| 評論員 |
時間 |
內容 |
標籤 |
| 郭思治 |
2024-12-23T11:01 |
大市已接近12月份之尾聲，而直到執筆一刻止計，本月大市之形態仍暫屬先低而後高，恆指暫仍由3日之低位19,386點升至10日之高位21,070點，即在短短6個交易日內，月內之波幅已有達1,684點，論波幅計已不算小，或已可滿足月內之所需，但一個月之高低位是很少同時出現於6個交易日之內，故單從理論上看，在本月底之前，月內可能會有更大之波幅點出現，但考慮到12月剩下之交易日已不多，因聖誕及新年大假已近，故不少基金經理及投資者已外遊，故大市之交投會漸趨疏落，即期間沽壓並不會太明顯，衹要維穩買盤略作扶持，大市已可持續處整固之中，即恆指可續緊扣著20天線而不下，加上年結已近，維穩之部署或會進一步明顯，即是說，本月大市之波幅可能不出現太大變化。 移動線方面之走勢仍持續反覆，目前各組平均移動線之排列由上而下為50天線（約在20,074點左近），10天線（約在20,011點左近），20天線（約在19,764點左近），100天線（約在19,183點左近）及250天線（約在17,955點左近），從目前大市之走勢看，恆指仍持續反覆於50天線及10天線之下，衹要在沽壓並不太明顯之下，恆指暫未有再進一步正式跌穿20天線，即大市雖仍續處反覆偏軟之中，但走勢尚不算太差，但需說明，目前大市雖已進入整固之中，跌勢似稍見喘定，惟技術上並不算真正的回穩，單從技術上看，必需待恆指成功重越10天及50天線之後，才算真正的回穩。 大市已開始漸受即月期指轉倉及結算等相關活動所主導，由於年結已近，故在維穩買盤部署下，大市可能會持續在整固中拉據至月底，即期間該不會有太明顯之波動，當然，數百點之升或跌會持續到年結。 |
|
| 植耀輝 |
2024-12-20T22:50 |
國泰航空(00293)預告，2024下半年業績較上半年理想。 耀才證券研究部總監植耀輝表示，國泰算是變相發盈喜，但下半年業績理想，已屬市場預期之內，加上股價早前已因為提早贖回換股債而炒上，所以相信消息對股價無大刺激。 |
|
| 黃敏碩 |
2024-12-20T17:30 |
早前，美國商務部要求人工智能(AI)晶片龍頭英偉達(Nvidia)，調查過去1年，係華府禁令下，旗下產品係點樣流入內地，中芯國際(00981)股價今日(20日)炒上，係咪同呢單消息有關？此外，美國總統拜登(Joe Biden)繼續針對中國晶片業出招，而明年將重返白宮慨特朗普(Donald Trump)，上任可能又有其他制裁行動，對中芯有幾大影響？ 王道資本及家族資產管理執行董事黃敏碩指，Nvidia呢單消息對中芯有一定幫助，但基本因素仍需加強，雖然中芯借消息炒上，但係30元水平開始有阻力，佢又話，投資者仍對中芯有戒心，如果想買貨，建議等股價企穩28元樓上再考慮。 Michael續指，美國制裁對中芯或多或少會有影響，但相信對股價造成慨壓力較小，因為市場早已預見到相關風險，相信投資者都以短炒為主，再視乎政策風向再做部署。 |
|
| 關焯照 |
2024-12-20T15:44 |
據聯儲局最新「點陣圖」顯示，美國明年有可能只減息兩次，每次0.25厘，即時震散美股，當晚道指急瀉逾點，但昨晚(19日)已經喘定，收市升15點，扭轉連跌10個交易日慨劣勢，係咪反映市場已消化聯儲局或放慢減息步伐呢個消息？ 冠域商業及經濟研究中心主任關焯照指，市場已消化左部分有關減息慨消息，美股今輪調整黎得比預期快，佢認為，美股之後大升慨機會唔高，始終黎緊仲有好數據，都會影響整體大市表現，包括今晚(20日)出爐慨核心個人消費支出(PCE)，如果數據超預期，相信美股仍有下調壓力。 關博士又指，「點陣圖」其實係向特朗普(Donald Trump)發警示，暗示佢要重新審視加息慨諗法，今次只係釋出局方明年有機會放慢減息步伐，市場已經咁大反應，而特朗普一向好重視美股表現，若聯儲局加息有機會拖林美股，呢個亦係局方「放鷹」慨原因之一。 |
|
| 梁偉源 |
2024-12-20T13:25 |
截至早上11時止，1小時內《彭博》搜尋量最多港股，萬科企業(02202)、騰訊控股(00700)、銀河娛樂(00027)、中芯國際(00981)及萬洲國際(00288)。 騰訊旗下微盟小程序接入微信小店，刺激微盟集團(02013)股價昨日(19日)狂飆35%，今日(20日)微信小店測試「送禮物」新功能，有分析指，將有助提升騰訊電商滲透率，近年微盟大力布局人工智能(AI)業務，雖然微盟股價近日爆升，但仍然低殘，係咪反映強攻AI都幫唔到股價？ 大華繼顯執行董事梁偉源指，雖然中央過去1年不停出招谷經濟，但市民消費心態仍然保守，今次小程序接入微信小店可以話係一個新出路，可以吸引到較年輕慨消費群體。 但佢認為，線上禮物價錢平，對電商成交金額幫助唔大，但呢個新玩法有利微盟繼續研發新程序，所以微盟股價近日表現搶鏡。 |
|
| 梁偉民 |
2024-12-20T12:36 |
日本央行昨日(19日)議息後宣布按兵不動，不過，行長植田和男之前講過，如果經濟及物價走勢符合預期就會加息。當地最新爐慨11月消費物價指數(CPI)升2.7%，超預期，係咪意味明年1月加息慨機會大左？ 高富金融集團投資總監梁偉民指，雖然日本通脹回升，但仍算溫和，事實上，通脹唔係日央行加唔加息慨主要考慮，主要係睇利率可唔可以重返正常水平，因為之前實施負利率及零息政策一段長時間，日央行希望利率逐步正常化，而當通脹及經濟情況容許時，日央行就會考慮加息。 不過，Wyman認為，日央行明年1月未必會加息，首先，加息會再引發通縮問題，其次係全球經濟唔理想，明年仲有關稅等不確定因素，相信日央行會先觀望美國總統當選人特朗普(Donald Trump)上場後慨政策走向，再作出決定。 |
|
| 彭偉新 |
2024-12-20T11:00 |
