| 評論員 |
時間 |
內容 |
標籤 |
| 梁傑文 |
2026-04-20T17:21 |
今日(20日)有兩隻新股開始招股，其中，光電混合算力供應商曦智科技(01879)食正光通訊熱潮，成為市場焦點，集團宣稱係全球第1家實現光電混合算力大規模部署慨企業，點睇公司前景？ 《香港股票財技密碼》作者梁傑文表示，曦智同其他18C特專科技公司比較，唔係一隻純概念股，因為公司部分光電混合產品已開始商業化，去年收入約1億人仔，市場亦預期未來幾年行業將會出現爆發式增長。 佢又話，曦智創辦人係麻省理工學院(MIT)物理博士，2017年已提出過透過光性能超越傳統電子晶片慨願景，之後返回內地創立曦智，集團產品已開始商業化，並進行IPO，值得投下信心一票，因為人工智能(AI)發展將帶動上游晶片爆發式增長。 投資價值方面，Mike指出，曦智大部分基石投資者都係一線投資者，陣容無可挑剔，有強大慨基投力撐，上市初期表現應該唔錯，有一定值博率。 |
|
| 梁傑文 |
2026-04-13T15:44 |
服裝股博尼控股(01906)上周五(10日)宣布將貼身衣物品牌業務、物業及由物業擔保的銀行及借款，以2.41億人仔賣畀主席金國軍慨兒子，估計獲利1800萬人仔，亦意味博尼將撤出品牌零售，專注貼牌生產(ODM)業務，股價今早(13日)輕微高開後，一度逆市升3.6%，高見0.57元，係咪反映市場都Buy呢單Deal？ 《香港股票財技密碼》作者梁傑文指，對股東黎講都算係好消息，雖然品牌業務佔比唔大，但一直係集團主要虧損來源，依家起碼可以「止血」，更可以透過出售資產獲利。 Mike又話，今次大股東唔止收購香港博尼品牌業務，更接手個廠房及揹埋逾2億人仔慨銀行貸款，交易完成後，集團資產負債表將有明顯改善，雖然冇左個大廠房，但負債比率及負債總額都少左，公司未來就可以將資源重點放係ODM業務，雖然ODM毛利冇品牌業務咁高，但勝在收入穩定，而受外圍經濟波動慨影響亦較細，事實上，公司近年係呢瓣業務都賺到錢，可以留意集中火力經營呢部分業務後，可唔可以吸引到更多生意。 |
|
| 梁傑文 |
2026-03-30T15:46 |
業績期臨近尾聲，但最近一星期，都有幾間公司預告未能如期公布全年業績，原因不外乎停牌、核數需額外時間等，今年未能出業績的情況又嚴重嗎？ 《香港股票財技密碼》作者梁傑文指，疫情期間可謂「冇業績」的最高峰時期，不單細公司，就連一眾藍籌股都有困難。每年來到3月末，尤其是30日、31日都屬敏感時間，越來越多公司在「死線」前主動披露未能如期公布業績，變相多留幾日給散戶逃生，避開股份停牌風險。 Mike又話，理論上31日前要出到業績，而基本上亦給予酌情權，視乎未能出業績的原因，對股價而言是敏感消息，如果確定未能在限期前出到業績，直接提早停牌可能更好。 至於審計費用方面，有幾間公司如多牛科技(01961)、中國北大荒(00039)等，都話未找審計條數目，所以核數不能完成，兩間公司連2024年的審核費用都未結清，又是否過於嚇人？ 梁傑文又提到，審核費用對上市公司而言不算大數目，不過這個解釋有點誇張，始終2024年審核工作已完成，業績亦已出，拖延超過1年未結清費用，對方有權向法院申請清盤，更會令市場對該公司業績存疑。 |
|
| 梁傑文 |
2026-03-23T15:18 |
紫金礦業(02899)斥資近183億人仔入股赤峰黃金(06693)，將會拿到赤峰慨控制權，不過，由於赤峰大折讓向紫金配股，拖累兩家公司股價今日(23日)插水，赤峰一度瀉近26%，紫金就曾經大跌逾7%。紫金今次入主赤峰係咪可以產生協同效應，進一步鞏固係全球慨領導地位？ 《香港股票財技密碼》作者梁傑文指，今次呢單Deal都係有跡可尋，赤峰係香港上市時紫金都有入股，係持股較多慨基投，入股近1年對赤峰背景及營運狀況都有一定了解，加上赤峰創辦人已離世，遺孀就接手佢慨股份，可能希望把握時機賣盤套現，促成左呢單Deal。 值得留意係，復牌通告冇提及會撤銷赤峰慨上市地位，紫金去年完成分拆紫金黃金國際(02259)係香港上市，公司點解要咁多個上市平台，未來會唔會私有化赤峰？ Mike認為，紫金私有化赤峰會係一個中長線問題，佢亦認同紫金已經有紫金黃金國際，可能真係唔需要咁多個上市平台，加上赤峰市值亦唔係一個天文數字，只係700幾億至800幾億元，紫金絕對有呢個財力，但赤峰去年先至上市，相信1至2年內仍會維持佢慨上市地位。 |
|
| 梁傑文 |
2026-03-16T15:50 |
CGII HLDGS(01940)部分股權易手觸發全購，股份今日(16日)復牌反覆向上，一度勁升近14%，高見1.8元，新主Tangde Gas(TG)擬以每股62.6港仙，較停牌前折讓60%，向CGII HLDGS收購39%股權，而大折讓賣盤慨毛記葵湧(01716)今日更一度飆1.5倍，高見4.24元，同樣係賣盤，點解CGII HLDGS升咁少？ 《香港股票財技密碼》作者梁傑文指，兩家公司都係控股權出現變動，今次原主中銀及淡馬錫(Temasek)財團好似急急腳想走，願意以折讓價賣畀TG，一方面大股東河鋼表明作價太低，或持有CGII HLDGS有另目的而拒絕接受邀約，令CGII HLDGS賣殼相對更複雜。 Mike又話，雖然今次新主買平貨，但持股量唔係絕對性，唔似其他楂住70%至80%慨股權，今次新主只係佔約40%控股權，不過，循例都要向散戶提出一個全面收購要約，新主執平貨但持股量低情況下，相信都可以解釋點解唔願意出高價收購，同埋今日復牌炒作冇毛記葵湧咁誇張。 |
|
| 梁傑文 |
