| 评论员 |
时间 |
内容 |
标签 |
| 庄志雄 |
2025-04-23T15:26 |
美国发动关税战令投资市场大幅震荡，市场近期十分关注资金流出美国资产，导致美国股汇债齐跌，反观畀美国征税嘅贸易伙伴墨西哥、加拿大等，表现都好过美国，资金未来系咪都以流出美元资产为主？不过，美国总统特朗普(Donald Trump)最新喺关税问题上嘅态度，似乎又有软化迹象。 “股市渔夫”创办人庄志雄指，最麻烦系特朗普转来转去，因为投资者最怕系不确定性，如果做长线投资系数以年计，尤其机构投资者，如果连佢嘅团队都唔知，喺佢出个贴文后，所有嘢又要掉转嚟做，长线投资者会认为唔可以摆咁多资产喺美国呢个地区。 Lewis又话，睇返过去10年，尤其欧洲资金不断加码美国市场。 |
|
| 庄志雄 |
2025-04-16T15:36 |
关税战新闻日日都有，仲日日有新发展，搞到市场都疲于奔命兼无所适从，喺呢个乱局下，有避险功能嘅黄金，价格不断破顶，过去几个月涌入金市嘅资金系咪好多？ “股市渔夫”创办人庄志雄指，近期涌入金市嘅资金应该系多咗，尤其之前见到央行系买多咗黄金，同埋要留意近期金价升主要喺亚洲交易时段，呢个现象几有趣，所以大家可以留意下。 Lewis又话，见到基金经理态度出现180度转变，因为2月及3月美银做调查时，冇基金经理话要买黄金，但依家有49%话要建立长仓，变成最挤拥交易。佢续指，依家美债波动，但揸美债系求稳阵，所以投资者对美债嘅信心都弱咗，加上外国投资者系咪会再增持美债都系一大问号，所以资金涌入金市系好合理。 佢续称，依家金价呈抛物线式上升，即系由情绪主导，出现一啲恐慌，当金价愈扯愈急时，再去追入就唔系咁好，佢又提醒，呢种抛物线式上升可以升得好急，如果依家沽空有机会被夹死，揸住黄金嘅投资者可以继续持有或减磅，冇货就不宜高追。 |
|
| 庄志雄 |
2025-04-09T16:19 |
“中美贸易战”全面升级，美股近几个交易日都波动，日内波幅大，标指过往大跌后就会反弹，加上被称为“恐慌指标”的VIX指数升至不寻常高位，以往都会有正回报，目前是否“捞底”美股的好机会？ “股市渔夫”创办人庄志雄指，未经历过美股熊市的投资者，对大跌印象会是“每次跌完都会V型上返嚟”，例如2020年COVID及2008年矽谷银行(SVB)“爆煲”时，其实都因为有联储局撑着，才会令市场认为大跌后很快会回升。 Lewis续指，2008年那次是大跌40%后，再出现双位数跌幅，投资者才买入，所以值博率高，最后也有赚，但如果今次只跌20%就买入其实值博率不高，所以一年后未必赚，中间波幅非常大，所以提醒投资者，即使有赚也要有心理准备，有可能要跌30%至40%后才会反弹。 |
|
| 庄志雄 |
2025-04-02T16:34 |
“股市渔夫”创办人庄志雄指，港股今年的升浪，是由年初DeepSeek热潮所“点燃”；若果比对上一次港股科技指数，升势结束后的回调幅度介乎50%至62%计算，今次回调幅度最深只约38%，即是说，不排除科指仍有下调空间。 不过，Lewis指出，相较美股、港股仍可睇高一线，因为美股估值贵，值博空间较低。反之，MSCI中国指数盈利数据，经历连续13季负数后，最新数据很大机会由负转正，即是说，未来内地及香港的上市企业，有机会被调高盈利预测，利好港股向上。 他补充，若未来美股转差，市场规避风险(risk-off)，资金可能流向美元避险，届时港股或受影响。 |
|
| 庄志雄 |
2025-03-19T16:08 |
早前，市场憧憬俄乌停火，带动美股反弹，中资股更跑赢美股，美股系咪要继续调整？投资者系咪可以继续睇好港股？ “股市渔夫”创办人庄志雄指，最近美股反弹，其中，中资股表现唔错，甚至A股都做得好过美股，呢几日炒憧憬俄乌停火，CSI中国互联网指数升6%，沪深300指数升逾2%，都高过标指及纳指，美股市宽要跌至2023年低位约20%，才会触发较强劲嘅超买反弹，否则，弹几日又跌过。佢续指，港股走势唔错，愈嚟愈多股份升穿长期平均线150天线，亦有超过一半股份企喺150天线以上。 Lewis又话，港股市宽向上，代表愈嚟愈多落后股会追上嚟，例如阿里巴巴(09988)1月底至今持续强势，但佢建议，就算落后股有得升，都唔系选股嘅首选。 |
|
| 庄志雄 |
2025-03-12T16:20 |
美国总统特朗普(Donald Trump)上任已满50日，但暂时美股表现与他4年前首次任期对比，相差很远，有甚么要留意？甚么时候才可以买美股？ “股市渔夫”创办人庄志雄指，股市中有两个事项要留意，第一是估值，美股估值一向都超贵，他建议是“炒”而不是投资，且要看第二个因素--动力，去年美国指数上的动力是正面的，所以用“炒”的角度而言，用指数权重的工具会较好，可是今年特朗普“回朝”时，美股却失去了动力，而在估值贵的情况下没有动力会很麻烦，假如估值及动力变负面后，就会影响投资气氛，即投资者情绪。 Lewis续指，要等投资者情绪去到极度悲观才可以博美股反弹或回升，若要博回升，则要看到些基本因素改变，可以是估值跌到够便宜，或是新政府做的事开始有效，成功帮美国政府减债，能提升美国政府效率，能控制通胀等，但这些改变不会是两三个月的时间就可见的，而是需要一些长期的政策。 |
|
| 庄志雄 |
2025-03-05T18:23 |
近两个星期市场出现调整，特别系美股，加上受美国关税政策影响，似乎整个投资市场规避风险(risk-off)情绪高涨，风险胃纳(Risk Appetite)正在减退？ “股市渔夫”创办人庄志雄指，要判断市场系咪risk-off，最主要睇资产价格表现，当中分为两大类，一类系避险类资产，例如美债，另一类就系风险资产，例如股票。如果市场担心环球经济衰退，通常避险类资产，例如美债会做好。今次明显见过去两星期美债，特别系长期债交易所买卖基金(ETF)升幅较大。 Lewis又指，长期资产例如科技股，以往被视为优质资产，但今次反而跌得最多。虽然市场预料联储局今年减息空间由年初预计1至2次，变成接近3次，理论上有利风险资产，但仍都无阻科技股跌势。 至于另一避险资产黄金之前做好，但今次都有轻微跌幅。 整体而言，佢认为目前市场可以话系risk-off状态。 |
|
| 庄志雄 |
2025-02-19T15:43 |
