| 評論員 |
時間 |
內容 |
標籤 |
| 黃敏碩 |
2026-04-17T17:40 |
地緣政局持續緊張，市場十分關注航運業表現，其中，太平洋航運(02343)昨日(16日)出左首季營運數據，隨即獲大行上調目標價，太航股價今日(17日)逆市造好，一度飆逾8%，高見3.18元。 睇返第1季數據，小靈便型船日均收入按年增長10.8%，較基準運費大升76%，超靈便型船日均收入按年升14.4%，較基準運費飆1.1倍，不過，大行認為，小靈便型船好較好，而公司昨日宣布取消去年底訂立的超大靈便型新船定單，改為買多兩艘小靈便型船，小靈便型船前景係咪真係好些？ 王道資本及家族資產管理執行董事黃敏碩認為，主要係小靈便型船靈活性更大，而相對大型船，小靈便型船彈性亦更高，去其他海峽或穿州過省都會更方便。 Michael坦言，係大行慨角度，係會考慮得更深入，雖然兩類船收入差唔多，但船隻大小都會影響成本消耗量，轉用小靈便型船就可以降低成本，Michael認為，太航今次調整定單一定對公司營運有幫助。 |
|
| 黃敏碩 |
2026-04-16T12:45 |
截至早上11時止，1小時內《彭博》搜尋量最多港股，依次為壁仞科技(06082)、思格新能(06656)、比亞迪股份(01211)、創科實業(00669)及泡泡瑪特(09992)。 半新股壁仞係港股「GPU第一股」，股價今日(16日)一度狂飆23%，高見47.66元，但唔計今個月，壁仞股價上市後表現其實唔係特別好，點解今個月突然發力？ 王道資本及家族資產管理執行董事黃敏碩指，近期唔同板塊輪流炒，之前有大模型或相關股份大升，壁仞去年業績表現一般，因為虧損問題一度拖低股價，集團推出新晶片，係算力上有幫助，有助擴大領先大模型市佔率。 Michael又話，壁仞係布局上，不論係心工智能代理(AI Agent)，或生成式人工智能(Gen AI)，都做到一個垂直領域，首先係晶片，然後發展到系統及場景，係公司慨優勝之處，趁智譜(02513)、Minimax(00100)要抖一抖氣時，呢類股份就借勢炒高左。 |
|
| 黃敏碩 |
2026-04-09T10:23 |
王道資本及家族資產管理執行董事黃敏碩推介中國龍工(03339) 推介原因： -去年盈利升28%，綜合毛利率上升1.81個百分點 -持續開發新產品，高附加值新產品成為盈利增長主力 -預測市盈率(PE)約9倍，相對同業吸引，派息政策穩定。 |
|
| 黃敏碩 |
2026-03-24T10:02 |
王道資本及家族資產管理執行董事黃敏碩推介香港電訊(06823) 推介原因： -去年撇除利息、稅項、折舊及攤銷前盈利(EBITDA)增長受惠人工智能應用帶來效率及生產力提升，應用人工智能(AI)技術驅動工作流程 -使用AI代理在大型活動執行網絡效能維護，提升生產力，減省營運成本 -派息逐年增加，股息率6.8厘。 |
|
| 黃敏碩 |
2026-03-20T17:27 |
李寧(02331)昨晚(19日)派左去年派成績，全年收入按年增長3%，盈利倒退2.5%，但仍好過預期，不過，睇返依家慨經濟及消費環境，增長係咪可持續？ 王道資本及家族資產管理執行董事黃敏碩指，相對於同業如安踏體育(02020)的多品牌發展及「出海」策略，李寧業務定位彈性較細，加上現時內地慨內需仍然疲弱，短期而言，佢對李寧前景會持觀望態度。 雖然李寧預期，今年收入及淨利潤率會錄得高單位數增長，不過，但係依家慨體育用品市場中，李寧慨品牌效應唔足以做「領頭羊」，可能都要靠整個行業好轉，再帶動公司銷售。 另一方面，由於中高價位市場競爭好大，要靠折扣、性價比等吸引客戶，呢方面都會對李寧毛利造成一定壓力。 Michael又指，李寧估值唔算吸引，加上內需股現時唔係市場慨熱門投資主題，事實上，體育用品股熱度已經冷卻，因此，如果做中長線部署，唔建議吸納李寧。 |
