| 評論員 |
時間 |
內容 |
標籤 |
| 植耀輝 |
2025-03-07T16:32 |
京東系昨日(6日)放榜後，3隻股份慨股價今日(7日)都要跌，其中，京東健康(06618)一度重挫逾13%，低見35.25元，公司表示，未來針對人工智能(AI)及擴張線下業務，會有一個較長慨投入期，有大行擔心集團資本開支大增，加上內地低息環境令利息收入減少，繼而影響公司盈利，不過，發展AI可提升業務效率，大行慨擔心係咪過慮？ 耀才證券研究部總監植耀輝指，投入一定資金發展AI後，經營效益方顯著提升都唔出奇，因為好多企業都會透過AI減省成本，長遠一定對公司有幫助，不過，依家京東健康慨資本開支唔細，所以減極有限。 收入方面，佢指出，過去兩年自AI慨財務收入都唔少，有逾19億人仔，而呢個數慨多少對京東健康慨利潤有好大影響。 Stanley又話，雖然係低息環境下，財務收入可能會少左，但市場主要都係睇核心業務，佢又話京東健康未來收入增長表現審慎。 |
|
| 梁偉源 |
2025-03-07T15:15 |
截至早上11時止，過去1小時內《彭博》用戶搜尋量最多港股，依次為快手(01024)，京東物流(02618)、京東健康(06618)、長和(00001)、國泰航空(00293)。 係人工智能(AI)熱潮下，只要有AI呢個字就可以點石成金，快手自家AI大模型「可靈AI」升級後，帶挈股價連日炒上，港股今日(7日)走勢反覆，中午前一度倒升，全靠重磅科網股撐起。呢股中國AI熱似乎唔係3分鐘熱度，繼之前慨DeepSeek後，最新又有國產慨Manus接力，科技發展亦係「兩會」重點之一，AI概念股及科網股係咪仲有排升？ 大華繼顯執行董事梁偉源指，近期港股重上高位明顯係靠科網股，自從DeepSeek一夜爆紅後，唔少科企都陸續推出自家AI模型，其中1個賣點係功能勁過外國慨AI模型，而「兩會」昨日(6日)亦提及設國家創投基金，市場猜測基金慨錢會唔會用黎發展AI。 AI概念股方面，雖然港股慨相關股份升左唔少，但相對美股同類股份，估值仍然較平，所以見到近期有外資流入港股及A股AI概念股，配合到港股今輪由AI引發慨升浪，Steven又估計，港股呢浸升浪仍未結束。 |
|
| 聶振邦 |
2025-03-07T11:49 |
美國總統特朗普(Donald Trump)慨關稅政策影響投資情緒，美股近期不斷出現大震盪，「震央」集中係科技及半導體股，而納指已自高位回落逾10%，陷技術性調整，相反，傳統股表現相對唔算太差，道指及標指分別自高位調整約5%至7%，美股大跌係咪同特朗普慨政策有關？ 博威環球證券金融首席分析師聶振邦指，近期金融股慨成績表相對唔錯，加強傳統股慨抗跌力，科技股方面，國產慨司DeepSeek爆紅後，令市場對人工智能(AI)發展及相關科技有改觀，更帶挈部分相關股份獲估值重估，繼而令美股吸引力細左，當美股及相關股份估值偏貴時，資金就有誘因流走。 聶Sir又話，暫時美國科技股沽壓較大，傳統股就比較穩定，佢估計，納指會繼續跑輸，短線可先留意17000點會唔會有支持，佢又建議依家楂住美國科技股慨投資者，宜沽出手上慨持股。 |
|
| 譚智樂 |
2025-03-07T10:07 |
富途證券首席分析師譚智樂推介國泰航空(00293) 推介原因： -憧憬3月12日業績，留意公司運力恢復後的表現 -公司料對沖比例將會下降，今年有望受惠油價下跌 -預測市盈率10倍以下，市帳率約1倍。 |
|
| 林嘉麒 |
2025-03-06T22:34 |
京東集團(09618)去年第四季收入升13.4%，經調整盈利升34.2%，均好過預期。 元宇證券基金投資總監林嘉麒表示，京東上季業績強勁，而在手機補貼及家電以舊換新政策延續之下，今年首兩季收入，預計仍可保持較高增長，相信即使股價過去一年累升逾一倍，後市仍一定上升空間。 |
|
| 羅明立 |
2025-03-06T17:53 |
人行行長潘功勝係「兩會」慨經濟主題記者會上指，今年會擇機減息降準，但記者會內容冇太多新亮點，離岸人仔係記者會前曾落到7.235水平，暫時受制7.24水平，係咪已偷步反映左一些憧憬？ 亨達集團助理總經理羅明立指，其實以往都係有好多部委出黎講野，但實際行動唔係咁多，所以A股只係3000點水平上落，反而有好多資金流入港股。 Patrick續指，近期美元走弱，加上美國總統特朗普(Donald Trump)警告中日，唔好再畀人仔及日圓貶值，呢些因素都有利人仔反彈，不過，如果冇進一步利好消息，人仔升勢就好難Keep，暫時可以睇7.17至7.2水平。 |
|
| 植耀輝 |
2025-03-06T16:48 |
極兔速遞(01519)昨日(5日)出左業績，去年收入按年增長近16%至逾102億美元，全年扭虧為盈，轉賺逾1億美元，股價今日顯著造好，一度勁升逾13%，高見6.76元，係咪反映市場都好滿意呢份業績？ 耀才證券研究部總監植耀輝指，極兔呢份成績都算收貨，由於大市近日強勢，只要業績慨數字唔太差，都會對股價有一定支持，不過，如果拆開上下半年睇，其實去年下半年表現就差少少，收入增速慢左，睇唔到有咩突破。 佢又提及，內地物流市場競爭激烈，唔建議投資者對業務有太大期望，依家極兔業務重心仍放係東南亞，反觀其他物流公司主要聚焦內地，而集團增長穩定，相信未來會繼續係極兔慨賣點之一。 |
|
| 許繹彬 |
2025-03-06T11:12 |
港股在整個二月份持續強勢，更曾締造出24,076點的半年高位，成交更超過4,000億元。二月份港股持續出現升勢，香港一洗過去三年被外間譽為「國際金融中心遺址」、港股永遠只屬「割韭菜」及「外資提款機」的污名。港股在上月能夠如此堅挺，相信居功至偉的是國內DeepSeek為全球所帶來的無限驚喜，此驚喜不但令中國人強起來，更令在港上市的、與DeepSeek扯上關係的科技股均直接受惠，資金不斷湧進此類股份。 而無論在港股環境順逆時均不離不棄的「北水」，因國內股票市場未能全面覆蓋與DeepSeek有關的受惠股份，因而令北水力度在過去一個月突然猛力灌溉，亦是令港股吐氣揚眉的主因。不過，在美國總統特朗普上任「滿月」之時，其突然再發動「貿戰特襲」，宣布在周二(3月4日)起，對進口中國貨額外加徵10%關稅，連同早前已加徵的10%，合共徵收20%關稅，同時又再對鄰國墨西哥和加拿大徵收25%關稅。 