2026-03-09T14:28 |
雖然港股今日(9日)又林過，但成為港股通「新貴」慨軟件股迅策(03317)，股份價今日價量齊升，仲愈升愈有，一度逆市飆71%，高見130.3元，明顯同北水掃貨有關，值得留意係，集團日前發過盈警，預告去年虧損將會擴大，點解呢隻股份可以成為北水「愛股」？ 《香港股票財技密碼》作者梁傑文指，迅策今日價量齊升，相信同半新股貨源歸邊慨特性有關，集團當日招股引入一定基石投資者，所以係市場上流通慨股份唔算多，另一方面，集團近日發左盈警，但細心分析後，會發現收入大幅增加，虧損其實係收窄緊，可能市場憧憬公司好快可以有錢賺，加上爆冷咁快入到港股通，所以吸引到北水。 Mike認為，迅策短炒無妨。 |
|
| 梁傑文 |
2026-03-02T14:45 |
星太鏈集團(00399)日前公布，同係美國納斯達克上市慨Newbridge Acquisition Limited訂立諒解備忘錄，探討併購交易，值得留意係，公司去年11月中出過通告，話被聯交所質疑未能維持足夠運營水平，勒令集團停牌，引爆「逃亡潮」，今次簽呢份諒解備忘錄，目的係咪想化解退市危機？ 《香港股票財技密碼》作者梁傑文指，星太鏈近幾年收入都唔多，只係略為多於1000萬元，係非常低水平，收到聯交所「警告」後係會有一段時間畀公司去改善，今次同Newbridge Acquisition簽諒解備忘，間接希望解決聯交所慨問題，但Mike認為，有些「遠水不能救近火」慨情況，至少似乎好難幫到星太鏈係短期內創造到可觀收入。 |
|
| 梁傑文 |
2026-02-23T15:16 |
協合新能源(00182)發盈警，預期去年少賺逾80%，公司都有解畫，盈利大幅倒退原因包括風力及太陽光不可控、政府補貼問題等，股價一度重挫逾8%，低見0.31元，點睇公司前景？ 《香港股票財技密碼》作者梁傑文指，公司業績走樣涉及好多因素，如果股價睇長少少，其實已遠遠落後於大市，協合新能源股價過去2年由高位跌左落黎，之後一直係低位徘徊，估計短期都好難扭轉劣勢。 Mike又話，內地光伏行業基於政府補貼慨考慮，唔少相關企業蜂擁建立新發電站，導致惡性競爭、供過於求，令行業賺唔到錢。佢續指，雖然公司發左盈警，但其實去年仍有錢賺，只係市場擔心股價今年可能會再跌一浸，同埋有由盈轉虧慨風險。 |
|
| 梁傑文 |
2026-02-09T15:21 |
偉祿集團(01196)計劃係內地搞手機遊戲發行及營運業務，同埋跟創夢天地(01119)前總裁高煉惇建立戰略合作，但偉祿近2年業務都係蝕，依家要係內地搞手機遊戲業務，值唔值得憧憬？ 《香港股票財技密碼》作者梁傑文指，對偉祿黎講一定係加分，而集團同高煉惇合作亦可事半功倍，唔使行咁多冤枉路，雖然偉祿由零開始搞遊戲業務，但佢搵到行內知名人士合作，而高煉惇係手遊行業有逾20年經驗，又係創夢天地聯合創辦人及前總裁，有佢領頭發展新業務，一定有利偉祿前景。 Mike又指，高煉惇已離開創夢，依家「無官一身輕」，可以全心全力幫偉祿做「手遊開荒牛」，公司通告預期首3年可賺6億元，反映雙方既進取又有信心，對呢門生意好樂觀。 |
|
| 梁傑文 |
2026-02-02T15:38 |
上周六(1月31日)起開始招股慨樂欣戶外(02720)，主要賣釣魚凳及其他配件，係全球最大釣魚裝備製造商，集團今次發售約2820萬股，招股價上限12.25元， 集資最多3.45億元，每手500股，入場費逾6186元，呢隻新股抽唔抽得過？ 《香港股票財技密碼》作者梁傑文認為，雖然集團自稱行業龍頭，全球市佔率逾30%，不過，樂欣財務業績比較波動，旗下業務都係以代工為主，冇自家品牌。估值方面，公司市盈率(PE)逾20倍，唔係特別貴或平，更重要係，港股市況持續轉差，可能令樂欣吸引力減少。 Mike又提醒，即使樂欣IPO採用機制B，不設回撥，股價升幅都會因行業規模細，同埋近期市況差而受壓。 |
|
| 梁傑文 |
2026-01-26T15:26 |
美佳音控股(06939)獲內地集成電路設計公司「極海中國」(Geehy International)入主，集團控股公司「納思達」向3名股東收購40.67%股權，涉資1.05億元，美佳音今日(26日)復牌一度炒高逾1.6倍，點睇呢單Deal？ 《香港股票財技密碼》作者梁傑文認為，國家集成電路產業係美佳音今日復牌大升慨主因，佢續指，今次買方只係購入40%股權，原有大股東保留一定持股，相信係公司睇好未來股價表現，並相信可產生協同效應，令未來打印機晶片研發事半功倍，所以股價可睇高一線。 Mike提醒，呢單交易仍未落實，買階段買入須有先決條件，亦要注意風險，佢估計，美佳音股價未必會再大幅飆升，甚至補回裂口，估計未來2、3個月會係1元邊緣浮沉，未來可唔可以重上高位，就要睇納思達慨後續部署。 |
|
| 梁傑文 |
2026-01-19T16:52 |
新耀萊(00970)上星期五(16日)收市後公布折讓配股消息，計劃以每股作價0.38元向4名承配人發行約1.12億股，折讓近14%，佔擴大後股本超過16%，集資4200多萬。股價有得升，但成交不多，股價表現能否作為市場對交易看法的參考？ 《香港股票財技密碼》作者梁傑文指，成交少股價升的參考價值的確不高，但值得留意的是配股條款，用盡一般性授權的上限，二來，雖然每股作價0.38元，較上一交易日(16日)折讓13%，但參考近幾日的平均價，折讓都接近上市規則上限，近20%，所以今次配股無論是折讓幅度，還是份額都有特別。 Mike又指，資金用途主要集中現有汽車分銷業務，公司財務狀況理想，沒有急切的集資需要，相信公司是趁近日股價去到低位進行配股。 |
