| 評論員 |
時間 |
內容 |
標籤 |
| 聶振邦 |
2024-12-09T17:46 |
網易(09999)股價近期自低位回升逾20%，集團之前預告今個月有兩款新Game上線，其中，《漫威爭鋒》(Marvel Rivals)已經係上周五(6日)全球免費上線，用家正評比率高達76%，初步反應理想，網易股價係咪值得睇好？ 博威環球證券金融首席分析師聶振邦指，網易前景理想，新Game可以係多個平台體驗，除左可以直接購買，亦有免費版本吸引大量玩家下載，之後再提供唔同課金機會提升遊戲體驗。據網易公布，《漫威爭鋒》係短短72小時，玩家人數已突破1000萬，《漫威爭鋒》另1個賣點係可以吸引到一眾Marvel fans關注。 聶Sir又指，網易另1款有中國歷史背景慨新Game《燕雲十六聲》將會係12月27日上線，除左內地玩家，亦有機會出現好似《黑神話:悟空》慨爆紅情況，吸引海外玩家，如果公測成功，相信網易未來會善用古代亂世背景，設計更多相關遊戲，因此，睇好網易股價有力挑戰160元。 |
|
| 梁傑文 |
2024-12-09T17:20 |
上周二(3日)開市前宣布停牌慨利福中國(02136)，獲主席兼大股東，人稱「細劉」慨劉鑾鴻提私有化，每股作價0.913元，較停牌前有逾21%溢價，利福今朝(9日)復牌股價一度大升逾29%，依家係咪私有化慨好時機，點睇今次慨私有化出價？ 《香港股票財技密碼》作者梁傑文指，對大股東黎講依家絕對係私有好時機，港股經歷早前慨牛市後，開始慢慢回落，令細價股交投都比較有彈性，呢些因素都有利大股東私有化，對小股東黎講，公司業績倒退、估值低殘下，為佢地提供一個有溢價，將股份變現慨機會，相信會有唔少股東支持私有化。 Mike又認為，今次私有價較6月底慨每股資產淨值(NAV)有折讓，但今次交易特別之處在於大股東之後，可因應市場環境變化選擇提高出價，以增加私有化成功機率，一般企業宣布私有化後市價會有折讓，但利福股價反而大升，反映市場憧憬遲些會有加價空間。 |
|
| 植耀輝 |
2024-12-06T22:52 |
京東物流(02618)增持36.43%跨越速運，作價64.84億元人民幣。 耀才證券研究部總監植耀輝表示，跨越速運主要針對企業對企業的物流運輸，近年業績亦保持高速增長，相信京東物流全資擁有跨越速運後，對往後業務有正面幫助。 |
|
| 植耀輝 |
2024-12-06T18:00 |
平安好醫生(01833)今日(6日)除淨，股價價量齊升，市場主要炒作大股東或因「以股代息」觸發全購，其實集團11中宣布豪派9.7元特息時都講過，若控股股東中國平安(02318)附屬安鑫揀以股代息就會觸發全購，依家安鑫持股量39.41%，到底最後揀以股代息機會大唔大？ 耀才證券研究部總監植耀輝指，平醫上市時集資所得本來用黎發展業務，但由於現時慨市況已經唔同左，加上個別公司之間審查有難度，所以平醫傾向將當日集返黎慨錢派出去。 Stanley又指，其實平保過往亦曾經透過「以股代息」增持陸控(06623)，所以係有方面慨前科，因此，估計平保今次揀以股代息慨機會都幾大。 |
|
| 黃敏碩 |
2024-12-06T17:54 |
發展科技美學慨巨子生物(02367)上半年收入按年增長68%至20.7億元，相信今年銷售按年增長40%至45%應該可以達標，不過，呢類醫美產品係內地競爭好大，除左本土不斷有新競爭者加入，外國相關品牌亦唔少，巨子生物係醫美方面慨領導地位可唔可以維持到？ 王道資本及家族資產管理執行董事黃敏碩表示，巨子生物毛利率都幾高，未來增長方面，只要法規唔係收得太緊，佢應該keep到領導地位。 Michael又話，巨子生物主要產品「可復美」及「可麗金」，依家貢獻集團利潤逾90%，雖然產品集中度高，但呢兩個品牌係市場有一定慨定位，相信集中度高暫時對佢地黎講仍然係利多於弊。 |
|
| 關焯照 |
2024-12-06T17:39 |
港股今日(6日)突然好興奮，半日成交已超過800億元，一度上返19900點樓上，市傳中央經濟工作會議下周三(11日)及下周四(12日)召開，市場係咪又開始炒政策憧憬？2024年只剩返10幾個交易日，恆生指數有冇機會黎個「最後衝刺」上返20000點？ 冠域商業及經濟研究中心主任關焯照認為，恆指上返20000點結束2024年機會唔大，反而有可能係中經會前見返2字頭，有機會上返50天線水平，即20300點水平，但睇返「往績」，開完中經會之後，大市就會插水，曾經試過會後兩個星期累跌逾3000點，佢估計，今次都會出現呢個情境，會前炒政策憧憬，會後就急散水。 關博士提醒，一旦恆指真係上返20000點水平唔好再追，因為之後有機會返落19000至19300點。 |
|
| 梁偉源 |
2024-12-06T14:57 |
截至早上11時止，過去1小時內《彭博》用戶搜尋量最多港股，依次為平安好醫生(01833)，普拉達(01913)、康方生物(09926)、建設銀行(00939)、藥明生物(02269)。 平醫今日(6日)除淨，公司之前宣布可「以股代息」，股價一度抽升逾24%，市場猜測持股逾39%慨中國平安(02318)會因今次收特別息觸發全面收購，但仍要等明年1月24日正式派息時，先知道平保收錢還是收股，如果大股東選擇「以股代息」，當中有咩盤算？ 大華繼顯執行董事梁偉源指，如果大股東揀股唔揀錢，純粹係一個技術性因素，要按例提全面收購，但相信收購價未必吸引，因為相對每股資產淨值(NAV)有一定距離，而小股東接受全面收購亦冇乜著數，但值得留意係，大股東透過今次「以股代息」，變相增持約2%股權，但又唔使自己出錢，呢個可能先至係大股東真正慨考慮。 Steven又指，雖然股價由高位跌左落黎，平之餘亦幾吸引，但全面收購涉及好大筆資金，所以平保未必想係呢個時候做呢件事。 |
|
| 聶振邦 |
2024-12-06T11:50 |
