| 評論員 |
時間 |
內容 |
標籤 |
| 黃偉豪 |
2025-04-29T12:19 |
恆生指數今朝(29日)高開逾百點後，愈升愈有，一度高位22213點，升242點。牛證重貨區連續幾日係21400點，有逾800張相對期指部署，而熊證重貨區亦連日係23000點，有844張相對期指部署，當中22300點係最多人加倉慨位置，22000點及22100點貼價熊已經被收回，而牛熊重貨區係21400點及23000點已經好多日，呢兩個位置係咪都係較安全慨擺位？ 胤源世創家族辦公室(香港)第一副總裁黃偉豪指，港股暫時都係上落市為主，整體大市已經穩定返，但仍未見有好明確慨方向。 擺位方面，Ravi指，如果博大市不升反跌，收回價可以擺係23000點，原因係如果港股想挑戰23000點以上，一定要衝穿或企穩21600點慨裂口頂，所以呢個位置較安全，反觀21400點依家係100天線附近，呢個位置有較大支持，不過，一旦大市持續向下調整，21400點有一定收回風險，所以降低200至300點會比較好。 |
|
| 黃偉豪 |
2025-04-25T12:08 |
市傳內地海關豁免美國部分晶片關稅，中芯國際(00981)股價今日(25日)受壓，失守10天、20天線，係之前「黑色星期一」(7日)晶片股紛紛裂口下跌，但中芯只係用左兩日已補曬裂口，之後係下跌前水平橫行，中芯短期有冇機會出現突破？中芯CALL價外幅度介乎約30%至70%，屬於中長身，槓桿3至4倍，睇好中芯應該點部署？ 胤源世創家族辦公室(香港)第一副總裁黃偉豪指，長短身問題唔大，如果做即市部署，偏長身慨時間值損耗唔會太快，但要留意行使價距離現價比較遠，短期爆升30%以上，變成等價或價外慨機會唔大，雖然中芯只係用左兩日已補曬裂口，但成個半導體行業都係關稅戰風眼，尤其係美國政府取態對中芯都有影響，建議等股價突破或企穩50天線先再向上望，注碼上可以細注返些，博中線向上會比較好。 |
|
| 黃偉豪 |
2025-04-22T12:07 |
美團(03690)及京東集團(09618)外賣大戰升級，股價今日(22日)齊齊插水，暫時係表現最差兩隻藍籌，呢場外賣大戰似乎唔太可能係短期內「停火」，投資者應該點做部署？依家係咪可以開好倉博反彈？ 胤源世創家族辦公室(香港)第一副總裁黃偉豪指，暫時唔建議博反彈，雖然港股走勢較外圍穩定，但唔算強勢。個股方面，京東及美團負面消息較多，包括外賣競爭加劇，股價突然出現大反彈慨可能性唔大。 Ravi又話，美團走勢較弱，股價今日跌穿4月初低位，變相延伸下跌趨勢，投資者短線可以考慮追美團淡倉，若正股出現反彈，止蝕位可以擺136元水平。 |
|
| 黃偉豪 |
2025-04-15T12:15 |
港股今朝(15日)高開逾百點後，好淡爭持，恆生指數昨日(14日)再升逾500點，連升5個交易日，好倉連續5日有資金流出，合共1.9億元，淡倉昨日(14日)繼續有資金流入，5日合計，有約9300萬元坐貨。牛證重貨區係20400點，亦係最多人加倉慨位置，熊證重貨區21600點，好淡友都比較進取，重貨貼價熊已被收回，依家大市都係由消息主導，不確定性較大，投資者應該點部署？ 胤源世創家族辦公室(香港)第一副總裁黃偉豪指，除左關稅措施，暫時都未知美國總統特朗普(Donald Trump)有冇其他動作，所以市場好難有一個明確方向，所以大部分投資者都揀貼價產品，反映都係做即市部署為主，但要留意近期大市波幅都幾大，過夜慨收回風險較大，並要留意注碼，由於大市反覆，無論過唔過夜，注碼細返少少會比較合理。 Ravi又指，恆指短期支持位係100天線，即21200點水平，如果企得穩呢個水平樓上可以博反彈，進一步補返上周一(7日)大裂口。 |
|
| 黃偉豪 |
2025-04-08T11:37 |
騰訊控股(00700)今早(8日)股價一度升逾3%，高見451.2元。騰訊不太受關稅風波影響，股價在100天線，約440元上落。收回價410元至420元的牛證，槓桿12至17倍，高過活躍CALL的7至8倍槓桿，部署牛證是否較適宜？ 胤源世創家族辦公室(香港)第一副總裁黃偉豪指，投資者想博反彈的話，牛證是一個不錯的選擇。近日市況比較波動，牛證的引伸波幅風險比CALL輪低，若股價企穩100天線，投資者可以考慮收回價410元的牛證；若股價失守100天線，建議考慮先止蝕。 |
|
| 黃偉豪 |
2025-03-25T12:21 |
相隔逾4年，小米集團(01810)再度「抽水」，折讓配股集資逾420億元，配售價53.25元，較昨日(24日)收市價折讓近7%。小米股價今早(25日)低開逾5%後，跌幅一度擴大至6.5%，低見53.25元，險守配股價，依家持有小米牛熊證慨投資者，有冇收回風險？有咩其他部署值得考慮？ 胤源世創家族辦公室(香港)第一副總裁黃偉豪指，小米暫時仍可以頂住配股價，以收回價47元慨牛證為例，現價距離收回價仲有一段距離，除非失守配股價，或港股回調壓力加大，股價先會進一步下跌，依家即時收回風險唔大。 佢建議，投資者宜觀察呢兩日股價走勢，若跌穿配股價，食糊離場會較好，之再拿部分利潤部署較長身慨CALL。 |
