| 評論員 |
時間 |
內容 |
標籤 |
| 陳欣 |
2024-04-16T17:20 |
內地今早(16日)出左首季經濟增長、零售及固投等數據，雖然經濟增長超預期，但零售增長差過預期，數據出爐後，離岸人仔一度轉弱至7.283，跌至4個月低位，其後搵到支持。摩根士丹利最新估計，美國聯儲局推遲減息，亞洲央行有可能跟隨，人仔後市會點走？ 連連STAR FX總經理陳欣指，雖然內地經濟增長好過預期，但市場關注慨房地產數據仍弱，加上零售及工業生產都弱，人仔繼續反覆偏弱，而中美息差持續擴闊，以及日圓愈跌愈有，都不利人仔走勢。Chase估計，離岸人仔短線係7.3水平會有支持。 |
|
| 陳欣 |
2024-03-05T18:18 |
十四屆全國人大二次會議今日(5日)開幕，國務院總理李強係政府工作報告中預期，今年經濟增長目標約5%，市場認為呢個目標進取，經濟增長要達標，貨幣政策要點樣配合？人仔未來走勢又係點？ 連連STAR FX總經理陳欣指，由於今次有大規模刺激政策出台，估計經濟增長可「保5」，並有助人仔走強，雖然寬鬆貨幣政策持續不利人仔走勢，但長遠而言，人仔匯價仍有國家工具支撐，應該可以穩守7.25水平。 Chase又預期，一系列政策出台後，內地經濟可望回暖，長線黎講，人仔會強返少少，短線就要視乎美國聯儲局會唔會減息，估計人仔會係7.15至7.25水平上落。 |
|
| 陳欣 |
2024-02-27T17:46 |
日本今早(27日)出左1月通脹數據，核心消費物價指數(CPI)升幅放緩至2%，但仍高過市場預期，符合日央行目標，令市場押注日央行最遲6月，甚至之前會結束負利率政策，日本2年期國債息升至2011年高位，黎緊仲要留意工資薪酬談判「春鬥」係咪連升第2年，日圓會升到邊個水平？ 連連STAR FX總經理陳欣認為，「春鬥」係十分重要，因為日央行曾提及，若今年工資增長理想，就可以提升當地消費力，透過消費繼續谷起經濟，唔使再行超寬鬆貨幣政策，日圓有機會出現唔錯慨反彈。 不過，要留意美國聯儲局係咪咁早減息，由於美債孳息持續高企，導致日圓持續弱勢，限制左日圓上升空間。 |
美債 |
| 陳欣 |
2024-02-20T17:47 |
據《彭博》今日(20日)報道，雖然市場預期美國聯儲局今年會減息，但投資者及企業仍不斷將手持慨現金，投入美國貨幣市場基金，年初以來，貨幣市場基金規模已增加1280億美元，似乎反映投資者或企業押注局方或要到5月，甚至6月才減息？美元後市會點走？ 連連STAR FX總經理陳欣指，美國1月消費物價指數(CPI)高過預期，相信當地冇咁快可以回落至聯儲局目標水平之餘，甚至有可能反彈。佢又認為，美國通脹有機會持續高企一段時間，投資者必須留意。 Chase續指，由於美國經濟仍然唔錯，聯儲局似乎冇減息慨迫切性，估計最快5月、6月先有機會減息，因此，美元暫時都會比較強勢，美匯指數會係103.5至104上落。 |
美元 , 美匯 |
| 陳欣 |
2024-01-23T18:07 |
【Now財經台】有經濟學家預期，4月系日本央行取消負利率政策最佳時機，屆時日央行有時間評估年度薪酬談判結果，系咪真系要等到4月？日圓最新略為轉強，係148水平爭持，若短期仍未取消負利率政策，日圓會唔會見150？ 連連STAR FX總經理陳欣指，日央行全票通過維持貨幣政策、前瞻指引不變，並調整經濟增長預測，反映央行需時觀察通脹及經濟發展情況。 此外，美國3月減息預期降溫，亦令日圓壓力增加，相信短期仍較弱勢，Chase又認為，日圓今季難望回升，中短線料於140至150水平徘徊。 陳欣 樂天證券香港銷售總監 |
|
| 陳欣 |
2024-01-16T18:05 |
【Now財經台】德國昨晚(15日)出左最新國內生產總值(GDP)數據，2023年第4季及全年都收縮，但歐元噚晚反應唔算太大，到今日(16日)亞洲交易時段先有較明顯反應，兌美元由1.095回落至1.092，系咪因為歐洲央行官員近日放鷹，所以歐元先頂得住？ 連連STAR FX總經理陳欣指，美元彈唔起，加上市場對美國聯儲局減息時間慨預期有變，都對歐元帶黎短暫支持，雖然經濟數據差，但歐央行一直放鷹，尤其最近出爐慨通脹數據反彈，都對歐元有支持。雖然歐元由上季到依家慨走勢反覆，但仍然系一個反彈或向上慨趨勢，若短線可以守住1.08，估計後市會反覆向上，但係1.12水平會有阻力。 陳欣 樂天證券香港銷售總監 |
美元 , 歐元 , 新股IPO , 新股IPO |
| 陳欣 |
2023-12-19T16:27 |