獨立股評人彭偉新推介滔搏(06110) 推介原因： -中國最大的運動服裝零售商 -隨著內地消費者對功能性運動服裝需求增長，將迎來更大增長空間 -庫存清理進展順利。 |
|
| 羅明立 |
2024-12-19T18:07 |
日本央行宣布維持利率不變，美元兌日圓升穿155水平，到底日央行幾時會出手？下個月加息機會有幾大？ 亨達集團助理總經理羅明立表示，由於日本通脹升得慢，所以日央行唔可以每次議息都宣布加息，如果經濟及通脹走勢同預期一致，日央行就會繼續加息。佢又認為，日央行會繼續貨幣政策正常化，但由於有好多不確定性，令日央行唔敢太進取，但佢估計，明年1月好大機會加息，但幅度唔會好大。 日圓方面，Patrick指出，係美元持續強勢下，日圓將繼續受壓，日圓有機會見160，但亦唔使睇得太淡。 |
|
| 植耀輝 |
2024-12-19T17:56 |
近期3大中資航空股跑贏大市，12月6日至今日(19日)止，中國南方航空(01055)及中國東方航空(00670)股價累升逾6%，中國國航(00753)升逾2%，雖然之前一度回落，但3隻股份當時都冇跌穿中央政治局開會當日水平，點解內航股近期咁強勢？係咪炒旅遊出行概念？ 耀才證券研究部總監植耀輝指，中資航空股近期炒得咁勁有3個原因，呢個板塊12月起其實已經表現唔錯，因為國務院係11月公布，明年起會多兩日假期，估計呢兩日假期會加係春節或勞動節，因此，令消費者旅遊意欲增加。此外，內地係12月宣布同其他國家有免簽安排，市場就開始憧憬國際航班會有較好表現，再加上近期油價回落好多，令內航股有跑贏大市。 |
|
| 陳偉明 |
2024-12-19T14:19 |
在中國通縮、美國衰退，日圓拆倉的憂慮下，港股曾於9月初回落跌穿250天線低見16,964點，隨後大手減息半厘以及內地推出救市「組合拳」這兩大消息下起死回生，恆指於9月11日16,964點見底，在不足一個月於內火箭式飆升近6,300點至10月7日23,241點頂位，期間低位至高位升幅達37%，大幅跑贏全球主要股市。 9月24日內地意外放大招減息、降準、救股樓是這一轉瘋牛的催化劑，在外資、基金後知後覺地瘋狂追入中港市場底下，9月30日港股成交額破紀錄大幅增至逾5,000億港元、滬深兩市成交暴漲至2.59萬億元人民幣。即使國慶長假期間A股休市，港股在缺乏北水流入的情況下仍能在接近3,000億港元的成交額下，向上突破2023年1月22,700點高位，並在偷步炒發改委有進一步利好消息出台的憧憬下於10月7日升至高見23,241點兩年半新高。 諷刺的是，正當中港兩地證券戶口開戶人數瘋狂上升、各大行紛紛轉軑調升中港股市目標，期待港股在北水重臨及中央政府繼續放水下有能力持續破頂，恆指於10月8日A股復市、北水重臨當天在超過6,200億港元的破紀錄成交額下急瀉近2,200點。本來港股在A股復市前偷步炒上令AH股溢價大幅收窄，及美國就業數強勁令11月繼續大手減息0.5厘的預期降溫，這兩大利淡因素已經令港股搖搖欲墜，加上北水甚少在高位接貨，再配合發改委記者會欠缺措施細節令市場憧憬幻滅，中港股市自然見頂急插。 內地救市措施欠缺細節及具體銀碼、人大會議延遲至11月初舉行，加上美國9月通脹數據超預期，恆指於10月7日23,241點見頂後反覆向下跌穿兩萬關，但隨後人行落實「證券、基金、保險公司互換便利」(SFISF)，並且預告減息降準，恆指又再一次反彈，並在憧憬人大會有好消息出台於11月8日升至高見21,355點。 然而美國就業市場穩健及通脹高於預期，聯儲局11月只減息0.25厘，加上特朗普再度當選美國總統有機會令通脹進一步上升，連鮑威爾亦重申官員不急於減息，在美匯飆升、人仔受壓的背景下，再配合人大會議沒有驚喜，未有直接刺激內需和樓市措施的利淡消息下，中港股市再次回落。 人大救市方案失望、特朗普2.0及美國減息步伐或放慢這三大因素拖累下，港股於11月8日21,355見頂後再度急插，隨後特朗普發言指在明年1月20日上任首日對中國貨品只是加徵10%關稅，少過早前提到的60%，加上市場憧憬12月中央經濟工作會議有額外刺激措施出台，港股終於在11月26日的19,054點見底回升，而上周一(12月9日)收市前突然公布的中央「政治局」會議聲明，更加令恆指升勢轉急。 中央「政治局」會議提到要穩往樓市股市，並實施更加積極的財政政策，而且貨幣政策由「穩健」轉為「適度寬鬆」，把擴大內需放在首要位置，港股於上周初升勢轉急突破21,000點，惟政策未有太多具體方案出台，加上內地11月進出口表現均遜預期，港股於上周二(12月10日)開市隨即於21,070點見頂急插，並且大陰燭於20,311點收市，明顯出現好消息散貨的現象。 市場期待的中央經濟工作會議於上周四(12月12日)結束，基本上與中央「政治局」會議內容一致，未見驚喜，所謂救市，只有方向，未有實際數字，恆指於上周五(12月13日)再度急插，隨後中國11月「三頭馬車」(消費、投資及出口)數據未算理想、美國減息0.25厘但鮑威爾放鷹表示或暫停減息，加上美國政府再現停擺風險，中港股市於於本周初跌勢持續，恆指於本周四(19日)曾跌穿19,600點。 總結來說，中港股市近期往往在內地開會商討救經濟方案前急升，會後見頂急跌，看來在明年3月的人大會議之前，港股仍是 反覆向下格局，要小心港股有向下跌穿19,000點的風險。技術上，如恆指短期內進一步向下跌穿本周四(19日)低位19,591點，有機會跌勢轉急，可考慮小注低追Long Put 12月到期價外400點的恆指期權。如恆指短期先反彈至20,000點以上，則可考慮小注Long Put 價外800點兩星期內到期的恆指每周期權。 |
|
| 許繹彬 |
2024-12-19T11:12 |
