| 評論員 |
時間 |
內容 |
標籤 |
| 梁偉源 |
2026-04-17T13:32 |
截至早上11時止，1小時內《彭博》搜尋量最多港股，依次為商湯(00020)、長光辰芯(03277)、新世界發展(00017)、藥明生物(02269)及美團(03690)。 新世界同港鐵公司(00066)合作發展慨柏傲莊III，今日(17日)公布最新銷售安排，明日(18日)將推出88伙，截至昨日(16日)止， 暫時超額認購50倍，不過，地產股今日跟大市跌，近期市場關注樓市會唔會再出現「小陽春」，柏傲莊III認購反應係咪反映本港樓市持續向好？ 大華繼顯執行董事梁偉源認為，地產股只係跟隨大市回落，跌幅亦唔大，近期新盤銷售氣氛好好，個別發展商定價更比較進取。Steven又指，市場關注新世界可唔可趁樓市再出現「小陽春」，將貨尾賣出套現減債，所以公司依家會積極賣樓。 Steven估計，新世界業務發展方面唔會有太大問題，只要賣樓賣得好，相信股價好快有正面反應。 |
|
| 梁偉源 |
2026-04-10T13:11 |
截至早上11時止，過去1小時內《彭博》用戶搜尋量最多港股，依次為長飛光纖光纜(06869)、中芯國際(00981)、吉利汽車(00175)、哈爾濱電氣(01133)及美團(03690)。 長飛光纖股價之前已4連升，累升30%，今朝(10日)一度再破頂，高見245.8元，升2.2%，但其後走勢急速逆轉，曾倒插逾10%，股價勁Chok，點解會出現呢個情況？ 大華繼顯執行董事梁偉源表示，長飛光纖近期係北水愛股，由於A股波動性較大，股價單日波幅可以超過10%，但近期都好常見。佢指出，集團受惠於人工智能(AI)發展浪潮，所以市場睇好產品增長空間，不過，股價近期升得太急，估值已出現一定泡沫，所以投資者今日趁周末前，大舉獲利回套係正常。 Steven又話，市傳美國禁止內地3大電商係美國營運數據中心或實驗室慨消息，都係長飛光纖今日倒插慨原因，一旦落實相關限制，一定會影響光纖需求，由於長飛光纖逾40%收入來自中國以外地區，投資者一定有戒心，導致股價今朝高開後迅速回調。 |
|
| 梁偉源 |
2026-03-27T15:05 |
截至早上11時止，過去1小時內《彭博》用戶搜尋量最多港股，依次為泡泡瑪特(09992)、美團(03690)、濰柴動力(02338)、石藥集團(01093)及比亞迪股份(01211)。 泡泡瑪特出完業績後，股價慘被洗倉，至今累跌逾30%，集團昨日(26日)動用6億元，回購394萬股，不過，股價今日(27日)早段抽高4%後，曾短暫倒跌，之後只可以靠穩，係咪反映投資者信心仍然唔大？ 大華繼顯執行董事梁偉源坦言，單靠回購唔足以推高股價，只能夠提供一些支持，令股價唔好跌得咁深，最終仍要視乎公司未來發展方向，先有機會令股價回穩。 佢又話，睇返泡泡瑪特呢份成績表，市場都留意到，公司靠單一IP係支持唔到未來增長。雖然公司之前同日本Sanrio玩Cross Over，某程度上可能令前景有返些憧憬，但仍要睇產品銷售情況，先有機會幫到股價。 Steven又話，經歷近日洗倉後，估計唔少機構性投資者已經沽左泡泡瑪特持股，而仲有貨慨投資者有機會做更短線慨署，佢建議仍想入手慨投資者唔好睇得太長線，因為呢隻股份主要炒消息。 |
|
| 梁偉源 |
2026-03-20T13:22 |
截至早上11時止，1小時內《彭博》搜尋量最多港股，依次為小米集團(01810)、新秀麗(01910)、李寧(02331)、吉利汽車(00175)及地平線機器人(09660)。 小米發布新一代SU7，售價近22萬人仔，比上一代貴4000人仔，董事雷軍日前話，由於供應鏈零部件、內存等材料價格上漲，導致成本增加，所以新車定價有壓力。佢又指，集團未來3年會投資逾600億人仔係人工智能(AI)領域，市場點睇小米慨部署？ 大華繼顯執行董事梁偉源指，新一代SU7發布後，小米股價今日(20日)大跌，反映投資者對於新車定價有擔心，新一代SU7成本更高，但加價幅度細，市場擔心毛利會受壓。 佢又指，去年內地電動車市場「內捲」問題嚴重，但今年有所緩和，不過，中低檔市場仍要打價格戰，靠性價比吸引買家，市場擔心新車盈利貢獻有限。 梁偉源續稱，投資AI往往好難預測回報，例如要幾耐先可以回本，同埋資金流出現壓力等問題，呢些不確定性都令小米股價今日下跌。 |
|
| 梁偉源 |
2026-03-13T12:34 |
截至早上11點，過去1小時內《彭博》用戶搜尋量最多港股，依次為港鐵公司(00066)、國泰航空(00293)、華虹半導體(01347)、中國石油化工股份(00386)及騰訊控股(00700)。 港鐵去年業績倒退，差過預期，雖然物業發展利潤按年增長8%，但似乎未能釋除投資者對港鐵前景慨憂慮，尤其係投資物業方面，物業重估虧損擴大至20億元，點解係樓市復甦下仍出現呢個情況？ 大華繼顯執行董事梁偉源表示，港鐵盈利焦點一直係賣樓，雖然去年業績差過預期，但亦唔算太差，賣樓利潤仍升8%，由於本業增長唔多，加上租金管理又跌，拖累整體業績。 佢續指，會將焦點放係未來融資、發展多條鐵路成本上，由於中東開戰，加上油價飆升，市場估計，美國聯儲局會推遲減息，港鐵融資成本將會比預期高，可能令投資者覺得前景唔明朗，導致股價今日(13日)一度大跌7.2%，低見32.08元。 Steven又話，由於本港物業市場發展最壞時間已過，未來可望穩步復甦，如果港鐵息率上升，仍有一定吸引力，前景亦不至於太悲觀。 |
|
| 梁偉源 |
2026-03-06T12:37 |
截至早上11時止，過去1小時內《彭博》用戶搜尋量最多港股，依次為蒙牛乳業(02319)、普拉達(Prada)(01913)、騰訊控股(00700)、中國宏橋(01378)及比亞迪股份(01211)。 近期相對弱勢慨科網股今日(6日)集體反彈，彈得最勁係昨日(5日)出左業績慨京東系，騰訊就要過多2星期先出業績，咩原因帶動大型科網股集體反彈？ 大華繼顯執行董事梁偉源表示，恆生指數係過去一段時間受科網股走弱影響，不過，今日有冚淡倉慨買盤推高科網股，又認為今日係技術性反彈，未來一段時間中東局勢及油價走勢仍會主導全球市場。 Steven又話，市場普遍認為，騰訊業績唔會有太大驚喜，佢建議投資者留意業務指引，同埋騰訊可唔可以利用佢地近期發展得幾好慨人工智能(AI)新模型，係應用層面受惠，令集團盈利前景更樂觀。佢建議投資者可以係500元水平小注買貨，博業績有驚喜帶動股價再升。 |