DeepSeek面世后，在人工智能(AI)领域掀起了一场大战争，不过，不少大行都预计这个AI大模型可以提升内地企业的盈利能力，事实又是否如此？如果与美股“科技七雄”(Magnificent 7)比较，AI中资相关股份，价值如何？ “股市渔夫”创办人庄志雄指，普遍见到AI大模型的确有助中国企业提升效益，生产力上升同时，又能减省成本，见到2016年至2023年间，MSCI中国指数每年都有增长，若企业收入及竞争力能进一步提升，自然有望一并提升内地股市的估值。加上对比美国科技七雄，现时17万亿美元的估值，内地AI相关股份，更有估值“追落后”的优势。 |
|
| 庄志雄 |
2025-02-12T17:09 |
美国总统特朗普(Donald Trump)2.0关税实施以来，被征关税嘅股市今年以来一直跑出，反而暂未未被征税嘅盟友，股市表现就麻麻，情况同去年相反，点解会出现呢个情况？ “股市渔夫”创办人庄志雄指，始终特朗普系生意人，初期讲嘅嘢，到后尾落实可能有好大差距，所以更重要系依家睇到嘅资产价格表现。佢又话，年初至今已经差唔多30个交易日，有关税消息嘅国家或地区，明显都系跑赢标普500指数，仲有较特别嘅巴西，系旧“金砖四国”其中一个重要嘅国家，竟然系做得最好。中国市场方面，港股表现真系较差，A股造得最好系科技股，CSI中国互联网股市ETF位列第2。 此外，墨西哥股市截至昨晚(11日)美股收市止，累升9%，富时欧洲都系跑赢，同去年有好大分别，巴西去年系做得最差嘅股市，累跌30%，所以与其听关税消息，不如留意影响股市嘅两大因素，就系资金流向及估值。 Lewis认为，配置喺新兴市场嘅资金，其实都系跟住指数去睇表现，过去几星期，甚至未来一两个月，其实都要增加返A股及港股配置，尤其内地大型科技股，因为以估值角度睇，印度系贵，中国相对平，如果以科技股角度睇，外国价值投资者都会揸重货喺中资科技股，例如阿里巴巴(09988)，导致有估值差距喺度，依家资金流向似乎开始逆转，由新兴市场转去巴西、中国，所以大家要留意呢啲资金流。 |
|
| 庄志雄 |
2025-02-05T16:41 |
近期内地人工智能(AI)大模型DeepSeek爆红，难免会动摇投资者对美国AI巨头嘅信心，系咪会影响OpenAI旗下嘅聊天机械人ChatGPT嘅领先地位？ “股市渔夫”创办人庄志雄指，先讲机构投资者睇法，高盛做咗客户调查，而高盛嘅主要客户就系机构投资者，参考返高盛嘅客户调查，喺DeepSeek面世后，客户依然认为ChatGPT领先市场。 Lewis续指，佢自己认为以技术优势而言，OpenAI个名系好有误导性，反而DeepSeek系真系开源(Open Source)，OpenAI得个名叫Open，原本系由Tesla行政总裁马斯克(Elon Musk)等创办，当初理念系想AI模型开源，结果被OpenAI行政总裁奥特曼(Sam Altman)用招数抢夺公司，所以依家先会系闭源(Close AI)，不过，系Close定Open赢，其实都好难讲。另外，Sam Altman唔系一个科技人，Lewis认为真系科技人嘅Elon Musk依家都做紧AI，所以佢认为美国嗰面嘅xAI都有机会挑战到ChatGPT。 |
|
| 庄志雄 |
2025-01-22T16:25 |
美国总统特朗普(Donald Trump)上任后，喺关税方面未有即时行动，但昨日(21日)讲咗会考虑向加拿大及墨西哥加关税25%，到咗今朝(22日)就话考虑紧喺2025年2月1日加中国10%关税，虽然未正式出手，但都睇到有呢方面嘅Plan，特朗普关税政可能推高美国通胀嘅忧虑系咪升温？ “股市渔夫”创办人庄志雄指，市场其实一早消化咗特朗普要加关税呢个消息，不过，特朗普系生意人，唔可能一次过加得咁夸张令通胀升返，之前市场忧虑加征关税会加得好劲，依家变咗循序渐进咁加，留返空间比公司谂办法纾缓问题。 Lewis又话，投资者太低估货币政策带来嘅影响，通胀预期会影响长期资产，睇返联储局喺2024年12月议息会议嘅点阵图，预示今年减息次数只系2次，甚至可能不减反加，令一啲人工智能(AI)相关嘅股份都要跌，资金开始偏流向咗一啲安全资产。 |
|
| 庄志雄 |
2025-01-08T16:01 |
债息喺减息周期中抽升，历史上系非常罕见，美股3大指数昨晚(7日)反应负面，科技股显着受压，其中，英伟达(Nvidia)股价破顶后倒插。如果债息升唔停，边类股票或资产会受最大影响？ “股市渔夫”创办人庄志雄指，美债系长期资产嘅基准，尤其是优质股，例如科技股交易所买卖基金(ETF)XLK，债息升就会令长期资产估值受压，债息扯得愈高，市场就会要求呢啲长期资产嘅估值下降。 佢续指，特朗普(Donald Trump)当选美国总统后，科技股ETF曾尝试突破2024年7月高位，但去年12月尝试突破失败，就系因为联邦公开市场委员会(FOMC)去年12月会议后，市场知道2025年会放慢减息步伐，XLK即失咗突破动力，已半年冇录得升幅，投资者要留意，过去半年冇升幅究竟系整固还是系派货，但正常整固系唔需要半年咁耐。 Lewis又话，企业高层亦冇买入自己公司嘅股份，知情人士交易亦系10年以嚟最少，若企业高层认为特朗普上任后，公司股价会升，理应喺现阶段入货，因此，佢建议散户先减少杠杆，再小心留意股价未来嘅走向。 |
|
| 庄志雄 |
2024-12-30T17:20 |
美股今年表现强劲，标普500指数累升约25%，主要系靠大股撑起整个升势，高盛估计，相比标指其他股份嘅股价，明年“科技7雄”(Magnificent 7)跑赢幅度将唔及今年及去年咁劲，估计只会跑赢7个百分点，而上一次出现相若情况系2018年，相比2018年，依家嘅情况系好咗还是更差？ “股市渔夫”创办人庄志雄指，依家嘅情况同2018年好唔同，市宽50%系牛熊分界，现时市宽低过50%，代表有超过一半嘅股票跌穿200天线，意味超过一半嘅股票有“蟹货”，睇返2018年初，市宽约65%，当时大部分股票都冇“蟹货”，并企喺200天线楼上，若2025年开局冇太大变化，2025年嘅市宽将会低过2018年，反映大市明显弱过2018年，当年“7雄”只系跑赢大市8个百分点，估计2025年“7雄”表现将会比大市更差。 Lewis又话，2018年第4季，标指迫近历史高位，但市宽跌穿50%，当时美国联储局做错决定，依家联储局亦有机会做错决定，所以要小心大市及大型科技股会大跌。 |
