| 評論員 |
時間 |
內容 |
標籤 |
| 趙晞文 |
2026-11-03T16:33 |
澳門博彩監察協調局日前(1日)公布，10月澳門博彩收入216.8億澳門元，按年跌10%，但按月顯著反彈20%，部分大行認為10月澳門賭收勝預期，單從今年賭收表現來看，年底有沒有機會延續按月反彈勢頭？ 元宇證券大中華區股票投資總監趙晞文指，11月及12月是博彩業相對較淡，雖然有聖誕因素，但內地聖誕沒有假期，不利博彩業。參考上年同期，澳門11月及12月博彩收入平均每月約200億澳門元，若今年表現相若問題不大。 他又指，演唱會等非博彩項目於年尾會相對較靜淡，但在整體基本面都還可以的情況下，相信短期內資金會流向賭股。 |
|
| 趙晞文 |
2026-10-30T23:33 |
華新建材(06655)第三季多賺23.7%，同時宣布擬收購巴西水泥資產。 元宇證券大中華區股票投資總監趙晞文表示，華新受惠海外業務保持快速增長，推動盈利上升，至於計劃收購的巴西水泥廠，潛在作價或近160億元人民幣，不排除公司會配股集資。 |
|
| 趙晞文 |
2026-10-29T10:33 |
元宇證券大中華區股票投資總監趙晞文推介津上機床中國(01651) 推介原因： -預期上半年業績佳 建議買入價：39.5元 目標價：45.0元 止蝕價：35. |
|
| 趙晞文 |
2026-10-27T19:33 |
近日摩根士丹利發表報告，解釋港股和A股沽壓加大原因，並指出恆生指數及MSCI中國指數估值尚未觸及歷史區間底部，仍然有約10%至15%下跌空間。恆指目前尚未到歷史底部，過去最低市盈率(PE)約為8倍，現時則未足10倍。若歷史重演，市場是否才會覺得港股調整足夠？今次港股下跌的背景也與以往不同，市場普遍相信，大幅拋售與離岸信託繳稅期限有關。無論是盈利增長放緩或各項因素拖累大市，指數是否必須跌至歷史底部？現時恆指的常態交易區間是否需要向下調整一個台階？ 元宇證券大中華區股票投資總監趙晞文表示，恆指現水平仍未到相對吸引估值水平。過去十年恆指大部分時間的交易估值區間約為9倍至11倍PE，即使升至約12倍，亦往往見頂回落。至於8倍PE，屬於「困境」估值，近年只出現過兩次，一次是2022年公共衛生事件期間，另一次是去年4月關稅問題引發市場震盪之時。因此，投資者不應只看恆指目前估值。 他指出，若以市場對2027年每股盈利的預測計算，恆指表面上似乎已接近交易區間底部，約9倍PE。但問題在於，市場對明年每股盈利預測會否過於樂觀。目前市場已開始出現憂慮，即使中資股管理層未有提供清晰盈利指引，一旦每股盈利預測被下調，PE便會被動上升。 他續指，現時估值水平仍未算吸引。如果將市場綜合每股盈利預測下調10%，再以9倍PE計算，恆指有機會跌至約20000點水平。不過，是否會一步跌至該水平，則未必。9倍PE表面看似便宜，但實際上並不算真正便宜。 |
|
| 趙晞文 |
2026-10-20T17:37 |
A股及港股機械人相關股造好，科創板上市慨宇樹科技股價連升3個交易日，係咪已經見底，還是係階段性止跌？消息面方面，OpenAI創辦人話正研發人形機械人，將於2027年同大家見面，英偉達(Nvidia)圖形處理器技術大會(GTC)係德國柏林舉行，會上談及物理人工智能(AI) 、機械人等議題，消息面係咪真係重要？還是只係氣氛令機械人概念股有得彈下？ 元宇證券大中華區股票投資總監趙晞文指，宇樹上市第1日已見左高位，之後由於市況唔就，股價就返落黎，近日受惠於行業利好消息，股價就自低位回升，成交額亦配合。過去一段時間，A股板塊輪動好著重人工智能(AI)產業鏈，但依家AI產業鏈處於一個unwind狀況，資金要泊岸，一係搵穩定慨中特估或短期題材，咁岩機械人產業有消息，就引發內地資金短炒一轉。 佢續指，雖然宇樹收復部分失地，但現階段見唔到有重估慨可能，因為估值重估需要產業鏈出現比較明確慨增長曲線，現時只係消息面造成短期反彈。 |
|
| 趙晞文 |