【Now財經台】今年日圓系最弱勢慨G10貨幣，兌美元跌逾8%，日本央行(BOJ)最新無退出寬松政策，經濟師普遍預期，明年4月加息機會較高，日圓短線會唔會轉弱？下望邊個水平？ 連連STAR FX總經理陳欣認為，日圓過去幾個月最多升左7%，所以出現回套都正常。不過，市場每次都期望有驚喜，但最後落空，都令日圓難有進一步向上動力，所以短線轉弱慨可能性都大，但轉弱幾多就要睇市場會唔會再有預期、或者數據上會唔會睇到有影響。 不過，相信BOJ暫時都唔會有太多訊號，如果真系將貨幣政策正常化或加息，但日本政府債務龐大，占國內生產總值(GDP)慨120%以上，而日本市民慨房屋貸款利率系浮動，會加重負擔，呢個都系BOJ唔太願意轉變政策慨原因。暫時對日圓有支持動力慨因素都仲未真正見到，唔排除短線會回套多些，短線支持可能係145至146水平，阻力位睇之前到過慨140至141水平，如果BOJ取態唔變，相信呢些位都唔會咁容易突破。 陳欣 樂天證券香港銷售總監 |
美元 |
| 陳欣 |
2023-12-05T18:46 |
【Now財經台】評級機構穆迪降中國評級展望至「負面」，離岸人仔應聲轉弱，消息對人仔走勢有幾大影響？ 連連STAR FX總經理陳欣認為，消息肯定對人仔有負面影響，但相信只系短暫，因為市場更關注中國經濟復蘇情況，呢個先系對人仔中長線走勢最重要慨影響。短線而言，若美元持續走強，或中美息差繼續擴闊，中國或會繼續減息降准，呢些都會限制左人仔升勢。 佢估計，人仔暫時會先調整，等埋美國今個星期出爐慨數據，睇下會唔會影響人仔走勢，短線7.1會有阻力，下望7.167。 陳欣 樂天證券香港銷售總監 |
中國經濟 , 美元 , 企業評級 |
| 陳欣 |
2023-11-28T17:24 |
【Now財經台】澳元突破66美仙關口，升穿200天線，不過，澳洲10月零售銷售按月跌0.2%，差過預期，對澳元後市有咩影響？ 連連STAR FX總經理陳欣指，近期澳元非常強勢，大幅反彈，主要受惠於美元逐步轉弱，以及美債孳息回落。佢又話，澳洲通脹情況同其他國家唔同，美國、加拿大等通脹已回落至4％以下，但澳洲第3季通脹仍超過5%，市場預期，澳洲儲備銀行仍會加息，加上主席布洛克(Michele Bullock)講明唔排除再加息，都對澳元有支持。 Chase估計，澳元可上望67美仙呢個阻力，但如果冇其他利好因素支持，短期好難突破，中長線方面，澳元會係64.5至69美仙上落。 陳欣 樂天證券香港銷售總監 |
美債 , 澳元 , 澳元 , 美元 , 澳元 |
| 陳欣 |
2023-11-14T17:16 |
【Now財經台】日圓昨日(13日)再創33年新低，直迫152水平，但之後又彈上151.1水平，綜合市場分析，日圓反彈唔系日本央行(BOJ)出手干預，而系同美日期權有關，昨日有12億美元期權到期，明日(15日)更會有23億美元期權到期，媒體指呢些期權慨觸發(Trigger)價都系152，系咪要有心理准備日圓呢兩日會比較Chok？ 連連STAR FX總經理陳欣認為，影響日圓慨因素主要有兩個，包括美債孳息壓住日圓導致走勢偏弱，同埋日央行慨政策取向。佢又話，日圓今次見150，日央行都只系「出口術」，唔排除跌至152水平會進一步下試低位，估計央行底線係150至155。此外，日央行亦要睇經濟，日本國內生產總值(GDP)連續幾季都錄得正數，似乎唔需要再行寬松貨幣政策，但實際上制造業采購經理指數(PMI)低過50，貿易數據唔理想，日央行或透過寬松政策刺激經濟。 佢又指，若日央行取消債券孳息率曲線控制(YCC)政策，一旦債息扯高，政府慨債務支付成本就會上升，唔排除今年會維持超寬松貨幣政策，日圓就繼續係150水平波動。 陳欣 樂天證券香港銷售總監 |
美債 , 美元 , 出口 , IGG , IGG |
| 陳欣 |
2023-11-07T16:07 |
【Now財經台】澳洲儲備銀行議息後宣布加息0.25厘，符合預期，系今年6月以來首度加息，之前4次議息會議都按兵不動，值得留意系，議息聲明字眼似乎轉鴿，系咪意味加息周期已經完結？澳元近幾日轉強，走勢會唔會被破壞？ 連連STAR FX總經理陳欣指，由於澳洲央行加息因素已反映係澳元上，所以不論央行系咪更鴿派，都唔會對澳元有支持。佢又話，雖然當地通脹高企，但其實已經回落緊，另一方面，如果央行繼續加息一定會影響經濟。 澳元方面，佢認為，短線支持因素已經冇左，但長線唔系冇支持因素，包括... 陳欣 樂天證券香港銷售總監 |
澳元 , 澳元 , 澳元 |
| 陳欣 |
2023-10-31T16:13 |
【Now財經台】日本央行議息後維持負利率0.1厘不變，進一步提升債券孳息率曲線控制(YCC)政策彈性，10年期國債孳息上限冇硬指標，1厘只系作為參考來，又上調經濟及物價預測，議息結果公布後，日圓匯價顯著轉弱，於150兌1美元上落，有分析認為央行立場仍傾向「鴿派」。 連連STAR FX總經理陳欣指，日央行依家慨措施及政策唔符合市場預期，亦系日圓受壓慨主要原因，加上行長植田和男最新言論非常「鴿派」，甚至比議息前更鴿，因此，佢估計日圓有機會進一步受壓，再試150水平，但值得留意系，日圓每次去到150水平都會反彈，日央行好大機會真系有出手，佢估計，日圓係150至155有較大支持，阻力暫時睇147.5至148。 陳欣 樂天證券香港銷售總監 |
