嘅护盘讯号。 佢又话，由于明年系美国大选年，所以会提早为减息做准备，虽然局方已下调经济增长预测为减息铺路，但相信会尽力避免美国经济明年陷入衰退，一旦出现呢个情况，都可以提早减息。 至于联储局明年会唔会减息，潘国光认为，美国经济数据唔差，但睇返上周公布嘅非农就业数据及失业率，美股噚晚唔应该夹到咁，加上最新公布嘅核心消费物价指数(CPI)按月升0.3%，唔系一个好安全嘅水平，睇返整体经济数据，暂时唔足以支持联储局明年减息，市场相信，局方明年会坚决捍卫经济，因此，美股表现亦唔会太差。 潘国光 富邦投资策略及研究部主管 |
嘉里物流 , 美股 |
| 潘国光 |
2023-11-02T11:47 |
【Now财经台】美国联储局一如预期连续两次议息会议维持息率不变，有分析认为，主席鲍威尔会后讲话取态偏鸽，甚至话佢暗示加息周期已见顶。 富邦银行(香港)投资策略及研究部主管潘国光指，会后利率期货反映市场预期，美国将于明年上半年减息，但佢预料要等到第3季先有机会减，认为联储局或需要6至9个月观察数据，嚟评估经济系咪开始下行，例如非农就业数据系咪连续3个月低于10万人，或者核心通胀回落至2.5%以下。 Vicks又认为，美国科技股将受惠美债息回落，并指美股以往由10月中起就会出现季节效应利好，目前以巴冲突带来嘅战争溢价(war premium)减弱，加上企业业绩期后可以恢复回购，只要今年内企业盈利冇显着转差，标指年底前有望升至4400点水平。 潘国光 富邦投资策略及研究部主管 |
美债 , 嘉里物流 , 公司业绩 , 科技 , 美股 |
| 潘国光 |
2023-08-21T11:41 |
【Now财经台】美债、美股受压，美国10年期债息曾迫近4.33厘，见2007年年底以来高位，30年债息亦见2011年以来水平。 富邦银行(香港)投资策略及研究部主管潘国光认为，如果长债息率短时间内升至5厘水平，美国经济未必顶得住，股市或现大幅度回套，标普500指数有可能跌穿4000点。 Vicks补充指，现时美国长期按揭利率已经升至逾7厘，若稍后升到8厘，令楼市下行，当地下季至明年初经济将面临更大衰退压力，加上中国经济或转差，全球经济步入衰退风险势将上升。 潘国光 富邦投资策略及研究部主管 |
美债 , 美股 , 嘉里物流 , 中国经济 , 港楼市 |
| 潘国光 |
2023-06-21T10:41 |
【Now财经台】本港银行同业拆息全线冲破5厘水平，其中，1个月HIBOR更升至逾15年高位，金融管理局总裁余伟文预期，港息会持续高企，甚至有机会超越美息，值得留意系，港息向上银行股应会受惠，但除咗汇丰控股(00005)及渣打集团(02888)股价近期较强外，其他本地银行股表现只系一般，而对息口敏感嘅地产股，亦唔见有太大沽压。 富邦银行(香港)投资策略及研究部主管潘国光指，依家嘅利率环境唔系一面倒对银行股不利，有利亦有弊，好系净息差收入会受惠，因为拆息向上及经济回暖，估计未来1个季度，不论大小银行业绩都会唔错。 |
汇丰控股 , 港银 , 渣打集团 , 地产 , 嘉里物流 |
| 潘国光 |
2023-05-08T12:14 |