|
| 梁偉源 |
2026-02-20T12:54 |
截至早上11時止，過去1小時內《彭博》用戶搜尋量最多港股，依次為稀宇科技(MINIMAX)(00100)、優必選(09880)、智譜(02513)、恆基地產(00012)及騰訊控股(00700)。 MINIMAX股價今日(20日)高開逾5%後，一度升逾15%，高見980元，其後一度倒跌，跌至800元邊緣，之後再發力上衝，股價大幅波動。摩根士丹利指，MINIMAX既有半新股元素，又係國產人工智能(AI)概念股，最新目標價睇930元，半日收市已經到價兼升凸，呢些利好因素可唔可以繼續推高股價？ 大華繼顯執行董事梁偉源指，MINIMAX上市至今已累升近6倍，最近大型科技股轉弱時，MINIMAX反而升勢加劇，反映資金由大型科技股轉投MINIMAX等新上市AI股，但睇返基本因素，公司仲未有錢賺，估計2027年先有機會開始賺錢，加上股價已升左好多，佢認為後市好難再大升。 |
|
| 梁偉源 |
2026-02-13T14:44 |
截至早上11時止，過去1小時內《彭博》用戶搜尋量最多港股，依次為智譜(02513)、美團(03690)、稀宇科技(MINIMAX)(00100)、友邦保險(01299)及聯想集團(00992)。 智譜、MINIMAX股價持續強勢，今日(13日)又逆市炒上，依家資金由大型科企轉投人工智能(AI)新力軍，呢個趨勢會持續幾耐？投資者應該點揀好？ 大華繼顯執行董事梁偉源表示，智譜、MINIMAX都係「AI六小虎」之一，市場憧憬餘下4隻「老虎仔」亦有機會黎香港上市，一旦成事，可望再推高智譜、MINIMAX估值。 佢又指，智譜、MINIMAX慨IPO基投對投資者黎講比較吸引，加上街貨唔多，股價就夾高左，上市至今股價累積升幅以倍數計，但如果資金繼續追貨，就較難估計個頂係邊度。 |
|
| 梁偉源 |
2026-02-06T12:45 |
截至早上11時止，過去1小時內《彭博》用戶搜尋量最多港股，依次為友邦保險(01299)、騰訊控股(00700)、泡泡瑪特(09992)、中國銀行(03988)及美團(03690)。 美團斥資逾7億美元，收購係美國上市慨叮咚買菜中國業務，擴大美團係華東慨即時零售佈局，現時阿里巴巴(09988)、京東集團(09618)等同類平台，係內地冇自營前置倉模式即時零售平台，今次慨收購會唔會進一步鞏固，甚至擴大美團內地前置倉慨領導地位？ 大華繼顯執行董事梁偉源表示，今次收購可提升美團競爭力，收購估值亦合理，叮咚正現金流亦為美團帶黎幫助，加上協同效益，今次慨收購係正常部署。 Steven直言，叮咚第3季盈利約8000萬人仔，估計對美團整體盈利貢獻唔大，亦未知最終令美團盈利有幾大改善，未來要留意收購完成後，新增前置倉可唔可以提升美團競爭力。 |
|
| 梁偉源 |
2026-01-23T13:22 |
截至早上11點，過去1小時內《彭博》用戶搜尋量最多港股，依次為泡泡瑪特(09992)、五礦資源(01208)、老鋪黃金(06181)、中國人壽(02628)、小米集團(01810)。 泡泡瑪特股價周一(19日)一度觸及174.3元低位後，隨即展開反彈，今日(23日)股價一度高見225元，公司早前啟動回購，加上有指創辦人王寧將接受新華社專訪，種種消息是否預示反彈未完？ 大華繼顯執行董事梁偉源認為，股價由低位大幅反彈，相信是因為股票早前累積沽空活動，當公司啟動回購加上傳出官媒專訪，觸發市場氣氛轉向，形成夾淡倉動力，以往官媒對「盲盒」炒賣態度較為審慎，若今次創辦人獲邀接受專訪，或表示監管層對公司營運模式有新看法，所以大家對前景比較樂觀，惟具體影響仍需視乎專訪播出後才能得知。 Steven又補充，公司早前推出情人節新系列，市場反應熱烈，二手市場溢價約7倍，由於泡泡瑪特的股價與產品炒賣熱度高度相關，產品大賣對股價有顯著支持作用，所以股價上升需視乎多方面因素。 |
|
| 梁偉源 |
2026-01-09T13:07 |
截至早上11時止，1小時內《彭博》用戶搜尋量最多港股，依次為稀宇科技(MiniMax)(00100)、濰柴動力(02338)、恆生銀行(00011)、長和(00001)及中國石油化工股份(00386)。 今日(9日)有3隻新股首掛，內地「AI六小虎」之一慨MiniMax搶盡風頭，半日收市升幅跑贏另外兩隻新股外，更打入10大成交榜，MiniMax一上市市值就衝上800億元，係咪真係物有所值？點睇咁高慨估值？ 大華繼顯執行董事梁偉源表示，踏入2026年，新股市場氣氛顯著回暖，多隻新股上市都有資金追捧，佢認為，今年市場焦點會繼續落係人工智能(AI)相關板塊，MiniMax就食正呢個熱潮，帶動股價升得咁靚，MiniMax除左有核心AI模型外，集團影片生成技術亦大受年輕人歡迎，有一定增長潛力。 Steven又話，MiniMax招股時已有大型傳統主權基金認購，係昨日(8日)暗盤交易時段，亦見到唔少大型機構性投資者積極吸納，反映市場對MiniMax興趣非常大。 |
|
| 梁偉源 |
2026-01-02T14:54 |
截至早上11時止，過去1小時內《彭博》用戶搜尋量最多港股，依次為壁仞科技(06082)、華虹半導體(01347)、比亞迪股份(01211)、騰訊控股(00700)及中芯國際(00981)。 「國產GPU四小龍」之一壁仞今日(2日)首掛，開市報35.7元，較招股價19.6元，高逾82%，約10分鐘已升至暫時時高位，即42.88元，高逾1.2倍，但其後走勢轉弱。上市後股價會點走？ 大華繼顯執行董事梁偉源指，人氣新股上市初期表現主要睇市場氣氛，以及有冇資金追入，睇返係A股上市2隻「GPU四小龍」，即摩爾線程及沐曦股份，上市首日開高幾倍，壁仞今日高開唔夠1倍，其後股價走勢轉弱，低過今朝開市價，之後才略為喘定。 Steven認為，呢類股份起碼要觀察2個月，首先要睇摩爾線程及沐曦股份下星期會唔會繼續造好，而第4隻「GPU四小龍」燧源科技，計劃係內地科創板上市慨消息，有機會帶動另外「3小龍」股價，其次要睇整個大市氣氛，若晶片及人工智能(AI)相關股仍然係焦點，壁仞股價應該可以守住30至33元水平。 |
|