|
| 黃偉豪 |
2025-03-18T12:05 |
藥明康德(02359)昨日(17日)收市後出左業績，股價今日(18日)一度高見76元，勁升16%，但相關衍生工具選擇唔多，反而下周二(25日)出業績，同系慨藥明生物(02269)CALL輪有較多選擇，有行使價28.8元，8倍槓桿慨末日CALL，係咪可以用黎短炒業績？還是揀返3倍槓桿，年中到期慨條款較好？ 胤源世創家族辦公室(香港)第一副總裁黃偉豪指，好倉可以揀進取些慨選擇，末日CALL都可以，因為近期強勢，可以借市場氣氛再推高股價，亦可炒業績因素。 不過，Ravi提醒，始終只有約10日就到期，時間損耗快，所以揀呢類CALL需控制注碼，小注博短線有較高回報，長期身少少慨CALL好處係時間損耗慢，但槓桿只得3倍唔算吸引。Ravi又指，對藥明生物中線睇法審慎，建議短期用以小博大策略較好。 |
|
| 黃偉豪 |
2025-03-04T11:56 |
比亞迪股份(01211)折讓約8%配股，集資逾430億元，配股價335.2元，集團指，今次配股獲全球主權基金及戰略投資者參與。不過，比亞迪股價今日(4日)顯著受壓，之後有冇機會反彈？如果想部署牛證應該點揀？ 胤源世創家族辦公室(香港)第一副總裁黃偉豪指，對比亞迪整體睇法唔會太負面，因為今次配股集資可能會用係研發方面。佢又話，本來港股市況及氣氛都較強，但集團突然大規模配股，難免影響投資氣氛，所以股價今日向下都無可厚非。 佢又話，比亞迪股價跌穿20天線，短線有機會再尋底，即使之後股價反彈，估計上升動力都唔及之前咁強，投資者可以留意收回價330元以下慨牛證。 |
|
| 黃偉豪 |
2025-02-26T17:53 |
百威亞太(01876)今日(26日)開市前出左業績，不論去年及上季都差過預期，其中，上季係去年表現最差慨一季，點解百威業績會咁差？ 胤源世創家族辦公室(香港)第一副總裁黃偉豪指，雖然百威唔係只得內地業務，東南亞地區、南韓及印度等地都有生意，但今次呢份業績的確係比內地業務拖累，不論係去年第4季或全年EBITDA慨跌幅都大過預期，表現相對好係上季股東應佔虧損收窄，但仍要蝕1600萬美元，而上季收入亦跌11%。 Ravi續指，今次盤數較曳，公司都有解畫，話主要受3個因素影響，包括內地業務去庫存、行業增長顯著放慢等。 |
|
| 黃偉豪 |
2025-02-25T11:21 |
匯豐控股(00005)業績勝預期，股價持續強勢，今早(25日)一度升1.5%，高見87.15元，之後係高位上落，暫時係10天線，即86元水平有支持，市場熱門CALL普遍約10倍槓桿，依家係咪做部署慨好時機？ 胤源世創家族辦公室(香港)第一副總裁黃偉豪指，暫時唔建議投資者做CALL輪部署，因為匯控股價係業績後已升左好多，暫時見唔到有好多新催化劑。 佢又話，如果大市出現調整，重磅股之一慨匯控好難獨善其身，所以唔值得博CALL，建議投資者等股價回落，先再考慮CALL輪或做好倉部署。 |
|
| 黃偉豪 |
2025-02-18T11:24 |
騰訊控股(00700)昨日(17日)借微信接入DeekSeek深度搜索，獲市場追捧，股價曾升至512元。今早(18日)再上試500元樓上，今次能否憧憬企穩「啡底股」水平？ 胤源世創家族辦公室(香港)第一副總裁黃偉豪指，500元是較大心理關口，雖然今日股價向上，但短線方向仍然不明朗。他建議，若能企穩500元水平，投資者可以博好倉，行使價考慮512元以上，而昨日低位485元，就作為短期止蝕位。 |
|
| 黃偉豪 |
2025-02-11T12:13 |
比亞迪股份(01211)旗下高階智駕系統「天神之眼」昨晚(10日)亮相，除車價10萬人仔級別以上汽車配備全系智駕以外，10萬人仔以下汽款都會搭載部分智駕設備及功能。有大行認為，智駕系統進一步打入大眾市場，反映競爭力提升。不過，比亞迪股價衝高後，似乎無以為繼，事實上近期升得幾急，4個交易日累升逾15%，未入場慨投資者應該點部署？應唔應該反手開淡倉？ 胤源世創家族辦公室(香港)第一副總裁黃偉豪指，唔建議反手開淡倉，雖然比亞迪股價今日(11日)輕微回調，但純粹係急升後慨調整。比亞迪推出智駕系統對業務發展有積極推動作用，加上未來有更多車款搭載智駕系統，一定對公司未來表現有利。Ravi建議，投資者可以等股價回調至約320元，再做逢低開好倉部署。 |
|
| 黃偉豪 |
2025-02-04T12:42 |