美國電動車生產商Tesla股價昨晚(5日)「踩油上」，一度抽升約5%，會唔會同升到唔識慨比特幣(Bitcoin)有關？Tesla係10月將手頭上慨Bitcoin轉倉，惹黎市場揣測係咪打算清倉，Tesla股價昨晚係「科技7雄」(Magnificent 7)之中跑出，係咪同Bitcoin有關？ 博威環球證券金融首席分析師聶振邦指，Tesla股價走勢或多或少都同Bitcoin有關，但更多同內地新能源汽車有關，因為內地新能源汽車銷情唔錯，意味全球需求大，而Tesla作為全球龍頭電動車企，市場一定睇好公司前景。 聶Sir又話，另一個利好Tesla股價慨因素係，集團行政總裁馬斯克(Elon Musk)同美國總統當選人特朗普(Donald Trump)關係好，資金過去一段時間不斷流入特朗普概念股，Tesla亦係其中1隻受惠股。 |
|
| 彭偉新 |
2024-12-06T10:00 |
獨立股評人彭偉新推介美的集團(0300) 推介原因： -去年全年營業額升8%，毛利升約19%至超過980億人民幣 -去年毛利率26.4%，上半年進一步改善至27% -市場白色家電的以舊換新補貼計劃。 |
|
| 熊俊傑 |
2024-12-05T17:16 |
外圍科技股、比特幣(Bitcoin)強勢，金價回軟，市場避險情緒降溫，投資者繼續觀望美國明晚(6日)出爐慨11月就業數據，除經齊數據外，黃金ETF持倉較2020年高位少25%，同金價破頂慨情況背馳，係咪預示金價就快回落？ 獨立商品外匯分析師熊俊傑指，金價破頂後出現回調好合理，雖然黃金ETF持倉減少同金價破頂慨背馳情況已持續一段長時間，但只係基於市場情緒及，以及因為用美元計價而出現調整。 佢又話，整體而言，金價係現水平宜睇得更審慎，因為有唔同因素支持金價繼續向上，包括環球央行啟動減息周期，雖然減息步伐放慢，但息口向下仍然係大方向，若金價唔跌穿每盎司2580美元，可上望2800美元。 |
|
| 植耀輝 |
2024-12-05T16:47 |
匯豐控股(00005)股價過去1個月錄得單位數升幅，跑贏大市，集團上季業績靚，有息派之餘，又再開展30億美元回購計劃，近月亦有簡化組織及裁員等動作，加上洽售南非企業銀行業務慨消息，以及積極重組業務及架構，以節省成本，匯控股價已連升7個交易日，累升約3.5%，今日(5日)暫時好淡爭持，投資者係咪應該趁機部署？ 耀才證券研究部總監植耀輝指，匯控股價已升左唔少，若純粹憧憬業務狀況係可以留意，但佢認為，抱收息心態買匯控會比較好，始終架構重組主要目的係減少開支，更關鍵係業務做得更好，不過，集團依家係亞太區面對唔少挑戰，建議冇貨慨投資者毋須心急入場，暫時可先觀望。 |
|
| 王良享 |
2024-12-05T15:17 |
特朗普交易(Trump Trade)係特朗普未當選前已偷步喪炒，其中，美股係10月初起步，之後一直升唔停，值得留意係，金價係特朗普當選前後冇太大變動，過去3個月，黃金期貨價格只係升左約6%，同其他資產比較如比特幣(Bitcoin)等，表現差天共地。特朗普勝選，加上共和黨全面控制參眾兩院，大大減低內部不穩定性，黃價未來值唔值得睇好？ 臻享顧問董事總經理王良享估計，美國不明朗因素係特朗普未來4年任期將會減少，但佢較有自己慨主張，所以議會慨意見同佢慨施政未必有太大關係。 去美元化方面，Tommy話，自俄烏戰事後，市場尋求更好慨資產儲備，令黃金有更大吸引力，過往利率上升時，金價就會跌，但近幾年呢個情況出現轉變，加上美國服務性通脹應該已見頂，息口又未有反彈空間，黃金仍然係唔少投資者會考慮慨儲備資產，加上地緣政治因素一直存在，風險持續高企，因此，黃金仍有佢慨吸引力。 |
|
| 羅尚沛 |
2024-12-04T22:41 |
中聯重科(01157)展開新一輪回購行動，周三回購85.78萬股，涉資455.7萬元。 銀河證券業務發展董事羅尚沛表示，中聯重科上一輪回購於2023年2-3月，隨後公布的2023年季度業績有改善，但並不代表今輪回購，亦暗示公司明年業績重拾強勁增長動力。 |
|
| 林嘉麒 |
2024-12-04T16:48 |
摩根大通今日(4日)出報告，比較A股及港股慨公用股，該行指出，由於內地公用股息率較高，加上預期內地息口明年持續低企，所以較睇好內地公用股明年第1季表現。若人民銀行持續減息，高息公用股係咪可以睇高一線？ 元宇證券基金投資總監林嘉麒指，股票息率回報及內地基準利率只要夠闊，就會有資金關注，尤其內地息口正處於歷史偏低水平，對比擺錢係銀行，大部分投資者都傾向投資公用股，尤其內地公用股回報較高。不過，依家投資市場多左唔同選擇，例如境外投資，所以內地公用股未必係唯一慨「資金避難所」。 KK又提醒，要留意內地公用股負債比率一般較高，限制左機構投資者慨關注度，雖然估值較貴，但勝在息率較吸引。 |
|
| 莊志雄 |
2024-12-04T15:39 |
自特朗普(Donald Trump)勝出美國總統大選後，美股上升速度似乎加快，佢主張慨「美國優先」及減稅措施，預期可惠及小型企業，特朗普慨政策對美股以至其他股市有咩影響？ 「股市漁夫」創辦人莊志雄表示，係特朗普當選後，美股整體表現結構出現轉變，過往帶動大市慨功臣「科技7雄」(Magnificent 7)，係呢段時間慨表現反而較為失色，而特朗普當選至今，表現最好係標普600小型股指數，其次係標普400中型股指數。不過，自12月開始，納指綜合指數及納指100指數都開始追緊上黎，整體黎講，小型股表現好過大型股，希望科技股係12月可以接力，延續美股慨升勢。 Lewis又話，特朗普當選後，對新興市場影響較大，港股跌勢亦加劇，因為市場始終憂慮關稅問題，以及對華政策可能「偏鷹」，加上市場之前期望中央再推出大規模刺激經濟措施，但最終失望而回。 |
|
| 彭偉新 |
2024-12-04T15:00 |
