| 評論員 |
時間 |
內容 |
標籤 |
| 彭偉新 |
2026-04-15T12:49 |
截至早上11時止，1小時內《彭博》搜尋量最多港股，依次為MINIMAX(稀宇科技)(00100)、騰訊控股(00700)、港鐵公司(00066)、智譜(02513)及紫金礦業(02899)。 人工智能(AI)半新股MINIMAX及智譜股價今日(15日)逆市向下，但都有些新消息，其中，MINIMAX Agent桌面端有兩項更新，智譜就斥資最多3.6億元收購北京物業，AI Agent功能愈來愈多，亦愈來愈人性化，是好是壞？ 資深證券分析師彭偉新指，睇返最新慨業務發展，MINIMAX Agent可以睇到Mon、操控Mouse做輸入工作，做到最新慨所謂AI Agent，呢部分可以話係AI發展最終方向，後期配合機械人達至更佳效果，無論美國或內地都希望向呢方面發展，如果可以做好AI Agent，再同其他公司合作開發具AI能力慨機械人，進程可以跨前一大步，對MINIMAX、智譜都有正面幫助。 股價方面，Castor認為，兩隻股份已升得太高，短時間內衝上1000元水平，令投資者開始有戒心，就算MINIMAX較強勢，但黎到呢個水平冇必要再高追，不妨等兩隻股份回調到一個合理水位再買貨。 |
|
| 彭偉新 |
2026-04-10T10:06 |
獨立股評人彭偉新推介康耐特光學(02276) 推介原因： -以樹脂光學鏡片為核心製造商，演變為兼具消費升級與科技屬性的光學平台 -去年多賺30%。 |
|
| 彭偉新 |
2026-04-08T12:41 |
截至早上11時止，1小時內《彭博》搜尋量最多港股，依次為創科實業(00669)、泡泡瑪特(09992)、友邦保險(01299)、長和(00001)及新鴻基地產(00016)。 創科股價今日(8日)高開9%後，升幅一度擴大至逾10%，高見115.9元，去年面對巨大關稅壓力，雖然收入及盈利僅增長4%至6%，但仍創新高，派息金額及比率仲有得升，創科近排冇乜消息，點解股價今日會夾高？ 資深證券分析師彭偉新指，電動工具一直有需求，就算經濟唔係咁好，銷售仍然強勁，相信業績都冇大問題，市場氣氛方面，非農數字遠勝預期，反映即使美國經濟表現唔好，但就業情況仍未去強差人意慨地步，所以電動機械類股份估值仍有機會上調。 Castor又話，創科股價係之前回得比較急，反彈力度因大市向好，所以會再強些，加上基本面唔係太差，同埋行業前景好轉，美軍亦冇再捲入阿富汗新戰爭，創科股價短線可企穩20天線樓上，反映市場都睇得比較樂觀。 |
|
| 彭偉新 |
2026-04-01T12:58 |
截至早上11時止，過去1小時內《彭博》用戶搜尋量最多港股，依次為智譜(02513)、優必選(09880)、比亞迪股份(01211)、稀宇科技(MINIMAX)(00100)及泡泡瑪特(09992)。 智譜昨日(31日)派左上市後首份成績表，經調整淨虧損進一步擴大至31.82億人仔，但少過預期，不過，智譜及MINIMAX等慨人工智能(AI)大模型相關股今日(1日)照升，係咪反映場仍睇好行業前景？ 資深證券分析師彭偉新表示，呢些股份之前食住「龍蝦熱潮」(OpenClaw)已經衝左一浸，睇返智譜業績，整體收益增幅遠勝預期，雖然短期仍可能要蝕錢，但隨著用家及應用場景多左，雖然業務發展成本高昂，又要不停投放資源搞AI大模型，但唔使擔心最終收唔收得返成本，因為整體收益增長高逾2倍。 Castor相信，未來會逐步見到智譜虧損收窄，甚至有可能係2028年首次有錢賺，呢些因素都推高股價。此外，「AI六小虎」其他成員未來應該會陸續黎香港上市，都有利股價短期繼續上衝。 |
|
| 彭偉新 |
2026-03-27T10:10 |
獨立股評人彭偉新推介寧德時代(03750) 推介原因： -全球動力電池及儲能電池出貨市佔率第一，龍頭地位穩固並具規模優勢 -上季毛利率升至約28%，公司產能利用率96.9%，電動車及儲電系統需求持續增長 -上季純利增速突出，升逾57%，經營性盈利強勁。 |
|
| 彭偉新 |
2026-03-25T12:37 |
截至早上11時止，1小時內《彭博》用戶搜尋量最多港股，依次為農夫山泉(09633)、海底撈 (06862)、泡泡瑪特(09992)、小米集團(01810)及老鋪黃金 (06181)。 內地餐飲股海底撈昨日(24日)出左業績，盈利倒退之餘，亦削減派息，依家海底撈共有1383間餐廳，而且持續擴張，但去年自營餐廳整體翻檯率下跌，點睇集團未來業務前景？ 資深證券分析師彭偉新認為，海底撈不斷擴張只係為左做靚銷售盤數，以減低市場對公司業績慨擔心，佢又話，餐廳翻檯率可以直接反映受顧客歡迎程度，現時海底撈跌至3.9次，反映市場都唔係太睇好，所以開新店慨做法只係「遮得一時，遮唔到一世」，而擴張只會增加營運成本及資本開支，加上依家內地餐飲發展趨勢係搞外賣經濟，海底撈現時慨營運模式只會拖累營運指標，長遠市場都唔會睇好。 股價方面，Castor就認為，業績後直接由去年整個升浪跌返落去，如果股價今日(25日)繼續向下，又上唔返14.5元水平或以上，有機會出現穿底形態。 |