| 梁偉源 |
2025-12-30T14:57 |
截至早上11時止，過去1小時內《彭博》用戶搜尋量最多港股，依次為英矽智能(03696)、泡泡瑪特(09992)、中國海洋石油(00883)、英諾賽科(02577)及美高梅中國(02282)。 「2025年新股尾班車」今朝(30日)開出，6隻新股齊齊掛牌，表現最好暫時係有人工智能(AI)概念慨藥物開發企業英矽智能(03696)，係咪因為「AI」呢個字令呢隻股份成功跑出？ 大華繼顯執行董事梁偉源指，由於市場上同類公司唔多，令唔少資金覺得呢間公司有獨特性，具投資價值。呢隻股今日高開，股價亦企得穩，加上早前英矽智能同日本企業武田製藥有業務合作，亦會吸引到投資者。 Steven建議，如果係35元水平「冇走到」慨投資者，可以繼續持有，因為開市獲利回套壓力已經過左，事實上，集團未來發展的確有好大憧憬空間，冇貨慨投資者，由於股價係年尾可能會較波動，加上今年只剩返今日及明日半日市，可以等股價落到30元至31元水平，再考慮買入，高追就唔值得。 |
|
| 梁偉源 |
2025-12-19T12:39 |
截至早上11時止，1小時內《彭博》用戶搜尋量最多港股，依次為地平線機器人(09660)、藥明生物(02269)、農夫山泉(09633)、HashKey(03887)及中金公司(03908)。 智能駕駛概念股今日(19日)全線造好，其中，地平線機器人半日升7%，值得留意係，集團今年9月配過股，禁售期將會係下周四(25日)屆滿，「解禁」會唔會對股價帶來壓力？ 大華繼顯執行董事梁偉源認為，配股消息令地平線機器人股價一度跌至7元水平，估計當時有貨慨投資者已經止蝕，因此，預期「解禁」唔會令股價大幅波動。 Steven又話，由於其他智駕及機械人股股價向好，加上明年人工智能(AI)及機械人發展空間仍大，近日亦有新股如「杭州六小龍」係香港上市，呢些消息都利好地平線機器人。 |
|
| 梁偉源 |
2025-12-12T12:35 |
截至早上11時止，1小時內《彭博》用戶關注度上升最多港股，依次為華虹半導體(01347)、中芯國際(00981)、紫金礦業(02899)、老鋪黃金(06181)、小米集團(01810)。 「恆生港股通軟體及半導體指數」即將改名「恆生港股通軟體主題指數」，指數刪除半導體元素，4隻出局股份，即ASMPT(00522)、中芯、華虹及英諾賽科(02577)，股價今日(12日)齊捱沽，呢單消息係咪股價下跌「死因」？ 大華繼顯執行董事梁偉源指，追蹤呢個指數慨資金唔算多，但可能最近大市未有方向，所以趁有呢類消息炒作，出局股份一般會係當日收市前幾分鐘進行，若資金係收市前短炒呢個消息，就會令股份有沽壓。 不過，佢又話，上周係A股上市。 |
|
| 梁偉源 |
2025-12-05T12:44 |
截至早上11時止，1小時內《彭博》搜尋量最多港股，依次為申洲國際(02313)、中國平安(02318)、友邦保險(01299)、小米集團(01810)及中國銀行(03988)。 申洲股價連日急挫，今日(5日)一度挫6%，低見62.55元，花旗指，申洲管理層已下調今年下半年及明年全年定單指引，由高單位數增長下調至中單位數，集團跟Nike及Adiddas係分擔關稅方面仲未傾掂數，因而震散股價？ 大華繼顯執行董事梁偉源指，申洲股價下跌有2個原因，一方面同分擔關稅問題有關，另一個原因係申洲較遲公布下調指引，雖然下調幅度唔大，但市場明顯唔接受。 Steven又話，申洲約72%收入來自中國以外業務，如果同Nike、Adiddas傾唔掂數，股價短線仍會受壓，建議等有結果再重新考慮呢隻股份。 |
|
| 梁偉源 |
2025-11-21T12:40 |
截至早上11時止，過去1小時內《彭博》搜尋量最多港股，依次為領展房產基金(00823)、小米集團(01810)、騰訊控股(00700)、聯想集團(00992)、快手(01024)。 領展昨日(20日)派完成績表後，因為小股東最關心慨可分派總額及派息齊縮水，拖累股價急挫6%，股價今朝(21日)仍未止瀉，中午收市再大跌逾7%，報35.96元。本港零售及餐飲業有好轉跡象，但點解領展仍未走出經營困局？ 大華繼顯執行董事梁偉源指，領展呢份業績反映經營情況惡化，加上債務負擔唔細，令投資者對公司信心減弱，而係呢個環境下，領展仍要收購澳洲商場，難免令投資者質疑呢個決定，主要擔心集團利息開支增加。 佢又認為，相對於海外擴張，領展其實更應該主力做好本港及內地業務，正因為兩地零售、餐飲市場已開始見到曙光。 |
|
| 梁偉源 |
2025-11-18T12:38 |
截至早上11時止，過去1小時內《彭博》搜尋量最多港股，依次為中國宏橋(01378)、聯想集團(00992)、小米集團(01810)、新世界發展(00017)及華虹半導體(01347)。 宏橋昨日(18日)收市後傳來配股消息，集團今朝(18日)出通告，確認以「先舊後新」方式配股，配股價29.2元，較昨日(17日)收市價，折讓近10%，集資逾百億元，值得留意係，跟昨日(17日)市傳慨配股條款比較，配股價相同，但涉及股數由3.2億股，變成4億股。 大華繼顯執行董事梁偉源指，過去1年，宏橋股價不斷向上，加上貴金屬及鋁需求、價格上升，以及市場預期美國息口持續向下，唔少投資者都想趁股價大幅回調時買入宏橋，因此，今次配股股數較預期多。 Steven又指，配售文件未有提及係咪純舊股減持，通告亦冇提及主要股東沽貨，所以呢4億股應該係全部透過「先舊後新」安排去做，反映投資者對宏橋及鋁業務相關公司有較大興趣。 |
|
| 梁偉源 |
2025-11-14T14:53 |
截至早上11時止，1小時內《彭博》用戶搜尋量最多港股，依次為騰訊控股(00700)、碧桂園(02007)、京東健康(06618)、中芯國際(00981)及華潤置地(01109)。 騰訊季績好過預期，獲摩根士丹利及摩根大通等大行上調目標價，但股價今日(14日)反覆向下，到底係受大市氣氛同外圍拖累，還是集團資本開支減少，令市場質疑人工智能(AI)策略係咪有變影響？ 大華繼顯執行董事梁偉源指，雖然騰訊業績好過預期，但撞正美股昨晚大跌，騰訊無可避免要跟大市跌，但跌幅唔算大，始終業績好會對股價有支持，所以仍有唔少大行上調整騰訊目標價。 Steven又指，騰訊遊戲業務及廣告收入都有改善，特別係騰訊善用AI技術刺激廣告收入。至於騰訊減少資本開支，佢認為反而配合到依家慨市場氣氛，因為投資者依家普遍擔心企業會過度投資AI，因此，騰訊採取較審慎慨策略反而更符合市場預期。 |