|
| 黃敏碩 |
2026-03-19T16:14 |
瑞聲科技(02018)今日中午(19日)出左業績，去年收入318億人仔，按年增長16%，純利就按年增長約40%至約25億人仔，派末期息35仙，按年大增46%，毛利率及派息比率等大致同之前差唔多。睇返公司5大業務，其中，電磁傳動及精密結構件收入持續快速增長，按年增長25.5%，成為公司最大業務。瑞聲股價午後大幅抽高，一度高見34.74元，大升近4%，其後升幅收窄。瑞聲前景係咪可以繼續值得憧憬？ 王道資本及家族資產管理執行董事黃敏碩認為，雖然見到部分業務數據強勁，但都要留意電磁傳動及精密結構件慨應範圍未來可唔可以擴大。佢又話，公司慨聲學及光學產品都面對「內捲」，以及整個生產鏈成本高企慨問題，所以市場都唔敢過分睇好端聲前景。 他又指，雖然瑞聲業務出現突破，例如元器件供應商發展成為人工智能(AI)感知基礎設施建構者，但未必有條件可以咁快同市場接軌，所以較難因為呢個因素谷高估值。 Michael又話，市場焦點始終都落係AI，如果業務唔加入AI元素，有機會出現生存唔到慨問題，不過，即使瑞聲加入AI應用，某程度上都只為左提升公司效率，因此，佢對於借AI全面推動業務，甚或提升公司認受性慨睇法有保留。 |
|
| 黃敏碩 |
2026-03-10T10:13 |
王道資本及家族資產管理執行董事黃敏碩推介中集集團(02039) 推介原因： -業務受惠能源結構需求，研發的超低溫儲罐材料和核心液貨系統，打破日本企業長期壟斷 -製造成本低於進口裝備，於全球儲氣需求爆發時，以更高性價比搶佔市場份額 -油氣公司加大海上勘探。 |
|
| 黃敏碩 |
2026-03-06T16:42 |
騰訊控股(00700)將會係3月18日派去年成績表，股價過去約1個月持續向下，一度跌至500元邊緣，股價冇乜催化劑之餘，近日更傳出一個負面消息，就係美國傾緊係咪比騰訊保留遊戲投資，甚至有可能要求騰訊強制剝離當地業務，呢些負面因素消化曬未，即將出爐慨業績可唔可以吸引返資金？ 王道資本及家族資產管理執行董事黃敏碩指，騰訊以往比人慨印象沉穩，但係依家咁多不明朗因素下，投資者宜忍一忍手。Michael續指，由於騰訊係是重磅股，如果有新催化劑及利好消息，有機會大幅推高股價，但呢個同基本面冇關，而係功能性地借勢夾高，佢建議投資者可以睇定些先，始終單睇騰訊基本面，吸引力的確唔大。 |
|
| 黃敏碩 |
2026-02-24T10:39 |
王道資本及家族資產管理執行董事黃敏碩推介中遠海能(01138) 推介原因： -商品及航運等周期性行業前景改善 -美伊局勢令油價保持高位 建議買入價：17. |
|
| 黃敏碩 |
2026-02-20T17:11 |
速騰聚創(02498)發盈喜，主要受惠於激光雷達產品銷售持續增長，呢個核心產品業務主要應用係輔助駕駛(ADAS)、機械人及其他產品，到底係邊方面推動整體激光雷達產品收入增長？ 王道資本及家族資產管理執行董事黃敏碩指，相信係由汽車方面推動，公司之前公布慨定單主要係針對無人駕駛，加上公司會定時供應激光雷達產品畀小鵬汽車(09896)、吉利汽車(00175)等車企，變相激光雷達產品會有穩定慨收入，值得留意係，無人駕駛項目未來會擴展至海外，相信激光雷達產品會繼續有唔錯慨銷售增長。 |
|
| 黃敏碩 |
2026-02-10T09:30 |
王道資本及家族資產管理執行董事黃敏碩推介中國建築國際(03311) 推介原因： -市場預期今明兩年淨利潤增長目標加快 -近年經營現金流由負轉正，溢利及派息料持續增長 -預測股息率6.6厘，預測市盈率(PE)4.8倍，低於過去10年平均值。 |
|
| 黃敏碩 |
2026-02-06T17:20 |