|
| 梁傑文 |
2026-01-12T16:15 |
本地券商股LFG投資控股(03938)今早(12日)復牌，雖然深圳券商富中證券以大折讓價收購，但股份今日復牌一度飆逾1.5倍，高見3.76元。富中證券本身已持有部分牌照，今次收購LFG係咪睇中港股係2025年，不論成交及新股市場都十分熾熱？ 《香港股票財技密碼》作者梁傑文認為，兩者確實有關聯，隨著港股成交急增及內地資金重新活躍，資金一定會搵新投資機會，對收購券商慨買家黎講，可以話係「一石二鳥」，因為買方購入慨唔止係一個殼或上市地位，以及牌照或客戶基礎外，更有利業務轉型或資產增值。 Mike又話，LFG知名度唔算高，同埋公司持有慨6號牌未必可以顯著帶動IPO業務，今次收購唯一解釋係買家更睇重佢慨上市地位。佢續指，如果以陰謀論角度分析，買家可能市旺買個殼，當係一個炒作慨投資機會，帳面上隨時已大賺幾倍。 |
|
| 梁傑文 |
2026-01-05T17:57 |
中證國際(00943)今早(5日)復牌，集團昨晚(4日)公布，計劃收購內地美容行業軟件解決方案及SaaS業務「伊美眾」100%股權，股權連股東貸款總代價6250萬元，將會發新股支付，中證今日復牌一度飆33%，係咪純粹炒呢單收購？ 《香港股票財技密碼》作者梁傑文指，中證股價反應正面係合理，集團近年有唔少會計問題，股價又大跌，依家出左呢單收購消息，收購對象依家係賺緊錢，所以畀到憧憬股東及投資者，刺激股價今日大升。 Mike又指，中證市值細，加上公司近期做過合股，再加埋其他因素呢隻股份的確有少少殼股味道。 |
|
| 梁傑文 |
2025-12-29T17:52 |
港股有望連升兩年，今年暫時升近30%，恆生指數係10月一度衝破27000關，日均成交亦大增。新股市場方面，首次公開招股(IPO)集資額重奪「世一」，值得留意係，今年港交所(00388)進行新股機制改革，降回撥比例之餘，又新增Plan B不設回撥，初始份額最少10%，點睇IPO新玩法？此外，人民銀行同外管局上周五(26日)明確境外上市募集資金、減持或轉讓股份所得資金應匯返內地，對本港IPO市場有咩影響？ 《香港股票財技密碼》作者梁傑文指，今年大部分新股都揀Plan B，目的係留返更多份額畀保薦人及包銷商，加上超額倍數極高，甚至過萬倍都有，就連「頂頭錘」都未必派到股份，不過，新機制令公司貨源更集中，股價就更易炒起，散戶可「高追」博股價炒上賺返筆，但風險就大好多。 內地方面，Mike認為，唔少公司想將資金留係海外發展，係海外做併購等，如果政策真係落實，好大機會削弱港股新股集資吸引力，甚至令部分企業返A股上市，因為係內地上市可以拿到更高估值。 |
|
| 梁傑文 |
2025-12-15T15:26 |
B仔新股華芢生物(02396)周三(17日)就會截飛，入場費過萬元，預期下周一(22日)首掛，公司核心產品係2款血小板衍生生長因子(PDGF)凝膠，主要用黎治療燒燙傷及糖足，點睇公司前景？ 《香港股票財技密碼》作者梁傑文指，可以從收入及產品賽道分析華芢，以往部分B仔股未上市或上市那陣已經有收入來源，但由於未商業化，所以未有收入，所以就唔可從呢方面去分析華芢。 Mike續指，賽道方面，集團核心產品係2款PDGF凝膠，主要用係燙傷病患，值得留意係，過往有前景或升幅較大慨B仔股，賽道都係比較闊，例如癌症等，但華芢呢類凝膠係內地及歐美已經有唔少市場化產品，加上公司產品未商業化，亦唔知可唔可以成功商業化，所以華芢前景似乎較差。 |
|
| 梁傑文 |
2025-12-08T15:24 |
國銳生活(00108)股價今日(8日)一度衝上52周高位，即4.28元，但之後走勢突急轉直下，最新報3.75元，挫近6%。集團上周五(5日)公布，將斥資2.69億人仔，收購北京春下軟件旗下互聯網醫療企業「春雨醫生」約78%股權，點解公司會收購一家同本業冇關慨目標公司？ 《香港股票財技密碼》作者梁傑文認為，國銳除左希望分散投資風險，亦有可能係睇中「春雨醫生」手上有1.8億顧客，但呢間目標公司同國銳本業冇關，所以好難產生協同效應，更重要係，國銳管理層未必有呢方面慨專門知識去營運，所以小股東會擔心公司唔太可能係短期內扭虧為盈。 Mike又話，雖然國銳資產規模比目標公司大好多，但現金儲備不足，銀行負債近30億人仔，長遠未必可以無限燒錢去撐「春雨醫生」。 |
|
| 梁傑文 |
2025-12-01T15:37 |
亨得利(03389)大股東兼主席張泳麟，以每以股0.14元提全購，較停牌前有12%溢價，現時主席及其母親兩人合共持有公司48%股權，若要約獲全面接納，應付現金總代價3.2億元，值得留意係，亨得利係一家有逾12億元淨現金慨公司，就咁得好似好著數？ 《香港股票財技密碼》作者梁傑文指，亨德利大部分資產都係現金，負債亦非常低，還埋銀行貸款後，仍有逾10億元現金，張泳麟只係動用逾3億元，就可以收曬小股東慨貨，加上佢可能係用公司慨現金做全購，所以今次出價其實非常低。 Mike又指，今次提出全購邀約都算係「你情我願」，小股東可自行決定係咪賣手持慨股份。 |
|
| 梁傑文 |
2025-11-24T14:42 |
毫子股皇冠環球(00727)擬「1供3」，供股價0.65元，較上周五(21日)收市價折讓20%，籌最多逾6億元，值得留意係，冇股東承諾會供股，又講明唔係包銷供股，亦不設最低認購額，好多時供股都有導致股權出現變動，今次有冇呢個可能？還是真係純粹撲水？ 《香港股票財技密碼》作者梁傑文指，好難咁快就供股目的下定論，但今次供股比例係比較高，係依家慨市況下集資金額唔算少，由於金額唔細所以搵包銷商絕對唔容易，不過，今次大股東唔願意做包銷商，同埋不設最低認購額，Mike認為唔意外。 |