|
| 梁偉源 |
2025-11-07T13:19 |
截至早上11時止，1小時內《彭博》用戶搜尋量最多的港股，泡泡瑪特(09992)、快手(01024)、恆基地產(00012)、濰柴動力(02338)及協鑫科技(03800)。 泡泡瑪特接連傳出負面消息，包括盲盒印錯字，以及員工直播時失言，引發消費者對盲盒定價過高的猜疑。泡泡瑪特今早(7日)跌5%，一度低見205元，創5個月低位。究竟泡泡瑪特能否守住200元大關？盲盒經濟會否受影響？ 大華繼顯執行董事梁偉源解釋，泡泡瑪特本來已經股價向下，所以負面消息的影響加劇，即使瑣碎也會被市場用作做淡股價。不過Steven相信，第4季產品銷售會繼續有高增長，只要守得住200元大關，未來出新季度業績仍會見到較大的支持力。 |
|
| 梁偉源 |
2025-10-31T13:54 |
截至早上11點，一小時內《彭博》用戶搜尋量最多的港股，依次為比亞迪股份(01211)、三生製藥(01530)、友邦保險(01299)、濰柴動力(02338)、信達生物(01801)。 比亞迪第3季業績差，收入按年跌3%，純利按年跌33%，拖累股份今日(31日)要捱沽，一度跌6%，低見97.5元，不過，大行中信里昂指，比亞迪每架車純利按季回升至6200元人民幣，同期毛利率按季亦回升至17.6%，如何看今次季績？ 大華繼顯執行董事梁偉源指，比亞迪第3季業績好壞參半，反映內地電動車企競爭激烈情況持續。雖然毛利率按季略有改善，但按年比較仍跌4.3個百分點，又指公司已交付的電動車當中，部分仍積存在銷售渠道。 Steven話，即使內地市場氣氛有改善，比亞迪銷售都難以即時有好轉，認為比亞迪要在海外市場取得較好進展，對整體業績先有幫助。 |
|
| 梁偉源 |
2025-10-24T12:51 |
截至早上11時止，1小時內《彭博》用戶搜尋量最多港股，依次為美團(03690)、泡泡瑪特(09992)、平安好醫生(01833)、普拉達(01913)及華虹半導體(01347)。 市傳美團(03690)計劃發點心債，集資最多100億人仔，美團股價今日(24日)一度跌1.6%，低見98.4元，又失守「紅底股」。不過，集資金額其實都唔夠填補1季外賣業務慨虧損，到底發點心債可以幫到美團幾多？ 大華繼顯執行董事梁偉源指，外賣行業競爭持續，意味虧損情況唔會咁快有改善，美團第3季營運數據出爐前，股價都好難造好，雖然美團昨日(23日)錄得大成交量，股價收市企係100元，不過，係基本因素冇積極改善下，估計美團股價會繼續係100元上落，直至營運數據有改善，股價先有望回升，所以發點心債對公司營運幫助唔大。 |
|
| 梁偉源 |
2025-10-21T14:56 |
截至早上11時止，過去1小時內《彭博》搜尋量最多港股，依次為中國人壽(02628)，聚水潭(06687)，泡泡瑪特(09992)，新世界發展(00017)及中國平安(02318)。 自10月開始，外資大行輪流出報告呼籲重新關注內銀及內險股，睇返內險股今個月表現，其中，國壽明顯跑出，暫時累升5%，集團日前發左盈喜，股價應聲向上，業績前仲有幾多上望空間？ 大華繼顯執行董事梁偉源指，恆生指數7月係阿里巴巴(09988)帶動下，出現大突破，期間內險股相對落後，直至今個月初，當大市回落，資金返再重投內險股，由於過去1季A股表現強勢，相信內險投資收益表現理想，吸引資金追入內險股，而過去一至兩個星期，國壽股價係內險板塊中升得最靚慨股份。 Steven續指，由於國壽股價已升左唔少，所以即使稍後出爐慨季績理想，市場反而會趁好消息出貨，因此，佢認為國壽股價短期上升空間有限。 |
|
| 梁偉源 |
2025-10-17T14:31 |
截至早上11時止，1小時內《彭博》用戶關注度上升最多港股，依次為比亞迪股份(01211)、小米集團(01810)、美團(03690)、泡泡瑪特(09992)、比亞迪電子(00285)。 摩根士丹利今日(17日)指，比亞迪股價已自5月高位累跌近30%，主要受業績差過預期及下調指引拖累，不過，比亞迪庫存已消化得七七八八，海外市場份額提升，估計明年海外銷量介乎160萬至180萬部，按年增長68%至89%，依家係咪吸納比亞迪慨好時機？ 大華繼顯執行董事梁偉源指，比亞迪股價近期係100至105元上落，見到有資金支持，只係欠缺利好消息刺激股價。佢又話，內地電動車市場「內捲」情況激烈，車企要減價谷銷售，但比亞迪毛利率仍可維持係高水平，盈利未受太大影響，不過，內地電動車市場開始飽和，所以未來要睇出口銷售表現，但現時海外市場對盈利貢獻仍然唔大，但相信比亞迪可以走出「內捲」困局。 |
|
| 梁偉源 |
2025-10-10T13:07 |
截至早上11時止，過去1小時內《彭博》用戶搜尋量最多港股，依次為中芯國際(00981)、泡泡瑪特(09992)、蜜雪集團(02097)、恆生銀行(00011)及中國人壽(02628)。 早前熱炒慨科技股近期降溫，資金會唔會轉炒消費股？例如泡泡瑪特及老鋪黃金(06181)等股價都調整左唔少，呢兩隻股份值唔值得追入？ 大華繼顯執行董事梁偉源指，近日資金的確明顯從高市盈率(PE)慨晶片股及機械人股，轉投相對落後慨股票，所以今日(10日)新消費股升得靚，尤其泡泡瑪特昨日(9日)開售為萬聖節推出慨「WHY SO SERIOUS」系列，每款由原價159元人仔炒高逾10倍，至2000元人仔以上，帶動股價向上。此外，鐵路基建股普遍錄得8%至10%升幅，反映資金流明顯轉向。 |
|
| 梁偉源 |
2025-10-03T14:44 |
截至早上11時止，1小時內《彭博》用戶搜尋量最多港股，依次為東風集團股份(00489)、比亞迪股份(01211)、快手(01024)、紫金黃金國際(02259)及哈爾濱電氣(01133)。 東風集團昨日(2日)已向聯交所提交旗下嵐圖汽車以介紹形式上市慨申請，嵐圖成立於2021年，定位高端新能源汽車，定價20萬至50萬元人民幣，今年首7個月銷量共6.66萬架，只係等如新勢力零跑汽車(09863)1個月慨銷量，點解交付量會有咁大落差？作為國企，造車係咪會有優勢？ 大華繼顯執行董事梁偉源指，嵐圖市場定位係高端品牌，所以每個月銷量唔會太多，始終係新品牌，首7個月交付量都見唔到好大增長動力。 Steven又話，下半年開始7月至9月整個新能源汽車市場「內捲」情況加劇，個別公司9月同比銷售開始有下跌情況，嵐圖慨經營數據未反映到最新市場競爭情況，就算有利好消息，投資者要留意內地電動車市場「內捲」情況有冇紓緩跡象。 |