截至早上11時止，1小時內《彭博》用戶搜尋量最多港股，依次為中國神華(01088)、中國石油股份(00857)、康方生物(09926)、建設銀行(00939)、中國海洋石油(00883)。 雖然神華過去數月冇乜鑊氣，但股價只係自高位回調約12%，煤炭股今日(4日)普遍有得升，其中，神華一度升逾4%。有分析指，「煤炭長協政策」將於明年落地，加上寒冬將至，都有機會推高煤價，神華前景係咪都值徥睇好？ 資深證券分析師彭偉新指，神華同其他煤炭股唔同，因為公司有齊上中下游業務，只要成本控制得好，盈利一定有改善，加上神華慨煤炭基建、鐵路等有助控制整體營運成本，而下游發電部分只要電力需求增加，神華全條產業鏈都會賺到錢。 Castor又話，就算電力需求下降導致煤炭需求較小，但神華股息率足以維持整體吸引力，又話股價短期要上返36元唔難。 |
|
| 盧志威 |
2024-12-04T11:27 |
南韓總統尹錫悅昨晚(3日)突然宣布「戒嚴」，但國會迅速通過解除戒嚴令，其後尹錫悅亦正式宣布撤戒嚴令，結束僅持續逾6個鐘慨戒嚴事件，市場解讀為政黨爭拗，南韓股市今朝(4日)如常開市，首爾KOSPI指數今早低開約2%，今次事件對金融市場有咩影響？點睇高盛話依家係買韓股慨機會？ 潤淼資產管理董事盧志威指，今次戒嚴事件由開始到結束只係幾個鐘，令韓圜出現輕微震盪，但金融市場慨震盪已經完結，因為市場已經預左國會一定會「做野」，例如啟動彈劾總統程序，所以對金融市場影響唔大，短期內回穩完全冇問題，但股市要回升就有難度。 William續指，南韓政局一向複雜，今次突襲式戒嚴，短期黎講一定係負面，但由於國會反應迅速，令政局好快回復穩定，加強投資者對南韓股市慨信心，亦會對當地慨穩定性加分，中長線係一個買入機會。佢認為可以考慮買入龍頭股，例如三星電子(Samsung Electronics)呢類半導體股會較穩陣。 |
|
| 郭家耀 |
2024-12-04T10:04 |
港灣家族辦公室業務發展總監郭家耀推介名創優品(09896) 推介原因： -業績表現理想 -知識產權(IP)戰略受市場認同 建議買入價：45.0元 目標價：52.0元 止蝕價：40. |
|
| 趙晞文 |
2024-12-03T18:03 |
美國政府限制晶片技術對華出口慨措施不斷「加辣」，值得留意係，美國總統拜登(Joe Biden)慨任期仲有唔夠兩個月就完結，特朗普(Donald Trump)就會係1月上台，未來對華晶片技術出口會唔會有更多限制？ 信達國際研究部董事趙晞文指，唔排除特朗普上任後再「加辣」，因為佢係上個任期都係唔同層面多次出手，例如關稅都分左幾次推出，加上今次係佢最後一個任期，所以市場認為佢針對貿易、半導體、生物科技等領域慨政策，出台慨密度及強度應該會比以前高，制裁力度會比拜登政府更大。 至於點解外圍慨半導體股有得升，趙晞文話，首先係受人工智能(AI)領域帶動，令上游產業鏈上季業績及未來指引都唔錯，另一方面，唔少晶片商開始係美國設廠，以減少受關稅慨影響，反映廠商對未來貿易慨爭端開始做部署，所以唔會對股價有太大衝擊。 |
|
| 盧楚仁 |
2024-12-03T17:48 |
金價今日(3日)係每盎司2645美元徘徊，未來要留意美國周五(6日)出爐慨非農新增職位，因為有機會影響美國聯儲局今個月慨議息會議決定，強美元對金價有咩影響？金價後市又會點走？ 獨立外匯商品分析師盧楚仁指，美國加關稅會利好美元，令美元維持強勢，但金價就好難向上。雖然最新有聯儲局官員暗示今個月會議可能會宣布減息，但最終減唔減始終要睇周五慨非農就業數據，同埋下周三(11日)公布慨消費物價指數(CPI)，如果兩個數據都理想，佢估計，聯儲局今個月未必會減息。 技術走勢方面，Jasper話，金價昨日(2日)跌穿10天線，反彈後仍受制於10天線，金價今日見頂回落，短線可以先睇2605美元呢個支持位。 |
|
| 李偉傑 |
2024-12-03T17:33 |
香港寬頻(01310)昨日(2日)披露中國移動(00941)提出全面收購要約詳情後，再出通告話HGC股東，私募股權公司I Squared Capital亦有意收購公司，出價仲略高過中移動。中移動仲特別加入一項條款，指可以因應特殊情況加價，依家多左I Squared呢個對手，中移動加價慨機會係咪好大？投資者應唔應該博競購慨公司加價，現階段追入香港寬頻？ 華盛證券財富管理部董事李偉傑指，中移動每年收益逾千億元，今次收購香港寬頻要動用慨資金，對集團黎講只係一個好細慨數目，所以加價對中移動黎講唔係太大問題，不過，如果出價過高，可能會畀股東質疑買貴貨。佢又指，中移動仍有一定加價空間，因為I Squared慨定價仍然係未知數，未來仍有變數。 Jason又話，香港寬頻股價上次調整，落到10天線再回升，依家10天線係4.6元水平，佢提醒，時間一長，不確定性就會增加，建議投資者可以等股價調整後再吸納。 |
|
| 譚智樂 |
2024-12-03T15:47 |
截至早上11時止，1小時內《彭博》用戶搜尋量最多港股，依次為中國中藥(00570)、藥明生物(02269)、美團(03690)、世茂集團(00813)及中國移動(00941)。 美團上周出左第3季業績，經調整溢利好過預期，新業務虧損又大減，不過，股價係放榜後持續向下，今日(3日)一度跌4%，低見160.7元，美團股價未來會點走？下一個催化劑幾時會出現？ 富途證券首席分析師譚智樂指，美團收入、盈利呢些大數好過市場預期，雖然利潤率比預期跌得多，但主要受季節性因素影響，其實係依家經濟環境低迷下，美團仍交到一份唔錯慨業績，反映管理層執行能力仍然好強。不過，若經濟持續疲弱，市況冇太大起色，加上估值偏高，難免對股價造成壓力。 不過，Arnold認為，美團屬於高Beta股份，所以短期唔適宜睇得太淡，投資者可以係波幅區間150元至170元炒上落。 |
|
| 黃偉豪 |
2024-12-03T13:13 |