|
| 梁傑文 |
2025-11-17T15:49 |
GEM板公司靖洋集團(08257)今日(17日)復牌，股價一度逆市飆逾80%，應該同一個消息有關，集團獲美資集團Watlow Electric Manufacturing提私有化，每股作價0.245元，較停牌前有87%溢價，點解靖洋會被美國公司睇中？ 《香港股票財技密碼》作者梁傑文認為，提出收購慨美企係半導體行業一份子，近年爆發人工智能(AI)熱潮，對半導體需求有增無減，靖洋業績亦受惠好轉好，所以成功吸引美資提出以高溢價私有化。 Mike又話，雖然半導體行業盈利受制於周期變化，表現唔太穩定，毛利率又易受壓，導致估值偏低，不過，近年AI改變左行業格局，預期半導體行業未來會持續高增長。佢又認為，今次出價十分理想，估計靖洋私有化係十拿九穩。 |
|
| 梁傑文 |
2025-11-13T16:22 |
域能控股(00442)股價今日(13日)一度飆62%，高見1.4元，公司有2單消息，首先行計劃「2供1」，供股價71仙，較昨日(13日)收市價折讓17%，集資6100萬元。另一個消息係公司向控股股東兼主席蘇樹輝，收購虛擬資產交易所VAX約5.56%股本，代價1億元。 《香港股票財技密碼》作者梁傑文指，域能本業過去幾年一直蝕錢，導致股價持續低迷，集團需要新概念或新業務，為投資者帶黎新憧憬。目前，虛擬資產係內地係唔合法，內地投資者憧憬香港有虛擬資產平台牌照，加上公司已完成收購香港金銀業貿易場會籍，有機會產生協同效應，加上賣點獨一無二，呢些因素都會炒起股價。 不過，Mike認為，呢單Deal令域能股價大升，投資者反而可以考慮趁高止賺套現。 |
|
| 梁傑文 |
2025-11-10T16:19 |
權識國際(00381)宣布收購一間內地品牌的飲料公司「愛之戀」72.5%股權，消息一出股價一度大升近15%，高見0.285元，而愛之戀主要向中國東南亞地區三、四線城市為主進行產銷，如何評估今次這個收購行動？ 《香港股票財技密碼》作者梁傑文指，權識本身市值不大，業務又廣泛，涵蓋禮品、玩具製造到物聯網4至5樣業務，但無一樣做得突出，仍是虧損狀態，今次收購唯一好處就是，本身愛之戀已有盈利，落實收購後對財務狀況有好大幫助，甚至可以扭虧為盈。 Mike提醒，本身愛之戀的品牌知名度不高，盈利數字反而幾理想，不過，公司始終是細飲料公司，難與大品牌公司例如農夫山泉(09633)、維他奶國際(00345)直接比較，如果之後業務做得起，可以反映出潛在增長空間大。 |
|
| 梁傑文 |
2025-11-03T16:22 |
吉星新能源(03395)今日(3日)開市前公布，透過將股東貸款資本化，去償還債務，以每股0.3元發行2.1億新股，清償約6300萬元的債務，資本化還債不算常見，這次為什麼要用這個方法解決還款問題？ 《香港股票財技密碼》作者梁傑文指，公司現金水平及財務狀況不樂觀，近年業務仍然虧損，負債居高不下，公司沒有錢還唯有用以股代債，償還大股東債務。 Mike又話，以股代債是好事，但不算太大驚喜，公司主席柳永坦在股價低時增持股份，但發行股份大幅改善公司財務表現，對後續發展更理想。 |
|
| 梁傑文 |
2025-10-27T15:55 |
金力集團(03919)配股集資，配股價1元，配發648萬股新股，較上周五(24日)收市價折讓約13%，集團股價今日(27日)一度飆48%，高見1.71元，點解股價今日會大升？ 《香港股票財技密碼》作者梁傑文指，相信股價今日大幅炒上同概念轉型有關，世界整體大方向都係電動車相關行業，公司以往做開一些傳統電池，依家就話集資其中一方面係做電動車快速電池，唔多唔少都比到市場憧憬。 Mike又話，金力呢年股價一直都係低位徘徊，可以話係跌到殘曬，而市值亦只係幾千萬，相對每股資產淨值都有大幅折讓，雖然最近因中美貿易緩和彈起，但佢對金力後續走勢有保留，今日股價高開衝高左，但升幅好快收窄，亦反映市場對公司中長線前景仍有疑慮。 |
|
| 梁傑文 |
2025-10-20T15:47 |
新股市場持續暢旺，今日(20日)有4隻新股硬撼，同日開始招股，分別係三一重工(06031)、滴普科技(01384)、八馬茶業(06980)及劍橋科技(06166)，值得留意係，投資者近期似乎較關注新股公開發售比例，多過留意公司業務狀況，點解會出現呢種情況？ 《香港股票財技密碼》作者梁傑文認為，新股機制改後，上市採用機制B，即公開發售初始比例定係10%，兼不設回撥，令額認購問題變得非常誇張，散戶因為留意到係呢個機制下，幾乎每隻新股首掛都大幅炒上，所以傾向關注招股機制，而唔再著重分析公司，再決定抽唔抽某隻新股。 至於今日撞期招股慨4隻股份中，Mike較睇好三一重工，雖然集團A+H股上市，估計股價短期內升極有限，但由於公司基本面靚，係內地最大工程機械製造廠，又獲多個海外明星級基石投資者力撐，盈利表現理想，因此，認為三一重工可以睇高一線。 |
|
| 梁傑文 |
2025-10-16T16:18 |