【Now财经台】虽然恒指近日未有出现大突破，但中字头板块热炒，因为有估值平、高息、稳阵呢啲卖点，而“中国特色估值”炒起咗电讯股、石油股，而内银、内险股上星期表现都好抢镜，后市有咩板块值得睇高一线？ 富邦银行(香港)投资策略及研究部主管潘国光指，有政策扶持嘅板块可以睇高一线，过去一两年，监管及扶持措施逐渐见效，加上疫后经济前景转趋明朗，唔同板块都有投资机会，佢估计，下半年新能源汽车股好大机会出现突破，开始进入国际市场，德国过往只输出汽车畀中国，但近年形势唔同咗，德国多咗输入中国汽车，新能源汽车生产量方面，比亚迪股份(01211)更爬咗Tesla头，呢个板块除咗有本土政策扶持，喺国际市场亦有一定增长爆发力，投资者不妨留意下。 |
能源 , 石油 , 嘉里物流 , 比亚迪股份 , 内银 |
| 潘国光 |
2023-03-28T10:56 |
【Now财经台】中国继续出招吸外资，继举行《中国发展高层论坛》后，今日开始召开一连4日喺海南召开《博鳌亚洲论坛年会》，展示中国喺推动全球经济复苏中所扮演嘅角色，而喺欧美相继爆出金融危机下，系咪中国重新吸引外资嘅好时机？ 富邦银行(香港)投资策略及研究部主管潘国光指，部分企业嘅生产基地，可能之前因为疫情迁离内地，搬到越南、拉美等地，随着中国喺去年底全面开放，而喺“两会”后经济形势比较明朗后，加上欧美爆发金融危机等，相信唔同企业及金融机构，都会重新思考资金、生产线部署，喺呢个时间举办一啲国际性会议，有助重新招揽之前离开咗，或一啲打算重返内地嘅企业及资金，呢个时期系合适，对香港亦会有帮助，原因系... 潘国光 富邦投资策略及研究部主管 |
嘉里物流 |
| 潘国光 |
2023-02-02T12:09 |
【Now财经台】虽然美国多个通胀指标持续放缓，但就业市场持续强劲，美国旧年12月职位空缺量出乎市场预期增加，亦系5个月以来最多，另一方面，中国重开仍是全球通胀风险所在，点睇呢个两可能令通胀再度升温嘅风险因素？ 富邦银行(香港)投资策略及研究部主管潘国光指，美国就业情况方面，非农就业数据听晚就会出炉，而前晚已出咗，有“小非农”嘅ADP都差咗，当然，美国就业情况仍然唔错，失业率亦比较低，所以，依家嘅就业市场情况唔容许联储局放软手脚。 内地方面，潘国光认为，今季复常进度都未会咁快，估计第1季GDP同旧年第4季差唔多，相信要到2月、3月，等整个中国疫情高峰过去，第2季GDP就会上返5%至6%，呢个系唔少大行嘅预测。 潘国光 富邦投资策略及研究部主管 |
嘉里物流 |
| 潘国光 |
2022-12-15T11:41 |
【Now财经台】虽然内地已大幅度放宽防疫限制，不过，市场预期，12月及第4季零售数据仍然疲弱，到底呢段期间内地居民嘅消费情况如何？内地经济明年第1季会唔会复苏？ 富邦银行(香港)投资策略及研究部主管潘国光指，内地自10月后不断放宽防疫，而支持内房嘅政策亦陆续出台，加埋人民银行降准，呢啲措施都需时渗透入经济，不过，内地疫情喺冬季仍处于高水平，导致放宽防疫仲未运行得太畅顺，估计直至明年第1季仍会困扰中国经济。 Vicks估计，内地经济好大机会喺明年第2或第3季转强，但经济数据短期仍然较弱，因为防疫措施已经放宽咗，只要疫情慢慢消退，去到明年第2季，等房地产措施开始见效，楼市稳定落嚟，未埋尾嘅项目完成后，买卖信心回升，相信楼价下跌趋势就会结束。 潘国光 富邦投资策略及研究部主管 |
内房 , 地产 , 嘉里物流 , 中国经济 , 地产 |
| 潘国光 |
2022-11-07T11:00 |