|
| 庄志雄 |
2024-12-11T15:20 |
美股近日受压，其中，道指已连跌4个交易日，系咪嚟到年底开始有啲疲态？展望明年，美股又会点走，特朗普将会喺明年1月20日正式上任，美股明年最大风险又喺边度？睇返特朗普上个任期，初期美元都强势，但好快就回落，今次会唔会历史重演机会大唔大？ “股市渔夫”创办人庄志雄指，上星期都提及，希望Trump Trade股票升完一浸后，科技股可以接力推高股市，最简单就睇科技指数交易所买卖基金(ETF)，呢只ETF唔包括Tesla，而苹果公司(Apple Inc.)、英伟达(Nvidia)及微软(Microsoft)呢3大股王占比高达40%，而上星期中就出现突破，冲破咗7月特朗普遇袭前后高位，呢个系一个主要阻力，原本走势几好，但去到昨晚(11日)跌返落嚟，依家希望可以守到趋势线，如果守唔到就要小心。 |
|
| 庄志雄 |
2024-12-04T15:39 |
自特朗普(Donald Trump)胜出美国总统大选后，美股上升速度似乎加快，佢主张嘅“美国优先”及减税措施，预期可惠及小型企业，特朗普嘅政策对美股以至其他股市有咩影响？ “股市渔夫”创办人庄志雄表示，喺特朗普当选后，美股整体表现结构出现转变，过往带动大市嘅功臣“科技7雄”(Magnificent 7)，喺呢段时间嘅表现反而较为失色，而特朗普当选至今，表现最好系标普600小型股指数，其次系标普400中型股指数。不过，自12月开始，纳指综合指数及纳指100指数都开始追紧上嚟，整体嚟讲，小型股表现好过大型股，希望科技股喺12月可以接力，延续美股嘅升势。 Lewis又话，特朗普当选后，对新兴市场影响较大，港股跌势亦加剧，因为市场始终忧虑关税问题，以及对华政策可能“偏鹰”，加上市场之前期望中央再推出大规模刺激经济措施，但最终失望而回。 |
|
| 庄志雄 |
2024-11-27T15:57 |
近年不断买入比特币(Bitcoin)嘅持仓大户MicroStrategy(MSTR.US)，再度成为热炒对象，触发点系特朗普(Donald Trump)赢咗美国总统大选，虽然之前畀沽空机构香橼研究(Citron Research)狙击，但股价今年升幅仲大过人工智能(AI)晶片股王英伟达(Nvidia)。 “股市渔夫”创办人庄志雄指，特朗普当选后，MicroStrategy更成为市场焦点，Bitcoin再受关注呢个都系触发点，而MSTR嘅操作更加系火上加油。 MicroStrategy主席Michael Saylor基本上一直系单边睇好Bitcoin，佢最新估计Bitcoin每粒可升至1300万美元，如果升到呢个价世界应该民不聊生。 |
|
| 庄志雄 |
2024-11-20T16:33 |
“特朗普(Donald Trump)2.0”时代来临，资金持续流入科技、通讯服务板块，但呢两个星期都见到医疗保健都有唔少资金流入，点解会出现呢个情况？短线再升空间大唔大？ “股市渔夫”创办人庄志雄指，之前提过特朗普一当选就会提名甘迺迪(Robert F. Kennedy Jr.)掌管卫生部门，令医疗相关股份例如药股、一啲大型药厂由高位跌咗20%至30%，一啲高位唔敢入场嘅投资者就趁机买入，有部分资金流入咗药股市场。 Lewis又提到，睇返美银报告，仍然最多资金流入科技、医师保健、通讯服务及非必需消费品呢4个板块，不过，即使绝大部分资金流入科技板块，都仍未破到7月顶位，因为投资者多数喺特朗普宣布当选后，先再追入科技股，或者喺高位等突破，令到啲货就锁住咗，变晒“蟹货”。 |
|
| 庄志雄 |
2024-11-01T15:25 |
美国总统大选已进入倒数阶段，不论资产市场表现、民调等，都显示特朗普(Donald Trump)好大机会再入主白宫。 “股市渔夫”创办人庄志雄指，仲有啲民调指贺锦丽(Kamala Harris)会赢，但如果睇博彩公司赔率、股市表现，同埋一啲有权威性嘅机构，因为佢哋唔止睇民调，仲会睇数据后做一啲模型，呢几方面都显示特朗普胜算较大，今日想讲下如果真系特朗普胜出，有边啲板块最受影响，市场好多时都系讲“Trump Trade”，有乜嘢系特朗普上场要买，但由于佢胜算增加，其实已偷步炒咗，但有部分就会受影响。 受影响会系乜嘢？科技股昨晚(10月31日)开始有受压嘅情况，纳指中线市宽失守50水平，科技股未来会唔会受影响？此外。 |
|
| 庄志雄 |
2024-10-23T16:04 |
美国总统大选下个月就举行，据博彩公司赔率显示，特朗普(Donald Trump)暂时胜算较大，市场都攞特朗普2016年胜选嗰次作为炒作参考，各类资产价格走势都好相似，“Trump Trade”效应系咪继续有得炒？ “股市渔夫”创办人庄志雄指，睇返博彩市场，特朗普10月之后胜算增加咗，接近63%，但呢个只可以反映特定某个族群嘅取态，炒美股要睇阔啲，睇返各类资产价格表现，特朗普2016年第1次参选时，各类资产系喺佢当选后先有反应，今次市场算系偷步炒，因为特朗普胜算高啲，大部分资产价格走势同2016一样，地区性银行指数跑赢标普500，30年期美国债跌5%，只系金价同当年走势唔同，今次系有得升。 Lewis又话，睇埋罗素2000指数，长仓仓位已升至阻力位，亦抽升过两次，如果想继续部署受惠于减息嘅中小型股，就要小心联储局未来嘅减息幅度，系咪仲有咁大减息空间，因为依家仍处于浅度减息周期，但市场就炒紧未来会减更多，踏入深度减息周期，不过，唔排除美国经济状况会再恶化，投资者必须小心部署。 |
|
| 庄志雄 |
2024-10-16T17:19 |
港股昨日(15日)突一度急泻逾900点，似乎失咗之前嘅动力，而美股近期表现唔错，有唔少投资者觉得美股易玩过港股，不过，美国总统大选仲有约3个星期就举行，呢场大选对后市有咩影响？ “股市渔夫”创办人庄志雄指，睇返上半年，美股嘅机会的确比港股多，但踏入8月之后，要拣股能力强先可以喺美股搵啱股，例如热门股份微软(Microsoft)及英伟达(Nvidia)，其实已有近8个月及4个月有波幅冇升幅，连呢类科技龙头股只系反覆上落，反映美股其实唔易玩。 Lewis又话，距离美国总统大选完结唔够30日，MOVE Index反映嘅债市引伸波幅创新高，意味交易债券嘅投资者担心大选后，利率波动加剧及债价下跌，而有“恐慌指数”之称嘅VIX升穿20水平，纳指波动指数VXN更高见24水平，但标指就继续创新高，呢个情况系极少见，过去20年，VIX高过20而大市指数创新高，只系出现过两次，分别系新冠疫情前及科网股爆破前，要小心留意美股后市会点发展。 |
