| 評論員 |
時間 |
內容 |
標籤 |
| 莊志雄 |
2024-11-01T15:25 |
美國總統大選已進入倒數階段，不論資產市場表現、民調等，都顯示特朗普(Donald Trump)好大機會再入主白宮。 「股市漁夫」創辦人莊志雄指，仲有些民調指賀錦麗(Kamala Harris)會贏，但如果睇博彩公司賠率、股市表現，同埋一些有權威性慨機構，因為佢地唔止睇民調，仲會睇數據後做一些模型，呢幾方面都顯示特朗普勝算較大，今日想講下如果真係特朗普勝出，有邊些板塊最受影響，市場好多時都係講「Trump Trade」，有乜野係特朗普上場要買，但由於佢勝算增加，其實已偷步炒左，但有部分就會受影響。 受影響會係乜野？科技股昨晚(10月31日)開始有受壓慨情況，納指中線市寬失守50水平，科技股未來會唔會受影響？此外。 |
|
| 梁偉源 |
2024-11-01T12:16 |
截至早上11時止，1小時內《彭博》用戶搜尋量最多港股，依次為石藥集團(01093)、中遠海控(01919)、信達生物(01801)、路勁基建(01098)及長城汽車(02333)。 市傳長汽發可換股債(CB)，集資最多10億美元，若消息屬實，就籌近78億港元，相等於依家市值逾25%，攤薄效應都幾大，不過，股價今朝(1日)先跌後回升，應該點解讀市場慨反應？真係咁快消化左呢個消息，還是暫時都覺得唔太可信？ 大華繼顯執行董事梁偉源指，其實今朝車股普遍都係先跌後回升，近期因為歐盟關稅事件令車股調整左唔少，股價落到現水平開始吸引資金撈底，長汽方面，由於市傳發CB慨規模唔細，依家亦唔知換股價，係一個比較大慨隱憂，因此，即使成個汽車板塊反彈，長汽反彈幅度都好難跟得上。 |
|
| 聶振邦 |
2024-11-01T11:20 |
蘋果公司(Apple Inc.)及亞馬遜(Amazon)昨晚(10月31日)係美股收市後出左業績，Apple方面，市場一直最關注集團大中華市場表現，上季收入要，仲差過預期，今季展望都麻麻，預期收入只有中至低單位數增長，差過預期。雖然第4季係傳統消費旺季，但睇返指引公司似乎都唔係好有信心，大中華市場係咪仍然令人擔心？不過，亞馬遜季績好過預期，上季多賺55%，並預期今季收入最多按年升11%，高過預期，股價前景係咪好過Apple？ 博威環球證券金融首席分析師聶振邦指，大中華區焦點慨內地市場，競爭愈來愈激烈，加上內地人多左用國產手機，令iPhone銷售面臨考驗，依家大中華區收入佔整體仍未夠20%，Apple主要收入來源仍然係美國，所以美國經濟表現就比較關鍵。佢又估計，Apple內地市佔率會面對幾大挑戰，就算扣除一筆過慨稅務考慮，相信Apple未來盈利表現唔會太好。 Amazon方面，聶Sir就認為，集團股價未來有望收復失地。 |
|
| 盧志明 |
2024-11-01T10:51 |
大唐資本投資策略部總監盧志明推介小米集團(01810) 推介原因： -最新旗艦手機Mi 15。 |
|
| 林嘉麒 |
2024-10-31T22:46 |
石藥集團(01093)發盈警，預計首三季盈利倒退16%。 元宇證券基金投資總監林嘉麒表示，按石藥盈警數字計算，第三季純利僅7.55億元人民幣，按年大減50.6%，相信會令市場驚嚇，大行亦會相繼調低其今明兩年盈利預測，股價勢必受壓。 |
|
| 羅明立 |
2024-10-31T17:37 |
美國上季國內生產總值(GDP)初值升幅放緩至2.8%，略低過預期，不過，有「小非農」之稱慨ADP私人企業就業職位，10月新增23.3萬個，較預期多逾1倍，明日(11月1日)出爐慨非農數據會唔會遠好過預期，繼而左右議息決定？美匯指數後市又會點走？ 亨達集團助理總經理羅明立指，除非美國周五(1日)出爐慨非農數據偏離市場預期，否則，美國聯儲局今年應該會繼續溫和減息，後市亦要睇埋總統大選結果，共和黨總統候選人特朗普(Donald Trump)傾向減息，美匯指數暫時係104.5水平有阻力，估計短期會出現調整，但整體走勢仍比其他貨幣強。 佢又話，過去一段時間，美匯指數一直係100至106上落，要突破呢個區間唔容易，建議投資者低買高沽，而大選結果出爐前唔好太大倉位入市，避免市場震盪。 |
|
| 植耀輝 |
2024-10-31T17:18 |
啤酒龍頭之一慨百威亞太(01876)旗下有唔少高端及超高端品牌，包括Hoegaarden、Stella及Corona等，均面對青島啤酒(00168)及華潤啤酒(00291)慨激烈競爭，但集團仍對亞太區啤酒高端化趨勢充滿信心，未來會繼續投資集團品牌，內地市場方面，管理層話，最大問題係消費者信心低迷，百威走高端市場路線係咪正確？ 耀才證券研究部總監植耀輝指，百威慨品牌定位一向都係高端化，係一個既有模式，所以好難突然降級，依家百威面對慨最大挑戰係同業競爭，同埋內地啤酒市場規模縮減，令百威慨市佔率被攤薄，呢兩項挑戰會令集團未來發展有較多不確定性。 Stanley又話，內地近年開始出現支持更多本土品牌慨情況，令百威要穩定銷售更困難，但青啤慨銷售比較好，反映百威缺乏競爭力。 |
|
| 王良享 |
2024-10-31T16:27 |
日本政治環境唔明朗，加上外圍政局不穩，對日本央行長遠政策係咪帶黎好大變數？美國總統大選下星期就會舉行，係呢個時候日圓可唔可以發揮避險功能？ 臻享顧問董事總經理王良享指，日圓可以發揮避險功能，日本係一個經常帳盈餘高，以及海外資產較多慨國家，一旦出現風險事件，資金隨時會湧向日圓。 Tommy又話，下星期慨美國大選有機會令市場出現較大震盪，如果日央行持續加息，一些長年期債券，例如30年期債券孳息率見2厘以上，會影響長線基金慨資產配置，增加日本債券比重，減少外國債券比重，尤其美國債券，長遠而言，日圓會有升值壓力。 |
|
| 陳偉明 |
2024-10-31T12:30 |