這次「特襲」可謂殺市場一個措手不及，令全球金融市場即時進入緊急狀態，股市及油金匯等商品，以至一直炒得瘋狂的加密貨幣，均上演一幕「直落無水花」的高台跳水；美元則再度轉強，美匯指數曾一度高見107.45，美元兌人民幣再次逼近7.3水平。故此，一向強勢的港股在2月最後一個交易日，雖跌穿23,000點收場，但全月仍有近2,800點進帳，總算吐氣揚眉。 對於「狂人」特朗普上任以來胡亂徵收關稅，美國政界出奇地毫無反應；但商界終於難以忍受，有「股神」之稱的巴菲特亦有開腔抨擊，指特朗普開徵的懲罰性關稅可引發通脹及損害消費者利益，更直言關稅在某程度上根本是一種「戰爭行為」。這位在投資市場上有著舉足輕重地位的股神，認為特朗普的極端貿易政策如同「玩火」，最後可能是引火自焚，更指其行為會擦槍走火，最後全世界根本沒有贏家。 市場亦靜觀中國會否實施新一輪反制行動，因而令已累積一定升幅的港股本周開始呈現反覆向下的格局。對港股市場而言，上月天朗氣清，但本月突然存有陰霾，不利消息接踵而來，市場再度出現巨型「抽水」行動。外電報道，比亞迪(01211)以每股333至345元完成配股集資435.1億元，扣除雜費後淨集資額433.83億元，成為自2021年美團(03690)破紀錄集資100億美元後，港股近4年來最大額的配股集資。投資者擔心「抽水」潮會相繼席捲大型藍籌股，因而影響入市意欲。 而狂人自發動「貿易恐襲」後，繼續延伸戰線，其狂妄及我行我素的言論再度發功，並主動向外媒表示，不滿中國、日本和其他國家壓低本國貨幣匯率的手段，更透露已致電中國國家領導人和日本首相，強調「這些國家不能繼續讓本國貨幣貶值」，變相拖垮包括拖拉機生產商卡特彼勒等在內的美國傳統製造商，並埋怨此舉令當地企業很難從中競爭，做法對美國不公平。該言論一出，令投資者不禁悲從中來，擔心繼「貿易戰」後，狂人欲發動全球「貨幣戰」。在市場觀望氣氛濃厚下，大市總成交回落近2,500億元，是近月最少，北水亦結束連續7日淨流入，轉淨流出12億元。 在林林總總的不利消息下，投資者難免產生港股短期已「見頂」的想法，因此開始轉呔做「淡」，令淡倉期指及熊證街貨量急升，亦屬正常現象。正當投資者開始絕望之際，中國政府終於宣布一連串反制措施，國務院關稅稅則委員會宣布，自下周一(3月10日)起對美國部分進口商品加徵10%至15%關稅；商務部則公布，將25間美國實體列入出口管制管控名單及不可靠實體清單，同時針對美國相關光纖產品發起首宗反規避調查，亦在世界貿易組織爭端解決機制下起訴美方舉動。 再者，正在北京舉行的全國人大會議，提出經濟增長目標為5%左右，預算赤字率按4%左右安排，並擬發超長期特別國債1.3萬億元人民幣及特別國債5,000億元人民幣。在反制行動及人大會議上推出務實挽救經濟措施下，港股突然作出大幅反彈，除再度升穿23,000點外，更曾一度高見23,636點，又再向24,000點進攻。 筆者認為，即使港股曾作出深度調整，但調整幅度亦只是逐級而下，並非「急瀉」，回落至22,600點附近便開始觸底而上；即使短短三個交易日的調整，亦見有一定的買盤護航，可見市底仍強。但美中不足的是，成交有所回落，令波幅可能變相會增大；加上國內仍在進行全國人大會議，在會議中任何一個提議或建議，足以左右港股的走勢。 在市況未明朗下，衍生市場的流向好容易令散戶輪為被屠宰對象，建議投資者不應在衍生市場上過分進取。而投資領頭份子的科技股或藍籌股，在市底仍強下，相信仍可以有著「攻守兼備」的功能。適逢國內舉行兩會，內需可能會是會議中關注的議題，因而預料在港上市的內需股可能因此受惠，當中家電股亦有可能會受關注，建議不妨留意海爾智家 (06690)，其業務盡享優勢。 |
|
| 陳偉明 |
2025-03-06T10:49 |
美國對中國科技公司實施「禁投令」，限制美國養老基金及捐贈型基金投資中國高科技行業，涉及半導體、人工智能(AI) 、先進製造業、生物科技等行業，中資科技股急挫拖累港股於上周一(2月24日)大約23,600點之上開始出現獲利平倉，並於上周二(2月25日)跌至低見22,716點。 正當市場開始憂慮「禁投令」消息或會拖累港股進一步調整，北水大幅留入加上內地人工智能(AI)系統DeepSeek加速推出新AI模型R2的利好消息刺激中資科技再度爆升，恆指於上周三(2月26日)單日飆升753點後，於上周四(2月27日)升至高見24,076點創三年新高，大市成交額增至4,065億元，創四個月最高。 然而，科網股上周四(2月27日)再破頂後普遍開始出現回吐壓力，加上美國總統特朗普特突然表示會在對中國「額外再加徵」10%關稅，累計加幅達20%，同時表明會對墨西哥及加拿大商品執行25%關稅，在貿易戰陰霾加劇下，港股上周五(28日)急挫超過700點，失守23,000關。 美國上周五(2月28日)公布聯儲局重視的通脹指標，1月PCE(核心個人消費開支平減指數)顯示當地通脹有放緩跡象，為聯儲局減息提供空間，美國道指當晚升逾600點。外圍股市急升加上中國2月份官方製造業PMI(採購經理指數)重返擴張水平，高過市場預期，刺激港股於本周一(3月3日)曾經回升464點至23,405點，惟高位無以為繼，市場普遍相信兩會後不會有重大刺激措施宣布，加上中國推出反制措施對美農產品加徵10%至15%關稅，恆指於本周二(3月4日)跌至低見22,547點。 人大會議於本周三(3月5日)起召開，國務院總理李強發表《政府工作報告》繼續大力推動人工智能(AI)落地，加上憧憬美國降低墨西哥及加拿大部分關稅令關稅憂慮暫緩，港股在科技股帶動下，不但於本周三(3月5日)升逾近700點，而且當晚夜期升勢未止，再升逾300點，再度逼近24,000點。 技術上，恆指近兩周一如筆者預期，每逢跌穿上日低位後便見底急升，從未出現「連續兩日」跌穿上日低位的轉勢回落訊號。然而港股升幅已反映內地AI及兩會憧憬等利好消息，相反美國對墨西哥及加拿大的關稅措施有轉彎餘地，但對中國仍然咄咄逼人，小心兩會後港股在缺乏進一步利好消息下借機回來。 策略上，可考慮在本周四(6日)減持正股，並在恆指升穿上周五(2月27日)高位24,076點後，候高Long Put 兩星期內到期的價外600點科指期權，對沖倉位下跌風險。 |
|
| 盧志明 |
2025-03-06T10:22 |
大唐資本投資策略部總監盧志明推介赤子城科技(09911) 推介原因： -受惠人工智能(AI)技術推動多樣化社交產品快速發展 -精品遊戲收入約7億元人民幣，增長約80%，開始進入收穫期 -自研SoloAware AI引擎接入DeepSeek後。 |