|
| 庄志雄 |
2024-10-09T16:36 |
A股昨日(8日)复市，发改委同日开记招，但政策憧憬落空，拖累港股“股灾式”急泻，单日泻逾2000点，以点数计，破咗2008年金融海啸时嘅纪录，依家港股有唔少股份估值偏低，如果想执平货应该点拣？又要避开边类股份？ “股市渔夫”创办人庄志雄指，港股昨日(8日)先升穿150天线，大市震仓后，跌穿150天线嘅股份唔系首选，因为呢类股份比较落后，当市宽向下，落后嘅股票就会先跌，其中，虽然科技板块强势，但网易(09999)及腾讯音乐(01698)属于落后嘅科技股，除非可以短时间内上返150天线，否则，唔系科技板块首选。 佢又指，美高梅中国(02282)等赌股都系较落后嘅股份，但唔建议用赌股追落后，因为赌股波幅大，亦随时会出现“迟升先跌”嘅情况。 Lewis续指，要避开内房板块，因为要有好大量资金先可以救得晒所有内房股，而救市资金唔系一次过放出，难以拯救所有内房股，佢又提醒，内房股最容易赚钱嘅时间已经过咗，之后就会有较大嘅波幅，亦难以拣中安全嘅股份。 |
|
| 庄志雄 |
2024-10-02T15:26 |
港股大时代重临，虽然恒生指数暂时已连升第7个交易日，但仍动力十足，即使今日北水“缺席”，但大市半日成交已逾2300亿元，指数一度狂飙逾1500点，即使中东局势紧张，但无阻港股升势，港股似乎动力十足，而市场亦对今轮救市政策好受落。 “股市渔夫”创办人庄志雄表示，如果睇返市场上周嘅反应，今轮救市政策市场系好收货，佢话可以用3个角度去睇，首先系动力，其次系估值点同其他市场比较，因为对机构投资者来讲，好多时都系着重估值，若估值平但冇动力，佢哋未必会参与，A股及港股估值平早已众所周知，但依家动力返咗嚟，最后系睇市场气氛，依家气氛都返咗嚟，当3个因素加埋，市场就突然好炽热。 Lewis又话，睇中线市宽都可以评估到大市嘅动力，以今年上半年为例。 |
|
| 庄志雄 |
2024-09-04T15:18 |
美股喺9月第1个交易日出现大跌市，英伟达(Nvidia)系其中一个幕后推手，有消息指，Nvidia面临嘅反垄断调查升级，并已收到美国司法部嘅传票，拖累股价昨晚(3日)重挫近10%，Nvidia今次可唔可以好似以前咁，跌完又升过？系咪可以趁低入货？ “股市渔夫”创办人庄志雄指，今次情况似乎唔系咁，因为Nvidia早过标普500指数见顶，股价6月中见顶后，往后一个顶低过一个顶，之前人工智能(AI)板块系美股嘅领袖，但依家大市缺乏领袖，冇理由靠防守性嘅公用股做大市领袖，反映Nvidia股价已见顶。 Lewis又指，自6月起有唔少散户大手买入Nvidia，情况有啲似2022至2023年嘅Tesla，当股价自高位跌落嚟之后就开始买入，加上5月底以后入市嘅资金，大部分都要蚀钱，有唔少蟹货坐紧，要一段长时间先消化到。 |
|
| 庄志雄 |
2024-08-21T16:46 |
月初美国非农数据唔理想，引发日圆拆仓，令环球股市喺8月5日经历“黑色星期一”，不过，美股同日股快速自低位反弹，道指及标指只系低高位约1%，日圆近日又开始转强，系咪以之前拆仓低位作为指标？ “股市渔夫”创办人庄志雄指，日本央行冇管理好市场预期，所以触发拆仓潮，唔单止影响日股，仲影响埋美股，连最强嘅纳指由7月中开始跟随日圆见顶回落，日圆跌代表美元转弱、日圆转强。日央行出嚟安抚市场，表示市场未稳定嘅情况下，系唔会再加息。依家市场稳定返，会唔会加息，现时对日央行嚟讲仍然系一个难处，因为仲未解决通胀问题。 Lewis相信，短线做高杠杆或套息交易(Carry Trade)嘅投资者已经拆晒仓，但留意返长仓，唔少投资者以借日圆嘅方式买日本资产，长仓好多已长揸几年，利润非常可观，如果日圆转强，会影响日股，所以投资者沽部分日圆资产，还日圆，日圆可能会继续强势。若日圆跌到落140水平，可能会拆埋长仓，睇住日圆走势系一个重要指标，下一轮好大机会会影响美股。 |
|
| 庄志雄 |
2024-08-14T16:17 |
美国昨晚(13日)公布嘅生产物价指数(PPI)温和，增加联储局9月减息嘅筹码，据最新利率期货显示，联储局减息0.5厘嘅机率略为升温，更略高于加0.25厘，点睇最新通胀同减息预期嘅变化？ “股市渔夫”创办人庄志雄指，市场已经就短期减息预期计价，问题在于唔知减0.25厘还是0.5厘，早前，《彭博》报道指，如果睇利率期货联储局会减9次息，每次0.25厘，其实睇美汇指数都可以睇到市场嘅取态，但依家市场认为要合共减超过2厘息，问题系减息期间系咪循序渐进，即每次减0.25厘，合共减9次，如果依家要减2厘以上，就代表美国经济陷入衰退，如果冇出现衰退，其实唔需要减2厘以上，如果经济系“软着陆”应该减1厘以下。 Lewis又指，依家嘅变数系当联储局真系慢慢减息，通胀系咪会回升，因为通胀仍未完全受控，今次系因为联储局之前做错嘢引发通胀，通胀开始之后，通胀预期亦升咗好多，呢个谂法唔系咁易改变，联储局需要加息加得好狠，先可以完全遏制通胀，但如果9月启动减息周期，就应该遏唔晒，将会死灰复燃，持续减息就会令通胀回升，到时联储局就会面临困局。 |
|
| 庄志雄 |
2024-08-07T16:32 |
环球股市经历两日大跌后反弹，以为今早(7日)会静一静，点知日本央行官员突然出口术，提到唔会喺金融市场唔稳定嘅时候加息，令到日圆今早一度转弱至147水平，日股早段曾抽升逾1000点。日圆拆仓加埋美国经济陷入衰退嘅忧虑，触发全球冧市，原本市场拗紧呢只镬应该由日央行，还是美国孭，但日央行一出口术，市场即时回稳，似乎日圆拆仓先至系冧市“元凶”？ “股市渔夫”创办人庄志雄指，都可以咁讲，最大触发点系日央行加息多过市场预期，因为之前累积大量利差交易(Carry Trade)，又冇人知道有几多，不过，德意志银行(Deutsche Bank)估计有20万亿美元，咁只能听大行讲，因为冇准确嘅统计或指标，可以知道真正有几多Carry Trade存在。 Lewis又指，有部分杠杆真系好劲，但如无意外都应该“死晒”，睇返日圆长短仓分布，如果去到零就代表长短仓都冇，但呢个系高盛嘅统计，如果由负数转正数，就代表做日圆短仓嘅人几乎全部被“夹死晒”，如果纯粹系“偷鸡”用杠杆做，呢类嘅Carry Trade如无意外都“死晒”。 |