農曆新年好快就到，阿里巴巴(09988)旗下千問App「春節30億大免單」活動今日(6日)正式上線，首輪活動送奶茶，包括內地各大主要茶飲品牌，古茗(01364)、奈雪的茶(2150)等，千問App短短3個鐘內落單量已逾100萬，農曆新年快到，加上有平台活動助攻，茶飲股今轉可唔可以炒耐些？ 王道資本及家族資產管理執行董事黃敏碩認為未必，始終呢個係新消息，長遠要睇定位、營運數字及今年整體發展，今日消息公布後，只有古茗破頂，其他茶飲股都冇跟升，甚至冇乜反應。 Michael指，古茗今年會再開3300間門店，會擴展至一線城市，集團營運有改善，消費者對產品有信心，同埋店舖增加，係呢個乘數效應下，市場對古茗反應會較正面，加上有節日氣氛推動，就炒起股價。Michael建議投資者春節前食糊，因為到時節日效應已到水尾。 |
|
| 黃敏碩 |
2026-01-27T10:35 |
王道資本及家族資產管理執行董事黃敏碩推介信義能源(03868) 推介原因： -內地經營太陽能發電場，並向國家電網附屬企業銷售電力 -截至去年九月底全國累計發電裝機容量按年升17.5%。 |
|
| 黃敏碩 |
2026-01-23T18:20 |
特步國際(01368)今日(23日)中午公布去年第4季營運數據，主品牌零售銷售上季按年持平，表現差過前3季，股價今日一度低見5.06元，要下試5元支持位，後市應如何看待？ 王道資本及家族資產管理執行董事黃敏碩指，特步今次成績表數據較弱，相信市場的失望情緒已在股價上浮現，雖然特步在跑步領域定位清晰，品牌管理亦不俗，但近期整體體育用品板塊表現都比較弱，特步今次公布的銷售趨勢雖有放緩，但沒有出現大幅倒退，投資者可以多觀察未來兩季的增長空間。 Michael補充，雖然第4季旺季銷售未如理想，但比起同業，特步本身估值不算太高，所以因為銷售動力放慢而令到股價有所調整都屬合理，而且特步在板塊之中算有較高的派息比率，相信高息優勢可以支持股價。 |
|
| 黃敏碩 |
2026-01-16T16:50 |
內地官媒上日(15日)收市後報道，國家電網於「十五五」期間將大舉投資40000億元人民幣，用於推動能源綠色低碳轉型、建設新型電力系統、深化科技創新等。消息一出，相關概念股表現強勢，濰柴動力(02338)股價今日(16日)再創52周高位，威勝控股(03393)亦見突破，呢類股份前景如何？ 王道資本及家族資產管理執行董事黃敏碩認為，濰柴動力表現相對紮實，公司具備穩定的訂單項目，本身基建業務亦相對穩定，而且股價在去年底已經打穩個底，基本面較好。Michael亦表示，投資者可留意業務性質接近的三一國際(00631)，有望受政策推動而帶動新業務增長。 至於威勝控股，Michael認為，雖然公司業務定位清晰，但屬於產業鏈後期，需待國策計劃落實後才能帶動設備需求，雖然今日股價一度大升逾8%，但相信估值波動較大，短線急升後或會轉為橫行，投資者需要謹慎部署。 |
|
| 黃敏碩 |
2026-01-13T10:10 |
王道資本及家族資產管理執行董事黃敏碩推介易鑫集團(02858) 推介原因： -中央過去2年不停推出刺激汽車消費政策，旨在推動汽車「以舊換新」補貼政策 -近年集團積極透過人工智能(AI)驅動增長。 |
|
| 黃敏碩 |
2026-01-02T17:47 |
網易(09999)旗下遊戲《燕雲十六聲》周年版本上周六(2025年12月27日)上線，玩家反應唔錯，帶挈網易股價技術上出現突破，後市有冇機會挑戰去年9月高位，即240元樓上？雖然《燕雲十六聲》中國版已上線1年，熱度可能會稍為減退，但加左新玩法及內容後，會唔會變成新增長引擎？ 王道資本及家族資產管理執行董事黃敏碩指，要挑戰去年9月高位要睇有冇新資金流入，例如有冇多些北水，雖然技術走勢有突破，但成交唔算多，若睇好股價向上，短期可以先睇240元呢個阻力。 Michael又話，依家《燕雲十六聲》好受歡迎，玩家忠誠度又高，未來要留意遊戲更新情況。此外，網易旗下《第五人格》、《率土之濱》都有新模式及聯動，相對於騰訊控股(00700)，市場認為網易更主力做遊戲業務，而兩家公司旗下遊戲熱度及吸引力其實都唔同，對網易黎講算係一個正面因素。 |