|
| 羅尚沛 |
2025-03-05T22:34 |
統一企業中國(00220)全年多賺10.9%，末期息42.81分人民幣。 銀河證券業務發展董事羅尚沛表示，統一去年盈利不過不失，今年在原材料成本有望下降之下，毛利率可望進一步提升，不過股價過去一年已累積龐大升幅，相信短期再大升機會不大。 |
|
| 莊志雄 |
2025-03-05T18:23 |
近兩個星期市場出現調整，特別係美股，加上受美國關稅政策影響，似乎整個投資市場規避風險(risk-off)情緒高漲，風險胃納(Risk Appetite)正在減退？ 「股市漁夫」創辦人莊志雄指，要判斷市場係咪risk-off，最主要睇資產價格表現，當中分為兩大類，一類係避險類資產，例如美債，另一類就係風險資產，例如股票。如果市場擔心環球經濟衰退，通常避險類資產，例如美債會做好。今次明顯見過去兩星期美債，特別係長期債交易所買賣基金(ETF)升幅較大。 Lewis又指，長期資產例如科技股，以往被視為優質資產，但今次反而跌得最多。雖然市場預料聯儲局今年減息空間由年初預計1至2次，變成接近3次，理論上有利風險資產，但仍都無阻科技股跌勢。 至於另一避險資產黃金之前做好，但今次都有輕微跌幅。 整體而言，佢認為目前市場可以話係risk-off狀態。 |
|
| 林嘉麒 |
2025-03-05T16:41 |
內需股昨日(4日)炒「兩會」效應，今日(5日)就輪到炒非必需消費股，不過，奢侈消費品股普拉達(Prada)(01913)昨日出完業績後，股價今早低開近2%後，跌幅一度擴大至近9%，低見62.25元，但部分大行都話呢份業績收貨，點解股價今日會大跌？ 元宇證券基金投資總監林嘉麒指，Prada股價業績前冇明顯炒作，睇返呢份業績，不論收入及純利都普遍符合預期，今日股價表現的確令人失望，又認為可能同公司有併購傳聞，但未有證實或作出澄清有關。 KK又稱，股價另一個跌因係毛利率表現美中不足，雖然下半年整體消費力好轉，但期內Prada毛利率冇改善之餘，反而按年錄得跌幅。此外，集團主品牌增長一直唔太理想，整體增長主要係靠子品牌撐住，而市場亦擔心公司亞太區業務增長，有可能被消費力不足拖累。 |
|
| 彭偉新 |
2025-03-05T15:07 |
截至早上11時止，過去1小時內《彭博》用戶搜尋量最多港股，依次為長和(00001)、周大福(01929)、海螺水泥(00914)、泡泡瑪特(09992)及中國建材(03323)。 長和宣布將港口資產賣畀貝萊德(BlackRock)慨財團，刺激股價今早(5日)一度勁升24%，今次出售涉及近期受地緣政局影響慨巴拿馬港口，對長和黎講係咪掃除左1項不明朗因素？今次出售套現近1500億元，算唔算係一個靚價？ 資深證券分析師彭偉新認為，今次出售未必係由美國總統特朗普(Donald Trump)要收返巴拿馬運河慨言論引發，反而係中美貿戰不斷升溫，影響外貿業務，令港口業務前景蒙上陰霾，加上除巴拿馬港口外，今次亦有出售其他業務，加上作價吸引就促成今次呢單Deal。 Castor又話，今次出售所得資金同目前集團市值相若，市場憧憬呢筆龐大慨資金，有助集團未來業務發展、收購或派發特別息，所有均對公司前景有利。 |
|
| 盧志威 |
2025-03-05T11:52 |
第十四屆全國人大會議今早(5日)開幕，國務院總理李強發表政府工作報告，據《彭博》今早引述消息報道，今年國內生產總值(GDP)增長目標約5%，擬發4.4萬億人仔地方政府專項債，以及計劃發1.3萬億人仔超長期特別國債，初步睇呢幾個主要經濟目標有冇驚喜？ 潤淼資產管理董事盧志威指，依家市場估計「兩會」目標只係大致符合預期，冇太大驚喜，但呢個穩定性未必會利好股市，因為大部分消息已反映係股市上，如果今次欠缺新刺激，股市有機會回落。 佢又話，後市要留意會議公布慨措施再做部署，不過，依家股市資金充裕，可以輪流炒唔同板塊，所以即使大市出現調整都唔使太擔心。 |
|
| 陳欣 |
2025-03-04T17:43 |
美匯指數昨日(3日)一度重上107水平，但今日係美國新關稅生效後急回，落返106.5水平，新關稅生效後，加拿大及中國隨即公布反制措施，徵收報復性關稅，市場已憂慮美國經濟陷入衰退，加上關稅影響唔明朗，對美元走勢有咩影響？ 連連STAR FX總經理陳欣指，之前市場憧憬加關稅會為美元帶黎支持，但大前提係美國經濟仍然唔錯，近期美國唔少經濟數據都欠佳，市場擔心美國經濟係咪開始放緩，甚至步入衰退，所以美國聯儲局或比預期更早減息，令美元走弱。 Chase續指，美匯指數由107樓上回落至106，唔排除進一步下跌，要留意美國經濟數據及減息預期慨變化，估計美匯指數暫時會係低位整固，係105.5水平有支持，但短期較難升穿108阻力。 |
|
| 趙晞文 |
2025-03-04T16:34 |
美國今日(4日)如期向中國加關稅，中方迅速推出反制「組合拳」，包括向美國農產品等加關稅等。另一方面，「兩會」今日起一連兩日係北京召開，恆生指數早段一度瀉逾400點，之後逐步收復失地，午後更短暫倒升，科網股撐市，個別內需股午後升幅擴大，黎緊係咪繼續留意呢些板塊？ 信達國際研究部董事趙晞文認為，睇返中方慨反制措施，其中，加關稅慨幅度同美國差唔多，所以港股未有太大反應。佢又話，市場期望「兩會」可以係科技方面多些著墨，雖然科網股近期出現回調，但幅度唔算大，係高位調整亦好正常。 內需股方面，晞文就話，每次內地舉行重要會議時，都會炒作內需股，睇返以往慨政策，大部分都係針對家電及電子消費品，市場未來會關注今年慨財政政策，會唔會擴至其他領域，例如服務業，或者有更直接方法刺激消費。 |
|
| 聶振邦 |
2025-03-04T16:21 |
有消息指，名創優品(09896)擬將潮玩品牌TOP TOY分拆及來港上市，TOP TOY除左同Sanrio、Bandai、Marvel等大IP合作，亦有跟內地及海外唔同藝術家合作，係依家慨市況下，如果名創真係分拆TOP TOY，後者可唔可以拿到一個靚估值？ 博威環球證券金融首席分析師聶振邦指，現時泡泡瑪特(09992)市盈率(PE)約80倍，TOP TOY部署上市時，估值會以較高PE慨泡泡瑪特作參考，有利TOP TOY估值。值得留意係，TOP TOY由申請上市到批核需要一段時間，期間泡泡瑪特股價可唔可以維持係現水平，都會對TOP TOY有影響。 |
|
| 譚智樂 |