2026-10-16T22:39 |
JS環球生活(01691)控股股東向貸款機構借入2億美元，同時質押部分持股。 元宇證券大中華區股票投資總監趙晞文表示，JS環球大股東押股借錢，會令市場擔心抵押股份有被斬倉風險，加上公司股價近日由低位回升不少，相信消息會拖累股價。 |
|
| 趙晞文 |
2026-10-15T10:05 |
元宇證券大中華區股票投資總監趙晞文推介泉峰控股(02285) 推介原因： -第一階段估值重估完成 -新管理團隊或改變公司營運局面 建議買入價：30元 目標價：34元 |
|
| 趙晞文 |
2026-10-13T17:27 |
據《彭博》報道，瑞聲科技(02018)擬發離岸人民幣債，金額不逾32億人仔，瑞聲回覆《彭博》查詢時冇否認「抽水」，僅稱發點心債係融資選項之一。消息可信性有幾高？集資所得有咩用途？ 元宇證券大中華區股票投資總監趙晞文相信，瑞聲好大機會發債集資，今次有可能係故意放風試水溫，睇下整體市場及機構投資者有幾大需求，再決定最終定價及其他詳情，最終集資金額係咪32億人仔，甚至更多，就要視乎機構投資者反應。 晞文續指，瑞聲係市場上一向較少動作，今次發債集資可能係中長期戰略規劃，用途包括投資光相關業務，例如光傳輸或人工智能(AI)數據中心、液冷等相關業務，希望更多增長曲線。 |
|
| 趙晞文 |
2026-10-06T17:55 |
內地體育用品股安踏體育(02020)股價，今日(6日)中午收市前突然由升轉跌，午後更愈跌愈多，一度低見70.5元，跌3.7%，暫時估計主要受「十一黃金周」消費疲弱拖累，雖然安踏估值一直偏高，但業績交到功課，中期純利增35%，毛利率約64%，點解今日會逆市跌？點預測下半年業績表現？ 元宇證券大中華區股票投資總監趙晞文指，整個體育用品行業消費氣氛轉差，行業龍頭安踏一定首當其衝。佢又指，幾家體育用品商最快10月中陸續公布第3季流水，好大機會令市場失望。 晞文續稱，內地消費場景一直被擠壓，尤其體育用品唔係必要消費品，增長放緩無可避免，依家安踏估值仍高過內地同業，如果基本面維持至年底，會繼續有向下修整空間。 |
|
| 趙晞文 |
2026-10-02T22:44 |
金界控股(03918)首三季博彩淨收入減少16.7%，單計第三季就下跌38.9%。 元宇證券大中華區股票投資總監趙晞文表示，金界上季博彩淨收入，遠差過今年首兩季，相信情況會延續至第四季，全年業績亦可能大幅倒退。 |
|
| 趙晞文 |
2026-09-29T17:30 |
快手(01024)發布新一代可靈AI(Kling AI)模型「可靈4.0」，但帶挈唔到股價，股價今日收市跌逾1%，外界將「可靈4.0」慨出現解讀為跟字節跳動(BytrDance)AI影片生成模型Seedance慨競爭，Seedance最新更新至2.5，有分析認為，兩者各有優勢，Seedance主打視覺震撼度強，但可靈4.0係分鏡與流暢度更勝一籌，點睇佢同Seedance慨競爭？ 元宇證券大中華區股票投資總監趙晞文表示，要視乎用戶追求震撼性還是流暢度，普通用家可能更著重視覺震撼度，但企業級用戶反而更關注影片流暢度，所以要睇邊個更吸引到專業用家，加快公司變現速度。 佢又指，可靈AI定位一直都係以專業、企業級用戶為主，如果真係做到業界最先進模型(SOTA)，專業用家願意以較高價錢去用當然最理想，不過，若客戶黏性唔夠高，而10月面世慨完整版效果不似預期，或令變現速度放慢，未來Seedance再次升級，可靈AI與Seedance慨差距又會再次擴大。 |
|
| 趙晞文 |
2026-09-18T22:40 |
中信資源(01205)將於9月30日舉行董事會，考慮宣派特別股息。 元宇證券大中華區股票投資總監趙晞文表示，中信資源之前減持美國鋁業，套現後令手頭淨現金大幅增加，截至六月底，手頭淨現金相等於市值84.6%，有足夠彈藥派發特別股息，不過股民別過份期望會派發絕大部分，因為公司應會儲備現金作潛在收購。 |
|