思考樂教育(01769)擬配股集資，配股價2.2元，較昨日(15日)收市價折讓13%，籌2.4億元，主要用係未來人工智能(AI)項目，股價今日(16日)一度大升逾30%，高見3.31元，點解股價會升得咁勁？ 《香港股票財技密碼》作者梁傑文指，配股本身唔算係特別好慨消息，今日有咁多資金追入思考樂，有機會係公司係教育行業中引入AI，多左一個當炒概念，事實上，市場近年一直熱捧AI概念，相信股價係食住個勢炒上。 Mike又話，呢類教育機構配合AI，工作效率一定大大提升，亦可以慳到成本，一方面唔使請咁多人，加上內地市場潛力龐大，相信可以吸納唔少學生。 |
|
| 梁傑文 |
2025-10-13T15:41 |
停牌約兩周慨創陞控股(02680)今日(13日)復牌，股價一度逆市飆逾76%，高見10元。要約人王庭發向公司主席收購全部股份，涉資2.7億元，要約價每股6元，較停牌前有約6%溢價。值得留意係，一般黎講，殼價易手都有折讓，但今次反而有溢價，點解讀呢個情況？ 《香港股票財技密碼》作者梁傑文認為，近期好多殼價都較市價有折讓，可能同賣家或大股東有資金鏈問題有關，佢相信，創陞慨情況可能係公司近期發左盈喜，貨源又非常集中，除大股東持有公司75%股權外，餘下慨公眾股東都係友好人士，導致街貨較少，令買家願意以溢價買殼。 Mike又認為，全球金融市場近年有一股大勢力，就係「量化交易商」或「量化交易員」，佢地係市場上十分活躍，交易規模及佔比都不斷上升，佢估計，由於新主王庭發有呢方面經驗，加上內地人身份有帶動北水憧憬，所以創陞前景會更上一層樓。 |
|
| 梁傑文 |
2025-10-09T16:35 |
為內地提供民辦高等教育服務慨中國春來(01969)昨日(8日)出通告指，主席侯春來向集團捐贈數據中心，支持集團旗下學校推動人工智能(AI)與區塊鏈研究及教育發展，帶動股價今日(9日)升逾5%，高見4.62元，公司未來業務或會使用AI，可唔可以幫到股價同估值？ 《香港股票財技密碼》作者梁傑文指，中國春來屬於教育股，主題比較悶，依家市場最當炒慨係AI股，所以公司希望同AI扯上關係。主席向集團捐贈數據中心，對公司業務有幫助，當教育機構掌握到AI技術，能增加招生及開辦課程慨吸引力，營運教學上亦可節省更多人手成本。 不過，Mike又話，市場需要等待更詳細慨通告，先可以判斷到呢個數據中心有冇實際價值。 |
|
| 梁傑文 |
2025-10-06T15:26 |
火巖控股(01909)計劃「2供1」集資最多1.52億元，供股價1.58元，值得留意係，集資會以非悉數包銷進行，火巖股價今日(6日)早段向下，但午後突然抽升，一度高見2.21元，大升逾11%，點睇集團今次供股慨舉動及股價反應？ 《香港股票財技密碼》作者梁傑文指，一般情況下，上市公司供股集資會對股價造成影響，但火巖股價今日相對硬淨，相信同供股條件有關。 Mike提及，火巖大股東願意包銷51%，反映有機會透過今次供股增持，市場解讀為係有利好作用，因此，就算公司係市場「抽水」，股價仍表現硬淨，但佢認為，今次慨供股安排比較少見，包銷方面有些模稜兩可，並唔係一面倒利好，由於條款罕見，令股價後市走勢更難預測。 |
|
| 梁傑文 |
2025-09-29T16:27 |
康特隆(01912)上星期五(26日)收市後公布，出售旗下一間負債高達56億人民幣的附屬公司100%股權，作價10萬元人民幣，買方為獨立第三方黃健。康特隆預計，出售事項將可錄得約57億人民幣利潤，今早股價一度升11%，高見0.106元，但好快轉跌，怎樣看這次的操作？ 《香港股票財技密碼》作者梁傑文指，牌面上，公司的通告數字的確有古怪，但估計相關負債只是公司層面，買方身為股東不需要揹上身，可以同債權人洽商、進行債務重組，相信不用還足這個金額。 Mike又提到，剝離附屬公司都是一買一賣，理論上買家會直接買斷，但通告就話如果成功收回應收帳，買方只拿走70%，後續安排亦難判斷，要等待公司更多通告詳情。 |
|
| 梁傑文 |
2025-09-22T15:59 |
百果園集團(02411)「抽水」，配股價1.17元，較上周五(19日)收市價折讓19%，配售約2.8億股，集資所得有60%用黎支付貿易應付項目，30%用黎還債，值得留意係，百果園股價今日大升，一度爆升逾33%，高見1.93元，到底係咩原因股價今日(22日)不跌反升？ 《香港股票財技密碼》作者梁傑文認為，百果園本身冇乜特別亮點，如果當今次配股集資係為左還債，反映公司業績差，資金比較緊張。佢又指，睇返供股條款，今次係折讓價及供股比例有變，係兩個因素疊加下，令投資者誤以為後續可能會有利好消息，就吸引資金入場掃高股價。 Mike又認為，受消費模式轉變，即係以網購為主，令百果園呢類有傳統店舖慨零售公司陷入捱打困局，事實上，百果園收入錄雙位數跌幅，加上毛利愈跌愈誇張，最後業績由盈轉虧，所以佢唔睇好公司業務前景，甚至認為要用悲觀黎形容。 |
|
| 梁傑文 |
2025-09-15T15:22 |
內地嬰兒產品品牌BeBe Bus慨母公司不同集團 (06090)係2019年創立，專攻中高檔消費者，賣BB車及BB床等產品，今年上半年整體毛利率近50%。不過，內地生育率唔高，貴價嬰兒用品市場前景值唔值得憧憬？ 《香港股票財技密碼》作者梁傑文認為，係全球生育率不斷跌下，不同集團係股市要上山坡，但佢認為，公司有明確慨品牌故事，就係「雖然生少左小朋友，但呢一代父母會較緊張BB慨發展，所以唔介意花更多錢買高質慨BB用品」，令不同集團係短短6年間已站穩腳。 不同集團係2024年中國育兒品牌商品交易總額(GMV)，市佔率被排第1位慨日本品牌拋離，排行第2位，Mike相信，係因為唔少父母擔心內地品牌慨BB有安全風險，所以買外國品牌所致。佢又提醒，不同集團慨嬰兒用品以耐用品為主，所以回購率唔高，較消耗品需求更細，因此，佢對集團長遠發展潛力有保留。 |