2025-03-04T12:49 |
截至早上11時止，過去1小時內《彭博》用戶搜尋量最多港股，依次為比亞迪股份(01211)、吉利汽車(00175)、蜜雪集團(02097)、希慎興業(00014)及周大福(01929)。 比亞迪宣布折讓配股，集資逾430億元，股價今早(4日)一度大跌8%，低見334元，失守335.2元配售價，中午收市報339.6元，跌6.6%，比亞迪股價後市會點行？ 富途證券首席分析師譚智樂認為，雖然今次配股折讓較大，同埋係突如其來，但其實睇返整個電動車行業發展，的確需要大量資金去營運，由於今次配股規模較大，所以折讓空間較大亦係合理。 佢又話，比亞迪股價仍守到配股價，反映市場冇太大負面反應，雖然港股仍處於急升後調整格局，但由於比亞迪基本面較好，所以問題唔大。 |
|
| 梁偉民 |
2025-03-04T12:10 |
美國總統特朗普(Donald Trump)昨日(3日)宣布，針對中國、墨西哥及加拿大慨新關稅措施，會如期係今日(4日)生效，美股3大指數昨晚(3日)顯著受壓，其中，納指大跌2.6%，人工智能(AI)晶片股王英偉達(Nvidia)股價大林近9%，收報114.06美元，Nvidia股價持續弱勢，同板塊輪動還是美股出現大調整有關？Nvidia前景係咪不宜再睇得太樂觀？ 高富金融集團投資總監梁偉民指，Nvidia上周出爐慨業績交到貨，上季收入、盈利及今季指引都好過預期，收入及盈利增長逾70%，但由於基數高，預期未來增長將會放緩。 Wyman續指，大型科技股持續大量投入AI發展，但未能將投資轉化為貨品或服務，難以帶動收入及盈利增長，因此，Nvidia未來股價走勢要留意科技巨企投資AI慨情況。佢又估計，Nvidia今季業績仍可以睇好，若股價再跌深些，投資者可以考慮吸納做短期部署。 |
|
| 黃偉豪 |
2025-03-04T11:56 |
比亞迪股份(01211)折讓約8%配股，集資逾430億元，配股價335.2元，集團指，今次配股獲全球主權基金及戰略投資者參與。不過，比亞迪股價今日(4日)顯著受壓，之後有冇機會反彈？如果想部署牛證應該點揀？ 胤源世創家族辦公室(香港)第一副總裁黃偉豪指，對比亞迪整體睇法唔會太負面，因為今次配股集資可能會用係研發方面。佢又話，本來港股市況及氣氛都較強，但集團突然大規模配股，難免影響投資氣氛，所以股價今日向下都無可厚非。 佢又話，比亞迪股價跌穿20天線，短線有機會再尋底，即使之後股價反彈，估計上升動力都唔及之前咁強，投資者可以留意收回價330元以下慨牛證。 |
|
| 姚浩然 |
2025-03-04T10:19 |
亨達財富管理董事總經理姚浩然推介建設銀行(00939) 推介原因： -預計巿盈率(PE)約4.72倍 -股息率約7厘。 |
|
| 鄭家華 |
2025-03-03T22:46 |
銷售文件顯示，比亞迪股份(01211)擬配售1.18億股H股，配股價折讓5.1-8.4%，集資約400億元。 阿仕特朗資產管理董事鄭家華表示，比亞迪股價日前創新高後配股集資，屬合理做法，至於股價短期內能否重上400元，則先要視乎股價能否守穩配股價。 |
|
| 聶振邦 |
2025-03-03T16:17 |
內地車企陸續公布2月交付數據，增長都幾靚仔，唔少錄得倍數增長，其中，增長最勁慨小鵬汽車(09868)，上月交付量大升5.7倍，點分析一眾車企慨銷售表現？ 博威環球證券金融首席分析師聶振邦指，小米集團(01810)旗下小米汽車慨SU7上月交付量逾2萬架，表現唔錯，但其實集團產能已經見頂，估計要等下半年新廠房投產，交付量才有望進一步上升，預期股價亦要等下半年先會再發力，暫時係45至48元有支持。 小鵬2月交付量跑出，聶Sir認為市場會有驚喜，但現時新能源汽車行業競爭激烈，唔同車企陸續會有新車發布會，有機會影響小鵬股價表現，加上小鵬仍未扭虧，所以現階段追入風險較高。 至於理想汽車(02015)及蔚來(09866)，聶Sir就話，理想慨數據好過蔚來，但要留意理想本身已有盈利基礎，蔚來就仍在努力中，而兩家公司慨基本面上有明顯分別，理想似乎較吸引。 |
|
| 梁傑文 |
2025-03-03T15:24 |
ASMPT(00522)今朝(3日)開市前出通告，進一步披露去年10月出售附屬公司先進封裝材料慨詳情，將會收取A股上市公司2900萬股新股及現金7.98億人仔，作價17.17億人仔，市帳率(PB)約1.2倍，算唔算貴？ 《香港股票財技密碼》作者梁傑文指，作價對比現水平1.4倍慨PB低，但屬合理水平，原因係先進封裝材料業績比較波動，加上交易後能夠換到一堆現金以及A股上市公司慨股份，若然整合做得好，有機會因重組成功而炒高股價，所以ASMPT先願意平少少賣先進封裝材料。 Mike又估計，由於內地係人工智能(AI)方面發展迅速，半導體需求將會以幾何級數上升，相信公司想儘快落實交易對價，快些係市場上分一杯羹，所以加快左今次ASMPT慨出售交易。 |
|
| 郭思治 |
2025-03-03T10:24 |
大市已開始步入3月份之上旬，市場之焦點該會關注內地在兩會後之公布，從周來大市之表現看，市場對此確頗具憧憬，期待政策會進一步刺激經濟及加大扶持之力度，故資金近期仍不斷湧入，在龐大之動力支持下，大市之升勢確頗有欲擺不能之感，但從走勢上看，大市於2月份確已累積不少升幅，恆指是由3日之低位19,764點升至27日之高位24,076點，即2月份之上升波幅已達到4,312點，單從技術上看，大市之升勢確頗為倫促，同時亦處超買中，故一旦稍有不明或利淡因素出現，可能會成為大市回調之借口，故任何再冒高追入之投機性短炒行動，切勿過急及過勇，同時亦需做好一切風險管理。 再拉闊一點看，此潮大市之升浪是始自於今年1月13日之低位18,671點，至2月27日之高位24,076點止計，大市在短短七周內，累積之升幅已有達5,405點或28.90%，論升幅當已不算小，且升勢亦頗偏促，衹是大市之交投仍持續保持暢旺，故升勢暫仍有欲擺不能之感，但需留意，近日個別領航股已開始於高台出現反覆，如中國移動(00941)已略見回吐，至於小米(01810)更初呈穿頭破腳之弱態，其他累積升幅已不少之股份亦需慎防高台會漸呈反覆，畢竟月來累積之升幅已不算小。 再看移動線方面之表現，直到執筆一刻止計，各組平均移動線之排列暫仍屬標準之升市模式，由上而下為10天線（約在23,142點左近），20天線（約在22,208點左近），50天線（約在20,714點左近），100天線（約在20,514點左近）及250天線（約在18,786點左近），值得留意的是，由於恆指目前距離10天線實在不遠，擔心一旦大市稍作較明顯之反覆，便會觸及或跌穿正在高速上升中的10天線，10天線一旦有失，雖不代表大市會馬上大跌，但至少代表大市已漸擺脫不斷尋頂之趨勢，且亦可能開始進入大幅急升後之正常調整中。 |