【Now财经台】港股上周五好似大奇迹日咁反弹，升势亦有成交配合，依家港股要炒得上，市场重点睇内地嘅清零政策，上周传出成立咗一个有条件放松政策小组后，大市炒上，但去到周末，国家卫健委又重申，坚持动态清零不动摇，究竟股市会唔会筑底反弹？ 富邦银行(香港)投资策略及研究部主管潘国光指，技术上港股属极度超卖，技术面已经准备好反弹，只系需要刺激因素，内地清零政策放松就成为刺激反弹嘅消息，但预期放宽不会是短期内嘅事；预期12月初中央工作经济会议先较大机会有相关嘅讨论，冇官方消息下，大市上升动力未必好大，大市上去17000点会系阻力位。 潘国光 富邦投资策略及研究部主管 |
港股 , 嘉里物流 |
| 潘国光 |
2022-10-03T15:07 |
【Now财经台】今日系港股10月首个交易日及第4季开局，计埋刚过去嘅第3季，恒指已连跌5季，累跌11000点，今季系咪会继续寻底？股市难玩，依家港银定存息有逾4厘，做定存收息系咪更稳阵？ 富邦银行(香港)投资策略及研究部主管潘国光指，过去两个月及未来两个月，最影响市场系“股债汇三杀”，由日圆创新低，到英镑再创新低，同一时间美汇指数就创新高，反映市场嘅不安及压力开始汇聚，令过去两星期英国市场、欧美股市都大幅波动，唔敢讲系酝酿一个完美风暴，但至少系令好多“黑天鹅”飞埋一齐，令10月或第4季会擦出好多火花，佢又话，如果联储局唔收手，坚持加息要加到4.25厘或4.5厘，环球股市今个月会有一股好大下跌压力，美股短线系会弹一弹，如果冇出现反弹，股市跌势会加剧。 至于做定存系咪好过买股票，佢就话，港元及美元定存息已经做到4厘，但好多标普500嘅债息只得1.5厘至2厘左右，点解股市喺加息周期有压力，因为债息及存款息多过股息。 潘国光 富邦投资策略及研究部主管 |
港股 , 港银 , 美股 , 嘉里物流 , 英镑 |
| 潘国光 |
2022-08-26T12:19 |
【Now财经台】除咗外围加息，本港上星期都有大型银行开始上调H按(银行同业拆息按揭)封顶息率，令人关注本港银行会唔会好快会加最优惠利率(P)，加息又会对港股带嚟咩影响？ 富邦银行投资策略及研究部主管潘国光估计，随着美国9月再次加息，港银亦会开始加P，但最终加幅未必太大，可能半年内加2次，每次25点子至3厘水平。 Vicks又话，虽然港股噚日劲弹，但日前其实先落到5个月低位，佢认为，加息预期早已反映喺楼市及股市，因此，唔会刺激到港股9月嘅走势。 潘国光 富邦投资策略及研究部主管 |
港股 , 港银 , 港楼市 , 嘉里物流 |
| 潘国光 |
2022-07-07T11:47 |
【Now财经台】近期商品市场都反映对经济衰退嘅忧虑，例如油价大幅下滑，纽约期油及伦敦布兰特期油价格都落返双位数，商品价格大调整，对通胀有几大纾缓作用？ 大富邦银行投资策略及研究部主管潘国光指，10年期嘅通胀预期最新已由3%回落至2.5%，甚至2.2%，将债息拉返落嚟，但债息仍高过通胀预期，出现实质净利率，长期债券已暗示通胀未来将会回落，但唔系未来2至3个月会发生，而联储局见到通胀咁高就继续加息，到佢加完息，就会经济衰退，CPI就会插水，油价及商品价格系先行一步，而每次经济衰退发生时，油价及基本金属必定跌得好犀利。 潘国光 富邦投资策略及研究部主管 |
石油 , 嘉里物流 |
| 潘国光 |
2022-06-02T11:23 |