|
| 梁傑文 |
2025-09-08T16:06 |
奇點國峰(01280)斥資4.6億元收購人工智能(AI)公司上海繪流，涉及直播、個人化平台等，股價今朝(8日)一度炒高近10%，之後走勢急轉直下，一度倒插近5%，今次交易作價咁貴，係係咁吸引？ 《香港股票財技密碼》作者梁傑文指，作價真係好誇張，好難理解當中慨合理性，始終AI仍然係一個新興行業，大部分公司仲未有錢賺，就算用市盈率(PE)計，都計唔出4.6億元呢個目標估值，公司通告亦冇解釋清楚係點得出呢個估值。 Mike又話，奇點國峰對呢單deal睇得幾樂觀，估計未來潛在利潤有幾千萬元，同依家上海繪流慨盈利比較早最少相差10倍，甚至千倍。佢續指，希望集團未來有一些強而有力慨理據，交代下點解睇得咁樂觀，因為唔係有業績保障就有咁樂觀慨假設，若最後完成唔到交易，對小股東黎講唔係一個合理慨解釋。 |
|
| 梁傑文 |
2025-09-01T17:22 |
華虹半導體(01347)向主要股東華虹集團收購上海華力微電子97.5%股權，此收購行動是否加強產能應對未來競爭？公司前景樂觀，雖然今日(9日)股價一度跌6%，低見50.5元，但股價回套是否買入好時機？ 《香港股票財技密碼》作者梁傑文指，華虹半導體短線累計升幅非常誇張，因為內地晶片龍頭寒武紀今年以來的股價升幅驚人，繼而帶動整個板塊，吸引大量資金流入。現時華虹半導體市盈率(PE)約100倍，若投資者想高追，需小心謹慎。 |
|
| 梁傑文 |
2025-08-25T15:10 |
停牌約1周慨東風集團股份(00489)，今日(25日)復牌曾飆逾60%，集團會進行大重組，簡單黎講H股會私有化，再安排新能源車子公司嵐圖以介紹形式黎香港上市，H股股東可以收取每股6.68元現金，再加嵐圖股份，理論總價值10.85元，較停牌前慨5.97元，有逾80%溢價，點睇呢單Deal？ 《香港股票財技密碼》作者梁傑文指，東風股價今日大升反映市場都幾受落，未來成家公司都會轉型，唔再做傳統汽車，上市公司就全力造新能源車，佢又估計，東風小股東及基金股東都會贊成私有化，因為私有價應該已封左蝕本門，呢個價係參考東風股價過去10年慨表現，如果重組成功完成，小股東每股拿返6.68元，就算係摸頂買入都唔會輸錢，若係低位買更加會有可觀回報。 至於有貨小股東應該繼續楂住，等派嵐圖股份，還是依家都覺得回報合理就沽貨。 |
|
| 梁傑文 |
2025-08-18T15:27 |
雙登集團(06960)今日(18日)起招股，周四(21日)截飛，招股價14.51元，入場費7328元，公司主要做設計、研發、製造和銷售儲能電池及系統，集團預期產品未來可以應用係數據中心，以及同人工智能(AI)相關領域，呢隻新股又抽唔抽得過？ 《香港股票財技密碼》作者梁傑文指，雙登慨招股機制吸引，不過，睇返基本因素、業務層面唔算特別突出，雖然收入有增長，但毛利率不斷收窄，由於行業激烈競爭，產品亦唔可以隨便加價。 Mike又話，數據中心係食正AI浪潮，但值得留意係，呢方面慨業務佔比其實較小，集團增長勢頭強勁會加少少分，不過，入場費比較貴對散戶黎講唔太吸引，集團概念新穎係「AIDC儲能第一股」，佢建議可以抱玩六合彩心態去抽，估計雙登超額認購都冇懸念，相信可以抽中慨機率較低。 |
|
| 梁傑文 |
2025-08-11T16:17 |
中國新零售供應鏈(03928)今日(11日)復牌，萬疆資本擬以逾2.2億元，向中國新零售供應鏈大股東購75%股權，集團本身係做建築工程，而新主就有從事內房業務，會唔會有合作憧憬？ 《香港股票財技密碼》作者梁傑文指，萬疆由內房新城控股創辦人及前董事長王振華慨女兒全資擁有，而王振華係新城發展(01030)最終控制人，而集團都係做內房，將來可能會有工程及裝修業務，可以畀中國新零售供應鏈做，有可能帶動公司營業額或盈利。 Ｍike續指，如果投資者唔介意股價波動，或者相信新城呢個大靠山，可以考慮做中長線部署，相信股價係有機會向上，但仍要視乎新城發展會唔會注資畀中國新零售供應鏈做。 |
|
| 梁傑文 |
2025-08-04T17:51 |
鵬高控股集團(01865)今日(4日)一度炒高逾17%，高見0.3元，其後升幅收窄，公司最新有兩個動作，首先係建議增加法定股本，由1億元增至5億元，同埋配售1.2億元可換股債券(CB)，點睇鵬高呢兩個動作？ 《香港股票財技密碼》作者梁傑文指，依家大股東持股量非常低，但因為有集資需要而發CB，但須經過股東特別大會批准，始終呢批CB規模非常大，若CB持有人行使可換股債，佔公司已發行股本約75%，公司股權架構，甚至主要股東都會出現大變動。 Mike續指，以往慨上市規則或會禁止呢類交易，因為鵬高冇資金鏈斷裂或負債高問題，只係純粹集資發展新業務，佢形容有少少踩界，有少少賣殼味道，到底港交所(00388)批唔批，真係會有少少灰色位。 |
|
| 梁傑文 |
2025-07-28T15:55 |
企業「抽水潮」未停過，最新有「周同學概念股」巨星傳奇(06683)，集團計劃以先舊後新方式，配售逾3750萬股，配股價9.13元，較上周五(25日)收市價折讓近20%，籌逾3.4億元。巨星傳奇股價懶理配股消息，今日(28日)一度炒高8.5%，高見12.38元，今次係公司第2次「抽水」，集團上次配股後1個月，股價累升40%，今次會唔會歷史重演？ 《香港股票財技密碼》作者梁傑文指，唔會將市場今次反應解讀為正面，因為依家只係資金市慨負面消息未影響到股價，今次集資規模唔算大，咁岩周傑倫近期宣布進駐抖音，令粉絲數量急增，令投資者睇到知識產權(IP)經濟有一定前景。 Mike又話，依家當紅藝人經濟潛力大，隨著內地消費改善，內需產品、新消費股都圍繞唔同IP推出，吸引唔少年輕人，周傑倫更可以話係IP「頂流」，但要留意，睇返巨星傳奇業務，有一半涉及健康產品、護膚品，唔係只做演唱會。 |