|
| 彭偉新 |
2026-03-18T13:15 |
截至早上11時止，過去1小時內《彭博》用戶搜尋量最多港股，依次為香港交易所(00388)、思摩爾國際(06969)、建滔積層板(01888)、泡泡瑪特(09992)、MINIMAX(00100)。 有消息指，內地有意收緊紅籌來香港上市審查，帶來甚麼影響？ 資深證券分析師彭偉新指，本來內地非常鼓勵內地企業來港上市，但現在收緊框架，降低靈活度，令市場覺得內地支持態度轉變，部分公司可能要押後上市，或重新調整上市方案，市場擔心港交所的上市收益會大受影響，詳細要看實際上有多少公司因而未能在今年上市。 |
|
| 彭偉新 |
2026-03-13T10:18 |
獨立股評人彭偉新推介聯想集團(00992) 推介原因： -人工智能(AI)相關收入按年升72%，成重要增長引擎 -料今年個人電腦市場繼續復甦，ISG業務重組提升效率，有助盈利改善 -截至3月止，年度收入料增至796億美元。 |
|
| 彭偉新 |
2026-03-11T12:42 |
截至早上11時止，1小時內《彭博》搜尋量最多港股，依次為吉利汽車(00175)、騰訊控股(00700)、長飛光纖光纜(06869)、比亞迪股份(01211)及MINIMAX(00100)。 吉利預告旗下「銀河系列」新車M7將於周五(13日)亮相，吉利股價今日(11日)更一度抽升10%，高見17.69元，不過，參考之前車股每逢炒作新車，炒作時間都唔長，今次呢款新車似乎唔係好特別，點解股價反應咁大？ 資深證券分析師彭偉新指，車股破位一般有兩大因素，分別係出新車及交付量超預期，今次吉利出新車，加上業績憧憬，令市場重新關注呢隻股份。 Castor又話，睇返技術走勢，依家吉利已迫近保力加通道頂，會有一定阻力，但唔代表股價升勢已完結，出新車消息帶動股價反彈，加上有成交配合，令市場進一步睇好吉利，相信呢浸唔止升一兩日，甚至有機會扭轉之前慨回落形態，股價有機會轉勢。 |
|
| 彭偉新 |
2026-03-04T13:12 |
截至早上11時止，1小時內《彭博》搜尋量最多港股，依次為新世界發展(00017)、小米集團(01810)、ASMPT(00522)、創科實業(00669)及中遠海能(01138)。 中東戰事持續困擾大市，最新戰線係霍爾木茲海峽(Strait of Hormuz)爭奪戰，航運股連日大幅波動，中遠海能股價今日(4日)一度暴瀉34%，低見13.76元，點睇航運股後市？ 資深證券分析師彭偉新指，船隻一旦進入霍爾木茲海峽，好大機會受襲，即使買左保險，亦已經受保，如果最後船隻被破壞、沉船唔係淨係賠錢就算，更嚴重係流失定單，而造過1隻新船，由落單至完成交貨最少要3年時間。 Castor又話，貨船進入危險地區風險大，甚至影響公司未來幾年整體收入，依家進入波斯灣慨船隻唔多，有些已經「兜路行」，對運油、能源相關慨中遠海能敏感，相關股份亦更傾向保障自身資產安全而停泊，等情況好轉再啟航。 |
|
| 彭偉新 |
2026-02-04T13:07 |
截至早上11時止，1小時內《彭博》搜尋量最多港股，依次為騰訊控股(00700)、遠東宏信(03360)、金蝶國際(00268)、中國神華(01088)及美圖公司(01357)。 金蝶及美圖基本上已轉型為SaaS軟件股，外圍慨SaaS股如Salesforce、Adobe急跌，原因係人工智能(AI)初創公司Anthropic發布左1款主動式AI代理工具，可以自動執行合約審查及法律簡報等任務，令軟件股再受壓，Anthropic慨AI代理工具係咪真係會衝擊軟件股慨商業模式？ 資深證券分析師彭偉新指，對一般個人用家影響較大，對度身訂造慨高端用戶就冇乜影響，主要睇返公司提供慨服務，到底係針對專業用家，還是一般用戶，始終AI Agent只係可以寫簡單野慨一般性用具，要求更專業仍要交比有經驗人士撰寫。 Castor又話，依家軟件股進入波動期，每當有消息傳出，唔少投資者就會先行食糊離場，呢種憂慮好容易推低股價，若同一時間好多投資者離場，股價就會顯著受壓，相信最後要睇B端用戶會唔會留低。 |
|
| 彭偉新 |
2026-01-30T10:00 |
獨立股評人彭偉新推介工商銀行(01398) 推介原因： -非利息收入增長強勁。 |
|
| 彭偉新 |