【Now财经台】联储局近排消息多多，继美国总统拜登星期二同联储局主席鲍威尔会面，话会畀空间联储局遏通胀后，噚晚出炉嘅《褐皮书》显示，美国经济有放缓迹象，今年喺FOMC会议有投票权嘅圣路易斯联储行长布拉德就话，美息今年要加到3.5厘，布拉德嘅言论有冇影响力？美息今年会加到边个水平？ 富邦银行(香港)投资策略及研究部主管潘国光指，据利率期货显示，美息年底大概会升到2.5厘至2.75厘，加上联储局6月15日就会开会议息，加息0.5厘已成定局，但佢估计，美息最尽只会加到2.75厘，所以布拉德嘅睇法应该唔会成真。Vicks又话，联储局开会时会更新经济预测及点阵图(dot plot)，由于dot plot系反映联储局官员嘅睇法，投资者要密切留意。 潘国光 富邦投资策略及研究部主管 |
嘉里物流 |
| 潘国光 |
2022-03-22T12:02 |
【Now财经台】联储局主席鲍威尔噚晚喺一个演讲中放鹰，已做好了5月加息0.5厘嘅准备，拖累道指收市跌约200点，扭转5日升势，不过，喺今日亚洲交易时段，道期、亚股及港股暂时微升，而喺通胀升温下，金价、油价会点走？ 富邦银行投资策略及研究部主管潘国光指，国际社会制裁俄罗斯，会导致俄乌出口货品去唔到欧美，尤其系欧洲市场，但欧洲十分依赖进口，因此，欧洲出现滞胀风险好大，但亚太区市场嘅风险就细好多，如果想评估金价及油价走势，可以参考整体商品指数，若小投资者只系买金风险会好大，如果真系想对冲今次滞胀，Vicks话，一篮子商品如ETF相对安全，佢又估计，油价未来将逐步向上。 潘国光 富邦投资策略及研究部主管 |
港股 , 黄金 , ETF , 嘉里物流 , 恒生中国企业 |
| 潘国光 |
2022-01-04T11:56 |
【Now财经台】旧年第4季开始，各国央行陆续开始加息“收水”，但人行就降准“放水”，中国嘅货币政策同外围背驰，对人仔今年走势有咩影响？ 富邦银行投资策略及研究部主管潘国光指，人仔旧年走强同货币政策冇关，反而系因为中美贸易顺差创历史新高、外资增加中国投资，以及中国政府债券被纳入不同指数。佢预期，即使今年人仔贬值，最多都系去到6.5，而大部分时间会喺6.35至6.45徘徊。 但佢提醒， 一旦人仔落到6.3楼下就要小心，因为长仓投资者可能先行获利，因为人行都唔希望人仔太强，到时好大机会出手干预。 潘国光 富邦投资策略及研究部主管 |
美债 , 嘉里物流 |
| 潘国光 |
2021-11-19T11:38 |
【Now财经台】环球通胀高企再引发市场忧虑，中国及美国上周出咗通胀数据后，英国最新通胀系10年最劲，美国10年期债息冲上1.6厘楼上，但好快又落返去，依家应该点判断全球主要央行嘅加息时间？对美股又有咩影响？ 富邦香港投资策略及研究部主管潘国光指，依家美国不论核心或非核心通胀都升到6%楼上，但睇返美国短息，其实系有5、6厘实质负利率喺度，依家10年期债息喺1.6厘水平，但10年期嘅通胀预期系2.6厘，睇到唔同年期嘅债息都好似上紧，依家美股挨住历史高位，唔少人觉得估值贵或者已经升咗好多，短期出现整固系合理，但现阶段美股冇崩跌风险，原因系... 潘国光 富邦投资策略及研究部主管 |
美股 , 嘉里物流 |
| 潘国光 |
2021-10-29T11:07 |