即使內地「救市」政策逐步落實，亦不敵「特朗普交易」重燃、 美匯升、人仔跌的拖累，港股目前明顯受制於21,000關。人行上周五(9月18日)落實「證券、基金、保險公司互換便利」(SFISF)，並且已接2000億元人民幣申請，加上預告貸款市場報價利率(LPR)將下調0.2至0.25厘，同時支持上市公司回購和增持的再貸款亦相繼落地，恆指前周五(18日)單日最多飆升873點，高見20,952點，惟多名美國聯儲局官員呼籲放慢美國減息步伐，及特朗普贏出美國大選的可能性上升，美匯強勢衝破104關，外圍股市上周普遍回落拖累港股受制於21,000關。 中國社會科學院稱內地應發行2萬億元人民幣特別國債，以設立股市平準基金，刺激中港股市上周三(23日)造好，恆指一度大漲443點，高見20,942點，惟美國債息繼續攀升，美股急挫，限制港股升勢，加上市場觀望11月5日美國總統大選、11月8日美國聯儲局議息及內地財政政策增量刺激細節，港股觀望氣氛濃，上周大約在20,400點至21,000點悶市窄幅上落，本周一(28日)大市成交金額更縮減至1,363億元，為中央公布救市招數，即9月23日以來最低。 伊朗的石油設施未有遭到以色列的報復攻擊，中東緊張局勢降溫及憧憬美企業績亮麗，美股周一(28日)晚造好，帶動港股本周二(29日)回升，恆指最高升至20,890點，到達筆者上周提及的「造淡」區域。本周二(29日)港股收市後，路透社突然傳出11月8日人大常委會上將批准未來幾年發行逾10萬億人民幣債券刺激經濟方案，若特朗普當選美國總統，中國或加碼宣布更強有力的財政刺激方案。 市場當時聚焦10萬億元的發債額相當於中國GDP的8%是何等龐大的金額，霎時間市場情緒由沉靜轉趨亢奮，刺激恆指夜期一度重上21,000關，高見21,177點。然而，事後證明港股又一次借好消息挾高後回落，恆指夜期於本周二(29日)晚很快已經急插至20,800點以下，到本周三(30日)弱勢持續，恆指跌至低見20,270點。 市傳內地即將發十萬億國債救經濟，但中港股市不升反跌，市場 一時搵不到原因便歸咎於憂慮特朗普上台，因為特朗普多次揚言要對中國貨一律徵收60%關稅。事實上，若特朗普勝出美國總統大選，中國反而有可能推出更龐大的財政支出來刺激內需，以抵消出口大減速的影響。 筆者傾向中港股市好消息回落，主要原因是政策未落實，資金傾向高位減磅觀望。另一方面，內地發十萬億國債救經濟，數字看似很大，但推出時間卻很耐，6萬億特別國債「分3年」幫助地方政府應對隱性債務風險，4萬億專項債券「分5年」用於閒置土地及收儲過多的一手貨尾，當聰明資金冷靜下來知道所謂的龐大救市措施其實要拖好耐，自然地不願過早把資金停留於中港股市。 然而，特朗普是商人，他所說對中國的60%關稅未必一定在當選後執行，既然現在市場已經反映已知的利淡消息，反而可能在11月8日人大常委會落實刺激經濟方案後有新的希望。筆者傾向中港股市股市未來兩周內先跌後升，恆指在11月8日前不但上升空間有限，反而有進一步向下跌穿19,700點的風險，但人大之後有機會再展升勢。策略上，傾向在恆指20,800點以上，小注Long Put價外1,000點兩星期內到期的恆指每周期權，對沖倉位下跌的風險，並密切留意港股急跌之後，在大約19,700點以下撈底的機會。 |
|
| 許繹彬 |
2024-10-31T10:21 |
十月轉眼快將過去，中港兩地股票市場本月確實可用奇幻之旅來形容，尤以港股曾經升穿23,000點，成交又曾經急升至超過6,000億元，創下歷史神話。 但這個奇幻旅程，可用「來也匆匆去也匆匆」來形容，原因是中港兩地股票市場出現這般令人難以置信的紀錄，其實全部是在十月上旬發生，而當十一長假完結後，儘管仍有幾天成交出現3,000億元或以上，但隨著中央再沒有新救市措施滋潤下，兩地股市的走勢又再故態復萌，上證指數只能在3,200點至3,300點之間膠著，港股則只能在10天線(即20,500點左右)苦苦徘徊。除升勢已大不如前，及成交已回落接近1,500億元，中港兩地股市可能因經常出現杯弓蛇影的情況，市場對任何由國內傳出的救市消息好像已失去應有的效力。 在周二晚(29日)，市場再有消息傳出，中國正考慮下周批准在未來數年額外發行逾10萬億元人民幣的債券，從而能更有效振興國內經濟；消息一出，因而刺激恆指夜期應聲抽高，曾高見21,116點，急升327點。由於夜期作出反應，投資者滿以為此消息應該是「可信」，並期望在昨日(30日)港股應有一番作為。 但好景不常，港股在期指結算又一次不似預期，淡友又一次來襲，一開市不但沒有上升，反而開市即幾乎是昨日的高位，在重磅科技股如騰訊(00700)、美團(03690)、京東(09618)及阿里巴巴(09988)反覆向下的情形下，港股下跌320點，報20,380點，又幾乎在全日低位（即20,270點）收市，穩守多時的10天線(即約20,530點)，最終亦失手收場。投資者開始對後市灰心，確實亦屬正常。 筆者認為，由於太多消息在市場上充斥，反而變成港股走勢的負擔，原因是在低成交及無方向的情況下，如果投資者依賴這些所謂「消息」因而去投資衍生產品市場，但由於大市在沒有成交下，則只會造成好淡雙方的爭持角力，而當那邊有多人聚集，便將這群人一網成擒，成為大戶點心。 就以昨日為例，投資者滿以為穩守多時的10天線(即約20,530點)是重要支持點，因而集中投放資源在20,400點及20,300點的牛證上，殊不知，「市傳消息」又一次將這批牛證在滿懷希望下反而被屠殺。 因此，投資者在淡市中，牛熊證的聚集區亦是其中一個參考指標。儘管港股現階段苦無方向，但部分早己被冷落的股份突然落鑊翻炒，如有久違的鋼鐵股，突然傳出憧憬內地會加快研究推進重組和推進產能治理，令重慶鋼鐵(01053)、鞍鋼(00347)及馬鞍山鋼鐵(00323)曾一度炒上，但當然只是曇花一現；而一向強勢的油股，在以色列對伊朗的突襲中，發現石油設施未有遇襲，因而不像每次因戰亂而刺激國際油價上升，今次則呈現下跌，令強勢的中海油(00883)、中石化(00386)及中石油(00857)股價偏軟。 未來值得留意的是，下周終於踏入美國總統大選周，市傳如特朗普再次成功入主白宮，預計會為中國帶來更大的經濟挑戰，因而可能令中港兩地股市再存變數；惟無論特朗普或賀錦麗當選，美國會如常推出擴張性財政政策，大幅發債的作風亦會依舊，債息因而面臨上行風險。 而一向對港股有深遠影響的內地政策，在下月4至8日將舉行人大會議，市傳屆時可能又會公布力度更大的財政刺激方案，以及新一輪刺激措施會集中在提高內需，「包括消費」，以滿足全年經濟增長目標，又以「規模會相當大」來「管理預期」，今次會否再為投資者帶來驚喜，大家在保持冷靜下，不妨拭目以待；如確實有所驚喜，港交所(00388)可能重新出發。 |