| 趙晞文 |
2026-09-17T10:17 |
元宇證券大中華區股票投資總監趙晞文推介藥明康德(02359) 推介原因： -業績勝預期 -手頭訂單持續增加 建議買入價：185元 目標價：220元 止蝕價：160元 |
|
| 趙晞文 |
2026-09-15T17:36 |
騰訊控股(00700)旗下《王者榮耀》IP衍生英雄策略對戰遊戲《王者萬象棋》，又稱《王者榮耀:ACE》，手機及PC版同步推出，截至剛過去周日(13日)止，《王者萬象棋》上線第4日已打入中國iOS遊戲暢銷榜第5位，匯豐證券估計，《王者萬象棋》首12個月總流水達36億人仔，反應係咪真係可以咁理想？ 元宇證券大中華區股票投資總監趙晞文指，市場唔太擔心騰訊慨核心業務，騰訊幾隻王牌遊戲慨整體流水，係過去幾年表現好，而王牌遊戲慨升級版推出，可以增加下半年，甚至推出後1年慨整體收入存在增量空間。 他續稱，騰訊下半年遊戲業務表現，應該要去到第4季先可以全面反映，唔排除表現可以為市場帶黎驚喜。 |
|
| 趙晞文 |
2026-09-08T16:18 |
寧德時代(03750)股價近期弱勢，今日(8日)輕微低開後，一度挫4.5%，低見546.5元，睇返技術走勢，「寧王」已失守曬主要移動平均線，更跌穿埋4月時配股價628.2元，點分析集團股價走勢？ 元宇證券大中華區股票投資總監趙晞文指，「寧王」股價4月至今都行緊一個好大範圍，但又唔係跌足成個量度跌幅目標，即400元，因為基本面冇明顯轉差。 晞文又話，大行過去一段時間講慨AH差價，係過60日溢價相對較高，當中因為「寧王」係H股之中屬於稀缺性標的，亦同H股流動性相關，境外機構投資者相對願意比一個較高慨溢價，而過去5個交易日慨溢價收窄約30%。 佢續指，「寧王」作為行業龍頭，考慮全球市佔率仲係靠前，有「護城河」，面臨慨挑戰又唔係好大，加上行業最近亦又冇太多增量消息出現，相信短線資金暫時需要鎖定做估值修正。 |
|
| 趙晞文 |
2026-09-04T22:40 |
嗶哩嗶哩(B站)(09626)擬發行7億美元可換股優先票據，同一時間，第二大股東騰訊控股(00700)打算減持4億美元B站股份。 元宇證券大中華區股票投資總監趙晞文表示，B站若成功以低成本融資，算是正面消息，至於騰訊計劃減持B站股份，應屬市場預期之內，反而B站會向騰訊回購2億美元股份，屬意料之外，亦可減輕對股價的壓力。 |
|
| 趙晞文 |
2026-09-03T10:10 |
元宇證券大中華區股票投資總監趙晞文推介H&H國際控股(01112) 推介原因： -業績勝預期。 |
|
| 趙晞文 |
2026-08-25T17:55 |
小鵬集團(09868)預期，旗艦SUV G9L將會係9月正式上市及交付，而定位為中型SUV慨MONA L05就會係第4季正式上市，集團今年交付目標55萬至60萬部，值得留意係，上半年交付16萬部，7月就有3.8萬部，小鵬股價今日(25日)一度大跌逾10%，低見42.66元，係唔係反映市場對小鵬交付能力冇信心，還是有其他原因？ 元宇證券大中華區股票投資總監趙晞文指，小鵬呢個交付目標非常高，內地車企上半年交付量普遍唔過一半，睇返小鵬上半年交付量僅及指引約25%，除非下半年有「爆品」出到黎，刺激交付量大升，否則，市場唔太相信可以達標。 佢續指，就算小鵬有新車交付，但市場更關注未來「爬坡」情況及交付能力，暫時睇黎，市場普遍對集團全年指引達標冇信心，導致短期前景較負面。 |
|
| 趙晞文 |
2026-08-21T22:42 |
貝殼(02423)第二季經調整盈利增長75.4%，好過市場預期。 元宇證券大中華區股票投資總監趙晞文表示，貝殼上季收入減少，但盈利大幅增加，主要受惠減省成本，基於業績好過預期，相信利好股價短期表現，不過要關注的是，目前內地房地產市場未見明顯復甦，公司是否能夠持續縮減開支，去支持盈利增長。 |
|
| 趙晞文 |
2026-08-20T10:21 |
