| 評論員 |
時間 |
內容 |
標籤 |
| 譚智樂 |
2026-04-21T12:46 |
截至早上11時止，1小時內《彭博》搜尋量最多港股，依次為港鐵公司(00066)、中國移動(00941)、蜜雪集團(02097)、國泰航空(00293)及威勝控股(03393)。 市傳港鐵委託多家銀行發行港元綠色債券，年期5年、10年及30年期，可能今日(21日)會定價。此外，港鐵錦上路站第2期項目昨日(20日)截標，合共收到8份標書，當中包括唔少大型發展商，點睇港鐵今次發港元綠債？ 富途證券首席分析師譚智樂指，港鐵呢幾年都出現好大變化，由地產市場唔好開始，集中發展北部都會區令資金承受唔少壓力，而集團定位亦唔同左，不論發債、債務狀況都有改變，普遍市場認為，港鐵最大風險係負債水平相對偏高。 Arnold又話，但以現時慨環境去評估，依家發債反而對公司有利，一方面受惠於美國減息，財務壓力細左，另一方面，唔少數據都反映地產市場逐漸回暖，一些港鐵上蓋項目招標反應理想，對現金流有顯著幫助。 股價方面，Arnold就話，雖然港鐵近期跟隨大市向下，但睇返今年走勢，股價暫時累升近17%，大幅跑贏大市，加上股息率仍有一定吸引力，短線有條件繼續睇好。 |
|
| 譚智樂 |
2026-04-16T10:13 |
富途證券首席分析師譚智樂推介易方達生物醫藥(03186) 推介原因： -受惠全球生物科技行業強勢，包括BD商業化和海外增長機會 -ETF可有效分散投資，避免個股風險。 |
|
| 譚智樂 |
2026-03-31T13:03 |
截至早上11時止，1小時內《彭博》用戶搜尋量最多港股，依次為極兔速遞(01519)、翰森製藥(03692)、藥明生物(02269)、中國銀行(03988)及舜宇光學科技(02382)。 舜宇昨日(30日)交左一份靚成績表，去年多賺72%，符合盈喜預期，毛利率亦回升至19.7%，重返2022年水平，主要受惠於手機鏡頭規格高端化，同埋高毛利汽車產品佔比提升，舜宇股價今日(31日)一度升逾4%，高見55.5元，可唔可以話股價已開始轉勢？ 富途證券首席分析師譚智樂指，舜宇盈利能力較市場預期強，但唔代表股價已轉勢，股價反彈有可能係市場之前睇得太悲觀，雖然高端化產品保住毛利率，但未來兩年手機出貨量仍面對好大壓力，加上集團係汽車核心需求，例如車載激光雷達等產品參與度都唔算太高。 Arnold又話，睇返技術走勢，舜宇股價要重上20天線，即55元樓上，先可以初步確認轉勢，依家市場仍持半信半疑慨態度，舜宇依家最大吸引力係估值，現時市盈率(PE)約15倍，雖然有短線資金博反彈，但未必會太快確認轉勢，估計短期會係52至55元波動，投資者不宜過分樂觀。 |
|
| 譚智樂 |
2026-03-27T17:28 |
康方生物(09926)昨日(26日)出完業績後，股價今日(27日)早段一度受壓，但之後拗腰向上，點睇公司前景？ 富途證券首席分析師譚智樂表示，雖然康方放榜後，股價今早一度向下，但投資者唔應該單睇短線波動，唔係「升就好，跌就差」，睇返技術走勢，康方表現其實同整體生物科技指數差唔多，亦同大市「破腳穿頭」走勢相若，反映今日早段跌勢主要受整體市場氣氛較差拖累，而唔係受公司個別因素影響。 投資部署方面，Arnold建議，可以留意生物科技交易所買賣基金(ETF)，生物科技行業最大慨風險係要考慮產品會唔會出事，而對沖風險最好慨方法，就係避免投資單一股份。 佢解釋，ETF慨好處在於分散投資，一旦個別公司出事，可以透過分散持倉減低個股風險，由於生物科技板塊個股風險相對大，所以考慮投資ETF，因為會較穩妥。 |
|
| 譚智樂 |
2026-03-19T09:58 |
富途證券首席分析師譚智樂推介萬洲國際(00288) 推介原因： -業績呈現穩健復甦。 |
|
| 譚智樂 |
2026-03-13T16:20 |
近期中東霍爾木茲海峽(Strait of Hormuz)被封鎖，除左油氣出口受阻，亦係化肥及工業原材料慨運輸要塞，受供應短缺擔憂刺激，化肥股如中化化肥(00297)同埋中國心連心化肥(01866)股價一度走強，睇唔睇好呢類股份後市？ 富途證券首席分析師譚智樂指，近期化肥股走勢雖然偏強，但今日(13日)出現衝高回落，反映市場進入好淡爭持慨尷尬局面，Arnold話，原油價格上升對化肥的確存在成本壓力，不過目前油價急升被視為短暫慨地緣政治因素，而且企業手頭上有足夠庫存應對，短期內反而有藉口加價，將成本轉嫁。 但佢補充，之前慨升浪可能只係圍繞國內刺激內需同農業慨政策憧憬，而行業估值本身就偏低，所以有較多資金留意，但若戰事持續、油價繼續升高，企業或需面對產品短缺風險，對整體需求和市場情緒都會轉向負面。 Arnold建議，短線投資者要小心，若依家高位追入，可能要面對5%至6%慨回調風險，而對於長線投資者黎講，如果目標係追求高息，化肥股仍具備條件，因為短期盈利波動對派息層面的衝擊相對有限。 |