【Now财经台】美股业绩期开展以嚟，暂时有86%公司业绩比预期好。美股三大指数轮流创新高，业绩期系咪令美股年底继续强势嘅主要原因？ 富邦香港投资策略及研究部主管潘国光指，业绩好过预期唔系最重要嘅因素，因为好多公司喺过去几个月都将预期调到好低，所以业绩要超过预期系一啲都唔难，相信业绩消息好快会炒完，投资者会睇重中长远发展，例如供求同央行消息等。反而影响美股最大嘅因素系实质负利率，依家十年期债息系大约1.6厘，但十年年均通胀率就大约2.6%，代表市场流动性同资金仲有好多，投资者，尤其系机构投资者揸住资金唔知做乜好，放喺存款又冇利率，会被实质负利率馋食，唯有投资股票、商品，甚至系加密货币。 Vicks又话，就算有啲央行话会加息，但应该唔会加得多，即使短缐加息，长息都系会跌。 潘国光 富邦投资策略及研究部主管 |
公司业绩 , 港资流向 , 公司业绩 , 资金流向 , 美股 |
| 潘国光 |
2021-09-21T12:43 |
【Now财经台】评级机构标准普尔认为，内地官方最终唔会出手救中国恒大(03333)，到时将会爆发一轮违约潮。不过，大和资本唔系咁睇，认为中央好快会介入，并会公布针对恒大问题、重建内房市场秩序嘅解决方案，究竟恒大危机点收科？ 富邦银行投资策略及研究部主管潘国光指，用倒闭嚟解决恒大事件，肯定唔系最好嘅方法，因为会造成金融体系震荡，尤其会为内银带嚟巨额坏帐，要有序解决恒大危机，其中一个方法系应该分开唔同债权人，例如系买咗楼但未收到楼嘅买家，因为涉及较多市民，除非恒大真系倒闭，否则中央都好大机会保障佢哋，反而专业投资者可能喺事件中承受更大风险。佢又话，恒大最终下场需视乎政府、投资者，肯唔肯喺恒大股价低迷时入市。 |
内房 , 内银 , 嘉里物流 , 企业评级 , 中国恒大 |
| 潘国光 |
2021-08-17T16:03 |
【Now财经台】内地经济增长放缓，大行随即下调全年经济增长预测。虽然旧年中国处理疫情唔错，但由于取采清零策略控制疫情，即出现确诊就会做小区封锁，呢种防疫策略可能会窒碍下半年经济复苏。 富邦银行投资策略及研究部主管潘国光指，内地增长放缓，只系咁啱撞正内地爆疫及封关。中国第1季GDP大幅增长18.3%，由于担心通胀、商品价格急升，内地开始收紧货币、信贷政策，而呢啲因素就反映咗喺Q2，导致GDP增速显着放慢。 Vicks又指，人行“放水”、降准步伐比外围快，佢估计，中国全年经济增长会喺8%以下。潘国光预期，内地喺9至11月可能会有好消息，例如降准，甚至减息或推出刺激措施。 潘国光 富邦投资策略及研究部主管 |
嘉里物流 , AEON CREDIT |
| 潘国光 |
2021-07-07T11:49 |
【Now财经台】滴滴出行嘅整改风暴，唔止打残滴滴股价，喺美国上市嘅中概股噚晚都遭殃，加上内地早前话，要加强中概股去海外上市嘅监管，会唔会改变内地科网股到美国上市，希望攞到较高估值招股嘅趋势？滴滴事件系咪只系一个开端？ 富邦银行投资策略及研究部主管潘国光指，大数据监管、资讯安全议题，其实欧美一直都有做，唔系由中国发起，加强监管主要因应大数据愈来愈重要，内地嘅出发点系为咗国家、资讯安全，未必同反击欧美有关。 佢又认为，为保障投资者及资讯安全，呢啲措施系必须，虽然短线会影响市场情绪，但中长线可以改善市场安全性、透明度及公平性。 潘国光 富邦投资策略及研究部主管 |
新股IPO , 新股IPO , 嘉里物流 |
| 潘国光 |