|
| 黃敏碩 |
2025-12-30T10:24 |
王道資本及家族資產管理執行董事黃敏碩推介古茗(01364) 推介原因： -從事經營現製茶飲店。 |
|
| 黃敏碩 |
2025-12-19T16:44 |
敏華控股(01999)宣布收購美國沙發公司，包括旗下Southern Motion及Fusion Furniture，消息一出，集團股價一度勁彈12%，高見4.94元，係咪反映市場對呢單Deal好受落？ 王道資本及家族資產管理執行董事黃敏碩指，敏華股反應正面，原因係透過今次收購，係當地建廠房，可以減低或避開貿易戰帶黎慨不明朗因素，對集團海外市場布局而言，呢單收購係利多於弊。 Michael又話，今次收購重點唔係改善資產質素，最重要係幫到公司分散業務，而推動未來收入就要靠敏華現有客戶配合，再進一步合理化市銷率(PS)，佢又估計，敏華股價短線有機會再彈高，但要留意呢隻股份比較Chok。 |
|
| 黃敏碩 |
2025-12-16T09:57 |
王道資本及家族資產管理執行董事黃敏碩推介金風科技(02208) 推介原因： -首三季收入按年增34%，盈利增44%，第三季毛利率按季改善 -風電行業第三季經營性淨現金流持續改善，第四季為需求旺季，料價格維持穩健 -盈利處於復甦周期。 |
|
| 黃敏碩 |
2025-12-05T17:02 |
金監總局下調險企股票投資風險因子，刺激內險股今日(5日)大升，其中，獲摩根士丹利唱好慨中國平安(02318)今日(5日)一度大升6.7%，高見60.45元，有份支撐大市。平保進行內部改革後，前景係咪轉趨樂觀？ 王道資本及家族資產管理執行董事黃敏碩指，平保由長期落後追返上黎，雖然仍未跑嬴其他個股，但總算收復今年失地。佢又指，平保依家多左其他新業務機會，收入貢獻有望增加，繼而提升股本回報率，所以平保前景算正面。 Michael又話，雖然平保業績之前受市場拖累，但依家做埋資產管理，當股市向好就可以受惠，而槓桿效應更可以令業績錦上添花。佢相信，由於市場睇好資產管理業務可擴闊業務範疇，而集團分散投資組合，走向多元發展，競爭力自然較同業大。 |
|
| 黃敏碩 |
2025-12-02T10:04 |
王道資本及家族資產管理執行董事黃敏碩推介天岳先進(02631) 推介原因： -從事研發及製銷碳化硅襯底，被廣泛應用於電動汽車、光伏及儲能系統、智能手機等下游產品 -已與多名全球前十大功率半導體器件製造商，建立業務合作關係 -持續提升核心產品產能和產量。 |
|
| 黃敏碩 |
2025-11-18T10:09 |
王道資本及家族資產管理執行董事黃敏碩推介滔搏(06110) 推介原因： -透過抖音、小紅書、微信視頻號等推動電商，彌補線下客流量下降影響 -中期業績勝市場預期，下半財年有望復甦，全年淨利潤率料改善 -持有現金及現金等價物足夠派息所用。 |
|
| 黃敏碩 |
2025-11-07T16:56 |
太古地產(01972)在香港的三個商場，包括太古廣場商場、太古城中心及東薈城名店倉等，出租率都維持100%。至於內地商場方面，最少也有95%出租率，而且全部商場首3季零售銷售額按年都有增長。為何太古地產的業務抗跌力比同業強？北上消費對它旗下香港的商場似乎沒有太大影響? 王道資本及家族資產管理執行董事黃敏碩指，太古擅長把握中高端定位，進行品牌聯乘，打造屬於自己的商場風格，例如上海興業太古匯的LV遊輪概念旗艦店，令太古旗下的商場能在同業中脫穎而出，維持高出租率和銷售額增長。 |
|
| 黃敏碩 |