|
| 譚智樂 |
2024-10-31T09:59 |
富途證券首席分析師譚智樂推介攜程集團(09961) 推介原因： -出境遊具領導地位 -出行需求仍強勁，下半年業績仍會維持強勁增長 -存在併購機會。 |
|
| 羅尚沛 |
2024-10-30T22:49 |
比亞迪(01211)第三季收入升24%，盈利升11.5%。 銀河證券業務發展董事羅尚沛表示，內地新能源車行業競爭激烈之下，比亞迪的季績已交到功課，目前估值並不偏高，但要挑戰300元以上的高位亦有難度。 |
|
| 林嘉麒 |
2024-10-30T17:27 |
兩隻國際銀行股匯豐控股(00005)及渣打銀行(02888)，已先後派發第3季成績表，放榜後股價都反應正面。未來業務策略方面，匯控計劃再做30億美元回購，估計4個月內完成，符合市場預期，渣打就計劃2024至2026年累計向股東回饋最少80億美元，金額高過之前指引所提及，到底匯控同渣打邊個「錫股東」多些？兩隻股份又應該點揀好？ 元宇證券投資總監林嘉麒指，回饋股東方面，其實匯控及渣打都做得好，但對股價慨幫助就較難衡量，因為都要睇埋派息。匯控除左回購亦有派息，渣打每股回報高過匯控，但加埋息率，匯控又比渣打優勝，所以兩隻股份各有賣點。 KK又話，如果投資者只係睇派息次數、派息比率、派息金額等，就可以考慮揀匯控。 |
|
| 彭偉新 |
2024-10-30T12:57 |
截至早上10時45分止，1小時內《彭博》搜尋量最多港股，依次為中國鋁業(02600)、福萊特玻璃(06865)、協鑫科技(03800)、信達生物(01801)及聯想集團(00992)。 中鋁公布業績後，AH股齊齊插水，上季稅後利潤按季大跌58%，摩根大通指表現令人失望，商品價格上升抵銷唔到銷量下跌慨負面影響，但市場仲等緊管理層慨解畫及未來指引，呢份業績係咪真係咁差？ 資深證券分析師彭偉新指，今年鋁價處於持續上升慨狀態，但價格上升慨同時銷量就大跌，相信同內地經濟下行情況有關，即使國內生產總總(GDP)有正增長，但幅度依然未如理想，加上鋁和銅非常相似，都係一種基本金屬，如果經濟無辦法持續快速擴張，鋁銷量跌係無可避免，導致最後拉低埋整體業績。 佢又話，股價急跌除左因為業績之外，仲同管理層未公布慨未來指引有關，依家要睇返公司點樣解釋返業務數據，如果之後指示唔清晰，大行就會根據以往慨數據作出評估，對公司前景打大折扣，股價更難以反彈。 |
|
| 盧志威 |
2024-10-30T11:49 |
美企繼續派成績表，昨晚(29日)輪到Google母公司Alphabet及晶片製造商AMD，其中，AMD業績令市場失望，雖然上季業績對辦，但今季營收展望差過分析員預期，拖累股價昨晚(29日)盤後大跌7%，係咪反映人工智能(AI)投資已由晶片基建，轉移至AI應用層面？如果依家買AI股應該點揀？ 潤淼資產管理董事盧志威指，隨著AI發展，未來大部分企業都會大量應用AI，但要分清楚企業公司同AI基建慨關係，例如晶片巨擘英偉達(Nvidia)係AI基建係不能被取代慨龍頭，令公司生意長做長有，但最近有半導體公司慨業務指引顯示增長放慢，所以揀半導體股要睇公司基本面，因為基本因素係反映公司係AI行業細分領域慨增長，以及可唔可以繼續支持股價繼續企係高位。 |
|
| 植耀輝 |
2024-10-30T10:54 |
耀才證券研究部總監植耀輝推介中國神華(01088) 推介原因： -上季純利升14%，表現優於同業 -內地9月社會用電量上升。 |
|
| 姚浩然 |
2024-10-29T17:48 |
「三桶油」股價今日(29日)逆市跌，以上游業務為主慨中國海洋石油(00883)，以及有下游業務慨中國石油化工股份(00386)已派左季度成績表，前者盈利微升，但後者大幅倒退55%，預期表現介乎兩者之間慨中國石油(00857)，業績交唔交到貨？ 亨達財富管理董事總經理姚浩然指，油價呢排偏弱，但整體波動性唔大，所以做上游業務可以保持盈利，但做中下游業務，產品售價就會受壓，主要受內地經濟增長問題影響，由於上季增長比上半年慢，下游需求有機會減少，所以下游業務比重愈大就愈易受拖累。 Patrick續指，中石油上中下游業務都有，佢估計，中石油中下游業務表現唔會太理想，盈利將會微跌，但中石油有天然氣業務，因為成本低左將會有改善，佢認為，中石油業務表現較中石化強，預期盈利增幅將介乎中海油及中石化之間。 |
|
| 李偉傑 |
2024-10-29T17:40 |
匯豐控股(00005)今日(29日)中午出左第3季業績，稅前多賺近10%至84億美元，高過預期，整體表現向好，但淨息差收窄24點子至1.46%，淨利息收入跌17%，呢兩條數係咪表現麻麻？ 華盛證券財富管理部董事李偉傑認為，淨息差收窄在所難免，並有機會再惡化，所以要觀察集團未來可唔可以透過基本業務及結構性改變，去抵銷淨息差收窄慨影響，而低息環境可帶動樓市，相信可以進一步抵銷息差收窄慨影響。佢又話，如果盈利能持續增長，持續派息慨可能性亦較大。 收入方面，Jason指出，匯控其他業務如工商金融及「炒房」表現都唔錯，因此，除左靠費用收益帶動外，其他業務都需要做好，先可以彌補淨利息收入下降。 |
|
| 聶振邦 |
2024-10-29T13:48 |
截至早上11時止，過去1小時內《彭博》用戶搜尋量最多港股，依次為舜字光學科技(02382)、中國石油化工股份(00386)、中國海洋石油(00883)、紫金礦業(02899)及協鑫科技(03800)。 中石化、中海油及中國石油股份(00857)今日(29日)齊跌，油價昨晚(28日)急挫，其實地緣緊張局勢降溫，點解油價仍要跌？係咪會繼續拖累「三桶油」？ 博威環球證券金融首席分析師聶振邦指，市場依家留意環球經濟表現，暫時睇黎中美兩大經濟體慨前景都唔樂觀，石油輸出國組織及盟友(OPEC+)亦下調需求預測，導致油價受壓。佢補充，短期而言，環球經濟仍然疲弱，加上油價短期缺乏利好因素，所以走勢較弱。 聶Sir又指，中石油股價自7.07元高位回落到5.8元以下，調整幅度逾21%，而前低位係9月11日慨5.35元，所以再跌空間有限，佢建議可以係5.5元樓下買入炒波幅，估計上方阻力係6.2元，中石油股息率逾8.5厘，估計油價去到60美元水平就會企穩反彈，所以中石油係值得留意。 |