美債 , 美元 |
| 陳欣 |
2023-10-03T15:58 |
【Now財經台】澳洲儲備銀行議息後，一如市場預期維持利率不變，澳元兌美元隨即創今年新低，一度低見63.06美仙。外媒報道指，由於全球需求疲弱，導致煤價及天然氣價急挫，澳洲政府估計，當地出口盈利會大幅下滑，不論息差因素或出口表現都似乎都不利澳元，澳元系咪要繼續下試低位？ 連連STAR FX總經理陳欣指，雖然澳洲通脹反彈，但央行都唔敢加息，原因系經濟前景有重大不確定性，估計未來再加息機會唔大，加上美元實在太強，導致澳元下跌。佢又預期，澳元後市好大機會繼續向下，退守63.5美仙，如果美元持續強勢，甚至要下試63美仙。 陳欣 樂天證券香港銷售總監 |
澳元 , 美元 , 澳元 , 澳元 , 出口 |
| 陳欣 |
2023-09-26T19:14 |
【Now財經台】美國聯儲局官員再放鷹，預期年內會再加息1次，美國10年期國債息進一步升至4.55厘以上，再創16年新高，不過，據最新利率期貨顯示，聯儲局11月唔加息機會逾75%，反映年底前加唔加息仍有分歧，不過，美匯指數已突破105阻力，沖上106慨近10個月高位，美匯指數上望空間仲有幾多？ 連連STAR FX總經理陳欣指，能源價格上升導致美國通脹升溫，聯儲局會保持較鷹派態度，所以年內仲有機會繼續加息。美匯指數方面，依家已升穿106，若短線企得穩呢個位，唔排除可以挑戰106.5至107。 陳欣 樂天證券香港銷售總監 |
能源 , 美匯 |
| 陳欣 |
2023-09-19T18:26 |
【Now財經台】歐元區即將公布8月通脹數據，美匯指數暫時企穩105，不過，係有「末日博士」之稱慨魯賓尼發聲後，歐元一度轉強，並逼近1.07水平，市場估計，歐元區8月消費物價指數(CPI)及核心CPI按年升幅跟7月持平，歐洲央行預期，今年通脹5.1%，明年目標系2.9%，年底前系咪要再加息？如果繼續加，就算美國再加息，仍有利歐元轉強？ 資深外匯分析師陳欣指，唔排除歐央行仲會加息，會令歐元有一定支持，而歐央行早前亦暗示加埋今次息就停手，由於歐洲經濟麻麻，尤其區內第1大經濟體德國陷入衰退，如果繼續加息，對區內經濟有好大打擊。 陳欣 樂天證券香港銷售總監 |
魯賓尼 , 美匯 , 歐元 |
| 陳欣 |
2023-09-12T17:29 |
【Now財經台】英倫銀行將於下周四(21日)議息，英國最新公布慨申領失業金人數按月只系增加900人，遠少過預期，有英倫銀行鷹派官員指，將利率維持係現水平，或會令通脹持續，英鎊由1.254轉弱至1.25水平，如果下周三(20日)公布慨消費物價指數(CPI)回落唔到，就業數據又理想，9月系咪好大機會加息？ 資深外匯分析師陳欣指，英倫銀行處於一個兩難局面，加息會影響經濟，但通脹持續高企，唔加息亦會影響經濟，另一方面，英國政府財政似乎出左問題，係咁多因素影響下，令英鎊支持力度較弱，1.25水平系較為關鍵，如果短期升唔穿，有機下試1.22水平。 陳欣 樂天證券香港銷售總監 |
英鎊 |
| 陳欣 |
2023-09-05T15:57 |
【Now財經台】澳洲儲備銀行議息後維持利率不變，結果出爐前澳元已偷步跌，由65美仙跌至64美仙水平，議息結果公布後變動唔大，當地第2季消費物價指數(CPI)開始回落，7月CPI更跌至年半低位，並重返去年5月開始加息前水平，但央行指高通脹仍會持續一段時間，或要進一步收緊貨幣政策，澳元後市會點走？ 資深外匯分析師陳欣指，澳洲央行之前持續加息慨效果已開始浮現，因為見到當地通脹不斷回落，但值得留意系，澳洲經濟有放緩跡象，失業率亦上升，所以央行必評估經濟可唔可以承受到再加息。 Chase又指，除左當地數據，中國經濟數據欠佳亦會影響澳元走勢，尤其是采購經理指數(PMI)，佢估計，澳元短期仍會偏弱，如果短期升唔穿64美仙，就會形成一個阻力。 陳欣 樂天證券香港銷售總監 |
澳元 , 中國經濟 , 澳元 , 澳元 |
| 陳欣 |
2023-08-31T17:54 |
【Now財經台】內地今朝出爐慨制造業采購經理指數(PMI)好過預期，但經濟動力仍然疲弱，離岸人仔今日一度轉強，之後走勢轉趨平穩，高盛指，人民幣加權貿易匯率每眨值7%，經濟增長就有望提升0.5個百分點，中央會唔會基於呢個原因唔會特別抗拒人仔貶值？ 資深外匯分析師陳欣指，數的確系咁計，但睇返全球經濟復蘇情況，增長比預期差，甚至有國家慨經濟陷入衰退，因為需求減少，即使幣值較弱，貿易出口量亦好難提升。 Chase認為，即使人仔持續貶值，對中國外貿未必有好大正面影響。不過，由於中央針對唔同行業推出政策，唔排除中國經濟中短期復蘇情況較之前理想。 陳欣 樂天證券香港銷售總監 |