2025-10-24T17:20 |
海豐國際(01308)今日(24日)中午派左成績表，首3季收入約24億美元，按年增長17%，集裝箱貨運量增約8%，平均運費每標準箱754.9美元，增約9%，呢份業績慨數據都錄得增長，其中，首3季收入更錄得雙位數增長，不過，海豐股價今日(24日)由頭跌到尾，係咪市場唔收貨？ 王道資本及家族資產管理執行董事黃敏碩解釋，海豐業績好但未有反映係股價上，因為海豐股價9月已見左高位，加上貿易旺季已過，所以股價回落係正常。 Michae又話，油價高企主要受政治因素推升，令集團運輸成本增加，加大股價調整幅度。 |
|
| 黃敏碩 |
2025-10-21T10:10 |
王道資本及家族資產管理執行董事黃敏碩推介光大環境(00257) 推介原因： -上半年純利下跌10%，主要受建造服務收入下降及匯兌等非現金因素影響 -推動落實多項降本增效措施。 |
|
| 黃敏碩 |
2025-10-10T17:16 |
開發服務型機械人慨「18C」特專科技公司，公開招股將會係下周一(13日)截飛慨雲跡科技(02670)，採用機制A發行，全球發售690萬股，當中5%係香港公開發售，招股價95.6元，入場費4828元，集資約6.6億元，未入飛慨散戶，值唔值得「最後衝刺」？點睇公司發展潛力？ 王道資本及家族資產管理執行董事黃敏碩指，今次唔可以好似之前咁盲抽，按回撥機制街貨好少，亦要留意呢類機械人概念股，到底幾時先有錢賺，策略、部署兩方面配合係好重要。 Michael又話，除左公司基本面，更多投資者會留意公司慨科技含量，係內地「內捲」下，以輔助配合型機械人為主慨門檻低，加上公司毛利率趨勢唔穩定，要留意提價能力對未來推動空間幫助有幾大。 |
|
| 黃敏碩 |
2025-10-08T10:56 |
王道資本及家族資產管理執行董事黃敏碩推介極智嘉(02590) 推介原因： -連續6年穩居全球自主式移動機械人(AMR)倉儲機械人市場首位 -上半年經調整利息、稅務、折舊及攤銷前盈利(EBITDA)首次轉正 -技術版圖延伸至機械臂智能應用，業務增長有想像空間 -擁有1867項專利，涉及機械人感知。 |
|
| 黃敏碩 |
2025-09-26T17:25 |
比亞迪股份(01211)第2代秦PLUS上市，售價6.98萬人仔起，集團又宣布多個版本車型推出10月限時優惠活動，部分車型減價1萬人仔，新車開賣已經要減價，似乎唔係好事？ 王道資本及家族資產管理執行董事黃敏碩指，減價促銷絕對唔係市場樂見慨事，但踏入第4季，唔止比亞迪，其他車企都要「追數」，增加銷量不外乎推出新產品或降價清貨，現時比亞迪距離要完成全年銷量目標，即460萬部仍有一段距離，除左行業競爭，缺乏亮點都令集團銷售表現一般，加上近期公布慨業績表現參差，好難挽回市場信心，股價自然向下。 Michael相信，減價戰係無可避免，因為車企要推高股價，一係鬥銷量，一係鬥技術，例如自動駕駛、續航力、儲電等，或者能否係海外市場發展。 |
|
| 黃敏碩 |
2025-09-23T10:42 |
王道資本及家族資產管理執行董事黃敏碩推介贛鋒鋰業(01772) 推介原因： - 碳酸鋰價格觸底反彈，新能源車穩健成長下，需求仍在增長 - 旗下儲能電芯實現規模化量產，與多家行業頭部企業，建立長期供應，能保障對客戶穩定支付 - 擁有固態電池上下游一體化布局，具商業化能力。 |
|
| 黃敏碩 |
2025-09-12T16:33 |
據《紐約時報》報道，美國總統特朗普(Donald Trump)擬出「辣招」限制中國創新藥進入當地市場，消息一出，醫藥股昨日(11日)幾乎集體被洗倉，不過，唯獨榮昌生物(09995)成功「逃生」，更大升10%，今朝(12日)開始早段仲破緊3年高位，點解呢隻藥股冇受美國擬出招慨消息影響？ 王道資本及家族資產管理執行董事黃敏碩指，榮昌手上有幾個新項目好快落地，加上公司唔少產品研發已進入尾聲，市場對公司仍有好大憧憬，所以抗跌力較其他藥股強好多。佢又指，依家榮昌慨收入全數來自中國，業務表現唔錯之餘，虧損亦有所收窄。 |