|
| 譚智樂 |
2026-03-10T13:17 |
截至早上11時止，1小時內《彭博》搜尋量最多港股，依次為康方生物(09926)、MINIMAX(00100)、騰訊控股(00700)、智譜(02513)及中國石油股份(00857)。 康方今日(10日)係網站公布，三抗新藥獲中國國家藥監局批准進入臨床，是全球首款三抗新藥，股價今日高開後，一度急升近12%，高見115.9元，升勢亦有成交配合，後市點睇？ 富途證券首席分析師譚智樂指，技術走勢方面，消息一出，康方股價形成雙底格局，睇返頸線位置，股價突破重要阻力位113元及橫行區間約110元，係有資金追棒、消息支持同成交配合下出現技術突破，可以考慮順勢去追。 Arnold又話，第一個目標可先睇120元，係另一重要阻力位，市場今日明顯Risk On，生物科技股、科技股板塊有追捧，短線藉著消息可以再炒一浸，建議有貨慨投資者繼續楂。 |
|
| 譚智樂 |
2026-03-05T10:26 |
富途證券首席分析師譚智樂推介騰訊音樂(01698) 推介原因： -估值回落到較合理水平，預測市盈率(PE)15倍 -競爭對手汽水音樂的增速放慢，有助降低市場憂慮 -版權為核心護城河。 |
|
| 譚智樂 |
2026-02-27T16:26 |
德昌電機控股(00179)股價今日(27日)一度飆近22%，高見32.24元，亦有大成交配合，但其實公司冇傳出重大利好消息，早前春晚慨機械人表演，帶挈相關概念股炒多轉，但德昌當時冇乜反應，點睇股價今日突然「開車」？ 富途證券首席分析師譚智樂指，依家炒「影子股」可以話係氣氛到位，對呢類估值平，又有概念慨股份再炒上唔意外，市場依家估緊德昌會唔會轉型，尤其係多新股上市、春晚效應下，德昌相關零部件有機會可以滲透入行業當中。 Arnold又話，德昌係一隻典型情緒交易股份，雖然有條件轉型，但相信要係研發方面進行投資，等時機成熟後再發布消息，但佢認為，「空穴來風，未必無因」，市場依家有呢種諗法，唔可以抹殺佢同機械人慨可行性，所以短線跟隨市場情緒炒，亦係高風險高回報。 |
|
| 譚智樂 |
2026-02-10T13:03 |
截至早上11時止，過去1小時內《彭博》用戶搜尋量最多港股，依次為泡泡瑪特(09992)、信達生物(01801)、智譜(02513)、比亞迪股份(01211)、美團(03690)。 泡泡瑪特創辦人王寧係公司年會披露，去年賣出逾4億個IP產品，其中，Labubu去年賣左過億隻，集團股價已連升7個交易日，由1月低位計，至今已反彈近100元，股價今日(10日)一度高見270元，再升近5%，雖然匯豐證券下調目標價至354元，但仍較現價有逾30%潛在上升空間，泡泡瑪特係咪仍可以繼續憧憬？ 富途證券首席分析師譚智樂指，市場對泡泡瑪特未來增長預測非常敏感，之前股價由340元跌至170元，主因係炒價回落，但近期新慨「星星人」系列等熱賣，炒價愈炒愈高，令市場情緒再次飄忽。Arnold認為，泡泡瑪特股價已經做左一個明顯慨技術調整，由於銷售數據幾靚仔，估計有機會挑戰前高位。 Arnold又建議，有貨慨投資者可以繼續楂住，因為暫時未見到公司有競爭對手威脅到佢，但現時唔適宜估頂，想追入慨投資者，由於股價近期升得比較急，加上炒價炒起已經係2至3星期前慨事，所以睇下股價可唔可以觸及10天線再做部署，但睇基本因素，泡泡瑪特值得繼續睇好。 |
|
| 譚智樂 |
2026-02-05T09:24 |
富途證券首席分析師譚智樂推介信義光能(00968) 推介原因： -行業或出現結構性轉變，憧憬外太空發展 -光伏玻璃價格已有喘定跡象。 |
|
| 譚智樂 |
2026-01-30T16:20 |
藍籌藥股石藥集團(01093)今日(30日)公布，同英國大藥廠阿斯利康(AstraZeneca)達成對外授權協議，潛在總收益高達185億美元，同去年指引慨50億美元差好遠，不過，石藥股價今日一度大林近13%，低見9.32元，後市點睇？ 富途證券首席分析師譚智樂認為，石藥股價大跌係典型慨「好消息出貨」，雖然今次係合作對象及金額都無可挑剔，但睇返石藥股價由去年低位4元起步升至現水平，其實已反映左呢個醞釀左半年慨利好消息，所以依家未必會繼續炒上去，加上撞正大市回落，資金依家趁消息落實獲利都可以理解。 Arnold又話，雖然呢單Deal潛在總收益好龐大，但其實大部分都要睇未來銷售表現，加上減肥藥市場競爭十分激烈，阿斯利康亦唔係最熱藥廠，如果單睇預付款加埋潛在研發里程碑金額，其實大約47億美元，同之前公司指引提及慨50億美元差唔多，因此，佢預期石藥股價短線會維持整固格局。 |
|
| 譚智樂 |
2026-01-22T10:06 |