2021-06-01T14:26 |
【Now财经台】人民银行继2007年后，噚日宣布调高外汇存款准备金率，受消息拖累，离岸人仔应声急挫。 富邦银行潘国光表示，炒人民币唔同其他货币，人民币系管理式浮动货币，人行高度掌握人民币价格。佢认为，如果夹硬去冲击，就系同人行对赌，但人行可以无限印人民币，市场系赢唔到人行。 Vicks又指，近期人民币套息或炒卖导致气氛炽热，人行上调外汇准备金率，可能系想释出唔想人民币升值太快嘅讯号。佢估计，人行唔系反对人民币升值，只系唔想升得太急，因为会影响出口。 潘国光 富邦投资策略及研究部主管 |
人民币 , 嘉里物流 , 出口 |
| 潘国光 |
2021-04-27T13:23 |
【Now财经台】美国总统拜登计划向有钱人“开刀”，大幅上调资产增值税，市场担心2013年因加税触发有钱人抛售股票嘅情况重演，不过，白宫近日又话，计划只会影响约0.3%美国纳税人，纳指及标指噚晚齐创新高，市场系咪已经消化咗呢个消息？ 富邦银行投资策略及研究部主管潘国光指，虽然华府话只会影响到0.3%美国纳税人，但依家美国逾半资产都喺最有钱嗰1%人手上，所以市场一听到大幅加税，就觉得涉及嘅金额好大，不过，大行计数后，发现加幅唔可能系政府所讲咁大，所以市场慢慢释除咗呢个疑虑。 潘国光 富邦投资策略及研究部主管 |
嘉里物流 , 美股 |
| 潘国光 |
2021-03-24T11:46 |
【Now财经台】早前股市出现大调整，市场归究债息急升，美国10年期债息由早前14个月高位1.75厘，回落至最新1.6厘水平，美股三大指数隔晚向下，港股今朝亦大跌，到底跌市黑手系边个？ 富邦银行投资策略及研究部主管潘国光认为，美债息回落，但股市未见有正面反应，同整个季度嘅表现有关，环球股市今季累积唔少升幅，加上全球政府债跌咗好多，基金经理会做资产重组，即买多啲债，沽多啲股票，因而影响股市表现。 佢又话，影响股市表现因素仲包括欧洲及香港疫情因素、新兴市场出现震荡、科技股及中小型股回套等。潘国光估计，股市现时嘅形势有机会持续到季尾，但投资者毋须太担心，可先观察市场未来两个星期嘅走势。 潘国光 富邦投资策略及研究部主管 |
美债 , 港股 , 科技 , 美股 , 新兴光学 |
| 潘国光 |
2021-02-23T11:29 |
【Now财经台】港股嘅科技指数近日显着调整，可唔可以解读为资金由较贵嘅股份，换马至较平嘅股份？例如资源价格上涨就买入呢类股份，又或者旧经济股、落后股，然后狂掟新经济股，而随着开始接种疫苗，就连赌股今朝都大升。 富邦银行投资策略及研究部主管潘国光指，如果基金过去一年揸重新经济股、科技股，帐面已经有好丰厚嘅利润，而基于投资组合嘅考虑，都要焗住减磅，所以就会见到一个转移情况，但基金经理都唔会沽清新经济股，所以应理解为新经济股获利回套，但Vicks提醒，散户唔好跟基金调配，宜跟大势落注，例如睇好资源股、落后股就买少少，千其唔好沽晒某类股，再押注某个板块，必须有一个基本平衡。 潘国光 富邦投资策略及研究部主管 Your browser does not support iframes. © PCCW OTT (Hong Kong) Limited 2012-2021 着作权所有 私隐政策 | 使用条款 | 免责及着作权声明 | 不歧视及不骚扰声明 所有资料或讯息仅作为参考之用。 |
|