|
| 梁偉源 |
2025-09-19T15:10 |
截至早上11時止，1小時內《彭博》搜尋量最多港股，依次為山高控股(00412)、銀河娛樂(00027)、金沙中國(01928)、小米集團(01810)及安踏體育(02020)。 山高股價今日(19日)一度暴瀉63%，低見5.18元，相信同公司被證監會「點名」，指公司股權高度集中有關，2名主要股東已合共持有逾68%股權，而另外20名股東就持有24%，即街貨只有逾7.5%，貨源極度歸邊，股價今日插水咪都預左？點睇山高後市？ 大華繼顯執行董事梁偉源指，股權集中慨股份必須小心，山高今年4月由6元水平起步，一度升至19元水平，由於貨源極度歸邊，即使好少人沽貨，都足以將股價推到好低，股價依家只係打回原形。 佢又話，睇返山高慨股權分布，反映股價好受人為因素影響，當少數人一齊沽貨時，有可能觸發其他人掟貨，亦解釋左今日股價急瀉之餘，點解成交亦比平時多。 |
|
| 梁偉源 |
2025-09-05T13:24 |
截至早上11時止，1小時內《彭博》用戶搜尋量最多港股，依次為協鑫科技(03800)、信義光能(00968)、新鴻基地產(00016)、紫金礦業(02899)及中國生物製藥(01177)。 內地近日發布慨文件提及要破除光伏業「內捲式」競爭，光伏相關股升幅顯著，其中，協鑫科技今日(5日)股價一度勁升12%，高見1.47元。雖然上游產品價格穩定左，但似乎冇乜實質幫助？光伏股後市點睇？ 大華繼顯執行董事梁偉源指，光伏「反內捲」政策已推出3至4個月，但光伏產品價格仍然係低位徘徊，光伏組件合格率由2019年慨100%跌至2024年慨62.9%，數據反映過去幾年光伏產品產能過剩，佢相信，內地會加快政策出台及整頓行業，而龍頭企業會受惠於產業整頓，所以股價今日反應較大。 Steven又話，過去幾個月，政策都對股價有刺激作用，但市場好快已消化左，因為產品價格未能扭轉弱勢，所以股價升勢唔會維持得太耐，佢估計，協鑫科技股價今日大升後，就會慢慢回落，直至有新政策出台及光伏產品價格回升，股價才可以形成上升趨勢。 |
|
| 梁偉源 |
2025-08-29T15:12 |
截至早上11時止，過去1小時內《彭博》搜尋量最多港股，依次為國泰君安國際(01788)，美團(03690)，晶泰控股(02228)，比亞迪股份(01211)及江西銅業股份(00358)。 國泰君安國際宣布推出虛擬資產交易服務，客戶可以即時交易比特幣(Bitcoin)、以太幣(Ether)、雪崩幣(AVAX)等等，專業投資者更加可買美元掛鉤的穩定幣(Stablecoin)及泰達幣(Tether)，消息又掀起一波炒作，國泰君安國際股價今日(29日)一度飆15%，高見6.28元，現價price in曬呢個消息未？後市有冇機會上返6月高位，即7.07元以上水平？ 大華繼顯執行董事梁偉源指，香港及美國與穩定幣有關慨公司係6月炒得好活躍，但成個8月都比較靜，主要係冇乜新進展，國泰君安國際係呢個時候宣布推出虛擬資產交易服務，市場又再興奮及有一些樂觀憧憬。 但佢認為，集團呢項新業務可以帶黎幾多盈利都係未知之數，估計都唔會太大，相信股價今日反應咁大，係由一些炒作資金推動，單純靠呢個消息要上返7元水平會比較難，因為市場早有預期。佢補充，9月底前本港申請穩定幣牌照方面可能有新進展，如果呢方面有新消息刺激，國泰君安國際股價先有機會突破7元關口。 |
|
| 梁偉源 |
2025-08-22T12:54 |
截至早上11時止，1小時內《彭博》用戶搜尋量最多港股，依次為李寧(02331)、中芯國際(00981)、華虹半導體(01347)、快手(01024)及安踏體育(02020)。 李寧昨日(21日)收市後出左中期業績，收入按年增長3%，純利按年跌11%至17.37億人仔，毛利率微跌至50%，存貨周轉期減至61日。摩根士丹利指，李寧業務狀況良好，李寧股價今早(22日)向上，一度迫近20元關口，大升9%，高見19.75元，升上10個月高位，仲突破3月出業績前高位，似乎市場對公司前景樂觀？ 大華繼顯執行董事梁偉源指，李寧過去慨每月銷售數據都唔太理想，所以市場對業績冇太大期望，但最終表現比預期好，就刺激股價大升。 佢又指，但整個體育用品股板塊係恆指早前升穿25000關時，未有跟升，直至約兩周前先有資金追落後，不過，內地對呢類體育用品需求唔大，只能靠政策谷銷量，如果冇政策幫手，公司估值亦唔吸引，估計呢輪升浪過後，股價好難再上。 |
|
| 梁偉源 |
2025-08-15T13:52 |
截至早上11時止，過去1小時內《彭博》用戶搜尋量最多港股，依次為京東健康(06618)、阿里健康(00241)、建設銀行(00939)、耀才證券金融(01428)及吉利汽車(00175)。 耀才股價今早(15日)一度急瀉逾26%，中午收市前跌幅顯著收窄。據《華爾街日報》報道，阿里巴巴(09988)旗下螞蟻集團收購耀才呢單交易惹起內地監管機構關注，收購可能要推遲，主要關注螞蟻係未有金融控股公司牌照下收購耀才，可能會引發更多監管問題。螞蟻之前煞停上市，今次收購又遇阻滯，呢單收購最後會唔會告吹？ 大華繼顯執行董事梁偉源認為，監管機構唔係針對螞蟻，反而係市場反應太激烈，收購消息一出，刺激耀才股價狂飆幾倍，所以引起監管機構關注。至於會唔會禁止呢單收購，Steven相信監管機構只係想令市場情緒降溫，未至於會出手阻止呢單交易。 |
|
| 梁偉源 |
2025-08-08T12:41 |