人民幣 , 中國經濟 , 高盛 , 出口 |
| 陳欣 |
2023-08-22T16:43 |
【Now財經台】各國債息持續攀升，日本10年期債息見0.66厘，日本央行應如何應對？ 資深外匯分析師陳欣指，上次調整YCC已經試左反應唔大，同埋日本央行行長話過貨幣政策唔會咁快正常化，仍然會維持超寬松貨幣政策。佢又話，日本之前調整貨幣政策原因系通脹數據高企，但最新通脹回軟，加上日本經濟改善，令日本央行冇乜誘因去調整貨幣政策。 Chase提醒，日圓近黎走勢較低，唔排除日本政府可能會係145至150位置再出手托匯市。 陳欣 樂天證券香港銷售總監 |
|
| 陳欣 |
2023-08-15T17:30 |
【Now財經台】受出口帶動，日本上季國內生產總值(GDP)按年增長6%，遠超預期，並連續3季錄得增長。不過，日圓延續噚日跌勢，今午一度低見145.8，點解日本經濟數據強勁，日圓反而系咁跌？ 資深外匯分析師陳欣分析指，雖然當地通脹早已超過2%慨目標水平，按道理日本央行需收緊超寬松貨幣政策控制通脹，但其實日本整體經濟唔系表面上咁好，最新入口、私人消費支出數據仍要跌，反映存在內需疲弱慨隱憂，貨幣政策突然轉向慨風險都幾大。佢估計，日央行會等到明年才調整貨幣政策，期間日圓都難以扭轉弱勢。 Chase又估計，日圓會繼續係145至150水平橫行，日央行之前係日圓貶值至145水平時出手干預，若當局係日圓跌至150水平再出手，日圓有望回升至介乎138至140水平，否則，或要係150徘徊一段長時間。 陳欣 樂天證券香港銷售總監 |
出口 |
| 陳欣 |
2023-08-01T16:02 |
【Now財經台】澳洲儲備銀行爆冷連續第2次會議維持利率不變，議息結果公布後，澳洲國債孳息及澳元齊齊受壓，3年期澳債孳息跌至近兩個月低位，澳元就一度跌至0.665美元水平，央行唔急於加息遏通脹，系咪反映經濟有隱憂？ 資深外匯分析師陳欣指，澳洲經濟數據如采購經理指數(PMI)都比較差，主要系當地不斷加息，對經濟帶黎負面影響，包括樓市表現不振，所以央行都要再觀察，睇下適唔適合再加息。佢又話，如果市場未來再炒加息，澳元有機會反彈，但0.69美元阻力非常大，而0.65至0.655美元會有支持。 陳欣 樂天證券香港銷售總監 |
澳元 , 澳元 , 美元 , 澳元 |
| 陳欣 |
2023-07-25T16:32 |
【Now財經台】中央政治局會議後，人仔進一步轉強，不過，據外電報道，「幕後推手」其實系國有大行係在岸及離岸市場，沽美元推高人仔匯價。 資深外匯分析師陳欣認為，除左國家隊托價，政治局會議都系人仔顯著轉強慨原因，因為會議罕有提及要穩定匯率，有助鞏固投資者對人仔慨信心，加上會議內容坐實中央會係下半年推出多項刺激經濟政策慨預期，亦令市場對內地經濟復蘇有更大憧憬。 不過，Chase指出，會議內容反映中央傾向以務實措施谷經濟，當細節出爐後或令市場失望。佢預期，人仔短線急升後，未必會再大幅反彈，中短線將維持偶有反彈，但時時整固慨走勢，上方阻力7.1水平，下方支持7.25。 陳欣 樂天證券香港銷售總監 |
美元 |
| 陳欣 |
2023-07-11T17:53 |
【Now財經台】美元轉弱，日圓轉強至140水平，升上近1個月高位，除左受美元轉弱帶動，同日股走勢都有好大關連性，日股上半年強勢，日圓就弱，走勢都幾同步，日股今個月反覆回落，日圓7月初開始逐步轉強，日股短線調整對日圓慨利好可以持續幾耐？ 資深外匯分析師陳欣指，日股早前轉強，主要系出口及制造業相關股份受惠於日圓弱勢，但最近日圓轉強，同美元及美債孳息率走弱有好大關系，若美元持續弱勢，日圓有機會走強。 Chase又話，要留意日本央行貨幣政策會唔會正常化，因為會影響日圓走勢。技術走勢方面，若日圓升穿140水平，可以上望137水平，否則，係145水平都有支持。 陳欣 樂天證券香港銷售總監 |
美債 , 美元 , 出口 |
| 陳欣 |
2023-06-27T17:25 |
【Now財經台】人仔持續貶值，離岸價今朝一度跌至7.2495，見7個月低位，其後一度轉強近300點子，據《路透》引述消息人士指，國有大行係離岸市場拋售美元，紓緩人仔跌勢，系咪因為已迫近中央「底線」，所以國有大行焗出手？ 資深外匯分析師陳欣指，人仔貶值速度偏快，但到底系咪中央出手仲未能確認，歐美央行加息及內地經濟增長放緩，系系人仔貶值主因，佢估計，中央會繼續推出寬松政策刺激經濟，但有機會令人仔繼續貶值。 陳欣 樂天證券香港銷售總監 |
美元 |
| 陳欣 |
2023-06-15T17:56 |
【Now財經台】歐洲央行今晚議息，市場預期將加息0.25厘，歐央行加息周期系咪會比美國長？歐元後市會點走？ 資深外匯分析師陳欣指，美國聯儲局可能繼續加息，會抵銷左歐央行一直相對鷹派慨態度，歐元升至現水平會開始缺乏上升動力，佢估計，歐央行今晚好大機會加息0.25厘，並唔排除之後會再加，但加幅未必會好大。 Chase解釋，歐元區過去兩季國內生產總值(GDP)都錄得負增長，已陷入技術性衰退，所以經濟數據未必可以支持到歐央行繼續加息，佢預期，歐元走勢橫行偏強，短線支持位睇1.08水平。 陳欣 樂天證券香港銷售總監 |