富途證券首席分析師譚智樂推介ＸＬ二南三星(07747) 推介原因： -憧憬月底公布業績，繼續受惠記憶體超級周期 -三星正採用2納米製程工藝設計用於定製化HBM的邏輯芯片 -受惠行業供應緊張。 |
|
| 譚智樂 |
2026-01-20T13:05 |
截至早上11時止，1小時內《彭博》搜尋量最多港股，泡泡瑪特(09992)、新世界發展(00017)、洛陽鉬業(03993)、中油燃氣(00603)及中國宏橋(01378)。 新消費股普遍向上，泡泡瑪特今日一度升10%，高見199.6元，公司斥資2.5億元回購140萬股，而以往2022及2023分別都有做回購，股價正值新冠疫情的低潮期，但都可以轉勢，今次又能否重演？現在泡泡瑪特又是否值博？ 富途證券首席分析師譚智樂指，考慮到泡泡瑪特股價在2024及2025分別升了4倍和2倍，其實由高位調整30%至40%問題不大，回購亦並非令股價上升的主要原因，根據過往的經驗，股價轉勢更多是因為成功推出不少新的IP。 Arnold又話，泡泡瑪特短線仍處於缺乏上升催化劑，短線夾完淡倉後，股價大約會在過去1個月的橫行區間徘徊，大概195元至210元位置，雖然未有短線催化劑，但考慮到公司業績強勁，之後可留意公司短期內會不會發盈喜，建議有貨的投資者繼續持有。 |
|
| 譚智樂 |
2026-01-13T13:08 |
截至早上11時止，過去1小時內《彭博》用戶搜尋量最多港股，依次為比亞迪股份(01211)、泡泡瑪特(09992)、藥明生物(02269)、美團(03690)及中國平安(02318)。 比亞迪今日(13日)高開3%，其後曾一度觸及100元大關，高見100.3元，升幅逾4.8%。公司去年10月下旬跌穿100元，多次都無法企穩收復，今次有望企穩100元水平嗎？ 富途證券首席分析師譚智樂指，由於比亞迪以往一味追求銷量，令公司跑輸行業，但近年公司開始專注部署「天神之眼」(DiPilot)等無人駕駛技術，並處於轉型階段，相信市場短線會將焦點放在比亞迪的質量上，然而質量相關的數據成果需時，因此比亞迪能否重回100元紮根，將很大程度取決於市場氣氛。 Arnold建議，持有比亞迪的投資者可以繼續持有，至於想入手的投資者，則可以考慮同領域更出色的汽車公司作首選。 |
|
| 譚智樂 |
2026-01-08T10:00 |
富途證券首席分析師譚智樂推介歌禮製藥(01672) 推介原因： -減肥藥是今年焦點 -今年第1季將密集公布多項階段性頂線數據 建議現價買入 目標價：18.0元 止蝕價：11. |
|
| 譚智樂 |
2026-01-06T12:33 |
截至早上11時止，過去1小時內《彭博》搜尋量最多港股，依次為快手(01024)、紫金礦業(02899)、國泰航空(00293)、中國平安(02318)、泡泡瑪特(09992)。 泡泡瑪特股價今日(6日)一度高見207.4元，升5.7%，依家趁反彈沽貨慨壓力都唔細，主要係蟹貨多，今日股價升可能同一單消息有關，市傳跟隨南韓總統李在明訪華慨三星電子會長李在鎔，係北京商場Shopping時買左Labubu。 富途證券首席分析師譚智樂指，呢個消息都可能有些幫助，刺激泡泡瑪特股價一度衝高，但所有弱勢股上面都會有蟹貨，所以呢樣野意義唔大，泡泡瑪特大部分負面新聞都出曬黎，集團旗下IP如The Monsters係列、星星人，海外市場需求其實仍然強勁，所以呢隻股份中長線仍然睇好。 Arnold又話，睇返技術走勢，短線的確係差，股價今日(6日)掂一掂10天線又落返去，突破唔到203元、204元呢些阻力，雖然短線表現唔樂觀，但如果企得穩200元以上，有貨可以考慮繼續楂。 |
|
| 譚智樂 |
2025-12-09T14:47 |
截至早上11時止，過去1小時內《彭博》用戶搜尋量最多港股，依次為紫金礦業(02899)、泡泡瑪特(09992)、洛陽鉬業(03993)、歌禮製藥(01672)及藥明生物(02269)。 泡泡瑪特股價今日(9日)失守200元後，持續向下，市場繼續擔心旗下「吸金王」Labubu熱潮係咪退卻，依家集團預測市盈率(PE)約20倍，係咪合理水平？ 富途證券首席分析師譚智樂表示，預測PE指標性唔大，反而用動態PE做準則更好，如果冇新IP催化劑，股價短線會繼續尋底，如果做短線部署可以留意192元，如果跌穿就要考慮做長線部署。 Arnold又指，長線對IP行業睇法仍正面，但泡泡瑪特旗下IP已經hit左一段時間，持續性及穩定性都有變數，而短期的風險及消費市場變化都需要留意。 |
|
| 譚智樂 |
2025-12-04T09:58 |
富途證券首席分析師譚智樂推介美高梅中國(02282) 推介原因： -市場份額持續擴張，聚焦高端客房轉換及音樂會等事件營銷 -受惠行業景氣改善，市場料聖誕入住率超過90% -澳門上月博彩收入恢復至疫情前92%水平。 |