|
| 黃偉豪 |
2024-10-29T11:38 |
中國石油化工股份(00386)第3季少賺55%，股價今日(29日)已連跌第4個交易日，自10月初高位5.47元不斷向下，投資者應該點部署？股價未來又會點行？ 獨立股評人黃偉豪指，石油石化股係「中特估」概念股，加上消息及自身條件較好，中長線黎講，唔需要睇得太淡。不過，中石化今日大跌主要係業績唔好，股價短線仍會反覆。 Ravi續指，中石化自10月初高位5.47元持續向下，已失守多條移動平均線，向下仲有條250天線，所以短線較大機會向下，所以唔建議短期做博反彈部署。 |
|
| 梁偉民 |
2024-10-29T11:13 |
蘋果公司(Apple Inc.)將會係周四(31日)出業績，Apple慨人工智能(AI)技術一直落後，但近期AI發展似乎進入新階段，究竟Apple有冇追落後本錢？AI對集團股價慨推動力有幾大？ 高富金融集團投資總監梁偉民指，Apple推出Apple Intelligence首階段功能後，股價由200美元樓下升至近期230美元水平，相信股價已反映AI功能帶黎慨增長。不過，由於AI相關功能始終較遲推出，而面世後慨吸引力亦唔算大，所以短期內對iPhone銷售慨刺激仍然係一般，相信要等明年相關功能進一步完善後，先可以判斷AI功能慨刺激作用。 業績方面，佢指出，由於上季業績未反映iPhone 16系列慨銷售情況，所以市場會更關注今季業績。 Wyman認為，由於Apple估值偏高，市盈率(PE)約35倍，但以現時慨業績黎睇，唔足以支持咁高估值，所以Apple股價未必有太大上升空間。 |
|
| 陳鳳珠 |
2024-10-29T10:04 |
獨立股評人陳鳳珠推介華潤啤酒(00291) 推介原因： -料毛利擴張及經營支出控制下，利潤增長仍正面 -集團續推展高端啤酒。 |
|
| 鄭家華 |
2024-10-28T22:49 |
海昌海洋公園(02255)澄清，並無出售資產的計劃，另外，控股股東不時審視進一步優化股東結構的機會，但目前沒有就股權出售達成任何協議。 阿仕特朗資產管理董事鄭家華表示，海昌海洋公園的回應，並無直接否認，中旅集團洽購公司大股東股權的傳聞，但現階段難以評估成事的機會及出價，不過若日後再傳出相關消息，估計對股價仍有短者刺激。 |
|
| 聶振邦 |
2024-10-28T18:14 |
內地手機品牌VIVO、華為、小米集團(01810)市場份額分別排首3位，力壓蘋果公司(Apple Inc.)慨iPhone。第4季係內地智能手機品牌推出旗艦機型高峰，旗艦新產品會採用最新晶片，估計競爭會更激烈。小米明晚(29日)會舉行新機發布會，屆時小米15系列將會亮相，係多機齊「發」下，會唔會引爆換機潮？小米15系列對集團盈利會有幾大貢獻？ 博威環球證券金融首席分析師聶振邦指，由於買手機佔市民收入唔多，所以換唔換機未必同收入及經濟前景有太大關係。唔少手機生產商揀第4季推出旗艦手機，主要係睇準企業年尾派花紅，以及市民係春節假期消費意欲較強，有助帶動手機銷情。 聶Sir又話，若消費者本身已經係小米用家，「轉會」慨機會一般唔大，對比Apple、三星(Samsung)慨手機，小米15系列售價由4599人仔起跳，性價有一定吸引力。 |
|
| 梁傑文 |
2024-10-28T16:39 |
今日(28日)有多隻內房、物管股復牌，包括力高集團(01622)、力高健康生活(02370)、新明中國(02699)，係咪同中央不斷出招撐內房，令呢些公司銷售及經營回暖，繼而符合到復牌條件有關？力高及力高健康今日復牌股大林，但新明一度狂飆3倍，呢幾隻股份買唔買得過？ 《香港股票財技密碼》作者梁傑文認為，除左刺激樓市措施，市場對股市重拾信心都係原因之一，早前，港股成交一度高達4000億元，雖然近期回落，但仍有近2000億元，市場見到港股仲有一定成交，A股又反彈，對股市慨憧憬就返黎，唔排除投資者會借助現時慨投資氣氛，進行集資或融資以解決資金鏈困難。 Mike又話，新明中國股價彈高，係因為停牌前經歷大跌，由於公司市值細，就吸引資金流入博反彈。佢續指，如果諗住短炒，就未必需要睇基本面，相反，若打算長楂，建議留意返公司管理層質素，因為有可能影響財務狀況或管治。 |
|
| 郭思治 |
2024-10-28T10:14 |
大市已開始步入10月份之尾聲，故即月期指轉倉及結算等相關活動將漸主導大局，直到執筆一刻止計，本月大市之形態仍暫屬先高而後低，恆指暫是由7日之高位23241點跌至17日之低位19,977點，即月內之波幅已達3,264點，由於波幅已不算小，該已可滿足月內之所需，加上本月恆指高低位之距離亦可符合最低之慣性要求，故整個大市卒止跌並稍作技術性之後抽，在維穩買盤扶持下，大市續回升至23日之高位20,942點，即技術上已回升965點，惟由於高台買盤態度漸呈保守，故大市開始進入反覆整固之中，而直到目前一刻止計，整個大市暫仍持續反覆上落於19,977點至20,942點之間，等待變化，由於方向不明，故投資者多抱觀望，而成交金額亦因而漸見萎縮。 經過近周之明顯反覆後，移動線方面之表現亦稍見反覆，由於10天線（約在20,541點左近）已跌穿20天線（約在21,015點左近），加上恆指現已跌穿上述兩組平均移動線，故整個大市不但已擺脫續尋頂之趨勢，且亦漸進入大幅急升後之正常消化及回吐中，而自10月7日高位23,241點開始之回調，技術上仍在延續中，初步看，需待10月期指結算後及美國總統大選明朗後，大市之表現才有機會漸趨明朗，而最關鍵仍需視乎中央政府何時再推出刺激經濟及股市之政策，因直到目前止計，市資對此仍抱有憧憬，由於是潮升市是由政策所主導，並非由實體經濟所帶動，故到最後，仍需等待中央之政策。 大市經過連續四年先高後低之弱態後，今年終扭轉成先低而後高，直到目前止計，今年恆指暫是由1月22日低位14,794點升至10月7日之高位23,241點，即年內之波幅是上升8,447點，單以波幅計當已不算小，但由於大市雖稍見反覆，但恆指暫仍穩企於20,000點之上，故單從走勢上看，大市暫衹屬大幅急升後之正常回吐而已，一旦資金再度入市，大市可能又會候機湧上，至於能否在年底前試頂或穿頂，則需視乎動力能否配合。 |