恆生指數輪證好淡倉昨日(3日)分別有190萬元及4450萬元資金流入，牛證重貨區繼續Keep住係19500點，最多人加倉貼價慨19600至19700點，熊證重貨區就集中係20300至20600點，最多人加倉係20200至20300點。大市氣氛今日(4日)明顯改善，可唔可以趁機食糊先？ 獨立股評人黃偉豪指，港股由新年到依家整體表現都幾強，以上個月慨16000點低位計，已累升約2000點，睇個勢應該仲有得升，但由於開始逼近21000呢些阻力位，可唔可以突到就要睇基本面，本來坐左好倉，已經由低位坐左上去慨好友，可以考慮食糊先，以牛證為例，如果收回價擺得較遠，食糊後可以換返近價少少慨牛證，收回價可以擺20000點以下，有700至800點距離比較好。 此外，Ravi唔建議依家做淡倉，始終暫時大市動力唔差，呢幾日成交亦偏大，如果衝唔穿21000點先再開淡倉會好些。 |
|
| 黃偉豪 |
2025-01-21T11:59 |
港交所(00388)好倉受追捧，最少連續5個交易日有資金流入，5日合計有1335萬元資金坐貨，港交所股價今朝(21日)上試50天線，一度高見297元，升逾1%。熱門慨港交所CALL都係短身，2025年5月到期，行使價350元至370元，呢個係2024年10月初高位，到價機會高唔高？ 獨立股評人黃偉豪指，踏入2025年，大市氣氛冇去年咁旺，成交亦唔多，所以股價好難上返去年10月高位，雖然今朝上試50天線，但似乎有些阻力，若突破唔到50天線，投資者可以等股價落到285元樓下，再部署好倉博反彈。 |
|
| 黃偉豪 |
2025-01-07T12:21 |
市傳小米集團(01810)係南韓成立子公司，現時有約20名員工，小米股價昨日(6日)再創新高，高見36.85元，今日(7日)暫時要回套，後市繼續調整慨機會係咪較大？還是趁強勢反手開好倉？ 獨立股評人黃偉豪指，小米基本面一直唔錯，亦持續有唔同消息帶動股價，股價受惠於汽車、人工智能(AI)及補貼政策等而大升，但估值已開始貴，股價短期有調整空間，即使睇好小米後市，都唔建議現階段部署好倉，可以等股價回穩，確認唔再向下，再考慮相關輪證，暫時支持位睇10天線，即34元水平，如果跌唔穿呢個位，好大機會再試頂部。 |
|
| 黃偉豪 |
2024-12-31T11:51 |
港股昨日(30日)係期指結算日窄幅上落，恆生指數反覆向下，雖然資金昨日繼續流入恆指好倉，但5日合計就有3191萬元資金離場，淡友昨日亦轉為流入， 5日合計有逾4113萬元資金坐貨。牛熊證方面，牛證重貨區上移至19700點，亦係最多人加倉慨位置，熊證重貨區繼續係21100點，最多人加倉係20400點。今日(31日)除夕港股只得半日市，恆近期持續窄幅波動，資金擺位都比較貼，20000點仍然守得住，牛證收回價19700點係咪都可以考慮？ 獨立股評人黃偉豪指，港股明日(2025年1月1日)假期休市，周四(2日)復市會點走都有變數，所以牛證收回價揀19700點似乎有些貼，亦唔係好安全，依家關鍵支持位係19900點水平，考慮到假期因素，恆指牛證收回價宜擺19500點樓下。 |
|
| 黃偉豪 |
2024-12-24T12:13 |
美國政府宣布調查中國製傳統晶片，晶片股連日有炒作，其中，中芯國際(00981)股價連升4日後，今日(24日)走勢反覆，但中芯股價已累積左一定升幅，距離收回價約15%慨熊證，槓桿5倍至6倍，如果想反手開淡倉值唔值博？收回風險高唔高？ 獨立股評人黃偉豪指，短線黎講，收回風險唔算太高，始終對比現價都有一段距離，但建議可以先睇一睇，可能中芯近期都升得比較多，令投資者想博一博，但依家利好因素唔多，投資者調轉炒可能因為覺得事件會加快內地自主研發，但要留意股價有機會回調。 Ravi又認為，投資者可以等聖誕假期後，睇下股價可唔可以突破30元，因為中芯股價係11月至12月初，見到係呢個水平有些阻力，如果未來突破唔到30元關口，再考慮做反手部署會較好，若中芯股價可企穩30元，就會開始慢慢挑戰上一個高位，到時風險就會較大。 |
|
| 黃偉豪 |
2024-12-10T12:52 |
小米集團(01810)股價持續強勢，近期已升穿30元阻力，今朝(10日)更衝上逾3年半高位，小米預告最快明年6月就會推出新車YU7，預期會硬撼Tesla慨Model Y，如果想做中線部署有咩要留意？ 獨立股評人黃偉豪指，從中線角度睇小米表現正面，市場對新車會有一定憧憬，加上手機業務表現平穩，唔需要擔心小米前景。不過，Ravi提醒要睇住小米股價，因為過去1年升幅有些誇張，即使大市表現反覆，小米仍不斷破頂，預期股價短期有機會出現波動。 佢又指，小米熱門CALL明年5月到期，價外17%，槓桿做到5倍，建議保守些揀行使價30元做好倉部署，止蝕位擺28元。 |
|
| 黃偉豪 |
2024-12-03T13:13 |
美國公布新一輪限制向中國出口半導體慨措施，市傳擬向中芯國際(00981)實施額外制裁，不過，中芯股價昨日(2日)不跌反升，今日(3日)輕微高開後，一度跌3%，低見25.6元，跌幅唔算太大係咪因為制裁力度唔算大？依家開好倉還是淡倉比較合適？ 胤源世創家族辦公室(香港)第一副總裁黃偉豪指，中芯股價呢幾日冇太大反應，主要係市場預期左美國會係晶片方面對中國作出進一步限制，所以對股價衝擊唔會太大。此外，美國實施制裁後，間接令內地加大自主研發及加快國產化進程，所以有投資者借勢炒作呢類股份。 Ravi又話，近期市場都有炒作呢類股份慨趨勢，認為可以博中芯短期好倉，股價方面，可以等股價突破20天線，即26.5元水平入場，目標價28元。 |