|
| 譚智樂 |
2025-12-02T14:46 |
截至早上11時止，過去1小時內《彭博》用戶搜尋量最多港股，依次為比亞迪股份(01211)、快手(01024)、三生製藥(01530)、萬科企業(02202)及長和(00001)。 比亞迪內地銷售轉弱，反觀海外市場增長強勁，其中，11月乘用車銷量按年大升近3倍，但隨著愈來愈多內地車企海外廠房落成投產，對比亞迪有冇影響？ 富途證券首席分析師譚智樂表示，比亞迪海外銷售佔比愈來愈大，但其他內地大型車企亦有相同情況，靠進軍海外市場維持高增長，不過，車企股價會唔會升，唔係單睇海外市場表現，因為競爭同樣激烈。 Arnold續指，依家比亞迪主要面對高基數問題，導致股價今年逆市跌，不過，車企最新銷售數據顯示，行業冇預期咁差，亦係股價可以喘定其中一個原因。佢又指，比亞迪今年曾下調銷售目標，投資者應留意公司未來部署或睇下有冇新車推出，令集團可以係高基數下繼續維持增長。 |
|
| 譚智樂 |
2025-11-27T09:59 |
富途證券首席分析師譚智樂推介毛戈平(01318) 推介原因： -上半年收入及純利增長逾30%，目前估值變得吸引 -抖音電商「雙十一」彩妝品牌總榜中，毛戈平排名第2。 |
|
| 譚智樂 |
2025-11-26T17:57 |
中通快遞(02057)上周四(20日)出左第3季業績，收入及盈利都好過預期，最重要慨單票數據及單票成本都有改善，值得留意係，整體速遞行業上季業務量按年增長13%，係咪反映內地速遞市場「反內捲」見成效？ 富途證券首席分析師譚智樂認為，仍未完全反映曬，內地「反內捲」係7月至8月開始，相信唔可能完全係呢份業績反映。佢又指，其實唔係每個行業都有惡性競爭，係2025年或「反內捲」措施出台前，唔少快遞公司，包括中通、拼多多等都已經開始改變營運策略，唔再盲目擴張據點或運輸服務，令呢些公司再錄得穩定現金流及毛利率。 Arnold續指，今年好多電商公司優化系統，例如淘寶及拼多多都加入退貨功能，令包裹運輸量錄得近雙位數增長，所以都算係受惠到政策。 |
|
| 譚智樂 |
2025-11-25T15:22 |
截至早上11時止，過去1小時內《彭博》搜尋量最多港股，依次為小米集團(01810)、優必選(09880)、阿里健康(00241)、創科實業(00669)、西部水泥(02233)。 小米出完業績後，市場關注集團成本上升問題，記憶體價格不斷上升，例如美股半新股閃存供應商SanDisk(SNDK.US)，上市唔夠1年，股價已累升5倍，令小米成本及盈利被蠶食，呢個因素會唔會對小米造成較大威脅？ 富途證券首席分析師譚智樂指，小米放榜後跌得比較多，因為市場對小米汽車安全性存疑，加上手機冇加價，意味公司要「啃左」記憶體價格上漲帶黎慨額外成本。此外，小米市佔率、記憶體成本及毛利率都令市場擔心。 Arnold又指，雖然小米毛利率受壓，但收入仍有得升，所以投資者暫時唔使對小米睇得太悲觀，短線要留意係創辦人兼行政總裁雷軍增持下，會點改變市場對小米慨睇法。 |
|
| 譚智樂 |
2025-11-13T10:02 |
富途證券首席分析師譚智樂推介優必選(09880) 推介原因： -中國機械人發展空間大，佔控制全球約70%的組件供應 -機械人關節靈活度約為人類60%至70%。 |
|
| 譚智樂 |
2025-11-11T15:34 |
截至早上11時止，過去1小時內《彭博》搜尋量最多港股，依次為銀河娛樂(00027)、華潤置地(01109)、新世界發展(00017)、小米集團(01810)及貝殼(02423)。 匯豐證券指，11月首9日，澳門日均賭收按周跌4%，但跌幅較10月有所收窄，但值得留意係，10月有「十一黃金周」，會導致高基數效應。賭股今日(11日)個別發展，當中以銀娛表現較好。 富途證券首席分析師譚智樂指，雖然銀娛今日表現好過其他賭股，但其實只係升多少少，唔算好突出。佢又話，銀娛投放左好多資源升級非博彩項目，拖低整體回報率之餘，亦令市場擔心集團長線投資表現及投資回報。 股價方面，Arnold認為，銀娛中長線冇催化劑，好難跑贏大市，有貨慨投資者不妨繼續持有，但暫時睇唔到好吸引慨買入誘因。 |
|
| 譚智樂 |
2025-10-30T10:34 |
富途證券首席分析師譚智樂推介騰訊音樂(01698) 推介原因： -憧憬11月中公布業績。 |
|
| 譚智樂 |
2025-10-28T14:54 |