2026-01-28T15:15 |
截至早上11時止，過去1小時內《彭博》用戶搜尋量最多港股，依次為蜜雪集團(02097)、鳴鳴很忙(01768)、中國鋁業(02600)、石藥集團(01093)及中國海洋石油(00883)。 今日(28日)瑞銀因為原材料成本上升、競爭加劇等原因唱淡蜜雪，令股價逆市大林，一度重挫逾11%，低見396元，呢波跌勢幾時先會完？今年3月3日就係集團上市滿1年慨大日子，而上市前投資者慨1年禁售期亦會屆滿，「解禁」對股價又有幾大影響？ 資深證券分析師彭偉新指，近期蜜雪股價進入橫行區，意味冇特別利好或利淡因素，但今日因為大行唱淡，導致股價急瀉，估計短期會係400元水平上落，未來有冇進一步下跌風險，就要睇禁售期屆滿後，有冇重大消息令投資者減持。 Castor又指，由於依家行業競爭激烈，加上成本上升都會拖累公司毛利率，如果股價持續下滑，投資者應盡快離場。 |
|
| 彭偉新 |
2026-01-21T13:02 |
截至早上11時止，1小時內《彭博》搜尋量最多港股，安踏體育(02020)、ASMPT(00522)、創維集團(00751)、泡泡瑪特(09992)及港鐵公司(00066)。 安踏2025年第4季主品牌FILA零售金額由升轉跌，大行高盛指，反映了市場競爭加劇、需求弱，及前景看法審慎，股價今日(21日)跌6%，更跑輸同業李寧(02331)，如何評估安踏後市走勢？ 資深證券分析師彭偉新指，安踏第4季零售金額雖然只是低單位數下跌，但下跌情況仍令市場憂慮，不過，實際是否太差要留意其後公司收購的外國品牌，會否有機會重新跑出。 Castor又話，現在整體經濟不太理想，多品牌能夠讓安踏分散風險，現在股價下跌，估值亦回到低水平，反而吸引投資者再入市，建議繼續留意後市有否機會企穩甚至反彈。 |
|
| 彭偉新 |
2026-01-16T10:37 |
獨立股評人彭偉新推介中國生物製藥(01177) 推介原因： -主要靠創新藥專利銷售，仿製藥批量生產 -積極推進新藥上市，料2026年推出約25款，2027年推出逾30款 -中國生物製藥行業處上升周期。 |
|
| 彭偉新 |
2026-01-14T13:17 |
截至早上11時的1小時內，《彭博》搜尋量最多港股依次為海底撈(06862)、快手(01024)、阿里健康(00241)、美團(03690)及恆生銀行(00011)。 快手表現突出，股價一度升近7%，高見83.9元，大行花旗提到可靈AI去年12月表現強勁，受惠快手推出可靈Video 2.6，包含「動作控制motion control」，可以製作有電影級運鏡效果的短片，股價反應不錯，是不是代表市場受落這個「平、靚、正」的新功能？ 資深證券分析師彭偉新指，無論是娛樂用途或顯示產品特性，可靈AI都能夠幫助用戶做出低成本、高質素的短視頻，有效縮短製作過程，工具一推出就好受市場歡迎。 Castor又話，在現有做視頻相關的人工智能(AI)工具中，可靈AI下載量名列前茅，現在進一步推出更新版本亦提升使用意欲，令付費用戶變多，加上協同效應，帶動商家用視頻做電子商務的業務，今次消息正面，市場受落。 |
|
| 彭偉新 |
2026-01-07T13:08 |
截至早上11時止，1小時內《彭博》搜尋量最多港股，依次為快手(01024)、聯想集團(00992)、小米集團(01810)、騰訊控股(00700)及比亞迪股份(01211)。 快手股價連升3個交易日後，今日(7日)回套，一度挫近4%，低見72.5元，市傳集團擬破天荒發境外債。此外，內地市監局及網信辦規範及管理直播營運，規定唔可以畀熟客唔公平慨交易收費條件，呢兩單消息對快手股價有咩影響？ 資深證券分析師彭偉新指，發債係正面消息，雖然正股會產生攤薄效應，利淡股價，但利息扣稅可以降低整體成本，所以發債計劃未必係快手股價今日慨跌因。 直播營運方面，Castor話，快手股價跌反映內地極度警惕「殺熟」行為，除左快手，直播、直銷平台相關股份都一齊跌，不過，「殺熟」唔係第一次提出，所以只會造成短期影響，令股價有回調壓力，但唔係令股價走勢逆轉慨主因。 |
|
| 彭偉新 |
2026-01-02T10:34 |
獨立股評人彭偉新推介三一重工(06031) 推介原因： -內地有顯著市場領導地位。 |
|
| 彭偉新 |
2025-12-31T12:43 |