|
| 黃偉豪 |
2024-11-26T11:55 |
連日有資金入場博阿里巴巴(09988)反彈，至今已有逾4000萬元資金坐貨，阿里股價今日(26日)連續第2日向上，今朝一度高見84.25元，升近3%，後市仲有幾多反彈空間？好倉應該點部署？ 胤源世創家族辦公室(香港)第一副總裁黃偉豪指，阿里股價自10月高位，即120元水平回調至現時約83元，回調幅度都唔細，加上公司早前進行業務重組及發債，都對股價有影響，但近期股價都守得住250天線，即77.4元水平，如果想部署好倉博反彈，呢個位置係關鍵，建議投資者將牛證收回價擺係250天線樓下。 Ravi續指，阿里呢浸反彈只係之前跌得多慨技術性反彈，因為投資者對市況及公司都比較審慎。佢估計，阿里股價初步阻力係90元水平，亦係一個唔錯慨獲利位置。 |
|
| 黃偉豪 |
2024-11-12T13:16 |
騰訊控股(00700)股價昨日(11日)失守10天線，今日(12日)再下試50天線，暫時係410元水平上落，有騰訊CALL行使價590.5元，槓桿8倍，91日後到期，騰訊今年高位482.4元，行使價擺到590元水平係咪太遠？係咪要換馬長身CALL？ 獨立股評人黃偉豪指，可以睇埋明日(13日)出慨業績再做部署，但CALL輪條款唔太吸引，隨著愈黎愈近到期日，時間值損耗會逐漸加快，另一個問題係行使價較遠，同現價相差近200元，短期變等價或價內慨機會唔大，除非明日業績有驚喜或市場有較大刺激。 Ravi又指，唔太建議換馬，如果係業績前換長身CALL，好多CALL慨窩會扯得比較高，令入場成本變得唔太合理，所以持盈保泰會比較好，如果想換馬睇好慨產品，牛證都可以考慮。 |
|
| 黃偉豪 |
2024-11-05T11:28 |
雖然中國就歐盟反補貼制裁措施提出訴訟，但理想汽車(02015)上星期仍然要大跌9%，昨日(4日)輕微反彈，但今日(5日)都要回吐，低開2%。現時是否適合開牛證博反彈？收回價81元，槓桿4倍，是否值得選擇？ 獨立股評人黃偉豪指，收回價81元與現價約96元有一段距離，所以即時收回風險不算太大，但至於理想是否適合博反彈，就要審慎觀望。 Ravi續指，近期理想走勢偏弱，在裂口下跌並跌穿10天及20天線後未能回升，反映理想短期走勢會比較反覆。以14天RSI稍跌至50水平以下來看，反映理想股價短期內反彈可能性不高，如果跌穿50天線的支持位，即93.4元水平的話，繼續向下機會較大，所以應以觀望為主。 |
|
| 黃偉豪 |
2024-10-29T11:38 |
中國石油化工股份(00386)第3季少賺55%，股價今日(29日)已連跌第4個交易日，自10月初高位5.47元不斷向下，投資者應該點部署？股價未來又會點行？ 獨立股評人黃偉豪指，石油石化股係「中特估」概念股，加上消息及自身條件較好，中長線黎講，唔需要睇得太淡。不過，中石化今日大跌主要係業績唔好，股價短線仍會反覆。 Ravi續指，中石化自10月初高位5.47元持續向下，已失守多條移動平均線，向下仲有條250天線，所以短線較大機會向下，所以唔建議短期做博反彈部署。 |
|
| 黃偉豪 |
2024-10-22T12:26 |
車股今朝(22日)有炒作，吉利汽車(00175)附屬公司以1.2億人仔買同系寧波乘用車，吉利上次頂部係14.24元，吉利CALL行使價15.05元，槓桿3.5倍，係咪可以捕捉埋變價內那下爆發力後，就獲利沽出，再換馬16元至17元慨CALL？ 獨立股評人黃偉豪表示，現時距離價內幅度唔算遠，可以博吉利股價突破早前14.24元高位，即14.5元水平，等靠近返行使價先考慮食糊，因為呢款CALL唔係短身，時間值損耗唔明顯，加上吉利估值較平，走勢仍有機會再升，不妨博10月底有機會向上衝再考慮食糊。 |
|
| 黃偉豪 |
2024-10-08T11:54 |
美團(03690)股價連升5個交易日後，今早(8日)大幅回套，一度低見177.7元，重挫逾16%。如果想追淡倉，較貼慨PUT輪距離行使價17%，槓桿僅約3倍，反而熊證距離收回價約10%，槓桿11倍，係咪熊比PUT輪更值博？ 獨立股評人黃偉豪指，近期大市上落好大，不論開CALL或PUT都會令引伸波幅扯高，即使美團股價跌，因為窩較高都會令PUT慨成本貴左，所以除非出現急跌情況，否則，追PUT都擔心有縮窩情況。 佢又話，博熊證就唔使理引伸波幅上升問題，不過，因為熊證收回價距離現價10%，較接近近期217元慨高位，所以如果揀高過217元就更好，就算博美團回落，唔跌穿217元水平，即時收回風險都冇咁大。 Ravi補充，唔好過分睇淡後市，如果要做美團部署，逢低做或會好過呢一刻逆市開淡倉。 |