元宇證券大中華區股票投資總監趙晞文推介兗礦能源(01171) 推介原因： -預期業績持續改善 建議買入價：12元 目標價：14元 止蝕價：10. |
|
| 趙晞文 |
2026-08-18T17:34 |
華住集團(01179)公布新一輪3年股東回報計劃，總額增至25億美元，較2024年慨3年計劃加碼25%，上次公司有講明每半年派1次息，股息總額唔少於純利60%，又話考慮財政狀況後，會不定時派特別息或回購美國預託證券(ADR)，不過，今次只概括一句「會酌情決定派普通股息或特別息或回購ADR」，點睇新回報計劃？ 元宇證券大中華區股票投資總監趙晞文指，從絕對值上睇，市場原本預期股東回報計劃總額，最多只會同上一輪20億美元持平，結果今輪有25億元美元，絕對係有驚喜。不過，3年前華住股價處於低位，當時用25億美元去派股息、做回購，甚至增持，效果都好顯著，不過，現時股價已被推高，係高位做回購、增持等動作，實際作用有限，反而係公司恆常派息能維持最少60%，股東有現金盈利落袋會更好。 至於未來會唔會派特別息，佢認為，可以參考公司近年做法，上一次派特別息係2023年，但以近兩年經營狀況推斷，估計維持50%至60%派息比率完全冇問題。 |
|
| 趙晞文 |
2026-08-11T17:20 |
騰訊控股(00700)將會係明日(12日)派成績表績，但股價今日(11日)係放榜前夕幾乎一跌到尾，曾低見469.6元，跌逾2.4%。騰訊第1季業績兩大焦點，即雲業務及資本開支(CapEx)增長，分別逾40%及63%，集團今年CapEx增長趨勢會係點？投資者係業績前後又可以點部署？ 元宇證券大中華區股票投資總監趙晞文估計，騰訊第2季CapEx會比第1季多，約500億人仔，估計上半年約800億人仔，全年就最少1600億人仔，都符合市場預期，又預期下半年CapEx投放節奏會比上半年更快，而開支點支撐雲業務擴張、收入慨變現能力係咪成正比，都會係明日出爐慨業績焦點。 投資部署方面，佢認為，由於市場對呢份業績已有一定預期，相信股價已經反映左，如果有貨唔使等業績，可以趁高食糊先，不過，冇貨可以等出左業績，睇下人工智能(AI)業務表現、變現路徑市場收唔收貨，因為當中有好大變數，所以等股價企穩再做部署會比較安全。 |
|
| 趙晞文 |
2026-08-07T22:40 |
申洲國際(02313)預期，上半年純利倒退38-43%，主要因為原料及人工成本上升，疊加人民幣兌美元升值，毛利率下跌及產生匯兌虧損。 元宇證券大中華區股票投資總監趙晞文表示，申洲上半年業績差過預期，下半年亦難有明顯改善，預計短期股價會受壓。 |
|
| 趙晞文 |
2026-08-04T16:29 |
中際旭創(03308)H股今日(3日)一度飆約18%，高見1188元，創上市新高，早段一度較A股有明顯溢價，但隨著A股升多左，AH股又變返只有不足1%折讓，H股上市定價較A股有最多20%折讓，不過，全球人工智能(AI)股上周勁Chok，中際旭創首掛當日一度「潛水」逾10%，依家H股開始有溢價，係咪可以追入慨訊號？ 元宇證券大中華區股票投資總監趙晞文指，從中際旭創定價到上市，整體情況符合市場預期，基於市場氣氛，上市初期股價表現未必太理想，就算定價較預期低少少，相比A股都唔算太吸引。 佢又話，從行業中長線基本面上睇，去槓桿化影響市場氣氛，如果現階段做部署，就要接受中際旭創及成條AI產業鏈慨波動性。 |
|
| 趙晞文 |
2026-07-28T16:57 |
國產光刻機有望今年交付到中芯國際(00981)、華虹宏力(01347)手上，消息一出，結果震散全球人工智能(AI)硬件股，尤其光刻機相關產業鏈，係咪憧憬繼國產DUV後，下一步就係現時最先進慨EUV技術？ 元宇證券大中華區股票投資總監趙晞文估計，會係幾年後慨事，尤其EUV係全球光刻機最頂尖技術，前端設備入面，其實只有ASML做到，門檻太高之餘，亦因為作價非常昂貴，但其實對於下游慨代工企業，例如台積電(TSMC)、英特爾(Intel)，甚至三星電子(Samsung Electronics)對EUV慨需求都唔大，呢些公司會透過優化自身工藝，提升產能、量率，而未必用到EUV。 佢又話，投資者唔使太擔心，其實去年9月都曾經傳出呢個消息，但當時市場反應好正面，所以今日呢個消息唔係震散全球科技股慨「元兇」，反而係全球科技股去槓桿先至係「幕後推手」。 |