|
| 李浩然 |
2024-10-28T10:01 |
長期投資者常被貼上「永遠的樂觀者」的標籤，但這個標籤值得深思。 首先，先從數字的角度切入。歷史數據顯示，儘管市場經歷了無數次的下跌和泡沫，長期來看，股市整體呈現上升趨勢。在20世紀，美國經歷了兩次世界大戰、經濟大蕭條、數十次經濟衰退，但道瓊斯工業平均指數從66點上升到近11,500點。而在21世紀，美國又經歷了三次重大戰爭、911事件、三次經濟衰退、以及疫情封鎖，然而道指今年曾升至43,000點以上。 然而，市場的風雲變幻莫測，任何投資者都無法預知未來的每一次波動。未來二十年內，投資者可能會經歷兩至三次經濟衰退，三至四次熊市，甚至可能面臨巨大的市場崩盤或金融危機。正如《Devil Take The Hindmost》這本書揭示了投機失敗的歷史，從17世紀的原始股市到南海泡沫、鐵路狂熱、1929年崩盤和1980年代的日本經濟泡沫。人性的貪婪與恐懼在每一次市場波動中都得到了淋漓盡致的展現。 學習壞時光的歷史——戰爭、經濟衰退、金融危機和市場崩盤——往往提供最好的教訓，因為它提醒投資者必須保持謙遜。沒有人能從牛市中學到什麼，真正的考驗往往發生在困難時期。 面對不確定性，筆者選擇保持樂觀，但絕不盲目樂觀。市場有漲有跌，但長期來看，積極的投資心態與穩健的策略往往能帶來令人滿意的回報。當然，這其中難免夾雜著一些幽默和諷刺，例如在市場高漲時那種「買高賣低」的心理迷思，真是讓人哭笑不得。 透過回顧歷史上的金融危機、戰爭以及其他突發事件，我深刻體認到，真正的投資智慧來自於對「壞時光」的理解與因應。正如「股神」畢非德在2008年《紐約時報》的專欄中所言，儘管經歷了無數次的動盪，股市依然在長期中表現良好。這不僅是因為經濟的韌性，更是因為人類不斷追求進步與創新的精神。 雖然筆者傾向長期樂觀，但並不代表對市場風雲變幻視而不見。正是這些起伏與挑戰，塑造了更為穩健與成熟的投資人。在這個充滿不確定性的時代，只有保持數據驅動的理性分析，加上一點點幽默與諷刺，才能在投資的道路上走得更遠、更穩。惟無論如何，在漫長的時間軸上，樂觀與堅韌肯定是每個投資人不可或缺的特質。 |
|
| 植耀輝 |
2024-10-25T22:43 |
長城汽車(02333)第三季收入升2.6%，盈利倒退7.8%。 耀才證券研究部總監植耀輝表示，內地推出汽車以舊換新、汽車下鄉等政策，但長汽上季盈利不升反跌，確實令人失望，加上內地汽車市場競爭仍相當激烈，公司前景並不吸引。 |
|
| 黃敏碩 |
2024-10-25T18:00 |
近期強勢慨藍籌車股吉利汽車(00175)，股價今日(25日)午後一度升9%。有內媒報道，吉利下周三(30日)將會發布新一代「雷神超級電混技術」，新技術會為公司帶黎咩優勢？ 王道資本及家族資產管理執行董事黃敏碩認為，吉利新技術比同業有更大進步，而市場亦逐漸留意混能車發展，吉利作為傳統車企，本身有相關經驗，所以市場睇好吉利發展混能車。佢又指，若吉利能成功推動混能車，相信未來會令現有車款具正面優勢。 Michael又稱，吉利旗下極氪(Zeekr)及領克(Lynk)銷量一直行先，但搭載混能技術慨「銀河」就近期後發，今年首9個月銷量按年大升2.5倍，係三路齊發下，值得留意唔同品牌慨市場定位同埋市場認受性，亦唔好忽略出口方面慨表現。 |
|
| 關焯照 |
2024-10-25T16:45 |
受惠於中央自9月底頻頻出招救市，恆生指數曾衝上23000點，但之後無以為繼，更一度失守20000點。美國總統大選已進入倒數階段，選情及結果點影響港股後市？ 冠域商業及經濟研究中心主任關焯照認為，港股衝高後回調慨幅度比預期大，有機會係炒港股慨投資者係大市仲升緊時已經獲利離場，然後再吼低位買貨，令港股冇辦法再衝高。佢又話，未來兩周會有美國大選及議息會議等事件，所以港股要等2至3周後，先可以掃除不明朗因素，估計11月中前，港股會係20000點至21100點上落。 關博士續指，內地未來有機會再出大招救經濟，恆指年底前有機會上試21600點，即較現水平仲有約5%上升空間，明年就要留意可唔可以衝破22700點，呢個亦係過去2至3年慨阻力位。 |
|
| 梁偉源 |
2024-10-25T15:31 |
截至早上11時止，過去1小時內《彭博》用戶搜尋量最多港股，依次為中國鋁業(02600)、信義光能(00968)、華潤電力(00836)、小米集團(01810)及地平線機器人(09660)。 鋁業股今日(25日)係基本金屬當中特別弱，有大行提過擔心供應擴張，導致鋁價跌，但又有分析睇好水力發展會提升鋁慨需求，鋁價未來會點走？中鋁下周二(29日)會派季度成績表，鋁價上季升勢持續，中鋁盈利係咪值得憧憬？ 大華繼顯執行董事梁偉源表示，鋁價唔同金價或銅價會明顯受單一因素影響，其實有唔少因素都可以影響鋁慨供應及需求，鋁價近排比較牛皮，係每噸2500至2700美元水平徘徊，所以鋁業股慨股價近期都變化唔大。 業績方面，Steven認為，中鋁未必可以維持到第2季慨表現，而係近期鋁價走勢平平下，相信中鋁股價仍會持續牛皮一陣，暫時唔會出現太大突破。 |
|
| 聶振邦 |
2024-10-25T12:08 |
美股3大指數昨晚(24日)個別發展，其中，道指已連跌4日。早前，道指升唔停，科技股又落後，但呢幾日情況似乎逆轉，美國總統大選已進入倒數階段，雖然美股走勢仍偏強，但係咪仍有資金輪動情況？有民調顯示，特朗普(Donald Trump)暫時佔上風，但其實同賀錦麗(Kamala Harris)支持度唔係相差好遠，大選結果對後市又有咩影響？ 博威環球證券金融分析師聶振邦認為，市場資金從傳統金融股轉投科技股，唔一定完全因為總統大選，亦有可能同孳息率變化有關。佢又話，道指仍企係40000點樓上，始終係較高水平，所以投資者會比較謹慎。 聶Sir又指，若特朗普勝選，市場預期，會利好美國經濟表現，對美股後市亦有較大支持。睇返依家慨選情，似乎市場對特朗普有較大期待，因為佢慨政策及言論不時會為市場帶黎驚喜。另一方面，市場亦期待俄烏戰爭同以巴衝突係特朗普上任後，可能有突破性發展，因此，若特朗普再度入主白宮，相信美股走勢會較樂觀。 |