|
| 黃偉豪 |
2024-09-17T12:26 |
蘋果公司(Apple Inc.)上周五(13日)發布新產品，有「最強蘋果分析師」之稱，天風國際證券分析師郭明錤睇淡iPhone 16系列首周銷情，拖累Apple概念股持續受壓，其中，舜宇光學(02382)股價今日(17日)先跌後升，一度升1%，高見43.9元，雖然走勢好轉，但仲有冇回套風險？依家係咪適合部署淡倉？ 獨立股評人黃偉豪表示，舜宇暫時仍處於所有均線以下，所以股價唔算好強，加上Apple新產品出貨量冇預期咁好，連郭明錤都係咁預測，所以對實際定單都有影響。 不過，Ravi提醒，後市要睇實際數據做部署，但暫時都睇得唔算樂觀，追淡倉方面，佢認為可以等股價見43.8元，又升唔穿44元再部署淡倉，止蝕價可以擺44.5元至45元。 |
|
| 黃偉豪 |
2024-09-10T12:37 |
阿里巴巴(09988)今日(10日)首日納入港股通，股價高開後，一度升逾5%，高見82.35元，近日流入好倉慨資金多左，5日合計，有逾4200萬元資金坐貨。如果想追好倉，市場上熱門慨CALL主要有兩類行使價，分別係89元及99元水平，到底揀貼價還是遠價產品較好？ 獨立股評人黃偉豪指，如果做短線操作，揀貼價會較好，雖然阿里獲納入港股通會引入更多北水買入，中長線係利好，但市場早已預期阿里會納入港股通，所以較難有好大刺激因素繼續推升股價。 Ravi補充，雖然阿里基本因素穩定，但增長速度唔算快，估值較難大幅調升，所以遠價CALL唔值博。 |
|
| 黃偉豪 |
2024-09-03T11:45 |
美團(03690)上季業績勝預期，並宣布回購計劃，帶動股價造好，連日逼近120元關口，不過，好倉連續3日有投資者食糊離場，業績後買入，行使價135元慨CALL，分別係120元及130元有明顯阻力，應該點部署？ 中薇證券研究部執行董事黃偉豪指，短線要睇實美團能唔能夠升穿120元，美團業績績後走勢的確唔錯，由100元水平升至現時近120元，但過去幾個月，美團股價係120元水平都有阻力，要留意未來幾日可唔可以借勢企穩120元以上，再上試5月高位，否則，可以考慮先沽出會比較合適。 |
|
| 黃偉豪 |
2024-08-27T12:08 |
攜程集團(09961)業績後股價造好，今日(27日)升幅不斷擴大，並升穿50天線，能否寄望進一步突破以及作槓桿部署？ 中薇證券研究部執行董事黃偉豪認為，短線投資可考慮攜程，因為旅遊業相關股在去年旅遊復常後表現平穩。至於攜程股價由今年5月份452.2元高位，下調了逾100元到近期約300元水平，下調幅度相對較大，所以在業績勝預期下，股價稍微回升至合理估值不足為奇。不過從短期角度而言，Ravi同意50天線屬於短期關鍵支持位，如果能夠站穩356元水平，可以再留意388元水平。 |
|
| 黃偉豪 |
2024-08-20T12:53 |
港交所(00388)股價今個月呈橫行格局，集團明日(21日)會出業績，股價今日(20日)一度高見234.4元，升不足1%。港交所近期成交量增加，市場普遍預期，集團第2季表現較好，如果睇好港交所應該點部署？ 中薇證券研究部執行董事黃偉豪指，最近大市表現較好，有正面推動力，港交所股價相對大市較為落後，所以市場睇好後市可以追升。不過，佢估計，港交所第2季業績表現一般，因為大市成交5月後持續淡靜，業績對股價慨推動力可能唔大。 Ravi又指，如果想部署好倉唔建議揀CALL，因為出業績前，引伸波幅會被扯高，就算股價有得升都有縮窩風險，所以揀牛證會比較好，收回價宜擺今個月低位，即220元水平。 |
|
| 黃偉豪 |
2024-08-13T11:05 |
恆生指數已連升第4個交易日，好倉轉為流入，昨日(12日)流入逾270萬元，不過，5日合計有逾1億元資金離場，淡倉就連續4日有資金流入，昨日流入逾500萬元，5日合計有逾1.25億元資金坐貨。 此外，牛證重貨區大幅上移至16700點，熊證重貨區就繼續係17400點。昨日好淡倉都有資金流入，似乎反映後市仍然未有明確方向，恆指今朝(13日)走勢反覆，做部署時有咩要留意？ 中薇證券研究部執行董事黃偉豪指，港股近期都係一個窄幅拉鋸格局，昨日成交亦好少，僅約700億元，短線有機會繼續拉鋸，又或者突然爆邊，外圍波動性亦較大，佢認為後市突然爆邊機會較大，做好淡倉部署時，宜同現價有一段距離比較好，尤其做過夜部署。 佢又話，如果睇淡後市，收回價宜距離現價逾800點，例如18000點以上，若做好倉部署，收回價宜擺16100點水平。 |
|
| 黃偉豪 |
2024-08-06T11:12 |