|
| 趙晞文 |
2026-07-24T22:43 |
藍思科技(06613)與英特爾簽署合作備忘錄，重點研發玻璃通孔技術。 元宇證券大中華區股票投資總監趙晞文表示，玻璃通孔被視為下一代人工智能晶片的先進封裝關鍵技術，不過預計要到2028年才可量產，藍思獲英特爾成為潛在客戶，對日後相關收入有正面幫助，但短期內對業績不會有貢獻。 |
|
| 趙晞文 |
2026-07-23T10:32 |
元宇證券大中華區股票投資總監趙晞文推介中芯國際(00981) 推介原因： -預期業績佳 -續受惠國策 建議買入價：70元 目標價：88元 止蝕價：60元 |
|
| 趙晞文 |
2026-07-21T17:09 |
港股慨茶飲股過去一段時間跌左唔少，所以估值都平左好多，之前外賣平台大戰利好茶飲股，點評估今年業績？古茗(01364)及蜜雪集團(02097)最新被摩根大通削盈利預測，但繼續叫增持古茗，係咪意味摩通仍然睇好？ 元宇證券大中華區股票投資總監趙晞文指，中長線去睇，呢些茶飲公司上市初期擴張步伐較快，衍生左一些問題，導致單店規模效益、營運效益、盈利能力曾面對挑戰，過去大半年，呢些茶飲公司都作出戰略調整，例如放慢開店步伐，調整店舖結構，希望提升店舖效應。 佢續指，幾間茶飲龍頭，預期今、明兩年收入及盈利增長約20%，估值亦冇乜問題，不過，茶百道(02553)相對差些，呢個同公司自身營運問題有關，佢認為，滬上阿姨(02589)、蜜雪及古茗短炒有得諗，如果想做中長線部署，分階段持有會較穩妥。 |
|
| 趙晞文 |
2026-07-14T16:19 |
百度集團(09888)股價今日(14日)一度瀉逾10%，低見102.5元，原因係核心廣告業務持續受壓，傳統業務第1季收入按年跌29%。此外，市場預期，人工智能(AI)Chatbot發展將會取代傳統搜尋引擎，但點解一直睇唔到百度出手挽救呢瓣業務？ 元宇證券大中華區股票投資總監趙晞文指，百度經歷緊業務轉型過渡期，自2025年下半年開始，唔少傳統業務都慢慢被AI取代，大部分客戶及消費者都會用AI搜尋，令傳統業務逐步受壓，加上宏觀經濟一直不溫不火，進一步拖累傳統業務，所以見到過去呢幾個季度，傳統業務表現都麻麻。 佢又指，其實百度係AI領域慨布局一直爬緊坡，只係整體收入規模未能完全彌補傳統業務，所以預期今年業績會繼續受傳統業務拖累。 |
|
| 趙晞文 |
2026-07-10T22:36 |
港交所權益披露顯示，知名投資者段永平於7月6日再度增持泡泡瑪特(09992)，持股量升至7.65%，今次增持涉資近16億元。 元宇證券大中華區股票投資總監趙晞文指，段永平投資泡泡瑪特於5月曝光後，不足兩個月時間持股已顯著上升，建倉速度相當快，不過，相信對提振泡泡瑪特股價作用有限，因機構投資仍會視乎每季銷售表現，特別是即將公布中期業績，去判斷增長前景及投資決定。 |
|
| 趙晞文 |
2026-07-09T10:12 |
元宇證券大中華區股票投資總監趙晞文推介聯想集團(00992) 推介原因： -業績佳。 |
|
| 趙晞文 |
2026-07-07T17:03 |
過去1個月，建滔積層板(01888)及母公司建滔集團(00148)股價，分別自高位回落約35%及約45%，花旗最新上調建滔目標價，由120元升至130元，維持「買入」評級，主要係印刷電路板(PCB)主要基礎材料覆銅板、電子布及銅等材料，加價幅度超預期，而今年已6度加價，究竟市場現時係咪一面倒認為硬件供應商會繼續加價，進一步加注相關股份？還是會擔心上游頂唔住，最終要將成本轉嫁予消費者，繼而影響上游慨需求？ 元宇證券大中華區股票投資總監趙晞文認為，唔會咁快影響終端對上游慨需求，只係之前股價、估值一定程度上已計及黎緊產品加價、需求拉動、產能偏緊等潛在趨化劑。 佢又話，雖然加幅超預期，但因為整個人工智能(AI)產業鏈驚喜度稍微降溫，所以，市場對相對利好消息會視而不見，短期著眼點會落係預期7月底發慨盈喜，會唔會遠超市場預期，如果冇超出預期，或成為沽貨藉口，短期黎講會對估值造成一定擠壓。 |