截至早上11時止，過去1小時內《彭博》用戶搜尋量最多港股，依次為紫金礦業(02899)、比亞迪股份(01211)、泡泡瑪特(09992)、江西銅業股份(00358)及碧桂園(02007)。 紫金發盈喜，預期全年多賺60%，但今年分拆上市慨紫金黃金國際(02259)表現更好，估計全年多賺逾2倍，如果2026年要「二揀一」，應該揀邊隻？ 資深證券分析師彭偉新指，金價繼續升係未來慨大方向，一定會利好紫金系，但值得留意係，雖然紫金分拆紫金黃金後，手持慨紫金黃金比重細左，但公司其實冇真正沽貨，因此，當紫金黃金股價有得升，紫金估值仍可受惠。 Castor續指，明年銅價亦有上升空間，對紫金股價推動力更大，因此，投資者買入紫金黃金之餘，都不妨考慮埋紫金。 |
|
| 彭偉新 |
2025-12-19T10:28 |
獨立股評人彭偉新推介名創優品(09896) 推介原因： -自有IP和產品收入佔收25%，計劃5年內將自有IP銷售貢獻提高至50% -國內外市場都取得穩定增長，透過擴張門店、強化本土化策略，以提高品牌認同感 -第3季度收入增28%。 |
|
| 彭偉新 |
2025-12-17T14:42 |
截至早上11時止，1小時內《彭博》搜尋量最多港股，依次為HashKey(03887)、新秀麗(01910)、李寧(02331)、美團(03690)及地平線機器人(09660)。 本地持牌虛擬資產交易所HashKey Exchange母公司HashKey HLDGS今朝(17日)首掛，半日收市頂唔住招股價，近期新股市場氣氛明顯唔及之前熾熱，加密貨幣價格亦受壓，係呢個情況下，點評估HashKey走勢？ 資深證券分析師資深證券分析師彭偉新指，HashKey今日表現或多或少會嚇親市場，睇返公司業績，2022年至今一直要蝕錢，相信短期內都好難扭虧為盈，未來好大機會要集資，因為要投入資源，即使之後有錢賺，但又要繼續投放資金及資源，令派息遙遙無期。 至於估值可唔可以提升，Castor認為，要睇返行業變化，HashKey同投資實體資產慨公司唔同，風險難以估計，呢方面都會令股價持續受壓，加上比特幣(Bitcoin)價格跌穿80000美元，雖然依家企穩返，但同之前高位仍有一段距離，因此，估計HashKey股價未來好大機會「潛水」。 |
|
| 彭偉新 |
2025-12-10T12:43 |
截至早上11時止，1小時內《彭博》用戶關注度上升最多港股，依次為泡泡瑪特(09992)、麗新發展(00488)、長飛光纖光纜(06869)、港交所(00388)、建設銀行(00939)。 麗展昨晚(9日)宣布出售中環中國建設銀行大廈50%股權，作價34.98億元，較今年7月估價折讓近7%，將會跟買家京東集團(09618)係明年1月完成交易，麗展因而錄得2.61億元虧損，麗新國際(00191)就錄得2.69億元虧損，呢個消息對麗展股價有咩影響？ 資深證券分析師彭偉新指，呢單係正面消息，雖然帳面錄得虧損，但唔係現金流虧損，所以對集團實際現金流影響唔大，加上本港經濟好轉，市場認為樓市最壞情況已經過去，暫時仍要觀察住宅市場能可唔可以帶動商業房地產市場一齊改善，但市場預期整體樓市已開始復甦，因此，雖然麗展以折讓價賣建行大廈50%權益，但仍有助集團減債及增加未來現金流，為樓市復甦作好準備，所以預期消息會利好麗展股價。 |
|
| 彭偉新 |
2025-12-05T10:41 |
獨立股評人彭偉新推介攜程集團(09961) 推介原因： -隨著疫後恢復，市場需求逐漸回升，市場對出境旅遊需求預期將持續增長 -集團亮點是其超過50%的市場份額，並且在國際市場上持續擴張 -海外業務增長和業務效率的提升。 |
|
| 彭偉新 |
2025-12-04T12:59 |
截至早上11時止，1小時內《彭博》用戶關注度上升最多全球股票，依次為申洲國際(02313)、紫金礦業(02899)、新世界發展(00017)、小米集團(01810)及普拉達(01913)。 出口股申洲股價今日(4日)高開逾2%後，走勢突然逆轉，一度倒跌逾4%，低見67元，點解會出現呢個情況？ 資深證券分析師彭偉新指，申洲股價近期走勢反覆，情況更逐步增大，睇返技術走勢，上唔返11月高位之餘，14天RSI亦轉弱，走勢明顯出現疲態，因此，後市再大跌機會唔細。 Castor又話，相對於關稅，申洲業務表現更受經濟影響，股價今日受壓，會唔會集團有些利淡資訊仍未對外公布，未來要關注申洲最新消息，以評估股價走向。 |
|
| 彭偉新 |
2025-12-03T13:01 |
截至早上11時止，1小時內《彭博》用戶搜尋量最多港股，依次為萬科企業(02202)、建設銀行(00939)、美圖(01357)、歌禮製藥(01672)及創科實業(00669)。 萬科債務問題成為市場近期焦點，雖然萬科係民企，但有國企背景，大股東係深鐵集團，之前傳出可能唔再向萬科「輸血」，係咪反映中央救內房慨取態有變？ 資深證券分析師彭偉新認為，萬科債務困局好難解決，現時到期慨部分係內債，較大機會由較高級別慨內地組織或政府介入協調，安排債務展期，若最終仍搞唔掂就要考慮削債，相信要行呢一步只係時間問題。 Castor又認為，內債相對容易透過內部協調解決，但市場依家最擔心係深鐵慨取態，如果大股東都唔出手，市場或會擔心深鐵係咪都自身難保，涉及更深層次問題。 |