國內政府於本年9月26日開始，不斷使出不同的招數及言論，並推出一系列振興經濟措施，在推出後，一有感力度不足時，就不斷加碼再加碼來刺激疲弱的經濟；但從數據來看，過往救市措施推出後，仍未能挽留外資將資金留在國內投資的意向。 有此說法的原因，是因為國家外匯管理局最新宣布的數據顯示，11月內地證券市場資金淨流出規模擴大至約3,564億港元，是有紀錄以來的單月新高，出現此等情況，相信是「狂人」特朗普再度當選美國總統後，外資因而存在很多不確定性而作出的自然反應。 而正當市場在苦候每項措施有否成效之際，內地最新公布各項經濟數據表現可謂「強差人意」，11月份的三項數據轉弱，顯示零售及固投表現最差，按年僅升3%及3.3%，與市場期望的4.6%及3.4%尚有一段距離；只有工業增速較預期5.3％為佳，錄得5.4%。在一連串積極的財政政策及適度寬鬆的貨幣政策預期下，10年期及30年期國債收益率均同創史無前例的低位，低見1.71%及1.94%。 再有報道指，中央明年的預算赤字率擬提高一個百分點至4%，亦屬史無前例，更務求國內生產總值（GDP）仍能增長約5%。從上述數據來看，一系列「連環拳」未能發揮最大的救市作用，仍未見有太大成效。 內地數據疲弱，加上聖誕假期效應下，港股繼續呈現「一潭死水」的現象，即使昨日(即18日)結束三連跌，重返19,800點水平，但成交則萎縮至接近1,000億水平；南下「北水」亦有「收兵」之感，持續出現淨流出的現象。相信在2024年餘下的交易日，港股離不開悶局，預料在低成交下徘徊在19,000點至20,300點區間上上落落。 美國候任總統「狂人」特朗普在未上任前經常發表出人意表的言論，本周提倡撤銷拜登時期的電動車政策，主張停止對電動車及充電站的支持政策，再提出強硬措施以阻止來自中國的汽車、零部件及電池材料。 消息指出，雖然電池及其他電動車零部件「對國防生產非常重要」，但電動車及充電站並非主要項目，因而把目前用於建設充電站及降低電動車價格的資金，轉移至國防優先事項，重點相信是確保電池及製造電池供應不再受制於中國。此言論一出，當然再對相關股份帶來陣痛。未來，狂人相信仍會「語出驚人」，投資者亦必須留意會令什麼板塊受牽連。 談回港股，沉悶及靜，相信是未來餘下交易日的形容詞，可能偶有波幅，但沒有成交的加持下，相信又是宰殺牛熊的時機；就如本周二(17日)早上原本仍是平平無奇，但在無聲無息下，淡風突然吹起，跌穿19,700點，低見19,620點，瞬間將此區域的牛證殺清，然後便立即重返19,750點以上的水平，所以如喜歡捕捉上落而參與牛熊買賣的投資者，可能要買入區間與現有大市距離較遠的產品，否則很容易掉進屠宰牛熊的陷阱。 而大市在2024年倒數前，相信仍是受制於20,122點(50天線)，而下方支持則希望在19,600點能企穩，待明年再戰；而儘管大市在嚴重缺乏資金及方向下，部分股份仍成「逆市奇葩」，特別是中特估，在2024年完結前，均呈現粉飾的工作，紛紛創下一個月新高，當中建築類呈現強勢，當中中國中鐵(00390)業務範圍廣闊，是中特估中的滄海遺珠。 |
|
| 阮子曦 |
2024-12-19T10:05 |
華富建業證券投資策略聯席總監阮子曦推介名創優品(09896) 推介原因： -集團旗下Top Toys準確捕捉市場對潮流玩物的需要，將推進銷售增長 -管理層早前維持第4季銷售20至25%的預測。 |
|
| 趙晞文 |
2024-12-18T22:47 |
浦林成山(01809)要於美國召回逾54萬條輪胎，公司仍在評估對財務表現的影響。 信達國際研究部主管趙晞文表示，浦林成山要召回的輪胎數量，佔上半年銷量約4%，佔比不高，但就需關注美國以外地區，未來會否同樣有召回行動，以及會否牽涉意外賠償，但相信對整體業績影響有限。 |
|
| 趙晞文 |
2024-12-18T17:59 |
雖然臨近年底，但新股市場都好熱鬧，因為唔少新股趕搭2024年尾班車，當中包括內地智能駕駛及駕駛座艙解決方案供應商佑駕創新(02431)，公司昨日(17日)開始招股，集資約8億元。雖然集團仍然蝕緊錢，但毛利率穩步上升，點睇佑駕創業務新基本面？ 信達國際研究部董事趙晞文指，智能座艙及智能駕駛係明年內地市場增長亮點，明年整體新能源汽車滲透率會升至60%，若要吸引消費者，除車型外，周邊配套如智能駕駛都係賣點之一，過去幾年，智能駕駛內地普及率增長較慢，可能同研發成本高有關，導致定價較高。不過，近期內地部分廠商開始自主研發芯片，降低生產成本，估計明年新慨智能駕駛產品可以降價逾30%，對中低端開發商、解決方案企業公司有利。 晞文又話，由於公司成立左唔係好耐，由於初期研發成本太高，預期未來1至2年仍會蝕錢，未來虧損可唔可以收窄，甚至有錢賺，就要視乎公司慨規模效益。 |
|
| 彭偉新 |
2024-12-18T15:09 |
截至早上11時止，過去1小時內《彭博》用戶搜尋量最多港股，依次為新世界發展(00017)，中國石油股份(00857)、東風集團股份(00489)、中國海洋石油(00883)、建設銀行(00939)。 新世界股價今日(18日)已連跌第6個交易日，累跌近20%，今年就累跌逾50%，依家集團市值135億元，市帳率(PB)0.08倍，除左股價，債價亦受壓，昨日(17日)市傳新世界要求銀行豁免財務指標條件限制等，雖然集團不斷出售資產減債，但債務問題係咪仍然令人憂慮？ 資深證券分析師彭偉新指，市場將焦點放係新世界慨債務問題，雖然集團努力減債，將部分資產賣返畀母公司，減以輕負債，但係本港經濟比較困難下，市場對新世界收返資金慨預期唔高，令股債持續受壓。佢又指，短期較難評論新世界會有咩動作，但相信投資者都希望公司繼續減債，盡量拿返些錢返黎維持營運。 至於市場擔心新世界可能有破產或除牌風險，Castor認為，雖然集團負債較高，但仍然係一家淨資產公司，情況未去咁惡劣，估計應該唔會被除牌。 |
|
| 蘇沛豐 |
2024-12-18T11:53 |