|
| 趙晞文 |
2026-06-26T22:39 |
中國燃氣(00384)上年度少賺16.4%，全年股息減少至35仙。 元宇證券大中華區股票投資總監趙晞文表示，中國燃氣全年業績稍遜預期，加上削派息，相信會令股價繼續尋底。 |
|
| 趙晞文 |
2026-06-25T10:15 |
元宇證券大中華區股票投資總監趙晞文推介舜宇光學科技(02382) 推介原因： -布局光通訊產業鏈 -行業龍頭地位穩固 買入價：75元 目標價：90. |
|
| 趙晞文 |
2026-06-23T16:33 |
港股持續弱勢，不論外圍升跌，港股都係跌，主要係重磅科技股走勢差，恆生科技指數今日(23日)挫逾3%，個股方面，阿里巴巴(09988)今日失「紅底股」、美團(03690)就考驗招股價69元，科技股係咪離爆股災不遠？ 元宇證券大中華區股票投資總監趙晞文指，依家大型科技股陷人一個困境，雖然終端需求減少，但核心業務仍Keep到，不過，係新業務不斷燒錢下，加上人工智能(AI)要做巨額投資，導致盈利被蠶食，另一方面，之前對投資AI畫出黎慨大餅又冇影，導致市場唔賣帳，而市場上慨資金量冇變，但科技股選擇就多左，所以資金會分流。 他續指，股災是指股價或估值短時間內被壓，他認為現時唔係股災，又指科技龍頭估值逐步下跌，係一個壓縮過程，估計科指未來半年至1年都冇辦法擺脫呢個困局，除非科技巨頭後續業績，可以睇到公司投入已有回報，先有機會出現轉機。 |
|
| 趙晞文 |
2026-06-17T22:50 |
聯想集團(00992)據報擬發行20億美元換股債，債券為7年期、零息，同時計劃提早購回另一筆2029年到期的換股債。 元宇證券大中華區股票投資總監趙晞文表示，雖然聯想應要以頗高溢價，提早購回另一筆債券，但新發行債券屬零息，可降低整體財務成本。 |
|
| 趙晞文 |
2026-06-16T16:24 |
建滔積層板(01888)近日獲花旗上調目標價至100元，股價今日(16日)一度大升逾9%，高見88元，花旗指，了解到電子玻璃纖維布供應短缺，售價有望持續上升，有助建滔盈利增長，現價反映左呢個因素未？ 元宇證券大中華區股票投資總監趙晞文指，呢波炒作岩岩開始，成個人工智能(AI)供應鏈係逐步向上游炒，下游慨AI需求漸漸拉動印刷電路板(PCB)、覆銅面板(CCL)，到依家燒到去玻纖布，由於過去幾年消費電子不溫不火，上游無擴產，當下游需求爆發，就自然陷入供不應求狀況，而行業採用「成本加成」商業模式，公司提價空間相對較高。 佢又話，利好未反映係財務數據上，預計整體供求關係係2027年至2028年仍偏緊，玻纖布慨盈利能力亦會提升，加上建滔正逐步切入高端產品，由去年下半年至今，估值慢慢重估緊，市場預期，未來3年盈利增長逾40%，對應2027年估值合理，100元目標價指日可待，不過，個別技術指標顯示短期動力減弱，或有回調壓力，但基本面扎實，調整完再挑戰上市新高都唔係難事。 |
|
| 趙晞文 |
2026-06-05T22:41 |
壁仞科技(06082)上市半年禁售期將於7月1日屆滿，需否擔心基石投資者屆時會沽貨獲利？ 元宇證券大中華區股票投資總監趙晞文表示，壁仞現價較招股價高出近兩倍，有個別基石投資者於禁售期屆滿後沽貨獲利亦屬合理，相信市場亦已有預期，至於公司業務前景仍值得憧憬，因此股價未必會大跌。 |
|
| 趙晞文 |
2026-06-02T16:35 |