歐元 |
| 陳欣 |
2023-06-13T17:36 |
【Now財經台】日本央行周五(16日)會公布議息結果，市場預期，指標利率會維持不變，日央行行長植田和男現階段無意透過調整國債孳息曲線收窄市場流動性，雖然日本第1季經濟增長好過預期，但工資仍然疲弱，令日圓冇大上大落慨誘因，短期系咪繼續係140水平上落？ 資深外匯分析師陳欣預期，日央行會維持貨幣政策不變，因此，對日圓影響唔大，日央行曾經係日圓見141水平時「出口術」干預，令日圓係呢個水平有支持，佢估計，日圓中短線會係138至141波動。 陳欣 樂天證券香港銷售總監 |
出口 |
| 陳欣 |
2023-06-06T17:55 |
【Now財經台】美國債務危機暫時解除，噚晚隨即有新一批國債拍賣，系以短債為主，拍賣反應理想，之前因為債務上限問題，投資者唔敢沾手短債，導致短債息急升，依家債務問題暫時解決，資金會唔會重新流入債市，繼而令債息回落？ 資深外匯分析師陳欣指，如果有大量資金流入債市，債息先會回落，但值得留意系，會唔會因為有股市或銀行資金流入債市，令流動性問題重現，影響整個金融市場，到時有可能加快美國經濟陷入衰退慨機會。 陳欣 樂天證券香港銷售總監 |
資金流向 |
| 陳欣 |
2023-05-30T19:02 |
【Now財經台】人仔近排非常弱勢，離岸人仔今日中午前曾失守7.1水平，跌至近半年低位，係內地經濟復蘇不確定性增加下，人仔系咪有機會跌至去年10月底慨低位？ 資深外匯分析師陳欣認為，人仔弱勢主要系美元走勢較強，加上內地經濟數據表現唔突出，某程度上甚至令人失望，令經濟復蘇預期不及之前理想，導致人仔持續弱勢。美元方面，佢話加息預期再升溫，令美元走強，令中美利差持續擴闊，人仔優勢自然減少，如果人仔上唔返7.1水平，唔排除會持續弱勢。 陳欣 樂天證券香港銷售總監 |
美元 |
| 陳欣 |
2023-05-23T17:14 |
【Now財經台】美匯指數變動不大，守在103水平，非美貨幣普遍牛皮偏軟，以日圓跌得較多，仲見埋近半年低位，今朝日本公布左5月制造業活動數據，系七個月以來首次擴張，服務業增速創紀錄。另外，上個財年經通脹調整後工資下跌1.8%，創八年來最大跌幅。日本央行繼續按兵不動，日圓短線走勢系咪都被外圍因素牽住走？ 資深外匯分析師陳欣指，日圓短線走勢都幾受美元影響，美元相對較強之下，對日圓壓力都大。另一方面，日本近期經濟數據好轉，對日圓而言可以話系一個支持，但屬長線因素居多。短線而言，日本央行繼續行超寬松貨幣政策，對日圓都造成壓力。之前日圓係138兌一美元水平，日央行有出手，但今次日圓去到140水平，央行可能都未必出手，估計匯率短線會進一步下跌，但如果在140位置撐得住，或者都有條件反彈。 陳欣 樂天證券香港銷售總監 |
美元 , 美匯 |
| 陳欣 |
2023-05-16T16:01 |
【Now財經台】內地剛公布的零售、工業及固定資產投資數據都差過預期，離岸及在岸人民幣匯價偏軟，轉弱逾100點子，人民幣下試「七算」機會存在嗎？ 資深外匯分析師陳欣指出，內需偏軟下，中央或出台刺激政策，人民幣匯價有機會進一步轉弱，跌穿「七算」兌一美元的機會存在，甚或下試7.05兌一美元水平。 除了人民幣轉弱，澳元亦受影響，不過，陳欣認為，當地經濟形勢不錯，不大可能明顯轉弱，預期澳元將呈橫行格局，上穿69美仙機會微。 陳欣 樂天證券香港銷售總監 |
人民幣 , 澳元 , 美元 , 澳元 , 澳元 |
| 陳欣 |
2023-05-02T16:28 |
【Now財經台】澳洲央行爆冷加息0.25厘，議息結果公布後，澳元一度升逾1%至67美仙水平，係今個加息周期中，加拿大及澳洲央行系最先「收手」，澳洲央行之前連加10次息後，4月議息會暫停加息，但踏入5月又出乎預期再加息，系咪經濟數據令澳洲央行要轉軑？ 資深外匯分析師陳欣指，今次澳洲央行整體態度鷹派，預期未來可能要繼續加息，雖然通脹回落，但可能未符合當局目標，加上核心通脹回落速度偏慢，而當澳洲失業率低，加上市場熾熱，核心通脹就更難回落，但對仲有幾多加息空間持保留態度，因為再加息會打擊澳洲經濟，但短線會對澳元有刺激作用，後市可挑戰68至69美仙。 陳欣 樂天證券香港銷售總監 |
澳元 , 澳元 , 澳元 , 新股IPO , 新股IPO |
| 陳欣 |
2023-04-25T17:18 |