美國近日出爐慨經濟數據仍然強勁，包括昨晚(17日)公布慨11月零售銷售按月升0.7%，係9月以來最勁，亦高過預期，聯儲局會係本港時間周四(19日)凌晨公布議息結果，減息0.25厘似乎已成定局，市場依家關注明年減息次數，係咪會比預期少？ 金馬資本管理交易策略師蘇沛豐指，美國近期出爐慨經濟數據都幾強，相信短期內冇衰退風險，加上就業市場都偏強，雖然整體經濟放慢緊，但數據亦反映聯儲局毋須大手減息，加上聯儲局主席鮑威爾(Jerome Powell)亦提及冇大手減息迫切性，所以明年減息次數係有機會少過預期。 佢又指，減息次數亦同通脹有關，雖然美國整體通脹回落緊，但速度唔理想，若聯儲局繼續睇數據決定減唔減息，相信明年減息幅度會細過預期。蘇沛豐又提醒，美國總統當選人特朗普(Donald Trump)慨政策，尤其關稅政策會係另一個不明朗因素，因為有可能推高通脹。 |
|
| 聶振邦 |
2024-12-18T11:37 |
市場憂慮美國聯儲局明年1月暫停減息，美股3大指數昨晚(18日)全線向下，其中，道指已連跌9個交易日，係1978年2月以黎最長跌浪，並已自高位回調近4%，羅素2000指數更自高位回落5%，不過，比特幣(Bitcoin)價格持續強勢，繼續炒作「特朗普交易」(Trump Trade)，到底可以炒到幾時？ 博威環球證券金融首席分析師聶振邦認為，Trump Trade仍有得炒，但當呢個因素消化後，就會陸續會見到科技股有下調壓力，例如人工智能(AI)晶片股王英偉達(Nvidia)，股價都開始回軟，因此，佢建議投資者除非仍楂住蘋果公司(Apple Inc.)或Tesla股份，否則，應要陸續做好減持慨風險管理。 聶Sir又話，若明年聯儲局真係放慢減息步伐，將會對科技股融資成本有影響，不利股價表現，但科技股今個月回套壓力唔大，但估計明年2月慨沽壓可能較大。 |
|
| 郭家耀 |
2024-12-18T10:14 |
港灣家族辦公室業務發展總監郭家耀推介同程旅行(00780) 推介原因： -業績表現理想 -受惠旅遊需求旺盛 建議買入價：19.5元 目標價：22.0元 止蝕價：17. |
|
| 陳欣 |
2024-12-17T16:38 |
據《路透》引述消息人士指，內地明年預算赤字率或上調至4%，係有紀錄以黎最高水平，又指將會發行預算以外慨特別國債及專項債，希望擴大財政刺激作用，而明年經濟增長目標就維持約5%。消息傳出後，人仔反應唔大，未來人仔匯價又會點走？ 連連STAR FX總經理陳欣指，其實刺激政策及寬鬆力度都冇市場預期咁大，但中央主要係求「穩」，所以人仔匯價都相對平穩，唔會有太大反應。另一方面，中央及市場都觀望緊呢些政策慨成效，亦係人仔唔會有太大變化慨原因。 佢又估計，人仔短線仍會受壓，將會係7.3水平徘徊，而係美元有機會持續強勢，內地經濟又冇乜起色，人仔有機會跌至7.35水平。 |
|
| 梁偉民 |
2024-12-17T15:18 |
加密貨幣繼續炒，其中，比特幣(Bitcoin)價格直撲10.8萬美元，反映投資市場繼續追捧呢類風險資產。美股方面，雖然道指已8連跌，但納指再創新高，升勢算唔算單一？美股及Bitcoin未來又會點走？ 高富金融集團投資總監梁偉民認為，科技股升勢唔算單一，市場過去半個月特別睇好某些行業及資產，例如Tesla就炒無人駕駛及機械人憧憬，但市場唔會比咁高估值電動車企，因為電動車銷售支持唔到現水平慨估值。 Bitcoin方面，Wyman話，依家市場仍對Bitcoin有無限憧憬，主要係市場認為美國總統當選人特朗普(Donald Trump)上任後，會大力發展加密貨幣市場，令加密貨幣需求大增。 但佢提醒，有部分憧憬似乎過分誇張，一旦市場樂觀情緒突然消失，相關資產就有較大回調風險。 |
|
| 譚智樂 |
2024-12-17T13:39 |
截至早上11時止，1小時內《彭博》用戶搜尋量最多港股，依次為美團(03690)、中國海洋石油(00883)、比亞迪股份(01211)、領展房產基金(00823)及新世界發展(00017)。 美團自上周一(9日)政治局開會以來跑輸其他內需股，累跌逾8%，今日(17日)股價一度跌逾2%，低見155.6元。沃爾瑪中國(Walmart China)發公告指，跟美團達成戰略合作，全國沃爾瑪門店已全面上線美團，並接入美團配送。美團旗下本身有社區電商平台「美團優選」，今次慨合作對美團有幾大幫助？ 富途證券首席分析師譚智樂指，因為美團本身已經有相關業務，所以對股價慨正面幫助唔大。上周政治局會議後，消費股明顯有沽壓，市場都係等刺激消費政策出台，呢些股份先有條件拉升估值。另外，美團業績表現唔差，收入、盈利增長都好過預期，但利潤率慨壓力非常明顯，係經濟仍然疲弱下，單靠利好消息並唔足夠支撐股價。 Arnold又話，現時股價與大市同步，有貨慨投資者可以繼續持有，但市況未有進一步利好消息，股價可能會跟隨大市下跌，冇貨慨投資者可以等回落至100天線先入場。 |
|
| 黃敏碩 |
2024-12-17T10:38 |
王道資本及家族資產管理執行董事黃敏碩推介現代牙科(03600) 推介原因： -從事產銷義齒器材及其他口腔矯正器 -隨著老年人口增加，假牙需求上升為業務帶來機遇 -在東莞二期及越南的生產設施的投資。 |
|
| 阮子曦 |
2024-12-16T22:48 |
鍋圈(02517)擬將全部約9.38億股內資股轉為H股，佔總股本34.14%。 華富建業證券投資策略聯席總監阮子曦表示，該批內資股包括大股東持有的股份，估計由申請至獲批，需時約半年，跟大股東早前自願將禁售期延長半年，至明年五月，時間上吻合，難免會令市場質疑屆時是否會大手沽貨，不過大股東和管理層對業務雄心壯志，似乎未必一定會減持。 |
|
| 聶振邦 |
2024-12-16T17:40 |