美國公布新一輪限制向中國出口半導體慨措施，市傳擬向中芯國際(00981)實施額外制裁，不過，中芯股價昨日(2日)不跌反升，今日(3日)輕微高開後，一度跌3%，低見25.6元，跌幅唔算太大係咪因為制裁力度唔算大？依家開好倉還是淡倉比較合適？ 胤源世創家族辦公室(香港)第一副總裁黃偉豪指，中芯股價呢幾日冇太大反應，主要係市場預期左美國會係晶片方面對中國作出進一步限制，所以對股價衝擊唔會太大。此外，美國實施制裁後，間接令內地加大自主研發及加快國產化進程，所以有投資者借勢炒作呢類股份。 Ravi又話，近期市場都有炒作呢類股份慨趨勢，認為可以博中芯短期好倉，股價方面，可以等股價突破20天線，即26.5元水平入場，目標價28元。 |
|
| 陳偉聰 |
2024-12-03T12:00 |
中央經濟工作會議將於月中舉行，市場等緊會唔會有措施出台，若中經會都令市場失望，港股後市係咪更難樂觀？ 東亞銀行高級投資策略師陳偉聰指，炒內地政策對A股及港股有支持作用，市場一定對中經會有憧憬，一般黎講，中經會將會為明年經濟定調，以及提出發展方向等，不過，明年經濟增長目標、財政政策、發特別國債等，就要等明年3月慨「兩會」先會公布，所以投資者唔需要對中經會有太大期望。 Jason又話，中央係9月底出「組合拳」救經濟，主要係當時市場氣氛悲觀，依家恆生指數企穩19000點水平，上證綜合指數亦持續係3300點水平上落，所以中央冇再出招慨迫切性。佢估計，短線港股將會再向下調整，直至中經會或「兩會」釋出積極訊號，所以可能要等到明年3月有實質政策出台，到時港股先有機會出現明顯升勢。 |
|
| 梁偉民 |
2024-12-03T11:40 |
美國再公布新一輪對華出口半導體「加辣」措施，包括限制向中國出口用於人工智能(AI)訓練等高端應用高頻寬記憶體晶片，並將136家中國實體加入「出口管制實體清單」，外圍芯片股昨晚(2日)向好，其中，英偉達(Nvidia)微升，台積電(TSMC)預託證券升5%，而ASML升近1%，公司話正在評估影響，但認為長遠半導體需求唔會受到影響，係美國禁制措施下，長遠環球半導體產業真係唔會受到影響？ 高富金融集團投資總監梁偉民指，制裁行動對半導體需求會受到一定影響，尤其係短期慨晶片需求，因為對全國慨晶片公司黎講，中國係一個好大慨市場，美國禁制措施會限制對中國出口，對晶片公司慨生意會有影響，不過，對半導體公司短期業績慨影響唔會太明顯，因為禁制措施已經唔係新鮮事。 Wyman又話，重磅慨半導體公司，例如Nvidia、台積電等未來幾季慨業績，係大中華慨生意會有下跌，因為公司會主動減少向中國出口，以避免觸犯禁令。 |
|
| 黃敏碩 |
2024-12-03T10:24 |
王道資本及家族資產管理執行董事黃敏碩推介比亞迪電子(00285) 推介原因： -業務涵蓋智能手機、新能源車、儲能和物聯網(IoT)等 -近期擬與英偉達(Nvidia)合作開闢人工智能(AI)服務器新賽道。 |
|
| 阮子曦 |
2024-12-02T22:48 |
香港寬頻(01310)獲中國移動(00941)提出有條件現金要約，每股要約價5.23元，同一時間，I Squared亦表明有意提出要約。 華富建業證券投資策略聯席總監阮子曦表示，雖然有消息指，I Squared的潛在出價達每股6元，但建議香港寬頻小股東以5.23元為初步目標，因為I Squared去年曾表示有意提出要約，不過最後不了了之。 |
|
| 聶振邦 |
2024-12-02T17:48 |
名創優品(09896)第3季收入及經調整純利都差過預期，中金公司認為同集團海外直營市場擴張費增加有關，不過，名創股價今日(2日)一度勁升19%，高見46.2元，係咪因為市場滿意海外收入及開店步伐？目前，進口美國玩具要徵收約7%關稅，高盛引述管理層指，會力爭30%美國銷售來自非內地供應商，股價幾時會反映關稅影響？ 博威環球證券金融首席分析師聶振邦指，內地經濟前景仍需時觀察，反觀美國經濟偏強，名創優品係美國有較多戰略布局，股價今日大升主因係市場對集團前景樂觀，除左收入有提升空間，毛利率亦有得升，對公司賺錢能力好有信心，加上海外門店增長快，證明管理層對海外布局前景樂觀，從而加快擴充步伐。 佢又話，管理層指會盡量係海外進行採購，包括東南亞、日本、南韓，希望取代內地供應鏈，預期會覆蓋50%美國產品，令關稅慨影響減少一半，而股價現時仍未受關稅問題影響。 聶Sir又話，「谷子經濟」係未來1、2年亮點，Z世代消費力非常強，有利名創股價表現，股價歷史高位近60元，現時逐步睇50元至55元，明年有望突破60元兼創新高。 |
|
| 梁傑文 |
2024-12-02T16:42 |
內地美妝集團毛戈平(01318)今日(2日)開始招股，入場費約3010元，集團今次上市集資最多21億元。公司去年收入按年增長58%，純利更按年大增近90%，毛利率高達85%，業績都算靚仔，係咪都抽得過？ 《香港股票財技密碼》作者梁傑文指，係投資者角度黎睇，毛戈平業績的確非常吸引，去年收入及純利都有高雙位數增長，而今年上半年收入及純利都增長40%，牌面上係吸引，亦解釋到點解今次上市估值唔算平，市盈率(PE)達20倍，集資20億元，係淡市下，呢個集資額算比較進取。 Mike又指，投資者睇完業績後，可能會有些擔心，因為化妝品毛利率高達85%，由於產品成本低，對追求品質慨用家黎講，可能會對品牌有質疑。值得留意係，毛戈平多次申請係A股上市都唔批，今次轉戰香港首次公開招股(IPO)，Mike擔心公司冇披露到某些負面風險。 |
|
| 李浩然 |
2024-12-02T10:35 |