截至早上11時止，過去1小時內《彭博》用戶搜尋量最多港股，依次為九龍倉置業(01997)、美高梅中國(02282)、永利澳門(01128)、中芯國際(00981)及中國移動(00941)。 九置股價今早(8日)一度重挫13%，低見22.3元，集團上半年租金收入有改善，但主席吳天海預期，本港零售及餐飲業下半年難有突破性發展，並估計下半年續租租金會錄得低單位數跌幅，到底5厘以上慨股息率，可唔可以吸引到投資者？ 大華繼顯執行董事梁偉源指，過往內銀股股息率曾高見約8至9厘，但近期只得約5厘，油股就約7厘，所以九置股息率仍有5厘，對投資者黎講仍有一定吸引力，相信可以令佢地繼續持貨。 基本因素方面，Steven認為，雖然本港第2季零售數據有改善，但幅度輕微，加上近期有唔少餐廳結業，會對集團造成一定影響。高端消費方面，由於高檔品牌近期生意麻麻，所以要留意高檔品牌未來續租情況。 |
|
| 梁偉源 |
2025-08-01T12:30 |
截至早上11時止，過去1小時內《彭博》用戶搜尋量最多港股，依次為中國石油化工股份(00386)、中國石油股份(00857)、美團(03690)、小米集團(01810)、香港電訊(06823)。 中石化發盈警，預告上半年最多少賺逾43%，原因係油價大跌，加上市場競爭及化工市場毛利低，拖累股價今日(1日)捱沽，呢些負面因素下半年會唔會消退？油股屬於高息股，可唔可為股價帶黎支持？ 大華繼顯執行董事梁偉源指，油價今年變動唔大，但受美國總統特朗普(Donald Trump)慨貿易政策影響，第2季比較波動，令煉油成本控制難度大左，令煉油毛利受壓，加上石化產品需求減少，拖累盈利表現。不過，隨著美國貿易政策逐步落實，油價大幅波動慨機會細左，估計中石化經營環境會有改善。 Steven補充，現時油股息率約6厘至7厘，相比內銀股平均5.5厘，油股息口較吸引，加上市場上慨高息股選擇唔算太多，油價又冇明顯下行壓力，相信油股仍有一定吸引力。 |
|
| 梁偉源 |
2025-07-25T12:50 |
截至早上11時止，過去1小時內《彭博》用戶搜尋量最多港股，依次為美圖公司(01357)、藥明生物(02269)、碧桂園(02007)、維立志博(09887)、快手(01024)。 美圖股價今早(25日)低開近1%後，跌幅一度擴大至逾10%，低見10元，大股東蔡文勝於周一(21日)減持400萬股，年初至今累計減持11次，之前一直減持都仲行緊升浪，點解釋今次會跌？依家係咪買入慨好時機？ 大華繼顯執行董事梁偉源指，大股東今次減持股數唔多，之前公司發盈喜後，股價曾升至11.5元水平，睇返公司基本因素，盈利都有改善，可能因為今日大市轉弱，加上傳出大股東減持消息，睇返今日跌幅，相信係短線獲利回套。 Steven又話，美圖業務配合到市場人工智能(AI)發展，跟得非常貼市，公司亦有一定技術水平，所以吸引到更多用戶，係盈利繼續改善下，今次股價調整至10元水平，都係一個可以考慮買入慨時機。 |
|
| 梁偉源 |
2025-07-18T13:07 |
截至早上11時止，1小時內《彭博》用戶搜尋量最多港股，依次為紫金礦業(02899)、英皇國際(00163)、美圖公司(01357)、協鑫科技(03800)及美團(03690)。 紫金冇乜新消息，金價、銅價亦未見起色，但紫金股價今朝(18日)愈升愈有，係表現最強勢藍籌。不過，美國昨晚(17日)公布慨經濟數據唔錯，加上內地最新經濟數據大致好過預期，令金屬價格回穩。睇返資源股，以金屬股表現較搶鏡，加上紫金本周初發盈喜，股價本周暫時累升5%，係金價橫行下，上望空間仲有幾大？ 大華繼顯執行董事梁偉源指，隨著美國關稅逐步落實，金融市場回復平穩，各國央行近期積極買入黃金，令金價有支持，雖然最近金市較淡靜，但好快就到業績期，估計會有資金炒作業績股。 Steven又話，金價大升機會唔大，亦要視乎美國下半年減息步伐，同埋各國央行增持黃金慨態度，加上紫金盈喜消息已反映係股價上，除非金價突破每盎司3400至3500美元，否則，紫金股價上望空間唔多。 |
|
| 梁偉源 |
2025-07-11T12:57 |
截至早上11時止，過去1小時內《彭博》用戶搜尋量最多港股，依次為周大福創建(00659)、中國平安(02318)、友邦保險(01299)、騰訊控股(00700)、龍湖集團(00960)。 平保股價持續強勢，踏入7月，市場預期月底會召開慨中央政治局會議會，市場再炒政策憧憬，不過，平保股價5月至今續受惠於政策支持，加上投資者追捧收息股，期內股價累升近20%，大幅跑贏大市，現水平仲值唔值博？ 大華繼顯執行董事梁偉源指，平保明顯跑贏其他內險股，原因係公司過往持有比較多內房項目，加上昨日(10日)內地有消息指下周會有關於內房政策慨會議，相信平保間接受惠於呢個消息。 Steven指，平保股價可唔可以再上，就要留意下周開會慨消息係咪屬實，如果真有其事，相信會對平保股價有進一步幫助。 |
|
| 梁偉源 |
2025-07-04T14:34 |
截至早上11時止，1小時內《彭博》用戶關注度上升最多全球股票，依次為友邦保險(01299)、阿里健康(00241)、中芯國際(00981)、康方生物(09926)及美團(03690)。 友邦今日(4日)開市前有4宗大手上板，合共涉及268億元，平均每股成交價68元，較昨日(3日)收市價低約6%，友邦股價今日顯著受壓，一度低見68.6元，跌逾5%。市場預期，年底前美國將會減息兩次，連同美國10年期債息向下，可能有利友邦新業務價值及內涵值，投資者應唔應該趁低吸納？ 大華繼顯執行董事梁偉源指，呢批股份涉及3.94億股，佔已發行股本3.7%，友邦到依家都冇出通告，估計呢批股份唔係配新股，亦唔似係現有主要投資者減持，佢提醒，友邦主要由機構投資者持股，可能係機構投資者旗下唔同慨基金進行買賣，所以要上返板。 Steven續指，友邦基本面冇出現改變，加上大市場認為美國下半年會減息，會有利對金融、保險股估值，投資者可以考慮趁股價今日跌到68元至69元小注吸納，博受惠於美國減息。 |
|
| 梁偉源 |
2025-06-30T13:08 |
截至早上11時止，1小時內《彭博》用戶關注度上升最多港股，依次為老鋪黃金(06181)、IFBH(06603)、泡泡瑪特(09992)、中芯國際(00981)、小米集團(01810)。 今日(30日)新消費股表現強勢，老鋪黃金上周六(28日)剛剛上市滿1年，意味上市前投資者慨股份「解禁」，股價今日未受影響之餘，更創新高，中午收市報1019元，大升16%，可能因為解禁壓力冇預期咁大，因為大股東徐家明家族承諾完成配股後，將解禁期延長90日，即8月15日先至「解禁」，雖然其他上市前投資者已經可以沽貨，但大股東延長解禁期，「解禁」壓力會比預期細好多，老鋪黃金現價仲值唔值博？ 大華繼顯執行董事梁偉源指，對持有IPO貨慨投資者黎講，現價有好大沽貨獲利誘因，集團慨黃金業務擴至海外亦做得好好，市場對2024至2025財年收入增長有憧憬，市盈率(PE)有望升至約20倍。 Steven又話，海外業務似乎係公司未來重點發展方向，亦可能成為主要收入來源，所以資金都唔急於沽貨，但股價短時間內升得太急太多，不妨等股價略為回落再入手。 |