|
| 庄志雄 |
2024-07-24T15:10 |
市场十分关注美国总统大选嘅选情，交易员都睇到实，睇返博彩公司数据，依家两大阵营势均力敌，特朗普(Donald Trump)枪击事件令民情大涨呢个因素系咪已经淡化？“Trump Trade”系咪已经炒完？ “股市渔夫”创办人庄志雄指，特朗普遭枪击后民情大涨，胜选呼声好高，月中时博彩公司数据显示佢有70%机会赢，之后拜登(Joe Biden)退选，依家似乎好大机会由贺锦丽(Kamala Harris)出战，但民主党大佬未有明显表态，例如奥巴马(Barack Obama)，但拜登退选系扫除咗1个不明朗因素，睇返博彩公司赔率，贺锦丽依家有45%机会胜选，特朗普仍以57%领先，但最有趣系特朗普赢面细咗，重返枪击事件前水平。 Lewis续指，睇返主要资产价格，由于特朗普支持比特币(Bitcoin)，虚拟货币应该会升，但辩论结束后，价格冇因为佢胜选机会大咗而即时上升，到枪击事件后就回升，但到底系跌得太多夹返上去？呢个就不得而知，所以Bitcoin系咪一个“Trump Trade”都系一个疑问。 |
|
| 庄志雄 |
2024-07-17T15:30 |
特朗普遭枪击后，令佢喺今次美国总统大选嘅胜在机会急升，过去几日，金融市场都出现一啲过往较少见嘅情况，其中一个现象系小型股指数罕有跑出，升幅亦几显着。 “股市渔夫”创办人庄志雄指，枪击事件后，据博彩公司估算，特朗普胜选机会率达70%，依家市场嘅炒法已当佢赢咗，依家市场出现一啲较少见嘅情况，首先系中小型股造得好好，睇返过去1周各类资产价格表现，标普600小型股指数升近9.5个百分点，期间，标指仅升约0.6个百分点，系一个极罕见嘅情况，表现第2好系中型股。 Lewis续指，另一个奇怪现象系金价跑赢标指，理论上中小型股造好，市场正处于risk on状态，意味唔需要避险，投资者蜂拥去买风险资产。 |
|
| 庄志雄 |
2024-07-10T15:15 |
比特币(Bitcoin)价格今个星期一度跌穿55000美元，跌至今年2月以来低位，如果睇返资金流，由于Bitcoin价格上落好快，有短炒憧憬，系咪短线资金流入得快啲？长线资金有冇继续留低？ “股市渔夫”创办人庄志雄指，可以用3个角度去分析Bitcoin，首先系资金流，今年推出咗Bitcoin现货交易所买卖基金(ETF)，令参与呢种工具嘅人大增，包括唔太认识Bitcoin或唔想开Crypto Wallet去投资嘅人，应该系虚币新手较多，Bitcoin现货ETF推出初期，即5月底6月初有较多资金流入，当时Bitcoin已见咗高位，之后好多人趁低吸纳。 佢续指，今个星期又见到有人趁低吸纳，但力度同上次差好远，佢认为呢啲资金以短线跟风为主，有个网站叫lookintobitcoin系好有趣，可以计到短线及长线资金，前者系1个之内，后者就1至2年，两者取态系好唔同，喺Bitcoin现货ETF推出时有短钱追入出现高峰，但同2017、2018、2021年高峰仍相差好远，但长线资金系完全冇跟进，反映系唔会高追，反而会吼低位开始回升时买Bitcoin，今年成个第2季都冇动静，睇返往绩长线资金应该系Smart Money，而喺Bitcoin价格一直上返去，长线资金就不断减磅，呢个都要留意。 |
|
| 庄志雄 |
2024-07-03T16:16 |
美债息持续高企，美股亦长期处于高位，如果美国联储局年底先开始减息，几时开始反映喺股市上？债息升到咩水平，美股先会出现跌市？ “股市渔夫”创办人庄志雄指，标普500指数及纳斯达克100指数依家企喺高位，但其实美股有近60%股份已跌穿50天线，表现两极化，造得好嘅股份带领指数破顶，表现差嘅股份就股价大冧，以Nike为例，集团出完业绩股价就大跌，仲录得23年最大跌幅。佢又话，受经济疲弱拖累，或公司本身有问题，当呢啲公司一出业绩，股价就随即急挫，其中又以中小型股最受债息影响。 Lewis又话，过往经济好嘅时候，债息升，标指就会跟升，不过，2022年后，债息升，标指就会跌，若美国10年期债息升至4.6厘，就会对标指造成压力，投资者要留意美债息升至4.6厘后会唔会爆升。 |
|
| 庄志雄 |
2024-06-19T18:13 |
标指及纳指昨晚(18日)又破顶，前者已经系第31次破顶，后者亦连升7个月，升势亦相当集中，但睇返纳指100，创52周新低股份数量比创52周新高股份数量嘅日子多，而市宽又转差咗，数据有好有坏，投资者应该点部署？ “股市渔夫”创办人庄志雄认为，见到股市都几两极化，如果用指数睇市，由于指数受最大只嘅股份影响较多，指数因大股做得好，例如英伟达(Nvidia)及苹果公司(Apple Inc.)股价近期做好，带动指数创新高，已连续375个交易日，冇明显跌多过2.05%，对上10几年都冇试过，对上一次出现呢个情况，就特朗普(Donald Trump)做总统时，长升一段时间后，喺2018年2月急挫，当时VIX抽到好高，再出现呢个情况嘅机会系增加紧，虽然指数表现强劲，即所谓internal，好多对冲基金经理如Stanley Druckenmiller都好着重internal，即整体股市表现系点，见到有两样嘢系比较奇怪，即系两极化方面。 |
|
| 庄志雄 |
2024-06-12T16:07 |
苹果公司(Apple. Inc.)股价昨晚(11日)破顶，带动标指及纳指再破顶，不过，两个指数嘅中线市宽都同指数背驰，似乎升势集中喺某啲股份，系咪一个需要惊惕嘅讯号？值得留意系，呢个情况今年一直持续，后市又会系点？ “股市渔夫”创办人庄志雄指，暂时未见到指数有咩问题，如果投资者揸住一直破顶嘅“万亿股王”，可以继续持有，但就要留意其他持货，因为美股头50只市值最大股票，今年第2季后波幅突然扩大，而且系历年来最大，波幅扩大容易导致股价急挫，事实上，有部分股份已开始受影响。 Lewis又话，虽然指数靠“股王”破顶，但市宽就向下，纽约交易所中线市宽更跌穿50强弱分界，出现市宽同指数背驰嘅情况，踏入6月市宽甚至未有回升，情况系非常罕见，而纳指情况更差，所以投资者要留意，如果手上持股已跌穿50天线，建议要先行离场。 庄志雄又指，喺极端背驰嘅情况下，除非市宽回升，否则，指数会被拖低，现时市宽系反映美国经济现况，高盛经济惊喜指数已跌至今年低位，反映近期美国经济数据差过预期，要留意对股市嘅影响。 |