市場總是容易迷戀於短期熱點，但很少有人注意到IonQ和Rocket Lab是如何從「冷門」變成「必買」的。這兩家企業的崛起說明了市場情緒與企業基本面之間的巨大落差。當大多數投資者忙於追逐人工智能（AI）的熱潮時，這兩家公司卻默默鋪好了通往未來的跑道。如今，隨著「害怕錯過」（FOMO）的情緒迅速擴散，資金如洪水般湧入，而那些早已重倉的投資者，無疑正在享受這場狂歡。 IonQ：量子計算的「量子躍遷」 量子計算曾經看似遙遠，如科幻小說中的未來情節，但IonQ正讓這項技術逐漸成為現實。作為全球首家專注量子計算的上市公司，IonQ的商業模式不僅具備前瞻性，更直接切入了一場運算方式的革命。量子計算與傳統計算的差異，不只是速度的提升，而是完全不同的問題解決方式。傳統超級計算機需要上千年才能解決的複雜問題，IonQ 的量子系統可以在幾秒內完成，這種能力不禁讓人懷疑它是否存在「作弊秘訣」。 更重要的是，IonQ已經獲得了市場的實際驗證。最近公司贏得了價值6,400萬美元的合同，其中包括美國空軍研究實驗室的5,500萬美元大單，這表明量子技術不再停留於實驗室，而是開始應用於關鍵領域。未來，量子計算的潛在市場規模預計將達到8,500億美元，而IonQ不僅有能力在這個市場中分一杯羹，還可能成為領導者。 IonQ的技術獲得了科技巨頭的認可，與Amazon AWS、Microsoft Azure和Google Cloud的合作，讓其技術得以融入全球最強大的雲端基礎設施中。隨著人工智能帶來的數據需求呈指數級增長，量子計算憑藉其能源效率和解決複雜問題的能力，成為不可忽視的關鍵技術。 此外，IonQ最近收購了Qubitekk，進軍量子網絡領域，而這一領域直接關係到國家基礎設施的安全性。無論是保護電網還是其他關鍵基礎設施，IonQ的技術正逐漸成為國家安全的核心資產。這一進展不僅讓IonQ成為科技前沿的象徵，也可能令其在國防領域扮演關鍵角色。 總的來看，IonQ的故事是從「科幻」走向「國防」的典範，而它的市值可能還遠未反映其真正的潛力。 Rocket Lab：從太空快遞到國防支柱 在太空經濟的競爭中，SpaceX無疑是最亮眼的明星，但Rocket Lab正在悄悄建立自己的優勢。這家以小型火箭發射起家的公司，已經完成了超過 50 次成功發射，部署了近 200顆衛星。然而，Rocket Lab的真正野心遠不止於此。 未來的太空經濟需要的不僅是火箭，還有完整的物流解決方案，而這正是Rocket Lab的戰略核心。它希望成為「太空物流」的代名詞，提供從衛星製造到在軌服務的一站式解決方案。這種垂直整合的模式，不僅提升了Rocket Lab的商業競爭力，也為其建立了堅實的護城河。 值得注意的是，Rocket Lab已經開始向國防領域大舉進軍。公司目前手握價值5.15億美元的美國太空發展局（SDA）合同，負責建設安全衛星星座，這表明它在國防體系中的地位日益提升。同時，Rocket Lab的Neutron火箭正準備進軍中型運力市場，這個領域目前被SpaceX所忽視，但對於衛星星座部署和國防需求來說至關重要。 Rocket Lab的戰略不僅局限於國防領域，還包括探索太空物流的商業潛力。隨著太空經濟規模預計在未來達到1萬億美元，Rocket Lab無疑已經為自己贏得了一個重要的位置。 市場情緒與現實的斷層 過去，IonQ和Rocket Lab被市場視為「不切實際的幻想」，投資者更是對它們的短期盈利能力嗤之以鼻。但隨著人工智慧的崛起和全球防禦重點的轉移，這兩家公司正站在量子計算和太空經濟的交匯點上。市場終於意識到，這些「冷門股」的價值所在不是短期的財務業績，而是它們在未來戰略格局中的不可或缺性。 這種轉變無疑讓早期投資者獲得了巨大的回報，而那些現在才開始關注的投資者，恐怕只能加入FOMO的行列。對於市場而言，這是一個經典的教訓：當大多數人忙於追逐熱點時，真正的機會可能早已悄然出現。 結語：未來的基石？ IonQ和Rocket Lab的故事告訴投資者，真正的價值創造來自於對長期趨勢的準確判斷，而非盲目追逐短期熱點。量子計算和太空經濟不再是遙遠的夢想，而是即將重塑國防、商業乃至全球經濟的現實。對於那些仍猶豫不決的投資者，或許需要記住這句話：當市場終於醒悟時，真正的機會往往已經被別人佔據。 |
|
| 姚浩然 |
2024-12-02T10:26 |
亨達財富管理董事總經理姚浩然推介同程旅行(00780) 推介原因： -受惠內地旅客活躍 -首3季盈利增長超過50% 建議買入價：18.7元 目標價：22.0元 止蝕價：17. |
|
| 郭思治 |
2024-12-02T10:16 |
大市已開始踏進12月份之上旬 ，而經過周來之一輪反覆後，恆指雖曾稍輕越10天線（約在19,440點左近），但在交投偏疏下，暫仍持續反覆於20天線（約在19,858點左近）及50天線（約在20,252點左近）等二組平均移動線之下，單從走勢上看，大市目前仍身陷反覆欲試底之弱態中，而所指的底，首個該為11月26日之低位19,054點，但一旦此防線有失，則另一個技術防守將退守至100天線（約在18,832點左近），論形勢當頗不利12月上旬大市之發展。 嚴格而言，大市如欲擺脫反覆續試底之弱態，首要之條件是恆指必需先成功重越10天線並穩守其上，當然，大市如欲作進一步之推升，成交金額必需再見暢旺，以目前大市之交投來看，在動力不配之下，即使大市能偶作回升，但該仍衹屬有波幅而冇升幅，有反彈而冇大升之技術性後抽而已，因動力如不相配，大市之升勢定必受規限。 拉闊一點看，大市自10月7日高位23,241點開始之回落，初期該屬中期大幅急升後之技術性調整，但從月來大市之走勢看，大市技術上似已漸呈浪低於浪之弱態，從走勢上看，恆指自10月7日高位23,241點開始之回調，其後止步於10月17日之低位19,977點，即恆指共回調3,264點，而由10月17日低位19,977點開始之反彈，其後止步於11月8日之高位21,355點，即大市衹是反彈1,378點，而由11月8日高位21,355點開始之回落，至11月26日低位19,054點止計，恆指共回調2,301點，單從上述資料看 ，大市已初呈浪低於浪之弱態。 再拉闊一點看，今年大市屬先低而後高，恆指是由1月22日之低位14,794點升至10月7日之高位23,241點，即年內恆指之升幅是8,447點，以8,447點之波幅計，該已可滿足年內之所需，故在今年底之前，即使大市能偶見回升，但該不會出現破頂之情況，而目前較值得關注的是明年大市會如何，由於中港兩地之經濟仍不明，加上市場擔心美國會有更多制裁中國的行動，故投資市場定必趨向較審慎，在買盤保守之下，當難抱太多上望憧憬。 |