英偉達(Nvidia)行政總裁黃仁勳宣布，同內地人形機械人龍頭宇樹科技(Unitree)合作，推出1.8米人形機械人，Nvidia會提供「大腦」，宇樹就提供「身體」，手指部件由總部設於新加坡慨機械人獨角獸公司Sharpa提供。此外，據官媒報道，宇樹IPO申請已閃電獲批，好大機會係A股上市。 元宇證券大中華區股票投資總監趙晞文指，睇返宇樹招股文件，集團今年收入增速放慢，又提及同業競爭開始加劇，所以要留意宇樹慨先發優勢可以持續幾耐。佢又話，今日(2日)港股慨機械人概念股表現參差，直接生產機器人慨股份有反應，但相關供應鏈股就走勢分化。 他又提醒，整個產業持續性發展要注意兩點，首先係人形機械人交付量，其次係人形機械人行業產業鏈，以及終端應用後續變現流程，例如後續軟件更新及維護等，可以從中分析係咪可以持續錄得盈利，同埋要睇實宇樹後續發放慨消息。 |
|
| 趙晞文 |
2026-05-29T22:47 |
舜宇光學(02382)炒高逾13%，原因是有消息指，公司計劃進入AI伺服器CPO/矽光耦合元件。 元宇證券大中華區股票投資總監趙晞文表示，下一代AI伺服器將採取CPO技術，當中涉及光學技術，相信舜宇有能力生產相關配件，市場亦期待六月的投資者日，管理層作出更詳細交待，不過今明兩年業績仍主要依賴現有的手機及車載鏡頭及模組，而市場對現有主業亦不抱太大期望。 |
|
| 趙晞文 |
2026-05-28T10:22 |
元宇證券大中華區股票投資總監趙晞文推介兆易創新(03986) 推介原因： -受惠行業上升周期 -產能需求量遠超產能增幅 建議買入價：790元 目標價：920元 止蝕價：680元 |
|
| 趙晞文 |
2026-05-26T16:15 |
據內媒報道，比亞迪股份(01211)將於周四(28日)舉行主題為「敢為」的智能化戰略發布會，上一次發布會為今年3月5日公布第2代刀片電池及全新閃充技術，會後股價曾重上紅底股，但近期又打回原形，今次發布會能否再次撐起股價？ 元宇證券大中華區股票投資總監趙晞文指，相信機構投資者對今次發布會有一定預期，因為管理層在3月公布去年業績時已有劇透，市場當時已經開始揣測，公司在智能駕駛及輔助駕駛方面是否有重大突破，所以亦是今次發布會的焦點之一。 他又補充，市場亦關注潛在技術將會應用在哪些車款，因為上次新技術應用在新車型後，消費段反應理想，因而拉動股價上升，不過，目前內地電動車大環境並未改變，隨著滲透率提高，競爭依然持續，所以現時市場較關注比亞迪自身層面，能否靠產品的創新能力去融合不同車款，從而提升整體汽車銷量。 |
|
| 趙晞文 |
2026-05-19T16:57 |
今年京東集團(09618)慨「618」大促銷，將於5月30日晚上正式開賣現貨，活動會持續至6月21日，集團話今年將會首次全場景、全產業融入人工智能(AI)，並透過旗下「京言」等慨人工智能代理(AI Agent)，由以前慨大規模價格戰，轉為精準咁向有需要用戶推送補貼，呢個轉型方向正唔正確？此外，京東第2季基數高，加上記憶體加價，或會間接拖低電子產品需求，點睇呢些潛在利淡因素？ 元宇證券大中華區股票投資總監趙晞文指，相信呢個升級版慨AI精準營銷，可以提高成個營運效益，無論係對商家或消費者都有好處，分別精準接駁目標客戶及用更短時間搵到自己心水慨商品，所以方向絕對正確，後續要睇實今年「618」，甚至下半年慨「雙11」、「雙12」，呢些AI投入能唔能夠可持續地提升整體交易量、客戶複購率等等。 佢又認為，市場本身對第2季電子消費品預期都唔會放得太高，京東零售慨利潤率係第2季相比首季的確有些壓力，但應該唔會出現大幅度倒退慨情況。 |
|
| 趙晞文 |
2026-05-15T22:40 |
零跑汽車(09863)第一季虧損擴大，毛利率降至單位數。 元宇證券大中華區股票投資總監趙晞文表示，零跑上季收入增速慢過銷量，反映低價車型佔比增加，而毛利率回落至單位數，差過預期，相信大行會下調其全年毛利率及盈利預測，估值亦會向下修訂，意味股價有下行壓力。 |
|
| 趙晞文 |