截至早上11時止，過去1小時內《彭博》搜尋量最多港股，依次為安踏體育(02020)，小米集團(01810)，美團(03690)，中國鋁業(02600)及友邦保險(01299)。 安踏昨日(27日)出左第3三季營運數據，安踏品牌及FILA品牌銷售疲弱，值得留意係，繼8月之後，管理層再下調核心品牌銷售指引，最新估計全年銷售僅錄得低單位數增長，但第4季有「雙11」亦係傳統旺季，管理層仍再下調銷售指引，係咪意味對今季業績打定輸數？ 富途證券首席分析師譚智樂指，其實唔止安踏，成個消費板塊慨銷售係「雙11」都冇出現爆發性增長，傳統消費行業如體育用品行業，低單位數增長應可以維持，但14倍市盈率(PE)慨估值唔算平，呢個可能係導致股價過去1年弱勢慨主因，佢坦言，要扭轉劣勢並唔容易。 Arnold又話，短炒安踏冇著數，但中長線或可以繼續睇好，加上安踏被下調目標價後，現價應有更多上升空間。 |
|
| 譚智樂 |
2025-10-22T17:59 |
有大行認為，泡泡瑪特(09992)慨IP唔會出現「斷層」，摩根大通估計，集團旗下Labubu、Molly、Crybaby等IP收入將持續增長，又預期毛利率可以企穩70%以上。不過，高盛指集團股價弱勢係因為高頻數據(High Frequency Data)轉差，例如二手價、搜尋熱度等，點睇泡泡瑪特前景？ 富途證券首席分析師譚智樂指，泡泡瑪特屬於新消費股，偏向潮流性質，潮流變化較大，市場普遍係用增速去睇，如果單睇估值及市盈率(PE)一定偏貴，但由於公司品牌概念好強，仍會有增長空間。 Arnold續指，要判斷增長變化，就要睇高頻數據，下一個高頻數據焦點會係「雙11」出貨量，係投資者短線要留意慨數據。佢又話，亦可以參考圖表走勢，一旦穿頸線位就會出現頭肩頂，如果股價短期失守240元水平，就要開始轉趨勢睇法。 |
|
| 譚智樂 |
2025-10-16T10:32 |
富途證券首席分析師譚智樂推介極智嘉(02590) 推介原因： -物流機械人概念股 -人工智能(AI)發展利好機械人應用普及，有利估值提升 -海外收入佔近80%。 |
|
| 譚智樂 |
2025-10-14T15:00 |
截至早上11時止，過去1小時內《彭博》搜尋量最多港股，依次為泡泡瑪特(09992)，中遠海控(01919)，小米集團(01810)，銀河娛樂(00027)及大麥娛樂(01016)。 泡泡瑪特股價今日(14日)股價一度大升6%，近期新消費股相繼係低位反彈，睇返成交及股價走勢，蜜雪集團(02097)及布魯可(00325)表現較好，泡泡瑪特今日升得唔錯，係咪炒作蘋果公司(Apple Inc.)行政總裁庫克(Tim Cook)昨日(13日)同泡泡瑪特創始人王寧，以及LABUBU設計師龍家昇見面慨消息？如果睇成交及走勢，蜜雪及布魯可係咪比泡泡瑪特更值博？ 富途證券首席分析師譚智樂指，蜜雪及布魯可發力追上黎，未必等於值博率最高，投資者應睇基本面及圖表，過去兩日蜜雪及布魯可相對升得較多，泡泡瑪特值博率變相較低，但現階段順勢博泡泡瑪特，只要肯坐貨及做中線投資係冇問題，但睇基本面及圖表，其實幾隻都差唔多。 Arnold續指，摩根士丹利繼續叫增持泡泡瑪特，目標價睇382元，大摩睇好泡泡瑪特係因為未來6至8個月，當集團越南廠房順利投產及效率提升，出貨量就會大增，所以泡泡瑪特值得做中長線投資，而近期推出慨「WHY SO SERIOUS」系列反應火熱，可能係市場其中1個短炒誘因。 |
|
| 譚智樂 |
2025-10-03T17:29 |
內地龍頭車企比亞迪股份(01211)銷量超越美國同業Tesla一段時間，不過，Tesla上季純電動車交付量創新高，達49.7萬架，令兩家公司上季銷量差距收窄，Tesla係咪可以繼續急起直追？ 富途證券首席分析師譚智樂指，Tesla第3季銷量飆升係因為美國電動車優惠稅務就快到期，好多人趕買車刺激銷量，如果撇除呢些一次性因素，兩家公司今年全球銷量，比亞迪仍然跑贏Tesla。 不過，Arnold認為，比亞迪慨情況令人擔心，因為Tesla發布新型號Model Y L後，係內地賣得好好，市佔率亦有所提升，暫時未知其他地區係咪都有相同情況。佢又指，比亞迪混能車銷售增長開始大幅放緩，按年甚至出現倒退趨勢，原因係混能車需求下降，市場對純電動車受落，尤其Tesla推出更快捷慨充電技術後。 |
|
| 譚智樂 |
2025-10-02T10:19 |
富途證券首席分析師譚智樂推介第四範式(06682) 推介原因： -內地企業級人工智能(AI)先驅，專注平台中心AI解決方案 -上半年收入升40%，受惠AI產品普及化 -整體AI行業處於估值修復階段。 |
|
| 譚智樂 |
2025-09-30T12:43 |