恆生指數今日(6日)高開逾百點後，反覆偏軟，好倉連續3日有資金流入，合共逾1.3億元，5日合計有逾2億元資金坐貨，淡倉繼續有資金流出，昨日(5日)流出逾6000萬元，5日合計加埋有逾1.2億元資金離場。此外，牛證重貨區下移至16300點，熊證重貨區則下移至17100點。大市今朝反彈，熊證昨日最多人加倉係最貼價慨17000點，同現價距離200點係咪太貼？淡友擺位時係咪可以用250天線作參考？ 中薇證券研究部執行董事黃偉豪指，收回價距離現價200點，如果做即市部署問題唔大，但過夜就似乎太貼，依家不論港股或外圍氣氛都係差，但波幅都算大，所以唔排除港股會突然夾高。如果睇淡港股後市，熊證收回價最好擺17300點以上，即250天線樓上，風險就冇咁大，槓桿亦唔算太低，適合做過夜部署。 |
|
| 黃偉豪 |
2024-07-23T11:43 |
恆生指數昨日(22日)升逾200點，好倉資金轉為流出，流出逾4300萬元，淡倉就轉為流入，流入逾5851萬元。此外，牛熊證街貨比例為60%對40%，牛證重貨區係17200點，熊證重貨區就繼續係18000點。 大市昨日反彈，但今日(23日)就冇乜方向，投資者做部署時應該點擺位？昨日最多人加倉慨牛證，收回價17200點，會唔會太貼？ 中薇證券研究部執行董事黃偉豪指，上述提及慨牛熊證重貨區，都係依家比較關鍵慨支持及阻力，睇返兩個位都反映投資者擺位都係揀一些重要關口，同埋預期大市短期波幅唔會太大，如果做擺少少慨部署，佢建議收回價揀遠些，減低收回風險，其次係避開重貨位，最少距離100至200點。 Ravi又話，如果睇好後市，牛證收回價宜擺17000點或低少少，槓桿唔算低，適合中線持有，熊證方面，佢建議收回價擺18000點以外。 |
|
| 黃偉豪 |
2024-07-16T12:59 |
蘋果公司(Apple Inc.)股價昨晚(15日)再創新高，帶動港股慨Apple概念股今日(16日)逆市向上，其中，舜宇光學科技(02382)早段一度升5%，高見51.5元。 舜宇係今日較多資金流出慨個股，5日合計有逾390萬元資金坐貨，如果想買CALL輪，應選擇明年6月到期，長身及較遠價條款，還是今年9月到期，短身但較近價慨產品？ 中薇證券研究部執行董事黃偉豪認為，舜宇正股有望挑戰之前高位，即52.7元水平，如果想博短線升幅，宜小注買入今年9月慨近價CALL。 |
|
| 黃偉豪 |
2024-07-09T11:57 |
紫金礦業(02899)發盈喜，估計中期多賺最多50%，市場上慨熱門CALL都比較短身，約兩三個月後到期，價外約16%，行使價約20元，槓桿做到5倍至7倍，睇好紫金應該點部署？ 中薇證券研究部執行董事黃偉豪表示，現時紫金股價企係所有均線之上，基本面方面又受盈喜帶動，加上資源股亦比較正面，呢些因素都令紫金有條件再挑戰高位，揀CALL時要留意時間值損耗會愈來愈快，佢建議做短線部署，如果到價就先食糊，減少時間值損耗，依家紫金股價係17.2元水平有支持，一旦跌穿就要止蝕離場。 |
|
| 黃偉豪 |
2024-07-02T12:25 |
多家內地車企出左6月銷售數據，表現普遍唔錯，其中，理想汽車(02015)上月交付量按年增長46%，集團又指，第2季以來已重登新勢力品牌銷量榜首位，理想股價今朝(2日)曾升8%，高見75.95元，理想CALL慨窩偏高，但牛證選擇唔多，應該點部署？ 中薇證券研究部執行董事黃偉豪指，今日(2日)明顯係炒交付量數據，理想股價已持續弱勢一段時間，6月汽車交付量增長46%，雖然冇以往高峰期以倍升咁誇張，但都係一個唔錯慨回暖訊號，所以帶挈股價顯著造好。 Ravi又話，CALL輪慨條款唔太吸引及合適，雖然今日理想股價反彈，但可唔可以展現強勁升勢，要留意呢兩日企唔企得穩20天線，建議投資者可以先觀望，如果股價企穩20天線，再博好倉比較合適。 |
|
| 黃偉豪 |
2024-06-25T12:18 |
「618」數據不似預期，令快手(01024)股價受壓，昨日(24日)跌逾4%，失守100天線，今早(25日)再跌至1個月低位，快手股價近期弱勢，到底跌夠未？想撈底應該點部署？ 中薇證券研究部執行董事黃偉豪指，如果睇返快手走勢，短期內應該仲未見底，其實集團業績唔算太差，但股價過去1個月持續向下，依家已失守所有移動平均線，如果仍睇好快手想博反彈，CALL輪或其他衍生工具值博空間都唔大，建議投資者揀返正股。 Ravi又提醒，投資者暫時宜觀望為主，因為快手股價有機會下試4月低位，即44元至45元水平，宜等股價落到呢個位置企穩後再考慮。 |
|
| 黃偉豪 |
2024-06-18T12:20 |
紫金礦業(02899)發20億美元可換股債券(CB)兼折讓5%配股集資，股價今日(18日)受壓，一度跌近5%，曾跌至2個月低位15.56元。市場上較歡迎慨CALL普遍價外30%，到期日仲有約100日，槓桿6倍，行使價約20元，紫金股價上月曾創19.88元新高，有冇機會衝上20元？ 中薇證券研究部執行董事黃偉豪指，紫金短線衝上20元機會唔大，過去1個月，股價自19.88元回落左唔少，跌穿20天及50天線，短期走勢會比較反覆，上望空間亦唔大。 佢又話，紫金發CB兼配股慨消息會令股價短期較為波動，若投資者想博升穿20元，股價要先上返20天線17.1元。 |