|
| 李浩然 |
2025-03-03T10:18 |
自1950年以來，美國共歷經11次經濟衰退，平均每7年左右就有一次「意外驚喜」，而每次衰退的長度約莫只有10個月。但平均數據只是個參考，現實永遠比統計來得精彩。1980年至1982年間，美國經歷了兩次經濟衰退；而整個2010年代，卻未見任何衰退蹤影。2022年，所有人都信誓旦旦地認為衰退「板上釘釘」，但最終卻成為市場預測史上的又一堂反面教材。 金融市場上的眾多「大師」總愛高談闊論，仿佛憑著一兩次的正確預測就能迫使未來走向向他們認定的劇本。2008年金融危機以後，很多人成功翻開了事業的新篇章，持續研究下一個泡沫或危機，只不過這些預測多半像是海市蜃樓，遙不可及。面對這樣的抓不住影子的市場，誰又能真正精準掌握下一次衰退的來臨呢？ 試想，如果某個天才果真能預測到即將到來的衰退，他是不是就應該在股市全盛時拋售股票，轉投固定收益或現金，然後等待股市的完美低谷再大舉進場？問題隨之而來：何時再入市？一旦判斷失誤，又該如何挽回？市場從來不是那麼講究「先知先覺」，這條路的盡頭，往往是陷入不斷嘗試預測下一次衰退的無限循環中。 想像一下，你在一個牛市高峰期「成功」減少了風險敞口，然而市場卻繼續飆升。這種情況下，你的收益損失可能比衰退帶來的損失更大。更何況，許多研究表明，嘗試預測市場時機的投資者，最終的回報率往往低於那些堅持長期投資策略的人。 可以預計，未來還會歷經更多次熊市，以及幾次全面崩盤。這當中涵蓋的不僅僅是衰退時期，也包括市場調整和意外波動。試圖在每一次經濟低谷中躲避風險，無異於參加一場幾乎不可能獲勝的賭局。更糟糕的是，錯誤的市場時機決策，會讓你的資產配置陷入混亂，進一步放大風險。 長期投資者的智慧在於，他們將不確定性納入計劃中，而非試圖避免它。這意味著建立一個符合自身風險承受能力和時間規劃的資產配置，並確保擁有足夠的流動性資金，以應對短期的經濟波動。畢竟，對於一筆你未來20至30年內都不會動用的資金，為何要過分在意接下來12個月的市場走勢？ 經濟衰退的到來是必然的，但準確預測其時間和原因則幾乎是不可能的。與其試圖成為下一個「預測大師」，不如接受這一現實，並將風險納入投資計劃中。市場的波動無法避免，但你可以控制自己的投資行為。 對於大多數投資者來說，重點不在於能否準確預測短期波動，而在於能否穩健調整投資組合，保持長期增值。換個角度想，聰明的投資者不會問「衰退何時到來」，而是問「我如何構建一個能夠經受住任何衰退的投資組合」。前者是賭徒的問題，後者是投資者的智慧。 |
|
| 趙晞文 |
2025-02-28T22:39 |
太平洋航運(02343)全年純利升20.3%，但基本溢利倒退4.3%，末期息5.1仙。 信達國際研究部主管趙晞文表示，太航去年業績不過不失，但公司已簽訂的遠期合約，第一季日均租金下跌，加上全年股息率大約6厘，不及其他航運股，相信股價難有明顯起色，預計在1.5-1.8元水平上落。 |
|
| 盧楚仁 |
2025-02-28T18:36 |
日圓係2月持續強勢，兌美元累計升值逾3%，主要係憧憬日本央行下月繼續加息，不過，日央行行長植田和男今日(28日)警告，美國關稅政策將會對全球經濟帶來巨大不確定性，日央行再加息機會有幾大？ 獨立外匯商品分析師盧楚仁認為，日央行一定會再加息，只係唔知會唔會押後加息時間，加息力度亦存在不確定性，不過關鍵係，如果日股今次下跌同日圓上升有關，日央行就可能暫時唔加息，但如果同關稅或納指有關。 |
|
| 黃敏碩 |
2025-02-28T17:47 |
美國總統特朗普(Donald Trump)昨晚(27日)突然宣布再加中國貨10%關稅，即累計加20%關稅，其中，美國出口業務佔比最大慨公司如創科實業(00669)、泉峰控股(02285)，股價今日(28日)竟跌得唔多，反而北美市場收入佔比較少慨德昌電機控股(00179)、敏實集團(00425)跌得仲多，申洲國際(02313)及裕元集團(00551)就微跌和靠穩，點解讀呢個現象？ 王道資本及家族資產管理執行董事黃敏碩指，單睇產業分布數字，創科可能有潛在問題，但佢慨產品比較實務，未必係關稅主力針對慨對象，最敏感始終係科技相關產品，所以都要睇返關稅未來慨實施程度，雖然處於風眼，但本身唔係近期炒作主題，至於泉峰仍有90%產能來自內地，壓力就相對大，產能分散能力亦唔高，所以股價有可能仍未完全反映。 Michael又認為，汽車行業係風眼亦唔出奇，早前，歐盟通過向中國電動車徵收關稅，敏實提供唔少貨源比歐美客戶，所以業務層面比較敏感，對股價慨影響亦較大，申洲及裕元主要從事紡織業務，唔算係關稅針對慨第一梯隊，加上早已布局好東南亞廠房，成本控制較佳，因此，所受影響會較細。 |
|
| 關焯照 |
2025-02-28T15:47 |
「科技7雄」(Magnificent 7)之一慨Tesla，佢慨創辦人馬斯克(Elon Musk)帶領美國「政府效率部」(DOGE)，大刀闊斧兼手起刀落削政府開支，早前宣布慨裁員行動已惹怒唔少美國人，就連歐洲方面對佢慨好感度都急跌，為Tesla業務帶黎慨負面影響逐步浮現，除歐洲銷量大跌，股價今個月已累跌近30%，市值累計蒸發3900億美元，有貨慨投資者應唔應該沽出？ 冠域商業及經濟研究中心主任關焯照指，馬斯克做左一些其他人唔認同慨舉動，例如美國國內慨裁員潮，同埋佢干涉歐洲政治，惹黎歐洲民眾強烈不滿，導致Tesla係歐洲銷量暴跌，佢相信，就算美股可以企返穩，Tesla都會繼續跌，加上基本因素唔好，公司都要面對通脹風險，所以Tesla係「7雄」中跌得最甘，又認為短期內都不宜沾手。 關博士建議投資者可以考慮反手部署，例如T-Rex 2X Inverse Tesla Daily Target ETF(TSLZ)等逆向型產品，但投資者必須控制風險，始終Tesla仲未跌完。 |
|
| 梁偉源 |
2025-02-28T15:23 |