|
| 彭偉新 |
2025-11-28T12:44 |
截至早上11時止，1小時內《彭博》搜尋量最多港股，依次為泡泡瑪特(09992)、萬科企業(02202)、廣汽集團(02238)、美團(03690)及安踏體育(02020)。 內地工信部等6部委提出要谷內需，當中包括潮流文化領域，帶挈泡泡瑪特股價昨日收市升近7%後，今日(28日)一度再升5%，高見229.8元，雖然有大行下調目標價，但摩根士丹利估計，集團明年增長動力持續。 資深證券分析師彭偉新指，大摩睇法偏向正面，主要睇到內地推動潮流文化及IP呢個趨勢，令市場多左一個炒作藉口，雖然泡泡瑪特銷售增長強勁，但短線黎睇，銷售增速係慢左，如果二手回收價亦繼續收窄，未必可以維持強勁銷售增長，繼而打擊整體盈利。 Casper又話，睇返泡泡瑪特技術走勢，上到保力加通道頂部就開始升唔到，又指200元水平有支持，所以暫時唔使太擔心。 |
|
| 彭偉新 |
2025-11-26T14:45 |
截至早上11時止，過去1小時內《彭博》搜尋量最多港股，依次為美團(03690)、萬科企業(02202)、石藥集團(01093)、周大福(01929)及泡泡瑪特(09992)。 周大福昨日(25日)出左業績，收入及盈利大致持平，但股價今日急挫，一度大跌7.8%，低見14.05元，點解會出現呢個情況？ 資深證券分析師彭偉新指，周大福股價急挫主因同稅項改變有關，之前買金涉及慨稅款較簡單，但因為之前內地實施新黃金稅收政策，令市場擔心未來1年會對周大福有影響。 Castor認為，若在周大福出完業績後，短期冇新消息，股價可能會繼續回調，但相信係14元水平暫時會有支持。 |
|
| 彭偉新 |
2025-11-21T10:06 |
獨立股評人師彭偉新推介萬國數據(09698) 推介原因： -內地最大第3方高性能數據中心開發商與運營商，近年轉型人工智能(AI)高功率密度機櫃 -已成國內雲廠商與AI公司核心供應鏈，第3季扭虧為盈 -季度新增利用面積2.33萬平方米，利用率升至74.4%，新訂單中65%來自AI客戶 建議買入價：29.5元 目標價：短線睇32.5元。 |
|
| 彭偉新 |
2025-11-19T15:37 |
截至早上11時止，過去1小時內《彭博》用戶搜尋量最多港股，依次為小米集團(01810)、創科實業(00669)、中國石油股份(00857)、快手(01024)及泡泡瑪特(09992)。 小米昨日(18日)出左業績，股價今日(19日)一度挫6%，雖然經調整淨利潤創新高，電動車(EV)及人工智能(AI)等新業務更首次有錢賺，但券商指，小米資本開支高過預期，加上擔心記憶體成本上升會令手機毛利率受壓，點睇小米呢份業績？股價會跌到咩水平？ 資深證券分析師彭偉新認為，其實小米業績好過預期，汽車業務表現亦非常理想，但市場更關注未來1年會有咩因素影響業績，手機記憶體係其中1個因素，集團最新推出慨紅米手機亦因為咁定價貴左50%，開售第2日已經要減價谷銷情，所以小米手機業務係存在不確定性。另一個因素係小米汽車，之前已發生左兩宗致命意外，市場依家仍未確定同設計有關，還是純屬意外，令唔少人對小米汽車卻步。 Castor續指，小米股價會跌到咩水平。 |
|
| 彭偉新 |
2025-11-12T15:20 |
截至早上11時止，過去1小時內《彭博》用戶搜尋量最多港股，依次為小米集團(01810)、申洲國際(02313)、協鑫科技(03800)、京東健康(06618)及百濟神州(06160)。 之前因SU7汽車起火事故，股價展開跌浪慨小米，終於係40元關口搵到支持，股價今日(12日)高開約1%後，升幅一度擴大至逾3%，高見44.62元，小米似乎已見底回穩，投資者係咪可以買貨？ 資深證券分析師彭偉新指，近日小米股價跌至保力加通道底部，相對強弱指數(RSI)跌穿30水平後回升，反映市場對股價有正面睇法，但仍未足以令投資者入市。 Castor續指，因為紅米手機需要減價，加上之前慨SU7事故，令市場對公司未來銷售存疑，相信要等下周二(18日)出左第3季業績，同埋股價升穿20天線、保力加通道中軸，即45元水平，資金先至會重新入貨。 |
|
| 彭偉新 |
2025-11-05T12:38 |