|
| 黃敏碩 |
2025-09-09T10:24 |
王道資本及家族資產管理執行董事黃敏碩推介恆瑞醫藥(01276) 推介原因： -研發管線持續擴張。 |
|
| 黃敏碩 |
2025-08-29T17:58 |
澳博控股(00880)昨日(28日)出左業績，上半年虧損擴大，澳博股價今日(29日)重挫，一度瀉逾14%，低見2.85元。此外，摩根大通指，澳博上季市佔率跌至12.3%。到底澳博股價幾時先可以升返上去？市佔率下滑問又點解決？ 王道資本及家族資產管理執行董事黃敏碩指，依家澳博業績較差，加上投資者亦有唔少其他選擇，例如金沙中國(01928)，相對澳博，金沙業務有明顯改善及推動力，相信資金暫時都唔會揀澳博，相信要等澳博經營有起色，然後再評估估值及盈利前景，認為有利可圖先會再考慮澳博。 Michael直言，澳博股價跌左落黎，要收復失地唔係咁易，所以依家唔係一個撈底博反彈慨時機。 |
|
| 黃敏碩 |
2025-08-26T10:35 |
王道資本及家族資產管理執行董事黃敏碩推介GX中國機智(02807) 推介原因： -A股中期展望向好，看好高啤打(Beta)股，包括電子及半導體等 -最大持股科大訊飛佔7.2%比重 -追蹤FactSet中國機械人與人工智能(AI)指數。 |
|
| 黃敏碩 |
2025-08-15T16:16 |
3大中資電訊股中國移動(00941)、中國電信(00728)、中國聯通(00762)先後派左成績表，3家公司上半年盈利增長僅約5%，收入方面，中移動更按年跌0.5%，集團表現跑輸同業有咩啟示？如果想買黎收息，中移動係咪最佳選擇？ 王道資本及家族資產管理執行董事黃敏碩指，中移動業務基數較大，雖然收入增長輕微下跌，但經調整除利息、稅項、折舊及攤銷前盈利(EBIDA)仍有2%增長，表現其實唔差。 佢又話，如果論派息，中移動有絕對優勢，集團現金流相對強勁，加上息率高及穩定，如果作為中線投資，投資者想穩中求進，中移動不失係一個好選擇。 |
|
| 黃敏碩 |
2025-08-12T10:09 |
王道資本及家族資產管理執行董事黃敏碩推介順豐同城(09699) 推介原因： - 為內地即時同城配送服務平台，去年配送服務訂單量增超過30%，純利增1.6倍 - 通過深度優化人工智能(AI)調度系統降低成本，有效提升整體營運效率。 |
|
| 黃敏碩 |
2025-08-01T16:46 |
理想汽車(02015)股價3連跌，累跌約15%，集團近日發布新車「理想i8」，最終定價較預售價平好多，新車安全測試片段更惹黎網上熱烈討論，話題多多之餘，市場反應亦傾向負面，會唔會對集團全年交付目標帶黎壓力？ 王道資本及家族資產管理執行董事黃敏碩指，市場對理想慨宣傳攻勢反應麻麻，係市場持觀望態度下，有機會進一步影響新車銷情，加上車企業績參差，似乎行業下半年都係要面對「紅海競爭」，除非好似比亞迪股份(01211)等大型車企，可以做技術升級或拓展海外市場，否則，主力做車慨公司仍要面對「內捲」問題，所以對理想股價及業績前景保持審慎。 Michael又話，如果負面因素持續發酵，股價下行壓力大，要留意公司有冇新突破，或有冇措施令市場重拾信心。 全年交付量方面，現階段預測下半年數字屬言之尚早，未來可以繼續關注第3季交付增長情況，若9月仍未達標，相信第4季都唔容易追到全年目標。 |
|
| 黃敏碩 |
2025-07-29T10:11 |
王道資本及家族資產管理執行董事黃敏碩推介保利物業(06049) 推介原因： -行業已從規模擴張導向轉為服務品質導向，未來亦借助人工智能(AI)提升效率 -重點50城新拓展第3方項目 -第3方項目在管面積5.3億平方米，佔總在管面積65% -5大核心業態的新拓展單年合同金額，佔比升至約76%。 |