內地今朝(16日)出爐慨11月零售數據遠差過預期，但受惠於「以舊換新」政策，家電股係9月及10月都錄得雙位數增幅，摩根士丹利指，中央經濟工作會議再度指出，擴大內需消費係明年首要任務，反映政策很大機會延續至明年，補貼範圍仲有機會擴至智能手機，家電股係咪可以繼續受惠於政策？ 博威環球證券金融首席分析師聶振邦認為，唔係所有家電股都強勢，只可以話係個別發展，家電股其實都係跟大市行，要恆生指數大幅反彈，家電股先可以受惠。此外，即使「以舊換新」補貼範圍擴大，但呢些家電企業係歐美有業務，而美國總統當選人特朗普(Donald Trump)明年上任後，中美有機會再爆發貿易戰，到時唔排除限制清單會擴至家電，所以唔適宜過分睇好呢個板塊。 聶Sir又建議，如果唔係做短期部署，投資者可以分散投資，其中，餐飲及包裝食品股會比較安全，佢又提醒，如果想加注最好等農曆新年後。 |
|
| 梁傑文 |
2024-12-16T16:00 |
草姬集團(02593)公開招股今午(16日)截飛，綜合券商最新數字，暫時接左約782億元，公開發售暫時超購約5657倍，暫時已經係歷來新股「超購王」No.3，如果今日「最後衝刺」成功，有機會挑戰史上No.2兼今年「超購王」晶科電子(02551)超購5677倍慨紀錄。除左有「視帝」郭晉安慨明星效應加持，草姬招股反應熱爆仲有咩原因？ 《香港股票財技密碼》作者梁傑文認為，保健股係本地市場增長空間有限，草姬基本面又唔算標青，加上上半年盈利出現倒退情況，收入按年亦要跌，似乎有增長見頂之嫌，因此，即使草姬超購倍數勁，很大程度上只歸功於明星效應。 Mike續指，受惠於港交所(00388)調整招股機制，可以吸引到更多新投資者認購新股。 |
|
| 郭思治 |
2024-12-16T15:22 |
大市已身處12月份之中旬，而直到執筆一刻止計，本月大市之形態仍暫屬先低而後高，恆指暫是由3日之低位19,386點升至10日之高位21,070點，即在短短六個交易日內，恆指已急升1,684點，由於升勢略偏促，故大市於高台稍見回吐，期間恆指亦不斷反覆穿梭於50天線（約在20,271點左近）之間，但有一點需指出，衹要恆指能持續緊扣著50天線，即不用擔心大市會有明顯逆轉，衹是在動力不足之下，大市暫仍缺一股欲上衝之動力，另外，以1,684點之波幅計似已不算小，或已可滿足月內之所需，但由於一個月之高低位是不該同時出現於6個交易日之內，故從理論上看，在本月餘下之交易日，或會有更大之波幅點出現，從而拉闊月內高低位之距離以符合慣性之要求。 至於短期後市在先低後高之形態主導下，恆指能否試頂或破頂，不妨參考移動線方面之表現，而直到目前一刻止計，各組平均移動線之排列由上而下為50天線（約在20,271點左近），10天線（約在19,977點左近），20天線（約在19,712點左近） ，100天線（約在19,056點左近）及250天線（約在17,886點左近），單從技術上看，衹要恆指能穩守在50天線之上，論形勢當有利於候機試頂，問題是大市之動力能否配合，惟如恆指一旦反覆於50天線之下，則其時大市不但漸擺脫試頂之趨勢，且一旦沽壓稍作主動，大市可能會稍下試20,000點及10天線之支持。 傳統而言，12月份均會有基金之粉飾廚窗活動，從近期所見，不少股份之表現一直優於大市，個別更持續緊貼著年內高位或仍穩步續創年內之新高，惟相關粉飾活動之目的衹為爭取在年結時，有較佳之表現而已，似不可能發展成新一潮之升浪，單從大市之交投略為偏疏已可見一斑，故投資者不宜跟市太貼。 |
|
| 盧志威 |
2024-12-16T12:35 |
晶片股博通(Broadcom)交到靚業績之餘，公司又睇好今季人工智能(AI)產品銷售前景，刺激股價上周五(13日)收市勁升24%，市值更首次衝破1萬億美元，令美股又多1隻萬億美元市值股份，係咪應該沽英偉達(Nvidia)換馬博通，因為股份只係岩岩開始發力？ 潤淼資產管理董事盧志威表示，Nvidia係一家早已交出成績慨公司，亦係一個潮流，公司靠技術成為行業龍頭，博通就係客製化晶片(ASIC)，要衡量兩者有幾大差距，值唔值得畀一個溢價Nvidia，呢個就係佢地「蹺蹺板效應」慨分別。 William又話，依家市場非常睇好博通未來3至5年前景，仲可以搶佔到Nvidia慨市場，單係呢個因素都足以可以炒一輪，所以預期未來落博通慨資金應該唔少，所以睇好博通股價可以繼續上。 |
|
| 李浩然 |
2024-12-16T11:59 |
歷史不斷重演，但投資者的情緒卻從未學會冷靜。股市再創新高，投資者再次陷入兩難：是該「上車」追逐漲幅，還是等待不可避免的市場回調？這種心理博弈讓人不禁聯想到一場持久的心理測驗，結論卻似乎早已寫在數據里。 數字不會說謊，但它也不會安慰你 2023年，投資者已經見證了將近60次的股市新高，平均每四個交易日就有一次新高。過去十年，標普500指數創下了超過300次歷史新高。自1950年以來，10年區間內的平均新高次數為170次，而20年的平均達到319次。換句話說，從數據上看，股市新高不是異常，而是常態。 這聽起來令人安心？或許吧。但數據背後的現實是，新高中的某一次將是熊市來臨的最後一聲鐘響，這讓每一位投資者的神經都繃得更緊。畢竟，沒有人想在市場巔峰時砸下重金，然後眼睜睜看著資產縮水成零頭。 情緒 vs. 數學：誰贏了？ 投資最大的敵人從來不是市場本身，而是人類的情緒。當股市不斷創新高，手上握著一筆閒置現金時，焦慮和恐懼會迅速超越理性。市場的歷史數據固然重要，但在情緒面前，數學似乎總是先輸一招。 投資者必須承認，過去十多年的牛市確實讓人失去了平常心。從全球金融海嘯（GFC）以來，指數一路高歌猛進，而這種「順風車效應」讓投資者的心理逐漸滑向兩個極端：過度自信與過度懷疑。然而，正如數據反映的，股市的表現往往無法用短期情緒來預測。 規劃是唯一的救贖 若對於在新高時進場感到不安，那麼也許根本的問題並非市場，而是投資策略。投資本質上是一場長期博弈，而非短期押注。以下幾條建議或許可以幫助在情緒與理性之間找到平衡： 一，一次性全額投入：如果相信數據，並願意接受風險，那麼一次性投入是最符合「股市長期向上趨勢」的選擇。畢竟，市場大多數時間都是在上漲。 二，定期定額分批進場：這種策略適合那些想要分散風險、降低情緒波動的投資者。通過分批投入，可以避免「高點買入」的心理壓力，同時也為自己設置了一層「後悔最小化」的保護罩。 