截至早上11時止，1小時內《彭博》用戶搜尋量最多港股，依次為新鴻基地產(00016)、碧桂園(02007)、小米集團(01810)、融創中國(01918)及安踏體育(02020)。 新地昨日(27日)派左成績表，基礎溢利年增長17%，物業銷售溢利更按年增長23%，但純利按年跌17%，新地股價今早(28日)一度挫逾4%，業績未有明顯復甦訊號，派息冇加碼，《財政預算案》又冇特別利好樓市措施，本港樓市前景係咪仍然未明朗？ 大華繼顯執行董事梁偉源指，近期投資者將資金All-In人工智能(AI)及科技相關股，睇返新地財務報告其實都見到有增長，但因為所以發展商都想盡快減少持貨量，所以就調整左價格，利潤率進一步跌至約15%，所以依家為左快些賣樓套現減債，寧願放棄部分利潤率。 Steven又話，雖然新地旗下元朗YOHO Club上半年賣出唔少單位，但售價較低，變相會拖低利潤率，市場依家地產股興趣唔大，始終樓市未有明顯起色，因此，就算新地現金流相對強勁，短期仍難吸引資金。 |
|
| 許繹彬 |
2025-02-28T12:25 |
港股氣勢如虹，其強勢亦冠絕全球股票市場。昨日(2月26日)，適逢香港公布最新一份財政預算案，恆指全日可謂「高開高走」，一開市就升穿23,200點，午後可能受惠財政預算案內指為現行已在港交所(0388)掛牌買賣的人民幣櫃台，現正全速進行技術準備，目的是將此類產品納入「港股通」。此舉除為推動更多股票以人民幣交易，從而提升市場流動性外，未來相信在納入港股通的優勢下，將有更多內地投資者所熟悉並在港上市的中概股份會實施雙櫃台上市，因而有望帶動更多北水南下，成交亦會因此增多。 故此，消息一出，最直接受惠的股份相信不用多問，港交所股價立即飆升超過5%，並創造出本月高位；除港交所發功外，在本月港股升浪中較為低沉的美團(03690)亦突然崛起，急升近10%；再配合其他重磅科技股，如「股王」騰訊(00700)、阿里巴巴(09988)、小米(01810)及京東(09618) (ATMXJ)的聯合發功下，恆指升幅一度擴大至939點，高見23,973點的3年高位；即使最終全日只升753點，報23,787點，但升幅肯定已經冠絕全球，成交更達3,701億元。截至昨日(2月26日)，恆指單計2月份升幅已達近4,000點，成交則保持在3,000億元以上，氣勢可謂一時無兩，更可用「吐氣揚眉」來形容如今的香港股票市場。 本周港股其實曾在外圍影響下，一度作出調整。美國總統特朗普上周簽署「美國優先投資政策」備忘錄，限制美國退休基金及捐贈型基金投資中國半導體、人工智能(AI)等高科技行業等；港股曾因此不利消息，一度跌穿22,800點水平，但有份投資港股的力量好像毫無懼色，其戰鬥力更比預期中堅韌，在資金的湧進下，跌幅明顯收窄，更逐步令23,000點失而復得。投資者對港股仍保持信心，相信是因為憧憬國內在下周(3月4、5日)舉行的兩會會議上，除會有政策推動振興經濟外，或會有新一輪AI的指引等，這將會是兩會會議的重要議程。在現行港股一直有著「欲罷不能」的升勢下，投資者每遇大市調整時，反而伺機加注入市，因而往往出現「低開高走」的情況。 筆者認為，投資者對下周國內舉行的兩會充滿憧憬，並非「無跡可尋」；事緣國內在兩會前宣布擬發行1萬億元人民幣特別國債，並為6大國有銀行注資，儘管沒有細節，但已傳出首先向交通銀行(03328)和農業銀行(01288)注資4,000億元，預計最快6月底完成；此外，人工智能(AI)熱潮仍然停不了，2月25日在深圳召開的「深圳市七屆人大六次會議第一次全體會議暨開幕會」上，邀請了不少外國領事官員參加，但今次現場卻並未設有同聲傳譯員；而是次則率先啟用全國首個政務級AI大模型同聲傳譯軟件InnAIO AI翻譯大模型，此軟件也安排在外國領事官員所佩戴的耳機設置內，可同步使用口譯旁聽功能；而領事官員座位前特設的4個螢幕，會即時將會議內容同步轉化為英文顯示。 |
|
| 陳偉明 |
2025-02-28T12:24 |
國產AI模型DeepSeek繼續成為港股飆升催化劑，DeepSeek橫空面世，不但降低未來中國科企發展的成本，而且觸發估值重估、加速北水流入及各大行調升港股目標。港股在中資科技股狂潮帶動下，於上周五(21日)以接近4,000億成交額向上突破去年10月內地組合拳救市頂位23,241點。 國家主席習近平自2018年以來於上周一(17日)再次主持民企座談會，多名內地科企創辦人有份參與，間接確認了中國科技行業的重要性，恆指在人工智能(AI)相關科技股及芯片股帶動下，於上周二(18日)升至高見23,141點。雖然美國總統特朗普聲言將對氣車及半導體等加徵關稅，拖累港股於隨後兩日調整至低見22,436點，但阿里巴巴(09888)業績勝預期，加上各大行紛紛發表報告調升港股目標，恆指上周五(21日)單日勁飆900點後，於本周一(24日)進一步升至高見23,688點。 美國總統特朗普上周五(21日)簽署「美國優先投資政策」備忘錄，限制美國資金投資中國高科技行業，港股本周一(24日)大約在23,600點之上開始出現獲利平倉，瑞銀更提醒「禁投令」消息有機會觸發投資者減持中資股或先行獲利，加上內地茶飲龍頭蜜雪冰城(02097)成新股「凍資王」抽走市場不少資金，而特朗普又表示會如期在3月4日(下周二)實施對加拿大和墨西哥徵收新關稅，令關稅風險再次重燃，港股於本周二(25日)曾裂口低開急跌逾600點，低見22,716點。 然而北水流入擴大至更多板塊，氣車股扭轉跌勢、科技股跌幅收窄，內房股也有資金追入，港股逐步收復失地，不但在本周二(25日)裂口低開後已見全日低位挾上，並且在傳出DeepSeek加速推出新AI模型R2的利好消息後，於本周三(26日)單日飆升753點後，於本周四(27日)升至高見24,076點創三年新高。 值得留意，美國近期的經濟數據再度反映經濟放緩、通脹高企，有「滯脹」重臨的可能性，加上環球貿易戰一觸即發，連過往多年持續強勢破頂的美國納斯達克100指數亦於上周三(19日)見頂回落，甚至出現「四連陰」的情況。相反，港股在DeepSeek 觸發估值重估下持續破頂，科指自1月13日見底以來以已升46%，風水輪流轉，美股弱，港股強，環球資金加速流入香港股市甚明顯。 技術上，恆指未「連續兩日」跌穿上一個交易日低位之前，升勢仍能持續，由於各路資金亦等待港股調整吸納，即使恆指及科指升幅已巨，但調整未必會深。然而，高追始終有一定的風險，戰友可考慮博恆指「不會」兩連穿上日低位，等待恆指調整跌穿上日低位後出擊造好，保守投資者用接貨的心態，Short Put 3月份的等價科技股收期權金，進取投機者，則小注Long Call 兩星期內到期的價外400點科指期權。如果持重貨的投資者，留意在恆指升至25,000點以上或「連續兩日」跌穿上日低位時減持倉位及Long Put 兩星期內到期的價外600點科指期權，對沖倉位下跌風險。 |