【Now財經台】上日有歐洲央行官員指，唔排除歐央行下周會加息50點子，而歐元兌美元重上1.1水平，點睇下月加息50點子可能性?歐元有幾大機會突破? 資深外匯分析師陳欣話，部分經濟數據表現好，例如服務業PMI創11個月高位，商業信心指數亦向好，支持歐洲央行的鷹派加息路線。 Chase又話，雖然通脹放緩幅度好似偏大，但3月能源價格偏低，4月回升返，反映歐洲通脹可能仲會高位，同通脹目標仍然有一段距離，所以央行有需要維持進取慨加息路線，加50點子同歐元繼續向上慨機會大。 陳欣 樂天證券香港銷售總監 |
美元 , 能源 , 歐元 |
| 陳欣 |
2023-04-18T16:36 |
【Now財經台】英國公布三月就業數據後，英鎊兌美元重上1.24水平，明日英國將公布通脹數據，系咪睇埋相關數據再部署英鎊會好些？ 資深外匯分析師陳欣指，英國工資增長唔錯，代表整體通脹壓力大；如果明日公布的通脹數據高於預期，會增加央行加息慨可能性，若通脹水平與預期相若，市場就會認為加息接近尾聲。 陳欣認為，今次就業數據唔錯，但整體英國經濟數據並未令人滿意，英國能否避過經濟衰退，相信要更多數據支持才能確認。 陳欣 樂天證券香港銷售總監 |
美元 , 英鎊 |
| 陳欣 |
2023-04-04T17:38 |
【Now財經台】澳洲儲備銀行一如預期暫停加息，利率維持係3.6厘不變，澳元係議息結果出爐前，已自5周高位回落，央行宣布利率維持不變後，澳元跌幅擴大，落返0.678以下。央行指，當地通脹已見頂，估計在經濟回軟下，失業率將會上升。澳洲加息周期系咪已經完結？會唔會再掉頭加息？ 資深外匯分析師陳欣指，澳洲就業市場仍然熾熱，可能令通脹唔會持續加快回落，由於之前回落幅度比預期快，先畀左藉口央行今次停止加息，但佢認為仍要觀望。 佢又話，市場預期，澳洲加息周期已去到尾聲，即使未來再加息，都只會加0.25厘。 陳欣 樂天證券香港銷售總監 |
澳元 , 澳元 , 澳元 |
| 陳欣 |
2023-03-07T17:30 |
【Now財經台】澳洲儲備銀行連續第5次加息0.25厘，最新指標利率升至3.6厘，央行強調有必要進一步收緊貨幣政策，維持將消費物價指數(CPI)控制在目標水平不變。澳元匯價係議息結果公布後受壓。 資深外匯分析師陳欣認為，央行言論比市場預期更鷹，今次仲承認未來幾年經濟增長有放緩趨勢，預期澳元有機會進一步回落，依家支持位睇66美仙，阻力睇69美仙。 陳欣 樂天證券香港銷售總監 |
澳元 , 澳元 , 澳元 |
| 陳欣 |
2023-02-28T17:29 |
【Now財經台】美國經濟數據強勁，但未有好似上星期慨PCE數據，令市場受驚，美股回升、美債息跌，美匯亦落返105以下，市場系咪開始接受聯儲局會持續加息？不過，係下個月議息會議前慨空窗期，聯儲局官員可能會發表鷹派言論，有冇機會推高返美元？ 資深外匯分析師陳欣指，美國通脹可能去到某個水平就唔容易回落，而聯儲局一向較睇重數據，作風亦偏鷹，所以好多鷹派官員會出黎講野，其實今個星期主席鮑威爾都會發表講話，留意會唔會提供到一些加息慨線索，或者佢對通脹慨解讀，而美國零售銷售數據偏強，亦為聯儲局加息提供條件。 陳欣 樂天證券香港銷售總監 |
美債 , 美元 , 美股 , 美匯 |
| 陳欣 |
2023-02-21T16:01 |
【Now財經台】美國總統拜登係俄烏戰事1周年前，突然到訪烏克蘭首都基輔，另一方面，俄羅斯總統普京今日會發表國情咨文演說。此外，今日稍後時間有唔少重要數據出爐，包括歐元區PMI及經濟景氣指數、加拿大通脹數據、美國2月PMI初值，美匯指數係呢些數據公布前向上，企係104樓上，美匯指數會唔會進一步向上？ 資深外匯分析師陳欣指，地緣政治避險情緒的確有升溫，對美元黎講系會進一步利好，更重要系睇返美國內部因素，例如經濟數據，之前公布慨就業及零售等數據，都比預期強勁，由於美國通脹持續高企，聯儲局有機會繼續加息，利率見頂水平或超預期，美匯指數短線有機會上試105.5水平，但估計再大升機會唔大。 陳欣 樂天證券香港銷售總監 |
美元 , 美匯 , 歐元 |
| 陳欣 |
2023-02-07T18:17 |
【Now財經台】亞特蘭大聯儲銀行行長係一個訪問中提及，若美國經濟持續強勁，聯儲局利率峰值或比預期高，甚至唔排除未來有一次會議會加息0.5厘，美匯指數今輪反彈可以彈到幾高？ 資深外匯分析師陳欣指，聯儲局官員不停「出口術」，希望達到管理市場預期慨效果，美匯指數反彈系因為非農數據太靚，令市場認為聯儲局會繼續加息，不過，美國其他經濟數據其實唔算好，經濟仍有衰退風險，因此，聯儲局要繼續加息遏通脹。 Chase又提醒，若經濟數據冇好轉，年底會唔會掉頭減息就好難講，依家美元缺乏上升動力，中線可能呈橫行整固格局，預期美匯指數會係100至105上落，難出現大突破。 陳欣 樂天證券香港銷售總監 |
美元 , 美匯 , 出口 |
| 陳欣 |
2023-01-31T17:48 |