三，分散配置資產：股市不是唯一的投資選擇。將資金分配到股票、債券、現金甚至其他資產中，可以有效降低整體風險。雖然回報可能不如全股票組合，但這種策略至少讓你能睡個安穩覺。 完美決策是個謊言 投資者也必須接受一個殘酷的現實，所有的投資決策都是基於不完全的信息。市場永遠充滿不確定性，完美的投資決策只有在事後才會顯得明顯。正因如此，提前制定計劃至關重要。當市場創新高時，計劃能幫助你避免臨時起意、隨意操作，從而減少感情用事的可能性。 巔峰之後：冷靜的智慧 股市新高固然讓人忐忑，但正如歷史的故教訓，這並不是市場的終點，而只是正常波動的一部分。投資者需要的是一份冷靜的頭腦和一套清晰的策略。或許正如經典的投資諺語所說：「最好的投資時間是十年前，其次是現在。」與其糾結於是否會買在巔峰，不如專注於制定一個適合自己的長期計劃。 畢竟，市場的走勢無法控制，但你的行動卻可以。至於那些期待「完美時機」的人，或許只能等到市場的鐘聲敲響，卻發現自己仍站在場外，徒留唏噓。 |
|
| 姚浩然 |
2024-12-16T10:15 |
亨達財富管理董事總經理姚浩然推介名創優品(09896) 推介原因： -早前收購永輝超市，曾拖累股價大跌 -惟近日參考胖東來，將超市打造與山姆競爭。 |
|
| 梁傑文 |
2024-12-13T22:45 |
中信國際電訊(01883)發盈警，預告全年股東應佔溢利介乎8.6億至9.2億元，按年減少25%至30%。《香港股票財技密碼》作者梁傑文認為，全年盈警原因，與中期原因相若，反映管理層無力扭轉業務跌勢。公司中期賺4.55億元，以全年盈警下限計，下半年業績甚至是進一步轉差，相信中期業務走勢都會是維持轉弱。 |
|
| 姚浩然 |
2024-12-13T16:30 |
雖然臨近年底，但美股表現仍算強，美國總統當選人特朗普(Donald Trump)就快上任，熱炒「Trump Trade」慨股份繼續「有鑊氣」，「Trump Trade」會唔會成為投資主流？ 亨達財富管理董事總經理姚浩然指，市場憧憬特朗普上任後，佢推出慨政策會利好某些行業，所以同「Trump Trade」相關慨股份，短線會繼續造好。不過，市場亦會係佢上任後，會拿佢慨參選政綱「逐樣對」，睇下有冇「走數」，所以佢上任前美股有機會出現調整。 佢又估計，美股調整後，特朗普就著手草擬減稅等政策措施，屆時美國企業可望受惠，相信盈利及收入將會穩健。姚浩然又提醒，要留意美國減息步伐，美股明年上半年可以睇得比較樂觀，始終當地經濟增長仍然平穩，標普500指數有機會上望7000點水平。 |
|
| 陳建良 |
2024-12-13T15:40 |
港股昨日(12日)反彈，因為對中央經濟工作會議有憧憬，其中，內需股表現最搶鏡，不過，中經會結束後，恆生指數今日(13日)又跌過，午後更一度插穿20000關，瀉逾400點，可能同會議仍然冇提及一些實質數字有關，大行亦指，對中經會冇再提及具體樓市去庫存措施有些失望。其實中經會結果係咪預期之內？ 勝利瑞柏基金管理合伙人暨投資總監陳建良指，市場對中經會有兩方面慨預期，首先係希望中央擴大財政政策，結果冇提及，其次係希望有實際數字交代，但亦都冇公布，就令唔少投資者開始質疑，之前提出慨政策係咪可以令房地產市場止跌回穩。 KL又指，其實市場由始至終慨關注點都係中央救市、救經濟慨措施，到底成效有幾大，依家比唔到個預期市場，有負面反應都係好正常，佢估計，恆指20000關好難守得住，但大市波幅年底好大機會慢慢收窄返。 |
|
| 梁偉源 |
2024-12-13T13:58 |
截至早上11時止，1小時內《彭博》搜尋量最多港股，龍湖集團(00960)、百威亞太(01876)、萬科企業(02202)、希慎興業(00014)及中國海外發展(00688)。 中央經濟工作會議定調同中央政治局會議差唔多，繼續推動房地產市場止跌回穩，內房股今日(13日)跌幅顯著，其中，龍湖及中海外更打入藍籌5大跌幅榜，係咪市場之前對中經會期望太大？ 大華繼顯執行董事梁偉源指，每年會議政策都只係定出一些方向性目標，唔會講到執行細節，但每次開會前都一定有炒作，今次都唔例外，其實中央今年以來已推出唔少同房地產相關慨政策，只係今次冇更新慨政策，導致市場咁失望。 佢又話，雖然內房股股價跌左落黎，但唔需要睇得太悲觀，因為中央會持續推出政策，加上10月及11月一手銷售已有改善左，相信明年第1季按年銷售將錄得顯著升幅，屆時市場氣氛將會好轉。 |
|
| 聶振邦 |
2024-12-13T11:54 |
歐洲央行昨晚(12日)一如預期減息0.25厘，但瑞士央行爆冷大手減息0.5厘，減息消息一出，歐元及瑞郎回軟，不過，美匯指數升至107水平。睇返兩家央行減息幅度，係咪反映部分十國集團(G10)國家對明年經濟前景有憂慮？此外，明年投資市場又會點發展？ 博威環球證券金融首席分析師聶振邦指，歐央行減息意圖明顯，並已下調2024至2026年經濟增長預測，因為歐央行對歐洲經濟表現有保留，所以減息態度較積極，以應對明年環球通脹有機會再升溫慨局面。 投資市場方面，聶Sir又話，美股係咪會繼續一枝獨秀仲要觀察，因為部分特朗普(Donald Trump)經濟政策憧憬已反映係股市，佢明年1月正式上任後，市場唔會再關注呢些憧憬，焦點會落係政策能唔能夠令實體經濟受惠，甚至唔排除美國有機會陷入滯脹，繼而令股市有下行壓力。 |
|
| 盧志明 |
2024-12-13T10:36 |
大唐資本投資策略部總監盧志明攜程集團(09961) 推介原因： -數據顯示東北冬季預訂單量按年增長35%，哈爾濱、瀋陽及長春成熱門目的地 -韓國遊客入境遊訂單按月增長約15%，按年大增150% -第3季業績超預期，高基數下收入增長穩定，成本控制理想。 |
|
| 林嘉麒 |
2024-12-12T23:49 |