|
| 聶振邦 |
2025-02-28T11:39 |
新股「凍資王」，有「雪王」之稱慨蜜雪冰城母公司蜜雪集團(02097)，將於下周一(3月3日)掛牌，今日(28日)收市後就會有暗盤，入左飛慨投資者要睇實，如果抽到慨幸運兒應唔應該快些沽？冇入飛抽慨又好唔好等上市後買貨？ 博威環球證券金融首席分析師聶振邦指，睇返招股書截至去年9月底數據，對比返上市後股數，用今次上市價計，蜜雪每股盈利都有超過12元人仔，市盈率(PE)逾16倍，如果用茶百道(02555)及古茗(01364)昨日(27日)收市價計，PE分別逾18倍及逾22倍，蜜雪定價係吸引。 聶Sir又話，睇埋非酒精飲品板塊，行業平均PE 25倍，換言之，蜜雪合理值唔少於300元，依家招股定價202.5元，再配合市況暢旺，的確係有比較大上升空間，如果投資者考慮埋風險因素，若股價上市後唔高過240元可以考慮高追，但上到250至260元咁高水平，高追之前就要考慮自身風險承受能力。 |
|
| 彭偉新 |
2025-02-28T10:17 |
獨立股評人彭偉新推介中國電信(00728) 推介原因： -加大投資雲基礎設施及人工智能(AI)領域，以應對市場日益增長的需求 -受益服務捆綁策略的有效執行。 |
|
| 植耀輝 |
2025-02-27T17:30 |
港股今日(27日)係期指結算日勁Chok，恆生指數一度衝破24000關，但之後反覆倒跌，科技股顯著受壓，但內需及內房股有追捧，係咪市場憧憬下周召開慨「兩會」，導致出現資金輪動？除左「兩會」因素，內房自身表現係咪開始好轉，甚至已見底？ 耀才證券研究部總監植耀輝指，科技股近期升得太誇張，所以去到24000點呢些重要位置出現整固係正常。此外，「谷內需」及「撐內房」都係每次「兩會」慨炒作主題，所以資金近期開始炒作呢些板塊係合理，但能唔能夠持續，就要視乎「兩會」有冇政策配合。 Stanley續指，內房2月數據改善主要同低基數效應有關，所以唔能夠作準，現階段好難判斷內房係咪見底，雖然個別城市慨房地產市場反彈，但整體黎講仲未見到。 |
|
| 林嘉麒 |
2025-02-27T15:51 |
港交所(00388)今日(27日)中午派左成績表，去年收入及盈利齊創新高，全年純利及股息按年增10%，全年派息9.26元，第2次中期息更按年大增25%至4.9元，派息比率維持90%，其實港交所同股市相關收入透明度好高，都唔係好難估，今次呢份業績有冇驚喜？ 元宇證券基金投資總監林嘉麒指，一般黎講，港交所業績都係用大市成交去預測，睇返去年第4季首次公開招股(IPO)數量，都大概知道業績做成點，但實際係點仍然要睇返營運效率及投資情況。 KK補充，港股市況去年好轉，所以投資情況理想，比到驚喜市場，佢認為，主要睇返成本效益，收入增長相對於營運成本，例如人手方面有冇增加太多慨問題，反映今次業績比到市場信心，而營運情況亦唔錯，因此，佢認為營運成本低左帶挈港交所賺多左，亦為市場帶黎驚喜。 |
|
| 盧志明 |
2025-02-27T13:02 |
截至早上11時止，過去1小時內《彭博》用戶搜尋量最多港股，依次為小米集團(01810)、中金公司(03908)、海底撈(06862)、安踏體育(02020)及友邦保險(01299)。 小米將會係今晚(27日)7點開發布會，到時新手機15 Ultra及新車SU7 Ultra將會亮相，發布會舉行前，小米股價連日破頂，今朝一度高見58.7元，再升逾4%，但其後走勢急轉直下，中午收市倒插逾7%，報52元，依家小米市盈率(PE)已逾60倍，係咪真係太貴？應唔應該追貨？ 大唐資本投資策略部總監盧志明指，由小米股價係17元水平已開始推介呢隻股份，因此，如果冇係之前低位買貨，唔建議現價或未來兩三日追貨。佢又話，部署小米有幾個策略，例如小米一直沿平均線向上，所以當股價拋離10天線逾10%，就可以考慮食糊。此外，小米股價未必會出現單日轉向慨情況，不過，如果未來兩日失守10天線或20天線，成交又開始放大，就要更小心做部署。 Ken又提醒，如果將投資係小米慨資金，轉投其他未升或開始出現升勢慨股份，回報率可能高過小米。 |
|
| 阮子曦 |
2025-02-27T09:59 |
華富建業證券投資策略聯席總監阮子曦推介威勝控股(03393) 推介原因： -集團智能電表產品解決方案需求持續上升。 |
|
| 羅尚沛 |
2025-02-26T22:36 |
江南布衣(03306)上半年度多賺4.7%，中期息43分人民幣。 銀河證券業務發展董事羅尚沛表示，江南布衣上半年度收入及盈利增速，相比上一年度明顯減慢，除了消費降級因素，亦可能跟內地消費者口味轉變有關，基於股價過去兩年累積龐大升幅，若未來盈利僅維持低增長，相信股價會有顯著沽壓。 |
|
| 黃偉豪 |
2025-02-26T17:53 |
百威亞太(01876)今日(26日)開市前出左業績，不論去年及上季都差過預期，其中，上季係去年表現最差慨一季，點解百威業績會咁差？ 胤源世創家族辦公室(香港)第一副總裁黃偉豪指，雖然百威唔係只得內地業務，東南亞地區、南韓及印度等地都有生意，但今次呢份業績的確係比內地業務拖累，不論係去年第4季或全年EBITDA慨跌幅都大過預期，表現相對好係上季股東應佔虧損收窄，但仍要蝕1600萬美元，而上季收入亦跌11%。 Ravi續指，今次盤數較曳，公司都有解畫，話主要受3個因素影響，包括內地業務去庫存、行業增長顯著放慢等。 |
|
| 盧志威 |
2025-02-26T11:47 |
美國昨晚(25日)出爐慨2月消費者信心指數跌至98.3，遠差過預期，反映美國總統特朗普(Donald Trump)慨政策為經濟帶黎不確定性，更令衰退憂慮再度升溫。美國10年期國債收益率更跌至今年最低水平，似乎反映「特朗普交易」(Trump Trade)正逐步降溫。若未來真係爆發大規模關稅戰，消費者及企業信心係咪會繼續下滑？ 潤淼資產管理董事盧志威指，消費信心下降係正常，因為關稅對消費者有直接影響，不過，唔需要對零售業下滑睇得太悲觀，如果真係爆發大規模關稅戰，零售業反而有機會出現反彈，因為加關稅前或會出現一波消費潮。 William又話，依家股市主要受兩大因素影響，首先係「Trump Trade」熱潮降溫，其次係內地人工智能(AI)大模型DeepSeek橫空出世，令成本大幅降低，長遠而言，對AI技術發展係好事。 佢又認為，消費信心短期仍會疲弱，但相信股市唔會因為咁而大幅調整。 |