|
| 彭偉新 |
2024-10-25T10:36 |
獨立股評人彭偉新推介新奧能源(02688) 推介原因： - 內地燃氣股進入冬季後，料整體燃氣需求回升，整體走勢有望向好 - 股份再受北水投資者關注，北水持股佔比。 |
|
| 植耀輝 |
2024-10-24T17:58 |
Tesla業績表現亮麗，帶動股價於美股昨晚(23日)延長交易時段一度抽升12%，但在港上市慨概念股未見異動，電動車股更要跟大市跌，Tesla擬明年上半年開始生產市傳慨Model 2，呢款車會唔會左右Tesla未來股價走向？相關概念股又可唔可以受惠？ 耀才證券研究部總監植耀輝指，Tesla今次重申要生產更平價慨車型，可以低至20000美元一架，一旦開始生產，受規模效應影響，相信首一、兩批新車會壓低Tesla毛利率，睇返今次呢份業績，毛利率升得咁好係因為成本開支減少左，亦唔排除Tesla之後靠呢招提升毛利率。 至於Robotaxi，佢指出，要睇明數據係咪真係達標，同埋技術方面有冇突破，如果之後Tesla股價可以保持升勢，相信相關概念股都可以受惠，短線炒上去亦唔出奇，但Tesla概念股慨股價仍處於低位，建議睇定些再做部署。 |
|
| 陳偉明 |
2024-10-24T12:37 |
自從聯儲局於9月19日大手減息0.5厘後，美國經濟軟著陸機會上升，美國道瓊斯工業平均指數、標準普爾500指數及納斯達克指數亦持續向上破頂，美國短期債息及美匯回落，利好新興市場表現，當時無論日本、韓國、台灣、新加波、印度，甚至越南股市亦造好。雖然中港兩地股市亦受惠美國大手減息回升，但始終跌勢已久，並未獲市場場關注。 正當市場一如以往認為中港兩地股市只是「死貓彈」格局，有反彈、冇升勢，恆指18,000點以上很大機會再度出現回吐壓力，內地意外地在9月24日放大招減息、降準、救股樓，中港股市隨即 瘋狂飆升，並且大幅跑贏外圍股市，恆指924當日急彈逾700點升穿19,000關，其後在10月7日最高升至23,241點，期內最多曾升4,994點或27%。由於科網股並非內地「組合拳」救市力撐對象，加上中美科技戰升溫，不少分析睇淡中港科網版塊，但諷刺的是科技指數由9月24日至10月7日期間最多曾升1,753點或47%，表現冠絕全球。 各大行在恆指向上突破2023年1月22,700點高位後，紛紛轉軑調升中港股市目標，無視美國就業數強勁，繼續大手減息0.5厘的預期降溫，以及中東局勢緊張和AH股溢價大幅收窄等利淡因素，而且所謂的利好消息已經在內地國慶假期間偷步反映在港股身上，結果恆指於前周二(8日)A股復市、北水重臨當天在超過6,200億港元的破紀錄成交額下急瀉近2,200點，並且在前周三(9日)再跌近300點。 港股在A股10月8日復市後，兩日內暴瀉近2,500點跌至低見20,190點，前周四(10日)曾經偷步炒財政部於前周六(11日)的新聞發布會會推出明確規模的增量財政政策，加上人行宣布啟動「證券、基金、保險公司互換便利」(SFISF)的消息，恆指一度反彈近1,000點，升至高見21,622點。 然而，美國9月通脹全線超預期，聯儲局11月大手減息0.5里的預期持續降溫，美匯強勢、人仔受壓，拖累港股回落，加上內地通縮風險未除、進出口數據差過預期、內地擬對中國超級富豪徵收海外投資收益稅、內地住建部記者會無驚喜等利淡因素，恆指於上周四(17日)曾跌穿兩萬關，低見19,977點，港股成交金額亦開始回落至2000億港元以下。 中國第三季國民生產總值(GDP)按年增長及「三頭馬車」(消費、投資及出口)數據均見改變，加上人行預告減息降準，而「證券、基金、保險公司互換便利」(SFISF)正式出台沖喜，中港股市上周五(18日)出現明顯升勢，恆指一禐反彈近900點，升至高見20,952點。然而，部分救市措施落實執行，欠缺驚喜，港股上周五(18日)反彈後很快回歸平靜，恆指本周初只是在20,380至20,942點，大約600點內的波幅窄幅徘徊，而港股成交金額於本周二(22日)更回落至低見1,548億港元水平。 看來大市正等待11月5日美國總統大選、11月8日美國聯儲局議息及人大常委會11月初通過追加預算後才再次出現明顯突破，而筆者傾向港股短期內先向下尋底，不排除恆指會跌穿大約19,700點後，在11月才轉勢向上回升，而中港股市將會由瘋牛變慢牛。策略上，可考慮在恆指20,800點以上，小注Long Put價外1,000點兩星期內到期的恆指每周期權。 |
|
| 許繹彬 |
2024-10-24T10:23 |
屈指一算，傳統的股災月還有一星期便過去，如以昨天全球重要股票市場的收市價作統計，十月股災的魔咒應該慶幸沒有應驗；道瓊斯工業平均指數在十月創下歷史新高而納斯達克指數則創下52周新高，比較沉寂的中港兩地股市在本月同樣創下52周新高(上證綜合指數高見3,674點及港股高見23,241點)，除非十月餘下交易日存在任何變數，否則全球股市在十月可以用「歌舞昇平」來形容。 談回港股，儘管現時仍處於20,000點以上的水平，但自過了十一長假時創下23,241點高位後，在港府發表的施政報告內沒有提及任何寬減印花稅或各項金融相關措施，再加上國家再無推出實質的救市方案下，港股不論升勢及成交均呈現無以為繼的狀態，點數已在本月高位回落至20,500點附近，而成交在本周二(10月22日)更進一步回落至1,548億元，暫為近一個月來最少；即使人行在上月尾使出的「連環拳」救市措施其中一項支持資本市場的證券、基金、保險公司互換便利（SFISF）在周一(10月21日)首次進行，但對中港兩地股市沒有特別大的刺激，只是橫行待變格局。 即使昨天(10月23日)港股有所反彈，但成交則仍不足2,000億元，而指數則在升穿20,800點時明顯乏力，最終只能退守在20,600點(即10天線)；由於大市短期內再沒有任何新衝擊，令恆指步履開始變慢，波幅亦開始縮小，因而令人信心動搖，亦屬正常反應。 