截至早上11時止，過去1小時內《彭博》搜尋量最多港股，依次為紫金黃金國際(02259)，紫金礦業(02899)，華虹半導體(01347)，舜宇光學科技(02382)及五礦資源(01208)。 紫金黃金今日(30日)首掛搜尋量一枝獨秀，今朝開市早段更一度打入成交榜首位，半日成交金額已逾85億元，母公司紫金就排搜尋榜第2位，現時紫金持有紫金黃金86%股權，今日掛牌慨紫金黃金市值已超越紫金H股，如果用去年盈利計，紫金黃金市盈率(PE)好貴，高達80倍，追唔追得過？ 富途證券首席分析師譚智樂指，如果將紫金黃金同其他金礦股比較，歷史PE及滾動市盈率(TTM)其實相差唔大，但依家最主要慨問題係好多金礦估值都偏貴。 Arnold續指，投資紫金黃金要分清楚係炒IPO，還是投資呢家公司基本面，但金礦股短線要面對估值偏貴問題，若用炒新股角度睇，有興趣慨投資者不妨睇多1至2日，等市場冷靜一下再做部署，而IPO係偏向一上市就有好強勁慨升幅，以資金流為主，唔係純碎睇估值。 Arnold續稱，紫金黃金國際慨價值雖然一口氣追到同業水平，但都未必會以呢隻股作為首選，要睇定些先，畢竟短線累積升幅較大。 |
|
| 譚智樂 |
2025-09-23T13:47 |
截至早上11時止，過去1小時內《彭博》搜尋量最多港股，依次為萬科企業(02202)、長和(00001)、龍湖集團(00960)、泡泡瑪特(09992)及港交所(00388)。 日前傳出深圳核心區放開限購，如果有客戶因為受購房資格限制而買唔到樓，可以申請特殊渠道解決，但深圳官方最新已經澄清，話傳聞不實。其實深圳月初曾跟隨北京、上海等放寬限購，加上「金九銀十」憧憬，內房股已升左一浸，但普遍都升唔穿8月底慨前高位，今年慨「金九銀十」仲值唔值得憧憬，投資內房股有咩要留意？ 富途證券首席分析師譚智樂指，要視乎投資者點睇，如果可以理性用數據作比較，情況一定有改善，因為實體經濟狀況、樓市措施，以及過去1年內地不斷下調LPR(貸款市場報價利率)等慨利好因素，會反映係傳統節日上。 Arnold又指，投資萬科及龍湖唔係單純睇買樓銷售，要睇整體行業板塊流動性，由於美國聯儲局減息步伐冇市場預期咁快，令美元出現反彈，人仔升值，所以內房股係高位出現調整係合理，而單日調整5%至6%亦唔出奇，因為內房係市場上最高風險慨板塊，建議一般投資者唔好參與。 |
|
| 譚智樂 |
2025-09-18T10:16 |
富途證券首席分析師譚智樂推介耐世特(01316) 推介原因： -未來1年L3級車型生產並準備投入市場，線控轉向將為市場焦點 -為線控轉向引領者，具產品及技術實力。 |
|
| 譚智樂 |
2025-09-15T12:51 |
截至早上11時止，1小時內《彭博》用戶搜尋量最多港股，依次為泡泡瑪特(09992)、富衛集團(01828)、比亞迪股份(02011)、騰訊控股(00700)及藥明生物(02269)。 泡泡瑪特上周「染藍」後，股價累跌10%，今個星期開局仍未止瀉，摩根大通最新將集團評級降至「中性」，又認為股價過去1年已累升逾4倍，若基本面稍有差池都會令股價跑輸大市，更將泡泡瑪特剔出「正面催化劑觀察」，睇法明顯逆轉，散戶亦加快獲利，不過，摩通都講返幾句，指一旦有動畫劇集或節日期間推出新商品等，仍會成為股價催化劑，建議等第4季至明年首季有相關催化劑出現後，先考慮重新吸納，泡泡瑪特股價今日(15日)已插穿100天線，撈底時機到左未？ 富途證券首席分析師譚智樂指，摩通只係對泡泡瑪特前景睇得比之前保守，唔算係唱淡，始終Labubu商品炒價唔及預期高，產品受歡迎程度亦冇進一步提升，或限制收入上升空間，不過，若其他系列商品持續熱賣，泡泡瑪特股價仍有力向上，未來要留意「雙十一」出貨量可唔可以帶動收入增長。 Arnold又估計，泡泡瑪特股價短線會持續波動，如果失守100天線，可能要落到220元先有支持，但長遠而言，股份仍有投資價值。 |
|
| 譚智樂 |
2025-09-10T17:57 |
美國科技巨企甲骨文(Oracle)昨晚(9日)出左季績，表現差過預期，但股價盤後狂飆28%，主要係集團預期全年雲收入大增及增長前景理想。在港上市慨阿里巴巴(09988)，股價今日(10日)一度炒高逾4%，高見147.9元，其後升幅收窄，同樣有雲業務慨阿里，股價今日一度急升同Oracle有冇關？集團旗下阿里雲為生成式人工智能(Gen AI)市場提供基礎設施，亦有領導優勢，呢個憧憬係咪可以繼續推高阿里股價？ 富途證券首席分析師譚智樂指，其實Oracle雲業務同阿里雲係兩回事，美國雲業務主要受惠於AI產品需求龐大，所以近期好多AI運算公司慨股價炒高曬，加上Oracle估值相對落後，昨晚係趁好消息追落後。 Arnold續指，睇返阿里最新業績，阿里係Gen AI市場慨產品已連續3至4個季度維持3位數增長，反映現階段阿里慨大模型有一定競爭力，呢個都係提升估值慨主要元素，Arnold認為，如果睇AI主題，阿里仍然係行業首選。 |
|
| 譚智樂 |
2025-09-04T10:10 |
富途證券首席分析師譚智樂推介巨子生物(02367) 推介原因： -醫美行業表現穩定 -早前成份風波逐漸被市場消化。 |
|
| 譚智樂 |
2025-09-02T12:59 |