|
| 庄志雄 |
2024-05-22T16:23 |
市场观望联储局议息会纪录，以及人工智能(AI)晶片龙头英伟达(Nvidia)业绩，美股3大指数隔晚(21日)高收，其中，纳指及标指齐创收市新高，后者收报5321点，升穿之前高位。睇返美股唔同板块，其中，公用股表现最突出，点解呢类股份可以跑出？ “股市渔夫”创办人庄志雄指，依家美股最强板块系公用股，第2季至今公用股交易所买卖基金(ETF)累升11%，大幅跑赢标指，必需消费品ETF亦升得靓过标指，而呢两个防守性板块系升得最好。 Lewis续指，电力公司Vistra Energy(VST)及Constellation Energy Corporation(CEG)系最强公用股，不过，估值已经太贵，因为揸美债最少收4至5厘息，造定期更有5厘以上，反观VST及CEG股息率唔够1厘，纯粹炒核电概念。佢又指，如果投资者想炒核电概念，不如直接买核电相关股，例如Global X铀ETF(URA)，都值得留意。 |
|
| 庄志雄 |
2024-05-08T16:28 |
近期中资股反弹，走势相当强劲，恒生国企指数由3月底至昨日(7日)止，明显跑赢美国标普500指数。“股市渔夫”创办人庄志雄认为，今次唔系纯资金市，MSCI中国指数嘅估值跌至2022年第4季以来最低水平，以现时约9倍市盈率(PE)来看，相信已反映好多负面消息，若参考2022年估值见底后指数嘅反弹情况，估计今轮升浪最少可再持续4至6周。佢又指，基金减持中资股已见底回升，中国股票基金录得近两个月以来最大资金流入。 Lewis续指，依家最值得留意系出完业绩后，股价明显上升嘅非指数成分股，因为股价唔系靠基金焗追而带动，而系有靓业绩及高beta支持，佢又点名携程集团(09961)、泡泡玛特(09992)、赤字城科技(09911)、美图公司(01357)及复宏汉霖(02696)。 |
|
| 庄志雄 |
2024-04-17T17:29 |
美国3月通胀超预期，其他经济数据亦表现强劲，美国联储局主席鲍威尔(Jerome Powell)昨日(16日)改口，暗示或要延迟加息，大行瑞银(UBS)甚至估计，今年减息后，明年有机会加息。不过，美银最新调查显示，仍有唔少基金经理预期，未来12个月美国经济唔会陷入衰退，佢哋系咪对经济前景过分乐观？ “股市渔夫”创办人庄志雄估计，随着美国政府嘅国债负担愈来愈重，加上中东局势紧张，联储局今年或会减息1次，但指减息后通胀可能更不受控。 Lewis指出，过去6个月受访基金经理普遍对美国债市、股市前景比较乐观，所以大幅减少手头现金，并大量买入包括股票、长债等长期资产(long-duration assets)。佢引述美银4月调查指，基金经理嘅股票配置继续上升，而目前现金仅占基金经理管理资产4%。 Lewis续指，环球通胀开始见底回升，市场对减息次数嘅预期愈缩愈少，经理就有压力减仓提高现金水平，到时美股有机会调整至少1个月。 |
|
| 庄志雄 |
2024-04-10T16:12 |
由于美国经济及就业数据强劲，令市场对联储局嘅减息预期降温，但金价持续强势，商品、能源及黄金价格表现更跑赢美股，虽然最新利率期货显示，市场对美国年底减息嘅预期持续降温，但美股暂时未有太大反应，究竟依家反映紧乜嘢？ “股市渔夫”创办人庄志雄指，减息预期暂时影响唔到股市，因为联储局官员经常出嚟发表言论，令市场有个错误预期，以为今年真系会减息，佢提醒，要留意联储局会唔会唔理通胀，6月就开始减息。 Lewis又认为，当市场估计联储局冇诚意减息遏通胀，就会谂有咩可以对冲通胀，因为股市估值贵，推高估值反而不利投资者，所以唔会从估值方面入手，反而睇返3月会发现减息预期降温，压制咗债价及科技股，唯独商品相关工具做得好，所以佢提醒，资产配置一定要有商品类，因为商品喺投资组合中最不受通胀影响。 |
|
| 庄志雄 |
2024-04-03T16:30 |
由于市场预期，美国联储局唔会咁快减息，美国10年期国债息率一度创今年新高，突破4.4厘，呢个走势有咩启示？ “股市渔夫”创办人庄志雄指，一直叫市场留意4.4厘呢个位，因为“新债王”冈拉克(Jeffrey Gundlach)曾经讲过，4.4厘呢个高位会对资产价格造成压力，系一条警戒线，第2季一开局就挑战呢个位，暂时唔肯定冲穿4.4厘后，会唔会再一直上冲，如果真系冲穿，突破埋5厘都唔出奇。 Lewis又分析指，联储局2022年中启动加息周期后，当年第2季都曾加息0.75厘，债息几日内抽高50点子，但之后一直冇乜大变动，直至今年2月公布消费物价指数(CPI)后，债息急升逾30点子，后来联储局不断“放鸽”，令市场认定上半年将会减息，不过，债息不单冇跌穿4厘，反而向上挑战4.4厘，反映债市或长债投资者认为，联储局依家嘅做法会令长期息率落唔返黎，意味美国长期通胀已较难控制。 |
|
| 庄志雄 |
2024-03-20T17:48 |
日本央行结束负利率政策，17年以来首次加息，不过，日圆及日债表现反高潮，日圆跌穿151，债息又显着向下，系咪市场解读为日央行实际上会继续宽松？ “股市渔夫”创办人庄志雄指，议息结果公布前，好多人谂住日央行会加息，或者已经结束超宽松货币政策，所以可能好多盘等紧Long Yen，但有时事情发生后，唔系跟住大众意愿去行，例如英伟达(Nvidia)峰会都有类似情况，股价喺峰会后升唔到，最重要日央行行长植田和男嘅言论，市场解读为“鸽派地加息”，而Yen嘅反应显示，市场质疑日央行嘅做法控唔控制到通胀，所以Yen就不升反跌。 Lewis续指，植田已讲明会保留大量灵活性，保持宽松政策，亦表明冇紧急加息嘅必要，可能佢认为通胀会持续回落。市场反应方面，即使今次系万众期待，但今次加息仍然唔系全票通过，所以两年期利率都见顶回落，10年期利率更夸张，知道日央行放弃孳息曲线控制(YCC)政策后，亦指会保留大量弹性，可以随时再买长债，见到长债息回套返最近一半升幅，所以日圆有咁嘅反应系正常，因为日央行都讲明会再买返债，似乎唔系正式结束超宽松货币政策。 |