截至早上11時止，1小時內《彭博》用戶搜尋量最多的港股，依次為新世界發展(00017)、港交所(00388)、康師傅控股(00322)、比亞迪股份(01211)及泡泡瑪特(09992)。 市場料港交所季績強勁，但績前跟隨大市向下，今日(5日)一度跌近3%，低見413.2元，港交所股價會否受第4季市況及成交開始轉弱所影響？ 資深證券分析師彭偉新指，現時港股處於高位，要再上升比較困難，短期大市會出現回調，但不會跌太多。港股歷史市盈率(PE)約13.5倍，距離上次見頂接近16.5倍PE仍然有水位，整體估值比以前高，但不貴，港交所有能力繼續造好。 Castor續指，市場預估港交所今年每股盈利達到13元，比去年有26%上升空間，預示港交所第4季業績增長可能會減慢，不過整體表現可以繼續支撐股價向上，建議投資者趁低吸納。 |
|
| 彭偉新 |
2025-10-24T10:10 |
獨立股評人彭偉新推介兗煤澳大利亞(03668) 推介原因： -短期內，隨著天氣因素緩解及運輸改善，煤炭銷量有望回升 -於澳洲擁有多個煤礦，除供應中國之外。 |
|
| 彭偉新 |
2025-10-22T16:00 |
截至早上11時止，過去1小時內《彭博》搜尋量最多港股，依次為泡泡瑪特(09992)，老鋪黃金(06181)，信達生物(01801)，紫金礦業(02899)及友邦保險(01299)。 泡泡瑪特股價昨日(21日)突然急瀉，收市重挫8%，集團係收市後出左第3季營運數據，表現十分靚仔，上季整體收益飆2.5倍，其中，美洲市場收益飆逾12倍，泡泡瑪特股價今日(22日)反彈，大升近8%，收復返昨日慨失地。展望第4季，係有多個大節日慨銷售旺季，股價今季係咪可以回勇？ 資深證券分析師彭偉新指，泡泡瑪特股價要繼續升取決於2大因素，首先要睇銷情，包括店舖顧客數量、購買量等，因為可以預示未來可唔可以維持強勁增長，雖然海外銷量標青，但係內地可能只有一線城市慨銷量理想。 其次要睇二手市場炒價，9月至今，泡泡瑪特產品炒價下跌，特別版產品回收價亦急跌，都會對公司股價有負面影響。不過，仍可寄望銷售旺季會利好股價。 Castor又提醒，面對炒味太濃慨股份，一定要留意「食糊」時機，以泡泡瑪特為例，若股價上返300元水平宜先獲利。 |
|
| 彭偉新 |
2025-10-15T13:11 |
截至早上11時止，1小時內《彭博》用戶搜尋量最多港股，依次為映恩生物(09606)、廣汽集團(02238)、老鋪黃金(06181)、泡泡瑪特(09992)及普拉達(01913)。 廣汽宣布同寧德時代(03750)及京東集團(09618)聯手推出「國民好車」，下個月就會發布，市場今日(15日)炒作呢個消息，刺激股價一度大升逾13%，高見3.57元，「國民好車」效應係咪可以繼續推高廣汽股價? 資深證券分析師彭偉新認為，除左舊車減價，推出新車一定會推高整體銷售，所以會令投資者有憧憬，但佢認為，廣汽等暫時未有公布「國民好車」售價及賣點，股價有少少炒過龍之嫌。 Castor又話，由於內地汽車市場出現放緩情況，當股價一窩蜂咁推上去時，會令更多投資者趁機食糊離場，未必真係睇好廣汽。 |
|
| 彭偉新 |
2025-10-10T10:36 |
獨立股評人彭偉新推介比亞迪電子(00285) 推介原因： -市場看好集團前景 -公司積極拓展海外市場 -人工智能(AI)伺服器市場需求強勁。 |
|
| 彭偉新 |
2025-09-26T10:13 |
獨立股評人彭偉新推介地平線機器人(09660) 推介原因： -拓展海外市場及於多家車企合作。 |
|
| 彭偉新 |
2025-09-17T13:07 |
截至早上11時止，1小時內《彭博》搜尋量最多港股，中芯國際(00981)、美團(03690)、哈爾濱電氣(01133)、兗礦能源(01171)及優必選(09880)。 瑞銀上調哈電目標價至18元，並將股份列入埋亞太區關鍵推薦名單，又大幅上調盈利預測，係咪瑞銀估計哈電有機會獲納入港股通？哈電股價持續破頂，今年以來已累升逾3倍，如果真係納入港股通，股價係咪有排升？ 資深證券分析師彭偉新指，雖然瑞銀慨報告可以為哈電股價注入新動力，但更重係基本因素大幅改善有關，由於內地經濟發展逐步回穩，加上數據中心發展令電力需求大增，預期市場未來對電力股或電力設備股如哈電，都會有正面慨預測。 Castor續指，哈電股價要升到瑞銀目標水平機會唔大，即使納入港股通亦唔足以將股價推到咁高，反而會有更多投資者選擇食糊，繼而限制左股價上升空間，哈電現時係一隻強勢股，但如果要上到更高水平，需要更多利好消息。 |
|
| 彭偉新 |
2025-08-29T10:23 |
獨立股評人彭偉新推介地平線機器人(09660) 推介原因： -即將推出新產品，特別是J6系列芯片HSD解決方案，將成為業務增長的重要驅動力 -近年虧損改善，預期到2027年開始錄盈利 -專注汽車及非汽車人工智能(AI)解決方案。 |
|
| 彭偉新 |
2025-08-27T13:19 |