2026-05-15T10:56 |
元宇證券大中華區股票投資總監趙晞文推介大族數控(03200) 推介原因： -受惠於印刷電路板(PCB)需求增長 -第1季度業績表現良好。 |
|
| 趙晞文 |
2026-05-12T17:36 |
係A股及H股上市慨創新藥企恆瑞醫藥(01276)，今日(12日)中午公布，同美國生物製藥巨頭百時美施貴寶(BMS)達成全球戰略合作及許可協議，共同推進包括腫瘤學、血液學、免疫學等13項早期項目，交易總額高達152億美元，而里程碑付款則達9.5億美元，折合約64億人仔，遠高於首季純利22.8億人仔，亦相當於去年純利約80%。受消息刺激，恆瑞股價今日一度飆16%，其後升少大截，股價走勢有咩啟示？ 元宇證券大中華區股票投資總監趙晞文指，雖然呢單Deal慨交易金額規模係全球最大，但9.5億美元周年付款額度唔算好大，其他個別創新藥企都講緊10億美元，所以唔足以令市場極度亢奮。 佢續指，投資者都會傾向睇中長線，關注創新藥企同海外藥企合作慨時機，過去幾年，海外藥企切入位較後，到商業化階段先切入，但近期慨切入點愈來愈早，甚至早期項目已經有合作，所以今次合作象徵意義更大。 |
|
| 趙晞文 |
2026-05-05T22:40 |
貓眼娛樂(01896)遭第三大股東美團(03690)減持2500萬股，持股降至低於5%，同時由美團委派的非執董亦辭任。 元宇證券大中華區股票投資總監趙晞文表示，美團是貓眼的投資者，持股一段時間後減持，屬正常操作，不過由於減持股數不少，相信對股價會構成一定壓力。 |
|
| 趙晞文 |
2026-05-05T16:30 |
字節跳動(ByteDance)旗下生成式人工智能(Gen AI)應用「豆包」，昨日(4日)係App Store發布付費訂閱聲明，推出標準版、加強版及專業版3個級別，標準版月費68元人仔，高過市面上同類產品，豆包係咪瞄準B端(企業端)客戶？ 元宇證券大中華區股票投資總監趙晞文表示，若企業對自身AI大模型較有信心，認為豆包可以係同行中跑出，而定價有一定溢價都可以理解。不過，C端(消費端)用戶黏性通常唔會太高，消費者普遍抱邊個免費或較平就用邊個慨心態，對價格敏感度較高，因此，付費比率係初期會存在擾動，佢解釋，呢種付費業務模式岩岩係內地興起，仍需時驗證。 晞文又話，AI大模型公司下一步要提升變現能力，所以必須聚焦B端，因為B端客戶黏性較高，企業客戶會較願意支付溢價或較高價格。從消費端去睇，短期高頻數據一定存在擾動，但長遠而言，要拉動整體業務規模一定要靠B端客戶。 |
|
| 趙晞文 |
2026-04-28T22:40 |
比亞迪(01211)第一季少賺55.4%，毛利率則降至18.8%。 元宇證券大中華區股票投資總監趙晞文表示，比亞迪上季盈利大跌，主要受累匯兌損失，不過由於業績大致符合市場預期，所以相信股價不會顯著受壓，而在海外布局方面，比亞迪相對其他內地同業有領先優勢，可望支持今年的出口銷情。 |
|
| 趙晞文 |
2026-04-28T16:33 |
藥明康德(02359)昨日(27日)收市後出左季績，上季盈利及收入按年增長逾20%，股價今日(28日)高開8%後，升幅一度擴大至逾17%，高見148元。摩根士丹利指，藥明康德預測市盈率(PE)約19倍，又認為估值唔貴，可以現價買入，股價仲有幾多上望空間？ 元宇證券大中華區股票投資總監趙晞文指，假設盈利預測不變，過去幾年，藥明康德估值最受壓時，可以去到22至23倍，如果PE由19倍升至22倍，股價仍有約10%潛在升幅，值得留意係，如果管理層上調今年指引，包括每股盈利及收入預測，加上毛利率擴張，帶動每股盈利進一步上調，就可以推高估值。 KK又認為，藥明康德估值短線最多睇22至23倍，若整體業績上調，PE可以去到25倍，值得留意係，疫情期間預測PE高達30倍，對應當時收入及盈利增長20%，估值尚算合理，從呢個角度睇，佢認為藥明康德係行業龍頭，有參考性指標，因此，做中短線或長線部署都可以。 |
|