|
| 黃麗幗 |
2024-12-02T09:05 |
特朗普順利勝出美國大選後，全球資金開始湧入美國資產，作為最強的支持者Elon Musk旗下的Tesla單日飆升15%，加密貨幣亦受到追捧，比特幣再創歷史新高，升穿9.4萬美元水平。特朗普正式上場後，又會帶來甚麼變化，如日本市場還值得投資嗎？ 憧憬特朗普上任再刺激美股 市場早已有不少分析哪些是特朗普當選後利好的股票，如金融及科技將成為減稅政策的受惠者，相反零售消費板塊將受加徵關稅影響，相信不少投資者均有斬獲。回顧特朗普上次任期，首年的股市回報率大約是歷任總統同期股市平均回報率的三倍，標準普爾500指數上漲了近兩成，以往平均漲幅為5.7%。 不過近期有大行預測股市將面臨壓力，其中原因是美國10年期國債息率在高位徘徊。聯儲局主席鮑威爾表示不太可能容忍通脹較預期進一步上升，否則可能會結束降息周期。目前關注的是核心PCE 年增率2.7%高於預期，FOMC預計目前高企的服務價格通脹將於2025年1月前減弱，另外還有兩個通脹數據及一個就業數據發布，將成為12月會否再次降息的指標。 市場關注關稅政策影響 今次特朗普重返白宮，特別是對北美自由貿易協定（NAFTA）的做法，將受到關注。日本企業對特朗普的保護主義貿易立場感到擔憂，因美國或將對從日本進口的商品徵收新的關稅。日本企業（如半導體製造設備的製造商）也可能面臨與中國的貿易關係的壓力。市場關注特朗普上任首120日，會否發布行政命令影響出口業。 雖然特朗普主張的減稅措施，或增加美國消費，理論上也會提升對從日本進口商品的需求，惟激進的關稅政策，及鼓勵消費者購買美國本土製造的產品，將不利於日本的出口行業。 日元貶值續支持股市 早前日本眾議院選舉的意外結果，引發政治不確定性，投資者的避險情緒升溫，不過股市仍受到日元對美元貶值的支持，特別預期出口商的強勁收益。在聯儲局主席鮑威爾的言論支持下，市場對美國經濟整體健康發展的信心上升，加上降低了美聯儲減息的預期，及日本首相石破茂對保留加息的取態，這些因素將繼續對日本股市帶來支持。 |
|
| 趙晞文 |
2024-11-29T22:43 |
美團(03690)第三季收入升22.4％，經調整盈利升1.2倍，勝預期。 信達國際研究部主管趙晞文相信，美團第四季業務表現，可延續第三季的增長趨勢，至於股價表現，除了自身基本因素，亦要視乎整體視況，估計年底前，恆指於二萬點會有阻力，而美團最高亦只可挑戰200元。 |
|
| 姚浩然 |
2024-11-29T17:56 |
名創優品(09896)9月底突然宣布收購永輝超市近30%股權，拖累股價當日急瀉30%。不過，永輝最近部分分店做「關店調改」，更自稱「首家學習胖東來模式」，市場反應又唔錯，又計劃明年將調改店增至逾百家，甚至預期同名創係知識產權(IP)方面有合作，係咪可以憧憬永輝未來可以為名創帶黎巨額收入貢獻？ 亨達財富管理董事總經理姚浩然指，市場當初關注名創入主永輝，會唔會令永輝出現變革，現時永輝開始學習胖東來慨商業模式，例如透過調改店黎抗衡沃爾瑪(Walmart)及山姆超市。 Patrick又話，單純換左母公司對永輝冇乜作用，而係需要實質改革。佢認為，推出調改店後，依家永輝慨顧客體驗，以至其他方面都令人滿意，加上現時有唔少外企進駐內地，開始積極轉型係突圍慨第一步。 |
|
| 梁偉源 |
2024-11-29T16:06 |
截至早上11時止 ，過去1小時內《彭博》用戶搜尋量最多港股，依次為新世界發展(00017)、ESR(01821)、康方生物(09926)、萬科企業(02202)及美團(03690)。 新世界負債比率持續高企，市場十分關注集團債務問題，新世界下周將正式被剔出藍籌，雖然集團已「兩出兩入」，但係咪仍會加劇股份沽壓？還是市場對集團減債進度都樂觀，對新世界睇法會比之前正面？ 大華繼顯執行董事梁偉源指，新世界股價持續低迷，但市場基本上已消化左要繼續減債、踢出恆指成分股呢些負面因素，但出售啟德體育園消息，對股價及債務幫助唔大，因為僅涉及逾4億元，相對於公司慨債務，或出售新創建集團(00659)、前海大廈部分股權，講緊係近240億元，市場依家較關注新世界未來出售資產情況，希望可以拿返多些現金返黎還債。 Steven又話，另一方面亦要睇美國減息步伐，因為市場預期明年減息步伐可能較慢，不利高負債企業，佢估計，新世界剔出藍籌後，股價仍會持續低迷。不過，如果公司係出售資產方面有較理想進展，現價其實係偏低。 |
|
| 陳建良 |
2024-11-29T15:34 |
國家醫保局昨日(28日)首次就醫保藥品目錄調整舉行新聞發布會，並係會上公布2024年國家醫保藥品目錄調整情況及新版醫保目錄，醫保局指，會以「前所未有慨力度支持創新藥」，背後原因係咩？整體又對中國藥企有無幫助？ 勝利瑞柏基金管理合伙人暨投資總監陳建良指，內地首次舉行發布會係想表示國家會支持醫療板塊，令市民能夠買到新生物製藥。此外，醫保局亦容許新生物製藥適量加價。整體而言，國家希望令內地醫療水平上升，市民對未來慨憂慮減少，從而帶動消費上升。 KL續指，美國生物安全法案雖然禁止美國生物公司同中國企業合作，但歐洲一些福利較為完善慨國家，仍然需要靠中國生物製藥公司提供廉價藥物，因此，KL認為法案令美國藥廠成本提高，最終係損害緊美國，相反對內地其實係有利。 |
|
| 聶振邦 |
2024-11-29T12:04 |