【Now財經台】A股噚日係兔年首個交易日紅盤高收，但今日出現回套，但睇返資金流，外資噚日流入A股慨規模約186億人仔，今日仍錄得逾百億人仔淨買入，系咪對人民幣都有一定支持作用？ 資深外匯分析師陳欣指，市場對中國經濟復蘇有信心，例如農歷新年假期旅游出行人數高達3億人次，較舊年同期升逾20%，此外，過去幾年受疫情影響，銀行存款大升50%，反映家庭有能力消費，政府需有貨幣政策配合刺激消費潛力。 Chase提醒，雖然人仔前景向好，但要留意中美利差限制左人仔上升空間，短線較大阻力係6.7水平，中線則有機會升至6.6水平。 陳欣 樂天證券香港銷售總監 |
人民幣 , 中國經濟 , 資金流向 |
| 陳欣 |
2023-01-10T17:51 |
【Now財經台】繼高盛調高人民幣匯率預測後，大摩最新將人民幣年底預測，上調至6.65兌一美元，較現水平升值約2%，同時調高今年內地經濟增長預測至5.7%。人民幣中間價連續兩日大幅轉強逾600點子，今日開市報6.7611兌一美元，而在岸、離岸價早段繼續強勢，兩大美資行同時唱好中國資產，重啟經濟開放之路，系咪真系咁順暢呢？ 資深外匯分析師陳欣指，近期人民幣反彈幅度大，主要系因為美元轉弱，好多其他貨幣都有受惠。另外，內地放寬防疫限制同開關等，市場對中國經濟復蘇慨憧憬都推升人民幣。但要留意返，依家慨經濟數據較差，例如制造業處於收縮水平，零售及出入口數據都系跌緊，國家好需要精准慨政策去刺激返經濟，不確定性仍然存在。另外，降准或減息等寬松貨幣政策雖然利好經濟，但對人民幣難有正面影響，人民幣強勢亦會削弱出口，相信人民幣匯率中長線可能在6.7至6.8兌一美元上落。 陳欣 樂天證券香港銷售總監 |
人民幣 , 美元 , 中國經濟 , 高盛 , 出口 |
| 陳欣 |
2023-01-03T18:15 |
【Now財經台】日圓沖上半年高位，兌港元升穿6算，美元兌日圓亦跌穿130，去年10月底至今，日圓累升16%，後市仲有幾多上升空間？日本央行今年會換楂弗人，會唔會調整貨幣政策？ 資深外匯分析師陳欣指，市場預期美國加息周期今年就會完結，當地經濟有機會步入衰退，相信會支持日圓向上，估計美元兌日圓最少可守住137水平，即日本上月公布提高債券孳息率上限前水平。 Chase又認為，日本經濟仍未承擔到加息風險，加上日央行始終想保住匯率，因此，預期現任行長黑田東彥離任後，日本幣策將由超寬松轉向中性，並估計日圓暫時仍會係130至135水平爭持，日圓下半年可能因日本經濟好轉，或美國停止加息進一步轉強至120水平。 陳欣 樂天證券香港銷售總監 |
美債 , 美元 |
| 陳欣 |
2022-12-28T17:43 |
【Now財經台】內地放寬防疫及出境措施比預期快，本港今日下午亦宣布進一步放松防疫措施，包括取消疫苗通行證及檢疫令等，展望明年，外資會唔會再度投資中國資產？人仔又會點走？ 資深外匯分析師陳欣指，內地防疫政策放寬後，人民幣反彈幅度唔算小，市場對經濟復蘇憧憬已經反映係匯價上，所以好難進一步推升人仔，未來要留意復蘇後慨經濟數據，畀唔畀到市場信心，吸引資金流入支持人仔。 Chase又話，睇好人仔明年走勢，因為唔少國家慨緊縮貨幣政策已差不多到尾聲，另一方面，中國仲有好多政策刺激經濟，例如擴大內需、保房地產等，令內地經濟逐步復蘇，佢估計，人仔中線會見6.7至6.8，短線就係6.93至7.03徘徊。 陳欣 樂天證券香港銷售總監 |
人民幣 , 港資流向 , 地產 , 資金流向 , 地產 |
| 陳欣 |
2022-12-20T18:05 |
【Now財經台】日本央行爆冷將國債收益率波動區間擴大至0.5%，日圓兌美元一度升3%，並震散日股，為市場投下一個震撼彈，點解讀行長黑田東彥離任前呢個舉動，目的系咪繼續遏通脹？日圓升勢可唔可以持續？ 資深外匯分析師陳欣指，日央行呢個舉動，首先要令通脹受控，另一方面，雖然會增加企業融資成本，但有機會令其他國家債項資產如美債，回流日本，吸引資金回流，帶動日本經濟，日圓太低對日本經濟唔會有好大正面作用，因為會推高生產成本，所以日央行呢個舉動系好合理。 Chase又話，黑田東彥明年4月卸任後，唔排除日本現時負0.1厘慨基准利率會回復中性，日圓匯價會進一步上升，美有機會試130水平。 陳欣 樂天證券香港銷售總監 |
美債 , 美元 , 資金流向 |
| 陳欣 |
2022-12-16T17:54 |
【Now財經台】雖然英倫銀行連續9次加息，利率升至2008年以黎最高水平，但英鎊仍回落至1.22，因市場認為英倫銀行加息行動已屆尾聲，英鎊錄得6周以來最大單日跌幅，終止6連升。不過，英國多個工會正進行或醞釀罷工，以爭取較高工資，通脹系咪可以回落？相對於歐洲央行，英倫銀行真系有條件采取較「鴿」慨加息立場？ 資深外匯分析師陳欣指，雖然英國通脹真系好高，但由於經濟前景唔理想，英倫銀行甚至認為未來2年經濟將面臨收縮，令市場對英國經濟及英倫銀行加息前景都相對悲觀。 佢又話，歐元及英鎊都有反彈，而英鎊彈力開始唔及歐元，估計歐元兌英鎊有機會持續上升，但英鎊後市趨向轉弱，面對罷工、經濟衰退及通脹上升等，英倫銀行系騎虎難下，難以調整貨幣政策。 陳欣 樂天證券香港銷售總監 |