老鋪黃金(06181)股價再創新高，見236元，較招股價40.5元累升近五倍。元宇證券基金投資總監林嘉麒指，老鋪黃金今年一月上市，半年禁售期即將屆滿，不排會有解禁股份趁高位獲利。由於上市時，市況欠佳，上沖市初期公司股價橫行，可能不少街貨已落入大戶手中，一旦有投資者沽貨可能引發雪球效應，回跌幅度可以好大。 |
|
| 盧楚仁 |
2024-12-12T18:18 |
阿拉比卡咖啡期貨周二(10日)曾創紀錄新高，雖然昨日(11日)出現回套，但仍然係今年表現最好慨商品之一，到底呢浸升浪可以持續幾耐？ 獨立外匯商品分析師盧楚仁指，近期可可豆、咖啡豆價格因巴西乾旱而上升，但乾旱只係短暫性因素，所以唔排除咖啡豆價格短期有回套壓力。佢又話，要留意特朗普(Donald Trump)上任後會對巴西慨關稅政策，因為美國商家、消費者或會係佢上任前大手買入咖啡豆，都會利好近期價格表現。 Jasper續指，除非巴西乾旱情況好快過去，同埋特朗普唔向巴西徵收關稅，否則，阿拉比卡咖啡期貨有機會再作歷史新高。 |
|
| 植耀輝 |
2024-12-12T16:50 |
內需股今日(12日)造好，攜程集團(09961)繼續跑出，午後一度升5.5%，報592.5元，集團第3季業績唔錯，按年多賺48%，收入增速加快，展望明年，旅遊需求支唔支持到繼續強勁增長？旅遊股長線應該點部署？ 耀才證券研究部總監植耀輝指，市場憧憬中央經濟工作會議有新措施，今日唔止內需股，整體消費股都向上，攜程跑出主要有2個原因，首先係業績對辦，所以股價放榜後可以造好，其次係近期唔同國家都推出旅遊免簽證，可以增加消費者旅遊意欲。 佢又話，由於市民外遊意欲仍大，相信相關行業會繼續受惠，今年行業增長強勁，但之後keep唔keep到都會受其他外在因素影響，但睇返行業現時慨特性，呢個增長趨勢仲可以保持，所以攜程長線仍值得憧憬。 |
|
| 林嘉麒 |
2024-12-11T17:55 |
港產人工智能(AI)「獨角獸」商湯(00020)計劃配股集資，配股價1.5元，較昨日(10日)收市價折讓逾6%，集資近28億元，雖然商湯股價今日(11日)向下，但仍守得住配股價，公司話今次集資主要用黎支持核心業務發展，並用作一般營運資金。其實公司今年6月都配過股，兩次加埋合共淨籌近50億元，如果未來股價再炒高，市況又配合，商湯會唔會再「抽水」？ 元宇證券基金投資總監林嘉麒指，科技公司資金需求一般較大，尤其係AI產業，今次配股較多係國家基金，唔少基金慨成立目的都係支持相關行業，所以今次配股唔止可以畀商湯拿到資金，仲可以比到貨基金去投資，其實呢個情況係其他行業都有可能發生，例如基建產業。佢又話，當市場氣氛向好，股價再炒高時，商湯再配股集資係有可能。 |
|
| 彭偉新 |
2024-12-11T15:41 |
截至早上11時止，1小時內《彭博》用戶關注度上升最多港股，依次為海底撈(06862)、萬科企業(02202)、蒙牛乳業(02319)、中國建材(03323)、領展房產基金(00823)。 雖然中央政治局會議講明要谷內需，亦提及其他刺激措施，但港股繼昨日(10日)又升逾600點，到收市倒插過百點後，點解今日(11日)持續受壓？ 資深證券分析師彭偉新指，依家市場寄望黎緊慨中央經濟工作會議，會就政治局會議提出慨措施有返些實際數字，例如係支持經濟及消費慨措施規模有幾大等。Castor又話，雖然政治局會議講明要谷內需，但過去4年，中經會其中1個重點都係刺激內需，但成效似乎唔理想，消費更持續降級，所以投資者今次都會比較審慎，寧願等齊所有消息及數據再做部署。 Castor續指，內需問題的確令人憂慮，因出口下跌帶來慨影響係環環相扣，出口唔理想意味工業產能低，繼而影響就業，到時要谷內需只會更困難，Castor更形容現時內地循環引擎「打唔著」。 |
|
| 莊志雄 |
2024-12-11T15:20 |
美股近日受壓，其中，道指已連跌4個交易日，係咪黎到年底開始有些疲態？展望明年，美股又會點走，特朗普將會係明年1月20日正式上任，美股明年最大風險又係邊度？睇返特朗普上個任期，初期美元都強勢，但好快就回落，今次會唔會歷史重演機會大唔大？ 「股市漁夫」創辦人莊志雄指，上星期都提及，希望Trump Trade股票升完一浸後，科技股可以接力推高股市，最簡單就睇科技指數交易所買賣基金(ETF)，呢隻ETF唔包括Tesla，而蘋果公司(Apple Inc.)、英偉達(Nvidia)及微軟(Microsoft)呢3大股王佔比高達40%，而上星期中就出現突破，衝破左7月特朗普遇襲前後高位，呢個係一個主要阻力，原本走勢幾好，但去到昨晚(11日)跌返落黎，依家希望可以守到趨勢線，如果守唔到就要小心。 |
|
| 盧志威 |
2024-12-11T11:52 |
美國總統當選人特朗普(Donald Trump)下個月就「回歸」白宮，之前炒到癲慨「特朗普交易」(Trump Trade)仲有冇得炒？此外，雖然SpaceX未上市，但公司估值已升至3500億美元，太空概念又有冇得炒？ 潤淼資產管理董事盧志威指，特朗普媒體及科技集團(Trump Media & Technology Group)、Tesla、比特幣(Bitcoin)、Twitter，呢些熱炒Trump Trade慨資產，係特朗普上任後，點都會有一定利好，例如立法踢走TikTok就會利好Twitter。William認為，Trump Trade唔會咁快炒完，但要小心呢些資產價格短期有機會見頂回落。 William又話，市場對SpaceX慨樂觀情緒，主要來自Tesla股價已炒到好高，令樂觀情緒蔓延去另一個概念，但好多野始終要等SpaceX上市先知。 |
|
| 陳欣 |
2024-12-10T17:57 |