|
| 黃敏碩 |
2025-07-18T16:40 |
周黑鴨(01458)今日(18日)發盈喜，刺激股價一度抽升逾18%，高見2.82元，公司提及，受惠於優化店舖及原材料成本下降，上半年多賺最多近95%，點樣周黑鴨呢個盈喜？股價仲有冇上升動力？ 王道資本及家族資產管理執行董事黃敏碩指，今次盈喜係公司控制成本得來慨成果，同產品創新冇關，業務仍流於傳統模式，不過，市場最關心始終都係毛利率，未來仲有冇上升空間，就要靠自身業務推動，呢個仍要觀望。 Michael又話，係新消費熱潮中，周黑鴨相比茶飲股、IP股等可塑空間較細，依家市盈率(PE)28.5倍，唔係特別平，股價今日衝高後，升幅好快收窄，反映動力不足，佢對周黑鴨有條件再破位向上有保留。 |
|
| 黃敏碩 |
2025-07-15T09:59 |
王道資本及家族資產管理執行董事黃敏碩推介中國聯塑(02128) 推介原因： -內地大型管道及建材家居產業集團 -積極拓展輸氫管、輸油管等特種管道，並切入農業、畜牧等新興場景 -集團經營活動現金流淨額健康。 |
|
| 黃敏碩 |
2025-07-04T17:01 |
近日內地部分被關稅針對行業，包括鋼鐵、鋁材、光伏等產品紛紛被炒高，主要係傳出相關行業整頓產能過剩消息，包括據報唐山鋼鐵冶煉廠收到限產通知，於今日(4日)至7月15日生效，已經有多家鋼廠指收到通知，限產幅度30%，據行業估計，當地產能利用率或因而由83%降至70%，每日減少約3萬噸，部分鋼鐵股周三(2日)應聲炒高1倍，但昨日(3日)出現回調，產量大幅減少，點解相關股份咁快已炒完？ 王道資本及家族資產管理執行董事黃敏碩指，雖然供應大減，但仍要推升需求，股價先有機會保持升勢，另一方面，要經濟大環境好轉，發電、建築鋼材等需求增加，先可以支持到業績，鋼鐵股股價或業務本身都一直比較差，又缺乏市場信心推動，唔係一次減產就可以幫到行業翻身，加上鋼鐵行業同依家電子產品等熱門消費品慨關聯度較低，只能靠內需推動，所以一直落後。 |
|
| 黃敏碩 |
2025-06-24T16:46 |
Tesla慨Robotaxi係剛過去周日(22日)正式係得州落地，Tesla股價隔晚(23日)炒高8%。瑞銀假設技術、監管及規模化成功，至2040年車隊規模可達230萬架，瑞銀睇到咁遠，係咪反映Robotaxi距離規模化仲有一段長時間？短期又有咩值得留意？ 王道資本及家族資產管理執行董事黃敏碩指，Tesla作為先行者，本身技術有優勢，無論係規模效益、研發同投入開支上，競爭對手都難以超越。佢認為，未來需要留意Robotaxi定價同成本控制，能唔能夠維持高增長及高毛利率，甚至有機會面臨降價壓力，都有機會減低市場對Robotaxi慨憧憬。 Michael認為，目前難以預測Tesla長遠股價變動，因為Tesla自身因素、外來壓力等都會令股價有波動。 |
|
| 黃敏碩 |
2025-06-20T17:32 |
內地官媒今日(20日)指，盲卡及盲盒引發炒風對未成年人構成損害，認為當局要細化監管規則，向違規商家處以高額罰款。消息一出，即震散盲盒概念股，其中，泡泡瑪特(09992)一度大跌6.5%，低見232.2元，呢場殺緊埋身慨監管風暴殺傷力真係咁大？ 王道資本及家族資產管理執行董事黃敏碩指，其實官媒呢個只係「溫馨提示」，反映內地持續關注盲盒活動風氣，擔心兒童青少年會沉迷買賣，相信情況未嚴重到好似以往監管手遊咁，事態發展仍有待觀察，佢又認為，內地當局唔想睇住泡泡瑪特及布魯可(00325)股價係咁跌落去。 Michael認為，盲盒概念股今日大跌有另一個原因，其中，泡泡瑪特股價已只升不跌一段時間，加上有大行開始認為估值過高，同埋係低位買入慨投資者係時候計數，泡泡瑪特股價係呢些因素夾擊下就大跌。 |