|
| 梁偉源 |
2025-06-27T12:56 |
截至早上11時止，1小時內《彭博》用戶搜尋量最多慨港股，依次為小米集團(01810)、紫金礦業(02899)、阿里健康(00214)、中國信達(01359)及百濟神州(06160)。 小米昨晚(26日)舉行發布會，集團首架SUV YU7預售反應熱烈，刺激股價今早(27日)開市即破頂，一度高見61.45元，大升近8%，但之後企唔穩60元關口，YU7基本版定價平過SU7，有好大競爭力，理想汽車(02015)、小鵬汽車(09868)等車股股價今朝都要跌。此外，大行對YU7亦睇得好正面，認為銷售反應好大機會超出市場預期，但暫時未見銷售、毛利率預測等數據，點睇YU7銷售表現？ 大華繼顯執行董事梁偉源指，YU7功能及售價都係主打高性價比，售價成功吸引市場關注，導致其他車股股價今日都要跌，但值得留意係，預訂慨定單之後其實可以取消，所以要等確實銷售數據公布後先可以作準。 佢又指，小米表示，早前預訂SU7慨客人有機會轉買YU7，雖然可能會影響SU7需求，但整體黎講兩款車都好有競爭力，可望係市場中突圍。 |
|
| 梁偉源 |
2025-06-20T12:58 |
截至早上11時止，1小時內《彭博》搜尋量最多港股，依次為泡泡瑪特(POP MART)(09992)、舜宇光學科技(02382)、李寧(02331)、華虹半導體(01347)及新世界發展(00017)。 泡泡瑪特旗下Labubu 3.0系列補貨，最多達500萬個，炒價急瀉最多90%。內地官媒最新評論文章批評盲盒炒風，認為要加強監管。受消息拖累，泡泡瑪特股價繼昨日(19日)收市挫5%後，今日(20日)一度再挫6%，低見233.2元。集團獲納入富時中國50指數，會係今日收市後生效，納入因素可唔可以抵銷官媒評論帶黎慨影響？泡泡瑪特股價後市會點走？ 大華繼顯執行董事梁偉源指，受惠於今年市場氣氛理想，泡泡瑪特股價連番破頂，反映Labubu需求及炒賣情況熾熱。不過，《人民日報》慨評論短期會對股價有較大影響，一旦炒賣風氣開始冷卻，股價會有持續回調壓力。 Steven又話，納入指數只係一次性動作，對股價影響唔大，反而政府近期相關言論，以及買賣盲盒慨監管，對泡泡瑪特慨影響更大。 |
|
| 梁偉源 |
2025-06-13T12:46 |
截至早上11時止，1小時內《彭博》用戶搜尋量最多港股，依次為長和(00001)、中遠海控(01919)、周大福(01929)、地平線機器人(09660)及中國海洋石油(00883)。 以色列空襲伊朗德黑蘭，伊朗革命衛隊總司令薩拉米(Hossein Salami)死於以軍空襲，波及到全球能源航運路線中慨關鍵通道，即波斯灣同阿曼灣，仲有運送全球30%石油慨「運輸咽喉」霍爾木茲海峽(Strait of Hormuz)，高盛曾經出報告警告，霍爾木茲海峽一旦關閉，油價會升20%，可以飆升20美元，油價跟得最貼慨中海油，今次升幅似乎唔明顯？ 大華繼顯執行董事梁偉源指，同受中東局勢影響，但今朝(13日)油價彈升幅度大過金價好多，伊朗係主要石油出口國之一，戰事會影響生產及運油路線，甚至令供應緊張，雖然油價今朝大幅抽升，但中海油股價一向處於高位，冇落後大市好多，因此反映唔到油價波動，反而中遠海控股價就追得貼油價升幅。 |
|
| 梁偉源 |
2025-06-06T13:36 |
截至早上11時止，1小時內《彭博》搜尋量最多港股依次為快手(01024)、友邦保險(01299)、新世界發展(00017)、蜜雪集團(02097)及比亞迪股份(01211)。 快手「可靈AI」上線1周年，用戶月度付費金額連續兩個月錄逾1億人仔，全球用戶規模更突破2200萬，股價今日(6日)一度升逾7%，高見58.6元，「可靈AI」這顆「金蛋」還有多大憧憬？ 大華繼顯執行董事梁偉源指，近月「可靈AI」用戶人數及月度付費增長快，雖然推出已一段時間，但仍可維持增長動力，反映「可靈AI」有很大吸引力。 Steven又指，雖然快手第1季有錢賺，但未有派息，若「可靈AI」未來數月可維持強勢增長，市場就會憧憬「可靈AI」可以實現變現，增加集團資金流，再實現派息，到時將有利快手股價。 |
|
| 梁偉源 |
2025-05-30T15:50 |
截至早上11時止，過去1小時內《彭博》用戶搜尋量最多港股，依次為石藥集團(01093)、比亞迪股份(01211)、新世界發展(00017)、聯想集團(00992)及康師傅控股(00322)。 藥股龍頭石藥昨日(29日)出左業績，雖然收入及純利都差過預期，但股價今日(30日)照升，一度炒高逾12%，高見8.56元，可能同市場一個憧憬有關，石藥指，現時同第三方傾緊3款創新抗體偶聯(ADC)藥物慨授權協議，涉及50億美元收入，呢個憧憬係咪好大？ 大華繼顯執行董事梁偉源指，過去幾年，內地藥業係政府集中採購及醫保價格影響下，令藥價大跌逾70%至80%，雖然中標後產量回升，但都無可避免打擊藥企收入，令藥廠經營十分困難。 Steven又指，3款創新ADC藥物授權帶黎50億美元收入，呢個的確係一個重大利好消息，石藥一直主力發展創新藥，佢估計，今次磋商慨授權協議好大機會成事，令市場睇好公司前景，但值得留意係，授權費要分階段收取，所以短期唔會帶黎盈利貢獻。 |
|
| 梁偉源 |
2025-05-23T12:52 |