截至早上11時止，1小時內《彭博》搜尋量最多港股，依次為百濟神州(06160)、MONGOL MINING (00975)、阿里健康(00241)、新世界發展(00017)及比亞迪股份(01211)。 百濟神州股價今早(2日)出現突破，一度勁升逾9%，高見212.4元，而今年以來已累升87%，雖然升左咁多，但大行普遍繼續睇好，並上調目標價，想入市慨投資者應該點部署？ 富途證券首席分析師譚智樂表示，創新藥板塊估值部分開始貴，雖然有大行調升相關股份目標價，但實際上同現價差唔多，建議投資者用分注收窄策略部署，即使高位有調整，仍有操作空間。 Arnold又話，創新藥及醫藥股都係市場目前炒作主題，會有資金繼續追捧，尤其係平安好醫生(01833)、阿里健康呢類線上醫療股，營運狀況商業模式變得清晰，有能力上試更高水平，有貨唔使急於食糊，可以繼續楂下先。 |
|
| 譚智樂 |
2025-08-26T14:39 |
截至早上11點，過去1小時內《彭博》用戶搜尋量最多港股，依次為海底撈(06862)、泡泡瑪特(09992)、美圖公司(01357)、金界控股(03918)及雙登股份(06960)。 公開招股超額認購逾3800倍，一手中籤率僅0.06%，儲能電池廠商雙登今日(26日)首掛，開市報22.5元，較招股價14.51元，高55%，其後一度高見23.18元，高近60%，股份夾高純粹受供求帶動，還是有投資價值？首次公開招股(IPO)改革後，唔少新股中籤率極低，就算「頂頭槌飛」都分得好少，呢個係咪已變成常態？ 富途證券首席分析師譚智樂認為，係新回撥機制下，公開發售部分佔比較小，令散戶更難抽中，不過，其實未有新機制前，有些新股都係一手難求。 Arnold建議，炒新股宜順勢操作，若高開後不斷向下，唔好心急趁低吸納，應該等股價開始回升，再順勢買賣。 |
|
| 譚智樂 |
2025-08-21T11:07 |
富途證券首席分析師譚智樂推介靈寶黃金(03330) 推介原因： -受惠今年金價上升，目前18倍市盈率(PE)估值吸引 -金價在減息周期有望再創新高 -憧憬納入港股通。 |
|
| 譚智樂 |
2025-08-19T13:20 |
截至早上11時止，1小時內《彭博》用戶關注度上升最多股份，依次為泡泡瑪特(09992)、富衛集團(01828)、中升控股(00881)、布魯可(00325)及中國生物製藥(01177)。 IP概念股布魯可股價今日(19日)低開1.7%後，跌幅一度擴大至約9%，低見111元，蒸發曬昨日(18日)升幅，集團股價於6月及7月累跌逾20%，去到今個月仲未止跌，受制於20天線，集團周五(22日)就會出業績，但冇發過盈利相關消息，去年虧損仲擴大緊，今年上半年會唔會有改善，令市場重拾信心？ 富途證券首席分析師譚智樂指，要成為強勢IP概念股，前提一定離唔開有盈利支持，同埋有自家設計IP，市場會用市盈率(PE)增長作為指標，但布魯可係以代理IP為主慨模式，估計即將派發慨成績表難有改善。 股價方面，Arnold認為，現階段最重要係守住100元水平呢條防線，一旦失「紅底股」，技術上可能會受頭肩頂形態影響，投資者需要小心。 |
|
| 譚智樂 |
2025-08-12T15:20 |
截至早上11時止，過去1小時內《彭博》用戶搜尋量最多港股，依次為快手(01024)、中升控股(00881)、金蝶國際(00268)、比亞迪電子(00285)、小米集團(01810)。 上星期五(8日)快手公布快手App團購新增美團(03690)外賣功能後，股價連日向下，市場係咪睇得好負面？花旗、瑞銀仍睇好「可靈AI」會利好快手估值，帶動快手股價自4月初低位，累計反彈左逾60%，但今日(12日)一跌，已跌穿20天線，到底係投資者趁業績前先食糊，還是反映對集團加入打外賣戰慨憂慮？ 富途證券首席分析師譚智樂指，快手股價近日下跌反映市場對快手加入外賣市場慨擔心，認為呢個舉動有風險，憂慮公司未來要不停燒錢去發展呢項新業務。佢又指，市場未必會太擔心快手業績，反而更關注公司核心業務發展。 股價方面，譚智樂提醒，一旦快手股價跌穿72元就要小心。 |
|
| 譚智樂 |
2025-07-29T13:22 |
截至早上11時止，1小時內《彭博》用戶關注度上升最多股份，依次為小米集團(01810)、石藥集團(01093)、老鋪黃金(06181)、眾安在線(06060)及中升控股(00881)。 受季節性因素影響及補貼效應減弱，小米第2季智能手機出貨量跌4%，係咪股價兩連跌，今日(29日)更落到50天線慨「死因」？ 富途證券首席分析師譚智樂指，近期資金對科技股興趣唔大，北水及資金多數炒醫藥及唔同類型慨話題性股份。小米股價4月底開始，一直企穩係好靚慨上升軌道，因此，佢認為今日下跌只係技術上向下突破，若今日收市仍然係1支大陰燭跌落黎，企唔穩55元以上，先可以視為跌穿上升軌慨訊號。 Arnold續指，小米將會係8月19日出業績，放榜前股價會較為敏感，市場會用出貨量及數據預測業績，唔排除之後有更多負面消息，所以現階段不宜做部署，等股價回落至50元水平再諗。 |