|
| 庄志雄 |
2024-03-13T16:26 |
美国2月核心通胀按月升0.4%，连续两个月高过预期，但标指继续创收市新高，似乎市场唔系好理会通胀数据，无论减息预期高低，美股似乎都可以继续破顶？ “股市渔夫”创办人庄志雄指，如果想美股继续升，联储局就要放弃打击通胀，除非联储局表明不论通胀指标系咪回升都唔会理，美股先有机会升，但就会牺牲咗长债，因为通胀始终会慢慢升返上去，而长债价格就会冇反应，其次系要牺牲美金，其实同日本一样，只要货币贬值就可以谷高股票指数，而主流媒体成日话通胀系最后一里(Last mile)，已经讲咗8个月，只要讲得愈来愈多，喺呢种气氛主导下，就会令人相信通胀一定会回落，唔理正式通胀指标系咪回升紧，就可以令股市或指数继续升。 Lewis又留意到，大部分通胀报道都系讲按年及按月变化，但其实联储局主席鲍威尔(Jerome Powell)系会睇以3个月或6个月年率化嘅核心通胀率，尤其系个人消费开支(PCE)，而过去12个月嘅年率化核心CPI昨日(12日)显示仍然向下，不过，如果睇3个月或6个月就见到通胀已经回升，而前者更升至4.1%，加上之前做咗超级核心通胀指标，呢个指标系连租金都撇除埋就升4.5%，是9个月以来最高水平，反映升势都几凌厉。 |
|
| 庄志雄 |
2024-03-06T15:52 |
美股去年第4季开始炒减息，今年就炒“金发女孩经济”(Goldilocks Economy)，即经济稳定增长、低失业率、通胀温和受控，令美股不断破顶，不过，美国近期多项经济数据表现麻麻，“花旗经济惊喜指数”亦再度回落，系咪因为市场又炒返减息，带动金价冲高？ “股市渔夫”创办人庄志雄指，美国上周出咗消费信心等数据后，由于表现普遍差过预期，如果“花旗经济惊喜指数”升就代表经济数据好过预期，相反，指数向下就反映整体数据差过预期，由于去年第4季数据差过预期，市场认为通胀有机会回落，所以就炒减息，但到今年数据好过预期，尤其2月嘅通胀数据，市场就唔再炒“金发女孩经济”，似乎系一个唔错嘅局面，但2月中之后经济数据又转差，有可能市场再炒减息推高个市，但要留意未来一至两周出炉嘅数据。 |
黄金 , 美股 |
| 庄志雄 |
2024-02-21T14:22 |
据美国最新数据显示，当地通胀仍有好大韧性，令市场调整咗对联储局几时开始减息，减几多次息嘅预期，市场原本对减息嘅预期及睇法都几进取。 “股市渔夫”创办人庄志雄指，睇返美银嘅基金经理调查，过去20年，未见过咁多基金经理认为今年一定减息，如果睇2年期利率，未来两年会减4次息，根据过往经验，联邦基金利率表现系紧贴2年期利率，而后者最近系升紧，尤其去年12月之后，因此，最易出错就系呢个位，太多人以为今年开始减息，其实“新债王”冈拉克(Jeffrey Gundlach)指，如果用2年期利率量度，预期联储局今年减息1次，明年就减3次，呢个就系落差。 Lewis又话，但基金经理几乎100%认为今年会减息，所以佢哋买债买得好劲，见到overweight债券系最多，所以好大机会喺呢度出错。 |
美债 |
| 庄志雄 |
2024-02-14T18:36 |
虽然美国1月消费物价指数(CPI)按年升幅放缓，但高过市场预期，据最新利率期货显示，联储局5月减息机会由数据公布前嘅61%，急降至36%，而超级核心通胀似乎有掉头回升嘅势头，如果通胀真系仍未受控，短期内回落嘅机会系咪唔大？虽然市场预期今年系减息年，但睇返依家嘅情况，联储局今年会唔会仍未开始减息？ “股市渔夫”创办人庄志雄指，可能系，甚至要掉头加息，美国超级核心通胀按年升4.4%，按月升幅更加系2002年以来较高水平，但呢个已经唔计租金、能源及食品，但其实联储局已不断搬龙门，连租金都剔除，但仍按年升4.4%，最大可能系美国人嘅通胀预期愈来愈高，因为实质收入增长已经跟唔上通胀升幅，工资系被蚕食。 Lewis又话，呢度仲未计过去两个月航运价格不断上涨，唔少航线升幅已超过100%，有研究机构指，当航运价格升1倍，会影响环球通胀0.7个百分点，如果运费全线升200%，会影响环球通胀1.5个百分点，如果红海、巴拿马等危机未解决，通胀系好难回落。 |
能源 , 航运 , 食品 |
| 庄志雄 |
2024-02-07T17:06 |
近期美股唔少人工智能(AI)相关股喺业绩期暴升，标普500指数亦跟住创新高，但市宽走势就愈来愈背驰。“股市渔夫”创办人庄志雄指，纽交所周一(5日)只有不足20%股份上升，系1962年以来从未见过嘅异常情况，提醒美股后市或会好波动。 佢又话，债市亦出现异常，上周五(2日)至周一两日内，美国10年期债息突然抽高近30点子，对上一次升咁多已经系2022年3月，当时联储局开始加息。 Lewis续指，同ISM服务业商业价格指数喺过去1个月抽升有关，而服务业喺当地消费物价指数(CPI)嘅占比最重，美债息急升或反映债市投资者预期，上半年通胀随时不跌反升，并对主流嘅减息预期有所警惕。 |
美债 , 美股 , 公司业绩 |
| 庄志雄 |
2024-01-31T15:55 |
【Now财经台】美股持续强势，道指昨晚(30日)又破顶，但标指及纳指回套，联储局已展开一连两日嘅议息会议，议息结果将会喺本港时间周四(2月1日)凌晨公布，议息结果会点样左右美股后市？美股升至现水平有冇出现泡沫？ “股市渔夫”创办人庄志雄指，最近多咗人讲要“拥抱泡沫”，市场依家等紧联储局议息声明，上次议息声明出炉后，美股就升咗一大浸，其中，标指升咗20%，相信好多人“拥抱泡沫”嘅想法就系预期联储局再“放鸽”，推高指数，但唔知今次有冇上次咁劲。 Lewis以用之前泡沫时期表现制作嘅纳指拼图为例，用纳指1999至2000年升势同2023至2024年比较，pattern上相似，但幅度唔同，上次升得急啲，今次嘅形态相似，但幅度就冇咁大。睇返拼图嘅轨迹，时间点会到3月初，届时要留意几点，包括联储局之前为咗救中小银行，推出短期融资计划系咪真正完结，因为市场似乎唔信会完结，所以会继续炒，因此，相信纳指3月唔会见顶回落，其次系联储局想继续“放鸽”，就要睇通胀系咪持续回落，亦系影响今年可唔可以减息5次嘅变数。 至于系唔系泡沫，除咗可以睇估值，都可以睇最大嘅公司系美股市场占比有几大。 |
美股 |
| 庄志雄 |
2024-01-17T16:24 |