截至早上11時止，過去1小時內《彭博》用戶搜尋量最多港股，依次為巨子生物(02367)、新世界發展(00017)、比亞迪股份(01211)、小米集團(01810)、碧桂園(02007)。 內地醫美及護膚品股巨子生物股價，係5月下旬創新高，其中1個原因係「可復美」產品係淘天、京東集團(09618)「618購物節」預售表現理想，最新有消息指，平安好醫生(01833)同高和醫藥就「可復美」產品達成戰略合作，但股份今日(23日)逆市跌4%，下試50天線，短線應該睇咩位？ 大華繼顯執行董事梁偉源指，巨子生物本身冇乜負面消息，所以估計今日(23日)下跌唔關基本因素事，集團4月17日配股後，股價沿著10天及20天線一直上升，近期曾升穿87元，高配股價逾30%，股價今日向下可能係試50天線支持，如果公司冇負面消息，投資者唔使太擔心，因為集團產品銷售一直理想，今日下跌可能同技術性沽盤有關，導致成交大增，佢估計，巨子生物要守住50天線唔難。 |
|
| 梁偉源 |
2025-05-19T14:38 |
截至早上11時止，1小時內《彭博》搜尋量最多港股，依次為新世界發展(00017)、小米集團(01810)、美團(03690)、比亞迪股份(01211)、新鴻基地產(00016)。 新世界一直受債務問題困擾，同系周大福創建(00659)更臨時取消發行8億元熊貓債，截至去年底止，公司負債比率39%，負債總額346億元，財務狀況都幾緊張，點睇公司前景？ 大華繼顯執行董事梁偉源指，依家集團最迫切係處理永續債問題，資金都會優先撥去贖債，而投資者對集團及系內公司發行慨債券普遍興趣唔大，加上財務狀況持續緊張，又擱置發熊貓債，估計未來融資都比較困難。 Steven又話，不論新世界或周大福創建，依家都好難吸引投資者再買入佢地新發行慨債券，而集團短期慨新安排仍然係未知之數，可能要用更優質資產做抵押，先有機會集到資。 |
|
| 梁偉源 |
2025-05-16T13:05 |
截至早上11時止，1小時內《彭博》搜尋量最多港股，依次為新世界發展(00017)、騰訊控股(00700)、比亞迪股份(01211)、ESR(01821)及小米集團(01810)。 比亞迪股價繼續創新高，今日(16日)一度再升近3%，高見432.8元。市傳比亞迪斥資22億元係匈牙利設立歐洲總部，之前市場憧憬中歐汽車市場有合作，車股已炒過一浸，依家龍頭比亞迪有實際行動，係咪可以再炒多轉？ 大華繼顯執行董事梁偉源指，比亞迪旗下電動車係內地銷售佔比大，但內地正面對電動車飽和問題，開拓其他市場就變得非常關鍵，若比亞迪順利係匈牙利設廠，歐洲市場將會係比亞迪未來增長重點，較主攻內地市場慨車企有利。Steven又話，比亞迪股價連升幾日，估計短期會有回套壓力。 |
|
| 梁偉源 |
2025-05-09T14:00 |
截至早上11時止，1小時內《彭博》用戶搜尋量最多港股，依次為恆基地產(00012)、中芯國際(00981)、華虹半導體(01347)、新鴻基地產(00016)及泡泡瑪特(09992)。 本港銀行同業拆息(HIBOR)跌勢未止，其中，跟樓按相關的1個月拆息跌穿2厘，加上新盤熱賣，刺激恆地及新地股價一度升7%及3%，高見24.25元及78.7元。新世界發展(00017)等今個月會有大型新盤推售，係咪會為本地地產股炒作火上加油？邊隻會跑出？ 大華繼顯執行董事梁偉源指，地產商手上慨新盤唔少，所以一旦市況好轉，地產商都唔介意用一個較保守慨價錢去貨，不論恆地或新地，最近推出慨新樓呎價都唔算貴，其中，SIERRA SEA折實呎價約1萬元，對買家有一定吸引力。 Steven又話，值得留意係，睇返本地地產股慨財務狀況，新地負債比率較低及較安全，但恆地就比較高，不過，兩者都會受惠於拆息下跌，令公司利息開支減少。此外，新世界負債比率高，就算HIBOR回落，對佢慨幫助都唔大，未來要積極減持資產，減少負債。 |
|
| 梁偉源 |
2025-05-02T13:13 |
截至早上11時止，過去1小時內《彭博》用戶搜尋量最多港股，依次為中遠海控(01919)、小米集團(01810)、冠君產業信託(02778)、泡泡瑪特(09992)、紫金礦業(02899)。 自4月以黎，由中國駛往美國的貨櫃集裝箱數量大跌，運費亦持續向下，嚴重打擊航運股，但近日市場憧憬中美將會展開談判，航運股中遠海控股價今早(2日)高開1%後，升幅一度擴大至逾7%，高見12.62元，後市會點走？ 大華繼顯執行董事梁偉源指，即使未知係邊個做主導或要傾幾耐，但拖左1個月談判終於現曙光，已經係一個好好慨訊號，令市場氣氛變得樂觀。佢又認為，可以直接受惠一定係航運及港口設施相關股份，所以中遠海控今日升得多，仲創埋1個月新高。 不過，Steven提醒，因為依家未知中美幾時展開談判，佢又相信，短期內都唔可能傾掂數，認為雙方都會反覆拖慢進度，因此，佢認為中遠海控今日補返下跌裂口後，未必可以繼續升上去。 |
|
| 梁偉源 |
2025-04-25T14:39 |
截至早上11時止，1小時內《彭博》用戶關注度上升最多慨港股，依次為新世界發展(00017)、地平線機器人(09660)、龍湖集團(00960)、金沙中國(01928)及泡泡瑪特(POPMART)(09992)。 金沙昨日(24日)派左季度成績表，表現差過預期，多家大行都唔收貨，但股價今日(25日)又有得升，一度升逾5%，高見14.34元，係咪開始炒「五一」行情？ 大華繼顯執行董事梁偉源指，「五一黃金周」長假期會吸引好多內地觀光客去澳門玩，但依家澳門觀光模式已經唔同左，就算酒店入住率高、旅客人數增加，對賭業盈利都幫助唔大。 Steven又話，金沙母公司拉斯維加斯金沙(LVS)有意繼續回購金沙股份，目標係增持至74.9%，呢個消息反而對金沙股價有支持作用。 |
|
| 梁偉源 |
2025-04-11T14:41 |
截至早上11點，過去1小時內《彭博》用戶搜尋量最多港股，依次為華虹半導體(01347)、H&H國際控股(01112)、紫金礦業(02899)、碧桂園(02007)及普拉達(01913)。 國產晶片股華虹半導體今早(11日)高開近1%，午前發力曾抽升19%至36元，中午收市報35.95元，收復自「黑色星期一」以來的失地。在關稅戰下，「芯片自強」的概念能炒作多久？ 大華繼顯執行董事梁偉源指，美國總統特朗普(Donald Trump)的政策變化太快，雖然目前關稅問題未涉及芯片，但不排除未來會將關稅延伸到芯片相關業務。 Steven續指，在關稅戰下，市場憧憬國內會有圍繞消費及科創的刺激政策，如果中央持續推動科創，芯片必定會有較大政策支持。 他補充，由於華虹市值偏低，較為容易炒作，所以股價波動性較大，而中芯國際(00981)風險則會較低。 |
|