|
| 黃敏碩 |
2025-06-17T10:14 |
王道資本及家族資產管理執行董事黃敏碩推介閱文集團(00772) 推介原因： - 去年文化產業知識產權(IP)價值綜合榜首5項中佔3席。 |
|
| 黃敏碩 |
2025-06-06T16:41 |
息率高又穩定慨內銀股，一向受國內及海外投資者歡迎，今年股價升30%或以上慨內銀唔少，其中，以重慶農村商業銀行(03618)表現最好，其次係中信銀行(00998)、瀘州銀行(01983)、徽商銀行(03698)等，過去投資者普遍聚焦中工建農四大行，但地區銀行或地區農商銀行表現更突出，重慶農商行有咩優勢？內銀股又應該點揀？ 王道資本及家族資產管理執行董事黃敏碩指，唔同地區有唔同優勢，重慶農商行主要負責慨地區，經濟增長比其他城市行得快，加上貸款需求持續強勁，兩方面都做得好之下，就可為股份帶來優勢，加上市帳率(PB)唔算高，有足夠增長空間，成為另一個有利之處。 Michael又指，選擇內銀股時，銀行慨地區好重要，招商銀行一向(03968)被視為大型股份中慨穩陣之選，但業績唔算好理想，反而其他經濟增長可觀慨地區銀行就做得更好。 |
|
| 黃敏碩 |
2025-06-03T10:04 |
王道資本及家族資產管理執行董事黃敏碩推介安徽皖通高速公路(00995) 推介原因： -兩條新收購高速，年利潤貢獻可以逾1.2億元人民幣 -隨居民收入水平上升，汽車保有量增長仍有空間，貨運也隨經濟發展向上 -預測市盈率(PE)10.1倍，比同行平均預測PE慨11.6倍為低。 |
|
| 黃敏碩 |
2025-05-29T10:24 |
王道資本及家族資產管理執行董事黃敏碩推介美的集團(00300)。 推介原因： -大力投資研發，提升競爭力。 -去年海外業務佔比逾40%，完成全球化布局。 -近年收入貢獻逐步擴大。 |
|
| 黃敏碩 |
2025-05-23T17:37 |
美團(03690)下周一(26日)派成績表，股價今日有得升，業績焦點會落係外賣業務，京東集團(09618)2月正式加入「外賣戰」，近期亦加大相關投資。大行對美團慨業績預測普遍正面，京東加入戰團對美團有幾大影響？ 王道資本及家族資產管理執行董事黃敏碩表示，睇返第1季，唔算係行業旺季，集團第3季業務部署方向都比較清晰，就係係強大競爭壓力下搵到出路，相信業務會進一步改善。 Michael又話，面對市佔率轉變慨壓力，美團無可避免要繼續投放資本，所以唔好對呢份業績睇得太樂觀，反而要留意管理層未來點樣推動新業務，令業務可以扭虧為盈，同埋點應對「內捲」問題及發展新業務，例如海外業務，呢些會比較重要，若新業務發展唔理想，有可能會拖低毛利率，因為人工及業務成本都增加，相信美團都睇緊業務有冇機會橫向發展，利用現有客戶關係帶動優勢。 |
|
| 黃敏碩 |
2025-05-20T10:32 |
王道資本及家族資產管理執行董事黃敏碩推介龍源電力(00916) 推介原因： -去年業績符預期。 |
|
| 黃敏碩 |
2025-05-16T17:43 |
內地餐飲股綠茶集團(06831)今日(16日)首掛，開市報7.19元，跟招股價持平，其後走勢轉差，最終以全日低位收市，報6.29元，「潛水」逾12%。綠茶集團公開招股超額認購逾310倍，市場反應都熱烈，點解首掛表現唔係咁理想？ 王道資本及家族資產管理執行董事黃敏碩指，綠茶集團慨餐價合理，但人工支出控制、「內捲」文化、內地通縮等問題仍未解決，加上市場對綠茶集團慨睇法及定位，跟茶飲股截然不同，反而會同百勝中國(09987)及海底撈(06862)等傳統餐飲股作比較。 Michael又話，內地餐飲業競爭激烈，既要成本控制，又要減價吸引客人，所以綠茶集團要提升毛利率係非常困難，亦好難獲得高估值。 |
|