|
| 黃偉豪 |
2024-06-11T13:09 |
有報道指，內地放慢採購黃金步伐，消息拖累金礦股今日(11日)全線插水，其中，紫金礦業(02899)今朝低開近3%，失守50天及10天線，活躍慨CALL大部分今年10月至11月到期，價外26%及44%，槓桿5倍至7倍，呢類條款可唔可取？放慢採購步代對金礦股影響有幾大？ 中薇證券研究部執行董事黃偉豪指，紫金股價跟住金價走，金價短期走勢會比較反覆，未必有太大上升空間，若放慢採購黃金消息屬實，黃金慨炒作會大大降低。 Ravi又話，紫金CALL輪本身年期唔短，所以唔使擔心時間值損耗問題，但價外幅度比現價大，即使之後股價升，都未必即時可以去到等價或價外，依家關鍵支持位係上周三(5日)低位，即16元水平，如果短期跌穿呢個位，可以考慮先止蝕。 |
|
| 黃偉豪 |
2024-06-04T12:25 |
美團(03690)股價5月中上過129元後，走勢開始轉弱，今朝(4日)係110元水平上落，美團今個星期出業績，應唔應該趁業績前部署好倉？ 中薇證券研究部執行董事黃偉豪指，近期新經濟股公布慨季績普遍好過預期，令市場對美團業績有正面憧憬，可以考慮係相對低位做短線業績部署，但要留意有回調風險。佢又話，係美團出業績前博CALL會扯高窩輪，業績後可能會出現縮窩情況，所以要留意引伸波幅帶黎慨影響。 |
|
| 黃偉豪 |
2024-05-28T12:37 |
市場關注歐美通脹數據同時，油價升約1%，連升2日，中國石油股份(00857)今日破頂見9年高位8.15元。資金流方面，較多好友離場，5日來累計好倉有540多萬元資金流出。石油石化股造好，中石油向上再破頂動力大不大？值不值得追好倉？ 中薇證券研究部執行董事黃偉豪認為應以好倉為主，不應做淡。現時中石油股價上升，部分資金從好倉流出，但不等於馬上流進淡倉或有較大回調。短線的部署可順勢追入，但要嚴守止蝕位；若非短線部署，想吼短期升幅可以等待調整機會，再做好倉會更好，譬如股價降至8元附近可以部署好倉。只要沒跌穿約7.6元或廿天線位置，形態沒有破壞之下，反復向上機會仍較大。 |
|
| 黃偉豪 |
2024-05-21T11:58 |
理想汽車(02015)昨日(20日)公布慨業績差過預期，首季少賺36%，第2季交付量及收入指引都差過預期，拖累股價今朝(21日)大幅低開逾14%，開市即失守90元，其後更一度險守80元，跌至逾1年低位，理想股價最近持續回套，CALL輪普遍價外逾1倍，而今朝亦有多隻牛證被收回，依家應唔應該部署好倉博低位反彈？ 中薇證券研究部執行董事黃偉豪指，暫時唔建議部署好倉，因為理想股價仍處於下行區間，沽壓未見紓緩，亦見唔到有太多資金流入，難以確認股價已見底，股價今朝急瀉主要受業績及指引影響，雖然已跌至80元邊緣，但仍未搵到重要支持，因此，不妨等理想股價係低位企穩後，甚至等開始回升，先再部署好倉。 |
|
| 黃偉豪 |
2024-05-14T10:56 |
港股升勢持續，恆生指數今朝(14日)走勢反覆，好倉連續3日有資金流出，昨日(13日)流出4840萬元，5日合計，有1.5億元資金流出。淡倉方面，連續3日有資金流入，昨日流入約233萬元，5日合計，有1.3億元資金坐貨。此外，牛熊證街貨比例55%對45%，牛證重貨區下移至18200點，熊證重貨區則於19500點。 重磅科技股今日開始派成績表，恆指有冇力再上？貼價牛證同現價有逾600點距離，有冇肉食？中薇證券研究部執行董事黃偉豪表示，恆指後市的確好視乎科技股業績，始終大市由低位16000點水平，升到今朝暫時即市高位19300點水平，已經升左逾3000點，惟市底及氣氛都係好，雖然資金走好倉入淡倉，但依家做反手部署，都不宜太進取，如果做睇好部署亦要小心即市波動性，因此，不論睇好睇淡擺位都適宜闊少少，以好倉為例，收回價擺位約18200、18300點樓下較好，淡倉就擺19800點樓上。 |
|
| 黃偉豪 |
2024-05-07T12:14 |
內地「五一黃金周」假期出境外遊數據火熱，帶動攜程集團(09961)昨日(6日)收市升逾4%，不過，攜程股價今日(7日)早段創426元新高後，隨即掉頭向下。市場上有一批CALL輪價外17%，行使價499元，3個月後到期，槓桿做到6倍，係咪岩做攜程後市突破向上部署？ 中薇證券研究部執行董事黃偉豪認為，呢批CALL價外幅度較大，未必3個月內會變成等價，要承受較大時間值損耗。佢又指，唔建議現價開CALL，建議等股價回調至410元以下先再做部署。 Ravi續稱，技術走勢上，攜程股價出現多頭排列格局慨上升形態，不過，9天相對強弱指數(RSI)出現跟股價升勢相反慨「頂背馳」形態，反映股價因近期升得太急，上升動力開始減弱。 |
|
| 黃偉豪 |
2024-04-30T12:05 |