內地黃金飾物零售商夢金園(02585)今日(29日)首日掛牌，公開招股超購近20倍，1手中籤率逾7%，上市定價12元，雖然國際配售唔足額，但基石投資者獲配1780萬股，佔國配逾50%，夢金園暗盤昨日(28日)一度大跌23%，之後拗腰倒升4.5%，今日首掛又睇唔睇好？ 博威環球證券金融首席分析師聶振邦指，只要超購逾15倍，就可以將公售比例由10%上調至30%，但如果現時新上市公司願意用下限價上市，公售比例未必需要回撥至上限30%，而夢金園就將公售比例提高至20%，國配則佔80%。 聶Sir續指，夢金園國配之中有約1000萬股不設禁售期，所以大戶有充足貨源護盤，暗盤昨日低開高走，似乎係有大戶護盤，不過由於涉及慨貨量唔多，所以股價走勢啟示性唔大，反而如果恆生指數可以重上19600點或以上，夢金園股價有機會上衝，暫時睇13.5至14元。 |
|
| 盧志明 |
2024-11-29T10:09 |
大唐資本投資策略部總監盧志明推介金風科技(02208) 推介原因： -完成日本北拓四倉風電項目機組吊裝工作，全球風電裝機增至38個國家 -新民風電產業製造基地項目已啟動，具備製造智能風電機組能力 -按中國會計準則。 |
|
| 羅明立 |
2024-11-28T18:00 |
南韓央行今日(28日)爆冷宣布減息0.25厘，值得留意係，減息唔係獲得一致通過，6名委員之中有2名反對，今次減息係咪可以視為對特朗普(Donald Trump)關稅政策慨預防性減息？ 亨達集團助理總經理羅明立指，今次爆冷減息，主要係南韓經濟持續惡化，不論家庭或企業慨債務壓力都好大，過往南韓央行好少連續兩次減息，反映今次係面對好大壓力，央行又下調明年經濟增長預測，反映當地經濟前景唔理想。 Patrick又話，由於美國盟友都避唔過關稅一劫，所以南韓要提前做好準備。 |
|
| 植耀輝 |
2024-11-28T17:43 |
順豐控股(06936)昨日(27日)首日掛牌，最終平收完場，今日(28日)上市第2日更一度失守招股價，集團今次係香港上市籌逾58億元，其中35%用黎提升及優化內地物流網絡及服務，內地業務收入暫時佔整體約85%，但收入佔比最大慨快遞業務，市佔率僅10%，加上有唔少大企業都有自家物流團隊，順豐未來增長空間係咪好有限？ 耀才證券研究部總監植耀輝指，內地快遞公司選擇多，行業競爭一直好大，過去幾年經常傳出打價格戰慨消息，即使經濟活躍令需求增加，但多出黎慨份額要好多公司一齊分，所以分到慨數量都好少，加上近年大企業都有自家物流團隊，所以內地市場發展空間真係唔大。 Stanley續指，其實內地唔少快遞公司都係靠平搶生意，但包裝質量冇保證，雖然順豐包裝質量好，可信度又高，但成本相對高，而廠商一般都會用成本低慨公司。佢又認為，內地快遞公司價格戰十分激烈，大家要鬥平，即使順豐今次上市集資慨錢，將集資所得慨錢只係用係某個環節，足唔足夠或成效都有保留。 |
|
| 李偉傑 |
2024-11-28T15:56 |
大家樂集團(00341) 今日(28日)中午派左成績表，半年少賺28%，收入就按年跌1.2%，毛利率亦跌至10.3%，雖然公司賺少左，但中期息維持15仙，公司財務狀況唔錯，依家手頭現金有逾10億元，7.3厘慨股息率頂唔頂得住股價？未來派息會唔會有變？ 華盛證券財富管理部董事李偉傑指，7.3厘股息率仲頂得住股價，如果綜合大家樂上季尾及今次中期業績，兩次業績加埋有逾7厘，而關鍵係黎緊慨末期息可唔可以去返0.42元水平，由於派息係同企業盈利掛鉤，所以今次中期息派到15仙已經係一個驚喜。 Jason續指，從收息角度看，大家樂都幾理想，但不確定性仍然好大，主要同毛利率有關，由於消費模式唔同左，北上消費等都會影響本港餐飲業慨業績及派息，大家樂毛利率最新跌至10.3%，唔排除未來進一步跌至10%或以下。 |
|
| 陳偉明 |
2024-11-28T14:31 |
人大救市方案失望、特朗普2.0及美國減息步伐或放慢這三大因素拖累下，港股於11月8日21,355見頂後連跌6日，並於前周五(15日)跌至低見19,332點。即使中證監發布A股市值管理指引帶動中港股市於上周一(18日)走高仍反彈乏力，恆指一如筆者預期在19,700點以上出現回吐壓力，並在上周五(11月22日)開始急插。 市場解釋，北韓核戰危機、台海局勢緊張，加上美國特朗普明年上台後大機會再加中國貨品關稅60%，可能是導致中港股市上周五(22日)急插的原因。然而，亞洲股市於上周五(18日)普遍向上，唯獨中港股市急插，筆者認為內地短期難有救市大招出台，加上人民幣匯價受壓才是主因。 本來特朗普更進取的關稅政策已經會推升通脹，拖慢聯儲局明年減息步伐，導致美元持續走強。美國上周四(21日)晚公布的首次申領失業救濟人數小於預期，反映美國經濟穩定增長，多位聯儲局官員暗示放緩減息的重要性，進一步帶動美元強勢。而歐元區11月服務業與製造業PMI數據遜預期，市場預期歐洲或加快減息步伐，歐元走弱又再進一步令到美匯於上周五(22日)向上衝破108關。美元強，非美貨幣大跌，人民幣匯價當然受累，中港股市反彈空間自然有限。 另一方面，在12月中的中央經濟工作會議及聯儲局議息會議之前屬政策真空期，市場應該最多只可憧憬利好消息，卻難有實質落實的利好消息出台。換句話說，中港股市短期可以借憧憬死貓彈，卻難以轉勢回升。再直接些講，投資者反而要小心中港股市短期彈完後再跌。 美國候任總統特朗普本周一(25日)晚突然出招，在社交平台Truth Social上發帖稱，將在明年1月20日上任首日，對加拿大和墨西哥徵收25%關稅，而對中國貨品只是加徵10%關稅，少過早前提到的60%。內地關稅風險少於預期，壞消息變好消息，加上美國新財長人選貝桑(Scott Bessent)傾向謹慎地推行「美國優先」政策，有利緩和關稅戰的風險，港股本周二(26日)於19,054點低位開始出現支持，並且在本周三(27日)再借憧憬12月中央經濟工作會議有額外刺激措施出台急彈逾近500點至19,660點高位。 在特朗普明年1月20日正式就職美國總統或內地實質出救市大招之前，筆者傾向中港股市是「反覆向下」格局，短期小心再一次重演救市方案失望，在反彈挾淡倉後再展跌勢。策略上，繼續逢高造淡，可考慮在恆指19,400點以上小注Long Put價外600點兩星期內到期的恆指每周期權。 |