|
| 梁傑文 |
2025-07-21T15:26 |
科軒動力控股(00476)宣布以每股0.45元，較上周五(18日)收市價折讓近34%，向現有股東徐化配售6000萬股新股，集資淨額2680萬元，徐化持股量將會由9.42%大升至28.36%，成為單一最大股東，公司有3大主業，分別係採礦、金屬礦物買賣、發展及銷售電動車，其中，電動車輛銷售以電動巴士主打，睇返公司截至3月底止全年業績，基本上100%收入都係來自電動車業務，但表現非常差，收入按年大跌約93%，虧損就擴大至逾3.7億元。公司曾經話，業務會持續轉型至「電動公共交通」領域，今次配股集資有逾70%，用作現有採購定單及開發專用電動交通解決方案業務，符合公司發展方向，新股東加上業務轉型，科軒動力值唔值得憧憬？ 《香港股票財技密碼》作者梁傑文指，買家都係大型機構及公司，包括政府機構等，但市場只集中係香港，全年業績收入只得300萬元，反映交付量低，如果收入持續得幾百萬，有機會被港交所(00388)評定為業務不足而除牌，加上本港電動車市場競爭十分激烈，包括比亞迪股份(02011)等龍頭，雖然公司新業務有憧憬，但始終競爭大，依家公司首要係諗辦法改善業績。 Mike又話，徐化係可再生能源、清潔能源相關慨行業有經驗，加上其金融知識，相信成為大股東之後會有新動作，否則唔會用咁大筆錢接手。 |
|
| 梁傑文 |
2025-07-14T15:40 |
睇返連連數字(02598)去年業績，有87%收入係來自數字支付服務，期內，境內支付業務表現理想，按年增長65%，去年底更獲發虛擬資產交易平台牌照，雖然業務前景似乎唔錯，但其實去年仲蝕緊錢，公司短期內有冇機會扭虧為盈？ 《香港股票科技密碼》作者梁傑文指，睇返連連數字財務狀況，雖然呢幾年都要蝕錢，但其實不斷有改善，而收入連續2年錄得高雙位數增長，虧損亦持續收窄。佢又指，若公司可以keep住有高收入，相信好快可以有錢賺。 Mike續指，支付市場規模好大，雖然已被騰訊控股(00700)，阿里巴巴(09988)等壟斷，但只要連連數字把握到穩定幣呢個新興行業慨機遇，再加快呢方面發展，做到快人一步，由於穩定幣牌最終花落誰家冇人知道，加上資金分散布局下，連連數字係有一些憧憬。 |
|
| 梁傑文 |
2025-07-07T15:39 |
餐飲股Classified Group(08232)上周三(2日)開市前停牌，據聯交所資料顯示，主要股東、海洋公司主席龐建貽及黃子超已就出售持股訂立協議，將會由THAC Group BVI Limited接手，今次賣盤係基於咩原因？係咪反映本港餐飲業已冇路可行？ 《香港股票財技密碼》作者梁傑文指，除左經濟周期因素，都同公司財務狀況有關，集團上市10年一直「見紅」，令公司資產淨值及股東權益持續下跌，一旦變成負資產公司會更加不利，所以呢兩個係觸發今次賣盤慨原因之一。 Mike又話，今次賣盤對賣家最著數，每股資產淨值(NAV)0.1元，市帳率(PB)10倍，溢價20%，條件非常優厚，對買方而言，買入一個上市平台，有助打響品牌知名度，未來跟供應商爭取更優惠協議。 |
|
| 梁傑文 |
2025-06-30T15:23 |
英皇國際(00163)上周五(27日)出左全年業績，勁蝕逾47億元，值得留意係，集團有166億元銀行貸款已經逾期，有機會被銀行要求立即還款。睇返公司通告，英皇國際有可能會出售投資物業還錢，如果真係用呢個方案，救唔救到公司？ 《香港股票財技密碼》作者梁傑文指，睇返公司年報，英皇楂住唔少優質商廈及地舖，依家面對債務違約，相信集團未來要出售呢些優質資產套現解決問題。 Mike又話，依家香港市道呈兩極化，雖然本港經濟開始回穩，但物業估值仍然低殘，加上英皇系內及其他中小型發展商都面臨同樣問題，係各方急於沽貨套現下，較難賣到一個靚價。 佢補充，變賣資產能唔能夠幫到公司過到呢一關，仍然好視乎本港經濟前景及息口走勢，近年美國息口向上，令本港商廈及地舖市場一直冇起色，雖然睇得出集團有誠意解決問題，無奈市道跌得太急，公司錯過左最佳沽貨時機，相信要較大折讓先可以成功沽貨套現。 |
|
| 梁傑文 |
2025-06-24T13:32 |
截至早上11點，過去1小時內《彭博》用戶搜尋量最多港股，依次為中國宏橋(01378)、小米集團(01810)、中國平安(02318)、創科實業(00669)及泡泡瑪特(09992)。 宏橋昨日(23日)收市後發盈喜，預告中期多賺35%至約124億人仔，摩根士丹利指，盈喜好過該行預期，並估計鋁價下半年會繼續係高位浮動，料宏橋下半年業績可以保持平穩。宏橋股價今日(24日)破頂，早市一度大升8%，高見17.28元，值唔值得高追？ 宏高證券董事梁傑文指，宏橋發盈喜係預期之內，但無諗過咁早發，市場一定會收貨，加上市場估計鋁價會持續高企，而係原材料供過於求下，公司可以壓低成本，所以毛利率有擴闊空間。 Mike補充，集團去年多賺1倍，但係高基數效應下，預期今年增速將會放慢，但佢認為，股價短期仍有上升動力，冇貨要考慮係咪有需要高追。 |
|
| 梁傑文 |
2025-06-23T15:45 |