截至早上11時止，過去1小時內《彭博》搜尋量最多港股，依次為商湯(00020)，華潤萬象生活(01209)，中國平安(02318)，農夫山泉(09633)及康方生物(09926)。 商湯股價近期強勢，集團業績亦有改善，由前年蝕逾60億元，收窄至去年蝕逾40億元，《彭博》最新預測商湯今年虧損最多收窄至逾20億元，半年則蝕逾10億元。點睇商湯前景？ 資深證券分析師彭偉新指，商湯虧損不斷收窄，意味公司成本控制能力及集資能力有改善，不過，商湯由虧蝕到可以達至收支平衡所需要慨時間，較公司最初提出慨時間長，其中一個主因係集團創始人湯曉鷗離世，令產品推出及模型更新推遲。 不過，跟人工智能(AI)相關慨行業唔可以用太長時間扭虧為盈，因為AI行業有壟斷問題，頭兩個最大營運商佔整體市場份額90%至95%，呢個絕對唔係好事，尤其今年2月DeepSeek爆紅後，對商湯構成好大挑戰，雖然公司努力扭虧，但現時整體挑戰及阻力卻愈來愈大，令扭虧時間進一步推遲。 Castor又話，商湯股價上升係因為內地支持與AI相關慨政策,令商湯升穿5月1.92元慨高位。 |
|
| 彭偉新 |
2025-08-20T13:05 |
截至早上11時止，1小時內《彭博》用戶搜尋量最多港股，依次為泡泡瑪特(POPMART)(09992)、舜宇光學科技(02382)、翰森製藥(03692)、小米集團(01810)及快手(01024)。 舜宇昨日(19日)收市後出左業績，中期多賺52%，雖然收入僅按年增長4%，但毛利率升至19.8%，股價今日(20日)一度抽升8%，高見81.6元。市傳iPhone 17係內地已進入量產階段，下個月開售，加上中美關稅暫緩期再延長90日，集團第3季業績係咪仍值得憧憬？ 資深證券分析師彭偉新指，蘋果公司(Apple Inc.)短期內將推出新iPhone，令整個手機設備板塊都有追捧，過去幾年舜宇不斷升級光學鏡頭，將會係未來收入進一步增長慨主因，加上汽車鏡頭需求上升，有助刺激股價，毛利率上升對估值有推動作用。 舜宇股價業績後大升，Castor估計，舜宇股價有條件進一步上試近期頂部，即82元水平。 |
|
| 彭偉新 |
2025-08-15T10:29 |
獨立股評人彭偉新推介ASMPT(00522) 推介原因： -人工智能(AI)數據中心及高效能運算(HPC)應用對高帶寬內存(HBM)及先進封裝技術需求激增 -電動車普及推高對半導體設備的需求。 |
|
| 彭偉新 |
2025-08-13T13:07 |
截至早上11時止，1小時內《彭博》搜尋量最多港股，依次為騰訊控股(00700)、銀河娛樂(00027)、五礦資源(01028)、舜宇光學科技(02382)及萬洲國際(00288)。 騰訊將會係今日(13日)收市後出業績，放榜前旗下慨騰訊音樂(01698)搶閘交左一份靚業績，唔少大行估計，騰訊即將出爐慨業績都會交到貨，騰訊股價今日都升得唔錯，後市係咪值得睇好？ 資深證券分析師彭偉新指，睇返市場對騰訊業績預測都幾積極進取，而帶動業務收益主要靠遊戲及廣告，估計達標冇難度，所以股價都偷步升左上去。 Castor又話，騰訊股價已突破555元呢個重要關口，業績後有機會上試600元，但要留意呢浸升勢升得幾急，觸及600元水平後未必企得穩，建議投資者吼位食糊離場。 |
|
| 彭偉新 |
2025-08-06T12:49 |
截至早上11點，過去1小時內《彭博》用戶搜尋量最多港股，國泰航空(00293)、比亞迪電子(00285)、騰訊控股(00700)、比亞迪股份(01211)及泡泡瑪特(09992)。 國泰航空今日(6日)公布業績，股價半日曾跌1%，低見11.88元。業績前據報公司將會買新飛機，係咪反映公司需要更多飛機以應對需求增長？但美國關稅不確定性似乎仍影響緊國泰貨運需求？ 資深證券分析師彭偉新指，國泰以往曾同其他公司聯營航班，以應對利潤較低或需求較低慨航班，但近期歐洲客運及貨運需求增加，加上整體客運需求恢復加快，都反映公司需要新飛機，所以依家係買新飛機慨合適時機，亦反映公司業績或會有睇頭，所以先會有足夠資金買新飛機。 貨運方面，Castor指，航空貨運通常以急件及高價值貨品為主，呢些產品對價格敏感度低，所以加關稅未必會令貨運需求大跌。雖然近日有數據顯示貨運需求麻麻，但佢認為，貨品只不過係一些重要日子，如對等關稅(Reciprocal Tariffs)「解放日」(Liberation Day)前提早運出，估計將來關稅影響明朗化後，對航空貨運需求反而係好事，並對未來貨運增長動力充滿信心。 |
|
| 彭偉新 |
2025-07-18T10:47 |