|
| 譚智樂 |
2025-07-24T10:09 |
富途證券首席分析師譚智樂推介眾安在線(06060) 推介原因： -第3代互聯網(Web3.0)和真實世界資產(RWA)發展布局 -上月螞蟻集團減持和公司配股消息已反映。 |
|
| 譚智樂 |
2025-07-23T14:14 |
截至早上11時止，過去1小時內《彭博》用戶搜尋量最多港股，依次為ASMPT(00522)、藥明合聯(02268)、藥明生物(02269)、比亞迪股份(01211)及騰訊控股(00700)。 ASMPT出左業績，上半年盈利倒退30%，雖然上季收入按年增長約2%，但兩者都差過預期，集團預期，今季收入介乎4.45億至約5億美元，即按年及按季分別增長約9%至10%，點睇今季指引？ 富途證券首席分析師譚智樂指，ASMPT唔少負面影響已開始紓緩，如果市場將目光放係「最壞慨已經過去」，咁業績及指引都可能會收貨，不過，係咪可以支持股價繼續向上，仍然係一個爭議點。 佢又指，值得留意係，考慮返ASMPT現時估值、市盈率(PE)近100倍，雖然業績向好，但毛利率按季仍要跌，收入按季增長約10%，呢個增速相對現時慨估值都只係僅僅合格，Arnold相信，ASMPT股價短線或會借「最壞已過」回升，但估值修正空間就未必大。 |
|
| 譚智樂 |
2025-07-16T11:25 |
富途證券首席分析師譚智樂推介快手(01024) 推介原因： -美國向中國恢復H20晶片供應，有助市場焦點重返中國人工智能(AI)投資賽道 -「可靈AI」海外市場每日活躍用戶數(DAU)有良好表現。 |
|
| 譚智樂 |
2025-07-15T12:42 |
截至早上11時止，過去1小時內《彭博》用戶搜尋量最多港股，依次為創科實業(00669)、李寧(02331)、萬科企業(02202)、騰訊控股(00700)及美團(03690)。 內地昨日(14日)出左6月出口數據，出口相關股早昨日普遍造好，但創科今日(15日)先至追落後，早段一度升5%，高見91.35元，升上1個月高位，到底創科技術上轉勢未？後市仲有冇力向上收復？ 富途證券首席分析師譚智樂指，創科今日暫時只係一度突破100天線，仲未企穩，所以唔算係正式突破100天線，又認為創科現時處於整固格局，但未必會大跌。 Arnold補充，需要有更多中美貿易消息，先可以判斷創科股價會點行，又指對中美貿易協議唔會睇得太悲觀，但詳情仍然係未知之數，所以限制左創科慨股價。 |
|
| 譚智樂 |
2025-07-09T17:21 |
手機設備股丘鈦科技(01478)公布6月主營產品銷售量，其中，攝像頭模組產品銷量按年升4.1%，至3434.8萬件，主要因為集團持續專注以中高端手機攝像頭模組和其他領域攝像頭模組為核心的產品策略；而指紋識別模組銷量按年升7.3%，但按月則跌8.8%，今日丘鈦(9日)股價相當強勢，一度升12%，午後曾高見10.3元，創約3年半高位，收市升幅輕微收窄，報10.1元，丘鈦6月銷售量是否屬滿意的表現？ 富途證券首席分析師譚智樂指，6月的銷售增長雖然非爆發性，但丘鈦的業務涉及不少人工智能(AI)及機械人等範疇，令市場有憧憬。至於最令人關注的毛利率問題，行業近年持續低迷，許多手機巨頭如蘋果公司(Apple Inc.)等出貨量大幅減弱，拖累手機設備股，雖然單憑6月的銷售升幅，未必能夠反映丘鈦毛利率表現，但對比其他同業而言，考慮到行情及關稅等影響下，丘鈦在市場佔有率上已經開始有改善。 |
|
| 譚智樂 |
2025-07-08T13:58 |
截至早上11時止，過去1小時內《彭博》用戶搜尋量最多港股，依次為國泰航空(00293)、快手(01024)、新世界發展(00017)、友邦保險(01299)、美團(03690)。 國泰股價今日(8日)造好，一度高見11.66元，大升6%，衝上9年半高位，集團預期，會係8月6日派中期成績表，到時亦會公布中期息，今日算唔算偷步炒？股價仲有幾多上望空間？ 富途證券首席分析師譚智樂認為，國泰股價強勢主要係資金主力追捧典型價值股，吼高息、市盈率(PE)低、市帳率(PB)低，同埋業務可能有負面因素，但冇想象中咁差慨股份，國泰都符合呢些條件。此外，港股入面有穩健派息能力慨公司，股息率約6厘已非常罕有，國泰慨吸引力在於整體現金流穩定，大行普遍看好國泰韌性。 Arnold又指，國泰股價有條件升上12元樓上，但過去兩個月股價已累升近20%，過去兩星期槓桿升近15%，依家高追會面臨較大調整壓力，又建議投資者唔好抱短炒心態。 |
|