【Now财经台】内幕人士倾向造淡、沽货多，但睇返美股市况，投资者风险胃纳似乎仲未反映呢个情况，据美银证券嘅基金经理调查显示，基金经理嘅乐观情绪系两年以来最高，到底点解会有咁大落差？美汇指数升见103水平，除咗因为联储局官员“放鹰”，会唔会系受惠于避险资金？ “股市渔夫”创办人庄志雄指，当市场太差时唔好太悲观，市场太乐观时就唔好追。目前，贪婪与恐惧指数(Fear & Greed Index)见顶回落，市宽亦系见顶回落，呢个时候内幕人士会选择减持自己公司股票take profit，佢建议散户参考呢啲了解自己公司运作嘅人士去做。 Lewis又指，其实上季已提出见到一个好奇怪现象，美汇指数喺咁多人唱减息嘅情况下，都未有跌穿去年7月低位，依家反而抽返上嚟，呢个情况就要留意低位，即预期会发生嘅事冇发生，亦喺低位上升回调0.5嗰个位，依家系上升中。 如果睇返欧元，部分欧元trader指，话依家系一个头肩顶，有机会跌到0.98水平，如果欧元真系见顶回落，美汇指数可能抽升差不多10%，股市调整压力会好大。 庄志雄 “股市渔夫”创办人 |
美股 , 美汇 , 欧元 |
| 庄志雄 |
2024-01-10T15:52 |
【Now财经台】虽然市场成日话“科技七雄”(Magnificent Seven)喺2023年撑住美股，但其实只得5雄撑住，苹果公司(Apple)及Tesla冇份撑市，其中，Apple近日都开始被睇淡，先后被大行及券商降评级，主要系唔睇好iPhone未来销情，其实早喺半年前，呢个情况系咪已率先反映喺股价上？ “股市渔夫”创办人庄志雄指，虽然2023年第4季Apple仍然喺中国手机市场排第1位，但同比增长跌咗10%，由于中国市场利润贡献好大，相信未来每股盈利预测都要下调，不过，市场都流行先下调盈利预测，等数据出炉后就变成“胜预期”，但事实上睇到基本因素系转差咗，尤其喺重要市场嘅市占率正在下降。 Lewis又话，留意到冇乜人想换iPhone 15，睇返中国网站，见到第1个星期嘅销售较2023年同期大跌30%，而喺拼多多平台即使iPhone 15或15 plus都要减价近20%。 庄志雄 “股市渔夫”创办人 |
美股 , 企业评级 , 科技 |
| 庄志雄 |
2024-01-03T17:33 |
【Now财经台】美股噚日(2日)开局失利，3大指数仅道指向上，标指就微跌，纳指更跌逾1%。不过，道指、纳指喺2023年尾相继破顶后，目前仍于高位徘徊，究竟标指喺2024年有冇机会破顶？“股市渔夫”创办人庄志雄认为，有几项指标反映标指破顶机会唔大。 Lewis分析指，标指喺过去70年只试过3次可以喺美国债息倒挂后500个交易日内收复失地，但最终都回落到孳息曲线倒挂前水平。由2022年6月中，10年期同1年期国债孳息曲线开始倒挂起计，至今已经过咗385个交易日。佢话，如果标指真系破顶，后市有可能要跌返落3700点水平。 佢又指出，过去3次收复失地嘅时候，标指经调整市盈率(CAPE)皆处于当时中位数或以下水平。然而目前32倍嘅CAPE明显高于中位数，即16倍，但过去100年来，标指只喺两个时期可以由32倍再炒上，分别系2000年对付“千年虫”，以及2020年新冠疫情后嘅超低息环境。 庄志雄 “股市渔夫”创办人 |
美股 |
| 庄志雄 |
2023-12-20T17:36 |
【Now财经台】资金流入推高美股下，“股市渔夫”创办人庄志雄提醒，要留意以下3项因素反映美股后市或会受压，首先对资金蜂涌入标普500 ETF(交易所买卖基金)要抱有戒心，因为2018年就曾经出现资金流强但VIX恐慌指数急升，标指继而急跌嘅情况。 此外，Lewis分析被视为经济寒暑表嘅FedEx业绩，指出过去一年通胀高企下集团上季收入仍然按年大减，反映期内货运量明显大跌。佢又提及，根据道氏理论(Dows Theory)，当市场上货品滞销，运输股表现就会较差，并指如果道指同道琼斯运输业平均指数冇喺同期齐创新高，可以解读为反向验证(non-confirmation)道指目前创新高唔合理，道指往往好快就会回落。 最后，Lewis透过统计欧元兑美元过去52年数据，推测美汇指数会喺1月回升，将对资产价格造成好大压力，因为…… 庄志雄 “股市渔夫”创办人 |
美股 , 美元 , ETF , 资金流向 , 美汇 |
| 庄志雄 |
2023-12-13T16:50 |
【Now财经台】美国噚晚出咗11月通胀数据，其中，核心消费物价指数(CPI)按年升3.1%，符预期，消息一出，明年初减息预期随即降温，美国通胀系咪真系好难回落？联储局几时先开始减息？ “股市渔夫”创办人庄志雄指，联储局一直主要睇住核心通胀数字，而整体通胀数字都有增长，但如果拆开货品及服务通胀数字睇，就会睇到分歧，服务通胀数字按年升近6%，货品通胀数字按年要跌，佢又话，听闻外国连苹果公司嘅产品都要减价发售，可能系今年库存比较多。 Lewis又话，产品价格应该差唔多见底，因为库存都去得七七八八，感恩节前后大减价销情都唔错，但佢认为，明年库存仲有冇咁多，仲有冇减价空间暂时仲系未知数。 佢提醒，产品价格录得按年跌幅后，好多时都会回升，一旦产品价格回升，产品通胀再升返，而服务通胀一直居高不下，嚟紧就会见到核心通胀数字回升。Lewis预期，睇返依家嘅局面，联储局唔可以咁快减息。 庄志雄 “股市渔夫”创办人 |
|
| 庄志雄 |
2023-12-06T15:37 |
【Now财经台】踏入12月，美股继续企喺近期高位，噚晚出嘅职位数据不似预期，引发市场忧虑，令减息预期持续，联储局去年底开始加息，标指表现仍然唔错，过去鲍威尔及局内官员时鸽时鹰，美股呢几年其实系咪都跟住官员口风走？ “股市渔夫”创办人庄志雄指，鲍威尔2018年开始正式执掌联储局，呢6年有个pattern几有趣，唔知点解美股喺单数年份表现较好，同埋升得比较稳定，而双数年份期间就经历过大跌，其中，2018年第4季自高位回落咗20%，而2020年因为新冠疫情更大跌逾30%，去年大部分跌幅都系第2季出现，跌咗约20%，一般嚟讲，第4季表现应该唔似2018年，因为当年有1个好重要因素，就系鲍威尔刚执掌联储局就讲错嘢，话会自动导航咁“收水”，继而触发跌市。 Lewis又话，鲍威尔汲取咗上次教训，依家“时鸽时鹰”，依家最有趣系... 庄志雄 “股市渔夫”创办人 |
美股 |