比亞迪股份(01211)昨日(29日)公布首季業績，純利按年升近11%至45.7億人仔，每輛車利潤按季跌22%，季度增速創2022年第1季以來最慢，不過，大行普遍收貨，指季績符預期，較多資金追捧淡倉，比亞迪今日(30日)股價見今年高位，績後仍然走勢強勁，係唔係適宜追好倉？ 中薇證券研究部執行董事黃偉豪指，暫時唔建議部署好倉，雖然比亞迪今日股價能夠企穩高位，但目前汽車行業仍面對減價壓力，即使比亞迪慨業績較同業相對穩定，但公司利潤大部分來自低價汽車，利潤空間容易受壓，若難以提升利潤率，股值缺乏上升空間，就會影響股價，加上比亞迪股價下一個重要阻力位置係250天線，距離現價僅差10元，值博空間唔算大，因此依家應該先觀望，再審慎部署。 |
|
| 黃偉豪 |
2024-04-29T17:28 |
近排內房不斷傳出黎正面消息，最新有四川成都全面取消樓市限購令，今日(29日)內房股大爆發，個別民企內房升幅達60%，不過，摩根大通今日(29日)發慨報告就有少少潑冷水之嫌，取消限購令可刺激內房銷售1至3個月，但未來有機會再度轉差，又認為唔足以扭轉樓價跌勢。摩通呢份報告中，有一半內房被睇淡，唯獨叫增持中國海外發展(00688)及華潤置地(01109)，想買內房股係咪應該揀呢兩隻？ 中薇證券研究部執行董事黃偉豪指，有央企背景慨內房的確比較穩陣，民企內房就炒味較濃，其實市場慨睇法一直都係咁，但呢一刻其實應該再謹慎少少，即使中海外及潤地有央企背景，但沽空比率都超過30%，而銷售同其他內房一樣都要跌，加上市場擔心板塊炒高後，部分民企及小型內房會再趁高「抽水」，會令投資氣氛打折扣，所以Ravi建議等內房回返少少，再吼較重磅慨內房股。 |
|
| 黃偉豪 |
2024-04-23T11:54 |
銀河娛樂(00027)股價連升第2日，內地「五一黃金周」將至，唔少投資者都趁機短炒銀娛一些在5月至6月到價的短身產品，槓桿6倍至8倍，而較受歡迎長身產品在10月至12月到期，槓桿5倍至7倍。銀娛股價徘徊低位，投資者部署好倉慨時候，應該點揀比較好？ 中薇證券研究部執行董事黃偉豪認為，揀銀娛長身產品較合適，雖然大部分投資者認為炒短期某些事件，應該揀短身CALL值博一些，但留意兩款CALL慨槓桿及價外幅度差唔多，最大分別在於時間值，但短身CALL時間值損耗較快，價外最少30%，炒「五一黃金周」熱潮到價慨機會較微，值博空間唔大。 Ravi又指，暫時銀娛慨股價未出現明顯轉勢，距離10天線有約2元距離，對股價能唔能夠大幅度彈上有保留。 |
|
| 黃偉豪 |
2024-04-16T11:05 |
港股暫時連跌第4個交易日，恆生指數今朝(16日)低開後，跌幅擴大，一度挫近300點。好倉繼續有資金流入，今朝流入4500萬元，5日合計有1億元資金坐貨，淡倉5日合計有約2200萬元資金流出。此外，牛證重貨區介乎16200至16300點，其中，16200點是最多人加倉位置，熊證重貨區就係17200點，最多人加倉係16800點。大市連日下跌，明顯見到資金流較多部署好倉，今日係咪仍然維持呢個趨勢？ 中薇證券研究部執行董事黃偉豪認為，港股短期走勢會較為反覆，過去幾日投資者博好倉，因為當時見到大市借勢回落，加上技術上仍未跌穿移動平均線，不過，今朝再跌就有少少破壞左短期上升趨勢，50天及100天線已失守，即16400點水平。 Ravi又話，如果想博好倉，例如牛證就要從收回價著手，宜揀距離現價遠少少，以過夜為主至少要擺係15500點水平。 |
|
| 黃偉豪 |
2024-04-09T12:51 |
內地昨日(8日)公布，4月批左14款進口網絡遊戲版號，雖然網易(09999)慨遊戲冇份，但股價今日(9日)仍有得升，今朝成交活躍慨CALL集中係9月至12月到期，行使價170元至200元，槓桿做到4至6倍，距離收回價10%至30%慨牛證，槓桿做到3至7倍，兩者槓桿差唔多，想做睇好部署應該點揀？ 中薇證券研究部執行董事黃偉豪指，網易股價近期走勢比之前弱，所以建議揀牛證，避免出現縮窩情況，雖然網易股價或會慢慢回升，但始終動力唔大，所以揀CALL可能會縮窩。 Ravi又話，收回價同現價有一定距離，要留意150元係關鍵位置，只要網易股價唔跌穿呢個位，再下試空間唔大，如果守得住，博正股慢慢升返上160元水平。 |
|
| 黃偉豪 |
2024-03-26T12:45 |
中國石油股份(00857)昨日(25日)出左業績，去年多賺逾8%，派息0.23人仔，高盛指派息符合預期，而集團自由現金更創新高。超短身、1個月就到期慨中石油CALL，行使價7.68元，價外17%，但槓桿做到15倍，博唔博得過？ 中薇證券研究部執行董事黃偉豪指，短身CALL慨時間值損耗快，唯一可以博短線價內有好大爆發力，覆蓋時間值損耗慨問題，加上呢隻CALL價外幅度有一定比例，想博就要抱以小博大、可能會輸慨心態，小注去博，如果博到，回報會幾吸引，值博率大。如果睇好中石油前景，建議投資者揀較長身，槓桿唔高慨CALL會更值博。 |
|