中央政治局昨日(9日)開會，相隔14年再重提「適度寬鬆」貨幣政策，加上外貿表現麻麻，同埋中國10年期國債孳息率再創新低，理論上人仔應該會貶值，但點解離岸人仔今日(10日)一度轉強逾200點子？ 連連STAR FX總經理陳欣指，其實跟得貼慨投資者，早已察覺到中央想行返寬鬆貨幣政策，只係欠一個正式公布，所以某程度上已消化左呢個因素。 Chase續指，內地依家首要任務係谷內需，政治局會議亦強調要重點刺激內需，相信相關政策會繼續出台，若呢些政策有效，人仔有機會反彈，但短期而言，人仔會偏強，但唔會明顯轉勢，除非經濟數據明顯好轉，估計短線睇7.3，阻力位擺7.2。 |
|
| 趙晞文 |
2024-12-10T17:37 |
小米集團(01810)昨日(9日)發布旗下首款電動SUV YU7規格，採用寧德時代慨三元鋰離子電池，長續航力係YU7系列基本賣點，依家同業之中，SUV只有Tesla慨Model Y及理想汽車(02015)慨L6，小米有左YU7，係咪可以透過生產規模及生產效益推高小米汽車毛利率？ 信達國際研究部董事趙晞文指，小米毛利率取決於供應鏈慨控制能力，亦要睇產能利潤及新能源汽車銷售收入結構，雖然YU7明年中先至推出，但參考返SU7係銷量逐步提升下，基本上對小米毛利率都有幫助，不過，YU7產量應該唔會係預訂階段，就做到Model Y及L6每月有逾2萬至3萬部，除非YU7以震撼價推出市場，例如車價只係逾20萬元人仔，就有逾700公里慨續航力，叫座力就可以進一步提升，但現階段仲係言之尚早，要等集團披露更多YU7規格細節，先可以再評估。 |
|
| 李偉傑 |
2024-12-10T16:40 |
昨日(9日)召開慨中央政治局會議，釋出慨政策訊號超乎市場預期，其中，當局相隔14年再度重提「適度寬鬆」，惹黎市場關注，有大行更形容「適度寬鬆」是史上最進取慨態度，係中央表明加大「放水」力度穩股樓下，港股牛市會唔會重臨？ 華盛證券財富管理部董事李偉傑坦言，對港股牛市重臨冇太大期望，但認為恆生指數係低位有反彈動力，港股昨日飆逾500點後，今朝(10日)曾再衝高逾650點，但之後升幅不斷收窄，午後更倒跌。 不過，A股走勢就冇咁Chok，滬深幾大主要指數今日都有得升，相信係觀望緊明日(11日)召開慨中央經濟工作會議，睇下到時有咩政策細節公布。 Jason認為，中長線而言，寬鬆貨幣政策對港股及A股都有幫助，又預期港股明年走勢將逐漸好轉。 |
|
| 黃偉豪 |
2024-12-10T12:52 |
小米集團(01810)股價持續強勢，近期已升穿30元阻力，今朝(10日)更衝上逾3年半高位，小米預告最快明年6月就會推出新車YU7，預期會硬撼Tesla慨Model Y，如果想做中線部署有咩要留意？ 獨立股評人黃偉豪指，從中線角度睇小米表現正面，市場對新車會有一定憧憬，加上手機業務表現平穩，唔需要擔心小米前景。不過，Ravi提醒要睇住小米股價，因為過去1年升幅有些誇張，即使大市表現反覆，小米仍不斷破頂，預期股價短期有機會出現波動。 佢又指，小米熱門CALL明年5月到期，價外17%，槓桿做到5倍，建議保守些揀行使價30元做好倉部署，止蝕位擺28元。 |
|
| 王良享 |
2024-12-10T12:28 |
中央經濟工作會議召開前，中央政治局昨日(9日)搶閘開會，會議指今年經濟發展主要目標任務將順利完成，仲首次出現「加強超常規逆周期調整」呢個字眼，實施更積極慨財政政策，同埋適度寬鬆貨幣政策，亦講明會加大「放水」力度穩股樓。值得留意係，雖然見到決心係大左，但只係字眼上，冇提及實質數字，似乎同9月底、10月初慨情況類似，當時市場係失望。 臻享顧問董事總經理王良享估計，中經會係明年經濟增長目標方面，至少會暗示同今年慨5%相若，點解睇唔實質政策數字，例如國債及專項債加碼規模，呢些牽涉到美國總統當選人特朗普(Donald Trump)上場後會點出招，例如對華關稅加幾多，市場估計，加稅唔係一刀切，可能只係個別中國貨加多些，而所謂加60%關稅只係靠嚇。佢又話，初步黎講特朗普話要加10%關稅，其實亦反映佢都擔心加關稅加得太多，會令美國通脹大升，令進一步減息慨機會唔大，另一方面，亦要拿到足夠資金，美國先有機會減稅。 Tommy又認為，內地都要睇住特朗普最終會加幾多關稅，以平均加20%關稅計，涉及約千億美元，影響似乎唔係太大，內地應對政策就唔需要去到咁盡，就算之後有數字出黎，都係要摸住石頭過河。 |
|
| 梁偉民 |
2024-12-10T11:53 |
美國總統當選人特朗普(Donald Trump)最近透露，曾經同國家主席習近平通話，但冇透露其他細節，雙方對上一次溝通已經係3年前，今次通話係咪代表中美關係回暖？但與此同時，央視新聞昨日(9日)指，英偉達(Nvidia)涉嫌違反反壟斷法，市監總局已依法立案調查，事件對Nvidia以至中美關係有咩影響？ 高富金融集團投資總監梁偉民認為，其實中美對立已經預左，雙方關係唔再惡化已經好好，對內地經濟黎講，中美衝突絕對係一大隱憂，但Wyman認為亦唔需要太擔心，除非美國真係將對華關稅上調至60%或以上，又或者有其他制裁行動，否則，市場已有足夠準備應對。未來幾個月，除左留意關稅問題，亦要留意內地有冇應對策略。 至於立案調查Nvidia，Wyman相信只係一個警戒作用，內地唔會因此唔再買Nvidia晶片，事實上，亦冇其他替代品。佢又指，反而要留意美國針對Nvidia晶片出口到內地慨禁令，依家Nvidia慨高階晶片唔可以賣畀內地，若未來禁止再升級，所有晶片都唔可以賣畀內地，影響就非常嚴重。 |
|
| 陳鳳珠 |
2024-12-10T10:17 |
獨立股評人陳鳳珠推介冠君產業信託(02778) 推介原因： -中期租金收益按年跌4.5%至約11億元，可派收入減12% -6月底前，朗豪坊辦公室出租率跌至87%，但朗豪坊商場恢復至100%出租率 -深圳一簽多行。 |
|
| 鄭家華 |
2024-12-09T22:52 |
粵海投資(00270)擬實物分派粵海置地(00124)股份，作為特別股息，每股分派0.193股粵海置地。 阿仕特朗資產管理董事鄭家華表示，粵投這次分派粵海置地股份作為特別息，息率低於2%，相信目的純粹為剝離內房業務，有助提升公司估值。 |
|