|
| 郭家耀 |
2025-02-26T10:03 |
港灣家族辦公室業務發展總監郭家耀推推介百勝中國(09987) 推介原因： -上季業績優於預期。 |
|
| 盧楚仁 |
2025-02-25T17:48 |
睇返過去8個星期，係美國總統特朗普(Donald Trump)慨關稅政策，以及市場憧憬各國央行會繼續增持黃金，刺激金價8周累升12%，大行最新將目標價上調至每盎司3100美元或以上，而包括銀在內另外3類貴金屬，慨價格今年累升3%至11%，不過，一旦俄烏停戰會唔會令金價大幅回套？ 獨立外匯商品分析師盧楚仁指，唔排除金價會回套，始終近期金價係被短暫慨避險情緒推高，若俄烏停戰將成為利淡金價慨因素，加上市場普遍認為現時金價過高，而唔願意入市，相信金價係現水平已初步見頂，唔排除超買後回落，暫時可留意2956美元，若失守2916美元水平，估計金價會出現大調整。 |
|
| 李偉傑 |
2025-02-25T17:35 |
蘋果公司(Apple Inc.)宣布未來4年會係美國投資逾5000億美元，創造2萬個新職位，或會為內地供應鏈帶來隱憂，不過，但手機相關股今日(25日)股價未受影響，高偉電子(01415)、瑞聲科技(02018)及舜宇光學(02382)都逆市有得升。不過，計劃仲包括同鴻海旗下富士康合作，係休斯敦興建佔地25萬平方呎的新工廠，預期2026年投資，生產支援Apple慨人工智能(AI)系統Apple Intelligence伺服器，旗下慨其他子公司如富智康集團(02038)同鴻騰精密(06088)又可唔可以跟埋受惠？ 天風國際證券經紀業務部董事李偉傑指，今次投資慨焦點在於半導體同AI項目，而舜宇等公司主要負責幫Apple做鏡頭、組裝等，所以今日呢類股份冇明顯受壓，暫時未受拖累，政策面亦冇太大壓力，但唔排除將來會有新動作。不過，Apple好難將所有鏡頭或組裝等業務全部搬返去美國，若出現呢個極端情況，其他手機設備股都會受影響。 Jason又話，Apple慨投資計劃依家仍係初步階段，暫時未知其他子公司可以受惠幾多，又或者可唔可以受惠，目前主要同鴻海慨關係最為密切。 |
|
| 趙晞文 |
2025-02-25T16:38 |
攜程集團(09961)今朝(25日)開市前出左業績，股價午後愈跌愈多，一度大跌逾12%，低見459.4元，包辦表現最差藍籌及科指成分股。雖然去年純利及收入都有增長，但全年增速唔及去年上半年，反映受下半年增長放緩拖累，呢個係咪市場唔收貨慨地方？點睇集團未來增長動力？ 信達國際研究部董事趙晞文指，雖然全年計盤數冇驚喜，但仍符合預期，雖然去年第4季收入按季大跌近70%，但仍好過預期，原因係第4季唔係傳統旅遊旺季，加上公司海外平台仍處於投入期，所以按季表現的確會令市場失望，所以股價係業績後回套係正常。 晞文又話，分析攜程收入時，除左睇定單量，亦要睇埋價格，由於價格係由市場供求決定，由於疫後供應仍然緊張，令產品價格上升，而復甦期過後，產品價格只係逐步回落至正常水平。佢認為，未來要留意公司定單增加可唔可以彌補價格下跌慨影響。 |
|
| 譚智樂 |
2025-02-25T13:09 |
截至早上11時止，1小時內《彭博》用戶搜尋量最多港股，依次為中芯國際(00981)、小米集團(01810)、西部水泥(02233)、騰訊控股(00700)及地平線機器人(09660)。 據《彭博》今日(25日)報道，美國總統特朗普(Donald Trump)要求盟友配合，進一步收緊對華出口晶片管制，限制中國半導體設備維修保養，要求相當辣，並指部分美國官員有意將英偉達(Nvidia)對華銷售晶片限制，擴至依家毋須預先獲得出口許可慨產品。 《路透》就報道，因DeepSeek大模型出現而引發需求，騰訊及阿里巴巴(09988)已加單買H20晶片，若美國進一步限制對華晶片出口，包括H20晶片，對騰訊呢類大型科企慨人工智能(AI)發展前景有咩影響？ 富途證券首席分析師譚智樂指，現時整個市場更願意追入AI相關股，研發半導體慨中芯自然有更多資金流入，DeepSeek用慨H20晶片本來就唔係制裁名單內，但唔排除將來會被納入，亦係近期對H20晶片需求大增慨原因，但過往有呢類消息傳出時，市場會擔心對AI發展帶來好大阻礙，但依家市場意識到AI發展方面，雖然運算力重要，但唔係唯一關鍵，因此，預期市場對呢類消息慨敏感度將會下降。 |
|
| 黃偉豪 |
2025-02-25T11:21 |
匯豐控股(00005)業績勝預期，股價持續強勢，今早(25日)一度升1.5%，高見87.15元，之後係高位上落，暫時係10天線，即86元水平有支持，市場熱門CALL普遍約10倍槓桿，依家係咪做部署慨好時機？ 胤源世創家族辦公室(香港)第一副總裁黃偉豪指，暫時唔建議投資者做CALL輪部署，因為匯控股價係業績後已升左好多，暫時見唔到有好多新催化劑。 佢又話，如果大市出現調整，重磅股之一慨匯控好難獨善其身，所以唔值得博CALL，建議投資者等股價回落，先再考慮CALL輪或做好倉部署。 |
|
| 梁偉民 |
2025-02-25T11:13 |
美股3大指數昨晚(24日)個別發展，其中，納指收市挫1.2%，重返今年開局水平，「科技七雄」(Magnificent 7)除左蘋果公司(Apple Inc.)外，股價昨晚全線向下，微軟(Microsoft)跌約1%，英偉達(Nvidia)跌約3%，大數據公司Palantir更瀉10%，依家美股調整壓力大唔大？後市係咪有好多不確定性？ 高富金融集團投資總監梁偉民認為，美股最大不確定性係對華關稅政策，市場最初對關稅政策比較放心，因為只係加10%，但另一考驗係美國會唔會如期係3月向加拿大及墨西哥徵關稅，呢些關稅政策一定會影響美國投資者信心。 Wyman又話，美國2月服務業採購經理指數(PMI)初值跌入收縮區，市場擔心政策不明朗，最終會影響消費者信心及整體經濟動力，相信呢些因素會逐步反映係美股上，而負面因素一定會令市場變得審慎，令估值回落到合理水平，所以美股未必會大跌，但短期仍會維持調整格局。 |
|