英鎊 , 歐元 |
| 陳欣 |
2022-12-13T16:40 |
【Now財經台】美國11月CPI數據今晚出爐前，美匯指數繼續橫行，最新係104.9水平徘徊，係CPI數據及美英歐央行公布議息結果前，匯市情緒系咪傾向審慎？ 資深外匯分析師陳欣指，市場的確系比較審慎，雖然唔排除聯儲局已經知道CPI數據，但主席鮑威爾之前轉口風，如果CPI進一步回落，會畀左一個加息方向聯儲局，今個月加0.5厘已經系市場共識，相信加多或減少機會都唔大，但之後會唔會再上調加息幅度，就要睇CPI會唔會持續回落。值得留意慨系，就算CPI進一步回落，只會為美匯指數帶黎短暫壓力。 Chase又話，聯儲局通脹目標同依家實際通脹數字仍有一段距離，尤其核心通脹仲升緊，如果通脹繼續朝依家慨方向走，唔排除聯儲局慨加息幅度會維持0.5厘一段長時間。 陳欣 樂天證券香港銷售總監 |
美匯 |
| 陳欣 |
2022-12-06T16:50 |
【Now財經台】澳洲央行連續第8個月加息，一如預期上調指標利率0.25厘至3.1厘，升至2012年11月以來最高水平，議息結果公布後澳元走強，行長洛威重申，未來將進一步加息，但強調仍需視乎未來經濟數據。 資深外匯分析師陳欣表示，澳央行預期，當地通脹第4季會升至8%慨高位，又認為當局會繼續加息，直至通脹顯著回落至目標2%至3%。 澳元走勢方面，Chase指出，澳洲加息幅度較克制，即使加息因素及弱美元會推升澳元，但估計升幅不及其他商品貨幣，但技術上澳元仍處於反彈趨勢，後市有望挑戰68至69美仙。 陳欣 樂天證券香港銷售總監 |
澳元 , 澳元 , 美元 , 澳元 |
| 陳欣 |
2022-11-21T18:02 |
【Now財經台】內地噚日新增近27000宗新冠本土個案，再多2人死亡，屬於北京本土病例，而廣州白雲區加強防控，河北省石家莊又宣布「封城」5日。內地再收緊封控，人仔亦轉弱，內地疫情系咪打擊內地重新開放進程，令人仔進一步受壓？ 資深外匯分析師陳欣指，人民幣之前弱勢主要系美元強，雖然內地疫情反彈，但佢認為，由於防疫政策放寬左，未必會輕易轉向，若防疫政策持續放寬，相信經濟可以有個良好預期，除左防疫政策，房地產慨融資政策、對民營企業貸款政策都有助內地經濟增長發展，雖然人仔近期因美元反彈而受壓，但隨著政策實行後，將利好中國經濟，預期可以為人仔帶來支持，估計人仔係7.2至7.25有支持。 陳欣 樂天證券香港銷售總監 |
人民幣 , 中國經濟 , 地產 , 美元 , 地產 |
| 陳欣 |
2022-11-15T16:57 |
【Now財經台】內地今朝出左最新零售、工業及固投數據，全部差過預期，不過，人仔對數據反應唔算太大，在岸及離岸價係7.05水平上落，近日人仔反彈至接近7算水平，短期反彈系咪差不多告一段落？ 資深外匯分析師陳欣指，現時有兩個主要因素影響人仔短期走勢，首先系憧憬防疫政策持續放寬及優化，其次系美元回落，可以畀非美貨幣抖抖氣，係呢個情況下，人仔就有一個比較似樣慨反彈。 Chase又話，後市要留意美元跌穿咁多支持位後，會唔會進一步向下，同埋聯儲局會唔會繼續放慢加息步伐。佢續指，美國今個星期會公布零售銷售數據，若數據不利美元，人仔有機會挑戰7算水平。 陳欣 樂天證券香港銷售總監 |
美元 |
| 陳欣 |
2022-11-11T17:42 |
【Now財經台】國家衛健委調整新冠防疫措施，放寬入境檢疫，除港股午後進一步發力，人仔亦急升，一度升至7.05水平，升勢會唔會過急？後市仲有幾大上升空間？ 資深外匯分析師陳欣指，依家內地放寬防疫措施，加上美國通脹放緩，的確利好人民幣，但睇返中國經濟，PMI數據反映制造業仍然收縮緊，如果人仔要升至更高水平，除左政策憧憬，始終要睇經濟數據配唔配合，另一方面，亦要睇埋環球經濟，如果影響出口數據，就好影響人仔慨升勢。 陳欣 樂天證券香港銷售總監 |
人民幣 , 港股 , 中國經濟 , 出口 |
| 陳欣 |
2022-11-01T16:22 |
【Now財經台】澳洲央行一如預期加息0.25厘，指標利率升至2.85厘，雖然央行聲明指，未來仍會視乎情況繼續加息，但市場似乎認為澳洲央行加息周期會快過其他央行完結見頂。澳洲央行加息步伐較其他央行慢，系咪會限制澳元表現？ 資深外匯分析師陳欣指，澳洲央行係加息問題上，相對於其他央行系比較鴿派，央行今日暗示未來仲會加息，但都要視乎數據及通脹，如果唔系咁講，澳元就不升反跌。佢又話，澳元之前都跌得幾犀利，依家出現技術性反彈，甚至觸底回升，力度都相對大，而技術走勢都唔錯，成功突破一些重要阻力，如果企得穩58美仙，大機會上試60美仙。 陳欣 樂天證券香港銷售總監 |
澳元 , 澳元 , 澳元 |