|
| 許繹彬 |
2024-11-28T10:36 |
十一月快將過去，如用「難捱」來形容本月，相信投資者不會反對；事緣如單以點數計算，本月開局時由20,427點起步，但已曾暫低見19,150點，創下兩個月新低；即使上日(即27日)港股再次受惠上海指數在午後急促反彈至超越3,300點水平，帶動恆指升穿19,600點水平，但成交則不足1,400億，餘下的兩個交易日除非有爆炸性消息出台，否則本月相信難逃失守20,000點的命運。 港股在本月可謂全無走勢可言，用「陰陰落」來形容，成交更「一浪低過一浪」，投資者一定不會反對；本月除肯定令投資者從天堂折返人間外，部份曾在23,000點時仍表現積極進取的投資者，相信現階段難掩失落的情緒。究竟何時才能上岸？相信暫惟有寄望國內有實質及到肉的救市措施令港股重獲生氣。 本月另一全球焦點，相信是美國狂人特朗普再度入主白宮，狂人在未上任前而揚言在上任後會再次向多國徵收關稅，當中亦包括中國進口產品額外徵收10%關稅的措施。即使加幅低於較早前揚言的60%，但在其重施故技下，在港上市的相關出口股已作出調整，可見狂人的威力。 在個別股份方面，受惠油價持續下跌，航空股普遍做好，國泰航空更獲外資投行唱好，國航及南航走勢靠穩。市場消息滿天飛，有傳歐盟對中國就電動車關稅談判快達成協議，滿以為有利國內電動車版塊，但最終又被歐盟否認，加上有外資車企在年尾減價促銷，令國內汽車股的走勢變得含蓄。而一向被外間忽略的科技一員百度(9888)，指其旗下的「蘿蔔快跑」將會於香港營業，更指最快年底前進行首階段測試，令其股價對比其他的科技龍頭股還要穩固。 筆者認為，淡市中市場屢傳出不同的消息，令港股或個股呈舞高弄低的狀態，相信投資者已是習以為常，但由於港股始終欠缺成交，短炒為上相信一定是現階段的唯一上策；而港股和美股走勢一直背馳，相信亦已是不爭的事實；但本月再度出現榮辱互見現象，道指不斷創下收市新高，更一度直逼45,000點水平；納指更是直奔20,000點；但港股的走勢，20,000點也保不住，就連納指也差不多快要趕過。 港股每況愈下的原因，相信除因為國內股票市場在10月創下高位後未能承接，更出現持續不振的情況，因而令一直與其唇齒相依的港股舉步為艱外；人民幣匯率，沒有最低，只有更低，亦是其中一個令中港兩地股票市場致命的主要原因，離岸人民幣兌美元曾失守7.27關口，4個月以來最低，促使中港股市走勢嚴重受阻。 即使昨日港股突然在午後受惠國內股市反彈，但未有帶來可觀的成交下，暫只能視作適逢期指結算，而出現夾淡倉的情況；未來除非港股在成交帶動下，能升穿20天線(約19,963點)，否則難改上落市格局；若投資者仍對港股有憧憬，對恆指轉勢抱有期待，不妨留意港交所(00388)的走勢，但在成交未有增多下，仍建議只作短炒為上。 |
|
| 譚智樂 |
2024-11-28T10:04 |
富途證券首席分析師譚智樂推介海底撈(06862) 推介原因： -憧憬中央將會擴大財赤，刺激內需 -營運狀況已顯著改善。 |
|
| 羅尚沛 |
2024-11-27T22:51 |
粵海投資(00270)將於下月舉行董事會，考慮派發特別股息。 銀河證券業務發展董事羅尚沛表示，粵投擬派特別息，相信利好短期股價，但中長線看，公司業務難有顯著增長，而股價近年亦反覆向下，欠缺吸引力。 |
|
| 莊志雄 |
2024-11-27T15:57 |
近年不斷買入比特幣(Bitcoin)慨持倉大戶MicroStrategy(MSTR.US)，再度成為熱炒對象，觸發點係特朗普(Donald Trump)贏左美國總統大選，雖然之前畀沽空機構香櫞研究(Citron Research)狙擊，但股價今年升幅仲大過人工智能(AI)晶片股王英偉達(Nvidia)。 「股市漁夫」創辦人莊志雄指，特朗普當選後，MicroStrategy更成為市場焦點，Bitcoin再受關注呢個都係觸發點，而MSTR慨操作更加係火上加油。 MicroStrategy主席Michael Saylor基本上一直係單邊睇好Bitcoin，佢最新估計Bitcoin每粒可升至1300萬美元，如果升到呢個價世界應該民不聊生。 |
|
| 盧志威 |
2024-11-27T11:06 |
公開招股超額認購78倍，內地物流龍頭順豐控股(6936)今日(27日)上市，值得留意係暗盤價昨日(26日)高開後回軟，而順豐A股昨日收市就微升，H股招股價34.3元，較A股昨日收市價有逾20%折讓，如果H股今朝首掛表現對辦，抽到慨「幸運兒」係咪要止賺？ 潤淼資產管理董事盧志威指，順豐定價唔算高，問題係同華潤飲料(02460)及美的集團(00300)當日比較，依家市況係差左，所以表現好難直接比較，佢估計，順豐短期好難有突出慨表現，長線就留意公司有咩發展，始終都係龍頭企業，如果抽中，短線都有得賺，不如考慮食糊套現再買另一隻股份。 |
|
| 植耀輝 |
2024-11-27T10:49 |
耀才證券研究部總監植耀輝推介偉易達(00303) 推介原因： -感恩節假期銷售概念 -新收購的Gigaset上月表現見改善 -現價息率約9.5厘。 |
|
| 陳欣 |
2024-11-26T17:46 |
特朗普(Donald Trump)未贏美國總統大選前，已經話一旦佢重返白宮，一定會加中國貨關稅，佢最新宣布「找數」，兌現競選承諾，特朗普指，佢明年1月20日就任後，即向中國進口貨加10%關稅，但同競選時所講慨60%相差一大截，但已令人仔跌至4個月低位，一度失守7.27，呢10%額外關稅會唔會只係「前菜」？人仔未來又會點走？ 連連STAR FX總經理陳欣指，對美國向中國貨加60%關稅有保留，因為會令美國通脹惡化，但佢唔排除今次呢10%只係一個開始，若特朗普上任後再逐步加關稅，人仔將進一步受壓。 Chase估計，人仔係美元強勢下，有可能下試7.3至7.35水平，並好大機會呈橫行格局。 |
|