筆者認為，港股自9月底急速反彈至今，儘管曾急升至超過23,000點水平，成交更曾創下超過6,000億元的亮麗歷史佳績，如用以上數據及用常理推算，理應是開戰牛市之旅；但如用理智細心再分析，港股在過往三年的低殘及低迷往績下，根本並無圖表及數據可以用來推算；而能夠將成交及點數在短時間內推至頂峰，相信當中不乏有夾淡倉及夾沽空盤而來，才會產生較早前難以置信的成交。 再回想今年5月時的情景，港股亦是受惠於國內使出一系列的救市措施，指數因而曾作出極地反彈，一度由四月的16,044點反彈至五月高位19,706點，高低位亦相差3,700點左右，而成交亦由不足800億元急升至超過2,000億元，當時外間憑數據及圖表推論，均認為港股未來應該有所作為；可惜，當然是理想美好現實殘酷，港股在利好消息無以為繼下，令其再度急速調整至近16,000點水平，而成交則降至不足800億元，前景又再令人大跌眼鏡。 時至今日，港股現行的情況是否有如五月的翻版，仍有待確認；但投資者如再細心想想，中港兩地股市有如一個病入膏肓的病人，即使終於有靈丹可服用救治，亦需要時間去觀察此靈丹是否服後可將病毒掃除，令病情治癒，而整個觀察期定必會遇到一定的考驗；現階段中港兩地股市相信正正受到一定的考驗，其中一樣人民幣匯率突然又變得疲弱，美元兌人民幣在上月股市急升時，曾一度升穿7算水平；但現今在兩地股票市場膠著時，其匯率則再次跌穿7.13，此水平無疑令內地很多資本變得萎縮，相信亦是國內股票市場其中一個痛點；在國內股市走勢欠佳下，港股呈現反覆及回調亦屬正常反應。 除以上因素外，令港股舉步維艱的原因，就是升到如此水平下，不少企業趁高位相繼配股，據統計，單由10月截至上周五的12個交易日，已有13間主板上市公司加入抽水潮，總集資額共涉逾46億元；此舉對上市公司來說，苦等三年，終有機會配股集資用作改善或優化公司營運，實屬自然反應；但從投資者角度而言，則每分每秒擔心自己所持的股份會否掉進抽水池，因而令其投資策略變得保守。 |
|
| 阮子曦 |
2024-10-24T10:17 |
華富建業證券投資策略聯席總監阮子曦推介京東物流(02618) 推介原因： - 業績持續改善，市場正預期公司第3季營收及盈利，分別增長6%及30% - 集團已積極拓展非京東母公司，即其他客戶的訂單。 |
|
| 羅尚沛 |
2024-10-23T22:47 |
新東方(09901)第一季度經調整盈利增長39.8%，預期第二季度收入介乎8.51至8.71億美元，略少於市場預期。 銀河證券業務發展董事羅尚沛表示，新東方核心業務有穩健增長，但旗下東方甄選(01797)會拖後腿，估值上會打折扣，建議公司應撇清與東方甄選的關係。 |
|
| 莊志雄 |
2024-10-23T16:04 |
美國總統大選下個月就舉行，據博彩公司賠率顯示，特朗普(Donald Trump)暫時勝算較大，市場都拿特朗普2016年勝選那次作為炒作參考，各類資產價格走勢都好相似，「Trump Trade」效應係咪繼續有得炒？ 「股市漁夫」創辦人莊志雄指，睇返博彩市場，特朗普10月之後勝算增加左，接近63%，但呢個只可以反映特定某個族群慨取態，炒美股要睇闊些，睇返各類資產價格表現，特朗普2016年第1次參選時，各類資產係係佢當選後先有反應，今次市場算係偷步炒，因為特朗普勝算高些，大部分資產價格走勢同2016一樣，地區性銀行指數跑贏標普500，30年期美國債跌5%，只係金價同當年走勢唔同，今次係有得升。 Lewis又話，睇埋羅素2000指數，長倉倉位已升至阻力位，亦抽升過兩次，如果想繼續部署受惠於減息慨中小型股，就要小心聯儲局未來慨減息幅度，係咪仲有咁大減息空間，因為依家仍處於淺度減息周期，但市場就炒緊未來會減更多，踏入深度減息周期，不過，唔排除美國經濟狀況會再惡化，投資者必須小心部署。 |
|
| 彭偉新 |
2024-10-23T14:52 |
截至早上10時45分止，1小時內《彭博》搜尋量最多港股，依次為周大福(01929)、華潤飲料(02406)、美團(03690)、小米集團(01810)及中國聯通(00762)。 周大福第2季零售值大跌21%，跌幅大過同業六福集團(00590)，不過，同店銷售跌幅就冇咁大，金飾銷售大跌近25%至36%，對應返今年金價30%慨升幅，金飾跌幅都符合金價走勢，但股價係業績後都有得升，一度大升10%，點解會升得咁靚？ 資深證券分析師彭偉新指，依家慨問題係金價升得太急，都擔心會有「摸頂」慨情況，加上市場唱好金價，冇增加市場買金需求，反而令唔少人買金意欲細左，令周大福受慨負面影響更大。 佢又話，周大福股價今日(23日)走強，相信同公司指整體關舖率未來幾季將會減慢有關，反映行業經過整合後逐步有回穩，但基於各種利淡因素，金飾股升勢未來可唔可以持續，宜睇得審慎些。 |
|
| 蘇沛豐 |
2024-10-23T12:46 |
美國總統大選將於11月5日舉行，共和黨總統候選人特朗普(Donald Trump)似乎稍佔上風，近期Tesla行政總裁馬斯克(Elon Musk)亦多次公開撐特朗普，若特朗普最終再度入主白宮，對Tesla有咩影響？美股係大選後又會點走？ 金馬資本管理交易策略師蘇沛豐表示，馬斯克力撐共和黨有機會令Tesla短期被視為「Trump Trade」，但考慮到共和黨係傾向支持傳統石化能源，因此，即使特朗普勝選，都未必會主力炒Tesla，反而民主黨總統候選人賀錦麗(Kamala Harris)當選或對Tesla更有利，因為政策上民主黨係較支持新能源、電動車等科技發展，因此，係特朗普依家選情領先下，近期新能源股表現都較弱勢。 Daniel估計，大選過後，當政治不明朗因素消退後。 |
|
| 盧志威 |
2024-10-23T12:02 |
內地樽裝水品牌怡寶母企華潤飲料(02460)今日(23日)首掛，公開招股超額認購逾233倍，一手中籤率30%，要抽7手先可以穩獲1手，以上限14.5元定價，集資淨額約49億元，更成為今年「凍資王」，招股反應咁好，係因為樽裝水業務有吸引力，還是只係受惠於大市投資氣氛熾熱？上市後股價又會點走？ 潤淼資產管理董事盧志威指，中長期而言，隨著房地產及金融業好轉，消費股亦會跟住上，因此，投資者可以考慮現階段買消費股作中長線投資。 業務方面，William就話，一般樽裝水業務主要係投資消費長期增長概念，唔係睇基本面，所以呢類股份慨走勢好視乎資金配置，希望未來內地消費市場好轉，可以帶動股價，始終依家大部分消費股估值仍處於低位，但佢提醒，要留意內地係美國總統大選後，有冇相關政策出台影響消費股走勢。 |