3隻新股今日(23日)硬撼，齊齊首掛，股價個別發展，其中，以Tesla供應商三花智控(02050)表現最差，股價幾乎一「潛」到尾，好彩尾市發力，成功上返水面，三花首掛表現對新股市場有咩啟示？ 《香港股票財技密碼》作者梁傑文指，幾隻新股表現分化，股價有得升慨集資額比較細，集資額大就「潛水」，佢建議普通散戶都唔好再入場，因為炒新股熱潮已過左高峰，與其不停「內捲」倒不如搵嚇其他機會。 此外，蘋果公司(Apple Inc)供應鏈之一慨藍思科技，已通過上市聆訊，計劃黎香港發H股，Apple股價都上返200美元，呢隻新股又抽唔抽得過？ Mike就話，藍思科技係Apple供應鏈之一，唔可以忽略箇中潛在風險，建議留意中美關係變化，再作考慮。 |
|
| 梁傑文 |
2025-06-16T18:36 |
停牌近1個月慨駿高控股(08035)今日(16日)復牌，股價一度飆1.3倍，高見0.15元。公司係4月底獲大股東增持股份，涉及1.52億股，每股作價0.05元，大股東持股量由約29%大升至逾54%，按例須提全購，但值得留意係，要約價高過增持價，即每股0.06元，點睇呢個要約價？ 《香港股票財技密碼》作者梁傑文指，主要係受全購規則限制，公司曾經係年初用0.06元慨價位，係市場上增持股份，當觸發到全購規則後，就要睇返公司係半年內，有冇係市場或市場外收購過股份，如果有，就需要用收購股份慨最高價，即0.06元，向餘下慨小股東提出全購要約，所以呢次要約價先會高0.01元。 駿高股價今日一度升呢變毫子股，但之後又打回原形變返仙股。 |
|
| 梁傑文 |
2025-06-09T16:20 |
摩根士丹利之前轉軑唱好港交所(00388)，跟手調整埋目標價，相隔1個月，大摩再上調目標價，最新睇500元，除左睇好日均成交更上層樓，亦因為睇好本港IPO市場，估計下半年IPO步伐將會加快，又預期今年新股集資額約1800億元，明年更升至3100億元，如果IPO旺場，港交所變「啡底股」係咪指日可待？ 《香港股票財技密碼》作者梁傑文指，港股IPO今年首5個月慨集資額暫居全球首位，如果新股市場持續暢旺，相信全年集資額有望成為全球No.1。佢又話，雖然環球投資者擔心中美貿易戰帶黎慨不確定性，但有危亦有機，貿易戰反而有機會令香港成為中資企業上市首選地，或者觸發係美國上市慨中概股回流香港掛牌，令香港間接受惠。 Mike補充，港交所股價近期升勢凌厲，短短2至3個月已由300元水平衝上400元水平，所以唔排除有機會上到500元。 |
|
| 梁傑文 |
2025-06-02T16:23 |
毫子股曠逸國際(01683)股價今日(2日)逆市大升，一度高見0.75元，大升近12%。集團上周四(5月29日)及上周五(5月30日)都有消息，分別係向福建中釀買資產及租用物業，集團會發股支付交易，福建中釀變相入主，同埋折讓逾10%配股集資，股價今日先有反應。值得留意係，曠逸2022年開始年年蝕錢，業績同財務都冇乜表現，但股價係4月初發力，由0.15元水平升至早前最高0.77元，係咪福建中釀入股早已洩漏左，「春江鴨」就出動？ 《香港股票財技密碼》作者梁傑文指，曠逸股價升應該同配股消息有關，連續宣布兩單deal惹黎市場關注。佢又話，未必係「春江鴨」，有可能係內部人士或高手sense到公司做野，所以半年前已部署撈底，加上曠逸係一隻殼股，就炒起左股價，集團上一次易主係2018年，股價曾高見3元，但易主後業務走下坡兼遇上股災，淪為毫子股，亦曾經合股及供股，但近年莊家及市場感受到港股投資氣氛逆轉，公司開始有部署，吸引資金撈底推高股價，再宣布福建中釀入股，當中可能真係有「春江鴨」成分，因為收購唔會係短時間內落實，可能已做左幾個月盡職審查，可能保密功夫做得唔好，令消息走漏左，吸引有心人係低位買貨。 |
|
| 梁傑文 |
2025-05-26T16:04 |
金朝陽集團(00878)私有化交易告吹，拖累股價今日(26日)插水，計埋之前私有化失敗慨復宏漢霖(02696)、利福中國(2136)及金利來集團(00533)，金朝陽已經係今年第4隻私有化失敗慨股份，其實私有化其中一個較大誘因係股價長期低迷，點解接連有公司私有化失敗？對市場有咩影響？ 《香港股票財技密碼》作者梁傑文指，利福、金利來、金朝陽都係香港及內地人較熟悉慨公司，市場好清楚呢些公司慨投資價值，所以當私有化價格唔係特別吸引，就會令股東更加容易判斷應唔應該投贊成票，或大股東出價係咪合理。 Mike續指，另一原因係港股投資氣氛今非昔比，2022至2023年投資氣氛好差，所以當時好多公司成功私有化，不過，近半年港股已自低位大幅反彈，令市場感受到港股交投有改善，令小股東唔願意投贊成票。佢補充，其實今年私有化宗數同去年比較已經大減，相信主要係港股成交金額由低位回升。 佢又提醒，大股東要權衡輕重，因為當私有化失敗，過去慨投資成本就變成徒勞無功，因此，如果要成事，或要接受比50%更高慨溢價。 |
|
| 梁傑文 |
2025-05-19T15:54 |
中國證監會公布放寬上市公司重大資產重組，其中，中國旭陽集團(01907)出售滄州旭陽化工近80.5%股權，換取濱海能源對價股份，置換後濱海能源A股今日(19日)大升，但中國旭陽就要跌，點解會出現呢個情況？ 《香港股票財技密碼》作者梁傑文指，中國旭陽唔使額外拿錢出黎做重組，因為公司係賣家之一，出售化工業務拿返濱海股份，而濱海A股市值唔大，相信重組後中國旭陽會獲得濱海大部分股權。 Mike又話，依家滄洲化工處於收成期，有穩定收入，濱海仲停留係研發期，產品亦未開始量產，依家兩邊重組互換，實際上將好資產注入濱海，所以股價今日大升，至於中國旭陽股價跌，相信同重組有關。 |
|