獨立股評人彭偉新推介嗶哩嗶哩(09626) 推介原因： -集團推出的人工智能(AI)技術應用，在廣告和內容推薦提高了效率，廣告商更精準地觸達目標用戶 -成功改善用戶體驗，推動廣告收入增長。 |
|
| 彭偉新 |
2025-07-16T12:53 |
截至早上11時止，過去1小時內《彭博》用戶搜尋量最多港股，依次為萬科企業(02202)、泡泡瑪特(09992)、安踏體育(02020)、吉利汽車(00175)及快手(01024)。 泡泡瑪特盈喜遠超市場預期，上半年收入料大增2倍，稅後盈利更最少飆3.5倍，發完盈喜又獲多家大行上調目標價及盈利預測，不過，股價今日一衝即散，早段升過3%後，走勢急轉直下，一度失守250元，倒插逾6%。泡泡瑪特股價過去1年累升逾5倍，近期就係240至280元橫行，雖然睇返盈喜及大行預測，集團盈利增速其實仍加快緊，但股價升左咁多，獲利誘係咪好大？ 資深證券分析師彭偉新指，如果係民間層面分析，以Labubu炒賣變化為例，由最初不問價瘋搶，到後來炒價跌左10%，炒家要係網上用唔同手法，企圖掩蓋炒價回落慨實況。 股價方面，最近已明顯失守20天線，同埋跌穿保歷加通道中軸，令震盪指標轉弱。Castor續指，係追捧泡泡瑪特慨資金少左之下，市場擔心股價會見頂，以現價黎講，如果股價真係見左頂，相信要有一定下調幅度，先可以吸引投資者入場，又認為股價係現水平有較大壓力。 |
|
| 彭偉新 |
2025-07-09T13:11 |
截至早上11時止，1小時內《彭博》用戶搜尋量最多港股，依次為恆基地產(00012)、極智嘉(02590)、永利澳門(01128)、紫金礦業(02899)及新鴻基地產(00016)。 極智嘉今日(9日)首掛，股價一度「潛水」，低招股價逾4%，低見16.06元。其餘4隻新股股價分別靠穩，表現跑贏極智嘉，為甚麼只得極智嘉要「潛水」？ 資深證券分析師彭偉新指，極智嘉主要業務是製造移動機械人，早段時間市場炒旺機械人行業，令機械人相關板塊受惠，不過近期內地及海外熱潮開始冷卻，就算股份超額認購逾百倍，都未必可以炒起股價。今日開市後資金一直流出，超過1.4億元流出，對股價產生極大負面壓力。 |
|
| 彭偉新 |
2025-07-04T10:15 |
獨立股評人彭偉新推介中國人壽(02628) 推介原因： -主要增長動力來自人口老化，持續優化產品結構與服務效率 -股息政策穩定，對追求穩定回報的投資者具相當的吸引力 -北水持倉持續上升。 |
|
| 彭偉新 |
2025-06-25T12:47 |
截至早上11時止，1小時內《彭博》搜尋量最多港股，依次為新鴻基地產(00016)、京東物流(02618)、恆隆地產(00101)、金沙中國(01928)、小米集團(01810)。 本地地產股今早(25日)向好，其中，新地股價一度升4.7%，高見94.25元，集團最近出左屯門新盤最後一期價單，售價較之前平左，點解股價仍有得升？ 資深證券分析師彭偉新指，主要係港股市況好轉，本港銀行同業拆息(HIBOR)低企，投資者憧憬本地地產股見底，加上估值平，息率又吸引，所以受唔少短線投資者追捧。 Castor又話，對地產商黎講，最重要係提升變現能力，依家有資金流入有助改善現金流，雖然二手市場持續淡淨，但新盤銷售回復動力，趁機盡快還債，降低負債比率。 |
|
| 彭偉新 |
2025-06-20T10:12 |
獨立股評人彭偉新推介百勝中國(09987) 推介原因： -內地餐飲行業正處於復甦階段 -公司不斷擴展門店並調整策略，料未來新增1600至1800間門店 -市場料集團今年收入逾117億美元。 |
|
| 彭偉新 |
2025-06-18T15:22 |
截至早上11時止，1小時內《彭博》用戶關注度上升最多股份，依次為美團(03690)、華潤置地(01109)、港鐵公司(00066)、泡泡瑪特(09992)及香港寬頻(01310)。 過去一星期，內房數據都麻麻，例如5月70大中城市新建住宅樓價，以及今年首5個月全國房地產開發投資仍跌逾10%，高盛昨日(17日)估計，內地未來幾年新樓需求較2017年高峰大減75%，情況係咪會持續？此外，人民銀行周五(20日)會公布貸款市場報價利率(LPR)，市場估計，同房貸相關慨5年期以上LPR會按兵不動，對內房股有咩影響，其中，潤地股價其實已升左唔少，會趁勢回調，還是繼續有得升？ 資深證券分析師彭偉新指，雖然內地整體樓價仍然向下，但跌幅收窄，反映市場對樓價前景開始有正面睇法，但庫存問題仍足以令大部分利好消息完全被市場消化，相信要一段長時間先可以真正解決問題。 Castor又指，雖然潤地、龍湖集團(00960)係質素及口碑都比較好慨內房，但需求始終未明顯反彈，相信要等就業及經濟大幅改善後，才會令市場對樓市恢復信心，否則，內房只會彈，但好難長期上升。 |
|