|
| 郭家耀 |
2024-10-23T10:51 |
宏匯資產管理投資總監郭家耀推介中國平安(02318) 推介原因： -業績符合預期 -新業務價值增長理想 -投資收益。 |
|
| 陳欣 |
2024-10-22T18:09 |
美國聯儲局官員「放鴿」，市場上有交易員重新思考係咪對美國減息預期太大，債市即時有反應，多個地方慨債券被拋售，包括日債，日本10年期債息曾逼近1厘水平，見兩個半月高位，日圓應聲向下，一度失守151兌1美元水平，日本央行月底議息時係咪更加唔敢輕舉妄動？日圓失守150水平後，下一個支持位會係邊度？ 連連STAR FX總經理陳欣指，日圓短期走勢有較大壓力，主要係美元及美債息回升，加上一直主張緊縮貨幣政策慨首相石破茂近期口風有變，意味日央行短期內未必會加息，呢些因素都令日圓受壓，若日央行唔「出口術」又冇動作，日圓好大機會繼續跌，尤其日本經濟數據一般，出口又回落，都對日圓不利。 佢又話，日圓有機會試152，甚至155水平，阻力位就係145水平，並估計日圓短線偏弱。 |
|
| 趙晞文 |
2024-10-22T17:49 |
廣核集團旗下慨中廣核礦業(01164)以經營天然鈾貿易為主，股價今日(22日)一度升近24%，天然鈾係核電最主要燃料，雖然集團上半年天然鈾業務業績由盈轉虧，但天然鈾現貨價格仍處於高水平，其實中廣核礦業慨收入分布，內地市場只佔23%，其餘都係美國、歐洲、英國等地，係咪真係值得憧憬？ 信達國際研究部董事趙晞文指，應該要留意返企業處於產業鏈慨邊個位置，如果只係係上游做開採慨部分，而天然鈾價格長期處於高位，當然係有利企業慨好事，但做貿易就唔同，因為買返黎係要再轉手，利潤相比做純上游慨開採會較低。 晞文續指，核資源係相對較稀缺慨元素，以往都有唔同慨國家爭緊核資源，所以要諗返潛在風險點。既然國際間慨貿易關係緊張，咁限制企業係境外採購核資源都會係潛在風險點。佢指出，歐美收入佔比50%，始終機遇同風險點並存，亦解釋到鈾相關股點解不時有炒作，值得憧憬。 |
|
| 李偉傑 |
2024-10-22T16:42 |
今個星期外圍慨焦點落係美國電動車生產商Tesla，因為集團明晚(23日)會係美股收市後出業績，Tesla放榜前，今日(22日)港股慨Tesla概念股個別升3%，跑贏大市，如果睇返Tesla供應鏈及相關概念股慨表現，係咪預示Tesla份成績表都應該唔差？ 華盛證券財富管理部董事李偉傑指，依家市場都預期Tesla業績唔會太差，集團股價近期跑輸大市同自身因素有關，包括RobotTaxi及政治因素。 業績方面，Jason話，市場預期每股盈利(EPS)按季會有增長，但按年就要跌，主要受高基數效應影響，反映市場競爭劇烈，佢估計，Tesla業績同預期未必有太大落差，但毛利持續收窄，要留意RobotTaxi等慨新題材可唔可以提升毛利，以及回復投資者信心。 |
|
| 譚智樂 |
2024-10-22T15:33 |
截至早上11時止，1小時內《彭博》用戶搜尋量最多港股，依次為吉利汽車(00175)、旭輝(00884)、聯想集團(00992)、長城汽車(02333)及永利澳門(01128)。 吉利今日(22日)跑贏其他車股，消息面方面，吉利旗下附屬斥資1.2億人仔收購同系公司寧波乘用車，後者盈利增長好快，首9個月稅前、稅後溢利最少大升2倍，資產淨值逾5800萬人仔，係咪會對吉利股價有支持？整個汽車板塊後市又會點走？ 富途證券首席分析師譚智樂指，市場暫時唔係炒個別企業消息，全個汽車板塊都造好，市場關注德國反對歐洲對華電動車實施關稅，有助刺激汽車板塊，佢又話，車股受消息影響，大上大落無可避免，睇返圖表走勢，整體車股表現唔差，市場焦點轉至無人駕駛及出口其他市場，市場憧憬出口業務比重較大慨吉利，未來業務會受惠於出口至其他市場。 |
|
| 黃偉豪 |
2024-10-22T12:26 |
車股今朝(22日)有炒作，吉利汽車(00175)附屬公司以1.2億人仔買同系寧波乘用車，吉利上次頂部係14.24元，吉利CALL行使價15.05元，槓桿3.5倍，係咪可以捕捉埋變價內那下爆發力後，就獲利沽出，再換馬16元至17元慨CALL？ 獨立股評人黃偉豪表示，現時距離價內幅度唔算遠，可以博吉利股價突破早前14.24元高位，即14.5元水平，等靠近返行使價先考慮食糊，因為呢款CALL唔係短身，時間值損耗唔明顯，加上吉利估值較平，走勢仍有機會再升，不妨博10月底有機會向上衝再考慮食糊。 |
|
| 梁偉民 |
2024-10-22T11:41 |
美國企業開始派發第3季成績表，並由銀行股打頭陣，今個星期業績焦點落係明日(23日)放榜慨Tesla。摩根大通指，過去幾個月券商下調企業第3季盈利預測，主要集中於商品及周期性板塊，例如工業及非必需消費品企業，平均由增長8%降至4%，至於「科技7雄」(Magnificent 7)盈測就平均增長17%，較第2季近乎「腰斬」，盈測下調幅度足唔足夠？季績後美股又會點走？ 高富金融集團投資總監梁偉民認為，美國企業上季業績差過預期慨機會唔大，因為市場一直對美企盈利有信心，而大部分業績一般都好過預期，但業績後股價升到幾多，就要睇好過預期幾多。 Wyman估計，科技股繼續係高增長慨板塊，但其他板塊盈利增長唔會太高，而工業及能源企業盈利按年仍會下跌，不過，科技股股價今年已升左好多，即使盈利增長唔錯，股價都唔一定大升，因為股價大升後，亦要盈利有一定升幅才可以支持到股價，佢估計，唔少科企盈利增長會跑輸股價升幅，尤其人工智能(AI)相關股，整體黎講，美股現時已偏貴，估計盈利增長唔足以支持美股再大升。 |
|
| 黃敏碩 |
2024-10-22T10:19 |
註冊財務策劃師協會會長黃敏碩推介新創建集團(00659) 推介原因： - 持續改善業務組合, 出售非核心業務釋放資金 - 目前股息率約8.5%, 股息政策可持續及漸進 - 承接不少政府及公營工程。 |
|
